Issuu

Diahuebs Maart 22

Ceramento di caminda en conexion cu proyecto Green Corridor Diahuebs awor caminda entre Rotonde Mahuma y Rotonde Airport ta cera pa dos anochi

URATACA CENTER

Awe 22 Maart

Chicken Brocoly, Fried Rice, Batata & Banana Diahuebs 22 di Maart 2018

585 5212

Durante reunion na Hulanda:

“MINISTER RUIZ-MADURO A FIRMA UN ACUERDO DI COOPERACION CU E DIRECTOR GENERAL DI BUREAU DI ESTADISTICA HULANDES, SR. TJARK TJIN-A-TSOI” Mike Eman y AVP a gaña pueblo y Hulanda den Memorie van Toelichting 2015 cu no lo surpasa plafond di gasto di 1350 MIYON

Plantacion di marihuana den mondi na Bringamosa Tres hoben a keda deteni

Minister Otmar Oduber:

Serlimar lo keda compania encarga pa recoge sushi y yuda maneha e desperdicio aki na Aruba

Diahuebs Maart 22

Reunion di gatekeepers tocante seguridad fronterizo di Reino

Siman pasa a tuma lugar na Ministerio Publico e reunion di e Gatekeepers. E departamentonan cu ta forma parti di e reunion aki ta esnan envolvi den cuida e fronteranan. Esta, Ministerio Publico, Cuerpo Policial di Aruba, RST, IASA, Aduana y Marechaussee. E departamentonan ta reuni periodicamente tocante con pa reforza e capacidad di e fronteranan di aire y lama di Reino Hulandes pa defende nan mes. Na Januari 2017 e ministernan di Husticia di e cuatro paisnan di Reino (Hulanda, Aruba, Curaçao y Sint Maarten) a duna e opdracht aki. E paisnan lo presenta e resultadonan durante e JVO (Justitieel Vierpartijen overleg) na Juli venidero.

Buki di Rudy Croes; E hombr’i Pueblo ta riba mercado

Ta obtenibel na Citgo Sta. Cruz, Citgo Savaneta, Citgo

Palm Beach y na Van Dorp“E berdadero vision di nos libertador!”’

Preocupacion Hulandes riba e sector di loteria na Corsou

Gobierno Hulandes lo bay purba evita ofertanan ilegal di wega di suerte for di e parti Caribense di Reino. Esaki ta segun secretario di estado di Asuntonan interior y relacionnan di reino, Raymond Knops y tambe minister di proteccion di drecho, Sander Dekker como contesta riba preguntanan por escrito haci pa parlamentario Ronald van Raak. E mandatario a enfatiza cu e gabinete ta tuma e preocupacion riba e industria offshore y di suerte na Corsou, Aruba y Sint Maarten na serio. Na e mesun momento, Knops ta enfatiza cu e extension di permiso, e supervision y aplicacion di e suministro di weganan di suerte offshore ta cay dentro di e autonomia di e paisnan. “Corsou, Aruba y Sint Maarten tin su propio ley- y regulacionnan pa weganan di suerte. Debi cu no ta papia aki di un asunto di reino, Reino no tin potestad den extension of otorgamento di permiso pa weganan di suerte offshore, e supervision riba esaki y e aplicacion di ordenansa di weganan di suerte offshore di Corsou, Aruba y Sint Maarten.” Si ta trata aki di actividadnan criminal, ta keda na e Ministerio Publico di e paisnan pa actua, Knops ta skirbi: “Den esaki, Hulanda ta apoya e paisnan door di financia y pone disponibel e capacidad pa un ekipo di cooperacion hudicial y un team pa combatimento di weganan ilegal cu tin e facultadnan local riba tereno di entre otro criminial-

idad fronteriso, fraude, lagamento di placa y subversion. Si ta existi un super posicion entre e vergunninghoudernan riba weganan di suerte y actividadnan criminal, e instancianan aki tin e autoridad y ta ekipa pa tuma medida.” E minister ta referi na e aresto y extradicion di Francesco Corallo, riba peticion di autoridadnan Italiano cu durante herfst di 2016, ta sirbi como ehempel di e enfoke aki. “Autoridad Hulandes di weganan di suerte, tambe a compromete den mehora e cooperacion cu e paisnan pa evita weganan ilegal di suerte for di e paisnan aki drenta riba mercado Hulandes.” Van Raak tambe kier sa si e desaroyonan di e islanan aki como paraisonan fiscal a keda promovi, pasobra Hulanda por conclui tanto tratadonan fiscal. Knops no a duna un contesta inmediato: “Corsou, Aruba y Sint Maarten ta autoriza na negosha tratadonan fiscal di manera independiente. E tratadonan ta conclui pa Reino pa paisnan aki. Despues di e aprogacion parlamentario, e tratadonan ta wordo posteriormente ratifica pa Reino.” Segun e Secretario di estado, e tratadonan fiscal cu ta wordo aplica pa Hulanda, ta conta riba e mesun manera aki. “E otro paisnan dentro di Reino no por deriva ningun derecho di e tratadonan fiscal Hulandes. Ademas, Hulanda tin un politica pa evita e uzo indebido di e tratadonan fiscal. Esaki ta refleha den e inclusion di medidanan contra e abuso den e tratadonan fiscal Hulandes y

e regimennan fiscal cu ta keda aplica dentro di Reino.” Riba e pregunta si e reglanan di wega ta wordo estableci cu ayudo di Hulanda riba iniciativa di e tempo ey bao di presidencia di Gregory Elias, e secretario di estado no por a proporciona claramente: “E desaroyo y e adopcion di un ordenansa haci pa gobierno y parlamento di Corsou, Aruba of Sint Maarten. E ordenansa di weganan di suerte di 1993 ta originalmente un landsverordening di Antianan Hulandes. Mi no sa si e reglanan pa weganan di riesgo offshore a wordo estableci cu ayudo di Hulanda, riba iniciativa di e asociacion di e tempo ey di interesnan extrateritorial.” Pa e respuesta riba otro preguntanan relaciona cu e sector di wega den Caribe, cu ta data di 2016, Van Raak mester tin pasenshi: “E preguntanan a wordo transmiti pa gobierno di Corsou dos biaha. Ainda mi no a ricibi ningun contesta y mi no tin idea mi lo haya esakinan. Mi lo puntra un biaha mas na e gobierno di Corsou por escrito pa responde e preguntanan, of duna un indicacion pa no responde e preguntanan. Ademas mi lo pone atencion na esaki den mi contactonanr egular cu e gobierno di Corsou. Por ta mester considera tambe solicita atencion di e parlamento di Corsou atraves di e contactonan den marco di e Consulta di Reino Interparlamentario,” Knops a bisa.

Diahuebs Maart 22

Gobierno di Aruba, Prome Minister Evelyn Wever-Croes: Mensahe di Prome Minister riba Dia Mundial di Trahador Social

NO TA SEMPER BO POR PROTEGE UN VICTIMA! NUNCA KEDA SIN VOCIFERA BO OPINION! Dia mundial di trahador social ta un dia cu trahadornan social ta para hunto pa celebra e logronan di e profesion. Ta e dia cu ta enfoca riba concientizacion riba trabao social y e necesidadnan pa accionnan den futuro. E caracteristica principal di un trahador social ta empatia, e abilidad pa compronde y comparti e sentimento di esnan mas vulnerabel. Awe mi kier para keto un rato na kico e rol di un trahador social ta den mi bista, den mi wowonan. E gran mayoria di persona cu bo ta traha cune ta den un estado di crisis y angustia emocional. Na e momentonan ey abo mester por ofrece un ambiente cu atencion, comprension y pa di un manera of otro duna e forza bek. Pa mi pues un trahador social ta un extension di e man di Dios. Caminda Dios no por tey, pa proteha y yuda esnan mas vulnerabel, e trahador social tey. Muchanan cu ta wordo abusa, fisicamente y sexualmente; hobennan cu ta wordo oprimi y gebullied; nos hendenan special cu no ta wordo inclui y cu ta wordo discrimina. adultonan cu ta wordo agredi y abusa emocionalmente y fisicamente, nos grandinan cu ta wordo neglisha. Nos pais ta enfrentando retonan grandi: retonan financiero, retonan cu nos pais bisiña y esun mas serio cu tur: retonan social. Desde e morto di e dos angelitonan Rishandroh y Eugene na November ultimo, cosnan a cambia na Aruba. Ya e retonan financiero no ta esunnan di mas grandi mas, pasobra na e momento ey tur hende a realiza cu nos no por papia mas di retonan social, ni problemanan social. Awor

nos ta papia di un explosion social. Nos Gobierno tin como compromiso: pone e ser humano social. Y pesey, irespecto e retonan financiero, nos a compromete nos mes cu un crisis plan special pa atende cu tur e problemanan social den nos comunidad. Pa percura cu tin suficiente personal y material pa cuminsa atende cu e problemanan social den nos comunidad. Hunto a traha riba un crisisplan, cu un costo di 32 miyon, cu nos ta luchando pa keda inclui den e presupuesto di 2018 y 2019. E meta principal di Gobierno ta pa e profesion di un trahador social engrandece bienestar di tur ser humano y pa yuda cumpli cu e necesidadnan basico pa tur hende. Cu atencion particular na e necesidad y refuerzo na esnan vulnerabel, oprimi y bibando den pobreza. Pero cu financiamento di un crisisplan social aindanos no tey. Pasobra pa nos protégé esnan mas vulnerabel den nos comunidad, nos mester di cada trahador social. E trahador social, cu ta e extension di e brazanan di Dios, pa protégé esnan mas vulnerabel. Na e momentonan aki nos Minister di Asuntonan Social, sr. Glenbert Croes, ta na Hulanda pa sigura e implementacion di e Crisis Plan Social cu sosten di Hulanda. Y por fin e gritonan di e trahadornan social e ultimo añanan ta haya oido. Pesey Gobierno ta poniendo fondonan adicional riba presupuesto, no obstante e crisis financiero, pa asina sigura nos muchanan y nos famianan un mihor futuro. Y indudablemente lo tin momentonan cu bo no por haci

nada pa preveni inhusticia, pero nunca, nunca keda sin protesta. Trahadornan social tin curashi pa vocifera nan opinion. Nan tin curashi pa desafia esnan cu poder y cu ta intimida. Y tin biaha bo por faya den protége esnan inocente y vulnerabel, pero un trahador social ta nenga di keda keto. Mi peticion na boso ta NUNCA KEDA KETO. Semper vociferabo opinion pa protege esnan cu no tin voz, of esnan cu nan voz no ta wordo scucha. Talvez no tin oido mesora, pero lo tin oido. Pa conclui, mi kier ripiti un quote di Dalai Lama: It is not enough to be compassionate. You must act. Esey ta e diferencia entre mayoria di persona y trahadornan social. Mayoria di persona tin compasion, pero no ta actua. Un trahador social tin compasion y ta actua! Esnan mas vulnerabel

den nos comunidad, nos hendenan special, nan mester mas cu solamente compasion y duele. Nan mester por mira otronan traha cu alma y cuerpo, sacrificando nan mes tin biaha, pa nan bienestar.

Den nomber di Gobierno di Aruba, nos ta gradici di curazon tur trahador social pa boso dedicacion y pasion pa nos Pais. Cu Dios bendiciona boso.

Mas minister di Caribe Hulandes na Den Haag No solamente e secretario di estado di asuntonan interior y relacionnan di reino, Raymond Knops, lo tin’e druk e siman aki na momento di ricibi mandatarionan di e parti Caribense di Reino, segun Aruba Nieuws. Tambe minister Ferdinand Grapperhaus di Husticia y Siguridad mester a traha espacio den su agenta pa e huespednan Caribense. Diarazon el ‘a atende prome e minister di Husticia di Corsou, Quincy Girigorie, pa despues, hunto cu secretrio di estado Mark Harbers, conoce e minister Andin Bikker. Minister Bikker lo ta di bishita cerca Minister Knops, kende diarazon a ricibi minister di Asuntonan Social, Hubentud y Labor, Glenbert Croes. Despues el ‘a ricibi minister Xiomara Ruiz-Maduro na Den Haag.

Diahuebs Maart 22

Lo aparece den Corte di Prome Instancia dia 22 di Maart 2018

Aruba One Happy Island Lions Club ta uni su mes na World Down Syndrome Day

Pa 8:30 am: J.L.A.R. a wordo acusa di, contra e prohibicion cu el’a haya di Procurador-General pa bolbe Aruba pa ocho aña largo, a drenta Aruba den e periodo di prome di November 2017 pa 15 di Januari 2018. Pa 8:45 am: J.A.R. ta wordo acusa di tabata burachi den publico riba 19 di Februari 2017. Pa 9:00 am: G.F. ta wordo acusa di tabata tin un arma (un cuchiu) den su posesion den publico riba 19 di Februari 2017. Pa 9:15 am: O.O.A. ta wordo acusa di a keda sin cumpli cu opdracht di un polis riba 18 di Februari 2017. E ta wordo acusa di tabata burachi publicamente e dia ey y di a intencionalmente insulta un polis. Pa 9:30 am: N.T.B. ta wordo acusa di posesion di un arma di candela riba 30 di September 2017. Pa 10:30 am: G.M.C. ta wordo acusa di a destrui portanan di cas di un persona riba 22 di Mei 2016 y riba 29 di November 2017. E ta wordo acusa di a menaza un persona cu cende su cas na candela riba 18 di Januari 2018, door di bise: “Laga nan hiba mi numa. Ora mi sali, mi lo bin kima full e cas y vlam e tambe”. Pa 11:00 am: B.V.C. ta wordo acusa di ladronicia di un auto riba 9 di December 2016. Pa 11:15 am: E.K. ta wordo acusa di a keda sin cumpli cu opdracht di un polis riba 18 di Februari 2017. Pa 11:30 am: F.R. ta wordo acusa di intento di asesinato di su mes yiu riba 11 di December 2016, door di hink’e cu un cuchio na su pecho y braza, dal e cu un palo di stoel kibra y staca varios biaha cu un cuchio den su direccion.

Voorlopige uitslag briefstembureaus Philipsburg, Willemstad Oranjestad Op 21 maart 2018 vond de stemming plaats voor het raadgevend referendum voor de Wet op de inlichtingen- en veiligheidsdiensten (Wiv) 2017. Stemgerechtigden die zich hiervoor hadden geregistreerd konden hierbij bij de Nederlandse vertegenwoordiging in Aruba, Curaçao en Sint-Maarten hun briefstem uitbrengen. De voorlopige uitslag van deze briefstemming is als volgt; Bij de Nederlandse Vertegenwoordiging in Oranjestad zijn 91 geldige stemmen uitgebracht. 53 stemmen voor, 38 stemmen tegen en 0 stemmen blanco. Bij de Nederlandse Vertegenwoordiging in Willemstad zijn 154 geldige stemmen uitgebracht. 100 stemmen voor, 52 stemmen tegen en 2 stemmen blanco. Bij de Nederlandse Vertegenwoordiging in Philipsburg zijn 25 geldige stemmen uitgebracht. 13 stemmen voor, 12 stemmen tegen en 0 stemmen blanco. De voorlopige- en definitieve uitslag van het referendum wordt in Nederland bekend gemaakt.

Tur persona cu Down Syndrome mester por tin e oportunidad pa contribui cu e comunidad y pa biba un bida valioso, inclui di un manera completo y den igualdad cu tur otro, den tur aspecto di un

sociedad. Personanan cu Down Syndrome por y ta aporta hopi na e comunidad, unda cu an ta biba den mundo, ora duna nan e oportunidad. Pero hopi di nan ta wordo

prohibi pa haci contribushon significativo. May there be a miracle in YOUR life today...... And may you have the EYES to see it...

Diahuebs Maart 22

Parlamentario Endy Croes ta desenmascara Mike Eman:

Mike Eman y AVP a gaña pueblo y Hulanda den Memorie van Toelichting 2015 cu no lo surpasa plafond di gasto di 1350 MIYON cu e deficit a alcanza 9.3% cual ta mas di 400 MIYON pa cu aña 2014.

Gañador y manipulador

Parlamentario Endy Croes a coba den tur documento pa no bisa shirishiri pa asina por comprende mihor e escala di engaño cu a tuma lugar 8 aña largo door di Mike Eman y AVP ayudá pa su stempelparlament. Den esaki a repasa e Memorie van Toelichting di aña 2015. Locual a resalta aki ta riba pagina 1 unda Gobierno e tempo aya ta splica lo siguiente:“Heeft het Kabinet Mike Eman II zich tot en met 2017 verbonden om jaarlijks NIET MEER dan 1350 MILJOEN florin uit te geven”. Pa reenforza esaki, riba pagina 3 di e mesun memorie van toelichting, Mike Eman y su gobierno a skirbi: “Het kostenplafond conform het Balanced Budget Akkoord (BBA) van November 2013 blijft gehandhaafd”.

Deficit di 9.3% na 2014

Pues desde November 2013 Mike y AVP tabata den guera cu Hulanda cu nan lo mantene nan mes na e acuerdo cu nan lo no surpasa e gastonan total di pais Aruba,esta lo no surpasa 1350 MIYON pa aña. Tur esaki nan a skirbi den e memorie van toelichting di 2015 momento cu Hulanda a pusha un KB den body di Mike Eman pa despues pusha e CAFT den stoma di pueblo di Aruba. Cu e forma di skirbi aki nan lo kier a suaviza nan problema cu Hulanda pa loke ta e parti financier momento cu e problema a escala ora Mike a ricibi un KB na 2014. Riba pagina 3 Mike ta admiti

Parlamentario Endy Croes sinembargo a splica cu e ta haciendo alavez “Fact Checks” riba AVP di tur locual nan ta papia y skirbi. A bolbe usa Rapport di Banco Central”Annual Statistical Digest 2016” cu ta brinda informacionnan detaya desde 1986 te cu 2016. Ta bolbe proba cu Mike Eman y AVP ta un gran gañador y manipulador. Adhunto un tabel unda pueblo mes por lesa con NINGUN aña desde 2012 bay ariba gobierno di AVP no a tene su mes na su propio acuerdo, esta cu lo no surpasa 1350 MIYON di gastonan total pa aña. Na 2014 a gasta 1440 MIYON, na 2013, 1438 MIYON, na 2014 e aña di KB, 1490 MIYON, na 2015 1366 MIYON y na 2016 un total di 1372 MIYON. Pues ningun aña nan a cumpli y esaki hustamente a causa tambe e Mega Debe cu deficitnan grandi unda Aruba 8 aña largo mester a presta placa pa tapa e buraconan cu AVP a crea.

Total prestamo di 2.2 Biyon florin

Recapitulando prestamonan di 352 MIYON na 2011, otro di 443 MIYON na 2012, otro di 333 MIYON na 2013, na 2014 deficit di 406 MIYON, na 2015 otro185 MIYON y na 2016 un suma di 177 MIYON etc. Total prestamonan desde 2010 pa 2017 a suma 2 mil 213 MIYON florin, esta 2.2 BIYON florin. AVP a comete un crimen cu e pueblo aki. Croes ta finalize splicando cu dia nacional di Himno y Bandera e tabata sinta durante e acto protocolar unda masha hopi mucha hoben y hoben di edad chikito a desfila den gruponan di scout y gruponan deportivo. Den su mes constantemente tabata pasa den su cabez ta kico e muchanan aki por a

haci Mike Eman y su pandiya di AVP pa causa tanto daño financiero hipotecando e chikitinnan aki pa mas di 20 aña? Kico porta un splicacion corecto? Simplemente, NO

TIN! Mike Eman y AVP lo bay den historia pa mentiroso y manipuladornan psicopatico di mas grandi cu e pais aki a conoce. Nos tin un reto grandi

pa cumpli cune. Cu boluntad di Dios y pasenshi nos lo percura pa logra saca Aruba for di e abismo aki.

Diahuebs Maart 22

Parlamentario Daphne Lejuez:

“Nos ley di comptabilidad maniobrá legalmente cu consecuencianan financiero fatal” mester compronde con a yega na e deuda. Nos ley di comptabilidad a wordo maniobra legalmente cu consecuencianan financiero fatal. Ta desaproba con kier pretende cu manipulacion di cifranan den cuadro di procesonan legal (por ehempel entrega presupuesto na ora cu ta cuadra cu normanan palabra riba papel y aprobacion di parlamento cu fracccion mayoritario

“Papier is geduldig” – riba papel tur cos ta posibel. A tuma nota di un comunicado di ex-minister di asuntonan economico, awor parlamentario di oposicion, cu ta purba na hustifica un maneho iresponsabel y un deuda enorme (di 49% di GDP na 2009 pa 90% di GDP na fin di 2017), di cual e tambe a forma parti, sin un solucion na man. Pasobra si enberdad tabata tin un solucion solido estableci, Aruba lo no ta na borde di un aanwijzing of KB. Cu esey bisa, hustificacion ta simplemente excusa bashi y esey no ta locual nos pueblo merece. Berdad cu na algun ocasion a entrega presupuesto na tempo, cu e documentonan ta publico y berdad cu riba papel e presupuestonan tabata cumpli cu normanan palabra cu Caft - pero un presupuesto ta meramente refleha un posibilidad, un proyeccion, un “schatting” – es decir cu mientras a entrega un presupuesto, locual na final di dia ta conta, ta e realizacion di esaki, pues e resultado di e presupuesto na final cu ta e jaarrekening pa completa e ciclo di presupuesto.

Ta hustamente AKI ta unda e “rabo di porco ta krul”... pasobra ta bin resulta cu desde inicio cu a introduci e ley di Laft pa supervision di Caft, no a logra alcanza e meta proponi den e presupuestonan y semper mester clausura aña cu diferencianan grandi door di introduci un presupuesto supletorio, asina aki tambe haciendo e practicamente imposibel pa parlamento por haci su trabao di control debidamente. Un bon ehempel ta na 2013, unda cu Raad van Advies ta constata cu a keda falta e presupuesto supletorio di DOW cu no a wordo entrega na tempo hunto e presupuesto supletorio di Pais, asina aki bayendo impugna di artikel 31 di nos ley di comptabilidad. Esaki a haci e minister encuestion, cu awe tambe ta un parlamentario di oposicion, culpabel di no solamente “ondeugdelijk financieel beheer” pero lo por a hiba na implicacionnan severo pa e mandatario responsabel. Ta mayoria den parlamento so por a absolve di esaki, locual tambe a sosode cu un fraccion mayoritario di AVP e tempo ey. Pa por resolve e deuda,

cu ta sostene gobierno, “stempelparlement”) ta e forma corecto pa maneha e pais aki a sabiendas cu e presupuestonan aki no ta alcanzabel ni duradero si mira cu e no ta ni yega cerca di e realizacion ora di considera presupuestonan supletorio y e jaarrekening. Esaki ta algo cu organonan consultativo y Caft semper a enfatiza den cuadro di normanan di Caft, pues cu e solucionnan proponi

den e presupuestonan no tabata di indole structural ni sostenibel, ya cu tabata trata di “meevallers” incidental cu lo no por wordo replica. E tempo di tira santo den wowo di pueblo a pasa y ta tempo pa papia e berdad cla y raspa, pa ta transparente, integro y eherce bon gobernacion - nos pueblo merece esaki.

Diahuebs Maart 22

Parlamentario di MEP, drs. Sue Ann Ras:

Empatia, tolerancia y solidaridad ta tres actitud positivo pa e siman di inclusion

Manera ta conoci, dia 21 di Maart tabata dia Internacional di e Hendenan cu Discapacidad. For di December 2011 Nacionnan Uni a proclama e dia aki pa honra e personanan cu discapacidad di tur parti di mundo y busca pa fomenta consciencia pa e condición aki. Dia 1 di December 2017, gobierno actual tambe a ricibi e tratadonan di derecho di hende special traduci na Papiamento y a ratifica esaki. Parlamentario pa partido MEP, Sue Ann Ras ta mustra den cuadro di esaki cu, según información estadistica, e poblacion mundial di hende cu discapacidad ta mas di mil miyon persona y mas di cien miyon ta mucha, di cual e muchanan cu discapacidad tin 4 biaha mas posibilidad di ta victima di algun tipo di violencia y 80% di e personanan cu discapacidad ta biba den e paisnan desaroya y 50% di e personanan cu discapacidad no tin acceso na sanidad. INCLUSION Educacion segun Ras, ta clave den esaki y mester ta un derecho fundamental, unda cu tur persona cu algun discapacidad mester tin acceso y educación extendi como un vehiculo pa tur hende tuma consciencia di e situación aki. “ Cu e conocimento apropia di e situacion y e sensabilizacion necesario, sigur nos por aporta nos parti tambe pa construi un sociedad mas inclusivo”, sra. Ras a sigui bisa. Segun e parlamentario, inclusión ta un palabra hopi menciona pa e hende-, organizacion- y institucionnan

cu ta traha pa mehora e calidad di bida di e personanan cu discapacidad. E ta mustracu nos por defini inclusion como amor, aceptacion, tempo, reconocimento y respet. “Como un bon ciudadano nos mester t’ey pa yuda y sostene pa e derecho aki bira un realidad, door di tin un actitud mas proactivo, participando na e actividadnan cu ta promove e situacionnan cotidiano. Nos no mester limita nos mes na kere cu inclusion escolar ta soluciona tur cos”, sra. Ras a continua bisando. Inclusion mester cuminsa for di nivel micro y di ey sigui extende. Nos mester inclusion completo den tur ambito y lugar: parke, cine, club deportivo, school, empresa, pelukeria, banco, celebracion familiar, nos leynan etc. Nos mester comprende cu door di convivi cu diversidad, nos tur ta gana. OLI E empresa di fabricacion di popchi cu apariencia real ‘Casita de Muñecas’ na Argentina a presenta dia 21 di Maart e prome popchi baby cu Trisomia 21, den e marco di un serie di actividad, cu Argentina a realiza pa Dia Internacional di e Personanan cu Sindrome di Down. Olita un proyecto di mas di 2 aña y nan tabata tin e conviccion di haci’e un producto nacional di calidad. Oli a nace pa apoya e pluralidad y fomenta for di chikito caba e diversidad. Segun e empresario Galantemi, e popchi nobo aki, tin e gestonan y e caracteristicanan di e personanan cu sindrome di Down y ta basa riba e anécdota

aki: Un persona a conta cu el’a puntra un mucha muher cu sindrome di down si e ta gusta popchi. Pero e mucha a contesta cu no, pasobra no tin ningún cu ta parce. Ora cu nan a scucha esaki, nan a sinticu nan mester haci algo pa yuda e mucha aki y tur e otro muchanan mas, cu sigur tambe a pasa den e situación aki. “Definitivamente Oli tin como meta pa habri e curazon y tira tur e bareranan abao cu tin den un sociedad. Nos tin cu

construi un sociedad basa den e diferencianan pa por logra un sociedad mas inclusivo”, Parlamentario Ras a finaliza bisando.

Diahuebs Maart 22

Parlamentario di MEP, Shailiny Tromp-Lee (MEP) reaccionando ariba parlamentario di AVP, Richard Arends: Parti 1

Durante rueda di prensa di e siman aki sra. Tromp- Lee a reacciona riba diferente ponencia di parlamentario Richard Arends pa loke ta trata finanzas publico y minister di Finanzas y Economia. Den medionan di comunicación skirbi Richard Arends e remarca cu lo tabata hopi mas elegante si Minister di Finanzas y Economia a bin Parlamento pa duna splicacion na e organo na cual e tin cu responde na dje y no na CAFT. Ironia di bida ta cu ta net Gabinete Eman II, na cual sr. Arends a forma parti di dje, a percura pa awe mester ‘duna cuenta’ y pidi ‘aprobacion’ di CAFT pa loke ta trata e plan financiero di Pais Aruba. Ta Mike Eman a firma dia 2 di Mei 2015 e palabracion caminda, no obstante e hecho cu nan ta subraya cu finanzas publico ta responsabilidad di Pais Aruba, toch Gabinete Eman II ta indica cu ta desea pa institui un supervisión structural independiente. Entregando na e manera aki nos autonomia financiero. Mas importante ta e motivo pakico Gabinete Eman II ‘supuestamente’ mes a bin cu e inciativa pa pidi pa introduci CFT, despues CAFT y LAFT. Pueblo y sr. Arends nunca mester lubida pasado! Pasobra e unico manera pa compronde nos presente ta door di conoce nos pasado, cual mi ta convenci lo yuda nos determina nos futuro. E único motivo pakico awe nos tin un CAFT y LAFT ta e maneho financiero desastroso cu Gabinete Mike Eman a hiba cual a conduci cu Aruba a perde su credibilidad financiero door di redobla nos

Debe na GDP di 49% (2009 MEP) pa 90% (2017 AVP). Di cada florin cu drenta caha di gobierno, 90 cent a bay pa paga debe. Algo unico den e historia di Pais Aruba, danki na e.o. Mike Eman y Richard Arends. Na 2009 Gabinete Oduber a bay laga un debe atras di 2.2 biyon florin cu awe na 2018 ta den careda di 4.3 biyon florin. Cu awe Gobierno ta negocia cu CAFT tapa e solo hecho cu ta irealistico pa spera cu e desaster financiero realiza den 8 aña, MEP lo por drecha den 3 aña. Pueblo mester ta consciente cu ta trata di retonan grandi cu ta rekeri curashi y determinación pa percura cu Aruba ta haya su credibilidad financiero bek y cu nos por garantiza un bon futuro pa nos yiu y nan yiunan. Otro punto masha remarcabel ta e hecho cu sr. Arends ta haci un apelacion publico na su coleganan Parlamentario pa sinta y hancra e plan financiero di gobierno den un ley manera nan a bin ta haci ultimo añanan. Según Arends, finanzas publico ta un di areanan di maneho cu mas a wordo scrutina y cu semper tabata tin transparencia. Lamentablemente cu no obstante su palabranan bunita aki (cual aparentemente nan significación ta otro cu di mi) y e elogio propio pa loke ta trata entregamento di presupuesto, presupuesto supletorio, cuentanan anual y reportenan AVP , Mike Eman no por a percura pa maneha nos finanzas publico na un manera responsabel y duradero. Contrario a aplica hopi creatividad, pronosticonan irealistico y manipulación ariba papel pa cumpli cu normanan palabra.

Diahuebs Maart 22

Minister Glenbert Croes a reuni na Arubahuis riba asistencia social na nos comunidad na Hulanda

Den cuadro cu un bishita di trabao, Minister di asuntonan social, hubentud y di labor, Glenbert Croes a reuni na Arubahuis, pa loke ta trata asistencia social na nos comunidad na Hulanda y pa cuminsa cu trabaonan pa realiza e proyecto: Job Matching program/Job Bank, pa nos studiantenan y tambe pa e comunidad Arubano cu ta biba na Hulanda. E reunion a bay den bon ambiente y puntonan di importancia a wordo discuti.

Bisa Ahhhh

Dia mundial di Salud Oral Dia 20 di Maart nos ta celebra Dia Mundial di Salud Oral, e salud di nos boca y nos djentenan. E aña aki e lema ta ‘BisaAhh: Pensa boca, pensa salud’. E lema ta pa corda nos cu tin conexion estrecho entre nos salud oral y nos salud general. Hopi biaha ora nos bay cerca nos dentista of doctor e ta pidi nos pa bisa ‘Ahh” ora e cuminsa check nos. Nos boca ta manera un spiel di nos salud general. Si nos salud oral ta bon, mayoria biaha, nos salud general tambe ta bon. Un boca saludabel ta permiti nos, entre otro, papia, hari y come. Tambe e ta yuda nos sinti nos bon cu nos mes. En cambio un boca cu no ta saludabel por causa cu un persona ta evita di hari of papia cu otro hende pa motibo di berguensa. Malezanan di boca y djente ta asocia cu varios maleza di nos curpa manera diabetes, maleza di curazon, di pulmon y algun cancer. Salud oral ta mucho mas cu un bunita smile. Malezanan di boca y djente por tin un impacto riba nos bida diario. E por influencia nos relacionnan personal, nos autoestima y hasta por stroba nos di disfruta di un dushi

cuminda. Un bon salud oral ta cuminsa for di edad jong. Mayornan tin cu cuida e salud oral di nan yiu y motiva nan pa cuida nan boca y djentenan. Ta recomenda pa hiba mucha dentista ora e tin entre seis luna y un aña, ora su prome djentenan ta cuminsa sali. Nos boca por duna nos indicacion con ta para cu nos salud general. E boca por revela si tin falta di cierto vitamina y mineralnan, infeccionnan, problema cu e sistema cu ta yuda nos combati infeccion (immunidad), cancer oral y tambe si tin habito cu ta afecta e boca manera uso di alcohol, tabaco of droga. E boca no ta apart di e resto di e curpa. Hopi biaha un paciente cu tin p.e. diabetes tin un riesgo grandi di tin enfermedad periodontal manera sangramento di carni di djente. Pacientenan cu tin enfermedad cardiovascular (di curazon y ader), di pulmon y cancer di pancreas tambe por presenta sangramento di carni di djente. Si ta bay dentista regularmente e por yuda detecta e tipo di enfermedadnan aki mas trempan. Asina por tin un mihor pronostico den cura e enfermedadnan menciona.

Mayoria di e enfermedadnan no contagioso ta wordo causa pa e mesun factornancu ta causa enfermedadnan oral. Algun di nan ta, comemento no saludabel, particularmente

uzahopisucu, uso di tabaco (cigaria, ciga, pipa y sneif) y alcohol. Pesey ta necesario pa cambia bo estilo di bida y baha e uso di e sustancianan ariba menciona.

Pa mas informacion por tuma contacto di seccion Cuido Dental Hubenil di Departamento di Salud Publico na 522-4200

Diahuebs Maart 22

Durante reunion na Hulanda:

“MINISTER XIOMARA RUIZ-MADURO A FIRMA UN ACUERDO DI COOPERACION CU E DIRECTOR GENERAL DI BUREAU DI ESTADISTICA HULANDES, SR. TJARK TJIN-A-TSOI” Den cuadro di reunionnan di trabao na Hulanda, Minister di Finanzas, Asuntonan Economico y Cultura, sra. mr. Xiomara Ruiz-Maduro a firma un acuerdo importante di cooperacion cu Oficina di Central di Estadistica Hulandes (CBS) y e Oficina di Estadistica pa e islanan Caribense. Pronto e otro paisnan tambe lo firma pa asina por yega na intercambio concreto di experticio y informacion den Reino. E meta di e acuerdo aki ta pa e oficinanan di estadistica duna sosten na otro pa optimaliza nan sistema estadistica, door di reinforza nos departamento di CBS pa asina nos por acumula, procesa y presenta informacion estadistico na manera mas actual, eficiente y profesional na tur e usuarionan manera gobierno, banconan, ratingbureaus, studiante y public en general. Colaboracion entre Oficina di Estadista di Aruba (CBS Aruba) y e oficinanan di estadistica di Corsou y Sint Maarten ya ta existi pa basta tempo. Por ehempel asina na 2011, expertonan di Informacion Tecnologico (IT) Arubano di CBS Aruba a brinda asistencia na Corsou den nan Censo y tambe den procesamento di conteo di negoshinan. Adermas tabata tin cooperacion cu Sint Maarten riba diferente area. Sinembargo e acuerdo aki ta bay mas leu y a wordo inicia pa e director general, sr. Tjark-Tjin-A-Tsoi di Oficina di Central di Estadistica di Hulanda. Asina por ehempel lo bay tin cooperacion riba e tereno di legislacion, optimalizacion di intercambio di data entre departamentonan gubernamental, tambe intercambio di informacion cu fundacionnan y e sector priva. Ademas hunto ta coordina e forma con datonan ta wordo compila na e forma mas preciso, completo y mas economicamente posibel.

Esaki ta relevante pa entre otro e formulacion di e maneho basa riba evidencia y haci proyeccionnan cu ta mas confiabel posibel relaciona cu nos Producto Nacional Bruto, e desaroyo di e poder di compra, inflacion, gastonan di salud, proyeccion di e poblacion, necesidad di vivienda y educacion….etc. Mas areanan di cooperación ta innovacion, uso di conocimento y abilidadnan di otro, asina tambe ekipo di tecnología specifico. Den relación cu realizacion di investigacionnan den gran escala, manera e estudio di Presupuesto, Encuesta di e Sector Laboral, Conteo di Empresa y dentro di poco un biaha mas un Censo, tambe ta deseabel comparti e infrastructura tecnologico y di información cu otro. Finalmente, e oficinanan di estadistica a acorda pa bay traha den harmonizacion di definicion-, metodologia y schedulenan. Esaki ta un paso importante padilanti, relaciona cu e esfuerzonan global pa alcanza e 17 Obhetivonan di Desaroyo Sostenibel (SDG’S). Minister di Finanzas, Asuntonan Economico y Cultura, sra. mr. Xiomara J. Ruiz-Maduro ta hopi complaci cu particularmente un di e oficinanan di estadisticanan mas reconoci na mundo, E oficina Central di Estadistica di Hulanda, ta dispuesto pa coopera. “Despues di tur cos, ta obviamente importante cu organizacionnan manera Oficina Central di Estadistica di Aruba por ehecuta su tareanan di forma optimo pa provee e organizacionnan cu ta elabora maneho cu datonan actual, confiabel y completo” asina e mandatario a trece dilanti.

Diahuebs Maart 22

Na Maria College Mavo:

Docentenan responsabel a solicita presencia di ambulance pa alumnonan cu a bira malo

Tres alumno a haya problema cu halamento di rosea

Diarazon durante dia Ambulance a wordo solicita dos biaha na Maria College MAVO na Playa. Segun informacionnan ricibi, tres alumno a haya problema cu halamento di rosea. E docentenan responsabel, mesora cu e muchanan a bira malo, a tuma e esaki na serio y di biaha a pidi pa presencia di ambulance. E prome biaha cu e personal di Ambulance a bay na e school, nan mester a trata dos alumno. Un rato despues, un biaha

mas presencia di ambulance a wordo pidi pa un otro caso similar. Aparentemente ta trata di casonan di hyperventilatie. E hobencitanan a wordo trata na school pa e personal di ambulance y despues a keda di bay nan dokter di cas. E Mavo aki sigur ta mustra di ta un school cu docentenan hopi responsabel, cu no ta duda pa pidi pa presencia di Ambulance ora alumnonan bira malo, especialmente ora ta trata di casonan mas serio, manera den e caso aki cu problemanan respiratorio.

Hulanda ta adverti Corsou y Aruba pa intermediacion di afor E Gobiernonan di Corsou, Aruba y Sint Maarten mester ta alerta riba posibel intermediacion door di inversionistanan di exterior, cu via tumamento over di companianan, por haya influencia politico riba e islanan. Segun e website di noticia Curaçao Nieuws, e advertencia remarcabel aki ta para den “Geïntegreerde Buitenlanden Veiligheidsstrategie” cu e minister di asuntonan exterior, Stef Blok, a manda diamars Tweede Kamer. Den dje tin e siguiente pasahenan: “Intermediacion indesea y tumamento over indesea di procesonan vital manera telecom, energia y waf door di inversionistanan stranhero por causa daño na e seguridad nacional y ordo publico. Esaki ta sosode si nan menaza e continuidad di procesonan vital, ta desemboca na independencia strategico of e afecto di e integridad di informacion (secreto).” E despliege aki tambe ta referi explicitamente na e partinan vital di Caribe Hulandes pasobra, debi na su tamaño, ta

relativamente vulnerabel na e instabilidad regional, e adkisicionnan stranhero no desea y e distorsionnan comercial.” Ta conoci cu principalmente e partidonan for di China a descuita Caribe. Por ehempel,

e deal cu GZE pa tuma encargo di Isla, ainda ta fresco den memoria. Na Sint Maarten, un grupo Chines tambe a priminti mega inversionnan, pero esaki no a tuma lugar y a bay despues di horcan Irma.

Ceramento di caminda en conexion cu proyecto Green Corridor

Diahuebs awor caminda entre Rotonde Mahuma y Rotonde Airport ta cera pa dos anochi Departamento di Obra Publico ta informa pueblo di Aruba en general y specialmente e automobilistanan cu ta haci uso di e caminda principal di San Nicolas pa Oranjestad cu diahuebs 22 di Maart 2018 y diabierna 23 di Maart 2018, desde 9’or di anochi pa 6’or di mainta, lo bay cera e caminda principal entre rotonde Mahuma pa rotonde Aiport direccion Oranjestad. Motibo di e ceramento ta cu lo bay repara e asfalt ariba e caminda menciona. E desviacionnan di caminda ta lo siguiente:  Trafico for di San Nicolas direccion Oranjestad,

ta wordo desvia via di e rotonde Mahuma direccion noord, despues via e caminda di santo cu ta yega na Wayaca Falls Mall y pasa via Wayaca, sali dilanti di edificio di DOW, pa rotonde di Sabana Blanco y bek pa e spiraal rotonde direccion Oranjestad. Ceramento y desviacionnan di caminda lo keda indica cu baricadanan y borchinan di aviso. Nos ta pidi bo(so) persona comprencion y coöperacion pa e trabaonan cu mester tuma lugar y ta pidi disculpa pa cualkier inconveniencia cu por surgi.

Diahuebs Maart 22

Minister Otmar Oduber:

Serlimar lo keda compania encarga pa recoge sushi y yuda maneha e desperdicio aki na Aruba Pronto proceso di bid lo inicia pa soluciona problema maneho di desperdicio y remediacion di dump Parkietenbos

E proceso ta continua pa loke ta yega na un solucion duradero pa maneho di desperdicio aki na Aruba. Un proceso cu a cuminsa cu un steering committee cu a evalua y a traha un rapport den e prome 45 dianan. E rapport ey ta den ehecucion na e momentonan aki, pa cual tin decisionnan cu tin cu wordo tuma a corto plazo. Ta spera cu pa otro siman por anuncia e decision aki di kico ta bay pasa exactamente cu dump Parkietenbos. Parti di e proceso pa yega na e procesamento definitivo di sushi ta tumando lugar. E prome fase tabata e RFI (Request For Information), pa cual ta hopi contento pa mira e entusiasmo cu tabata tin. Un proceso cu a tuma lugar na un manera transparente cu Notaris Johnson (tur informacion cu a wordo suministra a sosode via un e-mail pa e Notario). 20 compania a inscribi pa e parti di maneho di desperdicio aki na Aruba y 14 compania a inscribi pa e parti di remediacion di dump Parkietenbos. (Tin companianan cu a manda informacion pa tur dos).

E parti tecnico di e steering commitee lo bay evalua tur informacion cu a drenta di e companianan y esaki mester ta cla pa 13 di April. Unavez cu e trabao aki termina, a base di informacionnan compila tambe di e varios reunionnan cu a tuma lugar den e ultimo simannan cu e stakeholders, NGO’s, companianan priva na Aruba etc. (ta calcula cu e proceso aki lo ta cla pa final diAapril) e ora lo saca un Request For Quotation (RFQ) cual ta e ‘actual bidding’ pa determina cua ta e compania cu ta bay duna un mihor bid. Ta bay midi tur informacion cu a drenta di e companianan

(local, Europa, China) y filtra e informacion a base di: Nan tecnologia presenta, Locual comunidad tin mester di dje, - E parti financiero/ economico, - -y con e contract ta hinca den otro. Esaki ta importante pasobra como Gobierno a tuma e decision cu kier pa Serlimar keda e compania cu ta recoge sushi y ta yuda maneha e desperdicio aki na Aruba. Esaki ta un compromiso cu a haci cu empleadonan di Serlimar y pues a informa e companianan debidamente di e posicion cu Serlimar mester por keda mantene.

Diahuebs Maart 22

Despues di un evento exitoso na Digicel Tanki Leendert

Diasabra awor tin “Blow out sale” na Digicel San Nicolas

Diabierna ultimo, Digicel tabatin su fiesta pa celebra lanzamento di su red di LTE. Durante e “blow-out sale”, clientenan a beneficia di prijsnan special pa celularnan cu ta compatibel riba e red di LTE. Desde oranan trempan clientenan a yega na Digicel Tanki Leendert pa probecha di e prijsnan special riba diferente modelonan di “smartphone”. Pa Digicel Aruba introduccion di e LTE network nobo ta hopi importante. Pa duna bek na nan clientenan y encurasha nan pa purba e speednan lihe, glitch-free High Definition streaming y speed pa upload te cu 100Mbps, nan ta ofrece dobel data na tur cliente. Clientenan nobo a activa nan plan di data cu Digicel, pa disfruta e speed di LTE. Nadine Liebhardt, representante di marketing di Digicel Aruba, a expresa cu nan a ricibi feedback positivo di clientenan cu ta riba e LTE network caba. Nan ta experenciando un red cu speed, cual ta curasha Digicel pa sigui traha duro riba e upgrade tecnico. Clientenan tabata entreteni p’e famoso DJ Nutzbeatz pero tambe di e dushi snacks y coy bebe y premionan cu Digicel tabatin di ofrece na su clientela. Aparte di e entretenimento tabatin un “cut out imgage” di Usain Bolt, di cual por a post riba nan Facebook page cu #lihelihe di cual lo participa

pa gana diferente premio. Tur cliente presente durante e fiesta tambe a participa den e rifa pa un Samsung 8+. Tur bishitante a experencia un anochi placentero na tienda di Digicel Tanki Leendert. Clientenan cu a cumpra nan celular nobo por disfruta di e LTE network nobo, cu ta un tecnologia nobo. Digicel ta trahando cu e tecnologia mas reciente pa brinda clientenan un experencia cu e tecnologia fabuloso. Representantenan di Digicel a splica clientenan mas riba e beneficionan cu e red aki ta ofrece. Brian Monpellier, Head of Business Solutions, tabata contento cu Digicel a lansa e servicionan di LTE, unda cu clientenan Individual y

comercial por beneficia di un speed cu ta 3 biaha mas liher cu den pasado. Digicel a gradici tur hende cu a celebra e dia special aki na Digicel Tanki Leendert Store. Pa motibo di e exito di e evento, Digicel lo tene un otro blow-out sale diasabra 24 di Maart entre 10:00am y 12:00pm den nan tienda na San Nicolas. Durante e evento aki, clientenan un biaha mas por disfruta di prijsnan special riba celular, compaña pa hopi snacks y co’i bebe y ambiente di e DJnan di Massive FM. Tambe Digicel su Chief of Speed Officer Usain Bolt lo ta eynan. OK, ta solamente su imagen, pero cliente- y bishitantenan ainda por participa den e concurso pose-like-Bolt.

Diahuebs Maart 22

Plantacion di marihuana den mondi na Bringamosa

Tres hoben a keda deteni

Diarazon marduga algo prome cu 1â€™or patruya hopi atento di Santa Cruz a topa un Hyundai Tucson, para banda di caminda na Bringamosa. Algo cu no tabata mustra normal, pa un auto habri para ey den oranan ey. Agentenan a baha y a cuminsa controla. Den algun minuut, den e mondi na banda di e auto a bin haya un plantacion di marihuana. Na e sitio nan a topa cu un hoben cu a wordo deteni mesora. Mientras tanto mas patruya a yega pa yuda, pasobra lo no ta un persona so eytras e ora ey. Pick up di polis a wordo pidi. Tur loke a wordo haya relaciona cu e hayazgo aki a wordo hiba warda. Loke ta e Hyundai Tucson, esaki tambe a wordo confisca. E hoben a

ser hiba warda. Algun rato mas laat polis a topa cu dos otro hoben, cu

tambe tabata tin di haci cu e matanan haya. Polis a topa nan den Franse Pas. Ambos a wordo deteni y nan tambe a ser hiba warda di Santa Cruz.

Diahuebs Maart 22

Pagina 17

Diahuebs 22 Maart 2018

ARUBA DOET 2018 – Un exito total!

E evento boluntario mas grandi na Aruba organisa pa CEDE Aruba hunto cu Oranje Fonds a tuma luga riba diabierna 9 y diasabra 10 di Maart 2018. Un exito di comienso te final! Lansamento ARUBA DOET 2018 Na October den un ambiente festivo a start e preparacionnan pa e edicion number 6 di e evento boluntario mas grandi na Aruba. Representante di diferente organisacion social tawata presente durante e lansamento di ARUBA DOET 2018. Unda cu a haya informacionnan importante pa cu e evento. Tambe organisacionnan presente tawata tin oportunidad pa gana diferente premionan cu nan por haci uzo di dje durante e fin di siman di ARUBA DOET pa cortesia di Kooyman, SubWay, Pico Bello, Aruba Aloe y Maggy’s Aruba. Eventonan Na caminda pa e evento boluntario mas grandi na Aruba CEDE Aruba a organisa diferente tayernan educativo y interactivo pa e organisacionnan social. Tayernan cu a wordo duna dor di boluntario cu conocemente amplio den area di Social Media, Budgeting y Event Management. Y esaki tawata posibel danki na Diederik Kemmerling (The Lab), Edward Erasmus, Randolph Croes y Mark Benson (Elite) y Universidad di Aruba. Fuera di tayernan a organisa tambe algun session unda cu organisacionnan social por a registra un proyecto pa ARUBA DOET 2018 y boluntarionan por a inscribi pa duna un man na un proyecto. Carnaval 64 ARUBA DOET hunto cu Unity Carnival Group y un grupo di persona cu limitacion a participa cu Aruba su Carnaval number 64. E meta principal pa a join Carnaval 64 ta pa

integra personanan cu tin cualkier tipo di limitacion den comunidad y pa duna nan oportunidad pa tambe forma parti di Aruba su Carnaval. Esaki tawata un exito rotundo y tawata posibel danki na aporte di diferente partnernan: Hot Ones Band, AHATA, Marriott Resort & Stellaris Casino, Refineria di Aruba, Setar N.V. , Arugas, Deloitte, Bright Bakery, Post Aruba N.V., Notariskantoor Taekma, GP Cargo Services N.V. , Print Media, EMCO, Tropical Bottling Aruba, Manrique Capriles, Compra, Andina Ice, Don Pastechi, Ginger Aruba, Daltra Antilles N.V, MedWork y Thunder N’ Lightning. Diabierna 9 y Diasabra 10 di Maart 2018 Un total di 4000 boluntario a duna un man na diferente organisacionnan social pa completa 207 proyecto den un fin di siman. Un exito total y record nobo pa Aruba! E apertura oficial a wordo haci Diabierna 9 di Maart dor di Gobernador di Aruba, Su Excelencia Señor Alfonso Boekhoudt, kende a planta un mata di mango na Club Kibrahacha 60 plus pa asina start un fin di siman yena cu trabou boluntario rond di nos Isla. Proyectonan manera verf edificio, pinta weganan riba speelplaats, traha afdak, haci tereno di deporte limpi, cushina cu un grupo di 60 plus, bai lama cu muchanan cu limitacion, tayer di baile y paseo den bus. E exito di e fin di siman di ARUBA DOET 2018 sin duda algun ta danki na participacion di tur organisacion social, boluntarionan, prensa, sponsor (SubWay, PicoBello, Elite y Aruba Aloe) y partnernan comercial (WEB Aruba N.V., Dijtham, Arvefa, CERD, Serlimar, Fantastic Gardens, Kooyman, WEMA, Ecotech, Super Food, Flora, PPG Paints y Double Happy Hardware Store).

Directiva di CEDE ARUBA y e team di ARUBA DOET ta gradici un y tur cu a

duna un man cu ARUBA DOET 2018. Nos ta spera di topa

boso un biaha mas den e siguiente edicion. Haci Bon, Pasa Bon!

Pagina 18

Diahuebs 22 Maart 2018

Fundacion Famia Piedra Plat ta gradici pueblo di Aruba Evento cultural 18 di maart

Un danki ta bay na tur e boluntarionan (47) cu a yuda hasi e evento posibel, y tambe danki na: Cas di Musica Piedra Plat, Dazzling Dancing Divas, Danza Aruba, Shannon Bueno. Y na tur e casnan commercial y Cede Aruba. Tur cu a yuda cu a hasi e evento exitoso. Dios bendiciona boso tur. Otro aña nos lo tey bek atrobe y mas grandi.

Rumannan un dia bendishona y cu Dios colma nos cu su gracia y paz. Danki Tata pa e dia aki cu Bo ta regala mi den cual Bo ta permiti mi resa pa mi sernan keri y pone nan den Bo presencia sanador pa Bo yena nan cu Bo bendishon y cu Bo amor. Bini y haci mi capaz semper di profesa Bo cu mi boca y curazon y cu henter mi ser por ser un ref leho di Bo compasion y Bo alegria. Bini y keda den mi bida pasobra Abo ta lo mas importante pa mi. Den Bo Palabra Bo ta sigura nos cu si un hende obedece Bo palabranan, lo e no mira morto nunca. ( Hn. 8, 51-59 ) Si nos obedece Bo Palabra nos lo tin bida

eterno. Un bunita promesa cu Dios ta haci na cada un di nos. E no ta facil si asta nos ta pone tur excuus pa lesa e Palabra y despues pa obedece.Tin algo cu Dios ta desea di nos. Esey ta nos boluntad. Señor nos Dios duna nos un fe bibo y un obedencia firme cu ta surpasa tur interes humano pa cumpli cu Bo boluntad. Yuda nos pa hiba un bida virtuoso y asina alcansa e herencia cu Bo a priminti nos pa medio di Cristo nos Señor cu ta biba y reina te den siglo y siglonan. Amen.

TRAINING TAAL&REKENEN WORKSHOP “BEGRIJPEND LEZEN & TOETSTRAINING” (pa: alumnonan di 6de klas di school basico) Dianan di training: feb. 16,17,23,24;maart 2,3 Ora: 3:00-6:00 (feb. 16,23; maart 2) 1:00-4:00 (feb. 17,24; maart 3) Lugar: Club Don Bosco Docente : drs. Rudolf R. Kelly

Informacion: 562-2119/ 594-9771/ 585-9774. Email: rr_kelly@yahoo.com

Pagina 19

Diahuebs 22 Maart 2018

Aruba Bank a aporta cu SV Aruba Juniors Torneo Himno y Bandera torneo di softball anual di Himno y Bandera, cual a cuminsa dia 18 di Februari y a termina dia 18 di Maart. E aña aki SV Aruba Juniors a dedica e torneo aki na 3 atleta cu a destaca den pasado, kendenan ta Erica Martinus, Glenroy Lake y Fabio Gei. Den e torneo aki a conta cu teamnan di Aruba y Corsou di 50 y 60+. E organisadonan a acerca Aruba Bank y un biaha mas nan a duna sosten na deporte. Aruba Bank a aporta cu e gastonan di trofeo p’e torneo di Himno y Bandera. Hopi fanatico a presenta na Aruba Juniors pa asina mira cua team lo a bira campeon di e torneo. Directiva di SV Aruba Juniors a gradici Aruba Bank p’e aportacion na e torneo aki.

E aña aki Sport Vereniging

Aruba Juniors a tene su

Pa Aruba sumamente

Bank ta importante

Engravings Elegance

All types of Cemetery works, Tumbstones, Awards, Glass, Mirrors, Champagne flutes, Marble & Granites and much more….

Hooiberg 81B, Tel: 586-1908/593-4757…Fb

como compania pa sponsor eventonan deportivo. Pero tambe como cu e ta un pilar importante den nos comunidad y Aruba Bank ta contribui na un manera positivo cu e comunidad di Aruba. E luna di Maart ta e

luna di nacional di Aruba y Aruba Bank ta enfoca riba e pilar importante di nos comunidad. Na e manera aki Aruba Bank ta celebra y honra e luna cultural, e luna nacional.

Pagina 20

Diahuebs 22 Maart 2018

Diahuebs ta cuminsa duna ayudo pa yena e formulario di declaracion di inkomstenbelasting 2016 Por acudi libremente na Biblioteca Nacional na Oranjestad

Diahuebs, dia 22 di maart, Departamento di Impuesto ta cuminsa cu su campaña pa yena e formulario di declaracion di inkomstenbelasting 2016. Tur cliente cu tin dificultad pa yena e formulario por acudi libremente na Biblioteca Nacional na Oranjestad. E servicio ta gratis y no tin mester di haci un cita. Lo brinda ayudo for di dia 22 te cu 29 di maart 2018 (cu excepcion di diasabra). E orario di servicio ta: 8:00 am – 4:00 pm nonstop.

Kendenan por participa? 1. Tur persona soltero cu tin un entrada bruto di no mas cu Afl. 75.000,-; 2. Tur persona casa cu – hunto - tin entrada bruto di no mas cu Afl. 150.000,-. No por brinda ayudo na esnan cu tin un empresa propio of cu ta traha riba nan mes. Trece documento Departamento di Impuesto ta pidi su clientenan pa trece e formulario di declaracion di aña 2016 hunto cu tur comprobante necesario relaciona cu entrada y gasto, tanto na Aruba como den exterior. Alabes

ta importante pa duna e datonan personal di e pareha casa y e yiunan. Despues cu caba di yena e declaracion e cliente por entrega esaki mesora. E lo ricibi un comprobante tambe di e entregamento. E clientenan cu nan mes a yena e declaracion por pasa entrega esaki na Biblioteca Nacional durante e dianan di campaña. Por sigui Departamento di Impuesto riba e pagina di Facebook: https:// w w w. f a c e b o o k . c o m / impuestoaruba/ pa e ultimo noticianan.

ORACION NA SAN HUDAS TADEO NO LO WORDO TENI DURANTE SEMANA SANTA E luna aki Grupo di San Hudas Tadeo peregrino di Dakota, no lo resa riba 28 di maart, como cu 28 di maart ta cay net riba diaranson y ta den Semana Santo y riba dia cu tin Misa di Crisma na Pro Catedral San Francisco di Asis na Oranjestad pa 7 or di anochi. Otro luna diasabra 28 di april e Oracion na San Hudas Tadeo lo sigui normal y mas noticia riba esaki lo wordo publica. P’esey ta sigi un splicacion riba Pakico nan ta cubri e imagennan den Semana Santo? Te cu Concilio Vaticano II, durante Cuaresma tur loke tabata representa e Iglesia triunfante of di cielo, tabata ser cubri: imahennan, retablonan, etc. Na prome luga pa representa e gloria den tur su splendor riba e anochi di Vigilia di Pasco di Resureccion; tabata duna na e liturgia, cu ta conta cu e sensibilidad di e fielnan, un caracter di ayuno, di recordatorio, di penitencia. Incluso e anochi di Vigilia Pascual, ta cuminsa cu tur cos paga, pa nos por ta descubriendo e Luz di Cristo y di e glorioso Resureccion poco a poco. Durante Gloria tur luz ta ser cendi. Ta pa yudanos cu atravez di nos sentidonan ta drenta e mensahe cu e Liturgia ta trece tocante e Misterio di Redencion: Cristo, Morto y Resucita. E signo aki di e tradicion di Iglesia Catolico ta recorda

nos cu e atencion di e comunidad den e siman aki ta gefocust riba e misterionan di Pasion, Morto y Resureccion di Nos Señor Hesucristo. Ta un signo tambe cu e accionnan liturgico di culto y ritual, ta orienta pa hacin nos biba den profundidad di e misterionan di nos redencion. Ta for di lugar cu den e dianan un nobena of oracion ta wordo haci of teni na San Hudas Tadeo, of haci un acto di piedad pa pidi na un di imagennan di Birgen Maria, pero menos na nos Señora di Dolornan pa t’esun propio pa e tempo aki, manera e sintimento cu nos tin pa Nos Mama, of na e imagen Doloroso den e Procesion di silencio of den e Caminda di Cruz. Pa duna un resumen: e imagennan ta wordo cubri pa laga nos concentra mas den e misterio di Pasion, Morto y Resureccion di Hesucristo, y pa nos no desvia na otro sorto di debocionnan cu nos por ta celebra. E imagennan cu por keda sin wordo cubri ta esunnan cu tin di haci cu e misterio cu nos ta celebra: Cruz, Nazareno, E entierro Santo y La Birgen Doloroso. Sperando cu esaki ta un splicacion, cu nos por comprende cu nos no por resa na San Hudas Tadeo durante e Semana santo. Na nomber di Grupo di San Hudas Tadeo Peregrino di Dakota. Ida Croes.

Pagina 21

Diahuebs 22 Maart 2018

Candela ta kima un cas y habitantenan ta perde tur nan pertenencianan

Diaranson pa mas o menos 1'or y mey di marduga, polis y brandweer ta wordo manda cu urgencia na e adres, Amsterdamstraat 2, pa motibo cu e cas ta completamente na candela. Na yegada nan ta topa enberdad cu e tabata completamente na candela, e huma por a wordo mira for di leu riba e caminda prinicipal. E doño di e cas a bisa polis, cu nan a sali un rato for di cas pa bay pone gasolin den nan auto y a laga nan yiunan drumi. Ora nan a bolbe bek cas, e cas tabata full na candela. E desorden di e candela feros a lanta e yiunan for di soño cu nan

por a core sali pafo. Den e cas no tabata tin niun hende, den e cura tabata tin varios auto y e botter di gas cu mester a wordo desconecta, na yegada di brandweer nan a desconecta e botter di gas y hopi liher a logra domina y paga e candela. E motibo di e candela te na e momentonan aki ta desconoci, e doño di e cas kemen cu no tabata tin nada cu lo por a causa e candela aki. Segun nos a compronde cu e candela a cuminsa den e camber dilanti, mirando cu tin hopi hende bibando den e cas aki, den e camber ey tabata tin varios corchon y paña.

E cas a kima por completo, e autonan den e cura a haya varios daño y e famia

a perde tur cos for di den e cas, e unico cos cu nan a keda cune ta e pañanan cu

nan tabata tin bisti. Presencia di slachtofferhulp a word

Venezuela a denuncia incursion di avion militar Mericano den su espacio aereo Gobierno di Nicolas Maduro, segun e website di noticia NTN24. "Mi ta probecha pa denuncia cu riba diasabra a wordo detecta un avion di e clase Boeing C17 di Forsa Aereo di Merca, cu a sali for di e base Hato na Corsou," e minister a bisa durante un acto cu militarnan na Caracas.

E minister di Defensa di Venezuela, Vladimir Padrino Lopez, a denuncia cu un avion

militar di Merca a viola e espacio aereo di e pais petrolero, door di bula sin autorisacion di e

Padrino a indica cu esaki ta e di dos biaha cu un avion Mericano "ta viola e espacio aereo di e lama teritorial cu ta genera e archipielago (Venezolano) di Los Monjes," ubica den Mar Caribe. E titular di Defensa a haci un yamada na autoridadnan di Merca "na respeta e procedimentonan

aeronautico internacional." E General en hefe Padrino tambe a pidi pa nan stop di convok'e pa e encabesa rebelionnan contra e gobierno. "Na e factornan ey cu nan ta sigui yama na golpinan di Estado, cu nan ta sigui haciendo mi yamadanan den lo personal como minister di Defensa, pa sigui haciendo yamado na e integrantenan di e Forsanan arma na tur e nivelnan pa tuma partido (...) mi ta den completo desacuerdo cu e golpinan ey di Estado," el a bisa.

Pagina 22

Diahuebs 22 Maart 2018

Bolo di lamchi bendiciona pa celebra Pasco di Resureccion

ATTENCION: CAMBIO DI BOTICANA WUARDA Botica Santa Cruz N.V. ta informa cu Botica Santa Cruz N.V. ta na warda diasabra 31 Maart 2018 for di 7:30 pm te cu diasabra 7 di April 2018 pa 7:30 p

Parokia La Birgen di Fatima na Dakota ya pa algun aña caba tin un tradicion di "bendicionamento di lamchi" pa e fiesta di Pasco di Resureccion. E motibo ta pa nos muchanan, nos mes, nos famianan y bisiñanan por siña celebra na un mihor manera e fiesta di Resureccion di nos Señor Hesus, cu ta nos Salbador y cu ta E Lamchi bendiciona. Riba Diahuebs, dia 29 di maart, despues di Misa di Ultimo Cena tin e oportunidad pa cumpra bolo den forma di lamchi na balor di 10 florin. Bendicionamento di e lamchi “Bendicionamento di lamchi” ta tuma lugar Diasabra di Aleluya, 31 di maart pa 8or di mainta. Despues ta hiba e lamchi bendiciona cas y warde pa come den famia ariba e siguiente dia cu ta Pasco di Resureccion. Celebracion cu e lamchi bendiciona Diadomingo, Pasco di Resureccion, sea durante desayuno, sea merdia of atardi, depende con famia ta reuni, ta pone e lamchi meymey riba mesa. Ta pone lamchi den macutu of scalchi y dorn’e por ehempel cu un poco yerba berde, webo herbi of di mangel/chuculati. Despues di comemento como pasaboca nos ta parti e lamchi asina pa cada hende haya un pida. Lamchi dorna poni meymey di mesa por provoca hende pa puntra: “hey, pakico e lamchi?, “di unda e lamchi?” E ora tin chens pa splica e historia di nos salbacion, tin chens pa evangelisa durante e cuminda principal di famia. Historia/Motibo Den e mundo tin diferente signonan. Signonan cu

mundo Cristian ta uza y signonan cu mundo pagano tambe ta uza. Y nos ta riparando con e mundo pagano kier guli fiestanan Cristian cu su materialismo, cu su feroz propaganda na su estilo. Asina por ehempel fiesta di Pasco Grandi poco poco ta cuminsa bira un fiesta di conenchi, ta keda relaciona cu fiesta di conenchi. Conenchi awendia ta un simbolo di playboy, un simbolo di sexo. Y realmente esaki tambe ta simbolo antiguo di conenchi. Di e forma aki un fiesta Cristian di sacrificio, di entrega di Dios, pues ta keda resumi na un simbolo bastante straño, pa locual ta bida Cristian, un simbolo totalmente pagano. P’esey nos kier remarca nos propio simbolonan, nos propio signonan di mundo Cristian, di bida Cristian. Y e lamchi ta e expresion di henter misterio di Pasco. Simbolo di lamchi Den lectura di Exodo 12, 1-14 nos por lesa con Dios a pidi Israel pa sacrifica e lamchi, con e lamchi ey tabata imagen di Lamchi di Dios. Den lectura di Huan 1, 29 ta cita: Ora Huan a mira Hesus, el a bisa: “Ata E Lamchi di Dios cu ta kita pica di mundo!” E lamchi manera nos a resa den oracion durante Santo Sacrificio Eucaristico, traha di hariña di pan, manera Cristo cu a bira pan cu ta duna bida. Pasobra Hesus a bira E cuminda y E lamchi tambe cu nan mester a come pa haya forsa. Pues si lamchi ta traha di hariña di trigo, tin mas nificacion ainda, pasobra tin relacion cu Eucaristia, cu Cristo cu a bira pan cu ta duna bida.

POR FABOR TUMA BON NOTA DI E CAMBIO AKI BOTICA SANTA CRUZ Botica Santa Cruz N.V. ta informa cu Botica Santa Cruz N.V. ta na warda diasabra 31 Maart 2018 for di 7:30 pm te cu diasabra 7 di April 2018 pa 7:30 p POR FABOR TUMA BON NOTA DI E CAMBIO AKI BOTICA SANTA CRUZ

Pagina 23

Diahuebs 22 Maart 2018

BON DIA YEN DI ALEGRIA ! Skirbi pa Ruthy”Lady Ruth” Vrieswijk-Bergen

Ata aki nos version di e Conferencia di hende muhe dia 8 di Maart ultimo. Nos lo accentua

su exito y su inspiracion. Tawata un bunita mainta y e sala tawata yen yen di damanan, hende muhenan

bunita y fuerte den nan sapato. Pasobra ta pesey nan a bay, pa wordo inspira un crenchi mas con pa sigui briya den nan sapato canando pa progreso. Esaki ta nos version di e celebracion magnifico aki cu oradornan cu a capta atencion y toca e curasonnan sigur. Nos flamante ministro di finanzas y cultura, e sympatico sra. Xiomara Maduro a papia encuanto con hopi “horse power” cada muhe tin, ora e ta multifacetico den tur su trabaonan tanto na cas como den su profeshon. Oh si, nos tin hopi horse power ! Nos flamante Prome Ministro e dinamico sra. Evelyn Wever Croes a elabora un crenchi riba su trabao tambe, combina cu ser mama, esposa y awor wela

tambe recientemente. Sra. Maria Liberia Peters for di nos hermana isla Corsow a steal the show cu su fantastico presentacion. Ela menciona e.o. nos amanan di cas, cu despues di e conferencia Lady Ruth a aserca su persona y a bisele, cu aki na Aruba, nos amanan di cas ta wordo jama cu e titulo di “Domestic engineer”, si, “Ingeniero den economia domestico” y no simplemente amanan di cas. Nos ta mas cu esey sigur cu tur locual nos por hasi y ta. Esaki just pa menciona algun di nos oradornan . Nos a bishita mas atardi di e mesun diahuebs dia 8 di Maart, e celebracion na CEDEHM na unda nos por a scucha bunita speechnan di sra. Sandra Brown y di nos prome ministro femenino

sra. Evelyn Wever Croes, kende tawata tin un schedule yen , cumpli cu tur su invitacionnan cu ela ricibi. Nos por a notele un crenchi cansa, pero satisfecho cu con e dia special aki a bay. Dos hende muhe fuerte a duna nan testimonio foi dia cu nan a aserka CEDEHM pa ayudo profeshonal te cu awe para firmemente den nan mesun sapato exitosamente y felis cu nan mes. Den oranan di anochi Lady Ruth a bishita tambe Centro di Bario Playa Pabao, manera e sa hasi e ultimo par di anjanan y eynan e oradornan Aby Arend s y Karin Bosman a capta e atencion di un publico grandi e biaha aki. E sala aki tambe tawata yen yen . Temanan entre otro di stima bo mes y lucha pa sigui padilanti. Y tambe encuanto e “work place harassment” - ora cu tin coleganan cu no por wak sin mishi y asina falta respet pa hende muhe mas tanto. Manera ta e tradishon akinan na CBPP Quincy Hasham a canta e hymno pa cu e dia di hende muhe. Colega Poeta Omaira Britten a tene tambe un bunita speech tocante hende muhe naturalmente y e anja aki ta un di su poemanan ta graba riba e mug cu a wordo reparti na esnan cu a jega mas tempran. Ta un tradishon tambe cu Dennis Burke ta invita Lady Ruth tur anja pa recita dos tres poema, cu tambe a cai na bon tera serca tur presente. Nan a goza e parti chistoso ora cu Lady Ruth a bisa nan cu ela bai e conferencia di hende muhe mainta cu un par di sapato, di cual uno tawata hopi los,pa asina e wordo yena cu cos bon pa e por sigui briya den su sapato y cana pa mas progreso ainda. Hahahahahaa ! No cu hilchi fini, pasobra e no kier trompica ! Sapatonan cumpra na baratillo, pasobra ta eseynan ta briya mas na bo pia !!!!

Pagina 24

Diahuebs 22 Maart 2018

Fuera cu aruba a gana 2 bronz den mundial di muay thai aruba a sa di bai cu un refree di aruba sr Devon Honge

Fuera cu aruba a gana 2 bronz den mundial di muay thai aruba a sa di bai cu un refree di aruba sr.Devon Honge cu a bai pa

asina bai pasa un examen cumo refree intrenacional y a logra esaki tambe e ta bisa no ta facil lanta tur dia y bai les pa 5 ora y refree

tambe despues mester asta sinja e palabranan na nan idioma esata thailandes pa asina pasa y por refree e mundial mi

ta hopi cotento cu muay thai kick boxing aruba a dunami e oportunidat aki pa asina por bai hasi mas pa e sport aki na aruba y rond mi a pasa mi examen y mi lo por yuda otronan tambe na aruba y rond den caribe si por aruba a hasi un tremendo trabou aki riba dunando bon bataya contra paisnan hopi mas grandi cu nos y a laga un tremendo exprechon como un pais pabien aruba y nos representante pa aruba sr Roony Boye' cu a mustra ei Riba dicon e ta un master

y sa con traha den un organisachon asina grandi manera esaki cu ta W.M.F. tremendo trabo pa aruba nos lo yega dia 23 maart cu KLM di hulanda cu nos kampionnan Aki por wak Sr Boye ta mustra su classe halto como repesentante di aruba y vice presidente di e federechon Di panamericano hopi calidat Boye hunto cu e general mayor di thailand y presidente di WMF

Diahuebs 22 Maart 2018

Su mama Susanna, su unico yiu i rumannan ta dedica e poesia aki na nan inolvidabel yiu, mama i ruman stima

Sra.Priscilla Patricia Schwengle " Liesje" dfm recordando su di 4 anja di fayecimento . 25 Maart 2014 - 25 Maart 2018

" E FINAL." Cu curason tristo i lagrima na wowo un mama ta busca su yiu sin consuelo tabata duro pa acepta cu Dios a yame bai biba den Paraiso pa ta cerca di Dje. Anjanan a pasa i den e mama su brasa su unico yiu a keda como recompensa pa consola curason di un mama, wela asina brasa, nan dos ta wordo consola. Unico yiu cu ta haya falta di su mama un mama cu e ausencia di su yiu stima ta mira con su otro yiunan ta contene nan tristesa pa e ruman muhe ausente. TEMPO LO CURA E DOLOR FUERTE TEMPO TEY CU E AMOR FERVIENTE TEMPO DI PAPA DIOS TA PERFECTO TEMPO PA UN FINAL CONTENTO. Autor : Omaira I.Rodriguez-Britten

Pagina 25

Pagina 26

Diahuebs 22 Maart 2018

SOLO SALUD ZETA DI BAKIJOUW

MANERANAN CU BO CARA POR INDICA PROBLEMANAN DI SALUD

Omega 6 (pinda)

-ARRUGAS (wrinkles)

Fata di Vitamina C por ta causa di esaki. Vitamina C ta un tremendo anti oxidatecu tajudaconstruiColageno. Colagenoporjuda cu cuerosekotambe.

VETNAN CU NOS MESTER COME!

Zeta di bakijouw ta un suplemento di piska y mescos cu Omega 3, zeta di bajijouw ta contene Omega 3 cu taliga cu jenbeneficio pa nossaludmanerareduciinflamacion y bahaprecion. Tambe e ta conteneVit A y D cu tambe ta provehebeneficionanpanossalud. Zeta di Bakijouwta :

CONTENE UN CANTIDAD HALTO DI VIT A Y D • Caloria: 40 • Vet: 4.5 gram • Omega-3 : 890 mg • Vet Mono no satura: 2.1 gram • Vet Satura : 1 gram • Vet Poly no satura: 1 gram • Vitamin A: 90% di recomendaciondiario • Vitamin D: 113% di recomendaciondiario

Lanta mainta cu peishi no ta e manera cu bo kier lantamainta y no ta tur ora, bai cumpra un crema of jabonmedica ta e solucionapropiapaesaki. Bo tin di wakpromekiko ta e causa y sipor tin un caso ci tin di haber cu bosaludmaneradeficiencia di nutricion (vitamina of mineral) of un sensetividad/tolerancia pa cu cuminda .

-CABEI NA CARA

Pa hendemuhernan, cabeinacarapornifica un desbalanse hormonal.

-ACNE

Aunke e ta varia di casso pa caso, Acne por ta causa di mal nutricion (cumindaprosesa y vet)

-CIRCULONAN SCUR BAO DI E WOWO

Drumitiki of drumimalo no ta e unicocausanan di circulopreto of scur bao di e wowonansino e por ta un alergiatambe cu bahaya of sahaya di ciertocumindanan cu no ta bao bon cu bo.

-PEICHINAN CHIKITO BLANCO OF CORA

PISKA

Piskanan cu vet natural maneraSalmao, Sardintji of Harring ta bon fuentenan di Omega 3. Esaki nan ta BON Vet...es mas, nos ta jama nan VetnanEsencial. Ta vetnan cu ta tene e curason y cerebrosaludabel.

AWAKATI

Pone ribabo pan or rice cracker of bandebocumindacayente. Otro mas cu ta bon pa e curason y osteoarthritis.

SIMIYANAN

Simiyananmanera pumpkin, sunflower sesame seeds porjudabahabo Cholesterol.

PINDA

E Omega 3 den Zeta di Bakijouw ta judacombatiinflamacioncronico y e VitAyD tin propiedadnan anti oxidante

Aunke nan parse peichi, tin biaha nan ta un condicion di e cuerojama KERATOSIS PILARIS cu tafalta di Omega 3, e mineral Zink y Vtamina A.

TUR pinda ta bon pa e curasonperovooral Walnut, Un cos si, no haci di mas y come full e bleki. Si bo come pinda, bai pa 14 walnut halves, 24 almonds, 35 pinda, 18 cashews, of 15 pecans. (1 ons)

REFORSA NOS WESONAN

-PEICHI DI E SKINA DI E LIPNAN

OLIVE OIL

REDUCI INFLAMACION

E Vit D den Zeta di Bakijouw judamantenenoswesonanfuerte.

REDUCI DOLOR DEN JOINTNAN

E abilidad di reduciinflamacion ta juda cu Rheumatoid arthritis.

SALUD DI NOS WOWONAN

Juda proteheperdida di nos vision a consequencia di inflamacionna e wowonan y malesnanmanera Glaucoma.

REDUCI RIESGO DI MALESANAN DI CURASON

Zeta di Bakijouwporjuda cu malesanan di curason

Esakinantambe tin di haber cu cuminda... falta di Heru y Vitamina B...vooral B2 y B12. Spinazi, boontji y un Lomito (limita) lo juda cu esaki.

-WENKBRAUW

Si esakinan ta birando mas fini, e por ta debinabo THYROID. Check cu bodokter pa cu esaki!

-COLOR PALIDO

Anemia, Falta di Vit B6, B12 y Herupor ta e cause cu bo ta mustrableek

-CUERO SEKO

Esaki mi ta kereboso tur sacu ta pa falta di bebesuficiente AWA ...PERO e por ta falta di vet PolyNoSaturamanera Omega (piskasalmao) of

Pa cushina of pa tirariba e salada, Oilve Oil ta bon pa nossalud.

FLAXSEED (ground)

Vetnansaludabelporjudabocueromustralimpi y jong. Ademas Flax ta contenefibra cu poraliviainflamacion. Strooi e ribabocuminda of den bo shake.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Diahuebs 22 Maart 2018

Pagina 27

Pagina 28

Diahuebs 22 Maart 2018

Gradicimento Pa medio di esaki famia Boekhoudt- Kelly kier a gradici tur esnan cu na un manera of otro a duna nos sostén, consuelo y forza durante e dianan difícil cu e fayecimento y despedida di nos defunto stima.

Clotilda Boekhoudt-Kelly

mihor conoci como: “Tida” Un danki na un y tur cu a manda mensaje, Carchi, krans of cu a hasi yamada telefónico, boso muestra di atención tabata un gran consuelo pa nos.

TA BENDE

BBQ GRILL (tipo cylinder) Crioyo. Prijs std Afl:250,= cu wiel Afl:300,= Yama: 569- 7787 (Nos por entrega)

TA BENDE Edificio comercial situa na Sta Cruz, conoci como Rowigini’s y su complex di apartment.

TA BENDE UN AUTO 1990 Toyota Corola blanco Standard full overhaul bateria nobo Afl 800,00

Cell:741-0123

(Ta core pone bo number y bai cune)

TA HUUR Apartamento na Seroe Colorado. 2 kamber cu airco / banjo / cushina sala comedor. Interesadonan por jama

5698007

Pagina 29

Diahuebs 22 Maart 2018

Brazil Taekwondo Stichting a sali Best Team na e campeonato di Himno y Bandera.

8 scol di Taekwondo a participa na e campeonato di Himno y Bandera y a inscribi nan 7 miho atletanan pa bringa pa e Copa di Best Team. Brazil Taekwondo Stichting a participa cu 7 atleta cu bringa a bringa pa e copa den nan categoria. E 7 atletanan aki tabata: Micheal Noel, Joshua Klabér, Hakeem Lowe, Záhyon Klabér,

den e categoria di Senior contra di Niels Stock cu ta un atleta cu a participa pa prome biaha. Nathan Fradl, Rasheed

TA BENDE Store display table For sale! 700,- f lorin

Lowe y Maedlynn Fradl. Micheal Noel tabata e unico cu a perde su pelea

ARTBO ta felicita Brazil Taekwondo Stichting cu nan logro di Best Team.

Baki di sushi 20 yarda i 10 yarda

Si bo ta interesa pa cumpra, por yama na 748- 8280

Yama nos 5634201

Pagina 30

Diahuebs 22 Maart 2018

Resultado di Number

LOTTO MERDIA 21 DI MAART

21 DI MAART

1. 1948 2. 3965 3. 0790

21 DI MAART

1. 4362 2. 2019 3. 1503 8643

LOTTO ANOCHI 21 DI MAART

TA BUSCA

TA BENDE Pa mata nan fuerte y berde Gordura di bon calidad Afl 8,00 pa saco randi. Nos ta deliver riba 10 saco

HOUSE FOR SALE

HOUSE FOR SALE Hoekhuis na

un bon auto di mas o menos 7 mil 8 mil fls

Ta busca Toyota Yaris pa cumpra 2010 of 2012 Yama na 569434

Hoekhuis na Venezuelastraat Eigendom 411 m2 den bon condicion y bon prijs. Pa mas

Ta busca tereno unda cu ta pa cumpra ,Yama na 5694343

info yama

5972155

SERVICIO SEPTIC

TA BENDE

Servicio di Septic Tank – Chica Pos

Yos Septic Tank

KIA Sportage 2011

Tel: 566-6144 / 748-2689 Yos ta yega mesora y sigur!

Good afordable price Call 5694343 for more information SUV in good condi-

tion

Pa mas info yama 592-6209

TA HUUR Cas na Pos Chiquito 4 kamber/baño cura sera cu hopi lugar pa parkeer. Bon pa oficina of residencia. Serka di caminda Afl 2500,00 pa luna

Pa mas info yama 733-1201

VERF DAK Painting Welder Roofing Carpentry All in one bon prijs pa mas info yama

6309246

TA BUSCA

Security guard masculino, edad 25-45 aña

Mester tin MAVO diploma of equivalente Mester por papia y scirbi papiamento hulandes ingles y spaño. Mester tin propio transporte

Pa mas info por yama entre 8am cu 4 pm pa un cita na 5883677

JAZZ JAZZ Piano School 21 Buki tur informashon pa bira Jazz Piano Player pa afl 460,00. Tin cupo pa piano les. Pa INFO yama 5608629

Pagina 31

Diahuebs 22 Maart 2018

Iglesianan Cristian di Aruba Gobierno y Pueblo di Aruba Dilanti di Varios Reto ta considera husto relaciona cu e reto di paga nos debe.

Aruba a habri aña cu varios reto pa enfrenta, tanto riba tereno finaciero como tereno social. Un di e criterionan cu instancianan internacional ta observa pa determina progreso di nos pais ta su stabilidad economico. No solamente nos debe nacional ta un reto serio, nos situacion social, na unda hopi famia ta rekeri atencion, tambe ta un reto serio. Palabra di Dios ta spierta nos pa no laga cosnan material preocupa nos mente, pero nos mester busca prome e Reino di Dios y Su husticia y tur otro cos lo wordo duna di mes (Mateo 6:33). Esaki kiermen cu loke nos haci como individuo y como sociedad mester ta husto dilanti di Dios pa Dios yuda nos. Finansas Publico y Debe Nacional Palabra di Dios ta spierta hopi cla contra debe excesivo pasobra esaki ta haci e fiado esclavo di esun cu fi’e placa (Proverbionan 22:7). Nos debe nacional ta asina halto cu refinanciamento na un interes mas abou ta parce e unico solucion pa sali for di dje den un termino rasonabel. Crecemento economico tambe lo yuda pero ta abvio cu esaki lo keda limita. Palabra di Dios ta bisa tambe cu nos mester cumpli den paga un debe bek. Awor mas cu nunca Aruba mester demostra cu nos ta depende riba Dios pa yuda nos sali for di e reto dificil aki di debe excesivo. Den un tempo cu pueblo ta experiencia aumento di prijs di articulonan di prome necesidad gobierno mester scoge pa haci loke Dios

Matrimonio y Famia Na final di aña pasa Aruba a wordo confronta na un manera dramatico con fuerte e deterioro social a afecta famia. Tur investigacion relevante cu a haci rond mundo a conclui cu e ambiente mas sano pa lanta un mucha aden ta famia cu un tata y un mama. Aruba conoce hopi famia kibra caminda den hopi caso e tata no ta asumi responsabilidad pa su yiu. Nos tur kier mira nos yiunan lanta bira ciudadanonan ehemplar den comunidad sin cay den droga, delincuencia of violencia. Si lanta un mucha den e caminda cu e mester bay, ora e bira grandi e lo no aparta for di dje (Proverbionan 22:6). Mayornan mester mester reconoce talento y abilidadnan cu Dios a duna cada yiu y cu amor nan mester encurasha e mucha pa desaroya esakinan. Instabilidad den Regio Pa basta tempo caba mundo por a tuma nota con ideologia socialista a contribui na degeneracion di bida social na Venezuela y cuanto tragedia esaki a trece cune. Nos no sa cuanto tempo mas esaki lo dura pero Aruba ya caba ta wordo confronta cu retonan relaciona cu e situacion esaki. Como pueblo nos mester convivi cu nos pais bisiña y haci oracion pa Dios trece solucion pa nan segun nan tambe busca cara di Dios. Comision di Pastor den representacion di Iglesianan Cristian di Aruba ta spera cu nos mandatarionan y nos pueblo haci loke Dios ta considera husto pa soluciona tur e retonan.

Invitacion pa e Caminda di Cruz den bario di Pos Chikito Diabierna, 23 di maart parokia Sagrado Curason di Hesus Savaneta/Pos Chikito tin nan di ultimo Caminda di Cruz y lo tuma luga den bario di Pos Chikito. Nos ta cuminsa 6:15pm saliendo for di cas di famia Rosendo, Pos Chikito complex

10-D, y termina na cas di famia ArendsEngelbrecht, Pos Chikito 477-H cu un Santo Sacrificio di misa. Laga nos probecha e temporada aki pa medita y reflexiona ariba e sufrimento y morto di Hesus pa nos salbacion.

PRONOSTICO DI TEMPO VALIDO TE DIAHUEBS 22 DI MAART 2018 COMPILA: DIARANSON 21 DI MAART 2018 17:00 (21:00 UTC) TEMPO: DIARANSON ANOCHI: LEVEMENTE TE PARCIALMENTE NUBLA I GENERALMENTE SECO DEN MARDUGA I DIAHUEBS: LEVEMENTE TE PARCIALMENTE NUBLA CU CHENS PA UN AWACERO PASAJERO TEMPERATURA MAXIMO 32 GRADO CELSIUS Y TEMPERATURA MINIMO 26 GRADO CELSIUS. SOLO LO BAHA AWE NOCHI 06:51 PM Y LO SALI MAYAN MAINTA 06:43 AM. BIENTO: MODERA TE BASTA FUERTE FOR DI DIRECCION OOST; FORSA 4 TE 5 (20 TE 39 KM/ORA, 11 TE 21 NUDO) DEN DIA FUERTE TE DURO DEN RAFAGA; FORSA 6 TE 7 (40 TE 61 KM/ORA, 22 TE 33 NUDO) SITUACION GENERAL DI TEMPO: DURANTE PROXIMO 24 ORA EXTENCION DI UN AREA DI PRECION HALTU RIBA ATLANTICO LO MANTENE CONDICIONAN GENERALMENTE SECO DEN REGION LOCAL. SINEMBARGO, DEN ORANAN DI MARDUGA I MAINTA UN INCREMENTO TEMPORAL DI NUBIA POR PRODUSI UN AWACERO PASAJERO. MAS ALEU, STOF FINI SUSPENDE DEN AIRE LO STROBA VISIBILIDAD UN POCO DEN PROXIMO DIANAN. CONDICION DI LAMA: OLANAN DI LAMA LO TA FOR DI DIRECCION OOST CU HALTURA DI 5 TE LOCALMENTE 8 PIA; E OLANAN DI MAS HALTO LO TA NA COSTANAN OOST, NOORD TE NOORDWEST DI E ISLA. TA SUGERI OCUPANTENAN DI BOTO CHIKITO PA PROCEDE CU CAUTELA RIBA LAMA HABRI. TEMPERATURA DI SUPERFICIE DI LAMA: 26 GRADO CELSIUS. FENOMENONAN SPECIAL: NINGUN POTENCIAL DI AWACERO PA PROXIMO 24 ORA: MENOS DI 1 MM REGISTRACION DI TEMPERATURA (CELSIUS) Y AWACERO (MM) DEN ULTIMO 24 ORA: AIRPORT MAX 31 / MIN 25 / 0.0 PRONOSTICO DI TEMPO PA PROXIMO DIANAN DI SIMAN: LEVEMENTE TE PARCIALMENTE NUBLA I GENERALMENTE SECO. BIENTO LO TA FOR DI DIRECCION OOST I MODERA TE BASTA FUERTE;

Tipline: 585-9500

DEN DIA FUERTE TE DURO DEN RAFAGA; TEMPERATURA MAX / MIN LO TA: 32/25 E PROXIMO BULLETIN LO WORDO PUBLICA DIAHUEBS 22 DI MAART 2018 17:00 (21:00 UTC)