Diabierna november 13 2026 by Solo DI Pueblo

DIABIERNA 13 NOVEMBER 2026

13 NOVEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

GOBIERNO NO POR LAGA PUEBLO PAGA E PRIJS DI E CRISIS DI HOSPITAL! Parlamentario Xiomara Maduro:

“DI RECOMENDACION PA ACCION: HISTORIA DI ARUBA MESTER HAYA SU LUGA DEN NOS KLASNAN”

DIAbierna 13 november 2026

Hendrik Tevreden:

"Pueblo no por paga su cuentanan cu intencion di un gobierno!" Den e debate riba e prome cambio di presupuesto 2026, Hendrik Tevreden ta puntra gobierno AVPFuturo: ki dia e alivio ta yega cerca pueblo?

su cartera cu nunca," Parlamentario Hendrik Tevreden (MEP) a bisa den Parlamento.

paga huur, coriente y awa, y cu na 15 di luna su cartera ta bashi caba, no ta biba di intencion di un gobierno. E mester accion!"

Ki dia e alivio ta yega? Mamanan soltero, tatanan soltero, famianan a bini e mesun mensahe: nos cartera no ta yega.

"Futuro a priminti cu nan ta bay drecha e situacion di pueblo. Awe nos tin e pueblo cu mas dolor den

Hasta colega Dennerich Kelly di AVP a bisa cla den sala: pueblo tin cu sinti e alivio. Tevreden ta completamente di acuerdo.

"Mi pregunta ta simpel: con pueblo ta bay sinti e alivio, y ki dia nan ta bay sinti'e? Un mama cu ta

Placa pa adviseur, pueblo ta warda cas Den e cambio di presupuesto, gobierno ta move Afl. 500.000 for di e ministerio di Huisvesting y Infrastructura pa paga adviseurnan riba energia.

"Mientras miles di famia ta warda un alivio, Afl. 500.000 ta sali di Huisvesting pa paga adviseur. Gobierno ta yama esaki 'budgetneutraal'. Pa pueblo esaki no ta neutral. Nan ta keda sinti e efecto den nan cartera!"

Awa y coriente: bisa pueblo awe Tevreden a pidi Minister di Finansa Geoffrey Wever un contesta cla riba awa y coriente pa 2027. "Minister a bisa cu awa y coriente no ta subi. Pues bisa pueblo awe: na januari, awa y coriente ta subi, si of no? Pueblo tin derecho di sa prome, no despues."

Un coalicion cu papia cu dos stem

Tevreden a señala cu riba aumento di salario, coalicion mes no ta di acuerdo. Riba e mesun tema, un banda ta papia di "estudio" y e otro di "inmoral". "Un ta papia di estudio, e otro ta papia di inmoral. Y comercio, trahado y famia ta keda den incertidumbre. Ta bay tin, si of no? Y ki dia? Nos kier e contesta di Minister Wever y di MinisterPresident Eman, awe."

Seriedad, plakprentje

Pa Tevreden, e peliger ta cla. "Mi ta warda cu ora eleccion yega, nos lo tende cu nan tabatin bon intencion, pero cu e otro partner no a laga. Pueblo no por paga su cuentanan cu intencion di un gobierno. P’esey awe, akinan den Parlamento, nos tin cu controla gobierno cu seriedad y exigi accion berdadero."

"Nan ta gasta e placa prome, despues nan ta bin pidi permiso pa gast’e. Pueblo ta e ultimo cu ta haya sa. Awe nos ta exigi un cos so: bisa pueblo kico ta bay pasa, y ki dia."

DIAbierna 13 november 2026

Evelyn Wever-Croes:

GOBIERNO NO POR LAGA PUEBLO PAGA E PRIJS DI E CRISIS DI HOSPITAL! ORANJESTAD - E situacion na Hospital Horacio Oduber (HOH) a bira alarmante. Ora personal di hospital ta sinti nan mes obliga pa protesta pasobra falta di solucion financiero ta afecta nan trabou y e continuidad di cuido, nos ta enfrenta un crisis cu gobierno no por sigui ignora. Como lider di oposicion, mi ta profundamente preocupa cu Gobierno ta demonstra poco urgencia y responsabilidad pa proteha e sistema di salud di nos pais. E problema financiero entre AZV y HOH no ta culpa di e pashent e persona cu ta depende di tratamento, e enfermero, e dokter ni e otro profesional di salud cu

ta dedica nan mes pa cuida nos comunidad. Nos pueblo no ta culpabel. Y no ta husto pa laga pueblo paga e prijs! Salud no ta un luho ni un servicio cu por keda den incertidumbre financiero. Ta trata di bida humano, dignidad y e derecho di cada ciudadano pa haya cuido medico di calidad.

Gobierno mester tuma responsabilidad y actua imediatamente. No mas adelanto temporal, no mas traspaso di problema di un presupuesto pa otro. Nos mester un solucion structural, transparente y sostenibel entre Gobierno, AZV y

HOH. Mi ta spera cu Gobierno pone e bienestar, e salud y e bida di nos ciudadano na prome luga.

Un gobierno ta wordo midi no solamente pa su cifranan financiero, sino tambe pa con e ta cuida su pueblo. E pueblo di Aruba merece miho.

Ta importante pa tuma medidanan di precaucion durante dianan di calor Durante e ultimo dianan nos por a tuma nota di un calor extenso, temperatura hopi halto y un solo fuerte. Durante e dianan cu ta sigui comunidad por bay sigui experencia esaki cu por ta peligroso pa nos salud. Pa combati e fenomeno di naturalesa aki no ta posibel, pero si nos por tuma accion pa proteha nos mes y otronan y tambe preveni consecuencianan pa

motibo di e calor extenso.

e calor aki. Ta hopi importante pa vigilanan constantemente y refresca nan curpa pa wanta e temperatura abou y hidrata nan cu suficiente likido pa evita un posibel heatstroke, cu ta un condicion hopi delicado caminda cu e curpa ta stop di soda. E temperatura di curpa ta sigui subi mas cu 40° grado

Celsius y ta perhudica e centro di control cu ta regula e temperatura corporal den nos celebro.

Sintomanan di un heatstroke ta: • Te m p e r a t u r a corporal halto den corto tempo • Cara y cuero cora y seco • No ta soda mas • Curazon ta bati dura

• Dolor di cabez • Mente ta bira confuso y por cay flow • Por cuminsa saca of haña diaree Kico pa haci den caso di un Heatstroke ? • Busca asistencia medico mesora yama 911 • Tene e persona trankil y den frescoe pañanan na su curpa. • Fria e curpa cu un serbete/paña muha (cu awa friu of di cranchi)

DIAbierna 13 november 2026

Un anochi special pa Het Arubaanse Padvindsters Gilde

E anochi di 4 di november a bira un momento inolvidabel pa Het Arubaanse Padvindsters Gilde (APG), un evento yen di emocion y orguyo pa tur miembro presente. E apertura a wordo realisa cu entrada di Drumband, sigui pa nos lidernan.

Un momento di orguyo a wordo marca cu nombramento oficial di nos lidernan di Padvindsters, cu nombernan cu ta refleha nan personalidad y esnan cu ta inspira tur esnan cu nan ta guia: Jillian – TAVI (Tolerante, Activo, Victorioso, Integro)

Nos a cuminsa e ceremonia cu nos cantica “E caminda ‘ki m’a scoge,” creando un ambiente caluroso y yen di emocion.

Nika – ALHA (Always Happy)

Instalacion di nos lidernan nobo

Nathesia – ALOVA (Activo, Leal, Optimista, Valor/Balor, Aventura)

Un di e momentonan mas significante di e anochi tawata instalacion di nos lidernan nobo. Nos a cuminsa cu Jehdeiah, nos pionier cu a bira un Jong Lider. Sigui pa Nathesia, un Jong Lider cu a bira Lider di Padvindsters, despues Jillian, cu tambe a cambia di Jong Lider pa Lider di Padvindsters. E ceremonia di instalacion a finalisa cu e instalacion di Angela (Radi) Angela di Grupo Maria Auxiliadora, cu a tuma oficialmente su posicion di Hoofdleidster di GMA, un paso grandi y responsabilidad pa su grupo.

Instalacion Drumband

oficial

nos

Despues, Jillian y Nathesia a haci nan promesa como lidernan di Drumband, sigui pa e miembronan di Drumband cu a bisa nan promesa dilanti di nan lidernan, mustrando nan compromiso y dedicacion.

Nombramento lidernan

oficial

nos

Amidee – LIRCA (Leal, Integridad, Respetoso, Competencia, APG)

Ceremonia di bela Nos a cera e anochi oficial cu un ceremonia di bela cu un simbolismo profundo, acompaña pa e cantica “This Little Guiding Light of Mine” y nos Schakelspreuk cu ta refleha nos union y identidad fuerte. Un anochi pa celebra Despues di tur e momentonan yena di emocion, tur hende a disfruta di dushi pasaboca y co'i bebe pa comparti e alegria. E anochi a keda marca cu un capitulo nobo pa nos lidernan, Drumband y full APG. Un etapa nobo, hopi responsabilidad y un futuro yena cu momentonan bunita. Forma parti di Het Arubaanse Padvindssters Gilde Bo ta desea di forma parti na un movimento yena di amistad, aventura, liderazgo y servicio na comunidad? Het Arubaanse Padvindsters Gilde (APG) ta invita tur mucha muhe, hobennan y adulto pa bira parti di nos movimento.

Den Padvinderij oportunidad pa:

tin

Adultonan cu tin gana di contribui como boluntario of lider, pa guia, inspira y compaña nos mucha muhe y hobennan den nan desaroyo.

Desaroya liderazgo, responsabilidad y independencia.

APG tin 5 grupo rond di Aruba, y nos ta busca hende entusiasma y dedica pa forma parti di e famia di APG. Pa mas informacion por comunica cu nos na: apg.board. aruba@gmail.com.

Desaroya bo talento y habilidad Siña traha hunto y yuda otro

Crea amistadnan nobo Participa den actividadnan educativo, recreativo, aventurero y social. Siña diciplina

Hunto nos ta traha pa un generacion di mucha muhe y hobennan mas fuerte, independiente y prepara pa futuro.

DIAbierna 13 november 2026

Parlamentario Xiomara Maduro:

“Di recomendacion pa accion: historia di Aruba mester haya su luga den nos klasnan”

Parlamentario Xiomara Maduro a presencia na Universidad di Aruba e presentacion di e investigacion “Verzwegen Verhalen”, tocante enseñansa di historia di sclavitud, colonialismo y resistencia den e parti Caribense di Reino Hulandes.

Durante e presentacion, sr. Kenny Meyers a comparti resultadonan di e investigacion, mientras cu sr. Jan Bant a presenta recomendacionnan. Un conclusion importante ta cu alumnonan kier conoce nan propio historia, pero maestronan no semper tin suficiente preparacion y material educativo.

E investogadornan a resalta cu e problema aki no ta nobo. Ya na aña 1977, den e revista Skol & Komunidat, number 9, SIMAR tabata pidi atencion pa enseñansa di historia local. Casi 50 aña despues, e mesun retonan ainda ta existi.

“Ta tempo pa pasa di recomendacion pa accion concreto,” segun Maduro, cu ta enfatisa cuatro prioridad pa Aruba cu ta surgi di e investigacion:

1. Mas investigacion local: Stimula investigacion di historia di Aruba door di nos propio historiadornan. 2. Material educativo Arubano: Desaroya lesmaterial tocante nos historia, cultura, sclavitud y resistencia. 3. Capacitacion di maestronan: Organisa bijscholing y fortalece formacion local den historia. 4. Uni forsa: Gobierno, Universidad di Aruba, Archivo Nacional, Biblioteca Nacional, Departamento di Enseñansa y e sector educativo mester establece un plan di accion cu responsabilidadnan y un planning concreto.

“Nos yiunan mester conoce no solamente historia di mundo, sino tambe historia di nan propio pueblo. Despues di casi 50 aña di recomendacion, ta tempo pa uni forsa y haci e trabou.” Maduro

ta felicita e investigadornan y Universidad di Aruba pa e iniciativa, enfatisando cu e historia di Aruba merece un luga permanente den nos enseñansa.

DIAbierna 13 november 2026

Habito saludabel ta cuminsa for di chikito – Pa un futuro mas saludabel!

ARUBA ONE HAPPY ISLAND LIONS CLUB HUNTO CU POH CU PRESENTACION EXITOSO PA CREA CONSCIENCIA TOCANTE DIABETES NA TRAIMERDIA CONRADO CORONEL

regularmente y mantene un estilo di bida saludabel. E habitonan aki ta pasonan importante pa yuda preveni diabetes y promove bienestar general.

Como parti di nos Campaña di Conscientisacion tocante Diabetes 2026, Aruba One Happy Island Lions Club cu cooperacion di POH (P r a k t ij konde r s te u ne r Huisartsenzorg) a organisa cu exito un presentacion educativo na Traimerdia

Conrado Coronel. Jufrouw Jo-Eve Felten di POH a duna e presentacion. Durante e sesion interactivo, e muchanan a siña tocante e importancia di come saludabel, haci actividad fisico

Cu e iniciativa aki, nos kier anima muchanan pa haci escogencianan mas saludabel for di chikito y pa compronde cu e cosnan chikito cu nan haci tur dia por haci un diferencia grandi den nan salud den futuro. Na final di e presentacion, cada mucha a ricibi un buki educativo tocante

diabetes titula Healthy Kids, Happy Future, hunto cu un appel fresco y un boter di awa. E regalonan aki a reforza e mensahe di haci escogencianan saludabel tur dia. E buki tambe a duna e muchanan informacion valioso cu nan por comparti cu nan famia.

entusiasmo y participacion activo. Nos ta gradici tambe Jufrouw Jo-Eve Felten y POH pa nan colaboracion valioso y nan compromiso pa crea mas consciencia tocante diabetes.

Aruba One Happy Island Lions Club ta gradici di curason e muchanan, e leidsternan y henter e personal di Traimerdia Conrado Coronel pa e acogida caluroso, nan

Actua na tempo contra diabetes!

Hunto nos ta educa, inspira y contribui na un generacion mas saludabel!

Aruba One Happy Island Lions Club We Serve – Road to 10 Years | 2017– 2027

DIAbierna 13 november 2026

Rocco Tjon:

"Gobierno tin placa pa consehero y experto di afo, pero pueblo si tin cu warda" cu reglanan cla E cambio di presupuesto ta subi cuido medico den exterior cu Afl. 850.000. Tjon ta sostene e yudansa aki: pashentnan cu malesa grave, cu no por wordo atendi na Aruba, tin derecho riba nan tratamento. Pero Raad van Advies mes ta constata cu no ta cla pakico e cuido aki no ta bou di AZV. Tjon ta exigi claridad riba con a calcula e suma, ken ta califica y na ki institucion den exterior e placa ta bay.

Onderstand y Husticia

Den e debate riba e prome cambio di presupuesto 2026, Parlamentario Rocco Tjon (MEP) a exigi di gobierno AVP-Futuro splicacion riba con e ta distribui placa di pueblo.

Den e sector di salud mental, e lista di espera ta sigui subi. Fundacionnan manera Respaldo y Stichting Hunto tin peticionnan pa personal adicional riba mesa pa lunanan. Mientrastanto, gobierno ta paga un experto di Hulanda Afl. 23.000 pa luna pa traha mita dia, pa skirbi un analisis riba e "gaps" den salud mental cu ta skirbi caba door di profesionalnan local.

Gobierno ta baha e presupuesto di onderstand cu Afl. 3,3 miyon, pasobra segun gobierno, e ta "bovenmatig". Den e mesun ministerio, Afl. 1,17 miyon ta bay pa huur expertonan di afo pa evaluacion y estudio. "Den un pais caminda hopi famia no ta yega fin "E plannan y e informacion di e stakeholders tabata cla caba. Loke tabata falta ta ehecucion," Tjon a bisa.

Gobierno ta pone tambe Afl. 500.000 pa personal di un institucion nobo pa adicto. "E minister mes a usa e argumento cu no tin personal cualifica na Aruba pa trece un experto di Hulanda. Pues, ken lo traha den e institucion nobo, y ki consulta a tuma luga cu e stakeholders?"

Cuido den exterior: si, pero

di luna, gobierno mester splica exactamente kico e Afl. 3,3 miyon ta bay financia."

Pa Husticia, gobierno ta pidi Afl. 2 miyon mas pa "costo mas halto den diferente post", sin specifica ki post. Esaki despues cu e mesun gobierno a corta 10% riba e presupuesto di Husticia den su prome luna. Suppliers no ta wordo paga, preguntanan na e minister ta keda sin contesta, y un peticion pa un reunion publico riba siguridad no a wordo yama.

"Nan ta gasta e placa prome, despues nan ta bin pidi permiso. Pa e experto di afo, e placa tey caba. Pa e pashent, pa e fundacion y pa e siguridad di nos pais, mester warda”, Tjon a conclui.

DIAbierna 13 november 2026

Durante inicio di Caranval 73

Prome Minister Mike Eman ta haci apelacion na e hotelnan grandi pa contribui mas na Carnaval di Aruba Durante e inicio oficial di Carnaval 73 na Aruba Tourism Authority (ATA), Prome Minister Mike Eman a haci un apelacion na e hotelnan grandi di Aruba pa contribui mas activamente na organisacion y desaroyo di nos Carnaval. Segun Eman, Carnaval no ta solamente un celebracion cultural, pero tambe un parti importante di e producto turistico cu Aruba ta ofrece na mundo. E ceremonia oficial a tuma luga riba 11 di november, caminda exactamente pa 11:11 di mainta a marca e inicio simbolico di temporada di Carnaval 73. E programa a conta cu participacion di presidente di Stichting Maneho di Aruba su Carnaval (SMAC), Rusette Croes, Prome Minister kende alabes ta Minister di Cultura Mike Eman y CEO di ATA, Ronella Croes. Durante su discurso, Prome Minister a felicita e directiva anterior di SMAC pa su dedicacion y trabou, y a duna bon bini na e directiva nobo bou di liderazgo di Rusette Croes. Tambe a expresa su aprecio pa e gruponan musical, organisadornan y tur esnan cu ta contribui na exito di Carnaval. Un punto importante den e discurso di Eman tabata su apelacion na e sector hotelero. Prome Minister

a expresa cu, mientras ATA ta brinda sosten na Carnaval, e ta sinti falta di un contribucion mas grandi di parti di algun hotel grandi. Eman a dirigi un apelacion na CEO di ATA, Ronella Croes, pa acerca e hotelnan y splica nan e importancia di Carnaval pa Aruba. El a destaca cu e hospitalidad, energia y talento di pueblo Arubano ta forma parti di e experiencia turistico cu ta haci Aruba un destino special. Segun Prome Minister, e hotelnan grandi cu ta beneficia di e industria turistico tambe por desempeña un papel mas importante den sosten di Carnaval. Cu mas contribucion financiero, asina e organisadonan y gruponan lo por dispone di mas recurso pa sigui eleva e celebracion na un nivel ainda mas halto. Den su mensahe, Eman a destaca e creatividad, energia y dedicacion cu Carnaval ta representa. For di musica, baile y trahe te na organisacion di e caravananan, cada temporada ta demonstra e talento extraordinario cu Aruba tin, especialmente entre nos hobennan. Prome Minister a expresa cu e energia y dedicacion aki tambe por sirbi como inspiracion pa otro sector di nos sociedad, caminda Aruba por sigui traha

pa mas prosperidad, bienestar y felicidad pa tur hende. Otro punto importante den su discurso tabata e deseo pa un Carnaval exitoso y pacifico. Eman a haci un apelacion pa tur participante celebra den un ambiente di trankilidad, respet y unidad, sin incidente ni polarisacion. "Ban sigui cu energia aki. Ban sigui cu entusiasmo aki", Prome Minister a expresa, animando tur esnan envolvi pa sigui fortalece Carnaval di Aruba. Durante e mainta tambe a tuma luga un momento di reconocimento na miembronan di e directiva anterior di SMAC pa nan contribucion na Carnaval. Cu e inicio oficial di Carnaval 73, Aruba ta prepara pa un otro temporada cu lo culmina cu e Parada Grandi dia

7 di februari 2027 den Oranjestad. Prome Minister a cera su mensahe cu palabra di agradecimento na tur esnan cu ta dedica nan tempo y energia na

Carnaval, expresando su deseo cu e temporada nobo lo ta uno exitoso, cu bendicion di Dios y cu un celebracion caminda pueblo di Aruba por sinti orguyo di su cultura y tradicion.

DIAHUEBS 13 DI NOVEMBER 2026

Parlamentario Eduard Pieters ta confronta Minister Wever:

“Bo por papia di resultado di 2025, pero kico a pasa cu placa di pueblo entre 2021 y 2024?”

Un ministro por presenta resultado positivo di un aña. Pero e resultado ey no ta elimina su responsabilidad pa splica loke a sosode durante e añanan anterior, specialmente ora tin e señalnan di problema financiero y administrativo den un entidad relaciona cu Gobierno. Esey ta e cuestionamento cu parlamentario Eduard Pieters (PPA) ta dirigi na Minister Geoffrey Wever tocante Free Zone Aruba. Durante su intervencion, Pieters a critica e manera cu Wever a referi na resultado di 2025 y aparentemente a cuestiona si e parlamentario a lesa e rapportnan. Pieters su reaccion tabata cla: su preguntanan no tabata tocante 2025, sino

tocante e periodo anterior, particularmente 2021 te cu 2024. Rapport di PwC ta lanta preguntanan serio Segun Pieters, un rapport di evaluacion prepara pa PwC na 2022 a identifica problema importante den administracion y funcionamento di Free Zone Aruba. El a menciona e preocupacionnan tocante maneho administrativo, resultado financiero negativo y supuesto falta di pago di prima di pension. Pieters ta considera e ultimo punto particularmente serio, pasobra e ta toca directamente derecho y seguridad financiero di e empleadonan. E parlamentario kier sa, ken tabata na altura di

e situacion, ki medida a tuma y con supervision ministerial a funciona. “Un director por carga consecuencia. Pero unda responsabilidad ministerial ta?”, Pieters a referi na e caso di exdirector Greg Peterson y na un procedimento hudicial cu e exdirector a perde. Sinembargo, pa Pieters e asunto no ta termina cu responsabilidad di un director. E ta cuestiona con e minister, cu tabata politicamente responsabel, por evita un splicacion completo tocante problema cu, segun su declaracion, a persisti durante diferente aña. Responsabilidad ministerial no ta automaticamente responsabilidad penal

personal. Pero e ta implica cu un minister mester por duna cuenta di supervision, e decisionnan y e medidanan tuma bou di su gestion. Mas di 15 pregunta y un ‘Vragenuur’ pendiente Pieters a recorda cu PPA a presenta un peticion formal dia 29 di juli 2025, cu mas di 15 pregunta pa un ‘Vragenuur’ tocante Free Zone Aruba. E peticion a wordo confirma anteriormente den informacion publico y na september 2026 Pieters ainda tabata critica, cu e reunion solicita no a tuma luga. Segun Pieters, PPA a manda e recordatorionan pa logra e tratamento parlamentario. E ta considera e falta di duna contesta, un problema cu ta trascende

diferencia politico: Parlamento mester por ehece su funcion di controla Gobierno. “Pueblo tin derecho di sa” Pieters ta insisti cu e debate no ta tocante reputacion di un minister, sino transparencia riba administracion di recurso publico. E ta exigi un splicacion documenta tocante loke PwC a descubri di e supuesto prima di pension no paga, e situacion financiero y e medidanan cu Gobierno a tuma. E pregunta cu Pieters ta haci na Minister Wever ta keda: “Si e maneho di 2025 ta presenta otro panorama, kico exactamente a sosode durante e añanan anterior y ken ta duna pueblo di Aruba cuenta di esey?”

P 10

DIAHUEBS 13 DI NOVEMBER 2026

HCLF ta invita hobennan pa explora ken nan ta y kico ta haci nan unico cu nan tayer “IN PROGRESS…”

Crecemento ta bin cu diferente pregunta: ken mi ta? Kico ta haci mi diferente? Pakico mi ta reacciona di e manera aki? Con mi decisionnan ta afecta mi experiencianan? Esaki ta algun di e preguntanan cu hobennan lo explora durante e tayer interactivo “IN PROGRES” organisa pa HeartCentered Leadership Foundation (HCLF) Ser un hoben ta mucho mas cu crecemento. E ta un tempo pa descubri identidad, nabega amistad, maneha emocion, y siña

con pa responde na situacionnan cu no ta tur biaha ta bay manera tabata planea. Mientras e experiencianan aki ta un parti natural di crece, no ta tur biaha hobennan ta haya e oportunidad pa para keto, reflexiona y compronde nan mes miho. E tayer “IN PROGRESS” tin como meta pa crea e oportunidad aki. Participantenan lo explora kico ta haci nan unico, reconoce forsanan personal, y reflexiona riba con nan escogencia y reaccion ta influencia nan experiencia diario. “Un hoben por sinti cu ta wordo spera di dje cu e sa ken e ta, kico e kier, y con e ta maneha tur cos rond di dje. Pero e realidad ta cu crecemento y formacion den bira ken bo ta, ta un proceso. Nos kier duna hobennan e espacio unda nan por explora e preguntanan aki, reconoce nan forsanan y

compronde cu nan no mester sa tur cos caba.” Deanna Lampkin, coordinadora di programanan hubenil pa HCLF ta comparti. E tayer aki ta un oportunidad pa hobennan sali pafo di nan rutinanan diario, conecta cu nan mesun experiencia y haya perspectiva nobo den un ambiente cu ta apoya nan. IN PROGRESS ta specialmente pa hobennan entre 13 - 16 aña. E tayer lo tuma luga riba diadomingo, 29 november 2026 di 2:30 pm - 4:30 pm na Teresita Center. Contribucion ta Afl. 25,Registracion ta habri pero cupo ta limita. Pa mas informacion tocante registracion y participacion por tuma contacto cu HCLF door di manda un mensahe di Whatsapp na 5841211. Tocante HCLF

HCLF ta un fundacion cu a keda estableci na 2008 cu e meta pa inspira y empodera hobennan di Aruba. Desde 2012, HCLF ta traha di serca cu schoolnan, centro di bario, y otro organisacionnan pa

ofrece diferente tayer, actividad y programanan impactante unda hobennan ta sera conoce nan mes miho y traha riba nan desaroyo personal y profesional.

P 11

DIAHUEBS 13 DI NOVEMBER 2026

PPA ta lanza e proposicion pa un Tax Holiday riba construccion di cas Otmar Oduber: “Si Gobierno por a duna incentivo fiscal pa construi hotel, pakico no por haci mescos pa yuda nos propio pueblo haya un cas?” Mientras miles di ciudadano ta enfrentando dificultad pa haya un tereno of construi nan propio cas, Partido Patriotico di Aruba (PPA), bou di liderazgo di Otmar Oduber, ta presenta un proposicion concreto pa alivia e carga financiero di e famianan Arubiano: Introduccion di un Tax Holiday riba construccion di vivienda, cu por reduci e costo total di construccion cu casi 10%. Segun Oduber, e crisis di vivienda na Aruba a yega un punto, caminda simplemente reconoce e problema ya no ta suficiente. Gobierno y Parlamento mester pasa di palabra na accion, cu e medidanan cu realmente ta haci diferencia den bida di ciudadano. Exoneracion di impuesto pa e casnan te 120 meter cuadra E proposicion di PPA ta contempla un incentivo fiscal special pa construccion di cas, cu un superficie di maximo 120 meter cuadra, cu un costo di construccion di te Afl. 2.800 pa meter cuadra. E Tax Holiday lo inclui exoneracion di tres carga fiscal importante: • O ve r d r ac ht sb e l a s t i ng: impuesto relaciona cu transferencia di propiedad di tereno.

• Invoerrechten: derecho di importacion riba e materialnan di construccion. • BBO: impuesto riba benta di e productonan y materialnan necesario pa construi e vivienda. Segun Oduber, combinacion di e medidanan aki por representa un reduccion di casi 10% den gasto di construccion, dependiendo di e situacion particular. Pa un cas di 120 meter cuadra na Afl. 2.800 pa meter cuadra, e costo di construccion di referencia ta Afl. 336.000. Un reduccion di 10% lo representa aproximadamente Afl. 33.600 di alivio financiero pa un famia, si por realisa e beneficio completo. “Si nos a hacie pa hotelnan, nos por hacie pa nos pueblo” Oduber a recorda cu Aruba anteriormente a introduci incentivo fiscal pa stimula inversion den industria turistico, cu resultado positivo pa desaroyo hotelero. “Si nos por a crea condicionnan special pa e inversionistanan internacional, no tin motibo pa no considera e mesun instrumento pa nos propio ciudadano, cu ta luchando pa construi un hogar”, ta e argumento

central di Oduber. E lider di PPA ta enfatisa cu un cas no ta un luho, sino un elemento esencial pa stabilidad familiar, independencia y futuro di nos hobennan. E hoben- y famianan no por sigui warda Oduber a expresa su preocupacion profundo pa e parehanan hoben, e profesionalnan cu ta regresa Aruba despues di nan estudio, mama y tata soltero cu, a pesar di traha, no por cubri e costo di un vivienda propio. Hopi ta obliga pa sigui biba cu nan mayornan, rumannan of otro familiar, mientras prijs di tereno, material y construccion ta sigui representa un barera financiero. El a recorda cu, segun su declaracion, e decisionnan

tuma durante su periodo como minister di Infrastructura a contribui na otorgamento di mas di 2.300 tereno den e añanan posterior. Pa Oduber, e ritmo actual di otorgamento di tereno tambe mester examina y acelera. Eduard Pieters lo hiba e proposicion Parlamento PPA no kier laga e iniciativa solamente como un declaracion publico. Oduber a anuncia cu e lider di fraccion parlamentario, Eduard Pieters, lo sigui impulsa e proposicion durante e proximo tratamento di presupuesto, mediante debate, mocion y si ta necesario, amiendan. E partido ta invita Gobierno pa evalua e posibilidad financiero y huridico di e Tax Holiday,

incluyendo e impacto riba ingreso fiscal y e beneficio directo pa ciudadano. Oduber ta sostene cu mas construccion tambe por genera actividad economico, empleo y ingreso pa Gobierno a largo plazo. Segun Oduber: “No ta importa ken ta den Gobierno of ken ta den oposicion. Loke ta importa ta cu nos pueblo ta haya e oportunidad pa construi un cas di nan mes.” Cu e propuesta aki, PPA ta pone un alternativa concreto riba mesa y ta desafia Gobierno pa considera si incentivo fiscal, cu anteriormente a uza pa desaroyo economico, por ta aplicabel awor pa atende un necesidad social urgente: un hogar accesibel pa e famianan di Aruba.

P 12

DIAHUEBS 13 DI NOVEMBER 2026

Un vision cu ta refleha e lucha pa aumenta salario minimo na Aruba

Papa Leon XIV: Economia mester sirbi hende, no hende na economia!

E mensahe di Papa Leon XIV durante su bishita na Argentina, cu economia mester ta na servicio di hende y no pa robes, ta refleha un principio central den e vision economico y social cu Prome Minister Mike Eman ta defendiendo na Aruba: crecemento economico mester traduci den un miho calidad di bida pa pueblo, specialmente pa trahadonan, pensionadonan y esnan mas vulnerabel den sociedad. Diadomingo 8 di november 2026, durante un discurso na Buenos Aires den presencia di Presidente di Argentina Javier Milei, Papa Leon XIV a haci un yamada pa pone dignidad humano y bienestar di pueblo den centro di tur decision economico. "E economia mester ta na servicio di hende, y no hende na servicio di economia", Papa a declara, destacando cu progreso economico mester beneficia henter sociedad y no solamente un parti di e poblacion. E lider di Iglesia Catolico a pone enfasis special riban e famianan cu ta enfrenta incertidumbre financiero, e personanan cu ta buscando

trabou, nos grandinanan cu durante hopi aña a contribui na desaroyo di sociedad y esnan cu, a pesar di traha duro, no ta logra cubri nan necesidadnan basico di nan hogar. Papa Leon XIV a subraya tambe cu dignidad humano no ta depende di e situacion economico of capacidad fisico di un persona. Esnan cu ta enfrenta malesa, cu tin limitacion of cu ta depende di cuido di otro, merece atencion, acompañamento y proteccion. Segun Papa, un sociedad mester crea oportunidad, stimula iniciativa den sector priva y percura cu e beneficio di crecemento economico yega tambe na esnan cu ta enfrenta mas dificultad. Prome Minister Mike Eman ta defendiendo e mesun principio na Aruba E mensahe di Papa ta conecta cu e debate economico y social cu durante ultimo tempo ta dominando e discucion na Aruba. Prome Minister Mike Eman a pone como un di su prioridadnan e necesidad pa acerca salario minimo na e nivel di bestaansminimum,

e suma necesario pa un persona por cubri su necesidadnan basico y biba cu dignidad. Segun e vision cu Eman ta defendiendo, Aruba a conoce un crecemento economico significativo, particularmente den turismo, pero e prosperidad aki no ta reflehando suficientemente den poder di compra di tur trahador y nan famianan. E Prome Minister ta sostene cu progreso economico no por wordo midi solamente den cifranan di turismo, entrada di gobierno of crecemento di GDP. E progreso ey mester wordo sinti tambe den cas di pueblo, den capacidad di un famia pa cubri su gastonan y den e siguridad financiero di nos grandinanan. E propuesta di Eman ta contempla un aumento gradual di salario minimo durante tres aña, cu e meta pa acerca esaki na bestaansminimum. E lucha aki no a cuminsa recientemente. Gobierno AVP-FUTURO a encarga estudionan economico y a busca dialogo cu gremionan comercial y representantenan di trahadonan. A pesar cu ainda no a logra un acuerdo completo entre tur sector, Eman a mantene e necesidad pa sigui busca un solucion pa e distancia entre salario minimo y costo di bida. EBA ta identifica espacio pa aumento gradual di salario minimo E rapport Koopkrachtplan Aruba, prepara pa Economisch Bureau Amsterdam (EBA) pa economistnan Koert van Buiren y Martijn Mak, ta forma un parti importante di e fundamentacion economico di e propuesta.

E investigacion ta indica cu salario minimo, incluyendo e reparatietoeslag corespondiente, ta cubri aproximadamente 80% di e entrada necesario pa un persona cu ta biba su so cubri su necesidadnan basico. EBA ta recomenda pa aumenta salario minimo gradualmente te acerca esaki na e nivel di bestaansminimum. Segun Van Buiren, e circunstancianan economico di Aruba ta ofrece espacio pa un aumento modera di salario minimo, cu e expectativa di un impacto limita riba inflacion. Na mes momento, e rapport ta reconoce cu aumento di salario por trece gastonan adicional pa empresanan. P’esey, EBA ta recomenda consulta cu dunadonan di trabou, investigacion adicional y posible compensacion pa empresanan cu ta emplea hopi trahador cu salario minimo. E posicion di SER, den su conseho di januari 2026, ta pone enfasis riba e necesidad pa un preparacion cuido. SER ta reconoce importancia social di un salario cu ta cubri necesidadnan basico, pero ta expresa preocupacion tocante e calendario di implementacion, e base di e calculacionnan y e posibel

CONTINUA PAG. 13

P 13

DIAHUEBS 13 DI NOVEMBER 2026

Economia mester sirbi hende, no hende na economia! CONTINUACION PAG. 12 impacto riba empleo, prijsnan y empresanan. SER a cuestiona tambe si e prome fase por wordo introduci di un manera responsabel durante 2027, sin suficiente preparacion y medidanan complementario. Lider politico Hulandes ta destaca importancia di salario husto y bienestar social E vision di Prome Minister Mike Eman pa conecta crecemento economico cu bienestar di pueblo a ricibi reaccion positivo di diferente lider politico Hulandes durante su bishita na Den Haag luna pasa. Henri Bontenbal, lider di fraccion di CDA den Tweede Kamer, a destaca e esfuersonan di Eman pa aumenta salario minimo. Segun Bontenbal, prosperidad economico no mester keda limita na cifra positivo, sino mester traduci den bienestar social y siguridad di existencia pa e ciudadanonan. E vision aki ta conecta cu e principio di bon comun, cu ta forma parti di e pensamento comparti entre CDA y AVP. Di su banda, Ruben Brekelmans, lider di fraccion di VVD, a considera e discusion tocante bestaansminimum y salario minimo na Aruba como un asunto importante. "Cu e asunto aki tin un luga asina prominente riba agenda di Aruba, mi ta considera esaki hopi sensato", Brekelmans a declara. E lider di VVD a enfatisa importancia di percura cu e beneficio economico di turismo yega na henter pueblo y cu ningun hende keda atras. Lider di fraccion di Progressief Nederland (PRO), Jesse Klaver, tambe a expresa su aprecio pa e propuesta di Eman pa conecta salario minimo cu bestaansminimum. "No ta aceptabel cu nan ta traha duro y cu nan salario no ta suficiente pa nan

por biba", Klaver a enfatisa. Segun e lider di PRO, politica mester ta enfoca riba bienestar di hende y e oportunidad pa famianan construi un miho futuro. Parlamentario Mikal Tseggai di PRO tambe a expresa sosten pa e iniciativa. "Na PRO nos ta considera esaki un idea hopi bon. Tambe na Hulanda Europeo, Progressief Nederland ta traha pa un bida pagabel pa tur hende. Naturalmente, esaki mester conta den henter nos Reino", Tseggai a declara. Na Eerste Kamer, Paul Rosenmöller, presidente di Commissie voor Koninkrijksrelaties (KOREL), a expresa su aprecio pa e plan di Gobierno di Aruba pa aumenta salario minimo gradualmente. Rosenmöller a considera e iniciativa un paso importante pa reduci pobresa y disminui e diferencianan social. El a destaca cu, a pesar di e prosperidad cu turismo ta genera, ainda tin hendenan na Aruba cu no ta beneficia suficientemente di e crecemento economico. Prome Minister Hulandes Rob Jetten tambe a reconoce cu costo di energia, cuminda y vivienda ta halto na Aruba y otro paisnan Caribense den Reino. Jetten a destaca importancia di inversionnan economico pa fortalece bienestar social. E diferente declaracionnan ta mustra cu e relacion entre prosperidad economico y bienestar social ta un tema cu ta ricibi atencion tambe den politica Hulandes, aunke e lidernan no tur a expresa e mesun posicion tocante e propuesta specifico na Aruba. Gobierno a tuma diferente paso pa trece alivio pa pensionado y esnan vulnerabel E principio cu economia mester ta na servicio di hende ta refleha tambe den diferente alivio social cu Gobierno AVP-FUTURO a

implementa of anuncia desde su entrada na mando. Un di e prome pasonan tabata e aumento di Afl. 250 pa luna den reparatietoeslag pa e pensionadonan di AOV y AWW, entrante mei 2025. E alivio aki a beneficia mas cu 21.000 pensionado, incluyendo nos grandinanan cu ta depende di nan pension pa cubri nan gastonan diario. Entrante januari 2026, Gobierno a introduci tambe un reduccion di prima di AZV pa pensionadonan di 65 aña of mas, di 5% pa 0% riba e prome Afl. 30.000 di entrada anual cu ta cay bou di e regulacion. Ademas, Gobierno a anuncia un aumento di basisbijstand di Afl. 450 pa Afl. 600 pa luna, aumento di asistencia escolar pa famianan cu yiu, como tambe fortalecemento di sosten pa personanan cu limitacion y otro gruponan vulnerabel. E alivionan aki ta forma parti di e esfuersonan pa combate pobresa, fortalece poder di compra y percura cu e crecemento economico cu Aruba ta experimenta beneficia tambe esnan cu mas tin mester di sosten. Parlamento a aproba mocion conjunto di AVP y FUTURO pa aumenta salario minimo E debate tocante salario minimo a conoce un desaroyo importante durante e reunion parlamentario cu a culmina den madrugada di 7 di november 2026. Parlamento di Aruba a aproba un mocion presenta den conhunto pa fraccionnan di AVP y FUTURO, cu ta solicita Gobierno pa aumenta salario minimo mensual cu Afl. 200, pa mas tarda 1 di maart 2027. E mocion ta contempla tambe un sistema di compensacion pa e empresanan, cu e intencion di limita e impacto di aumento di e gastonan di personal y evita cu e gastonan adicional wordo pasa directamente pa consumidor mediante aumento

di prijsnan. Ademas, e mocion ta pidi pa sigui cu consulta entre Gobierno, gremionan comercial y representantenan di trahadornan, mientras ta prepara e legislacion necesario pa implementa e aumento. Crecemento economico mester yega den cas di pueblo E debate na Aruba ta pone un pregunta fundamental riba mesa: con por percura cu e exito di turismo y economia ta beneficia tambe e trahado cu tur dia ta contribui na e prosperidad ey? E preocupacionnan di sector comercial tocante costo di operacion, empleo y e prijsnan ta forma parti di e debate y ta exigi un implementacion responsabel. Na mes momento, e realidad di famianan cu ta traha henter siman sin por cubri nan necesidadnan basico ta un problema social cu mester haya atencion. E mensahe di Papa Leon XIV na Argentina ta pone e principio di dignidad humano den centro di e discusion. No ta trata di un posicion specifico tocante politica di Aruba, sino di un vision mas amplio cu ta destaca cu economia ta existi pa beneficia hende. E vision aki ta conecta cu e meta cu Prome Minister Mike Eman ta defendiendo: transforma prosperidad economico den bienestar social, fortalece poder di compra y percura cu nos grandinanan, trahadonan y famianan mas vulnerabel no keda atras. Pasobra e berdadero progreso di un pais no ta wordo midi solamente den cuanto su economia ta crece, sino tambe den con e crecemento ey ta mehora e bida di su pueblo.

P 14

DIAHUEBS 13 DI NOVEMBER 2026

PPA ta solicita reunion urgente den Parlamento pa manda y mensahe cla contra abuso di menor di edad Parlamentario Eduard Pieters: “Si un mucha ta carga trauma pa bida, Aruba no por sigui trata abuso sexual cu tolerancia”

Un mucha cu a wordo abusa sexualmente por carga cicatriz emocional pa resto di su bida. E pregunta cu PPA ta pone awor ta: “Si e daño por ta permanente, e consecuencia penal ta refleha suficientemente e gravedad di e delito? Parlamentario Eduard Pieters a anuncia cu PPA a manda un carta na Presidente di Parlamento, pa solicita un reunion publico urgente cu Ministerio di Husticia. E meta ta examina e funcionamento di e sistema di proteccion di mucha y e cambionan necesario. “Nos no por keda na

palabra” Pieters a splica cu PPA a reuni cu organisacionnan, cu ta traha den proteccion infantil y a ricibi informacion tocante e deficiencianan den aplicacion di e protocolnan. E ta exigi evaluacion di coordinacion institucional, acceso na medico forensico y investigacion di caso di abuso sexual. “No ta suficiente pa tin protocol. E mester funciona, ora un mucha mester proteccion.” Oduber: “Pensa mil biaha prome cu bo comete e acto” Lider di PPA, Otmar Oduber, a reforsa e

posicion di su partido, pa investiga introduccion di castigo di prison pa bida pa abuso sexual grave contra menor. El a cuestiona si e condenanan relativamente cortico ta manda un mensahe suficientemente fuerte, mencionando un caso cu, segun e, a resulta den un castigo di aproximadamente dos aña. Oduber a enfatisa cu e proposicion mester ta traduci den iniciativa legislativo y evaluacion huridico.

Proteccion no ta termina cu condena Eduard Pieters a subraya cu abuso infantil ta inclui maltrato fisico, emocional, psicologico, negligencia y exposicion na violencia domestico. E ta pidi tambe mas atencion pa tratamento y recuperacion di victima y su famia den forma di husticia restauración. Otmar Oduber a reconoce cu algun situacion por involucra e condicionnan di salud mental, cu ta exigi evaluacion profesional y

un contesta adecuado di sistema di husticia. “E sistema mester proteha e victima, no laga e trauma profundisa” PPA ta busca un debate, cu por resulta den mihor investigacion, aplicacion consistente di protocol, sosten pa victima y revision di legislacion penal. E reto no ta solamente castiga e culpabel despues di abuso, sino crea un sistema cu ta detecta, proteha y actua prome cu otro mucha bira victima.

Bishita di cortesia di Presidente di Corte Comun Den Haag – Presidente di Corte Comun di Aruba, Curaçao, SintMaarten, Bonaire, Sint-Eustatius y Saba, Sigmar Carmelia a haci un bishita di cortesia cerca Minister Plenipotenciario di Aruba Mildred Schwengle. Sr. Carmelia a wordo acompaña pa Martin Luttge, director di operacion y señora Kyra de Koeijer, secretario. President di Corte Comun Carmelia ta na Hulanda pa introduci su mes oficialmente na diferente instancianan na Hulanda, manera Gabinete di Minister Plenipotenciario di Aruba. Sigmar Carmelia ta susesor di Mauritsz de Kort, despues cu sr. De Kort a keda

nombra como Gobernador di Curaçao. Nota pa redaccion: E potret ta cortesia di Gabinete di Aruba

P 15

DIAHUEBS 13 DI NOVEMBER 2026

Prome Minister Mike Eman a bishita Willem III Toren den fase final di restauracion

Prome Minister Mike Eman a haci un bishita na e monumento historico Willem III Toren na Fort Zoutman, cu actualmente ta den fase final di restauracion. Durante e bishita, Prome Minister a haya un recorido guia pa Serge Pluijmen, werkvoorbereider di ALBO, y Shannon Quandt, projectleider di ALBO, kende a duna splicacion tocante e trabounan cu ta tumando luga. E restauracion di e monumento historico ta un proyecto importante pa conservacion di patrimonio cultural di Aruba. Ta programa pa entrega e proyecto na final di januari 2027. Durante e recorido, Prome Minister Eman a enfoca riba e importancia historico di Fort Zoutman y Willem III Toren, cu ta dos di e edificionan di piedra mas bieu di Aruba. Eman a splica cu, aunke hopi hende ta mira e forti y e toren como un solo totalidad, nan a wordo construi den dos periodo diferente. Fort Zoutman a wordo construi na 1796, mientras cu Willem III Toren a wordo construi na

1868, casi 100 aña despues. Originalmente, e toren tabata funciona como un faro pa guia e barconan y boto di e piscadornan. Prome Minister a recorda tambe cu den pasado Fort Zoutman tabata un centro importante di administracion di Aruba, caminda diferente servicio publico, incluyendo husticia, duana y polis, tabata funciona. Den e contexto historico aki, Eman a anuncia cu dia 28 di november lo tin un presentacion di buki na Fort Zoutman tocante Cornelis Hendrik Eman, kende tabata miembro di Landraad rond di aña 1900. Segun Prome Minister, Cornelis Hendrik Eman a lucha pa Aruba haya mas bos y espacio pa determina su propio e prioridadnan. E tabata boga tambe pa un trato mas husto den tarifa di importacion y exportacion. Eman a destaca cu e lucha aki ta refleha e conciencia creciente di pueblo di Aruba durante e periodo ey. Durante e bishita, Prome Minister Eman a expresa su aprecio pa e trabou cu ALBO y su empleadonan

a realisa. E restauracion di monumentonan no ta solamente importante pa conserva edificionan historico, sino tambe pa fortalece e identidad di pueblo di Aruba. "Cada monumento cu nos ta restaura ta fortalece e fundamento di ken nos ta y na unda nos ta pertenece", Prome Minister Eman a expresa. Di su parti, Serge Pluijmen

di ALBO a splica cu e trabounan principal a inclui reparacion di scheurnan den e structura di e toren, instalacion di un dak nobo, trabounan di verf y reemplasa diferente parti traha di palo. Segun Pluijmen, specialmente e reparacion di e scheurnan a exigi hopi atencion y preparacion tecnico, considerando cu esaki ta forma e

base di e restauracion. Actualmente, e proyecto ta den su ultimo fase. Prome Minister Eman a gradici tur e empleadonan di ALBO pa nan dedicacion y e calidad di e trabou realisa, destacando cu conservacion di e monumentonan historico ta contribui na proteccion di e historia y identidad di Aruba pa e futuro generacionnan.

P 16 P 16

SUDOKU

Señor ta mi wardador, mi’n tin falta di nada DIABIERNA 13 NOVEMBER 2026 Den cunucu di yerba e ta sosega. DIAHUEBS 13 ponemi DI NOVEMBER 2026 E ta hibami na awa trankil. Señor ta mi wardador, mi’n tin falta di nada Pa mi bolbe haña forsa. cunucu di yerba ta ponemi sosega. SeñorDen ta mi wardador, mi’ne tin falta di nada Salmo: 23

MiniSter HerDé ta SigUi Den E ta hibami na awa trankil. Den cunucu di yerba e ta ponemi sosega. E ta hibami na DialOgO cU PatOUrOperatOrS mi bolbe haña forsa. awa trankil. mi bolbe haña forsa.cuSalmo: 23di Dios nos ta Cu dolor na nosPa curason; pero conforme boluntad Salmo: 23 pa bUSca cO-exiStencia fayecimento di: entre Cu dolor na nos curason; pero conforme cu boluntad di Dios nos ta Cu dolor na nos curason; pero conforme cu boluntad di Dios nos ta anu anuncia fayecimento di: fayecimento di: UzO Di atV/UtV y prOtecciOn Di natUraleSa

Jeronita Angela Jeronita EveliaEvelia Angela Mihor Mihor conociconoci como como “Velia” “Velia” *11-05-1952 †03-11-2026 *11-05-1952 - †03-11-2026 Na nomber di su:

Na nomber di su:

Mayornan: † Carlito y Mayornan: † Maria Angela- Kock Yiu: † Carlito y † Maria Angela- Kock †Edgar Franken

Yiu: †Edgar Franken Rumannan:

† Carlos Angela † Augustina Angela Rumannan: †Alberto Angela † Carlos Angela †Leno Angela † Augustina Angela †Thomas Angela †Alberto Angela † Ciro Angela †Leno Angela † Jeannie TrimonAngela †Vilma Angela †Thomas Angela Cuña mescos cuAngela ruman: † Ciro Sra. vda Marie Angela-Bislip † Jeannie Trimon- Angela

†Vilma Angela Sobrinonan: Cuña mescos cu ruman: Danilo Angela Sra. vda Marie Angela-Bislip Marcel y Liliana Angela Giannino Trimon Sobresobrino(a)nan: Sobrinonan: Xeanderick Trimon, Xiandra Kock Danilo Angela Cuña: Marcel Angela-Maduro y Liliana Angela † Sra. Catharina Giannino Trimon Madrina: Ligia Rasmijn Sobresobrino(a)nan:

Xeanderick Trimon, Kock pa proteha nos riba e importancia pa Como continuacion di Xiandra e necesidad Amiganan di cas: Cuña: Growell pa busca eRoosje iniciativa isla su naturalesa y medio involucra e sector den e † Sra. Catharina Angela-Maduro Cosma Kock y famia solucionnan na e situacion ambiente. proceso di dialogo, pa Madrina: Cas di cuido: Betesda Home Care relaciona cu Rasmijn uzo di y Amiganan, Durante Bisiñanan, e reunion, e por considera diferente Ligia Primo y Primanan, Amigo conocirnan vehiculonan ATV y UTV importancia di mantene perspectivanan y sigui Famia: Angela, Kock,diTrimon, Bislip, Maduro, Rasmijn, Thode, Wester, Garcia, Kelly y demas fami Amiganan cas: na Aruba, Minister di y acto un didialogo habri entre busca 2026 un entendimento wordo invita pa condolencia entiero diasabra 14 di november for di 9’or pa 11’or di m Roosje Growell na Aurora Funeral Home y despues lo saliybai pa santana na Sta. Cruz. Infrastructura, drs. Rene Gobierno sector turisticoCatolico mutuo. Cosma Kock y famia Herdé, aCasbolbe forma parti central di e Gobierno ta pone enfoke di cuido:reuni Betesda aHome Care cu representantenan di combersacion. E intencion riba dialogo y cooperacion Primo y Primanan, Amigo y Amiganan, Bisiñanan, conocirnan touroperators. ta pa sigui explora cu e partidonan envolvi, cu Famia: Angela, Kock, Trimon, Bislip, Maduro, Famia: Angela, Kock, Trimon, Bislip, Maduro, Wester, Garcia,naKelly E encuentro tabata enfoca posibilidadnan cu Rasmijn, por Rasmijn, e Thode, meta Thode, pa sigui traha un y dema wordo invita pa condolencia y acto di entiero diasabra 14 di november 2026 for di 9’or pa 11 Wester, Garcia, Kelly y demas famia ta wordo invita pa condolencia riba dialogo y intercambio contribui na un balansa posibel solucion cu ta tuma na Aurora Funeral Home y despues lo sali bai pa santana Catolico na Sta. Cruz. y actopa di entiero di november 2026 for na di 9’or pa 11’or di opinion, sondeadiasabra entre14 actividad economico, cuenta e actividadnan di mainta na Aurora Funeral Home y despues lo sali bai pa santana posibilidadnan pa logra experiencia turistico y turistico, conhuntamente Catolico na Sta. Cruz. un co-existencia entre e conservacion di nos medio cu e responsabilidad actividadnan turistico y ambiente. comparti pa proteha Aruba recreativo cu ATV y UTV y Minister Herdé a enfatisa su naturalesa.