DIAHUEBS 2 DECEMBER 2021

Diahuebs 2 December 2021

Solo di Pueblo

Aña 16 - edicion 553

E-mail: solodipueblo@gmail.

Prijs: Afl. 1.75

Patrick Paskel mester bisa si su trahador “Bennely” ta legal o ilegal Director di SVB Edwin Jacobs:

SVB TA CUMPLI CU PENSIOENADONAN Y TA PAGA PENSIOEN DI DECEMBER Y BONUS DI FIN DI AÑA

Dienst Warenkeuring en Hygiëne ta informa cu nan lo ta cera

Emblema di Hyundai a pega candela na Garage Centraal

MINISTER ENDY CROES A HAYA BISHITA DI SOCIEDAD DI BIJBEL DEN CARIBE HULANDES

2

Organisacionnan rond mundo ta sigui comprometi pa stop casonan nobo di AIDS, sigura derechonan di esnan cu ta biba cu AIDS y bringa e stigmatisacion y discriminacion cu esaki ta hiba cune. P’esey tur aña di nobo riba e fecha 1 di December organisacionnan di salud ta uni pa concientisa y informa mas riba e malesa di AIDS. E aña aki e thema pa "World AIDS day" ta "Ending the HIV Epidemic: Equitable Access, Everyone’s Voice". Esaki ta referi na e compromiso di diferente organisacionnan rond mundo pa trece un fin na e epidemia di HIV door di enfoca riba trece igualdad den servicio di salud y garantisa cu esnan cu ta biba cu HIV tin un voz. Mientras mundo completo ta hunto den e lucha contra e virus COVID-19, organisacionnan kier pa nos tur uni den mesun forma pa asisti y duna otro un sosten den area emotional como tambe den inovacion pa inverti den e comunidad di persona cu HIV. Pa e mes motibo aki, dia international di Aids ta un bon oportunidad pa informa nos comunidad di e estadisticanan actual y trece mas concientisacion riba HIV. E vision pa cu prevencion general mester keda e enfoke pa por reduci e cantidad di transmision. Na Aruba mayoria persona cu ta keda detecta cu HIV ta hende homber entre 25 y 44 aña di edad. A base di estadistica duna Aruba tin 30-35 caso nobo pa aña desde 2016. Esaki ta forma entre 0.027%0.031% di nos populacion. Prevencion ta e unico solucion ora ta trata di HIV. Comportacion y circumstancia cu ta pone un persona core riesgo grandi pa keda infecta cu HIV ta: • Tene relacion

Diahuebs 2 December 2021

World Aids Day

sexual, sea anal of vaginal sin proteccion. • Tin un malesa transmiti sexualmente (STD’s) manera herpes, syphilis, chlamydia, gonorrhoea y vaginosis bacterial. • Comparti hangua contamina na momento di haci tatuahe of inyecta cu substancia manera droga, steroids, botox etc. • Ta corta of pone piercing na e curpa uzando material infecta. • Accidentalmente hinca bo mes cu un hangua uza caba loke sa pasa bou trahadonan cu ta duna cuido. • Transmision di un mama infecta cu HIV pa su yiu durante embaraso, parto of dunando lechi di pecho. E sintomanan di HIV ta varia dependiendo di e fase di infeccion. Den e prome simannan despues di a keda infecta e persona por sinti poco keintura, dolor di cabes y garganta y sintoma manera cu e tin griep. Diaree constant pa mas cu un siman. Perdida rapido di peso y tambe herida den boca, anus y parti genital. Pero esaki no semper mester ta e caso, tin persona cu no ta experencia niun sintoma y ta haya sa cu nan ta infecta cu HIV den fase avansa di e malesa. HIV virus ta afecta e curpa su sistema inmunologico haciendo esaki vulnerabel y no por defende e curpa mas contra infeccionnan of di cierto tipo di cancer. Actualmente AIDS no tin cura, tur loke por haci ta trata e malesa cu medicamento antiretroviral pa yuda e curpa controla e virus pa asina e persona por hiba un bida ainda productivo y relativamente sano. Cada persona por proteha su mes door di disminui e factornan di riesgo door di: • Abstencion. • Uza proteccion na momento di tene relacion sexual.

• Ta recomenda pa test pa HIV si bo tin mas di un partner of a tene relacion sexual sin proteccion. • Ora di hasi uzo di hangua pa motibo hasi piercings, tatuahe, steroid of botox pa hasi uzo di hangua steriel y no comparti hangua. • Den duda, semper consulta den dokter di cas pa por hasi un test di HIV. Mientras cu mundo ta recorda 40 aña desde cu e prome caso y morto di HIV a wordo raporta, nos

por mira atras kico tur a wordo logra for di e tempo cu wordo diagnostica cu HIV tawata un sentencia di morto. Awe es cu wordo diagnostica cu HIV bou tratamento efectivo por hiba un bida largo y saludabel y AIDS den mayoria caso no por transmiti e virus mas pa un otro tampoco. Nos tin 1 biaha den bida e oportunidad pa combati HIV, pero mas importante ta pa sigi combati e stigma cu persona cu ta biba cu HIV ta experiencia

den nan bida. Bo aporte ta importante pa logra e vision di un futuro caminda cu HIV no ta un barera den salud y igualdad den nos comunidad. Pa cualkier otro informacion, por tuma contacto cu Departamento di Salubridad publico su seccion Servicio di Malesanan Infeccioso (DBZ) na telefon 5224200, fax 5827352 di 7:30-12:00 / 13:00-16:30 of via email dbz@dvg.aw

3

Diahuebs 2 December 2021

Patrick Paskel mester bisa si su trahador “Bennely” ta legal o ilegal Den e ultimo dianan por a tende cu 24 Ora, e voceronan y socionan di AVP y Mike Eman, ta trece informacion falso dilanti, unda ta acusa Minister Glenbert Croes di tin trahador ilegal. Ora Minister Glenbert Croes a rechasa rotundamente e acusacion falso aki, nan a cuminza cuestiona cu si e trahador tabata traha cu e mama, Sra. Glenda Croes. Nunca a nenga cu e dama a traha cu Sra. Glenda, y a pidi un permiso pe. Ley y maneho ta dicta cu si bo pidi un permiso, pa un caso special, unda ta trata cuido di un persona mayor di edad, tin espacio pa e persona por warda su permiso na Aruba. E permiso di DIMAS a wordo nenga y na October 2020 e trahador a sali na estado y asina a finalisa e tramite di permiso, pasobra e trahador a dicidi pa

regresa su pais. Sra Glenda Croes a retira su peticion desde October 2020 pa cual a entrega un carta na Dimas. Marco Espinoza 15 aña ilegal:

y cu Gobierno, tambe siendo ilegal. Nos tin un carta cu Marco a skirbi pa Mike: “un video, un papel”. Pronto nos lo publike. Ilegal Bennely;

Pa refresa memoria di Patrick Paskel, su mes trahador, Marko Espinoza a traha cune, siendo ilegal. Tambe Marco a traha cu Atv15

Pero pa nos keda actual; Actualmente Patrick Paskel tin un persona cu yama Bennely, cu ta trahando cune y segun informe e ta ilegal.

Nan ta evita di dune trabao di reportero riba caya pa e no haye den man di Warda Nos Costa. Informacion ta bisa cu ta Bennely, e ilegal di 24 Ora ta cana cu radio di polis y a wordo gara den Botica Oduber cu radio di polis hancho habri. Pues, ora kier cuida Aruba di cualke situacion cu ilegal of si traficacion di hende, nan mester

cuminza cu nan mes! No por ta asina cu poco dia pasa a baha mata Clyde di Envy, lastre sin piedad, despues bira ataka Glenbert riba falsedad y awor ta bin resulta cu Patrick mes tin ilegal den servicio. Ta cu cuanto midi bo kier midi? Si bo kier midi otro, anto cuminza na drecha bo accionnan!

Minister Xiomara Maduro di Finansa:

Aruba ta introduci un Garantia di Deposito pa sigura pago na e consumidor di un parti di e fondonan cu nan tin na banconan comercial

Den caso di un crisis, e consumidor tin un garantia pa haya parti di su placa cu e tin na banco Desde e crisis financiero di 2008, paisnan rond di mundo a introduci un garantia di deposito pa asina brinda e consumidornan e confiansa cu na momento cu presenta un crisis financiero y cu institutonan financiero no por cumpli cu nan obligacion financiero, e consumidor por ta sigura di haya un parti di e fondonan cu nan a deposita na e instancia

financiero. Pa haci e cambionan aki posibel, Parlamento di Aruba a cambia articulo 47a di e Ley di Supervicion di e Entidadnan Financiero pa intoduci un garantia di deposito den e sistema financiero di Aruba. For di aña 2014 caba Parlamento di Aruba a bin cu un mocion pa Gobierno traha riba un fondo di garantia di deposito

pa brinda proteccion na e consumidor ora cu banconan no por cumpli cu nan obligacion financiero of bay failliet. Recientemente den e Landspakket, Hulanda y Aruba a yega na e acuerdo pa introduci e garantia di deposito a corto plaso den nos leynan pa por sigura e stabilidad den nos sistema financiero y proteccion pa e consumidor. Diamars anochi e cambionan

necesario pa introduci e garantia aki a logra haya aprobacion di Parlamento di Aruba. Awor Minister di Finansa hunto cu Banco Central lo traha riba e Decreto Gubernamental necesario cu lo contene e reglanan y e institucion di e fundacion cu lo ta encarga cu e fondo di garantia pa deposito.

4

Diahuebs 2 December 2021

Emblema di Hyundai a pega candela na Garage Centraal

Diamars den careda di 8'or y 45 anochi, alarma a wordo bati pa un candela na Garage Centraal na Sabana Blanco. Un patruya di polis y dos unidad di brandweer a bay hopi lihe na e sitio. Na yegada enberdad brandweer a topa cu e

sign di luz skirbi Hyundai na candela. E emblema di Hyundai tabata completamente na candela y e candela tabata sigui expande. Na yega gran parti di e emblema a smelt y a cay ariba suela. Mesora brandweer a cuminsa combati e candela y hopi lihe nan a logra paga

esaki. Probablemente lo por ta trata di un kortsluiting na e sign. Coriente di Garage Centraal a ser kita pa evita

cualke otro kortsluiting cu lo por ocasiona mas candela. Despues di algun minuut

e doño di Garage Centraal a presenta y a habri e luga bay paden, poniendo nan mes na altura di locual a pasa.

5

Diahuebs 2 December 2021

Director di SVB Edwin Jacobs:

SVB TA CUMPLI CU PENSIOENADONAN Y TA PAGA PENSIOEN DI DECEMBER Y BONUS DI FIN DI AÑA December ta e luna cu SVB tin e payroll di mas grandi. Manera ta conoci pensioen di SVB ta wordo paga tur comienso di luna, pues pa december esaki ta 1 di december. E ley di AOV/AWW ta bisa cu pensionadonan di AOV/AWW tin derecho riba bonus cu ta 75% di e pensioen cu nan ta cobra tur luna. 1 di december SVB ta paga e pensioen hunto cu bonus, pues diamars 30 di november SVB a manda e ordo di pago trempan (23 miyon na pensioen y 15 miyon na bonus), pa tur banco asina Director di SVB Edwin Jacobs a informa. Esnan cu ta cobra via ATM ya dia 30 atardi por tabatin acceso na esaki. E hecho cu SVB ta dispone di e fondonan ta grandemente debi na e desaroyo cu a conoce despues di e pandemia. Despues cu na maart 2020 a conoce

e lockdown y april a bira mas bisto na nivel macro/socio-economico e efecto cu e pandemia tin pa e pais. E proyeccionnan cu tabatin pa likides di e fondo di pensioen di biehes, di huerfano y di viudo no tabata duna cu ta pasa e prome kwartaal di 2021. A premira cu e tiki reserva cu a crea di añanan 2017, 2018 y 2019, lo a desaparece den e prome kwartaal di 2021. Segun sr. Jacobs, ora cu Gobierno a presenta su plan pa sostene empresanan mediante areglo di ‘loonsubsidie’ y e areglo financiero di MKB, esakinan a yuda mantene salario y mantene e primanan cu a bay pa e fondonan di siguridad social tanto AZV como tambe AOV, cual ta loke a yuda wanta e fondo. Na 2020 primanan a cay cu apenas 14% mientras cu tabata premira cu e lo

tabata mucho mas, pues areglo di subsidio a yuda pa e parti ey. Na momento cu a cera fin di aña, trahando riba presupuesto 2021 e proyeccion tabata mustra poco pesimista, cu no lo a yega november cu suficiente placa den caha. Pero a mira e recuperacion economico den e di dos mita di aña 2020 y hunto cu e subsido di salario na 2021 a yuda e fondo aki.

Te cu october, apenas cu 9% e primanan aki a cay. Tur esaki a contribui cu e reserva cu tabatin den añanan prome cu pandemia a logra wanta e fondo aki a pesar di e slanan cu a ricibi, sr. Jacobs a splica. Concluyendo sr. Jacobs a bisa: “Aruba ta bendiciona di por logra wanta e sistema di siguridad social a pesar di e efecto grandi cu tin mundialmente. Esaki

ta debi na diferente factor manera e entre otro areglo di subsidio di salario cu a logra mantene e primanan y e crecemento / recuperacion acelera cu nos pais ta experienciando economicamente impulsa pa turismo. Tur esaki a conduci cu SVB por a cumpoli cu pensioenadonan pagando e december aki.

Prome Minister Evelyn Wever-Croes:

PROME MINISTER A BISHITA SEÑORA YVONNE LACLÉ-DIRKSZ Prome Minister Evelyn WeverCroes a bishita Señora Yvonne Laclé-Dirksz na Kabinet Gouverneur. Señora Laclé-Dirksz pa e ultmio 5 añanan tawata Gobernador Interino di Pais Aruba. Señora Laclé-Dirksz a sirbi nos Pais y Reino na forma ehemplar, asistiendo caminda cu por cu conseho y guia durante ausencia di Gobernador di Aruba Su Excelencia Alfonso Boekhoudt. Señora Laclé-Dirksz, pa medio di un carta dirigi na Su Mahestad

Rey Willem Alexander, a haci peticion pa Rey concede su retiro di su funccion como Gobernador Interino prome cu fin di termino. Esaki pa dedica mas tempo na su famia. Prome Minister den nomber di Gobierno di Aruba, ta gradici Señora Laclé-Dirksz pa su dedicacion y servicio den su funccion como Gobernador Interino y ta desea Señora Yvonne Laclé-Dirksz exito y tur cos bon.

6

Diahuebs 2 December 2021

Habitante ta informa cu desconocidonan a basha gasolin riba su cas na Alto Vista

Diaranzon madruga a drenta informe di cu desconocidonan a basha gasolin riba su cas na Alto Vista, mesora a dirigi patruyanan di Noord na e sitio. Na

yegada

di

e

patruyanan nan a pita y zona e sirena pero esnan na e adres indica no a sali. A purba yama e informante bek pero no tabata responde y polisnan despues di varios intento a sigui cu nan patruyahenan.

7

Diahuebs 2 December 2021

MINISTER ENDY CROES A REUNI CU SOCIAAL MAATSCHAPPELIJK WERKERS DI DIENST PUBLIEKE SCHOLEN

Minister di Enseñansa y Deporte Endy Croes tabatin su prome encuentro pa sera conoci y combersa cu e Sociaal Maatschappelijk Werkers ‘SMW’ers di Dienst Publieke Scholen cu ta resorta directamente bou di Ministerio di Enseñansa. Den e proyecto aki ta trahando hunto cu Ministerio di Asuntonan Social. E tabata un bon reunion unda cu e SMW’ers por a vocifera

nan inkietudnan. Hunto cu Minister Endy Croes su dos conseheronan riba tereno di enseñansa tambe tabata presente pa scucha diferente puntonan di preocupacion a wordo treci pa dilanti y kico nan mester pa mehoracion di nan trabou Durante e reunion diferente puntonan cardinal cu a bin dilanti manera; (1) E deseo un ampliacion y (2)

‘K ilometer vergoeding’ husto pa e trabou cu nan ta eherce. Tambe a bin pa dilanti e sugerencia pa uni tur e SMW’ers di e diferente ‘school bestuur’ di Aruba pa asina por duna un ayudo mas organisa y caminda un por yuda otro. E SMW’ers a expresa

di ta hopi contento cu e acercamento di Ministerio di Enseñansa y Deporte y cu a haya oido y participacion. Minister Endy Croes ta reconoce e trabou importante di e profesionalnan aki pa cu nos studiantenan

den enseñansa. E trabou di un SMW’ers sigur ta un sosten grandi pa tur nos docentenan. E mandatario su deseo y empeño ta pa soluciona problematicanan mas tanto posibel, crea espacio pa trankilidad, paz y mehoracion den e tereno di enseñansa.

8

Diahuebs 2 December 2021

Prome Minister Evelyn Wever-Croes:

PRESENTACION DEN PARLAMENTO DI GOBERNADOR INTERINO DI ARUBA SU EXCELENCIA AGUSTIN VROLIJK Diamars 1 di december a tuma luga den sala di Parlamento e presentacion di Gobernador Interino di Aruba Su Excelencia Agustin Vrolijk. Gabinete Wever-Croes tawata presente na e reunion solemne aki. Presidente di Parlamento, señor Edgard Vrolijk, a duna un discurso cu palabranan hopi bunita scogi dirigi na Su Excelencia Agustin Vrolijk. Su Excelencia Agustin Vrolijk tambe a duna un discurso hopi elocuente. Den su discurso e no a para keto solamente na su experiencia y conocemento y con e por aplica esaki den su trabou pero tambe riba puntonan cu e ta kere cu nos como comunidad mester enfoca riba dje manera enseñansa, educacion y formacion. Den esaki, Prome Minister a expresa di ta di acuerdo cu ne. Prome Minister den nomber di Gobierno di Aruba, ta felicita Su Excelencia Agustin Vrolijk den su funcion di Gobernador Interino di nos pais. Alabes, Prome Minister ta gradici Gobernador Interino saliente, Señora Yvonne Laclé-Dirksz pa su 5 aña den e posicion aki di un forma hopi digno na unda cu el a enfrenta varios reto na un manera ehemplar. “Mi mester bisa cu pa mi como Minister President, e 4 añanan aki Señora Yvonne Laclé-Dirksz tabata un sosten hopi grandi na momento cu Gobernador Su Excelencia Alfonso Boekhoudt no tabata na Aruba. Mi ta spera cu e mesun cooperacion por sigui cu Su Excelencia Agustin Vrolijk. Mi ta desea Gobernador Interino di Aruba Su Excelencia Agustin Vrolijk hopi exito y hopi bendicion di por haci e trabou aki den interes di pais Aruba”.

9

Diahuebs 2 December 2021

Sintonisa Canal 22 awenochi 8.30pm pa otro edicion di E STREA di Fin di Aña cu Muchanan di Mama Rosa

E tenmporada di mas bunita y dushi di aña ta sigi den full swing, e temporada di Fin di Aña, apesar di tur momentonan dificil cu mundo henter ta pasando aden, nos ta keda cu hopi FE y Speranza cu tur cos lo sigi cana bon y e show di Pasco di Canal 22 E STREA di Fin di Aña tin e meta pa trece y lanta e animo den cada hogar cu dushi

musica di e temporada cu nos artistanan local presentado nan produccion pa 2021 Presenta pa Sandra Croes y Francis Tromp, sintonisa e show di Pasco awenochi 8.30pm atravez di Canal 22 Mas di e ultimo edicion diamars pasa, por wordo aprecia riba e photosnan aki,

10

Diahuebs 2 December 2021

Studiante di Organization, Governance and Management ta anuncia resultado di rifa

Diadomingo 21 di November, e studiantenan di Organization, Governance and Management a saca e ganadornan di nan rifa. E rifa a ser organisa den cuadro di un excursion educacional cu a tuma lugar na Den Haag, Hulanda den luna di november. E excursion tawata parti di e ‘Minor Kingdom Relations’ pues, un curso tocante e relacionnan gubernamental entre e miembronan di Reino Hulandes. E curso aki ta ser duna door di ‘The Hague University of Applied Sciences’. E studiantenan a bishita diferente institucion entre otro; ‘Raad van State’, ‘Tweede Kamer’ di Hulanda y ‘Ministerie van Onderwijs, Cultuur en Wetenschap’. E studiantenan tawata tin un experiencia cu hopi enseñansa y tawata tin e gran oportunidad di comparti cu diferente lider den e tereno di gobernacion den Reino Hulandes. E resultado di e rifa ta lo siguiente: Premio 1 Weekend stay na La Cabana Ganador: Marcia Boekhoudt Ticket ganador: 322 Premio 2 De Palm Tours Submarine Gift Certificate Ganador: Krozendijk Pest Management Ticket ganador: 119 Premio 3 Matthew’s Gift Certificate na balor di 100 dollar Ganador: Boogaard Assurantiën Ticket ganador: 378 Premio 4 Gianni’s Gift Certificate na balor di 75 dollar Ganador: Rebecca Maduro Ticket ganador: 279 Premio 5 Certificado di Faro Blanco Restaurant Ganador: Imelda Schoop Ticket ganador: 153

Premio 6 Certificado di Santos na balor di 25 dollar Ganador: Milaine Fingal Ticket ganador: 061 Premio 7 Certificado di Santos na balor di 25 dollar Ganador: Boogaard Assurantiën Ticket ganador: 390 Lo tuma contacto cu tur ganador telefonicamente. Ta pidi tur ganador pa trece un identificacion valido y e ticket ganador pa reclama nan premio. Lo entrega tur premio dia 6 di December 2021 pa 2 or di atardi na Universidad di Aruba. Por tuma contacto libremente na 661-0550 (Mirriene Fingal) of via email na mirriene.fingal@ student.ua.aw. Na nomber departamento di OGM y di e studiantenan cu a participa den e excursion educacional, ta gradici Universidad di Aruba y tur esnan cu a contribui na un of

otro forma na e realisacion di e excursion aki. Ta gradici specialmente r an cu a yuda recauda fondo

11

Diahuebs 2 December 2021

Gregory Bronswinkel

Retonan, Liderasco y Curashi pa Cambia E retonan cu nos ta enfrentando den nos comunidad no ta simpel. Nan ta compleho y dificil. Algun ta di corto plazo y otro ta di largo plazo. Pero tur reto ta pone cu nos tin cu tuma un decision y scohe na momento cu nan ta surgi. Scohe entre esun cu ta fasil of esun necesario pa cambia y bai dilanti. Scohe entre interes personal of interes general di nos pueblo. Pa tuma un decision y scohe cu sabiduria y compasion ta rekiri un curazon puro y di curashi. Nos ta wak e necesidad di scohe durante di e pandemia di COVID ora nos libertad personal ta clash cu e interes di cuida salud di nos famia y henter comunidad. Nos ta wak esey den e discucion y resistencia di cambio pa energia renovabel (energia di biento y solo) y nos custumber di usa energia cu ta bini di petroleo. E cambio aki ta inevitabel, pero e dolor ta den accepta cu nos mester pone panelnan di solo varios

caminda of porta mulinanan di biento na canto di nos costanan. Ta obvio cu nos no por sigui usa energia di e forma actual. Un di e retonan grandi cu nos tin awor ta e necesidad pa gobierno baha su gastonan di personal den forma structural. Pero e reto primordial mes di un lider ta pa inspira creatividad y boluntad den pueblo pa pone prioridadnan nobo, inovativo y organisa actividadnan economico y social. Asina nos lo e n g r a n d e s e oportunidadnan di enseñansa, calidad di bida y salud, vivienda y trabou pa un y tur. Sabiduria y Compasion Apelacionnan pa actua hunto, pa sacrifica hunto, pa entrega di nos mes pa e interes general ta bayendo perdi y no ta hayando oido. E balor di sabiduria y compasion ta bay perdi ora un hende, institucionnan of gobierno no actua segun e balornan elemental di sabiduria y compassion. Esaki ta e

Local comercial ta huur na Sta cruz

Pa info 7390101

realidad cu ta prevaleciendo rond di nos actualmente na Aruba y na varios otro paisnan na mundo henter. Nos no mester lubida cu nos tur ta hunto den e mes un barko. Falta di sabiduria pa trece perspectiva, bienestar, calidad di bida den ful nos pueblo ta un indicacion serio di falta di compasion. Compasion ta un elemento esencial pa un comunidad sano, feliz, cu su reglanan, su orden y su responsabi lidad na n. Compasion ta e base pa bienestar y harmonia. E ta e curazon di e mama of tata cu ta sacrifica di come un pida pan pa su yiunan come mientras e mes ta bai drumi bariga bashi. E ta e balor cu nos ta siña como mucha riba tereno di deporte ora nos ta hunga pa nos team gana pero despues nos ta duna man na esnan cu a perde. E balor aki nos por siña hopi mas na scol, pa competi menos y yuda esun cu ta cayendo atras. Colabora

pa nos tur progresa. E curazon di compassion aki ta locual ta haci un persona, un grupo of un pais fuerte y resiliente. E gran responsabilidad di lidernan di comunidad, lidernan social, sindical, comercial y gobernamental ta pa preveni e desintegracion, disharmonia y polarisacion entre nos comunidad a todo costo. Esaki mester manifesta den palabra y comportacion.

Sabiduria y compasion ta e forsa di un comunidad y ta crea e boluntad espontaneo pa sacrifica y yuda otro den harmonia. Nos no tin cu competi cu otro henter ora. Nos no ta contrincante di otro den tur situacion. Nos ta mas fuerte como persona, grupo y pais ora nos tur ta fuerte. Pasobra tardi of trempan, morto, dolor y sufrimento ta bati na porta di nostur.

Dienst Warenkeuring en Hygiëne ta informa cu nan lo ta cera 01 december 2021. Pa medio di e comunicado aki Dienst Warenkeuring en Hygiëne di Departamento di Salud Publico ta informa cu nan lo ta cera pa publico riba diabierna dia 3 di december 2021 parti atardi cuminsando for di 12:00 di merdia.

Tuma bon nota cu diabierna dia 3 di december 2021 lo otorga e carnet di Salud (ex-carchi berde) solamente parti mainta, entre 7:45 – 11:45. Di parti di Dienst Warenkeuring en Hygiëne nos ta pidi disculpa pa cualkier inconvenciencia cu esaki por trece cu ne.

12

Diahuebs 2 December 2021

Durante e Conferencia 35 Aña Status Aparte-Aruba Ta Di Nos Tur:

Declaracionnan di tres Ex-Minister President elaborando riba e lucha prome y e desaroyo di nos Status Aparte encargo y tarea grandi pa pone Aruba riba pia na un nivel aceptabel pa henter comunidad.

E aña aki Aruba a conmemora 35 aña di Status Aparte den Reino Hulandes. E lucha pa Status Aparte a cuminsa den añanan 30 y a concretisa dia 1 di januari 1986. E Status Aparte cu a bira realidad danki na e union di henter e pueblo Arubano. Status Aparte a trece hopi beneficio y prosperidad pa Pais Aruba ya cu nos a haya e instrumentonan economico den nos propio man pa desaroya e pais aki exitosamente. Desde Status Aparte Pais Aruba a conoce cuatro Prome Minister, kendenan durante mas cu un gobernacion a

sirbi y duna nan maximo esfuerso pa edifica e Pais aki. Cu awe Pais Aruba por conmemora 35 aña di Status Aparte, ta danki tambe na e contribucion valioso di cada mandatario. Durante e ‘Conferencia di 35 Aña Status Aparte – Aruba Ta Di Nos Tur’ a presenta un video cu declaracionan refiriendo na nos Status Aparte, haci pa tres Ex-Minister President di nos Pais. Sr. mr. Jan ‘Henny’ Eman e prome Minister President di Pais Aruba a recorda cu despues di un lucha di mas di 50 aña Aruba a bira pais riba su mes cu e

Sr. Nelson ‘Nel’ Oduber e segundo Prome Minister di nos pais cu a guia 4 gobierno a trece dilanti cu tur locual Aruba a pasa den e proceso pa logra Status Aparte. ‘Pais Aruba tin su propio Gobierno y tur su institutonan y e desaroyo cu Pais Aruba tin awe, ta danki na e instrumentonan cu Betico Croes a laga atras pa Aruba mes por a desaroya nos pais, sin cooperacion di Antias Hulandes y esaki ta danki na e Status Aparte’ tabata palabranan di Sr. Nelson Oduber. Sr. mr. Michael G. ‘Mike’ Eman, e di tres Ex-Prome Minister desde Status Aparte a comparti cu dentro di tur emocion y sentimento di compromiso a nace e deseo, e forsa y impulso pa Aruba ta autonomo. E sentido di racionalidad pa busca e miho modelo na unda por duna contenido na propio sentimento di como pais chikito tambe por progresa den mundo y

bay padilanti. Locual ta resalta den e declaracionan di e ExMinister Presidentnan ta cu danki na e Status Aparte nos Pais Aruba a

haya e instrumentonan economico den nos propio man pa desaroya Pais Aruba exitosamente e ultimo 35 añanan

13

Diahuebs 2 December 2021

REMITIDO

HUEZ Y FISCAL CU A DUNA E PEDOFIL M. 4 aña di prizon so pa abusa di su YUINAN, TA E CRIMINALNAN DI MAS GRANDI CU ARUBA CONOCE Aruba no por sigiu traha cu sorto di imbecilnan cu ta yama nan mes Huez of Fiscal. E sentencia cu e dos huesnan aki al estilo animal ariba dos pata a duna M, cu a abusa di su dos yuinan, ningun hende na Aruba lo bai acept’e, pasobra e ta hinka rabia y gana di mata un pedofil despues kap’e of corta su parti intimo afo. E fiscal burdugo y e huez burdugo, unda boso consenshi a keda. Si tawata boso yui, M a abusa di nan, con boso lo a huzga e pedofil M. Foei Huez y Foei Fiscal, Boso tambe mester wordo castiga pa complice di e pedofil. Boso ta haci e abuso ey, pasobra tanto un huez y un fiscal sa masha bon cu un pober no tin plaka pa por bai den Beroep pa buska su derecho. E pedofil ey su castigo mester ta 20 anja di prizon minimo, of bida largo, pa E haya un les di su bida cu un criatura indefenso Bo no ta mishi cun‘E sexualmente, y pone chupa su parti intimo, piyo ainda cu M ta nan tata. E pedofil M a plania di hopi tempo pa E bai abusa sexualmente di su dos yuinan, uza coca no ta un hustificacion pa suavisa su sentensia na 4 aña. Ta ki clase di huez nos tin aki na Aruba???. E dos animalnan ariba dos pata cu a sentencia M cu 4 aña di prizon, op stande voet mester manda nan cas, y castiganan cu Prizon di e sentencia pa e abuso cu nan tambe a comete cu E dos criaturanan. Mi Gran Dama Min Pres Evelyn Wever Croes y Minister di Husticia Rocco Tjong momento a jega awo, pa cambia e leynan antiqua cu Aruba tin, y haci algo pa caba y cambia e leynan di castigo

maximo cu no ta sirbi pa nada, pa castigo minimo di 20 anja di prizon, pa proteha e criaturanan di abuso sexual. Abuso sexual di menornan a bira alarmante na Aruba, y e castigo pa un pedofil awor aki, ta un Golden handshake di 4 aña nan ta haya di un Huez y un Fiscal. Rabia tin mi awor aki domina. Abuso sexual di menornan a jega su Piek, y un castigo minimo y severo ta na su luga awor aki. Mi plegaria mi a bai cun’E serca Hof, y Hof a contesta mi pa bai Staten, mi a bai O.M serca Mr Deutecom, y su contesta tawata cu E tin mi precupashon den considerashon, mi a bai serca P.G Alexander v/dam cu E carta di Hof, y P.G a bisa mi cu ta STATEN mester cambia leynan pa un Huez por ehecute, cu mi carta di Hof P.G Alexander a bai cun’e serca Arthur Dowers pa pidië pa cambia e ley di castigo maximo den Staten pa un castigo mas severo pa un Pedofil, y Dowers no a hasi nada. Un castigo di 15 aña cu nos tin awor aki no ta juda, pasobra e Huez ta haci locual cu E kier. Ata prueba aki 4 aña di prizon M a haya debi cu M a abusa sexual di su yuinan y a pone su yuinan CHUPA su parti INTIMO. Esta vies, detrimental y horibel pa e pober criaturanan aki. Si esaki no toka Curazon di nos Gobernantenan, ta nifica cu nan tur ta PRO Pedosexual y Pedofilnan. Mi tambe ta victima di abuso sexual tempo mi tawata den eerste klas, awe mi tin 79 anja, y mi ta biba cu e deseo di weita un pedofil castiga pa 20 anja di prizon minimo, pa mi por muri trankil. Gobierno nan ta bin y Gobierno nan

ta bai, pero te ainda ningun di nan a haci algo na defensa di e victimanan di abuso sexual, y castiga e pedofilnan cu un castigo minimo di 20 aña of bida largo. Un castigo maximo ta un jojo pa un huez of fiscal hunga cun’e. Ta bira tempo pa esnan cu ta Arubiano y ta traha den Ministerio di Husticia stop di colga na saya di cachi cambitonan, y implementa husticia den inhusticia. E tendencia cu e mesa ta berde, no ta nifica cu tur hende ta narco mafioso den Husticia. Kiko huez y fiscal kier pa Aruba bai subi caya mescos cu macambanan a hasi na Amsterdam. Nos ta Arubianonan pasivo pero no laga nos perde pasenshi, y otro gai lo canta den dia cla. Kiko ta e motibo cu Reclassering y otro Fundashonnan ta sinta man cruza, y no ta haci nada, corda cu ta pueblo ta paga Boso e salariasco cu Boso tin. Sociale Zaken pakiko no ta exigi castigo minimo pa un pedofil, cu Bla Bla Bla bo no ta juda ningun hende, pero cu echos si. Mi tambe tin e derecho di Libertad di exprecion, y mi ta exigi pa tur instancianan concerni cu ta traha cu menornan indefenso na Aruba pa lanta para y defende nan, pa mayornan por drumi trankil na nan cas tur anochi. PEDOSEXUAL TA E TORO CU BO NO MESTER GARE NA SU CACHO, BO MESTER MAT’E Hiacintha Thijsen Trimon Savaneta 210-A Tel 584-7280

Ban sigui proteha Siguiendo e flexibilisacion di medidanan pa cu Covid-19, Directie Voogdijraad ta informa pueblo di Aruba lo siguiente: •

lo mantene protocol di hygiena na entrada y den e spreekkamernan;

•

uso di tapaboca na momento cu bo persona tin un cita ta obligatorio.

Si tin cualkier pregunta, por tuma contact cu nos na 582-1262 of por manda un e-mail na directie.voogdijraad@ aruba.gov.aw y nos lo tuma contacto cu bo persona mas pronto cu ta posibel. Nos lo keda monitor e situacion y lo informa debidamente segun e desaroyonan.

Por ultimo nos ta enfatisa e responsabilidad individual di un y tur pa preveni e contagio di Covid-19.

14

Diahuebs 2 December 2021

Buki Formacion di un actor

Recientemente a lansa su buki riba mercado specialmente pa nos hubentud e buki "Formacion di un actor" scirbi pa Lenie Henttu

Jeandor. Lenie a studia na 4 aña na teatro Juana Sujo, caminda e la sinja arte esenarico . Aki

a siña diferente

metodonan pa por bira un bon actor. E buki aki por hasi bestelling serka Lennie via email arubalenie@gmail.com.

Durante Conferencia 35 Aña Status Aparte -Aruba Ta Di Nos Tur:

Melendy Bisslik - Neuman a presenta e Poema “Union…..e yabi” E poeta Melendy BisslikNeuman ganador na dos ocasion di e competencia di Poeta di Patria, a presenta e poema “Union….e yabi” durante e Conferencia 35 Aña Status Aparte - Aruba Ta Di Nos Tur. Un bunita inspiracion pa conmemora e 35 aña di Nos Status Aparte caminda a trece dilanti e curashi y balentia di Aruba como pais chikito pa enfrenta e retonan pa asumi e responsabilidad den union como nacion nobo. E poema tabata lo

siguiente: Manera un solda, para firme den su sapatonan ta controla su alrededor y cu’n mirada leu den horizonte ta sigura cu e ta e protector. Tamaño di un prikichi entre e otronan, cu un gana ferviente pa habri su halanan, laga e neishi y demostra cu e ta fuerte. Entre tur e risco cu por tabata tin, e curashi y sentido di responsabilidad a sobresali. E union, sabiduria y perseverancia di su hendenan tambe a

contribui. Para kinan pa 35 aña cu propio identidad, bulando bareranan y buscando otro oportunidad. Tin confiansa cu lo sigui logra, hunto cu su hendenan yena cu creatividad. Mantene fe y speransa pa sigui enfrenta retonan ta e meta primordial. Su caracter cu caracteristicanan fuerte di orguyo y balentia ta keda e hermentnan esencial. Cu man na curason y

frenta na laira, hunto lo percura pa sigui florece y cu tin e forsa pa semper persevera. Aruba Dushi Tera - Aruba Ta Di Nos Tur. Gobierno di Aruba ta gradici Sra. Melendy

Bisslick-Neuman pa su contribucion y inspiracion pa nos pais mustrando cu union ta e yabi pa sigui traha enfrentando e retonan pa asina por alcansa e prosperidad di nos pais.

15

Diahuebs 2 December 2021

Meet & Greet cu e artistanan cu a diseña e First Day Cover Envelopes pa Aruba den 2021!

Riba Diabierna 3 di December, 2021, e diseñadornan di e First Day Covers pa Aruba den 2021 lo tey presente na Post Aruba Oranjestad, di 10am te cu 12pm, poniendo nan firma riba e First Day Covers cu nan a diseña. Un First Day Cover, na Papiamento Envelop di Prome dia di Emision, ta un producto filatelico (estudio di stampia y historia postal) cu ta consisti den envlelopes cu tin e stampianan di e

emision pega riba dje y e tin stempel di e fecha di e emision. E ta bin cu un diseño na e banda links cu ta relaciona cu e tema di e emision. E artistanan cu lo tey presente ta: - Sr. Elvis Tromp cu a diseña e serie Agricultura, emiti riba 16 di november 2021, y - Sra. Rhona Lemminga cu a diseña Tecnica di piscamento y cu lo wordo emiti riba e diabierna 3 di december 2021.

Ademas, Sr. Arthur ‘Tui’ Giel, kende ta un piscador local cu a wordo ilustra riba e stampia di 100c di e emision Tecnica di piscamento, tambe lo tey presente pa firma e First Day Covers y duna esakinan un balor agrega.

Esaki lo ta un oportunidad unico pa cera conoci cu nos artistanan local y adkiri un bunita producto di coleccion cu un gran balor. Pa mas informacion tocante e actividad aki of productonan filatelico,

por tuma contact cu Post Aruba via philatelic@ postaruba.com of por yama na 528-7678. Si bo ta desea di keda na altura di tur e emsisionnan filatelico di Aruba, please like e pagina di Facebook Aruba Stamps.

16

Diahuebs 2 December 2021

MINISTER ENDY CROES A HAYA BISHITA DI SOCIEDAD DI BIJBEL DEN CARIBE HULANDES

Recientemente sr. Armin Elisa director di Sociedad di Bijbel den Caribe Hulandes y sra. LieSjenka Croes coordinador di Cas di Bijbel Aruba, a haci un bishita di cortesia serca Minister di Enseñasa y Deporte sr. Endy Croes. Durante e encuentro ameno a haci entrega na e mandatario di un buki nobo cu a caba di wordo publica. Ta trata aki di e buki ‘Ban lesa Bijbel hunto den 100 stap’. E ta un bijbel pa mucha skirbi den idioma di Papiamento specialmente pa lesa hunto den famia

of den grupo. E buki ta originalmente na idioma Hulandes ‘Samenleesbijbel 100 stappen’ y keda traduci y revisa pa sra. Selvia Lumenier y sra. Elvia Solognier- Croes cu a traha cu hopi amor y dedicacion riba e proyecto aki. Minister Endy Croes ta felicita Sociedad di Bijbel den Caribe Hulandes cu lansamento di un bunita buki den nos dushi idioma di Papiamento y gradici tur esnan cu a contribui cu e proyecto ta un realidad.

Instalashon Zayènne van Heesen-Laclé como raadsheer Luna pasá a keda instalá como raadsheer, es decir juez di corte di apelashon, na Hulanda mr dr. Zayènne van Heesen-Laclé (Aruba, 1979). E instalashon a tuma lugar durante un seshon extraordinario di Corte di Apelashon di ‘s-Hertogenbosch dia 15 di oktober ultimo. Famia y amistadnan cercá di Zayènne van Heesen-Laclé tawata presente pa celebra cuné e etapa nobo aki den su carera juridico. Van Heesen-Laclé a cuminsa su carera juridico na facultad di derecho na Universidad di Leiden despues di a gradua na 2003 na dicho facultad. Despues di finaliza su thesis di doctorado na 2007, Van Heesen-Laclé a traha como abogado. Prome na e oficina NautaDutilh Amsterdam y seguidamente na e bufete di abogado di Provincia Noord-Holland (PNH Advocaten) na Haarlem. Na 2019 Van Heesen-Laclé a inicia su carera judicial. Durante di dos aña Van Heesen-Laclé a haña e oportunidad pa traha y practica na diferente instancia judicial, entre cual tribunal di OostBrabant, corte di apelashon di ‘s-Hertogenbosch y Corte Supremo na Den Haag como parti di du educashon judicial (rhioopleiding). Na september di e aña aki Van HeesenLaclé a finaliza dicho educashon y entrante 1 di oktober 2021 Van HeesenLaclé a keda apuntá a base di Decreto Real como juez na Corte di Apelashon di ‘s-Hertogenbosch, na departamento di casonan comercial civil. Durante di e seshon di instalashon, presidente

di Corte di Apelashon di ‘s-Hertogenbosch a memora cu Zayènne van Heesen-Laclé, for di tempo cu e tawata estudiante te cu actualmente a dedica gran parti di su tempo liber na su isla natal Aruba. Formando parti di diferente directiva, entre otro Societas Iuridica Antiliana et Arubana (SIAA), Overlegorgaan Caraïbische Nederlanders (OCaN), Stichting ABC Advies y Genootschap Nederland-Aruba (GNA). Otro tópiconan cu a ser trata durante di e charla di presidente di hof y procureur-generaal di ressort ‘s-Hertogenbosch durante e ceremonia

di instalashon, tawata e retonan cu e sistema judicial ta enfrentando, entre otro e pandemia actual, e necesidad pa keda enfoca ariba e dimension humano den desishonnan di corte y e efectonan pa e estado di derecho despues di e asesinatonan tragico di abogado Van Wiersum y e periodista Peter R. de Vries. Por ultimo e deken di orden di abogado di ressort Den Bosch a illustra e discushon actual encuanto e uso di terminologia Hulandes masculino pa juez di Apelashon (raadsheer) den un era moderno den cual inclusividad ta requeri un termino neutral.

Pagina 17

Diahuebs 2 December 2021

TENE NA CUENTA E USO DI TAPA BOCAS

289 studiante di EPB a disfruta orientacion di propiedad na resortnan di ATSA ORANJESTAD – Den luna di November, studiantenan di EPB San Nicolas hunto cu EPB Oranjestad a wordo transporta na resortnan participante di ATSA na unda cu na nan yegada nan a wordo yama bon bini por medio di e General Manager of representante di gerencia kende a dirigi nan na un meeting room pa un bon bini oficial hunto cu un presentacion, cu e meta di descubri Aruba Timeshare Association. Durante dos dia, e propiedadnan di timeshare a habri nan portanan pa informa y educa studiantenan di EPB tocante e industria hotelero riba nos isla. E studiantenan a bishita tur departamento, nan a haya un bista general di e actividadnan diario rekeri pa sirbi e bishitantenan y yuda progresa Aruba su industria exitoso di hospitalidad. “Nos ta mira e bishita aki como uno vital,” presidente di ATSA, hotelero Luigi Heredia ta splica, “na unda cu studiantenan ta enfrenta nan posibel futuro hefenan di trabao pa prome biaha, nos ta purba na motiva nan pa join e industria y bira pasiona tocante loke nos ta haci.” E studiantenan y nan mentornan ta bini for di ambos EPB Hato y San Nicolas, y nan ta raporta di por a disfruta e bishita y encuentro na final di e mainta. ATSA a patronisa e bishitanan aki pa varios aña caba, cu e meta di por expone nos hobennan na e ciclo di educacion profesional basico pa hospitalidad. E resortnan cu a participa e aña aki tabata, Amsterdam Manor Beach Resort, La Quinta Beach Resort, Costa Linda Beach Resort, Casa del Mar Beach Resort, Playa Linda Beach Resort, Eagle

Aruba Resort Casino, Caribbean Palm Village, and Paradise Beach Villas. Den e imagennan por mira algun momentonan di un dia hopi disfruta. Manera e imagennan ta mustra, e programanan pa e studiantenan a wordo diseña cuidadosamente pa cubri e departamentonan manera

mantencion, Food & Beverage, Front Desk, Housekeeping, Administration, Security, y Sales. E tours a wordo conduci por medio di e managersnan di e departamento hunto cu e supervisors. E resort tambe a organisa un feedback session net prome cu sirbi e studiantenan algun bebidanan y lunch den un encuentro, na unda e enfasis a keda riba un tremendo

interaccion, envolvimento y pasion. Topiconan cu a wordo cubri: Structura di maneho general y cantidad di departamentonan den e resort; structura individual di departamentonan; dress codes pa e industria; con pa ta servicial; disciplina na trabao; carera y oportunidadnan pa crecemento, y finalmente pasando bon haciendo loke bo ta haci.

Pagina 18

Diahuebs 2 December 2021

DISCURSO NA OCASION DI REUNION SOLEMNE DI PARLAMENTO DI ARUBA GOBERNADOR SUPLENTE DI ARUBA 1 DECEMBER 2021 Honorabel presidente di Parlamento, Honorabel miembronan di Parlamento, Su excelencia Evelyn Wever Croes, Prome Ministro di Aruba, Ministronan di su Gabinete, y Secretario di Conseho di Ministro Gobernador suplente anterior, señora Laclé-Dirksz, Representantenan di e Alto Consejalnan di Estado, Raad van Advies y Algemene Rekenkamer, Miembronan di Prensa, Pueblo di Aruba, A wordo anuncia, Mi a wordo nombra como Gobernador suplente pa Aruba. Rey Willem Alexander, hefe di Reino Hulandes a firma e Decreto Real. Na tur cu a haci esaki posibel, mi mas sincero agradecimiento; mi famia y mi mes ta sinti nos honra pa esaki. E tareanan di e Gobernador (y den caso di su ausencia) di e Gobernador suplente ta consisti di dos parti: 1. E Gobernador ta representa e gobierno di Reino; 2. E Gobernador ta na cabes di e gobierno di Aruba. Den e lectura di e texto di huramentacion ta para cierto puntonan cu e representante di Rey lo mester atene su mes na dje. Esakinan ta entre otro - Cu pa haya e posicion aki e no a priminti ningun hende algo; - Cu e lo promove e adelanto di Aruba manteniendo su mes na e Constitucion di Aruba y Reglamento di orden pa Gobernador. Mi a pidi Dios Todopoderoso pa yuda mi cu ehecucion di mi funcion honorabel nobo y pa sigui guiami pa sirbi mi pais dignamente. Experiencia di casi 40 aña den trabou di Gobierno lo yudami den esaki. Señor Presidente, Awe mi ta para aki no solamente pa presenta mi mes na parlamento y e representantenan di e comunidad Arubano, sino tambe pa declara mi boluntad pa traha pa progreso di nos pueblo. Den mi añanan di hubentud mi a corta aloe, piki piedra pa Lago y mi a mira con Aruba a pasa den varios desaroyo economico y social pa nos yega unda nos ta awe. Señor Presidente, Nos a pasa den un tempo basta

dificil mescos cu paisnan grandi y ainda nos ta nabegando, pero e awanan no ta trankilo; ainda ta bin olanan grandi cu ta stroba nos di bay dilanti. Y hunto nos tin cu percura pa coordina, controla y guia pa evita peligronan mayor. Fuera di e dificultadnan actual, ya nos sociedad tabata tin situacionnan cu mester un solucion o a lo menos hopi atencion di nos tur. Señor Presidente, miembronan di Parlamento y Gabinete Wever Croes, Educacion y enseñanza ta un di e pilarnan cu ta sostene nos sociedad y tin hopi influencia riba desaroyo total di e pueblo di Aruba. Conocemento di loke tin den tera, den lama, riba tera y den espacio nos por busca riba Google o otro fuentenan di informacion. Y si nos no haya loke nos ta busca ey, nos por bay hasi investigacion. Loke mas ta preocupa nos ta educacion. Si e pilar aki ta faya, ta krak, ta kibra, esaki lo causa problemanan grandi den nos sociedad. E fayonan tin rimpeleffect y ta wordo sinti den tur ramo di nos sociedad. Nos ta mira, y lastimamente hende grandi tambe ta mustrando, un falta pa loke ta e virtudnan manera respet pa nan mes y respet pa otro, disciplina, tolerancia, convivencia, husticia, empatia, gratitud y sentido di responsabilidad. E virtudnan aki no ta cosnan cu bo ta haya for di buki o bo por baha nan for di Google. Ta mayor tin di siña yiu, e maestro mester siña su alumnonan. Lidernan di comunidad y comunidad en general ta demostra kico e virtudnan aki ta y con ta practica nan. Ta un interaccion entre hende. Esnan cu no tin, o no ta practica e virtudnan aki, naturalmente no por pasa nada pa otro. Loke nos muchanan ta siña ta loke nan ta mira di hende grandi. Mescos cu den

otro paisnan nos sociedad ta bou hopi presion y influencia di television y medianan social. Den nos interaccion cu otro hende, si nos no sa con e comportacion mester ta, conscientemente y inconscientemente nos ta aplica loke nos a copia for di e medianan social. Pesey nos hubentud y sociedad en general mester wordo fortalece den nan ser humano. Y esaki no ta cu cosnan material, pero cu bon ehempel, guia pa biba segun e bon virtudnan universal. Señor Presidente, Futuro di Aruba ta depende di kico nos hubentud ta bay hasi den futuro. Esaki ta trece cune cu mester cooperacion, participacion, mente habri pa acepta opinion di otro y crea harmonia den pueblo. Sociedad en general cu mester practica e bon virtudnan. Nos tur lo ta orguyoso si nos por influen-

cia nos sociedad positivamente y yuda lanta e hubentud di Aruba cu e bon virtudnan y asina hasi di un bon hende, un miho hende. Señor Presidente, miembronan di Parlamento, Ministronan di Gabinete WeverCroes, y Pueblo di Aruba, Mi ta sinti mi afortuna di por asumi e funcion honorabel aki. Lo mi haci tur esfuerso pa ehecuta e funcion aki mes bon y cu mesun dedicacion cu e cuatro Gobernadornan suplente anterior di Aruba. Mi ta priminti un bon cooperacion cu Gobernador di Aruba, Su Excelencia Alfonso Boekhoudt, pa hunto nos sirbi nos pais durante e añanan benidero. Lo mi percura pa salvaguardia e principionan di nos Reino y di nos Pais. Masha danki, señor Presidente.

Pagina 19

Diahuebs 2 December 2021

E siman aki ta e ultimo siman di e entrenamiento di rastreadornan militar na Aruba

E siman aki ta e ultimo siman di e entrenamiento di

rastreadornan militar na Aruba. E entrenamiento di

3 siman lo conclui e siman cu e asina yama “Ejercicio

final”. E infanteria di e marina di Hulanda, e Escuadron di Infanteria di Marina Carib (Aruba) y e Destacamento di e Infanteria di e Marina di Sint Maarten a siña durante e formacion aki pa sigui un tema riba e base di tracking. E seguimiento ta e habilidad di localisa, identifica, interpreta y persigui pistanan. E rastreadornan ta ser utiliza, entre otro, pa “tareanan di buskeda y

rescate”, den apoyo na e autoridadnan local. Pero tambe pa despliega den territorio enemigo den operacionnan rond mundo. E formacion ta consisti de un parti tecnico-teoretico, habilidadnan practico di e homber individual y actuacion den equipo. Ademas, durante e capacitacion, tambe a imparti instruccion na Aduana di Aruba, na Guarda Costa di Caribe y Polis di Aruba.

Pagina 20

Diahuebs 2 December 2021

Kico mi por haci si mi tin diabetes?

No ta existi un plan di alimentacion cu ta adapta na tur hende cu ta sufri di diabetes. Sin embargo, controla e zetmeel cu ta come ta fundamental pa mantene e glucose den sanger dentro di e nivelnan desea. Pa esey ta preciso conoce a fondo e distinto clase di alimento y por eligi esunnan mas adecuado di acuerdo con bo sucu ta den cada momento. Ademas, ta necesario tene na cuenta cu no tur zetmeet ta eleva e sucu den sanger di e mesun manera. Esaki ta depende di su indice glucemico, esnan cu tin un indice glucemico halto ta subi e nivelnan di sucu mas rapidamente cu esunnan cu tin nivelnan medio of abao. Sta e ultimonan aki ta loke tin cu conseha tuma pa esnan cu ta sufri di diabetes y den e caso di

consumi algun cu tin un indice glucemico halto combin'e cu otro cu uno abao. Aporte nutricional ta hopi importante Pa por planific adecuadamente bo alimentacion y eligi e ingredientenan mas conveniente ta necesario sa e tipo y cantidad di zetmeetl cu cada grupo alimentario tin. E berduranan ta dividi entre esunnan cu ta contene cornstarch y esunnan cu no. Entre e promenan nos ta haya batata, maishi y petit pois, esaki ta e grupo di berdura cu ta aporta mas na zetmeel pa cual tin cu modera su consumo. En cambio berduranan sin cornstarch manera snijbiet, bloemkool, tomati y wortel ta contene hopi poco zetmeel y su indice glucemico ta abao.

Ademas, nan ta aporta cu hopi vitamina, mineral y fibra loke ta convertinan den aliadonan grandi den e dietanan di esnan cu tin diabetes. Fruta ta contene zetmeel, pero mayoria di nan tin un indica glucemico abao. Expertonan ta recomenda incorpora nan den e alimentacion door di e nutrientenan cu nan ta aporta. Un bon opcion ta raspberry, strawberry y blueberry, cu tin un contenido abao di zetmeel y ta aporta na antioxidante y vitamina. Den e caso di eligi fruta seco na uga di fresco, ta necesario pone mas atencion na porcionnan: cu solamente dos cuchara di rasenchi, bo por incorpora te hasta 15 gram di zetmeel. Cereal (trigo aros, avena) y su derivadonan manera hariña ta un di e principal fuentenan di zetmeel. Pesey ta hopi importante limita e cantidadnan cu ta consumi y pone atencion na su grado di refinamento.

Como regla general, ta recomenda semper eligi cereal y hariña integral cu ta aporta hopi mas nutriente y tin un indice glucemico mas abao. Si e obhetivo ta controla e nivelnan di glucose den sanger, e productonan procesa a base di hariña refina no ta consehabel, vooral si tene na cuenta cu hopi biaha ta contene cantidadnan grandi di sucu añadi. Consehonan pa mantene diabetes bao di control Pa por gestiona bo diabetes ta necesario pa bo tuma control di bo alimentacion. Nos ta ofrecebo algun conseho pa yudabo haci'e: ● Planifica un menu semanal y calcula e racionnan di zetmeel di cada plato. ● Haci un lista di compra cu ingredientenan saludabel y trata di adkirinan cu anticipacion pa por tin nan na ora di cushina. ● Si ainda ora bo caba di come bo tin hamber, bo por coy un

salada di berdura sin cornstarch cu un dressing light. Lo bo sinti bo mes sacia incorporando hopi poco zetmeet. ● Eligi productonan integral na luga di refina. Consulta e labelnan pa sigura bo mes cu su principal ingrediente ta integral. ● Busca reemplas ingredientenan cu mayor indice glucemico pa otro cu menor indice. Tin bon substituto, manera por ehempel, por reemplasa un guarnicion di batata pa uno di batata dushi cu tin menor indice glucemico. ● Comproba bo nivel di glucose prome cu cada cuminsa pa scoge e alimentonan mas conveniente, di acuerdo con bo ta na e momentonan ey. Ta bon si bo por uza e glucometro tradicional, ta existi tecnologianan nobo cu ta facilita e tarea aki. Un di nan ta e mididonan continuo di glucose cu ta recoge datonan di nivel di sucu atrabes di un sensor implanta den e brasa y manda nan directamente na e celular di e pashent.

Pagina 21

Diahuebs 2 December 2021

BAN PREPARA UN DUSHI

• 1 cup di manteca • 1 ½ cup di sucu • 6 webo • ¾ cup di juice di lamoenchi • ¼ cup di sasca di lamoenchi raspa • 1 ½ cup di hariña geel • 2 telep di baking powder • 2 cup di rum

Bolo di rum

Preparacion:

Bati e manteca cu e mixer te ora e bira crema. Basha e sucu tiki tiki y batie te ora e keda “fluffly”. Agrega e webonan un pa un y bati despues di cada uno. Drei e juice di lamoenchi y casca aden. Tira e hariña blanco, hariña geel y baking powder. Mezcla nan bon y drei e rum aden. Pone den un ormo hunto cu res y honre pa 1 ora na 350 grado.

Pagina 22

Diahuebs 2 December 2021

PRONOSTICO DI TEMPO VALIDO TE DIAHUEBS 02 DI DECEMBER 2021, 18:00 ORA. ELABORA: DIARANSON 01 DI DECEMBER 2021 17:00 (21:00 UTC) TEMPO: AWE ANOCHI: PARCIALMENTE NUBLA CU UN AWACERO PASAJERO DEN MARDUGA I MAYAN: PARCIALMENTE NUBLA CU UN AWACERO BREVE TEMPERATURA MAXIMO 31 GRADO CELSIUS TEMPERATURA MINIMO 25 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 33 PA 35 GRADO CELSIUS BAHADA DI SOLO : 6:12 PM SUBIDA DI SOLO : 6:46 AM BIENTO: MODERA FOR DI GENERALMENTE OOST; FORSA 3 TE 4 (12 TE 30 KM/ORA, 7 TE 16 NUDO). DEN DIA BASTA FUERTE TE POSIBLEMENTE FUERTE DEN RAFAGA; FORSA 5 TE 6 (31 TE 50 KM/ORA, 17 TE 27 NUDO). SITUACION GENERAL DI TEMPO PA PROXIMO 24 ORA: UN DISTURBIO NA NIVELNAN MAS ABOU DI ATMOSFERA LO SOSTENE UN FLUJO HUMEDO DURANTE PROXIMO 24 ORA. ESAKI LO INDUCI TEMPORALMENTE MAS NUBIA PA PASA RIBA REGION LOCAL CU ALGUN AWACERO PASAJERO TE BREVE RIBA PARTINAN DI E ISLA. NO POR EXCLUI POSIBILIDAD DI LAMPER CU STRENA. CONDICIONAN MARITIMO/ ESTADO DI LAMA: TA SPERA UN ESTADO DI LAMA LEVE NA PARTINAN PROTEJE, Y LEVE TE MODERA NA PARTINAN ZUID. NA PARTINAN OOST TE NOORDWEST LAMA LO TA MODERA CU OLANAN ENTRE 4 PA 6 PIA. AVISO/ ALERTA: TA SUGERI OPERADORNAN DI BOTO CHIKITO PA EJERCE CAUTELA NA PARTINAN OOST TE NOORDWEST DI COSTA Y TAMBE CERCA OF DEN AWACERO/ LAMPER Y STRENA. FENOMENONAN SPECIAL NINGUN TEMPO TROPICAL SIGNIFICANTE: AYERA TEMPORADA OFICIAL DI HORCAN 2021 A TERMINA CUAL TABATA E DI 3 MAS ACTIVO DI HISTORIA TRAS DI 2020 Y 2005; DURANTE E TEMPORADA 21 TORMENTA A FORMA DI CUAL 7 A BIRA HORCAN; 4 DI E HORCANNAN AKI A BIRA UN HORCAN MAJOR. TEMPORADA DI HORCAN 2022 TA CUMINSA 1 DI JUNI. POTENCIAL DI AWACERO PA PROXIMO 24 ORA: 3 TE 10 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 31 / MIN 24 / 0.0 MM WESTPUNT: MAX 31 / MIN 25 / 0.1 MM STA ROSA: MAX 31 / MIN 25 / 0.0 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO PASAJERO TE BREVE. BIENTO LO TA FOR DI GENERALMENTE DIRECCION OOST I MODERA; BASTA FUERTE DEN RAFAGA; TEMPERATURA (GRADO CELSIUS) MAX / MIN LO TA: 31 / 26

Pagina 23

Diahuebs 2 December 2021

Ta huur - Ta huur - Ta huur obituario Publica serka nos anuncio di fayecimento di bo ser keri. Nos tin 2 pakete pa ofrece Pakete 1: Anuncio di fayecimento te dia cu e defunto ser dera Gradicimento y invitashon pa misa pa 3 dia AFl 250,00 Pakete 2: Anuncio di fayecimento te dia cu e defunto ser dera Gradicimento y invitashon pa misa pa 3 dia Na Canal 22 1x prome cu Noticiero 22 Afl 400,00 Pa mas informashon por tuma contacto cu oficina na 585-9500 of na 741-4554 puntra pa Jamila Henriquez

URGENTE - URGENTE - URGENTE Ta busak un apartament o un studio tambe pordi 1 kamber. Preferible Sta Cruz o playa pa un persona jama 5657693 puntra pa Evy

Apartamento di un camber Serca di caminda grandi Calla Betico Croes den area di seroebiento.

Pa mas info. 5659595

Pagina 24

Diahuebs 2 December 2021

Lotto Merdia

NOVEMBER 30

Lotto ANOCHI NOVEMBER 30

Lotto MERDIA DECEMBER 1

NOS TA CLA PA TUMA PEDIDO PA CUMINDA DI FIN DI AÑA *HAM HORNA *GALIÑA HORNA CU REJENO OF SIN REJENO *LOMITO Y ROASTBEEF DEN MUSHROOM SAUS *SOPI CARNI OF CABRITO *AYACA *AROS CON POLLO *SALADA DI BATATA OF GALIÑA PA PEDIDO POR JAMA OF WHATSAPP NA

7497071

Pagina 25

Diasabra 6 November 2021

Na Morgenster polis a para un auto cual e chauffeur a actua sospechoso, a bin resulta e no tin rijbewijs

7Diaranzon mainta durante patruya den Caya G.F. “Betico” Croes polisnan atento di distrito 1 (Oranjestad) a para un auto cual su chauffeur tabata actua sospechoso, ta trata aki di e Nissan Sentra cora, durante e control a bin descubri cu e chauffeur no tin rijbewijs, mesora a bay over na detene pero esaki lo a lanta contra polis y a pidi refuerzo. Refuerzo a bini y a logra controla e situacion. Na yegada di e vehiculo di

transporte a a hink’e den e vehiculo y nan a trans-

porte pa warda di polis.

Inteligencia di un mucha no ta depende di su notanan Aunke cu nos sa cu e inteligencia di un mucha no ta depende di su notanan, manera con nos ta laga nos mes como mayor, impresiona cu e cualificacionnan! Un excelente ta yena nos di orguyo, un onvoldoende of suspension, ta decepciona nos, manera cu e nota aki lo defini kende nos yiu ta y cualnan ta su capacidadnan. E cualificacionnan escolar ta un forma di midi un conocimento. Sin embargo, no ta duna cuenta di e esfuerso y e dedicacion cu e mucha a inverti den e proceso di aprendisahe. Tampoco ta demostra si efectivamente e mucha a siña algo di forma consistente. Un mucha cu un bon memoria, kisas ta obtene bon punto. Un mucha cu un inteligencia distinto den e materia den cual e ta wordo evalua, por haya onvoldoende. Sin embargo, den e materia vincula cu su tipo di inteligencia, seguramente e lo ta exitoso. Inteligencia di e mucha Si. Segun e psicologo y investigador Howard Gardner, den cda persona tin ocho tipo di inteligencia of habilidadnan cognoscitivo. E teroaia di inteligencianan mulitple aki, ta reconoci den hopi ambito educativo. Di acuerdo cu e planteamento di e profesor Mericano aki, no ta existi un unico inteligencia unico humano. Tin un diversidad di inteligencia, cu ta marca e potencialidad, fortalesa y debilidadnan cu cada individuo tin y cu lo marca su actuacion den distinto scenario. E teoria di inteligencianan multiple aki, ta permiti balora, compronde y stimula e potencialidadnan di cda mucha, mas leu di loke por midi un indice di conciente intelectual. Bo yiu tin tur e tipo di inteligencianan aki, sola-

mente cu uno ta mas preponderante cu otro. E inteligencia di e mucha pa matematica, por yud'e tin bon resultado. Sin embargo, no lo ta igual si e inteligencia pa linguistica of pa deporte ta mas debil. Tur esaki ta pone den evidencia e berdda cu e notanan no ta representa e inteligencia di e mucha. E tiponan di inteligencia Inteligencia linguistico E muchanan cu e tipo di inteligencia aki ta siña skirbi, lesa, conta cuenta of haci crucigrama cu suma facilidad. Su lenguahe orral ta asina bon como esun skirbi. E tin facilidad pa siña idioma. Inteligencia logicomatematica Muchanan cu ta resolve cu facilidad problemanan aritmetico, problemanan di logica-matematica, weganan di strategia y experimento. Na esunnan cu e tipo di inteligencia aki ta resulta nan hopi facil resolve pruebanan di conciente intelectual. Inteligencia visual y espacial Muchanan cu gusta dedica nan tempo liber pa pinta, gusta resolve puzzel of ta prefera weganan di construccion, tin e tipo di inteligencia aki. Nan ta pensa den imagen y dibuho. Inteligencia musical Ta muchanan cu ta disfruta, siña y aprecia e cancionnan y musica. Nan ta identifica cu facilidad sonidonan. Nan tin e facilidad pa siña toca un instrumento musical. Inteligencia corporal cinestesico

Pagina 26

Diahuebs 2 December 2021

Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn Ambulance San Nicolas Ambulance Sasaki Ambulance Wayaca Horacio Oduber Hospital Centro Medico San Nic. SVB AO Ziekmelding

Servicio nan

911 100 102 104 105 107 11141 584-5050 582-5573 582-1234 527-4000 524-8833 527-2782

Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa

523-7147 525-4600 117 145 524-2424 584-5080 585-1198 913

Aurora Funeral Home Royal Funeral Home Ad Patres Funeral Home The Olive trees Funeral Home

588-6699 586-4444 584-2299 582-0000

Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation Kiningin Wilhelmina Fonds Fundacion pa nos mucha nan

582-2219 583-2999 582-4433 587-1677 583-5400 131 588-3131 587-0002 588-9999 582-0412 583-4247

DECEMBER 2 P’abou di brug: Botica St. Anna P’ariba di brug: Botica Aloë

Pagina 27

Diahuebs 2 December 2021

DEDICA NA UN GRAN PERSONA SR.IVAN CUESTA Q.E.P.D. "SEMPER RECORDA."

AWE NOS TA SINTI UN INMENSO DOLOR NA NOS CURASON CU FAYECIMENTO NA COLOMBIA DI NOS GRAN AMIGO UN SER TAN BONDADOSO A BAI LAGA NOS. MANERA UN FAMIA A TRATA AMI NA ICR-TECH ARUBA NV. TRAHANDO 5 ANJA HUNTO DUNANDO SU BON CONSEHO. CU E PERDIDA DI NOS GRAN AMIGO EXCELENTE PERSONA SR. IVAN CUESTA Q.D.E.P. TA KEDA SU RECUERDONAN INOLVIDABEL. LO SIGUI RECORDE MANERA E COMO SER HUMANO A MUSTRA SU AMOR I AMABILIDAD NA TUR DI ICR-TECH NV. NA SU QUERIDA ESPOSA I DEMAS FAMIA NOS TA PIDI TATA TODOPODEROSO DUNA NAN FORSA DEN ES MOMENTO TAN DIFICIL AKI . SR. IVAN CUESTA LO KEDA SEMPER RECORDA AUNKE NOS NO LO MIRE MAS PERO BIBO DEN NOS MENTE I CURASON. CU DIOS DUNE SOSIEGO ETERNO TE DIA NOS ENCONTRA ATROBE DEN PARAISO DI SENJOR. SRA.TATIANA LACLE

Pagina 28

Diahuebs 2 December 2021

FORTALEZA PA FAMIA Scirbi pa Pastor Marcel Balootje.

! FIERNO TA REAL ( BERDADERO) !!!

Ta tempo pa tur hende conoce e berdad , especialmente nos hobennan cu ta pensa cu tur cos ta suave. Mi ta haci malo, mi ta drenta prison sali, y bolbe drenta, un rebeldia completo. Hopi ta pensa cu mi ta sinta mi castigo y tur cos a caba, of esnan cu ta mata of ta manda mata y ta kere cu tur cos ta keda sconde. (Mateo 5 vers 22) E ta conta di tur manera pa tur hende cu ta biba den pica, y inhusticia y ta contra di boluntad di Dios , y no kier arepenti y ta sigi den nan capricho, lesa Romanonan 2 vers 5+6 , Galatanan 5 vers 19 -22 , 1 Corintionan 6 vers 9 -10, y e palabra di Dios mes lo mustrabo na unda bo ta y no bisa hende a husga bo,pasobra na bo mes frutanan bo ta wordo reconoci. No bisa Fierno ta aki bao na mundo, esey ta un gran

invento of mentira, pasobra ningun caminda den Beibel no ta para scirbi cu e ta na un lugar visibel. Fierno ta un lugar spiritual, caminda alma di tur esnan cu no arepenti di nan pica , lo bay perdi pa semper, pasobra una bes den fierno no tin salida ta eyden bo ta keda pa semper den candela eterno serca diabel y su compinchinan. Den Lucas capitulo 16 vers 19 te cu 32 tin un splicacion extenso kico ta fierno y kico ta cielo den e historia di e rico y Lazaro, e no ta pa spanta ningun hende , pero e ta pa concientisa hende cu nan no por biba manera nan kier y drenta cielo. ( Bo no por sosega na paz den fierno). Ora un hende no kier pordona, y e ta biba den rabia odio y vengansa, ora un un hende ta haci cherche di Dios y e ta sera su curazon y no ta kere den Hesus

Cristo, y ta keda biba den scuridad, si e persona ey mester fayese, su destinacion lo ta fierno. Pasobra segun bo biba aki na mundo depende di e decision cu bo tuma awor, mayan ora bo fayese ta determina na unda bo ta bay. ( Juan Capitulo 3 vers 16+17), sea bo ta bay cielo of fierno, pesey bo tin cu drecha bo relacion cu Dios, pasobra ora bo

muri no tin oracion cu por sacabo for di fierno hinca bo den cielo. Salbacion ta bini unicamente pa medio di Cristo Hesus y ta ora bo ta na bida bo tin cu busca di Hesus. E criminal cu tabata banda di Hesus Cristo riba cruz a demostra arepentimento y a bisa: Hesus corda riba mi ora bo drenta bo reino, y Hesus a contesta awe mes lo bo ta cumi den

Paraiso. Si nos scohe pa biba pa Señor nos lo bay cielo, pero si nos scohe pa maldad y scuridad y si nos no arepenti for di nos mal caminda e ora ey fierno ta spera nos. (Revelacion of Apocalipsis capitulo 21 vers 7+8). No gaña boso mes Dios no ta laga haci bofon di djE, tur locual hende sembra nan lo cosecha.(Galationan 6 vers 7+8).

Pagina 29

Diahuebs 2 December 2021

Gradicimento

Na nomber di su Mama Maria Leo-Croes, yiu Loraine Perdomo, ruman Daniel Leo, Miangela Croes y demas famia, nos kier a duna un danki di curason na tur famia, conocirnan, amiga y amigonan, coleganan cu a steun y a compaña nos den e momentonan dificil di enfermedad, y e atencion grandi durante y despues di entiero di nos Angelique stima.

Angelique Marie Antoinette Leo Nos kier a gradici y bisa Danki na Dokternan di Oncologi y Personeel di 4 e verdieping A di Dr. Horacio Oduber Hospital. Dr. Julian Torres Rivas y su assistant Lati, ImSam, Dr. Ladenius, Dr. Aljaf y tambe Personeel di Ambulance y Lite Life, Wit Gele Kruis Aruba. Na Staf y Personeel di Departamento di Impuesto y muy especial Directora mr. Luenne Gomez-Pieters pa su bunita palabranan. Na e ex Señoranan Carnaval y nan bunita palabra. Y Sigur nos graditud na Koningin Wilhelmina kankerfonds Aruba y especial Sra. Lily Prince y verpleester Manuela, Edmond E. Harms Foundation, Pastoor Hose y Pastoor Andres pa nan oracionnan. Su Emfermeranan Xenia, Martha y Nika Tambe un danki na tur esnan cu a haci jamadanan telefonico, a manda kaarchi, mensahe via whattsapp, mail y krans y sigur na Personeel di Aurora Funeral Home pa nan super bon servicio y atencion Boso sosten tabata un gran Consuelo pa nos Alaves nos ta invita tur famia, conocirnan, amiga/amigonan y coleganan di trabao pa asisti na 3 Santo Sacrificio di Misa Na misa Pro Catedral San Francisco na Playa. Cual lo tuma lugar dianan, Diamars: 30 november pa 7 pm, Diaranzon: 1 december pa 7 pm, Diahuebs: 2 december pa 7 pm y despues di Misa lo tin un rosario na cas.

Boso presencia lo ta altamente aprecia Masha Danki

Laga tur loke ta spera mi ta bunita Laga tur locual cu mi encontra na caminda ta bunita Laga tur locual cu mi laga atras keda bunita y Laga esakinan termina den tur buniteza. Cado Wever. Cu dolor na nos curason, nos ta anuncia fayecimento inespera di nos ser stima:

Sra. Indira P. Van der Linde-Rico *30-10-1978 - †26-11-2021

Acto di entiero lo wordo anuncia despues

Pagina 30

Diahuebs 2 December 2021

SALMO 23 “Señor ta mi wardador, mi no tin falta di nada. Den cunucu di yerba berde, E ta pone mi sosega. E ta hiba mi na awa trankil, pa mi bolbe haña forza." Cu inmenso tristeza na nos curazon, pero gradicido pa tur loke ela significa pa nos, nos ta participa fayecimento inespera di nos ruman, omo y amigo stima:

JOHN R. CROES

Mihor conoci como John Gringo di TikTok 17-03-1964 - † 23-11-2021

Na nomber di su: Mama: † Stefanita (Ninita) Croes- Dijkhoff Tata: † Benoit (Wawa) Croes Rumannan: Astrid Berlinski y famia Enrick (Eric) Croes Gisella y Jenny Boekhouwer y famia Roy Croes y famia Oscar (Tico) y Alida Croes y famia Jacky y Egbert Toppenberg y famia Sobrino(a)nan: Jeanisse y Robert, Lothar, Jeandre y Lourraine, Loniah y Jeff, Brishelle y Yoshimar, Jaison y Livianne, Leonardo, Jalimar y Zianne, Richenel y Richenald. Sobre-sobrino(a)nan: Jayron, Amylene, Victor, Yozienne, Lynxon y Theodore. Su iha stima: Jalimar Croes. Amigonan di cas: Micheal Arends y famia, Tom Paesch, Alvin Croes, Anson Perez y tur otro bon amigonan mucho hopi pa menciona y siguidonan di TikTok. Demas Tanta y Omonan, prima y primanan, madrina y padrino, comer y comper, bon bisiña nan y demas famia; Croes, Dijkhoff, Berlinski, Boekhouwer, Toppenberg, Growell, Pantoja, Helder, Ghitman, Franken, Hernandez, Limonier, Kelly, Hazel, Tromp, Willems, Figaroa, Dubero, Rasmijn, Van der Linden, Everon, Petrocchi, Falconi, Trimon, Solognier, Ras. Ta invita pa asisti na acto di despedida cual lo tuma lugar Diahuebs, 2 december 2021. E restonan mortal di nos defunto stima lo ta reposa for di 2’or pa 4’or di atardi na Misa Immaculada Concepcion na Sta Cruz. Cremacion lo tuma lugar den seno familiar. Nos ta lamenta cu despues di entiero nos no por ricibi bishita di condolencia na cas. Nos disculpa si den nos tristeza nos por a lubida algun miembro di famia of conocir nan.

Pagina 31

Diahuebs 2 December 2021 “Cerca Dios no tin sufrimento, ni dolor, ni tristeza. Cu Dios contra mi cu su manan habri i jen di splendor.” Lagrima y flornan por seca, su recuerdonan y tur loke e la haci y significa pa nos, cu lo keda graba pa semper den nos mente y curason. “Cerca Dios mi alma ta na paz, ta di Dj’e mi salbacion ta bin” Salmo 62:1 Cu dolor na nos curason, nos ta participa fayecimento di:

Sirbidonan di Señor, alaba, Si, alaba Señor su Nomber. Alaba sea nomber di Señor For di awor te den tur eternidad, Fo’I salida di solo ta k’e baha Señor su nomber mester ta alaba, Señor ta haltu eleva riba tur pueblo, Su Gloria haltu riba shelu. Salmo 113: 1-4 A bay sosega den brasa di nos Creador, cu e bunita edad di 96 aña, y gradecido pa tur locual cu ela significa pa nos, nos Mama, Wela, Bisawela, Tatarawela, Tanta y Ruman, Vejuda di Johanes “Janshi” Croes.

Sra. Vda. Teresita Figaroa-Figaroa Cariñosamente yama “Chita” y “Machi” *09-12-1930 - +28-11-2021

Yiunan: Rumannan: Nieto(a)nan: Khemlani Bisanieto(a)nan:

Marianita y Ergard Tromp Mario Figaroa Vera y Mario Werleman Lourdes y +Frido Croes Nico y Rocio Figaroa Miriam y Roy Jansen Jacintho y Nilca Figaroa Teresa y David Semeleer Sra. Vda. Wika Tromp y Fam Filomena y Casiano Tromp y Fam Luis y Maria Figaroa y Fam Vda. Baita Figaroa Vdo. Mario Oduber Zulayka y John Weijs Stephen y Heather Jansen Reggie y Annelies de Mey Mario Jr y Ashley Figaroa Veromar y Geeta WerlemanFrancis y Jenny Croes Jacqueline y Sando Tromp Mary-Anne y Urvin Croes Joseanny y Shendell Jakobus Ninouska Figaroa Natasha y Reynold Trimon David Jr Semeleer Sven y Sienna Weijs Nora y Jack de Mey Mario Jr Figaroa Maya, Vijay y Sitara Werleman Xhaiden y Xhoë-Anne Croes Sean, Miah y Quin Jansen Adren van der Biezen Raelyn Trimon Sandocaan y D’Jean Tromp

Swa y cuña nan, comer y comper nan, subrino y sobrinanan, iha nan, prima y primo nan, demas amistad nan, Fundacion Kawara. Demas famianan: Figaroa, Kelly, Tromp, de Mey, Weijs, van der Ham, Jobst, Werleman, Khemlani, Croes, Semeleer, Jakobus, Rasmijn, Jansen, Pietersz, de la Rosa, Rincon, Willems, Polanco, Lopez, Maduro, Simileer, Oduber, De Cuba, Rotteveel, Conradus, Guedez, Kock, Webb, van der Biezen, Trimon, Breau-Bourque, Ortiz, Obispo, Luydens, Nijenhuis, Bermudez, Dominguez.

Señora Carolina, Canota Croes-Dubero Mihor conoci como Mamita di Janshi of Tantan *19-1 1925 - † 26-11-2021

Na nomber di su Yiunan: Manera Yiu: Rumannan:

† Mirna Vis-Croes y Famia Edna y Alex Benzo y Famia Hector “Ety” Croes y Famia Eric y Esmeralda Croes-Pontilius y Famia † Edgar y Hellen Croes-Wells y Famia Francis Croes y Famia na Hulanda Ronnie Geerman y Famia Eddy van Buuringen y Famia Maria “Chichia” Leo-Dubero y Famia Chemmy Dubero y Famia Lindo Dubero y Famia

Rumannan den feliz memoria: Johana Croes-Dubero y Famia Hyacintha “Popo” Besselink-Dubero y Famia Jose “Djo” Dubero y Famia Esteban “Cheban” Dubero y Famia Agustin “Gustin” Dubero y Famia Yolanda Heyer-Dubero y Famia Salvador Kelly y Famia Su ayudantenan: Jahaira, Luz-marina, Nancy, Genesis, Elvira, Sita Dubero, Chichi Solognier, Angelo y Natasha Ramazan cu semper ta rond di dje Tur su bon bisiñanan su dokter di cas, dokter Kenneth Croes y su ayudante Maria, su paramedico Angelo Anthony.

Nos ta pidi disculpa si den momento di tristesa nos por a lubida algun famia y conocir nan.

Tur su Nieto, Bisanieto, Tataranietonan, su Swa y Cuñanan, Comer y Compernan, su Ihanan y demas Famia, Croes, Dubero, Statie, Benzo, Pontilius, Wells, Besselink, Wernet, Werleman, Leo, Ricardo, Heyer, Zapata, Quandt, Oduber, Kelly, Toppenberg, Vis, Nicolaas, Trimon, Erasmus, Oviedo, Maduro, Brete, Saenz, Solognier, Tromp, Luidens, Gomez, Fabian, Hoofd, Arends, Leek, Benschop, Monte demas famianan na Boneiru, Corsou, Merca y Hulanda

Ta invita pa asisti na acto di entiero cu lo tuma lugar Diabierna 3 di December 2021 di 2or pa 4or di atardi na misa Santa Anna Noord. Despues lo sali pa Santana Catolico na Noord. Lo tin un box disponibel pa hasi donacion pa “Fundacion Kawara”.

Kier a invita pa asisti na e acto di entiero y recepcion, cu lo tuma luga diahuebs 2 di December 2021 pa 11’or mainta saliendo for di misa Imaculata Concepcion y despues pa santana catolico Santa Maria na Santa Cruz, tin oportunidad di ricibi condolencia y despedida di nos defunto stima for di 9’or mainta den misa.

Pa motibo di e situashon di Covid-19 ta pidi pa mantene estrictamente na reglanan di DVG usando tapa boka y practicando distancia social.

Pagina 32

Crossword puzzles

Diahuebs 2 December 2021