Skip to main content

Diabierna september 11 2026

Page 1

P1

DIABIERNA 11 SEPTEMBER 2026

11 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

ATROBE FRANKLIN HOEVERTZ CU CONTRACT DI 17500 FLORIN PA LUNA CERCA ARTHUR DOWERS Siman pasa a lek un contract di Misha Raymond, cu ta cobra serca Gerlien Croes e suma di Afl. 13500.00 pa luna. Awor a sali na claridad un otro contract. Minister Dowers tambe tin un coordinador, cu tin contract di 17 mil 500 pa luna. Desde e contract a sali na claridad, ela

causa masha desgusto den comunidad. Un gobierno cu ta malgastando placa di pueblo sin misericordia y ta tur esnan den top di partido AVP ta biba lekker y hasi dushi.

Mientras cu e sospechoso ta nenga

HUES A ORDENA PA HUES COMISARIO INTEROGA DAMA AGENTE POLIS CU LO A WORDO MOLESTIA


P2

DIAbierna 11 september 2026

Aruba Tourism Authority y Aruba Ports Authority NV a yama bonbini na Margaritaville at Sea Islander recreacion.

Margaritaville at Sea a wordo lansa na 2022, treciendo e estilo di bida unico di Margaritaville, inspira pa e musica y filosofia di e defunto Jimmy Buffett, na e industria di crucero. Desde e momento ey, e marca a sigui expande su ofertanan di crucero y su presencia den Caribe.Duna bek na comunidad ta un parti importante di e filosofia di Margaritaville. A traves di Margaritaville Cares, e compania ta sostene iniciativa comunitario y esfuerso di boluntario.

Aruba a ricibi e barco di crucero Margaritaville at Sea Islander na su bishita inaugural na Aruba riba 9 di september 2026. E yegada a wordo conmemora cu un intercambio tradicional di plakkaat den presencia di representantenan di Aruba Tourism Authority (A.T.A.), Aruba Ports Authority NV (APA) y agente di waf SEL Maduro & Sons. Un intercambio di plakkaat ta un tradicion maritimo cu ta celebra e prome bishita di un barco na un waf. Plakkaatnan conmemorativo ta wordo intercambia entre e linea di crucero, e destinacion y e waf como simbolo di asociacion y amistad,

y como un recuerdo permanente di e bishita inaugural. Margaritaville at Sea Islander a trece aproximadamente 2.650 bishitante di crucero pa Aruba. E barco, cu a drenta servicio cu Margaritaville at Sea na 2024 despues di un transformacion extensivo, tin un largura di aproximadamente 965 pia y ta conta cu 12 deck pa pasahero, mas cu 1.100 cabina, 12 restaurant y espacio pa come, 13 bar y lounge, tres piscina, un casino, spa, centro di fitness y un variedad amplio di facilidadnan di entretenimento y

E Islander tambe a incorpora diferente iniciativa ambiental abordo, incluyendo biodigesters pa desperdicio di cuminda, diseña pa procesa desperdicio organico y reduci e cantidad cu mester wordo deshaci di un manera convencional. Margaritaville tambe ta

promove conservacion y consciencia ambiental a traves di experiencia y iniciativa selecta pa bishitantenan. E bishita inaugural a marca un momento memorabel tanto pa Margaritaville at Sea Islander como pa e socionan di industria di

crucero di Aruba. E barco ta programa pa bolbe bishita Aruba na september 2027, continuando e relacion entre Margaritaville at Sea y Aruba. Aruba ta spera cu hopi entusiasmo pa ricibi Margaritaville at Sea Islander atrobe!

Ministro di Husticia ta anuncia cu entrante 14 september 2026 segun Ley di Molester, durante 30 dia lo tin oportunidad pa un y tur tuma conocemento na Departamento di Legislacion y Asunto Huridico, Schotlandstraat 53 di un peticion di permiso cu a ser haci pa un instalacion di schakelstation y dieselgeneratoren Fase 4 na Balashi 76. Den e periodo aki tur hende por expresa por escrito nan desacuerdo cu dunamento di e permiso menciona. Esaki mester ta dirigi na Ministro di Husticia mediante director di Departamento di Legislacion y Asunto Huridico, Schotlandstraat 53.


P3

DIAbierna 11 september 2026

Tour guidenan a blokea e caminda dilanti bestuurskantoor como acto di protesta

Diamars e tourguidenan a uni y a blokea e caminda dilnti bestuurskantoor. Esaki como protesta cu nan no ta haya reaccion di gobierno pa locual ta e camindanan na costa nort unda e tourguidenan tabata pasa y cu awor ta sera pa pasa ayanan.

Hoben motociclista herida den un accidente na Santa Helenastraat

Diamars merdia a drenta informe di un accidente cu hende herida na Santa Helenastraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata

di un accidente unda cu un hoben a bay sali dilanti e auto y esaki a dal e. Debi na e impacto e hoben a resulta levemente herida. Na yegada di e ambulans nan a atende e victima.


P4

DIAbierna 11 september 2026

Noticia di Corte

Mientras cu e sospechoso ta nenga

Hues a ordena pa Hues Comisario interoga dama agente polis cu lo a wordo molestia ORANJESTAD – Awe mainta Hues, despues di tratamento di e caso, a pospone e caso y a bisa pa Hues Comisario interoga e dama agente Polis, J.

SOLO DI PUEBLO por a compronde cu e acusado C. ta nenga di a mishi cu e dama J. y e abogado mr. Rosenstand a haci peticion pa scucha diferente testigo pa haya claridad. Hues a dicidi di scucha e dama agente di Polis mes.

bay tras di J. su lomba. E ora J. a bis’e pa stop di mishi. Hues a bisa cu Polis a interoga C., kende a bisa cu e tabata bebi y ta corda cu nan tabatin un discusion y C. tin berguenza di esaki. Hues kier sa kico C. kiermen cu e tin berguenza. C. a bisa Hues cu e tin dos yiu muher y e tin su pareha. El a bisa cu e lo no bay haci algo asina. Tambe el a bisa cu e no kier pa su pareha bay pensa cos cu no ta berdad.

FISCAL SOSPECHOSO DI AGENTE POLIS

A

MOLESTIA

DAMA

E homber C. (43) ayera mainta a presenta dilanti Hues, caminda Fiscal ta acus’e cu riba 15 Juni 2025, el a haci actonan inmoral cu e dama J. Esaki lo a sosode den un bar na San Nicolas, caminda C., lo a primi J. na su bil.

Fiscal a bisa Hues cu e ta haya proba cu C. a mishi cu e dama J. Fiscal a remarca cu si C. tabata burachi, e mester tene su mannan na su curpa y no ta bay mishi. Fiscal a exigi 50 ora di trabao pa comunidad y 2 siman di prison condicional cu 2 aña di prueba.

SOSPECHOSO TA NENGA C. a nenga di a mishi cu e dama J. Segun C., el a bay den e bar y amigonan a bis’e cu tin un dama ta blo keda wak C. C. a bisa Hues cu el a duna e dama señal y J. a bay serca dje. El a bisa J. cu el a haci aña y J. a dun’e un sunchi. Segun C., e no a mishi cu J. El a bisa cu na dado momento J. a choke y bis’e, no mishi cu mi. Un amigo di C. a intermedia y a kita nan for di otro. E ora J. a bay pafor. Despues C. a sali y J. lo a tira palabra p’e.

Hues a mustra cu tin un testigo K., kende a bisa Polis cu el a mira C. a braza J. y su man a

E abogado a pidi Hues pa scucha e dama J. mes como testigo. El a mustra cu e testigo homber G. cu C. a menciona, no a wordo scucha door di Polis. E dama A. testigo cu J. mes a menciona, no a duna declaracion. Abogado ta haya cu e declaracion di e testigonan aki lo duna un bista cla di kico realmente a pasa. Na opinion di mr. Rosenstand, si keda sin scucha e testigonan, ta perhudica C. den su defensa. E abogado ta haya cu no tin ningun indicacion cu C. a gara e dama J. na su bil y pesey mester declara C. liber.

DAMA POLIS LO WORDO INTEROGA ABOGADO A PIDI PA SCUCHA TESTIGONAN

Hues a mustra cu e dama J. a declara cu e tabata na un bar na San Nicolas y C. a yega eynan. Den pasado C. tabatin un relacion cun’e. Segun J., C. a dun’e sunchi y primi su bil.

yama pa duna declaracion, no a presenta. E testigo aki lo a mira tur cos pero no kier papia. E abogado ta haya cu no tin claridad kico realmente a pasa.

Abogado mr. Rosenstand ta haya cu e investigacion no a wordo haci completo. E abogado a bisa cu Fiscal ta acusa C. di a gara bil di e dama J. E abogado a remarca cu ta straño cu un agente di Polis ta laga hende mishi cun’e di e forma aki. El a bisa cu e dama J. a declara na Polis cu el a bay cuminda C. y dun’e sunchi. Despues el a bay cuminda otronan y a sinti hende gara su bil. E ora ey el a gara C. na su garganta. Na opinion di mr. Rosenstand, por bien ta cu un di e otronan cu e dama J. a bay cuminda, a mishi cun’e y no C. E abogado a mustra cu su cliente C. a bisa Polis cu el a topa cu su ex amiga y no a mishi cun’e. E dama J. mes no kier a haci denuncia contra C. sino a pidi asistencia di Polis pa un homber burachi. E abogado ta haya cu e testigo no a mira tur cos sino a tende di J. cu C. lo a mishi cu su bil.

E abogado a señala cu un testigo cu a wordo

Hues a pospone e caso pa evalua y a bolbe. El a bisa cu Fiscal tin razon cu tin prueba di sosten caminda tin testigo cu a mira C. pone man patras di lomba di J. y cu J. a reacciona, “no mishi cu mi”. Hues a bisa cu di tur e testigonan cu e abogado a pidi, e ta honra e peticion pa scucha e dama Polis J. como testigo. Hues a pospone tratamento di e caso y a instrui pa Hues Comisario interoga e dama J., caminda mr. Rosenstand lo por ta presente. Ora cu Hues Comisario caba cu e interogacion, e lo manda un relato pa Hues kende lo stipula un fecha pa sigui cu tratamento di e caso.


P5

DIAbierna 11 september 2026

Parlamentario Shailiny Tromp-Lee ta manda un serie di pregunta pa Minister di Salud Publico encuanto e crisis financiero y operacional na Horacio Oduber Hospital

E declaracionnan reciente di Sindicato di Trahadornan den Cuido di Salud (ABV) encuanto e situacion financiero y operacional na Horacio Oduber Hospital (HOH) ta extremadamente preocupante pa Fraccion di MEP. Señalnan cu e hospital ta den un crisis alarmante debi na aumento drastico di gastonan y caida di entradanan no por pasa sin atencion y accion directo di Gobierno. E echo cu di parti di Gobierno mes nos no ta ricibiendo ningun tipo di informacion, ta pone e situacion aki den un luz aun mas preocupante.

Fraccion di MEP ta exigi contesta di Minister di Salud E continuidad y e calidad di cuido di salud pa nos pueblo mester ta garantisa na tur momento y mirando e situacion financiero presenta pa ABV ta surgi hopi pregunta y preocupacion. Alabes e informacion cu hasta Gobernador a keda informa di e situacion delicado aki y anos di Parlamento mes no a keda informa di nada ta hopi preocupante. Pa e motibo aki, Miembro di Parlamento Drs. Shailiny Tromp-Lee, pa medio di Presidente di Parlamento, a manda un carta oficial cu un serie di 19 pregunta dirigi na Minister di Salud Publico, sra. Mervin Wyatt-Ras.

“Nos no por permiti cu pashentnan, trahadornan den cuido y pueblo en general ta keda den incertidumbre. Ora nos ta scucha cu gasto di remedi y material a subi cu casi 30%, y cu

e expansion di e edificio di 18 mil pa 35 mil meter cuadra a trece un aumento drastico den gasto di awa, coriente y mantencion, y cu pashentnan mester busca servicio esencial manera MRI na otro caminda, nos mester di claridad completo," Tromp-Lee a expresa.

E preguntanan manda Minister ta entre otro:

na

e

• Informacion y verificacion: Ki dia Minister a keda informa oficialmente di e situacion di crisis aki, door di ken, y con ta atendiendo cu e situacion. • Finansa y fluho di entrada: Confirmacion si efectivamente a perde e di tres fluho di entrada, e suma exacto cu esaki ta representa, y con ta cubriendo e deficit aki actualmente. • Impacto riba pashent: E motibonan tras di e situacion cu e aparato di MRI, e medidanan di urgencia pa proteha e pashent, y e situacion actual di e listanan di espera pa operacion y tratamentonan specialisa. • AZV y Presupuesto: E propuesta di Organo Ehecutivo AZV, si e “lump sum” actual ta refleha e costonan real di un hospital expandi y modernisa, y ki paso ta wordo tuma pa evita un colapso financiero. • Recurso Humano: E garantia cu e crisis aki no lo bay afecta pago di salario, beneficionan secundario di trabou, ni

mantencion di e personal medico y di enfermeria. Tromp-Lee ta enfatisa cu cuido di salud ta un di e pilarnan mas fundamental di nos sociedad. "Nos pueblo tin derecho riba un

sistema di salud stabiel y di miho calidad. Mi ta keda en espera di e contestanan di e Minister pa por haya transparencia completo y pa busca solucionnan structural pa HOH."


P6

DIAbierna 11 september 2026

Un prik, Gran proteccion

Vacuna contra influenza ta disponibel

ORANJESTAD, Aruba, 10 september 2026: Directie Volksgezondheid (DVG) ta informa cu e vacuna contra influenza pa temporada 2026-2027 a yega Aruba y ta disponibel pa personanan cu ta pertenece na un grupo di risico y pa esnan cu ta desea di cumpra esaki. Influenza ta mas cu un simpel griep. E virus por causa complicacionnan serio y hasta hospitalisacion, especialmente cerca personanan cu ta mas vulnerabel. Vacunacion ta yuda reduci e riesgo di bira hopi malo como consecuencia di influenza.

Entrante dialuna 14 di september 2026, personanan cu ta pertenece na un di e gruponan di risico aki bou por pasa vacuna na Seccion di Malesanan Infeccioso, situa na Avicenastraat 1, parti atardi entre 1:00 pa 4:00.

medico halto, por ehempel personanan cu un trastorno serio di defensa;

E gruponan cu ta bin na remarca pa vacunacion gratis ta:

• Muhernan na estado cu ta cumpli cu e criterianan medico pa vacunacion;

• Personanan di 60 aña of mas;

• Personanan cu, debi na nan condicion medico of tratamento, a haya indicacion di nan dokter di cas, specialista of pediatra pa vacuna;

• Adultonan entre 18 y 59 aña cu ta pertenece na un grupo di risico medico;

• Trahadornan den cuido cu tin contacto directo cu pashent, especialmente pashent vulnerabel.

• Adultonan y muchanan cu ta pertenece na un grupo di risico

Personanan di 60 aña of mas mester trece nan carchi di AZV pa haya e

vacuna gratis. Personanan cu ta pertenece na un grupo di risico, pero cu no tin 60 aña ainda, mester trece nan carchi di AZV y un recept di nan dokter di cas of specialista. Pa esnan cu ta desea di cumpra e vacuna esaki tin un costo di afl 20,- y por haci esaki entre 1:30 cu 3:30 di atardi. Na momento di cumpra mester trece un ID valido y pago ta posibel unicamente via swipe. Preparacionnan ta tumando luga pa manera tur aña, ofrece e vacuna tambe den diferente bario di Aruba. Asina cu e programa ta completamente cla, DVG

lo publica e fecha, horario y lugarnan unda e bus di vacunacion lo para. DVG ta conseha tur persona cu ta pertenece na un grupo di risico pa vacuna na tempo. Bo Salud, Nos Prioridad Pa mas informacion, like nos Facebook page Directie Volksgezondheid DVG Aruba, follow nos riba Instagram directie_ volksgezondheid_aruba, sigui nos den WhatsApp Channel, ricibi tur informacion den Aruba Health App, bishita www. dvg.aw, yama 5224200 of manda email na servicio@ dvg.aw

Dama a bebe cantidad di pildo aparentemente cu menos bon intencion Diamars merdia a drenta informe di un caso unda un dama lo a bebe cantidad di pildo cu menos bon intencion, mesora a dirigi un ambulans na e sitio. Na yegada di e ambulans nan a atende e dama y a transporte pa hospital pa mas atencion avansa.


P7

DIAbierna 11 september 2026

Parlamentario Xiomara Maduro

ta señala cu: AVP-FUTURO NO POR GOBERNA ARUBA Cada dia cu pasa ta bira mas bisto cu Gobierno di AVP-FUTURO no tin e capacidad pa goberna Aruba. Nan ta core pa nan responsabilidad, nan no ta tuma decision na tempo, nan ta culpa otro ora cos bay malo y nan ta perde cabes apenas presion publico aumenta.

Parlamento ta wordo evita Den aña parlamentario 2025– 2026, di 29 reunion publico solicita, solamente 11 a wordo convoca. Di 8 vragenuur solicita, solamente 2 a wordo yama.

Den 3 di cada 4 caso Parlamento no a haya oportunidad pa cuestiona Gobierno. Ministernan no ta contesta pregunta y hasta parlamentario mester recuri na LAR pa obliga un minister responsabel pa 5 cartera (!) duna informacion. Un Gobierno cu tin miedo di pregunta, tin miedo di duna cuenta. Nan no ta tuma decision E proceso pa regula sector di UTV y ATV a cuminsa desde 2021. Gobierno actual a haya e trabou, e documentonan y e recomendacionnan den su man. Despues di mas di un aña, nan no a completa e proceso, no a presenta solucion y awor nan ta busca ken pa culpa. Gobernacion no ta señala dede riba otro. Gobernacion ta tuma decision na bienestar di Aruba. Djis hisa benta baranca cera paso pa tur hende, no ta tuma decision drechi. Mas di 500 dia sin un LIM

nobo Gobierno a critica e maneho anterior, pero Presupuesto 2027 ainda ta basa riba e Ley di Integracion Ministerial cu Gobierno Wever-Croes a laga atras. Despues di mas di 500 dia, AVP-FUTURO no a entrega un LIM nobo. Nan ta papia di cambio, di bolter cos, pero ta goberna cu e mesun instrumento cu nan mes a critica.

di salud no por wordo goberna cu improvisacion, mester tuma decision.

Tin placa pa inverti, pero Gobierno no por ehecuta Na 2025 AVP-FUTURO a gaba cu tin un suma record di Afl. 74 miyon disponibel pa inversion, pero solamente Afl. 30 miyon a wordo ehecuta: 40%.

E problema no ta solamente falta di placa. E problema ta falta di direccion, capacidad y decision. Puntonan cu e minister di finansa ta nenga pa investiga y soluciona. Mas Gobierno tarda pa ehecuta, mas caminda, scol, edificio publico y otro facilidadnan ta sigui deteriora.

Nan kier entrega mas poder na Hulanda Mientras AVP-FUTURO no por ehecuta su propio presupuesto y no ta fortifica control interno di Aruba, nan kier convence pueblo cu HOFA ta e solucion. Nan ta dispuesto pa entrega parti di Aruba su autonomia financiero, pasobra nan mes no tin confiansa den nan capacidad pa pone cas na orden. Solamente un Gobierno cu no por goberna, ta busca un otro pa goberna p’e.

Ora nan wordo confronta, nan ta culpa otro Hospital y AZV ta bou di presion E siman aki Hospital ta alerta cu mas placa ta necesario, mientras e fondo di AZV ta enfrenta presion creciente. En bes di presenta un plan cla pa garantisa cu cuido medico ta keda pagabel y accesibel, Gobierno ta reacciona solamente ora problema ta explota. Cuido

responsabilidad pa goberna. Nan a pidi voto di pueblo. Nan a priminti pa bolter cos y politica nobo. Anto awor nan ta nenga pa acepta cu poder ta bin cu responsabilidad.

Si un contract cuestionabel bira publico, nan ta culpa oposicion. Si un proceso keda pega, nan ta culpa Gobierno anterior. Si pueblo protesta, nan ta hunga victima. Si nan no tin contesta, nan ta ataca e persona cu haci e pregunta.Poder ta bin cu responsabilidad AVP-FUTURO

a

pidi

e

Aruba no por sigui wordo goberna cu excuus, manipulacion y panico. Nos tin problema serio den salud, finansa publico, costo di bida, naturalesa, siguridad y funcionamento di Parlamento. E momentonan aki ta exigi liderazgo firme, transparencia y capacidad pa tuma decision. Ken ta kere ainda den AVPFUTURO? AVP-FUTURO kier bende Pueblo cu nan a gana un eleccion, pero gana eleccion no ta mescos cu por goberna un pais.

E pregunta cu cada ciudadano mester haci awor ta: Despues di tur loke nos a mira, ainda tin hende cu ta kere cu AVP-FUTURO por goberna Aruba? Aruba no mester mas excuus. Aruba mester un Gobierno cu por goberna.


P8

DIAbierna 11 september 2026

Parlamentario Shailiny Tromp-Lee:

como Presidente di Comision di CFOCS a pidi pa yama reunion di urgencia encuanto e situacion preocupante na Horacio Oduber Hospital Parlamentario Drs. Shailiny Tromp-Lee, den su funcion como Presidente di Comision Fiho di Finansas, Organisacion Gubernamental, Cultura y Deporte (CFOCS) di Parlamento, a manda instruccion oficial na e Griffier di comision pa convoca reunionnan cu e stakeholdersnan envolvi den e crisis di Horacio Oduber Hospital (HOH). E peticion ta pa e reunionnan den e comision aki tuma luga otro siman mes.

informa al respecto, mientras cu Parlamento mes, como representante di pueblo, no tin ningun informacion.

Preocupacion comunidad y informacion

"Nos no por keda man crusa ta spera mientras e noticianan y e incertidumbre ta sigui crece. Como Parlamento, nos tin e responsabilidad di actua. P’esey, como Presidente di e comision, mi a pidi pa yama e stakeholdersnan di hospital na mesa pa scucha di nan mes cua ta e realidad, y despues stipula

falta

den di

E noticianan cu ta circulando encuanto e situacion financiero y operacional alarmante na Horacio Oduber Hospital (HOH) ta sigui genera hopi preocupacion den nos comunidad. Hasta Gobernador a keda

di e situacion di HOH. A base di e informacion y e resultadonan di e combersacionnan cu e stakeholdersnan, lo tuma e decision pa invita e Minister di Salud Publico pa un reunion cu e comision of pa convoca un Reunion Publico (Openbare Vergadering OV) si esaki resulta di ta necesario.

Mirando e falta di claridad y transparencia di parti di e Minister di Salud Publico, cu te cu awor no a sali duna e splicacion necesario ni brinda trankilidad na pueblo, Parlamento mester tuma e liderazgo pa atende e asunto aki cu e urgencia cu e merece.

Tromp-Lee ta reitera cu e meta principal ta pa brinda claridad y trankilidad na e comunidad y na tur e personal di cuido. "Ora ta trata di salud di nos pueblo, no tin luga pa silencio ni pa tardansa.

e pasonan di urgencia cu mester wordo tuma," Tromp-Lee a declara.

Transparencia y solucion

Tuma accion pa Preveni, Proteha y Stop Dengue Con nos por stop Dengue?

structural E obhetivo principal di e reunionnan aki den e comision fiho ta pa haya un bista completo y cla

Nos mester di transparencia y nos mester di solucionnan structural pa garantisa cu nos hospital ta keda funciona di manera stabiel, sigur y pa bienestar di nos tur.”


P9

DIABIERNA 11 DI SEPTEMBER 2026

ORANJESTAD – 9 di september 2026 – E decision di Corte awe den e caso di e ceramento di e caminda di tera na nos costa norte ta mustra, un biaha mas, e resultado di 500 dia di un gobierno AVPFuturo cu ta falta accion, liderazgo y decision. En bes di cu e gobierno tuma responsabilidad y busca un solucion cu ta balansa proteccion di nos naturalesa cu e interesnan di nos comunidad y e sector turistico, awor ta Corte ta obliga gobierno pa sinta na mesa cu ABC y e touroperators pa busca un solucion rasonabel y practico. Corte a duna gobierno un tempo di 5 siman, te 15 di oktober 2026, pero bou di e condicion cu gobierno den e proximo siman determina un fecha y ora pa sinta, y si ta necesario mas cu un biaha, cu ABC – e partido cu a inicia e caso – y e touroperatornan pa yega na un solucion. E juez ta laga bon cla cu gobierno mester tuma e iniciativa - eigenlijk nan

Evelyn Wever-Croes:

E PROBLEMA DI UTV/ATV TA E PRIJS DI 500 DIA GOBIERNO AVP/FUTURO:

UN GOBIERNO CU NO TA TUMA DECISION, PERO TA LAGA OTRO DICIDI PA NAN

mester a tume caba prome cu cera e caminda cu baranca - y cu tur partido mester tira awa den biña pa un acuerdo por logra. Esaki ta wordo considera un “brevet van onvermogen” pa e gobierno. Despues di 500 dia den gobierno, ainda AVP y Futuro no

Gobierno y UTV’s/ATV’s tour operators ta firma protocolo pa fortalece dialogo riba turismo y cuido di nos naturalesa Gobierno di Aruba y seis tour operators a firma un protocolo di colaboracion pa fortalece e dialogo riba e maneho di actividadnan turistico den nos area natural. E acuerdo a sigui e decision reciente di hues, cu habri caminda pa continua e consulta entre

Gobierno, e operadornan di tour riba UTV’s y ATV’s y otro stakeholder. Prome Minister mr. Mike Eman a expresa satisfaccion cu e decision, indicando cu esaki ta ofrece un oportunidad pa sigui traha riba un balansa

tin un solucion, siendo cu nan a haya tur documento di ex Minister Ursell Arends durante e traspaso. Peor ainda: e gobierno no ta tuma ningun decision mes, pero ta prefera pa un hues dicidi ki ora y con nan mester sinta na mesa. Esaki ta berguensa!

entre proteccion di naturalesa y e continuidad di e actividadnan turistico. Segun e Prome Minister, e meta ta conserva e patrimonio natural di Aruba mientras cu ta garantisa cu turismo sigui aporta na e desaroyo economico di pais. El a invita tambe otro tour operators pa uni nan na e proceso di dialogo. Minister di Turismo, Transporte y Labor, mr. Wendrick Cicilia, a destaca cu e sector di tour operators y tour guides ta un parti integral di e experiencia turistico cu Aruba ta ofrece. El a enfatisa cu e mesun sector ta reconoce e importancia di proteha nos recursonan natural y cu, a traves di consulta y cooperacion, ta

E pregunta ta simpel: pa kico nos tin un gobierno si e gobierno no ta goberna? Aruba mester un gobierno cu ta tuma responsabilidad, cu ta actua y cu ta busca solucion, no un gobierno cu ta warda te ora un hues obliga nan pa haci loke nan mes mester a haci desde promedia. 500 dia di gobierno AVP-Futuro ta e prijs di un gobierno cu no ta tuma decision ni accion, pero ta prefera pa otro dicidi pa nan.Nos por haci miho. Cambio ta e decision pa tuma responsabilidad, pa actua y pa pone Aruba prome.

posible logra solucionnan sostenibel cu ta beneficia tanto naturaleza como economia. Minister di Vivienda, Inf rastr uctura, Servicio Interno y Telecomunicacion drs. Rene Herdé a agradici e operadornan di UTV’s/ ATV’s cu a firma e protocolo, reconociendo e esfuerso cu nan a haci durante hopi aña pa logra un espacio di dialogo. Segun Herde, e firma di e protocolo ta confirma e compromiso comparti pa sigui dialoga y traha hunto

te ora yega na un solucion duradero. El a enfatisa cu Gobierno lo sigui sinta na mesa cu e sector pa sigui construi un futuro cu ta balansa e interesnan di naturalesa, turismo y desaroyo economico. Cu e firma di e protocolo, Gobierno y e UTV’s/ ATV’s tour operators a reafirma nan compromiso pa continua e dialogo y desaroya e medidanan cu fortalece tanto e conservacion di nos patrimonio natural como un sector turistico sostenibel pa Aruba.


P 10

DIABIERNA 11 DI SEPTEMBER 2026

Carlos Bermudez ta confronta hipocresia di MEP:

“Nan no por pretende awor cu nan ta defensor di tour guides” Bermudez ta cuestiona con Dangui Oduber, kende tabata Minister di Turismo durante e administracion anterior, por presenta su mes awe como aliado di e tour guides, mientras cu bou di su responsabilidad ministerial gobierno a permiti diseño y aprobacion di e plan aki. ORANJESTAD (9 di september 2026) – Parlamentario di AVP ing. Carlos Bermudez ta cuestiona fuertemente e postura cu oposicion, y particularmente parlamentarionan di MEP Dangui Oduber y Hendrik Tevreden, ta tuma ayera como supuesto defensor di tour guides y operadornan di UTV y ATV. Segun Bermudez, documentonan oficial ta demostra cu, durante administracion anterior, ta precisamente Gobierno di MEP/RAIZ a diseña y aproba un plan pa elimina e actividadnan aki completamente pa aña 2030. Bermudez a presenta documentonan di 2021 den cual lider di MEP, Evelyn Wever-Croes, a describi e tournan como un “problema”, “desordo”, “peliger” y “molester”. E plan di coalicion MEP/ RAIZ tabata contempla un prohibicion di importacion di vehiculonan UTV y ATV, paralisa otorgamento di vergunning comercial nobo y finalmente elimina e tipo di operacion aki. Ademas, e gobierno anterior

tabata desea forma un Task Force cu participacion, entre otro, di Ministerio Publico y Cuerpo Policial Arubano. Segun Bermudez, esaki ta demostra un intencion firme pa trata y hasta criminalisa actividadnan di tour guides, en bes di busca un solucion conhuntamente cu e sector. “Tur esaki a wordo dicidi sin invita e sector pa un dialogo serio, sin sinta cu e tour guides y operadornan pa comprende nan realidad y busca solucionnan hunto. P’esey ta sumamente falso pa awe parlamentario di MEP bisa cu nan lo lucha banda di e mesun operadornan cu nan gobierno tabata prepara pa elimina,” Bermudez a declara. Parlamentario Bermudez tambe a señala un documento aproba door di Conseho di Minister dia 19 di september 2024, apenas algun luna prome cu eleccion. E documento ta stipula cu solamente tres ruta lo keda disponibel, como parti di un proceso cu lo conduci na eliminacion total di e operacionnan pa 2030.

“Mi ta lamenta cu, den nan desesperacion, tour guides a acepta sosten cerca politiconan di oposicion, mientras cu ta nan mes a hinca tur e plan aki den otro. Oduber y Tevreden mester duna cuenta di nan propio decisionnan prome cu nan pretende cu nan ta lucha pa e sector,” Bermudez a expresa. Segun e parlamentario di AVP, un solucion sostenibel por wordo haya solamente door di dialogo directo y transparente. Esaki mester tuma luga na mesa cu representantenan di gobierno, parlamento, sector turistico, organisacionnan ambiental y, mas importante ainda, e propio tour guides y operadornan. “No por sigui dicidi tras di porta cera, solamente cu minister cu ta sostene postura di Aruba Birdlife Conservation, sin un representacion cu ta para pa turismo y economia, y cu algun hefe di departamento publico. E hendenan cu nan pan ta depende di e actividad aki mester forma parti di e combersacion,” Bermudez a enfatisa.

Bermudez ta agrega cu e caso, manera cu e ta, no ta limita su alcance solamente na UTV y ATV, sino tabata papia di vehiculonan motorisa en general. Esaki por a inclui bus, van, jeep y hasta auto familiar, afectando no solamente tour guides, sino potencialmente henter comunidad. Parlamentario Carlos Bermudez ta reitera cu proteccion di naturalesa y desaroyo turistico no mester ta enemigonan di otro. Sinembargo, pa logra un balansa realistico,

gobierno ta papia cu e sector, establece regla cla, y busca solucionnan cu ta proteha tanto naturalesa como trabou y entrada di famianan Arubano. Bermudez ta satisfecho cu gobierno a pidi pa pospone e caso entama door di Aruba Birdlife Conservation caminda Huez ta pidi e stakeholders pa bin na mesa y ta spera cu e organisacion lo sa haci caso di esey tambe pa beneficio di e propio naturaleza, cientos di famia den e sector aki y e bienestar di e isla en general.


P 11

DIABIERNA 11 DI SEPTEMBER 2026

Minister Dowers a duna inicio na SITA Borders User Forum

Durante dos dia, Aruba ta punto di encuentro pa representantenan di diferente gobierno y representante di e sector turistico di diferente pais durante un forum internacional organisa pa SITA, cu a tuma luga na Embassy Suites Aruba. Expertonan for di diferente pais di Caribe y Central America a bin hunto den e forum den cual a haya informacion valioso relaciona cu technologia moderno den e sector di biahamento. SITA ta un organisacion lider mundial den tecnologia di informacion y comunicacion pa sector di aviacion. Su solucionnan

ta uza pa aerolineanan, aeropuertonan y gobiernonan rond mundo, entre otro den areanan di proceso di pasahero, identidad digital y biometria, intercambio di informacion, operacion di aeropuerto y control di frontera. Minister di Husticia, mr. drs. Arthur Dowers, a duna inicio na e forum internacional aki. Den su mensahe, Minister Dowers a enfatisa importancia di tecnologia moderno pa fortalece control di frontera cu enfasis riba siguridad, pero a remarca cu tecnologia so no ta suficiente.

E forum ta enfoca riba desaroyonan tecnologico cu ta transforma e sector di aviacion y maneho di frontera, entre otro digitalisacion di proceso di biahe, identidad digital y biometria, proceso di pasahero, intercambio di informacion y solucionnan cu ta contribui na operacionnan mas eficiente y sigur. Pa Aruba, como un isla cu un aeropuerto internacional y unda conectividad cu resto di mundo ta esencial pa nos economia, un control di frontera moderno y efectivo ta di gran importancia. E desaroyonan tecnologico ta crea oportunidad pa sigui modernisa proceso, pero na mes momento ta exigi personal prepara, bon cooperacion entre e diferente instancianan y intercambio efectivo di informacion. Minister Dowers a gradici SITA pa a scoge Aruba como anfitrion di e conferencia aki. Segun e Minister, e escogencia ta brinda

Aruba e oportunidad pa reuni expertonan y partnernan internacional y pa intercambia conocemento y experencia riba desaroyonan cu ta importante pa futuro di biahamento y siguridad di frontera.

Durante dos dia, participantenan ta intercambia conocemento y experencia y conoce mas tocante solucionnan tecnologico y desaroyonan cu ta sigui determina futuro di biahamento y control di frontera.


P 12

DIABIERNA 11 DI SEPTEMBER 2026

LA CABANA SPORTS WEEK 2026 WAS AN OUTSTANDING CELEBRATION OF TEAMWORK, SPORTSMANSHIP, AND ASSOCIATE SPIRIT!

The resort’s Social Committee was tasked with organizing a weeklong unforgettable sports week, targeting all associates, families, and supporters, who were invited to participate and cheer their loved ones along. The week featured exciting competitions including Fishing, Kickball, Futsal, and Domino, with outstanding performances from teams across the resort. Congratulations to all champions, including Adriana Tromp, Fishing Champion, Pool & Beach's Los Torturadores, Kickball Champions, and Housekeeping's Los Galacticos, who became the Futsal Champions. The resort is also proud

to recognize Lynette DoNascimento, Assistant Front Office Manager, as its 2nd Quarter Leader, for her exceptional leadership capabilities and dedication to the workplace. Lynette was singled out during sports week events, for her exceptional service of the resort. All competitions were friendly, unfolding to the soundtrack of Jerino Bass & Friends. The events demonstrated what makes La Cabana Beach Resort & Casino special, a spirit of camaraderie, family-feel, and lively engagement, in celebration of the associates, under the slogan: We Celebrate You. Congratulations to all winners, thank you for making Sports Week 2026 a tremendous success!


P 13

DIABIERNA 11 SEPTEMBER 2026

!!WHATCH OUT!!! WAK PA BO PONE ATENCION ORA BO TA TANK, PA NAN NO HORTA BO TAS OF CARTERA!

Señor ta mi wardador, mi’n tin falta di nada Den cunucu di yerba e ta ponemi sosega. Señor ta wardador, mi’ntrankil. tin falta di nada E mi ta hibami na awa Den cunucu yerbahaña e ta forsa. ponemi sosega. Pa midibolbe E ta hibami na awa Salmo: 23 trankil. Pa mi bolbe forsa.cu boluntad di Cu dolor na nos curason; perohaña conforme Salmo: 23 Dios nos ta anuncia fayecimento di: Cu dolor na nos curason; pero conforme cu boluntad di Dios nos ta anuncia fayecimento di:

Na nomber di su:

Diamars madruga a drenta informe di unbcaso di ladronicia na e pompstation na Sasaki. Aki ora un dama tabata tank su auto ladronnan femenino a bay cu e tas cu pertenencianan den dje. Polis a ser avisa di e caso aki y ta investigando. Polis a ricibi e grabacion di e camaranan di seguridad.

Leno Patricio Angela mihor conoci como: ”Lino” Leno Patricio Angela *22-09-1941 - †31-082026 mihor conoci como: ”Lino” *22-09-1941 - †31-08- 2026

Na nomber di su: Mayornan: † Carlito y † Maria Angela- Kock Mayornan: † Carlito y † Maria Angela- Kock Rumannan: Velia Angela Rumannan: Sra. vda Marie Angela-Bislip Angela †Velia Carlos Angela Sra. vda Marie Angela-Bislip † Augustina Angela † CarlosAngela Angela †Alberto † Augustina Angela †Thomas Angela Angela ††Alberto Ciro Angela †Thomas Angela Angela † Jeannie Trimon† Ciro Angela Angela †Vilma † Jeannie Trimon- Angela Sobrinonan: †VilmaAngela, AngelaMarcel y Liliana Angela, Giannino Trimon Danilo Sobrinonan: Sobresobrino(a)nan: Danilo Angela, Marcel y Liliana Angela, Giannino Trimon Xeanderick Trimon, Xiandra Kock Sobresobrino(a)nan: Cuña : Xeanderick Trimon, Xiandra Kock † Sra. Catharina Angela-Maduro Cuña : Ayudante: † Sra.Coello Catharina Angela-Maduro Dalys Ayudante:di cas: Amiganan Dalys Growell Coello Roosje Amiganan cas: Cosma Kockdi y famia Roosje Growell Primo y Primanan, Amigo y Amiganan, Bisiñanan, conocirnan CosmaFamia: Kock y Angela, famia Kock, Trimon, Bislip, Maduro Demas Primo y Primanan, Amigo y Amiganan, Bisiñanan, Rasmijn, Thode, Wester, Garcia, Kelly y demas famia conocirnan Demas Famia: Angela, Kock, Trimon, Bislip, Maduro Rasmijn, Thode, Wester, Garcia, Kelly y demas famia

Ta wordo invita pa condolencia y acto di entiero diasabra 12 di september 2026 for di 9’or pa 11’or di mainta na Aurora Funeral Home y despues lo sali bai pa santana Catolico na Sta. Cruz.


P 14

DIABIERNA 11 DI SEPTEMBER 2026

Premier Eman: Nos responsabilidad ta busca e balans den interes general di Aruba representa general di Arubiano.

Prome Minister Mike Eman a reacciona riba

e decision di Hues pa pospone e tratamento

di e caso relaciona cu actividadnan di UTV/ ATV y proteccion di naturalesa pa cinco siman, creando asina espacio pa e partidonan sigui dialogo. Segun Premier Eman, esaki ta den liña cu e peticion cu Gobierno a haci precisamente pa evita cu e situacion sigui escala y pa crea oportunidad pa busca un solucion cu por funciona den practica.“Loke nos ta busca ta un balans. Un balans entre proteha nos naturalesa y, na mes momento, tene cuenta cu e actividadnan recreativo y turistico y cu e hendenan cu ta gana nan pan di cada dia den e sector aki,” Premier Eman a expresa. Eman a enfatisa cu den un asunto caminda tin diferente interes, Gobierno no mester posiciona su mes como partido contra un otro, sino mantene su responsabilidad pa

e interes comunidad

Segun Premier, hustamente den e situacionnan caminda e posicionnan por bira extremo, ta importante pa Gobierno, e institutonan y tur otro actor envolvi mantene e capacidad pa acerca otro y busca un punto di ekilibrio. “Nos responsabilidad como Gobierno ta pa busca e balans aki. Cualkier paso cu nos tuma mester ta guia pa e interes general di Aruba,” Eman a indica. E decision di Hues ta duna cinco siman adicional pa e proceso aki. Gobierno mester determina ainda awe un fecha y ora pa reuni

cu ABC (Aruba Bird Life Conservation) durante e siman cu ta bin, mientras cu Hues tambe a indica cu tur partido, incluyendo tour operators, mester demonstra disposicion pa acerca otro. Pa Premier Eman, e periodo aki mester uza precisamente pa baha tension, acerca partidonan y busca un solucion responsabel, caminda proteccion di flora y fauna por bay hunto cu continuidad di actividad economico y turistico. “Gobierno ta cla pa carga su responsabilidad den e proceso aki. Nos no ta busca un ganador y un perdedor; nos ta busca un solucion cu ta sirbi Aruba.”


P 15

DIABIERNA 11 DI SEPTEMBER 2026


P 16

DIABIERNA 11 SEPTEMBER 2026 Den paz mi lo drumiy sosega pasobra ta bo so, Sefior ta laga mi biba sigur. Salmo: 4:8

Cu imenso dolor na nos curason, pero conforme cu Dios su boluntad, nos ta anuncia fayecimento di nos Mama, wela, bisawela, tatarawela, suegra y prima stima: Na nomber di su: Esposo: †Everard Henriquez Yiunan: †Romulo (Ronnie) y Juana (Anchi) Henriquez-Winterdaal Sonia y †Coenradus Quasters-Henriquez Ruben R. y Mireya Henriquez-Alvarez

Delfina Henriquez-Erasmus Mihor conoci como: Dudu

Nieto y Nieta nan: Maroushka (Uca) y Hubert Flanegien-Henriquez

*24 December 1933 - †5 September 2026

Zulaika (Zuli) y Robert (Robby) Solognier-Henriquez Eroll y Xia-Ru Henriquez-Li, Varoussia (Usha) Solognier y Yiu Elysiah Pinzon Jay y Tracy Quasters-Creusen, lan Quasters, Yaremi y Ranzinho Saladin-Henriquez Ruben A. Henriquez y Jahaira Lopez Bisanieto y Bisanieta nan: Genrick Flanegien y Thami Figaroa, Jonrick Flanegien y Nydie Moreno Castro Robert Solognier, Elijah Solognier y Sonella Cardenas Justin Solognier y Sharyl Robles de Medina, Nigel Quasters y Gwen Daniel Quasters, Yarzinha Saladin, Rayzhir Saladin, Ethan Henriquez, Elias Henriquez Tataranieto: Zayden Solognier Rumanan: †Henny y †Ninita Erasmus-Arends y famia, †Editha y †Feli Pereira-Erasmus y famia,Alberto y †Mina Erasmus-Boekhoudt y famia, †Andres Erasmus,†Martin y †Ramonita (Nita) Erasmus-Werleman y famia, †Mathilda (Tila) y †Gregorio (Goy) Erasmus-Angela y famia, †Nemencio y †Robertina (Inchi) Eramus-Werleman y famia Suegroy Suegranan, Sobrina y Sobrinonan, Prima y Primonan, Swa y Cuñanan, Comer y Compernan Demas famia: Erasmus, Henriquez, Winterdal, Pereira, Angela, Werleman, Briezen, Arends, Boekhoudt, Solognier, Li, Flanegien, Figaroa, Moreno Castro, Cardenas, Robles de Medina, Pinzon, Gamara, Webb, Lacle, Maduro, Quasters, Lopez, Saladin, Feliciana, Dijkhoff, Loopstok Acto di entiero lo tuma lugarDiasabra 12 September 2026, na Misa Santa Filomena na Paradera di 9’or pa 11’or di mainta, despues pa Santana Catholico na Paradera. Resamento na cas lo tuma lugar Diahuebs 10 di September 2026 di 7’or pa 9’or di anochi na Piedra Plat 55-F (cas di Dudu).

Acto di Condolencia na Aurora Funeral Home diabierna 11 di September 2026 di 7’or pa 9’or di anochi. Nos disculpa si den nos tristesa nos por ailubida algun Famia.


Turn static files into dynamic content formats.

Create a flipbook
Diabierna september 11 2026 by Solo DI Pueblo - Issuu