Lolo di awa: Ya e expresion a pega! Lolo di awa pa e Arubiano no ta nada otro cu kens, bobo! Dommerik! Sufferd! Na Aruba e palabra aki no ta palabra malo ….
Diahuebs, April 19, 2012 - Edicion-7 Vol.1787 Sta. Cruz # 110
Tel: 585-9500 Fax:585-0951 - E-mail: solodipueblo@gmail.com
1.50
E ta un expresion cu e Arubiano tin como stopwoord! Semper nos a use sin cu tabata tin rabiamento. Na Corsou nos sa cu e ta un palabra malo! Un yiu di Corsou por rabia! Un Arubiano NO! Pa nos e no ta un palabra malo sino un stopwoord pa un hende bobo! Manera esun cu ta bisti e zapato! E bestia di awa aki ta un lolo di awa! Suf! Pls. No kita e poco expresionnan cu nos tin ainda na Papiamento! Sino ta chill, great, super, cool so bo ta tende!
Durante tratamento di caso De Meza vs. Croes
MIKE DE MEZA A ADMITI DI A EQUIVOCA Y A LESA ‘ASSETS’ PA ‘OPBRENGSTEN’ A keda comproba e ora cu De Meza a gaña den parlamento riba venta di Lotto
Gabinete Eman ta haciendo pior cu locual e rapport di WODC ta trece dilanti Un solo pregunta!
Ken ta e accionistanan den e nv-nan di Hotel Hardrock?
Tur instancia di gobierno ta neglishando problemanan di KIA? STA. CRUZ -- Den un entrevista recientemente e hefe di DOW, sr. Jossy Figaroa a bisa cu referente KIA, e no tin net net nada ariba su desk poni, unda e lo mester check e edificio aki. Ta den prensa el’a bin tende cu e edificio ta deteriorando. Mientras tanto sra. Agumbero di Management di KIA a bisa cu desde September 2011 a manda rapport pa DOW y Minister Dowers y te cu awe KIA no a tende nada. Tambe sra. Agumbero a bisa den reunion cu TOPA y DOW ta na altura, pero DOW a laga sa cu nan lo no bay controla KIA, pasobra cu tin bacteria MRSA den KIA. Den reunion di parlamento, Minister Dowers ta bisa cu e cos no ta dje serio ey manera cu e ta wordo treci dilanti y cu e ta trahando ariba dje. Ken ta papia berdad ? Rene Bernabela di TOPA a bisa cu e mes a bay waak KIA y cu tin dos seccion cu ta den deterioro total. Sinembargo tin un seccion cu ta bon. Ta papia cu e murayanan of blokkinan ta birando polvo si solamente bo pasa bo man ariba dje. Si sra. Agumbero tin razon, dicon Minister Dowers no a haci nada cu e rapport cu el’a haya ? Ta berdad cu DOW a nenga di bay waak e situacion pasobra tin bacteria di MRSA? Asina nos tin cu keda haci yen di pregunta pa nos haya sa ta dicon tin tanto negligencia pa cu problemanan di KIA.