PAG. 1
DIAHUEBS 18 JANUARI 2024
Afl.
ARUBA TA PARTICIPA NA CONGRESO ELECTORAL DI FEDERACION PANAMERICANO DI PESAS
1.25
DIAHUEBS 18 JANUARY 2024
MIGUEL MANSUR TA BOGA PA TUMBA HOTELNAN ABAO, Y TUMBA TURISMO Den un reciente entrevista, como tambe un post riba su pagina, Miguel Mansur a bisa cu Aruba tin yen di hotel y cu a bira ora pa cuminza tumba hotelnan abao. E expresion aki a cay como sorpresa, pasobra nos tur sa cu Aruba su fuente di economia ta turismo unda e hotelnan tin un rol grandi den esaki. Ora di papia di tumba un hotel abao, e pregunta: Cua hotel? Unda ta cuminza? Y cuanto hende lo perde trabao? y unda
nan lo bay traha? Pues, e politico Miguel Mansur sigur ta poco mal perdi den su vision, unda e kier tumba hotel abao y asina tumba turismo di Aruba. Den pasado el'a declara cu ora e yega den gobierno, e lo kita 1500 ambtenaar di trabao. Politiconan asina ta laga di desea cu nan storianan sin pia sin cabes. Ta cua te prome hotel cu Miguel Mansur kier basha abao? Ta rete pe menciona e hotelnan.
LO TENE CONTROL DURANTE BOAT FEST 2024 NA NIKKI BEACH DIAMARS MAINTA A HAYA AUTO DI DIALUNA ATARDI CU HENDE DEN DJE DILANTI SCHOOL, A KERE SIN BIDA PERO SORPRESA
RECHERCHE A CONFI SCA EVIDENCIA DI CASO DI ATRACO CU HINCAMENTO
Pag. 2
DiaHUEBS 18 janUari 2024
Minister Dangui Oduber
rEUNION CU EMNAHADOr DI HOLANDA Y CONSUIL GENErAL DI HULANDA CU TA rESIDENCIA NA MErCA – Diaranzon mainta Minister di Turismo y Salud Publico sr. Dangui Oduber tawata tin un reunion pa asina conoce e embahador di Hulanda sra. Tarzelaar, cu ta residencia na Washington y tambe e Consul Generaal di Hulanda sra. Den Breems, cu ta residencia na Miami.
Un reunion unda a elabora ariba diferente topiconan manera; diversificacion di turismo, rutanan nobo
di carga pa explora di Merca pa Aruba, shore power y posibilidadnan pa un colaboracion cu MD Anderson di cancer treatment institute.
Merca ta keda nos mercado di turismo mas grandi y ta imporante pa mantene un bon comunicacion y relacion cu esnan cu ta representa nos pais Aruba den exterior pa asina nos sigui amplia nos conexion cu merca.
Parlamentario Alvin Molina (MEP):
BEACH ArEA DI SAN NICOLAS MESTEr kEDA prIMOrDIALMENTE pA NOS HENDENAN Y COMErCIANTE LOCAL
Nos Minister di Turismo Sr. Dangui Oduber hunto cu su partnernan ta haciendo un tremendo trabou cu e Masterplan di desaroyo di Baby Beach y Rodger Beach. Fase 1 y 2 ta cla, fase 3 lo keda cla e aña aki. Nos a mira cu varios accion a tuma luga pa embeyece e area aki, pa hacie mas atractivo pa local, turista y comercio por establece y inverti. Mi a haci tres peticion na
mandatario di Turismo: 1. Pa e area keda destina primordialmente pa nos hendenan local, cu ta gosa di e beach riba diadomingo y/of campamento. Pa nan por sigui haci uzo di e beach y di e bunita desaroyonan. 2. E comerciantenan local cu pa hopi aña ta dunando un tremendo servicio den e area aki den tempo bon y den tempo menos bon y a lucha pa tene nan negoshi habri. Nan a keda brinda servicio y duna cupo di trabou. E peticion na e mandatario ta pa proteha e companianan den e desaroyo aki, esta Kamini’s Kitchen, Big Mama Grill y Rum Reef. Nan mester por beneficia di e desaroyonan y extra movecion. Pa no perhudica nan door di competencia inhusto of cualkier otro desaroyo cu por daña nan negoshi. Tambe, mi ta wak cu e desaroyo di Baby Beach y Rodgers Beach por trece oportunidad pa e otro areanan di San Nicolas. Ta importante pa
minister haci promocion y percura pa San Nicolas den su totalidad por gosa di tur e movecionnan cu ta bay tin “in and out” door di e districto bayendo pa e beach area. 3. Pa e area no bira un otro Palm Beach cu influencia Americano, pero percura cu nos identidad y cultura di San Nicolas y Aruba wordo preserva y promovi.
Mi ta gradici Minister Dangui Oduber pa duna oido na mi peticionnan. Mi a compronde cu minister ta den dialogo cu varios comerciante den e area pa scucha nan plan, deseo- y preocupacionnan. Mi ta keda pendiente pa haya informacion actualisa di e dialogonan.
Pag. 3
DiaHUEBS 18 janUary 2024
Prome Minister Evelyn Wever-Croes:
PROME MINISTER A REUNI CU MINISTER DI PROTECCION HURIDICO NA HULANDA, SEÑOR FRANC WEERWIND Diamars merdia, Prome Minister Evelyn Wever-Croes a reuni cu Minister di Proteccion Huridico na Hulanda, señor Franc Weerwind. Señor Weerwind a bishita Aruba, y lo sigui pa Corsou pa atende e Justitiele Vierlanden Overleg entre Aruba, Corsou, Sint Maarten y Hulanda. Prome Minister a expresa cu e reunion tabata uno positivo, na unda señor Weerwind a duna un "update" di e ultimo
desaroyonan riba e tereno di coopreracion entre Aruba y Hulanda, riba e proyectonan cu Hulanda ta trahando riba dje, y a intercambia idea riba e desaroyonan cu tin actualmente na Hulanda. Por ultimo, Prome Minister a tuma e oportunidad pa duna señor Weerwind informacion riba con fuerte Aruba ta recuperando despues di e pandemia, y unda ta e areanan cu mester enfoca mas riba dje.
LO TENE CONTROL DURANTE BOAT FEST 2024 NA NIkkI BEACH
Lo tene control durante Boat Fest 2024 na Nikki Beach. Cuerpo Policial Aruba conhuntamente cu Wardacosta lo ta controlando diadomingo 21 januari 2024 pa e actividad di Boat Fest na Nikki Beach. E permiso duna pa e actividad ta di 11’or mainta pa 6’or atardi. Wardacosta
su
patruya
nan hunto cu Maritiem Politie di Cuerpo Policial Aruba lo ta riba lama pa controla constantemente. Hunto lo percura pa e seguridad di e evento. E organisacion di Boat Fest tambe ta responsabel pa percura pa e seguridad di e publico presente. Tambe na cualkier momento por controla e documentonan necesario cu e doño di boto mester tin cune. P.or ehempel:
Vaarbewijs valido, documento di e boto cu ta stipula loke ta rekeri pa nan tin riba boto, manera entre otro: life jacket pa cada persona, coy paga candela etc. Ta haci un peticion na publico presente pa mantene nan mes na e reglanan relaciona cu e cantidad di persona cu ta
permiti riba e boto segun e documentacion ta stipula.
asina mantene e seguridad riba tera.
Ta pidi publico pa disfruta di e dia pero tene cuenta cu uzo di alcohol y tene consideracion cu hende riba lama mirando cu lo tin aglomeracion di hende y boto.
Ta recorda cu pa 6’or di atardi e evento lo stop i esaki ta nifica cu lo mester paga tur musica. Hefe di districto di Oranjestad a reuni cu esnan encarga cu e evento pa asina repasa den e rekisitonan poni den e permiso.
Polisnan riba tera lo pasa controla constatemente pa
Pag. 4
DiaHUEBS 18 janUary 2024
TIPS dI SegurIdad Pa TemPorada dI Carnaval obSeguIa Pa InveST SeCure
Ningun hende ta liber di cualkier kiebro of intruso, sinembargo Abo como individuo por hasi algo pa limita e oportunidad di por bira victima. Percura pa bo cura ta sera asina por evita cu cualkier persona indesea ta jega te na bo cas of edificio. Si no tin cura percura pa bo porta y bentananan ta bon sera. Hasi uso di un bon candal riba bo portanan y bentanan tambe ta protehi. Corta matanan rond di bo propiedad na un haltura cu bo cas /negoshi ta visibel for di un distancia cu por mira di paden pa pafor y vice versa. Pues no obstaculisa bo bista, ni pa otro. Ora di sali di cas/ negoshi laga sea ta radio of television sendi pa simula cu por tin hende presente, tambe tuma tempo pa averigua si tur porta y bentananan ta bon sera. No laga material di trabou pafor di
bo cas of negoshi cu lo por word usa pa kibra of drenta bo cas of negoshi. Semper laga un vehiculo dilanti di bo cas y percura pa e stuur ta helock den un angulo cu ta dificil pa por pusha esaki for di bo garashi of pa un distancia. Laga lusnan pafor sendi anochi y specialmente ariba di bo entrada di porta of bentana. Tambe paden laga lusnan chiquito sendi. No laga bo jabi di spare pafor di bo cas sea den baki mata / bou mat of cualkier otro caminda cu ta usual. Zorg pa traha suficiente jabi di spare. Biba bon cu bo bisinja asina durante di bo ausencia nan por tira un bista riba bo cas of pertenencianan. No laga nota pega na bo postbus cu lo bo ta ausente pa cierto tempo largo pasobra tempo ta loke ta mas gusta. No duna entrada na ningun desconosi na bo cas, sea pa uso di telefon,
flattire of pa cualkier otro trabou sin busca identificashon. Tene cuenta kiko bo ta contesta y informa un desconosi na telefon cu lo por compromete bo mes y/of esnan cu ta keda cas of den negoshi. Na final percura pa conecta bo alarma na un central di alarma cu ta ocupa 24 ora, patrol 24 ora y tambe techniconan cu por asisti bo durante oranan mas necesario. INVEST SECURE mediante esaki kier comparti e tipsnan aki pa juda nos comunidad pa un mihor proteccion di nos mes y nos pertenencianan. Pa cualkier informacion adicional relaciona cu proteccion di bo cas of negoshi por jama INVEST SECURE libremente na tel : 582-7252 y traha un cita. We don't just say it... We Guarantee it !!!
dIamarS maInTa a haya auTo dI dIaluna aTardI Cu hende den dje dIlanTI SChool, a kere SIn bIda Pero SorPreSa
Diamars mainta a drenta informe di cu for di dialuna atardi a mira un Toyota Tercel para bao di un banda di e school na Washington y ainda e mainta di diamars e ta para ainda na e school cu un hende aden y ta kere cu e persona lo ta sin bida,
mesora a dirigi un patruya na e sitio. Na yegada di e patruya a bin topa un hoen drumi aden. Polis a papia cun'e y a compañe na cas di su mayornan pa atende pa un problema cu e tin cu su padastro.
DiaHUEBS 18 janUary 2024
Pag. 5
ArubA tA pArticipA nA congreso electorAl di FederAcion pAnAmericAno di pesAs
For di 13 pa 15 januari 2024 a wordo teni e Congreso Electoral di e Federacion Panamericano de Levantamiento de Pesas Esaki a wordo teni den Ballroom di Hilton hotel Miraflores, Lima, Peru. Pa Aruba a bai Sr. Hugo Themen como delegado y Sr. Michael Bereño secundo delegado. Na e Congreso Electoral tabatatin participacion di 33 pais. E Congreso su periodo di cuatro aña a caba y aki paisnan di e Continente Panamericano mester vota pa e periodo di 2024 pa 2028. Varios miembro di Continente Panamericano a postula nan mes pa hanja u posicion y pa dirigi e Comite Ejecutivo nobo di e Federacion Panamericano di Levantamiento de Pesas pa e periodo 2024 pa 2028. Na e Congreso Electoral di FPLP tabata presente e Presidente Sr. Mohammed Jalood di International Weightlifting Federation y su directiva completo. E Congreso a tuma lugar dia 14 januari 2024. Pa 8:00am registracion di cada delegado y pa 9:00am a cuminsa cu e Actividadnan Protocolario di e Congreso. Despues a sigi cu palabra di Bon Bini di e Alcalde de Miraflores Sr. Carlos
Canales Anchorena sigi cu Palabra di Comite Olimpico di Peru Sr. Renzo Manyari Velazco. Palabra di Presidente di IWF Sr. Mohammed Jalood y Palabra di President di FPLP di Sr. Jose Quiñones Gonzalez. Despues a sigi cu votacion pa eligi e Comite Ejecutivo nobo di e FPLP cu a sali como lo sigiente como Presidente a keda Sr. Jose Quiñones {PER}, Secretarial Sr. William Peña (COL), Vice Presidente-1 Sra Nadia Alvarado (MEX), Vice Presidente-2 Sr. Craig Walker (CAN), Vice Presidente-3 Sr.Jorge Barcelan (CUB), Vice Presidente-4 Sr. Luis Zambrano (ECU), Tesorero Sr. Luis Seijas (VEN),Vocal-1Sra. Paula Aranda, Vocal-2 Sr. Andrew Callender, Vocal-3 Sr. Jorge España (BOL) Aruba Amateur Weightlifting kier a gradici FPLP cu cubri e gasto di Hugo y Stichting Sportsubsidie Aruba cu a cubri e gasto di Michael y ta manda palabra di pabien na nan participacion den e Congreso Electoral di e FPLP pa e periodo 2024 pa 2028.
Pag. 6
DiaHUEBS 18 janUari 2024
Prome Minister Evelyn Wever-Croes:
SINDICATONAN MES TA TARDANDO E DELIBERACIONNAN DI INDEXERING Sindicatonan ta tardando deliberacionnnan di indexering. Ya desde 25 di October, 2023, Gobierno diAruba, por medio di Minister President Evelyn Wever-Croes a invita sindicatonan SEPPA, SPA, SADA, TOPA, SIMAR, y FTA pa forma un comision pa traha riba indexering. Esaki a base di palabracionnan cu a haci entre Gobierno di Aruba y Sindicatonan ya na November aña 2019. Despues di e fecha aki, e comission no por a cuminsa traha pa motibo cu e pandemia mundial Covid a bati na nos porta y e prioridadnan a bira diferente. Sinembargo na October di aña pasa, Minister President a pidi sindicatonan pa retoma e tema aki y ehecuta e
decreto cu a wordo traha na aña 2019 y pa hunto traha riba un solucion structural di indexering. Prome Minister a enfatisa cu Gabinete Wever-Cries kier soluciona e discucion riba indexering una vez por todas. Pasobra sindicatonan, manera ta conoci, cada tanto tempo ta subi caya pa exigi indexering, Esaki, segun Prome Minister, no mester ta asina. Tin costo di bida cu a aumenta y Gobierno di Aruba asina tin pa compensa su trahadonan. Pero ta importante, Prome Minister ta enfatisa, pa yega na un formula con pa adresa esaki unabes y pa semper. Pa e motibo aki tambe, Gobierno a institui un comision consistiendo di expertonan di Gobierno y sindicatonan, pa
asina hunto bin cu un proposicion con pa atende e tema di indexering sin cu sindicatonan bay den accion cada biaha pa motibo di indexering. “Lamentabelmente, sindicatonan no a duna oido na e invitacion aki di Gobierno desde 3 luna pasa y ainda sindicatonan no a indica kendenan lo representa sindicatonan den e comision. Mientrastanto, Prome Minister a invita sindicatonan pa un reunion pa mira kico ta e problema di traha den comision y lo aclarea esaki durante di reunion. Importante ta, Prome Minister a enfatisa, cu como doño di trabou, Gobierno ta carga su responsabilidad y kier haci esaki en conhunto cu Sindicatonan. Gobierno
di Aruba ta spera cu sindicatonan bin na mesa pa papia tocante indexering y con pa regla esaki una
bes por todas pa asina tin trankilidad y siguridad pa tur trahado den e aparato gubernamental.
SETAR pRESENTE DuRANTE ACTIvIDADNAN DI CARNAvAL 70 Recientemente a tuma luga Tumba lnfantil y Hubenil y Calypso y Roadmarch Infantil y Hubenil den cuadro di celebracion di nos dushi Carnaval. Cada evento a conta cu tremendo acogida y apoyo pa nos muchanan y hobennan. SETAR como sponsor oficial di Aruba su Carnaval ta felicita tur e participantenan y ganadornan cu nan bunita presentacion y cancionnan. Rey di Tumba Infantil – Ian Tromp (Ian Way): B’a Flecha mi Curason Reina di Tumba Hubenil – Jetzenia Martines (Queen Shine): Den Nos
Cos Calypso King Infantil – J-Vyon (Jiv-Mariachi): Duna Nos Amor Calypso Queen Hubenil – Ivy-Ann Browne (Queen Ivy): Give Thanks and Praise Roadmarch Queen Infantil – Zanae Vesprey (Easy Z): Colors Roadmarch Queen Hubenil – Jetzenia Martines (Queen Shine) Arubian Sauce Ban sigui apoya nos muchanan y hobennan durante e temporada di Carnaval 70 y sigui engrandece nos cultura di Carnaval bou di nos futuro generacion.
Pag. 7
DiaHUEBS 18 janUary 2024
Minister Endy Croes:
A TRATA ALGUN PUNTO ESENCIAL PA MEHORACION DI BIBLIOTECA NACIONAL NA SAN NICOLAS : Recientemente, Minister di Enseñansa y Deporte Endy Croes a reuni cu directora di Biblioteca Nacional Aruba (BNA) Sra. Astrid Britten, director di Dienst Openbare Werken Aruba (DOW) Sr. Marlon Croes y staf y Sindicato di Empleadonan Publico y Priva Aruba (SEPPA) pa dialoga specificamente riba Biblioteca Nacional na San Nicolas. Pa algun tempo caba, tin basta peticion riba algun punto cu no ta den condicion optimal na Biblioteca Nacional na San Nicolas.
Pa e motibo aki, a reuni pa tur partido ta na altura kico ta e necesidadnan cu tin y pa tur hende ta riba mesun linea. A palabra cu DOW pa haci un evaluacion completo, primordialmente riba e puntonan aki, pero tambe riba otro aspectonan. E evaluacion aki lo tuma luga durante e prome kwartaal di e aña 2024, pues di awo pa maart lo tin e documento aki cu e costo pa inicia cu e restauracion. Unabes cu tin e documento riba mesa, lo bini bek
hunto pa despues atende esaki cu demas coleganan minister y finalmente cu Departamento di Finansas pa aloca fondo pa traha riba e aspectonan aki. En berdad DOW ta hopi ocupa, haciendo diferente trabou, entre otro, evaluacion na tur scol di Aruba den cuadro cu Landspakket pa Minister di Enseñansa Endy Croes, pero a haci un compromiso cu nan lo inicia cu e evaluacion pronto na BNA San Nicolas. Unabes cu DOW ta cla cu e evaluacion
y tin fondo disponibel lo por cuminsa planifica ki tempo precies lo inicia cu e restauracion di e puntonan cu ta rekeri di mas atencion na BNA San Nicolas. Pa finalisa, Minister Endy Croes a indica cu e tabata
un bon reunion, unda a haci diferente palabracion concreto pa mehora algun aspecto importante na Biblioteca Nacional na San Nicolas.
Prome Minister Evelyn Wever-Croes: Despues cu lidernan di algun pais a urgi congreso pa respeta e voz di e pueblo
PRESIDENTE ARÉVALO A HURAMENTA DEMOCRATICAMENTE COMO PRESIDENTE DI GUATEMALA
“Ocacionnan asina ta pone bo realisa con fragil democracia ta den algun pais y ta pone bo sinti mas gratitud ainda pa e stabilidad y bendicionnan cu nos tin na Aruba” E fin di siman cu a pasa, Prome Minister Evelyn Wever-Croes tawata na Guatemala pa e traspaso di mando di Presidente saliente senior Alejandro Giammanttei pa señor Bernardo Arévalo. Prome Minister a expresa cu esaki tawata un honor grandi pa por a participa pa representa Aruba y Reino na un ocasion asina importante. Sinembargo, Prome Minister a remarca, e ceremonianan no a bay sin problema. Cierto momento tawata tin hasta resistencia di parti di Congreso di Guatemala pa huramenta e Presidente nobo. Na e momento aki, algun lider, presidentenan di paisnan a yama un reunion di urgencia. Prome Minister hunto cu Presidente di Costa Rica, señor Rodrigo Chaves Robles, Presidente di Paraguay, señor Santiago Peña, Minister Presidente di Belize, señor Johnny
Briceño varios canciyer, Presidente di Organization of American States (OAS), señor Luis Almagro y tambe representante di Union Europeo, señor Josep Borrell, a emiti un declaracion den cua nan a urgi Congreso pa respeta e voz di e pueblo di Guatemala, cu pa mas di 60% a vota pa Presidente Arévalo na augustus ultimo y pa laga su huramentacion tuma luga. Despues di un atraso di 9 ora, democracia a prevalence y e ceremonia di huramentacion di Guatemala su presidente nobo Bernardo Arévalo y vice presidente nobo Karin Herrera a tuma luga den oranan di marduga. “Di parti di Aruba y di parti di Reino Hulandes, mi ta felicita nan y desea nan hopi exito. Tambe mi ta felicita pueblo di Guatemala cu nan Presidente nobo”, Prome Minister a expresa.
Presidente Arévalo tawata tin un programa hopi ambisioso basa riba combati corupcion y respeta derecho humano. Gobierno di Aruba ta sostene esaki y Prome Minister durante su combersacion cu Presidente Arévalo a indica tambe na e presidente cu e por conta cu e sosten di Aruba y di henter Reino Hulandes den esaki. “Momentonan asina, ta momentonan grandi pa representa
Aruba. Ora cu presencia tur loke cu ta wordo haci pa stroba un presidente elegi democraticamente pa su pueblo tuma mando, ta pone bo realisa con fragil democracia ta den algun pais den nos region. Pero tambe ta pone bo sinti mas gratitud ainda pa e stabilidad y bendicionnan cu nos tin na Aruba”, Prome Minister Evelyn Wever-Croes a expresa.
Pag. 8
DiaHUEBS 18 janUari 2024
Parlamentario marco Berlis (meP) ta PaPia di; resUltadonan economico Final HoPi mas miHor cU a ProYecta oriGinalmente Gobierno impulsando nos pais riba un caminda di recuperacion structural.
Den un Openbare Bijeenkomst riba Diahuebs Januari 11 2024, minister Geoffrey Wever di Asuntonan Economico a duna un presentacion di e economic outlook di nos pais cubriendo 2023-2025. Minister Wever a haci un presentacion den Parlamento di cifranan comparando y dunando resultado di proyeccionan realistico di nos economia. Mester bisa cu enberdad nos pais no ta djis recuperando sino tambe ta recuperando mas fuertemente cu a proyecta originalmente. Esaki ta algo remarcable, pasobra awor pueblo por constata cu e proyeccionan di gobierno no a keda djis na pronosticonan sino tambe a cristalisa berdaderamente. Henter Parlamento por a constata esaki, y pe motibo aki no tabata tin mucho pregunta y poltikeria haci cu e presentacion. Siguientemente mi ta bai duna un resumen di e presentacion di e “economic outlook” den Parlamento. Crecemento economico 2023-2025 1. Na final di 2023 e bisa cu e economia di Aruba a crece cu
10.1%. Esaki ta un crecemento hopi grandi. Sinembargo ricibiendo e cifranan final a constata cu e economia a crece realmente cu 13.7%. Esaki ta 3.6% mas cu a constata originalmente. Esaki ta indicacion fuerte cu nos economia ta creciendo stabil, y di un forma structural ta expandiendo dor di un maneho responsabel di gabinete Wever-Croes-II. 2. Economia di Aruba a crece 112% compara cu 2019, cu tabata e aña record den turismo pa nos pais den pasado. 3. Minister Wever a splica cu a recupera loke a perde na 2020 y awor un crecemento mas modera di nos economia ta proyecta. E crecemento economico pa 2024 ta 3.0% Inflacion pronostica y real 2023-2025 Gobierno a pronostica un inflacion di 4.4% originalmente sinembargo esaki a baha te na 3.6% segun e ultimo datosnan. Esaki sigur ta un gran logro atrobe. Inflacion pa 2023: 3.6%, pa 2024: proyecta pa yega 3.5% y pa 2025 e
ta yega 2.7%. Adicionalmente IMF ta pronostica cu inflacion entre 2023-2025 lo ta; 2023 – 4.5%, 2024 – 2.3%, 2025 – 2.1% Otro proyeccionan. 1. Proyeccionan di inversion priva: pa 2023: 1.5 Biyon florin. Esaki ta un crecimiento di 39.6% y 112% di nivel di 2019. Na 2024 tambe e lo ta 1.5 Biyon florin. Esaki lo ta un 0.2% y 112.3% di nivel di 2019. Manera pueblo por wak, tin crecimento tur caminda. 2. Entrada di Turismo: 2023 entrada di Turismo a yega 4.7 Biyon florin. Esaki ta 15.9% y 136.2% di nivel di 2019, cu tabata un aña di record den Turismo. Na 2024 entrada di Turismo tabata 5.1 Biyon florin, esaki ta 6.6% y 145.1% di nivel di 2019. 3. Crecemento di GDP: na 2022 GDP di nos pais tabata na 5.2 biyon florin. na 2023 e tabata 5.5 biyon florin. Na 2023 nos a conoce un crecemento di 4.8% di nos GDP compara cu 2022. Otro logronan Pueblo no mester lubida cu recientemente tambe cifranan
historico di desempleo a keda publica y anuncia pa minister di Labor sr. Glenbert Croes. Desempleo a baha te na 4.3%. Esaki tambe ta un indicador fuerte cu tin mas hende trahando cu ta hayando entrada pa nan hogar. Tambe otro bon noticia tabata e hecho cu 5.1% mas hende a haya empleo den sector priva. Un bon economia ta sigura cu comerciatenan por expande nan negishi, emplea mas hende, y di e forma aki e recuperacion economico di nos pais tambe ta alcansa e hogar y famianan di nos comunidad.Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento. aw / Bo parlamentario y sirbidor di pueblo na bo ordo semper!
Minister Geoffrey Wever:
Proceso Pa desaroYa Un KooPKracHtmodel Pa arUBa a start Minister Geoffrey Wever durante tratamento di begroting 2024 di Ministerio di Asuntonan Economico, Communicacion y Desaroyo Sostenibel den december 2023 a elabora riba e necesidad grandi pa un “koopkrachtmodel”. Un “koopkrachtmodel” ta un instrumento di maneho pa midi e posibel impacto di maneho riba e poder di compra di hogarnan na Aruba. Pais Aruba actualmente no ta dispone di un modelo asina. Basa riba peticion di Minister Geoffrey Wever Conseho di Ministerraad 12 di januari a duna aprobacion pa inicia e proceso pa
traha un “koopkrachtmodel” pa Aruba. Pa haci proyeccion di desaroyo di nos economia Departamento di Asuntonan Economico, Comercio y Industria ta haci uzo di e modelo macroeconomico MARUBA. Cu e modelo MARUBA no ta posibel midi e impacto di maneho riba e poder di compra di hogarnan na Aruba. Un meta importante di maneho economico ta pa mehora e poder di compra di tur ciudadano. Pa logra e mehoracion di poder di compra ta necesario pa tin un instrumento manera e “koopkrachtmodel”. Un “koopkrachtmodel” ta haci
posibel pa na un manera efectivo implementa maneho cu un impacto positivo riba e poder di compra na Aruba. Como instrumento di maneho, e “koopkrachtmodel” lo contribui na mehoracion di e poder di compra. Pesey ta esencial pa aloca e fondonan necesario di mi begroting pa traha un “koopkrachtmodel” pa asina por tin miho bista con e poder di cumpra di hogarnan ta wordo influencia ora ta implementa maneho segun minister Geoffrey Wever. Ministerio di Asuntonan Economico, Comunicacion y Desaroyo Sostenibel lo sigui informa riba e proceso pa traha
un “koopkrachtmodel”, un instrumento di maneho cu lo contribui na traha y implementa maneho.
Pag. 9
DiaHUEBS 18 janUary 2024
Caribe su uniCo Hotel CertifiCa Carbon-neutral ta Habri aña nobo Cu sCore PerfeCto di Green Globe
EAGLE BEACH, Aruba – 5 januari 2024 – Bucuti & Tara Beach Resort, Aruba, e destinacion romantico sostenibel y clasifica como top, ta anuncia e logro di un score impecable den su reciente audit di Green Globe. E prome y unico hotel certifica carbonneutral ( Caribbean’s first and only certified carbon-neutral hotel) ta demostra un compromiso firme cu responsabilidad ambiental y social, ganando pa decadanan premio pa su dedicacion na sostenibilidad, cu recientemente a inclui un aparicion na conferencia global encuanto cambio di clima di Nacionnan Uni, COP28. Dunando oido na un suplica global, tumando accion Green Globe a nace di e Cumbre di Tera 1992 (Earth Summit) clave di Nacionnan Uni, na Rio de Janeiro. Bucuti & Tara rapidamente a bira un miembro ‘charter’ como cu Propietario/CEO Ewald Biemans tabata profundamente inspira pa e conferencia cu a mira convenio di 182 pais resultando den un promesa unifica apoyando e Agenda di 21 principio di desaroyo sostenibel. Tres decada despues, e Standard Internacional pa Turismo Sostenibel di Green Globe ta dedica na industria di biahe y turismo, su comunidad y stakeholdernan. E Standard ta reconoci pa Conseho Global di Turismo Sostenibel (Global Sustainable Tourism Council) y Green Globe ta un Miembro Afilia di United Nations World Tourism Organization (UNWTO), cu frecuentemente ta haci un yamado na Bucuti & Tara, un miembro Platina di Green Globe, como un ‘faro’ pa su programa di sostenibilidad “altamente reproducible y expansible”. Haci historia cu vista pa futuro E certificacion di Green Globe ta un programa reconoci mundialmente cu ta evalua prestacion den sostenibilidad di empresa di biahe y turismo. Su acercamento holistico ta honra hende, lugar y prosperidad pa tur. Bucuti & Tara su score perfecto di 100% ta refleha nan iniciativanan integral y nan esfuersonan continuo pa minimalisa nan impacto ambiental mientras ta fomenta contribucion social positivo. Na 2020 Bucuti & Tara a haci historia ganando e prome score perfecto di 100% pa un bishita ‘onsite’ hamas otorga pa Green Globe y a ser nombra “World’s Most Sustainable Hotel/Resort.” Cu e score perfecto aki, Bucuti & Tara ta continua haciendo su posicion mas solido como un lider den turismo sostenibel. E resort a logra e hecho remarcable aki demostrando excelencia den tur 56 indicador di Sostenibilidad, Patrimonio Social/ Economico y Cultural, y Ambiental, manera describi. Conservando y celebrando su beyesa natural y su patrimonio cultural mientras ta contribui na su comunidad local, Bucuti & Tara a involucra den
su plan di sostenibilidad di atende mas di 400 actividad haci na tur nivel di e resort. Ganando e mas reciente score perfecto, logronan notable den e ultimo aña a inclui: ● Conservacion di naturalesa. Establecimento di Conservacion di Naturalesa (The Bucuti & Tara - GMC Nature Preserve ) y e plantamento di 650 mata endemico ta demostra e dedicacion na conservacion ambiental di e resort. ● Bienestar di empleado y prestamo berde. Bucuti & Tara ta provee un aumento substancial na nan empleadonan pa cubri inflacion, sigurando nan bienestar y stabilidad financiero. Ofreciendo sistema solar na hogar di empleado na un tarifa reduci y proveendo opcionalmente prestamo berdedi interes abao pa material manera vehiculo electrico, esaki ta extende e compromiso cu sostenibilidad fuera di e resort mes. ● Expansion di e sistema solar ‘on-grid’. E resort a aumenta capacidad di su sistema solar conecta cu red (‘on-grid’) cu 30kWp y ta trahando activamente den direccion di hiba parti di e edificio di Bucuti operando separa di e red publico. ● Promoviendo transporte pa trabao sostenibel. E instalacion di charger pa Vehiculo Electrico liber pa uza pa empleado tin como obhetivo encurasha transporte pa trabao sostenibel y reduci e costo general di bida pa empleado. ● Mehoracion di eficiencia. Bucuti & Tara a mehora medida pa uzo di electricidad y awa, logrando conocimento valioso pa mehora eficiencia. A instala 12 aparato solar di awa cayente, bahando uzo di gas cu 50 pa 60%. Pa despues elimina e uzo di gas cu a keda, a instala dos aparato di awa cayente a base di ‘heat pump’ reemplasando aparato di awa cayente standard a base di propano. E solucion innovativo aki ta unico pa Bucuti & Tara na e isla. Compara cu aparato di awa cayente electrico, e ‘heat pump water heating system’ ta cuatro o cinco biaha mas eficiente. ● Terminacion gradual (phase-out) di combustibel fosil. A tuma paso significante pa termina gradualmente uzo di combustibel fosil, incluyendo elimina combustibel fosil den 60% di e cambernan di e resort, reemplasando luz di parking lot cu luz LED solar, y logrando recertificacion pa LEED y Travelife. Cu vista riba 2024, Bucuti & Tara ta continua buscando logro di nan meta di ‘Net Zero’ cu mas iniciativa na caminda caba: ● Bira Net Zero den Scope 1 y 2. E resort ta cabando gradualmente combustibel fosil den e resto di areanan di e resort, incluyendo facilidad di
restaurant y laundry. ● Expansion separa di red Kita parti di e edificio di Bucuti completamente di red publico cu sistema solar y di bateria. "Nos ta increiblemente honra ricibiendo otro score perfecto di Green Globe reflehando nos compromiso firme na turismo sostenibel y responsabel. Bucuti & Tara Beach Resort su logronan durante ultimo aña y nos plannan ambicioso pa 2024 ta subraya nos dedicacion pa haci un impacto positivo riba tanto comunidad local como medio ambiente,” Ewald Biemans, Owner/CEO of Bucuti & Tara Beach Resort, ta bisa. Haya sa mas bishitando Bucuti.com IMAGEN & VIDEO Imagen ta den e Dropbox folder aki. Imagen y video ta den e private media gallery. Tocante Bucuti & Tara Beach Resort Declara e prome hotel CarbonNeutral® den Caribe na augustus 2018, Bucuti & Tara Beach Resort Hotel No. 1 Hotel den Caribe y No. 18 den Hotel Mundialmente, segun Tripadvisor. Aruba su ‘adults-only boutique resort’ principal ta lidera pa e hotelero y ambientalista honra Ewald Biemans, nombra pa Caribbean Journal como e ‘2017 Caribbean Hotelier of the Year’. E resort ta situa riba e santo blanco inmacula di Eagle Beach, hogar di tortuga marino y nombra un di e “Dream Beaches of the World.” Hogar di e Experiencia Vacacional Mas Sigur y Mas Saludable di Caribe, y di e seyo di Aruba su Codigo di Salud y Felicidad (Health & Happiness Code seal), Bucuti tin 104 guestroom, suite y penthouse bon ocupa. E ta ofrece sunbed y sombra pa cada huesped; ‘infinity pool’ di awa fresco; spa; WiFi; y iPad como gesto pa uzo durante estadia. Por disfruta cena ganador di premio na oriya di lama na Elements, Tara Lounge y tambe tin sirbi cena priva riba beach. Reserva exclusivamente pa huesped y nan amigonan, SandBar den aire liber ta ofrece cocktails di prome categoria y musica bibo diariamente hunto cu e prome ‘Healthy Hour’ di Caribe. E resort ta IGLTA y TAG Approved® como un ‘LGBTQ-friendly’ hotel. Bucuti & Tara, un lider mundial di turismo sostenibel, tin certificacion ‘eco’ di CarbonNeutral®, LEED Gold, Green Globe Platinum Travelife Gold y a ser nombra e Hotel/ Resort Mas Sostenibel di Mundo na 2016 pa Green Globe. Na 2023, e resort a bira e miembro mas recien di Regenerative Travel.
Pagina 17 DiaHUEBS 18 janUari 2024
DIARAZON Pag. 10 10 JANUARI 2024
Chauffeur di Suzuki Swift a dal na e median yegando rotonde Pos Chikito a dal na e median y kentel Diaranson madruga a drenta informe di un accidente cu hende herida net pabao di rotonde Pos Chikito. Mesora a dirigi tanto polis
como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Suzuki Swift pa un motibo of otro a dal e median y
a kentel.Nna yegada di e ambulans nan a atende e chauffeur na e sitio mes y despues nan por a sigi nan rumbo. Polis a sera e caminda pa asina por a atende e accidente aki.
Esaki lo ta e casonan cu lo ser trata den Sala di Corte di Prome Instancia 18 y 19 di Januari 2024 Corte di Prome Instancia 18 januari 2024 Horario Sospechoso Acto Castigabel 14.00 G.U.J.P. Pro forma. P. ta wordo acusa di a abusa sexualmente di tres persona riba tresdiferente fecha, esta, 28 di maart 2023, 26 di april 2023 y 28 di oktober2023. 14.00 Y.M.T.
e varios biahacu un biga na su cabez y na su curpa, a consecuencia di cual e hende a resulta gravemente herida. E ta wordo acusa di a maltrata un otro persona intencionalmente riba e dia en cuestion, dor di dal e varios biaha cu un biga na su curpa, a consecuenciadi cual e hende aki tambe a resulta herida di gravedad. E ta wordo acusa di intento di ladronicia cu violencia di dos truck di un compania riba e mes 10 di oktober 2023. E violencia tabata dirigi contra dospersona y a encera cu C. a dal nan mokete den cara y a menaza nan cu un raspo. 14.00 J.B.
E.R.F.
Pro forma. B. ta wordo acusa di a viola ley di droga riba 7 di oktober 2023.
J.A.C.
Corte di Prome Instancia 19 januari 2024
Pro forma. M.T. ta wordo acusa di a viola ley di droga den e periodo di 8 di augustus 2023 te 18 di september 2023.
Horario
R.F. y C. ta wordo acusa di a viola ley di droga den e periodo di prome di augustus 2023 te 20 di september 2023 y den e periodo di prome di augustus2023 te 25 di september 2023. 14.00 J.P.T.G.C. Pro forma. C. ta wordo acusa di kiebro y ladronicia di van di un companiariba 10 di oktober 2023. E ta wordo acusa di ladronicia di un caha di placa riba e fecha menciona. E ta wordo acusa di intento di asesinato di un persona riba 10 di oktober2023, dor di hinke varios biaha cu un cuchio na su nek y dal
Sospechoso
Acto Castigabel 08.30 G.D.K. K. ta wordo acusa di posesion di un arma di candela riba 13 di juni 2023 y di a viola ley di droga riba 2 di oktober 2022. 09.15 C.A.v.A. V.A. ta wordo acusa di abuso sexual di nuebe persona menor di edad den e periodo di april 2019 te februari 2022. E ta wordo acusa di a viola castidad y decencia na lugarnan publico (den cercania di dos scol y na Seroe Blanco) den e periodo di december 2021 te febuari 2022, dor di mustra su parti intimo y masturba. E ta wordo acusa di distribucion y posesion di pornografia infantil di aña2019 te aña 2022, dor di saca potretnan di un persona menor di edad. E ta wordo acusa di intencionalmente manda fotonan ofensivo y indecente di su parti intimo na tres of mas persona den e periodo di april 2019 te februari 2022. V.A. ta wordo acusa di a viola decencia na un lugar publico (un hotel) riba 20 di februari 2023, dor di drenta baño di damas y mustra un persona su parti intimo.
Pagina 19 Pag. 11
DIARAZON 10 20242024 DiaHUEBS 18JANUARI janUary
Recherche a confisca evidencia di caso di atraco cu hincamento Diamars mainta recherchenan hunto cu e oficialnan di e seccion di criminalidad a bay Eagle Beach pa confisca video di evidencia di atraco
capta pa camara di seguridad cu a logra haya e sospechoso y e victima como tambe e forsageo durante e atraco
PUEBLO A HHAÑA SU PEN BEK
Pa kualkier informacion solodipueblo@gmail.com of
☎ 585-9500
Un dia fructifero y cu Dios brasa boso cu Su amor paternal
”A traha sabbat pa hende y no hende pa sabbat”(Marco 2, 27) Evangelio di awe ta yama nos atencion riba loke ley ta regla den bida: ordena e relacion den nos comunidad pa haci nos bira consciente di nos propio responsabilidad den e sociedad di cual nos ta forma parti como ser humano. E palabra ”ley” of regla por irita nos un poco. Principalmente ora nos atencion wordo yama riba loke nos a haci robes of ora nos a keda sin haci algo. E camindanan di Dios no ta nos camindanan pa via di nos debilidad como ser humano. Den nos relacion cu nos ruman, ta surgi problema, pregunta, disgusto cu tin biaha nos no por comprende. Experiencia humano ta mustra nos tentacion humano. Como ser humano nos tin tendencia di haci hende catibo di ley. Mientras cu ley a wordo diseña pa sirbi humanidad, tin bes nos no por comprende e actitud di nos ruman. Tin bes hasta nos no por comprende nos mes actitud. Nos ta bira consciente di esaki ora nos tuma nota cu Dios no ta scoge poderosonan pa cumpli cu Su trabou aki na mundo. Al contrario, E ta scoge humildenan pa mustra poderosonan Su caminda. Oracion: Señor, manda nos Bo Spirito Santo, e Spirito di amor pa nos sa di busca Bo camindanan pa por sirbi nos rumannan den tur humildad. Amen.
Pag. 12 20 Pagina
DIARAZON JANUARI2024 2024 DiaHUEBS 18 10 janUari
E PIKANAN DI INMORALIDAD Y DI DESHONESTO Den Bijbel Genesis 19: 1-23; E dos angelnan a jega na e ciudad di Sodoma atardecer. Lot tabata sinta na e entrada di e ciudad. Ora Lot a mira e angelnan, el a lanta bai ricibinan y a hinka rudia y a buig te na suela. I a bisa nan: “Sea asina bon di bin pasa anochi na mi cas. Mayan mainta trempan, boso por sigi boso caminda.” Nan a bisa: “No, nos lo pasa e anochi na plaza.” Pero Lot a insisti tanto, cu nan a sigi Lot na su cas, na unda Lot a prepara un bon cuminda pa nan y a traha pan sin zuurdeeg y nan a come. Pero prome cu nan tabata bai drumi, tur e hombernan di Sodoma, sin excepcion di hobennan y ancianonan, nan a rondona e cas. Nan a jama Lot y a bis’e: “Na unda e hombernan ta, cu a jega bo cas anochi? Sakanan afo, pa nos tene relacion sexual cu nan.” Lot a sali y serando e porta a bisanan: “Mi ta roga boso mi rumannan, no comete tal maldad aki.” Pero nan a responde: “Hala un banda, bo a bini como estranhero y bo kier actua como huez. Awor nos lo bai trata’bo peor cu e otronan.” Nan a pusha Lot un banda y nan a cuminsa kibra e porta pa drenta. Pero e dos angelnan cu tabata para na e porta, a haci tur di nan bira ciego, desde di e mas hobennan te hasta di e mas ancianonan y nan tur no por a mira mas. E dos angelnan a bisa Lot: “Bo tin di sali for di e ciudad aki, tuma bo yiunan y tur loke ta pertenece bo. Nos ta bai destrui e ciudad aki, pues ta hopi ta e kehonan pisa tin contra di e habitantenan di Sodoma y a jega te na Dios. Y Dios a manda nos pa destrui el’e. Solo a caba di sali, ora Lot y su famia a jega Soar. E ora ey Dios a
laga jobe riba Sodoma y Gomorra, candela y asufre, cu a bini for di cielo. Y asina Dios a destrui e dos ciudadnan grandi cu tur su habitantenan, henter e region y cu tur loke tabata crese eynan.” Awor nos por comprende, cu e dos ciudadnan grandi di Sodoma y Gomorra tabata habita pa homosexualnan, lesbiananan y bisexualnan etc. Tur e hombernan di Sodoma incluyendo hobennan y ancianonan a rondona e cas di Lot y nan a bisa Lot: “Na unda e hombernan ta, cu a jega bo cas anochi? Sakanan afo, pa nos tene relacion sexual cu nan. Y Lot a bisanan: “Mi ta roga boso, no comete tal maldad aki.” E maldad aki cu Lot a bisa, ta e pikanan di deshonesto y di inmoralidad na unda cu nan ta deshonra nan curpa den e mesun sexo, cu ta oral y anal sex. P'esey, Dios a laga candela y azufre devora tur e habitantenan y tur nan alma a wordo condena y tira den fierno pa eternidad. P’esey, akinan no ta trata di libertad di expresion, akinan no ta trata di descriminacion, akinan no ta trata di referendum, akinan no ta trata di union civil, akinan no ta trata di derechonan humano, akinan no ta trata di igualdad etc.. Pero akinan ta trata, cu e palabranan di Dios mester wordo respeta y cumpli y cu e Leynan di Dios mester wordo obedece. Dios ta bisa den Bijbel Levitico 18: 22 ; “Lo bo no tin relacion sexual cu un homber manera cu sa haci cu un muher, esey ta algo abominabel.” Tambe Dios ta bisa bon cla den Bijbel Levitico 20: 13 ; “ E homber cu drumi cu un homber manera ta drumi cu un muher, nan dos ta comete actonan repugnante, nan
dos lo muri y nan sanger lo cai riba nan.” Condenacion, Bijbel 1 Corinthionan 6: 9-10 : “Bosonan no sabi cu esnan cu ta comete inhusticia, nan lo no drenta den e Reino di Dios? No ganja boso mes! Na esnan cu ta bishita e prostitutanan, na esnan cu ta adora diosnan falso, na esnan cu ta comete adulterio, na esnan cu ta haci relacion sexual prohibi, na esnan kibradornan di matrimonio, na esnan homosexualnan, na esnan cu ta drumi cu homosexual, na e abusadornan di hobennan, na e ladronnan, na e golosnan pa plaka, na e alcoholiconan, na e calumniadornan, na e ganjadornan, ningun di nan lo no drenta den e Reino di Dios.” Awor, e hendenan di Sodoma y Gomorra, ta nace nan a nace homosexual, lesbiana etc. of ta bira nan a bira asina pa motibo di e tentacionnan inmoral, pa motibo di e abusonan sexual y pa motibo di e mal pasionnan sexual di satanas haci pa su discipelnan? Awor, ta cual di e leynan boso nan kier bin impone pa e pueblo? E leynan di satanas y di su discipelnan pa hendenan wordo condena den candela di fierno mescos cu Sodoma y Gomorra? Of e leynan di Dios pa hendenan wordo salba y pa nan por drenta den Gloria di Dios? Den e Leynan y den e Mandamentonan di Dios den Bijbel ta bisa: “Lo bo no comete e pikanan di relacionnan sexual prohibi, no comete e pikanan di inmoralidad y no comete e pikanan di deshonesto.” Awor, ta na unda bo kier bay despues di morto? Den candela di fierno pa eternidad of den e Gloria di Dios pa bida eterna?
VALIDO TE DIAHUEBS 18 DI JANUARI 2024, 18:00 ORA TEMPO: AWE TARDI Y AWE NOCHI: PARCIALMENTE NUBLA CU UN POSIBLE AWACERO PASAJERO DEN MARDUGA Y MAYAN: PARCIALMENTE NUBLA CU UN AWACERO PASAJERO TE BREVE
AVISO/ ALERTA: UN AVISO PA BOTO CHIKITO TA NA VIGOR PA PARTINAN OOST TE NOORDWEST DI COSTA Y RIBA LAMA HABRI. PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO BREVE. BIENTO LO TA FOR DI DIRECCION OOST Y MODERA TE BASTA FUERTE, FUERTE TE DURO DEN RAFAGA; TEMPERATURA (GRADO CELSIUS) MAX / MIN LO TA: 32 / 26
PAG. 13 Pagina 21
DIAHUEBS 18 JANUARY 2024 DIARAZON 10 JANUARI 2024
Minister Geoffrey Wever:
Minister Geoffrey Wever a nombra Presidente y Secretaris nobo di Huurcommissie
Ayera tabata tin un prome reunion entre e Minister
di Asuntonan Economico, Sr.
Geoffrey Wever, y e presidente nobo di Huurcom-
missie, Sra. Mr. Monica Kock y secretaris nobo di Huurcommissie Sra. Mr. Marlee Lacle. Ya pa algun tempo Minister Wever a encamina e proceso cu ta enfoca riba profesionalisa y modernisa e Huurcommissie pa asina por brinda un miho servicio na comunidad. Aña pasa, un profielschets a ser estableci pa e miembronan y secretario di Huurcommissie, detayando e normanan di calidad y experticio cu cada miembro y secretario mester cumpli cu nan. Despues di publica vacature pa varios puesto den Huurcommissie aña pasa y pasa proceso di seleccion, awo minister Wever tabata tin e placer di por presenta un presidente nobo y un secretaris nobo. Durante e reunion di
ayera, a discuti varios topico relaciona cu mehoracionnan pa asina por agilisa e procesonan den Huurcommissie. E mehoracionnan aki ta inclui digitalisacion y optimalisacion di e procesonan necesario pa asina mehora e funcionamento di Huurcommissie, no solamente pa proteha e derechonan di e huurdonan, pero tambe pa e verhuurders. Minister Geoffrey Wever ta mira padilanti pa un periodo di bon trabou y mehoracion, y ta desea e Presidente y e Secretaris nobo di Huurcommissie tur clase di exito y tambe ta gradici e Presidente saliente Sr. Sommer y e Secretaris saliente Sr. Raymond Boekhoudt pa e trabow importante cu nan a eherece pa Huurcommissie.
zuid y door cu e no a mantene distancia ni regula su velocidad a bay dal tras di e auto. Debi na e impacto
y caida e motociclista a resulta herida. Na yegada di e ambulans nan a atende y transporte pa hospital.
Motociclista herida despues di a bay dal tras di un auto para pa bira na man robes
Diamars mainta a drenta informe di un accidente cu hende herida na Piedra Plat, mesora a dirigi tanto
polis como ambulans na e sitio. Na yegada di e patruya a bin compronde cu aki ta trata di un accidente
unda cu un motociclista bayendo pabao no a ripara cu e auto su dilanti tabata para na e crusada pa bay
Pagina Pag. 14 32
DIARAZON 10 JANUARI 2024
DiaHUEBS 18 janUari 2024
Dama cu tabata "jog" mey anochi pa su salud a ser atraca y hinca na Eagle Beach
Dialuna casi mey anochi a drenta informe di un caso di atraco cu hincamento na Eagle Beach, mesora a dirigi tanto polis como ambulans na e sitio. Na
yegada di e patruya a bin encontra un dama herida pa un hinca cu ta declara cu ela caba di ser atraca pa un homber cu a bay den un auto shinishi direccion
panort. E homber a purba atrake y a lucha contra dje y den esey e homber a hinke cu cuchiu na su ribchinan y
a bay cu su telefon celular cual ta e unico cos cun'e na e momentonan ey. Un patruya cu tabata cerca a bay rondea e auto pero no a logra topa cun'e.
Mientras ambulans a yega y atende e dama. Recherche a ser avisa y e investigadornan technico y forensyco tambe a bini na e sitio.
Despues di a caba di drecha e tire di dilanti postbode a dal abao debi na habon! Diaranson mainta a drenta informe di un incidente cu hende herida na Montaña, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un postode cu a hiba drecha e tire di
dilanti na Montaña y saliendo for di eynan e habon na e tire di dilanti ela slip dal abao y herida su brasa robes. Na yegada di e ambulans nan a atende y a transporte pa hospital pa tratamento mas extensivo.
Pag. 15
DIARAZON 10 JANUARI 2024
DiaHUEBS 18 janUari 2024 Pagina 23
Cu gran tristeza na nos curason nos ta participa fayecimento di nos ser stima
Drs. Emile Weststrate 27 januari 1946 – 17 januari 2024
Docter di cas Ex-presidente di HAVA Co-fundador di Huisartsenopleiding Aruba Ex-miembro di Raad van toezicht di Dr. Horacio Oduber Hospitaal Ex-miembro di tuchtraad di Hof van Justistie di Aruba y Curacao
Tipline: 585 9500 e-mial: solodipueblo@gmail.com
Medico di deporte Medico di malesanan tropico Miembro di grupo veterano di Aruba Dolphins Acto di entiero lo wordo anuncia despues.
Pagina Pag. 16 18
DIARAZON JANUARI2024 2024 DiaHUEBS 18 10 janUari
FORTALEZA PA FAMIA Scirbi pa Pastor Marcel Balootje.
BAO DI E SOMBRA DI E TODOPODEROSO Seguridad di esun cu ta confia den Señor. Esun cu ta biba bao di proteccion di e Haltisimo,lo permanece den e sombra di e Todopoderoso. Lo mi bisa Señor, Mi refugio, mi forti, mi Dios den Kende mi ta confia. ( Salmo 91:1-2). Pasobra bo a haci Señor, Kende ta mi refugio, e Haltisimo bo lugar di biba, nada malo.lo no pasa cu bo, ni ningun plaga lo yega serca bo tent. Pasobra e lo duna Su angelnan encargo tocante di bo, pa wardabo den tur bo camindanan.(Salmo 91:910-11). Sombra di altisimo, ta un lugar cu tur hende cu ta confia den Dios mester conoce, pasobra eynan tin seguridad, paz, amor, trankilidad y mas cu tur cos goso den Señor. Pa nos yega ey nan , nos mester tin Cristo Hesus como Señor y Salbador y na prome lugar den nos bida, Pasobra Cristo a siña nos pa nos keda den dj’E, pasobra E ta e mata di wijndruif y nos ta e ramanan, un rama no por biba si e no ta pega den e
mata. Salmo 91 no ta un salmo pa pone riba mesa den sala, pa haci show, pero ta un yamada pa hala mas serca Señor y dune tur nos confiansa, laga e bira nos refugio, pasobra ta solamente den dj’E nos por confia den momentonan di peliger. E salmo ta splica nos hopi cla, e nivel di refugio y fortaleza cu solamente Dios por duna. Y tin hopi otro salmo cu ta duna nos referencia cu nos mester di Señor den nos bida. Ora nos ta papia di un lugar secreto: Salmo 32:7 Ta para scirbi: Bo ta mi lugar di sconde,Bo ta wardami di angustia,Bo ta rondonami cu cantica di liberacion. Salmo 27:5 Ta para scirbi: Pasobra den e dia di angustia, E lo scondemi den Su tabernakel, den E lugar secreto di Su tent E lo sconde mi. E lo hisa mi pone riba un baranca. Salmo 31:20 Ta para scirbi : Bo ta sconde nan den e lugar secreto di bo presencia, pa e conspiracion di
hende. Bo ta warda nan na secreto den un lugar di refugio, pa e lenganan pleitista. Ora nos ta papia di E sombra di e Haltisimo. Salmo 17:8 ta para scirbi: Wardami manera bo preto di wowo,scondemi bao di e sombra di Bo alanan. Salmo 36:7 ta para scirbi:
Ki precioso bo misericordia ta, O Dios, y e yiunan di hende, lo tuma refugio den e sombra di Bo alanan. Salmo 57:1 ta para scirbi: Tene misericordia di mi, O Dios,tene misericordia di mi,pasobra den Bo mi alma ta tuma refugio, den e sombra di bo alanan lo mi tuma refugio, te ora e destruccion pasa bay. E necesidad di biba pega cu Señor ta necesario pa nos tur, pasobra sino ta asina, nos bida lo ta envano. E enemigo lo mantene nos den scuridad, pasobra nos no tin conocemento di nos fuente di refugio,pero
Dios den su inmenso amor a saca nos for di scuridad y trece nos na Su luz. Salmo 61:3-4 ta para scirbi; Pasobra Abo tabata un refugio pa mi, un toren fuerte contra e enemigo. Lagami biba den Bo tent pa semper,lagami tuma refugio bao di e proteccion di bo halanan. Si nos lesa den Galationan 5:19-21 cuanto daño e obranan di carni por haci na nos bida spiritual, nos lo hala mas lihe serca Señor, pasobra ta altamente necesario pa biba bao di amparo di E Haltisimo. Serca Señor nos tin garantia di proteccion divino, pasobra E ta nos toren fuerte.