Issuu

Diahuebs 12 November 2020

Solo di Pueblo

AÃ±a 16 - edicion 252

Carta di sindicatonan Simar, Sada y Spa pa Gobierno

Sindicatonan SSS kier nan placa bek y no kier ta solidario mas

E-mail: solodipueblo@gmail.com

Prijs: Afl. 1.75

Director nobo di Hospital Jaco Vroegop......

Ta boga pa mas Arubiano traha den hospital

Nan no kier tende di "tot nader orde" Wardacosta ku otro detencion di boto ku indocumentado

Otro bom cla pa rementa na SERLIMAR:

Director Anko Koopmans No a paga prima di pensioen di empleadonan ARUBA TA BIRA E PROME DESTINACION PA CUAL JETBLUE TA OFRECE TEST PROME CU BIAHE

A.T.A. SUMAMENTE SATISFECHO CU E LOGRO AKI!

Diahuebs 12 November 2020

Resumen di casonan di Covid-19 na Aruba

Un morto, 20 recuperacion y 8 caso nobo

CEO di Norwegian Cruise Line

Reservacion di cruceronan a aumenta debi na noticia riba vacuna contra coronavirus Segun resumen di diaranson, 20 persona a recupera, tin un total di 8 caso nobo di Covid-19, di cual tur ta residente, ("positivity rate" bou residente awe ta 8 %).

E noticia alentador di Pfizer riba e vacuna dialuna, a laga algun consumidor suficientemente comodo pa reserva crucero, segun CEO di Norwegian Cruise Line, Frank del Rio.

E total di casonan activo pa awe ta 169, total di testnan haci ta 226, testnan haci bou residentenan na laboratorio di hospital ta 101, total di casonan di E noticia di datonan di e ultimo fase di e vacuna fayecimento relaciona cu Covid-19 a aumenta na 43. di Pfizer a haci cu e Averahe di casonan pa dia abase semanal ta 11, mercadonan bursatil di averahe di "positivity rate" pa dia abase semanal ta Merca a hisa dialuna, hunto cu Norwegian y 14% su coleganan, Carnival Hospital ta informa cu tin un total di 6 persona Corp. y Royal Caribbean, interna di cual 2 ta den Cuido Intensivo y 4 isola riba cu a crece casi un 30%. Del Rio a bisa analistanan piso general. den un yamada di telefon E virus di Covid-19 tey riba isla. Pa nos sigui controla di e ganashinan di e di tres trimester di e e plamamento nos mester sigui cumpli. compania diamars, cu Sea alerto y conciente di cada un di bo actividadnan e noticia di e vacuna a ora cu nos tur ta conciente, hunto nos ta trahando na genera reservacionnan mas halto cu custumber mantene e casonan abou. riba dialuna. accionnan di Sigui mantene distancia, sigui aplica higiena, sigui E uza tapa boca, sigui test pa covid sibo tin sintoma, Norwegian a negosha sigui mantene isolacion of cuarentena ora bo wordo abao den mas di un 5% indica, sigui cumpli y sigui cuida Aruba ta conta cubo! diamars, despues di a informa di e resultadonan --

di ganashinan mixto y e incertidumbre continuo riba ki ora por reanuda nabegacion. “E reservacionnan, den e ultimo 24 oranan, tabata bastante bon, miho compara cu cuater of cinco luna pasa. Y esey mi ta kere, ta bin na e noticia di e vacuna,” el a bisa. “Nos no a haci ningun promocion en particular, ni nos a haci ningun marketing di

gran tamaño.” Del Rio a promociona e noticia di Pfizer como “un trend significativo” y tambe a señala cu e Administracion di Alimento y Medicamento a autorisa e tratamento cu anticurpa di Eli Lilly dialuna anochi. Ambos desaroyo, segun e ehecutivonan, hunto cu e avance den pruebanan di Covid-19 lo yuda reanuda biahenan den crucero.

Diahuebs 12 November 2020

Carta di sindicatonan Simar, Sada y Spa pa Gobierno

Sindicatonan SSS kier nan placa bek y no kier ta solidario mas Nan no kier tende di "tot nader orde" Den un carta manda pa Gobierno di Aruba, sindicatonan Simar, Sada y Spa a expresa cu nan no kier ta solidario mas cu demas personanan den comunidad. Nan ta exigi nan placa bek, y ta bisa claramente: Nan no kier tende mas di tot nadere orde. Nota di redaccion: Te mes sindicato aki a manda carta pa Hulanda na April 2020, pidiendo Hulanda pa inverveni na Aruba. Ta nan mes a yama Hulanda. Ora Hulanda a bini cu "tot nadere orde", awor tampoco no ta bon. E pregunta grandi ta: SSS sa masha bon cu e medida aki ta imponi dor di Hulanda. Nan a acudi na Hulanda cu nan postura di no kier di "tot nadere orde"? Ta poco incmprondenibel, con SSS no por realisa, cu ainda nos ta den crisis y Gobierno ta den lucha pa fia placa pa paga nan salario. E unico conclucion cu nos por saca ta cu e Trio SSS, sea ta motiva pa motibonan politico, of nan tin limitacion mental, nan no por compronde kico kemen crisis. Aki e carta: 6 November 2020: E Sindicatonan SADA, SIMAR y SPA, representantenan di miembronan di Cuerpo

di Douana, Sector di Ensenanza y Cuerpo di Polis, ta uni hunto awe tardi, pasobra ariba un carta dirigi na su Excelencia, diabierna 23 di oktober, di cual diahuebs 29 di oktober a manda un recordatorio, y e ultimo carta diabierna 30 di oktober 2020, NO a haya e oido necesario ariba e peticion pa un reunion di caracter urgente. Ayera nochi pa 6.49'or sindicatonan a ricibi un carta cual nos a tuma nota di e contenido. Si apenas ta falta algun simanan prome cu anja 2020 termina, e Sindicatonan ta lamenta cu tin cu spera pa e prome kwartal di anja 2021 pa por discuti cu Hulanda. Manera un bon dunador di trabao ta pone tempo disponibel pa traha y discuti hunto ariba temanan esencial pa e humilde trahador. E lema tan uza di Gobierno ta: E SER HUMANO TA CENTRAL. Sinembargo nos NO ta mira esaki a base di hechonan den practica. Sindicatonan ta carga na un manera serio nan responsabilidad pa nan miembronan y ta haya falta di seriedad den asuntonan cu ta trata relacion di trabao di empleadonan, pa por sinta y dialoga cu respet mutuo pa otro na un manera responsabel y madura. Una vez cu ta cuminza cu preparacionan cu Presupuesto di anja 2021 ta tene cuenta cu tur aspectonan, gastonan y entradanan relevante y ta reserva tempo pa tene dialogonan cu tur gremionan. Sindicatonan a constata cu pa e Presupuesto 2021 nan voz y nan opinionan NO a keda scucha y NO a

envolvi nan ningun momento. Nos miembronan ta disgusta, preocupa y alaves hopi decepciona den Gobierno su actidud cu ta neglicia nan derechonan y NO ta respeta nan, den un temporada di crisis cu COVID-19 a trese su problemanan gigantesco, cu consequencianan fuerte y pisa pa un y tur. Nos miembronan ta exigi claridad, transparencia y honestidad ariba diferente aspectonan importante cu ta trata nan posicion huridico. Nan NO kier haya golpinan inespera y keda confronta cu sorpresanan desagradabel di un dia pa otro. Nos futuro ta den man di Gobierno. Nos miembronan a entrega y sacrifica bastante caba. Nos miembronan kier haya contesta cla y raspa ariba kico ta spera nan pa anja 2021. Nan NO kier tende nada mas di "tot nader orde". E periodo mester ta determinante. Na nomber di nos miembronan nos peticion pa un reunion urgente pa sinta dialoga na un manera serio nos ta mantene y ta confia cu su Excelencia ta honra esaki mas pronto cu ta posibel. Atentamente, Sindicato SADA Sindicato SIMAR Sindicato SPA Presidente Eduard Maduro Presidente Josephine Albertus-Martilia Presidente Jose Dirksz

Director nobo di Hospital Jaco Vroegop......

Ta boga pa mas Arubiano traha den hospital Director di Hospital, Sr. Jaco Vroegop a bisa diaranson mainta durante un rueda di prensa, cu e ta desea pa mas Arubiano por wordo envolucra den e sector medico, e sector di cuido. Segun el'a declara cu e ta mira oportunidad pa Arubanio mes ocupa varios funccionnan den e sector aki. Pesey mes su persona lo bay activa varios enseĂąansanan pa e personal y lo atrea tambe Arubianonan cu por haya trabao aki y gana nan pan aki.

Nota di SOLO DI PUEBLO: E idea aki sigur ta wordo tuma cu man habri y ta contento di tende cu a cuminsa pensa riba yiu di tera. No lubida cu tin un grupo grandi cu a studia pa dokter, cu awendia mester haci otro trabao! Cuminsa cu ofrece nan un trabao pa asina nan tambe por cuminsa wordo envolvi den trabaonan medico, cual ta loke nan a studia pe.

Diahuebs 12 November 2020

Otro bom cla pa rementa na SERLIMAR:

Director Anko Koopmans No a paga prima di pensioen di empleadonan Sindicato SEPPA cu ta representa e trahadonan di SERLIMAR SG a wordo contacta door di nan miembronan cu tin un disgusto grandi. Nan ta sinti cu nan director ta perhudica nan y cualkier momento APFA por saca nan for di fondo di pensioen pa motibo di incumplimento cu pago di prima. Pero e no ta solamente esey. Tabatin henter un bruhamento den calculacion pa loke ta e reduccion di salario cu Gobierno a bini cune for di luna di mei / juni y cu SERLIMAR no a haci, o no a haci bon, y despues a bay regle di un forma cu e empleadonan no a keda contento. Despues cu e empleadonan a tuma contacto cu sindicato SEPPA, esaki a dicidi di manda un carta pa prome minister Evelyn Wever Croes, apelando na dje pa percura cu e empleadonan di SERLIMAR no ta wordo perhudica den nan pensioen. SEPPA ta bisa den e carta cu trahadonan di Serlimar SG a trece pa nan diferente asunto cu ta tumando luga na Serlimar SG cu tin nan hopi disgusta y malcontento. Trahadonan di Serlimar SG ta informa SEPPA cu nan a ricibi un carta di e fondo di pensioen APFA, caminda APFA informa nan cu Serlimar SG ta atrasa tres luna den pago di primanan di pensioen di e trahadonan di Serlimar SG y cu Serlimar SG a haya uitstel van betaling tambe pa e tres lunanan di prima di pensioen

atrasa den e surseance van betaling definitivo. Tambe APFA ta informa e trahadonan cu desde 19 di mei 2020 Serlimar SG ta pagando mensualmente e prima di pensioen di e trahadonan di Serlimar SG na APFA, pero cu APFA lo sigui monitor e pagonan di cu e compania mes mester haci. Si dado caso Serlimar SG no sigi cumpli cu e pagonan di e pensioen premies di e trahadonan na APFA y Serlimar SG bolbe crea un atraso den e pago, APFA lo bay over na para e pensioen opbouw di e trahadonan di Serlimar SG y lo informa e trahadonan di Serlimar SG esaki por escrito. E carta aki cu e trahadonan di Serlimar SG a ricibi di APFA a trece cune un disgusto grandi bou di nan y mas ainda e informacion suministra dor di APFA cu Serlimar SG ta atrasa tres luna cu e pago di prima di nan na APFA, mientras cu aĂąa pasa gobierno y Serlimar SG a sinta hunto cu e fondo di pensioen di APFA pa regla e atraso aki di trahadoman di Serlimar SG cu Serlimar SG tawata tin cu APFA. Pero ta indica cu e director di Serlimar SG no a cumpli cabalmente cu a areglo cu Serlimar SG tin cu APFA y esaki ta causa cu e trahadonan di Serlimar SG ta hopi indigna y disgusta, pasobra Serlimar SG ta kita e placa pa e pensioen premies for di e salario di tur trahado di Serlimar SG tur luna, mientras 3 luna no a wordo manda

na APFA. Esaki ta un mal maneho di e director di Serlimar SG. Tin un otro asunto cu ta preocupa e trahadoman di Serlimar SG, esaki ta e reduccion di salario di 5% cu a tuma luga desde de mei 2020, reduccion di 50% riba vakantie uitkering y reduccion di 50% riba e toelagen di augustus y november 2020. E pregunta di e trahadonan di Serlimar SG ta si e compania ta manda e suma cu a wordo

retene di salario di e trahadonan di Serlimar SG na e instancia concerni y si no ta asina na unda esaki a bay. Pa e motibo aki SEPPA a pidi prome minister den su carta un reunion urgente pa trata e dos puntonan menciona. Trahadonan kier haya claridad mas lihe posibel riba nan preocupacionnan cu tin nan hopi disgusta y malcontento. Riba e meneho di Serlimar di e ex mandatario y e director cu su mes un

persona a apunta di un forma inmediato na e posicion como director di SERLIMAR SG Anko Koopmans. Awor cu e cartera ta den man di prome minister Evelyn Wever Croes e trahadornan ta sinti cu nan por hala rosea y por expresa nan preocupacion di henter e situacion cu nan como trahado ta pasa aden sin cu por expresa. Pesey mes a pidi un reunion cu e mandatario di mas halto akin a Aruba Evelyn Wever Croes.

Diahuebs 12 November 2020

Director di Hospital Jaco Vroegop:

Ta haci un yamada di pas pa sindicato Durante un rueda di prensa diaranson mainta, e director di Hospital a haci un yamada pa pas na sindicato di hospital y a pidi pa nan comunica mihor cu otro y garantisa trankilidad. E director a bisa cu pronto lo bini varios encuentronan, di varios stake holders, unda nan lo traha riba

un plan di cinco aña pa hospital. Den tur e proceso aki nan kier envolvi sindicato, pa hunto nan por traha pa hiba hospital dilanti. Pues a extende un man na sindicato di Hospital, pidiendo pa baha man cu lansa critica y ban traha hunto.

Prome Minister Evelyn Wever-Croes:

CUMBRE ‘VIRTUAL’ CU SINDICATO,GREMIONAN COMERCIAL Y PARTIDONAN POLITICO Diamars merdia, Prome Minister Evelyn WeverCroes hunto cu Minister di Finansa, Asunto Economico y Cultura, Xiomara Maduro y participacion di Minister di Husticia Andin Bikker, a tene un otro cumbre cu sindicatonan, gremionan comercial y partidonan politico en conexion cu e negosacionnan cu Hulanda pa loke ta trata Covid-19 manera cu Gobierno a bin ta haciendo desde cu a cuminsa negosia cu Hulanda na juni ultimo. Prome Minister a habri e cumbre enfatisando e impacto grandi cu Covid tawata tin riba Aruba su finansa y economia. E mandatario principal di nos pais a enfatisa cu Gobierno di Aruba durante e negosacionnan cu Hulanda a purba tur opcion pa saca e miho deal pa Aruba y a yega na e punto cu mester acepta e deal cu Hulanda despues di e cambionan cu Gobierno a logra pa principalmente salbaguarda nos autonomia. Pero Aruba mester di ayudo pa sali mas fuerte y resiliente for di e situacion aki cu

a wordo ocaciona door di Covid-19. “E problemanan financiero cu Covid a causa e aña aki, pero tambe sigur e siguiente dos añanan, ta enorme. Realidad ta cu nos so no por sali for di e abismo cu Covid a crea, nos mester di ayudo. Den bida ta pasa cu hasta esnan mas independiente, esnan mas orguyoso, mester pidi ayudo cierto momento. Pidi ayudo no ta señal di debilidad, e ta señal di forsa, pasobra

nos ta pidi e ayudo aki temporal, pa nos por sali mas fuerte di e crisis aki. Nos ta convenci cu e cambionan cu tin aworaki riba papel, lo yuda pa Aruba por sali hopi mas lihe for di e crisis aki. Nos lo haya asistencia, placa pa inversion, fiansa na 0 porciento y pa 2 aña largo refinanciamiento lo bay ta na 0 porciento. Algo cu Gobiernonan a purba pa hopi aña pero no a logra”, Prome Minister a duna di conoce.

Gabinete Wever-Croes a demostra cu por sanea un situacion financiero malo cu a encontra na principio di e gobernacion aki entregando prome cu Covid a dal, un presupuesto cu un surplus di 40 miyon Florin. Gabinete WeverCroes por y a logra esaki den apenas dos aña di gobernacion. Y cu determinacion y sosten di pueblo, lo logra un biaha mas pone Aruba riba e bon rumbo financiero bek pa asina

nos pueblo por sinti alivio cu nos merece. Esnan cu a participa na e cumbre a haci hopi pregunta al respecto y ta mustra cu ta convivi cu desaroyo di nos pais. Gobierno di Aruba un biaha mas ta score cu transparencia haciendo e encuentro virtual aki via paginanan social di Gabinete Wever-Croes y TeleAruba pa asina pueblo henter por a sigui e informacionnan duna den e cumbre.

Diahuebs 12 November 2020

Alumno (13) deteni merdia na scol

Van Leeuwenhoekstraat - Diaranson merdia den careda di 3'or docente na Maria College a pidi presencia di polis. E asistencia tawata pa un alumno(13).

E motibo cu polis a wordo pidi tawata cu a haya algo skerpi(cuchiu) den poder di e mucha. Polisnan hunto cu docente lo a papia un rato cu a alumno.

Despues di papia pa algun rato agentenan a detene e alumno di 13 aña y a sali direccion warda di polis di Oranjestad, unda cu si ta bon lo yama su mayor of mayornan.

Prome Minister Evelyn Wever-Croes:

PROME MINISTER A BIAHA PA HULANDA PA SIGUI NEGOCIA Y ATENDE REUNION DI CONSEHO DI MINISTER DI REINO DIABIERNA AWO Diaranson mainta, Prome Minister Evelyn Wever-Croes a biaha pa Hulanda pa asina atende e reunion di Conseho di Minister di Reino diabierna awo. Despues di lunanan di negosacion cu Hulanda, Gobierno di Aruba a yega na e punto na unda ta cla pa acepta e condicionnan di Hulanda. “Pa e motibo aki mi ta biahando pa Hulanda pa atende e Conseho di Minister di Reino, diabierna awor dia 13 di november caminda cu e topico aki lo ta riba agenda”, Prome Minister a duna di conoce. Prome Minister a indica cu Gobierno di Aruba ta

sigur cu e pakete cu tin riba mesa awor ta mas balansia, especialmente cu a tene cuenta cu nos autonomia ta miho salbaguardia. “Nos ta kere cu e pakete aki lo yuda nos pa Aruba sali for di tur e problemanan cu nos a wordo hinca aden door di Covid. Covid a dal nos duro pero aworaki cu e areglo aki di financiamento y sosten di Hulanda nos por dal pasonan grandi padilanti pa nos sali cu un Aruba, economia y autonomia mas fuerte”. Durante su buelo pa Hulanda Prome Minister den su pagina di Facebook a expresa e

siguiente deseo: “Na caminda pa Hulanda, via Corsou,

pa atende reunion di Conseho di Minister di Reino diabierna awor. Nos ta spera cu tur cos

por keda cla pa diabierna awor. Den nomber di Dios nos lo logra!”

Diahuebs 12 November 2020

Wardacosta ku otro detencion di boto ku indocumentado

Wardacosta su punto di sosten na Aruba conhuntamente ku Cuerpo Polisial di

Aruba accion resulta di 33

a tene un bon atrobe cual a den detencion indocumentado.

Diasabra ku a pasa Wardacosta a detene 10 indocumentado ku tambe a purba drenta Aruba na un forma illegal. E 10 personanan ku a ser detene a ser entrega na Warda nos Costa. Ayera marduga e sistema

di radar Wardacosta a detecta un boto cual tawata nabegando direccion di Aruba. Abase di e radar su imagen a saca un unidat pa bai detecta y controla e boto sospechoso riba lama. Na bordo di e boto a encontra 33 indocumentado y tambe

un macacu ku tambe a ser transporta. Di e 33 personanan, 30 ta hende homber y 3 ta hende muhe. E personanan a ser entrega na Warda nos Costa y e animal a ser entrega na personal di servisio veterinario. E caso ta sigui den investigaccion.

Campaña di Vacunacion Escolar a cuminsa atrobe Importante pa muchanan keda proteha contra malesanan contagioso

Aruba –09 februari 2020: Manera tur aña campaña di vacunacion escolar tey atrobe. Seccion Cuido Salud Hubenil (JGZ) di Departamento Salud Publico (DVG) actualmente ta pasando tur scol preparatorio, basico y special pa ofrece vacuna na cierto grupo di mucha segun e programa di vacunacion nacional. Durante pandemia di coronavirus ta importante pa keda vacuna muchanan pa asina evita cu otro malesanan contagioso por lanta cabes. Aki ta referi na e vacuna ‘DKTP’ contra difteria, kinkhoest, tetanus y polio y ‘MMR’ contra cacheton, sarampi y sarampi Aleman. Tambe lo ofrece vacuna ‘HPV’ contra e virus papiloma humano cu por causa cancer na boca di matris. Cinco grupo di mucha ta bin na remarca pa un of mas vacuna:

Grupo Vacuna Muchanan di scol preparatorio naci te cu 2015 DKTP / MMR Muchanan den klas 1 di scol basico DKTP / MMR Muchanan den klas 5 di scol basico DKTP / MMR Muchanan naci na 2010 di scol special DKTP / MMR Mucha muhenan den klas 6 di scol basico y special HPV Mayornan cu tin yiu den un di e gruponan menciona lo ricibi un carta cu mas informacion via scol si en caso e mucha falta vacuna segun registracion na DVG. Den e carta lo specifica cua vacuna e mucha falta y lo pidi permiso di mayor pa vacuna e mucha na scol. Si tin e buki geel

di vacunacion por manda esaki hunto cu e carta di permiso y lo nota esaki den e buki. Si no tin e buki mas, e mucha lo haya un otro comprobante di vacunacion. Seccion Cuido Salud Hubenil ta traha conhuntamente cu Wit Gele Kruis y tin record di vacunacion di tur mucha digitalisa. Asina por garantisa cu tur mucha ta proteha debidamente. Tur mucha tin derecho pa crece y desaroya bon di salud. Cuido y proteccion di nos muchanan ta un responsabilidad di nos tur. Ban percura pa muchanan na Aruba ta bon vacuna! Pa mas informacion por tuma contacto cu Seccion Cuido Salud Hubenil na 522-4200 of jgz@despa.gov.aw of “LIKE” Directie Volksgezondheid riba Facebook pa keda informa.

Diahuebs 12 November 2020

CLUB OANSA PIEDRA PLAT CLA PA CUMINSA BEK

Despues cu nos no por a cuminsa na comienso di e a単a escolar nobo pa e motibonan conosi, awor si nos ta cla pa start sali cu Club Oansa diabierna awor 13 di November 2020. Cuminsando 6:00pm. Nos a adapta tur nos facilidadnan na e protocolnan stableci pa DVG. E ekipo di lidernan di Oansa ta cla pa ricibi tur e Oansistanan cu hopi alegria. Tambe por inscribi muchanan nobo cu kier bin Oansa. Tur mucha for di 3 a単a te cu 12 a単a por participa. Oansa tin un base di norma y balornan Cristian y ta contribui na e desaroyo di e mucha den e areanan, Educativo, Social, Deporte, y Recreacion. Pa mas informacion por tuma contacto cu sra. Rhoda Berg. Tel: 5834631 / Cel.5934640 / e-mail: centrofamiapp@gmail.com Of por pasa personalmente na Piedra Plat # 50. Net banda di Compleho Deportivo Franklyn Bare単o.

Diahuebs 12 November 2020

DIP A FIRMA 200 AKTE DI TERENO Aruba Bank ta PA CONSTRUCCION POR CONTINUA reconoce su empleado superior Y EMPUHA ECONOMIA DI ARUBA pa luna di october

– Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina un empleado ehemplar tur luna. E empleado cu ta escohi ta esun cu durante di e luna a haci su maximo esfuerzo pa brinda momentonan superior na tur esnan cu bishita Aruba Bank of haci uzo di un manera of otro di un servicio di banco. Erlene Croes-Fingal a ser seleciona durante di luna di october pa su rapidez, eficiencia y profesionalismo den su area di trabou. Erlene Croes-Fingal, Sr. Retail Banking Representative, a brinda un servicio di calidad halto y superior na clientenan den su area di trabou. E ta haci esaki door di duna un servicio excelente, liher y cu un sonrisa semper riba su cara. Erlene su rapidez, eficiencia y profesionalismo den su area di trabou a haci cu ela wordo nomina y reconoci como un empleado superior. Aruba Bank ta felicita y gradici e miembronan di e famia di Aruba Bank cu a wordo nomina pa cliente y of colega pa yuda brinda tur cliente “Un Experiencia Superior”. Pabien Erlene!

Manera cu a anuncia siman pasa, Prome Minister Evelyn WeverCroes a traspasa autoridad di firmamento di akte di tereno for di Minister y pone den man di e departamento mes, esta DIP. E prome tarea cu Directie Infrastructuur en Planning (DIP) a ricibi ta, pa atende cu e atraso di tereno (500). Di awor en adelante, terenonan cu wordo firma ta wordo firma na e departamento door di e Director den e caso aki sr. Haime Croes y un otro persona a base di principio di ‘cuatro wowo’. Di e forma aki ta depolitisa e departamento, agilisa e proceso y acelera desaroyo economico. DIP a traha un planificacion pa atende cu e cantidad di 500 aktenan di personanan cla pa construi y/of planta, pa nan ricibi esakinan e aña aki. E meta ta pa trata 200

akte cada siman pa asina actualisa e peticionnan. Director di DIP a splica cu awor cu DIP mes ta encarga cu e firmamento di terenonan, e meta ta pa sali for di nan mas lihe cu ta posibel, pa construccionnan por tuma luga y personanan por realisa nan proyecto. Mester tene na cuenta si, cu ta drentando periodo di fin di aña y esnan cu ricibi nan carta mester bay banco, notario y atende cu contratista. Anteriormente tin custumber cu notarionan ta cera di 15 di december y contratistanan tambe ta baha cu vacacion. Pues por spera cu pa januari/ februari lo bay mira e desaroyonan. Sectornan di comunidad cu lo ta beneficia Tin diferente sector cu ta beneficia ora cu tin construccion. Den e caso

aki por ehempel FCCA ya cu mayoria di e aktenan firma tin hipoteca pendiente cu FCCA y tabata wardando riba DIP. Banda di esaki notarionan tambe lo tin trabou, banconan, contratistanan y luganan cu ta bende material di construccion. Pues e firmamento di terenonan tin un “spinoff effect” importante riba Aruba su economia. Lista di espera Finalisando sr. Croes a splica cu pa e proximo 5 añanan tin un necesidad di mas o menos 5000 hende cu lo mester cas. A base di e proyeccion ey combina cu e capacidad di construccion cu tin, DIP ta hiba un maneho pa realisa proyectonan di viviendanan cu ta bay halto. Di e forma aki por atende cu e demanda pa vivienda teniendo na cuenta e cantidad limita di tereno cu tin.

Diahuebs 12 November 2020

Cosecha cu un workshop creativo di pinta tas

Pinturanan cu Ana ta conoci pe y cu hopi biaha e ta husa pa su tasnan ta esunan di shoco, e simbolo nacional di Aruba. Tambe e colornan di carnaval ta inspira Ana pa crea e piesanan colorido transmitiendo e energia di e fiesta anual aki. (10 di november, 2020) – Dia 28 di november Cosecha tin un workshop creativo di pintura. E biaha aki Cosecha ta colabora cu e artista Ana Luidens. Ana Luidens ta un artista multi disciplinario cu ta conoci den mundo creativo como un specialista cu ta traha

y pinta tas. Ana Luidens ta un artista local cu ta traha tas, di cartera te cu tas elegante y di tas casual te cu piesa artistico di e material di canvas of jeans. E ultimo ta su aporte na medio ambiente unda e ta kere den e proceso di recicla.

Diasabra dia 28 di november participantenan por siña con pa pinta riba un tas cross body cu ta traha di e material di canvas. Bo lo sketch bo mesun diseño riba e tas bou di guia di Ana Luidens y pinta cu pintura acrylico. E workshop lo tuma lugar di 02.00

pm- 04.00 pm. Edad pa por participa ta 15 aña bai ariba y e prijs pa por participa ta AWG 50.00. E prijs ta inclui material y bebida refrescante. Ta importante pa sa cu durante e actividadnan creativonan na San Nicolas tur precuacion di higiena y seguridad lo wordo tuma en conexion cu Covid-19. E workshop creativo di tas cross body ta parti di e linea di Ana Luidens cu a wordo desaroya hunto cu Cosecha. Anteriormente tabata tin workshop di tas clutch y tas wristlet. Den aña 2021 Cosecha y Ana

Luidens lo sigui ofrece e linea di workshop di pintura di tas. Pa mas informacion por tuma contacto cu Cosecha Oranjestad na telefoon 5878709. Tambe por manda un email na cosechaworkshop@gmail. com. Pa por keda informa di Cosecha su workshopnan, artesanonan, artistanan y nan webshop nobo por bishita nan Facebook page: Aruba-Cosecha Instagram page: cosecha_ aruba y Webpage: www. arubacosecha.com

Diahuebs 12 November 2020

Parlamentario Edgard Vrolijk (MEP):

Nos di parlamento ta scoge pa reconstrui nos pais Ayera parlamento den su mayoria, pues fraccionan di MEP, POR, RED y parlamentario independiente a bay di acuerdo pa autorisa nos Promer Minister Evelyn Wever-Croes pa por firma cu Hulanda p’asina e proceso di Ley di Reino por ser encamina y bay pa Raad van State pa nos por haya e consehonan riba e ley di Reino cu ta regarda e entidad nobo pa Aruba, Corsow y Sint Maarten.

S i t u a c i o n Pre-Covid

Pueblo no mester perde di bista e situacion doloroso financiero cu Gabinete Evelyn Wever-Croes a topa cune unda di cada florin 93 cent ta bay pa paga na debe unda cu den 8 aña bao Gobierno di AVP y Mike Eman a destrui e pais aki haciendo esaki hopi vulnerabel pa cualkier shock. Cu Covid sigur nos ta biba e mal gobernacion aki, unda cu nos no por ni yega mercado internacional pa cumpli cu nos debernan domestico corda internacional y sigur na e momentonan aki nos so no por lanta bek y no ta un berguensa pa tuma ayudo cu aki poco aña Aruba un biaha mas por ta riba su pianan

Nos ta scoge reconstrui nos pais

Decision di ayera cu nos a tuma hunto cu Gobierno ta pa reconstrui nos pais. Den esaki nos por garantisa cu nos por keda paga salario, fase y loonsubsidie y sigur mientras nos ta haci reformanan necesario pa lanta nos economia. Haciendo esaki tambe nos por mehora nos finansa y pa proximo dos añanan nos por conta riba refinanciamento di Hulanda na 2% unda nos ta scapa alrededor di 40 miyon florin pa aña cu nos por inverti y sigur contribui pa reduci nos debe. Pa nos opositornan di AVP lo importante no ta reconstrui , pero pa destrui nos pais paso ta esey so nan ta lanta cune, cu mal deseo pa pueblo di Aruba cu hasta no a sostene presupuesto supletorio unda nos a percura pa yega na fondo y awo cu Hulanda esaki ta garantisa pa asina por sigui paga fase y loonsubsidie, pero lamentablemente oposicion a bay contra e homber y muher di Aruba cu ta pasando hopi duro den e pandemia aki. Awo mas cu nunca nos na Aruba mester realisa e importancia di haci reformanan cu lo trece cambionan cu ta di vital importancia pa reconstruccion di Aruba y sigur bao di liderasgo di Evelyn Wever-Croes nos lo logra esaki den corto tempo.

Fruta y Berdura Fresco a yega Macuarima... Situa na e ex- oficina di dokter Anthonny... pariba di Stadion Ya a habri su porta e mercado di fruta y berdura fresco...

Container fresco freaco.... carga cu fruta y berduda... Prijsnan ta di Mercado Popular... Prijs di Pueblo.... Pasa wak pa bo mes... desde manyan Diahuebs Tambe tin Keeshi...keshi blanco 13,50 duro y semi duro.. Fruta y Berdura... na prijsnan di Pueblo! Tur berdura na 4 afl pa kilo Bacoba 3.25 pa kilo ..... Pampuna 2.50 pa kilo..... Patia de 8 a 10 kilos 12 florines..... Pineaple 5 afl pa unidad.... Banana big 0.80 pa unidad ...... Agucate 3 afl pa pida Queso duro y semiduro 13.50 pa kilo .... Harina pan 3 afl pa kilo y hopi mas na hopi bon prijs

FRUTA Y BERDURA - MACUARIMA -E UNICO LUGAR NA ARUBA CU BO POR HAYA E

PRIJSNAN AKI

Diahuebs 12 November 2020

Stimula desaroyo profesional continuo

Entrevista cu graduado di IPA, Nadine Kirindongo den cuadro di ‘Get to know IPA’ Desde IPA su inicio te cu awor, e instituto a conoce varios graduado cu a termina un of mas estudio cu exito y cu awo ta maestro competente y ehemplar den nos comunidad. Un di nos graduadonan ta cabesante juf Nadine Kirindongo. Juf Nadine ta cabesante di St. Franciscus College y ta graduado di e estudio pa maestro di Enseñansa Primario di aña 2000. Recientemente el a cumpli 20 aña di servicio na su scol y na SKOA. Juf Nadine ta conta cu ora el a gradua di IPA, apesar cu el a cuminsa duna les den klas 2 e tabata dispuesto pa tuma e reto den duna les den cualke klas. Semper Nadine a dedica na desaroya su mes profesionalmente como maestro. Pa Nadine, no tin un limite di cuanto bo por siña. Tempo cu meneer Gerardo Figaroa tabata cabesante na su scol, el a dun’e oportunidad pa haci varios curso. Juf. Nadine a haci curso di entre otro ICT, Papiamento y ‘Prisma Cursus Nieuwe Stijl’. Despues di a termina e curso di Prisma, el a bira maestro di Prisma na su scol. Despues di algun aña di experiencia y diferente curso tras di lomba, juf. Nadine a haya e oportunidad y confiansa di su cabesante pa bira e cabesante suplente. Juf Nadine ta menciona cu su desaroyo profesional no a keda te aki. Na aña 2014 a presenta e oportunidad pa haci e curso di ‘Educational Leadership for Collaboration’ ofreci na Universidad di Aruba y juf Nadine no a pensa dos biaha pa participa na e curso aki. Juf Nadine ta conta cu orguyo cu na 2015 el a haya e timon di su scol y a bira oficialmente e cabesante. Como cabesante, juf Nadine ta kere fervientemente cu den cada paso di un persona su carera profesional tin cos nobo pa siña. Pa e motibo ey juf Nadine a scoge pa sigui ‘International School Leadership Program’

di Ontario Principal Council Canada na 2016 y na 2019 a sigui e post-HBO di Kind in Kracht voor Kindercoach y na 2020 ta logra esaki cu exito. Juf Nadine ta comparti su trayectoria, pasobra prome cu un persona kier motiva su ekipo, e persona su bida, acto y pasion mester ta ehempel positivo. Juf Nadine a continua na bisa cu e sa e potencial di su coleganan y nan sa cu e no ta spera menos di nan. E ta elogia nan logronan y ta polish ora mester polish. E ta kere firmemente cu nos tarea como maestro di scol ta pa crea lider. Den esaki juf Nadine su tarea como cabesante ta pa vigila, motiva y sigui e desaroyo di e maestro y mir’e florece. Juf Nadine ta termina bisando cu nunca tin limite pa loke ta trata logro den bida. Tuma tur oportunidad cu presenta bo dilanti pa por desaroya como profesional cu tur dos man. Nos

no sa nunca si esey ta e unico biaha cu e lo presenta. IPA ta duna recapacitacion y profesionalisacion pa medio di departamento CDPC. CDPC ta para pa Centro pa Desaroyo Profesional Continuo. E departamento aki ta encarga cu enseñansa pa tur maestro y docente, cuminsando di scol preparatorio te cu scol superior. Den cuadro di e asina yama ‘Get to know IPA’, e instituto lo tene un live session di CDPC dia 12 di november pa 6or di atardi riba e pagina di Facebook Instituto Pedagogico Arubano. Durante e live session lo splica, entre otro, kico ta CDPC y lo trata e cursonan di recapacitacion cu CDPC ta ofrece durante aña academico 2020-2021 y e procedura pa inscribi. IPA ta invita tur maestro, scol y directiva pa ‘like’ e pagina di Facebook Instituto Pedagogico Arubano, p’asina keda na altura di tur informacion di ‘Get to

know IPA’. Pa mas informacion tambe por bishita nos website www. ipaaruba.com y si ainda bo tin cualkier pregunta, por tuma contacto cu Studenten Services na 5243100.

Diahuebs 12 November 2020

E MINISTERIO DI BOLUNTARIO DI FREEWINDS TA MOVE CIELO Y TERA DEN NAN LUCHA CONTRA COVID-19. Mirando cu e number di caso di COVID-19 no tawata baha mas y cu tur día casonan nobo Ta wordo raporta , e Ministerio Boluntario di Freewinds a tuma un curso nobo di acción. Nan a cuminsa bai na nos beachnan y e bars, na unda violacion di protocol ta tumando lugar den oranan laat di anochi. Durante nan recorrido di e cafes y bars di Eagle Beach ta cu Plaza Turismo, e Ministerio di Boluntario di e Misa di Sciensologia ta proveendo e información necesario na e doñonan, managers y bartenders, pa asina nan mantene nan facilidadnan sigur pa e publico di Aruba. Nan misión ta: pa urgi e comunidad, pa preveni di sigi plama e virus dor di sigi e protocolnan di prevención comproba.Nan mensaje ta bon presenta den e videonan di Stay Well cu ta mustra cu tin proceduranan simpel cu por yuda proteha nan salud y nan seguridad y esun di otro hende tambe. Un reacción típico na e videonan di desinfección y prevención a bin di un supervisor di The 5 o’clock Bar na Aruba Market Place, sra. Desiree Croes, cu a bisa:” Ta bunita loke bosonan ta hasi. Specialmente den e temponan aki cu desinfección ta hopi importante.Nos ta anda cu hopi hende y loke boso ta hasi t alaga nos sinti mas proteha. Hopi danki.” E respons aki ta común. Manera e manager di un di nos café local a bisa:” Boso ta hasiendo un trabou fantástico. Mi ta hopi contento pa waak con boso ta desinfectando. Danki pa bini y mustra nos e videos. Hopi danki!” Sr. Ken Weber, Port Captain di Freewinds a declara cu su ekipo di Boluntario di Freewinds kier caba cu e propagación di e virus riba Aruba bisando specificamente:” E Ministerio di Boluntario tin un solo meta den mente, Pa Caba cu Covid-19 riba Aruba y pa cu esaki nan

lo sigi diligentemente cu nan trabou yegando den tur skina te ora nan caba cu e virus. Como parti di e comunidad aki nos sa cu ta nos deber pa hasi tur loke ta den nos poder pa trece tranquilidad y seguridad pa esnan rond di nos y nos ta tuma e deber aki na serio. Otro ehempel di e impacto positivo crea dor di e boluntarionan ta e storia di e guardia di seguridad curioso cu a puntra un di e Boluntario, ora nan tawata desinfectando e bars na Palm Beach Plaza, kiko nan tawata hasi. Ora nan a splik’e kiko nan tawata hasi ela bisa:”Bos ta hasiendo un tremendo trabou! Di verdad boso ta duna speransa na hende cu e pandemia ta bai caba. ¡Di berdad mi kier gradici boso pa loke bos ta hasiendo y sigi cu e bon trabou!” E Ministerio di Boluntario di Freewinds lo sigi nan rol activo den yuda Aruba supera Covid-19. Ta hasi esaki dor di provee información con pa keda saludabel y desinfectando facilidadnancu e propósito pa trece speransa y prosperidad bek na Aruba. Pa haya sa con pa proteha bo mes y otronan, con pa mantene bo cas y bo lugar di trabou proteha bishita How to Stay Well Prevention Resource Center onlina na www.scientolgy. org/staywell na unda tur e pamfletanan y videos di Stay Well por wordo mira, copia y download, gratuitamente. Tur e materialnan aki ta obtenibel na ingles, spaño y ingles y 18 idioma mas. Pa haya sa mas di Freewinds, waak Inside Scvientology: The Freewinds na The Scientology Network.( www.scientology. tv/series/inside scientology/ freewinds.html) Contact: Freewinds Port Captain Ken.weber@freewinds.org P h o n e / W h a t s a p p : +1-727-666-0645

Diahuebs 12 November 2020

Inspeccion di Salud Aruba (IVA):

A cera practica ilegal di dentista/ ortodontista y e dentista no autorisa a wordo deteni

Riba diabierna 6 di november 2020, Inspeccion di Salud Aruba (IVA) a haci un bishita di inspeccion na un practica ilegal di dentista/orthodontista, a base di un notificacion cu IVA a ricibi. Durante e bishita di inspeccion na e practica, a constata cu ta trata di un persona di cual IVA a yega di cera su practica caba na comienso di 2019. Esaki pa motibo cu e no tabata tin e autorisacion rekeri pa haci tratamento pa cuido oral na Aruba manera, entre otro, e Ley di Calidad di Cuido ta prescribi. E la wordo informa na 2019 ki estudio e por haci y ki stapnan pa cana pa por traha legal como dentista/orthodontista na Aruba. Pero, el a bolbe cuminsa traha despues di e advertencia y orden di IVA pa no haci esaki tanten cu e no ta autorisa. Durante e bishita di inspeccion na e practica, a confisca tur material manera remedi, imprenta dental y otro instrumentonan dental. Practicanan ilegal ta forma un peliger grandi pa salubridad publico na Aruba pa motibo cu e competencia di e dunadonan di cuido cu ta traha den e practicanan aki no por wordo evalua door di IVA. IVA ta evalua aspectonan di calidad y seguridad di cuido, manera entre otro higiena, siguridad di medicamento, registracion di pashent den file y kehonan ricibi. Na practicanan ilegal, bon calidad di cuido cu ta sigur pa e pashent no ta garantisa.

tin riesgonan grandi envolvi ora di ricibi tratamento medico for di personanan cu no tin e autorisacion y/of e competencia y educacion rekeri. Esaki ta pa motibo cu nan no por garantisa cuido di bon calidad cu ta sigur. Por ehempel, si materialnan no ta sterilisa adecuadamente, pashentnan ta core e riesgo pa wordo contagia cu malesanan manera Hepatitis B y AIDS/SIDA. Tambe, por tin consecuencianan serio pa e salud si pashentnan ricibi medicamento cu no a wordo evalua, cu a caduca y/ of cu no a wordo warda segun standard profesional.

Pues, pa motibo cu e persona aki no tin su decreto ministerial of un landsbesluit pa por traha na Aruba, IVA a dicidi di confisca e materialnan den su practica pa investigacion riguroso. Ademas, e persona a wordo deteni door di polis. Cu e bishita di inspeccion aki, IVA kier a informa tur dunado di cuido cu no lo tolera practicanan ilegal y cu lo tuma medidanan serio ora ta trata violacion di ley. Alaves, IVA kier a recorda comunidad cu

Pa ley, tur dunado di cuido tin e responsabilidad pa garantisa cuido di bon calidad. Pues, ta hopi importante pa informa bon prome cu dicidi di ricibi cualkier tratamento medico. Pa siguridad di tur pashent, ta sumamente importante pa e dunado di cuido tin e autorisacion rekeri y ta registra na DVG. Si tin cualkier persona cu lo por ta na altura di tipo di casonan similar, por tuma contacto cu IVA telefonicamente: 526 2160, via whatsapp: 593 6373, via Facebook of via email na info@iva.aw.

Diahuebs 12 November 2020

ARUBA TA BIRA E PROME DESTINACION PA CUAL JETBLUE TA OFRECE TEST PROME CU BIAHE A.T.A. SUMAMENTE SATISFECHO CU E LOGRO AKI!

Awe diaranson, Aruba Tourism Authority (A.T.A.) hunto cu e aerolinea JetBlue y The Vault (US Laboratory) a anuncia cu lo ofrece esnan biahando cu Jetblue riba e ruta di Merca pa Aruba cu nan por haci nan COVID-19 test prome cu nan yega nos destinacion. E testnan lo wordo conduci door di The Vault. Desde september 2006, JetBlue a bira un partner importante y strategico pa crecemento di Aruba su turismo cu 4 diferente gateways for di Merca pa Aruba unda nos isla ta un di e destinacionnan clave pa cu nan servicio di Mint. Durante 2019, jetBlue a trece un total di 254.635 pasahero pa nos destinacion, cu ta 22.8% di tur bishitantenan pa Aruba. Cu esey nan ta e aerolinea cu ta transporta mas hopi turista pa nos isla. Entre juli pa october 2020, jetBlue a trece un total di 16.850 pasahero pa Aruba cu ta 25.1% di e total di e marketshare di e lunanan menciona. Pronto jetBlue lo aumenta nan vuelonan pa nos isla.

Manera ta conoci, Aruba a bolbe habri su fronteranan parcialmente na juli 2020 pero cu restriccion pa e biaheronan prome cu nan yega Aruba. Sinembargo, e casonan positivo di COVID-19 na nos isla ta bahando y cu esaki e restriccionan pa e bishitantenan pa nos destinacion poco poco ta wordo ahusta. Pa stimula e turistanan pa scoge nos destinacion como nan luga preferi pa pasa nan vacacion, desde prome di november e seguro obligatorio (Aruba Visitors Insurance) por ehempel a wordo reduci y awo ta pa cada estadia US$ 30.- pa persona y US$ 10.- pa tur mucha te cu 14 aña di edad. Tambe Aruba a elimina e lista di hotzones na Merca, unda tawatin mas restriccion pa e bishitante prome cu nan yega Aruba. Ademas di esaki, dia 1 di december Aruba lo habri su frontera pa e mercado di Latino America –cu excepcion di Venezuela- y tambe lo yama bonbini na biaheronan for di Mexico, Republica Dominicana y

Haiti. Un di e obstaculonan mas grandi pa e bishitantenan yega Aruba ta e test cu nan mester tuma y di cual nan mester upload e resultado negativo dentro di 72 ora prome cu nan yega Aruba. Nan tin opcion pa haci e test na Aruba tambe, pero gran mayoria ta opta y haci esfuerso pa haci esaki prome cu e biahe. Pa facilita e proceso aki aun mas, awo Jetblue ta ofrece su biaheronan riba e ruta di Merca pa Aruba pa haci nan COVID test prome cu nan yega nos destinacion. Esaki sigur lo yuda pa e bishitantenan yega Aruba mas facil. Jetblue ta lansa e programa aki cu Aruba como socio! Pues Aruba ta e prome destino pa cual Jetblue ta ofrece esaki.

Tur e esfuerso aki entre otro naturalmente lo yuda Aruba su economia bolbe florece. Aruba Tourism Authority kier a gradici AAA y DVG pa nan cooperacion y nan asistencia pa realiza e pasonan importante aki. Mescos cu otro destinacionnan, nos isla ta pasando den momentonan di reto pa loke ta trata e pandemia aki. P’esey ta importante pa nos tur sigui e protocolnan manera stipula door di diferente instancianan manera den luganan publico mester sigui bisti mondkapje y mantene e distancia di 1.5 meter di otro. No mas cu 4 persona den un grupo y laba man frecuente cu habon of uza handsanitizer. Hunto nos lo vence y nos isla y su turismo lo sigui florece!

Pagina 17

Diahuebs 12 November 2020

UN LOGRO EMOCIONANTE

Dia 7 di october ultimo Turtugaruba a haya un yamada di Ocean Faith Watersports: nan a topa cu un turtuga den condicion critico y nan lo trece aden na Palm Beach. Edith y Richard van der Wal di Turtugaruba mesora a bai topa nan. E ta trata di un Turtuga Blanco (Green turtle) grandi den condicion masha malo. E tin un tumor hopi grandi riba su ﬂipper dilanti y algun tumornan chikito mas. Fuera di esaki e ta parce hincha y no por sambuya bou awa pasobra tin hopi aire den su curpa (potret #1). Sabiendo cu e cuminda principal di un Turtuga Blanco ta consisti di yerba di lama cu ta crece riba e fondo di lama, e lo ta fatal si e no por sambuya. Un grupo di voluntario cu hopi dedicacion (Staﬀ di Veterinary Clinic Wayaca, Shjunam Carolina y famia, Turtugaruba, FPNA) a duna nan aporte pa rehabilita e tortuga cu a haya e nomber Shelly-Ann. Na principio ShellyAnn no kier a come y cu hopi pa-

senshi a duna cuminda via tubo. Poco poco su condicion fisico ta bira miho y despues di tres siman e veterinario Stephany Wever a kita e tumornan exitosamente den un operacion di 2 ora y mei. Tambe e problema di e flota a wordo soluciona dor di saca e aire for di su curpa. Suficiente pa e por sambuya? Of Shelly-Ann ta un floater cu ta keda drif y no por landa bao di awa? Esaki wordo getest den un portable pool den lama. E ta tuma un cuater voluntario pa transporta Shelly-Ann riba un brancard te cu e lama. Pero bale la pena, cada dia e ta sambuya miho! (potret #2) Y e por come riba su mes, un indicacion cu e ta sinti bon. E herida riba su flipper drechi ta cura rapidamente y Shelly-Ann a hanja un flippertag na e flipper banda robes. E number ta WC13666. Si un hende lo wake den futuro den e laman, please report to Turtugaruba, Turtle Hotline +297 5929393 E momento a yega despues di ex-

actamente 4 siman, pa transporta Shelly-Ann pa e ultimo biaha riba e brancard pa e beach (potret #3). Awor e ta riba su mes. E no ta custumbra pa cana. Probablemente un biaha so el a move riba santo, ora cu ela sali for di e neishi como

hatchling, kisas un 25 anja pasa! Poco poco e ta cana direccion di lama (potret #4) , ta drenta, logra landa y sambuya bou awa. Suerte Shelly-Ann, bon biahe (potret #5 y #6)

Pagina 18

Diahuebs 12 November 2020

EXCASA DI TRUMP TA REACCIONA RIBA E RESULTADO DI E ELECCION cu e tres yiunan cu e tin cu su excasa, Eric, Donald Jr. y Ivanka, por hiba pronto "bidanan normal" p'afo di Washington. "Mi ta kere cu nan a disfruta di ta cerca di Donald y di dirigi e eleccionnan y mira loke lo bay sosode, pero awo, Danki na Dios, el a caba," Ivana E excasa di Donald Trump, Ivana, a relata den un entrevista cu PEOPLE cu e actual presidente no sa perde, aunke den e caso aki e ta opina cu e mester acepta e derota den e eleccionnan di dia 3 di november ultimo y retira di politica. "Solamente mi kier pa tur esaki caba, di un forma of otro," Ivana, di 71 aña ta sostene, kende ta spera

PUEBLO A HHAÑA SU PEN BEK

Pa kualkier informacion solodipueblo@gmail.com of

☎ 585-9500

a splica. En cuanto e mandatario, su excasa ta opcina cu "e no ta un bon perdedor" y cu e "lo bay lucha", pero probablemente e lo caba na bandona politica. "Mi no ta kere cu e lo tin un otro opcion," Ivana a señala, cu ta aventura cu Trump "lo bay Palm Beach hunga golf y biba

un bida normal," ya cu "esaki ta e miho opcion." Sin embargo, prome, e lo mester enfrenta realidad y 'declara cu el a perde,' e muhe a declara, recalcando cu, aunke Donald Trump "odia ta un perdedor", e tin "hopi placa, luga unda pa bay, biba y disfruta di bida."

Pagina 19

Diahuebs 12 November 2020

Tormenta Eta ta coy forsa y ta converti un biaha mas den un horcan dilanti costanan di Merca E Oficina Nacional di Administracion Oceanico y Atmosferico (NOAA) di Merca, a informa cu tormenta Eta a cobra forsa den e madruga di diaranson y a converti un biaha mas den un horcan, cu bientonan maximo sosteni di 120 kilometer pa ora y rafaganan ainda mas potente. Segun e ultimo update di e entidad, e fenomeno meteorologico ta actualmente riba lama, dilanti e costa zuidwest di e estado di Florida y ta desplasa den direccion noordoost riba un velocidad di 24 kilometer pa ora.

CUSHINA DI NESTOR Cuminsando desde diabierna 6 di Nov tur diabierna y diasabra lo bai ta bende saco y pan desde 6:30pm te cu 11or pm y

por hasi pedido na 7497071. Of pasa na Siribana na St Cruz

Menu Saco

Pan

Mix. Gal. Loin. Special.

16,50. 13,50. 14,50. 20,-

Carni stoba Galinja stoba Sate gal. Lomito. Hamburger Choriso. Cabaron 12,50 Ham pasco

9,7,7,11,6,6,6,50

Tambe Ayaca y sanger jena ora cu tin Saludos

Y un feliz temporada di fin di aĂąa

Ta denuncia e "asesinato masivo" di nuebe hoben den un warda di polis Colombiano Nuebe hoben cu tabata deteni den un warda di Polis di e municipio Colombiano di Soacha, zuid di Bogota, a muri den un candela cu a start den un cel, e concehal di e ciudad capitalino, Diego Cancino, a denuncia diamars, kende a califica e hechonan di "criminalidad policial". E siniesto a tuma luga dia 4 di september den e warda di San Mateo y e "masacre" aki no a wordo publica "di manera suficientemente contundente y e investigacionnan no a tuma luga," Cancino a publica riba su cuenta di Twitter hunto cu un video di loke a pasa. Segun el a afirma den e luga tabata tin 20 hoben, kendenan tabata wordo tortura y nan famianan no tabata permiti nan entrada pa bishita nan. Di acuerdo cu e concehal di Alianza Verde, kende ta cita e testigo y famia di e victimanan, un di e detenidonan a cende un klechi na candela y e vlamnan a intensifica rapidamente cu un artefacto tira den e cel pa un oficial. "Tur e polisnan a sali bay y a laga e muchanan cera, nan no tabata laga ningun hende drenta, nan a stop di uza e brandblussernan, e muchanan a kima," el a manifesta.

"Un vlam humano" "Esaki ta completo y absolutamente escabroso, intolerabel. Polis ta complice y kisas ta agente di un asesinato masivo, di un vlam humano," Cancino den un di dos publicacion a condena, exigiendo husticia na e Procuraduria y Fiscalia, como tambe un reforma policial. Reuters ta informa cu Polis a admiti e incendio y morto di ocho persona deteni, pero a sigura cu e efectivonan cu tabata den e luga a procede na paga e vlamnan, duna prome auxilio y traslada e heridonan pa hospital. Polis di Colombia ta enfrenta critica y acusacionnan di abuso duro pa nan accionnan pa contene e manifestacion di sindicato y studiantenan, cu desde november di aĂąa pasa a intensifica despues di e morto di un adolescente herida pa un proyectil di gas lagrimogeno tira pa un oficial antidisturbio.

Pagina 20

Diahuebs 12 November 2020

Efectonan secundario, gruponan den riesgo y datonan demograﬁco:

Loke ainda nos no sa riba e vacuna antiCOVID di Pfizer Stockmarketnan global a dispara y lidernan mundial a expresa nan satisfaccion, despues cu e laboratorio Mericano Pfizer y su socio Aleman BioNTech a declara dialuna cu un analisis tempran di nan test di un vacuna experimental contra COVID-19 a mustra un eficacia "di mas di 90%" den participantenan sin evidencia di infeccion previo. Actualmente tin aproximadamente un dozijn di diferente vacuna cu ta den e etapa final di analisisnan clinico, pero BNT 162b2 ta e prome cu a demostra un efectividad asina halto. No obstante, cu tur e optimismo di e cobertura mediatico y di e declaracionnan politico riba "e luz na final di e tunnel", ainda ta keda pa aclarea un serie di pregunta y detayenan no specifica. Den su comunicado, e farmaceuticonan a indica cu e analisis a basa riba e prome 94 boluntarionan cu a somete na e remedi contra coronavirus, pero no a duna mas detaye riba si tabata tin diferencianan den e gravedad di e sintomanan experimenta pa e participantenan aki ni a proporciona datonan demografico preciso. Por lo tanto, ainda ta desconoce con bon e medicamento ta proteha contra e desaroyo di formanan severo di e enfermedad. Pfizer ni BioNTech tampoco a proporciona informacion riba e existencia, frecuencia of gravedad di e efectonan secundario, ni a menciona e resultadonan di e analisis entre e grupo den riesgo como personanan di tercera edad of cu un inmunodeficiencia. Loke si a menciona ta cu un 42%

di e participantenan global y un 30% di e Mericanonan "tin antecedentenan racial y etniconan diverso." E analisisnan clinico di fase 3 di BNT 162b2 a cuminsa na juli y a inclui 43.538 boluntario, 38.955 di cual (casi 90%) a ricibi un di dos dosis di e vacuna, y e resto a ricibi un placebo. E empresa a skirbi cu "e division di caso entre e individuonan vacuna y esnan cu a ricibi e placebo a indica un tasa di eficacia di e vacuna superior na 90%, shete dia despues di e di dos dosis", no obstante, no a duna cifranan concreto riba cuanto persona di ambos grupo a haya COVID-19. Ki ora lo haya sa di tur e detayenan? Ta spera cu e analisisnan sigui te cu e analisis final, ora cu a acumula un total di 164 caso confirma di COVID-19. E estudio tambe lo evalua e potencial di e vacuna candidato pa proporciona proteccion contra COVID-19 den pashentnan cu tabata tin exposicion previo na coronavirus, como tambe pa e prevencion di e manifestacion grave di e enfermedad. Ta spera cu e datonan adicional riba e eficacia y siguridad di BNT 162b2 wordo publica "den e proximo simannan" - segun e

presidente y director ehecutivo di Pfizer, Albert Bourla, a priminti - pa aborda e preocupacionnan y e desconfiansa generalisa di e poblacion pa loke ta e vacunanan anticovid. Segun un encuesta realisa pa e organisacion mericano sin fin di lucro Kaiser Family Foundation, rond di 62% di e Mericanonan ta preocupa cu e Administracion di Alimento y Medicamento di Merca (FDA) aproba un vacuna contra coronavirus demasiado tempran y sin sigura cu e ta sigur y eficas debi na e presion politico di parti di Gobierno. "E scepticismo publico riba FDA y e proceso di e aprobacion di un vacuna ta erosionando e confiansa di e publico hasta prome cu un vacuna yega na e porta di salida," e presidente y director ehecutivo

di KFF, Drew Altman, a señala, den un rapport publica na september. Desafortunadamente, e falta di informacion concreto ta un problema cu ta presenta no solamente dne e caso di Pﬁzer y BioNTech, sino tambe cu cualkier otro candidato den desaroya un vacuna contra COVID-19, incluyendo Sputnik V Ruso, cual desaroyadornan a anuncia su eﬁctividad ta di un 92% y ta permiti cuminsa e vacunacion masivo den e proximo simannan. Pa awo, ta resulta imposibel establece delanta e duracion di e inmunidad cu lo genera un vacuna potencial: e investigadornan por saca conclusionnan basa riba solamente tempo den cual e analisisnan ta tuma luga, pero no por haci pronosticonan a largo plazo.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 21

Diahuebs 12 November 2020

Lotto Merdia

NOVEMBER 11 2020

Lotto Anochi

NOVEMBER 10 2020

Lotto Anochi

NOVEMBER 10 2020

Pagina 22

Diahuebs 12 November 2020

Cualnan ta e beneficionan cardiovascular di e dieta mediteraneo?

E dieta mediteraneo ta un di e plannan nutricional cu mayor cantidad di siguido na mundo. Manera cu por intui, e termino ta haci referencia na e custumber y practicanan culinario di e paisnan mediteraneo. Awo bon, bo conoce e beneficionan cardiovascular di e dieta mediteraneo? Den e ultimo añanan, varios estudio a demostra cu e dieta aki po preveni enfermedadnan degenerativo. Entre esunnan cu por preveni cu mayor exito, ta relaciona cu problemanan cardiovascular. E dieta mediteraneo ta wordo caracterisa door di uza carninan blanco na luga di carninan cora. Tambe ta opta pa e uzo di azetanan saludabel, manera oleifi y por inclui un gran variedad di fruta, berdura y simia. Pa tur e cosnan anterior, ta merece e pena pa conoce un poco mas di e estilo di alimentacion. Bo ta cla pa compronde con bo por mehora bo estilo di bida cu cambionan minimo? Pa e economia bo no mester preocupa. Gran mayoria di e alimentonan cu bo tin mester ya bo tin'e na man. Beneficionan cardiovascular di e dieta mediteraneo 1. E uzo di azeta di oleifi Den e distinto recetanan di e dieta mediteraneo ta uza di manera preponderante e azeta di oleifi. Esaki ta aporta na vetnan monoinsatura, contrario na e azetanan convencional, den cual ta prevalece e vetnan satura. Diverso investigacionnan a señala cu e azeta di oleifi por reduci te na un 45% di e probabilidad di padece algun enfermedad cardiovascular. Esaki por disminui e nivelnan di colesterol malo den sanger. Tambe, e azeta di oleifi ta regula e metabolismo. Pa esey ta ideal pa personanan cu barica cera. Alabes, tambe ta proteha nos di enfermedadnan gastrointestinal y ta facilita e absorcion di e nutrientenan.

e sanger, asocia na enfermedadnan cardiovascular. Cada dia ta ideal pa bo inclui dos pa tres porcion di fruta seco y simia. Percura varianan y no excede. Aunke cinco noot por haci maraviya pa bo salud, haci dimas por ocasiona alteracionnan metabolico. E dieta mediteraneo den bo bida Awo cu bo a descubri e beneﬁcionan cardiovascular di e dieta mediteraneo, bo no por stop di cambia bo custumbernan y adeopt'e como bo guia di alimentacion. E dieta mediteraneo ta un dieta sumamente varia, pa cual lo

E azeta di oleifi tambe tin propiedadnan antioxidante debi na su contenido halto di vitamina E. Pa esey, e ta cuida e cuero di e dañonan ocasiona pa e radical liber cu tin den ambiente y cu ta propicia e embehecimento prematuro. Otro rasgo di e azeta di oleifi ta cu ainda den temperaturanan halto por mantene su composicion kimico. Esaki ta nifica cu no ta genera toxina ora di keinta. Debi na e caracteristica aki, e ta e azeta mas recomenda pa hasa alimento. 2. Pisca na luga di carni cora Pisca ta un carni blanco cu ta aporta nos multiple nutrientenan esencial. Di entre tur, esun mas destaca ta omega 3, un vet poliinsatura esencial. E acidonan graso di e pisca ta proteha nos curason, reduciendo e presencia di colesterol malo (LDL) den sanger, faboreciendo e circulacion y regulando e presion arterial. Di acuerdo cu e dieta mediteraneo, mester come pisca, por lo menos 3 biaha pa siman. 3. Consumo tur dia di fruta y berdura Pa probecha lo maximo e beneficionan cardiovascular di e dieta mediteraneo, bo mester consumi fruta y berdura tur dia.

E fruta y berduranan ta aporta nos nutriente, manera vitamina y mineral. E alimentonan aki ta, ademas, rico den antioxidante cu ta proteha nos di sufri un atake di mediocardi y arteriosclerosis. E ultimo aki ta un enfermedad cu ta provoca e perdida di elasticidad di e murayanan arterial. Percura pa come di 5 pa 6 porcion di fruta y berdura durante e dia. Lo ideal ta pa e ta varia pa obtene beneﬁcionan distinto. 4. Fruta seco y simia Frutanan seco y simia ta compone principalmente di vet, ta trata di acidonan graso saludabel monoinsatura y poliinsatura. Esaki ta niﬁca cu ta reduci e nivelnan di colesterol malo (LDL) den

bo descubri cu cada cuminda ta un delicia berdadereo. E dieta mediteraneo ta opuesto na e dietanan cu ta restringi den maximo, e cantidad di alimento; ta trata di un dieta unda cu ta abunda e alimentonan saludabel. Pa aumenta e beneﬁcionan di e dieta aki, ta recomenda pa adopt'e pa semper.

Pagina 23

Diahuebs 12 November 2020

Alimentonan cu ta recudi stress

Ki alimentonan ta yuda pa bo ta mas relaha? Probablemente lo bo responde cu e alimentonan prepara cu sucu refina manera icecream, pan of bolo, etc. Sin embargo esaki no ta necesariamente berdad, ya cu ta existi un gran diferencia entre e alimentonan cu ta reduci stress realmente y esunnan cu ta funciona como anestesia emocional. Lo cierto ta cu e alimentonan cu ta reduci stress, realmente ta saludabel y por incorpora e dieta perfecto, pa cual nos por hiba un bida mas saludabel. Algun opcion ta:

Esparagos E berduranan aki tin un sabor un tanto particular, loke ta haci cu nan ta sea of preferi of odia. Pero nan ta un excelente opcion pa obtene acido folico di manera natural, complemento cu ta haci'e un di e alimentonan cu ta reduci stress. Awacati E frutanan aki ta un di e opcionnan mas completo, no solamente pa reduci stress, sino pa tur e nutrientenan cu ta aporta na e curpa: luteina, vitamina E, beta-caroteno y folato. Ademas e ta blokia e absorcion intestinal di cierto

vetnan cu ta causa daĂąonan oxidativo. Sin embargo, tambe tin cu tuma na cuenta cu awacati ta contene cantidadnan grandi di vet pa cual mester com'e cu moderacion. Chuculati Otro di e alimentonan cu ta reduci stress ta chuculati. Esey a wordo comproba den diferente studio, na cual a demostra cu e consumo modera di e alimento aki ta yuda e celebro genera cierto substancianan cu ta aumenta felicidda di esun cu ta consumi'e, ademas cu e antioxidantenan natural cu e ta contene, tambe ta

cu drumi. Avena Ora nos papia di alimentonan rico, facil di prepara y cu beneficionan grandi pa salud, avena sa ta presente. Y e ta rib e lista di alimentonan cu ta reduci stress, no ta e excepcion. Avena ta conta cu un gran cantidad di serotonina, yuda tin menos stress Mayoria di e alimentonan anteriormente menciona por wordo incorpora na e dieta balansa sin ningun problema. Stress ta un problema cada biaha mas comun y ta origina den multiple tareanan cu nos tin ta haci diariamente. P'esey ta importante haci ehercicio, hiba un bida sano y come di forma balansa.

yuda e curpa mantene su mes hoben. Esey si, ta preferibel pa come chuculati puro y entre mas marga miho. Di e forma aki, hasta e diabeticonan por incorpor'e den nan dieta. Thee di manzanilla (canebloem) Un di e alimentonan cu ta reduci stress mas conoci y usa rond mundo. E thee di manzanilla ta ideal pa e dianan unda cu e obligacionnan ta satura nos of ora cu nos no por drumi. Den caso cu insomnio ta frecuente, por incorpora un kopi di thee di manzanilla cada anochi prome

substancia cu ta yuda ataca directamente stress. Pa e motibo aki e ta perfecto pa desayuno di henter e famia, aunke ta recomendabel pa evita cu e bin

compaĂąa di hopi sucu. Na su luga, por opta pa prepara avena natural cu fruta fresco corta of cu cane. Un dieta balansa tambe ta

Pagina 24

Diahuebs 12 November 2020

TA FURA Oranje Matrassen Fabriel

Set di sala, colchon,stoel di auto, boto etc. Buska mainta y haye atardi, 30% y 50% di descuento riba cashi panja y multi TV.

TEl 588-7468/5934737

Special riba santo y piedra te december 2020

Tip Line 585 9500

solodipueblo@gmailo.com

FOR SALE Hyundai Elantra 2012 - 1.6 L Eco 4 cyl - 94km

5694343

for test drive 1 solo doĂąo mester bende jama y duna oferta.

CLASIFICADO e-mial: solodipueblo@gmail.com

Cel.585 9500

Pagina 25

Diahuebs 12 November 2020 PRONOSTICO DI TEMPO VALIDO TE DIAHUEBS 12 DI NOVEMBER 2020, 18:00 ORA. ELABORA DIARANSON 11 DI NOVEMBER 2020 17:00 (21:00 UTC) TEMPO: AWE ANOCHI: PARCIALMENTE TE HOPI NUBLA CU CHANCE PA UN AWACERO LOCAL DEN MARDUGA I MAYAN: PARCIALMENTE TE HOPI NUBLA CU CHANCE PA ALGUN AWACERO LOCAL

CANCION NOBO DI PASCO

TEMPERATURA MAXIMO 30 GRADO CELSIUS TEMPERATURA MINIMO 26 GRADO CELSIUS BAHADA DI SOLO : 6:11 PM SUBIDA DI SOLO : 6:37 AM. BIENTO: ZWAK TE MODERA FOR DI DIRECCION NOORDOOST TE ZUIDOOST; FORSA 2 TE 4 (7 TE 30 KM/ORA, 4 TE 16 NUDO). TEMPORALMENTE VARIABLE Y ZWAK; FORSA 1( 1 TE 6 KM/ORA, 1 TE 3 NUDO) DEN POSIBEL AWACERO BASTA FUERTE TE FUERTE DEN RAFAGA; FORSA 5 TE 6 (31 TE 50 KM/ORA, 17 TE 27 NUDO) SITUACION GENERAL DI TEMPO PA PROXIMO 24 ORA: UN OLA TROPICAL TA MOVIENDO POCO POCO BAI WEST Y LO PASA CU MAYORIA DI WEER NOORD DI REGION LOCAL. SINEMBARGO, E LO TRECE BASTA HUMEDAD Y INESTABILIDAD DEN PROXIMO 24 ORA. DE BEZ EN CUANDO MAS NUBIA LO BAI PASA RIBA REGION LOCAL CU ALGU DI AWACERO CU POR BAI ACOMPAñA PA LAMPER CU STRENA. LOCALMENTE ESAKI POR CAUSA MOLESTER DEBI CU AWACERO POR TA MODERA TE FUERTE NA CIERTO MOMENTO. CONDICIONAN MARITIMO/ ESTADO DI LAMA: UN ESTADO DI LAMA LEVE TE MODERA NA PARTI ZUID Y MODERA NA SECTORNAN OOST TE NOORDWEST TA WORDU SPERA DEN PROXIMO 24 ORA. OLANAN LO TA FOR DI OOST ENTRE 3 PA 6 PIA NA PARTINAN OOST TE NOORDWEST. AVISO/ ALERTA: UN AVISO TA BAI PA OCUPANTENAN DI BOTO CHIKITO PA NO AVENTURA CERCA DI POSIBLE AWACERO YA CU LAMA POR BIRA HOPI BRUTO LOCALMENTE, CAMINDA OLANAN POR JEGA 7 TE 8 PIA. FENOMENONAN SPECIAL: NINGUN TEMPO TROPICAL SIGNIFICANTE: HORCAN ETA TABATA SITUA WEST- ZUIDWEST DI FORT MYERS FLORIDA. ETA NO TA UN MENASA PA REGION LOCAL. TORMENTA TROPICAL THETA TABATA MOVE ZUIDWEST DI AZOREN. THETA NO TA DI IMPORTANCIA PA REGION DI CARIBE. POTENCIAL DI AWACERO PA PROXIMO 24 ORA: 5 TE 25 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 30 / MIN 25 / 3.8 MM WESTPUNT: MAX 31 / MIN 28 / 0.0 MM STA ROSA: MAX 32 / MIN 26 / 0.2 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO BREVE. BIENTO LO TA FOR DI DIRECCION GENERALMENTE OOST I MODERA; BASTA FUERTE DEN RAFAGA; TEMPERATURA ( GRADO CELSIUS) MAX / MIN LO TA: 30 / 26

Diadomingo cu a pasa ademas cu nan ta primo Javinah Reina ifantil Tumberirto 2020 y Jordan Rey pre-infantil Tumberito 2020 a uni na voz pa asina realisa nan grabacion pa nan tema nobo pa ﬁn di aña cu ta titula Comparti cual ta un composicion di Jaderick Croes y arregla pa e multi facetico John Francis Jacobs y e parti vocal a wordo graba serca e meastro Michael Odor y guia tawata den man di Danny Koolman y Emilenne MaduroBoekhoudt. 12 November lo ta estreno di e cancion aki cu lo ta uno completamente diferente di loke cu nos ta costuma di scucha den

temporada aki ora Javinah y Jordan presenta nan cancion nan pe temporada aki di pasco y ﬁn di aña asina ta keda pendiente paso Diahuebs eta sali

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 26

Diahuebs 12 November 2020

Monica Pimentel di Impact Taekwondo ta train keto bay durante e pandemia

Monica Pimentel nos unico atleta Olimpico di Impact Taekwondo no a para keto durante e pandemia. Den e dianan aki Monica Pimentel ta train na Linear Park, Hooiberg y na Washington hunto cu su grupo di muchanan cu a sigui train. Na Linear Park den aire liber por mira otro deportenan cu tambe ta probecha di train pafo.

Monica Pimentel tin un grupo di mucha di entre 8 pa 12 aña cu ta train na scol basico Washington ariba tur Diamars y Diahuebs for di 5’or pa 6’or y mey di atardi. Stuart Smith a trece su yiu Stuart Smith Jr. pa cuminsa cana den su stapnan. Stuart Smith ta hopi contento pa mira su yiu sigui cu su stapnan cu ta pone corda dia cu el a cuminsa na aña

1994 na e mesun edad di su yiu. Stuart Smith Jr. a gusta masha hopi y a comenta cu e kier logra mas medaya cu su tata. Stuart Smith no por a keda sin duna un man pa mustra cu na un edad avansa ainda e por move.

Pimentel ta mira un crecemento den e atletanan Kianna Krosendijk, Ingomar Jacobs, Deevah Loefstop, Ayleen van Geene y Alisha van Geene. Monica Pimentel ta preparando pa aña 2021.

Monica Pimentel ta contento cu masha hopi mayor a confia nan yiunan cune y a mira un gana grandi den e atletanan, Monica

Pa mas informacion semper por subi nos Facebook Impact Taekwondo.

Confederacion di Asia ta anuncia un calender nobo pa elimminatorio pa Mundial 2022 E Confederacion Asiatico di Futbol a bisa cu lo bay purba completa su di dos buelta di clasificacion pa Mundial 2022 pa mediado di juni, memey di e esfuersonan pa recupera e tempo perdi pa e interupcion di e actividad causa pa e pandemia di COVID-19. E partidonan di clasificacion pa e Mundial di Qatar 2022 a suspende na maart, cu cuater fecha di e di dos fase posponi, mientras cu e di tres buelta, cu mester a cuminsa na september, a pospone indefinidamente. E confederacion a sostene

cu e di tres fase di clasificacion, cu lo determina cuater clasificado di Asia pa Mundial, mester wordo completa na maart di 2022. E dos miho ekipo di e dos gruponan di seis nacion cu ta hunga e di tres fase di clasificacion lo yega Mundial, mientras cu e ubicadonan na di tres luga lo hunga un desempate den un partido unico na mei di 2022. E ganado di e partido aki lo avansa den un torneo intercontinental e luna siguiente.

Pagina 27

Diahuebs 12 November 2020

Barcelona semper lo ta miho cu "ambicioso" Messi, cu sin dje: Koeman Barcelona semper lo ta un miho ekipo si e conta den su constelacion cu e astro Argentino Lionel Messi, segun e entrenador Ronald Koeman, kende a lamenta e lesion sufri pa e hubenil Ansu Fati, cu lo lag'e varios luna for di veld. Messi tabata e gran protagonista di e pretemporada di Barcelona den genera un teremoto cu su menasa di bandona e club, algo cu finalmente e no a haci. "Messi a demostra di ta un persona ambicioso, cu semper kier gana cos, cu kier sigui ta e miho," Koeman a bisa den entrevistanan cu varios medionan lcoal, segun e club a cita riba su website. "Barca tabata, ta y lo ta e miho ekipo cu Messi cu

sin dje." Di un otro banda, e DT Hulandes ta lamenta e lesion di Fati, kende lo ta cuater luna for di veld tras di a somete na un operacion na e munuscus interno di e rudia robes. "E lesion di Ansu ta un golpi fuerte cu mester asumi. Nos lo falta pa tempo un hungado bon, di banda, cu por hunga di nobo y cu a demostra di tin un gran rendimento," el a splica. Barcelona tabata tin un inicio iregular di su campaĂąa den e liga local, den cual cu e marcha di shete pa nuebe punto for di e lider, Real Sociedad, aunke cu dos partido pendiente. Den su shete presentacionnan, e elenco Cule, a gana tres encuentro, a empata dos y a perde e dos restantenan. "Den hopi aspecto nos

ta riba bon caminda. Mi no ta contento pa e ultimo partidonan, cu nos a perde bastante punto den

La Liga, pero en general si. Nos ta na principio y tin miho den hopi aspecto y sigui riba e caminda cu

nos a bin ta hibando," e Hulandes a sostene.

Fase final di Champions League Concacaf lo disputa na Orlando E fase final di Champions League di Concacaf lo disputa den e ciudad di Orlando di dia 15 pa dia 22 di december, e entidad cu ta rigi e futbol den Norte, Centroamerica y Caribe, a informa diamars. E cuartonan di final, e semifinalnan y final lo tumal uga den un solo partido den e stadion Exploria, el a agrega. "Champions League ta nos principal competencia di club y a traha hopi pa garantisa cu nos por reanuda e torneo di manera sigur y corona un campeon regional di club," e presidente di Concacaf, Victor Montagliani, a bisa, cita den un comunicado. "Stadion Exploria di Orlando lo ta un gran sede pa e ultimo shete partidonan di e competencia aki," el a agrega.

E serie di cuartonan di final cu ta keda pa defini ta Los Angeles di MLS di Merca contra Cruz Azul di Mexico, e Mexicanonan di America y Tigres UANL contra Atlanta United y New York City di Merca, respectivamente, ademas di Olimpia di Honduras contra Montreal Impact di Canada. E cuartonan di final lo disputa dia 15 y 16 di december, e semifinalnan lo hunga dia 19 di december y tres dia despues e final lo tuma luga. "Nos ta sinti nos mes honra cu Concacaf a selecta e ciudad di Orlando y nos increibel stadion, Stadion Exploria, pa alberga un di e eventonan mas importante di futbol di clubnan mundial," e director ehecutivo di

e club Orlando City, Alex Leitao a bisa. E Champions League a wordo suspendi na maart debi na e pan-

demia di coronavirus, cu a laga mas di 50 miyon di persona infecta y mas di un miyon di morto na nivel mundial.

Pagina 28

Diahuebs 12 November 2020

Noticia na Españo BOLSONARO, SOBRE LA PANDEMIA: ''TENEMOS QUE DEJAR DE SER UN PAÍS DE MARICAS''

El Congreso Peruano destituye al presidente Martín Vizcarra El Congreso de Perú ha destituido al presidente Martín Vizcarra después de que el pleno del parlamento lo haya declarado "incapaz moral" en el juicio político abierto contra él.

PUEBLO A H HAÑA SU PEN BEK

Jair Bolsonaro ha vuelto a minimizar la pandemia y ha señalado que el país latinoamericano tiene que "dejar de ser un país de maricas" y enfrentarse a la enfermedad con "el pecho abierto".

MADURO DICE QUE TRABAJARÁ ''CON PACIENCIA'' PARA ESTABLECER DIÁLOGO CON BIDEN

Pa kualkier informacion solodipueblo@gmail.com of

☎ 585-9500

Abona na

A BO NO MESTER SALI DI CAS Yama

5859500 of

e-mail nos na solodipueblo@gmail.com Tur marduga nos ta entrege den bo porta di cas!

Nicolás Maduro ha señalado que Biden ha cimentado su victoria electoral en la "esperanza de una inmensa mayoría" que persigue "el cambio" en Estados Unidos y el mundo.

Noticia cayente, ta aki bo ta haye!

Pagina 29

Diahuebs 12 November 2020

Oracion di dia Un dia yena cu bendicion y cu Dios basha Su gracia na abundancia riba nos. “ Señor ta mi wardado mi n’ tin falta di nada” (S 23,1) E salmista ta haci un comparacion entre nos, sernan humano y Dios. Nos ta e carnenan y Dios ta e Wardado. Si nos ripara e prome verso ta cuminsa cu Señor. Pakico? Tur cos mester concentra na dj’E, pasobra tur cos ta cuminsa cu Dios, ta continua cu Dios y ta termina cu Dios. Den mi hubentud mi a pasa den e caminda di scuridad. Inconsciente mi tabata busca Dios den cosnan di bruheria. Cana cu cosnan pa proteccion. Wel, un anochi saliendo for di trabou, Dios a cambia mi pensamento y rumbo di mi bida. Henter e caminda mi tabata canta e Salmo 23 te ora mi a yega cas. Mi a bin realisa cu Dios a mustra mi, cu E ta mi bon Wardado. For di e dia ey mi a renuncia y deshaci di tur cos cu ta malo y acepta Dios como mi Señor y Salbador di mi bida. Dios ta Esun cu ta dirigi mi bida y mi tin e necesario pa biba. Awor aki mi ta sirbi un solo Dios cu ta stima mi, cuida mi, alimenta mi y proteha mi. Oracion: Señor mi ta debil. Aumenta mi fe, haci mi speransa mas grandi y mi amor mas yena cu candela. Laga mi depende di Bo pasobra Bo ta mi Bon Wardado, cu a entrega Su bida pa mi.

Amen

PUPPIES EN BUSCA DI UN HOGAR

Un famia na Washington ta en busca di un "forever home" pa 15 puppies. Nan mayornan ta cachonan halto y nan ta super bunita. Ken cu ta desea un puppy, por tuma contacto cu famia Perez na 7433168, Washington 12 y por bin wak e

( ORACION NA SAGRADO CURAZON DI HESUS) SAGRADO CURASON DI HESUS Dilanti bo mi bini cu fe den mi alma pa buska amparo pa e situacion tan dificil aki. No laga mi so. Tur porta ta habri riba kaminda ku ajudo di bo manna dibino, kwalnan ta habri sera manera Abo ta dicidi. Bo a bisa, “Ami ta e porta”. Duna mi e trankilidad ku tantu mi ta anhela. Aki na Bo pianan, ku e suplica aki, ku mi ta spera Bo tende mi. ( Na e ocacion aki ta pidi e 3 kosnan dificil) Scucha mi splica, pa e golpinan ku mi ta sufri. Jen di fe mi ta bini serka bo. Mi tin gran confiasa den bo Sagrado Curazon, DEN BO MI TA CONFIA. Reza 1 credo Indicacion: Mester reza e oracion aki durante di 15 dia, kuminsando un Diabierna I terminando riba Diabierna. E ta worde reza sendiendo un bela, ku ta wordo paga ora kaba e oracion. Riba e di 8 dia ( Diabierna) 4 copia di oracion aki ta worde reparti, keda un ku su bela. E ultimo dia di oracion, e bela ta keda sendi te ora e kaba total.

Pagina 30

Diahuebs 12 November 2020

Laga tur loke ta sperami ta Bunita. Laga tur locual cu mi encontra na caminda ta bunita. Laga tur locual cu mi laga atras keda bunita. Laga esakinan termina den tur buniteza. (Cado Wever)

Cu inmenso tristesa den nos curason pero agradecido pa tur loke nos a comparti cune nos ta anuncia fayecimento di nos querida:

Diana Violet Wever-Kock Cariñosamente jama: “Etty” *08-08-1935 †08-11-2020

Na nomber di su casa: Nico Wever Jiu:

Sasha Wever

Nieta y Nieto:

Lusheska Hermans y Elbert Croes Rouney Hermans y Yesenia Cerezo

Bisanieta:

Adalía Hermans

Ninita, Ton, Lissane y Simone Steur

Rumannan:

Vda Edith Croes-Kock y Famia Harold (Roy) y Rose Kock-Bislick y Famia Astrid y Orlando Orman-Kock y Famia Vda Sigrid Nicolaas-Kock y Famia Madeline Kock y Famia Vda Mabel Ras-Kock y Famia Vdo Dr. Lin y Famia

Swa/Cuña:

Vdo Chito Wever y Famia Mario y Alicia Wever-Rasmijn y Famia Vda Yvonne Wever-Wever y Famia Efesilda Wever y Famia Johnny y Ruby Wever-de Jongh y Famia Walty y Ada Wever-Wouters y Famia Ambrocio y Chinde Wever-Henriquez y Famia

Sobrino y Sobrinanan Primo y Primanan Ihanan

Demas Famia y Conocirnan

Ayudantenan:

Ita Ridderstaat-Grecia Sanchez-Lola Geerman

Sobrino stima manera jiu: Ivan Arends y jiunan Ta invita tur amigo, bisinja y conocirnan pa asisti na e acto di entiero cual ta tuma lugar Diasabra 14 di November 2020. E restonan mortal lo ta reposa for di 2 pa 4 or atardi saliendo for di Misa Sagrado Curason di Hesus na Savaneta pa Santana Katholiko Savaneta. Ta ricibi condolencia teniendo cuenta cu e reglanan di DVG pa cu e Covid-19. Si den nos tristesa nos por a lubida un of otro familiar y conocir nos disculpa. Ta lamenta cu despues di entiero nos no por ricibi bishita di condolencia na cas. Ad Patres Funeral Home ta extende su mas profundo condolencia na famianan di e fayecido.

Pagina 31

Diahuebs 12 November 2020

Lagrima y flornan por seca, su recuerdonan y tur loke e la hasi y significa pa nos lo keda graba pa semper den nos mente y curason. “Cerca Dios mi alma ta na paz, ta di dj’E mi salbacion ta bini” Salmo 62:1 Cu dolor na nos curason pero conforme cu boluntad Di dios, nos ta anuncia fayecimento inespera di nos difunto stima:

Sotero Geerman

Mihor conoce como “Eti” of Choncho, Solterito *22 april 1952 - 01 nov 2020 Na nomber di su Mayornan : • +Epifanio “Pief” Geerman Gregoria “ Goya “ Geerman –Koolman Yui: Sulaika Geerman Nomber di su Rumannan : Juana Francisca “Nani” y Hendrick Donata Semilina “ Linchi” y Mirto Rasmijn “Shaida” Geerman Maria “Mayra “ y Venancio”Chonai” Angela Angel-Cancio “Boys “ y Lucia Geerman –Boekhoudt Thimotheo “ Theo ‘” Sandra Geerman-Verhaar Nomber di subrina/o nan : Gregory Donata , Lisette Donata y Norman “Juni” Provence , Luigi y Jemine Rasmijn-Daal , + Gerald Donata, Suhaili Clarissa , Angelo y Melisa Rasmijn-Vrolijk Marylaine y Reangelo Koolman , Gialy Rasmijn y Gillianne V/D Biezen , Shaira Clarissa y Kyle Perkins , Joangelo” Giovanni” y Lisette Geerman – Gomes , Shadira y Jordano Blanco , Marianne Angela y John Rijke , Angelic Geerman y Rodney Kelly , Shayen y Carlos Quandt , Lugelca Geerman y Alex Da Silva Mendez , Ayrton Geerman y Senna Geerman Tur subre-subrina/onan Su Ihanan : Lisette Donata y Shayen Quandt Tantanan di Respect Sra . Vda . Joana Geerman –Angela Sra. Vda. Juliana “Checha “ Geerman-Wernet Ex swa : Edward Clarrisa Amigo di cas : Margareto y Juanita Ramirez , Lazaro “Rochi” Koolman , Yolanda Tromp Primo y Prima nan , comer y comperna y Bon Bisinja nan y tur su Amiga /Amigonan di Caha di Orgel Aruba , Corsow y Bonaire , Domino , Billard , Softball , y conocirnan y demas famia Na Hulanda , Boston y Corsow Famia : Geerman, Koolman , Donata , Rasmijn, Boekhoudt , Clarissa , Angela, Verhaar , Provence , Daal , Maduro , Irausquin , Curiel , Vrolijk, Perkins , Blanco , Gomes, Rijke , Kelly , Quandt , Da Silva Mendez , Ramirez , Croes , Tromp , Peterson , Stamper , Erasmus , Schwengle , becker , v/d Biezen

Ta invita pa e acto di entiero cu ta tuma lugar dia diahuebs 12 nov 2020 E resto mortal lo ta 2 or pa 4 or na Royal Funeral home Enbes di flor of krans lo tin un box disponible na Aurora pa un bon causa Nos ta pidi nos disculpa si den nos tristeza nos por a lubida un of mas famia Despues di entiero no ta recibi bisitha di condolencia na cas

Pagina 32

Diahuebs 12 November 2020

Crossword puzzles

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Abona na

A BO NO MESTER SALI DI CAS Yama 585-9500 of e-mail nos na solodipueblo@gmail.com

Tur marduga nos ta entrege den bo porta di cas! Noticia cayente, ta aki bo ta haye!