Sindicatonan ta contra pa drecha e aparato publico y hacie’le productivo

Ta pa hopi tempo caba cu tin centenares di critica riba e servicio di gobierno. Cualke servicio ta tarda hopi y tur esaki tin di haber un parti cu e productividad di ambtenaarnan.

Den cuadro di Landspakket cu ta un acuerdo entre Aruba y Hulanda, mester reduci e cantidad di empleado publico, na un nivel acceptabel.

Den cuadro di esey ta bini un evaluacion di productividad di e aparato publico y di ambtenaarnan.

Ta ora pa departamentonan di gobierno bira mas productivo, brinda bon servicio, rapido. Parce sindicatonan ta bay manifesta, pasobra nan no kier esey. Nan tin miedo cu esnan cu no ta produci, wordo manda cas.

Pues nan ta sali na defensa di esnan cu no kier traha of no ta duna bon resultado na trabao!

Ta husto ? Cu pueblo mester keda paga salario na esnan cu no gusta traha?

Awor nan ta bay jama manifestacion contra esaki. Que baina!

Ta increibel cu ora kier drecha e servicio di gobierno y somente tur hende na productivdad, algun sindicato atrobe ta cuminza hasi desordo.

Ta bon pa nan sa cu evaluacion di productividad tin mas di 30 aña caba den sector priva. Scapa algun cu no kier traha, no ta corecto.

Dia 7 di Maart ultimo, Patrick Paskel a hunga hopi tuff, unda el’a nenga cu nunca el’a deal cu Lotto di Canada y cu e no tin contract y nunca a cobra.

Patrick Paskel a bisa:

“ Segun nan nos tin un contract di 10 mil dollar pa luna cu CBN cu e compania di Canada, anto nos tin e fo’i 2012. Awosi bo tin e contract sac’e anto no ruman. Sac’e, dal’e. Ami ta bisa bo, ami nunca no tabatin un contract cu CBN, awo si abo kiermen mi tin un, bin cu ne no?! Mi ta reta bo, bin cu ne! Ami nunca a haci negoshi cu CBN.”

Loke e nunca a spera ta cu Solo di Pueblo tin su cobransa documenta, den su propio e mail cu a lek. Asina ki nos a desenmascar’e como mentiroso patologico. E tabata asina sigur cu nos lo no tin prueba, pero el tiro le salio por la culata, pasobra nos a cera su boca grandi pe.

El’a cobra di placa di Lotto via Canada casi 1.2 miyon y ainda falta den Lotto Aruba, unda tambe el’a fiesta y cobra substancial.

Den e mail aki por lesa cu for di Maart 2012 ela cera deal cu Canada. Nos tin informe cu ela cobra straight, tur luna, 10 mil dollar.

E hecho cu segun Patrick no tin contract, nos ta lage kisas pa Ministerio Publico double check e negoshi dudoso aki cu placa di Deporte.