Page 1

Diahuebs, Oktober 27, 2011

Pagina 1

Diahuebs, Oktober 27 2011 - Edicion 6 Vol.1703 - Sta. Cruz # 110 Tel: 585-9500

Fax:585-0951 - E-mail: solodipueblo@gmail.com

1.50

Gobierno a cumpra 15 camera profesional pa 50 mil florin Intencion tabata pa fotografia manifestan​tenan

MEP A DESCUBRI CORUPCION Compania di offshore SouthEast ta actua como intermediario: Ta cumpra pa 900 mil y ta bende pa 1.350.000 teniendo un ganashi di 450 mil florin

Ultimo informacion: Un huurder cu contract legitimo di huur ta cuminzando un caso/ demanda contra Silman Nv, SouthEast NV y Utilities: E tin derecho exclusivo pa huur e lugar

ESCANDALO RIBA COMPRA DI EUROPAHUIS Guarda Costa a logra captura pa di 2 biaha e aña aki e mesun persona cu droga STA. CRUZ -- Diarazon mainta e oficialnan di Guarda Costa a logra detene pa di 2 biaha e aña aki e mesun sospechoso pa posesion di droga a bordo di boto. Na April ya caba a logra gar’e pero debi cu el’a bisa cu e droga no ta di dje, el’a recupera su libertad. Pero awor atrobe a haye atrobe cu droga y Guarda Costa a detene atrobe. Ta trata aki di e sospechoso B.

Trabao di Linear Park ta di mal calidad E ta laga hopi di desea!

ATRACO NA JUMBO RESTAURANT NA SIRIBANA STA. CRUZ


Diahuebs, Oktober 27, 2011

Pagina 2

Trabao di Linear Park ta di mal calidad E ta laga hopi di desea! STA. CRUZ -- Ariba e fotonan aki por observa e acabada di e Linear Park cu a wordo construi ariba orden di Gobierno pa un grupo Venezolano sin ningun track record y ningun experiencia den construccion. E acabada ta di tal manera cu ta masha facil pa trompica den e parke aki.

Accidente na Dakota Dama a keha di dolor fuerte na garganta

STA. CRUZ -- Diarazon atardi den careda di algo pasa di 2’or, un accidente a sosode na altura di Citroenstraat/Olijfiestraat. Aki un dama no a paga tino y a lora dilanti di un auto. E dama aki a keda keha di dolor fuerte na su garganta y no a para di grita na ningun momento. Ambulance a transport’e pa hospital.

Pueblo ta den austeridad y Utilities NV ta sigui gasta STA. CRUZ -- Nos ta den aña di austeridad! Pueblo a hala faha mara, pasobra nos ta den un aña dificil. Esaki ta e signal cu Gobierno mes a manda pa pueblo, pero no ta practica e signal cu nan mes a manda. Mientras cu tur hende ta spaar, pasobra gastonan di Elmar y WEB ta astronomico, Gobierno di otro banda ta sigui saca placa na cantidad. Con Gobierno kier splica e compra di un edificio pa Utilities NV

pa un suma di 1.350.000 florin? Ademas ta tuma un hipoteca di 1.7 miyon florin cu finalmente cu intrest lo bay costa nos 3.1 miyon florin? Si nos ta den austeridad, pakico UtilitiesNV cu ta e compania madre di WEB cu ELMAR no por a mustra poco consenshi y envez di compromete nos pueblo cu un extra 3 miyon florin, no por a schuif in na sea Web, Elmar of cualkier otro edificio di Gobierno,

manera por ehempel Bestuurskantoor? E placa aki no por a wordo laga aden na WEB cu ELMAR y pidi nan pa pasa un descuento pa pueblo? E intencionnan di Gobierno no ta dje serio ey manera cu nan mes ta proclama! Imposibel cu nos ta den crisis economico/ financiero unda Gobierno mes tin basta debe y pa corona e obra, ata Utilities NV ta crea mas debe pa nos.


Diahuebs, Oktober 27, 2011

Pagina 3

Mr. Evelyn Wever - Croes, Lider di MEP:

Compra di Europa Huis a pasa via Off Shore company haciendo 450 mil di ganashi

STA. CRUZ – Mr. Evelyn Wever - Croes, lider di MEP a informa cu tin hopi duda den con e compra di e cas di Europa House a bay. Segun registronan publico di Hypotheek Kantoor, dia 14 di Oktober ultimo a aparece tres grupo di hende na notario. Silman Enterprises di Silbierie, SIG SouthEast Investment Group NV, representa pa un trusktantoor, cual ta Admanco NV, sr. Jozef Croes y Utilities NV, representa pa Franklin Hoevertsz. Aki a haci un ABC levering. Tur

a pasa ariba e mesun dia den e mesun acto notarial. E edificio ta di Silman Enterprises, cual su director ta sr. Silberie. Pues sr. Silberie ta bende e edificio na S.I.G. Southeast Investment Group NV., Admanco Trust Kantoor, Jozef Croes, pa un suma di 900 mil florin. E mesun instante sr. Jozef Croes di Admanco Trust ta bend’e na Franklin Hoevertsz e mes edificio pa 1.350.000.00 florin.

Leggerwaarde di Gobierno ta bisa 913 mil florin ta e valor, segun Gobierno. Mas tristo di e asunto aki ta cu South Easth Investment Group NV ta un compania OFF-SHORE, pues unda cu e ganashi di algun minuut cu el'a haci di 450 mil florin, lo pasa clean pa e compania y sin paga belasting. Esaki a keda anuncia ayera mainta den conferencia di prensa di MEP pa lider di MEP, mr. Evelyn Wever Croes.

Documento relaciona cu Europe House ta mustra riba algo ‘intransparente’ STA. CRUZ -- E acta relaciona cu e edificio di Dolce Vita, for di e acta C 867 nr. 30 nos por conclui lo siguiente: - Dia 14 di Oktober 3 partido a acudi na notario: e doño anterior di e edificio, Silman Enterprises NV, e persona entremediador, S.I.G. Southeast Investment Group NV y Utilities Aruba NV (pagina 1). - E doño anterior SILMAN ta bende e edificio pa 900.000 florin na e .I.G. (pagina 2. - Y S.I.G. mes momento ta bende e mesun edificio pa 1.350.000 florin (pagina

3). - E tereno tin un balor segun Gobierno di 913.184 florin (pagina 6). Conclusionnan preliminar: - A haci uso di un ABC levering, cu den terminologia di FATF ta transaccionnan riesgoso pa labamento di placa. - Utilities, hustamente awor cu prijs di awa y coriente ta subi y sigui subi, ta haci un inversion asina grandi, pagando 30% mas di e prijs di mercado segun gobierno. - A paga S.I.G. un "comision" di 450.000 florin, cu ta 30%! – S.I.G. ta un compania OFF SHORE,

kico di sconde tin den e compania off shore aki? E ta paga su belasting riba esaki? - Dicon Utilities den e temponan dificil aki ta cera un hypotheek di 1.7 miyon riba e edificio aki? - Dicon no a deal directamente cu Silman? Pregunta grandi ta: KICO TIN SCONDI AKI TRAS? BERDAD EDWARD CHEUNG MERECE PA SU NOMBER WORDO PONI RIBA ESAKI? Si no tin nada di sconde, bin dilanti y bin splica dicon a usa e structura in-transparente aki.

EDITORIAL

Pa Edmond Croes

Tur deal di Gobierno ta core via Trustkantoor... Prosuinca NV, SouthEast Inv. Group NV Un vez mas a keda descubri un otro escandalo di Gobierno di AVP pa loke ta e compra y venta di La Dolce Vita Restaurant. Lider di MEP, sra. Evelyn Wever - Croes a haci un excelente trabao ayera door di trece prueba contundente cu cosnan a cana basta straño den e deal aki. Kico ta haci e deal straño y no comun? Ta e hecho cu Gobierno di Aruba ta promove compra y venta via compania cu ta registra na Camara di Comercio como compania OFF-SHORE. Compania Off-Shore ta companianan cu ta wordo lanta cu intencionnan legal pa asina scapa di paga belasting. Rond mundo e practica aki ta bon conoci. Te hasta e ta wordo haci ora cu tin intencionnan pa laba placa. Aki nos ta mira con un comerciante local ta bende su edificio cu un grupo 'fantasma', cual ta un off-shore y e grupo anonimo/fantasma aki ta bende e edificio door cu Utilities NV(lesa Gobierno). No por bisa cu e edificio ta di SouthEast NV, pasobra nunca a traspasa e propiedad aki pa SouthEast NV, sino ta ariba mes un dia a haci dos traspaso den un solo akte notarial. Silberi a bende SouthEast pa 900 mil y SouthEast a bende Utilities pa 50% mas caro pa e suma di 1.350.000 florin. No por hustifica tampoco cu ta algo normal den e mundo di Real-Estate, pasobra ora cu un real-estate bende bo cas, nunca bo ta traspasa e prioridad via e real-estate, sino solamente ta firma un acuerdo cu nan ta haya 6% di e venta. Algo a bay masa robez den e compra y venta aki y pior awor cu ta bin resulta cu e compania aki ta registra na Camara di Comercio como un compania cu ta atende cu avion. E pregunta ta keda: Con bin Gobierno y Utilities NV ta permiti nan mes e luho pa permiti tipo di transaccion straño y dudoso asina? Aki tin placa di pueblo den wega y loke a pasa aki no ta nada bunita! Ken a firma pa Utilities NV como director? Franklin Hoevertsz! E mes persona cu den pasado tabata envolvi den escandalo di corupcion y e mes persona cu a cambia statuut di FCCA pa asina haci posibel pa FCCA por a cumpra un banco cu ya tabata den bancarota. Ken ta cumpra un banco pa 1 florin y hereda e 60 miyon na debe? E mes persona aki tey atrobe y mal practicanan tin cu sigui. Varios politico manera Benny Nisbet y ex-politico, manera Nel Oduber a reacciona ayera mustrando cu loke a pasa aki ta corupcion cu placa di pueblo y merece investigacion profundo den e caso aki. Den proyecto di construccion ta mes un cos a pasa cu Linear Park. Ora cu Bohama a gana un bid riba invitacion, DOW ariba ordo di minister a maniobra di tal manera pa haci tur cos posibel pa un compania cu no ta conoci, Prosuinca NV, por a gana un bid ariba un prijs masha dudoso. Awe nos ta waak e calidad di e construccion y ta cos di yora! MALISIMO pa no bisa FATAL! Aki tambe e compania a wordo representa legalmente pa un Trust Kantoor y si no tabata pa nos presion cu nos a pone, nunca e doño lo a sali na claridad cual den e caso aki ta un Venezolano cu aparentemente a financia campaña di un minister. Unda nos ta bay cu e dealnan cu Trustkantoor y cu Offshore? Cu cuanto off-shore company mas Gobierno ta deal? Nos felicitacion na mr. Evelyn Wever Croes un vez mas kende ta haciendo su trabao di oposicion manera debe ser!


Pagina 4

Diahuebs, Oktober 27, 2011

Escandalo den compra di Europahuis Esaki ta e prome pagina di e acta notarial, unda a haci un transaccion A-B-C. Utilities NV a cumpra e edificio via un off-shore company. Asuntonan masha raro! e acta aki ta publica riba e website di solodipueblo.com


Diahuebs, Oktober 27, 2011

Gobierno a cumpra 15 camera profesional pa 50 mil florin Intencion tabata pa fotografia manifestan​tenan

STA. CRUZ -Informacion cu a yega na Solo di Pueblo ta bisa cu Gobierno di Aruba a cumpra e siman aki un cantidad di camera profesional di saca potret cu basta acesorio. E motibo tras di e compra di e cameranan aki tabata pa sirbi diferente meta. Nan a wordo cumpra bao

capa di bishita di La Reina, pero nan lo mester a wordo usa diarazon atardi pa asina documento y fotografia tur esnan cu lo a participa den manifestacion. Djey lo usa tur e cameranan tambe pa e Green Conference. Ta trata aki di no menos cu 15 camera profesional cu a costa caha di pueblo un total di 50 mil florin. Nos ta spera cu Mike Eman lo ta sinti su mes hopi goza di ta malgasta placa di pueblo dje forma aki, mientras cu 10 mil famia no por paga nan cuenta di electricidad.

E temporada di fin di aña a cuminsa na TOP 95.1 cu Robby Rosel cu e programa “FIESTA DI FIN DI AÑA”

Pagina 5

Accidente dilanti Stern na Tanki Leendert STA. CRUZ -- Diarazon merdia un poco prome cu 3’or y mey a sosode un accidente dilanti di Stern na Tanki Leendert. Un pickup preto para den fila yegando e rotonde a dal brake y e Suzuki Swift su tras no a pone tino y a bay dal hopi duro su tras y a keda pega bao di e pickup preto. Ambulance y polis a ser solicita. Personal di ambulance a examina un hoben cu tabata hopi spanta despues di e boksmento. Personal di ambulance a check un baby y Dios gracia no a haya nada. Ambos auto a sufri daño material pero e Suzuki Swift a haya mas daño. Airbagnan a sali.

Cas a kima completame​nte na Moko 46 STA. CRUZ -- Diarazon merdia un interior di un cas a kima misteriosamente na Moko. E cas ta un cas estilo di cunucu, cu tabata wordo verhuur como weekendhuis. E cas ta riba e tereno bandi pazuid di Parke Arawa y ta pertenece na e mesun doño. Algun rato prome e señora a cana rond riba e tereno y no a ripara nada straño ni huma ni holor. Mas despues a mira huma ta sali fo’i di e dak. Ora a bay habri e cas a ripara cu tur pero tur cos a kima den e cas. A yama Polis y Brandweer pero ya e candela a kima te paga. E candela misterioso ta bao di investigacion.


Diahuebs, Oktober 27, 2011

Pagina 6

Accidente den bocht di Calabas

STA. CRUZ -- Diamars un rato prome cu 12’or di mey anochi un Jeep Suzuki Samurai tabata biniendo di pariba no a para na e T -Kruising di Calabas pa bay Kudawecha. El’a dal straight riba

un troncon di un Kwihi dilanti di e T – kruising. E chauffeur a sali cu cara na sanger fo’i di auto. Un auto cu tabata biniendo di pariba a para y a lague sinta den su auto, te ora

cu ambulance a bin buske y transport’e pa hospital. Aparentemente el’a fractura su schouder y tambe tabata tin un kap na frenta.

Fraccion di MEP:

Mas puito ta sali for di e macuto di Cas di Europa, ex-Dolce Vita

TIN UN OTRO CONTRATO DI HUUR, PUES UTILITIES NO POR HUUR NA TNO STA. CRUZ -Di informacionnan cu a yega na nos fraccion awor ta resulta cu Utilities NV no por huur e edificio di ex -Dolce Vita ni na Utilities NV, ni na Europe House. Esaki pasobra awor a resulta cu tin otro persona cu tin un contrato di huur legitimo pa e edificio ey y tur hende sa cu ni si bo bende e edificio, bo no por kibra e contract di huur. E huurdo aki ta cuminsando un caso contra Utilities NV, Silman y S.I.G., pasobra nan NO por huur na ningun otro hende. Segun e huurdo Silman y SIG of Utilities NV ta actuando di mala fe, pasobra nan tur sa di e existencia di e contract

di huur y e ora Utilities NV por wel di lubida di huur cu TNO of cu ken cu e kier. Ta un berguenza grandi cu nos compania estatal Utilities NV mester hinca su mes den un asunto asina bochornoso, pero e cosnan aki ta pasa ora cu hendenan ta haragan pa mas. Anto mas tristo ta cu Edward Cheung su nomber ta riba e edificio aki. Edward Cheung ta un heroë Arubano, un role model pa hopi hoben. E no merece cu su nomber ta wordo asocia cu algo asina mahos! Fraccion di MEP lo sigui vigila e asunto aki di cerca, pasobra ta basta caba con e gobierno aki ta hunga cu placa di pueblo.

MADURO HEAVY EQUIPMENT N.V. Santo pa Basha, Santo pa Pleister, Crushed Sand, Piedra, Tera pa Mata, Graniet. Tambe nos ta Rosa Tereno,

Coba Pos y Fundeshi.

ROOI BOSAL 49 TEL.: 585-1708 FAX.:585-6299


Diahuebs, Oktober 27, 2011 LIDER DI MEP, MR. EVELYN WEVER-CROES:

E PROYECTO DI EUROPA HOUSE TA FRAUDULENTO

EDWARD CHEUNG MERECE MIHOR! STA. CRUZ -- Lider di MEP den conferencia di prensa di MEP a lanza un berdadero bom. El'a bin cu prueba di e corupcion cu tin den e deal di e edificio di Europe House. E pruebanan aki a cay manera un bom, especialmente cerca esnan di AVP cu ora nan a wordo confronta cune, a keda gago gago, cu a ataca sra. Evelyn riba esaki ultimo dianan. Na prome lugar sra. Evelyn Wever-Croes a comenta cu un reconocimento na Edward Cheung sigur ta na su lugar. Edward Cheung a logra hopi bon cos pa Aruba y e ta un orguyo pa nos tur. "Mi a bay school cu Edward y mi ta respet’e y admira tur su logronan y mi tambe ta di opinion cu e mester haya un reconocimento. Pero no ta pasobra a pone e edificio cu su nomber, kier meen cu cos a bay bon cu e procedura!" Lider di MEP a duna prensa un documento titula "akte C 867 nr. 30", cu ta demostra cu dia 14 di Oktober ultimo 3 partido a acudi na notario: e doño anterior di e edificio di Dolce Vita, Silman Enterprises NV, e persona entremediador, S.I.G. Southeast Investment Group NV y Utilities Aruba NV. E doño anterior SILMAN riba e dia aki a bende e edificio pa 900.000 florin na e S.I.G., y S.I.G. mes momento a bende e mesun edificio pa 1.350.000 florin. Den e documento por lesa tambe cu Gobierno a balora e tereno na 913.184 florin. Aki, segun e lider di MEP a haci uso di un ABC levering, cu den terminologia di FATF ta transaccionnan riesgoso pa labamento di placa. Si en caso tabata 3 persona particular, no tabata asina serio, pasobra ta nan asunto con pa nan gasta nan placa y ta na MOT pa controla e transaccion. Pero mirando cu Utilities NV sin mas ta

regala SIG un comision di 450.000 florin y cu esaki ta cu placa di PUEBLO, esaki sigur ta haci’e algo serio. Na prome lugar, pasobra Utilities mester baha su gastonan y no aumenta nan! Na di dos lugar, pasobra un comision di 450.000 riba e prijs original di 900.000 cu ta 50% no ta usual aki na Aruba y aki tin cosnan straño scondi. Hustamente awor cu prijs di awa y coriente ta subi y sigui subi, Utilities NV ta haci un inversion asina grandi, pagando 50% mas di e prijs di mercado segun gobierno, na S.I.G. cu ta un compania OFF SHORE, cu ta pone bo pensa kico di sconde tin den e compania off shore aki. Segun e acta dui hipoteek Utilities a sera un hypotheek di 1.7 miyon riba e edificio aki, y esaki tambe ta ponebo pensa. Con Utilities ta bay paga e hipoteek aki? Acaso mester bay aumenta prijs di awa y coriente mas ainda? Dicon Utilities no a deal directamente cu Silman, y evita di paga e comision di 50%! Tur esaki ta pone cu e lider di oposicion tin dudanan grandi pa loke tin scondi tras di esaki. En todo caso e Parlamentario a laga sa cu Edward Cheung no merece e trato aki, Edward Che8ung no merece cu su bon nomber y integridad ta wordo usa pa tapa e cos mahos aki, cu ta hole masha malo mes. Edward Cheung merece mihor!

Pagina 7 SEGUN MEP:

EDWARD CHEUNG MERECE MIHOR!

STA. CRUZ -- MEP a bin ta denunciando e corpucion cu tin den e asunto di ex edificio di Dolce Vita cu lo bira e Europe House. Corupcion caminda sin tin mester a regala un compania off shore 450.000 florin, y cu ta pone cu Utilities tin un debe astronomico na banco. Di ki dia Utilities NV tin tanto entrada pa paga tanto na hipoteca, na tanto trahador y consehero carisimo? Anto net riba e edificio aki ta bay pone nomber di Edward Cheung. Un hoben di San Nicolas cu merece mas respet. Un profesional cu ta carga nomber di Aruba na halto dia aden dia afor na Merca. Un hoben cu ta un modelo pa

nos hobennan, cu ta inspira nos hobennan. Un experto cu merece reconocimento di su pais, pero cu merece respet tambe. No ta husto pa usa e nomber di Edward Cheung pa tapa tur corupcion cu ta sali for di e edificio aki. Te hasta e corupcion aki por

trece un mancha riba e bon nomber di Edward Cheung y riba su integridad y esey no ta husto. Berdad e gobierno aki y especialmente nos Prome Minister Mike Eman ta trapa riba ken cu ta, especialmente Arubianonan, pa e por logra su meta di corupcion!


Diahuebs, Oktober 27, 2011

Pagina 8

Aniversario na Red Sail Sports STA. CRUZ -- Ta cu sumo placer nos ta comparti cu boso cu dia 16 di Oktober, sr. Jean Pierre Christiaans a recorda cu diez aña pasa el’a drenta servicio di Red Sail Sports. JP, manera e ta wordo yama cariñosamente ta e cara conoci y e capitán dedica ariba nos catamarán “Rumba” como Senior Captain. JP ta dirigi su “Rumba” cu hopi pasión y ta para cla pa brinda e servicio y atención di calidad cu cada pasahero merece ora nan ta den su compañía. Si ta pa un bebida special cu un cliente kier, JP lo ancra “Rumba” y ta para cla pa atende su invitado. Na dos ocasión, JP a sobresali y ta ser reconoci como Empleado di Luna/Aña. Recientemente, un cliente a keda impresiona cu su capitán, JP, ora el’a perde un set di equipo pa snorkel y JP no a vacila

pa bula na awa y rondia esaki te ora el’a haye. Pa JP, industria turístico ta ancra na sobresali den tur momento tanto den bo conocimento pero tambe na e atención individual pa cada turista. JP ta un di e prome nan tambe cu a ser certifica den e programa ACP “Aruba Certification” y awor sigur a enrikece su mes mas cu su conocimento di e producto Aruba pa sigui supera den brinda e mihor di nos compañía pero tambe di Aruba. Nos ta yama un danki grandi na JP pa su añanan di dedicación y lealtad y cu su pasión pa su trabao lo ta un guía semper den su carera profesional. Durante un encuentro diamars 25 di Okober, Peter de Hoop, director general a haci entrega di un plakkaat na JP y den presencia di demás colega un envelope cu su regalo a ser entrega.


Pagina 9

Diahuebs, Oktober 27, 2011

Arawak Mums a presenta un Maternity Bellypainting Demo na CIZKA

STA. CRUZ -- Pa e celebracion di su 22 aĂąa di existencia CIZKA a organiza un seminario educativo riba 22 di Oktober. E seminario aki tabata pa tur esnan laborando den e sector di cuido na hende muher na estado. Asina a invita pa participa entre otro e staff di Wit Gele Kruis, Parteranan, Gyneacoloognan y staff di Kraam Afdeling di Hospital. Durante e seminario aki a discuti e topico di un embarazo cu trato fisiologico en vez di uno medico, unda ta enfoca mas pa e proceso natural y e aspecto emocional, esta e sosten na e mama, di e kraamzorg en vez di trata e embarazo manera un maleza. E punto clave cu a sali dilanti ta cu tur partido envolvi den e cuido di un hende muher na estado, esta dokter, gyneacoloog, partera y staff di kraamzorg afdeling mester

por yega na colaboracion. Esaki ta e reto dilanti CIZKA y esnan presente cu tin e intencion di yega na colaboracionnan positivo. Asina tambe e presentacion final, di Agnes Cobelens tabata cubri e topico di un "Geboortehuis", con e ta traha na Corsou y e puntonan mas importante pa pensa ariba si lo kier institui uno na Aruba. Agnes su experiencia trahando na Hulanda, Gran Britania y otro paisnan na Europa, ta cu mas y mas ta sali for di estudionan cu cuido fisiologico unda ta motiva pa duna e mama un parto y kraamzorg na cas tin mihor resultado. Un di e puntonan cu el’a menciona ta cu hopi vez mamanan no ta haci uso di kraamzorg, mientras cu e ta necesario na e etapa aki pa asina haci sigur cu e mama a haya e sosten adecuado. Arawak Mums a yega di nota caba cu

e sosten adecuado ta un topico hopi dificil pa entama, ya cu den nos comunidad mamanan ta busca nan informacion for di familiarnan, unda tin biaha tin mal informacion of hasta presion pa tuma decisionnan menos saludabel. Manera sa ta e caso cu dunamento di pecho, unda un mama hoben ta tuma informacion incorecto tocante su produccion of calidad di lechi sin consulta otro fuente di informacion. Na final di dia mester logra motiva y sostene mayornan nobo pa busca e informacion corecto. Arawak Mums a tuma e oportunidad durante e seminario pa expresa na esnan presente e necesidad pa comunica via canalnan nobo manera medionan social, pa asina por yega na mas mama posibel y por ofrece sosten na un manera virtual ya cu mas y mas hende ta usa e medionan aki pa comunica, entretene y conecta cu otro hende. Arawak Mums tin un aĂąa caba cu ta usa e comunidad riba Facebook pa comprati e informacion correcto a base di intercambio entre mayornan. Ademas di traha cargadornan manera e sling y Maternity Bellypainting, Arawak Mums ta dedica na crea un lugar unda mayornan por intercambia y haya sosten accessible via e fan page. Lo ta hopi interesante pa wak con e instancianan concerni lo cuminsa haci mas uso di e medionan social pa yega na nan meta di informa y sostene. Arawak Mums a tuma parti di e actividad di e dia ofreciendo un di CIZKA su clientenan un Maternity Bellypainting Demo. E pieza artistic a wordo pinta durante di e ultimo lezing di e seminario y a wordo presenta na final. Maternity Bellypainting ta un manera

pa traha un recuerdo unico di bo embarazo y ta un experiencia hopi ameno. Tambe, manera un participante di CIZKA su seminario a expresa: Ta bon pa mamanan haya e oportunidad di sinti orguyoso di ta na estado, y show off nan bariga, siguramente esaki ta un manera hopi bunita y artistic pa haci'e. E dia tabatain diferente compania cu ta duna servicio na mamanan

manera Cusinch'i Mai di Yvette Huntington, Caribrith di Wendy Maduro, y Prana cu Shanti Gould. Un palabra di pabien na CIZKA cu e bon trabao di organiza e seminario aki, pero mas ainda pa nan vision claro di cu colaboracion ta e yabi pa un mihor cuido. Pa mas informacion tocante CIZKA y su actividadnan buscanan riba facebook: http://www.facebook.com/ cizka.aruba


Diahuebs, Oktober 27, 2011

Pagina 10

Andy Lee a pidi retiro di Parlamento

Aspira pa bira Gobernador di Aruba STA. CRUZ -- Andy Lee a confirma ayera cu el'a pidi su retiro di Parlamento. Ya ta varios luna caba cu tabata negociando cu Andy Lee pa mira ta na unda lo bay acomod’e. Sr. Andy Lee a expresa su mes di no ta interesa mas pa sigui como parlamentario. Posiblemente e ta mira cu futuro di su partido AVP hopi scur y no kier forma parti di problemanan di e partido. Por a mira esaki claramente ora cu el'a dicidi pa retira como presidente di parlamento. Solo di Pueblo tabata e prome pa informa cu Andy Lee lo bay Departamento di Relacionnan Exterior! Esaki ta pasobra cu e actual

director, sr. Vrolijk lo ta bahando cu vakantie dia 31 di December y lo baha cu pensioen oficialmente dia 6 di Februari 2012. Otro informacion cu nos a ricibi ta bisa cu Andy Lee ta aspira e posicion di Gobernador di Aruba. Pronto e termino di Fredis Refunjol ta yega su fin pa cual tin speculacionnan andando cu Andy Lee su nomber ta wordo menciona den seno di AVP pa asina e wordo acomoda como Gobernador di Aruba. Esaki lo significa cu awor e lo mester bay core stage na Dept. Relacionnan Exterior pa asina prepara su mes pa bira Gobernador di Aruba.


Diahuebs, Oktober 27, 2011 Cambionan den AVP

Serlimar ta informa

Containers na Savaneta diadomingo awor 30 di Oktober STA. CRUZ -Diadomingo awor 30 di Oktober e proyecto di containers ta sigui pa Savaneta y vecindario. For di 8’or di mainta te 4’or di atardi, un y tur ta bon bini pa haci nan deposito di desperdicio di cas grandi den e containernan di Serlimar. Esakinan lo ta poni na e parkinglot di Kong Fui Supermarket na Savaneta, canto di caminda principal. Tuma nota cu e lugar a cambia, pues esaki NO ta na veld di Kenro e vez aki. Nos ta den pleno temporada di awacero. Pa e motibo aki ta importante pa deshaci di tur cos cu por haci daño na bo cas of na otronan a consecuencia di mal tempo. Deshaci di obhetonan cu no ta ser usa y cu por retene awa pa evita criadero pa sangura, boa of otro animalnan rastrero.Fin di aña ta acercando y nos a constata cu hopi persona ta deshaci di muebles. Pa muebles bieu (of otro articulonan) cu ta den bon estado, Serlimar ta recomenda pa hiba esakinan na instancianan cu ta yuda esnan di menos recurso enves di tiranan afor. Aki por pensa riba fundacionnan of parokianan cu ta colecta articulonan cu no ta ser usa mas pero cu ta den bon estado pa esnan den necesidad. Di e manera aki nos ta reusa e articulonan aki.

Pagina 11

Serlimar ta recorda cu lo bai tin un container apart specialmente pa deposito artefactonan di metal. Por fabor, tuma nota di e detaille aki! Alavez Serlimar ta apela pa percura pa e desperdicio ta bon tapa na momento cu ta transport’e di cas pa container. Di e manera aki ta evita cu cosnan ta cay na caminda. Na momento di tira e desperdicio, sigui instruccion di e opzichter di Serlimar. Si e container ta yen, deposita e desperdicio den e siguiente container bashi. E siguiente weekend, Mabon (viviendanan social) lo ta na turno riba diadomingo 6 di November.

Desiree pa Aruba y Lorna pa Hulanda Andy Lee pa Dept. Relacionnan Exterior y porfin Roos por drenta Parlamento

STA. CRUZ -- Tin un posicion liber na Hulanda! Awe ta ultimo dia di trabao di Desiree Croes na Arubahuis. Ya caba den fin di siman a tuma lugar varios borreltjes pa asina e despedi di tur e amigoy amistadnan cu el'a crea na Hulanda. Arubahuis ta keda sin director y partido AVP ta keto keto na con nan ta bay yena e posicion aki. Tin informacionnan

circulando cu e proximo candidata pa bay Hulanda ta sra. Lorna Varlack. Si el'a acepta, no ta conoci. Nos a comprende cu e tabata pensando duro si encaso e ta bay of keda Aruba. Cu salida di Varlack di Parlamento, automaticamente e ta cambia e constelacion di AVP cu dos persona. Andy Lee ta bay pa Desiree drenta. Dicon Desiree? Pasobra Mike Eman ni Prins Abath tabata por cu su caracter na Hulanda cu nan ta considera uno pleitista y di boycott total pa Prins Abath. Den e ultimo dos añanan tabatin masha hopi problema na Arubahuis entre e dos personanan aki y constantemente un tabata ataca otro di tabata usa e-mail di Arubahuis (info@ Arubahuis.nl) pa asina

saca keeshi di otro. Pesey mes Eman a haye obliga di trece Desire bek Aruba pa asina por re-establece paz y trankilidad na Arubahuis. Ningun hende ta interesa pa bay Hulanda, pero finalmente a haci apelacion ariba Varlack. Nos no a haya confirmacion si el'a acepta! Mientrastanto a pone un directora suplente te ora cu resolve issue aki den partido.


Diahuebs, Oktober 27, 2011

Pagina 12

Na New India Assurance dos colega a cumpli un aña mas di bida

Mas puito ta saliendo afor...

Tin mas edificio cu a wordo cumpra y ta bao investigacion STA. CRUZ -- Despues di e escandalo di Europahuis cu a sali na claridad ayera, a bini mas informacion cu tin mas casonan unda casnan a wordo cumpra na prijsnan astronomico. Nos a bin comprende ariba un cas cu a wordo

STA. CRUZ -- John Tromp di departamento di underwriting y Rolando Ruiz di administracion financiero di New India Assurance a ricibi un caluroso pabien di Gwendelin Raas, Operations Manager di e empresa di seguro di cual gerencia semper ta tuma un momento pa duna cada miembro di e Smart Team New India un aprecio na honor di nan cumpleaños. Den e caso di John y Rolando e directora Sra. Raghunath kende ta di luto pa fayecimento di su ruman y ex -director di e empresa sr. Iwan

Raghunath, mes no por tabata presente pero si el’a expresa su gratitud pa cu e aporte cu e dos coleganan aki ta duna diariamente pa yuda tur cliente sinti nan mes na cas y satisfecho di por ta parti integro di the art of being smartTM na momento di haci uso di servicio y productonan brinda pa New India Assurance Aruba. John y Rolando a ricibi deseonan di bendicion abundante di henter Smart Team New India den speranza cu nan tur dos lo cumpli hopi aña mas di bida den salud radiante.

Anuncio A.N.A A.N.A. ta informa pueblo di Aruba cu e manifestacion cu mester a tuma lugar dia 26 di Oktober a wordo cancela pa motibo cu A.N.A a premira disturbio na caminda y tambe en conexion cu e carta ricibi di parti di Politiek den Haag un dia prome cu e fecha di manifestacion mester a tuma lugar. A.N.A. lo trece mas informacion detaya tocante esaki den un rueda di prensa cual fecha lo wordo anuncia despues. Comision Accion Nacional Aruba

cumpra pa miles y miles di florin cual mesora a wordo someti pa un investigacion riguroso. Yamadanan tabata drenta constantemente y diferente keho a keda entrega na nos redaccion. Nos a atende cu tur y a pasa

varios na e canalnan corecto pa por wordo investiga. Pa awor nos no por divulga mas detayes, pasobra no ta bon pa insinua algo ora bo no tin prueba pa substanci'e. Ora e resultado di e investigacion ta cla, nos lo informa.

Op het tijdstip van de ontmanteling van de Nederlandse Antillen is het nieuwe Gemeenschappelijke Hof van Justitie van Aruba, Curaçao, St. Maarten en van Bonaire, St. Eustatius en Saba ontstaan. Het Gemeenschappelijk Hof is belast met de rechtspraak in het gehele Caribische gedeelte van het Koninkrijk. Het Gemeenschappelijk Hof van Justitie werkt thans als een verzelfstandigde organisatie ter verdere professionalisering en verhoging van de efficiëntie van de rechtspraak. Voor het Gemeenschappelijk Hof, standplaats Aruba zoeken wij dynamische kandidaten voor de functies van: • Financieel medewerker Functievereisten: werk- en denkniveau MBO+; relevante MBO opleiding; werkervaring (tenminste 3 jaar) in een vergelijkbare functie. • Medewerker personeel Functievereisten: werk- en denkniveau MBO+; relevante MBO opleiding; werkervaring (tenminste 3 jaar) in een vergelijkbare functie. • Tolk/Vertaler Functievereisten: werk- en denkniveau HBO: relevante HBO opleiding met ruime werkervaring (tenminste 3 jaar) als Tolk/vertaler. • Administratief medewerker Functievereisten: een opleiding op het MBO/MBO+ niveau; een HBO werk en denkniveau met ruime werkervaring (tenminste 3 jaar) in een vergelijkbare functie (in het kennis- en/of vakgebied, praktische en gediversifieerde werkervaring als administratief medewerker). • Bibliothecaris Functievereisten: werk- en denkniveau: HBO/HBO+; relevante HBO opleiding met minimaal 3 jaar werkervaring in vergelijkbare functie / in archief en/of bibliotheek theoretisch en toepassingsgerichte kennis van collectievorming en -ontsluitingsmethoden en algemene kennis van de organisatie en de daarin te onderkennen vakgebieden; • Systeem en Applicatiebeheerder Functievereisten: werk- en denkniveau HBO; HBO ICT/Informatica opleiding met minimaal 3 jaar ICT werkervaring. • Bode Functievereisten: werk- en denkniveau: LBO/VMBO bij voorkeur enkele jaren praktische werkervaring als bode. • Secretaris Functievereisten: werk- en denkniveau: HBO+/WO; HBO+ opleiding met minimaal 3 jaar ervaring als secretaris. • Juridisch medewerker Functievereisten: werk- en denkniveau: HBO; HBO opleiding; met ruime werkervaring (tenminste 3 jaar) in een juridische functie. Arbeidsvoorwaarden: secundaire arbeidsvoorwaarden conform het personeelsreglement van het Gemeenschappelijk Hof van Justitie. Solliciteren en inlichtingen? Als u geïnteresseerd bent in deze functie, dan kunt u uw belangstelling kenbaar maken door uw sollicitatiebrief met cv uiterlijk 7 november 2011 in te dienen bij dhr. A.A. Leonardo, Hoofd Ondersteuningsbureau van het Gerecht in Eerste Aanleg van Aruba, te Wayaca 33-E, telf. +297-5822294.


Diahuebs, Oktober 27, 2011

Pagina 13

NOTICIANAN POLICIAL Polis cu hopi problema cu grupo Venezolano

Ladronnan a kibra auto y despues ta kime

STA. CRUZ -- Dialuna 16:30, polis a mira durante control di trafico, un rij di auto para riba e parti drechi di caminda na haltura di City Oner. Pa controla kico ta pasando, polis a pasa e autonan y nan a constata cu un auto shinishi cu e number V-5056, ta para riba e banda drechi di caminda y un grupo di seis persona rond di dje. Mirando cu e auto tabata stroba trafico, polis tabata obliga pa papia cu e grupo di persona y a bisanan pa para tras di e berm pa nan mes seguridad y di otro. A resulta cu e auto tabatin un flattire, y un homber tabata cambiando e tire banda robez. Polis a mira cinco muhe para mey mey di caminda. Polis a papia cu un di e muhenan y a bise pa su mes siguridad e bay para tras di e berm, pa evita pa auto no dale. E muher a cuminsa grita y insulta e polis. El’a bisa cu e ta un abogado y cu polisnan no tin nada di bise. Tambe el’a bisa polis cu e compania di e auto di huur, ta responsabel, si auto dale. Polisnan a mustre cu esey no ta e caso, pero el’a sigui grita. El’a bisa cu ta polisnan mester cambia e tire. Polis a bisa polisnan cu si ta den su pais naunda presidente Chavez ta, e polisnan ta obliga na cambia tire. E polis a mustr’e cu riba Aruba tin leynan y cu e mester respeta nan y tambe mester respeta polis y polisnan no ta tolera e manera cu e ta gritanan. Ora cu e homber a caba di cambia e tire, el’a bisa cu e ta bay cerca e hefe di e polisnan, como cu nan ta sinti cu polisnan a kita nan privacidad. Algun minuut despues, e grupo a bin warda y a homber a cuminsa papia agresivo contra un polis y grita si nan no yama un hefe p’e, e lo bay cerca e consul Venezolano y Mericano. E polis a puntre si e ta un menasa of un advertencia. Despues e homber a bay for di e sitio. Segun rapport di polis, nan a sinti nan mes hopi humiya pa e grupo Venezolano.

STA. CRUZ -- Diamars madruga polis a bay na un cas den Alablancastraat unda un auto ta na candela. Na yegada polis a papia cu e homber A.R. kende a bisa polis cu desconocirnan a kibra den su auto y despues a kim’e. Segun A.R. e recidivista a coy algun articulo den su auto. El’a bay pasa warda pa duna keho.

Polis di Trafico a tene control STA. CRUZ -- Diamars durante dia, polisnan a tene control na diferente lugar riba e isla. Nan a parti un cantidad di boet, cu a bay pa seguro di auto, number di auto, rijbewijs, faha di seguridad. Polisnan lo sigui cu e controlnan.

Homber bao influencia kier a pasa auto riba muher STA. CRUZ -- Diamars pa 17:28, polis a bay na un supermarket, unda un homber kier pasa auto riba su casa. Na yegada polis a papia cu e muher E.M.M.E. kende tabata mustra basta spanta. El’a declara cu e tabata tin un discusion cu su homber y cu e ta bao di influencia di alcohol. El’a bisa cu e homber a rake na su cabey y a cuminsa dal’e. El’a bisa cu motibo cu e homber a duna ta cu el’a cera e negoshi y a bay cas. Un rato despues e homber S.a bin na e sitio. Dilanti polis el’a cuminsa discuti cu e muher. Polis a papia cune, pero e no tabata mustra comprension. Polisnan a deten’e y a hibe warda di San Nicolas y a cer’e pa buracheria.

Fiesta di Cunucu na Santa Rosa dia 30 di Oktober STA. CRUZ -- E fin di siman aki na Santa Rosa lo bay tin e fiesta di cunucu na Santa Rosa dia 30 di Oktober cu ta un evento educativo pa por mustra e pueblo tur cos riba plantacion y cria di bestia aki, sra. Nataly Maduro di management team di Santa Rosa ta splica. A puntra sra. Maduro mirando cu nos ta den temporada di awacero cu lo bay duna informacion tambe riba e parti di plantacion ya cu nos grandinan di antes ta bisa cu e mihor tempo pa planta ta ora tin awacero


Diahuebs, Oktober 27, 2011

Pagina 14

E profesion di maestro ta un vocacion” Den cuadro di IPA su Open dag dia 5 di November 2011

STA. CRUZ -- Diasabra 5 di November proximo Instituto Pedagogico Arubano (IPA) tene su opendag anual pa full e comunidad di Aruba y pa duna informacion na tur alumno, studiante of persona cu ta interesa pa sigui un estudio den e ramo di educacion. IPA tin 20 aña formando maestro pa enseñanza di Aruba y den transcurso di aña a demostra y afirma e necesidad y importancia di e instituto aki. Desde IPA su inicio te cu awor e instituto a conoce varios graduado cu a termina e estudio cu exito y cu awor ta maestronan competente y ehemplar den nos comunidad. Un di nos recien graduadonan ta Jade Padron Faneites. Juffrouw Jade ta docente na Colegio Conrado Coronel y ta un graduado di IPA di aña 2009. Juffrouw Jade mes ta duna un splicacion di su motivacion pa bira maestro, di e estudio na IPA y tambe di e bunita profesion cu awor e ta eherce.“Personalmente

mi ta kere cu e profesion di maestro ta un vocacion. For di un edad hopi jong mi tabata sa cu mi vocacion den bida lo tin di haber cu enseñanza. Na IPA mi a siña hopi cos y entre nan e habilidad pa anticipa situacionan y busca solucion creativo pa cualke situacion. Actualmente un maestro di school na Aruba no tin un tarea facil. Nos tur sa cu e muchanan di awendia ta e muchanan di e era nobo. Esaki ta significa pa un maestro cu e mester ta, no un, pero diez stap dilanti di e conocemento di su alumno. E maestro mester ta al tanto di locual ta pasando na mundo, esta di e tecnología. Na e mesun momento ta rekeri pa e ta un persona hopi humano. Cu esaki mi ta referi na e parti emocional di e muchanan. Nos trabao awendia no ta simplemente para dilanti di klas y duna les, pero e ta encera hopi mas. Nos ta e persona cu ken e mucha ta comparti gran parti di su dia y nos tin cu brinda e mucha un bon educación y tambe atencion, cariño y cuido. Scoge pa e profesion aki di curazon! No pone na prome lugar e beneficionan

cu e profesion aki ta duna bo, sino e satisfaccion cu e profesion aki lo duna bo na momento cu bo eherce esaki cu curazon. Y corda “to teach is to touch a live forever.” IPA ta invita e comunidad di Aruba pa su Open dag diasabra 5 di November. IPA su Open dag lo ta di 10:00or di mainta pa 2:00or di atardi. Durante di e Open dag lo duna informacion general, lo tin oportunidad pa inscribi y tambe lo duna presentacion di les y di diferente departamento y area di formacion di e estudio pa maestro. Ademas di esaki lo tin diferente actividad manera benta di boeki y material educativo pa mucha cu presencia di Biblioteca Nacional, diferente boekhandels y fundacionnan di Aruba, exposicion di Anne Frank conhuntamente cu Biblioteca Nacional y un Food & Bake Sale pa recauda fondo pa IPA su studentenraad y pa studiantenan di tercer aña cu pronto lo bay nan pasantia den exterior. Tur hende ta bon bini pa asisti na e Open dag aki pa asina cera conoci cu nos instituto,

conoce nos facilidadnan y tambe haya informacion di kico tur IPA ta haci y ta brinda comunidad di Aruba.

TA HUUR - FOR RENT Espacio comercial na Sta. Cruz 36. Situa: Ariba caminda principal di Sta. Cruz, net dilanti entrada principal pa Misa di Sta. Cruz. Cu bon Parkeerplaats. Bon pa Beauty Salon, oficina, tienda of cualkier negoshi. Ta huur completo of mitad. Tin espacio di Afl. 650.00/Afl. 1100.00/Afl. 1500.00 mensual. Pa informacion yama 739- 0101 Ecro Real Estate

TA HUUR - FOR RENT Ta huur un snack bon ubica na Sta. Cruz 36. Situa net na entrada/salida di dos school, Colegio San Hose y Maria School. Caminda ta wordo trafica desde mainta te anochi. Afl. 750.00 mensual Pa informacion, yama 739-0101 Ecro Real Estate


Diahuebs, Oktober 27, 2011 Fundacion Social di Trahadornan den Telecomunicacion

Fecha di Rifa di FSTT di 28 di Okt. posponi pa 11 di December

STA. CRUZ -- Pa medio di e comunicado aki directiva di Fundacion Social di Trahadornan den Telecomunicacion ta participa cu e fecha di rifa cu ta planea pa tuma lugar dia 28 di Oktober proximo a keda posponi pa dia 11 December 2011, debi na algun contra tiempo. Ta trata aki di e rifa cu ta wordo bendi actualmente y cual ta costa solamente un florin pa ticket. Como prome premio ta rifa un auto, segundo premio ta un viahe riba Crucero y tercer premio ta un

iPad. Meta di e rifa aki ta pa recauda fondo pa asina yuda esnan den mas necesidad den nos comunidad. Nos tin di informa cu ainda tin rifa disponibel pa cumpra cerca trahadornan di SETAR. Tur florin cu contribui ta bay bek den nos comunidad pa yuda. Fundacion Social di Trahadornan den Telecomunicacio ta pidi comprension pa e aplaso aki di e grandioso rifa y ta conta riba e generosidad di henter nos comunidad.

Ruta di Serlimar ayera peliger di sushi biologico:

Cuerpo Policial kier manda un alerta na comunidad relaciona cu peliger di sushi biologico STA. CRUZ -- Ayera mainta un truck di desperdicio di Serlimar a recoge desperdicio di Hospital. Durante transporte di e despercidionan menciona, pa motibonan desconoci, sushinan a cay riba e ruta (entre otro hangua contamina) y a keda banda di caminda. Tin un team trahando riba esaki na e momentonan aki pa recoge esaki mas pronto posibel. Ta pidi publico ta tene hopi cuidao cu esakinan y NO MISHI cu nan. Tuma contacto cu Central di Polis na 100 y nan lo manda hende mesora. Ta ser pidi specialmente na mayornan cu tin yiu mas chiquito pa tira bon bista riba nan y specialmente e area dilanti cura (riba e ruta mas abao). Riba e mail mas abao, por lesa e ruta cu e truck menciona a sigui. A haya mas di e "voorwerpen" aki na Colegio San Hose, EPB Sta. Cruz y na Emma

School. Mainta tempran na Centro di Husticia. Ta trata di bloedbuisjes cu sanger den nan, injectienaalden, injectienaalden- dopjes, e slide cu lab ta usa pa haci onderzoek y e injectie pa bloedafname. Serlimar a pasa e siguiente ruta: Imsan San Nicolas, Te oro Kleuterschool, Warda di Polis Sta. Cruz, Colegio San Hose, EPB Sta. Cruz, Emma School, Maria Goretti School, Centro di Bario Tanki Leendert, Warda di Polis Shaba, School Washington, Kampeerterrein banda di School Washington, Seppa – gebouw, Centro di Bario Playa Pabao, Douane kantoor Playa, Marisol Building (patras di e gebouw), Warda di Polis na Playa, Paviljoen na Playa, Maristella, EPB San Nicolas, Saba (Palisiaweg), Pieter Boer School, Warda di polis na San Nicolas y KIA.

Pagina 15

Lo aparece awe 27 Oktober 2011 den Corte di Prome Instancia Pa 8:30 am: D.L.M.. ta wordo acusa di, riba diferente fecha den e lunanan Oktober y/of November 2009, a falsifica un I.D. y/of un uittreksel di bevolking y/of un werkgeversverklaring di un persona. E ta wordo acusa di, riba diferente fecha na November 2009, a intencionalmente haci uso di un of mas documento falsifica pa cumpli cu e condicionnan di haya un prestamo. E ta wordo acusa di, riba diferente fecha na November 2009 y door di tuma un identidad falso y/of door di haci uso di mañanan y/of un red di inventonan, a haci cu un trahador di un institucion financiero a dune un prestamo di 14.435 florin. E ta wordo acusa di intento di haci cu un trahador di un instituto financiero dune un prestamo di 13.825 florin riba diferente fecha na November 2009. E ta wordo acusa di, riba diferente fecha na November 2009 y door di tuma un identidad falso y/of door di haci uso di mañanan y/of un red di inventonan, a haci cu un trahador di un institucion financiero a dune un

prestamo di 10.000 florin. E ta wordo acusa di, conhuntamente cu un otro of otronan, riba diferente fecha na April 2010 y door di tuma un identidad falso y/of dor di haci uso di mañanan y/of un red di inventonan, a haci cu un trahador di un institucion financiero a dune un prestamo di 15.000 florin. Pa 9:30 am: L.J.K. ta wordo acusa di a maltrata un persona intencionalmente riba 3 di September 2009 cu un tubo di hero. E ta wordo acusa di, conhuntamente cu otronan of un otro, intento di ladronicia na Belastingkantoor bieu di tubonan di koper riba 25 di Februari 2009. E ta wordo acusa di ladronicia di auto di un persona den e periodo di 29 pa 30 di September. Pa 10:40 am: G.D.S.D., J.J.H. y G.B.M. ta wordo acusa di, conhuntamente cu un otro of otronan, ladronicia di auto di un persona riba 11 di Maart 2010. Pa 11:30 am: A.E.v.P. ta wordo acusa di a intencionalmente cumpra y/of tuma y/of transporta, sconde of warda un auto procedente di ladronicia den e periodo di 26 te 27 di Mei 2011.


Diahuebs, Oktober 27, 2011

Pagina 16

Start 'Rondom Oranje' pa Parti di Reino den Caribe STA. CRUZ -- E projecto di Arte itinerante 'Rondom Oranje', cu ta den preparacion desde 2009, lo cuminsa awor na Hulanda! 'Rondom Oranje' tin como meta propaga y stimula e union entre e pueblonan di Hulanda y e parti di reino den Caribe. Reflehando e funcion puente di nos 'Oranjehuis' comun. Riba 30 di April 2010 e prome exposicion di Rondom Oranje a ser organiza pa Oranjevereniging Groningen.

Desde 2009 tin hopi preparacion pa e exposicion itinerante aki. Desde cuminsamento tabata intencion pa mustra Rondom Oranje den nos henter Reino y hasta pa cuminsa e gira den e parti di nos Reino den Caribe, pero circunstancia a haci cu esaki a cuminsa na Hulanda toch! Marina Real, como sponsor, ta cla pa transporta e exposicion aki gratis pa e parti di Reino den Caribe y entre e islanan, asina cu Rondom Oranje ta pas den maneho cultural di e autoridadnan local y cu tin bon sala di exposicion disponibel pa esaki.

Na Mei 2012 e barco Hr. Ms. Amsterdam ta sali di Den Helder, cu lo por transporta henter e exposicion pa Caribe si tin apoyo politico real pa esaki na e islanan.

PENSAMENTO POSITIVO DI DIA Visualiza e Reino di Dios den bo interior! Mira den bo mes e receptor den potencia di e generosidad Divino


Diahuebs Oktober 27, 2011

Pagina 17

Vivian Chow representando Aruba na Miss International 2011

STA. CRUZ -- The New Star Promotion a asigna Srta. Vivian Chow pa representa Aruba na e certamen Miss International 2011 na Chengdu, China. Vivian ta un finalista di e Miss Aruba 2010 y a haya e oportunidad pa representa Aruba. Loke nos por conta di Vivian ta cu e tin amplio experiencia den e mundo di modelahe na Aruba como modelo di KOMA models y a caba di gradua for di EPI Hospitality e anja aki. Vivian ya caba a yega Chengdu y awe lo cuminsa

cu photoshootingnan oficial pa e certamen cu ta conta cu mas di 80 pais cu tambe ta participa. Den pasado Aruba a logra hopi premio na e certamen aki, incluyendo varios anja e premio di Mihor Trahe Nacional y tambe a sali 1st RunnerUp cu representacion di Alexandra Ochoa. Tur esnan cu kier sigui e pasonan di Vivian na Miss International por ‘like’ e page ‘Miss Aruba Pageant’ riba facebook! Nos ta desea Vivian hopi exito na e certamen.


Diahuebs Oktober 27, 2011

Pagina 18

Ateliers ‘89 cu workshop nobo pa November WORKSHOP MULTIMEDIA PINTURA/FOTOGRAFIA AUTORETRATO “ME MYSELF AND I”

STA. CRUZ -- “Dos sa mas cu 1”. Ambos artista lo duna e workshop aki di “Autoretrato” cu ta algo unico. Cu nan maestria den Pintura y Fotografia e dos artistanan procedente di Hulanda cu sumo placer lo guia un y tur cu participa na e workshop aki di Autoretrato yama “Me Myself and I”. Durante

e workshop aki, haciendo e diferente encargonan, lo e participante lo bay ta discubri e diferente materialnan, composicion y tecnica. Tambe lo inclui na cierto momento den e lesnan aki historia di arte. Emocionante di e workshop aki lo ta cu e lo wordo duna pa dos

docente! Lo no wordo traha e ora solamente na loke ta observacion, dus “ loke e wowo ta mira”; pero tambe bo ta siña con pa abstrae y cambia di forma e realidad. Na final di e workshop lo bo haya un bista mas amplio di e diferente estilonan di pinta pero tambe tecnica

di fotografia cual lo bo bay usa pa traha e autoretratonan. E docentenan lo siña bo stap pa stap e tecnicanan e l e m e nt a l, perspectiva, dunamento di forma y usamento di material cual lo wordo aplica hopi intensivo. For di cuminsamento caba e workshop aki di “Me Myself and I” ta basa ariba con ta desaroya y haci mas scherpi bo manera di mira. Siña mira bon ta e base pa traha bo prome encargonan. Hopi hende ta haya dificil pa cuminsa cana, ora bo mester traha un encargo sin e stimulo

di uno fiha. Den e diverso encargoanan den e lesnan aki e enfoke ta ariba conposicion y dunamento di forma den fotografia y e arte di pintamento. Discutimento di potretnan traha, pintura- y formanan uni(!), esaki lo ta un parti hopi interesante den e workshop “Autoretrato Me, Myself and I”. Nos lo profundiza nos mes mas ainda pa asina busca y haya e expresividad tras di e imagennan traha. E tecnica lo hunga por cierto, mas un rol di sosten. E rol principal ta poni un banda pa e imagen mes. E participantenan lo traha un paar di encargo creativo pa les cu lo por contribui na e proceso pa crea un estilo y vision propio, unda nan ta bay profundiza nan mes pa asina pa yega na e resultado desea pa exposicion final. E workshop aki tambe lo ta pa un luna largo y lo cuminsa ariba Dialuna 14 di November 2011 y lo continua te cu dia 8 di December. Nan lo ta anochi di Dialuna pa Diahuebs y ta di 6:30 pa 9:30 pm. Edad ta di 14 aña pariba. Pa inscripcion y informacion por pasa personalmente na Ateliers ‘89 of yama su Director Elvis López na Telefonan 5885776 o Celular 5654613. Ateliers ‘89 ta situa na Dominicanessenstraat 34 na Oaranjestad , rechts tegen over Maria College. Incribi awor ya cu cuponan ta limita.


Diahuebs Oktober 27, 2011

Pagina 19

Bevernan di Grupo San Dominico tambe a contribui cu Mary Joan Foundation Cumprando un Trinitaria Roos na Fantastic Gardens

STA. CRUZ -- Diasabra como clausura di “Paspoort Flora” e lidernan di Kolonie di GSDN a hiba e bevernan di pa sinja y mira kon un

mata ta wordo planta, kon importante ta pa duna e mata awa pa asina e mata na su turno duna nos aire pa nos por hala rosea.

Na mes momento e bervernan por a skohe un mata cu ta saka flor ros pa asina contribui cu Mary-Joan Foundation. E bevernan a haña un splicacion door di e miembronan di Mary Joan Foundation di kiko e Foundation aki ta hasi pa nos comunidad y gradici nan tambe pa aunke kon chiquito nan ta, nan tambe a contribui como “een goede daad” E bevernan por a mira tur e flornan cu ta di Aruba, sinja wak e diferencia di nan blachi y kolo di flor y a skohe e trinitaria pa esun cu por contra di secura y cu nan lo cuida na nan GreenHut y wak kon e ta sigui crece y saka flor pa nan.

Asina di chiquito kaba ta siña nos muchanan e importancia pa planta y cuida nos flora pa nos por sigui hala aire fresco tur ora y cu un mata mester wordo cuida cu hopi amor pa e saka flor bunita pa hasi nos hardin tambe bunita. Kolonie di GSDN ta reuni tur diasabra di 10.00 di mainta pa 12.00 di merdia, den naturalesa, pariba di St. Aloysius/ St. Anna School y nos ta tuma mucha hombernan for di 5 aña te cu 7 aña. Pa mas information kon un mucha por bira un Bever cu di Chiquito ta hunga “Samen Samen Samen” y na mes momento ta wordo guia den su formacion pa ta

un mucha saludabel, responsabel, cu respet pa su mes, nos creador y su famia, contectando y protehando su natruralesa. Un magia di fantasia di e storia di: “Friens of the Forest”, por pasa personalmente tur diasabra y/of tuma contacto cu Akela Sharlyn Tromp-Farro, GL di GSDN na tel 5863396 of Cel 593-0834 tambe e-mail shatrofa@ setarnet.aw tambe cu Rainbow Adelin TrimonGeerman na 564-8989. GSDN ta warda tur e mucha hombernan di Noord pa tambe bin pasa dushi cu nos bao palo na nos GreenHut(GH)


Diahuebs Oktober 27, 2011

Pagina 20

Hugo Themen como referee na Weganan Panamericano na Guadalajara, Mexico

STA. CRUZ --Aruba Amateur Weightlifting Association a ricibi un invitacion for di International Weightlifting Federation y Organisacion Panamericano pa Sr. Hugo Themen para referee na Weganan Panamericano cu ta tuma lugar na Guadalajara, Mexico for di 21 pa 28 oktober 2011. Tambe Hugo a asisti na e Congreso Panamericano cu a tuma lugar dia 22 Oktober. Na e competencia aki 34 referee a wordo invita for di 42 paisnan Panamericano. Aruba Amateur Weightlifting Association ta manda palabra di pabien na Sr. Hugo Themen cu a wordo invita como referee internacional den e Wganan Panamericano na Guadalajara, Mexico. Riba e potretnan por wak algun di e referee nan durante di Weganan Panamericano. Pabien!!

Dakota cu hopi energia cu Gatorade

STA. CRUZ -- E hoben equipo di Dakota,cu a regresa den Division di Honor e anja aki ta hanjando un admiracion unico di fanatico y comercio en general. Despues di a derota Nacional 2 pa 1 den nan promer salida y lagando Bubali den un wega sin goal ,awo tin cu topa cu e campeonan RCA den stadion G u i l l e r m o Prospero Trinidad. E desafio a wordu tuma na serio y e entrenamentonan a sigi na ordu di dia. El Flaco Guerra cu ta e entrenador hunto cu e capitan Harvey Clement ta di opinion cu e muchanan ta gastando hopi energia y pa tal motibo a aserca Sr.Papito A l m o n d a l e k representante di GATORADE cu su agente distribuidor ROMAR TRADING

pa nan support. Durante di un reunion cu no a dura ni mei ora Sr Leonel y Sr.Almondalek a confirma nan patrosinio na Dakota,debi na nan gana di gana,dedicacion y responsabilidad demostra ya caba.   “Gatorade ta e bebida di campeon ”asina Papito a afirma,” waak na television kiko e deportista ta bebe,,,no ta Gatorade ?’   Recientemente for di e warehouse di Romar Trading Sr. Alfonso Nedd a hasi entrega e promer 10 caha di Gatorade na e kapitan Sr. Harvey Clement.   Un danki ta bai na Romar Trading pa nan support y cu nan por ta sigur cu den Dakota nan tin un campeon cu no lo laga nan na caya...cu Gatorade


Diahuebs Oktober 27, 2011

Pagina 21

Aruba Softball Bond ta participa:

Weganan riba 29 di Oktober ta ser cancela y lo wordo re-schedule den November STA. CRUZ -- Aruba Softball Bond ta participa cu weganan di 29 di Oktober 2011 ta keda cancela en conexion cu bishita di nos mahestad La Reina. E weganan aki sinembargo lo wordo reschedule den schedule di November. Tur otro weganan programa den Oktober lo continua

normal te cu dia 28 Oktober. Tuma bon nota di esaki. Alavez ASB ta bolbe recorda lidernan di tur team cu e Cubano ta dunando les di pitcher gratis tur dialuna na Flatstone, tur diamars y diahuebs na Kudawecha y tur diarazon na veldnan nobo na Pos Chiquito. Tur les ta cuminsa

5:00pm. ASB kier motiva mayornan pa stimula nan yiunan pa bay e lesnan aki. Talentonan cu ASB ta busca ta preferibel di bon haltura y braza largo. Edad entre 11-18 a単a. Haci bo yiu un pitcher di nos selecionnan di futuro.

Sr. Jay Zwickel & Sra. Susan Zwickel honra na Paradise Beach Villas

STA. CRUZ --Recientemente Sr. Jay Zwickel & Sra. Susan Zwickel a word honra como embahadora di bon voluntad cu ta biniendo Aruba 23 a単a consecutivamente. E titulo simbolico honorarium ta wordo presenta den nomber di Minister di Turismo como

un aprecio pa e turista. Den un ambiente ameno Srta. Darline S. de Cuba representante di Aruba Tourism Authority a haci entrega di e certificado den presencia di Sra. Bianca Ali representante di Paradise Beach Villas.

Hallllooooweeeeennn ta na Lallys Diasabra awo dia 29 oct cu tremendo fiesta di HALLOWEEN na Lallys Bar y Restaurant na Cura Cabia. Orario di 10 or pm te cu den oranan laat di mainta. Banda: SON FAMILIA. Entrada: Un sonrisa (Gratis)Y lota bai tin un Bar y Cushina netamente Arubiano ala Cushina di Nestor.Asinta bin cubo disfras y gosa di dia Di HALLOWEEN na Lallys.

Na Lallys Bar y Restaurant Cura Cabai: orarionan ta, Diahueps: 6or pm te cu 12or am Diabierna y diasabra : 6or pm te cu 2or am di marduga. Diasabra y diadomingo :11or am te cu 3or pm cu BBQ. Lo bai tin saco, basket, cuminda grijojo y pan, soppi tur na un bon prijs. Por jama pa pedido na 5944659. Cushina di Nestor lota tambe na Sede di Mep tur diadomingo.


Diahuebs Oktober 27, 2011

Pagina 22

Thashaina Seraus y Kamilah Dammers dunando bon bataya na e Weganan Panamericano den e deporte di bowling

STA. CRUZ --Dialuna a cuminsa na e Weganan Panamericano e deporte di bowling, caminda cu pais Aruba tabata bon representa pa e hobennan Thashaina Seraus y Kamilah Dammers. Bowling e ultimo a単anan a bin ta creciendo danki na e trabaonan duro di Comite Olimpico di Arubano, structurando entrenamento di e deportenan na Aruba, ARBAS cu nan determinacion di mehora e nivel di bowling na Aruba y e coachnan cu a bay ta profesionaliza nan mes y a dedica hopi tempo ariba tur e atletanan den e seleccion di bowling. Dialuna a inicia e evento di double cu 6 wega cu a termina diamars cu e otro 6 weganan pa asina cumpli cu e 12 weganan di double. Dialuna den e prome 6 weganan pa gran parti, incluyendo e equipo di Aruba, por a ripara cu e tensionnan tabata basta halto y tambe mester a custumbra cu e zetamento cu tabata basta dificil. Despues di e prome 6 weganan aki Aruba a keda na di 11

lugar for di 16 equiponan. Mester remarca cu na 2009, ora cu e equipo di Aruba a cualifica, esaki tabata na puesto number 16, cual tabata net pa cai den esnan pa representa nan pais na e Weganan Panamericano. Despues di e prome dia, ya por a mira bon se単alnan, mirando cu Aruba a hala cinco puesto di dia cu nos bowlers a cualifica y tambe a gana 4 di e 6 paisnan hungando e 6 weganan, cada vez cu un otro pais. Diamars e damanan di Aruba, Thashaina cu Kamilah, a ranka sali den un overdrive hungando bon bowling, caminda ambos a tira pa un averahe individual rond di 195. Esakinan ta e averahenan cu ARBAS hunto cu Comite Olimpico Arubano a programa pa e dos atletanan como nan performance pa e Weganan Panamericano. Cu e presentacion di diamars, nos dos atletanan a bula pa di 9 luga den e clasificacion di dobles cu tambe a termina diamars, laganado rivalnan grandi manera Brazil y Puerto Rico nos tras. E atletanan ta bao

guia di coachnan Rita Lopez Henriques (head coach pa e Weganan Panamericano) asisti pa Chris Dammers, unda cu por, cu tambe tabata presente na e weganan. Sr Edmundo Josiah di COA tambe por a ser mira den e bowling circle durante e weganan dunando e atletanan e apoyo mental cu nan mester pa seranan mente di tur locual ta anda rond di nan y pa concentra ariba nan forma di bowl. E competencia di dobles femenino a ser gana pa e duo profesional Mericano, Elisabeth Ann Johnson y Kelly Kulick, kendenan a bay cu e medaya di oro, mientras cu e duo Mexicano, Sandra Gongora y Miriam Zetter a keda cu e medaya di plata y por ultimo e duo Colombiano, Anggie Ramirez y Maria Rodriguez a keda na di tercer puesto cu e medaya di bronz. Diarazon lo hunga e disciplina di individual cual lo bira un dia hopi dificil, mirando cu lo

mester hunga 6 wega mainta y 6 wega merdia, na unda lo saca e ganadornan e mesun dia. Despues di e evento individual aki lo saca e mihor 16 bowlernan pa e evento di master di diahuebs, tambe lo saka e standing dobles todo evento. E meta grandi awor ta pa drenta e top 8 pa cu e evento di dobles todo evento pa pais. Un palabra di felicitacion ta bay pa e dos atletanan hoben femenino di Aruba, Thashaina Seraus y Kamilah Dammers, cual atletanan tin hopi wowo y bon recomendacion den nan direccion di e coachnan di otro pais, mirando nan edad hoben y habilidad saliendo di un pais chikito cu ta yama Aruba! Un danki ta bay na Sr. Chris Dammers, kende a duna nos tur e informacion nesecario, pa asina Aruba completo por keda na altanto di e desaroyo etorno nos atletanan di bowling, Kamilah Dammers y Thashaina Seraus.

Telefonnan importante: BOTICANAN: Maria 585-8145 Di Servicio Noord 586-4606 Seroe Preto 584-4833 Fergusonstraat 583-0620 Kibrahacha NV 582-2007 Oduber NV 582-1780 Paradera 588-6638 San Lucas 584-4830 San Nicolas 584-5712 Santa Anna 586-0027 Trupiaal 582-8671 Eagle 587-9011 4 Centro Medico 584-5779 Aloe 584-4606 Central NV 585-1965 Dakota NV 588-7364 Del Pueblo 582-1253 POLIS: Oranjestad 100 San Nicolas 104 Sta. Cruz 105 Noord 107 Tip-line 11141 Brandweer/Ambulance 911 Guardacosta 913 Seguridad National 11911 Hospital 527-4000 Centro Medico 524-8833 Setar storing 117 Web Storing 525-4600 Elmar storing 523-7147 Agencia Funeral: The Olive Tree 584-8888 Ad Patres 584-2299 Aurora 588-6699 Mementomori 582-2222 Fundacion: Cas 584-2050 Fada 583-2999 F A V I 582-5051 Famia Planea 588-9591 Autismo Aruba 588-1179 Pa Hende Muher 583-5400 Pa Hubentud 588-6138 Bloedbank Aruba 587-4260 Solo di Pueblo 585-9500 Canal 22 585-9500 Tip pa redaccion 592-6895

Dokter y Botica na Warda pa bao di Brug:

Horacio Oduber Hospital: 527-4000 27 Oktober 2011 dr. D. Esschendal avonddiensttica Noord 22 te cu 28 Okt. 2011

A SER PERDI A SER PERDI UN CARTERA CU DOCUMENTOS BAB MANERA I.D. , DRIVER I.D , A.Z.V , ATM, VISA X2 , PRICE SMART, FUN MILES PORFABOR SI POR A HA単E TUMA CONTACT KU CARLOS A.GARNICA NA 5652209- 7424812 .

Dokter y Botica na Warda pa riba di Brug: Centro Medico Dr. Westrate, E 524-8833 - 27 Oktober 2011 Dr. Luchmun, R - 4 Centro Medico NV. 22 te cu 28 Okt. 2011


Diahuebs Oktober 27, 2011

Pagina 23

PRODUCTO Y SERVICIO SUNSHINE TIRE SALES & SERVICES TANKI LEENDERT 126 A CABA DI YEGA UN CONTAINER DI TIRE SEGUNDA MANO FOR DI EUROPA CU UN VARIACION DI SIZE DI TIRE PA TUR AUTO CUMINSANDO DI SIZE 12 TE CU 20 INCH. TAMBE NOS TA DRECHA TIRE, BENDE TUBE Y WHEEL LOCKS Y NUTS. NOS ORARIO TA DI DIALUNA PA DIABIERNA FOR DI 8:30 PA 5:30 Y DIASABRA FOR DI 9’OR TE 3’OR. PA MAS INFORMACION YAMA 5836442. NOS TA WARDA BO!!

cCLASIFICADO

TA bende

Un walk in cooler/ freezer industrial di marca Kolpak 7' 8" x 11' 7" x 8' 3.75" walk in cooler Manual sliding door / white finish / 2hp refrigeration Afl. 18.000.00 discutible Excelente pa restaurant of pa tene producto frieuw Contact:

TA busca Un uitwonende dienstbode pa haci trabao di casdi dialuna pa diabierna y diasabra mitar dia. Minimumloon. Westpunt 7A,

tel.: 5860412

739-0101

Construccion Pa tur sorto di trabao de Construccion y Remodelacion yama 593-9307

TA BENDE

Chevrolet Optra grijs cu 4 porta den bon condicion / 2003 fls. 9000,- Prijs discutibel! 594-1402

TA BENDE CAS NA MACUARIMA PRIJS : AFL. 150.000, YAMA CELL : 5937118 EMAIL: WETRONV@ GMAIL.COM WEBSITE: WWW. WETRONV.COM

Ta busca un peluquera estilista cu experiencia Pasa personalmente na Centro Comercial Noord # 82 of yama 5867272 /7303327 pa un afspraak.


Diahuebs Oktober 27, 2011

Pagina 24

S.O.S. ta continua cu Festival Teatro den Bario cu e obra teatral ‘E Mundo di spiel’

STA. CRUZ -- E Festival di Teatro den Bario no ta STOP y ta continua cu e obra teatral “‘E Mundo di spiel’ na Noord.Tur e hobennan y e Comunidad di Aruba en general ta keda invita pa bini y aprecia e siguiente presentacion di Festival “Teatro den Bario”na Centro di bario Noord cu lo ta diasabra 5 di November 19:30pm E obra teatral di hoben titula ‘E Mundo di spiel’ ta inspira for di e hobennan mes. A base di e informacion cu nan ta ricibi dia pa dia den bida cotidiano. Ta trata e manipulacion y influencianan negativo cu ta domina e hobennan. Nan ta den un lucha constante cu e mundo aki y nan ta rebeldia y desobedece reglanan, pa escapa un poco for di esaki algun ta scoge pa drenta e mundo di teatro, baile y modelahe, den e lugar aki, nan ta haya nan mes confronta cu exigencia y disciplina pa haya exito, algun di e hobennan ta sinti nan mes decepciona y ta perde animo pa sigui pero na final nan ta persevera y nan ta sigui tras su soñonan Awe ta cumpli 14 aña mi prinses

y goals .E obra aki a ser crea bao di e guia di e docente y director Madelene Kelly, cu tin un amplio experiencia internacional. El’a prepara su mes den diferente tayer y estudio specializa den pedagocia, Actuacion teatral, danza y dirección for aña 1986. S.O.S lo continua Diadomingo 6 di November 2011 pa 18:30pm.Cu e proximo obra teatral “ DREAMSCAPE”.+ Caminda un grupo di mucha cu tin soñonan similar ta topa otro den nan mundo di soño. E muchanan ta goza plenamente di e mundo aki, pero kico realmente tin tras di esaki? Pakico nan a wordo treci hunto den e universo di soño? Mientras tanto un pesadiya ta loer den cada skina di nan mundo di DREAMSCAPE”.E lo wordo presenta na Club Caiquetio riba e dianan 18 di November 19:30pm cu 20 di November pa 18:30 pm,E obra aki a ser crea bao di e guia di e docente y director ANGELO ANGELA Festival di Teatro den Bario ta e resultado di e programa Stars

Gilaine Nicole Koolman

E ta haya hopi braza y sunchi di su tata Gilbert, mama Mariela y ruman Gilmer. Tambe di tur amiganan y famia. Saludos di Hulanda di bo mami Yeya cu ta stima bo hopi mes. Pasa un dushi dia. We’ll B together soon!!

Awe dia 27 di Oktober ta di fiesta e Princess di cas

Zarienne Rosel

E ta cumpli 2 aña y ta haya palabra di pabien di parti su Mama Najesda y su tata Adrie Rosel , rumannan Nathail, Nathaniel, Jadri, Dessi, Andree Rosel y di Randell tambe. Pabien di su welanan y welonan bisawela, tanta y omo di su madrina y padrino y demas famia . Tambe di parti omo Robby Rosel

on Stage den cual hobennan ta wordo entrena door di docentenan profesional den e arte Pedagogico teatral. Hobennan a haya un training riba tereno di actuacion y desarroyo di e personalidad, pa desaroya ,creacion di personahe, uso di voz, uso di decor, improvisacion, uso di espacio, uso di musica, baile y media den teatro. Tambe nos ta reforza respet, colaboracion, concentracion, responsabilidad. Nan lo expresa nan opinion, aspiracion, nan mundo den e obra di teatro. Cada grupo a haya suficiente training y preparacion pa nan por trece nan presentacion dilanti riba un bon nivel, di tal forma cu nan lo ta orguyoso di dje. Tur grupo di e otro barionan lo bay wak e presentacion aki. Socialmente mira e proyecto ‘Teatro den Bario ‘ y ‘Stars On Stage’ ta

sumamente relevante. Esaki tin como efecto cu e ta fortifica disciplina cerca e hobennan y e hoben ta haya confianza cu e por logra su metanan fiha. E proyecto di FARPA aki, cu ta wordo patrocina door di UNOCA, CEDE Aruba, Samenwerkende Fondsen y Prins Bernhard &

Cultuurfonds ta un proyecto fabuloso caminda e hobennan ta haya oportunidad pa siña actua y presenta un obra di teatro pa publico y alavez ta haya oportunidad pa forma un personalidad positivo y constructivo.


Diahuebs Oktober 27, 2011

Pagina 25

Diadomingo pasa dia 23 di Oktober a tuma lugar e careda mas espera di Tribal MTB Xtreme Competition 2011 cu e HTH-Circuit STA. CRUZ --E New Overall Champion 2011 a keda na nomber di Daniel Bermond cual ta e promer lugar tambe di Elite. Di dos Lugar ta George Winterdal y tercer lugar Jean Carlos Ras. Den Sportive SubMaster a keda promer lugar Geremy Arendsz, di dos Mark Tromp, di tres Giovanni Wernet. Sportive Master a keda promer lugar Rene ten

Thije, di dos Piet Boots. Ladies Open Class a keda promer lugar Zaida Every-everon, di dos Sharina Henriquez. Youth Open Class a keda Promer lugar Jens ten Thije. Beginners Men a keda promer lugar Shawn Kock, di dos Arthur Ras, di tres Rolando Wolter. Beginners Ladies a

keda promer lugar Anneke Voorbraak. Nos kier a agradeci tur nos voluntarionan di Valero y di nos team y tur nos sponsornan cu semper ta coopera cu nos en especial Jet International y Monster. Un Tremendo careda exitoso atrobe pa e di tres anja consecutivo!!


Diahuebs Oktober 27, 2011

Pagina 26

HO HO HA HA HA! Wha haha hahah

HARI TA E MIHOR REMEDI

Anochi di Cine/ Documentario DIA : Diabierna 28 di October

Lugar: Centro Joan, Dakota Horario : p.m. – 10.00

Mary 8.00 p.m.

TRECE UN SMILE GRANDI Doc.1: LY den bida diario Doc.2: LY pa hende

mayor Laughter Yoga ta bon pa:* Relaha stress di inmediato

* Ta dunabo extra energia * Salud fisico y emocional * Sosiego y relahacion * Alegria y Paz mundial

Estrella Taekwondo Center ta contando e dianan pa Best of the Best Malta Polar Taekwondo Cup

STA. CRUZ --Estrella Taekwondo Center ta conta cu 3 entrenador kendenan ta Marcelino Roberts, Leo Dirksz y Angelo Bikker. Cada entrenador tin diferente atletanan cu nan ta preparando pa bira un atleta elite. Awor cu Best of the Best Malta Polar Taekwondo Cup ta

dilanti porta a pone mas enfasis ariba e training, specialmente ariba Thais Rodriguez kende lo bay topa cu e dos damasnan di Merca. Ya caba ta papia cu Thais Rodriguez ta den su mihor forma y cu Merca mester wanta duro pa nos streya di Estrella Taekwondo Center. Estrella Taekwondo

Center tin un team pa Best of the Best cu ta bay suta e biaha aki pasobra Meldrick Boekhoudt, Thais Rodriguez, Isaac Soto, Dylaan Croes y Lucy-Anne Wouters ta bay all-out dia 5 di November den Centro Deportivo Betico Croes. Manera ta papia cu ya caba Estrella Taekwondo Center a cuminsa cu e chikitonan preparando nan for di chikito caba pa ora cu nan yega nan edad pa subi e arena di combate esaki lo ta un kuki pa nan. Manera ta bisa un bandera y un

escudo y un Estrella Taekwondo Center tin cu ta e unico. Cu e evento ta na Santa Cruz ta papia pa su mes, pasobra Estrella

Taekwondo Center ta bay na oranje diasabra dia 5 di November.


Diahuebs Oktober 27, 2011

Pagina 27

A fayece inesperadamente na Hulanda Nos querida esposa, mama, ruman y wela stima,

Imelda “Meka”, “Suzy” Koolman, geb. Erasmus

Aruba 20-12-1945 Hulanda 23-10-2011 Su esposo: Leoncio “Leo” Koolman Su yiunan: Gino y fam. Michel y fam. Su rumannan: Benita y fam. Luis y fam. Robby y fam. na Hulanda Linki y fam. na Hulanda Jossy y fam. Jolanda y fam. Su tanta di respet Anna Maria Tromp Farro na Hulanda.Primo y primanan, sobrino y sobrinanan, nieto y nietanan.Tur persona cu a conoce Meka (Suzy) di aserca y demas famia na Aruba y Hulanda Ta participa cu e acto di despedida y entiero lo tuma lugar: Diabierna, 28 di October 3011 for di 13.30 or Meka (suzy) su ultimo lugar di sosiego lo ta na : Bergraafplaats Hofwijk, Overschie Hulanda Adres pa condoleer: Fam. Koolman, Erasmus Zuidzijdsedijk129 3194 ND HoogvietRotterdam Nederland

TARIFA ECONOMICO PA ANUNCIO DI MORTO:

Solo di Pueblo ta brinda un tarifa economico pa anuncio di fayecimento cual ta consisti di: - 3 invitacion completo pa entiero, - Invitacion pa resamento y misa y Gradicimento Un pakete special di Afl. 200.00 pa entiero*

Dios ta nos refugio I fortalesa, un pronto ausilio den tempu di angustia. Cu inmenso tristesa na nos curazon nos ta participa fayecimento inespera di :

VALERIO HERNANDIS Mihor conoci como VALE

Na number di su mama: ± Sra vda Maria Francisca CroesEveron

Rumannan:

± Mirto Hernandis y Brigitta y famia. Miano y Yolanda Croes y famia Ety Croes y juinan Lucio y Marina Croes y famia Miriam y Osvaldo Anaya y famia

Rumanan di criansa: ± Hendrick y Maca Croes y famia ± Mario Croes y famia Cornelia Biesum-Croes y famia Bibiano Croes y juinan Tanta y omo: Bartola Kelly Everon y famia Nicolas Everon y juinan Cuñanan:

Betty Hereira y famia Sita Vrolijk y famia Edith Croes y famia Ina Werleman y famia

Su amigo:

Mando y famia y demas amigonan

Primo y primanan, sobrino/nanan, Comper y Comernan

Solo di Pueblo ta traha cu tur funeraria. Por pidi e anuncio via e funeraria of por haci'e directamente na nos oficina na Sta. Cruz 110

Demas famia: Hernandis, Everon, Croes, Kelly, Arends, Rafini, Lampe, Schutte, Anaya, Biesum, Koomen, Ridderstap, Hereira, Vrolijk, Werleman. Ta invita pa asisti na acto di entiero cual lo tuma lugar diabierna 28 di oktober pa 4’or di atardi saliendo for di Misa Inmaculada Concepcion na Santa Cruz pa Santana Catolica. For di 2’or di atardi VALE lo ta reposa den misa Inmaculada Concepcion na Santa Cruz.

Contact: e-mail: solodipueblo@gmail.com Tel: 585-9500

Tin opportunidad pa condoleer famia diahuebs 27 di oktober for di 7’or pa 9’or p.m. na Mementomori Funeral Home

(* E prijs ta pa entiero y no pa dia)

Reflexion: Spera... Warda ariba Nos Creador y Senjor Hesus ta mustra e confianza y e pasenshi cu e tempo no ta perdi ni pornada...e ta e simia cu ta produci resultado exitoso di tur bo deseo-nan. SPERA....WARDA... ARIBA NOS CREADOR Y SENJOR HESUS..... Spera...warda.....ariba un yudanza cu pasenshi..... prenda balioso bow 7 yabi.... Spera...warda ...pa un cambio faborabel.... Spera...warda....pa un sanashon di bo dolornan.... Spera...warda....pa un placa cu nunca lo yega.... Esnan cu spera ...warda... ariba Nos Creador y Senjor Hesus lo hanya forza renoba, nan lo bula bai ariba cu hala manera aguila. Warda...Spera ta produci pasenshi y pasenshi ta e simia cu ta produci resultado di bo deseo-nan. Warda ariba Nos Senjor ta un prueba di confianza. Warda ta revela pasenshi. Tempo pa warda no ta tempo perdi. Nos mester warda ora Senjor bisa nos pa warda. Santiago 1 : 4 : Laga perseverancia tin su resultado perfecto, pa boso por ta perfecto y completo, sin falta di nada, Amen. Lamentashon 3: 25-26: Senjor ta bon pa esnan cu ta warda ariba dije, pa e alma cu ta buskele. Ta bon pa warda den silencio ariba e salbashon di Senjor Hesus. Warda ta tempo pa sinja y para keto. Nos como hende ta odia pa warda...locual cu no ta bon...esey ta carni..!!! Cambio di mentalidad... tanten bo ta warda...bo ta sinja. Senjor lo instruibo, lo bo mira man di Senjor move den bo bida, warda ta eherce Forza Positivo y Confianza den Senjor. Asina ta no rabia ora bo mester warda confia den Senjor y warda ta un proceso bendiciona y pa un cambio faborabel den bo bida. Mi ta pidi Nos Creador Stima pa yena cada un cu Salud y Forza y e Perseverancia pa sinja nos pa warda y cu tur deseo-nan di cada wordo cumpli segun e boluntad di nos Creador, Amen. Skirbi pa “Un Curazon yena cu Pasenshi y Confianza” Esperanza/ Sansha/Sasha Koolman-P. Savaneta # 167 - A.


Diahuebs Oktober 27, 2011

Pagina 28

FIESTA DI SAN HUDAS THADEO NA MISA INMACULADA CONCEPCION SANTA CRUZ Diabierna dia 28 di oktober 2011 ta fiesta di San Hudas Thadeo, “E SANTO DI ESPERANZA”, Patrono di esnan desespera y di casonan dificil. Pa 6’or di atardi lo tin exposicion di Santisimo cu adoracion, alabansa y bendicion den Misa Inmaculada Concepcion Santa Cruz. Dilanti Santisimo ta resa e Santo Rosario na honor di Mama Maria. Nos ta resa e Santo Rosario pa paz. Pa 7.00 ta sigui un Santo Sacrificio di Misa Solem como accion di gracia pa tur fabornan risibi. E Santa Misa ta wordo canta pa coro “Vlam di Amor”. E dia aki ta un bunita oportunidad pa tur esnan cu a haya sanacion y judansa den nan necesidad pa gradici Dios na prome lugar y San Hudas Thadeo pa Su intercesion. Pastoor Rey, Pastoor Hercules y Grupo di Oracion San Hudas Thadeo Santa Cruz ta invita cordialmente tur deboto di Mama Maria y San Hudas Thadeo y pueblo di Aruba en general pa asisti na e Ora Santo aki y na e Santa Eucarestia. Asina nos por manifesta nos Fe den Dios y Comunion di Santonan. Bini uno, bini tur. Ta pidi tur fielnan pa bini cu e buki di nobena di San Hudas Thadeo.

RECORDANDO NOS

MILDA STIMA Awe ariba bo dia di nacimento,milda nos ta recorda bo cu hopi amor y cariño.mama,bo yiu bo rumannan,nietonan y pa tur cu bo a significa hopi,kier a deseabo,aya serca nos señor hopi felicidad ariba e dia aki. lo tin un santo sacrificio na kapel monte calvario diabierna 28 Oct 2011 pa 18.30 pm.

Mi ta stima Señor. E ta scucha mi suplicanan. E’la pone atencion, cada vez cu mi a invok’E. Señor ta clemente y fiel, nos Dios, yen di compasion. Señor ta warda esnan cu ta debil. Mi tabata morto cansa, pero E’la salba mi. Awor mi ta calmo atrobe. Señor tabata bon pa mi. Salmo 116

El mensaje de la Divina Misericordia

Cu inmenso tristeza, pero conforme cu voluntad di Dios y agradeci pa tur locual e’la haci y significa pa nos, nos ta anucia fayecimento cristianamente di nos casa, tata, welo, bisawelo, ruman y omo stima.

Sr. Pedro Damian Kelly

mihor conoci como: “Dabian”, “Tata”, “Tata Grandi”, “Omo” Ex trahador di Telefoondienst y Setar na edad di 76 aña. *23-02-1935 - †25-10-2011 Na nomber di su querida esposa: Sra. Florita Kelly-Geerman Su yiunan stima: Sra.Vda Lucia y †Everaldo Koolman-Kelly y famia Sra. Elvira Kelly y famia Sra. Rufina y Wincho Geerman-Kelly y famia †Sr Wilfrido y Esposa y famia, Shamir KellyMorillo Sra. Jessica Kelly y Raul Koolman y famia Su nieto y nietanan stima: Lushka y Romar Croes-Koolman y famia Lyrick Koolman y Ghislaine Dania Sayenne y Sergio D’Abreu Ribeiro-Kelly Sharella Kelly y Enrique Tromp Winviënne Geerman Fraideline Kelly Sidney Kelly Rayson Kelly Su bisanietonan stima: Zailon y Zairick Croes Su ruman stima: Sra.Vda Diana Croes-Kelly y famia Cuñanan: Sra.Vda Maximina Kelly-Werleman y famia Sra.Vda Adriana van der Briezen y famia Sra.Vda Brigida Ras y famia Sra.Vda Maria Henricus y famia Sobrino nan mas stima: Roman Kelly y famia Mena Croes y famia Su ayudantenan di Koningin Wilhelmina Kanker Fonds: Andre, Lola, Ita, Yvette, Shirley Amigo di cas: Angel Geerman y famia Dolorita Ras y famia Tur su ihanan, sobrino y sobrinanan, primo y primanan, comer y compernan, bisiñanan, amigo y conocirnan y demas famia: Kelly, Geerman, Koolman, D’abreuRibeiro, Croes, Boekhoudt, Leon, van der Briezen, Ras, Henricus, de Mey,Winterdaal,Werleman. Nos disculpa si nos por a lubida un of mas famia den nos tristeza. Acto di entiero lo wordo anuncia despues. Acto di entiero lo tuma lugar diasabra 29 di Oktober 2011 di 1.30 pa 3.30 di atardi na misa Inmaculada Concepcion na Sta. Cruz. Despues lo sali pa Santana Catolico na Sta. Cruz. Nos defunto stima lo ta reposa for di 9’or di mainta na cas Sabanilla Abou # 38. Adres pa condolencia: Sabanilla Abao 38 di 7’or pa 9’or di anochi Lo tin un box disponibel den misa pa Koningin Wilhelmina Kanker Fonds. Nos ta lamenta cu despues di entiero nos no por ricibi bishita di condolencia na cas.

En esencia, el mensaje de la Divina Misericordia no es nuevo, es en realidad un recordatorio de lo que la Iglesia siempre ha enseñado: que Dios es misericordioso y que nos ama a todos sin importar la magnitud de nuestros pecados; pero en este mensaje se llama a una comprensión más profunda de que el amor de Dios no tiene límites, y que está disponible a todos, especialmente al pecador más grande: " (...) y cuanto más grande es el pecador, tanto más grande es el derecho que tiene a Mi misericordia" (Diario, 723).


Diahuebs Oktober 27, 2011

Pagina 29

PAROKIA DI DAKOTA TA INFORMA:

Gradicimento y invitacion Pa medio di esaki nos ta gradici tur esnan cu compaña nos durante e fayecimento y entiero di nos ruman y omo stima:

Francisco Croes Un gradicimento pa e dokternan; Dr. Schwengle, Dr. R. Kock y Dr. Cheng. Un danki special ta bay na su sobrina Elsa Leon cu a cuid’e durante su enfermedad cu hopi amor. Un danki na tur esnan cu a haci yamada di telefon. Danki na Pastoor Jairo Maduro pa e bunita respons y na Randall Croes pa e bunita canticanan. Un danki di curazon ta bay pa Aurora Funeral Home pa e bon servicio y atencion pa e famia di e defunto stima. Alavez nos ta invita tur famia, bisiña y conocirnan pa tres santo sacrificio di misa pa descanso di su alma di nos defunto stima na Inmaculada Concepcion na Sta. Cruz, diahuebs 27 di Oktober despues di e ultimo misa lo tin un rosario na Cashero # 26. Boso presencia lo ta altamente aprecia. Na nomber di su rumannan y demas famia.

TRIDUO NA SAN HUDAS TADEO NA MISA LA BIRGEN DI FATIMA NA DAKOTA TRIDUO NA SAN HUDAS TADEO Grupo San Hudas Tadeo Dakota kier a recorda tur devoto pa asisti sin falta na un Triduo na honor di San Hudas Tadeo – Santo y Abogado di Asuntonan di Desesperacion diahuebs 27 di October; durante e triduo lo resa Rosario di San Hudas Tadeo y Oracionnan.. Diabierna 28 di October lo ta fiesta di San Hudas Tadeo y lo tin un procesion saliendo pa 6’or di atardi for riba e plenchi dilanti Misa y lo pasa den cayanan di Dakota y lo termina bek na Misa pa celebra un Santo Sacrificio Eucaristico pa 7 or di anochi. Pues tur devoto na San Hudas Tadeo, y Pueblo di Aruba en general ta keda cordialmente invita pa asisti sin falta na e triduo ariba e dianan menciona, ya cu Hesus mes ta bisa unda cu tin dos of mas reuni den su nomber, ey E lo ta meymey di nan y, nan intencionnan, oracionnan lo wordo seguramente scucha. Nos ta bolbe recorda pa no lubida cu Fiesta di San Hudas Tadeo lo wordo celebra diabierna 28 di october. Corda cu nos ta venera e San Hudas Tadeo, y nos ta reitera for di Palabra di Dios e carta di San Pablo na Timoteo: 1 Timoteo 2, 1-2: “Mi ta gradici Dios, Kende mi ta sirbi cu un consenshi limpi, manera mi mayornan a siña mi, y mi ta corda riba bo cada momento, di dia y anochi, den mi oracionnan”. Comentario riba esaki ta cu “Si Dios mes ta contento ora nos ta resa un pa otro, e Santonan, cu ta perfecto den amor, sigur mester resa pa nos”. Pero no lubida cu Señor Hesus ta esun central cu nos mester adora, glorifica y duna tur honor y gloria, ya cu E ta esun cu ta atende y scucha San Hudas Tadeo su intercesion pa nos ricibi loke nos ta pidi, pasobra e Palabra mes ta bisa: “Pidi lo bo haya, busca lo bo encontra, bati y porta lo habri pa boso”, basta cu e ta pa cada un di nos su santificacion. Laga nos recorda cu sinembargo cu e Nobena di San Hudas Tadeo a cumpli aña pasa 48 aña, pero awor nos a cambiele pa Triduo y e aña aki nos ta celebrando 49 aña y otro aña cu Dios su poder 50 aña rezando na San Hudas Tadeo na Parokia di Dakota. Pero nos no por lubida cu e prome 36 añanan tabata bao direccion di defunto Tula Pablo y for di 1997 e nobena y e aña aki un triduo ta sigui bao direccion di e devotonan di San Hudas Tadeo, Rosa Marin-Geerman y Ida Croes. Na nomber di Grupo San Hudas Tadeo Dakota Ida Croes

Mensahe “Na tur Mi Yiunan, un bendicion cu ta bin di henter Mi curazon. Ave, Ave, Ave, boso ta canta Mi y Mi curazon ta keda alegre y contento. Mi ta ofrece cada un di boso un petalo di rosa den cada curazon. Esey ta pa mustra boso pa no perde speranza. Corda cu Mi ta Mama di bosonan tur y cu Mi ta hopi cerca di Mi Yiu Hesus.y tur boso peticion- y deseonan a wordo hiba na Mi Yiu Hesus. No kere cu boso ta boso so y bandona. Awor mas cu nunca Mi ta mas cerca di Mi Yiu Hesus. Corda cu e situacion rond di mundo ta keda dificil, cu hopi turbulencia y cu hopi morto. Y te ainda Mi ta mira hopi di bosonan cu no ta resa e Santo Rosario manera cu mester ta, pasobra falta humildad y devocion. Ta p’esey boso ta haya hopi strobacion. Ora cu boso pidi pordon ta nifica cu boso kier un bida nobo y bunita. Ora cu boso ta biba den tristeza, cu dolor y cu preocupacion, Mi tambe ta sinti’e, pasobra Mi ta boso Mama. Uni mas cu amor pa otro, pesey mi ta pidi pa famianan resa hunto, pasobra falta hopi oracion den famia. Esnan cu ta stima y ta duna amor, nan mester duna ehempel na otronan. Boso mester sa kico ta bon y kico ta malo y semper cana den e luz berdadero. Corda bai Misa y tuma e Curpa y Sanger di Mi Yui Hesus, confesa tur luna, resa den famia, bai Santisima Sagramento y corda cumpli cu tur e oracionnan na Koyari y semper comparti y juda otro. Di boso Mama, La Birgen di Gracia di Aruba cu ta stima boso pa semper. AMEN


Diahuebs Oktober 27, 2011

Pagina 30

GRADICIMENTO Y INVITACION

Gradicimento / Invitacion

Pa medio di esaki famianan kier gradici tur esnan cu di un manera of otro a mustra nan atencion y a duna nos sosten durante fayecimento y entiero

Pa medio di esaki nos ta gradici tur esnan cu di un of otro manera a compaña nos durante e fayecimento y entiero di nos Papi stima:

No keda asombra pa loke Mi ta bisa, pasobra ta yega e ora cu tur cu ta morto den graf lo scucha su stem y nan lo sali. Esnan cu a haci bon, lo lanta for di morto y haya bida eterno. Juan 5:2829 Revelacion 21:3, 4 Cu inmenso tristeza nos ta participa fayecimento inespera di mi casa, nos mama, nos wela, ruman, tanta y prima stima:

Sra. Emiteria Josefa WongBoezem

di nos defunto stima:

Mihor conoci como “FEFA” 03/03/1941 Bonaire †25/10/2011 Aruba

George Gilberto Maduro

Sr. Orlando Noguera mihor conoci como “Olang” Nos kier a gradici tur esnan cu a juda na cas, Dr.Schwengle, Dr.Kock, Dr. V/d Linde, zuster Margarita y Wilhelmina Kankerfonds. Gradicimento special ta bai na tur cu a manda flor, krans, jamadanan di telefon, email. Na tur famia, bisiña amigo y conocir danki di curason. Boso nan atención tabata un gran consuelo pa nos. Alavez nos ta invita tur famia, bisiña, amigo y conocirnan pa compaña nos na 3 Santo Sacrificio di misa cual ta tuma lugar na Misa Cristo Rey na Brazil riba: Diahuebs 27 di October pa 7’or pm Diabierna 28 di October pa 7’or pm Diasabra 29 di October pa 7’or pm Despues di e ultimo misa nos ta invita tur hende pa bin lesa un Santo Rosario na Sero Alejandro 20-A Boso presencia ta altamente aprecia

Un pensamento positivo pa cada dia Den cualkier situacion o discushon encuanto creencia bisa esaki : “Mas grandi ta esun den mi cu esun cu ta den mundo” 1 San Juan 4 : 4 Skirbi pa: Ruman Esperanza/Sansha/Sasha Koolman-P.

Un danki special na nos Mami, sra. Mena Geerman, cu tabata t’ey dia y nochi pa Papi durante su enfermedad.  Na sr. Gerald Rasmijn, cu tabata cla pa yuda nos cu cualkier cos. Na sr. Alex Croes y famia, su ruman/amigo di semper. Na tur Papi su rumannan, specialmente sra. Vda. Luisa Muller y sra. Glenda Maduro cu tabata t’ey tur ora cu Papi tabata tin mester di nan compania. Na su sobrina sra. Grace Feliciana-Kelly, cu a sa di consola Papi y anos durante e momentonan dificil. Na Dr. Wassenaar y Dr. Jonkhoff y na henter e team di Oncologie, danki di curazon pa e sosten y atencion cu boso a duna Papi. Na tur e zuster y broedernan di piso 4 di Dr. Horacio Oduber Hospitaal. Na tur esnan cu a compaña nos durante e anochi na Aurora Funeral Home y tambe durante e dia di entiero tanto na Misa y na Santana. Boso muestra di atencion tabata y lo keda un gran consuelo pa nos. Na tur esnan cu a manda flor, kaarchi y tambe danki pa tur e yamadanan di telefoon cu nos a ricibi. Y sin lubida e staff y personal di Aurora Funeral Home. Alavez nos ta invita tur famia, amigonan y conocirnan pa santo sacrificio di misa diahuebs 27 di October 2011. Tur dos pa 7’or di anochi na misa “Inmaculada Concepcion” na Santa Cruz. Despues di ultimo misa lo tin un Rosario na cas na Santa Cruz 300-A. Di parti Papi su yiunan: Geraldine, Jun y Edward.

*

Na nomber di su esposo: Sr. Gerardus “Gerry” Wong di Hollywood Barbershop Yiunan: Marlon Wong, Virna Wong, Gerry jr. Wong y Carmensa Wong-Parra-Cerron Nieto y nietanan: Lorenzo Wong na Hulanda Dilangelo y Viriene Ponson Dana, Geadon y Gerry jr. Wong Rumannan: Sra. Vda Petra Croes-Martijn y yiunan yiunan

Sra. Vda Dilia Soliana-Boezem y † Sr. Pedro Alcantara Boezem y yiunan

Sr. Louis Boezem y jiunan y esposa Marline Boezem-Schwengle, Sra. Vda Sally van der LindenBoezem y Ivo de Mey y yiunan,Sra. Ramona y Kees Knoester y yiunan na Hulanda, Sra. Vda Mientje Henriquez-Boezem y Kenneth Lande y yiunan, Sra. Roosje Boezem y yiu na Hulanda Swanan: Alfonso y Swinda Wong-Arends y yiunan George y Pascualita Wong-Ras y yiunan na Merca Tanta: Sra. Elogia “Joja” Semeleer-Martijn y yiunan Ihanan: Jane Soliana, Jacqueline Juliao-Wong y Daniel Flanders. Tur sobrino y subrina na Aruba, Bonaire y Hulan da cu ta stim’e masha hopi mes. Primo y primanan, amiga y amigonan, bisiña y conocirnan y demas famia y tur persona cu a conoce y stima.Demas famia y conocirnan: Wong, Boezem, Martijn, Soliana, Sint Jago, Van der Linden, Knoester, Henriquez, Reeder, Peterson, Semeleer, Croes, Ponson, Parra-Cerron, Schwengle, de Mey, Rasmijn, Vingal, Amatkasan, Lande, Arends, Ras, Kock, Metselaar, Imambaks, De Jong, Salsbach, Nicolaas, Muller, Coffie, Maduro, Kelly, Hoogdorp, Richardson, Goeloe, Thomas, Melaan, Colina, Vrolijk, Juliao, Winklaar, Thielman, Cabenda, Houwaart, Ajodia, Euson, Blom, Berg, Retamoso, Mc. Dougal. Nos disculpa si den nos tristeza nos por a lubida un of otro famia of conocir. Adres pa condolencia: Savaneta 485 (banda di ex veld di paintball na Savaneta) Dia: 26, 27 y 28 di Oktober 2011 di 6’or – 9’or pm Nos ta pidi pa bin bisti na colornan alegre ya cu semper e tabata un persona hopi alegre.Acto di entriero ta tuma lugar diasabra 29 di Oktober 2011 pa 3’or di atardi saliendo for di Ad Patres Funeral Home pa Santana Central na Sabana Basora. Nos defunto stima Fefa lo ta reposa for di 1:30 pm na Ad Patres Funeral

Home. Staff y personal di Ad Patres funeral home ta extende nos mas sincero condolencia na famia di e fayecido. Condolencia por wordo manda riba nos website:www.adpatres.webs.com


Diahuebs Oktober 27, 2011

Pagina 31

Santa Faustina

“ Death leaves a heartache no one can heal, Love leaves a memory no one can steal” A fayece inesperadamente na Hulanda ,

Stil is de pijn, intens ons verdriet, door de leegte die je achterliet. Maar de liefde die je ons bood, is niet te scheiden door de dood. Wat je was en wat je zei, is voor ons nog niet voorbij. A bay laga nos inesperadamente

Ryan Kendrick Arendsz * 11-8-1983

† 24-10-2011

na nomber di su: mama:

Doris van Romondt

ruman:

Darren Arendsz

wela:

Lydia van Romondt-Ponson

tanta na Hulanda: Helen van Romondt primo:

Myron y Joslyn Nagtegaal- Gomes y famia

prima:

Cassandra y Marc Croes- Nagtegaal y famia

demas tanta, omo, primo y primanan.

Ta invita tur famia, amigo, bisiña y conocirnan pa asisti na e acto di entiero cual lo tuma lugar diasabra 29 di Oktober 2011 pa 11'or di mainta lo sali for di kerki Protestant na Piedra Plat, pa santana Protestant den Caya Ernesto O. Petronia. For di 9'or e restonan mortal lo ta reposa den kerki Protestant na Piedra Plat. Lo aprecia pa bin bisti na colornan alegre. Cabyeronan por favor no bisti dashi ni bachi. Den lugar di flor of krans lo aprecia un donacion pa mantencion di kerki Protestant Piedra Plat. Lo tin un box disponibel den kerki. No ta ricibi bishita di condolencia na cas ni prome ni despues di entiero.

Ayúdame, oh Señor, a que mis ojos sean misericordiosos, para que yo jamás recele o juzgue según las apariencias, sino que busque lo bello en el alma de mi prójimo y acuda a ayudarle. Ayúdame, oh Señor, a que mis oídos sean misericordiosos, para que tome en cuenta las necesidades de mi prójimo y no sea indiferente a sus penas y gemidos. Ayúdame, oh Señor, a que mi lengua sea misericordiosa, para que jamás hable negativamente de mi prójimo, sino que tenga una palabra de consuelo y de perdón para todos. Ayúdame, oh Señor, a que mis manos sean misericordiosas y llenas de buenas obras, para que sepa hacer sólo el bien a mi prójimo y cargar sobre mí las tareas más difíciles y penosas.Ayúdame, oh Señor, a que mis pies sean misericordiosos, para que siempre me apresure a socorrer a mi prójimo, dominando mi propia fatiga y mi cansancio. Mi reposo verdadero está en el servicio a mi prójimo. Ayúdame, oh Señor, a que mi corazón sea misericordioso, para que yo sienta todos los sufrimientos de mi prójimo. A nadie le rehusaré mi corazón. Seré sincera incluso con aquellos de los cuales sé que abusarán de mi bondad. Y yo misma me encerraré en el misericordiosísimo Corazón de Jesús. Soportaré mis propios sufrimientos en silencio. Que tu misericordia, oh Señor, repose dentro de mí.

Miriam Bernadette Maduro

Aruba 20 October 1961- Tilburg October 2011 Yiu di Leonicio + Syra Maduro-Tromp Den nomber di: Su yiu Syra Frank y Milo Filipowski Rumannan Hubert y Maxima Maduro-Werleman Lilian y Antonio Leo-Maduro Ronny y Susan Maduro-Irausquin Leo Maduro Ferdi y Ine Maduro-Van Dorst Alex Maduro Grace y Roy Maduro-Maduro Joan y Dennis Ecury-Maduro Cuñanan Gladys Maduro-Lugo, viuda di + Ady Maduro Frida Maduro-Maduro, viuda di + Donny Maduro Tanta Elizabeth Croes-Maduro Sobrino y sobrinanan Susanne, Eugene, Rudolf, Francis, Franklin, Edward, Janne, Gwendolyn, Ryan, Leno, Celia, David, Ruben, Donovan, Stephanie, Niels, Danny, Richard, Rebecca, Chris, Luisa, Erica, y Dennis Primo y primanan y demas famia: Maduro, tromp, Frank, Werleman, Leo, Irausquin, Van Dorst, Ecury, Lugo, Croes, Bislip, Gonzalez, De Kort y Koolman; Ta participa cu ta tuma condolencia dia 27 di October 2011 di 6’or pa 9’or anochi, na cas di mayornan Geermanstraat no. 10, San Nicolas Scol di Evangelisacion Aruba ta anuncia: “Curso Maria, Carta di Cristo” Scol di Evangelisacion “Mgr. A. van der Veen Zeppenfeldt” ta un Scol Catolico cu a wordo fundá pa Pastoor Emiliano Tardif, en felis memoria, cu ta conta cu mas di 2000 scol rond di mundo den mas di 60 pais incluyendo Aruba. Scol di Evangelisacion Mgr. A. van der Veen Zeppenfeldt Aruba ta anuncia curso Maria, carta di Cristo.Objetivo di e curso Maria, carta di Cristo ta: “descubri e rol di Maria den e plan di salbacion y su lugar den Iglesia co mo modelo evangelisador”. E curso aki ta habrí habri pa TUR HENDE y di TUR PAROKIA, pues NO mester a completa ningun otro curso di Scol di Evangelisacion anteriormente. Ta pesey considera e invitacion aki como personal. E curso lo tuma lugar na Centro San Martin (Sta. Cruz) riba 31 di October, 1, 2 y 3 di November di 6.00 pm pa 10.00 pm, pues riba cuater anochi. Pa mas informacion por yama: Centro Pastoral (Sta. Cruz) 585-5985 of famia Werleman 585-2357/ 563-6838/ 592-2357.


Diahuebs Oktober 27, 2011

Pagina 32

Awenochi e lo bai pa e corona di Reina Hispanoamericana:

Aruba ta desea hopi exito na Tracey Nicolaas! Pa mas informacion por sigui tur e pasonan di Tracey y tambe di e certamen Miss Aruba

STA. CRUZ -- The New Star Promotion ta desea Aruba su representante na e certamen Reina Hispanoamericana hopi exito awenochi 27 di Oktober 2011 na Bolivia! Tracey a pasa door di 10 dia intensivo di competencia y tambe diferente actividad rond di Bolivia. Tracey a clasifica den e top 5 mihor trahenan tipico y a causa impacto cu su presentacion. Aruba por ta hopi orguyoso di e trabou cu Tracey ta haciendo na Bolivia. Nos ta desea Tracey hopi exito awenochi pa asina e por logra gana e prome corona di Reina Hispanoamericana pa Aruba!

2011 atravez di e fanpage ‘Miss Aruba Pageant’ riba facebook y tambe na canal 49!


Diahuebs 27 Oktober 2011  

Diahuebs 27 Oktober 2011

Advertisement
Read more
Read more
Similar to
Popular now
Just for you