DIAHUEBS 14 SEPTEMBER 2023

Oké Take Away

Nos Special

Sept.14

Pag. 3

565-3232

Diahuebs 14 September 2023

PUEBLO A CUMINZA HAYA RESTITUCION DI BELASTING DI 2022; NO TIN MAS ATRASO!

Solo di Pueblo a haya un yamada ayerda di un cuidadano cu ta bisa cu den forma sorpresivo el'a haya restitucion di belasting di aña 2022. Apenas algun siman pasa el'a entrega su papel, y ya caba el'a mira placa riba su cuenta di banco. Ora di check, a resulta cu ta placa di

Partido MEP

restitucion di belasting. Esaki ta indica cu Belasting ta up to date y no ta manera antes, unda tabata tarda 8 aña pa bolbe cuidadano nan placa. Mester felicista belasting, pero tambe Minister Xiomara Maduro cu un otro logro imporante.

"MI TIN TUR CONFIANSA CU PARLAMENTARIO

TEVREDEN LO SA DI EHERCE CABALMENTE SU FUNCION COMO LIDER NOBO DI FRACCION DI MEP "

Minister Rocco Tjon A

BISHITA DI DIRECTOR GENERAL DI INTERNATIONAL PLANNED PARENTHOOD FEDERATION

AHATA ta lansa campaña ‘Encontra bo Pasion’ pa duna guia na hende cu ta busca trabou

13 September, 2023 |

Durante un conferencia di prensa, Presidente y CEO di AHATA, Tisa LaSorte, a anuncia AHATA su campaña di conscientisacion “Encontra bo Pasion” y su plataforma digital. E obhetivo di e campaña ta pa brinda apoyo na nos comunidad cu consehonan riba e proceso

di solicitud y entrevista pa trabou, motivando tur persona cu ta interesa pa ta debidamente prepara.

Como un asociacion lider representando mas cu 150 miembro den sector di hospitalidad y turismo, AHATA ta pone gran enfasis na areanan cu tin mester di mas atencion

den e sector. Un di nan ta e scarsedad di trahador den e sector di turismo, no solamente na Aruba pero mundialmente. Den dialogo cu AHATA su miembronan, por conclui cu frecuentemente, falta di preparacion ta resalta durante e proceso di aplicacion y entrevista. Cu e campaña aki AHATA ta brinda sosten na aplicantenan door di brinda e instrumentonan necesario pa un proceso di aplicacion exitoso.“AHATA ta convenci cu un bon preparacion pa e proceso di solicitud y entrevista ta un paso crucial pa asegura exito den haya trabou”, Tisa LaSorte ta afirma. Pa mehora e chens pa un aplicante haya trabou den sector di hospitalidad y turismo, AHATA a desaroya amitatraha.com. Un plataforma digital crea pa asisti tur persona cu ta interesa den e sector aki,

cu consehonan riba con pa aplica pa un trabou na un manera mas eficiente, con pa traha un CV, preparacion pa entrevista, con pa bisti pa un entrevista, y tambe considerando varios otro aspectonan importante durante e proceso di aplicacion. Tur persona cu tin interes den labora den sector di turismo y hospitalidad por bishita amitatraha.com y sigui tur e pasonan pa ta mihor prepara. “

Nos ta kere cu cada funcion den e industria di hospitalidad y turismo ta un oportunidad pa un persona descubri nan berdadero pasion. Preparacion pa entrevistanan no solamente ta aumenta e chensnan di un persona pa haya trabou, pero tambe ta eleva nan confiansa y duna e oportunidad di destaca nan potencial" LaSorte a indica. "E campaña aki

Minister Ursell Arends:

ta alinea cu e mision di AHATA di eleva e sector cu AHATA ta representa y yuda demostra e pasion y profesionalismo di un candidato na momento di busca un trabou den turismo”.

LaSorte ta indica di ta consciente cu e preparacion pa solicitud y entrevista di trabou no ta facil. E plataforma amitatraha. com, ta brinda sosten, conseho y ta mehora e chens di haya un trabou. Pa wak e vacaturanan disponibel den e sector di turismo por tira un bista riba AHATA Job Center ahata.com/career-center. AHATA ta invita un y tur pa bishita amitatraha. com y descubri nan pasion den sector di turismo y hospitalidad.

Di Dos Edicion di Baki den Bario na Santa Cruz

Diasabra Awor di 7 ‘Or pa 11 ‘Or di Mainta Campaña

Nacional 'Limpi Limpi'

Diasabra awor lo tin e di dos Baki den Bario na Stadion Nadi Croes & Crismo Angela na Santa Cruz. Lo tin baki pa diferente tipo di desperdicio presente den e parkeo di e stadion for di 7‘or te 11‘or di mainta. Ministerio di Naturalesa ta pidi tur ciudadano cu lo haci uzo di Baki den Bario pa tene cuenta cu e orario stricto aki ya cu ta teniendo cuenta cu schedule di facilidadnan di procesamento di desperdicio.

E prome Baki den Bario dos siman pasa na San Nicolas a haya un gran acohida di pueblo di pariba. Ciudadanonan a haci bon uzo di e oportunidad pa separa y trece nan

desperdicio rond di cas liber di costo. Den total a colecta 20 baki di desperdicio mescla, 1 baki di desperdicio di construccion, 6 baki di desperdicio di metal, 1 baki di e-Waste y 6 baki di Green Waste. A keda demostra cu nos ta dispuesto como pais pa aporta na un maneho di desperdicio sostenibel. Pues e separacion di desperdicio ta yuda cu su procesamento y ta disminui e contaminacion di nos naturalesa.

Minister di Naturalesa, Sr. Ursell Arends ta invita henter pueblo di Santa Cruz pa pasa e diasabra aki na Stadion Nadi Croes & Crismo Angela. Algun cos pa considera ta pa prepara y separa tur e

desperdicio cu kier trece, tene na cuenta cu lo tin fila di auto y pa ta na tempo. Bureau City Inspector ta encarga cu e supervision y control di fluho pa e actividad di Baki den Bario. Tambe ta recorda cu lo tin baki pa desperdicio mescla, Green Waste (mata), e-Waste (electronica), desperdicio di construccion y desperdicio di metal.

Baki den Bario ta forma parti di e campaña nacional 'Limpi Limpi' cu tin como meta e cumplimento cu APV (Algemene Politie Verordening), un Aruba limpi y e separacion di desperdicio. Baki den Bario lo ta tumando luga te

cu dia 16 di december na diferente districto di nos isla. Pa e siguiente fechanan y pa mas informacion tocante e tipo di desperdicio cu ta wordo acepta bishita trashtocasharuba.org/limpilimpi.

DISCURSO DI MINISTER ENDY CROES NA APERTURA DI AÑA ACADEMICO 2023 -2024 DI UNIVERSIDAD DI ARUBA

can create an environment where innovation flourishes, collaboration thrives, and every member of our team feels valued and empowered.

with students, teachers, and people around you is something very special and dynamic.

iabierna mainta, a tuma luga e apertura di aña academico 2023 – 2024 di Universidad Aruba. Alabes Universidad di Aruba ta celebrando su 35 aniversario. Minister di Enseñansa y Deporte Endy Croes tabata presente, unda a hiba un discurso na e ocasion special aki, felicitando e studiante- y docentenan y deseando nan exito den e aña academico nobo.

Discurso di Minister Endy Croes:

I extend my warm greetings to all of you this morning, as we come together to mark the official commencement of the academic year 2023 – 2024, and to embark on the celebration of the University of Aruba's 35th, anniversary. What a milestone.

Congratulations. As the Minister of Education and Sport of Aruba, it is with great pride, and immense joy, that I stand before you today. This institution, built upon a foundation of excellence, has played a “crucial” role in shaping the minds of countless individuals, equipping them with the knowledge and skills essential for contributing to the betterment of our society. In these times of

formidable challenges, when the world faces unusual crises, we find our beloved University of Aruba, encountering its own set of trials, that test the unity of our academic community. However, it is, in these moments of adversity, that we must pause, reflect, and that we must remember, what truly defines us as an institution of higher learning. Our purpose, our mission, and indeed, our very existence as a university, revolve around one noble objective: the pursuit of academic excellence. We are here to cultivate and to promote, the intellectual growth of our students, to empower them with knowledge, and to prepare them to be agents of positive change, within our Aruban community. It is about the collective impact we can make on the lives of our students and the society we serve. To attain academic excellence, we must stand united as a cohesive team. It is natural, that occasionally differences in opinions could arise, which is good and which is sane, to threaten our collaborative spirit. We are here, and you are here, because we share a common belief, in the trans-formative power of education, and

the limitless potential, it holds for our students. To effectively pursue academic excellence, we must embrace accountability and responsibility.

Our students observe us, and our Aruban community relies on us. They look to us for guidance, wisdom, and inspiration. They anticipate our capacity to rise above challenges, to find common ground, and to lead by example. It calls for wisdom and strength, to stand united, and to march forward collectively, toward academic excellence.

I always share to promote and believe in practice the 4 C’s of the 21st century skills which are Communication, Collaboration, Critical Thinking problem solving, Creativity. Today, I encourage the University of Aruba and the entire Aruban educational community to foster (3) Core Values; RespectExcellence and Friendship. These are the foundations to promote sports, culture and education with the goal of building a better world. A better world not only for us but also for future generations.

Respect: It is through respect that we

Excellence: We should all strive for excellence and encourage other people to be the best they can be. "Excellence is never an accident. It is always the result of high intention, sincere effort and intelligent execution; it also determines your destiny."

Friendship: Forming lifelong bonds

To conclude: I express my heartfelt gratitude for your attention, and may this academic year be marked by celebration, unity, progress, and an unwavering commitment to our noble mission. Ladies and gentlemen, it is with great pleasure that, I hereby declare the Academic Year 2023-2024 of the University of Aruba officially OPEN!

September 13

-Mochi pisca

-Chicken sate platter

-Spaghetti cu balchi carni

-Sweet and sour fish fillet ( grouper)

-Porkchop

-Chicken breast

-Balchi pisca

* Tur cuminda ta bin cu aroz, salada, banana, funchi hasa, of tin biaha cu batata machika, dutch potato, vegetales.

-- Por cambia aroz pa funchi of pan bati -565-3232

Minister Rocco Tjon: A RICIBI BISHITA DI DIRECTOR GENERAL DI INTERNATIONAL PLANNED PARENTHOOD FEDERATION

Minister di Husticia y Asuntonan Social sr. Rocco Tjon a bishita Famia Planea Aruba (FPA) kende ta miembro di International Planned Parenthood Federation (IPPF). Durante e bishita aki a reuni cu e director general di IPPF, Dr. Alvaro Bermejo, kende pa prome bes den 50 aña a bishita Aruba. Gobierno di Aruba ta comprometi pa aloca mas fondo pa Famia Planea Aruba (FPA) mirando cu nan tin un rol importante pa loke ta provee anticontraceptivonan, counseling y educacion di salud sexual. Di e forma aki ta yuda mitiga problemanan social, y alabes contribui na e bienestar di nos hobennan.

IPPF a compromete nan mes pa sigui sostene

Aruba, pues nan ta un partner hopi importante riba e tereno aki, caminda nan ta brinda asistencia na Aruba. Na mes momento, di parti di Ministerio di Husticia y Asuntonan Social a percura pa den presupuesto 2024, aloca mas fondo pa FPA. FPA tin un rol hopi importante pa loke ta mitiga problemanan social, pues casonan cu eventualmente lo por bira un problema social, door di brinda counseling y educacion di salud sexual.

Presente na e presentacion di awe tawata un otro partner, HAVA, kende a brinda diferente informacion riba diferente topico. Remarkabel ta cu e representante di IPPF a indica cu e motibo principal pa nan bishita pa Aruba ta, e señalnan positivo cu nan

ta hayando di FPA, pues nan mes kier presencia con FPA ta brinda asistencia, principalmente riba e parti di educacion sexual, pa asina nan por sigui sostente FPA pero alabes percura pa FPA por fungi como un modelo cu nan

Cambia perspectiva tocante obesidad: Sa bo number y midi bo peso

por replica den nos region.

Esaki ta yena nos di gratitud, mirando e motibo principal pa nan bishita na Aruba ta a base di Aruba su bon representacion internacionalmente. Nos ta gradici henter e ekipo di

FPA, pa e tremendo trabou cu nan ta eherce, apesar di ta un ekipo chikito, nan ta sigur un ekipo hopi dinamico. E impacto cu nan tin pa percura pa e bienestar di nos hobennan ta uno inigualabel

Partido MEPLider di partido MEP Evelyn Wever-Croes; "MI TIN TUR CONFIANSA CU PARLAMENTARIO TEVREDEN

LO SA DI EHERCE CABALMENTE SU FUNCION COMO LIDER

NOBO DI FRACCION DI MEP "

“Cu su caracter, el lo sa di mantene e ekipo uni pa hunto sigui traha na bienestar di pais Aruba”

Dialuna mainta, Lider di partido Evelyn Wever-Croes a anuncia e nombracion di Parlamentario Hendrik Tevreden como lider nobo di fraccion di MEP den Parlamento. Sr Tevreden tin un caracter poco diferente na e lider di fraccion saliente, sra Shailiny Tromp-Lee, pero e mesun determinacion, y amor pa mira pais Aruba progresa. Un aspecto positivo di su personalidad, ta cu Hendrik ta un "teamplayer", y esaki lo yuda grandemente den guia y lidera e ekipo aki

exitosamente.

"Como lider di partido MEP, mi tin tur confiansa cu Hendrik lo haci un bon trabou pa partido, lo sa di mantene e ekipo uni, pa asina hunto partido MEP sigui bay dilanti, trahando na bienestar di pais Aruba. Mi ta desea Hendrik tur clase di exito, hopi sabiduria y pasenshi pa por cumpli cu tur e responsabilidadnan cu e posicion di lider di fraccion ta trece cune" Lider di partido Evelyn WeverCroes a expresa.

Lider di Partido MEP:

CU HOPI AGRADECIMENTO PA SU BON TRABOU, PARTIDO MEP TA DESPEDI DI SHAILINY TROMP-LEE COMO LIDER DI FRACCION DI MEP

- Dialuna mainta, Lider di partido di Movimento Electoral di Pueblo (MEP) sra. Evelyn Wever-Croes, a anuncia un cambio den partido, pa loke ta e posicion di lider di fraccion. Pa 2 aña consecutivo, Parlamentaria Shailiny Tromp-Lee (Shai), a desplega e funcion aki exitosamente. Durante su temporada como lider di fraccion, "Shai" a sa di haci su trabou cu amor y dedicacion, guiando henter e fraccion, sostene caminda tabata necesario, y yuda, caminda tabata tin mester. Pa fraccion di MEP, "Shai" tabata manera

un mama, cu aunke no tur ora tabata facil, semper a percura pa durante reunionan tur hende tey y tin tur informacion necesario. Su dedicacion y esfuerso pa cumpli cu su deber como lider di fraccion ta altamente aprecia.

"Como lider di partido Mep, mi kier a gradici "Shai"pa tur e sacrificio, dedicacion y esfuerso durante su añanan como lider di fraccion. El a sa di semper ta presente, cu un caracter firme, y cu e proposito di guia e fraccion riba e caminda correcto, pa

como politiconan, semper tuma e miho decisionnan den bienestar di pais Aruba. Como mama di dos

yiu, e sacrificionan cu bo a haci pa cumpli cu bo deber como lider di fraccion tabata grandi y di aprecia.

Un danki di curason pa e bon trabou desplega" sra Wever-Croes a expresa.

A.T.A. ta anuncia Aruba Global Travel Conference 2023

retonan – con por maneha y guia esaki conforme un desaroyo duradero? Pa A.T.A. tabata importante pa diseña e programa di un manera cu ta permiti e participantenan experiencia Aruba na un manera cu ta den liña cu e tendencianan di biaha pa 2024.

“Nos ta conta cu un evento exitoso cu lo trece hopi beneficio pa nos isla y pa nos industria di turismo. Lo ta un oportunidad pa sigui traha hunto riba un futuro prospero pa nos destinacion.” tabata palabranan di CEO di A.T.A. Ronella Croes.

Oficina di Turismo ta anuncia cu di 18 te cu 22 di september, Aruba lo ta anfitirion di e prome Aruba Global Travel Conference. E evento organisa pa A.T.A. ta di gran balor pa Aruba y tin como meta pa establece y mantene bon relacion cu socionan importante den e industria di turismo den e mercadonan mas relevante pa Aruba.

Den pasado, A.T.A. tabata organisa tres evento separa, cada uno enfoca riba un mercado specifico: Annual Tourism Conference Aruba (ATCA) pa Norte America, Conferencia Anual di Turismo Aruba (CATA) pa Latino America, y Aruba Meets Europe (AME) pa Europa. Sinembargo, pa 2023 a dicidi pa combina esfuersonan y organisa un conferencia unico cu ta inclui tur e mercadonan mas importante pa Aruba su turismo.

E conferencia lo conta cu un total di 58 participante for di 16 pais cu ta consisti di operadornan di turismo y companianan di aerolinea. Tambe lo conta cu participacion di socionan local di diferente hotel di Aruba. E programa

di cuater dia ta amplio y interesante, brindando varios oportunidad valioso pa participantenan por conecta cu socionan clave di e industria di turismo riba nos isla y siña mas di e desaroyonan cu a tuma luga na Aruba. Participantenan lo bishita diferente hotel y lo disfruta di diferente experencianan rond di nos isla. Ademas lo tene diferente evento y actividadnan cu lo permiti participantenan pa amplia nan conocemento di Aruba y experencia e “Aruba effect” (di forma directo).

Un tema importante cu lo ricibi su debido atencion durante di e programa di Aruba Global Travel Conference ta e tendencianan global di biahe pa 2024, cu a keda delinea den A.T.A. su plan strategico pa 2024. Aki ta trata di tendencianan di biahe caminda bishitantenan ta entre otro busca experencianan cu ta enfoca riba aventura, naturalesa, bienestar propio y sostenibilidad. Tambe lo para keto na e importancia di nos hospitalidad y di desaroyo di nos product turistico, cual ta brinda oportunidad pero tambe

Prome Minister Evelyn Wever-Croes:

Den conexion cu bishita di Prome Minister na EPI:

TA ORGUYOSO PA MIRA E CREATIVIDAD CU TA RESALTA DEN

- Diaranson mainta, Prome Minister Evelyn Wever-Croes hunto cu Presidente di Parlamento Edgar Vrolijk, a bishita Colegio EPI en conexion cu e proyecto di innovacion cu EPI a entrega y gana cu ne, pa loke ta e competencia di Edutech.

Prome Minister a indica di ta sumamente contento y orguyoso pa mira e creatividad cu nos studiantenan ta resalta na momento di bin cu un proyecto di innovacion pa nan scol. EPI a presenta un concepto diferente y hopi interesante. Compara

cu otro scolnan, EPI su proyecto tabata mas enfoca riba e docentenan, cu e meta pa despues yega na e alumnonan a traves di e docentenan y prepara nan pa e habilidadnan di siglo 21. Mas di aplica pa solamente "hardware", e proyecto a enfoca riba con ta prepara e hendenan pa ta exitoso den futuro. Durante e bishita, Prome Minister y alumnonan a hunga un wega di quartet mientras a papia di e habilidadnan necesario pa tanto alumnonan como docententenan por ta exitoso den siglo 21.

EDUTECH TA CONTINUA

DEN 2024

Pa loke ta e futuro di Edutech y mirando e interes di e scolnan pa ta parti di e proyecto aki, Gobierno a tuma e decision di sigui un aña mas cu ne. Tambe, ta pidi tur e scolnan pa cuminsa diseña nan proyecto di innovacion di trempan, ya cu e competencia lo ta uno fuerte. Prome Minister ta felicita EPI cu a logra gana cu nan proyecto presenta, y ta gradici Futura pa contribui na esaki.

"MI

NOS STUDIANTENAN, PA LOKE TA TRATA E PROYECTONAN DI INNOVACION"

MINISTER ENDY CROES A PRESENCIA APERTURA DI CAMPEONATO DI SOFTBALL LIGA 40 PLUS

Diadomingo ultimo, na veld di Madushi Stars na San Nicolas a tuma luga apertura di campeonato di softball Liga 40 plus organisa pa Leftovers Aruba. E torneo ta dedica na Sr. Joseph Everon un di e pilarnan di Leftovers. E ekiponan cu ta participando den e campeonato: Survival, Criollo Reds, Blackout SBT, Kibaima SBT, Piratas, Leftovers Aruba, Quisqueya, Legends y Macuarima.

E campeonato a inicia dia 10 di september y e final ta tuma luga dia 12 di november na veld di Madushi Stars. Minister

Endy Croes tabata presente acompaña pa su kerida esposa Sra. Dilailah Croes. Mandatario di Deporte a hiba palabra durante e ceremonia di apertura y a presencia e prome partido entre ekipo di Macuarima y Piratas.

Aruba Softball Bond tambe ta sostene e campeonato cu umpire, regla y score. Pa conclui, Minister Endy Croes ta gradici Leftovers Aruba pa e invitacion y ta felicita nan pa organisa e tremendo torneo di softball. Alabes, Minister Endy Croes ta desea tur ekipo hopi exito!

Presidente di Parlamento ta humiya y cherche di pensionadonan Pero tin auto di pueblo di 100 mil florin

Cu asombro mi persona por a tuma nota di un declaracion humiliante di presidente di Parlamento di Aruba un poco tempo pasa, esta sr. EdgardVrolijk den direccion di pensionadonan ora cu a haci e pregunta ki dia parlamento por reuni cu pensionadonan encuanto e situacion alarmante di tur e medidanan cu su Gobierno tin den pipeline pa masacra nos pueblo cu’ne. Cu un arogancia repugnante e Presidente di parlamento a declara cu nos pensionadonan tin di warda te aña 2025 pa nan por wordo scucha pa parlamento o lo por haya un invitacion.

Un insulto condenabel mes den direccion di esunnan cu danki na nan esfuerso durante añanan di trabou duro y kendenan

a construi e fundeshi di e progreso di nos pais Aruba, pa awe un gobierno mediocre cu ta wordo sosteni pa algun marioneta den parlamento, ta masacrando tur locual wordo construi y logra pa e Gobierno inepto y incapaz actualmente.

Nos pensionadonan merece mas respet pa e organo mas halto di nos pais, cual ta parlamento, pero e asunto di menosprecio pa pensionadonan door di partido MEP, no ta un secreto publico.

Ta como si fuera dicho menosprecio y burla pa nos hendenan grandi ta forma parti di e DNA di partido MEP y cu ta core den nan benanan pa no duna balor y atencion na nos pensionadonan. Mester refresca memoria di esunnan actual

den MEP of e marionetanan den parlamento cu ta sostene e gobierno di sinberguensa aki, con nan lider honorario, esta Nel Oduber y MEP den pasado semper tawata contra di e redoblacion di e AOV pa nos hendenan grandi, esta e asina yama pension di biehes.

A bisa e tempo ey cu ta imposibel pa haci esaki y na unda e lider di AVP e tempo ey den persona di sr.mr. Henny Eman a puntra Nel den un debate transmiti na television, si su persona lo por biba cu 375 florin pa luna. Danki na pueblo cu a scucha e mensahe e tempo ey a duna partido AVP mandato y asina e gobierno di signatura di AVP bao liderazgo di sr. mr. Henny Eman a cumpli cu e promesa haci na nos pen-

sionadonan y hendenan grandi durante campaña cu nan pensioen lo wordo redobla. AVP no ta un partido cu ta grita of basa su mes cu promesanan di campaña ta un cos, gobernacion ta otro cos pero pa partido MEP e frase aki tin su validez ya cu esakinan ta propio palabranan expresa pa Nel himself.

Actualmente cu tur e masacre di medidanan cu e gobierno di MEP/POR/ RED y esun actual MEP/ RAIZ a bin ta tumando desde fin di 2017 , ya pueblo no por soporta mas, corda nos pensionadonan.

Referiendo na e insulto di e Presidente di Parlamento den direccion di nos pensionadonan, ta parce cu e persona aki no tin famia cu ta pensionado y ta haci mofa of cherche cu lo reuni cu nos pensionadonan na aña 2025 pero nos pensionadonan tin cu

keda den miseria numa, pasobra EDGARD VROLIJK so mag di biba den luho cu placa di pueblo y un persona cu mes ta presidente estilo presidente dictatorial estilo Maduro naVenezuela, unda poder ta a susha su cabes, keriendo cu ta un poder cu lo keda pa semper. Sea humilde Edgard y stop bo abuso contra nos pueblo, specialmente contra nos pensionadonan. Preocupacion y incertidumbre cu ta bibando den nos pueblo cu tur e medidanan cu e sinberguensa di e gobernantenan ta bin ta imponiendo riba nos pueblo, a yega ora pa e pueblo lanta para y bisa ta basta na e gobernacion di mas caotico, malo y ineficiente cu Aruba a yega di experencia y cu keto bay no ta abusa di nos pensionadonan,” Juni Croes di partido AVP a trece dilanti.

Becoming ta organisa Trivia Night cu tema ‘Friends’

Becoming ta anuncia nan prome evento, e lo ta un “‘Trivia Night” cu e tema “Friends”’. E evento ta pa recauda fondo pa asina e grupo por continua cu diferente proyectonan di Becoming: un grupo di apoyo pa personanan transgenero y nobinario. Becoming ta un iniciativa cu a cuminsa den 2022 cu e meta pa apoya personanan trans-

genero den comunidad di Aruba pa medio di, primordialmente, encuentronan social. Pero tambe presentacionnan for di expertonan di diferente areanan.

E anochi di trivia aki lo ta basa ariba e programa di television mas popular den añanan 90 yama ‘Friends’. E programa ta conta e storia di 6 adulto

cu ta biba na Manhattan y e aventuranan cu nan ta encontra hunto. E preguntanan di e anochi di trivia lo cubri e hechonan mas conoci di e programa. Expertonan di e programa aki y aliadonan por forma grupo di 5 - 7 persona y prueba nan conocemento di ‘Friends’. Gruponan lo competi contra di otro pa gana e premio mas

valioso di e anochi ‘The Geller Cup’ y otro premionan tremendo.

Becoming ta invita comunidad di Aruba pa bin apoya nan prome evento “‘Trivia Night” cu e tema “Friends” cu lo contribui na e celebracion di e grupo di apoyo su prome aña di existencia. E anochi di trivia lo tuma luga diabierna, 22 di sep -

tember 2023, na Cage Night Club, 7:30 pm pa 10:30 pm. E espacio pa gruponan ta limita, gruponan lo ta di 5 pa 7 persona maximo. Si ta desea registra pa e anochi di trivia por tuma contact cu Veer Alwani na 7373582. Si ta desea di sa mas tocante di iniciativa di Becoming por bishita https://orguyo.org/becoming of bishita

Polis mester a intermedia den problema di pareha

Na yegada polisnan berdad a topa cu dos partido, un homber cu un muhe y e otro banda un otro homber.

Polis a separanan y asina poco poco a cuminsa tuma nan declaracion pa mira kiko ta pasando. Dado momento polis mester a hala atencion di e dama, cu tawata esun mas emociona den e caso aki.

E otro partido cu ta un homber tambe a papia cu polis y aki polis a tuma tur datos.

Polis na e otro banda di caminda mester a hala atencion na varios ocasion di e muhe pa si e no stop e lo por wordo deteni.

Despues di basta rato, cu cos a calma agentenan por a bandona e sitio.

No ta descarta cu lo por presenta mas problema entre e hende nan aki.

Catiri - Diadomingo anochi dos unidad policial a bay Catiri, pa un problema di pareha ariba caya.

SERVICIO CU YENA FORMULARIO DI IMPUESTO NA CAS DI PARTIDO

Manera Semper partido di Pueblo Arubano AVP a anuncia, den luna di September awor lo cuminsa yuda yena formularionan riba entradanan pa belasting. Manera tur aña lo duna e servicio aki na Cas di Partido Playa. E fechanan cu lo duna asistencia na Cas di Partido ta: dianan 19 y 26 di september, 3, 10, 17, 24, y 31 di oktober, 7, 14, 21 y 28 di November. E horario ta entre 7pm pa 9pm.

Riba tur e anochinan aki lo tin un grupo di experto pa yuda yena e formularionan. Di e forma ey, mescos cu tur aña, ta bini cla lihe y por yuda hopi hende.

Ta corda tur hende pa bini prepara cu tur documento necesario. Esaki ta e documentonan cu por tin mester di dje:

- e formulario pa yega e entrada pa belasting cu bo a haya na cas;

- e resumen di bo entradanan den e aña 2022. Bo por haya esaki di bo doño di trabou of e compania unda bo ta traha. Si bo ta un pensionado bo ta haya esaki di SvB of di APFA;

- un resumen of comprobante di tur otro entrada cu bo a haya na 2022;

- e comprobante di e interes cu bo a paga na banco riba credit card of riba fiansa cu bo tabata paga na 2022;

- comprobante di tur gasto adicional pa cuido medico di bo of un familiar cu ta depende di bo.

- comprobante di gastonan haci pa estudio di bo mes of un familiar cu ta depende di bo;

- comprobante di gastonan cu bo a haci pa

cuido di un familiar serca.

- comprobante di otro gastonan irregular of inusual cu bo mester a haci na aña 2022. Porfavor trece tur esakinan ora bo bin pa yena e formulario di belasting serca nos y bini cla lihe.

Den nos archivonan di Partido AVP nos por a haya un articulo di Amigoe di 24 di Februari 1967 caminda por a constata cu ya di e tempo ey e partido tabata juda nos pueblo cu temanan di belasting. Den e articulo aki den Amigoe ta relata cu líder di fraccion di AVP, C.A, (ShonA) Eman, a compila un “bezwaarschrift” cu mas di 300 ex empleado di Lago a firma. E “bezwaarschrift” cu e abogado di pueblo Shon A Eman a compila e tempo ey tabata opone e belasting cu gobierno tabata cobra empleadonan di LAGO riba nan “Lay-off Allowance”. Promer Shon

A Eman a haci pregunta parlamentario na Minister di Finanzas pa rectivica e inhusticia aki.

Ora e no a haya contesta

Shon A Eman a redacta un “bezwaarschrift” cu mas di 300 empleado a firma pa no worde cobra belasting riba nan “Layoff Allowance”. Locual

Shon A Eman a bringa pe e tempo ey awe a desaroya den e tarifa special di belasting cu empleadonan ta bini na remarca pe ora un grupo pareuw perde trabao y haya un suma di compensación pa anjanan di servicio. E jiu di mas hoben di Shon

A Eman, Mike Eman awe ta bisa cu den e mesun espirito ey nos ta sigui juda nos pueblo pa haya un trata husto.

AHATA: Den Augustus a experiencia ocupacion y RevPAR reduci

ORANJESTAD, Aruba – 13 September: Aruba Hotel & Tourism Association (AHATA) ta acumula e cifranan di ocupacion y prijs di hotelnan tur luna y CEO di AHATA, Tisa LaSorte, ta anuncia cu na Augustus a experiencia un reduccion di ocupacion atrobe y tambe reduccion di RevPAR.

AUGUSTUS 2023:

• Ocupacion: E grado di ocupacion tabata 75%; cual ta 9%

menos cu grado di ocupacion na Augustus 2022 y 13% menos cu na 2019.

• ADR: E balor averahe di cada camber bendi tabata

$307.83; un aumento di 6% compara cu Augustus 2022.

• RevPAR: E entrada averahe pa tur camber disponibel tabata $231.95 cual ta un reduccion di 3% compara cu 2022. RevPAR ta e indicador di e resultado financiero prome cu desconta gastonan operacional y impuesto.

Josefa Willems a selecta e potretnan pa e Kalender di 2024

Josefa Willems a selecta e potretnan pa e Kalender di 2024 di Brazil Taekwondo Stichting.

Pa hopi aña caba Josefa Willems ta selecta e potretnan pa e Kalender. E aña aki Josefa Willems tabata tin su mannan yen pa selecta e potretnan cu el a haña y pone tur na cada luna.

Presidente di Brazil Taekwondo Stichting a sinta wak Josefa Willems selecta tur e potretnan sin bisa un palabra y a duna Josefa Willems tur e confiansa pa selecta e potretnan di mas

bunita pa e Kalender. E meta di e Kalender ta pa recauda fondo pa e biahe pa Korea na 2024 pa participa den un camp training y campeonato.

Master Clifford Rasmijn a gradici Josefa Willems pa su tempo y dedicacion pa selecta e potretnan bunita saca pa Best Shot by Klaber pa e Kalender di 2024. Mauro Jones ta diseña e Kalender.

Si ta desea un of mas Kalender, semper por tuma contacto cu Clifford Rasmijn via mail:clifford_rasmijn@hotmail.com

Minister Dangui Oduber E programa di “Improving Lives Together” a cuminsa

ORANJESTAD – Diasabra mainta Minister di Turismo y Salud Publico sr. Dangui Oduber tabata presente na Club Roy caminda a tuma lugar e kick off event di “Improving Lives Together”. Den e evento aki e mandatario a duna un discurso dirigi na tur e participantenan cu ta bay forma parti di e programa.

E programa di “Improving Lives Together” ta un programa cu tin un duracion di 3 luna caminda tur e participantenan lo ricibi guia intenso di nutricionistanan y di entrenadornan (fisioterapistanan). Guia cu lo yuda e participantenan pa hiba un bida mas saludabel atraves di come saludabel y haci actividadnan fisico. Esaki lo conduci na mehora e calidad di

bida di cada participante. Minister Oduber su maneho ta basa riba prevencion. Na aña 2019 pa prome biaha Aruba a traha riba un Plan Nacional di prevencion di malesanan no transmisibel (NCD’s). Esaki ta un plan cu a wordo traha enconhunto cu PAHO, Departamento di Salud Publicon y diferente stakeholders den e tereno di salud. E plan aki yama NCD National Multisectoral Action Plan pa aña 2020-2030. E plan aki ta hopi importante pa mantene e fondo di AZV sostenibel. Mas importante ta cu e plan aki lo percura pa aumenta e calidad di bida den nos poblacion. Aruba no ta un di e paisnan di mas saludabel, nos poblacion ta sufri grandemente di malesanan cro -

nico. E malesa cu Aruba ta score nr 1 riba dje mundialmente ta diabetes. Malesanan cronico (NCDs) hopi biaha ta relata na nos estilo di bida, comemento insaludabel, inactividad fisico y otro habitonan manera huma y exceso di alcohol. Tur e indicatornan aki ta ocasiona diferente tipo di malesanan cronico. Minister Oduber su meta principal ta pa inverti y duna e atention necesario na actividadnan cu ta preveni pa nos hendenan bira malo y promove un mihor calidad di bida. Esaki ta programanan intervencion manera Healthy Lifestyle Center (HLC) cu a habri su porta na februari di e aña aki. Minister Oduber ta satisfecho den e prome 7 luna di HLC ya caba nan tin 117 persona cu a yega pa ricibi guia di nos profesionalnan. Guianan di nutricionistanan, terapistanan y tambe di entrenadornan, tur den cuadro pa cambia nan estilo di bida pa uno mas saludabel.

E mandatario a gradici tur e profesionalnan di Healthy Lifetsyle Center y DVG, Club Roy. Danki tambe na tur e empleadonan di Club Roy cu lo duna guia na e participantenan. Tambe un agradeicimento na Fundacion Prevencion den Salud Aruba pa yuda cu e financiamento di e proyecto aki.

Minister Dangui Oduber ta sumamente contento y orguyoso di por a duna e inicio di e programma

“Improving Lives Together”. Finalmente e mandatario a felicita tur e participantenan pa e corahe cu

nan a desplega y deseanan tur clase di exito durante nan trayectoria. Minister Oduber kier crea un movecion di prevencion

pa inspira y motiva Aruba pa cuida nan salud, move, come saludabel y mehora nan calidad di bida. Hunto nos lo bai logra.

TEMPO VALIDO TE DIAHUEBS 14 DI SEPTEMBER 2023, 18:00 ORA

TEMPO: AWE TARDI Y AWE NOCHI: PARCIALMENTE NUBLA Y GENERALMENTE SECO DEN MARDUGA Y MAYAN: PARCIALMENTE NUBLA CU UN AWACERO BREVE

TEMPERATURA MAXIMO 35 GRADO CELSIUS

TEMPERATURA MINIMO 29 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 36 PA 44 GRADO CELSIUS

UV INDEX: 12

TEMPERATURANAN LO TA RIBA

NORMAAL DEN PROXIMO 24 ORA. TA PIDI PUBLICO PA TENE E PRECAUCIONAN NECESARIO PA EVITA COMPLICACIONAN DI ESAKI.

TEMPO TROPICAL SIGNIFICANTE:

HORCAN MAJOR LEE TABATA SITUA NA 690 KM ZUID-ZUIDWEST DI BERMUDA Y TA MOVE NOORDNOORDWEST CU 15 KM PA HORA.

TORMENTA TROPICAL MARGOT TABATA SITUA NA

1280 KM WEST- ZUIDWEST DI AZOREN Y TA MOVE NOORD-NOORDWEST CU 11 KM/ORA.

NINGUN DI E 2 SISTEMANAN AKI TA DI IMPORTANCIA PA REGION LOCAL

POTENCIAL DI AWACERO PA PROXIMO 24 ORA: 1 TE 3 MM; LOCALMENTE ESAKI POR TA DIFERENTE.

REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8’AM PA 8’AM):

‘Time for taxes’

Un tayer cu ta siña’bo tur loke Bo mester sa relaciona cu yenamento di

e documento di impuesto pa Bo empresa

Everything Small Business Owners & Entrepreneurs need to know about filing taxes

ORANJESTAD - Departamento di Asuntonan Economico, Comercio y Industria mediante su unit di Iniciativa pa Desaroyo pa Empresa Arubano (IDEA) y cu colaboracion di Departamento di Impuesto (DIMP), kier invita tur persona cu ta den proceso pa habri un negoshi of cu ya tin un negoshi existente, pa asisti na IDEA su workshop di “Time for Taxes”.

E workshop aki ta completamente GRATIS y ta tuma luga na:

Departamento di Asuntonan Economico, Comercio y industria (DEZHI) den Sun Plaza Building, piso 2, sala 25; Dia: Diamars, 19 september 2023 Orario: 9:30 am pa 12:00 pm.

Algun topiconan cu e representantenan di Departamento di Impuesto (DIMP), lo trece dilanti durante e workshop aki ta lo siguiente:

• Impuesto riba Entrada y Ganashi (Inkomsten y Winstbelasting);

• Deber Administrativo (Administratieplicht);

• BBO na frontera;

• Impuesto riba volumen di benta (Toepasselijke belastingen), manera BBO, LB y primanan social;

• Cu kico tur mester tene cuenta ora bo ta bay habri of tin un negoshi.

Pa sigura bo cupo pa e workshop informativo aki, registra na e siguiente link:

https://www.eventbrite. nl/e/time-for-taxes-everything-smes-entreprneed-to-know-aboutfiling-taxes-tickets717171066967?aff=oddtdtcreator

Mirando cu tur aña e interes pa e workshop aki ta hopi grandi y nos cupo ta limita, nos kier a pidi bo cooperacion, pa si acaso bo registra y no por atende e workshop aki mas, sea

asina bon pa cancela bo cupo prome cu fecha menciona via nos telefon #: 521-2440 of 521-2439 of email info@idea.aw.

Esun cu registra prome ta aden! Nos ta warda bo!!

“Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”.

Salmo: 23

Nos ta anuncia fayecimento di:

No perde ofertanan increibel riba

articulonan di hotel na e di dos

benta anual di Stimami

Sterilisami su Summer Sidewalk Sale!

Alicia Mercedes Ras-Henriquez

*03-11-1945 - †08-09-2023

Na nomber di su:

Casa: Eddy Pedro Ras

Yiunan: Eddy Jose Ras

Raul Eduardo Ras y famia

Nietonan: Rulliene Ras, Yxienne Ras, Zhayonne Ras

Tata: †Salvador Henriquez

Mama: †Alicia Jimenez

Rumannan: Maria Luisa Henriquez de Esquirol y famia

Beatriz Henriquez de Triviño y famia

†Juan Henriquez y famia

†Carlos Henriquez

†Candelaria Henriquez y famia

Tanta: †Olga Matos Jimenez na Aruba

Primo(a)nan: Olga Leidel Matos y famia, Franklin Matos y famia, Marlyn van Koppenhagen Matos y famia, Alicia Matos y famia, Mayra Alvarez Matos y famia, Olga Jimenez Arciniega y famia, Ruth Marina Jimenez Arciniega y famia

Swa y cuñanan: †Ignacio Ras y famia

†Rafael Ras

Leonora Ras y famia

Juan Ras y famia

Genara Ras y famia

Judith Ras y famia

Rubi Ras y famia

Timotheo Ras y famia

Pascual Ras y famia

Anchi Malmberg y famia

Amiganan: Blanca Maduro Hoyos y famia

Bon amiga di cas: Maritza y famia, Doris y famia

Demas famia: Ras, Henriquez, Geerman, Werleman, Matos, Maduro

Nos disculpa si den nos tristeza nos por a lubida di menciona un famia of conocir.

Ta invita pa e acto di entiero cu lo tuma lugar diasabra 16 di September 2023 na misa Inmaculada

Concepcion di 2:00 pa 4:00 pm, despues saliendo pa Santana catolico na Sta. Cruz.

ORANJESTAD, Aruba - September, 2023 - Marca September 17 den bo calendario pa bo no perde e regreso di Stimami Sterilisami su Summer Sidewalk Sale cu lo tuma

lugar na Engelandstraat 5 (ex edificio di Playa Liquor) di 8 AM te cu 4 PM. Aki bo lo por haya un surtido amplio di productonan nobo y usa di Marriott Vacation Club, Bucuti & Tara Beach Resort, Ritz Carlton, Renaissance Resort, Tara Eco Supplies, One Love Foundation, y Ben Kaufman na prijsnan increibel.

E productonan ta inclui mueblenan varia, matras, serbete, clechi di cama, t-shirts, tayo, glas y hopi mas! Tambe bo lo tin e oportunidad di amplia bo famia y duna un cacho of pushi un hogar pa semper via Luna Foundation, Nine Lives Foundation, y Sgt Pepper’s Friends cu lo atende e evento cu mascotanan cu ta cla pa adopcion.

Y como un extra treat, Craft & Lola lo duna sabor na e evento ofreciendo nan tacos delicioso pa solamente $1 durante henter e dia.

100% di e fondonan recauda durante e evento lo wordo uza pa e campaña nacional di sterilisacion di Stimami Sterilisami, cu a sterilisa casi 34,000 cacho y pushi.

"Nos ta sumamente agradecido y conmovi door di e ayudo y contribucion di Bucuti &

Tara, Marriott, Ritz Carlton, Renaissance, Tara Eco Supplies, Ben Kaufman, Nine Lives Foundation, Luna Foundation, Sgt Pepper’s Friends, Craft & Lola, y One Love Foundation. Entre tur nos partnernan cu a contribui generosamente, One Love Foundation y Ben Kaufman merece un mencion special. Nan generosidad no ta solamente inclui e donacionnan cu nan a haci pero tambe nan compromiso pa biaha for di Merca pa ta hunto cu nos durante e evento,” e Directiva di Stimami Sterilisami ta anuncia.

“E evento no ta bai solamente yuda contribui na nos mision pa mitiga e sufrimento di cacho y pushi riba caya, pero tambe e ta bai brinda nos comunidad e oportunidad

pa cumpra productonan duradero y di bon calidad na prijsnan hopi barata, mientras cu nan ta pasa un dia leuk den famia. Nos ta invita henter Aruba pa bin disfruta y apoya e maraviyoso causa aki.” Fundashon Stimami Sterilisami Fundashon Stimami Sterilisami ta un non-profit organization cu ta uza 100% di tur donacion pa ofrece subsidio pa e procedura di sterilisacion pa tanto publico en general, como tambe organisacionnan di boluntario cu ta cuida cacho y pushi riba caya. E organisacion su bukinan ta habri y ta wordo controla pa asina brinda

transparencia total di e uzo di fondonan. Pa esnan cu kier aporta na e gran causa aki, por haci donacion directo na Fundashon Stimami Sterilisami:

Bank: Aruba Bank

Acc. Number: 6012630190

Acc Name: FUNDASHON STIMAMI STERILISAMI

Swift code: ARUBAWAX