Issuu

DIABIERNA 18 SEPTEMBER 2026

18 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

SENTENCIA CASO FLAMINGO: EX-MINISTER OTMAR ODUBER CONDENA NA 2 AÑA DI PRIZON INCONDICIONAL DEN CASO FLAMINGO

UMM A DETENE UN HOMBER DI 51 AÑA PA CONTRABANDA DI HENDE

DIAbierna 18 september 2026

Korpschef Arnhem: “Ainda tin tempo pa retira bo vehiculo, dia 24 di september Polis ta pasa pa accion” For di aviso pa accion

Korps Politie Aruba ta bolbe haci un yamada na doñonan di vehiculonan bandona den espacio

publico pa tuma nan responsabilidad y retira nan auto prome cu dia 24 di september.

Korpschef Ramon Arnhem a indica cu e periodo di aviso ta yegando na su final. Doñonan ainda tin menos cu un siman pa actua boluntariamente. Despues di esaki, KPA y e instancianan envolvi lo pasa pa accion concreto contra vehiculonan bandona cu ainda ta para den e areanan identifica. E accion ta cuminsa den Oranjestad, caminda durante e ultimo periodo diferente vehiculo bandona a wordo identifica banda di caminda y den espacio publico. Segun Arnhem, e mensahe na doñonan ta simpel: no warda te ora Polis mester interveni. “Nos ta duna doñonan e oportunidad pa nan mes retira nan vehiculo. Si ta bo auto, tuma bo responsabilidad. For di 24 di september nos ta pasa pa accion,” Korpschef Arnhem a enfatisa.

E dianan cu ta resta ta brinda doñonan un ultimo oportunidad pa evita cu nan vehiculo mester ta retira door di autoridadnan. For di 24 di september, vehiculonan bandona cu ainda ta den e area lo ta atendi como parti di e accion. E autonan identifica por ta hiba, mientras cu tur gasto relaciona cu retiro y e proceso lo ta core riba cuenta di e doño di e vehiculo.

un señal cla cu espacio publico mester ta manteni limpi, ordena y sigur y cu vehiculonan no por keda bandona indefinidamente banda di caminda. KPA p’esey ta apela un biaha mas na cooperacion di doñonan: actua awor, prome cu e periodo di aviso caba. E accion concreto ta cuminsa 24 di september den Oranjestad, y e intencion ta pa posteriormente sigui atende e problema den otro areanan di Aruba.

Arnhem ta enfatisa cu e iniciativa no ta simplemente un accion di un dia. E meta ta manda

“Laga no yega asina leu. Hunto nos por percura pa un Aruba limpi, ordena y sigur.”

DIAbierna 18 september 2026

CUERPO POLICIAL ARUBA TA INFORMA

UMM a detene un homber di 51 aña pa contrabanda di hende Diahuebs mainta dia 17 di september Unit Mensenhandel en Mensenmokkel (UMM) di Cuerpo Policial Aruba a detene un homber Venezolano di 51 aña di edad pa contrabanda di hende. E homber aki ta wordo sospecha di contrabanda di hende desde Venezuela pa Aruba den un boto. Esaki a tuma lugar den anochi di e dianan 4 pa 5 di september ultimo. Riba 7 di september 2026 na altura di Boca Tabla of Bachelor’s Beach patras di Anker na San Nicolas a topa cu e restonan mortal di un di e personanan cu tabata abordo. Hunto cu Unit Narcotica, Flex Team, Polis Uniforma y RRT a tene un entrada hudicial na cas di e sospechoso den Kuiperistraat.

otro persona, tur di nacionalidad Venezolano. Nan a wordo transporta pa wordo interoga. Riba contrabanda di hende cu morto como consecuencia (mensensmokkel de dood ten gevolg hebbende) tin un castigo di prison di 18 aña. Cuerpo Policial Aruba ta trahando intensivamente riba e investigacion aki. Polis di Aruba ta urgi esnan cu sa algo of a wak algo pa yama tiplijn di Polis cu ta 11141. Bo ta keda anonimo. UMM desde 2017 ta forma parti di Cuerpo Policial Aruba y ta specialisa den e lucha contra traficacion y contrabanda di hende. E ekipo ta consisti di personal di Cuerpo Policial Aruba y Koninklijke Marechaussee.

Den e apartamento tabatin cinco

Pickup procedente di ladronicia a wordo uza pa a transporta brommer horta Bushiri: Diaranson anochi donjo di un pickup tabata buscando tur caminda su pickup cu recientemente a wordo horta. E persona lo a haya un tip cu su pickup lo a wordo laga atras na altura riba e parkinglot di e casnan di dos piso di FCCA na Bushiri. Mesora e persona a bay na e sitio indica y enberdad a bin topa cu su pickup. E mesun pickup aki a wordo uza pa e tres muchanan hoben cu a

horta e brommer na Bubali di cual tabata tin un grabacion di e ladronicia riba medionan social. Mama di un di e hobennan a reconoce su yiu menor y mesora a bati alarma y a pressiona su yiu pa admiti y tambe bisa unda na a sconde e brommer. E sitio unda a bin topa cu e pickup no ta mucho leu di e cas di e tres ladron hobennan aki, aparentemente despues di a uza e pickup nan a

staciona e pickup sin plaachi number y nan lo a cana bay cas.

Polis tambe a presenta na e sitio unda e pickup a

wordo laga atras pa asina confisca e pickup pa hasi mas investigacion.

DIAbierna 18 september 2026

Noticia di Corte

Hof a condena Otmar Oduber na 2 aña di prison y 5 aña e no por postula como politico ORANJESTAD – Awe merdia via video conferencia. Hof di Corte Superior a dicta sentencia den caso Flamingo. SOLO DI PUEBLO por a compronde cu Hof a condena Otmar Oduber y Esser mientras cu Wever ta wordo haya culpabel pero no ta haya castigo. Tabatin basta hende presente pa scucha e sentencia. Esser no tabata presente pasobra e tabata na Colombia. Su abogado mr. D.Croes si tabata presente. EXIGENCIA DI PG Ta asina cu durante tratamento di e caso na Juni 2026, Procurador General (PG) a exigi pa Wever 240 ora di trabao of 120 dia sera den prison y 6 luna di prison condicional cu 3 aña di prueba. Pa Esser, PG a exigi 18 luna di prison, mientras cu pa Otmar Oduber, PG a exigi 3 aña di prison y 6 aña e no por postula como politico.

abusa di su funcion. Hof a declara Wever un parti liber den caso Malmok. Hof ta haya cu Wever a falsifica cartanan y a abusa di su funcion. haya complice abuso funcion. Wever declara liber Malmok pasa tereno, pero si culpabel falsifica carta y abuso funcion. CASTIGO Hof ta haya cu Oduber a malversa Gobierno, a abusa di su funcion y a wordo cumpra. Hof a condena Oduber na 2 aña di prison y cu pa 5 aña e no por traha como ambtenaar di Gobierno y tampoco por postula como politico Hof ta haya cu Esser culpabel di a wordo cumpra y a abusa di su funcion door di facilita trabao na esnan cu ta afilia na partido POR. Hof a condena Esser na 240 ora di trabao.

SENTENCIA HOF

Hof ta wordo haya culpabel di a traha cartanan falso pero door di e situacion cu mester a sigui orden di Oduber, Hof no ta impone castigo.

Hof a bisa cu e sentencia ta otro cu e sentencia di Corte den Promer Instancia. Hof a declara Oduber un parti liber den caso Malmok. Hof a declara Otmar liber den caso trahadornan fantasma pero no pa Thiel y Phillip. Hof a declara Esser liber di a wordo cumpra pa Vito Croes. Hof ta haya cu Esser a

Por a mira cu Oduber, for di momento cu Hof a bisa cu e ta wordo haya culpabel, a baha su cabez y a keda wak abao cu wowonan sera. Despues di e sentencia, ainda Oduber a keda sinta cabez abao pa algun rato. Esey ta indicacion cu e sentencia a afecta Oduber hopi.

Corte di Prome Instancia 1 oktober 2026 Horario Sospechoso

Acto Castigabel

08.30

G-L.M.K.

K. ta wordo acusa di a viola ley di droga den e periodo di prome di december 2025 te 30 di januari 2026. E ta wordo acusa di maltrato y destruccion riba 11 di november 2024.

10.10

R.M.B-A.

B-A. ta wordo acusa di a maltrata su padrasto riba 7 di april 2026, dor di dal e wanta den cara, y di a menase cu morto. Ademas di a menasa un otro persona riba e mes dia.

11.00

M.E.M.

M. ta wordo acusa di a maltrata un persona riba 8 di november 2025, dor di dal e varios biaha cu dos man na pecho.

11.40

R.A.

A. ta wordo acusa di posesion di un cantidad di marihuana riba 11 di november 2025.

13.30

R.M.Z.

Z. ta wordo acusa di a maltrata un persona riba 18 di maart 2026, dor di dal e wanta den cara.

14.00

M.A.G.

G. ta wordo acusa di a maltrata un persona riba 16 di februari 2026, dor di pushe cu forsa.

14.30

J.M.G.V.

G.V. ta wordo acusa di a menasa dos persona riba 19 di maart 2026, dor di mustra nan un arma di candela y bisa nan: “Esaki mi tin pa boso”. E ta wordo acusa di posesion di un arma di candela riba e fecha menciona.

15.00

W.C.F.C.

C. ta wordo acusa di posesion di cocaina y marihuana riba 17 di augustus 2025.

15.30

S.E.K.

K. ta wordo acusa di venta y posesion di marihuana di aña 2022 te 25 di juli 2025.

DIAbierna 18 september 2026

SENTENCIA CASO FLAMINGO: Ex-Minister Otmar Oduber condena na 2 aña di prizon incondicional den Caso Flamingo

E Corte Comun di Husticia a duna un golpi duro den e caso penal Flamingo dia 17 di september 2026. E exminister di ROIM, Otmar Oduber, a wordo condena na dos aña di prizon incondicional pa abuso di su funcion y estafa contra Pais Aruba. Fuera di e castigo di prizon, e ex-mandatario a wordo priva di su derecho di voto pasivo (e no mag di wordo eligi) y e no mag di fungi como ambtenaar pa un periodo largo di 5 aña.

Corte Superior a haya proba cu, durante su periodo como minister (2017-2019), Oduber a uza su poder duna trabao na personanan di confiansa den puestonan clave di gobierno pa asina influencia otorgamento di tereno na favor di su conocinan. Tambe el'a wordo condena pa a nombra "spookambtenaarnan" cu tabata cobra sin traha pa gobierno.

DIAbierna 18 september 2026

Segun Fitch ratings su update: Aruba su economia ta supera expectativa, finansa publico ta fuerte y debe ta sigui baha Oranjestad, 15 september 2026 - Fitch Ratings a publica su ultimo actualisacion tocante Aruba, cu ta mustra un desaroyo positivo den diferente indicador economico y financiero. E agencia internacional ta indica cu economia di Aruba ta sigui supera expectativa, mientras finansa publico ta mustra resultado fuerte, debe nacional ta sigui baha y reserva internacional ta mantene un posicion solido. Aruba actualmente tin un rating BBB cu outlook positivo na Fitch Ratings. Minister di Finansa, Asunto Economico y Sector Primario, mr. Geoffrey Wever, ta considera e actualisacion como un momento importante pa evalua e progreso cu Aruba ta haciendo tanto riba tereno economico como financiero. Fitch ta indica cu e economia di Aruba a sigui demostra mihor ehecucion cu inicialmente proyecta. Centrale Bank van Aruba a revisa e crecemento real di Producto Interno Bruto pa 2025 na 6.3%, mientras Fitch anteriormente tabata calcula un crecemento di 2%. Pa 2026, Fitch ta proyecta un crecemento economico di 3.7%. Un di e puntonan cu ta resalta den e actualisacion ta e resultado di finansa publico. Fitch ta califica finansa di gobierno como

fuerte. Durante e prome seis lunanan di 2026, gobierno a registra un surplus fiscal di Afl. 260 miyon, cu ya ta supera e surplus presupuesta pa henter 2026 cu 215%. A base di e desaroyonan actual, Fitch ta proyecta un surplus fiscal di 3.6% di PIB pa 2026, compara cu 1.5% presupuesta, y un surplus di 3.1% pa 2027. Na mes momento, e debe di Aruba ta sigui baha. Segun Fitch, e debt-to-gdp ratio a baha te 62.9% na final di segundo kwartaal di 2026. Fitch ta proyecta cu e cifra aki por baha ainda mas te 59.2% na final di 2026. Den su analisis, Fitch ta relaciona e reduccion rapido di debe, entre otro, cu un compromiso fuerte cu maneho responsabel di finanzas publico, mientras e agencia tambe ta señala e reto cu ta existi pa ehecuta inversionnan di capital segun planificacion. E resultado financiero ta bay man den man cu un economia cu ta sigui mustra resiliencia. Fitch ta indica cu turismo ta mantene su posicion como un motor importante di crecemento economico. Durante e prome siete lunanan di 2026, cantidad di bishitante a aumenta cu 11.3% compara cu e mesun periodo di 2025, yega na 1 miyon bishitante, mientras cantidad di bishitante di crucero a aumenta cu 6%. Otro elemento importante

ta e posicion externo di Aruba. Reserva oficial a aumenta di USD 2 biyon na december 2025 pa USD 2.5 biyon na mei 2026, equivalente na 8.2 luna di pago externo corriente. Fitch ta indica cu esaki ta considerablemente mas halto cu eaverage di cinco luna pa paisnan den categoria BBB y ta duna Aruba un buffer importante contra posibel shock externo. Fitch tambe ta dedica atencion na progreso di e Rijkswet Houdbare Overheidsfinancien Aruba (HOFA). Segun e agencia, aprobacion di HOFA lo resulta den un reduccion di e tasa di interes riba e fiansanan di pandemia cu Hulanda y lo crea acceso pa Aruba na financiamento di capital via Hulanda na condicionnan favorable. Minister Wever ta enfatisa cu e ultimo actualisacion di Fitch mester wordo mira den contexto di un proceso continuo di fortalece economia y finansa publico. E resultado positivo no ta kita e necesidad pa sigui mantene disciplina presupuestario, sigui baha debe y, na mesun momento, crea espacio pa inversionnan cu Aruba tin mester pa sostene su desaroyo economico y social. E ultimo actualisacion di Fitch no ta duna un rating nobo. Aruba ta mantene su rating BBB cu outlook

positivo, despues cu Fitch a subi e rating di Aruba na BBB na maart 2026. E actualisacion di 15 di september ta ofrece e

informacion mas reciente tocante e desaroyo di credito y e expectativa economico y fiscal di Aruba.

DIAbierna 18 september 2026

Parlamentario drs. Shailiny Tromp-Lee:

Nos hobennan di Parlamento Hubenil no ta simplemente e futuro, nan ta tambe e presente di Aruba

Diamars 15 di September 2026, den un ambiente solem y yena cu entusiasmo, e miembronan nobo di Parlamento Hubenil di Aruba a huramenta oficialmente den sala di Parlamento di Aruba. E acto aki ta marca e inicio di un trayecto di formacion di suma importancia pa e hobennan cu a scoge pa asumi un papel activo den e Fundacion di Parlamento Hubenil.

Parlamentario

Shailiny

Tromp-Lee a expresa su mas caluroso pabien na e hobennan, destacando e impacto profundo cu e plataforma aki tin riba e desaroyo di liderazgo na Aruba. Desde su creacion na aña 2003, Fundacion Parlamento Hubenil ta duna hobennan entre 14 y 23 aña e oportunidad pa siña entre otro tocante e proceso legislativo, e structura di nos estado, y e responsabilidad di sirbi comunidad.

Un Plataforma pa siña y lidera Segun Parlamentario Tromp-Lee, forma parti di Parlamento Hubenil ta mucho mas cu un honor. “E ta un scol pa bida, un plataforma caminda nos hobennan ta siña debati, dialoga, y busca solucionnan pa e retonan cu nos sociedad ta enfrenta. Ta un espacio pa descubri e berdadero

poder di nan voz y pa compronde cu nan ideanan tin balor. Un Plataforma cu ta crea futuro lidernan pa nos sociedad.”

E experiencia aki ta duna e miembronan nobo e hermentnan pa: • Conoce e proceso democratico y e structura di nos pais. • Expresa nan ideanan, inkietudnan y vision directamente y sin miedo. • Formacion desaroyo personal

• Desaroya un liderazgo basa riba curashi, empatia y trabou den ekipo pa e bienestar general.

enfatisando cu nan rol den e desaroyo di Aruba ta cuminsa awe mes. “Nos no por sigui mira e hubentud simplemente como e futuro. Nos hobennan ta e presente di Aruba! Nos mester sigui brindanan e espacio pa wordo scucha, y ta parti di e solucion. Nos mester sigui traha pa un rumbo mas inclusivo, innovativo y dinamico pa nos pais.”

Nos mester sigui duna nan un voz, stimula nan pa expresa nan opinion y guia nan pa sa unda y con nan voz por wordo scucha. Esaki sigur lo ta un inversion den un comunidad mas fuerte y un futuro mihor pa nos tur. P’esey segun e parlamentario nos mester anima e hobennan pa saca e maximo beneficio di e trayecto aki.

E plataforma cu Parlamento Hubenil ta brinda nos hobennan ta importante, pasobra liderazgo no ta solamente trata di tuma decision. Ta trata tambe di siña scucha, dialoga, forma amistad, respeta opinionnan diferente y busca solucion hunto pa loke ta importante pa nos comunidad.

Pa termina e parlamentario a termina cu un mensahe pa e hobennan: “Siña, puntra, tende, dialoga y expresa boso voz. Nunka tene miedo di presenta boso ideanan.

E presente di Aruba Parlamentario Tromp-Lee ta manda un mensahe di curason na e hobennan,

Segun Tromp-Lee e hobennan ta nos futuro.

Aruba tin mester di hobennan cu curason, vision y curashi pa lidera. Mi ta desea tur e hobennan hopi exito den e periodo nan dilanti y tuma e oportunidad pa descubri e poder di bo mesun voz”.

DIAbierna 18 september 2026

Minister Gerlien Croes:

Resumen di ehecucion di fase 2 pa ahuste salarial pa veld di educacion ORANJESTAD, 17 di september 2026 - Ministerio di Relacionnan den Reino, Educacion, Hubentud, Innovacion y Deporte ta tumando pasonan concreto pa locual ta trata fase 2 di ahuste salarial pa veld di educacion. Durante e fase aki, diferente departamento ta trahando ariba simplificacion di e structura di salario pa e docentenan. Banda di esaki, tambe nan ta trahando riba un maneho di renumeracion basa riba profesionalisacion continuo, un investigacion tocante e uzo di e edad maximo pa crecemento di salario, incluyendo e scala di docente y tambe di asistentenan di klas. E asistentenan di klas cu actualmente ta den un scala di docente, tambe lo ricibi un aumento di salario den fase 2. Desde maart 2026 tabata tin diferente encuentronan semanal entre Departamento di Enseñansa, DRH y ministerio pa ehecuta e structura aki. Tambe tabata tin na comienso di maart e prome encuentro cu sindicatonan como audiencia pa duna input ariba e diferente funcionnan y areanan caminda veld ta desea di mira un cambio den e structura salarial. Den luna di juni diferente stakeholder a reuni

pa duna input riba posibilidadnan den e descripcion di funcionnan (f u nc t iebe sch r ijv i ngen), y dia 2 di juli 2026 un di dos session di audiencia cu sindicatonan a tuma luga pa por cuminsa finalisa e proceso aki pa asina por yega na un descripcion di funcion nobo. Den luna di augustus a tuma luga un ultimo session cu stakeholders pa asina finalisa e descripcion di e funcionnan. Na e momento cu e concepto di e descripcion di funcion ta cla, lo presenta esaki na veld di educacion pa asina por valida esaki. Recientemente, na comienso di luna di september a reuni un biaha mas cu DRH, Departamento di Enseñansa, Sindicatonan y Ministerio. Como parti di e proceso aki lo tene cuenta cu, entre otro, e grandura di e klasnan, fortificacion di e structuranan di cuido pa studiante y docente, profesionalisacion di docente, y e posibilidad pa introduci modelonan pedagogico-didactico cu ta acopla na e necesidadnan di siglo 21. Mehoracion di e calidad di educacion y stimulacion di innovacion ta forma parti di un plan strategico y holistico pa fortalece cada componente di e sistema di educacion. E reforma di

salario pa docentenan ta un di e puntonan primordial pa alcansa e meta aki. Fase 1 di e reforma aki a keda formalisa cu aprobacion di e presupuesto pa aña 2026 y e reunionan desde maart te cu aworaki ta e base pa por ehecuta fase 2 di plan aki cu lo mester inicia despues di 2028. Na mes momento, 1 di januari 2028 e di dos pago di fase 1 lo tuma luga.

DIABIERNA 18 DI SEPTEMBER 2026

MEP-FRACTIE VRAAGT DUIDELIJKHEID OVER FINANCIËLE SITUATIE ZIEKENHUIS ORANJESTAD De MEP-fractie heeft overleg gevoerd met de directie van het ziekenhuis over de financiële situatie en de gevolgen daarvan voor de continuïteit van de zorg. Het ziekenhuis heeft aangegeven dat er, zonder aanvullende financiële middelen, mogelijk diensten moeten worden beperkt of stopgezet. Te g e l i j k e r t i j d heeft minister van Volksgezondheid Mervin Wyatt-Ras aangegeven eerst een financieel onderzoek te willen laten uitvoeren voordat verdere middelen beschikbaar worden gesteld. Voor de MEP-fractie staat één punt centraal: de continuïteit en kwaliteit van de zorg voor onze bevolking mag niet in gevaar komen door onduidelijkheid over de financiering. Financiële controle en transparantie

zijn belangrijk, maar moeten hand in hand gaan met tijdige actie wanneer essentiële zorg dreigt te worden geraakt. De MEP-fractie blijft de ontwikkelingen nauwlettend volgen en zal de minister om duidelijkheid en concrete maatregelen vragen.

P 10

DIABIERNA 18 DI SEPTEMBER 2026

BONAIRE TA LAGA TENDE SU BOS NA E TERSER KONFERENSIA REGIONAL DI CARICOM TOKANTE REPARASHON NA BARBADOS

Líder di Partido Pueblo Progresivo (PPP), Sr. James Finies, lo laga tende e bos di Boneiru na e región Karibense durante e históriko terser Konferensia Regional di CARICOM tokante Reparashon na Barbados. Sr. Finies ta akompañá pa Sra. Davika Bissessar Shaw, Presidente di Bonaire Human Rights Organization (BHRO), kual ta Miembro Asosiá di e Komishon di Reparashon di CARICOM. E konferensia di kuater dia ta reuní lídernan prominente di Karibe i di mundu, akademikonan i defensornan di reparashon, inkluí Profesor Verene Shepherd, Sir Hilary Beckles, Promé Minister Mia Mottley i eks-Promé Minister Ralph Gonsalves I otronan. E promé konferensia regional a tuma lugá na St. Vincent i Grenadines na sèptèmber 2013, sigui pa e di dos na Antigua i Barbuda na sèptèmber 2014. Awor Barbados ta anfitrion di e di tres konferensia, di 17 te ku 19 di sèptèmber, kontinuando

ku e esfuersonan di e región Karibense pa avansá e kaso internashonal pa hustisia reparativo. E kontribushon di Boneiru, hasí pa Sr. Finies i Sra. Bissessar Shaw na e CARICOM 10-Point Plan pa Reparatory Justice, ta forma parti di e trabou ku lo wordu relansá durante e konferensia. Nan a soru pa pone kolonialismo, ku a keda eksistí, klaramente dentro di e marko di reparashon, enfatisando ku pa teritorionan manera Boneiru, hustisia reparativo no por wòrdu separá di e proseso ainda no terminá di deskolonisashon. Durante e konferensia, Sr. Finies lo duna un diskurso tokante e historia di Boneiru i e eksperensianan di su pueblo di desendensia Afrikano, inkluyendo Afrikanonan esklavisá ku tabata víktima di e tráfikashon transatlantiko di pesonanan esklavisá ku resientemente Nashonan Uni a deklara komo e krimen di mas grave di historia di mundo. Finies su intervenshon lo resaltá tambe e importansia históriko di

Boneiru pa e ekonomia kolonial Hulandes, partikularmente pa medio di su industria di salu. E salu di Boneiru tabata un produkto di hopi balor ku e Hulandesnan tabata usa, entre otro, pa konservá haring, e tempu ey historikamente tabata konsiderá komo “oro blanku”. Tras di e rikesa ekonómiko aki tabata e trabòu forsá i e sufrimentu di nos ansestornan Afrikanonan esklavisá ku tabata traha bòu di kondishonnan duru i inhumano den e saliñanan di Boneiru, tambe konosí komo “e fierno blanku”. Nan trabòu a kontribuí na e ekonomia kolonial, miéntras nan tabata deprivá di nan libertat, dignidat i kontrol riba nan mes bida. BHRO i PPP ta kere ku e historia aki mester forma parti di e diskushon mas amplio Karibense i internashonal tokante hustisia reparativo.

E partisipashon di Boneiru na e konferensia di reparashon na Barbados konsekuentemente ta kombiná dos asunto ku tin un konekshon estrecho ku

otro: reparashon pa e inhustisianan históriko infligí na personanan di desendensia Afrikano, i derechonan di e pueblo di Boneiru.

P 11

DIABIERNA 18 DI SEPTEMBER 2026

MINISTER DOWERS A PRESENTA DOS VEHICULO AIRCRAFT RESCUE FIRE FIGHTING NOBO

Airport.

Awe mainta, Minister di Husticia, Integridad y Transporte Publico, mr. drs. Arthur Dowers, hunto cu Comandante di Cuerpo di Bombero Aruba, a presenta oficialmente dos vehiculo Aircraft Rescue and Fire Fighting (ARFF) nobo na Brandweer Airport. E

vehiculonan

marca Rosenbauer, modelo PANTHER 6x6, y ta specialmente diseña pa atende emergencia relaciona cu aviacion. Nan ta forma parti di un compra di tres vehiculo ARFF, cu un inversion total di Afl. 8.488.483,12 di cual dos vehiculo ta na Aruba mientras e tercer ta yegando prome cu fin di aña.

Cada vehiculo tin capacidad pa transporta 11.400 liter di awa, 1.600 liter di foam y 250 kilo di puiro pa paga candela. Durante e presentacion, Minister Dowers a enfatisa importancia di e inversion pa siguridad di Aeropuerto Internacional Reina Beatrix y pa capacidad operacional di Brandweer

Aeropuerto Internacional Reina Beatrix ta un infrastructura crucial pa Aruba. Conectividad aereo ta esencial pa turismo, economia y conexion di nos pais cu resto di mundo. P’esey, Aruba mester dispone di material moderno y specialisa pa responde na emergencia di aviacion na un nivel halto. Tecnologia moderno ta pone miho instrumento den man di e profesionalnan, pero cu tecnologia so no ta suficiente. Ta preparacion, entrenamento, experencia y dedicacion di nos bomberonan cu finalmente ta haci e diferencia. Awo cu Brandweer ta dispone di e ekiponan moderno aki, e

personal mester haya curso pa maneha esakinan optimalmente. Cu e vehiculonan ARFF nobo, Gobierno ta fortalece preparacion y capacidad di responde di Brandweer Airport, mientras ta inverti den proteccion di pasahero, tripulacion, personal di aeropuerto y e bomberonan cu diariamente ta para cla pa actua.

PUEBLO A HHAÑA SU PEN BEK

Pa kualkier informacion solodipueblo@gmail.com of

☎ 585-9500

P 12

DIABIERNA 18 DI SEPTEMBER 2026

Jeanelij Quandt a gradua como Bachelor den Organization, Governance and Management (OGM) exitosamente y a obtene e titulo di ‘Bachelor of Arts’ for di e programa Organization, Governance and Management, Facultad di Arte y Ciencia. Jeanelij Quandt a defende su tesis titula: Artisans' Perspective on Collaborating with Cultural Organizations in Aruba’s Public Spaces. Exploring Artisans' Experience Partnerships in Cultural Initiatives. Jeanelij Quandt a investiga perspectiva di artesanonan riba tema di colaboracion cu organisacionnan cu ta organisa eventonan cultural-publico na Aruba. E commision di graduacion tawata consisti di: ●

ORANJESTAD

–

Dia

September,

Jeanelij

Quandt a defende su tesis

Mieke

Droog

PhD, ● LLM

Luciano

● Mr. Geerman

drs.

Milliard Pancho

Ta gradici e docentanan di e departamento di OGM y profesional cu a yuda of guia Jeanelij Quandt como studiante. Tambe ta gradici tur esnan na y pafo di Universidad di Aruba cu a contribui na un manera of otro na e acontecimento aki. Pa mas informacion tocante e estudio OGM, bishita e website di Universidad di Aruba na http://w w w.ua.aw/ogm, e pagina di Facebook @ UniversityofArubaOGM. MGL y e pagina di Instagram @ua_ogm.mgl.

P 13

DIABIERNA 18 DI SEPTEMBER 2026

BHRO ta emiti un aviso publiko tokante e kampanja riba media sosial di e instituto Hulandes pa derechonan humano Bonaire Human Rights Organization (BHRO) ta manda un alertá públiko despues di lansamentu di un kampaña riba media sosial dor di e Instituto Hulandes pa Derechonan Humano. Nan kampaña tin komo meta pa informá residentenan di Boneiru, Statia i Saba tokante derechonan humano den bida diario, inkluso kosto di bida, bibienda, kuido di salú, enseñansa i otro kondishonnan básiko di bida. BHRO ta sostené firmemente edukashon tokante derechonan humano. Sin embargo, nos preokupashon prinsipal ta ku e informashon ku ta wordu presentá na públiko mester reflehá korektamente e realidatnan bibá i e violashonnan di derechonan humano ku nos hendenan ta eksperensiá riba nos islanan. P’esei, BHRO ta stimulá residentenan pa evaluá krítikamente e informashon ku ta wordu presentá via e kampaña aki. E preokupashon aki ta basá riba BHRO su eksperensia direkto durante e revishon di e kumplimentu di Hulanda ku su obligashonnan dor di e Komité di Nashonnan Uni pa Derechonan Ekonómiko, Sosial i Kultural (CESCR), ku a tuma lugá na Ginebra dia 16 i 17 di sèptèmber 2025. Durante e proseso ei, BHRO a biaha bai Nashonan Uni na Ginebra I a entrega I ekspresá preokupashon tokante informashon relashoná ku Boneiru ku, segun nos evaluashon, no tabata

reflehá adekuadamente e realidat ku e pueblo ta biba diariamente. Ta importante pa señalá ku e konklushonnan posterior di Nashonnan Uni a identifiká desigualdatnan serio i preokupashonnan kontinuo tokante e garantia i ehersisio pleno di derechonan ekonómiko, sosial i kultural. E Komité tambe a ekspresá preokupashon tokante e falta di informashon relashoná ku implementashon di e derechonan aki na Boneiru, Saba i Sint Eustatius. Pa BHRO, e konklushonnan aki ta partikularmente importante, pasobra nan ta fortalesé nos preokupashon ku e realidatnan ku hende riba e islanan ta eksperensiá no tabata wordu reflehá adekuadamente den e informashon presentá internashonalmente. BHRO a presentá Nashonnan Uni ku informashon ku a bini direktamente for di pueblo tokante pobresa, e kosto haltu di bida, bibienda, kuido di salú, enseñansa, diskriminashon, desigualdat i e falta di garantia igual di derechonan fundamental. E kontribushonnan di BHRO a yuda trese e realidat ku e pueblo ta biba diariamente direktamente dilanti di e mekanismo internashonal pa derechonan humano. BHRO tambe ta preokupá tokante e echo ku Gobièrnu Hulandes ta finansiá e Instituto. Ora ku un instituto ta risibí finansiamentu for di e mesun Estado ku

ta verwagt ku e ta kumpli ku su obligashonnan di derechonan humano I mester evaluá di manera independiente i krítiko, transparensia i garantianan efektivo ta esensial. Un relashon asina ta lanta preguntanan legítimo tokante independensia

di pueblo Boneriano i bou di kondishonnan di derechonan desigual, no ta di akuerdo ku Artíkulo 1 di tantu e Pakto Internashonal tokante Derechonan Sivil i Polítiko (ICCPR) komo e Pakto Internashonal tokante Derechonan Ekonómiko, Sosial i Kultural (ICESCR)?

institushonal, posibel influensia riba e informashon ku ta wordu presentá i e narrativa ku ta wordu komuniká na públiko i na mekanismonan internashonal pa derechonan humano.

Esaki ta e derechonan fundamental humano di tur pueblo, inkluso Boneiru na autodeterminashon, mediante kual nan ta determiná libremente nan status polítiko i e rumbo di nan desaroyo ekonómiko, sosial i kultural.

Dikon e Instituto Hulandes pa Derechonan Humano no ta kuestioná si e inkorporashon di Boneiru den e órden konstitushonal hulandes, ignorando e deseo ekspresá i e desishon demokrátiko

P’esei, BHRO ta urgí e pueblonan di Boneiru, Statia i Saba pa mantené nan mes informá, hasi pregunta, dokumentá nan eksperensianan i

evaluá krítikamente si e informashon presentá ta korespondé ku e realidat ku nan ta biba tur dia. Edukashon tokante derechonan humano ta importante, pero nos pueblo ta meresé informashon ku ta independiente, korekto, transparente i basá riba nan realidat bibá.

P 14

DIABIERNA 18 DI SEPTEMBER 2026

Mama a pone presion pa su yiu[15] saca un brommer horta Bushiri - Diaranson den oranan di anochi polis a bay Bushiri, unda cu mester a asisti un caso di brommer cu lo a wordo horta. Laga nos cuminsa na e cuminsamento. Segun nos a compronde, tur cos a cuminsa cu un video cu lo a bira viral riba rednan social. Esaki lo tin di haber cu ladronicia di brommer na Bubali. Locual ladronnan hopi biaha ta lubida ta cu mayoria di casnan na Aruba ta ekipa cu camaranan di seguridad. Den oranan di marduga e brommer AKT a wordo horta na Bubali. Habitantenan riba video a mira tres individuo "full tapa" subi nan tereno. Door di e video cu a bay rond, esnan cu conoce nan a ripara tattoonan[ pues no tawata full tapa toch] y un jacket cu tawata mustra conoci. Mayor di un di tres individuonan cu a mira e video a reconoce cu lo ta

trata di su yiu menor[15] di edad cu parse ora e mester ta drumi marduga a sali bay horta cu otro dos amigo. E mama mesora a pone presion riba e yiu pa e saca e brommer, prome cu denuncia wordo haci. Y asina diaranson anochi e grupo di menor di edad aki a saca e brommer, cu no tawata mucho leu di nan cas scondi den mondi. Doño di e brommer a ser contacta door di e mama di e mucha y asina hunto cu polis a resolve e caso y tamve a papia cu e muchanan riba locual a pasa. E momento ey si miedo di bay cera a drenta curpa. Pero, debi cu e keho no a wordo entrega polis no por a detene niun di nan. Ban spera cu nan no bay haci'e atrobe. Di otro banda, no ta conoci tampoco si ya nan a yega di comete ladronicia caba. PS Cara di e menornan a wordo tapa.

P 15

DIABIERNA 18 DI SEPTEMBER 2026

P 16

DIABIERNA 18 DI SEPTEMBER 2026

FORTALEZA PA FAMIA. Scirbi pa Pastor Marcel Balootje.

STIMA DIOS Y CUIDA BO CURPA E palabra di Dios ta bisa nos den Romanonan 12;12 : Pesey mi ta roga boso, rumannan pa medio di misericordianan di Dios, pa presenta boso curpanan como sacrificio bibo y santo, aceptabel pa Dios, cual ta boso sirbishi spiritual di adoracion. No sea conforme e mundo aki, ma sea transforma pa medio di e renobamento di boso mente , pa boso por comproba kico ta e bon y agradabel y perfecto boluntad di Dios. Dios ta bolbe papia cu nos den 1 Corintionan 6:19 bisando : Of boso no sa, cu boso curpa ta e tempel di Spirito Santo . Kende ta den boso, Kende boso tin di Dios, y cu boso no ta pertenece na boso mes. Pasobra boso a wordo cumpra pa un preis, glorifica Dios den boso curpa. Tambe e palabra di Dios ta recorda nos den 1 Corintionan 3;16-17 bisando: Boso no sa cu boso ta tempel di Dios y cu e Spirito di Dios ta biba den boso. Si un hende destrui e tempel di Dios, Dios lo destrui e. Pasobra e tempel di Dios ta santo, y esey ta loke boso ta. Na prome lugar nos mester stima Dios riba tur cos y nos prohimo manera nos mes, nos mester presenta

nos oracion y nos alabansa na Dios constantemente, nos no mester laga e cosnan di mundo aki tin dominio riba nos ni den palabra tampoco den hecho, nos mester somete nos mes na Dios, resisti e diabel, y e lo huy for di nos, pasobra e diabel ta bini cu pensamentonan contrali y oferta nan di mundo pa trata di danja locual Dios a haci limpi. Si no tabata asina Dios lo no a spierta nos pa medio di su palabra , cu apostel Pablo ta scirbi pa nos,y nos tur sa cu awor mas cu nunca cu e binida di Cristo Hesus ta serca , nos relacion cu Dios mester ta mas fiel y mas ferviente, pa nos por ta cla ora e momento yega. Tin hopi infiltracion mundano ta disfrasa den cosnan bunita,pa asina purba di reemplasa nos adoracion y nos tempo pa Dios. Bo sa cuanto hende a keda pega den nan telefon y cu lesamento di bijbel a bira algo cu no ta tuma lugar tur dia mas, cuanto hende nan tempo pa haci oracion a cay atras, pasobra e telefon a secuestra nan mente, cu ta den dje nan ta henter dia. No ta pornada ta para scirbi den Mateo 26:41: Keda vigila y haci oracion,pa

boso no cay den tentacion, e spirito ta boluntario, ma e carni ta debil. Hopi biaha nos ta lesa y nos ta tende locual ta wordo predica, pero

nos no tene cuenta ora e palabra di Dios ta bisa:Sea sobrio, sea alerta , boso adversario e diabel, ta cana rond manera leon cu ta grunja, buscando ken e por devora. No pensa cu ta un leon ta sali bula riba bo, pero influencianan diabolico y mundano ta bay rond tur caminda, hende kier permiti cosnan den nan bida, pensando cu nan ta bay cu moda, pero nan no ta wak kico ta tras di e cosnan ey. Y eyden e peliger ta sinta

pasobra e enemigo ta campeon den disfras, y ora hende ripara ta laat. Por ehempel cuanto mayor sa cu influencia di weganan den tablet y den telefon ta cambia comportacion di nan yiu y hasta ta pone e mucha papia palabra malo na ingles, pasobra hasta den esey e enemigo a drenta. Laga nos stima Dios, Cuida nos curpa, Stima nos famia, y dedica tempo na Senjor.Sinceramente, Pastor Marcel Balootje.