DIAHUEBS 10 FEBRUARI 2022

29 caso nobo 137 caso activo di COVID -19 Diahuebs 10 Februari 2022

Solo di Pueblo

E-mail: solodipueblo@gmail.

Aña 16 - edicion 606

Prijs: Afl. 1.75

Patrick Paskel defendiendo ladronicia di tereno cu tur su forsa Estudio nobo ta bisa: Esnan

cu a haya covid tin chens grandi di haya atake di curazon BRA a duna lus berde na SMAC pa por cuminsa plania eventonan carnavalesco 2022 Dia 1 di April 2022, caso Avestruz ta sigui, e grupo di sospechosonan por tin contacto bek cu otro

Ministerio Publico:

E caso mes di Benny lo wordo trata den corte den zomer

2

Diahuebs 10 Februari 2022

Secretario General di MEP sr. Endy Croes: Carlos, no bira NOS TA FELICITA SOSTENEDOR Y nervioso! nos a pidibo bo e-mail pa VOTADORNAN DI MEP CU 51 AÑA DI EXISTENCIA nos abogado

Carlos, e ex fotografo denuncia publicamente pa acto di pedofilia y pa acto di violacion di otro persona mas ta sigui su show riba red social.

Director di Solo di Pueblo a manda puntre pa su e-mail, pa asina por manda su caso abogado, y pa abogado por tuma contact cune, riba su acusacionnan difamatorio.

Manera cobarde el'a core publica e mensahe riba red social. No ta nigun problema, lo entrega e carta na cas su mama na e creche na Madiki of lo busca cualke otro forma pa atende cune.

Na su reaccion si por tuma nota cu Carlos ta birando hopi nervioso cu e caso a bolbe aparece den lus publico. Normalmente husticia ta tuma tempo pa investiga un caso asina. Normalmente un denuncia publico mes ta suficiente, pasobra Ministerio Publico lo por actua ambsthalve.

Pues, e nerviosismo di Carlos parce ta bezig ta enreda mas den e asunto aki. Nos conseho pe ta: No drenta panico, kedabo trankilo.

9 di februari Partido Movimiento Electoral di Pueblo (MEP) ta celebra 51 aña di existencia.

Como secretario general di e prestigioso partido MEP mi kier a desea tur e candidatonan, directiva y sostenedornan un pabien riba e fecha tan special unda nos ta celebra 51 aña trahando pa bienestar y progreso di nos dushi pais Aruba. Alabes mi ta gradici e votadornan pe confiansa incondicional

brinda ne partido.

Danki na e vision di lider inmortal Betico Croes cu a visualisa esaki y e sostenedornan desde februari 1971 danki na e liderazgo di nos lider honorario Nelson Orlando Oduber y danki na un excelente liderazgo di nos lider femenino Evelyn Wever – Croes cu ta forma e tres lidernan cu a traspasa 51 aña pa cu e existencia cu nos ta celebra

di Movimiento Electoral di Pueblo.

Hunto cu e sostenedornan y pueblo di Aruba den totalidad. MEP semper a bringa pa un Aruba miho pa un y tur.

Tambe nos ta agradecido na e pueblo cu semper a aprecia MEP desde su inicio nunca a balore bou di shete asiento. Pabien Aruba! Pabien MEP!

3

Diahuebs 10 Februari 2022

Patrick Paskel defendiendo ladronicia di tereno cu tur su forsa Recientemente por scucha con Patrick Paskel, vocero di Mike Eman y di AVP ta trahando duro pa asina hustifica y defende ladronicia di tereno.

Esaki ta signal cu Partido AVP no kier siña su les, pero apersa cu nan sa cu nan ta hecha baina cu tereno di pueblo, enbes di pidi disculpa, y purba na pidi pordon, y haci promesa cu nunca mas nan lo bolbe faborece y enrikece nan hendenan, nan ta haci net lo contrario.

Awor e periodistanan avepista ta busca tur sorto di forma pa 'praat goed' algo cu ta totalmente robes.

Peor ainda, nan kier hustifica nan maldad,

indicando cu otro tambe a haci'e. Pues, pasobra supuestamente otro a haci'e, nan tambe tabatin mag di haci mescos.

Loke a sosode den Gobierno di Mike Eman, ta nada otro cu hortamento di tereno di pueblo ne forma di mas askeroso cu ta existi.

Ex Minister Benny Sevinger tabata faborece tur su amigonan!

E tabata pone su firma, pa asina por enrikece su amigonan, cu despues lo mester dunele yudansa, pago of page bek cu 'sponser' pa campaña.

Esun cu ta kere cu e por haci AVP un fabor, pa pinta loke a sosode como algo normal, ta

hopi robes y ta mas rabia nan duna pueblo.

Pasobra ovbiamente por constata cu nan no tin gevoel mas y den nan mundo, tur loke ta malo ta bira bon.

Tin 21 mil pagina di prueba y di investigacion, con por ehempel Leoncista Arends na forma falso a lanta compania, cu e unico obhetivo di bende e compania y enrikece su mes.

Pa awe nan bin bisa cu esaki a sosode tur tempo, kemen cu pasobra cosnan robes por a sosode tur tempo, esey ta haci'e bon ????

Ta tristo pa mira con 'sin berouw', sin gevoel y manera hende sin berguenza ta grita pa

Ex trahador di website a confesa publicamente riba red social:

Tin polis ta leak informacion pa website di noticia

Ministerio Publico a tuma nota di e declaracion haci riba red social ?

Un ex trahador di un website di noticia, recientemente a basha abao riba un website di noticia. E ex trahador kier a trece dilanti kico ta e motibonan cu el'a wordo kita di trabao y den su video, cual nos tin un copia, e ta alega cu el'a expone un polis cu tabata duna/bende/ lek informacion pa e website di noticia.

Riba su mes, esaki ta un declaracion incriminatorio, pasobra un polis no mester lek informacion, pasobra esey ta violacion di su trabao.

Kico te motibo cu e ex trahador a expone e polis riba red social, no ta conoci!

Hecho ta keda cu esaki mas bien ta un delito y Ministerio Publico no por laga e confesion publico aki pasa bao nan nanishi sin mas. Ta hora pa investiga profundamente kico tin, kico a pasa, dicon e ex trahador a expone e polis y dicon esey a conduci na su retiro for di e website, ora cu e doño di website tabata pone precion tenas riba e ex trahador, pa baha of elimina loke el'a pone.

defende maldad.

Es decir, te ainda e partido no a recapsita di nan maldad.

Mas tristo ta cu ta solamente amigonan di Benny a haya multiple tereno. Un famia y un grupo di amigo a keda haya masha hopi tereno mes, siendo cu e pueblo humilde mester keda

warda riba un pida tereno pa traha cas.

Pasobra Benny tabata mas druk enrikeciendo su amigonan, cu e tabata traha pa pueblo.

Sigui defende maldad abiertamente, mas daño ta keda haci na e partido AVP.

4

Diahuebs 10 Februari 2022

BRA a duna lus berde na SMAC pa por cuminsa plania eventonan carnavalesco 2022 SMAC a reuni cu Bureau Rampenbestrijding Aruba (BRA) E reunion aki tawata uno hopi positivo pa cu e celebracion di mas grandi di Cultura di Aruba.

BRA a duna lus berde na SMAC pa por cuminsa plania eventonan carnavalesco como tambe parada di Carnaval den July 2022.

SMAC lo acerca y pidi un reunion cu Su Excelencia Minister di Finansa y Cultura sra. mr. Xiomara Maduro referente e noticia

menciona.

Por medio di e comunicado aki SMAC ta desea di pidi tur grupo di carnaval existente y tur musiconan pa keda pendiente pa un reunion cu lo wordo yama pa sinta cu e gruponan di carnaval di Aruba y musiconan cu ta engrandece Aruba su Carnaval, pa asina wak cua ta e gruponan cu lo ta dispuesto pa participa.

Alabes lo evalua cual evento carnavalesco lo

Ministerio Publico:

E caso mes di Benny lo wordo trata den corte den zomer Probablemente na Augustus/September 2022

Corte den Prome Instancia a cuminza e siman aki cu tratamiento di e caso penal di Avestrus. Den e asina yama regiezitting aki a papia di e deseonan pa loke ta mas investigacion (onderzoekswensen) di e abogadonan, como tambe di e planificacion y siguimento di e caso penal den Corte.

Huez a dicidi cu e siguiente regiezitting lo tuma lugar riba prome di april venidero. Prome cu e tempo ey abogadonan tin cu entrega nan deseonan pa mas investigacion. Corte a rechasa e peticionnan di abogadonan entrega te awor, of a dicidi di wanta nan te prome di april venidero.

Corte a duna di conoce cu e plannan pa awor ta cu e tratamento di e caso den su contenido lo tuma lugar den zomer di e aña aki.

por tuma luga mirando e periodo cortico cu lo tin pa prepara e eventonan carnavalesco aki.

Asina ta, Pueblo Carnavalesco di Aruba nos di SMAC ta trahando duro pa nos por Celebra Aruba su Carnaval den July 2022.

Aruba su carnaval si ta carnaval!

5

Diahuebs 10 Februari 2022

Dia 1 di April 2022, caso Avestruz ta sigui, e grupo di sospechosonan por tin contacto bek cu otro

A kita prohibicion di contacto contra Benny Sevinger Awe mainta Hues, despues di a scucha reaccion di abogadonan riba e ponencia di Fiscal cu no ta entrega documentonan cu Benny Sevinger a entrega na Polis, a dicidi di biaha.

ARUBA NATIVE por a compronde cu Hues a bisa cu Fiscal ta responsabel pa e documentonan pa cu e caso Avestruz. El a rechaza e peticion di abogadonan pa haya e documentonan cu Benny Sevinger a entrega na Polis.

Pa loke ta e peticion di mr.

Kock y mr. Illes pa kita e prohibicion di contacto pa nan cliente Benny

Sevinger, ta asina cu Fiscal no tin nada contra. Hues a honra e peticion aki.

Pa loke ta e peticion pa scucha testigonan di parti mr. Kock y mr. Illes, Hues a bisa cu e ta wanta esaki te na April 2022 ora cu haya e peticion di e otro abogadonan.

Pa loke ta e fecha pa sigui cu e caso pro forma, Fiscal a bisa Hues cu dia 1 April 2022 lo ta dificil pasobra e y su colega lo ta for di Aruba. Hues a bisa cu e tin cu tene cuenta cu agenda di Corte y no por bay desvia manera Fiscal a pidi. Hues a bisa cu e caso lo sigui 1 April 2022

Resumen di Covid-19

februari 2022. Segun resumen di awe 40 persona a recupera y un total di 29 caso nobo di COVID-19 a keda registra di cual 7 ta noresidente. E cifranan aki ta representa un 'Positivity rate' bou di nos residentenan di 26%.

E cantidad di casonan activo di COVID-19 pa awe ta 137 y cantidad di fayecidonan relaciona cu COVID-19 ta 196. Datos ta ilustra casonan nobo

di COVID cu un averahe semanal di 37 caso pa dia y un averahe di 'Positivity rate' semanal di 36% pa dia.

Actualmente na Aruba tin 18 persona interna cu of debi na COVID di cual den ICU tin 2 persona y riba piso general tin 16. Na Colombia tin actualmente 6 persona den ICU y ninguno (0) riba piso general.

caminda un siman promer e kier pa e abogadonan manda nan peticionnan pa Fiscal. Hues a duna e

Fiscalnan dia 4, 5 April pa reacciona y dia 6 di April, e lo dicidi riba esakinan.

Hues a bisa cu e caso ta

keda pospone pa bisa cu Fiscal lo mester wak si otro Fiscal lo por 1 April 2022 pa 11’or di mainta

6

Diahuebs 10 Februari 2022

Prome Minister Evelyn Wever-Croes:

Despues di negosacion intenso di varios luna

A YEGA ACUERDO RIBA LEYNAN DI REINO COHO Y RAFT Despues di varios luna di negosacion intenso cu Hulanda, a yega na un consensus pa loke ta trata e Rijkswetnan di COHO y di RAFT. COHO ta e ley di consenso di Reino cu ta regla e asuntonan cu tin di haber cu Landspakket y e sosten di likides. Esaki ta e ley cu Aruba mester a bay di acuerdo cu ne pa por a haya sosten di likides di Hulanda. Desde cu e pandemia a cuminsa, Aruba a presta riba 1200 miyon florin.

RAFT ta e ley di consenso cu ta regla e asunto di supervision financiero. Esaki ta e prome biaha den historia cu Aruba ta presta placa for di Hulanda y pa e motibo aki tambe Hulanda kier miho supervision financiero cu loke tin te awo cu Cft. Prome Minister a remarca cu sinceramente, henter Aruba ta di acuerdo cu e forma con Cft a supervisa finansa di pais Aruba awo mientras cu e tempo aya bou di e gobierno di otro asignatura, e sistema no a funciona y mester a wordo cambia.

“Nos a traha extensamente riba e dos leynan aki y a tarda pa yega na un acuerdo pasobra nos kier a negosia y saca e miho version di e leynan aki cu ta posibel”, Prome Minister a enfatisa.

Mientrastanto, momento cu Hulanda a presenta e ley,

Gobierno no a bay di acuerdo cu nan. Despues a manda nan pa Raad van State pa un advies.

Y e advies di Raad van State a confirma e ponencianan di Aruba indicando cu hopi parti di ley mester a cambia y Hulanda a bay di acuerdo pa haci cambio. Den e ultimo lunanan negosacionnan a tuma luga pa ‘fine tune’ e ley pa percura cu ta un ley cu Aruba por cumpli cu ne y ehecuta.

Awo cu Gobiernonan a yega na acuerdo riba e ley aki, e leynan lo wordo manda pa e respectivo Parlamentonan y e textonan lo wordo publica pa asina Aruba henter por ta na haltura di e contenido di e leynan aki.

“Si bo puntra mi si ta leynan cu ami tawata kier pa Aruba, mi contesta lo ta no. Nunca mi tawata kier cu nos a yega asina leu cu Aruba mester a acepta e dos leynan di consenso aki.

Sinembargo, Covid a dal nos hopi duro cu a causa cu Aruba mester a presta 1200 miyon florin for di Hulanda pa sigui cubri gastonan, atende cu e crisis di salud y brinda cuido di salud pa ciudadanonan, atende cu e tema di vacunacion, sigui paga pa enseñansa continua, siguridad por continua riba nos isla. Mescos cu tur caminda, ora presta placa, e prestado ta pone su condicionnan. Mescos cu den e caso aki di sosten di likides.

E leynan aki ta mishi cu nos autonomia. Nan ta pone cu nos ta dal un paso atras. Pero nos sa pakico nos a hacie. Nos a hacie pasobra nos tawata tin mester.

Awo nos a dal un paso chikito atras pa despues nos bin bek cu pasonan grandi dilanti. Pa asina tambe nos traha riba un economia mas fuerte y asina logra un autonomia mas fuerte”, Prome Minister a duna di conoce.

E leynan lo ta den Parlamento den e siguiente dianan y lo hiba debatenan y Gobierno lo contesta preguntanan cu haya tocante esaki.

“Cu esaki tambe, e discusionnan entre Aruba y Hulanda ta yega na un fin. Nos tin consensus riba e punto aki y nos por sigui padilanti sin mucho discusion riba e tema aki mas entre Aruba y Hulanda”, Prome Minister a termina bisando.

7

Diahuebs 10 Februari 2022

ATIA - AHATA - KVK - CUA colaborando riba topico di reforma fiscal 9 Februari 2022 - Mientras cu gremionan ta sperando inclusion den gobierno di Aruba su proceso pa yega na reforma fiscal, e gremionan grandi representando sector priva a cuminsa colabora y prepara.

Aruba Trade & Industry Association, Aruba Hotel & Tourism Association, Camara di Comercio, y Comerciantenan Uni a reuni pa elabora riba expectativa y recomendacion pa reforma fiscal, y pa identifica cual impuestonan ta necesario pa elimina si gobierno introduci un BTW. Durante e reunion a repasa algun documento clave den planeamento di reforma fiscal; incluyendo e rapport cu IMF a prepara pa gobierno di Aruba na 2018: “Technical Assistance Report – Towards a sustainable tax system”.

Opinion Publico:

Ministerio Publico a siña comerciante con pa horta?

Lowenstein a soborna Benny y parce awor a soborna Ministerio Publico Si bo ta director di compania nv, bo mag horta, soborna y no tin castigo di prison Tin hopi comentario den pueblo, cu ta hopi negativo riba e actitud di Ministerio Publico.

Comentarionan ta bisa cu Lowenstein a soborna Benny, pero awor tambe Ministerio Publico.

Benny el'a soborna pa haya tereno, 300 kamber di hotel, permiso pa All Inclusive, y djey el'a soborna Ministerio Publico pa e no wordo hiba huez y pe no haya un sentencia.

Pa colmo, Ministerio Publico ta duna les na

comerciantenan, cu si nan horta of soborna cualke minister, como director di NV, nan no por wordo persigui penalmente, pero solamente por haya boet.

Ta kico esaki ta?

Ta legalisa corupcion y soborno?

Den caso di Lowenstein, Benny a firma pe, aumentando valor di su propiedad, di 140 miyon, pa 300 miyon dolllar.

Djey e ta paga 1 miyon florin na deal cu Ministerio Publico, pero e por get away cu 160 miyn dollar.

Ta increibel con e caso aki a draai y increibel cu tur director di compania

por horta numa, pasobra no tin castigo di prison pa nan.

Nos ta kere cu nos merece di haya contesta pa loke a sosode aki!

8

Diahuebs 10 Februari 2022

Prome Minister Evelyn Wever-Croes:

Riba e tema di Cambio Climatico,

PROME MINISTER A DUNA DISCURSO DEN E CUMBRE DI UNIVERSIDAD DI ARUBA

Universidad di Aruba e siman aki a organisa un cumbre sumamente importante. E tema di e cumbre ta Cambio Climatico.

Cambio climatico ta afectando henter mundo. Door di esaki e nivel di lama ta subi y esaki por tin un efecto devastador na Aruba aki un par di aña si esaki continua.

P’esey henter mundo ta trahando riba diferente paso cu por wordo tuma pa por mitiga e efecto aki. Un di e temanan mas importante ta e tema di energia y e CO2 cu nos ta emiti generando energia.

Aruba a base di esaki a traha un energy policy, maneho di energia.

Durante e simposio aki, Prome Minister Evelyn Wever-Croes a expone kico ta e metanan cu Aruba tin pa cu e cambio climatico y pa cu energia.

Aruba tin metanan pa baha e emision di CO2 pa asina baha nos carbon footprint pa asina nos por logra cumpli cu e tratadonan di Paris y e tratadonan di Nacionnan Uni. Aruba su carbon footprint mundial no ta grandi, e ta hopi chikito. Pero si paisnan grandi mester cumpli cu e palabracionnan di e tratadonan pa baha nan carbon footprint, Aruba tambe mester duna di su parti. Y e maneho di energia di Aruba ta dirigi riba con ta bay logra esaki pa 2030 y con despues tambe pa 2050.

Den maneho di energia di Gobierno, ta tene cuenta tambe cu cualkier forma di energia cu scoge, mester ta affordable y confiabel.

Nos ta tene cuenta tambe cu e efectonan macro economico di esaki.

Aparte di e maneho di energia cu nos tin, ta importante tambe pa señala tambe cu nos tin plannan mas ambisioso ainda. Nos companianan di utilidad ta trahando riba un ‘decarbonization pathway’ pa asina logra e metanan aki mas lihe cu 2030 y 2050.

Tambe introduccion di LNG ta logra tambe na yuda esaki mas prome y e plannan di hydrogen tambe por yuda pa logra

nos metanan mas lihe.

Aparte di energia, tin tambe infrastructura.

Mester cambia codigonan di infrastructura pa asina tur hende cu bay construi edificionan y casnan nobo na Aruba, tene cuenta cu e reglanan necesario pa asina nos por brinda cabes na problemanan cu cambio climatico ta trece cu ne.

Nos ta mira cu rond mundo tin mas

horcan por ehempel.

Temperaturanan ta birando mas calor. Pues tur esaki nos tin cu tene na considercaion y combina cu e echo cu e nivel di lama ta subiendo.

Nos mester tene cuenta cu construccionnan tambe. Aruba su plan ta delinea, aworakinan nos ta den ehecucion di esaki pa asina Aruba tambe por brinda cabes na e problemanan di cambio climatico.

9

Diahuebs 10 Februari 2022

Estudio nobo ta bisa:

Esnan cu a haya covid tin chens grandi di haya atake di curazon Esaki tabata algo cu mediconan ya tabata anticipa, mirando e cantidad di atake di curazon cu a bini ta presentando su mes. Un gran parti di personanan cu a recupera di covid, ta mustra cu despues di e infeccion, tin un risico mas halto pa haya problema cu curazon.

Mundo mester prepara su mes pa personanan cu keho di curazon, investigadornan medico a bisa. "E ta bay pa cantidadnan considerable" Ta trata di un estudio haci pa Universidad di Medicina di Washington, cu e siman aki a wordo publica den e journal Nature Medicine.

Investigadornan a analisa informacionnan medico di 153.760 persona cu a test postivo.

Nan a analisa esaki pa e periodo di un aña, cu otro personanan cu no a test positivo. // 72 prociento mas chens pa haya atake di curazon E conclucion cu investigadornan a saca ta figo! Persona cu haya corona y recupera tin 63% mas chens pa hay un atake, 84% mas chens riba un un problema cu ritmo di curazon, y 72% mas chens riba fayo di curazon, compara cu

personanan cu no a haya corona.

E cantidad di casonan di curazon a subi cu 4%, cu ta parce tiki, pero no ta tiki.

Na Merca solamente esaki ta nifica cu a bini 3 miyon pacient mas aserca cu problema di curazon.

Mundialmente e ta 15 miyon. E ta bay pa un problema cu ta keda cu no ta bay zomaar.

Cantidadnan hopi halto Marijke Linschoten, dokter investigafor na UMC Utrecht a bisa: "Als je kijkt naar dit onderzoek, werden gemiddeld

drie tot tien extra gevallen van een hartaanval, hartfalen of een ritmestoornis van de hartkamers vastgesteld per elke duizend mensen die corona hadden doorgemaakt. Als je nagaat hoeveel miljoenen mensen inmiddels corona hebben gehad, zou dat in de praktijk om erg grote aantallen gaan" Tambe serca hobennan saludabel: Dicon un si ta haya probelma y otro no? Esey mester wordo investiga.

Remarcable ta cu persona cu nunca antes a sufri di problema di curazon, a haya problema despues

di infeccion di corona.

Problema di curazon no a presenta solamente na hendenan di edad halto, pero tambe hobennan.

Tambe esnan cu a pasa door di corona sin haya mucho simptoma, tambe a haya problema di curazon.

Gym, core, move curpa: Segun cardiolog Jorstad, mester sigui haci mas investigacion.

El'a enfatisa si riba un lifestyle saludabel, unda movecion, gym, cana/core ta importante.

Minister Arends cu bishita pa ICAO Riba invitacion di Organizacion Internacional di Aviacion Civil (ICAO), Minister Ursell Arends kende ta encarga cu transporte, lo sali rumbo pa Mexico, caminda lo tin un encuentro importante cu e grupo ICAO lo haya diferente presentacionnan pa loke ta e cumplimento di Aruba cu e normanan di ICAO. Tambe lo haci palabracionnan riba plannan di accion pa mehora unda por drecha e cumplimento di Aruba y tambe lo elabora riba asistencia technico, den cuadro di e programma “No Country Left Behind” di ICAO. E reunionan aki ta di suma importancia pa asina asegura cu henter e sistema di aviacion di Aruba ta cumpli y lo sigui cumpli cu e normanan di ICAO, mirando cu nos turismo ta depende riba e sector di aviacion pa garantisa tur hende nan seguridad, y maneho di fluho di transporte aereo na e forma mas optimal posibel.

10

Diahuebs 10 Februari 2022

Minister Rocco Tjon:

TRABOUNAN A INICIA PA CU RENOBACION DI HUIS VAN BEWARING; GUARDA NOS COSTA

- Diaranson mainta, durante rueda di prensa, Minister di Husticia y Asuntonan Social Sr. Rocco Tjon, conhuntamente cu director di Guarda Nos Costa (GNC) Sr. Richard Kramers, a anuncia e proyecto grandi di renobacion di “Huis van Bewaring”, cual ta un inversion substancial cu ta bay wordo haci pa amplia e capacidad, caminda personanan indocumenta ta wordo ubica. E oficina principal di GNC lo wordo renoba, pero tambe lo bay crea un espacio

caminda e personal por haci nan trabou bou circunstancianan mucho mas miho.

Minister Tjon a enfatisa riba e importancia di inversionnan specifico pa loke ta trata trabou di e personal.

E proyecto aki ta acopla na un proyecto di ICT caminda ta bay percura pa e personal cu ta traha na GNC por tin un sistema automatisa den cual nan por traha y haci nan trabou. E proyecto aki ta cay bou di ActPol, mas specificamente e “module” pa loke ta trata

e cadena di estranheria.

ActPol, manera ta conoci, ta e sistema automatisa cu Cuerpo Policial tambe ta usa, pues di e forma aki lo bay percura pa e dos departamentonan aki ta mas sincronisa na otro, pa di e forma ey comparti informacion mucho mas miho cu otro.

E proyecto aki ta toca e parti di infrastructura y inversionnan cu ta wordo haci riba e parti tecnologico, pero di otro banda, manera ta conoci, luna pasa a firma un MOU entre GNC y Rode Kruis. Bou di e MOU aki, a brinda Rode Kruis acceso na e facilidadnan di GNC pa na momento cu tin un keho cu ta wordo haci, Rode Kruis

mes por drenta y wak e circunstancianan bou cual e personanan ta wordo ubica.

Segun e Mandatario a expresa, Gobierno di Aruba a asumi su responsabilidad y ta haciendo e inversionnan necesario. Sinembargo, na final di dia e ta keda e responsabilidad di cada persona cu ta wordo ubica na “Huis van Bewaring”, pa percura tambe cu e condicionnan bou cual nan ta ubica wordo bon manteni.

Por ultimo, Minister Tjon a enfatisa riba e hecho cu tin diferente inversionnan cu ta bay tuma luga, mirando tambe cu 2022 ta aña di inversion y oportunidad.

Algun proyecto cu ta presupuesta pa aña 2022, y como tal a wordo inverti aden caba ta: Maritiem Politie, Departamento di Asunto Social cual ta bay continua cu e renobacion completo, construccion di e edificio nobo di FMAA/ SPD y Guarda Nos Costa. Adicionalmente, dentro di dos siman, lo bay anuncia tambe, e renobacion completo di e brandweer post na San Nicolas, cual ta proyecta di ta un inversion bastante grandi. Minister Tjon a manda palabranan di pabien y gradicimento na DOW como tambe e compania ALBO cual ta bay percura pa e proyecto di renobacion aki di “Huis van Bewaring” por ta uno exitoso.

11

Diahuebs 10 Februari 2022

FPNA: Parke Nacional Arikok nomina pa e Best Caribbean Attraction pa USA TODAY – Recientemente Parke Nacional Arikok a wordo nomina entre e 20 Best Caribbean Attraction pa USA TODAY un corant cu ta wordo publica den mayoria estado Mericano. Pa Fundacion Parke Nacional Aruba (FPNA) e organisacion di conservacion y maneho na Aruba encarga cu e.o Parke Nacional Arikok esaki sigur ta un honor pa wordo nomina un bes mas entre e miho atraccionan di Caribe. E nominacion aki ta den cuadro di e USA TODAY 10Best, un plataforma cu ta duna recomendacion imparcial na su usuarionan relaciona cu e miho atraccionnan, actividadnan pa haci y restaurant pa bishita di diferente destinacion rond di mundo.

Pa ricibi e premiacion di e Best Caribbean Attraction tin un proceso caminda e publico por vota entre e 20 nominadonan selecta pa un panel di experto di turismo. E ultimo biaha cu premiacion aki a tuma lugar na 2020, Parke Nacional Arikok a ricibi e titulo di e Best Caribbean Attraction 2020. Den e añanan nos dilanti FPNA lo sigui cu e transicion pa stimula experencia den naturalesa sostenibel pa bishitantenan den e diferente areanan natural protegi e.o Parke

Nacional Arikok, Siteo Ramsar Spaans Lagoen, y Parke Marino Aruba. E experencia aki lo mester ta di un balor halto y un impacto abou cu ta subraya e trabou di conservacion y encurasha comportasion sostenibel. Tur esaki ta pa mehora e experencia di di bishitante na e.o. Parke Nacional Arikok.

Actualmente e proceso di votacion ta andando y FPNA kier encurasha e pueblo di Aruba pa vota pa un biaha mas Parke Nacional Arikok ricibi e titulo di Best Caribbean Attraction 2022.

Pa vota por bishita e pagina di Facebook Aruba National Park Foundation caminda cu por

vota of tambe door di bishita 10best.com den e seccion di Best Caribbean Attracion.

Actualmente Parke Nacional Arikok ta lidera e proceso di votacion online sigui pa Shete Boka National Park di Corsow y na di tres lugar Nelson’s Dockyard di Antigua.

Prome Minister Evelyn Wever-Croes:

PROME MINISTER A RICIBI BISHITA DI CONSUL DI ITALIA ESTABLECE NA MARACAIBO Dialuna 8 di februari, Prome Minister di Aruba, Evelyn Wever-Croes, a ricibi bishita di Consul di Italia cu ta establece na Venezuela, ciudad Maracaibo, Dr. Aniello Petito.

Dr. Petito ta eherce e funcion aki desde mei 4, 2020. Bishita di Concil Petito tawata uno di cortesia y pa cera conoci cu Prome Minister di nos pais.

Durante e encuentro a elabora riba diferente tema di interes comun entre otro e crisis di Venezuela y e efecto cu esaki tin pa ambos pais. Tambe a papia di Covid y e situacion actual cu nos pais ta den. Prome Minister a elabora tambe riba e vision di Gabinete Wever-Croes II pa recuperacion di nos pais y pa pronto nos ta fuerte y resiliente atrobe.

E reunion a bay den un bon esfera y e intension a keda di ambos banda pa sigui cu un bon relacion entre e paisnan.

12

Diahuebs 10 Februari 2022

Presidente di Partido MEP Ricky Hoek:

MEP cu mas cu 5 decada di union y forsa Tabata riba dia 9 di februari 1971 cu e hoben politico Arubano Betico Croes dfm a funda su propio partido y a dun’e e nomber di Movimiento Electoral di Pueblo, MEP. Den e eleccion di Eilandsraad cu a tuma lugar 3 luna despues e partido aki a obtene 7 asiento, pero no a logra forma parti di gobierno di Aruba y a bay den oposicion.

Sinembargo, desde cu e partido a keda funda na aña 1971, semper MEP a sa di mantene un minimo di 7 asiento den tur eleccion.

E vision y meta di nos prome lider y libertador Betico Croes, tabata pa uni tanto su pueblo y gobernantenan sin importa rasa, color, religion y ideologia politico. Sin duda cu e union aki cu a crea un forsa enorme, tabata determinante pa

por a realisa e deseo di e pueblo Arubano, esta nos Status Aparte.

Nos prestigioso partido MEP durante 51 aña a sa di conoce 3 lider den persona di sr. François ‘Betico’ Croes, sr. Nelson Oduber y sra. Evelyna Wever-Croes.

Tres persona cu un vision, amor y determinacion pa pone nos Aruba para fuerte den temponan dificil.

Union ta haci forsa y esaki a keda demostra 51 aña pasa cu nos movimiento, esta Moviento Electoral di Pueblo. E union, forsa y grandesa aki awe ainda ta bibo den cada hogar na Aruba, pasobra nos tin e libertad di tin nos simbolonan nacional, e libertad pa participa, traha y reuni den comunidad sin ningun strobacion.

MEP ta para na defensa di tur ciudadano, pa nan dignidad, libertad y pa democracia real.

Mayor di un alumno di school a bira agresivo cu un juffrouw na St. Franciscus School

\Diaranzon mainta a drenta informe di cu un mayor a bira agresivo cu un juffrouw di school na Sint Franciscus School, mesora a dirigi un patruya na e sitio. Na yegada di e patruya a bin compronde cu e mayor a bay caba pero e maestra a tuma e number di auto y a duna polis esaki pa asina nan bay papia cun’e y atende pa su malcomportacion dilanti muchanan,

Como presidente y orguyoso miembro di e famia di nos prestigioso partido Movimiento Electoral di Pueblo, MEP, mi ta extende mi palabranan di felicitacion cu e di 51 aniversario di MEP na nos honorario lider sr. Nelson Oduber, nos lider actual sra.

Evelyna Wever-Croes, nos candidatonan, d i r e c t i v a n a n , comisionnan, lidernan di bario, votadornan, sostenedornan y pueblo di Aruba.

MEP ta sigui avansa den union y forsa na bienestar di nos dushi Aruba.

13

Diahuebs 10 Februari 2022

Lider di MEP Evelyn Wever-Croes: Cu 5 cargo penal su contra

CASO PENAL CONTRA BENNY SEVINGER TA UN BERGUENSA HOPI GRANDI PA ARUBA Den e dianan aki, Aruba henter ta testigo di e caso di corupcion di e ex-Minister di Partido AVP y actual Parlamentario di Fraccion di AVP, señor Benny Sevinger.

Den nomber di e gran mayoria di e pueblo dia Aruba, di un pais cu nos ta hopi orguyoso di dje, Lider di Partido MEP y Prome Minister di nos pais, señora Evelyn WeverCroes a expresa cu e caso aki ta un berguensa hopi grandi pa nos tur cu ta biba riba e baranca tan stima aki.

E cargonan cu señor Sevinger hunto cu 10 otro sospechoso ta enfrentando e siman aki den corte ta di un embargadura hopi grandi.

Benny Sevinger ta wordo acusa di 5 cargo penal.

1.

Falsificacion: Traha documento falso of cambia fecha riba documentonan, 2.

Estafa: Gaña hende cu e meta pa saca placa for di nan.

Oplichting na Hulandes, 3.

Tumamento di regalo of promesa: Pidi y haya placa bou mesa pa haya of haci un fabor pa haya placa of otro fabor, 4.

Labamento di placa: Sospecha di a haya placa di soborno. Soborno ta ora ta haya placa ilegal y ta traha un construccion legal pa esaki pa asina uza e placa, 5.

Abuso di funcion: A uza su funcion di minister pa pone otro hende haci algo ilegal y of duna instruccion na departamentonan di gobierno pa haci cosnan ilegal.

Señor Benny Sevinger ta wordo acusa cu como minister e lo a facilita tereno na personanan a cambio di entre otro: placa, construccion di gym na su cas, remodelacion di su cas, pago di fiesta na hotel. Esakinan ta cargonan sumamente pisa. Si compara e caso aki cu e caso di e anterior Minister di AVP, señor Paul Croes, cu a haya 3 aña di condena, e caso aki ta hopi mas pisa.

Lider di MEP a expresa cu e parti

positivo di e caso aki ta, cu Aruba ta conta cu un sistema hudicial cu ta funciona. Ministerio Publico a haci investigacion y a trece e caso dilanti di corte. Corupcion ta existi tur caminda, pero ora cu un Ministerio Publico ta actua, ta indicacion cu, den e caso aki, Aruba ta riba un bon caminda Ta notabel tambe cu señor Sevinger y su abogadonan ta haci tur esfuerso pa mancha e investigacion. E hecho cu nan ta acusa Minister Rocco Tjon y Minister Endy Croes di ta mete den husticia y a entrega keho.

Lider di MEP a declara cu esaki no ta berdad. Niun minister ta mete den husticia. Casonan contra Ex Ministernan di AVP a cuminsa tempo AVP tawata na mando. Señor Dowers tawata e ex-Minister di Husticia e tempo ey y sigur esey no kiermeen cu e lo a duna instruccion pa laga investiga su coleganan di Partido y di Gabinete, señor Paul Croes y señor Benny Sevinger.

Lider di MEP a indica cu e mes no conoce mucho di e caso pero si a tuma nota cu hopi cos ta wordo bisa tocante e caso aki. Ministerio Publico ta esun cu ta atende cu e caso. Pero como abogado, el a indica cu loke ta sosodiendo awo ta proforma, algo di formalidad.

Huez ainda mester dicidi cua ta e fecha cu mester cuminsa trata e caso den su contenido.

“Pero, cualkier cu ta e caso, e cargonan cu tin riba mesa awo contra señor Sevinger hunto cu 10 otro sospechoso, ta cargonan sumamente serio y severo. Como Lider di Partido MEP, e Partido cu ta cargando e bandera di integridad pa varios aña, mi mester bisa cu esakinan ta e tipo di cosnan cu nos ta rechasa completamente. Mi ta hopi satisfecho di mira politiconan hoben cu ta afilia na Partido MEP y politiconan hoben cu ta afilia na otro partidonan, ta rechasando corupcion. Y ohala cu mas politico por sali y rechasa corupcion.

Especialmente politiconan hoben, studia y inteligente di Partido AVP. Esaki ta e momento, cu como hoben, bo mester lanta para pa principio y kita e mancha mahos aki riba bo. Na e momentonan aki, keda keto ta haci bo complice, casi mes corupto cu Benny Sevinger.

P’esey mi ta hopi orguyoso di nos Partido Movimiento Electora di Pueblo, MEP, su candidatonan, parlamentarionan y ministernan.

Nos Partido ta rechasa tur tipo di corupcion y nos lo no cansa di bringa e tipo di practicanan aki.

Nos ta traha y percura pa Aruba keda liber di corupcion, liber di influencia negativo cu Partido AVP tin.

Nos a traha riba un programa hopi ambisioso di Integridad pasobra nos kier crea confiansa bek di pueblo den su gobernantenan.

Pueblo por ta trankil cu tin un bon Gobierno gobernando nos pais. Partido MEP, nos Gobierno ta compromente su mes pa trece progreso y bienestar pa tur ciudadano di nos pais y percura cu e tipo di corupcion aki pasa pa pasado di berdad”, Lider di MEP

Evelyn Wever-Croes a duna di conoce.

14

Diahuebs 10 Februari 2022

Premier Evelyn Wever - Croes:

GOBIERNO PRONTO LO PROPONE MODELONAN ALTERNATIVO DI RECORTE NA EMPLEADONAN PUBLICO Y SEMI PUBLICO - Den e dianan aki gobierno ta finalisando modelonan alternativo cu kier ofrece na empleadonan publico y semi publico. Unabes CAFT duna aprobacion na e tres modelonan aki, gobierno lo presenta esakinan na sindicatonan y empladonan publico y semi publico, cu despues lo por scoge cua opcion ta traha mihor pa nan. Te ora cu haya salario completo bek.

Kico kiermen cu esaki?

Manera cu ta conoci empleadonan publico y semi publico ta entregando 12,6% di nan entrada desde 1 mei 2020 na momento cu e pandemia a bati na nos porta.

Recientemente, gobierno di Aruba a pidi Hulanda pa e aña aki (2022), cuminsa cu e proceso pa ‘bouw af’ e recorte ey. Pues pa haci e recorte mas chikito te cu e ta bira 0 y tur hende ta haya nan salario completo bek.

Despues di e Rijksministerraad cu a tuma luga siman pasa, Prome Minister Wever - Croes a anuncia cu e peticion aki di Aruba a wordo nenga door di Hulanda, pero cu nan ta dispuesto pa sigui papia. Prome Minister a expresa cu lo haci uzo di e oportunidad aki otro siman ora Secretario di Estado Alexandra van Huffelen ta na Aruba. Mester bisa cu durante Rijskministerraad a wordo bisa cu Aruba ta permiti pa desaroya otro tipo di modelo, modelonan alternativo, cual gobierno ta bezig cu ne.

Tres modelonan alternativo

Premier Wever - Croes a duna di conoce cu a traha riba tres modelo cual a presenta na CAFT, pa nan por bisa nos si ta duna nan aprobacion na esaki.

(1) E prome modelo ta un modelo cu ta keda igual manera cu e situacion ta aworaki. (2) E di dos modelo ta encera cu e ambtenaar ta entrega 11.5 dia di vakantie of ATV y a cambio, no ta corta mas

e 5% di su salario. Pues tur luna e ta bay cu mas placa cas pero e ta entrega 11.5 dia pa esaki.

(3) E di tres modelo ta unpoco diferente, e ambtenaar ta keda cu su salario completo. No ta corta e 5%, e ta sigui entrega mitar di su vakantie uitkering pero ta entrega reparatietoeslag di augustus y najaarstoeslag di november completo y entrega 2 dia di vakantie.

‘E tres modelonan ki ta trahando riba nan y e idea ta pa presenta esaki na tur empleado publico y semi publico pa nan mes por haci nan escogencia.’

Talbes un ambtenaar ta bisa cu e kier pa e recorte keda manera cu e ta, eorey e ta scoge opcion 1. Un otro porta ta pensa cu mas placa mensual den su man ta importante y ta entrega e dianan di vakantie, eorey e por scoge pa modelo number 2. E modelo number 3 ta un combinacion di e otro dosnan caminda cu ta bisa e placa ta importante tur luna, eorey a cambio ta entrega e premie cu mester haya na augustus y november, completo y ta entrega riba dje 2 dia di vakantie y tur luna ta haya 5% mas di salario.

Prome Minister a indica cu asina cu haya contesta di CAFT lo bolbe na mesa cu sindicatonan, pa presenta e modelonan y asina sindicatonan por presenta esaki na nan miembronan. ‘Tin sindicato cu a indica den prome instante cu nan no ta interesa den esaki, talbes ora nan mire mihor elabora, nan tin mas interes. Tambe tin otro sindicato cu a expresa cu nan ta hopi interesa. Sinembargo locual cu realmente ta importante, ta kico e trahado ta pensa. Paso ta e trahado su placa, su salario y su dianan di vakantie’, Prome Minister a agrega.

Importante pa reflexiona riba e trato y respet pa otro Prome Minister Wever - Croes a expresa di ta haye sumamente

lamentablemente pa mira discusionnan den medionan social, riba e tema aki entre sindicato y Gobierno cual a polarisa nos comunidad. Hopi expresion, palabranan di critica y ofensa a wordo lansa riba nos empleadonan publico.

Especialmente nos grupo di maestro/a y docentenan. Pesey kier a haci e apelacion aki na comunidad: ‘Mi ta kere e ta importante pa nos para keto unrato y realisa e trabou importante cu nos empleadonan publico ta haciendo, especialmente nos docentenan. Mama y tata di famia cu ta lanta tur mainta bay scol pa educa y duna enseñansa na nos yiunan. Pa yuda nos yiunan pa nan por ta un mihor version di nan mes.

Nos docentenan, maestronan y nos maestronan ta duna alma y cuerpo pa nos yiunan y semper nan a hacie na un forma cu nos tabata hopi orguyoso di nan.

Den e dianan aki, ban mustra nos aprecio na nos docentenan, nos maestronan y maestranan.

Nan ta bringando pa un derecho cu nan tin y tur hende tin dereho pa bringa pa su derecho.’

Prome Minister a sigui expresa cu na e momentonan aki, si nos mustra mas comprension y mas empatia, ta sigur cu lo yega mas leu.

Gobierno ta compronde preocupacion di mayornan tambe tocante kico lo bay pasa cu e yiunan si orario di scol bira menos y si docentenan no bay traha. Sinembargo, polarisa, falta respet, critica, zundra, expresa odio, expresa frustracion no ta bay yuda ningun hende.

‘Laga nos respeta otro, laga nos respeta e posicion di docentenan, maestra y maestronan cu ta luchando pa un derecho cu nan tin. Laga nos mustra tambe respet pa e posicion di mayornan y bienestar di nan yiunan. Laga nos mustra respet na nos sindicalistanan cu ta haciendo loke nan tincu haci pa nan miembronan y ban mustra respet pa gobierno cu tincu percura pa interes general di nos tur.’

Concluyendo Prome Minister a expresa y recorda un y tur cu na e momentonan aki Aruba ta den etapa di recuperacion. Aruba a pasa den temporadanan hopi dificil.

Omicron a dal nos mas duro cu tabata pensa. Aruba mester di nos tur na e momentonan aki pa nos reconstrui, fortifica nos economia y pa asina nos hiba nos Pais dilanti. Aruba ta conta cubo!

15

Diahuebs 10 Februari 2022

OPENDAG 2022 di FILOMENA COLLEGE MAVO

Lider di Partido Evelyn Wever-Croes:

DICON MI TA ORGUYOSO DI TA MEP?

Mep ta cumpli 51 aña di aniversario

Riba diasabra 19 di februari 2022, Filomena College MAVO den curason di San Nicolas ta organisa su opendag.

Tur mucha di klas 6 di scolnan basico di Aruba, ta bon bini. Varios lo ta e maestronan cu lo duna lesnan cortico di nan materia, pa duna tur futuro alumno un idea di nos lesnan.

E opendag ta start 9:00 am y ta termina 12:00 pm.

Tur alumno y mayor ta invita pa e opendag di Filomena College mavo na San Nicolas.

Awe, 9 di februari, partido MEP ta cumpli 51 aña.

Hopi hende ta puntra mi di con mi ta orguyoso di ta MEP. Ami a scoge partido MEP pasobra MEP ta un partido cu semper a pone Aruba prome. Mi ta orguyoso di partido MEP principalmente pasobra MEP a logra cosnan grandi pa Aruba. MEP a logra haci Aruba pais y MEP a logra pa Aruba ta exitoso para riba su propio pia.

LIDERNAN DI MEP Pasobra e dos lidernan cu MEP a conoce prome cu mi, Betico Croes y Nelson Oduber ta shon di hende cu a lidera y a goberna Aruba bon. Pa hopi mas motibo, mi ta orguyoso di MEP y mi ta conmemora e 51 aña di nos partido cu orguyo!

MEP

16

Diahuebs 10 Februari 2022

Minister Dangui Oduber

Orguyoso di ta forma parti di partido MEP Awe nos prestigioso partido ta cumpli 51 aña

Dia 9 di februari 1971 Betico Croes dfm a funda partido Movimiento Electoral di Pueblo (MEP). Desde principio

MEP a pone su dilanti e ideologia socialdemocrata, nos structura estatal y un union di henter e pueblo Arubano,

sin distincion di rasa, color, religion, status social etc.

MEP ta wordo considera un partido prestigioso.

Un partido cu desde su fundacion a keda un partido grandi y esaki durante 51 aña largo, ya cu MEP despues di su promer salida nunca a yega di baha bao di 7 asiento.

Partido MEP su trayectoria ta impresionante cu logronan sin igual.

Asina nos por pensa riba logronan manera nos status aparte, nos himno, nos bandera, nos propio moneda. Despues partido MEP a percura pa schrap e fecha di

independencia, percura pa reapertura di nos refineria, plan sasaki, varios proyecto hotelero pa stimula economia.

Un partido solido cu semper a percura pa tin stabilidad politico y progreso. Un partido cu a conoce solamente 3 lider politico, cual tawata nos libertador Betico Croes, nos lider honarario sr Nelson Orlando Oduber y nos lider actual sra Evelyne Wever-Croes.

E solo hecho cu den 51 aña partido MEP a conoce solamente 3 lider ta bisa hopi di e stabilidad, seriedad y responsabilidad cu partido MEP tin pa cu

pais Aruba.

Awe cu hopi orguyo mi ta forma parti di nos prestigioso partido MEP. Un partido cu tin e ser humano central y cu semper a traha pa e biniestar di cada ser humano. Pami por ta riba lista di MEP y sigui den footsteps di mi tata ta hacie algo excepcional.

Mi kier a felicita nos votadornan cu semper a carga MEP, nos lider honorario, nos lider actual, nos candidatonan, nos campañadonan, lidernan di bario y tur nos militancia pa nan sosten pa nos partido den bon y den malo.

Pabien MEP cu 51 anja di existencia.

Diahuebs 10 Februari 2022

Pagina 17

TENE NA CUENTA E USO DI TAPA BOCAS

Dama turista herida despues di a cay basta duro cu bicicleta

L.G.Smith Boulevard/ Arashi Road - Diaranson merdia den careda di 1'or den e bocht cu ta bay pa Arashi algun turista a para un bus chauffeur.

E grupo a puntra e bus chauffeur si por pidi un ambulance pa nan, debi cu un dama tawata herida ariba caminda.

Na e sitio por a compronde cu e dama aki lo a accidenta cu un bicicleta y esnan na e sitio no a move y a lage ariba su barica. A

pone un parasol pa e solo cayente y tambe serbete.

Den algun minuut ambulance a yega y Paramediconan a baha y bay unda e dama tawata banda di caminda.

Despues di a haci'e algun pregunta nan a yude bira ariba su lomba unda a pone ariba brancard y sali cu ne direccion Hospitaal.

Den e bocht e dama lo a perde control y a bay cay basta duro heridando su mes.

Diahuebs 10 Februari 2022

Pagina 18

“Resultado di Atletismo Escolar 2022 organiza pa IBiSA”

Recientemente a tuma lugar den Stadion Guillermo Prospero Trinidad na Dakota, Atletismo Escolar 2022 cual evento a wordo organiza pa Instituto Biba Saludabel y Activo (IBiSA).

Durante e evento aki, categoria 1 mucha homber y mucha muher a haci 3 disciplina cual ta 60 meter, 400 meter y tira bala lew, categoria 2 a haci 4 disciplina cual tabata 60 meter, 400 meter, bula lew y tira lew y den categoria 3, 4 y 5 e distancia a cambia pa 80 meter, 600 meter, bulamento lew y tira bala lew.

Categoria 1 Mucha Homber: Den categoria 1 mucha homber na prome lugar a keda Steven Del Rosario di Colegio Sagrado Curazon cu un total di 2384 punto, na di dos lugar a keda Nathan Dundas di

Colegio Sagrado Curazon cu un total di 2350 punto y na di tres lugar a keda Dilano Victorino di Cacique Macuarima School cu un total di 2344 punto.

Categoria 1 mucha muher: Den categoria 1 mucha muher na prome lugar a keda Ryziliane Richardson di Sint Aloysius School cu un total di 2176 punto, na di dos lugar a keda Zahirah Mohamed di Sint Paulus School cu un total di 2168 punto y na di tres lugar a keda Jazelle Albertus di Colegio Pastor Kranwinkel cu total di 2112 punto.

Categoria 2 mucha homber: Den categoria 2 mucha homber na prome lugar a keda Eli Anijs di Colegio Sagrado Curazon cu un total di 3000 punto, na di dos lugar a keda Jonathan Quintero di Maria School

cu un total di 2900 punto y na di tres lugar a keda Allan Vasquez di Pius X School cu un total di 2900 punto.

Categoria 2 mucha muher: Den categoria 2 mucha muher na prome lugar a keda Naraya Doornkamp di Prinses Amalia Basis School cu un total di 2636 punto, na di dos lugar a keda Aizza Navas di Colegio Pastoor Kranwinkel cu un total di 2572 punto y

na di tres lugar a keda Eva Fernadez-Perna di Scol Basico Washington cu un total di 2646 punto.

Categoria 3 mucha homber: Den categoria 3 mucha homber na prome lugar a keda Jiankang Feng di Pius X School cu total di 2710 punto, na di dos lugar a keda Jean Carlos Huerto di Fatima College cu total di 2686 punto y na di tres lugar a keda Erijoe Dijk-

hoff di S.P. Kudawecha cu total di 2662 punto.

Categoria 3 mucha muher: Den categoria 3 mucha muher na prome lugar a keda Zyana Rogers di Fatima College cu un total di 2524 punto, na di dos lugar a keda Ruby Pearce di Sint Franciscus College cu un total di 2416 punto y na di tres lugar a keda Jahhailey Andrews di SP Kudawecha cu un total di 2366 punto.

Diahuebs 10 Februari 2022

Pagina 19

“Resultado di Atletismo Escolar 2022 organiza pa IBiSA”

Categoria 4 mucha homber: Den categoria 4 mucha homber na prome lugar a keda Qwintan Toppenberg di Colegio Pastor Kranwinkel cu un total di 3086 punto, na di dos lugar a keda Jayzion Mathilde di Colegio Pastor Kranwinken cu un total di 2814 punto y na di tres lugar a keda Juan Sebastian Ricon Lara di St. Franciscus College cu un total di 2752

punto.

Categoria 4 mucha muher: Den categoria 4 mucha muher na prome lugar a keda Fatima Ayala di Pius X School cu un total di 2212 punto, na di dos lugar a keda Mayla Larochelle di Pius X School cu un total di 2078 punto y na di tres lugar a keda Ashly Bello Manzuela di St. Anna School cu un total di 1988 punto.

Categoria 5 mucha homber: Den categoria 5 mucha homber na prome lugar a keda Daniel Maxwell di YNZ Montessori High School cu un total di 2326 punto.

IBiSA ta anuncia cu 15 mihor atletanan lo clasifica pa e gran final cu ta tuma lugar na luna di juni 2022.

Pa mas informacion por sigui pagina socialnan di

IBiSA tanto ariba face-

book y Instagram.

Diahuebs 10 Februari 2022

Pagina 20

Con pa converti meditacion den bo rutina diario Converti meditacion den bo rutina diario, por ta un reto complica pasobra no semper e ta dispone di e tempo necesario, pero una bes cu e logra, e beneficionan pa e salud fisico y mental ta inmediato.

E efectonan positivo di meticacion ta bay mas leu di lo subhetivo y lo emocional.

Estudionan cientifico a comproba su utilidad pa reduci stress y e sintomanan perhudicial cu esaki ta causa na nos curpa.

Stress ta haci cu e organismo ta produci nivelnan halto di cortisol, un hormoon cu en exceso ta crea procesonan inflamatorio cu ta produci dolornan muscular, di cabes, di pecho y malestar di stoma.

Adicionalmente, cortisol ta causa insomnio, ansiedad, iritabilidad y ta reduci e apetito sexual.

Ciencia ta respalda metidacion Inclui meditacion den bo rutina diario ta reduci hormoonnan relaciona cu stress y ansiedad di tur dia.

Varios estudio ta demostra cu meditacion ta reduci stress door di nivela e produccion di cortisol y ta yuda elimina problemanan causa door di e exceso di e hormoon aki.

Di un otro parti, a considera e balor di meditacion como herment terapeutico den algun enfermedad degenerativo manera fibromialgia.

Dokter Sara Lazar, psikiatra specialista den e investigacion neuroimaginario na e Universidad di Harvard, a conduci un estudio riba meditacion cual resultadonan a respalda

Si ta bon, tin cu haya un ora fiho den e rutina, tambe bo por agrega meditacionnan chikito a lo largo di dia.

Bo por concentra na caminda pa cas, enfocando rib e cuminda durante lunch of ora di bebe koffie of thee.

e importandia di e meditacion den bo rutina diario: "Meditacion ta provee beneficionan cognitivo y psicologico cu ta persisti durante henter dia. E estudio ta demostra cu e cambionan den e structura di e celebro ta tras di e mehoracionnan aki," Lazar a splica.

Recomendacionnan pa e meditacion den bo rutina diario Conociendo e bentahanan di practica meditacion, ta cumbini converti'e den un rutina diario. Algun consideracion por yudabo logr'e: Ta realista cu expectativanan Cu periodonan chikito di tempo lo bo bay notando e prome beneficionan.

No ta hacibo falta dedica mas tempo di loke bo tin disponibel.

Leo Babauta, instructor di meditacion zen, ta recomenda compromete na cuminsa cu 2 minuut diario y purba di aument'e na 5 minuut.

Cu paso di tempo, ora cu aprecia e beneficionan,

lo ta mas facil haci meditacionnan mas largo.

Busca un tempo liber diario Pa realmente e meditacion converti den un habito, lo miho ta pa haya un momento preciso di dia unda cu bo sa cu tin tempo liber disponibel.

Lo mas recomendabel ta den oranan di mainta, pasobra e ta yudalanta e sentidonan y prepara e curpa y mente pa e resto di dia.

Sin embargo, si bo no por mainta, tambe ta sirbi durante descanso durante lunch of anochi. Vooral, lo importante ta pa haya dos minuut diario den bo rutina habitual.

Scoge un luga accesibel Un luga aparta y trankil lo permitibo concentra den bo es. Lo miho ta haya un luga trankil, unda cu no tin desordo ni distraccion.

E por ta na cas, den oficina of den un parke.

Lo fundamental ta cu den e espacio aki no tin interupcion of molester.

E ta conviniente laga acesorionan manera telegon pa sigura cu

ta respeta e tempo di meditacion.

Usa paña comodo Pa blokia tur e factornan externo, ta importante usa paña comodo. Bistinan cu ta preta, den calor of incomodo di algun forma, lo evita cu e mente ta relaha y ta converti den un distraccion pa hacibo perde e foco.

Mesun cos ta sosode cu un posicion. Lo ideal ta pa haya un postura comodo cu bo por mantene sin cu e converti den un molester.

Hasta medita canando por ta un bon solucion.

Usa algun tempo extra

Con pa medita?

Controla e respiracion ta esencial den e meditacion y relahacion. Meditacion ta consisti den relaha e mente y libera e warwaru di pensamento te ora cu logra haya e paz interior.

Lo miho ta pa concentra riba un cos fiho, por ta visual of sonoro. Si e ta visual, nos por haya un punto fiho dilanti nos. E por ta un bela, un flor of algo simpel.

For di eynan tin cu enfoca riba e obheto y no pensa mas leu di loke nos ta mirando. Si e ta un zonido, tin cu scoge uno cu lo sirbi manera un mantra. E por ta palabranan simpel cu ta invitabo na relahacion of zonidonan manera "Ohmmmm", pronuncia for di e pecho.

Un di e tecnicanan mas util y efectivo ta concentra den e respiracion. E por ta manera cu wowonan cera of habri.

Hala rosea lentamente via nanishi of sinti y imagina e aire ora cu bo hala rosea.

Den cada respiracion ta sinti manera e aire ta drenta den e pulmonnan y ta pasa den e diferente partinan di e curpa oxigenando e sanger.

Despues expira lentamente tambe sintiendo con e aire ta sali. Una bes cu e meditacion caba, lo bo sinti bo mente libera y relaha, y e curpa renoba.

E problemanan lo keda atras pa algun tempo y despues por afronta nan, lo ta mas simpel.

Diahuebs 10 Februari 2022

Pagina 21

FOR SALE - FOR SALE - FOR SALE

HYUNDAI ACCENT 2014 TOP CONDITION CALL

5694343 FOR TEST DRIVE

Oportunidad pa trabao

FOR SALE - FOR SALE - FOR SALE

Tin oportunidad pa trabao pa un kokki/cocinera y helper di cumindanan crioyo pa un Take Away.

Pa informacion por wasap 746-3571

Ford Shuttle Bus 2006 ~ E450 diesel Prijs reduci: Afl. 17.500 Perfecto pa snack truck

739-0101

Diahuebs 10 Februari 2022

Pagina 22

PRONOSTICO DI TEMPO VALIDO TE DIAHUEBS 10 DI FEBRUARI 2022, 18:00 ORA. ELABORA: DIARANSON 09 DI FEBRUARI 2022 17:00 (21:00 UTC) TEMPO: AWE ANOCHI: LEVEMENTE TE PARCIALMENTE NUBLA Y GENERALMENTE SECO DEN MARDUGA I MAYAN: PARCIALMENTE NUBLA CU UN AWACERO PASAJERO TE BREVE TEMPERATURA MAXIMO 31 GRADO CELSIUS TEMPERATURA MINIMO 26 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 32 PA 35 GRADO CELSIUS UV INDEX: 10 BAHADA DI SOLO : 6:44 PM SUBIDA DI SOLO : 7:03 AM BIENTO: MODERA FOR DI OOST; FORSA 3 TE 4 (12 TE 30 KM/ORA, 7 TE 16 NUDO).

DEN DIA BASTA FUERTE TE FUERTE DEN RAFAGA; FORSA 5 TE 6 (31 TE 50 KM/ORA, 17 TE 27 NUDO).

SITUACION GENERAL DI TEMPO PA PROXIMO 24 ORA: EXTENCION DI E AREA DI PRECION HALTO DEN ATLANTICO TA DOMINANDO TEMPO, MANTENIENDO UN BIENTO MODERA TE BASTA FUERTE Y FUERTE DEN RAFAGA. HUMEDAD DEN E FLUJO DI BIENTO LO POR INDUCI ALGUN AREA DI NUBIA CU POR DUNA GENERALMENTE DEN ORANAN DI MARDUGA Y MAINTA DI DIAHUEBS UN AWACERO PASAJERO TE BREVE LOCALMENTE. CONDICIONAN MARITIMO/ ESTADO DI LAMA: NA PARTINAN PROTEJE DI COSTA: LEVE NA PARTINAN ZUID: TRANKIL TE MODERA NA PARTINAN OOST TE NOORDWEST DI COSTA: GENERALMENTE MODERA OLANAN LO TA ENTRE 4 PA 6 PIA. AVISO/ ALERTA: NA OPERADORNAN DI BOTO CHIKITO TA WORDO SUGERI PA BAI CU CAUTELA RIBA PARTINAN OOST TE NOORDWEST DI COSTA Y LAMA HABRI FENOMENONAN SPECIAL NINGUN POTENCIAL DI AWACERO PA PROXIMO 24 ORA: 1 TE 3 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 31 / MIN 25 / 0.0 MM WESTPUNT: MAX 31 / MIN 25 / 0.0 MM STA ROSA: MAX 31 / MIN 25/ 0.0 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO PASAJERO TE BREVE. BIENTO LO TA FOR DI GENERALMENTE DIRECCION OOST I MODERA; BASTA FUERTE TE POSIBLEMENTE FUERTE DEN RAFAGA; TEMPERATURA (GRADO CELSIUS) MAX / MIN LO TA: 31 / 26

Pagina 23

Diahuebs 10 Februari 2022

obituario Publica serka nos anuncio di fayecimento di bo ser keri.

Nos tin 2 pakete pa ofrece Pakete 1: Anuncio di fayecimento te dia cu e defunto ser dera Gradicimento y invitashon pa misa pa 3 dia AFl 250,00 Pakete 2: Anuncio di fayecimento te dia cu e defunto ser dera Gradicimento y invitashon pa misa pa 3 dia Na Canal 22 1x prome cu Noticiero 22 Afl 400,00 Pa mas informashon por tuma contacto cu oficina na 585-9500 of na 741-4554 puntra pa Jamila Henriquez

TA HUUR den CENTRO COMERCIAL NOORD un localidad di 120M Bon situa, pa mas info yama:

592-3327

TA BUSCA TERENO EIGENDOM Na Ayo, Matividiri, Rooi Prikichi, Koeriboeri, Sjabururi, Santa Lucia y vecindario.

Jama: 5603316

Diahuebs 10 Februari 2022

Pagina 24

Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn

911 100 102 104 105 107 11141

Ambulance San Nicolas Ambulance Sasaki Ambulance Wayaca

584-5050 582-5573 582-1234

Horacio Oduber Hospital Centro Medico San Nic. SVB AO Ziekmelding

527-4000 524-8833 527-2782

Servicio nan

Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa

523-7147 525-4600 117 145 524-2424 584-5080 585-1198 913

Aurora Funeral Home Royal Funeral Home Ad Patres Funeral Home The Olive trees Funeral Home

588-6699 586-4444 584-2299 582-0000

Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation Kiningin Wilhelmina Fonds Fundacion pa nos mucha nan

582-2219 583-2999 582-4433 587-1677 583-5400 131 588-3131 587-0002 588-9999 582-0412 583-4247

Pagina 25

Diasabra 6 November 2021

Nos Aruba no lo wordo trapa, cana strit!

Recientemente a tuma nota un sucedido contra Minister Sr. Glenbert Croes

Si bo ta bishita nos pais bo ta atene bo mes na reglanan di nos pais. Bo ta siña e idioma si a caso nan no tin bo idioma como uno internacional. Mesun cos ta ora bo ta ricibi e pasport hulandes otorga pa Reino Hulandes cual ta permitibo tin acceso na varios pais den henter Mundo, un trato di respet ora bo bai otro paisnan pasobra bo ta pertenece na Reino Hulandes. Asina ta comporta bo manera un persona grata.

Nos pais cu hendenan cu bon curason y humilde pa añanan largo a laga situashonan pasa, a laga hopi di afo bin distrui material y y bida di hende. Por ehempel famia, cas, horta pertenencia, etc. A traha un strategia pa cuminsa trafica nan mesun hendenan pa bin traha ‘zwart’, esta sin permiso, sin paga belasting, pa asina "contribui" na nos pais. Nan ta wordo ofreci un kamber pa awg.25,pa dia, un hamaka pa awg.10,-. Tin biaha ta busca pareha of esnan di mas recurso pa por tin un dak riba nan cabes y asina aporta lo minimo. Esaki ta bai en contra di Derecho Humano, leynan di nos pais y Leynan Laboral International. Asina hopi ta yuda nan mesun hendenan. Bo ta yuda pa firma pa e persona, nan ta paga e permiso pero ta rabia ora nan no ta sigi haya nan resto di permisonan. Sin sa cu si e hendenan aki no ta cumpliendo cu ley pa un of otro motibo of esaki no lo wordo otorga. Ta tuma tempo pa loke ta trata investigashonan y sigur riba e conducta en general di e individuo aki.

Nos hendenan a wanta palabranan di insulto di hendenan cu ta bisitante

di afo, a wordo chercha pa extranheronan. Y kiko nos ta drei haci, nos mes ta sigi yuda nan door di scondenan, nan ta bisa nan papelnan ta den proceso. Nos mester pidi nan documentonan y yama verifica, pasobra abo tambe ta actuando contra ley pa sconde ilegal na bo cas.

Mesun cos alto funcionarionan ta wanta tur tipo di palabranan di insulto, nan ta wordo defama y nan famianan ta wordo menasa of tin di nan a wordo mata. Sin sa cu ta e persona nan aki ta wordo persigi pa añanan largo caba. Ban recorda un rato e incidentenan grave e “wild wild west” un tempo pasa na un establicimento nightclub, otro na banco y esun na Renaissance Marketplace. Con cada un di nos t ayuda mantene Aruba un dushi lugar pa biba ta si nos tur mira algo incorecto pasa, no ignora, busca manera como ciudadano pa yuda Seguridad Nacional di nos pais, Aruba.

Un simpel ehempel mi ta tuma e incidente entre Sra. Trudy Hassell, un alto funcionario di Husticia, esta un Comisario di Polis, un mama, no solamente pa su 4 yuinan sino pa hopi hoben di tur edad y e señora cu a wordo deporta un tempo atras a lastra su nomber den plataforma social cu esaki a coste su carera mescos cu tur otro persona. Sin busca mas a lew cu Sra. Hassell tabata haci su trabou y conforme ley. Con nos mesun hendenan Arubiano por a expresa nan malcontento, pero tambe a aporta na defama Sra. Hassel. Nos tin cu stop di sconde tras di un plataforma cual ta liber pa expresa y pensa si bo lo expresa di e manera

aki den un forma personal cu e persona aki.

Nos tin cu stop cu e mal ehempel di defama cualkier persona, acaso e poder eynan door di defama bo ta wordo paga pa haci esaki? Kiko abo como ser humano ta haya a cambio?

Acaso e rabia cu un ser femenino ta yega lew den bida y abo NO!? Acaso e

poder di e hende hombre cu mester keda pensa cu nan ta keda manda mundo?! NO. Acaso e ta hacibo mihor persona pa daña otro su bida? NO. AMOR TA SIGNIFICA RESPET TAMBE. No purba mes di menasa ningun hende, den pasado tabata Sra. Hassell, awe ta Minister Sr. Glenbert Croes y mayan e por ta cualkier di

nos sea bringando pa bo mesun derechonan muher of homber. Asina ta, Pueblo lanta arriba. BO TA MISHI CU UN ARUBIANO, BO TA MISHI CU NOS TUR! Respeta nos Aruba, respeta nos hendenan y respeta nos leynan.

Abigael Arends – Profesional riba Area di Derecho Humano, Leynan Laboral International, Husticia.

Diahuebs 10 Februari 2022

Pagina 26

Lotto MERDIA FEBRUARI 9

Lotto ANOCHI FEBRUARI 8

Lotto MERDIA FEBRUARI 7

Pa abona na SOLO DI PUEBLO

Yama 585 9500

of manda nos un e-mail na solodipueblo@gmail.com

n e d e t a i d r a tu cas g e r t t’i En r o p bo

Pagina 27

Diahuebs 10 Februari 2022

Parlamentario Mike de Meza

Hulanda ta nenga gabinete Wever Croes sosten di likides pa falta di gobernacion drechi No ta prome bes, tampoco di dos bes pero ta di tres ocasion cu Conseho di Minister di Reino, ainda no a bay di acuerdo pa Aruba haya sosten di likides diabierna ultimo, algo cu no ta nada straño.

Realmente loke Conseho di Minister di Reino y CAFT ta haciendo, ta trata di coregi loke ultimo cuater aña y mey no a sosode cu gabinete Wever Croes I y II, pa Parlamento ya cu nombrando un set di “jaknikkers” pa sostene e dos gobiernonan aki, Hulanda ta mira cu ta den man di e pais madre pa para tanto incapacidad cu pueblo di Aruba ta confrontando.

Parlamentario Mike de Meza tabata directo den su declaracion, mustrando cu simplemente Hulanda a perde tur confiansa den Aruba su Prome Minister, kende tin un gobierno cu ta gobernando pa bienestar di famia, bienester di amigo- y sponsornan, lagando pueblo un banda.

“Ta for di 2018 gobierno di Hulanda a pone Evelyn Wever Croes firma cu e tin cu drecha e situacion, cu su gobierno tin cu presenta un presupuesto na tempo y presupuesto balansa pero awor na 2022, ainda Evelyn su gobierno no tin presupuesto pa presenta.

Ta di lamenta cu pueblo tin un Prome Minister cu ta manipulando asina hopi

cu interesnan di su pueblo, cu e ta afectando bida di miles di hende den un forma sumamente descabeya caminda su grito politico y di su gobierno, esta “e hende prome,” nunca a bira realidad y pueblo ta mira esaki y na Hulanda tambe nan ta mirando e desaroyo aki.

E desorden den gobernacion di e pais, ta asina grandi, caminda diahuebs ultimo gobierno a trece e cambionan di e ley di LIM pa wordo trata den parlamento, despues di cinco luna cu e gabinete a sinta caba pero e mesun gabinete aki ainda no tin presupuesto 2022 finalisa pa yega Parlamento pa su tratamento.

Pues aki ta mira claramente cu tin cu “fix” nan mes prome, pa despues bay mira con ta fix henter e asunto di presupuesto, cu ta sirbi e interes general di nos pueblo, algo cu a bira tradicion di gobiernonan di Evelyn Wever Croes.

gobierno mes no tin iniciativa algun pa mustra kico e lo haci pa acelera e recuperacion economico aki.

Den ningun bario, den ningun sector por mira un solo iniciativa di gabinete Wever Croes, caminda por saca afo cu algo ta wordo haci pa futuro bienestar di pueblo di Aruba pero si por scucha tur dia di

nombracionnan cu ta tumando luga, mas famia y amigonan a haya trabou y caminda Hulanda ta sigui mustra cu e aumento di gasto personal ta sigui su rumbo.

Awor Prome Minister y lider di MEP kier acusa Conseho di Minister di Reino di no kier elimina e reduccion salarial di

12.6% pero en realidad e conseho aki no ta permiti su mes wordo haci ridiculo pa un Evelyn Wever Croes kende henter e reduccion salarial aki tabata su creacion, su vision pa asina cumpli cu loke el a priminti Hulanda, esta di baha gasto di personal di gobierno,” Parlamentario Mike de Meza a declara.

Awor Hulanda a dicidi di pone otro condicion, esta cu Evelyn su gobierno tin cu presenta un presupuesto balansa pa sigui haya ayudo di likides pero ta mesun Prome Minister y su Minister di Finansa, tabata papiando cu nan ta rumbo pa logra esey pero e mapa di e ruta aki nunca a yega Den Haag.

Ora cu analisa tur loke Conseho di Minister a trece dilanti diabierna ultimo, tur hende lo yega na mesun conclusion logico, esta cu no tin gobernacion na Aruba, gabinete Wever Croes II ta sinta man crusa lagando e pais sigui cay atras.

E plan di recuperacion economico ainda ningun hende sa di dje, no por mira actividadnan economico cu no ta for die sector priva, mientras cu

TENE NA CUENTA E USO DI

TAPA BOCAS

Diahuebs 10 Februari 2022

Pagina 28

Parlamentario Arthur Dowers

Evelyn Wever Croes cu shete Minister lo no mester a kita 60 miyon di AZV Ta otro inhusticia contra comunidad di parti di Prome Minister Evelyn Wever Croes, ora cu diahuebs mainta el a presenta den Parlamento caminda a trata e cambio di ley nobo pa loke ta reparticion di ministerionan, apesar cu Raad van Advies a conseha su persona pa tira e ley aki afo.

Parlamentario Arthur Dowers a mustra cu apesar di e conseho aki di RdA pa no implementa e cambionan den e ley ya cu nan no ta sirbi interes general, caminda den pasado caba e propio Minister Presidente ayega di sigura pueblo cu su gobierno lo bay traha cu solamente 7 minister.

“E tempo ey e lider di MEP a mustra cu reduccion di carteranan di minister te na shete, ta pone cu gobierno di Aruba lo scapa un gasto di 50 miyon florin pero awor un biaha mas Evelyn Wever Croes ta presenta un concepto di cambio di LIM, cu ta consisti di un total di 8 minister.

Pues tur locual el a priminti den pasado di lo yuda reduci gasto di persona di gobierno cu 50 miyon florin, awor atrobe e ta bolbe presenta un LIM cu ta consisti di 8 minister pero di otro banda si e mesun persona aki ta bira im-

pone un medida di 12.6% riba salario di trahadonan publico, sin consulta cu e trahadonan.

Un cambio di ley di LIM sin hustificacion ya cu Raad van Advies a mustra e Prome Minister cu e proposicion cu a wordo presenta den e cambio di ley aki, ta mustra cu e dos ministernan di partido RAIZm ta representa 6% di e presupuesto total pa 2022, lagando e ministernan di partido MEP cu e resto di 94% den e presupuesto cu ainda no a yega Parlamento pa wordo trata.

Ta di spera cu esunnan cu den e proceso electoral di 2021 a vota pa partido RAIZ, ta consciente cu nan partido cu e reparticion di ministerionan, a wordo transforma den un simpel satelite di partido MEP. Practicamente ta keda confirma den e reunion di cambio di ley di LIM, cu apesar cu Ursell Arends y Geoffrey Wever tin titulonan di minister y ta cobra mesun salario di ministernan, nan a ser converti den satelitenan di partido MEP, sin mucho poder y sin mucho di bisa den e gobierno aki.

Pa colmo na un momento cu gabinete Wever Croes a dicidi di impone medida riba salario y beneficionan

di trahadonan publico, rancando placa for di nan cartera, a spera y nos ta kere cu Raad van Advies tambe a spera esaki mirando nan reaccion riba e cambionan presenta, cu gobierno loa presenta un gabinete cu solamente seis of shete minister.

Mirando con e lider di MEP a reparti e ministerionan den e ley cu a wordo presenta diahuebs maina, por mira claramente cu e falta di conocemento politico, e falta di madures politico, ta hungando un rol crucial den e cambionan proponi.

Den henter e presupuesto, e dos ministerionan cu RAIZ a acepta pa maneha, ta representa apenas un 6% di e totalidad di presupuesto, loke ta mustra cu ministernan di RAIZ lo no tni placa pa haci net nada pa sirbi interes di pais Aruba.

Tempo cu Premier Wever Croes a bisa den pasado

cu trahando c’un gabinete di 7 minister, lo pone gobierno spaar 50 miyon florin riba gasto di personal, un suma cu ta practicametne ta casi igual na loke ta gobierno ta rancando for di cuido medico den AZV, cual reduccion tin cu yega te na 60 miyon florin pa aña,” Parlamentario Arthur Dowers a declara.

Diahuebs 10 Februari 2022

Pagina 29

Movemento ta Bida avansando exitosomente cu nan proyecto

Hofi den Bario un proyecto di Fundacion Movemento ta Bida ta un proyecto cu ta andando pa varios luna caba na Shabururi y den combinacion cu esnan di Shabururi.

Un proyecto hopi bunita e sigur na su lugar den e temponan aki caminda cu bou guia di Departamento di Agicultura, Cria y Pesca, Santa Rosa ta realisando diferente

cosecha. Den luna di november pasa mes esaki ta tuma lugar.

Por tuma nota cu sigur desde inicio cu Santa Rosa ta yuda cu guia y conseho pa un mihor forma di planta esaki ta avansando exsitosomente. Por admira cu tur idea y consehonan a duna fruta y manera por mira riba e potretnan cu ta acompaña e articulo tur cos ta canando exitosa-

mente.

Solo di pueblo pagina social Ba hasi aña? Bo kier publica un felicitashon den corant. FREE Manda nos un email cu informashon y maximo 6 potret na

solodipueblo@gmail.com of Yama 585-9500

A combersa cu sr.

Rudy Leysner kende ta yuda cu e proyecto y ta masha contento con tur cos ta canando y ta yen di entuciasmo pa sigui mira mas y mas fruto for di e proyecto aki.

Sra. Rosa Leon kende ta coordina e proyecto cu e meta ta pa tin mas contacto social y ta mas activo ficicamente y mentammente. Esaki ta tuma lugar riba tur diaranson pa asina tira bista, cuida e matanan y mira kico mas por wordo hasi pa asina tin mas cosecha for di esaki. Segun cu cultivonan ta sigui pa

cu e proyecto aki lo bai mira mas fruta y berdura cu lo bai wordo cosecha.

Meta pa por tin mas cosecha y por bende cu publico y e proyecto mes por cubri gastonan cu tin.

Riba combinacion di foto por apecia nos colega Ludwig Rasmijn encarga pa duna guia y

conseho pa e proyecto di Movemento ta Bida.

Di parti Santa Rosa nos ta felicita Movemento ta Bida y tur esnan envolvi pa cu nan proyecto.

Trahando hunto por logra hopi mas productonan fresco local pa pueblo di Aruba.

Pagina 30

Diahuebs 10 Februari 2022

Interceptan en Colombia un narcosubmarino que transportaba el mayor cargamento de cocaína en dos años

Se trata del cargamento de drogas más importante incautado por la Armada en el mar en los últimos 2 años, detalla un comunicado oficial.

La embarcación era tripulada por 4 sujetos, uno de ellos extranjero, quienes se desplazaban con rumbo hacia costas de Centroamérica.

Todos fueron detenidos y quedaron a disposición de la Fiscalía, bajo imputaciones por los delitos

de tráfico, fabricación o porte de estupefacientes; y uso, construcción, comercialización y tenencia de semisumergibles o sumergibles.

Según estimaciones de la Armada, con este operativo “se evitó el tráfico y consumo de 10 millones de dosis del narcótico en países de la región y el ingreso de cerca de 150 millones de dólares a las finanzas del grupo disidente de las Farc ‘Blo-

que Occidental Alfonso Cano”, que opera bajo el mando de alias ‘Allende’, en la costa pacífica nariñense.

Esto, de acuerdo a la institución castrense, le quita “capacidad logística para financiar actividades de minería ilegal y acciones terroristas en contra de la fuerza pública y la población civil, con las que buscan generar zozobra, desplazamientos e inestabilizar los territorios”.

De acuerdo a la Oficina de las Naciones Unidas contra la Droga y el Delito (UNODC), en los departamentos del Norte de

Santander, Nariño, Putumayo, Antioquia, Cauca y Bolívar se encuentra el 60

% de los cultivos ilícitos de coca de Colombia.

Grupo Rumanan den Oración di “Beato Dr: Jose Gregorio Hernandez, Dakota Aruba

INVITACION NA CELEBRACION FIESTA BIRGEN DI LOURDES Y DIA MUNDIAL DI TUR ENFERMO NA PAROKIA BIRGEN DI FATIMA DAKOTA. Reverendo Pastoor Jozef Pelc y Reverendo Diacono Michael Nicolaas kier invita deboto-, parokianonan y pueblo di Aruba en general na celebración di Fiesta di Birgen di Lourdes diabierna 11 Februari 2022.

Lo celebra 2 S.S. di Misa e dia aki: Mainta 9.30 y anochi 7’or Misa Solem. Pa e dia aki tambe tin bela na benta cu lo wordo bendiciona durante di tur dos S.S. di Misa. Pastoor Jozef ta pidi encarecidamente pa trece nos grandinan y enfermonan pa ricibi Sacramento di Enfermo e dia aki y ta recorda cu 40 minuut prome cu S.S. di Misa ta resa Santo Rosario y mei ora prome cu SS di misa tin ocacion pa confesa.

Kier invita tur Diajuebs pa 7:00 PM Caminda nos ta bai tin Oracion.

Nos ta spera tur Rumanan, devotonan di barrio di Dakota, gruponan, pueblo di Aruba Diajuebs: 10 february 2022 ( TUR DIAJUBS) Lugar: Cas di Oracion de Beato Dr: J.G.H na Dakota BINI UNO BINI TUR Un Danki di Curazon

Diahuebs 10 Februari 2022

Oracion na Monumento di Inmaculada Curason di Maria

DIADOMINGO 13 DI Februari 2022 pa 5.30 di atardi tur fiel, debotonan cu a Consagra y ricibi e Scapulario di Sagrado Curason di Hesus y Inmaculada Curason di Maria.

Mama Maria ta keda invita nos pa bin resa e Santo Rosario, laga nos resa hunto na e Monumento na Santa Cruz.

Laga nos ban resa awo pa nos isla chikito, pa sociego di alma cu a bay sosega, pa nan haya misericordia den nan bida spiritual. Bin pa resa pa e aña escolar pa nos hobennan haci nan esfuerso pa logra puntonan bunita pa bay over.

Tambe pa e cambio drastico riba mundo henter, sushamento di nos medio ambiente, Obra di nos Creador cu plastic cu ta ya

Pagina 31

den nos cuminda segun cientificonan. Nos confiansa ta keda firme den Tata Dios.

Na otro parti di mundo Mama Maria ta aparece, no solamente na mucha, pero na hende grandi y ta pidi pa hiba e mensahe pa tur hende y pueblonan, Mama Maria ta tristo, E ta bisa cu Su Yiu Hesus ta sufri pa picanan di esnan cu no ta conoce cu Hesus ta Yiu di Dios. Resa e Santo Rosario tur dia, e ta meditacion riba Santa Scitura, resa Rosario ta enrikesa bo bida spiritual.

Bo y bo amiga y conocirnan ta invita pa bin resa diadomingo atardi na monument di Inmaculado Curason di Maria.

Dios bendiciona nos pueblo.

Pa abona na

SOLO DI PUEBLO Yama 585 9500

of manda nos un e-mail na solodipueblo@gmail.com

bo n e d dia te r u t a Entreg port’i cas

Un feliz dia bendiciona y cu Dios proteha boso cu Su Sanger Precioso.

..“Su cabes no ta bon ”.(Marco 3, 21) Ruman ora Hesus tabata papia, E Palabra ta dal tur hende y nan ta expresa asina pa hustifica nan maldad scondi. P’esey cada bes cu nos scucha E Palabra nos mester resa pidi Spirito Santo comprondemento pa nos por ricibi locual Hesus kier mustra nos y tambe di biaha probecha di pidi Spirito Santo e Forsa, pa nos por cumpli cu Señor Su Boluntad.

"Dios di Universo.......y nos lo ta Salba"(salmo 80,7) mare nos por ripiti e Palabranan ey di e salmo tur dia di nos bida. Ruman sigui Hesus no ta dificil, manera hopi ta bisa, e problema cu nos tin ta cu, nos tin miedo y falta di curashi pa bisa Hesus , manera Mama Maria "ata Sirbidor di Señor: laga sosode cu mi loke Bo a bisa"(Lucas 1,38) Ruman esey alabes mester ta nos oracion diariamente pa asina nos por haya e forsa pa bisa Hesus "SI" cada dia di nobo!

Tambe di e manera ey nos lo por refleha e Hesus cu ta biba den nos y cu tanto nos ta stima, E Hesus cu ta stima mi sin limite!

Oracion: Hesus mi Señor y mi Dios duna mi y haci mi curason pareu na Bo curason y fortifica mi pa mi por cumpli cu Bo Santo Boluntad cu ta beneficia tanto mi famia, mi amigonan y mi mes. Amen

Pagina 32

Crossword puzzles

Diahuebs 10 Februari 2022