CREST TA CELEBRA DIA DI HENDE MUHE

Durante Evento Organisa Pa Jci Yala

Diaranson 8 di maart tabata Dia Internacional di Hende Muhe. Fecha unda cu mundialmente ta celebra logro di hende muhe, crea conscientisacion riba e tema di discriminacion y organisa actividadnan pa promove igualdad di genero.

En conexion cu e fecha aki, CREST, marca cu ta conoci pa su liña di productonan recomenda pa dentista pa e cuido di higiena bocal, a partner up cu JCI YALA pa organisa un evento special pa hende muhe na Aruba. E evento aki a tuma luga diaranson

8 di maart na Piso Tres. Unda cu esnan presente a haya informacion valioso tocante diferente topico y tambe a wordo malcria cu un goodie bag cu productonan di Crest y otro marcanan di Procter & Gamble(P&G).

Durante e evento Sra. Carolina Thiel-Span y Sra. Kristel Browne a comparti informacion interesante cu esnan presente referente “Embrace Equity” y “Feminine Embodiment”. Sra. Carolina Thiel-Span a duna informacion tocante e nificacion y diferencia di e palabranan Equity y

Equality.

E la comparti data, articulo y peliculanan interesante referente e derecho di hende muhe y inclusion en general den area laboral y personal.

Sra. Kristel Browne a enfoca riba energia femenino y masculino cu tur hende muhe tin y a duna ehempelnan cu esnan presente por a identifica nan mes cu n’e. E la pone enfasis tambe riba e importancia pa un hende muhe prioretisa su mes y a comparti diferente tip con pa haci esaki.