Diahuebs 1 December 2011

Diahuebs, December 01, 2011

Pagina 1

GANA

10 MIL FLORIN Diahuebs, December 01, 2011 - Edicion 6 Vol.1181 - Sta. Cruz # 110

Tel: 585-9500 Fax:585-0951 - E-mail: solodipueblo@gmail.com

1.50

Mayor di alumnonan di Colegio Arubano hopi preocupa cu medidanan di SMOA

Accidente fatal na Catiri Ayera nochi a sosode un accidente den trafico fatal na Catiri. Esaki a costa bida di un homber di Faam Petrocchi-. El’a perde control den un Suzuki Swift y dal den cura di cas. Condolencia ta bay na famia di e fayecido.

PRESUPUESTO 2012:

Prueba di manipulacion den campaña: No ta elimina BBO y no tin placa pa INDEXERING

No ta AVP y e tal Otmar mes a instiga formalmente contra Schiphol Groep?

Awe e mesun tal Otmar ta sinta den scochi di e grupo Hulandes

EXPOSICION "40 AÑA LUCHA, SACRIFICIO Y LIBERTAD"

Diahuebs, December 01, 2011

Pagina 2

Solo di Pueblo cu 9511 ta regala un QUAD of:

10.000 florin cash

1. Yena e coupon aki y entregue na oficina di Solo di Pueblo na Sta. Cruz 110.

2. Manda un sms na 9511 y skirbi QUAD of 10 mil. Sorteo ta tuma lugar na fin di December

Yena e coupon aki y suerte: Nomber & Fam: Adres: Telefon: E-mail: Na cual tienda bo ta cumpra bo corant? _______________________________ Bo ta abonado? si [ ]

LIDER DI MEP, MR. EVELYN WEVER-CROES:

PRESUPUESTO 2012:

PRUEBA DI MANIPULACION DEN CAMPAÑA:

no [ ]

Abogado di Corsou Bertie Braam a bay dilanti Huez- Comisario

NO TA ELIMINA BBO Y NO TIN PLACA PA INDEXERING

STA. CRUZ -Cu partido AVP a gana campaña ta manipulando hende, cada biaha tin mas prueba. E promesanan mas grandi ta cu nan lo elimina BBO, cu nan lo baha prijs di awa y coriente, cu nan SI lo paga indexering.

Pero den e presupuesto 2012 por nota bon cla cu BBO lo NO

wordo elimina, pasobra pa e aña aki gobierno ta te hasta haya mas BBO cu na 2011.

Pa 2011 a haya 84 miyon florin y pa 2012 gobierno ta bay cobra 92 miyon na BBO. Pues e BBO lo NO wordo elimina entrante prome di Januari 2012, manera tanto nan a priminti! Otro cos ta cu den e

presupuesto NO tin placa pa indexering!

Esaki mientras cu AVP a broma cu nan SI ta bay paga indexering, nan SI ta di buena fe cu sindicatonan.

Y asina sindicatonan a cay den trampa di gobierno, firma tur sorto di protocol y awor ta resulta cu indexering NO ta den presupuesto.

Si ta asina tanto buena fe e gobierno aki ta cu sindicato, dicon no a presupuest’e?

Pasobra nan a pone placa pa nan biaha, pa nan paga coordinador, pero nan NO a pone placa pa e ambtenaarnan!

Poco poco ta bira mas obvio cu e gobierno aki, a engaña un pueblo y esey no ta husto.

Nos pueblo merece gobernantenan honesto, no gobernantenan cu ta gaña pa nan gana voto y después no ta worry pa cumpli!

STA. CRUZ -Diarazon mainta pa mas o menos 11:10, e abogado Bertie Braam di Corsou, acompaña pa su abogado local,

mr. Chris Lejuez, a aparece dilanti Juez Comisario kende a prolonga su detencion cu 8 dia.

Diahuebs, December 01, 2011

Durante control polis a confisca scooter sin papel na ordo

STA. CRUZ -Diarazon mainta pa mas o menos 9:40, durante un control di polis, riba Sasaki na altura di Pizza Hut, polis motoriza ta kita un scooter

for di un pareha, pa motibo cu e scooter su papelnan no tabata na ordo. A laga e pareha na pia, wardando riba un lift.

Pagina 3

Accidente na Catiri

STA. CRUZ -Diarazon anochi un chauffeur a perde control na

Catiri y bay dal den cura di cas.

Motibo cu el'a perde control,

no ta conoci.

Ambulance a brinda asistencia na e chauffeur.

Diahuebs, December 01, 2011

Pagina 4

No ta AVP y e tal Otmar mes a instiga formalmente contra Schiphol Groep?

Awe e mesun tal Otmar ta sinta den scochi di e grupo Hulandes aki y ta papia asina positivo di nos Aeropuerto

STA. CRUZ -- Un biaha mas den e siman aki nos a haya un ministro di Gabinete Mike Eman manera un pauwies ta pronkia cu pluma di otro, siendo cu e mes sa cu e plumanan di e pauwies no ta pertenece na su persona.

Den e caso aki nos ta referi na e tal Otmar Oduber kende den un comunicado di prensa tabata gaba con durante e ultimo 2 añanan nos Aeropuerto a desaroya positivamente y den un forma eficiente.

Sinembargo e tal Otmar ta lubida di conta pueblo den ki desaster su gobierno di AVP y su propio actual consehero, familiar y exDirector di AAA, esta sr.

Arends a laga e Aeropuerto Reina Beatrix na final di nan gobernacion na 2001, un aeropuerto cu debenan cuantioso y un rating sumamente negativo cu a pone e bondholdernan tur preocupa y man na cabez. Alavez nos tur por corda ainda con Gabinete Oduber II na 1994 a laga un plan cla pa inverti den un Aeropuerto nobo y cual inversion lo a costa maximal 90 miyon florin. Pero ora cu AVP a drenta gobierno, nan a tira e plan aki den bari di sushi y a dicidi di bin cu nan propio plan. Al final tabata increibel cuanto placa Gabinete Eman III a hinca den e Aeropuerto aki, esta

mas di 200 miyon florin, sin cu cierto facilidadnan vital y necesario a wordo construi y p’asina nos por a dispone di un aeropuerto completo.

Apenas construccion di e aeropuerto aki a termina, cu ya den algun luna di tempo nos por a constata con durante awacero e terminal tabata yena completamente cu awa. Mas cu 200 miyon florin a wordo hinca door di Gabinete Eman den e aeropuerto aki sin cu e politiconan di AVP por tabata tin e vision pa construi siquiera den e terminal aki un lift pa pasahero. Mester a warda te ora partido MEP drenta gobernacion pa den un periodo hopi cortico porfin construi – no un! – pero 4 lift pa pasahero cu a facilita grandemente e mobilidad di e pasaheronan y en especial personanan cu handicap. Mas di 200 miyon florin a wordo hinca door di Gabinete Eman den e aeropuerto aki sin cu e gobernantenan aki tabata tin e vision pa construi un localidad grandi pa procesa tur e maletanan den un forma rapido y eficiente. Atrobe mester a warda te ora cu MEP a drenta gobierno pa percura pa construi un localidad caminda facilidadnan mas amplio pa procesa maletanan cu ta bay Merca por a bin den

operacion. E inversion aki di 3.5 miyon florin durante gobernacion di MEP tabata otro muestra cu den pasado e gobernantenan di AVP tabata carece di vision pa amplia e facilidad necesario aki. Partido MEP no kier papia mes di tur e otro inversionnan miyonario den e Aeropuerto Internacional Reina Beatrix durante Gabinete Oduber, manera e embeyecimento paden y pafor di e terminal, e ‘shopping area’ completamente nobo y hopi luhoso, e extension di e pista di aterizahe etc.

Pues claramente nos tur por mira con Gabinete Eman a percura pa entrega na aña 2000 un aeropuerto deficiente na comunidad, sinembargo nan tabata tin e pudor si di a gasta mas di 200 miyon florin sin cu pueblo a ricibi

a cambio algo drechi y completo. E mesun tipo di bagamunderianan a ser cometi tambe na momento cu e coruptonan di AVP a cumpra e Radar obsoleto Westinghouse di 23 miyon florin cash y cu sin ningun dia esaki a traha. Pues, ora cu e tal Otmar ta papia di e supuesto inversionnan den nos Aeropuerto, manera su road piece di Carnaval e mester hinca di berguenza su cara den lodo, ya cu ta su gobierno di AVP mes den un forma baho y vil a instiga contra Gabinete Oduber pa cu e presencia di Schiphol Groep na Aruba. Sinembargo awe manera un gran hipocrita e tal Otmar ta sinta braza den scochi di sr. Steinmetz, esta e mesun persona cu su partido AVP a critica barbaramente na momento cu ex-Ministro Edison

Briesen a trece Aruba e Grupo di Schiphol y sr.

Steinmetz.

Finalmente, e tal Otmar mester ta e ultimo persona na Aruba cu por papia di inversionnan miyonario den e Aeropuerto, ya cu e ultimo inversionnan aki ta danki na e vision di sr.

Edison Briesen pa bin cu Schiphol Groep pa maneha nos Aeropuerto den forma eficiente y pa percura pa ganashinan miyonario.

Sinembargo mester duna Cesar loke ta di Cesar, ya locual e tal Otmar si a logra ta pa laga pone e nomber ‘Aeropuerto Internacional Reina Beatrix’ riba e edificio aki y alavez pone su road piece carnavalesco den e terminal na momento cu e turistanan yega Aruba.

Pues un biaha mas, puro show y fantasia y por lo demas, nada en la bola.

Diahuebs, December 01, 2011 FRACCION DI MEP:

LEY DI PENSIOEN GENERAL TA BENEFICIOSO PA TUR TRAHADOR?

STA. CRUZ -- Partido MEP ta studiando e ley di pensioen general y dia prome di December mester a entrega preguntanan na Gobierno.“Nos a haci diferente pregunta na Gobierno pa haya sa si e ley aki ta conveni tur empleado, especialmente esnan cu no ta gana hopi placa, pasobra sino ta lastima pa nan paga asina tanto prima y na final apenas algun florin nan ta ricibi. Tambe nos tin dudanan relaciona cu e proteccion pa empleadonan, pasobra nos ta sinti cu no tin suficiente proteccion den e ley, si e doño di trabao no cumpli cu e pagonan

corespondiente; nos kier pa Gobierno duna mas proteccion.

Nos ta reuniendo cu diferente experto y den Parlamento tambe nos a reuni cu Camara di Comercio y asociación di conseheronan fiscal y nos a pidi gobierno tambe pa reacciona den detayes, riba cada ponencia di e gremionan aki, pa asina nos por kita nan dudanan tambe.

Dependiendo di e contestanan, nos lo fiha nos posicion encuanto e ley aki”, lider di MEP, mr. Evelyn Wever-Croes a duna di conoce. E ley sigur ta un idea noble, e ta un bon paso, pero e ta leu di ta un bon areglo, segun sra.

WeverCroes. Segun agenda di Parlamento e ley aki lo wordo trata entre Pasco y aña nobo. Parlamento lo trata e presupuesto prome, den e siman prome cu Pasco. Esaki ta bira otro fin di aña pisa den Parlamento.

Pagina 5

Diahuebs, December 01, 2011

Pagina 6

Na Boegoeroei:

Chauffeur a bay dal un U-turn pero a haak den un spaandraad pega na tera

Lo aparece den Corte do Prome Instancia awe 1 December 2011

STA. CRUz -- Diamars atardi a drenta informe di un incidente unda un chauffeur cu a bay dal un U-turn na Boegoeroei a subi spaandraad di palo di luz. Mesora a dirigi un patruya pa e sitio.

Na yegada di e patruya, nan a bin comprende

cu e chauffeur di e BYD corra A16768 a bay dal un U-turn pero no a nota cu e spaandraad di e palo di luz y a haak den dje. E waya a keda pega den un forma complica y no por a sali asina facil.

Afortunadamente ningun hende a resulta herida.

E temporada di fin di aña a cuminsa na TOP 95.1 cu Robby Rosel tur mainta 4:30 pa 6:30 AM Diasabra 5:00 pa 7:00PM “FIESTA DI FIN DI AÑA”

Pa 8:30 am: A.A.H. ta wordo acusa di intencionalmente y cu posible premeditacion maltrata un persona cu un arma (esta, un yabero cu un sombechi) riba 4 di Mei 2011. E matrato a encera cu H. a corta y/of hinca y/of dal e persona na su pianan y/of barica y/of garganta. E ta wordo acusa di a menaza e mes persona aki cu un crimen contra su bida riba 4 di Mei 2011, door di tene e sombechi primi na garganta y bise cu awe lo ta su ultimo dia y cu awe e lo mate of palabranan parecido. E ta wordo acusa di ladronicia cu violencia di un tas, portmoni y yabi di switch di un di dos persona riba 4 di Mei 2011, door di ranca e tas y e yabi for di su man. Tambe e ta wordo acusa di a intencionalmente maltrata e persona aki riba 4 di Mei 2011, door di intencionalmente dal e varios biaha cu mokete na pecho y scop e na su lomba, a consecuencia di cual e persona a resulta herida y/of a sufri dolor.

E ta wordo acusa di a menaza e mes persona cu un crimen contra su bida riba 4 di Mei 2011, door di grit’e na un forma menazante: “Mi ta mata bo paso bo ta biba cu mi muher” of palabranan parecido.

Pa 9:00 am: J.B. y M. y K. y V.B. ta wordo acusa di, riba caminda publico, a comete violencia contra un y/of cuatro persona riba 28 di November 2009. E violencia tabata consisti di scop y dal cu mokete, a consecuencia di cual e persona(nan) aki a sufri lesion.

M. y K. ta wordo acusa di, conhuntamente cu un otro of otronan y riba 28 di november 2009, ladronicia cu violencia di tas cu camera, telefon celular y demas pertenencianan di un di e cuatro personanan menciona.

E violencia a encera cu a ranca

e tas for di esun persona y/of a scop y dal e otronan.

Pa 9:00 am: J.J.B. y J.A.M. y F.A.K. y V.M.B. ta wordo acusa di, conhuntamente cu un otro of otronan y riba caminda publico, a comete violencia contra un y/of dos persona riba 28 di November 2009. E violencia tabata consisti di pushamento y/of scopmento y/of dalmento cu mokete di e persona(nan) aki, cu a sufri lesion.

K. ta wordo acusa di a intencionalmente causa lesion fisico grave na un persona riba 28 di November 2009, door di (trankilamente, sino cu premeditacion) dal e violentemente varios biaha cu mokete na su nanishi. V.B. ta wordo acusa di a intencionalmente tuma un telefon cellular procedente di crimen, como regalo y/of a sconde cu fin di lucro riba 28 di November 2009.

Pa 9:00 am: J.J.B. ta wordo acusa di a intencionalmente maltrata un persona riba 9 di Januari 2011, door di dal e cu mokete na cabez, a consecuencia di cual e persona a sufri dolor y/of a resulta herida.

E ta wordo acusa di ladronicia di wapenstok di un persona riba 9 di Januari 2011.

Pa 11:00 am: M.A.H.P. ta wordo acusa di intento di ladronicia cu violencia di suma(nan) di placa di un persona riba 15 di Maart 2009. E violencia tabata encera cu el’a dal e persona varios biaha cu mokete na su cara. E ta wordo acusa di, conhuntamente cu un otro of otronan, a intencionalmente bende y/ of entrega y/of transporta y/of tabatin cocaine den su posesion den e periodo di prome di Februari 2010 te 13 di November 2010

Diahuebs, December 01, 2011

Pagina 7

Den Wabistraat:

Homber benta canto di caminda riba acera tabata wayaba wayaba STA. CRUZ -Diamars atardi a drenta informe di cu tin un hende benta abao canto di caminda na Wabistraat na Ponton. Mesora a dirigi un patruya pa e sitio. Na yegada di e patruya, nan a bin nota cu aki ta trata di un homber cu tabata basta bao influencia di un of otro substance. Polis a lante di eybao y a bay hib’e su cas.

Diahuebs, December 01, 2011

Pagina 8

SETAR ta hiba bo experencia “The Rockettes Magical Journey” Na Radio City Music Hall New York Manda bo SMS cu e palabra SETAR pa 221

clientenan por gana un trip pa New York, cu estadia y tickets pa e show. Tur hende cu tin un cellular di SETAR por participa mandando un

STA. CRUZ -- E spectaculo mas grandi di fin di aña ta e “Radio City Christmas Spectacular” cu ta tuma lugar tur aña na Radio City Music Hall na unda cu e ya famoso bailarinnan “Rockettes” ta haci nan show. E tema e aña aki ta: “The Rockettes Magical Journey”. E Radio City Christmas Spectacular

ta popular pa trece precision den coreografia y excitante presentacion incluyendo un parti cu Santa Claus mes.

Audiencianan di tur edad ta aprecia e cantamento, baile, trahe- y efectonan di luz cu ta laga tur hende encanta.

Ta pa e motibo aki tambe SETAR e temporada di fin di aña aki ta desea pa un di su

SMS cu e palabra SETAR pa e number 221.

E ganador lo gana un viahe pa 2 persona, estadia y ticket pa e Radio City Christmas

Spectacular. E temporada dushi di fin di aña lo ta dushi pa experencia e ambiente grandioso cu Radio City Christmas Spectacular!

Pagina 9

Diahuebs, December 01, 2011 FRACCION DI MEP:

APERTURA DI EXPOSICION "40 AÑA LUCHA, SACRIFICIO Y LIBERTAD"

STA. CRUZ -Diasabra ultimo a keda inaugura e exposicion di 40 aña MEP, titula, "40 aña di lucha, sacrificio y libertad", un exposicion impresionante y bunita. E apertura a wordo efectua pa lider di MEP, sra.

Evelyn Wever-Croes hunto cu dos mucha, cu ta representa nos futuro generacionnan, esta Glenson Oduber, nieto di Nelson Oduber, y Ethan Ruiz, yiu di parlamentaria Xiomara RuizMaduro. Cu esaki

lider di MEP kier demostra e compromiso cu su persona, hunto cu demas miembro di partido tin pa no laga e historia di partido MEP, ni di Betico y ni di Nel hamas bay perdi. Partido MEP a wordo funda 40 aña pasa door di su fundador Betico Croes cu a scucha e deseo cu tabata biba den curazon di su pueblo y a transforma e deseo aki den accion, cu un lucha intenso, hopi sacrificio y na final libertad. E mesun experiencia aki sr.

Nelson Oduber

a experiencia despues cu el'a tuma e bandera pa sigui cu e lucha, sacrificio y tur pa mantene e libertad cu nos a haya na 1986.

Pesey e exposicion, cu tin e titulo adecua aki, ta asina importante pa recorda nos di e lucha, di e sacrificio y di e libertad cu nos ta gozando cu nos Status Aparte.

Y e historia aki nos mester pasa pa nos yiunan, nos nieto- y yiunan. Esey ta e compromiso cu lider di MEP, mr. Evelyn Wever-Croes a pidi tur presente pa haci hunto cune. E exposicion ta conta cu bustonan di politiconan grandi di MEP cu ya a bay laga nos, como tambe hopi material di tempo di e lucha pa nos Status Aparte y material di diferente eleccion. E varios potretnan ta trece memorianan bibo den mente di esnan cu a atende e exposicion.

E 'dodenmask' di Betico ta algo hopi impresionante, y diferente persona eynan a laga un lagrima cay. E parti audiovisual talvez ta e parti mas impactante.

Riba pantayanan grandi tur bishitante por biba e momentonan mas crucial den historia di partido MEP, cu ta tambe e momentonan mas crucial di nos pais Aruba. Di e Augustus scur, di e tiroteo na veld di Winston, e diferente a c t i v i d a d n a n

cu MEP tabata organiza pa su miembronan, e accidente di Betico, entiero di Betico, gobernacionnan Oduber y e logronan di e gabinetenan.

Hopi ta esnan cu por sinta oranan pa mira tur e videonan.

Tin un video conmemorativo na venta pa Afl. 50.00 reflehando e 40 añanan di partido MEP. E exposicion aki sigur ta uno hopi bon y a wordo hopi bon bishita te awor aki. Si bo no a pasa mira e exposicion ainda, bo tin oportunidad

te cu diabierna 2 di December. Tur atardi e exposicion ta habri di 4’or pa 8’or anochi.

Ainda tin poco lugar pa schoolnan tambe bishita e exposicion, por yama na 5856917 pa haci un cita pa e school bin bishita parti mainta pa e muchanan tambe mira exposicion. No perde e experiencia unico aki. Lider di MEP a gradici tur esnan cu a traha incansablemente pa haci e exposicion aki posibel. MEP por mira atras riba un bunita evento.

Diahuebs, December 01, 2011

Pagina 10 Segun Rudy Lampe, vocero di RED:

Mas informacion tocante Pensioen General, mas duda tin

STA. CRUZ -- RED den su programa electoral 2005 y 2009 a apoya e introduccion di un pensioen general pa tur trahador. Algun siman pasa nos a yama esaki un logro di e lucha di e clase trahador. Pesey mes RED ta vigila pa e logro aki di e clase trahador no keda contamina pa otro interesnan.

Rudy Lampe, vocero di RED, conoce bon e sistema di pensioen priva obligatorio via companianan di seguro of banconan comercial. Mexico a introduci e sistema aki, unda a liberaliza e mercado, es decir cualkier trahador por cumpra su pensioen via un di e banconan comercial.

E banconan priva a competi ferozmente cu otro na Mexico pa ofrece e mihor pakete na e trahadornan.

Asina a logra un mihor deal pa e trahador

via e competencia di mercado. Esaki ta e esencia di e modelo aki.

Gobierno di Aruba atrobe ta bisa A pero no ta bisa B. Gobierno a scoge pa e modelo Mexicano di introduccion di e pensioen general via e sector priva, pero ta elimina e competencia di mercado. Anto ta net esey ta lo atractivo di e modelo aki pa e clase trahador haya un mihor deal.

Den e articulo 13 di e concepto di ley di pensioen general di trahador, ta prohibi e competencia entre companianan di seguro.

Gobierno deliberadamente kier forma un kartel unda ta elimina competencia.

E opcion di gobierno ta pa favorece cierto companianan di seguro y di cual e casa di Minister di Asuntonan Economico ta vincula cu ne? Ta un pregunta

cu RED ta haci. Pesey ta hopi discutibel cu ni Camara di Comercio ni ATIA ni e sector priva ta bisa algo. Ta nan mester defende competencia riba mercado y nan ta keda keto y ta laga un otro kartel surgi.

Ya nos tin un kartel di banconan cu ta mantene a base di ‘afspraken onderling’ e interesnan bancario.

Awor ta bay surgi otro kartel di companianan di seguro, di cual e Minister di Asuntonan E c o n o m i c o aparentemente ta den un flagrante conflicto di interes, y ningun organizacion di e gremionan comercial ta bisa nada. Ra ra ra, con esaki por? Pesey nos ta bisa e lidernan sindical, paga tino!

Otro duda cu RED tin ta cu e ley ta prohibi e companianan di seguro pa inverti pa un gran parti den exterior. Kier meen no solamente ta prohibi nan pa competi cu otro, sino tambe nan mester inverti na nivel local. Esaki kier meen cu gobierno mester di placa pa traha e vierbaansweg y ta spera asina di haya su fondonan. Gobierno lo sigui fia placa, no lo tin disciplina presupuestario, nos debe nacional lo sigui subi, gobierno por sigui malgasta placa di cual e prome beneficiarionan ta e companianan liga cu e ministernan cu ora nan baha lo ta miyonario, te cu yega un dia cu e sistema ta ‘crash’ a la Grecia, y tur trahador ta perde saco cu cangreu.

Ademas si un

compania di seguro bati bancarota, ta gobierno mester para responsabel cu tur e consecuencianan pa e debe nacional?

Pesey RED ta bisa e lidernan sindical: paga tino!

Otro duda cu RED tin ta cu no ta defini claramente cuanto e gastonan di administracion ta cu e companianan di seguro ta bay cobra e trahador. Bo por haya bo cu e situacion cu 25% di e ‘spaargeld’ di e trahador ta bay pa cubri gastonan administrativo di e compania di seguro.

Esun cu ta gana boshi di placa naturalmente e ora ey ta e compania di seguro y e trahador

ta haya un catchi catchi. E pregunta ta bolbe bin riba mesa, e Minister di Asuntonan Economico ta un interesado den e asunto aki? Pesey competencia entre e companianan ta importante, pasobra lo mester competi ken ta ofrece e mihor pakete na e trahador.

Y un ultimo pregunta pa awor aki ta: Banco Central tin suficiente capacidad pa controla tur e companianan di seguro pa garantiza cu e placa cu e trahador a spaar, e ta haye tambe? E concepto di ley di Pensioen General cu nos tin den nos man ta laga hopi duda atras.

MADURO HEAVY EQUIPMENT N.V. Santo pa Basha, Santo pa Pleister, Crushed Sand, Piedra, Tera pa Mata, Graniet. Tambe nos ta Rosa Tereno,

Coba Pos y Fundeshi.

ROOI BOSAL 49 TEL.: 585-1708 FAX.:585-6299

Diahuebs, December 01, 2011

Pagina 11

Orguyoso cu fundacionnan ta siguiendo su maneho

MINISTER DR. RICHARD VISSER DI BISHITA NA ALIANSA NOBO Fundacion cu ta yudando 8 adicto den rehabilitacion Richard Visser a bisa durante su bishita cu e ta encurasha e fundacion pa sigui duna un man den e lucha pa hunto nos yuda e adictonan. Gobierno ta realiza cu e trabao ta asina grandi cu su so no por haci'e. Ta p'esey Gobierno ta aprecia masha e sosten grandi cu ta ricibiendo di un lista largo di fundacionnan, instancianan y hasta di voluntarionan individual den e proceso pa guia adictonan for di droga.

Den e cuadro aki mes, Gobierno a bini cu e idea

STA. CRUZ -- Den cuadro di su maneho pa guia adictonan di droga den un miho rumbo, Minister dr. Richard Visser recientemente a bishita Fundacion Aliansa Nobo na Mahuma. Ta trata aki di un centro nobo specializa pa yuda y sostene adictonan den e proceso dificil di rehabilitacion.

E mandatario a keda masha satisfecho cu e profesionalismo di e fundacion y e compromiso serio cu nan tin pa guia adictonan den rehabilitacion. Actualmente e centro ta guiando activamente 8 adicto pa por rehabilita di droga.

Atende cu adictonan y fiha un maneho cu ta soluciona e fenomeno di adictonan ambulante den centro di ciudad ta un tuma cu pa hopi a単a no tabata popular, te ora cu dr. Richard

Visser a asumi e funcion di Minister di Salubridad Publico y Deporte. Mesora a lora manga di camisa y personalmente el a cuminsa bishita y convence e adictonan cu tin un mihor bida sperando riba nan ora nan laga adiccion na droga atras. Durante e bishita na Fundacion Aliansa Nobo, Minister Dr. Richard Visser a topa cu Robert Candelaria y Jose Sophia, ambos miembro di e directiva diario di e fundacion. Durante e bishita, e fundacion a haya un bon oportunidad pa splica e mandatario di nan fundacion, nan trabaonan existente y di nan ideanan pa futuro. Ta obvio cu e fundacion ta tuma e trabao di yuda guia adictonan den rehabilitacion masha na serio y cu intencion di sigui amplia nan servicionan den futuro. Minister Dr.

pa lanta un organizacion, Conseho Nacional di Droga, cu ta atende cu tur e fundacionnan den e ramo di drogadiccion.

Tanto esnan cu ta traha den prevencion, esnan cu ta den rehabilitacion y tambe esnan cu ta yuda e adictonan integra bek den comunidad despues di rehabilitacion. Minister Dr. Richard Visser ta convenci cu ta asina so nos por logra mas, door di traha hunto entre sector publico y sector priva.

Ya caba e organizacion

y e fundacionnan a cuminsa mira adelanto caba. Fundacion Aliansa Nobo tambe ta un di esunnan cu ta forma parti na Conseho Nacional di Droga. Minister Dr. Richard tabata compa単a pa Jan van der Straten, consehero pa asuntonan di droga na Ministerio di Salubridad Publico, tambe John Merryweather y Jaap Beaujon, kendenan ta respectivamente e Presidente y Vice Presidente di Conseho Nacional di Droga.

Diahuebs, December 01, 2011

Pagina 12

WEB ARUBA NV DEN PROCESO DI HAYA CARBON CREDIT TRADING

STA. CRUZ -- E proceso pa adkeri e asina yama Carbon Credit Trading pa Windmolenpark Vader Piet, ta den fase final. E trading aki ta indica cu WEB Aruba NV ta aporta na un medio ambiente limpi. Si WEB logra adkeri e trading, e compania di awa y energia lo ta un di e prome companianan di utilidad cu den area di caribe tin un trading asina. Ademas e trading ta haci posibel pa WEB bende riba mercado internacional, e

reduccion di emision di CO2 cu ta resulta for di parke di molina Vader Piet. Asina WEB a informa ayera durante un encuentro di informacion na interesadonan. E entrada cu WEB lo por ricibi cu e benta, lo por aporta na mas research pa tecnicanan di produccion eficiente y reduccion di gasto di produccion. Carbon credit trading ta un sistema pa stimula companianan pa produci mas limpi posibel pa asina afecta medio ambiente menos

posibel. Pa por cumpli cu e exigencianan di e carbon credit trading, WEB regularmente tin cu monitor e efectonan pa medio ambiente y pa e motibo ey kier keda haya feedback di comunidad. Den e cuadro aki WEB diamars anochi a organiza un encuentro pa tur cu ta interesa. Durante e encuentro a informa cu for di e research di Windmolenpark Vader Piet a resulta cu tabatin un peliger limita pa ratonnan di anochi y buriconan durante e temporada cu a construi e parke di molina na Vader Piet.

Pa lo cual ta trata e buriconan, ta asina cu nan lo por a haya un escasez di awa durante e periodo di construccion. E tempo ey a soluciona esaki dor di pone bakinan di awa den e area di Vader Piet. Pa lo cual ta trata e ratonnan di anochi, basa riba e resultado di e reportahe di efecto di medio ambiente, WEB a encarga un investigador independiente pa haci mas investigacion, hunto cu e park rangernan di Parke Nacional Arikok. Finalmente

NOTICIANAN POLICIAL Sushi den dam na Urataca na candela STA. CRUZ -- Diarazon 1:00, polis durante patruya na haltura di Jucuri a haya holor di huma y a bay haci un investigacion. Coriendo door di Santa Cruz, e huma a bira mas pisa y tambe e holor. Na haltura di Urataca 1-d, polis a constata cu un cantidad di sushi den e dam tabata na candela. Polis a manda informacion pa Central, cu a bisanan cu den oranan di anochi caba Bomberonan a trata na paga e candela y cu nan no ta bini mas. Central a wordo poni na haltura cu e candela ta stroba e habitantenan.

Chauffeurnan ta haya boet pa core cu mucha dilanti STA. CRUZ -- Diarazon mainta 7:35 polis durante patruya, a duna un chauffeur un boet na haltura di Wit Gele Kruis na Santa Cruz. E motibo ta cu e chauffeur

tabatin un mucha chikito sinta dilanti den auto. Tambe un otro chauffeur a haya un boet na haltura di Mundo Nobo, como cu e tabatin mucha sinta dilanti.

Pa 7:45, polis a para e chauffeur di e auto A-31795 y a dune boet, como cu e tambe tabatin mucha sinta dilanti y e no tabatin faha di seguridad ni rijbewijs. Un otro chauffeur a haya boet, como cu e tabatin dos mucha chikito sinta dilanti.

Auto sospechoso na Eagle Beach STA. CRUZ -- Diarazon pa 8:45, polis a bay na e strand na Eagle Beach, pa un auto sospechoso. Na yegada polis a topa cu e auto V-3949 y den e auto tabata e conocido D.D. naci na Aruba di 36 aña. El’a bisa polis cu el’a sali cu un amiga V. y su amigo G.J.C. Dado momento nan a cuminsa bringa cu otro y nan a baha bay lague so den auto. Como cu e no por a start e auto, el’a keda drumi den dje. Polis a tuma contacto cu e compania di e auto, cu a manda su personal pa busca e auto. J. a huur e auto pa tres dia.

a resulta cu durante construccion di e parke tabatin un populacion mas chikito di raton di anochi den e area ey. Añanan despues di e construccion a constata un crecemento bek den e

populacion di raton di anochi.

No ta sigur si e reduccion di e tempo ey tawata causa pa e trabaonan di construccion, of cu ta un resultado natural di migracion di e ratonnan di anochi pa otro areanan.

Diahuebs, December 01, 2011

Pagina 13

NAGICO a adkiri British American Insurance Company N.V. (Corsou) y subsidiario na Aruba producto lo inclui seguro di bida, pensioen y seguro medico como tambe seguro di propiedad y accidente.”

NAGICO ta un grupo dinamico di compania cu operacion di seguro riba 16 teritorio dentro di Caribe Hulandes, Ingles y Frances y tin plan pa expande pa por lo menos 19 teritorio mas pa fin di aña 2012.

NAGICO Group awo tin un total di mas di US$ 100 miyon na prima di seguro y tin un total di riba US$ 125 miyon di propiedad y e operacionnan di grupo di seguro general ta carga e prestigioso AM Best B+ Rating. British American Insurance Company N.V. su aseguradonan individual lo ricibi informacion directo dentro di poco tocante tur e beneficionan cu adquisicion lo encera pa nan y kico nan lo por spera di e transformacion di sistema di opera.

STA. CRUZ -- Dia 22 di November ultimo, Nagico Holdings Ltd. a completa e adquisicion di e accionnan di British American Insurance Company N.V. Curaçao, incluyendo su subsidiario British American Insurance Company (Aruba) N.V. y operador di sucursal na Bonaire y St. Maarten. British American actualmente tin mas di 18,000 asegurado individual den Caribe Hulandes. CEO di NAGICO GROUP, Mr. Imran McSood-Amjad, a confirma cu e adquisicion ta den liña cu NAGICO su expansion strategico continuo dentro di Caribe. “Nos portfolio di seguro lo ta re-enforza cu un division considerabel di Life Insurance, cu e experticio combina di e empleadonan y gerencia di ambos compania. Mi ta contento cu mayoria di e aseguradonan di British American ta mantene nan

polisa di seguro vigente, mientras e compania mayor di British American ta experenciando dificultad y nos ta contento awor pa yama nan bonbini bao di e paraplu di NAGICO. Mayoria di e empleadonan y agente tambe ta keda fiel y ta contento cu ta considera nan como e parti di e famia di NAGICO”.

British American lo ta encabeza pa e Managing Director Drs. J. Oosterwaal, cu tin un carera largo di experticio den e area di Life Insurance, trahando den e capacidadnan di gerencia na Hulanda, Asia y Merca.

Mr. McSood-Amjad a sigui bisa “Den e termino corto, nos ta ansioso pa traha hunto pa integracion di e operacionnan di NAGICO y British American. Cu tempo e clientenan lo por beneficia di un rango mas amplio di solucion di seguro como cu e producto di portfolio lo expande. E rango di

CORO SANTA ANNA CU AMBIENTE DI PASCO

STA. CRUZ -- E coro mas bieu di Noord, di Misa Santa Anna, ta presenta specialmente pa e pueblo di Noord y Aruba en general,un CONCIERTO DI PASCO, den Centro di Bario Noord, Diasabra, 10 di December for di 8’or di anochi te cu 12’or. E evento aki ta consisti di un Concierto di Pasco pa crea un ambiente di paz y alegría na bispo di Pasco di Nacemento, hunto cu e pueblo grandi di Noord. Lo tin actuación di varios coro, coro di mucha di Felipe B.Tromp, School Santa Anna, cantantenan cu nan presentación-nan di Pasco, Mariachi di Vicente Tromp, y varios grupo mas cu lo

trece nan cancionnan di Pasco y Fin di Aña.

Lo tin un variación di artistanan di Noord, cu lo deleita e publico cu cancionnan di Pasco.

Fuera di e concierto di Pasco aki, lo tin un bar y cushina bon surti cu pasabocanan special-mente di fin di aña y crioyo. Pueblo di Noord y Aruba en general ta ser invita pa e anochi aki dia 10 di December den Centro di Bario Noord.

Kaarchinan pa entrada ta costa 5 florin pa adulto y 2 florin pa mucha y ta obtenibel cerca miembronan di Coro Santa Anna y tambe anochi na porta.

Ambiente di Pasco di Coro Santa Anna, Diasabra dia 10 di December den Centro di Bario Noord.

Diahuebs, December 01, 2011

Pagina 14 Opinion Publico

Mayor di alumnonan di Colegio Arubano hopi preocupa cu medidanan di SMOA Dialuna awor: reunion urgente 5 di December pa 8’or na Talk of the Town Reunion di OCCA, comision di mayornan pa expresa bo inquietud na e bestuur di OCCA pa nan por apela e decision di SMOA cu ta regarda ‘bevorderingsnormen.

Mi ta un mama di dos yiu na Colegio Arubano y na comienzo di aña escolar durante e anochi di informacion pa mayornan, mi a tuma nota di e medidanan cu Stichting Middelbare Onderwijs Aruba (SMOA) a introduci regardando e reglanan pa haya admision y pa bay over ‘bevorderingsnormen’ na Colegio Arubano. Locual mas a capta mi atencion ta cu un alumno na Colegio Arubano durante su añanan di estudio e no por bay nunca over si e no tin un 6 of mas pa e materianan central cu ta Nederlands, Engels y Wiskunde riba ‘overgangsrapport’. E alumno di Ciclo Basico por tin awor SOLAMENTE 1 (un) onvoldoende di cual no mag ta pa Nederlands, Engels, Wiskunde pa e por bay over. Alumnonan di klasnan cu tin cu haci escogencia di pakket ‘keuzepakket’ no mag tin NIUN onvoldoende pa e materianan scogi y ni tampoco pa Nederlands, Engels, Wiskunde. Un regla hopi drastico mirando cu den pasado e alumno tabata mag di tin un onvoldoende den grupo di materia central y tambe un den e keuzepakket.

Despues di a colecta algun informacion den e reunion di school y di e Ouder Commissie Colegio Arubano

(OCCA), mi a comprende cu SMOA a contrata sr. Van Tuyl for di Hulanda kende a wordo apunta como Rector di Colegio Arubano cu un meta hopi specifico: pa hisa e percentahe di graduadonan ‘slagingspercentage’ di Colegio Arubano. Ora nos pensa riba hisa percentahe di graduadonan nos lo pensa esaki ta algo hopi bon y positivo pa Colegio Arubano y pa mi yiunan paso posiblemente nan lo implementa un structura cu lo duna mas atencion na e alumunonan. Mi pensamento lo a bay riba entre otro revisa e modelo y metodo di enseñanza actual, eficiencia di docentenan of improvisa e ayudo adicional “Remedial Teaching” existente. Pa mi

sorpresa mi a sigui tuma nota cu e caminda cu SMOA a scoge pa logra mihor resultado regardando e percentahe di graduadonan ta door di impone normanan mas estricto pa cu admision y di bay over. Mi a tuma mi tempo pa busca informacion tocante ‘bevorderingsnormen’ di HAVO/VWO -scholen riba diferente website di Hulanda y pa mas sorpresa mi por a conclui cu na Hulanda mes unda e idoma di instruccion ta e mes lenga materno ‘voertaal’, nan no tin e reglanan asina estricto. Pakico mi ta enfoca riba e voertaal ta pasobra, SMOA y Sr. Van Tuyl mester comprende cu ni kico bo haci, ni con bo bir’e of pone e voertaal, di mayoria di casnan na Aruba ta Papiamento. E muchanan di e edad aki cu ta bin di casnan cu ta papia Papiamento ta keda cu e desafio grandi pasobra nan no tabatin e base solido di e idioma materno. Bo por sinta lesa buki henter dia, sigur e lo mehora e Hulandes pero no ta logra pasa totalmente riba e drempel . Studia na e edad aki den e sistema Hulandes sin tabatin un base den mes idioma ‘lenga materno’ ta keda un lucha. Famianan na Aruba cu ta papia PAPIAMENTO na cas lo tin cu bay over na tuma e Hulandes

como e lenga materno? Esey ta posibel? Esey ta locual Arubianonan kier? Esey ta necesario?

Mi enfoke lo keda riba e medidanan tuma unda ya cu e admision a base di ‘toelatingstoets’ a zefta alumnonan pa drenta Colegio y ya eynan SMOA a enfoca pa tuma alumnonan cu ta duna mas expectativa pa SMOA por logra hisa su slagingspercentage. Awor, ta necesario pa durante añanan e presion ta keda riba e alumno cu e no mag tin un 6 bay abao, ni pa Nederlands, Engels of Wiskunde. Dicon na HAVO/VWO - scholen na Hulanda nan no a tuma e medidanan drastico aki?

Na Hulanda e alumno mag di tin un 5 den e grupo di materia central y un 5 den e keuzepakket. SMOA a perde di bista cu pa examen, nan no por haci cambio y esey si a keda normal cu bo por slaag apesar bo tin 2 ‘omgekeerde onvoldoende’ cual ta e mesun materianan cu awor durante añanan no mag tin onvoldoende pa nan? Acaso nos muchanan Arubano a bira perfecto cu durante tur e añanan na Colegio, nan no por haya un biaha un 5 pa Nederlands, Engels of Wiskunde of pa un materia di keuzepakket? Ami a pensa riba circumstanianan cu por

presenta manera, maleza, separacion di mayornan, morto den famia. E reglanan introduci pa SMOA NO ta duna espacio pa e mucha por lanta despues di un caida ‘slomp’ pasobra e lo wordo castiga cu keda sinta of kita di Colegio Arubano pa motibo di e reglanan mucho estricto.

Mayornan cu tin estudio di nan yiunan na pecho por favor repasa e schoolgids 20112012 di Colegio Arubano especialmente pagina 5 pa bo waak pa bo mes kico ta e reglanan introduci. No ta solamente mayornan di yiunan na Colegio mester waak e seriedad di e medidanan aki pero henter comunidad, abo cu tin un yiu cu un nivel promedio of halto pa studia por hayabo confronta cu bo yiu no lo por haya un estudio na su nivel mas pasobra e strategia actual di SMOA no ta duna espacio pa faya. Mi ta haci un apelacion na tur mayor cu tin yiu na Colegio Arubano pa asisti dialuna awor dia 5 di December pa 8’or na Talk of the Town na e reunion di OCCA cual ta e comision di mayornan pa expresa bo inquietud na e bestuur di OCCA pa nan por apela e decision di SMOA cu ta regarda ‘bevorderingsnormen’.

Diahuebs, December 01, 2011

CONCIERTO DI AÑA NOBO CIRCULO ARUBANO PRO ARTE

STA. CRUZ -Diabierna ultimo Circulo Pro Arte a presenta e concierto di nos soprano Tica Giel acompaña na piano pa Wim Statius Muller. E concierto tabata pa recorda e 25 aña Status Aparte. E publico bao di cual Padu del Caribe y sr. Lio Booi hunto cu hopi compositornan, musiconan y amante di bon musica a goza di e tremendo repertorio di canticanan for di diferente pais cu tabatin influencia tiba e historia di Aruba.

Despues di intermedio Tica a interpreta un seleccion masha bunita di canticanan Arubano y Antiyano.

Su excelencia minister di Cultura den un carta a expresa su felicitacion na Circulo Arubano Pro Arte pa nan contribucion di añanan largo na e bida cultural di Aruba treciendo constantemente

conciertoy presentacionnan riba nivel halto.

Dia 6 di Januari 2012 Circulo Arubano Pro Arte lo habri aña cu e Concierto di Aña Nobo cu e grupo musical Belga “ ROCKENBACH LIGHT”.

E concierto lo tuma lugar den Cas di Cultura y lo inicia pa 8’or di anochi.

Circulo Pro Arte Arubano pa medio di esaki kier a gradici tur su miembronan, simpatizantey sponsornan pa nan apoyo y contribucion y pa a haci e aña cu ta cabando uno masha exitoso.

Tambe ta participa cu ya caba por deposita e suma di AWG 70,00 pa e membrecia pa aña 2012 cerca nos tesorera (tel 5823208) of na RBTT Bank riba cuenta 31.31.254 (Por fabor menciona Bo nomber y e-mail adres si tin).

Pagina 15

Fundacion Desaroyo Educativo Comunitario cu nan Concierto di Fin di aña 2011

STA. CRUZ -Alumno nan di Piano, Guitara, Drum, Saxofoon, Blokfluit, Clarinet, Trompet, Trombone, Bass Guitar, Percusion, Guitara Clasico, Cuarta, Mandolin y

Canto lo presenta un repertorio varia cu Musica di Pasco.

Esaki lo tuma lugar Diabierna dia 2 di December 2011 na Cas di Cultura pa 7’or di anochi y e entrada ta gratis.

Durante e concierto aki e studiantenan tanto mucha como hoben y adulto, lo mustra nan talento como musico y con hopi na ta bay dilanti den e cursonan duna pa FDEC.

Ban duna man na nos 'grandinan' di Stichting Thuiszorg Aruba Pa medio di e comunicado aki Stichting Thuiszorg Aruba (STA) ( cas pa nos grandinan ) situa na Paradera #89 y na Morgenster #8 ,funda na aña 2002 pa nos directora sra.

Rufina Tromp – Ras, kier informa nos pueblo y e querido lectornan di bo prestigioso corant lo siguiente STA. CRUZ -- Manera ya a tuma lugar algun biaha ,STA e aña aki ta organizando Fundraising pa asina nos por sigui brinda e servicio cu ta asina demanda pa nos grandinan den comunidad. E biaha aki cu hopi speranza pa recauda fondo y asina no solamente sigura e futuro di nos stichting pero di e servicio cu nos ta brinda, nos a bin cu un tremendo rifa. STA ta rifando un ''KIA picanto loaded 2012'' cual sorteo ta tuma lugar dia 22 December 2011 via tombola na STA Paradera. Un tremendo auto, impacto, economico den tur sentido y un estilo hopi bunita. Un auto cu nos tur por identifica nos mes cu ne den e temponan aki . E oportunidad pa gana e auto aki ta hopi facil y hopi barata. Pa solamente afl 5.00 bo por cumpra bo ticket pa asina bo ta den wega pa gana e bunita auto aki. E luna di November y December entrante pueblo lo bay topa nos ariba caya bendiendo e rifa aki. Esaki ta obtenibel na nos kantoor na Paradera #89. Nos ta spera di por conta cu e pueblo di Aruba pa e bunita causa aki, cual ta e cuido di nos grandinan cu ya a traha y a contribui na nos comunidad y awor ta nos turno pa duna nan e mihor cuido posibel cu cariño y amor. Nos ta gradici tur esnan cu ya a contribui y nos ta spera di conta cu e contribucion di pueblo henter. Sigura bo ticket pa bo ta den wega .

Diahuebs, December 01, 2011

Pagina 16

Entrega di certificado di e curso "AUTO-ESTIMA Y BIBA LIBER”

STA. CRUZ -Recientemente a tuma lugar na Iglesia Maranatha e entrega di certificado di e curso "AUTO-ESTIMA Y BIBA LIBER” .

E cursistanan ta invirtiendo tempo valioso den nan maneho di e emocion di rabia, autoestima y pa tin confianza den

nan mes. Diasabra awor dia 3 di December 2011 lo cuminsa un curso nobo y pa mas informacion por yama facilitadora Corine de Cuba na 7349959 of 5949959. Lugar ta Iglesia Maranatha cuminsando for di 3:00 - 4:30 di merdia.

Bendicion y éxito na e siguiente grupo.

Den cuadro di proyecto Hunto Nos Ta Spaar

CENTRO DI SONRISA TA RICIBI CONSEHO Y PRODUCTO PA BAHA CONSUMO DI AWA Y CORIENTE

STA. CRUZ -- Den cuadro di e proyecto ‘Hunto Nos Ta Spaar’, recientemente a yuda e centro di estadia pa mucha y adulto cu un limitacion, SONRISA, cu conseho y diferente producto pa baha nan uso di awa y coriente. E proyecto ta un esfuerzo conhunto di WEB ARUBA NV, UNICON y NV ELMAR. Ayera oficialmente a finaliza e proyecto den presencia di director di Sonrisa, sr. Thomas Tromp y representantenan di e team di ‘Hunto Nos Ta Spaar’. For di aña 2009 a inicia e proyecto pa stimula instancianan pa baha nan uso di awa y coriente.

Asina a yuda entre otro SABA, Koningin Wilhelmina Kankerfonds y FAVI. Na SONRISA e proyecto a encera un inventarizacion den tur e localidadnan di e centro, pa haya un bista di lo cual por ocasiona un consumo halto di awa y coriente. Asina entre otro check cranchi, tipo di luz, tipo di airco y wc, pero tambe a check con e diferente localidadnan ta isola.

Durante e inventarizacion a topa cu wcnan cu tabata den mal condicion, pero tambe airconan den un espacio cu bentananan cu no tabata cera bon. E team di WEB, ELMAR y Unicon a duna conseho kico pa haci pa mehora e eficiencia den uso di awa y coriente. Despues di e inventarizacion a bay over na instala productonan nobo manera un airco inverter di 18000BTU den e oficinanan y tambe airconan inverter di 12000BTU den dos klas di e centro. Tambe

a cambia e potchinan di wc, e bombiyonan di luz y e cranchinan di cushina y baño. E team di ‘Hunto Nos ta Spaar’ ta satisfecho cu e proyecto y ta spera cu asina por a contribui na un uso

eficiente di awa y coriente.

Un palabra di danki ta bay na UNICON y tur e otro sponsornan cu a ofrece e productonan sin gasto pa SONRISA y conhuntamente cu WEB y ELMAR.

Diahuebs December 01, 2011

Pagina 17

Diahuebs December 01, 2011

Pagina 18

E DI 2 TORNEO NACIONAL DI BOWLING UN EXITO GRANDI

STA. CRUZ -- Diadomingo 27 November a tuma lugar e final di e di dos torneo nacional di bowling organiza pa Aruba Bowling Association ARBAS. A competi den Division Pee Wee 6 pa 11 aña Division Junior 12 pa 15 aña Division Hubenil 16 pa 17 aña division adulto 18 pa 49 aña y Division Senior 50 aña pa riba, na total hunga 24 wega pa e hungadornan te 15 aña y 36 wega pa e hungadornan di 16 aña pariba y a hunga e weganan den 2 fin di siman. Ganador absuluto di e nacional 2011 ta Jason Odor cu a tira un averahe di 208.6 y participa den division adulto. E otro resultadonan ta manera ta sigui division Pee Wee masculino medaya di oro a bay pa Jair Kelly cu tira den 24 wega 3.289 pin pa un averahe 137.1, y tambe Jair a gana e wega mas halto di 193, medaya

di plata a bay pa Kaelan Roos 3172 pin pa un averahe di 132.2 y medaya di brons a bay pa Abelo Andrade 2979 pin pa un averahe di 124.2. Division Pee Wee femenino cu 2 participante so medaya di oro a bay pa Rania Halabi cu a tira 2054 pin pa un averahe di 85.58 y tambe a gana wega halto cu 161.

Medaya di plata a bay pa Xanthe Lobbrecht cu a tira 2031 pin pa un averahe di 84.6. Division Junior masculino un bataya hopi fuerte medaya di oro Anthony Tjin Kon Fat Jr cu a tira 4073 pa un averahe di 169.7 y tambe e wega halto di 240. Medaya di plata Elias Halabi 4036 pa un averahe di 168.2, medaya di brons Yannick Roos 3938 pin pa un averahe di 164.1.

Division Junior femenino medaya di oro Abigail Dammers a tira 4317 pin pa un averahe di 179.9 y tambe a tira e wega halto

di 224, medaya di plata Shakaina Querero a tira 3686 pin pa un averahe di 153.6, medaya di brons Jo-Ann Noguera a tira 3481 pin pa un averahe di 145. Division Juvenil masculino medaya di oro Bryan Helmeyer a tira 6533 pin pa un averahe di 181.5, medaya di plata Kevin van Romondt a tira 6406 pin pa un averahe di 177.9 y tambe wega halto di 257, medaya di brons Kevin Croes a tira 5292 pin pa un averahe di 147. Division Juvenil femenino medaya di oro Nirvana Tromp a tira 6074 pin pa un averahe di 168.7 y tambe wega halto di 202, medaya di plata Jeadine Luidens a tira 5683 pin pa un averahe 157.9 tambe wega halto di 202, medaya di brons Liz-Anne Noguera a tira 5497 pin pa un averahe di 152.7. Division Adulto masculino medaya di oro Jason Odor a tira

7510 pin pa un averahe di 208.6 y tambe wega halto di 265, medaya di plata Chris Figaroa a tira 7225 pin pa un averahe di 200.7 y tambe wega halto di 265, medaya di brons Errolito Brown a tira 6568 pin pa un averahe di 182.7. Division Adulto femenino medaya di Oro Thashaina Seraus a tira 7268 pa un averahe di 201.9 y tambe wega halto di 267, medaya di plata Kamilah Dammers a tira 7191 pin pa un averahe di199.8, medaya di brons Micheline Jeand’or a tira 6179 pin pa un averahe di 171.6. Division Seniors masculino medaya di oro Renny Alvarez a tira 6717 pin pa un averahe di 186.6 pin, medaya di plata Rochi Thiel a tira 6339 pin pa un averahe di 176.1, medaya di brons Damasco Krozendijk a tira 6002 pin pa un averahe di 166.7, wega halto a bai pa Michel Jeand’or di 246. Division Seniors

femenino medaya di oro Maya Werleman a tira 5901 pa un averahe di 163.9, medaya di plata Edna Maduro a tira 5824 pa un averahe di 161.8 y tambe wega halto di 224, medaya di brons Aurita Lampe a tira 5672 pin pa un averahe di 157.1.

Un danki ta bay na tur participante cu a competi den e di dos nacional di bowling y tambe na Eagle Bowling Palace cu semper ta un bon cooperacion na e federacion di bowling Arbas, y di biaha nos ta anuncia cu e torneo nacional pa 2012 ta tuma lugar na luna di November e prome siman. Den nomber di Aruba Bowling Association (ARBAS) nos ta desea tur hungador di bowling y famia y comunidad di Aruba un Bon Pasco y feliz aña 2012 y pa keda pendiente pa tur e competencia di Federacion di Bowling ta bay organiza.

Diahuebs December 01, 2011

Pagina 19

Resultado torneo interbario di Ping Pong November 2011

STA. CRUZ – E torneo a tuma lugar na Centro Deportivo Libertador na Santa Cruz dia 29 November 2011.

Mucha homber bao di 10 aña 1. Daniel Munoz 2. Nazih Sbat 3. Jhon Dirksen 4. Christian Quandus Mucha muher 11-13 aña 1. Naitisha Elizabeth 2. Jully Geerman 3. Mary Jane Croes Mucha homber 11-13 aña 1. Jean Claude Hoek 2. Jevon Francis

3. Donald Yarzagaray 4. Ethan de Lange

A SER PERDI a ser perdi y tin recompensa

!!!!

26/11/2011 un zonparkiet den vecindario di cashero/siribana /stc. na su pia drechi, e tin un renchi : da-aua-04 su color:curpa geel- oranje su hala geel blauw dia

berde

Yame nos :5681712 : fls 350,- cash of nos ta duna’bo un yiu di mesun tipo .

si bo a wake of gare pls recompensa

TA FURA

ORANGE MATRASS Olijfstraat 23D Dakota.

Nos ta fura matras box, na tur midi. Nos ta busca matras mainta y ta entrega atardi. Nos ta fura stoel di comedor, set di sala y j.r. chair. Cu cada fura di set di sala lo fura set di comedor pornada.

Pa mas info yama tel: 5887468 of cel: 5698053.

5. Remy de Lange

TA BENDE Un container di friu, full aluminum paden.

Por sirbi como cooler.

Tamaño 40 pia Call: 739-0101

KEN TA COMPANIA INTERMEDIARIO PA E BUNKER FUEL “NOBO” NA WEB? STA. CRUZ -- Segun informe na nos redaccion WEB a termina e contract pa haya bunker fuel via Valero (4) cuatro luna pasa. E fuel cu Valero tabata manda pa WEB promer tabata uno purifica y di bon calidad y cu prijs normal. Awor diripiente WEB ta haya bunker fuel di otro hende y segun nos informe via un compania intermediario. Nos a tende cu posiblemente compania di MEM N.V. lo tambe tin algo di haber den e asunto aki.

E compania MEM N.V. ta e mesun compania di Mike De Meza cu pa “causalidad” ta wordo administra pa Admanco N.V. cu a hunga un rol prominente den e escandalo di e proyecto La Dolce Vita (Bida Dushi). Den pueblo e nomber di MEM ta wordo yama pa e compania di “Mike Eman y Mike De Meza”. E pregunta ta si e informacion cu Solo di Pueblo a haya ta berdad, ta cuanto comision lo a bay pa e compania intermediario aki (MEM?)? Nos di Solo kier a puntra na WEB y e compania MEM pa duna claridad ariba e asunto

aki, pero net promer cu a cera courant e noticia aki a yega nos redaccion. Nos kier tende di e pakico WEB a cambia e bunker fuel y si berdad e compania MEM lo ta involvi den e bagamunderia aki? Nos ta spera cu awor nan lesa e articulo aki cu nan por duna claridad ariba e asunto aki? Kico ta e motibo pa cambia e bunker fuel pa uno inferior? Pasobra esaki lo ta mas barata? WEB sa cu fuel oil por daña e machine nan recip y pakico nan ta keda cumpra e bunker fuel barata aki a sabienda cu e sa cu esaki por afecta e estabilidad di WEB? E compania di MEM ta involucra? Si e contesta ta no: ken ta e compania intermediario anto? Nos di Solo ta haya cu e noticia aki ta hole stinki y un hende ta ganando placa cu e bunker fuel malo aki cu segun informe cueste lo que cueste mester wordo cumpra,–via e compania intermediario (MEM di Mike En Mike?). Si e cos aki ta berdad, esaki lo ta otro escandalo mas pa nos comunidad aki na Aruba.

TA BENDE

LEADERS PEST CONTROL

TA BUSCA Un porta: Roll up/ Roll down pa instala na un warehouse.

Hanchura aproximadamente entre 10 pia, 3 meter.

Contact 739-0101

Un producto di Cuba, receta di Cuba, pa baha peso. Pa informacion yama: Gabino na: 563-4276

TA OFRECE UN SERVICIO EXCELENTE I RAPIDO PA E TEMPORADA AKI SPECIALMENTE , CONTRA SANGURA , MUSCA ECT PA MAS INFORMACION POR JAMA JAMA SR. RONNIE BOEKHOUDT

Cell: 7427989.

Diahuebs December 01, 2011

Pagina 20

L&E y ADRA ta gradici pueblo di Aruba y di Noord en particular pa e exito di e Prome Noordloop di CMB Tambe un danki na Valero Palm Beach, ROMAR Trading, Subway, Tropical Bottling, Fruteria Virgilio, Aledda N.V., Total Services, Arulaser Services y Zenitel pa nan aporte espontaneo.

Na ATV y Magic 96.5 pa e cobertura di e evento grandi aki. Na cada un participante Pabien! Sigur Caribbean Mercantile Bank (CMB) danki pa a braza e idea y iniciativa STA. CRUZ -- Diasabra atardi pa 5:30, un multitud grandi a yega na CMB Noordbranch pa e gran caminata/careda organiza pa Leadership & Excellence (L&E) Foundation y A.D.R.A. (All Distance Runners Aruba) patrocina pa CMB! Mas di 600 canador y coredor, banda di esaki tur esnan cu a bin pa apoya e participantenan

a presenta na Noord, y esaki tabata tremendo.

Den nomber di Stichting Leadership & Excellence y A.D.R.A. nos ta gradici tur esnan cu den un of otro forma a contribui na e evento deportivo, exitoso y recordbreaking aki. E ultimo 10K di aĂąa a resulta un exito rotundo!

Na e voluntarionan cu a yuda, na IDEFRE cu tur su empleadonan cu

te na ultimo momento a haci trabao importante.

Na tur e voluntarionan di All Distance Runners Aruba(ADRA) cu a aporta grandemente na e evento, un danki. Danki na Cuerpo Policial pa e bon trabaonan eherci, na Rode Kruis y IMSAN pa nan asistencia rapido y na e voluntarionan di Valero cu tambe a yuda cu e waterpostnan.

aki, y his’e na un nivel di excelencia. Stichting (I.O) Leadership & Excellence lo continua cu e tipo di eventonan aki, banda di lectura y otro eventonan importante, pa aporta na crea lidernan den nos comunidad. Tabata un evento grandi cu mas di 600 participante riba e camindanan den Noord,a cana/core pa cera e aùa den un forma saludabel.

Diahuebs December 01, 2011

Pagina 21

Charla interesante tocante medicina natural

Salud Holistico

STA. CRUZ -- Con pa encontra e proposito di nos bida, nos existencia y disfruta di e don di bida. Hacienda La Concepcion ta un centro di salud holistico crea pa Dr. Efrain Hoffmann, cu motibo pa haci hende sano y specialmente pa convence nos cu nos tin e deber di hiba un bida mas trankilo.

Dr Hoffmann a gradua den medicina na Universidad di Los Andes, despues e la sigui studia pa acupuntura na Sri Lanka, homeopatia na Barcelona, Spanje, mata nan curativo na Mexico y hopi curso di medicina integral na Venezuela y otro parti nan di mundo. Y e mes personalmente ta aplica tur e conocimento nan aki, e ta vegetariano, ta haci ehercicio, meditacion y ta conserva su mes fantastico, principalmente e serenidad cu e ta transmiti.

En cuanto Hacienda La Concepcion, e ta un lugar perfecto pa desconecta di realidad ora esaki cuminsa cansa bo. Un hacienda antaño propiedad di e mayornan di Dr. Hoffmann, cu un cas sigur familiar, un piscina bunita, sauna y vapor, tratamento di lodo pa cuero, un jardin espectacular cu mata nan di mango, appelsina, awacati, kamber nan bunita di bahareque y tronco, cabanja nan parti rond di e campo, un sala rondo pa meditacion y relajacion, un patio pa haci yoga den atardi, yen di cabaña pa haci massage, limpieza di cutis, aplicacion di acupuntura of limpieza di tripa, tratamento

di hidroterapia di tripa, sueros cu vitamina, limpieza di sanger, un comedo espectacular habri pa tur bishitante y sigur e amabilidad di servicio atento di e personal hopi bon entrena pa resolve cada un di nos necesidadnan.

E cuminda nan ta vegetariano total y hopi dushi. Ta duna tur tipo de curso, tambe ta haci tur tratamento specialmente pa diferente enfermedad, por ehempel a cura persona nan cu arthritis y otro degenerativo nan malo. Dr. Hoffmann ta na e hacienda den lunanan di Februari, Maart y April, Juni, Juli y Augustus y

Oktober, November y December. E resto di anja e hacienda ta wordo usa pa otro personanan cu ta duna curso y charla.

Dia 1 di December Dr. Hoffmann lo duna un charla interesante pa nos comunidad cu sigur ta den necesidad pa encontra nos propostito nan di bida. Charla lo wordo duna na Universidad di Aruba di 6.00 pm pa 8.00 pm. E ta completamente gratis.

Pa mas informacion por contacta Sheryl na 7384272 of email: Sher yl@shereal.net of bishita e website: w w w.hac iendala concepcion.com.ve

PUEBLO A HAÑA SU PEN BEK

Pa kualkier informacion solodipueblo@gmail.com of

☎ 585-9500

Huespednan honra na Renaissanc​e Ocean Suites

STA. CRUZ -Recientemente un grupo di huespednan masha fiel I amigabel di Aruba a ser honra na Renaissance Ocean Suites.E grupo ta consisti di bishitantenan cu tin entre 10 cu 40 aña bishitando nos dushi Isla, e personanan honra ta Sra. Juanita Thomson kende ta un Arubiana residencia na Estados Unidos cu ta bishitando su Isla pa 16 aña consecutivo hospedando den Renaissance Ocean Suites, Sra Thomson ta mama di e famoso atleta Arubano Sr. Rudy Carty y ta den compania di

su dos yiu muhernan.

Tambe a ser honra Sr. Robert y Sra. Rosalie Wollman, Sr. Ron y sra.

Roseann Sotere y Sr. William Della Polla y Sra. Rosalba De Simone nan tur a ser honra como Embahador di Bon Boluntad di Aruba.

Tur esnan honra ta stima nos isla masha hopi mes y ta encanta cu nos dushi hendenan y tur loke nos isla ta ofrece. Sr. Ernest Giel representando Aruba Tourism Authority a hasi entrega di e certificadonan corespondiente hunto cu sr. Tino representando Renaissance Ocean Suites.

Diahuebs December 01, 2011

Pagina 22

Britannia Lifida ta organiza Copa Franklyn Bareño BRITANNIA mes.

Manera ya nos a menciona e torneo aki ta pa rindi honor na un pilar di nos organizacion, esta Señor Franklyn Bareño, pero tambe pa fortalece e union entre e equiponan. Tur hungador cu participa lo ricibi un medaya y e equipo campeon

STA. CRUZ -- Aña pasa pa prome biaha BRITANNIA LIFIDA a organiza un torneo, dedica na nos gran baluarte Señor Franklyn Bareño. E aña aki lo no ta un excepcion. E torneo ta cuminsa diabierna awor 2 di December pa 6’or di atardi.

Diabierna lo tin wega entre entre otro:

den cada division lo ricibi un copa. Nos ta invita fanaticonan di Britannia, Piedra Plat y vecindario y Aruba completo pa pasa na nos veld hunto cu famia y pasa un rato dushi. Asina tambe contribui na nos organizacion y aporta na e desaroyo di un comunidad sano.

Britannia Damas, Savaneta Stars, Bright Bakery, Compra.

Pa e fanaticonan di domino lo tin torneo di domino tambe.

E torneo ta sigui diadomingo mainta 9’or cu participacion di equiponan di Lifida, manera entre otro RCA, Washington, La Fama, Santa Fe y naturalmente

RCA CU OTRO WEEKEND YEN DI AMBIENTE !!!

Alemania y Spaña Campeon Mundialito di Solito den e categoria mayor di e fabuloso torneo aki di 4 contra 4. E persona clave den prepara e evento aki ta Juni Tromp kende na su turno a entrega un plakkaat como reconocimento na e legendario Doc Williams cu ta e motor tras di e sistema di 4 contra 4. E Maestro Doc Williams a gradici Directiva di RCA pa e detaye aki y ta desea pa e organizacion sigui STA. CRUZ -- Diadomingo ultimo, ya for di mainta trempan nos muchanan di Mini y Babie a yega na e stadion di RCA pa e Mundialito di Solito organiza pa trainernan di e division youth soccer di RCA. Den e categoria di Mini y Babie un total di 40 mucha a bataya cu otro y na final ta e team di Alemania forma pa Ludgeneson de Cuba,

Bernard Smolders, Alixon Simmons y Vershon Albertsz ta bira Campeon den e categoria aki. Despues di merdia a toca turno na e categorianan di U-10 y U-12. Aki nan 32 mucha a lucha pa e titulo, pero ta e team di España cu Bryan Erasmus, Kinsley Virginie, Jean Pierre v/d Linde y Andrew Marquez ta logra bay cu e titulo

organiza torneonan di 4 contra 4 unda e muchanan ta constantemente den contacto cu e bala.

Directiva ta gradici e staf completo y tur mayor cu a traha e dia aki pa asina e muchanan por a competi y disfruta di un dia deportivo.

Keda pendiente pa e sigiuente cu ta programa pa promer tri-mester di 2012.

Telefonnan importante: BOTICANAN: Maria 585-8145 Di Servicio Noord 586-4606 Seroe Preto 584-4833 Fergusonstraat 583-0620 Kibrahacha NV 582-2007 Oduber NV 582-1780 Paradera 588-6638 Santa Cruz 585-6890 San Lucas 584-4830 San Nicolas 584-5712 Santa Anna 586-0027 Trupiaal 582-8671 Eagle 587-9011 4 Centro Medico 584-5779 Aloe 584-4606 Central NV 585-1965 Dakota NV 588-7364 Del Pueblo 582-1253 POLIS: Oranjestad 100 San Nicolas 104 Sta. Cruz 105 Noord 107 Tip-line 11141 Brandweer/Ambulance 911 Guardacosta 913 Seguridad National 11911 Hospital 527-4000 Centro Medico 524-8833 Setar storing 117 Web Storing 525-4600 Elmar storing 523-7147 Agencia Funeral: The Olive Tree 584-8888 Ad Patres 584-2299 Aurora 588-6699 Mementomori 582-2222 Fundacion: Cas 584-2050 Fada 583-2999 F A V I 582-5051 Famia Planea 588-9591 Autismo Aruba 588-1179 Pa Hende Muher 583-5400 Pa Hubentud 588-6138 Bloedbank Aruba 587-4260 Solo di Pueblo 585-9500 Canal 22 585-9500 Tip pa redaccion 592-6895

Dokter y Botica na Warda pa bao di Brug: Horacio Oduber Hospital: 527-4000 01 Dec. 2011 – Dr. v/d LINDE Nov 26 te cu Dec. 02 Dakota N.V.

Dokter y Botica na Warda pa riba di Brug: Centro Medico 26 te cu 27 Dec.01 Dr. Every, B524-8833 Nov 26 te cu Dec. 02 4 Centro Medico N.V.

Diahuebs December 01, 2011

Pagina 23

PRODUCTO Y SERVICIO SUNSHINE TIRE SALES & SERVICES TANKI LEENDERT 126 A CABA DI YEGA UN CONTAINER DI TIRE SEGUNDA MANO FOR DI EUROPA CU UN VARIACION DI SIZE DI TIRE PA TUR AUTO CUMINSANDO DI SIZE 12 TE CU 20 INCH. TAMBE NOS TA DRECHA TIRE, BENDE TUBE Y WHEEL LOCKS Y NUTS. NOS ORARIO TA DI DIALUNA PA DIABIERNA FOR DI 8:30 PA 5:30 Y DIASABRA FOR DI 9’OR TE 3’OR. PA MAS INFORMACION YAMA 5836442. NOS TA WARDA BO!!

CLASIFICADO

TA BENDE KIA--99 DUMP TRUCK P/W & P/STEERING PRICE AFLS.8.500 PA MAS INFO JAMA CEL NO 593-1608

RC COOLING SERVICES Air Conditioning Installation / Service Phone: 2977401507 Dialuna pa diabierna di 8.00am pa 5.00pm

TA bende

TERENO NA STA. CRUZ

TA BENDE TERENO BON UBICA NA STA. CRUZ Na Papilon, cerca di caminda grandi.

622m2 Call:

730-7000

Un walk in cooler/ freezer industrial di marca Kolpak 7' 8" x 11' 7" x 8' 3.75" walk in cooler Manual sliding door / white finish / 2hp refrigeration Afl. 18.000.00 discutible Excelente pa restaurant of pa tene producto friu Contact:

Ta busca un peluquera estilista cu experiencia Pasa personalmente na Centro Comercial Noord # 82 of yama 5867272 /7303327 pa un afspraak.

739-0101

01 December 2011

5329 0798 2097

lotto pa deporte

5524 8014 7590

1176

4034 5055

1151

5474

18 - 05 - 27 - 06 - 10 joker 15

5705 Piscis

Diahuebs December 01, 2011

Pagina 24

Zaithyel Soekandar y Aschwin Dabian rumbo pa Valida Latinoamericana Di BMX 2011 na Bogota, Colombia STA. CRUZ -- Diabierna 18 di November miembronan di e BMX Junior Development Program Randon Koolman y John Baena a duna un BMX clinic na un klas di De Schakel College. Esaki ta forma como parti di e diferente programanan cu tin planea pa e junior development group.

Asina pues e hoben deportistanan aki ta duna bek na nos comunidad door di educa y motiva otro hobennan riba e tereno di deporte.

Participantenan a pasa un mainta hopi agradabel y cu hopi smaak nan a siña e basico di e deporte di BMX. Como parti di preparacion pa e proximo ciclo Olimpico dos di e miembronan di e Development Program esta Aschwin Dabian y Zaithyel Soekandar lo ta viahando dia 24 venidero pa Bogotá Colombia.

Aki lo tuma lugar e Valida Latinoamericana de BMX 2011 y e VIIIIX Validas del Torneo Nacional.

Coredornan Elite di diferente paisnan manera Argentina, Brasil, Bolivia, Chile, Colombia, Costa Rica, Curaçao, Ecuador, Guatemala, México, Nicaragua, Perú,

Puerto Rico, Venezuela y demaspaisnan di region Latinoamericana y mundial lo participa pa busca cualificacion pa e Olimpiada di 2012 cu lo tuma lugar na Inglatera.

Aschwin y Zaithyel lo ta participando den categoria di Challenge bys 14 y aki ta caminda nan lo topa nan contrincantenan di region cu tambe tin mes un meta cu nan pa e sigiuente ciclo Olimpico di 2016. Indudablemente e campeonato aki ta di suma importancia pa e desaroyo structura di un atleta di BMX cu ta den preparacion pa e siguiente ciclo Olimpico.

Un danki na e mayornan, especialmente, pa parti financiero cu ta hasi participacion di Zaithyel y Aschwin na e campeonato aki posibel.

Diahuebs December 01, 2011

Pagina 25

Now Guests of the Aruba Marriott Resort Have Access To Exclusive Adult Pool

STA. CRUZ -- November 29, 2011 – The Aruba Marriott Resort unveiled its newest amenity, the H20asis adults – only pool and lounge on

November 21, 2011.

The construction of this 10,000 square foot pool and lounge area began in June of this year and upon its completion, is the final

zone of the resort’s $50 million dollar renovation.

H20asis is an area of the hotel that is reserved for mature guests staying at the Aruba Marriott

Resort and the boutique Tradewinds Club. While the resort still offers a great experience to guests of all generations, including families and children, with the free – form pool and all other areas that aren’t zoned for adults. “We are very excited to open the pool and lounge area for our guests to experience,” said Recreation Manager Gabriel Guevara, “The pool has only been open a few days and we have already received positive feedback. A few of our guests described their experience as tranquil and relaxing.”“This is my second time staying at the Aruba Marriott and I am happy to see the new adult pool opening today.

The cabanas and chairs are chic and comfortable – plus the pool looks amazing,” said Kate Wilson, the first guest to experience the H20asis.

Aruba Marriott Resort & Stellaris Casino boasts 411 guestrooms each with private balconies

overlooking cascading waterfalls, a free form swimming pool and tranquil Caribbean waters. Guest exclusivity is attainable on the eighth floor through the Tradewinds Club, a boutique, ‘hotel-withina-hotel’ concept that is paired perfectly with the new adults-only pool and lounge area. On property dining options range from light to elegant with seven restaurants and cafes, while entertainment and relaxation can be achieved in the island’s largest casino, or in the 6,500 square-foot spa. To obtain more information call the Aruba Marriott Resort & Stellaris Casino at 1.800.228.9290 or visit www.arubamarriott. com or www. tradewindsc lubar uba. com. Connect with the Aruba Marriott’s official Facebook fan page by visiting www.facebook. com/ArubaMarriott and follow on Twitter @ ArubaMarriott.

Diahuebs December 01, 2011

Pagina 26

Problema entre ABBA y e mayornan di RedmachineGiants resolvi prome cu Kortgeding

STA. CRUZ -- Nan ta bisa cu despues di tormenta ta bini trankilidad, esey ta loke a sosode den e baseball Arubano aki, na momento cu e decision di ABBA pa retira dos team di e campeonato nacional a wordo hala aden algun ora prome cu e caso (kortgeding) mester a tuma lugar dia 23 di November ultimo.

E presidente sr. Daryll Yrausquin a firma e carta cu e ta permiti e muchanan pa hunga den e campeonato bek y a manda e schedule

adhunto cu e carta pa asina prueba cu esey ta e decision di e bestuur di ABBA. E grato noticia aki a cay den masha bon tera cerca e mayornan di e muchanan di Red Machine Giants categoria Infantil AA (11-12 aña) y tambe e categoria Hubenil A (13-14 aña). E schedule ta bisa asina cu diasabra dia 3 di December pa 9.00 - 11.00 am Red Machine-Giants (11-12) lo ta enfrentando Rangers (11-12) na veld di Aruba Junior na Playa, y e mesun fecha pa 2.30-

4.45 pm e equipo di Red Machine-Giants (13-14) lo ta enfrentando IndiansMarlins na Centro di Bario Noord. E muchanan mes ta sumamente contento di e noticia aki y a sigui train duro pa nan proximo encuentronan.

Mester remarca cu e team di Red Machine-Giants den categoria 15-16 a titula campeon siman pasa y awor e chikitonan tambe kier core parada como campeon. Aruba ta keda invita pa pasa waak e weganan aki cu sigur lo bira interesante.

Prestacion di Jennelaine Vrolijk den e 1st Anual CMB 10K Noordloop

STA. CRUZ -Diasabra ultimo Jennelaine Vrolijk a gana e 1st Anual CMB 10K Noordloop den categoria damas, tanto den su categoria di edad como den damas overall. Jennelaine alavez a logra e meta cu e tabata tin pa 2011, esta alcanza e total di 100 premio den su carera di atleta.

Cu e 2 trofeonan cu el’a ricibi pa su logro den e careda aki el’a pasa di 99 pa 101 premio. E premio di e envelop

cu contenido cu e’la ricibi for di CMB a corona e logro aki cu broche de oro! Te cu awor Jennelaine tin un total di 101 premio na trofeo, medaya y plakkaat. Riba un di e potretnan por aprecia Jennelaine para banda di Pieter van Beekveld di Corsou, kende tabata e ganador cabayero/overall di e 1st Anual CMB 10 K N o o r d l o o p a k i, cual por cierto a resulta den un exito rotundo!

Diahuebs December 01, 2011

Pagina 27

Pagina 28

Diahuebs December 01, 2011

Exitoso prome Noordloop di CMB

Diahuebs December 01, 2011

Pagina 29 “Señor ta mi wardador, mi n’tin falta di nada.

Den cunucu di yerba berde E ta pone mi sosega. E ta hiba mi na awa trankil, pa mi bolbe haya forza. ”Salmo 23:1,2,3

Señor ta mi luz y salbacion. ” Salmo 27:1

Cu inmenso tristeza na nos curazon, nos ta participa fayecimento di:

Cu inmenso tristeza na nos curazon, pero conforme cu voluntad di Dios, The Champs Tennis Aruba ta anuncia fayecimento di nos amigo di Tennis::

Marie Louise Josephine Breuer mihor conoci como: “ Elly ”

Na nomber di su: yiunan:

Ivo y Liz Oduber Alfredo Oduber

nieta:

Veronica Oduber

ruman:

Jo y Annie Breuer na Hulanda

tata di su yiunan:

Alfred “Fefe” Oduber

y demas famia ta invita tur famia, amigo, bisiña y conoci pa e ceremonia religiouso y ocasion pa despedi di Elly y pa condoleer famia, diabierna 2 di December 2011, di 7’or pa 9’or di anochi na Mementomori Funeral Home Nos ta lamenta cu nos no por ricibi bishita di condolencia na cas.

Arthur Domacasse Mihor conoci como “Toeloei” Amigonan di Champs Tennis Aruba ta manda condolencia na tata, esposa, yiunan y rumannan di Arthur y ta desea nan hopi forza den e momentonan dificil aki.

Cu Arthur sosega na paz den braza di Señor. Acto di entiero ta tuma lugar diasabra 3 di December 2011, saliendo for di Misa San Bernardo na Playa, pa despues ser hiba na su ultimo lugar di sosiego Santa Catolico na Playa.

Ta cuminsa ricibi bishita di condolencia for di 12’or na misa y pa 4’or tin un Santo Sacrificio di Misa.

Pagina 30 “Welcome Home” Bon Bini na Cas”

Un reflexion di Amor y Afecto

Welcome home! That’s what I want my life to say to everyone whose path crosses mine.

I want to create an atmosfere of serenity and joy, blessing and belonging, that embraces people and draws them in...that makes them feel loved and special and cared for, Yes, Amen.

Un caluroso Bon Bini na Cas ! Esey mi kier a bisa tur hende cu cruza mi caminda.

Mi kier crea un atmosfera di serenidad y gozo, yen di Bendicion y tur Bon Deseo-nan, cu lo braza cada persona cu drenta mi bida y lo hiba cada un den...Paraiso di Alegria, cu nan lo sinti e Amor Berdadero y senti nan Special y cu tin un persona cu ta cuida nan.

Si, un bunita trabow Celestial, Amen. Sea Bon Bini na mi Cas. Salmo 25 : 10 ta para skirbi : Tur berehanan di Señor ta misericordia y berdad pa esnan cu warda Su alianza y Su testimonionan, Amen.

Skirbi pa Sweethearth Lady: Esperanza/Sansha/ Sasha Koolman-P.

Diahuebs December 01, 2011

ADORACION DI HESUS DEN SANTISIMO SACRAMENTO DI ALTAR 8 DI DECEMBER FIESTA DI MARIA INMACULADA CONCEPCION NOS MAMA CELESTIAL TA INVITA NOS PA BIN ADORA SU YIU HESUS. HABRI NOS CURAZON Y MENTE PA NOS RICIBI GRACIANAN NA ABUNDANCIA. TUR HENDE TA KEDA CORDIALMENTE INVITA PA PASA UN RATO BISHITA HESUS PA CIERTO GRUPONAN A STIPULA UN ORA FIHO, PERO TUR OTRO HENDE POR JOIN CUALKIER MOMENTO 6’OR AM : SANTO SACRIFICIO DI MISA 7’OR AM : EXPOSICION DI SANTISIMO C.O GRUPO REINA DI PAZ/ SAN ANTONIO/SAN HUDAS TADDEO TA REZA TAMBE E ROSARIO GOSOSO. 8’OR -8.30 : MARIA SCHOOL ( TA RESA TAMBE E PROME MISTERIO GLORIOSO ) 8.30-9OR AM : COLEGIO SAN HOSE ( TA REZA TAMBE E DI DOS MISTERIO GLORIOSO) 9’OR-9.30 AM : COLEGIO LAURA WERNET ( TA REZA E DI TRES MISTERIO GLORIOSO ) 9.30 -10OR AM : COLEGIO CACIQUE MACUARIMA ( TA REZA TAMBE E DI CUATRO MISTERIO GLORIOSO) 10’OR-10.30 AM : TRUPIAL KLEUTERSCHOOL ( TA REZA TAMBE E DI CINCO MISTERIO GLORIOSO) 10.30-11OR AM : ST JAN KLEUTERSCHOOL + ATARIMA KLEUTERSCHOOL ( SI E DOS SCHOOLNAN AKI NO POR TA PRESENTE TA RESA PA NAN Y TA BAY DEN SILENCIO ) 11’OR-12OR : COLEGIO SAN ANTONIO BAO GUIA DI SRA INGRID NICOLAAS 12’OR-1’OR PM: GRUPO SANTA CRUZ BAO GUIA DI SRA SOFIA CROES. TA REZA TAMBE ROSARIO DOLOROSO !

1’OR-2’0R PM : E DOS CURAZONNAN BAO GUIA DI SRA. ETA KELLY 2’OR-3’OR PM: LEGION DI MARIA + NEO CATECUMENADO 3’OR-4’OR PM : E ORA DI GRAN MISERICORDIA BAO GUIA DI JUF .

CANDI CROES 4’OR-5’OR PM : GRUPONAN CARISMATICO BAO GUIA DI ‘’ROSEA DI DIOS’’ 5’OR-6.25 PM : GRUPONAN DI HOBENNAN STA CRUZ BAO GUIA DI JULLIE WERLEMAN CU E GRUPO DI HUAN BOSCO. TA REZA TAMBE E ROSARIO IUMINOSO 6.15 : PASTOOR TA BIN HACI E RITO DI CLAUSURA !!!

7’OR : SANTA SACRIFICIO DI MISA SOLEM !!

Diahuebs December 01, 2011

Señor ta mi wardador, mi’n tin falta di nada Den cunucu di yerba berde e ta ponemi sosega.

E ta hibami na awa trankil, Pa mi bolbe haña forsa.

Salmo: 23 Cu hopi tristeza pero conforme cu boluntad di Dios nos ta participa fayecimento cristianamente di:

Pagina 31

“ Señor ta mi wardador, mi n’ tin falta di nada; Den cunucu di yerba berde, E ta ponemi sosega.

E ta hibami na awa tranquil, pa mi bolbe haña forsa. ” Salmo 23:1,2,3

Cu inmenso tristeza na nos curazon, nos ta participa cu a fayece na St. Croix:

Celestino Ramon Helder Na nomber di su: señora: Julia Sargent yiunan: Rufina y Romio Rasmijn-Helder

Albert y Lilian Helder-Wathey, Rudolf y

Cynthia Helder- Halman, Selma y Silvio Kock-Helder

James y Marion Helder-Van Kooten Manera yiu: Vincent y famia, Rene

Chrysostoma Maduro Mihor conoci como “Ina di Madesha/Tanta Ina” *07-12-1931 + 28-11-2011

Na nomber di su rumanan:

Camilio y Irma Maduro-Hereira y famia

Juan Maduro y famia

Bartho Maduro y famia

Augustino Maduro

Margaritha Maduro y famia Mario y Dora Maduro-Boekhoudt y famia

Gregorio y Lourdes Maduro-Albus y famia

Vda. Catharina Maduro-Jansen y famia Sobrino y sobrinanan, sobresobrino y sobresobrinanan na Aruba y Hulanda, Primo y primanan, comer y compernan, ihanan y demas famianan na Aruba, Corsow y Hulanda.

Ta invita tur famia, amigo, bisiña y conocirnan pa asisti na e acto di entiero cual lo tuma lugar Diabierna 2 di December 2011 pa 4’or di atardi saliendo for di Misa Inmaculada Concepcion pa santana na Sta. Cruz (Pastoor de Vries) E resto mortal lo ta reposa for di 2’or di atardi den Misa Inmaculada Concepcion na Sta. Cruz.

Adres pa Condolencia: Aurora Funeral Home Diahuebs 1 di December 2011 Di 7:00 – 9:00 pm Na lugar di flor of krans un donación pa “Wit Gele Kruis” lo ta altamente aprecia.

Lo tin un box disponibel den Misa pa e bunita gesto aki.

Nos ta lamenta cu despues di entiero nos no por ricibi condolencia na cas.

Nieto y nietanan:

Gerarldine Kock y Edson den Boef Angelo Helder,

Richelyn Rasmijn y Angelo Bikker,

Raymond y Diahanna Rasmijn-Hassell,

Gionathan Helder y Aishlaine Pastor Alvarez,

Maikel Kock Silvienne Kock Bisanieto y bisanieta: Clayton Den BoefRoxanne Rasmijn Rumannan: Seferina Helder, Dama y Sita Helder-Luidens,

Bello y Maria Helder-Werleman

Mai y Bernabela Helder-Wever

Veronica y Andres Werleman-Helder

Tan y Maria Helder-Dijkhoff, Freddie y Betty Helder-Arends,

Lica Werleman Swa y cuñanan: Joaquin Willems,

Teresa Gaskin,

Felecita Simpson,

Juanita Roebuck and Edelta Philips,

Raphael James,

Juan A. Garcia, Kwame Garcia,

Innocencio Garcia,

Ira Phillips, Cyril Phillips, Ray Phillips, Tyrone Phillips Omo y tantanan: Gabriel Helder

Tichi Mathilda

Betty Constanza Sobrino y sobrinonan, primo y primanan, comer y compernan mihor amigonan: Sr y Sra Irving Christina, Sr y Sra Richard Murray,

Clifton Pandophile, Lenroy Phillips

Miembronan di St Croix Lions y St Croix Lodge demas famia y conocirnan: Helder, Sargent, Rasmijn, Wathey, Halman, Kock, Den Boef, Bikker, Hassell, Pastora Alvarez, Luidens, Werleman, Dijkhoff, Arends, Wever, Willems, Donata, Lampe, Mathilda, Constanza, Middendorp, Thode, Ras, Dirksz, Tromp, Melgar, Geerman, Koolman, Torres, Maduro, Eman, Cayama, Hunt, Boekhoudt, Cano, Feliciana, Kelly, Dania, Croes, Angela, Ruiz, van Kleef, Burleson, Davelaar, Franken, Jansen, VanderBriezen, Hoek, Petrochi, Hermans, Flanegin, Gaskin, Roebuck, Phillips, James, Garcia y demas famia ta invita tur amigo, bisiña y conoci pa asisti na e acto di entiero cual ta tuma lugar diasabra 3 December 2011 pa 4’or di atardi saliendo for di Misa San Francisco pa santana catolico den Caya Ernesto Petronia. E resto mortal lo ta reposa for di 2’or di atardi den Misa San Franciasco na Playa.

Nos ta lamenta cu despues di entiero nos no por ricibi bishita di condolencia na cas. Nos kier a pidi nos disculpa si nos por a lubida un of otro famia den nos tristeza.

Diahuebs December 01, 2011

Pagina 32

Exitoso Christmas Songfestival di Pierewietje

STA. CRUZ -Rec ientemente Pierewietje a tene su tan popular Christmas Songfestival cu a tuma lugar den e Grand Ballroom di Westin Resort Aruba. Cu un sala yen yen, e publico y tur e muchanan a goza un bol di un show hopi anima di e muchanan di Pierewietje.

Tambe Sinterklaas y un cantidad di Zwarte Pietjes a presenta a balia bay gol riba stage. Te hasta Santa Clause a presenta y a pasa un rato dushi cu e muchanan. Pa loque ta e songfestival mes, a participa 20 mucha di edad entre 4 te cu 13 aña.

E huradonan sigur a pasa un rato dificil pa saca e mihornan como ganador.

E resultadonan ta lo siguiente: Den categoria 1 di 4 pa 6 aña: Ganador na promer lugar ta Mikah Escudero, na segundo lugar; Giannilayne Lacle y na di tres lugar Zaireay Colmenares.

Den categoria 2 di 7 pa 10 aña a sali ganador na promer lugar Roshendra Figaroa, na segundo lugar: Xiantee tromp y na di tres lugar: Andrea Nuboer. Den categoria 3 di 11 pa 13 aña, ganador na promer lugar ta Kristin Romero, na segundo lugar Nicole Iziquiel y na di tres lugar: Ronella Figaroa. E participante mas popular a resulta Roshendra Figaroa.

Masha pabien na tur ganador y tur participante.

Alavez pabien na tur e muchanan di Pierewietje

cu a train hopi duro pa por presenta e bailenan aki pa e publico. Danki na tur mayor cu tur cooperacion pa Pierewietje por logra e produccion, manera cu Pierewietje tin custumber di presenta. Danki tambe na tur sponsor cu a yuda di un manera of otro.

Na final masha danki y pabien na e comision cu despues di lunanan di trabao ta hopi satisfecho cu resultado di tur e trabao eherce. Keda pendiente pa Pierewietje y Flash su siguiente Grand Show na Juni 2012.

Deporte di Karate:

Aruba ta destaca den torneo internacional di Karate na Corsou

STA. CRUZ -- Fin di siman pasa 3 karateka di Aruba a sali pa Corsou pa asina competi den Dutch Caribbean 2011. Atletanan cu a bay representa Aruba ta Nelson Quijada Di 17 aña di edad, Mariangella Odor di 17 aña di edad y Cesar Trivino di 13 aña di edad.

Nelson a gana medaya di Plata den junior y a wordo invita na e mesun momento pa senior mirando su talento y calidad den Karate y a gana plata tambe den senior.

Mariangella Odor kende a bataya den categoria junior a logra gana medaya di plata den dicho categoria.

Cesar Trivino a competi den junior apesar di a haci un bon trabao no a logra cay den premio. Paisnan cu tabata presente y a participa tabata Corsou, Aruba, Bonaire,Suriname y Trinidad & Tobago.

Un palabra di felicitacion na e atletanan cu a logra trece medaya cas pero tambe na tur esnan cu a bay competi.