DIAHUEBS 29 JULI 2021

Casonan di COVID-19

61 caso nobo 302 caso activo Diahuebs 29 Juli 2021

Solo di Pueblo

Aña 16 - edicion 453

E-mail: solodipueblo@gmail.

Prijs: Afl. 1.75

Un biaha mas e pagina di Noticia AVP24 a gaña pueblo PG di Aruba a bati nan duro ayera

Lionel Croes y Liesenny a gana otro caso den corte; Free Bingo Caribbean Bingo ta sigui Mike Eman a sera Beatrix School na 2014

Mike Eman cu Benny Sevinger a hinka 44 miyon destina pa school den tram

Helicopter di Guarda Costa cu rescate di un hoben di 18 aña cu a bula fey baranca pa lama

2

Diahuebs 29 Juli 2021

Resumen pa awe di casonan di COVID-19 na Aruba

61 caso nobo pa un total di 302 caso activo 8 juli 2021. Segun resumen di awe un total di 61 caso nobo di COVID-19 a keda registra cual 10 ta turista y 51 ta residente. E cifranan aki ta representa un 'Positivity rate' bou di nos residentenan di 25%. Di e 10 turistanan 6 a test na salida for di Aruba y 4 durante nan estadia riba Aruba.

Cantidad di casonan activo di COVID-19 pa awe ta 302 y cantidad di fayecidonan relaciona na COVID-19 ta 109.

Datos ta indica un subida continui di casonan nobo cu un average semanal di 35 caso pa dia y un average di 'positivity rate' semanal di 20% pa dia.

Hospital tin 9 persona interna di cual 2 ta den ICU, 1 ta den ICU como

caso activo y 1 ta den ICU como caso inactivo y riba piso general tin 7 persona interna di cual 5 ta caso activo y 2 ya inactivo.

Pa loke ta e 51 casonan nobo bou di residentenan awe por informa cu 37 persona no ta vacuna, 4 ta vacuna cu e prome dosis di e vacuna, 9 ta vacuna cu tur dos dosis y 4 a vacuna den periodo di incubacion y a test positivo menos cu 5 dia despues di tuma e prome vacuna. Cu entrada di e variante Delta ta tuma nota cu e cifranan di esnan vacuna cu 2 dosis cu ta keda infecta cu Covid a aumenta poco, pero no por compara esaki cu e cifras di esnan cu no a vacuna cu ta mas cu 3 biaha mas halto.

Ban sigui proteha Siguiendo e flexibilisacion di medidanan pa cu Covid-19, Directie Voogdijraad ta informa pueblo di Aruba lo siguiente: •

lo mantene protocol di hygiena na entrada y den e spreekkamernan;

•

uso di tapaboca na momento cu bo persona tin un cita ta obligatorio.

Si tin cualkier pregunta, por tuma contact cu nos na 582-1262 of por manda un e-mail na directie.voogdijraad@ aruba.gov.aw y nos lo tuma contacto cu bo persona mas pronto cu ta posibel.

Nos lo keda monitor e situacion y lo informa debidamente segun e desaroyonan.

Por ultimo nos ta enfatisa e responsabilidad individual di un y tur pa preveni e contagio di Covid-19.

3

Diahuebs 29 Juli 2021

Un biaha mas e pagina di Noticia AVP24 a gaña pueblo PG di Aruba a bati nan duro ayera E pagina di noticia liga na Avp, AVP24 ta pasa henter dia ta skirbi ka2, unda nan kier lansa instigacion tur dia riba MEP. E siman aki nan a bolbe skirbi coy loco y Pg a sali pa contradicidi nan noticia, bisando cu politica no ta mete di husticia.

Pues egt un set di hendenan sin skol, hambra pa placa, abusador y estafador, cu durante Gobierno di Mike, tabata un zuiger di placa, geldzuiger!

Mike Eman a permiti nan abusa!

Pues a bin sali na cla cu nan ta mentiroso patologico, gusta gaña, papia coy loco y horta placa!

Ultimo nos a publica con Patrick a organisa un dinner pa Lotto y a cobra 25 mil florin!

Ta hendenan cu no tin gevoel mas!

Awor nan ta yora cu nan no ta haya propaganda di Gobierno!

Que locura!

Awor PG mes a rementa nan for di otro!

Dia cu nan kier a laba placa pa hiba Merca, US Customs a para nan y a kita hopi dollars for di nan.

Pues un bes mas, a kliek su storia a wordo corigi.

--

Lionel Croes y Liesenny a gana otro caso den corte; Free Bingo Caribbean Bingo ta sigui Via facebook Lionel Croes a informa;

Danki Dios' justicia ta vence un biaha mas. NOS TA GANA NOS CASO contra E burdugo gañado y ladron di idea nan pa di 2 biaha.

Ni maske con grandi e mentira ta' e Berdad semper ta alcanse na caminda.

Danki na nos abogado M.Lopez di Lopez Law y na mi casa

Liesenny Croes pa su sosten y apoyo.

Free Bingo Caribbean Bingo ta sigi!

DIOS TA GRANDI!!!!

Prepara mi gente paso awo nos ta bai competi.

Danki pa e support y PADILANTI.

4

Diahuebs 29 Juli 2021

INTERUPCION TEMPORAL DEN E SERVICIO DI PROCESA PETICION PA PASPOORT Registro Civil y Censo ta informa cu en conexion cu un update general di e sistema di paspoort dentro di e Reino Hulandes (pa motibo di introduccion di ID nobo na Hulanda), Censo no lo por procesa peticion pa paspoort riba e siguiente dianan: Diahuebs 29 juli 2021 Diabierna 30 juli 2021 E clientenan cu tabata tin cita riba e fechanan menciona a wordo informa di esey. E citanan pa bin busca paspoort riba e dianan menciona ta sigui manera planea.

Nos ta pidi nos mas sincero disculpa pa e inconveniencia aki.

TA HUUR

Local comercial ta huur na Sta cruz

truck pa tur trabao Pa sushi, pa santo Yama Dominico Tromp na cel # 566-6848

Pa info 7390101

5

Diahuebs 29 Juli 2021

Parlamentario Endy Croes: Mike Eman a sera Beatrix School na 2014

Mike Eman cu Benny Sevinger a hinka 44 miyon destina pa school den tram

Parlamentario Endy Croes cu asombro por a tuma nota di un show politico cu Mike Eman a arma ayera dilanti Juliana School y Beatrix School. Mike Eman hunto cu activistanan di AVP tanto algun x docentenan y x directuernan tur cu pensioen “berde di mes” a haña di ta bon pa hunga cu sentimento y inteligencia di pueblo pa cu e dos schoolnan ariba menciona.

A para dilanti e edificionan pa hunga cu emocion:

Mike Eman hunto cu e periodista(nan) cu Mike a paga 8 miyon florin durante 8 aña di AVP pa propaganda gobierno, a sinti e nesecidad pa monta un show. Asina Mike a cana kibra cu 4 x docente kendenan tur x candidatonan riba lista di AVP y algun otro activista. Mike a sinta gaba cu e atencion y

amor y e manera di duna les di e x maestronan. Di acuerdo cu Mike e amor grandi y dedicasion di e x-maestronan, awe pensionadonan ta refleha con bon enseñansa tabata ta. Indirectamente criticando e maestronan di awendia.

Ojo maestronan!

Mike Eman criticando e hecho cu ambos school ta den mal estado y ta sinti cu e edificio monumentalnan aki ta bay perdi.

Mike Eman no a splika cu ta Mike y AVP mes a sera e schoolnan: Mike Eman no a splika esnan “berde di mes ” cu a compañe cu ta bou maneho di Mike Eman y AVP y ta durante gobernacion di Gabinete Eman 2 ambos school a wordo sera. (Adhunto un recordatorio artikel di Bon Dia Aruba di november 2014). Esaki ta e puro berdad cu Mike

Eman “himself” tabata na mando momento a laga sera e schoolnan aki. Mike Eman no a hasi net net nada pa traha un plan pa renoba e schoolnan aki. Na 2017 momento pueblo a core cu Mike Eman e gobierno nobo no a encontra ningun plan of proyecto pa cu e dos edificionan aki. Mucho menos placa reserva pa renobanan. Nos a hereda un Mega Debe di mas di 3500 miyon florin cu Mike a presta den 8 aña.

A hereda interes na balor di 232 miyon pa aña cual ta igual na 640 mil pa cada dia cu mester wordo paga riba placa cu Mike a presta. A hereda 82.7 miyon pa paga pa proximo 20 aña na PPP proyectonan. A dal den recibo di fiesta di Mike su cumpleaños di Afl. 142 mil riba un solo anochi 1 di september 2017. Nos a hereda robonan di tereno ( Avestruz) y awe ta hopi Avepista a cay sera. Nos a hereda crisis social y asina por sigui nombra.

Mike y Benny a hinka 44 miyon di school den tram: Lokual Mike Eman a lubida di conta pueblo ta cu el a ricibi 44 miyon florin ( for di MEP na 2009) destina pa traha schoolnan nobo.

Mike Eman y Benny Sevinger a dicidi di cambia e destinacion di 44 miyon aki. A dicidi di cumpra street cars y traha un tram den Caya Betico Croes. E desicion aki a perhudica hopi comerciante kendenan a bati bancarota. Alaves e desicion aki a perhudica hopi alumno cu a keda sin nan school. Cu e

placa aki sigur por a renoba Juliana School y Beatrix School.

Lamentablemente Mike Eman y AVP a dicidi pa sera dicho schoolnan durante 2014 y a escohe pa ranca 44 miyon for di schoolnan tira esaki den un Tram cu Street cars. Ki ora Mike y AVP

lansa un mentira nan mester por sa cu contesta cu documentacion lo bin den nan direcion.

Finalmente ta pidi tur hende keda trankil paso aunke nos ta pasando den duro e edificionan aki lo yega na turno pa wordo renoba.

6

Diahuebs 29 Juli 2021

Helicopter di Guarda Costa cu rescate di un hoben di 18 aña cu a bula fey baranca pa lama pero a dal su cabez y a kap e

Den oranan di birando anochi e Centro di Rescate y Coordinacion (RCC) di Guarda Costa a ricibi un solicitud di polis di Bonaire pa brinda asistencia cu un accidente cu a tuma lugar na Boca Slaagbaai.

Unda un homber di 18 aña a bula for di e barancanan pa lama pero en cambio ela golpea su cabez.

Un ambulans cu a ser yama no por a yega na e sitio di accidente.

E helicopter di Guarda Costa a lanta mesora pa realiza e rescate medico. E helicopter a recoge e victima y a hib’e te na e airport unda un ambulans tabata spera riba dje pa djey hib’e na hospital Mariadal.

Inscripcion pa Prueba di Naturalisacion 2021 Oranjestad, 28 di juli 2021 Departamento di Enseñansa Aruba (DEA), seccion Examenbureau, ta informa cu inscripcion pa e Prueba di Naturalisacion (Naturalisatietoets) pa aña 2021 ta habri dia 2 di augustus 2021.

Ta tuma un maximo di 75 candidato pa e inscripcion. Asina cu 75 candidato inscribi, e inscripcion ta cera.

Pa motibo di e situacion di e Coronavirus (COVID-19) e pruebanan lo dura 9 dia.

Tuma bon nota cu no mester paga ora di inscribi pa e pruebanan. Despues di inscripcion bo persona lo haya un carta cu ta indica ki dia tin di paga pa e pruebanan y e fecha di e pruebanan.

Ora di inscribi pa e Prueba di Naturalisacion mester trece: • Paspoort valido • Permiso di estadia legal valido • Extracto di registro civil di Aruba (Afl. 5,00)

• Si ta bin pa ripiticion: verklaring cu resultado di examen haci anteriormente.

Formulario y mas informacion Pa e formulario di inscripcion pa e Prueba di Naturalisacion y pa e foyeto di informacion tocante e prueba mester acudi na website WWW. EA.AW.

Riba e pagina principal di e website mester busca den e alfabet menu: Naturalisatietoets (na letter N) of Prueba di Naturalisacion (na letter P).

Ta conseha pa sigui DEA via social media, facebook y instagram @EducationAruba, pa kedana altura di tur informacion oficial.

7

Diahuebs 29 Juli 2021

AAA ta sigui contribui na e comunidad di Aruba por medio di Wings of Hope

Na 2021 famia-, studiante- y partnernan lo ricibi ayudo sostenibel for di Wings of Hope Aruba Airport Authority N.V. (AAA) su “Wings of Hope” (WoH) ta orguyoso di por asisti e comunidad di Aruba un aña mas.

E proyecto pa asisti e comunidad di Aruba a inicia dia 1 di Juni 2020 y awor a bira un di WoH su proyectonan principal pa sigui yuda famianan den necesidad pa motibo di e pandemia. Un di AAA su pilarnan strategico ta sostenibilidad. E aña aki WoH su metanan ta basa riba 5 di e Sustainable Development Goals (SDGs): “Hunger”, “Education”, “Affordable & Clean Energy”, “Env ironment/ Sustainable Airport Community” y “Partnership”.

Como parti di WoH su meta di ”Hunger”, un total di 50 famia ta ricibiendo asistencia via voucher di cuminda for di Januari 2021 te cu December 2021, cual ta wordo reparti door di Directie Social Zaken (DSZ). E meta di “Education” ta inclui dos parti: Lo asisti un total di 175 studiante cu nan materialnan y uniform pa scol y tambe lo yuda 40 studiante cu nan pago di aña escolar. Como parti di e meta “Affordable & Clean Energy”, AAA a colabora cu Universidad di Aruba pa un competencia sostenibel “Energy Champion” pa scolnan primario.

Cada scol cu a participa mester a prepara un plan indicando con nan lo reduci e consumo di energia na nan scol cu por lo menos 20% door di introduci fuentenan

di energia nobo pa e scol. E scol ganador lo ricibi un premio di AWG 20,000.00 pa ehecuta nan plan. E ganador lo wordo anuncia Diaranson 28 di Juli, 2021. Pa “Environment/ Sustainable Airport Community”, AAA lo enfoca pa crea un of mas areanan “green” na aeropuerto door di reintroduci matanan nativo y vegetacion. AAA ta mira e importancia di partnerships, y ta pa e motibo aki e ta un di WoH su metanan y lo sigui involucra y colabora cu diferente entidad riba varios proyectonan pa fortalece e relacion pa un futuro sostenibel. “ Nos enfoque ta pa contribui directamente na e Sustainable Development Goals (SDGs) manera estableci pa United Nations.

Wings of Hope actualmente ta contribui na 5 di e Sustainable Goals, cu ta asisti y contribui

positivamente na e comunidad di Aruba, cual ta un motibo pa ta orguyoso. AAA lo sigui

tuma pasonan cu lo haci un diferencia pa un futuro mas sostenibel pa un y tur,” ta locual

Director Health, Safety and Sustainability y e lider di WoH Angeline Flemming a bisa.

8

Diahuebs 29 Juli 2021

Bingo Aruba cu donacion na Stichting Casa Cuna Progreso Bingo Aruba bou guia di señor Frank Solognier di Five Crown Gaming ta cumpli cu un donacion special di 25.000 florin na Stichting Casa Cuna Progreso cu lo por ser utiliza abase di cualkier necesidad of otro comodidad cu e stichting lo por tin.

Mirando e situacion cu Aruba ta pasando aden, Bingo Aruba a dicidi di duna un man den nomber di tur hungador di bingo pa asina por yuda un stichting cu ta hopi importante den nos comunidad.

Presente tabata señora Renato van Donker hunto cu otro empleadonan di e stichting pa asina presencia na momento cu ta cumpli cu e donacion.

Hunto cu e donacion na Stichting Casa Cuna Progreso, Bingo Aruba ta sigui cumpli cu mas donacion den e tempo dificil aki. Hunga bingo y yuda otro ta un concepto cu ta activo desde temporada di Bingo Club Caiquetio. Un concepto cual ta ensera mas bingo bo hunga mas bo ta aporta bek den nos comunidad.

Señora Renato van Donker, den nomber di Stichting Casa Cuna Progreso, ta expresa di ta contento pa por acepta e donacion pa asina por sigui yuda y guia nos muchanan y mama hobenan den e bon caminda, especialmente den e temporada dificil cu e comunidad ta pasando aden.

Cu sentimentonan di emocion señora Renato van Donker ta enfatisa cu e donacion aki ta algo hopi importante pa asina e stichting lo por tin mas fondo disponibel pa por haci mas. Actualmente

e muchanan y e mama hobenan lo ta bayendo cuater dia di vakantie.

Cuater dia cu lo ofrecenan un alivio pa asina por relaha y ta mas contento. Un parti social cu ta masha importante.

Den nomber di Stichting Casa Cuna Progreso, señora Renato van Donker a presenta cu un

bunita plakaat na Bingo Aruba como aprecio y sosten.

“E donacion aki sigur lo no ta ultimo” segun Frank Solognier di Five Crown Gaming y Bingo Aruba. E organisacion lo sigui aporta na Stichting Casa Cuna Progreso y otro fundacionan cu

mester di e ayudo, Por ultimo Five Crown Gaming y Bingo Aruba hunto cu Stichting Casa Cuna Progreso a finalisa e donacion den un forma di un acuerdo entre organisacion y e stichting.

Frank Solognier di Five Crown Gaming y

Bingo Aruba ta finalisa expresando gratitud na henter e pueblo di Aruba pa nan aporte cu a yega asina leu na un bunita donacion di 25.000 floring na Stichting Casa Cuna Progreso. Pueblo di Aruba ta haci posibel pa realisa hopi otro donacion na fundacionan y stichtingen na Aruba.

9

Diahuebs 29 Juli 2021

Minister Glenbert Croes a celebra cu e Comunidad Peruano Dia di Independencia di Peru

Tabata pa e mandatario un honor di por tabata presente na Parke Wilhelmina, acompañando e comunidad Peruano den nan celebracion di un dia historicamente asina importante pa Peru. 28 di juli 2021 Peru a celebra su 200 aniversario di independencia di nan Pais, un lucha manera e mandatario corectamente a señala, cu a inspira Aruba tambe den su lucha pa libertad.

Minister Glenbert Croes a consider'e un privilegio di por comparti cu e Lidernan di e comunidad Peruano aki na Aruba, demostrando cu su presencia, su gratitud na un comunidad ehemplar cu a sa di integra, comparti, convivi y contribui grandemente na construccion di nos

Pais Aruba.

Di parti di e mandatario, kende a wordo acompaña pa su Señora, ta extende su palabra di felicitacion, gratitud y admiracion na e comunidad Peruano - Arubiano.

10

Diahuebs 29 Juli 2021

Conocido Johnny Ventura, cantante di merengue a fayece na 81 aña E artista considera un leyenda di música den añanan 80 a fayece ayera na Santiago, lagando Republica Dominicana den un tristesa. El’a fayece a causa di un atake di curazon, pa cual su yui Jandy Ventura a confirma.

Johnny Ventura tabata den un restaurant ora cu el’a sinti malo y a wordo transporta pa clínica Unión Médica del Norte, unda nan a trata di re anime, pero sin exito.

Ventura, a inova su musicanan cu letranan pegajoso y tabata wordo acompaña pa su grupo El Combo Show.

Su shownnan cu e tabata duna riba esenario a capta su fantaiconan pa e bailenan cu e tabata duna.

Ventura a modernisa e ritmo di merengue introduciendo saxofon, trompet, piano, tambor, y efectos electrónico, timbale, y a incorporando elementos de otros ritmo pero sin cu a perde e esencia y e colorenan naturales di merengue.

Ventura a wordo reconoci pa su musicanan manera : ¿Pitaste?, Patacón pisao, Merenguero hasta la tambora, Capullo y Sorullo, Caña Brava, La bala. Yo soy el merengue, El cachimbo, entre otro.

Don Vale Croes di Galeria Moderna tabafa importa tur su disconan y nan tabata semper sold out na Galeria Moderna.

Johnny ta bon amigo di Robert Jeandor.

11

Diahuebs 29 Juli 2021

AAA’s Wings of Hope Energy Champion Competition Winner: Colegio Cristo Rey - Aruba Airport Authority N.V.’s (AAA) “Wings of Hope” (WoH) is proud to announce that Colegio Cristo Rey is the official winner of the 1st ever Energy Champion Competition.

As part of WoHs Affordable and Clean Energy Goal, WoH recently held the 1st ever Energy Champion Competition among primary schools. WoH extended an invitation to primary schools to participate in an energy sustainability challenge as a way to raise awareness and spark curiosity among students and teachers on sustainable initiatives.

Participating schools had to submit a plan to reduce the school’s yearly energy consumption by 20% within a specific budget. All plans were evaluated by a panel of judges based on strict criteria.

Wings of Hope workgroup, represented by AAA’s Christine Kaarsbaan-Leo, Armand Kelly and Angeline Flemming,

presented the winning prize on Friday July 23, 2021, to Colegio Cristo Rey. This Energy Champion school will receive AWG 20,000.00 to execute their energy reduction plan. WoH was very impressed with each schools’ plan, that included

their in-depth research, a detailed overview of their budget allocation and creativity to execute their plan.

Wings of Hope would like to take this opportunity to thank all schools who participated in

the 1st ever Energy Champion Competition and will continue to include students and the Aruban Community in projects moving forward, in doing so creating a better and sustainable future for all.

Ta MEP mester renoba stadion atrobe!

Despues cu Avp a ignor’e totalmente E siman aki por a tuma nota cu un bes mas Mep mester sali na defensa di deporte. Den apenas 8 aña di AVP e malandronan, sosteni pa Mike Eman “ta su hendenan”, a laga tur cos bay den ruina.

Nan a caba cu Lotto, te hasta a laga Patrick estafa Lotto, ( 25 mil pa un dinner), y asina no por a renoba stadion.

Que berguenza! Tur e placa a bay pa paga abogado Kloes, Ernst Young, cu na final a perde tur nan casonan! Hoge raad a bati tur for di otro.

Awor porfin tin speransa, ora cu Dangui a anuncia renobacion.

Esaki ta un lus na horizonte y ta mustra cu AVP no a haci nada nada nada! Ta Mep mester bin atrobe pa rescata deporte!

Ta spera cu e sinberguenzanan den Lotto por entrega nan retiro y prepara pa bay KIA, pasobra nan a permiti hortamento tuma lugar ( den nos opinion!) n

12

Diahuebs 29 Juli 2021

Corsow CMC: MAYORIA PASHÈNTNAN KU COVID NA CMC NO TA KOMPLETAMENTE BAKUNÁ WILLEMSTAD – Miéntras e sifranan di COVID ta subi, mayoria pashènt ku COVID tratá na Curaçao Medical Center (CMC) no ta bakuná. “COVID tei pa keda, pues pa bo protehá bo mes di enfermedat severo, por fabor bai bakuná” segun Dr. Esther Rooijakkers, infeksiologo i spesialista di medisina interno na CMC. Rooijakkers ta bisa ku mayoria pashèntnan ku COVID-19 severo no a risibí nan bakuna. Na e momentunan aki tin 7 pashènt hospitalisá di kua 4 a wòrdu atmití den kuido intensivo.

Segun Rooijakkers, e bakuna no ta un garantia di 100% protekshon, pero e ta hasi e chèns pa bo wòrdu infektá mas chikí i ta evitá ku pashèntnan por haña e malesa severo. Alabes, e ta bisa tambe ku probablemente e variante Delta ta kousando síntomanan leve bou di esnan ku a bakuná. Algun di e síntomanan akí ta enserá nanishi ku ta kore, doló di garganta, diarea, tosá, doló di múskulo i kansansio.

Miéntras CMC ta sigui e situashon di aserka i ta kla prepará pa tur senario, sitanan di pashèntnan, tratamentunan i proseduranan

ta sigui normal. Ta avisá pa yega 30 minüt promé ku sita pa por tin sufisiente tempu pa parker i registrá trankil. Pa esnan ku ta bishitá nan sernan kerí, esaki ta

posibel entre 11or di mainta i 1or di merdia i entre 5or di atardi i 7or di anochi. Reglanan di Tapa boka, distansia sosial i higiena di man ta keda vigente.

13

Diahuebs 29 Juli 2021

Rotaract Club of Aruba y 'Back To School Project' ta anuncia:

Ultimo Fin di Siman di Coleccion Ta Den Porta E team di Rotaract Club of Aruba ta den ful swing cu e coleccion y finalisacion di e proyecto anual di ‘Back To School project’ 2021. E proyecto aki tin como meta pa yuda nos muchanan bishitando scolnan basico na diferente districto rond di Aruba cu materialnan di scol pa asina habri un aña escolar cu confiansa.

Pa 29 aña caba Rotaract Club of Aruba su miembro y boluntarionan ta uni hunto cu famia y maestronan bou di e proyecto ‘Back To School’.

E aña aki e meta ta pa facilita 150 mucha di 4e, 5e, y 6e klas bayendo scol na diferente partinan di Aruba cu articulonan di scol – entre otro uniform, potlood, pen, schrift, tas y mucho mas.

Claro, e proyecto aki no por (a) wordo realisa sin e ayudo di nos comunidad.

P'esey, nos ta invita pueblo completo un biaha mas pa pasa na DYON

CENTER e Diasabra aki 31 di Juli 2021 pa yuda nos colecta articulonan pa nos muchanan por tin otro aña escolar exitoso un biaha mas.

Rotaract Club of Aruba ta gradici Aruba pa e cooperacion pa hasi e projecto aki un realidad.

Na tur studiante, Rotaract Club of Aruba kier deseabo un feliz vakantie y éxito pa e aña escolar nobo.

14

Diahuebs 29 Juli 2021

Centronan di Vacunacion Centro Deportivo Betico Croes Santa Cruz Dia Dialuna pa Diabierna 8:30 am - 11:30 am ImSan San Nicolas Di Dialuna pa Diabierna 8:30 am - 11:30 am Pa haci un cita pa vacuna Aruba Health App www.dvg.aw

Tel. 280-0101 of 522-4200

15

Diahuebs 29 Juli 2021

Prome Minsiter Evelyn Wever-Croes:

REUNIONNAN CU STAKEHOLDERS EN CONEXION CU FORMACION DI GABINETE WEVER-CROES II

E areanan cu a wordo cubri ta Husticia, Social, Labor y Energia

Diaranson 28 di juli a sigui e reunionnan cu stakeholders cu formador en conexion cu formacion di Gabinete Wever-Croes. Esnan cu a wordo invita pa reuni cu formado hunto cu Partido Raiz tawata ProcuradorGeneral, Bote ter Stege; Stichting End Child Abuse, Mijenou Tromp; Commissie Sexueel Misbruik Kinderen, Lisette Gomes; ATHA, Cindy Kelly-Mathilda y Director di Utilities, Richard Eman.

E areanan cu a wordo cubri ta Husticia, Social, Labor y Energia.

Despues di e reunionnan, cada persona encarga a duna nan declaracion na prensa di e reunionnan cu a tuma luga y tambe a haya y contesta

preguntanan cu tawata al caso y preguntanan adicional di prensa.

Prome Minister Evelyn Wever-Croes a duna di conoce cu e reunionnan a bay bon y hopi intensivo na unda stakeholders a trece nan puntonan dilanti di loke nan ta desea pa e proximo gobierno tene cuenta cu ne. Prome Minister a expresa su satisfaccion di con tur e reunionnan a bay te cu awo y a duna di conoce cu tur e puntonan y feedbacknan cu a wordo treci, lo tene cuenta cu nan durante e siguiente gobernacion.

Palabracion a wordo haci pa continua reunionnan cu e diferente stakeholdernan den nos comunidad unabes Gabinete Wever-Croes wordo fomra.

16

Diahuebs 29 Juli 2021

Sociaal Crisis Plan ta sigui inverti pa ekipa profesionalnan pa bira Supervisor di Codigo di Proteccion : Den cuadro di Social Crisis Plan, ta trahando duro pa introduci un sistema duradero pa yuda atende cu e casonan di abuso di mucha na tempo y si ta posibel brinda ayudo pa asina logra preveni situacion nan complica y dificil. Actualmente ta haciendo esaki den e forma cu ta ekipando nos profesionalnan pa asina nan por bira y train Supervisor di Codigo di Proteccion.

Ley di Codigo di Proteccion a bira un realidad dia 1 di April 2021. Landelijke Vakgroep A a n d a c ht s f u n c t i o n a r i s s e n Kindermishandeling (LVAK) Hulanda cu ta wordo dirigi personalmente door di e directora Tea Hol, a entrena y certifica 13 profesional cu lo fungi como “train the trainers” di Aruba.

E meta ta pa e profesionalnan aki sigui educa y desaroya un total di 40 Supervisor di Codigo cu lo wordo reparti den 4 sectornan cu ta; Salubridad, Enseñansa, Social y Husticia.

E Supervisornan aki ta keda encarga na monitora ful e proceso di maneho di abuso di mucha y hoben den e cuadro di e Ley di Codigo di Proteccion.

Entrenamento aki entre profesionalnan lo cuminsa na September 2021 y lo tin un duracion di seis siman.

Pa cada sector tin un lider di projecto apunta. Cu esaki Sociaal Crisis Plan conhuntamente cu Gobierno di Aruba hunto cu ayudo technico di LVAK, Unicef y Augeo foundation ta traha incansablemente pa nos por logra crea un fundeshi fuerte cu nos mesun profesionalnan pa ofrece un mihor cuido y traha hunto na e seguridad di nos muchanan.

Bo ta traha cu mucha y ta interesa den e tematica aki, por bishita e website di Codigo di Proteccion pa mas informacion www.codigodiproteccion.com.

Pagina 17

Diahuebs 29 Juli 2021

TENE NA CUENTA E USO DI TAPABOCAS

Guarda Costa a tow un boto cu a haya problema cu motor na Cas Abou y a trese te na Daaibooi

8’or di anochi e Centro di Coordinacion y Rescate di Guarda Costa (RCC) a ricibi un solicitud pa yuda un boto cu problema di motor.

E boto ‘SYLVAN’, NC 274 tabata enfrente di Cas Abou.

E Centro di Soporte a ser informa mesora y di biaha a saca nan

Metal Shark-04 na e sitio indica.

Unabes eynan, e tripulacion di e Metal Shark a nota cu tur esnan abordo ta ok y tur tabata tin nan

chaleco bisti.

Nan a tow e boto te na e beach di Daaibooi.

LA PODEROSA Salma Chisoy Es hora de cambiar su vida y lograr lo que siempre a deseado, Amor, Salud y éxito.

No espere más y llama ya o escríbeme por whatsapp 7411517 para una consulta personalizada completamente GRATIS por teléfono, le dire su pasado su presente y su futuro, aleje las malas energías y termine con tanto sufrimiento.

Llámame 7411517

Pagina 18

Diahuebs 29 Juli 2021

Polis a detene chauffeur burachi cu a ocasiona accidente den e hanchinan na Sanicolas

Diamars anochi a drenta informe di un accidente na e cruzada Mauvestraat cu Jan Steenstraat, mesora a dirigi un patruya na e sitio.

Na yegada di e patruya a bin nota cu e chauffeur coriendo e B.M.W. bao influencia bayendo pazuid

den Mauvestraat no a duna preferencia na e otro vehiculo bayendo pariba den Jan Steenstraat.

Afortunadamente ningun hende

a resulta herida. Polis a pone e chauffeur di e B.M.W. supla y esaki a surpasa e limite di ta bao influencia y polis a detene.

Pagina 19

Diahuebs 29 Juli 2021

Top 10 paisnan cu tin medaya olimpico Tokyo 2020

Weganan Olimpico Tokyo 2020 ta den accion y aki ta

sigui lista di e top 10 paisnan cu a logra medaya den

competencianan cu ta andando.

Na prome lugar ta USA cu 7 medaya di oro, 3 medaya di plata y 4 medaya di brons, total 14 medaya.

Na di dos lugar ta Japon cu 7 medaya di oro, 1 medaya di plata y 3 medaya di brons, total 11 medaya.

Na di tres lugar ta China cu 6 medaya di oro, 3 medaya di plata y 6 medaya di brons, total 15 medaya.

Na di cuater lugar ta Gran Bretannia cu 3 medaya di oro, 2 medaya di plata, 1 di brons, total 6 medaya.

Na di cinco lugar ta Kore cu 3 medaya di oro, 0 medaya di plata y 4 medaya di brons, total 7 medaya.

Na di seis lugar ta ROC (Russian Olympic Committee) cu 2 medaya di oro, 5 medaya di plata y 3 medaya di brons, total 10 medaya.

Na di siete lugar ta Austalia cu 2 medaya di oro, 1 medaya di plata y 3 di brons, total 6 medaya.

Na di ocho lugar ta Kosovo cu 2 medaya di oro, 0 medaya di plata, 0 medaya di brons, total 2 medaya.

Na di nuebe lugar ta Italia cu 1 medaya di oro, 4 medaya di plata, 4 medaya di brons, total 9 medaya.

Na di 10 lugar ta Francia, cu 1 medaya di oro, 2 medaya di plata y 2 medaya di brons, total 5 medaya.

Tin varios pais cu a logra 1 medaya di oro pero no ta den ranking ainda y tin pais cu tin mas medaya di plata y brons, pero no a logra drenta den ranking ainda den e 10 mihornan.

Den proximo dia lo bay tin cambio y kizas tin algun pais lo baha di ranking y otronan lo subi, keda pendiente den solo di pueblo pa mas resultado di weganan Olimpico Tokyo 2020.

PAGA BO CUENTA ONLINE TA FACIL

Sea Abonnement of Aviso Cuenta di Banco: Sunmax Printers Sta.Cruz 110 RBC: 7700000100152447

Pago online, facil y lihe

Pagina 20

Diahuebs 29 Juli 2021

Weganan di Tennis Olimpiada Tokyo 2020 tumando lugar

Weganan Olimpico Tokyo 2020 ta den full swing, e biaha aki ta tira bista den weganan di tennis caballeros caminda varios wega interesante a tuma lugar.

Mikhail Kukushkin ta gana Federico Coria den dos set di tie break 7-6 y 7-5, Gael Monfils ta perde den tres set contra Ilya Ivashka, ta perde prome set 6-4, ta gana di dos set 6-4 y ta perde ultimo 7-5,

Max Purcell ta gana Felix Auger Aliassime den dos set di 6-4 y 7-6, Dominik Koepfer ta gana Facundo Bagnis den tres set, ta perde prome 6-3, ta gana di dos y di tres set 6-3 y 7-5.

Diego Schwartzman ta gana Juan Pablo Varillas den dos set di 7-5 y 6-4, Norbert Gombos ta perde contra Marcos Giron den tres set, 7-6, ta gana di dos

set 6-3 y a perde di tres set 6-2.

Phillipp Kohlschreiber ta bataya contra Stefanos Tsitsipas, pero ta perde den tres set, ta perde prome set 6-3, ta gana di dos set 6-3 y ta perde e ultimo set 6-3.

Alexander Zverev ta gana Daniel Galan den dos set di 6-2 y 6-2, John Millman ta perde contra Alejandro Davidovich Fokina den tres set, ta perde prome set 6-4, ta gana di dos set den tie break 7-6 y

ta perde ultimo set 6-3.

Weganan ta sigui henter e siman aki, pa amantenan di tennis keda pen-

diente pa tanto resultado di damas y caballeros den weganan Olimpico Tokyo 2020.

Pagina 21

Diahuebs 29 Juli 2021

Mexico ta gana Franca den weganan Olimpico Tokyo 2020

Weganan Olimpico di Tokyo 2020 a inicia cu weganan di futbol, e weganan aki a wordo suspendi pa un aña debi na pandemia di covid-19 y mescos cu Copa Europa, e weganan a sigui den aña 2021, pero e titulonan ta keda pa aña 2020.

Prome weganan cu a tuma lugar ta di futbol unda cu Mexico a enfrenta Franca den grupo A. Mexico den pasado a yega di gana medaya di oro den categoria di futbol kier bolbe logra esaki, den prome mitar e wega a bay den descanso empata 0-0.

Den di dos mitar, Mexico a cuminsa hunga su mihor futbol y tabata na di 47 minuut, Ernesto Vega ta haci e wega 1-0 na fabor di

Mexico.

Na di 55 minuut, Fancisco Sebastian Cordova ta haci e wega 2-0 pa Mexico.

Francia ta logra corta ventaha na di 69 minuut cu un tiro penal cu a wordo anota pa Andre Gignac cu a haci e wega 2-1.

Mexico no a desespera y na di 80 minuut, ta haci e wega 3-1 cu gol anota pa Carlos Antuna y practicamente a sigura e victoria di Mexico.

Den minuutnan extra duna door di referee, Mexico ta anota e di cuater gol pa medio di Eric Aguirre y asina logra un victoria importante ariba Francia den futbol pa weganan olimpico.

Den otro resulta di grupo A, Japon ta gana South

Africa cu score minimo di 1-0, gol di Japon a wordo anota pa Tekefusa Kubo na di 71 minuut.

Keda pendiente den Solo di Pueblo pa resultadonan di weganan olimpico Tokyo 2020, lo trece ramonan di deporte den Solo di Pueblo.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 22

Diahuebs 29 Juli 2021

Simianan cu nunca mester falta den nos cushina tin un bon cantidad di acidonan graso Omega 6 y 3.

E ta ofrece proteina di gran calidad y facilmente digeribel. Tambe e ta contene fitonutriente pa proteha sanger, cel, tehido, cuero, mitocondria y e organonan.

Como simia di hemp ta mantene nos saludabel.

E consumo di simia a aumenta den e ultimo añanan, specialmente entre esnan cu ta desea di hiba un dieta balansa y abao den caloria.

Aunke su propiedadnan no ta milagroso, pa comenan di manera regular, por yuda mantene un peso sano.

Es mas, debi na su contenido di fibra, antioxidante y vitamina y mineral, nan ta idea pa promove bienestar.

Ademas, nan ta versatil y su sabor ta combina bon cu otro alimento. Cualnan ta e variedad cu no mester falta den bo cushina? Descubri nan!

E miho simianan pa bo alimentacion Tur e variedadnan di simia tin nutrientenan importante cu ta complementa e dieta. Sinembargo, si nos mester menciona e mihonan, mester destaca e oleoginosanan. Esakinan ta aporta un cantidad importante di vet saludabel, manera por ehempel e acidonan graso omega 3.

Tambe, nan ta fuente di proteinanan vegetal, vitamina, mineral y otro nutriente cu ta clave pa e

organismo.

E miho di tur? Por añadi den hopi receta. Hasta, nan ta ideal pa agrega na juice, blends, sopi y otro preparacionnan di consumo diario.

Simia di chia E simianan aki di color scur, ta aporta na nos un bon cantidad di mineral, vitamina y fibra, tambe proteina y antioxidante.

Nan ta perfecto pa esnan cu no ta consumi pisca, pasobra nan ta aporta mas acido graso omega 3 cu ningun otro alimento di origen vegetal.

Ta reduci dolor di e articulacionnan, ta proteha di enfermedadnan manera diabetes of esunnan cardiaco, ta yuda adelgasa y ta duna nos un gran impulso di energia.

Nan ta liber di gluten y ta mehor e funcionnan celebral, como tambe nan ta proteha e higra.

Simia di hemp Nan ta di color maron cla y ta contene aminoacido (incluyendo loke e curpa no por produci pa su propio medio). E por yuda cura enfermedadnan imuun y tuberculosis: ademas e

Simia di granaatappel Di un color cora of biña, nan ta un excelente fuente di antioxidante, cu ta yuda proteha e curpa contra e radicalnan liber.

Danki na su contenido di polifenol, e ta mehora e salud circulatorio y ta optimalisa e aporte di oxigeno na e celnan.

Entre otro cosnan, e ta reduci e riesgo di enfermedadnan cardiaco y problemanan asocia na e debilitamento di e sistema inmunitario. Ademas nan ta abao den caloria y ta contene figra cu ta yuda combati barica cera.

Linasa (Simia di lino (flaxseed) Di color maron tosta, nan ta aporta fibra dietetico cu ta modula e apetit y ta yuda perde peso. Ta alivia dolornan abdominal, nan ta atiinflamatorio y ta atribui na nan propiedadnan anticancerigeno.

Mescos cu e simia di chia, ta contene acidonan graso omega 3 cu ta proteha e salud cardiovascular.

Tambe por apoya e tratamento di enfermedadnan di articulacion manera artritis.

Simia di pampuna Nan ta di color berde of geel, alcalina y rico den proteina. Ta aporta na nos vitaminanan B, ta yuda disminui depresion danki na un componente kimico yama L-triptofano. E ta mehora e estado di animo en general, ta preveni e

aparicion di calculonan renal y ta elimina e parasitonan, vooral e bichi solitario.

Simia di sesamo Ta di color cla y for di cientos di aña ta uzanan como condimento. Su azeta ta resistente y no ta bira rang. Nan ta bon fuente di koper, manganeso, calcium, hero, vitamina B, zinc, fosforus y fibra dietetico.

E simia di sesamo ta contene substancianan unico perteneciente na e grupo di fibra, cu ta reduci colesterol, ta ekilibra e presion arterial y ta proteha e higra di e daño oxidativo.

Simia di girasol (Sunflower) Nan ta chikito y di color banco, su casca ta scur. E simia ta un gran fuente di vitamina E, cu ta neutralisa e radicalnan liber, evitando daño na e celebro y cel. Ta reduci colesterol, ta mehora e sistema inmunitario y ta disminui e riesgo di padece cancer. Nan ta un gran fuente di magnesium, ta reduci asma y presion arterial halto.

Tambe ta preveni dolornan di cabes y otro sintomanan vincula na stress.

Simia di quinoa Nan ta di color geel y rondo. Ta uza desde miles di

aña na America y ta conoce entre civilisacionnan antiguo como 'granos madre". E ta contene hero, fosforus y proteina.

Door di contene hopi fibra, ta evita barica cera y ta bon pa baha peso, pasobra pareu, e ta produci saciedad. Por consumi den varios preparacion manera den bolo, sopi, granola, riba pan of cuki (despues di sacanan for di forno).

Simia di comino E simianan aki ta wordo uza for di antiguedad y ta conoce nan pa su beneficionan na salud. Ta yuda na mehora e trastornonan digestivo, nan ta antiseptico, rico den hero y ta aumenta e energia di e higra.

Ta sirbi pa alivia e sintomanan di verkoud y dolornan di garganta, ta hopi util pa aumenta e calor di curpa y ta logra cu e metabolismo ta mas eficiente.

Ta stimula e sistema inmune, ta trata asma y ta proteha e riñonnan.

Ainda bo no a consumi e simianan aki? Cuminsa na incorpora nan den bo platonan pa probecha su propiedadnan.

Pagina 23

Diahuebs 29 Juli 2021

Weganan di Futbol Olimpico a termina y ta prepara pa siguiente buelta

Diaranzon den oranan di trempan ultimo weganan di fase di grupo pa loque ta trata futbol categoria masculino a tuma lugar, caminda e prome y di dos puesto di cada grupo ta clasifica pa siguiente buelta.

Den grupo A, Japon ta gana Francia cu score di 4-0, South Africa ta perde contra Mexico 3-0, Japon ta clasifica cu 9 punto, Mexico ta clasifica cu 6 punto.

Den grupo B, Romania

y New Zealand ta keda empata 0-0, South Korea ta gana Honduras 6-0, South Korea ta clasifica cu 6 punto, New Zealand ta clasifica cu 4 punto.

Den Grupo C, Australia ta perde contra Egypto 2-0 y Spaña ta empata cu Argentina 1-1, ta clasifica Spaña cu 5 punto y Egypto cu 4 punto.

Den grupo D, Alemania y Ivory Coast ta empata 1-1 y Brazil ta gana Saudi Arabia cu score di 3-1, ta clasifica Brazil cu 7 punto

y Ivory Coast cu 5 punto.

Paisnan cu number grandi den futbol cu a keda elimina ta Francia, Argentina, Alemania cu no a logra clasifica pa siguiente buelta.

Siguiente buelta weganan ta dia 31 di juli, Spaña ta enfrenta Ivory Coast, Japon ta enfrenta New Zealand, Brazil ta enfrenta Egypto y South Korea ta enfrenta Mexico.

Ganador di e weganan aki ta pasa pa semi final y despues final di wega-

nan Olimpico Tokyo 2020, Brazil ta den busca di defensa di medaya di oro cu e la logra gana na Rio 2016, e ta logra esaki? Of lo tin un campeon nobo?

Keda pendiente pa mas informacion den Solo di Pueblo, Brillando fuerte.

PUEBLO A HHAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 24

Diahuebs 29 Juli 2021

TA HUUR CONDOMINIUM/ SE ALQUILA CONDOMINIO BONITO Y RECIEN RENOVADO EN CU NUCO

Call 5645064

- 2 kamber cu queensize bed, cu airco inverter split unit, un baño.

-sala cu smart tv y airco - Cushina cu Mini fridge 3/4 height, Electric stove y microwave.

Ta buska cas pa huur

A fl . 1500.00

Prepaid meter via Elmar, at all gas station - Water conec cion

Pa info: 7390101

Ta buska cas pa cumpra

CLASIFICADO e-mial: solodipueblo@gmail.com

Cel.585 9500 Abona na

A BO NO MESTER SALI DI CAS Yama

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

5859500 of

e-mail nos na

solodipueblo@gmail. com Tur marduga nos ta entrege den bo porta di cas!

Noticia cayente, ta aki bo ta haye!

Pagina 25

Diahuebs 29 Juli 2021 PRONOSTICO DI TEMPO VALIDO TE DIAHUEBS 29 DI JULI 2021, 18:00 ORA. ELABORA DIARANSON 28 DI JULI 2021 17:00 (21:00 UTC)

Hoffie Seroe Janchi ta presenta

TEMPO: AWE ANOCHI: PARCIALMENTE NUBLA Y GENERALMENTE SECO DEN MARDUGA I MAYAN: PARCIALMENTE NUBLA CU UN AWACERO PASAJERO

GRANDIOSO FIESTA BAILABEL

TEMPERATURA MAXIMO 33 GRADO CELSIUS TEMPERATURA MINIMO 28 GRADO CELSIUS

Diadumingo 1 AUG 2021, cuminsando for di 3or di atardi

BAHADA DI SOLO : 7:07 PM SUBIDA DI SOLO : 6:25 AM. BIENTO: MODERA TE BASTA FUERTE FOR DI DIRECCION GENERALMENTE OOST; FORSA 4 TE 5 (12 TE 39 KM/ORA, 11 TE 21 NUDO).

DEN DIA FUERTE TE POSIBLEMENTE DURO DEN RAFAGA; FORSA 6 TE 7 (40 TE 61 KM/ORA, 22 TE 33 NUDO) SITUACION GENERAL DI TEMPO PA PROXIMO 24 ORA: UN MASA DI AIRE RELATIVAMENTE SECO DEN REGION, LO LIMITA DESAROYO DI NUBIANAN CU POR PRODUCI AWACERO. SINEMBARGO, DEN ORANAN DI MARDUGA Y MAINTA TREMPAN LOCALMENTE UN AWACERO PASAJERO POR DESAROYA. MAS ALEU STOF FINI DI SAHARA DEN CONCENTRACIONAN VARIA LO STROBA VISIBILIDAD UN POCO DURANTE PROXIMO DIANAN.

Musica bow encargo

di 5 caha di orgel:

El diamente - Olga - Elpurfiado Bucurui y Johanda

CONDICIONAN MARITIMO/ ESTADO DI LAMA: UN ESTADO DI LAMA LEVE NA PARTINAN PROTEJE, Y MODERA NA PARTINAN ZUID TA WORDO SPERA DEN PROXIMO 24 ORA. NA PARTI OOST TE NOORDWEST LAMA LO TA MODERA, CU OLANAN ENTRE 3 PA 5 PIA. AVISO/ ALERTA: NINGUN FENOMENONAN SPECIAL: NINGUN TEMPO TROPICAL SIGNIFICANTE: NINGUN POTENCIAL DI AWACERO PA PROXIMO 24 ORA: 1 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 33 / MIN 26 / 0.0 MM WESTPUNT: MAX 33 / MIN 27 / 0.0 MM STA ROSA: MAX 33 / MIN 28 / 0.0 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO PASAJERO TE BREVE. BIENTO LO TA FOR DI DIRECCION OOST I MODERA TE BASTA FUERTE; FUERTE TE DURO DEN RAFAGA; TEMPERATURA (GRADO CELSIUS) MAX / MIN LO TA: 33 / 28

Entrada GRATIS

Pagina 26

Diahuebs 29 Juli 2021

Lotto Merdia JULI 28

Lotto Anochi JULI 27

Pagina 27

Diahuebs 29 Juli 2021

Biden desvela plan para acelerar las peticiones de asilo y las deportaciones EEUU busca tener una frontera ordenada, segura y bien gestionada mientras trata a las personas con justicia y humanidad WASHINGTON.- El gobierno de EEUU ha anunciado que acelerará el procesamiento de las peticiones de asilo y la expulsión de familias mi-

grantes que no cumplan con los requisitos en sus solicitudes en la frontera con México, según un plan desvelado por la Casa Blanca.

Roban bicicleta de venezolano en la Villa Olímpica de Tokio

Ta bende un “shuttle bus”, bon pa food truck o cualkier otro uso El venezolano Edy Alviarez, que competirá en BMX, no encontró su bicicleta luego de salir del comedor

Abona na

a bo no mester sali di cas Yama 585-9500 of e-mail nos na solodipueblo@gmail.com Tur marduga nos ta entrege den bo porta di cas!

Noticia cayente, ta aki bo ta haye!

Pa informacion: 7390101

Pagina 28

Diahuebs 29 Juli 2021

Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn

Ambulance San Nicolas Ambulance Sasaki Ambulance Wayaca

911 100 102 104 105 107 11141 584-5050 582-5573 582-1234

Horacio Oduber Hospital Centro Medico San Nic. SVB AO Ziekmelding

527-4000 524-8833 527-2782

Servicio nan

Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa

523-7147 525-4600 117 145 524-2424 584-5080 585-1198 913

Aurora Funeral Home Royal Funeral Home Ad Patres Funeral Home The Olive trees Funeral Home

588-6699 586-4444 584-2299 582-0000

Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation Kiningin Wilhelmina Fonds Fundacion pa nos mucha nan

582-2219 583-2999 582-4433 587-1677 583-5400 131 588-3131 587-0002 588-9999 582-0412 583-4247

Botica na Warda

Juli 29, 2021 P’abou di brug: Botica Central P’ariba di brug: Botica Seroe Preto

Oracion di dia Un feliz dia y cu Dios den Su inmenso amor y bondad yena boso cu Su paz y gozo.

Un homber cu tabata busca perla bunita, a descubri un perla di hopi balor. El a bay bende tur cos cu e tabatin y a cumpra e perla. (Mat.13,45-46) Awe e Evangelio ta compara e Reino di shelo manera un tesoro scondi y un perla bunita di hopi balor. Ora nos haya e tesoro scondi henter nos bida ta cambia. Asina ta tambe ora nos haya un encuentro cu Dios henter nos bida ta cambia. E ta yena nos cu speransa y e alegria di descubri Dios den nos bida ta trece goso, amor y paz y asina nada por separa nos for di e amor di Dios. Nada no tin mas valor cu nos tin Dios den nos bida. Dios ta e Tesoro y e Perla di mas Valioso y Precioso. Si nos tin Dios den nos bida nos tin tur cos y nos no falta nada. Ora nos conoce e Evangelio nos ta haya un goso grandi den nos curason como resultado di experencia e paz y husticia cu e salbacion di Cristo ta trece pa nos bida. Pasobra e placernan cu mundo ta ofrece nos ta conduci solamente na destruccion y condenacion eterno pero e Evangelio cu ta e Bon Noticia ta ofrece nos Salbacion pa nos alma a traves di fe den Hesus y asina nos por hereda tur Su promesanan y Bida Eterno.

Oracion: Tata Santo y Amoroso, yuda mi renuncia tur orguyo y maldad y laga mundo atras pa gana e tesoro berdadero. Amen.

Pagina 29

Diahuebs 29 Juli 2021

INVITACION PA E FIESTA NA HONOR DI HESUS NOS AMIGO Y SALBADOR NA KOYARI DIASABRA 29 JULI 2017 Grupo di oracion The Voice of Jesus ta invita henter pueblo di Aruba pa un celebracion na honor di Hesus nos Amigo y Salbador na Koyari.

Esaki lo tuma lugar diahuebs awor dia 29 Juli 2021 na Koyari cuminsando cu un Sto. Rosario pa 7.30 pm y despues pa 8.00 pm ta cuminsa cu e procesion sigi pa oracionnan y cantonan.

Tambe nos lo bay escohe e Tata Nobo di Koyari pa e anja 2021 Pesey un cordial invitacion ta bay pa un y tur pa bin sin falta na Koyari na e bunita celebracion aki.

Pagina 30

Diahuebs 29 Juli 2021

“Señor ta mi wardador, mi’n tin falta di nada Den cunucu di yerba berde e ta ponemi sosega.

E ta hibami na awa trankil, Pa mi bolbe haña forsa”.

Salmo: 23 Nos ta anuncia fayecimento di:

Christina Croeze Mihor conoci como: “Annie” *13-03-1949 - †26-07-2021 Mayornan:

†Venancio y †Placida (Ida) Croeze-Croes

Na nomber di su: Rumannan:

Julio y †Maria Croeze-Werleman y famia †Mario Marcelo y Carmelita Croeze-Lopez y famia †Julian y †Carmen Croeze-Boezem y famia †Jacobo Croeze Ambrosio y Lucia Croeze-Croes y famia †Johannes Croeze y famia †Isidoro Croeze Anselmo Croeze y famia Tecla Croeze y famia

Sobrino y sobrinanan, primo y primanan, compañeronan di verblijf Respaldo y demas famia.

Ta invita pa e acto di despedida cu lo tuma lugar Diahuebs 29 di Juli 2021 na Royal Funeral Home di 9’or pa 11’or di mainta, sigi pa acto di cremacion.

Uso di mond mask ta obligatorio.

Pagina 31

Diahuebs 29 Juli 2021

“Señor ta mi wardador, mi’n tin falta di nada Den cunucu di yerba berde e ta ponemi sosega.

E ta hibami na awa trankil, Pa mi bolbe haña forsa”.

Salmo: 23 Cu inmenso tristeza na nos curason pero conforme cu boluntad di Dios nos ta anuncia fayecimento di:

Johanita Croes-Ras Na edad di 101 aña Cariñosamente yama: “Machi” *07-05-1920 - †24-07-2021 Vda. di Pedro Croes

Na nomber di su: Yiunan:

Obildo y †Genoveva Croes-Fingal y yiunan †Mario y sra. vda. Olivia Croes-Figaroa y yiunan Sra. vda. Maria y †Daniel Leo-Croes y yiunan Donisio y sra. Teresita Croes-Tromp y yiunan Ricardo y sra. Jenny-Croes-Marquez y yiunan Francisco y †Filomena Croes-Laclé y yiu Marco Croes y Denny Sijs na Hulanda Antonio y sra. Dorothy Croes-Croes y yiunan

Nieto(a)nan, bisanieto(a)nan, tataranieto(a)nan Rumanan:

†Daniel y Marianita Ras-Geerman, yiunan y famia †Johanna y Alberto Croes-Ras, yiunan y famia †Teolindo y Istela Ras-Erasmus, yiunan y famia †Everaldo y Catharina Ras-Werleman, yiunan y famia †Esteban Ras †Maria y Joseph Maduro-Ras, yiunan y famia

Sobrino y sobrinanan, ihanan, comer y compernan, primo y primanan, bisiñanan y conocirnan Demas famia: Croes, Ras, Fingal, Figaroa, Leo, Tromp, Marquez, Laclé, Sijs, Dañe, Maduro, Bossers, Geerman, Harms, Petrochi, Chung, Chrinio, Perdomo, Erasmus, Quandus, Kock Nos disculpa si nos por a lubida algun famia of conocir den nos tristeza.

Ta invita pa asisti na e acto di entiero cu lo tuma lugar diasabra 31 di juli 2021 na Aurora Funeral Home di 9’or pa 11’or di mainta, despues lo sali pa Santana catolico Pastoor Kraanwinkel na Paradera.

Despues di entiero nos no por ricibi bishita di condolencia na cas.

Uso di mask ta altamente aprecia.

Pagina 32

Sopi di Letranan

Diahuebs 29 Juli 2021