Issuu

DIABIERNA 9 OCTOBER 2026

9 OCTOBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

ARUBA TIN DERECHO DI SA E BERDAD:

HERIDANAN PROFUNDO TA HABRI DI NOBO

HUES A SUBI CASTIGO PA MIEMBRO DI GUARDA COSTA CU A HORTA MOTOR DI BOTO Y INTENTO DI PISCA CALCO

DIAbierna 9 october 2026

Edsel Winklaar ta destaca importancia di traha hunto separacion y exportacion di desperdicio cu ta tuma luga na Boneiro. Prome Minister Eman tambe a bishita un di e dos dumpnan cu tin na Boneiro esta na Lagoen, caminda a haya un explicacion di e forma cu SELIBON ta maneha diferente categoria di desperdicio y e retonan cu e compania ta enfrenta.

Director interino di SELIBON ta positivo riba posibilidad di cooperacion entre e islanan ABC pa procesamento di desperdicio Director interino di SELIBON na Boneiro, Edsel Winklaar, a expresa su actitud positivo tocante e posibilidad di un cooperacion regional entre Aruba, Boneiro y Corsou pa maneho y procesamento di desperdicio. Winklaar a haci e declaracion durante un bishita di

Prome Minister Mike Eman na e compania di maneha desperdicio na Boneiro esta SELIBON, caminda a intercambia idea riba e posibilidad di desaroya un modelo regional pa procesamiento di desperdicio di e islanan ABC. Durante e bishita, director interino Winklaar a brinda un presentacion riba e operacion di SELIBON, incluyendo e diferente proceso di coleccion,

Un di e aspectonan cu Winklaar a destaca ta e importancia di cooperacion pa por enfrenta retonan cu cada isla individualmente ta experimenta. Segun e director interino, tanto SELIBON como Gobierno di Boneiro ta habri pa explora e posibilidadnan di un colaboracion regional. “Si bo ta hunto, nos tin mesun pensamento, mesun idea, e retonan bo por kita,” Winklaar a expresa. Durante e recorido, Winklaar a splica con SELIBON ta organisa su sistema di coleccion di desperdicio. Boneiro tin diferente facilidad caminda ciudadano por entrega material cu despues ta separa y prepara pa su procesamento. E director a menciona cu cierto categoria di desperdicio, incluyendo desperdicio biomedico, ta wordo colecta y deposita den container special, cu posteriormente ta transporta via lama pa Hulanda, caminda nan ta pasa door di procesamento. E sistema aki ta mustra un di e retonan cu Boneiro

ta enfrenta, paso cierto tipo di desperdicio mester transporta pa exterior pa por procesa den un forma adecuado. Den e contexto aki, e posibilidad di un solucion regional entre Aruba, Boneiro y Corsou por representa un alternativa cu merece investigacion adicional. Winklaar a indica cu durante e encuentro cu Prome Minister Eman a intercambia pensamento riba e posibilidad di un proyecto regional y e pasonan cu eventualmente mester tuma pa sigui desaroya e idea. E director interino a menciona cu e dialogo lo continua cu e partnernan na Corsou, mientras cu tambe ta importante pa mantene contacto cu e instancianan Hulandes cu ta involucra den e proceso. Un aspecto cu a surgi

durante e intercambio ta e transporte di desperdicio entre e islanan. Pa un eventual sistema regional funciona, lo mester evalua e posibilidadnan logistico, incluyendo transporte maritimo di container y e manera cu material por wordo move entre Aruba, Boneiro y Corsou. A pesar di e retonan cu un proyecto di e magnitud aki por presenta, Winklaar a expresa optimismo tocante e posibilidad di cooperacion. Segun e director, e boluntad pa traha hunto ta presente tanto na nivel di SELIBON como na nivel di e Gobierno di Boneiro (OLB). E bishita di Prome Minister Eman na SELIBON a brinda oportunidad pa conoce e experiencia di Boneiro y pa identifica varios punto di interes comun cu por forma base pa dialogo adicional entre e tres isla.

DIAbierna 9 october 2026

Evelyn Wever-Croes:

ARUBA TIN DERECHO DI SA E BERDAD: HERIDANAN PROFUNDO TA HABRI DI NOBO

ORANJESTAD E anotacionnan personal di Reina Beatrix tocante Betico Croes a habri heridanan profundo na Aruba. E famia di Betico no a pidi pa esaki. E pueblo di Aruba no a pidi pa esaki. Pero awor cu e palabranan aki a bira publico, nos tin tur derecho pa sa kico tabata kiermen cu nan. P’esey fraccion di MEP a haci preguntanan na gobierno di Reino, a traves di gobierno di Aruba, pa haya aclaracion. Den e anotacionnan ta bisa: “Tijd winnen! Hij zal eens wegvallen. Dat afwachten.” Traduci na papiamento: “Gana tempo! Un dia e lo no t’ey mas. Warda riba esey.” Kico nan tabata kiermen cu “wegvallen” of “un dia e lo no tey mas”, di un persona di apenas 40 aña? Algo asina ta wordo bisa di un persona di edad halto, no di

un persona hoben y salud. Ki informacion tabata den man di e gobierno Hulandes na e momento ey? Tabatin scenario, nota di maneho, plan of un draaiboek cu tabata tene cuenta cu e posibilidad cu Betico Croes lo no tey mas un dia, como factor politico, of talbes di otro forma? “Nos no ta haci e preguntanan aki pa specula. Nos ta haci nan pasobra e historia di Aruba y e lucha di Betico Croes pa nos Status Aparte ta demasiado importante pa laga preguntanan di tal peso sin contesta. Na Aruba, y specialmente den MEP, nos tin desde hopi tempo e sentimento cu Hulanda a pone obstaculo pa Aruba y pa Betico Croes. E anotacion personal aki ainda no ta un confirmacion di esey. Pero e ta haci e preguntanan

cu nos tin mas urgente. E ta exigi aclaracion” segun lider di MEP y subrina di Betico, Evelyn Wever-Croes. Pueblo di Aruba tin derecho di sa kico tabata pasa y kico tabata conoci na e momento. “Nos ta pidi e gobierno di Hulanda pa habri y investiga e archivo relevante, pa pone e documentonan disponibel y pa duna un contesta cla: kico tabata kiermen cu “wegvallen”? Y nos ta spera cu e gobierno di Aruba lo defende e derecho di nos pueblo y lo exigi e contestanan aki activamente. No ta trata di speculacion. No ta trata di acusacion. Ta trata di transparencia, claridad y berdad. Aruba tin derecho riba esaki”.

DIAbierna 9 october 2026

Noticia di Corte

Hues a subi castigo pa miembro di Guarda Costa cu a horta motor di boto y intento di pisca calco ORANJESTAD – Awe mainta Hues a dicta sentencia den e caso penal cu Ministerio Publico a cuminsa contra e miembro di Guarda Costa, e homber E.F. SOLO DI PUEBLO por a compronde cu Hues a declara E.F. liber pa dos acusacion y a haya E.F. culpabel pa e otro acusacionnan. Hues ta haya e castigo cu Fiscal a exigi no ta refleha seriedad di e caso y a subi castigo pa E.F. EXIGENCIA DI FISCAL Dia 17 di September 2026 tratamento di e caso a tuma lugar, caminda Fiscal ta acusa E.F. di malversacion di motor di un boto na cuartel di Guarda Costa, ladronicia y viola ley di arma, di a pisca calco cu ta protehi pa ley na 2025. Fiscal ta haya E.F. culpabel di e acusacionnan y a mustra cu un empleado di Guarda Costa, ta viola ley. Pa cu e castigo, Fiscal a bisa cu e ta tene cuenta cu esaki ta un caso bieu cu a crece for di un otro caso. Fiscal a tene cuenta cu E.F. a abusa di su posecion, envez di duna ehempel. El a exigi 100 ora di trabao pa E.F.

trece e motor bek. Hues a bisa cu e no ta kere declaracion di E.F. cu e no a horta sino cu a bay pone e motor pa test riba un otro boto.

SENTENCIA Ayera mainta E.F. door di ta malo no a presenta den Corte. Su abogado mr. Carlo si tabata presente. Hues a bisa cu e ta declara E.F. liber di e acusacion di labamento di placa di municion, y pisca calco. Hues a bisa cu na Guarda Costa no tin maneho estableci kico ta haci cu municion y flare cu a caduca. Hues ta haya cu no por bisa cu e municion tabata malversa. Tambe e piscamento di calco tampoco no a keda proba. Hues a bisa cu tin chat cu E.F. ta papia di piscamento di calco pero no tin ningun indicacion cu el a pisca.

INTENTO DI PISCA CALCO Hues a bisa cu tambe e ta haya proba e intento di pisca calco. Hues a mustra cu tin chat entre E.F. cu M. caminda nan ta papia di bay pisca calco pero E.F. no a bay. Pesey Hues ta considera cu esaki ta purba di pisca calco. CASTIGO

CULPABEL DI A HORTA MOTOR DI BOTO

Hues a tuma na malo cu E.F. kier a bay cu un motor y tambe cu e kier pisca calco, siendo cu ta E.F. su deber pa cuida calco cu ta protehi.

Hues a bisa cu e ta haya proba cu E.F. a horta motor di boto na Guarda Costa. Hues a mustra cu tin chat caminda E.F. ta bisa un amiga cu el a horta un motor di boto na Guarda Costa. Despues E.F. a bisa e amiga cu e mester a hiba e motor bek. Hues a sigui bisa cu tambe tin chat cu na hefe den Guarda Costa P., E.F. a bisa cu hunto cu L. a horta motor y P. a bis’e

Hues ta haya cu e castigo exigi pa Fiscal no ta mustra e seriedad di e caso. Hues ta haya cu ta importante pa manda señal cu no tolera esaki. Hues a confirma e 100 ora di trabao pa comunidad y si E.F. no cumpli e lo mester bay 50 dia sera. Hues a pone aserca, un castigo condicional di 1 luna di prison cu un tempo di prueba di 1 aña.

Investigacion accidente mortal UTV Un accidente grave di UTV a tuma lugar riba 13 di september ultimo den cual un muher hoben a perde su bida. Mes ora despues di e accidente a start cu un investigacion pa asina determina kico precies a pasa. Inicialmente e investigacion tabata den man di Cuerpo Policial di Aruba (KPA), pa despues pasa pa Marechaussee (KMar). Keto bay e investigacion ta andando bao guia

di Ministerio Publico di Aruba. Den e periodo despues di incidente, a surgi hopi pregunta den media y tambe di parti di famia di e fayecido, tocante kende tabata stuur e UTV na momento di e accidente. A sugeri cu e muher hoben imposibelmente lo por tabata e chofer. Sin embargo, for di e resultadonan di investigacion disponibel te awor, incluyendo grabacion di video, a sali na cla cu ta e victima

mes tabata stuur e UTV. E investigacion no ta termina ainda. Actualmente tin investigacion tecnico andando. Considerando e atencion di comunidad pa e asunto aki, Ministerio Publico ta haya cu ta importante pa comparti e informacion tocante e chofer alvast cu tur hende pa asina brinda claridad tocante e aspecto aki. Por

lo demas, Ministerio Publico lo no bisa nada mas te cu e investigacion keda full finalisa.

DIAbierna 9 october 2026

DOS MIEMBRO DI CUERPO POLICIAL ARUBA TA REGRESA PA SIGUI SIRBI COMUNIDAD Minister Dowers a felicita ambos funcionario cu nan regreso y a subraya e balor di por conta cu personal cu ya conoce e profesion, tin experencia riba tereno y ta scoge pa pone nan conocemento un bes mas

Diaranson, Minister di Husticia mr. drs. Arthur Dowers a efectua huramentacion di dos miembro di Cuerpo Policial Aruba (KPA), kende despues di un periodo pafo di Cuerpo ta regresa pa sigui nan trayectoria profesional dentro di KPA. Ta trata di E. Perez y N. Hijmering, ambos cu rango di Brigadier Eerste Klasse. Despues di un periodo

pafor di Cuerpo Policial, ambos a opta pa regresa y pone nan conocemento y experencia un biaha mas na servicio di KPA y comunidad di Aruba. Durante e huramentacion, ambos funcionario a formalisa nan regreso y reafirma nan compromiso pa sigui cumpli cu nan responsabilidad como miembro di Cuerpo Policial Aruba.

na servicio di siguridad di Aruba. Minister Dowers a desea E. Perez y N. Hijmering hopi exito den e responsabilidad cu nan ta asumi un biaha mas y specialmente, den nan servicio na nos comunidad.

Cu e huramentacion di awe, ambos funcionario ta oficialmente bek den Cuerpo Policial Aruba, cla pa continua nan labor y contribui na e esfuerso pa mantene Aruba sigur.

DIAbierna 9 october 2026

Dennerich Kelly (AVP):

“E historia di Aruba ta mas grandi cu AVP y MEP” ORANJESTAD – Parlamentario di AVP, Dennerich Kelly, a reacciona riba e revelacionnan reciente tocante anotacionnan personal di Prinses Beatrix. Segun un investigacion publica recientemente, Beatrix a califica e desaroyonan rond di Status Aparte di Aruba na 1983 como “fataal” y a cuestiona pakico Betico Croes mester a causa “asina tanto daño”. Den un video graba na Plaza Betico Croes, Kelly a expresa su lamento tocante e manera cu e lucha historico di e pueblo Arubiano pa su Status Aparte tabata wordo mira

den e anotacionnan aki.

cu partido MEP. Pero e historia di Aruba ta mas grandi cu AVP y MEP.”

“Como Arubiano, mi ta lamenta e manera aki di mira un lucha cu pa nos pueblo tin un nificacion profundo”, e Parlamentario a expresa. Kelly a enfatisa cu diferencianan politico no mester stroba reconocemento di Betico Croes su contribucion historico pa Aruba su Status Aparte. “Betico su contribucion no ta propiedad di un partido politico. E ta parti di e historia di Aruba”, Kelly a declara. E Parlamentario a subraya cu su reaccion ta expresa

Segun Kelly, reconoce Betico su contribucion no ta nifica identifica cu un partido politico, sino duna reconocemento na un figura cu a contribui decisivamente na un logro historico di Aruba.

cu respet pa Cas Real Hulandes y cu comprension pa e complehidad di e decisionnan politico y constitucional durante e decada di añanan 80. Sinembargo, el a destaca cu e lucha pa Status Aparte ta representa un parti

importante di identidad nacional di Aruba, y cu nos historia merece seriedad y dignidad. “Mi ta miembro y Parlamentario di partido AVP. Betico Croes ta identifica historicamente

E Parlamentario a conclui su mensaje cu un yamada pa respet mutuo y reconocemento di nos historia comparti. “Nos por tin diferente color y pensamento politico. Pero prome cu tur cos, nos ta Arubiano. Y nos historia merece respet.”

Symposium: Embehece sin Taboe! Diasabra 24 di october, Directie Ouderenzaken ta organisa un symposium titula: Embehece sin taboe. E symposium aki lo tuma lugar di 8 or di mainta te 1 or di merdia na JOIA Convention Center na Eagle Beach. Entrada ta completamente gratis. E symposium aki no ta pa adulto mayor solamente pero tambe pa esnan cu tin interes pa haya mas informacion di topiconan interesante cu ta relata na embehecemento. Durante e dia aki lo presenta cinco diferente tema cu ta: sexualidad, limitacion, salud mental, deterioro cognitvo y decisionnan na final di bida. Durante cada tema lo ricibi informacion di diferente

professional cu conocemento amplio riba e tema. Teniendo na cuenta cu cada tema lo wordo presenta na mesun momento den diferente sala, por inscirbi solamente pa un tema. E informacion presenta pa tur e temanan lo wordo comparti despues cu esnan cu a inscribi pa e symposium. Por registra: Via telefon na 280-5004 (di dialuna pa diabierna entre 7:30 di mainta pa 4:30 di atardi) -

Via e-mail na info@doz.aw

Via e siguiente link d i g i t a l : h t t p s : // f o r m s . g l e / pmatzRBbpPezQdxE7

Informacion cu mester pa registra ta nomber y fam, number di telefon/cellular, e-mail (si tin) y e tema cu ta scoge pa e symposium. E symposium lo tuma lugar den e Convention Center di JOIA Aruba Hotel. Asina cu drenta e entrada principal y parkinglot di JOIA , e

Convention Center ta keda na bo banda rechts. NO mester drenta via e hotel pa yega na e ballroom. Pa mas informacion por tuma contacto cu Directie Ouderenzaken na telefon 280-5004 for di 7:30 di mainta pa 4:30 di atardi

DIAbierna 9 october 2026

A.T.A. ta sigui inverti den e siguiente generacion di talento local Autentico Student Seminar a conecta hobennan cu profesionalnan di gastronomia y hospitalidad hobennan pa explora nan talento y futuro. Educacion y desaroyo di talento local ta un elemento importante di Autentico Aruba Culinary Festival. Pa medio di e seminario aki, studiantenan por a conoce diferente camindanan profesional y compronde cu exito den hospitalidad y e mundo culinario ta resultado di dedicacion, creatividad, disciplina y aprendizahe continuo. Durante e programa, cuater orador a comparti nan trayectoria, conocemento y experiencia cu e studiantenan.

Aruba Tourism Authority (A.T.A.) a organisa e di dos edicion di Autentico Student Seminar, un seminario educativo cu a reuni mas cu 125 studiantenan di e programa nan di hospitalidad y gastronomia di Colegio EPI y EPB cu profesionalnan cu experiencia den gastronomia, hospitalidad y turismo. Mas cu un celebracion di nos herencia culinario, Autentico ta sirbi como un inversion den e futuro di Aruba, door di brinda hoben talento local acceso directo na conocemento, experiencia y inspiracion for di lidernan den industria. E meta di e seminario tabata pa mustra e diferente oportunidadnan profesional den e industriannan aki y inspira

E prome orador tabata Frank Kelly, mihor conoci como ‘Taki’. Como artista y conocedo di matanan y ingredientenan nativo di Aruba, su presentacion a enfoca riba e rikesa natural cu nos isla tin pa ofrece y e importancia di aprecia y preserva e conocementonan cu a wordo pasa pa nos door di generacionnan anterior. Basa riba e enseñansanan cu el a ricibi for di su wela, Taki a comparti con matanan, yerbanan y ingredientenan local por haya un luga importante den gastronomia moderno. Door di ehempelnan practico, incluyendo e preparacion di su kroketnan di cadushi, el a mustra con innovacion por bai man den man cu respet pa nos herencia cultural y natural. E di dos orador tabata Chef Xalsky Schwengle, un chef priva Arubiano, cu a presenta ‘The Recipe for Lasting Success’. Como un ex-docente cu anteriormente a traha directamente cu hobennan, el a logra crea un conexion natural cu e studiantenan presente. Door di comparti kico el a siña den klas y experiencia cu el a

acumula den industria culinario, su mensahe a enfatisa cu exito no ta pasa di un dia pa otro, sino door di consistencia, dedicacion y e voluntat pa sigui crece tanto personal como profesionalmente. Chef Sebastian Cechet, Culinary Director na Renaissance Aruba Resort & Casino, a brinda un perspectiva internacional basa riba su experiencia amplio den Canada, Francia, Cuba y Turks and Caicos, incluyendo trabou den dos restaurante cu strea Michelin. Durante su presentacion interactivo,’The Science Behind Flavors and Textures’, el a hiba e studiantenan riba un experiencia practico unda nan por a explora con sabor, aroma y textura ta traha hunto pa crea un plato memorabel. Door di demostracionnan y ehempelnan concreto, e studiantenan a haya un comprondemento mas profundo di con diferente elementonan por accentua y enrikece un experiencia culinario, transformando teoria den un experiencia practico cu realmente a capta nan atencion. E ultimo orador tabata Jeison Ramirez, Operations Manager na Remedi Corporation, cu a comparti su experiencia di mas cu dies aña den industria di bebida y

hospitalidad. Como un ex-alumno di EPB, su historia personal a conecta inmediatamente cu hopi di e studiantenan presente. Durante un sesion interactivo, el a papia tocante e arte y ciencia di clarificacion y con e tecnica aki por refina sabor, mehora textura y crea experiencia unico pa huespednan. Ademas, Jeison a mustra cu e mundo culinario ta hopi mas amplio cu solamente cuminda. For di bebida, servicio y innovacion, tin hopi oportunidad profesional den e industria.

Cu e iniciativa aki, Aruba Tourism Authority ta sigui inverti den e siguiente generacion di profesionalnan di Aruba. Door di brinda hobennan acceso directo na experiencia, conocemento y inspiracion for di profesionalnan cu a logra exito den industria, A.T.A. ta yuda nan compronde e oportunidadnan cu turismo, hospitalidad y gastronomia ta ofrece. A.T.A. ta gradici e scolnan, docente y studiantenan cu a participa activamente den e seminario, contribuyendo na exito di e iniciativa y reafirmando e importancia di continua invirti den talento local.

DIAbierna 9 october 2026

Minister Arthur Dowers ta sigui accion di limpiesa y orden publico den centro di Oranjestad

Como parti di e esfuersonan continuo di Gobierno di Aruba pa mantencion di limpiesa, orden publico y siguridad den centro di ciudad, Minister di Husticia Arthur Dowers, a bishita diferente punto den Oranjestad pa observa e trabounan di limpiesa cu ta continua den e area. E biaha aki, atencion special a bay pa e cercania di Corte y otro puntonan den e vecindario caminda durante tempo a surgi preocupacion relaciona cu acumulacion di sushi, uzo inapropia di espacionan publico y situacionnan cu ta afecta e ambiente comercial. Durante e recorido, Minister Dowers a observa e areanan cu ta ricibi atencion, particularmente den cercania di establecimentonan comercial caminda doñonan a expresa nan preocupacion tocante desperdicio y presencia frecuente di

personanan cu ta permanece den e area. E accion ta busca no solamente elimina sushi y mehora condicionnan di e espacionan publico, pero tambe evita cu e sitionan afecta bolbe acumula desperdicio of bira punto di permanencia improvisa. Esaki ta particularmente importante den areanan caminda tin personanan cu ta confronta situacionnan social dificil, incluyendo problema relaciona cu adiccion of salud mental. Gobierno ta reconoce cu e situacionnan aki ta exigi un acercamento cu ta combina mantencion di espacio publico, orden y siguridad cu atencion apropiado pa personanan cu ta den circunstancianan vulnerabel. Minister Dowers ta considera importante cu e preocupacionnan di comerciante y habitantenan den centro di Oranjestad

haya atencion debido, particularmente den areanan caminda e mesun problemanan ta presenta repetidamente. E recorido ta forma parti di e continuidad di accionnan cu Gobierno a inicia anteriormente den Oranjestad, cu e intencion di atende punto pa punto e areanan mas afecta y evita cu, despues di un limpiesa, e situacion bolbe bay for di man. E meta ta pa e esfuersonan no keda limita na accionnan incidental, sino contribui na un centro di ciudad mas limpi, ordena y agradabel pa comerciante, habitante y bishitante. Cu e continuacion di e trabounan, Gobierno ta reafirma su compromiso pa mantene atencion riba e areanan cu mas ta exigi intervencion, cu enfoke riba limpiesa, siguridad y bienestar di comunidad.

DIaBIERNA 9 DI OCTOBER 2026

Parlamentario di AVP, Dennerich Kelly:

“Aruba no por bira un luga unda nos por traha, pero no por biba” Preocupacion di residentenan pa cu aumento di Short Term Vacation Rentals ta valido

ORANJESTAD (7 di october 2026) - E crecemento continuo di Short-Term Vacation Rentals (STVR) ta exigi atencion pa e disponibilidad y accesibilidad di vivienda pa residentenan di Aruba. Parlamentario di AVP, Dennerich Kelly a destaca, durante e conferencia di prensa semanal di fraccion AVP, cu Aruba mester administra e desaroyo turistico y e necesidad di vivienda cu responsabilidad, pa ambos por contribui na bienestar di e pais. Kelly a aclara cu su preocupacion no ta dirigi contra turismo, Airbnb of ciudadanonan cu ta uza nan propiedad pa genera un entrada adicional. E tema central ta con e crecemento di cas di huur na corto plazo ta relaciona cu un mercado di vivienda cu ya ta representa un reto pa hopi residente. “Nos no mester scoge entre turismo y vivienda. Nos mester por administra ambos cu responsabilidad. STVR tin un luga den nos economia, pero e pregunta ta cuanto di nos vivienda Aruba por destina na cas

di huur na corto plazo sin haci acceso na vivienda pa nos propio hendenan ainda mas dificil”, Kelly a expresa. Pa e parlamentario, e debate mester basa riba informacion actualisa cu por duna un bista cla di e desaroyo di STVR y su relacion cu e mercado residencial. E ta considera necesario pa Gobierno sigui e crecemento aki cu data, pa por determina su impacto real y tuma decisionnan fundamenta. Kelly ta reconoce cu STVR no ta e unico factor cu por influencia e prijs y disponibilidad di vivienda. Construccion, disponibilidad di tereno, costo di financiamento y demanda tambe ta forma parti. Precisamente pa esey, e ta considera importante pa evalua e diferente factornan hunto, sin atribui henter e problematica na un solo actividad. E parlamentario a pone enfasis tambe riba e necesidad di vivienda pa e hendenan cu ta sostene nos economia, incluyendo esnan cu ta traha den turismo. E exito

di e industria mester cana hunto cu oportunidadnan pa e trahadornan y nan famia por haya un lugar adecua y accesibel pa biba. “Nos industria turistico ta depende di miles di hende cu tur dia ta bay trabou y ta contribui na Aruba su economia. E hendenan ey tambe mester por conta cu e oportunidad pa yega na un vivienda cu nan por paga”, Kelly a subraya. Kelly ta yama pa un acercamento responsabel cu ta reconoce e contribucion economico di STVR y, alabes, ta duna debi atencion na e necesidadnan di residentenan. E meta ta pa Aruba sigui desaroya como destinacion turistico, mientras acceso na vivienda pa su propio comunidad ta keda un prioridad.

“Nos no por yega na un situacion caminda Aruba ta un lugar excelente pa bishita y inverti, pero

cada biaha mas dificil pa e propio residente haya un lugar accesibel pa biba”, e parlamentario a conclui.

P 10

DIABIERNA 9 DI OCTOBER 2026

Ursell Arends ta Pidi pa Inclui Cuido di Adulto Mayor den Prioridadnan di Inversion Publico Oranjestad, 7 di october 2026 — Den cuadro di e publicacion tocante presupuesto Algemeen Investeringsen Ontwikkelingsfonds 2026 – 2027 (AIOF 2026–2027), a wordo anuncia inversionnan destina, entre otro, pa mehoracion di infrastructura, facilidadnan di enseñansa, renobacion di bario, fortalecemento di servicio di Gobierno, renobacion di facilidadnan publico y stimulacion di desaroyo sostenibel di Aruba. Cada uno di e inversionnan aki por contribui na un pais mas fuerte, sigur y comunidad digno. Sinembargo den e desaroyo importante aki, ta esencial pa Cuido di Adulto Mayor tambe haya e atencion cu e merece. Adulto Mayor a contribui durante hopi aña na formacion di nos comunidad. Ora nan bira dependiente di sosten y cuido, nan mester por conta riba un ambiente adapta na nan necesidadnan di cuido. P’esey mes nos ta urgi atencion pa inclui Cuido di Adulto Mayor como un prioridad strategico den planificacion di inversion publico. Calidad di cuido no ta depende solamente di legislacion y norma, sino tambe di infrastructura adecuado, material necesario, suficiente capacidad y continuidad den financiamiento. Actualmente, e sector ta enfrenta

necesidadnan concreto relaciona cu mantencion, renobacion di facilidadnan y disponibilidad di material pa duna cuido di calidad di berdad. Tras di cada cama tin un hende cu mester di atencion, seguridad y trato cu respet. Segun e datonan disponibel den e sector, casnan di cuido priva ta maneha alrededor di 300 cama, mientras cu SABA ta maneha alrededor di 200 cama. E capacidad aki ta ilustra e rol esencial cu SABA y e casnan di cuido priva tin den Cuido di Adulto Mayor na Aruba. Inversion den Cuido di Adulto Mayor no por wordo posponi mientras ta warda riba adaptacion di legislacion. Cada retraso ta afecta e condicionnan diario den cual Adulto Mayor ta ricibi cuido y den cual cuidadornan ta cumpli cu nan responsabilidad. Medidanan preparatorio y inversionnan dirigi por cuminsa paralel, basa riba un evaluacion transparente di necesidadnan, prioridadnan y costo. Esaki por inclui mantencion urgente, mehoracion di infrastructura, adquisicion di material y fortalecemento di cooperacion cu proveedornan di cuido. E disponibilidad y aplicacion responsabel di recurso financiero ta, por lo tanto, un parti esencial di e discusion. Den e contexto aki, recientemente Gobierno di Aruba a formalisa

un areglo di deposito cu Sociale Verzekeringsbank (SVb) pa un suma di Afl. 50 miyon, cu un duracion di 36 luna y un interes di 3% pa aña. Conforme e informacion publico, e recurso ta destina pa refinanciamento y reduccion di costo di debe di Pais Aruba, y no pa gasto nobo. E precedente financiero aki ta halsa un pregunta legitimo: si por mobilisa recurso disponibel pa refinancia debe, por evalua tambe un opcion legal y financieramente responsabel, pa inverti den Cuido di Adulto Mayor? Un inversion asina ta toca directamente calidad di bida y condicionnan di cuido. Cualke opcion mester proteha obligacionnan di SVb, basa riba un analisis di riesgo y necesidad, y conta cu transparencia, supervision y garantia cla pa pago bek. Mi ta haci un yamada na Gobierno y Parlamento pa inclui Cuido di Adulto Mayor explicitamente den e prioridadnan di inversion y pa restart, den un termino cortico, un dialogo structura cu e dunador di cuido, expertonan financiero y otro partnernan relevante manera haci durante di e Foro Nacional pa Adulto Mayor. E dialogo aki mester conduci na un inventario comparti di e necesidadnan mas urgente, un evaluacion di opcionnan financiero legal y sostenibel, y un plan di accion cu metanan, responsabilidadnan, presupuesto y plazonan cla. Cuido di Adulto Mayor ta un responsabilidad comparti cu ta exigi compromiso y continuidad. E preocupacionnan relaciona cu

Cuido di Adulto Mayor no ta algo nobo. Durante e ultimo añanan, cu participacion di diferente stakeholders, a traha hunto pa desaroya un maneho y vision pa futuro di e sector, cual a wordo traspasa na Gobierno actual. E trabou aki a inclui documentonan importante manera Deltaplan 2023-2033, Waarborging van levenskwaliteit voor ouderen op Aruba (2024) y AAG Adviesrapport Inrichting Verpleging & Verzorging op Aruba (2025). E documentonan aki ta forma un base importante pa sigui traha riba solucionnan structural. Mescos cu Gobierno a duna continuidad na e proyecto di Pasadia, ta importante pa mantene e atencion riba e otro necesidadnan di Cuido di Adulto Mayor. P’esey, mi ta haci un yamada pa Gobierno y Parlamento di Aruba indica e siguiente pasonan, e tempo di implementacion, cu rendicion di cuenta transparente tocante progreso y resultado. Mi persona ta disponibel pa contribui activamente na e proceso, comparti experiencia di e sector y coopera na solucionnan realistico, sostenibel y duradero. Nos no mester perde e progreso cu ya a wordo logra, ni permiti cu nos adultonan mayor bolbe keda atras. E momento awor ta pa traduci e vision comparti aki den accion concreto cu ta garantiza calidad y continuidad di cuido pa nos Adulotonan Mayor.

P 11

DIABIERNA 9 DI OCTOBER 2026

MEP: RECONOCEMENTO TEMPRAN DI PROBLEMA DI TRASTORNO DI DESAROYO DI IDIOMA

“TAAL ONTWIKKELINGS STOORNIS” TA ESENCIAL

instruccion y bo no por controla si e persona a compronde realmente loke bo a bisa, e mensahe por wordo interpreta di un manera totalmente diferente cu loke tabata e intencion. Precisamente p’esey ta importante pa detecta un problema di desaroyo di idioma of habla tempran y pa mayornan, maestro y otro profesional sa unda nan mester pone atencion.

Parlamento a haya un presentacion hopi interesante y valioso di FEPOH tocante problema di desaroyo di idioma (TOS) na Aruba. E presentacion a cuminsa cu un “ice breaker”

interactivo, cu a mustra di un manera simpel pero hopi impactante con grandi e impacto di un problema di desaroyo di idioma por ta riba comunicacion y comprension.

Un di e conclusionnan importante di e presentacion tabata con facil comunicacion por bai robes ora un persona tin dificultad cu comprension of procesamento di idioma of habla. Ora bo ta duna

Reconocemento tempran ta nifica cu por tene cuenta na tempo cu e necesidadnan di e mucha y cu por duna e sosten apropia. Esaki por haci un diferencia importante den e desaroyo, den educacion y eventualmente tambe

den e oportunidadnan di un mucha. FEPOH a indica tambe cu tin necesidad pa mas personal specialisa, ampliacion di nan oficina y mas recurso pa material didactico, incluyendo traduci y adapta metodo existente na Papiamento. Fraccion di MEP ta considera cu e señalnan aki mester wordu tuma na serio. Inverti den reconocemento tempran y bon sosten pa muchanan cu tin un problema di desaroyo di idioma y habla no ta solamente inverti den educacion, sino ta inverti den futuro di nos muchanan y di Aruba.

P 12

DIABIERNA 9 DI OCTOBER 2026

Minister Gerlien Croes ta anuncia y a inaugura instalacion di structuranan multi-deportivo na scolnan:

Colegio Santa Filomena y Colegio Frere Bonifacius

Mas deporte, mas movecion y mas oportunidad pa nos muchanan desaroya nan talento Deportivo na scol. ORANJESTAD, 7 di october 2026 – Minister di Educacion y Deporte, sra. mr. Gerlien Croes, ta anuncia y a inaugura instalacion di structuranan multi-deportivo nobo na dos scol, cu Colegio Santa Filomena y Colegio Frere Bonifacius como e prome dos scolnan cu ta ricibi e structura multi-deportivo como parti di e iniciativa aki. E proyecto ta forma parti di e compromiso pa sigui fortalece infrastructura deportivo na nos scolnan y crea mas oportunidad pa nos muchanan practica deporte y haci movecion durante nan dia escolar. Colegio Santa Filomena ta e prome scol cu a ricibi su structura multi-deportivo nobo, sigui pa Colegio Frere Bonifacius. E iniciativa aki ta solamente e comienso, ya cu mas scol rond Aruba lo sigui beneficia di facilidadnan

similar. Mas espacio pa move, mas oportunidad pa crece Cu instalacion di e structuranan multideportivo, nos muchanan ta haya mas oportunidad pa practica diferente disciplina deportivo, manera futbol y basketball, den un ambiente escolar cu ta stimula movecion, cooperacion y desaroyo fisico. Minister Gerlien Croes ta enfatisa cu deporte ta desempeña un rol fundamental den desaroyo integral di nos muchanan. Ademas di contribui na un bida saludabel, deporte ta siña nan disciplina, perseverancia, respet y importancia di traha hunto. “Nos muchanan merece facilidadnan cu ta stimula nan pa move, descubri nan talento y desaroya nan potencial. Cu e structuranan multideportivo aki, nos ta crea mas oportunidad pa deporte forma parti di nan desaroyo diario. Nos

vision ta pa cada mucha, independientemente di cua scol e ta atende, tin acceso na oportunidadnan pa practica deporte y crece den un ambiente positivo”, Minister Gerlien Croes a expresa. Colegio Frere Bonifacius: inversion den bienestar mientras solucionnan pa alohamento ta den proceso na mes momento. Na Colegio Frere Bonifacius, instalacion di e structura multi-deportivo ta representa un paso positivo pa e comunidad escolar, mientras cu ta sigui traha pa busca solucion pa e situacion di alohamento di e alumnonan y docentenan. Minister Gerlien Croes ta reconoce importancia di atende e necesidadnan di infrastructura escolar y ta enfatisa cu, paralelamente cu e esfuersonan pa soluciona e situacion di alohamento, ta esencial pa sigui inverti den bienestar y desaroyo di nos muchanan. “Mientras cu nos ta traha pa soluciona e situacion di alohamento na Colegio Frere Bonifacius, nos no ta keda sinta warda. Nos ta sigui crea oportunidadnan pa nos muchanan por disfruta di deporte, haci movecion y desaroya nan talento. Nan bienestar y desaroyo ta keda un prioridad”, Minister Gerlien Croes a indica. Un iniciativa cu lo sigui extende na mas scolnan Minister Gerlien Croes ta reafirma su compromiso pa sigui amplia e iniciativa aki na mas scolnan rond

Aruba, cu e meta di promove un cultura di deporte y movecion for di edad hoben. E structuranan multideportivo ta brinda scolnan mas posibilidad pa integra actividadnan deportivo den nan programa diario, mientras cu nan ta stimula participacion, inclusion y un estilo di bida activo. Minister Gerlien Croes ta expresa su aprecio na e directivanan y educadornan di Colegio Santa Filomena y Colegio Frere Bonifacius pa nan dedicacion diario na formacion di nos muchanan. “Esaki ta solamente e comienso. Nos ta sigui traha pa mas scolnan por

beneficia di e iniciativa aki. Cada espacio deportivo nobo ta representa un oportunidad pa un mucha descubri su talento, fortalece su confiansa y desaroya un pasion pa deporte”, Minister Gerlien Croes a conclui. Mas deporte, mas espacio y mas oportunidad pa futuro di nos muchanan!

P 13

DIaBIERNA 9 DI OCTOBER 2026

Aruba ta participa na Caribbean United in Excellence Summit Prome Minister Eman na Corsou ta enfatisa importancia di cooperacion regional y prosperidad comparti entre e islanan di Caribe

Prome Minister di Aruba, mr. Mike Eman, a yega Corsou diaranson 7 di oktober, caminda el a keda ricibi na Aeropuerto Internacional di Corsou na Hato pa Prome Minister di Corsou, Gilmar “Pik” Pisas, y Minister di Desaroyo Economico, dr. Roderick Middelhof. E bishita di Prome Minister Eman ta den cuadro di e conferencia regional Caribbean United in Excellence Summit, cu ta tuma luga di 7 te cu 11 di october 2026. E encuentro ta reuni diferente lider politico di Caribe pa dialoga tocante cooperacion regional, desaroyo economico, inversion y conectividad entre e paisnan. Prome Minister Eman a expresa su satisfaccion di por participa na e celebracion di 10 di october, un fecha historico pa Corsou, cu ta conmemora su posicion como pais autonomo den Reino Hulandes. Segun Prome Minister Eman, e celebracion ta ofrece un oportunidad importante pa reflexiona riba e relacion entre e islanan y explora con nan por fortalece e lasonan existente. Eman

a felicita su colega Gilmar Pisas pa e iniciativa di reuni e lidernan di diferente pais den Caribe, destacando cu e islanan mester orienta nan mes mas riba cooperacion cu nan bisiñanan den region. E Prome Minister a compara e importancia di e relacion aki cu e cercania entre bisiña, señalando cu ora un persona tin mester di ayudo, hopi biaha ta su bisiña ta e prome cu por brinda asistencia. Den e contexto aki, Eman a destaca cu tin oportunidad pa amplia e cooperacion cultural, economico y comercial, tanto entre e paisnan den Reino como cu otro islanan di Caribe. Prome Minister Pisas ta destaca importancia di unidad regional Di su banda, Prome Minister Gilmar Pisas a expresa su agradecimento na Prome Minister Mike Eman pa acepta e invitacion pa participa na e celebracionnan y e conferencia regional. Pisas a destaca cu, aunke e paisnan di Caribe ta relativamente chikito, hunto nan por logra un impacto significativo riba diferente tereno. E Prome Minister di Corsou a splica cu e celebracion di 10 di october e aña aki ta inclui varios lider den region, cu e intencion di fortalece e relacionnan entre e paisnan y amplia e dialogo tocante cooperacion. Crecemento economico mester traduci den bienestar pa pueblo

Un di e temanan principal cu Prome Minister Eman a destaca ta e necesidad pa e crecemento economico di e islanan traduci den un miho calidad di bida pa e pueblonan di e islanan ABC. Eman a señala cu diferente pais di Caribe ta registra crecemento economico, actividad turistico positivo y cifranan economico halto, pero cu e prosperidad aki no semper ta yega na tur sector di comunidad. Segun Eman, e reto ta pa logra cu e beneficio di desaroyo economico wordo comparti mas ampliamente den sociedad. Den e contexto aki, el a haci un apelacion na e sector empresarial y na esnan cu ta dirigi e economianan pa contribui na un distribucion mas husto di e prosperidad, incluyendo un recompensa

adecuado pa empleadonan cu ta traha duro. Eman a relaciona e pensamiento aki cu e concepto di Common Good, of bienestar comun, un tema cu Aruba ta promoviendo y cu tambe ta forma parti di e dialogo regional. El a destaca cu e responsabilidad pa desaroyo di un pais no ta limita na crecemento economico, sino cu tambe ta inclui cuido di comunidad, mantenemento di espacionan publico y participacion activo di ciudadanonan den mehoramento di nan propio ambiente. Participacion di Aruba na conferencia regional Diabierna 9 di october, Prome Minister Mike Eman lo dirigi palabra na e conferencia y participa na un panel di liderazgo hunto

cu Prome Minister Gilmar “Pik”Pisas di Corsou, Prome Minister Andrew Holness di Jamaica y Vicepresident Gregory Rusland di Surinam. Diasabra 10 di october, e programa ta inclui un sesion solemne di Parlamento di Corsou, e celebracion oficial di Dia di Corsou y firma di un declaracion conhunto. E conferencia lo conclui diadomingo 11 di october cu bishitanan na diferente proyecto relaciona cu economia digital, energia, inversion y turismo. Cu su participacion na e encuentro regional aki, Prome Minister Eman ta contribui na e dialogo entre e paisnan di Caribe tocante cooperacion, desaroyo economico y e importancia di logra cu prosperidad beneficia e comunidad den su totalidad.

P 14

DIABIERNA 9 DI OCTOBER 2026

Trabou conhunto entre WEB, DOW, Kimjen Construction VBA y Cuerpo Policial pa limita inconveniencia despues di tuberia kibra riba L.G. Smith Boulevard

Durante oranan tempran di mainta, diferente instancia a traha den forma coordina pa atende un incidente cu un tuberia grandi di awa den area di waf, cerca di ex-Royal Plaza, y pa limita inconveniencia pa automobilistanan y comunidad. E situacion a presenta despues cu durante anochi un tuberia di WEB a kibra den e area pariba di Casa Playa, anteriormente Royal Plaza. E fuga a causa un cantidad considerabel di awa cu a baha riba L.G. Smith Boulevard, afectando tambe condicion di e asfalt den e area. Personal di WEB, Kimjen Construction VBA (subcontratista), DOW y Cuerpo

Policial Aruba (KPA) a presenta na sitio pa atende e situacion. Mientras WEB y e subcontratista a concentra riba controla e fuga y repara e tuberia, a tuma medida adicional pa mantene siguridad rond di e area afecta. Debi na condicion di e caminda y e trabounan necesario, Cuerpo Policial a desvia trafico temporalmente pa evita riesgo y pa permiti e personal tecnico traha den forma sigur. Minister di Husticia Arthur Dowers, cu tambe a presenta personalmente na sitio, a resalta importancia di e coordinacion entre e diferente instancianan, specialmente ora un

incidente inespera por afecta un arteria importante di trafico. “Den un situacion manera esaki, prioridad ta siguridad y pa e diferente instancianan por actua rapido y coordina. Mi ta aprecia e cooperacion entre WEB, DOW y Cuerpo Policial pa limita inconveniencia pa comunidad mas tanto posibel,” Minister Dowers a expresa. Despues di 11’or di mainta, trafico por a bolbe na normalidad. Sinembargo, e trabou den e area ainda no ta completamente finalisa. Segun planificacion, entre diasabra marduga y diadomingo mainta tempran lo completa e siguiente fase, incluyendo asfaltamento di e parti di caminda cu a resulta afecta. Minister Dowers ta gradici comunidad y automobilistanan pa nan pasenshi y comprension durante e desviacion temporal. Na mes momento, e ta expresa apreciacion na tur personal di WEB, DOW y Cuerpo Policial cu a responde y traha durante e oranan di mainta pa atende e situacion den forma rapido y profesional. “E cooperacion entre e diferente servicionan ta importante precisamente den momentonan manera esaki: pa proteha siguridad, resolve e situacion y permiti comunidad bolbe na normalidad mas pronto posibel.”

P 15

DIABIERNA 9 DI OCTOBER 2026

CABA COS KIER SHUT DOWN TEAM SNOR!

“ The Lord is my Shepherd, I shall not want.”

With deep sadness we announce the passing of our beloved:

Cynthia Elaine Gumbs *December 20, 1937 – † September 26, 2026

K ud aw e c h a/C a l a b a s – “Finish him!”, asina e famoso videogame “Mortal Kombat” tabata caba tin ora, y, segun rumornan den “wandelgangen” ta coriendo, asina e trabuconan di Caba Cos DT kier grita ora nan yega e score di 20 contra Team Snor diasabra anochi awor, 10 di october, n’e famoso Domino Square Garden. “Caba cu nan!”, y yega 21 punto. E deseo t’ey di basta tempo caba; e plan di atake pa diasabra awor ta cla poni den kluis. Sinembargo, manera e famoso Mariscal Aleman, Helmuth von Moltke, a yega di bisa: “Ningun plan ta sobrevivi contacto cu e enemigo”. Asina bataya cuminsa, bo plan original ta bay pa prullenbak! Chens ta grandi cu diasabra

awor e ekipo di Caba Cos lo ripara cu Team Snor a evoluciona den un dje teamnan mas adaptabel na situacion nobo, y si Captain Magda tuma stuur over, conta c’un variedad grandi di “contingency plans”! Pero, manera e macambanan ta bisa, “men weet nooit hoe een koe een haas vangt”! Diasabra awor, shonnan amante di bon domino, e famoso Team Snor lo enfrenta e “pandilla” di Caba Cos DT aya n’e mundialmente famoso Domino Square Garden situa net n’e grens di Kudawecha y Calabas, cuminsando pa 8’or di anochi. Manera di custumber, entrada ta gratis pa pueblo en general, y durante halftime, snacks lo lora completamente por nada a pedir de boca!

Left to mourn her loss are her: Children and Fam: Clemence & Bert Free Leonardo Gumbs Melvin Gumbs & Marina Tromp Dennis Gumbs Russel & Christina Gumbs Edsel & Emese Fernandez. Grandchildren and Great Grandchildren: Jeffrey, Yuri & Yentl Free, Leonardo, Lisa & Liesje Gumbs, Mariska Richardson, Kaira & Leiqui Gumbs, Makiba Hassel, Shermelin & Shardien Geertruida, Thierry & Yorick Gumbs, Davis Gumbs, Antony & Malaci Gumbs, and Strea Fernandez Beloved Brothers & Sisters: 8 alive & 8 †

She was related to: Gumbs, Free, Fernandez, Romney, Richardson, Conner, Thompson, Cather, Smith, Adolphus, Bennet, Gerrot, Wesselhoft, Kasper, Geertruida, Spanner & Bernabela.

Funeral service will be held on Friday October 9, 2026 from 2pm to 4pm at Capilla Santa Famia in Pos Chikito followed by the internment at Sabana Basora.

P 16

SUDOKU

DIABIERNA 9 DI OCTOBER 2026

FORTALESA PA FAMIA. Scirbi pa Pastor Marcel Balootje.

PONE EMOCION UN BANDA, Y CUMINSA BIBA PA DIOS Tira un bista rond y wak comportacion di hende, con hende ta biba, tur cos nan kier, y tur cos nan ta haci, no ta importa con nan haci, basta nan logra locual nan kier. Hende no ta wak boluntad di Dios, nan ta lubida locual ta para scirbi den e Oracion di Nos Tata cual ta bisa: Cu Bo reino bini, cu bo boluntad sosode, na tera como na cielo.( Mateo 6:10). Esey ta e yabi di biba pa Dios, ora nos ta tene cuenta cu su boluntad tanto aki na tera como na cielo. Romanonan 12 ; 2 ta un advertencia pa tur hende bisando:Y no sea conforme e mundo aki, ma sea transforma pa medio di e renobamento di boso mente,pa boso por compronde kico ta e bon, y agradabel y perfecto boluntad di Dios.

emocion a haci danjo caba. Tin hopi decision cu ta wordo tuma emocional cu ta haci danjo grandi, por ehempel e tenemento di relacion sexual for di control, pasobra tin tres cos cu hende ta lubida cu por pasa, prome como hende muhe bo por sali na estado, y pa hende homber bo por bira tata sin ta prepara, bo por pega cu malesa, esey ta ambos banda, pero despues ta bini algo mas fuerte, bo por wordo contamina cu spirito malo, cual ta keda riba bo, y si bo no wordo libera, bo situacion lo bira pio. Tur esey ta sosode pa motibo di emocion, pa falta di dominio propio, pa falta di respet pa bo mes, pa falta di control riba bo deseonan, bo por causa un danjo na bo mes y na otro.

Efecto di emocion ta haci danjo, pasobra pa motibo di emocion, hende ta lubida di pordona, hende ta cay den violencia, hende ta papia malo cu otro of di otro, hende ta falta respet, ofensa ta cay, y temor di Dios ta wordo lubida.

Esun cu no tin dominio riba su spirito, ta manera un stad basha abao sin muraya.( Proverbionan 25:28).

Laga nos wak bon con den Galationan 5:19-21 e obranan di carni ta mara na emocion, cu ta hiba hende na pica, y pica ta causa cu hende lo no hereda e reino di Dios.

No laga ningun palabra danino sali for di boso boca, sino solamente palabra cu ta bon pa edificacion, conforme e necesidad di e momento, pa esaki duna gracia na esnan cu ta tende. ( Efesionan 4:29).

Especialmente nos hubentud ta wordo domina pa emocion . Pa falta di conocemento di e palabra di Dios, y caminda tin emocion hopi hecho premedita ta tumando lugar, wak bon con ta wordo planea pa bay bringa, planea pa filma, planea pa corre auto duro, planea pa bay bebe y droga y hasta planea pa bay horta, tur esey ta hechonan emocional cu tin consecuencia grave.

Ta imposibel pa tur combersacion cu hende mester tin, palabra malo mester ta presenta, tene cuenta cu palabra malo ta rebaha esun cu ta papia, palabra malo. Pasobra e ta demostra falta di respet pa bo mes, na prome lugar, pasobra e ta demostra falta di educacion. Ta bon pa hende controla nan emocion, ta bon pa hende busca boluntad di Dios, den tur cos, pasobra cada biaha cu nos haci cos emocional e consecuencia ta bini pa nos.

Ora un hende ta yena cu rabia y emocion, y e tira un piedra den un bentana di glas, di ningun manera e no por yama e piedra bek, pasobra aunke e bisa sorry , ya e

No duna diabel oportunidad.( Efesionan 4;27).

Ban biba pa Cristo. Sinceramente, Pastor Marcel Balootje.