Issuu

DIASABRA 5 SEPTEMBER 2026

5 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

Accion blok caya a cuminza

K O L B A S R O T A R E TOUR OP I D R A T A A N R E I B A CAYA DI

Ta protesta e cierre di costa na noord Diabierna atardi gruponan di tour operators a tene nan prome accion. Nan a blok caya na altura di rotonde las Americas. E grupo a yega cu varios di nan atv’s y quadracers y a blok e rotonde. Nan ta desgusta cu Gobierno a cera costa na Noord, cual ta precisamente unda nan ta gana nan pan. E accion lo sigui intesifica segun nos a compronde.

5 AÑA DI PRISON PA HOMBER CU A HINCA SU PAREHA 3 BIAHA CU CUHIU NA NEK Y BARIGA

DIAsabra 5 september 2026

AFTA ta organiza sesionnan di informacion tocante proteccion di consumidor pa empresanan Arubano Oranjestad – Aruba Fair Trade Authority (AFTA) lo cuminsa otro siman cu un serie di sesionnan di informacion pa sector empresarial Arubano tocante legislacion di proteccion di consumidor. Cu e sesionnan aki, AFTA ke duna apoyo na empresanan pa logra un mihor comprension di nan obligacionnan bou di e legislacion aki. P’esey, AFTA ta hasi un yamada na empresanan cu ta ofrece producto of servicio na consumidor pa controla nan operacion empresarial y verifica si nan ta cumpli cu e reglanan vigente. Bon cumplimiento ta proteha consumidornan y ta contribui na un terreno igual pa empresanan na Aruba. AFTA lo aborda empresanan pa participacion na e sesionnan. Desde 15 di maart 2026, AFTA ta supervisa e cumplimiento di diferente reglanan pa

proteccion di consumidornan. E supervision di AFTA ta enfoca riba seis asunto: publicidad enganyoso, comunicacion comercial (digital), condicionnan general, garantia, convenio na distancia y viahenan den pakete. Durante e sesionnan lo discuti e aspectonan principal di e temanan aki y lo splica loke e reglanan ta nifica pa empresanan. Tambe lo dedica atencion na e podernan di supervision di AFTA y na e posible medidanan di cumplimiento na caso di no-cumplimiento. Empresanan lo haña oportunidad pa hasi pregunta. Ademas, representantenan di DEACI y SEDECO lo splica con ta trata kehonan individual di consumidor, ki proceso ta sigui den esaki y ki rolnan organizacionnan ta hunga den apoyo y guia di consumidornan. Di e manera aki,

participantenan lo haña comprension tanto di e supervision di AFTA riba interesnan colectivo di consumidor, como di e tratamento di asuntonan individual di consumidor pa e instantianan cu ta encarga cu esaki. AFTA ta e autoridad independiente y imparcial di Aruba cu ta supervisa e bon funcionamento di mercadonan pa beneficio di empresanan y consumidornan. AFTA ta investiga e mercadonan na Aruba y ta actua ora tin un violacion di e reglanan. AFTA tin podernan pa preveni mala conducta di empresanan y, unda ta necesario, aplica sancion. Mas informacion tocante AFTA, incluyendo e reportahe di 6 luna cu informacion tocante investigacionnan na curso, por wordo haya riba e website www. afta.aw.

Polis a topa cu un Jeep cara a cara sin lus riba nan y a bira persigui nan y detene e chauffeur!

Diabierna madruga durante patruya polis a bin topa cu un Jeep cu lus paga cara a cara nan dilanti, nan a haya na mes ta kita p'e y a bira bay nan tras y cende e sirena y e lusnan di emergencia. Pero esaki no a duna resultado y nan a primi trot bay. Polis nan tras y a logra para esaki

den tereno di un hotel den e area mes. Polis a bay atende cu 4 hoben homber turista habla hispano. Na yegada di nos colaborador por a nota cu polis a laga 3 di nan bay y 2 a coy rumbo pa nan camber. E chauffeur cu a keda y su amigo a keda wak kiko lo pasa. Polis

a bay test e chauffeur y esaki a resulta malo p'e y a detene mirando su comportacion y tambe cu e no kier a razona. Na final e ultimo amigo tambe a bay lagando su amigo deteni. Na final polis a confisca jeep mirando no ta conosi si e otro 3 nan por sigui trip bao influencia.

DIAsabra 5 september 2026

Refeneria di Aruba ta habri RFP internacional pa demolicion di dos chimenea di beton

Accidente cu un dama herida pa falta di preferencia na crusada di Cocorobana Diahuebs atardi a drenta informe di un accidente cu hende herida na e crusada di Cocorobana, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e dama chauffeur di un Mercedes Benz GLE 400 biniendo di zuid no a duna preferencia na Kia Rio cu preferencia di pariba

y a dal esaki. Debi na e impacto e dama chauffeur di e Rio a resulta herida.

Na yegada di e ambulans nan a atende e dama y a transporte pa hospital.

DIAsabra 5 september 2026

Noticia di Corte

5 aña di prison pa homber cu a hinca su pareha 3 biaha cu cuhiu na nek y bariga-1ORANJESTAD – Awe mainta Fiscal a baha pisa riba e homber Colombiano biba na Aruba E.B.C. (46), kende a hinca su pareha E.M. tres biaha cu cuchiu. SOLO DI PUEBLO por a compronde cu Fiscal ta haya E.B.C. culpabel di intento di mata y a exigi 5 aña di prison. Den sala di Corte tabata presente e ex pareha di E.B.C., E.M., nan tres yiunan, famianan di E.M. y E.B.C.

HINCA DAMA DEN GARGANTA Y BARIGA Fiscal ta acusa E.B.C. cu riba 11 Februari 2026, el a purba mata y maltrata dama E.M. E.B.C. a hinca E.M. cu cuchiu, dos biaha na garganta y un biaha na bariga. Fiscal tambe ta acusa E.B.C. di intento di causa herida severo. Hues a bisa cu E.B.C. a admiti di a hinca. Hues a puntra E.B.C. pakico el a haci’e. E.B.C. a bisa Hues cu e momento ey e no tabata conciente kico el a haci. Hues a bisa cu Polis y psychiater puntra E.B.C. kico a causa cu el a bira asina agresivo y a hinca e dama E.M. E.B.C., na yoramento a bisa Hues cu e tabata depresivo. E.B.C. a sigui bisa cu e tabata sinti cu el a perde su famia y cu no tabata vale la pena. Hues a bisa cu por a compronde cu ya nan tabatin 20 aña hunto y hasta a bay terapia pero e victima E.M. a dicidi di divorcia. Hues a puntra kico a pasa e anochi di 11 Februari 2026. Segun E.B.C., tabata mas o menos 3’or di marduga y E.M. no a yega cas ainda. E.B.C. a bisa cu e tabata manda mensahe riba cellular pero E.M. no tabata contesta. Esey a pon’e pensa cu E.M. lo tabata cu un otro homber. E momento ey e tres yiunan (dos homber y un muher) tabata na cas na soño. E.B.C. a bisa cu ora E.M. a yega cas, e portanan di camber tabata na yabi. E no tabata kier pa E.M. bay den camber serca dje y nan yiu muher. Ora E.M. a

bati na e porta di camber, E.B.C. a habri porta y puntra di unda E.M. ta bin. E.M. no a bisa nada y e ora ey E.B.C. a perde cabez.

YIU TA PUSHA SU TATA CU A HINCA SU MAMA

El a bisa cu e no ta corda kico a pasa y a bin bek na tino ora cu su yiu homber a cuminsa grit’e. E yiu homber a scucha gritamento y a core bay den e camber y a mira su tata E.B.C. cu cuchiu den man y su mama na sanger. E yiu a pusha E.B.C., kende e ora ey a bisa su yiu pa yama ambulance pasobra el a spanta. E dama E.M. a sufri 2 hinca den nek y un hinca na banda di bariga. E.B.C. na yoramento a bisa Hues cu ta duel’e hopi loke a sosode.

Hues a bisa cu Polis a haya yamada pa un caso di pelea cu hincamento. Na e cas Polis a mira e dama E.M. na sanger y un sarbete na sanger. E.B.C. a bay pafor y e yiu homber tur histerico a bisa Polis cu su tata a hinca su mama 3 biaha cu cuchiu. Polis a mira den cas sanger riba vloer y a haya e cuchiu. Den cas tabata un otro yiu homber y un yiu muher. E yiu homber mas grandi a bisa cu tabatin problema entre su tata y mama y cu nan tabata planea pa separa. Mas o menos 3.10 di marduga el a spierta door di gritamento. Ora el a bay den camber, el a mira su mama drumi riba cama na sanger y su tata para dilanti su mama. E mama a bisa su yiu cu E.B.C. a hink’e 3 biaha. E ora ey e yiu a pusha e tata.

E mama E.M. a bisa Polis cu el a bay un fiesta di un amiga y ora el a yega cas, el a bay den camber y ora e tabata kier kita su carson, E.B.C. a hink’e cu cuchiu. Hues a mustra potret di e cuchiu

y bisa cu ta un cuchiu basta grandi y skerpi. Hues a puntra, con bin cu e cuchiu tabata den camber. Segun E.B.C., el a bay come apelsina den camber y a usa e cuchiu. El a laga e cuchiu riba mesa banda di cama. Esaki tabata mas o menos 1or. Hues bisa cu segun imagennan di video di seguridad, 2.45 ta mira E.B.C. ta cana bay den camber cu cuchiu. Segun E.B.C., el a bay come apelsina.

Hues a bisa cu segun raport medico, tin un hinca na banda di nek y un hinca dilanti na e nek. Tambe un hinca na bariga. Ta asina cu mester a haci operacion di biaha na bariga pa evita cu lo causa daño.

Ariba pregunta di Fiscal, E.B.C. a admiti cu un biaha el a bay spiona E.M. si ora e caba di traha, e ta bay cu un otro homber. Fiscal tabata haci E.B.C. varios pregunta encuanto e cuchiu. Segun E.B.C., e no ta corda cu el a hinca E.M. na nek y bariga. Hues a mustra cu ya caba E.B.C. tin 206 dia sera den KIA.

VICTIMA NO KIER PA CASTIGA ACUSADO E dama E.M., na yoramento a bisa Hues cu e ta pordona E.B.C. E momento ey por a mira E.B.C. cabez abao ta yora. E.M. a bisa cu nan tin tres yiu pero na dado momento cosnan no tabata bon y el a dicidi di divorcia. El a pidi Hues pa no castiga E.B.C. pisa. El a bisa Hues cu el a retira tur denuncia contra E.B.C. pa asina E.B.C. por ta mas pronto cu su yiunan. E.M. a bisa cu e kier tin paz mental y cu su yiunan. Por a nota cu e yiunan y famianan tabata yora. Hues a dicidi di pospone e caso pa 10 minuut pasobra tabata hopi emocionante den sala.

Continuacion pag 6

DIAsabra 5 september 2026

AHATA TA PROMOVE SEGURIDAD CONTRA CALOR INTENSO NA TRABAO

Mirando cu calor fuerte lo sigui presenta, AHATA su Comite di Medio Ambiente a prepara material practico pa yuda dunador di trabao y empleado percura pa proteccion. AHATA a comparti e material educativo cu su miembronan cu e meta ta pa yuda companianan fortifica nan medidanan pa proteha trahadonan contra calor. Alabes e material ta inclui tips pa empleado cuida nan mes y reconoce sintomanan di alerta. Entro otro ta pidi dunado di trabao pa tene cuenta cu oranan mas calor ora di schedule trabao y pa semper tin awa disponibel y accesibel. Ta importante pa tin lugar cu sombra of fresco unda trahadonan por tuma break cortico of pa alterna nan tareanan. Asina por evita cu nan ta keda demasiado tempo den solo durante e oranan

di mas calor. Trahador tin responsabilidad tambe pa cuida nan mes y esnan rond di nan. Pone atencion riba otro, especialmente mucha y adulto mayor. Calor por afecta cada persona di un manera diferente. Indicador cu calor ta afectando un persona ta inclui: mareo, gana di saca, falta di forsa, cansancio fuera di normal y cram di musculo. Si un persona presenta un of mas di e sintomanan aki, stop e actividad, hib’e den un lugar fresco y no lage su so. Busca ayudo mesora si e sintomanan ta serio of no ta mehora. AHATA su Comite di Medio Ambiente ta gradici DVG y CMO pa nan sosten valioso den preparacion di e material educativo. Un danki special na Bucuti & Tara Beach Resort, miembro di e comite,

pa contribui cu varios consehonan practico pa e iniciativa aki. AHATA su Comite di Medio Ambiente ta consisti di representantenan di companianan miembro cu ta uni nan conocemento y experiencia pa trata temanan relaciona cu medio ambiente y sostenibilidad. E comite ta intercambia ideanan, identifica necesidadnan y desaroya iniciativanan y materialnan practico cu por wordo comparti cu tur miembronan di AHATA. Asina, e comite ta contribui na practicanan mas sostenibel, bienestar di trahadonan y un industria turistico mas prepara pa futuro.

DIAsabra 5 september 2026

5 aña di prison pa homber cu a hinca su pareha 3 biaha cu cuhiu na nek y bariga -2PSYCHIATER TA RESPONSABEL

HAYA

ACUSADO

Despues di e pause a sigui cu e caso caminda Hues a mustra cu segun psychiater, E.B.C. no por a controla su mes pero e ta responsabel pa su actonan. Psychiater ta haya cu lo ta bon cu E.B.C. y famia cay bou guia di Reclasering pa asina cana e proceso di divorcio. Ta asina cu E.B.C. ariba pregunta di Hues a bisa cu tur cos ta mustra cu mester divorcia. Abogado mr. Arends Marchena a bisa Hues cu ya nan ta divorcia pero a dicidi di warda con ta para cu e caso pa asina regla e cuestion di e yiunan.

cu nek y bariga ta partinan vital di un curpa cu por causa morto. Na opinion di Fiscal, e hecho cu mester a haci operacion urgente na bariga di E.M., ta mustra cu e caso ta serio. Segun Fiscal, e forma di a hinca 2 biaha na garganta y 1 biaha na bariga, E.B.C. a tuma e riesgo di intento di mata. Fiscal a mustra cu rabia no ta motibo di considera cu E.B.C. no tabata conciente. El a mustra cu Pshychiater ta mustra cu E.B.C. ta responsabel pa su actonan. Fiscal ta haya legalmente proba cu E.B.C. ta culpabel di intento di mata. El a bisa cu e hincamento a sosode den cas unda e yiunan tabata tey. Esaki a afecta e famia completo.

FISCAL TA BAHA PISA Fiscal a bisa Hues cu aki ta trata di un lamentable caso caminda violencia entre pareha a bay for di man. Nan tin casi 20 aña hunto. Pa tempo largo tin problema den relacion. E.B.C. tabata sospecha cu E.M. lo tin otro pareha. Fiscal a bisa cu riba dia di incidente, E.M. a bay un fiesta y den careda di 3’or di marduga a yega cas. E.B.C. a puntra E.M. unda e tabata. Na dado momento E.B.C., den su rabia, a pasa man pa un cuchiu y a hinca E.M. tres biaha. E.M. a wordo hinca 2 biaha na nek y 1 biaha na bariga. Fiscal a bisa cu door di e hinca na bariga, e dama E.M. a keda interna den hospital. Fiscal a bisa

EXIGI 5 AÑA DI PRISON Pa cu e castigo, Fiscal a bisa cu e ta tene cuenta cu ta promer biaha cu E.B.C. ta cay den man di husticia. El a mustra cu Psychiater ta haya cu E.B.C. ta responsabel pa su actonan. Fiscal a bisa cu e ta tene cuenta cu castigonan di Hof pa casonan asina. Fiscal no ta haya cu aki por exigi castigo combina. Fiscal tin comprension pa expresion di e victima den Corte. Sinembargo Fiscal ta haya cu mester manda señal bon cla den comunidad cu no ta accepta incidente asina. Fiscal a exigi 5 aña di

prison pa E.B.C. Por a mira cu E.B.C. a bolbe baha cabez y cuminsa yora. DEFENSA ABOGADO Abogado mr. Arends Marchena a bisa Hues cu despues di 20 aña di relacion, e dama E.M. a bisa cu door di problema den pareha, el a dicidi di divorcia. E famia ta consisti di 3 yiu. E decision di E.M. a afecta E.B.C., kende no tabata sa mas kico pa haci. E tabata sospecha cu E.M. tabatin un otro pareha. Ariba e anochi 11 Februari 2026, ora E.M. a yega cas 3’or di marduga, E.B.C. a perde cabez y a hinca E.M. Ta ora cu e yiu homber a drenta camber y pusha E.B.C., el a realiza kico el a haci y a bisa e yiu pa yama ambulance y Polis. E abogado a mustra Hues cu den un sentencia recien na Hulanda den un caso similar, e victima a pidi Hues pa no duna castigo pisa. Corte a condena e culpabel na 24 luna di prison. E abogado a mustra cu den e caso aki, e victima E.M. ex pareha di E.B.C. a pidi Hues pa baha e castigo pa asina E.B.C. ta hunto cu su yiunan. E abogado a pidi Hues pa tene cuenta cu esaki. Hues a sera tratamento di e caso y a bisa cu 18 September lo tin sentencia.

Dama chauffeur a perde control baha for di Sasakiweg dal palo di lus y termina den mondi! Diahuebs anochi a drenta informe di un accidente cu hende herida na Sasakiweg, mesora a dirigi polis a e sitio. Na yegada di e patruya a bin compronde cu e dama chauffeur di un Mercedes Benz a perde control baha caminda dal riba palo di lus y bay termina Levemente herida den mondi. Afortunadamente

ela resulta levemente herida pero presencia di

ambulans no tabata ser rekeri.

DIAsabra 5 september 2026

Parlamentario Shailiny Tromp-Lee:

Ta urgi Prome Minister Eman pa sinta mesora cu e Tour Operators urgentemente pa salba trabou di casi 1000 mama y tata di famia ORANJESTAD – E situacion cu e sector di tour operators local ta enfrentando a yega na un punto critico. Recientemente Fraccion di MEP a reuni cu un representacion di e sector aki. Despues di e reunion importante aki, a keda demostra e falta di dialogo di parti di gobierno y e impacto di e decision unilateral cu a keda tuma. E situacion aki ta conduciendo cu alrededor di 1000 mama y tata di famia Arubano ta den e riesgo real pa perde nan trabou y pan di cada dia. Alabes Fraccion di MEP a keda informa cu e decision tuma unilateralmente aki ta poniendo na riesgo real cu companianan local cu pa añanan a inverti y ta opera na un manera legal mester cera nan porta.

Pro regulacion, pero cu dialogo E operadornan di tour legal a expresa claramente cu nan no ta contra regulacion. Al contrario, nan ta totalmente pro pa crea un balans husto entre proteccion di nos medio ambiente y continuidad di e sector turistico. Nan ta dispuesto pa sigui reglanan fiho, uza rutanan structura via GPS, y haci e ahustenan necesario pa proteha nos naturalesa. Sin embargo, pa logra esaki mester tin un dialogo berdadero y no decisionnan tuma di un dia pa otro cu ta paralisa e sector.

Lastimamente, Prome Minister Mike Eman no ta duna oido na nan peticion pa un reunion, apesar cu segun informacion di e sector, e decision aki a keda tuma pa su persona. Ademas, e operadornan di tour ta sperando ainda riba e reunion cu Minister Cicilia a priminti di yama cu tur e ministernan relevante pa habri e dialogo y yega na un miho solucion, pero te cu awe e encuentro aki no a tuma luga. Por ultimo, e reunion cu Minister Dowers tampoco no a conduci na nada concreto, como cu e no tabata

na altura di e decision tuma y awor kier warda e resultado di e caso hudicial cu Aruba BirdLife Conservation a lanta contra Fundacion Parke Nacional Arikok y Pais Aruba.

Prome Minister Eman ta e prome yama pa sinta na mesa Mirando cu e decision aki a keda tuma unilateralmente bou di maneho di Prome Minister Mike Eman, cual a crea e impasse aki, su persona mester asumi e responsabilidad y sinta mesora na mesa cu e operadornan di tour. No por sigui laga e sector den incertidumbre completo ni sigui manda nan di un porta pa otro, mientras cu e siguridad financiero di tanto famia ta na peliger y companianan den riesgo di mester cera nan portanan. Ambos riesgo sigur lo tin consecuencianan directo pa economia di nos pais.

Peticion pa Parlamento

reunion

publico

Considerando e gravedad y e urgencia di e asunto aki, nos a manda un peticion oficial pa un reunion Publico den Parlamento di Aruba pa trata e situacion delicado aki debidamente y busca solucionnan concreto.

Mi ta haci un apelacion directo na Presidente di Parlamento pa e yama e reunion publico aki cu caracter di urgencia lo mas pronto posibel. Parlamento, como e organo cu ta representa e pueblo, mester tuma e liderazgo pa exigi atencion pa e situacion aki, urgi gobierno pa duna e crisis aki su debido atencion. Habri dialogo, duna cara y traha pa yega na un miho solucion. Dialogo, balans y accion mester tuma luga awo

DIAsabra 5 september 2026

Parlamentario Jennifer Arends-Reyes:

“45 aña di Aruba Ports Authority un pilar importante pa conectividad y desaroyo di Aruba”

ORANJESTAD (4 di september 2026) – Parlamentario Jennifer Arends-Reyes a participa den e celebracion special conmemorando e 45 aniversario di Aruba Ports Authority N.V. (APA), un organisacion cu durante mas di cuatro decada a desempeña un papel fundamental den conectividad y desaroyo economico di Aruba. Desde su fundacion, APA ta contribui activamente na operacion, maneho y desaroyo di facilidadnan portuario di nos isla. E infrastructura aki ta esencial pa transporte, comercio y abastecemento di Aruba, y p’esey tin un impacto directo riba funcionamento di nos economia y bienestar di nos comunidad. Arends-Reyes

felicita

directiva, empleadonan, partnernan y tur persona cu, durante e ultimo 45 añanan, a contribui na crecemento, profesionalisacion y exito di e organisacion. “Un organisacion por logra un trayectoria asina solamente cu dedicacion, cooperacion y compromiso. Mi reconocemento ta bay pa tur empleado, tanto di pasado como di presente cu, cu nan trabou a contribui na e 45 aña di historia aki,” asina ArendsReyes a expresa. Segun e parlamentario, Aruba mester sigui inverti den un sector portuario moderno, eficiente y sostenibel, cu ta prepara pa responde na e desaroyonan y exigencianan internacional. Alabes, e sector mester sigui crea oportunidadnan pa

talento local y contribui activamente na progreso di henter comunidad. “Nos wafnan ta un parti esencial di conectividad di Aruba cu resto di mundo. Pa nan por sigui cumpli cu nan funcion strategico, ta importante pa sigui innova, inverti den sostenibilidad y prepara profesionalnan local pa e oportunidadnan di futuro,” Arends-Reyes a añadi. Parlamentario Jennifer Arends-Reyes ta expresa su aprecio pa tur esnan cu a forma parti di e trayectoria di Aruba Ports Authority N.V. y ta desea e organisacion hopi exito den e siguiente capitulo di su historia. Pabien na Aruba Ports Authority N.V. cu 45 aña di compromiso, progreso y servicio na Aruba.

DIAsabra 5 DI SEPTEMBER 2026

Evelyn Wever-Croes:

CAYA BETICO CROES Y CENTRO DI CIUDAD MESTER BIRA ATROBE UN LUGA YEN DI BIDA!

ORANJESTAD - Evelyn Wever-Croes a haci preguntanan na e Gobierno tocante e falta di accion pa revitalisa e centro di Oranjestad y, en particular, Caya Betico

Croes. “Nos kier un Caya Betico Croes yen di bida, movimiento y energia, un luga kaminda hende ta gusta cana, cumpra, come,

disfruta y pasa tempo hunto. Un centro di ciudad cu ta atrae bishitante, ta duna espacio na nos comerciante y ta habri oportunidadnan nobo pa inversion y empleo.

Gobierno a priminti pa bolbe duna bida na nos centro di ciudad, pero te awe e promesanan no a bira realidad. Mientras tanto, inversionistanan ta spera pa claridad y accion, y tin riesgo cu capital cu ya ta disponibel pa Aruba, ta bay otro destino. Nos no por permiti esaki. Oranjestad merece un centro di ciudad dinamico, moderno y atractivo.

Caya Betico Croes mester bolbe bira e curason di Oranjestad, un luga yen di bida y oportunidad ta crece. Ta ora pa pasa di promesa pa accion. Ta ora pa duna Oranjestad su bida bek!

P 10

DIASABRA 5 DI SEPTEMBER 2026

ARUBA JUDO FEDERATION TA UN REALIDAD, ARUBA TIN UN FEDERACION NOBO DI JUDO Ayera tabata un dia di celebracion, como a logra establece un federacion nobo di Judo di Aruba a traves di e statunonan cu a ser firma na Notaris Helmeyer. Den presencia di Comite Olimpico Arubano (COA), Jose Rodriguez di e Confederacion Panamericana di Judo y Pedro Kolychkine di e federacion Internacional di Judo (IJF), e fundadornan di e federacion nobo yama “Aruba Judo Federation” (AJF) a pone e ultimo firma riba e documento di e statutonan oficial y asina establece e federacion cu awo lo maneha e deporte di Judo na Aruba. E fundadornan ta conta cu 3 persona hopi bon conoci den e mundo di Judo y cu tin hopi gana di rebiba de deporte y traha riba un generacion nobo di Judokas. E fundadornan ta Terence Daly, Flavio

Faneyte y Fiderd Vis OLY. Hunto cu e 6 clubnan cu ta practica e deporte, lo mira pa cuminsa traha na

bienester di e deporte di Judo na Aruba. Pabien! #AJF #COA #IJF #JUDO #ARUBA

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

P 11

DIASABRA 5 DI SEPTEMBER 2026

PARLAMENTARIO EDUARD PIETERS:

“PA RIJKSWET HOFA TIN TEMPO Y ENERGIA, PERO PA CONTINUIDAD DI LANDSPAKKET NO TIN CLARIDAD?” Lider di fraccion di PPA, Eduard Pieters, ta critica fuertemente e falta di claridad for di Hulanda tocante continuidad di e Landspakket di Aruba y otro islanan den Reino, despues cu Secretario di Estado Hulandes di e Relacionnan den Reino, no a logra duna Tweede Kamer un contesta concreto tocante kico lo pasa despues cu e periodo actual termina. Pa Pieters, e situacion no ta cla. Conseho di Minister di Hulanda a mustra interes pa sigui den e trayecto aki. Aruba a expresa cu e kier sigui cu e proceso di reforma, mientras si ta inverti considerabel tempo, energia y esfuerso politico den otro trayectoria, esta Rijkswet HOFA. “Pa un Rijkswet HOFA si nan tin tur tempo. Pero pa un instrumento di cooperacion, cu nos ta trahando riba dje hunto, no tin claridad tocante su continuidad?” Tweede Kamer merece un contesta Pieters a reacciona despues di un debate den Tweede Kamer tocante Relacionnan den Reino, caminda parlamentario Hulandes a haci pregunta tocante e futuro di e

Landspakket. Segun Pieters, e Secretario di Estado no a duna un contesta concreto. Pa e lider di fraccion di PPA, un mandatario cu ta responsabilisa su mes na Parlamento, mester por contesta pregunta relevante. Si e informacion no ta disponibel na e momento ey, e por indica cu e lo busca y regresa cu un contesta. Pero simplemente laga incertidumbre rond di un proceso, cu ta canando pa lunanan, no ta suficiente. Aruba kier sigui cu reforma Pieters a recorda cu e Landspakket ta basa riba cooperacion entre e paisnan dentro di Reino y cu Aruba a drenta den e trayectoria pa traha riba e reformanan. E ta enfatisa un punto importante: reforma no mester ta interpreta como algo cu Hulanda unilateralmente ta dicta na Aruba. Segun Pieters, tanto Gobierno anterior como Gobierno actual di Aruba tin responsabilidad pa determina cual reforma Aruba mes ta considera necesario pa su desaroyo. “Esey no ta nifica cu

Hulanda mester bin “lees het lesje voor” y bisa nos tur cos cu nos mester haci. Aruba mes mester determina, unda nos kier reforma.” Precisamente p’esey, Pieters ta mira balor den un modelo di cooperacion, caminda e paisnan ta traha hunto, en bes di implementa un opcion, unda autoridad ta move unilateralmente. Evaluacion positivo, pero futuro incierto Segun Pieters, e trayectoria actual ta acercando su final y a haci un evaluacion di e cooperacion. El a señala cu, den caso di Aruba, e indicacionnan di e evaluacion tabata positivo y cu Aruba a expresa interes pa continua cu e Landspakket. Despues di inversion di tempo, energia y placa, Pieters kier sa pakico no tin un direccion cla tocante kico ta sigui. P’esey e ta haci un yamada tambe na e miembronan di Tweede Kamer, pa para fuerte y exigi claridad di Gobierno Hulandes tocante futuro di e cooperacion cu Aruba. Dos manera diferente di trata Aruba Pa Pieters, aki ta sali

un contraste politico importante. Na un banda tin e Landspakket: un instrumento cu ta basa riba cooperacion y unda Aruba por sigui traha riba reforma cu e mes ta considera necesario y carga su responsabilidad na un manera efectivo. Na otro banda tin Rijkswet HOFA, caminda Pieters ta sostene cu e modelo di supervision proponi ta toca directamente nos autonomia y posicion constitucional di Aruba. Y precisamente pa e ultimo trayectoria ey, si ta haya tur tempo y energia.

E contraste ta e problema. Si Hulanda realmente ta interesa den reforma sostenibel na Aruba, Pieters ta considera cu e prioridad mester ta pa fortalece cooperacion cu ta funciona, no crea mas incertidumbre rond di dje. Pa PPA, Relacionnan den Reino mester ta basa riba respet mutuo, claridad y cooperacion entre e paisnan. “No por ta cu pa pone mas control riba Aruba tin urgencia, pero pa sigui cu un cooperacion cu por beneficia ambos pais, no tin ni un contesta cla,” Eduard Pieters a finalisa bisando.

P 12 E origen di preocupacionnan cu a surgi den e dianan aki relaciona cu acceso na cierto ruta pa tour guides y operadornan di UTV y ATV, Minister di Vivienda, Infrastructura, Servicio Interno y Telecomunicacion, Rene Herdé, a tuma iniciativa pa reuni cu e sector y atende e situacion den un ambiente di dialogo habri. Algun operador a expresa nan malcontento publicamente den media. Gobierno ta comprende e preocupacion cu cualkier cambio cu por afecta un ruta di tour por causa entre empresarionan y trahadonan den e sector. P’esey, desde cu e situacion a presenta, Minister Herdé a busca pa atende e asunto cu prioridad y crea espacio pa scucha e diferente partidonan envolvi. Minister Herdé kier aclaria cu Gobierno no tin intencion di stop operacion

DIASABRA 5 DI SEPTEMBER 2026

di UTV of ATV, ni di elimina trabou di ningun persona den e sector. E meta ta pa yega na un maneho balansa, cu ta tene cuenta tanto cu continuidad di actividad economico como cu e otro interesnan cu mester considera den uzo di e area. E situacion cu a genera e preocupacionnan a surgi debi na un caso lanta di parti ABC contra Gobierno pa pone fin na e tour- of operacionnan di UTV y ATV. Gobierno, sinembargo, a reconoce e impacto cu e situacion por tin pa e sector y a actua pa busca un solucion practico y tene na cuenta e interes di tur partido envolvi. Como parti di e solucion, Departamento di Obra Publico (DOW) y Departamento di Infrastructura y Planificacion (DIP) a traha riba un ruta alternativo, cu intencion di ofrece un

MINISTER RENE HERDÉ A INVITA OPERADORNAN DI UTV Y ATV PA DIALOGO HABRI RIBA ACCESO Y RUTA ALTERNATIVA

solucion cu por mantene acceso necesario y na mes momento atende e situacion cu a presenta. Dialogo cu e sectorDiabierna 4 di september, Minister Herdé lo tene un “Encuentro cu Minister” cu companianan y operadornan concerni. E encuentro lo tuma luga di 2:00 PM pa 4:00 PM na John F. Kennedy Education Center, cu intercambio di informacion riba ruta pa UTV como tema central. E reunion ta brinda oportunidad pa e operadornan comparti nan preocupacionnan, experiencia y s u g e r e n c i a n a n directamente, mientras Gobierno por informa riba e pasonan cu ta tumando y e alternativa den preparacion y kita tur mal informacion circulando.

Pa Minister Herdé, dialogo ta esencial specialmente ora un decision of situacion por tin consecuencia pa personanan y organisacionnan cu ta depende di un sector como nan entrada. E intencion no ta pa cera porta, sino pa sinta na mesa, scucha e sector y busca un solucion balansa y realistico. Gobierno ta consciente cu tour guides y operadornan

di UTV y ATV ta forma parti di e actividad turistico y economico di Aruba. E proceso cu ta sigui awo ta enfoca riba yega na un alternativa cu ta tene cuenta cu e diferente interesnan, sin perde di bista e personanan cu nan trabou y nan pan di cada dia cu ta conecta directamente cu e actividad aki.

P 13

DIAsabra 5 DI SEPTEMBER 2026

STREA Deportivo Aruba 2025: faltando solamente 2 dia pa e gran anochi

ORANJESTAD, 3 di september 2026 – E conteo final pa e gran anochi di STREA Deportivo 2026 ta oficialmente den su fase final. Faltando solamente 2 dia, Aruba ta prepara pa celebra, reconoce y honra e mihonan den deporte durante STREA Deportivo Aruba 2025, cu lo tuma luga diasabra awo, 5 di september 2026. STREA Deportivo ta un momento special dedica na e atletanan y deportistanan, cu disciplina, perseverancia y dedicacion, a logra destaca

durante aña deportivo 2025. Riba tereno, den awa, riba pista y den diferente disciplinanan deportivo, nan a duna tur di nan mes y representa Aruba cu orguyo. Minister di Deporte, sra. mr. Gerlien Croes, ta enfatisa e importancia di reconoce no solamente e resultadonan logra, sino tambe e sacrificio y compromiso cu ta tras di cada prestacion den disciplina di mayoria deporte na Aruba.

“Tras di cada logro tin diay oranan di entrenamento,

disciplina, sacrificio y perseverancia. STREA Deportivo ta e momento pa pone nos atletanan den centro y duna nan e reconocemento cu nan merece pa loke nan ta logra pa nan mes y pa Aruba”, Minister Gerlien Croes a expresa.

E nominadonan ta cla y expectativa ta creciendo pa un anochi caminda comunidad deportivo lo reuni pa celebra excelencia, talento y ambicion. Minister Gerlien Croes ta felicita tur nominado y ta invita comunidad pa

JAMES FINIES LO LANSA OFISIALMENTE PARTIDO PUEBLO PROGRESIVO (PPP) DIA 6 DI SÈPTÈMBER Eksibishon spesial lo presentá e trayekto di 1.165 dia den komunidat internashonal KADA HABITANTE PROMÉ - Dia 6 di sèptèmber, Dia di Boneiru, James Finies lo lansa ofisialmente Partido Pueblo Progresivo (PPP), habriendo un kapítulo polítiko nobo basá riba un prinsipio kla: Kada Habitante Promé. PPP ta un movimento polítiko inklusivo, komprometé ku tur habitante di Boneiru, su derechonan,

sin distinkshon nashonalidat, orígen prosedensia.

di òf

1.165 DIA DEN K O M U N I D A T INTERNASHONAL - Un parti importante di e anochi lo ta un eksposishon spesial ku ta dokumentá e trayekto di 1.165 dia di Finies den komunidat internashonal. Pa medio di potrètnan, dokumentonan

i logronan prinsipal, e eksposishon lo mustra kon a presentá e situashon konstitushonal di Boneiru dilanti di fòrumnan regional i internashonal, inkluyendo Nashonan Uni. Tambe lo pone enfasis riba e esfuerso kontinuo pa pone Boneiru riba Lista di Teritorionan Sin Propio Gobernashon di Nashonan Uni.

celebra hunto cu e atletanan cu ta continua na inspira futuro generacionnan pa soña grandi, traha duro y pone metanan grandi nan dilanti.“Dia 5 di september nos ta cana e Caminda

UN KAPÍTULO POLÍTIKO NOBO - PPP lo presentá su manifesto preliminar, ku ta enfoká riba e desafionan diario ku pueblo di Boneiru ta enfrentá: kosto di bida, kas i hür pagabel, gastunan di elektrisidat i awa, kuido di salú, enseñansa, empleo, oportunidatnan pa hóbennan, sosten pa grandinan, bon gobernashon i desaroyo ekonómiko sostenibel. Pa PPP, Kada Habitante Promé no ta simplemente un lema. E ta e prinsipio ku lo guia su plannan di akshon, prioridatnan i desishonnan. KOMUNIDAT TA INVITÁ Henter

komunidat

pa STREA Deportivo, celebrando e streanan cu ta haci Aruba briya den deporte”. Faltando solamente 2 dia pa STREA Deportivo!

Boneiru ta invitá pa bini eksperensiá e eksposishon i presensiá e lansamentu ofisial di PPP. September 6, 2026 | 6:00 PM - Kaya Libertador Simon Bolivar #26, Bonaire KADA PROMÉ

HABITANTE

P 14

DIAsabra 5 DI SEPTEMBER 2026

“E politiconan di Aruba no kier supervision,” pa lider di fraccion di PPA, Eduard Pieters, esey ta un narativa falso cu a crea rond di e discusion di Rijkswet HOFA. PPA no ta contra supervision financiero. Al contrario, Pieters ta bisa cu Aruba mester tin control fuerte riba finansa publico.

Pieters ta enfatisa cu esaki no mester ta presenta como un cambio administrativo normal.

Pero e ta pone un condicion fundamental: E supervision mester ta ancra den ley di Aruba y respeta autoridad democratico di Parlamento di Aruba. “Nos ta kere den supervision. Pero no bin bisa, cu si nos cuestiona e Rijkswet, nos no kier supervision.” Control si. Entrega poder, no! Pieters ta haci un distincion cu mester keda central den debate. Supervision ta necesario pa percura cu Gobierno ta maneha placa publico corectamente, mantene disciplina presupuestario y evita cu finansa di pais ta sali for di control. Pero esey no ta automaticamente hustifica cualkier forma di supervision. Pieters incluso ta señala cu Aruba por fortalece su propio sistema di control, por ehempel cu un ‘begrotingskamer’ fuerte. Su punto ta cu control financiero, por y mester por lo pronto, ta organisa dentro di Aruba su propio Estado di Derecho. Pa Pieters, e problema ta cuminsa ora supervision pasa di controla Gobierno, pa determina kico Aruba por of no por haci. Esey ya no ta solamente un debate financiero. Esey ta un debate tocante autonomia. “Un banco no ta bisa bo kico bo mester come” Pieters a uza un ehempel simpel pa splica su preocupacion. Un ciudadano cu tin un hipoteca na un cierto interes por bay cerca otro banco, cu ta ofrece un interes mas abou. Naturalmente, e banco nobo por pone rekesito financiero prome cu refinancia e debe. Pero tin un limite.“E banco no por bisa bo, awe bo por come esaki, mañan

Parlamentario Eduard Pieters:

“Supervision si! Pero ancra den nos propio ley y no pasa riba Parlamento di Aruba”

bo mester come otro cos y despues determina kico bo por cumpra.” E comparacion ta toca exactamente e preocupacion di PPA: “Cuanto poder nos ta entrega, kibrando nos Constitucion, a cambio di un condicion di financiamento supuestamente mas faborabel?” Segun Pieters, mester haci e pregunta prome cu Aruba compromete su mes na un sistema cu por tin consecuencia pa hopi mas aña cu e Gobierno actual. Ken tin e ultimo palabra? Pa Pieters, e punto mas sensibel ta e posicion di Parlamento. Si e decisionnan esencial di Aruba mester ta evalua of haya luz berde externamente (Hulanda), prome cu Parlamento di Aruba por eherce plenamente su autoridad, e relacion democratico ta cambia.

“Bo ta pone un organo riba Parlamento di Aruba. Esey no ta existi den nos Constitucion y no ta nos democracia. Parlamento NO lo por representa e pueblo Arubano, sino e ta bira un ehecutor di instruccion Hulandes. Esey no ta democracia parlamentario.”

Ta un cuestion fundamental tocante ken tin e ultimo palabra den gobernacion di Aruba. Autonomia responsabilidad

tambe

Defende autonomia, segun Pieters, no ta defende iresponsabilidad financiero. PPA no ta argumenta pa Gobierno gasta sin limite, crea debe sin control of evita rendimento di cuenta. Al contrario: autonomia ta exigi responsabilidad. Pero responsabilidad propio no ta mescos cu entrega autoridad propio. Pieters ta recorda cu, Aruba historicamente a honra su obligacionnan financiero y “semper tabata un bon pagado.” P’esey e ta rechasa cualkier imagen cu sin un construccion externo, Aruba automaticamente no por maneha su finansa. Pa PPA, e linea ta cla: supervision si, disciplina financiero si, responsabilidad si, pero dentro di un sistema cu ta respeta Constitucion, Statuto, ley y democracia di Aruba. Y precisamente ey Pieters ta haci e pregunta cu ta bay hopi mas leu cu HOFA: “Si nos acepta cu un instancia externo por determina kico Aruba por dicidi awe, unda exactamente nos lo pone e limite mañan?”

P 15

DIASABRA 5 SEPTEMBER 2026

TASHA RASMIJN TA GANA AWG 500 DEN E MEGA GOLDEN CAR CHALLENGE Oranjestad, 04 di september 2026 - Aruba Bank a anuncia Tasha Rasmijn como ganador di e MEGA Golden Car Challenge, e activacion riba social media cu a tuma lugar durante henter POV: MEGA 2026.

E reto a invita comunidad pa busca un Golden Car durante MEGA WEEK y riba MEGA Night. Cada un di e diez dealers participante a pone un Golden Car na un lugar visibel. E reto tabata simpel: haya e Golden Car, saca un selfie cu ne y post e riba social media cu #POVMega2026, y tag @ ArubaBank.

Participantenan a participa cu nan mes telefon y na nan mes tempo, mientras nan tabata bishita e dealernan pa mira diferente marca y modelo y compara prijsnan prome cu y durante MEGA Day. E Golden Car Challenge tabata parti di POV: MEGA 2026, e campaña di Aruba Bank pa financiamento di auto y motorcycle, cu a core for di 14 te 29 di augustus 2026 y a cera cu MEGA Day diasabra, 29 di augustus na Aruba Bank Camacuri. E campaña a ofrece 0% down payment, termino di pago te cu 7 aña, e opcion pa cumpra awor y cuminsa paga despues di 6 luna, y

aprobacion on-the-spot durante e evento. Aruba Bank ta gradici

tur hende cu a participa den e MEGA Golden Car Challenge, y e diez dealers

participante cu a haci esaki posibel. ...

Gradicimento y Invitacion Pa medio di esaki famia kier a gradici tur esnan cu na un manera of otro a duna nos sosten, consuelo y forsa durante e tempo dificil cu e fayecimento y entiero di nos defunto stima:

Milda Agnes Weller-Dijkhoff

Mihor conocí como: “Mida” of “Mama Grandi” Boso muestra di atencion ta di hopi aprecio y un gran sosten pa nos. Un danki na un y tur cu a manda carchi, krans, whatsapp, email y a hasi yamada nan telefonico. Un danki na Dr. C.C. Zuijderhoudt y HOH completo. Na mes momento nos ta invita famia, bisiña-, amigo- y conocirnan pa compaña nos na 3 Santo Sacrificio di Misa na Kapel Monte Clavario na Tanki Leendert; diadomingo 6 di september pa 9:00 am, diahuebs 10 di september pa 6:00 pm y diasabra 12 di september pa 6:00 pm. Boso presencia ta altamente aprecia.

P 16

DIASABRA 5 DI SEPTEMBER 2026

SUDOKU

FORTALEZA PA FAMIA Scirbi pa Pastor Marcel Balootje.

MATRIMONIO TA DI DIOS, BIBA HUNTO SIN CASA TA PICA Tempo ta cambia, hende ta cambia, pero palabra di Dios no ta cambia.

ya nos ta den e proceso di matrimonio entre hende cu robot.

Dios a establece for di principio e matrimonio entre homber y muher, bisando den Genesis 2:24 kico lo pasa, y den Mateo 19:5 E ta bolbe confirma esey.

Pero nada di e cosnan aki no por pasa riba locual Dios a establece, pasobra e ultimo palabra den bida di cada ken ta Dios tine, y tur hende mester duna cuenta na Dios na final.

Ora dos persona ta drumi cu otro of mihor bisa nan tin relacion sexual cu otro y nan no ta casa, nan ta den fornicacion cual ta pica.

Pero e berdad mester wordo predica, sinja, scirbi, bon presenta di tur manera pa evita cu hende lo cay den decepcion.

Ora un homber of muher casa ta tene relacion cu un otro persona cu no ta su esposo of esposa, e ta comete adulterio y esey ta pica. Maske cu ley cambia of cos wordo tolera aki riba tera , tur hende mester corda kico ta sosode na cielo. No ta importa ken nos ta, ni tampoco cuanto placa nos tin, ni tampoco religion, si Dios su palabra ta bisa cu locual nos ta haciendo ta pica, ta pica e ta keda. Awendia tin hopi sorto di matrimonio cu hende a forma aki na tera, pero un pregunta ta bini, e locual hende a forma con Dios ta mire den cielo, e ta aproba of e no ta aproba? E sistema di mundo a yega asina lew cu nos tin matrimonio entre homber cu homber, muher cu muher, hende cu bestia, y

Awendia hopi hende jong ta cuminsa frei of namora y di eynan den un tempo record nan a cuminsa biba cu otro, pasobra asina relacion sexual drenta den e asunto ta bibamento tin, tin hopi tipo di show mara na e cos moderno aki, nos ta bay shop hunto, nos ta bay supermercado hunto, e ta bin keda na mi cas, ami ta bay keda na su cas, tur esey ta nifica cu nos ta bezig cu fornicacion. Y nos a yega den un tempo cu hopi hende ta manera nan tin miedo di papia, pa otro no rabia. Cristo Hesus a bisa den Mateo 11:28 : Bin serca Mi tur cu ta cansa y carga, y lo Mi duna boso sosiego. Hende a agrega un slogan tremendo banda di dje bisando “Bini manera bo ta” Tene cuenta e cu e slogan no ta para scirbi den

Bijbel, pasobra hopi hende ta bini serca, nan kier Salbacion, nan kier bida eterna, pero nan no ta desea transformacion, pasobra transformacion ta nifica, renoba bo mente manera ta para scirbi den Romanonan 12:2 pa bo sa kico ta e boluntad perfecto di Dios pa bo bida. Efesionan 5:1-7 ta duna un gran splicacion di locual ta inmoral y cu inmoralidad no tin entrada den cielo. Si bo ta respeta y balora e persona cu bo conoce y bo kier pa e ta hunto cu bo, casa cune completo no solamente na gobierno pero laga pastor bendiciona boso matrimonio, pa asina Dios tuma control y fortifica boso bida matrimonial. E wega di biba hunto, ta duna diabel e oportunidad pa manipulacion sexual,manipulacion financiero,falta di respet, y hasta violencia, jaloersheid pasobra e desconfiansa tambe tey. Matrimonio mester wordo respeta , e cama matrimonial mester wordo respeta ( Hebreonan 13:4) y no lubida riba Juan 4; 1618. Tene cuenta cu aunke mundo por cambia,Dios no ta cambia. Sinceramente, Marcel Balootje.

Pastor