Issuu

DIABIERNA 25 SEPTEMBER 2026

25 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

GEOFFREY WEVER A PRESENTA NA PARLAMENTO ALGO DIFERENTE DI LOKE SU PROPIO DEPARTAMENTO HURIDICO DI GOBIERNO CONSEHA E ley di LNT ta den centro di un debate serio riba transparencia y bon gobernacion

GOBIERNO AVP FUTURO A PRIVILEGIA SCHIPHOL Y LUBIDA PROFESIONALNAN LOCAL Excepcion pa Schiphol si, pero no pa SETAR WEB ni ELMAR? MEP ta pidi claridad

DIAbierna 25 september 2026

Un prik, gran proteccion

Influenza no ta djis un simpel griep

OR ANJESTAD-24 september 2026: Influenza, conoci den boca di pueblo como griep, ta un malesa infeccioso causa pa e virus di influenza. Aunke hopi persona ta recupera sin haya complicacion, influenza por causa complicacion serio, problema respiratorio, hospitalisacion y den algun caso, hasta fayecimento. E riesgo di complicacion ta mas halto cerca: • Adulto mayor di 60 aña of mas, • Adulto y mucha menor di 60 aña cu cierto malesa of condicion medico cu ta debilita nan sistema di defensa • Hende muher na estado cu indicacion medico • Ciudadanonan inmobiel riba cama P’esey ta importante pa e grupo di personanan aki proteha nan mes tur aña contra influenza. Dicon vacuna ta importante? E vacuna ta prepara e sistema di defensa pa reconoce y combati e virus di influenza. Esaki ta yuda reduci e posibilidad di complicacion grave. Vacunacion no ta ofrece proteccion 100%, pero si un persona vacuna haya influenza, e malesa generalmente por presenta den un forma menos severo.

Vacuna no solamente ta proteha e persona cu ta vacuna. E ta yuda tambe reduci e posibilidad di transmision na otro personanan vulnerabel, manera adultonan mayor, pashent cu un defensa abou y personanan cu condicionnan cronico. Dicon ta necesario vacuna tur aña?

E virusnan di influenza ta cambia regularmente. P’esey, tur aña specialistanan ta adapta e composicion di e vacuna na e variantenan cu probablemente lo circula durante e temporada di influenza. Ademas, e proteccion cu e vacuna ta ofrece por disminui cu tempo. Pa mantene e miho proteccion posibel, ta recomenda pa personanan den e gruponan di risico vacuna contra influenza tur aña, preferiblemente prome of na principio di e temporada di griep cu ta cuminsa alrededor di oktober di cada aña. No warda te ora bo ta malo pa arepenti di no a vacuna contra Influenza. Si bo ta pertenece na un grupo di risico, vacuna na tempo y proteha bo mes contra complicacionnan serio. Personanan di 60 aña of mas mester trece nan carchi di AZV pa haya e vacuna gratis. Personanan cu ta pertenece na un grupo

di risico, pero cu no tin 60 aña ainda, mester trece nan carchi di AZV y un recept di nan dokter di cas of specialista. Pa esnan cu ta desea di cumpra e vacuna esaki tin un costo di afl 20,y por haci esaki entre 1:30 cu 3:30 di atardi. Na momento di cumpra mester trece un ID valido y pago ta posibel unicamente via swipe. Pa mas informacion yama 5224200 Bo Salud, Nos Prioridad Pa mas informacion, like nos Facebook page Directie Volksgezondheid DVG Aruba, follow nos riba Instagram directie_ volksgezondheid_ aruba, sigui nos den WhatsApp Channel, ricibi tur informacion

den Aruba Health App, bishita www.dvg.aw, yama

5224200 of manda email na servicio@dvg.aw

DIAbierna 25 september 2026

GOBIERNO AVP FUTURO A PRIVILEGIA SCHIPHOL Y LUBIDA PROFESIONALNAN LOCAL

Excepcion pa Schiphol si, pero no pa SETAR WEB ni ELMAR? MEP ta pidi claridad un di e exigencianan cu tabata conecta na e sosten financiero. MEP ta reconoce cu e LNT por y mester worde evalua y, caminda ta necesario, adapta. Pero esaki mester sosode corectamente, cu transparencia y siguiendo e procedura corecto.

ORANJESTAD – Durante e debate riba e Landsverordening Normering Topinkomens (LNT) e siman aki, fraccion di MEP a enfatisa cu e ley aki a wordo introduci bou di circunstancianan hopi dificil. Na 2020, durante e periodo di COVID-19, Hulanda a pone como condicion pa Aruba haña fondo, cu Aruba mester introduci e LNT. E maximo riba salarionan di funcionarionan halto den companianan estatal tabata

EXCEPCION PA SCHIPHOL SI, PERO PA LOCALNAN NO Un punto cu ta sobresali den e debate ta e excepcion cu Gobierno mes a duna na AAA/Schiphol. E excepcion aki a wordo duna a base di articulo 12 di e LNT, y segun minister Wever, e excepcion aki a wordo duna pasobra ministernan Eman y Cicilia tabata kier esaki. Pues mester conclui cu ministernan Eman y Cicilia a scohe pa privilegia un persona di exterior, y a lubida riba profesionalnan local. Pero, na e mes momento, Minister Wever a declara den Staten cu

un excepcion di e tipo aki no por wordo duna na otro directornan, pasobra aplicacion di articulo 12 lo ta incorrecto. Esey ta trece un pregunta fundamental serca fraccion di MEP: Pakico AAA/Schiphol si por a haña un excepcion, mientras cu otro directornan ta wordo bisa cu esaki no ta posibel? No tin criterianan obhetivo cu ta determina ken por haña un excepcion y ken no, e gobierno aki ta aplica un maneho di ‘free for all’, cu ta perhudica profesionalnan local.

midi cu dos midi? Minister Wever a informa Parlamento cu el no a informa Hulanda prome y no a consulta cu Hulanda tampoco tocante e cambionan propuesto na e LNT. Esaki ta particularmente relevante pasobra e LNT originalmente a wordo introduci como un di e condicionnan conecta na e sosten di likides di Hulanda. P’esey colega Parlamentario Edgard Vrolijk a pidi e Minister pa splica con e ta pensa di trata e cambionan aki cu Hulanda.

Pa MEP, un ley por tin credibilidad solamente si e mesun regla y criterianan ta worde aplica di un manera consistente y transparente. Un excepcion pa un, mientras cu na otro banda ta wordo bisa cu e mesun posibilidad legal no ta existi, mester wordo splica claramente.

MEP ta cla den su posicion: evaluacion y adaptacion di e LNT ta necesario. Pero no dos midi, no cu privilegio pa compania di exterior, no ‘willekeur’ y sigur ningun cambio fundamental sin evaluacion prome, sin un fundamento cla, sin criterianan transparente, y sin e procedura corecto.

Y e papel di Hulanda: Hulanda ta

Minister Wyatt-Ras ta na Aruba y ta atendiendo e situacion di HOH ORANJESTAD – A wordo bisa publicamente cu Minister WyattRas tabata ausente, “spoorloos” y cu el a subi avion pa un biahe pa Washington. E informacion aki no ta corecto. Minister Wyatt-Ras ta na Aruba y ta atendiendo su responsabilidadnan ministerial, incluyendo e situacion di Horacio Oduber Hospital (HOH).

E Minister tambe a aclaria cu no tin ningun biahe pa Washington programa y cu e no lo bay atende e reunion di PAHO menciona publicamente. E Minister ta considera importante cu informacion tocante su presencia y agenda wordo presenta corectamente. E situacion di HOH ta wordo trata cu e seriedad cu e merece. Gobierno,

AZV y Hospital ta den dialogo cu meta pa haya claridad tocante e situacion y pa yega na solucionnan concreto y sostenibel. “Mi ta na Aruba, mi ta presente y ta atendiendo e situacion cu e seriedad cu e merece. Nos ta traha pa yega na un solucion sostenibel, teniendo continuidad di cuido y bienestar di e pashent como prioridad.”

DIAbierna 25 september 2026

Lotto ta introduci un wega nobo di Instacash “Three of a Kind”!

ORANJESTAD – Diabierna 25 di september, Lotto, e loteria di Aruba, ta contento di por anuncia un integrante nobo “Three of a Kind” den e famia di Instacash cu lo duna bo e oportunidad pa gana placa cash al instante! Abo ta cla pa gana placa instantaneamente y no mester warda pa sorteo? Desde awe diabierna 25 di september Lotto lo trece un adicion mas na e famia di Instacash cu ta yama Three of a Kind. Con pa hunga: Bishita bo rebendedo di Lotto

preferi y pidi pa e wega di Three of a Kind. Ora bo cumpra e wega di Three of a Kind, bo ta ricibi un ticket for di bo rebendedo pa e wega. Riba e ticket bo ta wak diferente dou. Match tur tres (3) di e dou nan ariba y gana e suma na banda di e tres dounan cu a match. E prijs di Three of a Kind ta costa 3 florin pa ticket y bo por gana diferente premionan te cu premio grandi di 3.000 florin! Instacash ta dunabo e oportunidad pa hunga bo weganan preferi manera 5X The Cash, 10X The Cash, 20X The Cash, Bingo,

Instant Jackpot 5, Shooting Star, Buckets of Cash, Strike, Stack-OCash, High Voltage Cash, Give Me 5, Sevens, Crazy Wild Cash, Win it All, In Between, Cash Multiplier, Penalty Shoot y awo Three of a Kind cu ta dunabo e chens pa gana placa al instante! Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente weganan di Instacash. Cumprando Lotto bo ta contribui na deporte riba nos isla. E meta ta pa organisa loteria, cambia bida di

su hungadonan y na mes momento inverti den deporte local pa medio di donacionnan na e comision di subsidio.FIN

Aruba Bank x Deloitte Workshop Series 2026

Un Atardi di Conocemento, Conexion y Oportunidad workshop a brinda participantenan informacion valioso y practico, mientras creando espacio pa intercambio di idea, pregunta y dialogo constructivo. Ademas di e contenido informativo, e evento a ofrece un oportunidad importante pa clientenan conecta, comparti experiencia y amplia nan conocemento riba posibilidadnan y consideracionnan cu por influencia inversion y desaroyo empresarial na Aruba. Oranjestad, Aruba – 24 di september 2026 – Aruba Bank, den colaboracion cu Deloitte, a organisa exitosamente un workshop como parti di e Aruba Bank x Deloitte Workshop Series 2026, reuniendo clientenan pa un atardi informativo enfoca riba temanan relevante pa

haci negoshi y inverti na Aruba.

Durante e session, expertonan a comparti informacion y perspectiva tocante regimennan fiscal beneficioso, Free Zone y e maneho di redevelopment na Aruba. E

Cu e Aruba Bank x Deloitte Workshop Series 2026, Aruba Bank ta continua crea oportunidadnan pa facilita intercambio di conocemento y conecta su clientenan cu expertisio relevante pa e ambiente empresarial

local. Aruba Bank ta gradici Deloitte pa nan expertisio, colaboracion y sosten den realisacion di e prome session. Un agradecimento special ta bai tambe na tur clientenan cu a participa activamente y contribui na e intercambio di idea, haciendo e workshop un experiencia valioso y exitoso. Aruba Bank ta comprometi pa sostene su clientenan y comunidad, no solamente cu solucionnan financiero, sino tambe creando oportunidad pa comparti conocemento, fortalece conexionnan y contribui na desaroyo economico di Aruba.

DIAbierna 25 september 2026

Pancho y su drum a yega biblioteca hubenil!

Pancho y su drum’ ta un buki di Lizette Winterdal cu ilustracion di Roman Gibbs. Autora di buki pa mucha Lizette Winterdal a presenta su buki e siman aki na biblioteca y nos a ricibi 5 ehemplar pa nos lesadornan hoben por conoce Pancho. E buki aki ta mustra con un mucha ta usa su imaginacion pa transforma un obheto di tur dia den un herment musical. Den su afan pa crea musica, e ta enfrenta un dilema ora e realisa cu su mami tin mester di si ‘drum’. Ta con Pancho lo resolve e problema ey? Lizette Winterdal ta autor di tres buki pa mucha. ‘Mayra su regalo’, ‘Dos lagadishi sinta riba un nanishi’ y ‘Pancho y su drum’. “Lizette tin pasion pa skirbi storianan, poema y versje. Hunto cu famia y conocinan por lesa su storianan y pasa leuk.”

Lizette Winterdal a nace dia 12 di april 1979 na Aruba y a lanta na San Nicolas. Su

idiomanan materno ta Ingles y Papiamento. Lizette ta bin di un famia di 7 ruman muhe y e ta e ruman mas chikito. Banda di su trabou el a bay avondhavo San Nicolas y a logra su Havo diploma. Lizette su deseo ta pa bira docente y awe ta studia na e Instituto Pedagogico di Aruba (IPA). Lizette a tuma e decision pa cambia di estudio. E estudio actual cu e ta haci ta Bachelor Nederlands als Vreemde Taal. E ta gusta musica y baila. Su hobbynan ta: skirbi storia, poesia y rima. E ta bisa cu ora bo lesa un buki ta manera bo ta haya un pasashi gratis pa bishita lugarnan bunita. Bo ta conoce personahenan nobo. Lizette tin 4 yiu. 1 yiu homber, Brandon y tres yiu muhe, Crystal, April y Gili. Esaki ta e di dos biaha cu Lizette ta participa den Festival di buki pa mucha y ta contento pa por conta storia pa e muchanan. Lesamento ta haci nos contento.

DIAbierna 25 september 2026

Fraccion di AVP ta scucha vision y proposicionnan di Suzette Dumfries pa San Nicolas

ORANJESTAD (24 di september 2026) – Fraccion di AVP a reuni cu Sra. Suzette Dumfries pa scucha su vision y e proposicionan cu el a presenta pa San Nicolas den su rol como Nation Builder. E encuentro a brinda espacio pa un

intercambio habri tocante e potencial di e distrito y e importancia di involucra comunidad den su desaroyo. San Nicolas tin un identidad propio, un historia rico y ciudadanonan cu ta profundamente

comprometi cu nan distrito. Pa Fraccion di AVP, ta esencial pa scucha personanan cu ta conoce San Nicolas di cerca y cu ta dispuesto pa contribui cu ideanan. E perspectiva aki ta yuda Parlamento compronde miho e aspiracionnan di comunidad y e oportunidadnan cu merece atencion. Durante e reunion, miembronan di e fraccion a scucha e presentacion di Dumfries, a haci pregunta y a intercambia pensamiento tocante su proposicionan. Fraccion di AVP ta aprecia su

iniciativa, consciente cu desaroyo di San Nicolas ta rekeri dialogo continuo entre tur stakeholders. “San Nicolas merece atencion sosteni” Fraccion di AVP a indica. Fraccion di AVP ta gradici

Sra. Dumfries pa su tempo, compromiso y presentacion. E fraccion lo studia e proposicionan presenta y cu e meta di contribui na accionnan concreto pa beneficio di San Nicolas y Aruba.

DIAbierna 25 september 2026

PARLAMENTARIO ENDY CROES FRACCION MEP

Geoffrey Wever a presenta na Parlamento algo diferente di loke su propio departamento huridico di gobierno a conseha E ley di LNT ta den centro di un debate serio riba transparencia y bon gobernacion

Diamars mainta, Minister Geoffrey Wever a atende un reunion publico den Parlamento pa pidi e sentimento di Parlamento riba un carta cu el a manda, proponiendo varios cambio den e ley di Landsverordening Normering Topinkomens (LNT). Esaki ta e ley cu ta pone un dak (maximum) riba salarionan excesivo den sector publico y semi-publico.

E debate no a yega te na su final. Memey di e discusion, Fraccion di Futuro a pidi schorsing di e reunion. Pa Parlamentario Endy Croes, e timing no ta coincidencia: e schorsing a yega exactamente na e momento cu e preguntanan tabata bira demasiado incomodo pa Minister Wever. Kico e ley di LNT ta? E LNT ta un ley cu Hulanda a impone riba Aruba como condicion pa e prestamonan di likides cu Aruba a ricibi durante COVID-19. E meta ta simpel: ningun director di un NV di gobierno, entidad gubernamental of fundacion cu gobierno ta nombra su directiva, no por gana mas cu 130% di e salario di un Minister-President. Door di un indexacion di 11.7%, e maximo actual a subi di 329.000 pa 369.000 florin pa aña. Aruba, Corsou y Sint Maarten tur mester implementa e ley aki hunto.

E excepcion di aeropuerto cu a keda scondi Na november 2025, despues di un peticion di Schiphol, Minister Geoffrey Wever a uza articulo 12 di e ley pa duna un Hulandes, esta e Director di Aruba Airport Authority un excepcion salarial di casi 1.6 miyon florin pa aña. Esaki ta mas cu cuatro biaha e maximo legal. E minister a haci esaki sin a acerca Parlamento previamente pa pidi opinion. E mes patronchi cu nos a mira cu e Rijkswet HOFA: decision di gran peso tumando luga sin consulta cu Parlamento. Den Parlamento, e minister a duna di conoce cu el a actua asina despues cu Minister Mike Eman y Minister Wendrick Cicilia a pidi cooperacion cu Hulanda den Conseho di Minister. Sinembargo, ta notabel cu di tur e peticionnan pendiente, ta esun di e Hulandesnan so el a atende di biaha.

Loke e propio departamento huridico di gobierno a conseha vs loke e minister a presenta Esaki ta e curason di e full e asunto. Minister Geoffrey Wever a presenta na Parlamento un conseho di e departamento huridico di gobierno, data di 27 di februari 2026. E minister a afirma cu e mes departamento a conseh'e pa bay

pidi "gevoelens" na Parlamento y pa uza "begunstigend beleid" pa atende peticionnan pendiente cu faboritismo. Fraccion di MEP a lesa e conseho original. E conseho ta bisa algo completamente diferente: "Vooruitlopend op deze evaluatie en op de mogelijke uitkomsten van de lopende LNT rechtzaken adviseer ik voorts om de LNT overeenkomstig mijn antwoorden op uw vragen te wijzigen." — Conseho oficial di departamento huridico di gobierno, 27 februari 2026

E departamento huridico di gobierno a conseha e minister pa cambia e ley prome. No pa bay pidi "gevoelens" pa despues traha cu faboritismo. Esaki ta dos instruccion completamente diferente.

Banda di esaki, Fraccion di MEP a confronta e minister riba un segundo punto: e evaluacion cu supuestamente a tuma luga. Ora a puntra Minister Wever si el a evalua e ley, su contesta tabata afirmativo. Pero nunca el a instala e comision di expert cu e departamento huridico di gobierno a conseh'e pa forma.

Ora Fraccion di MEP a confronta e minister cu e diferencia entre loke departamento huridico di gobierno a skirbi y loke el a presenta na Parlamento, e reunion a wordo geschorst.

Parlamentario Endy Croes ta laga pueblo di Aruba saca su mes conclusion. Nos ta papia aki di un minister cu ta presenta na Parlamento algo diferente di loke e propio departamento huridico di gobierno a conseha. Cu ta laga para un reunion publico ora e preguntanan ta bira incomodo. Un minister cu ta sigui e mesun patronchi di keda sin consulta cu Parlamento. E mesun cu nos a mira cu HOFA y na e excepcion di director di aeropuerto. Esaki ta e minister cu abo kier pa maneha bo placa? Minister, pueblo ta mira y pueblo merece miho.

DIAbierna 25 september 2026

Minister Dowers:

“No por delega responsabilidad na inteligencia artificial”

Den cuadro di su participacion na High-Level Week di e Asamblea General di Nacionnan Uni na New York, Minister di Husticia mr. drs. Arthur Dowers, tabata keynote speaker durante un encuentro dedica na Inteligencia Artificial (AI); Rights, Remedies and AI Jurisprudence: Upholding Justice, Rule of Law and Human Rights in the Age of Agentic AI. Durante su discurso, Minister Dowers a enfoca riba e desaroyo rapido di inteligencia artificial y e retonan cu esaki ta trece pa proteccion di derechonan humano. Cu sistemanan di AI cu ta bira cada bes mas avansa y autonomo, e pregunta di ken ta carga responsabilidad pa decisionnan y consecuencianan ta bira cada bes mas importante. Minister Dowers a concentra su intervencion riba tres punto principal: aplicacion di e marconan legal existente, responsabilidad di desaroyadonan y uzadonan di AI, y transparencia.

Un di e puntonan cu Minister Dowers a subraya ta cu introduccion di tecnologia nobo no ta nifica cu leynan y derechonan existente ta perde nan balor. Derechonan humano universal y e marconan legal existente ta sigui aplicabel, tambe ora ta tuma decisionnan cu uzo di inteligencia artificial. Den e contexto aki, e mandatario a referi na un caso di 2020 na Hulanda, caminda Corte di Den Haag a determina cu uzo di un algoritmo di gobierno pa detecta fraude den sistema di bienestar social tabata viola Convencion Europeo di Derechonan Humano. Segun Minister Dowers, e caso ta demonstra cu marconan legal existente por aplica tambe na decisionnan basa riba tecnologia. Un parti importante di su discurso tabata dedica na responsabilidad. Minister Dowers a indica cu tanto organisacionnan publico como priva solamente mester uza tecnologia cu por tin impacto riba derechonan humano si nan por carga e responsabilidad cu ta bin cu esaki y por mitiga e riesgonan relaciona. “If humans decide to delegate tasks to AI-systems, regardless of their autonomous capabilities, they cannot delegate responsibility.” Tras di cada decision basa riba tecnologia tin un marco forma pa escogencianan humano. Hende ta tuma decisionnan of ta delega tareanan na sistemanan di AI. P’esey, independientemente di con autonomo un sistema por bira, responsabilidad final ta keda cerca

hende y organisacionnan cu ta desaroya y uza e tecnologia. “Organisacionnan no por sconde responsabilidad tras di tecnologia. AI por ehecuta un tarea, pero responsabilidad pa e resultado no por wordo delega na un mashin,” segun Minister Dowers. E di tres punto central den su discurso tabata transparencia. Ora ta tuma un decision cu asistencia di AI cu por tin consecuencia legal pa un persona, e persona mester sa cu AI a hunga un rol y mester tin acceso na suficiente informacion pa por cuestiona e decision. Sin e informacion necesario, posibilidad pa busca claim legal ta perde su efectividad. Minister Dowers a referi tambe na diferente instrumentonan internacional y regional cu ta pone e principio aki central, entre otro principionan di Nacionnan Uni tocante uzo etico di AI, Framework Convention on AI di Conseho di Europa y AI Act di Union Europeo. Atencion special a bay tambe pa rol di sistema hudicial. Segun Minister

Dowers, no ta necesario pa huesnan bira experto tecnico den inteligencia artificial, pero nan mester tin un comprension general di e tecnologia y e riesgonan cu ta bin cu ne pa nan por interpreta y aplica ley den casonan caminda AI ta hunga un rol. Intercambio di experiencia entre sistemanan hudicial ta importante pa determina si e instrumentonan existente ta suficiente of si tin necesidad di medida adicional. Minister Dowers a conclui cu progreso tecnologico y proteccion di derechonan humano mester sigui bay man den man. Tecnologia por cambia e manera cu ta tuma decision, pero no por cambia e principio fundamental di responsabilidad. “Algorithms and AI-systems may cause harm, but only humans can be held accountable.” Participacion di Minister Dowers como keynote speaker ta forma parti di su programa na New York durante High-Level Week di di 81 Asamblea General di Nacionnan Uni, caminda e ta participa como parti di delegacion di Reino Hulandes.

DIABIERNA 25 DI SEPTEMBER 2026

Dangui Oduber ta cuestiona Minister Wever:

“Dicon por desvia di e LNT pa un CEO di Schiphol por strika 1.2 miyon florin, pero pa e profesionalnan Arubiano no por?"

ORANJESTAD – Durante un reunion di Parlamento riba cambionan den e Landsverordening Normering Topinkomens (LNT), Parlamentario Dangui Oduber a cuestiona Minister Geoffrey Wever y Gobierno fuertemente tocante e maneho di excepcionnan bou di e ley aki. E parlamentario a pone enfasis riba e gran diferencia cu tin entre e trato preferencial cu e CEO di Aruba Airport Authority (AAA) a ricibi y e trato cu awor ta wordo poni riba mesa pa profesionalnan local. Dobel standard di Gobierno den trato entre profesionalnan local y di exterior Segun Oduber, e mandatario a presenta ayera den sala di Parlamento pa pidi opinion (gevoelens) tocante cambionan den e LNT dirigi riba profesionalnan local, cuestionando unda e mesun urgencia y atencion ey tabata ora Gobierno a tuma e decision rond di e CEO di Schiphol na Aruba Airport Authority (AAA) na november

2025. El a remarca cu den e caso ey no a pidi aprobacion ni opinion di Parlamento prome, sino a otorga un salario di 1.2 miyon florin, mientras cu lamentablemente a exclui cualkier otro profesional local na AAA di por a bin na remarc’e pa un excepcion similar. Ademas, e parlamentario a subraya cu Parlamento a keda na altura di e Landsbesluit di november 2025 pa medio di un publicacion oficial so, cuestionando pakico un asunto asina importante no a wordo treci na Parlamento prome. El a bisa cu: “Pa un profesional di exterior Gobierno por a actua y desvia di e ley di LNT, pero awor cu ta trata di profesionalnan local, e Minister kier sa prome kico Parlamento ta pensa. E ta bisto con Gobierno ta trata su propio hendenan.” Accion ta Papia mas cu Palabra Segun Oduber, Gobierno mester splica claramente cua criterio ta wordo uza pa determina ken ta haya un excepcion bou di LNT

y ken no, cuestionando pakico e propuesta cu tin riba mesa na Parlamento no ta duna ATA y IMSAN e flexibilidad cu nan posicion specialisa ta exigi: Ken ta dicidi ken si y ken no? Cua ta e criterionan? Pakico ATA no? Pakico IMSAN no? E decisionnan aki no por ta basa riba un decision arbitrario. Mester tin criterio obhetivo, transparente y defendibel. Pa e parlamentario, specialmente e dos institucionnan aki merece un analisis profundo, ya cu ATA mester opera den un mercado turistico internacional competitivo, mientras cu IMSAN mester por atrae y retene profesionalnan medico specialisa. Oduber a subraya cu: “Nos por pone norma y control, pero nos no por crea un sistema cu eventualmente ta limita nos propio institucionnan pa competi pa talento. E Minister mester demonstra cu e decision di no inclui ATA y IMSAN no lo perhudica nan capacidad pa funciona.” Otro

Decisionnan

Grandi tambe mester di Transparencia Oduber a compara e situacion aki cu su critica anterior riba e proceso di e Rijkswet HOFA: “Minister a bisa ayera cu e mester bin Parlamento prome pa tende e gevoelens riba e topico di LNT. Pero e mesun principio di participacion parlamentario mester conta ora ta trata otro decisionnan grandi cu tin un peso directo riba e autonomia y futuro financiero di Aruba.” Segun e parlamentario, Gobierno no por aplica participacion parlamentario solamente ora e ta conveniente. E reglanan di democracia mester ta consistente; Parlamento su rol y participacion no por wordo balora y consulta den un caso si, y den otro no. “Transparencia no ta algo cu bo ta aplica dependiendo di ken ta para dilanti bo. Si nos kier un sistema creibel, e mesun regla, e mesun transparencia y e mesun responsabilidad mester

conta pa tur hende,” Oduber a conclui. Ser arubiano no por traha contra bo den bo mesun cas. E contraste ta bisto: Gobierno ta facilita excepcionnan den ley pa un CEO di exterior na AAA gana 1.2 miyon florin sin pidi gevoelens na Parlamento, mientras cu pa nos propio profesionalnan local ta nenga di haci e cambionan necesario. Un maneho asina ta un muestra cla di un Gobierno cu ta maltrata, falta respet y discrimina su mes hendenan.

P 10

DIABIERNA 25 DI SEPTEMBER 2026

Minister Dowers presente na apertura di Oficina Permanente di Conseho di Europa na Nacionnan Uni Den cuadro di su participacion na High-Level Week di e di 81 Asamblea General di Nacionnan Uni, Minister di Husticia, Integracion, Transporte Publico y Energia, mr. drs. Arthur Dowers, a atende e apertura oficial di e prome Oficina Permanente di Observado di Conseho di Europa cerca di Nacionnan Uni na New York. Durante e ceremonia di apertura, Minister Dowers tabatin un encuentro cu Alain Berset, Secretario General di e Conseho di Europa cu desde september 2024 tin e encargo aki. E apertura oficial a tuma luga dia 21 di september y a reuni diferente representante y invitado di alto nivel. Cu e presencia permanente nobo na New York, Conseho di Europa ta busca pa fortalece dialogo y cooperacion cu Nacionnan Uni, otro organisacion internacional y paisnan partner, particularmente den area di derechonan humano, democracia y Estado di Derecho. Minister Dowers a participa na e evento hunto cu Minister Plenipotenciario di Aruba na Washington, Sra. Zulema DabianErasmus, y Juri Nicolaas den su funcion como Director di Directie Buitenlandse Betrekkingen (DBB). Durante e ocasion, Minister Dowers tabatin un encuentro tambe cu Su Eminencia Cardenal Pietro Parolin, Secretario di Estado di Santa Sede, kende tabata entre e invitadonan di alto nivel presente na e apertura. E evento a brinda tambe

oportunidad pa mantene contacto cu diferente representante internacional y pa sigui fortalece relacionnan den un ambiente caminda dialogo y cooperacion internacional ta central. Pa Aruba ta importante pa uza e oportunidadnan cu High-Level Week ta brinda pa mantene contacto, construi relacionnan y sigui posiciona nos pais den dialogo internacional. Participacion di Minister Dowers na e actividadnan na New York ta forma parti di presencia di Aruba den delegacion di Reino Hulandes durante High-Level Week di Asamblea General di Nacionnan

P 11

DIABIERNA 25 DI SEPTEMBER 2026

Studiantenan di Aruba ta debati entre nan den e marco di Prinsjesdag tocante temanan actual den Aruba y den Reino e Vertegenwoordiging van Nederland in Aruba (VNO). E reunion a tuma lugar dia 22 di september na Paseo Herencia, caminda Cas di Cultura ta situa temporalmente. Un siman despues di Prinsjesdag na Hulanda, e studiantenan a haya prome un splicacion tocante e Troonrede, e Miljoenennota y e Rijksbegroting. Hefe di e Vertegenwoordiging van Nederland in Aruba, Vincent Storimans, a hiba nan den e partinan mas importante y a trata e nificacion di Prinsjesdag pa Hulanda y pa e paisnan dentro di Reino. Tambe a trata e presupuesto di Aruba. Jurista y ex-studiante di Colegio Arubano Hellen van der Wal a conta e studiantenan con un presupuesto ta wordo prepara y cua partidonan ta envolvi den e proceso.

Kico Prinsjesdag ta nifica pa Aruba y cua temanan for di e politica Hulandes ta afecta tambe e otro

paisnan dentro di Reino? Mas cu 170 studiante di Colegio Arubano y Colegio Nigel Matthew a papia y

debati entre nan tocante e temanan aki durante un actividad special di Prinsjesdag, organiza pa

Asina nan a haya mas comprension di e structura politica y administrativo di Aruba y di e rol di Staten den e aprobacion di e presupuesto. Despues tabata tempo pa e debate. Studiantenan di Colegio Arubano y Colegio Nigel Matthew a debati den grupo tocante diferente temanan social y politico actual. Nan a haya e encargo pa defende un punto di bista, tambe ora esaki no tabata coincidi cu nan mes opinion. E debatenan a wordo evalua pa un jurado cu tabata consisti di ex-gobernador di Aruba Fredis Refunjol, Hellen van der Wal, Vincent Storimans y Matthijs van Beusekom (senior beleidsmedewerker di VNO). VNO y e jurado tabata hopi impresioná cu e participacion activo y entusiasta di e studiantenan!

P 12

DIABIERNA 25 DI SEPTEMBER 2026

Parlamentario Clifford Heyliger:

“ARUBA NO POR LIMITA SU PROPIO DESAROYO DOOR DI TENE SU PROFESIONALNAN ABOU” ORANJESTAD (22 di september 2026) — Durante e sesion parlamentario tocante normering di topinkomens, parlamentario di AVP Clifford Heyliger a destaca cu Aruba mester haya un balans entre responsabilidad den gasto publico y e necesidad di ofrece condicionnan competitivo pa atrae y retene profesionalnan cu e pais tin mester. Heyliger a recorda cu durante pandemia di COVID-19, Hulanda a exigi Aruba pa introduci un maximo salarial, tanto pa alto funcionarionan publico como pa directivonan di empresanan di gobierno. Un medida basa riba e situacion na otro islanan y aplica sin tene suficientemente cuenta cu e realidad y nivel di

desaroyo specifico di Aruba. “E tempo ey mi no tabata den politica, pero for di sindicalismo caba mi a indica cu mi tabata contra e medida. Mi preocupacion tabata cu e lo afecta e kader profesional di cada empresa y haci mas dificil pa nos empresanan competi cu otro organisacionnan den region y pafor di region,” Heyliger a declara. Segun e parlamentario, Aruba ta un pais altamente desaroya. Pa conserva e nivel aki y sigui progresa, Aruba tin mester di profesionalnan competente na tur nivel, for di posicionnan operacional te na middle management y directiva. “Nos ta papia hopi tocante diversificacion economico y tocante e siguiente paso cu Aruba mester tuma. Pero con nos por logra

esaki si organisacionnan no por atrae of retene e profesional Arubiano cu nan mester, pasobra Merca, Europa y hasta paisnan den Latinoamerica por ofrece nan un mihor pakete?” Heyliger a puntra. El a indica cu e mes a papia cu profesionalnan Arubiano cu entre 20 y 30 aña, cu tin gana di regresa Aruba, pero cu despues di evalua e pakete laboral ta conclui cu esaki no ta competitivo. Beneficionan cu ta standard na Hulanda y otro parti di mundo, na Aruba hopi biaha ta dificil of hasta imposibel pa ofrece. Nos no por sigui laga di reconoce e balor di nos profesionalnan local. Autoridad mester bay hunto cu responsabilidad, pero responsabilidad tambe mester refleha den remuneracion. Si un persona ta carga un nivel halto di responsabilidad, e salario mester ta na proporcion cu esey,” Heyliger a expresa. Segun Heyliger, Aruba tin cu stop di converti tur asunto den un wega politico. El a expresa decepcion cu partidonan den oposicion ta presenta e flexibilisacion di e norma como un intento pa kita trabou for di Arubiano y duna esaki na stranhero. “Nos mester inverti den nos propio hendenan, duna nan oportunidad pa crece y crea condicionnan

pa nan kier keda na Aruba of regresa despues di a acumula experiencia afo. Si nos no por ofrece un pakete competitivo, nos mes ta cerando porta pa talento Arubiano,” el a declara. Heyliger a critica e postura actual di MEP, señalando cu durante pandemia e anterior gobierno a acepta e condicionnan di Hulanda pa por ricibi financiamento relaciona cu Landspakket, incluyendo e normering salarial cu awe e partido ta cuestiona for di oposicion. “Na e momento cu nan tabatin responsabilidad di goberna y defende e posicion di Aruba, nan a bay di acuerdo cu e exigencianan. Awe cu nan ta den oposicion, nan ta presenta nan mes como

defensor di e trahador Arubiano. Politica mester ta consistente. Si bo a tuma un decision, bo mester asumi responsabilidad y para p’e,” Heyliger a enfatisa. Segun e parlamentario, pueblo a expresa su desaprobacion di e rumbo anterior, entre otro pasobra e surplus financiero anuncia no tabata suficientemente refleha den e realidad diario di ciudadano. E actual gobierno a cuminsa dirigi recursonan bek pa comunidad mediante sosten pa pensionadonan, schooltoelage y otro beneficionan, mientras e siguiente meta ta pa acerca salario minimo na e nivel minimo necesario pa subsistencia.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

P 13

DIABIERNA 25 DI SEPTEMBER 2026

REVITALISACION DI BERNHARDSTRAAT TA SIGUI CU TRABOU BOLUNTARIO Y ATENCION PA HISTORIA DI BARIO

E esfuerso pa revitalisa Bernhardstraat ta sigui avansa, cu casi tur diasabra boluntarionan cu ta yega hunto pa pone man na obra y contribui na embeyecimento di casnan den e area. Diasabra cu a pasa, e accion a continua cu verf di un otro cas, agregando un paso mas na e

transformacion cu pocopoco ta bira visibel den e bario. Pero e iniciativa ta bay mas leu cu solamente duna fachadanan un capa nobo di verf. Durante e accionnan, Gobierno y boluntarionan ta haya oportunidad pa conoce tambe e hendenan cu ta forma parti di Bernhardstraat

y tende e historianan cu ta conecta famianan cu e bario durante diferente generacion. Un di e momentonan special di diasabra tabata e trabou na cas di un residente di 81 aña, kende a comparti cu e presentenan recuerdo y historia di su famia y di e cas caminda el a biba durante hopi aña. A pone enfasis riba e lasonan profundo cu tin entre e residentenan y Bernhardstraat. Tras di diferente cas tin historia di famia, recuerdo di generacionnan anterior y experiencia cu ta forma parti di identidad di e area. “Nos ta contento cu e bario ta cambia y bira un tiki mas bunita. Su tempo a yega,” a expresa durante e accion. E participacion di boluntarionan ta un elemento importante den e proceso. Casi tur diasabra, nan ta dedica nan tempo y energia pa verf y drecha, cas pa cas, contribuyendo na un ambiente mas agradabel y cuida. E manera di traha ta haci cu revitalisacion haya tambe un caracter comunitario. En bes di mira solamente e aspecto fisico di e bario, e accion ta crea espacio pa contacto cu residentenan y pa conoce e historia cu cada cas por carga. Bernhardstraat ta un area cu durante hopi aña a forma parti di bida di diferente famia. P’esey, mientras e proceso di renovacion ta sigui, tin tambe atencion pa mantene e conexion cu e identidad y historia propio di e bario. Cu cada siguiente accion,

e resultado ta bira mas visibel. Pero e balor di e iniciativa no ta midi solamente den cantidad di cas cu haya un color nobo. E ta mira tambe den e participacion di boluntarionan, e contacto cu residentenan y e

historianan cu ta sali dilanti durante e proceso. Cas pa cas y diasabra pa diasabra, revitalisacion di Bernhardstraat ta sigui: cu trabou boluntario, cu participacion di comunidad y cu respeto pa e historia cu ta biba tras di cada fachada.

P 14

DIABIERNA 25 DI SEPTEMBER 2026

“Mi a lucha e bon lucha, mi a termina e kareda, mi a keda fiel na Fe.” 2 Timothy 4:7

It is with hearts full of gratitude and peace that we announce the passing of:

Humphrey Eugenio Simmons “Mata Hari” *2 October 1958 - †17 September 2026

Na nomber di su: Mama: Aurelia Simmons Yiu: Eugene “Seintje” Simmons & Leekay Simmons Loefstop Nieto: Kaën Eugene Simmons Rumannan: Janet Simmons Brenda Simmons Turhan y Sherida Simmons Ronald Simmons Cornel Simmons Sheryl y Nelson Petronia Simmons Micheal y Nathaly Simmons Thompson Eric y Claudia Simmons Carti Beverly Simmons Sobrina y Sobrinonan: Valeska, Dieidra, Shaquille, Shakeem, Nia, Naomi, Sheidra, Quadir, Gabriel Mama di su yiu: Zina Lopez Tanta y Tio: Gladys van Heynigen Yvonne Wilson Josepha Leveroch Kennedy Leveroch Yiunan di crianza: Carolina Rodriguez y Famia Sylvana Rodriguez y Famia nan mama Sara Comer y Compader: Poppy La Nooy Carolina & Juan Trinidad Famia nan pega: Lucia Romero, Migalda Jansen Feliciana & Victorine Lopez Deyonne, Derrick, Deshline Matthew Jonathan, Samantha, Jean Carlo Trinidad Amigonan: Roland Leon Nelson Ras Gito Gomez Sonny Elisabeth Bon bisinja/ ayudante: Leonor Placeres Tohar Prima(o) mucho hopi pa menciona na Aruba, Corsow, SXM, Saba, Eux, Merca. Ex-Coleganan di Marriott Casino. Demas famianan Simmons, Wilson, Leveroch, Lopez, Loepstop, Becker, Thompson, Carti, Petronia, Van Heynigen, Hodge, Gibbs, Sammon, Davis, Van Zanten, Pole, Matthew, Levenston. Nos disculpa si den nos tristesa nos por a lubida di menciona un of otro famia. Condolenica lo tuma lugar Diabierna 25 September 2026 na Olive Tree Funeral Care & Crematory San Nicolaas di 7pm pa 9pm. Entiero lo tuma lugar Diasabra 26 September 2026 na Capilla Pos Chikito di 2pm pa 4pm sigi santana na Sabana Basora. Despues di Entiero no ta ricibi bishita di Condolencia na cas.

P 15

DIABIERNA 25 DI SEPTEMBER 2026

PARLAMENTARIO XIOMARA MADURO:

PARLAMENTO A KEDA FALTA INFORMACION PA POR DUNA UN OPINION RIBA CAMBIO DI LNT Minister Wever ta pidi “gevoelens” di Parlamento riba e direccion politico cu Gobierno kier tuma cu Ley di Normering Topinkomens, conoci como LNT. LNT a wordo introduci na 2022 como un condicion cu Hulanda a pone pa e sosten di likides cu Aruba a ricibi durante e crisis di COVID-19. E meta di e ley ta pa limita e salarionan excesivo den sector publico y semi-publico, specialmente cerca funcionarionan na nivel halto. Sinembargo, den practica, LNT a trece diferente problema; varios instancia y compania a cuminsa caso legal contra aplicacion di e ley, y e necesidad tey pa e ley wordo clarifica of drecha. Un reunion sin preparacion y falta di informacion Minister Wever ta propone pa haci cambio den LNT pa, entre otro, saca diferente compania y entidad for di e alcance di e ley. Sinembargo durante e reunion a bira bisto cu Minister Wever no tabata debidamente prepara pa e debate necesario. E mandatario tabata falta hopi informacion relevante. Por ehempel, Parlamento no a haya un evaluacion di e funcionamento di e LNT desde cu e ley a drenta na vigor. E Minister no a splica riba e casonan contra LNT, cuanto nan ta, ki punto legal a wordo discuti, cual a wordo gana of perdi, kico ta e consecuencia huridico y financiero di cada decision, cual parti specifico di e LNT mester wordo drecha y cual instancia lo keda cay bou di e LNT ora cambia esaki. Pues yen informacion relevante pa Parlamento por forma un opinion responsabel, a keda falta. Necesidad di analisis y data

“ The Lord is my Shepherd, I shall not want.” It is with profound sadness and deepest sorrow that we announce the passing of our beloved:

valido Ta trata aki di un ley cu ta afecta maneho di placa publico, salario di top funcionarionan y confiansa den administracion publico. Pa e motibo ey, cualkier cambio mester ta basa riba analisis, dato y conseho huridico y financiero, y no solamente riba un deseo politico. Parlamentario Maduro ta enfatisa cu LNT por mester wordo drecha, pero e cambionan mester trece mas claridad, igualdad y seguridad huridico. Si Gobierno saca casi tur entidad importante for di e ley sin un evaluacion debido, e riesgo ta cu LNT lo perde su proposito y efectividad. “Minister Wever no a bin Parlamento cu e informacion necesario. E reunion mes a confirma cu Gobierno ainda tin hopi trabou pa haci riba e tereno aki. Prome cu Parlamento por tuma un posicion responsabel, e Minister mester presenta un evaluacion completo, e resultado di tur e casonan legal y un propuesta concreto cu ta mustra exactamente kico lo cambia, pakico y pa ken.” Pueblo tin derecho di sa con placa publico y salarionan den sector publico ta wordo proteha. Un ley asina importante no por wordo cambia sin debido informacion. E proceso mester ta transparente, debidamente prepara y legalmente corecto.

Martin Antonio Sanchez better known as “Nice and Nice” *24 December 1960 - †18 September 2026

Left to mourn are his: Spouse: Milene Sanchez Son: Micheal Sanchez Brothers and Sisters: Jose Sanchez Soilo Sanchez Juanita Sanchez Nieces and Nephews: Dyannira Rochards Tiesnira Sanchez Jaleesha van de Boom Michell van de Boom Cousins: †Philomena Arrindel Natasha Gilkes Philomena Waters and Family in USA George Bonnet and Family in USA Karin Richardson and Family in USA Best Friends: Guillermo, Glenn, Carlos, Neal, Arnadis Rujano, Ronald Simmons, Ramon Wilson Ex Collegues Concord/ Wyndham/ Westin Family, Wind Creek Family He was related to Arrindel, Bonnett, Padget, Gilkes, Richardson We apologize if during our grief we forget to mention any name of Family. Viewing/ Condolence will take place on Thursday September 24, 2026 from 7:00pm – 9:00pm at The Olive Tree Funeral Care & Crematory San Nicolas. Farewell service will be held Friday September 25, 2026 from 9:00am – 11:00am at the Olive Tree Funeral Care & Crematory followed by the internment at Santana Sabana Basora.

P 16

DIABIERNA 25 DI SEPTEMBER 2026

"Dios ta amor... y amor ta Dios, maske mi no ta na e mundo aki, tur dia lo mi ta banda di boso Curazon, mi por stens di loke Señor ta hasi" Salmo 33 Cu dolor na nos curason, nos ta participa fayecimento di:

Swinda Ludwina Flanegin-Carrasquero †Tata: Jose Carrasquero †Mama: Luisa Carrasquero-Lacle Na nomber di: Mi querido esposo, enfermero y mi tur cos: Silvio “Buchi” Flanegin

Mi tres curasonnan cu ta mi yiunan: Nuris y Ludwig “Luda” Burleson

Mi swa y cuñanan:

Joserick y Orayma Flanegin

†Swinda Arends y famia

Johnrick y Lucy-Anne Flanegin

Pedro “Benito” Flanegin y famia

Mi yiu di curason: Layward Cannister Mi nieto y nietanan stima:

† Mildred” Titi”y Waldo Peña y famia Marisa Flanegin y famia

Ludy-Ann y Jo-Rick Burleson

Elvis De Cuba y famia

Jionrick, Jayzion y Jaylen Flanegin

Sergio “De” y Jeritza Flanegin y famia

Zeinrich, Zevah y Joeszah Flanegin na hulanda

† Laida y Edward Cannister y famia

Avy-Aliza y Lia-Alina Flanegin

Tur mi subrina y subrino nan, primo y primanan.

Mi rumannan:

Mama di mi nietonan na hulanda: Zsasy Steenhuizen

Lucio y Celeste Carrasquero y famia

Amigonan di cas:

Rosalinda Carrasquero y famia

Richard “Nun” y Angela Flanegin

†Angel Thomas

Dennis” Bouga” Blijden

Richard Carrasquero

Carlos “Carlito”Maduro y yiu

Roland y Rita Carrasquero y famia

Demas Famia y conocirnan: Carrasquero, Flanegin, Lacle,

Candida Carrasquero y famia

Burleson, Ras, Semeleer, Cannister, Martinus, Maduro,

Ingrid Carrasquero y famia

Pieters, Winklaar, Tromp, Bermudez, Henriquez, Latham,

Sandra Carrasquero y famia

Ruiz, Leer, Baiz, Henricus, Comenencia, Gomez, De Cuba,

Mi omo y tantanan:

Werleman, Stamper, Angela, Peña, Arends, Engelhart, The

Ignacio Gomez y famia

Happy Brothers

Johannes” Poy” y Madelijne Flanegin y famia Doris” Nachi” y

† Ruperto † Denisia † Yanjo Vita Antonio Lacle y famia †Juliana Henriquez y famia †Norma Latham y famia †Sixta “Baby”Comenencia y famia Suzanna Henriquez y famia Maria “Chica” Tromp y famia Helen Ruiz y famia †Annie Lacle y famia Vera Baiz y famia

Ta invita pa acto di entiero cual lo tuma lugar na Misa Inmaculada Concepcion diasabra 26 di september 2026, di 2or pa 4’or di atardi. Despues lo sali pa Santana Catolico na Sta Cruz. Condolencia lo tuma lugar na Royal Funeral Home diabierna 25 di September 2026 di 7’or pa 9’or di anochi. Disculpa nos pero despues di entiero nos no por ricibi bishita di condolencia na cas.