Issuu

DIABIERNA 4 SEPTEMBER 2026

4 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

Evelyn Wever-Croes:

IRIS-GO A DUNA NOS E MAPA. AWOR TA TEMPO PA DRECHA NOS CAMINDANAN Parlamentario Hendrik Tevreden:

IMPASSE DEN SECTOR DI TOUR TA PONE PAN DI 800 TRAHADO NA PELIGER Hues ta hay’e culpabel

CASTIGO DI PRISON PA HOBEN DI 19 AÑA HAYA CU POTRETNAN DI ARMA DEN CELLULAR

DIABIERNA 4 september 2026

Dama a haya un mal noticia y a bay den shock na Island Finance! Diaranson merdia a drenta informe di cu un dama cu a haya un mal noticia a bay den shock na Island Finance na De La Sallestraat, mesora a dirigi un ambulans na e sitio.

Na yegada di e ambulans nan abaha atende e dama den e lugar y a logra stabilise na e sitio mes y no tabata necesario pa transporte pa hospital.

Dama turista coriendo quadracer a subi un serito banda di caminda y a bolter! Diahuebs mainta a drenta informe di un accidente cu hende herida na Sero di Crystal, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un dama turista cu net den un bahada a bay observa e paisahe y a bay na man drechi subi un serito y a bolter resultando herida. Na yegada di e ambulans nan a atende y a transporta e dama pa hospital.

Dama chauffeur su bril a cay durante ta stuur y door di busca busca unda ela cay ela bay dal riba palo di lus. Diaranson anochi a drenta informe di un accidente cu hende herida na Huang Bo Minimarket na Sero Alejandro, mesora a dirigi tanto polis como ambulans na e sitio. Na yegada di e patruya a bin compronde cu e dama chauffeur dado momento durante cu e ta stuur su bril lo a cay y sin para e auto e a para ta busca y busca te perde control y dal riba un palo di lus. Debi na e impacto ela haya dolor na su pechonan. Na yegada di e ambulans nan a atende y a transporte pa hospital.

DIABIERNA 4 september 2026

Evelyn Wever-Croes:

IRIS-GO A DUNA NOS E MAPA. AWOR TA TEMPO PA DRECHA NOS CAMINDANAN

E enfasis tabata pa no traha mas solamente despues cu un caminda a bira un problema, pero traha cu dato, planificacion y prioridad. Pa duna contenido concreto na e vision aki, den e Najaarsnota 2024 Gabinete Wever-Croes a reserva Afl. 18 miyon pa reparacion y mehoracion di e camindanan. Esey tabata un inversion importante den siguridad, mobilidad y calidad di bida di nos pueblo. Lamentablemente e gobierno nobo no a haci uso di e Afl. 18 miyon, y a laga e placa bai pa paga debe, sin drecha ni un caminda te dia di awe.

ORANJESTAD – E problema di camindanan den mal estado na Aruba, no ta un problema nobo. Pa enfrenta esaki di manera structural, gobierno di MEP a introduci IRISGO na november 2024:

un sistema moderno pa inventarisa, evalua y monitorea e estado di nos red di camindanan, pa asina gobierno por actua mas liher y efectivamente den drechamento di nos camindanan.

“Mi ta contento si pa mira cu e gobierno nobo por lo menos a continua cu nos vision, den e proyecto di IRIS-GO. Esaki ta bon noticia, pasobra un sistema di e importancia aki mester surpasa gobierno y partido politico. Nos camindanan ta di nos tur” segun lider di fraccion di MEP Evelyn Wever-Croes.

Segun informacion cu e fraccion a haya, e inventarisacion di IRISGO awor ta completando. Y precisamente p’esey, ta tempo pa e resultado sali na cla. “Nos a pidi gobierno e resultado integral di e inventarisacion di Iris GO: cual ta e estado di cada caminda, cual camindanan ta den e peor condicion, cual ta e criterio pa determina prioridad y cual ta e planificacion pa drecha y asfalta e camindanan. Nos pueblo tin derecho di sa cual camindanan ta riba e lista, pakico nan ta riba e lista y ki tempo nan lo wordo atende” WeverCroes a duna di conoce. IRIS-GO por duna nos algo cu nos a falta durante hopi tempo: un base obhetivo pa determina unda e necesidad ta mas grandi y unda e recurso publico mester wordo inverti prome.

“Ora

nos

aproba

proyecto IRIS-GO, nos no tabata buscando solamente mas asfalt, nos tabata buscando un sistema di mantenimento cu ta preventivo, profesional, transparente y sostenibel. Nos a haci un yamada na gobierno pa publica e resultado integral di IRIS-GO y presenta un plan di accion concreto, cu prioridadnan cla, presupuesto y fecha pa ehecucion. Pueblo di Aruba a warda suficiente caba. Awor nos tin dato, nos tin un instrumento y tin recurso. Laga nos usa nan pa entrega camindanan mas sigur, mas mihor y mas duradero. IRIS-GO a duna nos e mapa. Awor ta tempo pa sigui e ruta y cumpli cu accion. Un caminda bon manteni ta mas cu asfalt: ta siguridad, ta calidad di bida, ta progreso, y ta respeta e inversion di pueblo”, segun Evelyn Wever-Croes.

DIABIERNA 4 september 2026

Noticia di Corte

Hues ta hay’e culpabel

Castigo di prison pa hoben di 19 aña haya cu potretnan di arma den cellular ORANJESTAD – Awe mainta Hues ta haya e hoben Q.P. (19), culpabel di posecion di arma. A base di ley, si tin obhetonan cu ta parce arma di candela cu cual por menaza of spanta hende, esaki ta wordo considera como arma. Esey ta e caso cu e hoben Q.P. SOLO DI PUEBLO por a compronde cu Hues a rechaza e defensa di abogado cu no por ta asina cu riba un yamada anonimo ta bay haci full un investigacion. E ta haya e investigacion inhusto y cu e potretnan no por wordo usa como prueba. Tratamento di e caso a tuma lugar 25 Augustus 2026 caminda e acusacion cu Fiscal a presenta contra Q.P. ta cu entre 27 April y 3 Juni 2026 e tabatin potretnan di pistoolnan y revolvernan den su cellular. En total tabatin 17 potret. EXIGENCIA DI FISCAL Fiscal a bisa cu e ta tene cuenta cu Q.P.(19), ta promer biaha cu e ta cay den man di husticia pa un caso serio asina. El a mustra cu tin maneho stipula di Minusterio Publico. Fiscal a bisa cu no ta tolera cu tin arma ta circula. El a mustra riba e actitud di Q.P. di no kier bisa nada

di e otro dos armanan cu e tin scondi. Fiscal a exigi 24 luna di prison di cual 6 luna ta condicional cu 2 aña di prueba.

SENTENCIA Ayera mainta Hues a bisa cu el a evalua leynan, entre otro riba e ponencia di abogado encuanto informacion anonimo. Hues a mustra cu ley ta bisa cu un informante anonimo mester duna suficiente informacion valioso y concreto. Hues ta haya cu esey ta e caso y Ministerio Publico por a cuminsa investigacion. Esey ta haci cu e investigacion ta husto. Hues a mustra cu a base di observacion y informacionnan, Polis por a para Q.P. y listra e auto y confisca e cellularnan. Hues a rechaza defensa di abogado tanto cu e investigacion ta inhusto, como cu no por usa e potretnan den cellular. Hues ta haya legalmente proba cu Q.P. tabatin potretnan den su cellular pero no por bisa cu ta armanan di candela. Hues a bisa cu e ta duda cu ta arma di candela real. Hues ta haya proba cu Q.P. tabatin obhetonan cu ta parce arma cu por usa pa menaza hende. En todo caso

tin 3 potret cu ta parce na arma di candela real. Pa cu e castigo, Hues a bisa cu e ta tene cuenta cu sentencianan di Hof, cu ta bisa cu si no ta un arma di berdad, mester baha castigo. Tambe Hues a tene cuenta cu Q.P. ta promer biaha cu e ta cay sera.

Hues a cuestiona e hecho cu Q.P. no kier a bisa unda e armanan fake cu e tin scondi ta. Hues a condena Q.P. na 6 luna di prison di cual 3 luna ta condicional cu 3 aña di prueba. Hues a sigui bisa cu pa loke ta e articulonan cu a keda confisca, e cellular den cual cu a haya e potretnan

y videonan di arma lo keda confisca. E otro cellularnan, tas y otro cosnan lo wordo debolbe. Hues a bisa cu e droganan no lo wordo debolbe y tampoco e cosnan pa usa droga.

DIABIERNA 4 september 2026

Parlamentario Hendrik Tevreden:

Impasse den sector di tour ta pone pan di 800 trahado na peliger ORANJESTAD – Mientras e discusion ta continua rond di e ceramento di rutanan y proteccion di naturalesa, Parlamentario Hendrik Tevreden ta señala cu e impasse actual ta afecta directamente alrededor di 800 trahador y nan famia cu ta depende di e sector di excursion turistico. E necesidad pa regulacion, dialogo y mantencion di ley Den e reunion cu e tour operatornan cu a tuma luga dia 27 di augustus ultimo, a sali na cla cu e reto actual ta bay mas leu cu un desacuerdo tocante un ruta specifico. E situacion aki ta refleha un problema mas profundo: un sector cu a funciona hopi tempo sin regulacion, identificacion ni control adecuado, y sin un intermediario gubernamental cu ta asumi e responsabilidad pa facilita un dialogo structura entre tur partido. E tour operatornan cu ta opera den e cuadro legal ta subraya cu nan no ta contra e preservacion di nos naturalesa. Al contrario, nan ta consciente cu e recursonan natural di Aruba mester wordo protehi. Sinembargo, nan ta enfatisa cu un politica di proteccion efectivo mester bay man den man cu regulacion, dialogo y mantencion di ley.

Falta di control di T-vergunning y e realidad di e operadornan legal E sistema di T-vergunning actual ta deficiente: sin un identificacion obligatorio visible riba e vehiculonan, autoridadnan no por distingui entre un operador

legal y uno ilegal, provocando cu e companianan cu tin nan papelnan na ordo ta paga e consecuencia di otronan. Ademas, e debate publico no ta husto ora ta presenta tur tour operator como si fuera nan ta practica “off-road” sin ningun tipo di control. E companianan legal ta enfatisa cu nan actividadnan ta consisti di guided sightseeing riba rutanan existente y structura, haciendo uzo di GPS pa garantisa e orden. Ekilibrio ambiental

economico

Proteccion di naturalesa no mester bira sinonimo di eliminacion di actividad economico. E reto ta precisamente pa determina unda por core, unda no por core y bou cua condicion. Esaki ta unda rol di gobierno ta crucial.

Segun informacion comparti pa e propio sector, nan ta sperando pa mas di tres luna riba un reaccion concreto. A pesar cu Minister Wendrick Cicilia a compromete su mes anteriormente pa coordina un reunion di trabou cu Minister Dowers, Minister Herdé y Prome Minister Eman, e encuentro aki nunca a materialisa. E unico contesta cu e sector a ricibi for di Minister Dowers y DTP ta cu e asunto ta den man di hues.

“E proceso hudicial aki no por bira un excusa pa inaccion ni pa un paralisis politico,” Tevreden a enfatisa. Mientras Gobierno ta warda, e empresarionan mester sigui cumpli cu salarionan, e trahadonan mester paga nan cas y e famianan mester pone cuminda riba mesa. Impacto economico y necesidad di un solucion

E sector ta cuestiona e ceramento abrupto di rutanan sin consulta previo cu un industria cu a organisa su operacion, personal y reservacionnan rond di e producto aki. Nan ta señala cu un di e rutanan cuestiona ta un caminda di tera publico (openbare zandweg) cu DOW ta mantene periodicamente. Alabes, e situacion ta bira mas delicado debi na e caso hudicial cu Aruba Birdlife Conservation a cuminsa contra Land Aruba y e tour operatornan. Gobierno no por sconde tras di un proceso hudicial Tevreden ta remarca cu e echo cu tin un proceso hudicial andando no ta kita gobierno su responsabilidad pa goberna.

E incertidumbre aki ta afecta seriamente e cadena economico di Aruba. UTV, ATV y Jeep tours ta forma parti di e oferta di excursion cu miles di bishitante ta adkiri, y e falta di un alternativa structura por trece consecuencianan grave pa tour operators, taxista, guia, mecanico, proveedor y e relacion cu e mercado di crucero.

E solucion no ta laga naturalesa sin proteccion, ni tampoco laga un sector opera sin regla. E solucion ta regulacion.

Fraccion di MEP ta haci un yamada urgente na Gobierno pa e asumi su rol y trece DNM, DTP,

DOW, autoridadnan relevante, organisacionnan ambiental y e tour operatornan legal na e mesun mesa pa:

1. Identifica tur vehiculo legalmente autorisa y combati e operadornan ilegal. 2. Establece rutanan oficial y determina e zonanan di proteccion absoluto. 3. Implementa reglanan cla, sancionnan efectivo y un sistema di control estricto. Aruba por proteha su naturalesa y na mesun tempo proteha e puestonan di trabou. Pero pa logra esey, gobierno mester sali for di e impasse y cuminsa goberna. Pasobra mientras e silencio continua, no ta solamente companianan cu ta den incertidumbre ta sufri pero esnan cu ta depende di nan tambe.

Ta alrededor di 800 trahador cu cada mainta ta puntra nan mes: mi lo tin trabou mañan ainda?

DIABIERNA 4 september 2026

Un persona herida den boksmento dilanti supermercado na Hooiberg

Hooiberg Diahuebs mainta rond di 11'or y mey polis a bay un boksmento net dilanti Hooiberg Supermarket. Na yegada polis a topa cu un truck di delivery y un

Hyundai Accent. Ambulance a wordo solicita of ya tawata na caminda debi cu un persona lo a ricibi basta golpi.

Segun informacion aparentemente e truck di delivery lo a bira dilanti e Accent, causando un boksmento toch serio por bisa, unda cu un persona mester a bay Hospitaal pa tratamento.

Chauffeur turista den auto di huur no a duna preferencia y a causa un accidente na Caya Frere Alexius Diaranson atardi a drenta informe di un accidente cu hende herida na Caya Frere Alexius, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un turista chauffeur den un auto di huur Kia Picanto no a para pa duna preferencia na un Toyota Yaris di Caya Frere Alexius. E Yaris a dal e Picanto bir'e rond. Debi na e impacto un turista a resulta herida. Na yegada di e ambulans nan a atende na e sitio mes.

DIABIERNA 4 september 2026

Aruba Bank a sponsor cu orguyo “Copa 25 Aniversario” di softball Sweet Devils Softball Team ta celebra 25 aña cu un torneo di aniversario

Oranjestad – 03 di september 2026 - Aruba Bank a brinda su sosten na e “Copa 25 Aniversario”, un torneo special di softball pa celebra e 25 aniversario di Sweet Devils Softball Team.

E torneo di aniversario a reuni varios teamnan di softball di Aruba y Curaçao pa varios dianan di competencia, y celebracion. E programa di diasabra a inclui weganan special entre veteranonan,

cu a añadi un elemento special na e celebracion di e 25 aniversario.

deporte na Aruba.

E sosten di Aruba Bank ta refleha su compromiso continuo pa apoya deporte local y e clubnan, atletay boluntarionan cu ta contribui na desaroyo di

Despues di 25 aña, Sweet Devils Softball Team a bira un parti importante di e comunidad di softball na Aruba.

E torneo di aniversario a brinda un oportunidad pa celebra e historia di e team, reconoce e dedicacion di su miembronan y boluntarionan, y reuni hungadornan, y amante di softball pa celebra hunto e lustro importante aki.

DIABIERNA 4 september 2026

Minister Dowers cu agenda yen durante su bishita: A reuni cu Ministerio di Husticia di Corsou

un agenda yen durante su bishita na Corsou, den cual e mandatario a tene diferente reunion y bishita cu autoridadnan y representantenan den e area di husticia.

Despues di su reunion cu S.E. Gobernador di Corsou mr. Mauritsz de Kort, Minister Dowers a continua su agenda cu un bishita na e Presidente nobo recien huramenta di e Gemeenschappelijk Hof van Justitie, mr. Carmelia. Durante e encuentro a dialoga riba diferente aspecto relaciona cu e administracion di husticia y e importancia di mantene un contacto cercano y cooperacion entre Aruba y Corsou.

Minister di Husticia, Integracion, Transporte

Publico y Energia, mr. drs. Arthur Dowers, tin

Minister Dowers a continua su programa cu un bishita na Ministerio di Husticia di Corsou, unda sra. Luz-Celeste Johannes,

Beleidsdirecteur di Ministerio di Husticia di Corsou a ricibi e mandatario di husticia di Aruba. Despues di un encuentro breve cu parti di e team di e Ministerio, Minister Dowers a ricibi un presentacion amplio tocante e Ministerio di Husticia di Corsou, su structura organisacional y e diferente trabao cu e Ministerie ta ehecuta.

E presentacion a zorg pa un bon interaccion entre Minister Dowers y e team di Ministerio di Husticia, unda tanto Minister Dowers como e team a intercambia idea y experiencia riba diferente aspecto relaciona cu e trabao di e Ministerionan di Husticia di ambos pais.

E bishita na Ministerio di Husticia Corsou ta brinda tambe un

oportunidad pa conoce mas di cerca e manera con e Ministerio di Corsou ta funciona, su diferente departamentonan y e trabaonan cu nan ta eherce den e area di husticia.

E diferente reunionnan y bishitanan cu Minister Dowers a tene durante su estadia na Corsou ta forma parti di su agenda den cuadro di e Justitieel Vierlandenoverleg, unda e ta representa Aruba hunto cu su coleganan di Corsou, Sint Maarten y Hulanda.

Cu e diferente encuentronan aki, Aruba ta sigui mantene un contacto directo cu e diferente autoridadnan y instancianan den e area di husticia, cu e meta di intercambia experencia y sigui fortalece e cooperacion entre e paisnan den Reino.

DIABIERNA 4 DI SEPTEMBER 2026

Parlamentario Ing. Carlos Bermudez ta inicia aña parlamentario nobo cu enfasis riba transporte, derecho laboral y infrastructura Parti 1 ORANJESTAD (2 di september 2026) – Na ocasion di apertura oficial di e aña parlamentario nobo, Parlamentario di AVP, Ing. Carlos Bermudez, ta haci un evaluacion di su trabou durante e periodo pasa y ta reafirma su compromiso pa sigui transforma e preocupacionnan di pueblo den pregunta oficial, mocion y solucion concreto. Durante e periodo parlamentario anterior, Bermudez a mantene contacto directo cu ciudadanonan, trahadornan, taxistanan, vergunninghouders, empresarionan y residentenan di diferente bario. E preocupacionnan comparti cu ne a wordo traduci den accion parlamentario y acercamento cu e ministernan y instancianan concerni. Un di e temanan cu a haya mas atencion ta transporte. Bermudez a insisti riba actualisacion di tarifanan di taxi, mas transparencia pa pasahero y proteccion di e taxistanan cu ta cumpli cu ley. Publicacion di e lista di prijs nobo y introduccion di Taxi.aw ta pasonan positivo, despues di ocho aña sin actualisacion, pero, segun e parlamentario, e trabou no ta cla ainda. E problematica di taxi y operator pirata lo ta un di su prioridadnan principal den e

aña parlamentario nobo. Actividad ilegal ta crea competencia inhusto, pone siguridad di pasahero na riesgo y ta perhudica esnan cu a inverti den un vergunning y ta cumpli cu tur condicion legal. Bermudez a propone pa considera un Task Force interinstitucional cu participacion di Departamento di Transporte Publico, Korps Politie Aruba y otro instancia concerni, pa fortalece control, aplicacion di ley y accion contra abuso. Vergunninghouders di transporte turistico, tour operators y autobus tambe lo haya nan debido atencion, specialmente awor cu implementacion di innovacion y sistemanan nobo a cuminsa. “Modernisacion ta necesario, pero e mester bay man den man cu informacion, dialogo, control y respet pa e personanan cu ta depende di e sector pa gana nan pan,” Bermudez a expresa. Servicio di taxi na aeropuerto tambe lo forma parti di su agenda. E parlamentario kier evalua, hunto cu taxistanan, Gobierno y Aruba Airport Authority, con por mehora organizacion, facilidadnan, informacion pa pasahero y condicionnan di trabou. “Nos mester yuda nos taxistanan pa nan por yuda Aruba ainda mas. Nan ta

entre e prome personanan cu nos bishitantenan ta encontra y nan servicio ta forma parti di e impresion cu turista ta hiba bek cas,” el a declara. Otro tema central durante e periodo anterior tabata dignidad y proteccion di trahadornan. Despues di ricibi decenas di señal tocante intimidacion, trato desigual, abuso di poder, pago incorecto, falta di oportunidad pa promocion y posible malcumplimento di leynan laboral den sector hotelero, Bermudez a solicita un plan urgente di inspeccion. E plan lo keda un punto principal den e aña parlamentario nobo, cu enfoke riba control efectivo na pia di trabou, cumplimento cu leynan laboral, proteccion contra abuso y un canal anonimo pa empleado por reporta situacion sin miedo pa represaya. Segun Bermudez, despues di su implementacion y evaluacion den hoteleria, e plan mester evoluciona pa un sistema di inspeccion aplica na tur sector laboral di Aruba. “Tur sector ta importante pa nos economia, pero progreso no por bay na costo di dignidad humano. Un empleado cu ta respeta y balora lo contribui mas na su empresa y na Aruba,” el a

enfatisa. Infrastructura y calidad di bida den bario a forma otro parti importante di su trabou. Bermudez a solicita un plan multianual cu DOW pa inventarisa peticionnan pendiente pa asfalt, sleeping police, limpiesa y snoei, y informa comunidad ki tempo nan por spera accion. Pa e parlamentario, asfalt no ta un luho, ya cu stof, lodo y camindanan den mal estado tin impacto directo riba salud, siguridad y condicion di vehiculo. Pueblo por compronde cu no por atende tur peticion pareu, pero mester tin un plan cla, prioridad y comunicacion honesto. Ademas, el a presenta un mocion, aproba unanimamente, pa inicia estudio pa transforma e crusada di Palm Beach–Caya Nelson Florencio Sprok den un rotonde moderno y sigur.

di fondo y seguimiento di e projectdossier necesario pa logra reapertura di e brug. “Un aña parlamentario nobo no ta nifica cu nos ta cuminsa for di cero. E ta nifica cu nos mester sigui unda nos a keda, acerca e ministernan concerni, exigi contesta y verifica cu plan y promesa ta bira accion,” Bermudez a enfatisa.

Tambe el a presenta pregunta oficial tocante e estado deplorabel di e caminda entre rotonde di Super Food y Palm Beach.

Den e periodo nobo, Ing. Carlos Bermudez lo sigui duna seguimiento na tur e puntonan presenta, cu enfasis special riba taxi y operator pirata, vergunninghouders, innovacion den transporte, servicio di taxi na aeropuerto, inspeccion laboral, infrastructura den bario y reapertura di brug di Rooi Afo.

Un otro caso cu a haya su atencion ta e brug di Rooi Afo, cu ta cera desde februari 2025 y ta causa inconveniencia pa residentenan, automobilistanan y negoshinan den e area. Bermudez a acerca Minister di Infrastructura y DOW, y a presenta un mocion pa pidi atencion urgente, alocacion

Den un segundo comunicado, Parlamentario Bermudez lo amplia riba otro temanan cu a forma parti di su trabou, incluyendo acceso liber na beach y palapanan, proteccion di naturaleza, sector di piscamento, diversificacion economico, salud y preparacion di Aruba pa futuro.

P 10

DIABIERNA 4 DI SEPTEMBER 2026

SETAR ta colabora cu e minor Destinations in Transition di e facultad FHTMS di Universidad di Aruba Recientemente e grupo di studiantenan di e minor Destinations in Transition di e facultad di Hospitality and Tourism Management Studies (FHTMS), den colaboracion cu NHL Stenden University of Applied Sciences, tabata di bishita na SETAR pa inicia e programa y cera conoci cu SETAR. E aña aki, SETAR ta forma parti e di minor Destinations in Transition como opdrachtgever. Como compania innovativo y cu un infrastructura esencial pa nos isla, pa SETAR tambe ta importante pa nabega transicionnan sostenibel den nos compania y considera e retonan cu nos isla ta enfrenta encuanto turismo sostenibel. Durante e mainta nos coleganan di SETAR a duna presentacion di nos proyecto di Giganet y a presenta dos design challenge pa

e studiantenan traha riba dje. Na final di e programa, e studiantenan lo presenta e resultado di nan investigacion y nan recomendacionnan na SETAR.

Di parti di SETAR, nos ta contento di por partner cu e facultad di

FHTMS di Universidad di Aruba pa e minor aki, p’asina intercambia di

informacion, conocemento y traha hunto pa un futuro sostenibel pa nos isla.

P 11

DIABIERNA 4 DI SEPTEMBER 2026

Addonsito Croes honra como hurado pa Miss Teen Universe ‘26 E fin di siman aki mi tawatin e honor y confiansa di e organisacion campeon di Miss Teen Universe 2026, bou guia di Edgar Kock, pa forma parti di e cuerpo di hurado. Un competencia rumbo e final cu a start oficialmente dos anochi prome caminda 8 hoben a presenta nan diseñonan den trahe di baño y gala dress. Tambe nan a tene entrevista individual cu e hurado.

demas miembro.

E final mes den ballroom di Marriott Resort tawata un cu mi ta aplaudi e organisacion cu a traha duro bou guia di Edselyn Figaroa, Xavier- y Jeanissa Maduro, Edgar Kock y

Tawata dificil pa saca e ganador cu ta representa Aruba otro luna na Phnom Penh, capital di Cambodja na Asia. Ocho (8) candidata bon prepara a competi y cada un tawatin e chens di

gana e corona cu diamante ros. E produccion, e musica, maestronan di ceremonia, e trato pa cu hurado, cada reina, cada preparado, cada diseñador, cada fotografo, coleganan hurado, tur boluntario y miembro di produccion, sponser y e forma cu e show a cana, tawata asina profesional cu mi ta bisa cu nos tawata honra di a ser pidi e responsabilidad aki. Pabien organisacion,

pabien tur reina y pabien na e ganador Caithlyn Kock, su finalistanan y su famia y apoyadornan. Tambe tur cu a gana un premio special e anochi aki.

Hopi exito na Miss Teen Universe Aruba 2026, Caithlyn Kock y cu Aruba logra e corona maximo aki. Tambe exito cada candidata cu lo ta nos representando nos na otro certamennan rond mundo.

P 12

DIABIERNA 4 DI SEPTEMBER 2026

Fraccion di AVP:

INVERTI DEN PREVENCION Y MOVEMENTO TA INVERTI DEN UN ARUBA MAS SALUDABEL

ORANJESTAD (2 di september 2026) Miembronan di Fraccion di AVP a participa recientemente na reunion di Comision di Salud di Parlamento di Aruba, caminda organisacion Movemento Ta Bida a presenta su vision, trabou y contribucion na bienestar y salud di comunidad Arubano. Durante e presentacion, Sra. Madel Jacopucci y Sr. Rudy Leysner a duna miembronan di Parlamento mas informacion tocante e diferente iniciativanan cu Movemento Ta Bida ta desaroya, cu enfasis riba importancia di actividad fisico, prevencion y adopcion di un estilo di bida mas saludabel. Un

mensahenan

central ta importancia pa adulto move por lo menos 30 minuut pa dia. Actividad fisico regular no solamente ta contribui na un mihor condicion fisico, sino ta forma parti di un enfoke preventivo pa promove salud y calidad di bida. Jacopucci y Leysner a comparti tambe e trabou valioso cu nan ta realisa pa Aruba y a informa cu recientemente Movemiento Ta Bida a cuminsa ricibi subsidio di gobierno, loke ta contribui na continuidad di su labor den comunidad. E reunion a ofrece espacio pa intercambio di idea y pa papia tocante diferente desafio cu ciudadanonan ta enfrenta den area di salud y bienestar, y con organisacionnan cu ta

traha directamente den comunidad por aporta na solucionnan practico y efectivo. Pa Fraccion di AVP, ta esencial cu parlamento mantene un dialogo directo cu organisacionnan cu ta activo den comunidad. Nan experiencia, trabou diario y contacto directo cu ciudadano ta ofrece informacion valioso pa por desaroya politica publico cu ta conecta mihor cu necesidad y realidad di pueblo. “Salud no ta solamente trata enfermedad. Salud ta tambe inverti den prevencion, educacion y crea oportunidad pa hende di tur edad por

keda activo. Si nos por stimula mas hende pa move y adopta habitonan saludabel, nos ta inverti directamente den calidad di bida di nos pueblo,” Fraccion di AVP ta enfatisa. Fraccion di AVP ta gradici Movemento Ta Bida, Sra. Madel Jacopucci y Sr. Rudy Leysner pa nan

presentacion, dedicacion y compromiso continuo cu comunidad Arubano. Fraccion di AVP lo sigui sostene y promove iniciativanan cu pone prevencion y bienestar central, y cu ta contribui na un Aruba mas saludabel, mas activo y cu mihor calidad di bida pa tur ciudadano.

P 13

DIABIERNA 4 DI SEPTEMBER 2026

Apertura di Club Oansa Piedra Plat

Pa aña escolar nobo cu Fiesta di Pirata

clas 1,2 y 3 -

Vlam: clas 4 y 5

Flambeu: clas 6 y te cu e prome aña escolar di ciclo basico. E programa di Oansa ta draai mescos cu e aña escolar di Aruba, ora tin vakantie of dianan oficial no tin aktividad di Oansa tampoco. E aktividad ta tur diabierna di 6 pa 8 pm. Na Fundacion Centro Famia Piedra Plat y tin un base di norma y balornan Cristian.

Diabierna awor 4 di Sept 2026 pa 6:00 pm. Club Oansa Piedra Plat ta cla pa cuminsa aña escolar nobo 26-27. Tur mucha entre 3 pa 13 aña por participa

den e programa. Nos tin e muchanan parti den 4 grupo segun nan aña escolar. O s i t o s : Kleuterschool- C h i s p a :

Tur mucha por bin sin exepcion, nan lo ta siñando mas, hungando weganan educativo y pasa un dushi tempo hunto cu otro muchanan bou guia di juffrouw Rhoda como directora y lidernan responsabel den un ambiente sigur y agradabel. Pa mas informacion por tuma contacto via Whatsapp Cell: 5934640

Juffr. Rhoda Berg of pasa personalmente na e Centro

situa na Piedra Plat # 50

P 14

DIABIERNA 4 DI SEPTEMBER 2026

Aruba Lions Club a ricibi delegación di St. Lawrence Lions Club

(Massachusetts, USA) tan halto di calidez, bondad y hospitalidad sincero. Den esey, nan a invita Aruba Lions Club pa paga nan un bshita na Boston den futuro cercano. Aproximadamente na 8:15 pm, e grupo a sali den bus pa bolbe na puerto, caminda nan a prepara pa aborda e cruise ship Carnival Horizon, cu tabata programa pa sali for di Aruba na 10:00 pm.

Aruba Lions Club ta tin e honor di a ricibi un delegación distingui di St. Lawrence Lions Club di Massachusetts, USA, den un encuentro oficial cu a tuma lugar riba 18 di augustus 2026 den Lion’s Den. E programa, cuidadosamente organizá, a tuma lugar entre 6:30 pm y 8:30 pm. Durante e anochi, ambos club a comparti momento significativo, yena di alegria, risa y camaraderia. Regalonan a wordu intercambia como

simbolo di amistad y union, reforzando e lazo di cooperacion y fraternidad entre e dos organizaciónnan Lionistico. Na conclusión di e actividad, e delegación visitante a expresa nan profundo agradecimento pa e manera excepcional den cual nan a wordu ricibi. Nan a destaca cu, aunke nan a bishita hopi otro isla den Caribe, esaki tabata e prome biaha cu nan a experencia un nivel

Aruba Lions Club ta sigui comprometé cu promové union, servicio y amistad internacional, fortaleciendo lazo cu clubnan Lionistico rond di mundo.

P 15

DIABIERNA 4 DI SEPTEMBER 2026

FORTALEZA PA FAMIA Scirbi pa Pastor Marcel Balootje.

HUMILDAD TA NOS BENTAHA Ora nos ta humilde , Dios ta proteha, favorece, y defende hende humilde. Hende humilde ta disponibel pa wordo usa pa Dios. Hende humilde semper ta saca man pa yuda otro nan. Hende humilde no ta wak su propio interes, pero interes di otro tambe ta conta pe. Hende humilde semper tin un palabra pa encurasha su prohimo. Hende humilde no ta busca manera pa perhudica su prohimo. Hende humilde ta biba cu e berdad , y locual e palabra di Dios ta bisa, esey ta e berdad. Hende orguyoso ta haci manera nan no tin mester di ningun hende, ni sikiera di Dios, nan ta independiente.

Cristo Hesus nos tin bida eterna. Si bo ta humilde keda humilde, keda na banda di Dios y no bay mete bo mes den cosnan cu no ta agrada Dios, no laga diabel , ni ningun hende usa bo, keda safe, mantene bo fe, keda limpi, keda cu pensamento puro, no contamina bo mes cu e orguyo, falsedad, infieldad, malicia, inmoralidad y diablura cu e mundo ta ofrece, mantene bo bista riba Cristo Hesus pa bo ta un amigo di Dios. Wak bon e bentaha cu un hende humilde tin den bida: Santiago 4:6 ta bisa; Ma E ta duna gracia mas grandi ainda, Pesey Scritura ta bisa: Dios ta resisti e orguyoso, ma ta duna gracia na e humildenan. Santiago 4;10 ta bisa: Humiya boso mes den e presencia di Senjor, y E lo halsa boso.

Hende humilde ta reconoce cu nan ta depende di Dios, y cu Dios tin e prome lugar den nan bida,

Proverbionan 22:4: E recompensa di humildad y e temor di Senjor ta rikesa honor y bida.

y cu Dios ta na cabes di nan cas, matrimonio, y famia.

Orguyo di un hende lo rebahe, ma esun cu ta di spirito humilde lo ricibi honor. ( Proverbionan 29:23).

Hende humilde no ta laga placa domina den nan bida, pasobra nan ta bon na altura cu placa ta temporal, y solamente den

Awendia dia humildad ta wordo considera, como

hende kens, pasobra e hende humilde no ta cay facilmente den e wega cruel di persigicion di e mundo aki, e ta keda trankil pasobra e sa cu tur hende mester duna cuenta un dia na Dios. Humildad ta mustra nos cu no tin ningun clase di ganashi den vengansa, odio y arogancia, y cu tur cos tin su tempo, y mas ainda no sa cu no tin ningun hende cu por cay asina abao cu Dios no por lante, y no tin ningun asina halto sinta cu Dios no por bahe, asina cu humildad

Oracion Di Dia

mester nos pan di cada dia pa nos por vence e plannan di satanas y su grupo di demonjo. Senjor ta serca di e hende di curason kibra,y e ta salba esnan di spirito abati. ( Salmo 34:18). David tabata humilde, Goliat tabata orguyoso y vengativo, y awor tur hende sa ta ken a gana e bataya, pasobra Dios nunca lo permiti cu orguyo lo vence humildad. Ora man di Dios cuminsa trata cu un curason yena cu orguyo, cual ta pensa cu

placa y poder ta tur cos, cu hopi biaha ta destrui nan prohimo cu nan propio boca, ta solamente un arepentimento, y confesion na Dios por yuda nan. E cos aki ta hopi serio, pasobra e hende humilde semper lo tin bentaha cual Dios ta dune, pasobra Dios conoce su curason. Ta bon pa nos como mayor , haci tur locual ta posibel pa lanta yuinan humilde, ora un mucha ta orguyoso y sin respet, berguensa ta pa su mayornan. Sinceramente, Pastor Marcel Balootje.

Un feliz dia y cu Dios bendiciona boso ricamente

”P’esey obedece y sigui tur cos cu nan bisa, ma no haci manera nan ta haci si! Pasobra nan mes no ta haci loke nan ta bisa. Mateo 23,1 Rumannan e Palabra di Dios ta siña nos cu nos mester ta atento, hopi hende ta papia bunita pero nan bida ta mustra e contrario.Nos mester purba sigui e bida di Hesus. E no ta facil pero e recompensa ta Bida Eterno. Awo cu ta tempo di Cuaresma ban pidi Hesus laga nos cana hunto cu nE. Si nos conoce su Palabra ban bibe. Ban cana cu Hesus, ora nos trompeca pidi’E lanta nos bek. Bunita ta cay y lanta bek y reconoce cu nos a comete un eror y pidi pordon. Sea humilde. Oracion: Dushi Hesus nos kier ta humilde, cana den Bo pasonan. Guia nos y mustra nos cua ta e obra cu Bo kier nos haci den e Cuaresma aki. Laga nos papia y ta un ehempel di Bo den obra y nos bida diario. Amen.

P 16

DIABIERNA 4 DI SEPTEMBER 2026

SUDOKU QUIZNIGHT PA GRUPO ADULTO ACTIVO PIEDRA PLAT

E siman cu a pasa e grupo “Adulto Activo Piedra Plat” a competi den 7 grupo den e Quiznight 2026 organisa y presenta pa Addonsito Croes y Jarissa Dubero. E asistentenan tawata Jari Melaan, Nicole Tromp y Dylan Fingal. E gruponan tawata Nos cu Nos, Team Shoco, Team Tortuga, Team Cayente, Grupo Kini Kini, Grupo Pegasaya, Grupo Sesonan Spierto. E categorianan tawata Paisahe, Fauna, Berdad of Falso, Caha magico y Streanan di Aruba. E grupo ganador tawata “Grupo Pegasaya” y di dos lugar “Nos cu Nos”. Grupo ambiente a resulta “Grupo Cayente”. E team di presentadornan ta gradici grupo Adulto Activo Piedra Plat p’e honor di permiti nan presenta e quiz na nan miembronan. E ambiente tawata unico.