KICO TA SPERA ARUBA DESPUES DI E ANUNCIO DI PREMIER EMAN
DIMAS cu ServIcIo DI HelpDeSk
nA MFA noorD pA trece ServIcIo MAS cercA DI coMunIDAD
Departamento di Integracion, Maneho y Admision di Stranhero (DIMAS) ta informa cu, durante e periodo aki, e servicio di Helpdesk lo ta opera temporalmente for di MFA Noord exclusivamente pa personanan cu tin cita confirma previamente.
Pa garantisa continuidad di servicio y minimisa inconveniencia pa clientenan cu tin cita, DIMAS a activa un localidad temporal na MFA Noord, unda e servicio di Helpdesk lo ta disponibel exclusivamente pa personanan cu tin cita confirma previamente.
E traslado temporal aki
ta ofrece un oportunidad importante pa DIMAS evalua y test un modelo di servicio mas cerca di comunidad.
Durante e periodo di prueba, DIMAS lo analisa e experencia di cliente, accesibilidad di e localidad y e posibilidadnan pa, den futuro, expande e presencia di servicio den diferente bario. E meta ta pa haci servicionan gubernamental mas accesibel, mas cerca y mas conviniente pa publico. Entrante diahuebs 18 di juni, lo atende personanan cu tin cita pa servicio di Helpdesk na MFA Noord segun nan horario confirma. DIMAS ta haci un yamada pa solamente personanan cu tin cita
presenta na e localidad temporal pa garantisa un proceso ordena y eficiente. Mientrastanto, DIMAS ta sigui traha activamente pa mantene continuidad di servicio y evalua diferente iniciativa cu por contribui na modernisacion di servicionan na beneficio di e comunidad.
DIMAS ta gradici publico
pa nan cooperacion y ta mira cu entusiasmo e oportunidad pa sigui desaroya servicio publico
cu ta mas cerca di hende y di nan necesidadnan diario.
Parlamentario Edgard Vrolijk: Kico ta spera aruba despues di e anuncio di premier eman
ORANJESTAD: E anuncio di Prome Minister Mike Eman cu e lo baha for di su cargo entrante 1 di januari 2027 a lanta preguntanan politico serio, specialmente mirando cu su propio partner di coalicion Futuro no tabata na altura di esaki.
Sinembargo, esaki no ta nifica cu e ta demisionario awe. Un minister demisionario ta un mandatario cu a entrega su renuncia formalmente y cu tin poder limita pa solamente trata asuntonan diario. Prome Minister Eman no a entrega su renuncia formalmente na Gobernador y su Gabinete no a cay. E ta sigui fungi cu su podernan intacto y mandato politico completo.
E pregunta cu ta keda ta: si Prome Minister Eman lo stop entrante 1 di januari 2027, kico lo pasa cu e decisionnan grandi y urgente cu nos pais mester tuma desde awor?
HOFA: un decision cu no por keda sin debate
Un di e decisionnan mas crucial riba mesa ta HOFA, e Rijkswet cu ta stipula normanan pa finansas publico y supervision financiero di Aruba. Bou di e propuesta actual, CAft lo duna cuenta directamente na Rijksministerraad en bes di rindi cuenta na Parlamento di Aruba. For di un organo di conseho, CAft ta pasa pa haya un rol decisivo den tuma decision pa Pais Aruba.
E pregunta no ta si disciplina financiero ta necesario. Aruba a demostra caba cu e por. E debe a baha di 117% pa 61% di GDP bou di nos propio ley (LAft), e nivel mas abou desde 2011, confirma pa Raad van State mes. E pregunta ta:
pakico un Aruba financieramente fuerte mester un ley permanente di Reino pa maneha su propio presupuesto?
Esaki ta un decision cu lo tin consecuencia pa hopi aña. Pa e motibo aki, un debate den Parlamento ta urgente y necesario.
Eman por bay, pero no sin duna cuenta na pueblo Un premier por stop. Un partido por cambia di lider. Pero Mike Eman no ta solamente premier di AVP cu Futuro. E ta Prome Minister di henter Aruba. Y mientras e ta ocupa e cargo aki, e tin responsabilidad completo cu e pueblo, no solamente cu su partido.
Si e ta sigui como premier te cu 2028, e mester goberna cu responsabilidad completo. Si su coalicion no tin confiansa, e caminda mas corecto ta pa aclara si e Gabinete mester sigui, si mester cambia liderazgo, of si mester entrega renuncia. Laga Aruba den incertidumbre mientras decisionnan grandi y crucial manera HOFA ta riba mesa no ta un opcion.
E punto clave pa pueblo no ta e persona cu ta bay. Ta kico ta wordo firma, entrega y dicidi den nomber di Aruba prome cu e bay!
RCI ta anunCIa ganadoRna dI e ‘dIamond awaRd’
MIEMBRONAN DI
PLAYA LINDA TA RICIBI RECONOCIMENTO REGIONAL
PALM BEACH – E nivel halto di hospitalidad ofreci na Aruba ta bon demostra door Playa Linda Beach Resort, unda tanto Murxy Williams
(Front Desk) y Monique Hodge (Reservations Department), a keda selecta recientemente pa nan esfuerso resaltante den excelencia den servicio na cliente. Ehecutivo di Cuenta pa Caribe di e compania di intercambio internacional RCI,
recientemente tabata na Aruba pa personalmente presenta ambos galardonado cu e honor di “Diamond Award”.
E Diamond Award ta keda otorga cada aña na un resort su team operacional cu continuamente ta bay mas aleu cu ta exigi di nan, ta radia un atitud positivo y amistoso y ta ofrece huespednan di intercambio di RCI y propietarionan cu e mihor
experiencia y servicio posibel. Unicamente 250 pa 300 hende, for di tur e resortnan afilia na RCI den Latino America y Caribe, ta ricibi e premio aki cada aña.
Recipientenan Murxy Williams y Monique Hodge a demonstra un historia solido den cumpli como ‘role models’ pa nan coleganan. Nan contribucionnan a yuda mantene Playa Linda su
status di Gold Crown Resort, RCI su marcacion mas halto pa resort cu ta demostra mehoracion continuo di e propiedad y atencion indiscutible den servicio. Comentarionan positivo den tarhetanan di evalusacion door di bishitantenan di intercambio ta yuda Playa Linda sobresali den top pa loke ta servicio na invitado. # # #
Parlamentario Shailiny Tromp-Lee
Evaluacion di arEglo Mutuo: aruba ta haci su EsfuErso pEro MEstEr scogE MEnos proyEcto pa logra progrEso rEal
ORANJESTAD – Un comision independiente a presenta resultado di evaluacion di e "Areglo Mutuo" (e pacto di reforma entre Hulanda y Aruba) cu ta acapara e Landspakket. E resultado di e evaluacion ta mustra cu Aruba ta haciendo un bon esfuerso pa drecha su asuntonan, pero ainda falta pa e reformanan aki drenta den ehecucion pa e ciudadano por sinti e cambio den su bida diario.
Kico e resultado di evaluacion ta bisa encuanto Aruba?
• Aruba tin e control: di e tres paisnan den Caribe, Aruba ta esun cu a demonstra di tin e miho control y un bista mas stabiel riba e proyectonan.
• Hopi plan, falta ehecucion: a traha hopi plan di maneho riba papel, pero masha poco proyecto a keda cla por completo. Mayoria di e reformanan ainda tin cu cuminsa funciona structuralmente den realidad.
• Falta di hende pa traha: E obstaculo di mas grandi na Aruba ta cu tin falta di trahado capacita den gobierno y falta di hende experto pa traha e leynan necesario. P’esey hopi cambio ta pega.
• E comision ta subraya cu e trabounan a cuminsa den tempo di tension: E areglo aki a nace den e crisis di COVID-19 ora Aruba tabatin mester di placa. E falta di confiansa den principio a crea tension, pero awor e cooperacion ta cana un tiki mas den trankilidad. Kico e comision ta conseha pa haci awo?
Nan ta conseha pa extende e areglo cu 2 aña (te cu april 2029) pa termina e trabou, pasobra reformanan grandi ta tuma hopi tempo. Pa e motibo aki, ta mihor pa haci e lista mas cortico; en bes di kier cambia binti cos pareu y laga tur na mita, Aruba mester scoge y enfoca su mes unicamente riba e reformanan structural cu ta mas urgente y haci esakinan bon. Banda di esaki, nan ta conseha pa uza e fondonan cu Hulanda ta duna via e TWO (Tijdelijke Werkorganisatie) pa fortifica e departamentonan cu ta skirbi ley, pa e cambionan por cana mas rapido. Pa loke ta trata transparencia, e comision ta di opinion cu Parlamento mester haya mas transparencia riba e placa y e progreso pa asina pueblo por sa exactamente kico ta pasando.
Conclusion
Pa conclui, Parlamentario TrompLee ta di opinion cu mester negosha miho y percura pa stop cu e asina yama "vinkjes-cultuur", caminda Hulanda ta actua manera un juffrouw di scol cu djis ta check un lista pa wak si Aruba a haci su tarea.
E parlamentario ta keda subraya cu mester bini cu un colaboracion real y structural caminda tur dos pais ta igual. Hulanda tambe tin un beneficio pa Aruba ta fuerte y structuralmente stabiel; ora Aruba ta structuralmente sano, henter Reino ta mas safe y mas den ekilibrio.
Dia Mundial pa Combati Secura y Suelonan Degrada 2026
Proteha Nos tera: Combati seCura y DegraDaCioN Di suelo Na aruba
ORANJESTAD – Dia 17 di juni, henter mundo ta para keto na e Dia Mundial pa Combati Secura y Suelonan Degrada. Pa un isla manera Aruba den Caribe, e topico aki tin un nificacion profundo. Cu nos clima semi-arido y e efectonan cada bes mas bisto di cambio climatico, e situacion di nos suela y e scarsedad di awa ta pidi atencion di henter comunidad.
Nos Clima Seco: E Realidad di Aruba
Aruba ta conoci pa su bunita dianan di solo cayente y biento fresco, pero e mesun clima semiarido aki ta haci nos vulnerabel. Den e ultimo añanan, nos a nota periodonan di secura mas largo y temperaturanan mas halto. Ora cu e tera no ricibi suficiente awa, e capa fertil di e suelo ta seca y ta bira sensitivo pa erosion—sea pa via di e biento fuerte of pa via di e poco awacero fuerte cu de bes en cuando ta cay y ta lastra e tera bay cun'e.
E degradacion aki di nos suela tin consecuencianan directo pa nos tur:
• Impacto riba Biodiversidad
Local: Nos flora y fauna unico, manera nos matanan endemico y bestianan cu ta depende di otro, tin como consecuencia perdida di habitat natural y fuente di cuminda.
• Seguridad di Cuminda: Suelonan debilita y degrada ta haci agricultura local hopi mas dificil, esaki ta aumenta nos dependencia riba mayoria di productonan pa consumo ta importa.
• Salud y Bienestar: Suelo seco ta crea mas stof cu e biento fuerte, locual por afecta e calidad di aire y ta empeora condicionnan respiratorio pa ciudadanonan.
Kico Comunidad Por Haci?
Accionnan Practico
Combati secura y proteha nos suelo no ta un tarea di gobierno of instancianan so; cada habitante di Aruba por haci algo. Solidaridad cu nos medio ambiente ta cuminsa na cas.
Aki tin algun oportunidad practico cu nos por implementa:
• Uza Awa cu Consciencia: Optimalisa e uzo di awa na cas.
Reuza awa di laba paña of laba tayo pa muha mata, scoge pa drip system den hardin pa evita gastamento.
• Planta Matanan Local: Matanan endemico cu ta resistente na e clima seco di Aruba. Nan tin mester di menos awa y nan raisnan
fuerte ta yuda mantene e structura di e suelo cu ta evita erosion.
• Aplica 'Mulching' (Capa di Proteccion): Tapando e suelo rond di bo matanan cu un capa di blachi seco, of compost, ta yuda mantene e humedad den tera pa mas tempo y ta evita cu solo ta seca e suelo completamente.
• Practica Composicion organico: Crea bo mesun compost na cas cu restonan di cuminda organico. Esaki ta enrikece e suelo, ta mehora su capacidad pa retene awa y ta yuda reduci desperdicio.
"Un suelo saludabel ta e fundeshi pa un Aruba resiliente. Pa medio di ahustacionnan chikito den nos mesun bario y hardin, nos por
combati e efectonan di secura y garantisa un futuro berde pa e proximo generacionnan."
Ban uni forsa pa cuida nos tera, conserva nos recurso di awa y mantene nos isla fuerte contra e cambionan di clima.
Minister Geoffrey Wever: Fondo di inversion a yega Parlamento
Oranjestad, 18 juni 2026 –Ministerio di Finansa, Asunto Economico y Sector Primario Geoffrey Wever ta informa cu Gabinete AVP-FUTURO riba 23 di juni 2026 lo defende e “Landsverordening Algemeen Investerings- en Ontwikkelingsfonds” (“AIOF”) den Parlamento. Crea un fondo di inversion ta prioridad di maneho number 5 manera indica riba pagina 4 di Programa di Gobernacion AVP- FUTURO 2025- 2028. Desde cu Gabinete AVP-FUTURO a inaugura Minister Geoffrey Wever a cuminsa traha riba e ley pa institui e fondo di inversion AIOF, cu awo a yega Parlamento pa wordo trata y asina ta cumpli cu e compromiso politico pa crea e fondo na bienestar di Aruba.
Como parti di e proceso legal prome cu tratamento di e ley den parlamento, Gabinete AVPFUTURO riba diamars 16 di juni a entrega su contestacion riba 229 preguntanan di Parlamento riba AIOF, e prome fondo di inversion di Pais Aruba.
Presupuesto di Pais Aruba ta un instrumento esencial den proceso pa facilita y stimula Aruba su desaroyo. Via e post “Kapitaalinvesteringen” gobierno ta aloca sumanan publico pa inversionnan. Te cu awo, Aruba no ta dispone di un instrumento financiero mara na un Agenda di Inversion a largo plaso. Pesey Gabinete AVP-FUTURO tin como prioridad crea un fondo di inversion pa facilita inversionnan a largo plaso y riba areanan di maneho manera renobacion urbano, enseñanza y innovacion,
transicion di energia, resiliencia climatico, E-goverment, vivienda duradero, infrastructura y crea sectornan economico nobo manera agricultura comercial, FINTECH, industria creativo y economia blauw.
Pa financia e AIOF, Gobierno di Aruba lo aloca e fondonan publico necesario via e presupuesto. Parlamento como e organo mas halto di nos pais, ta keda cu e tarea constitucional pa autorisa e fondonan. E fondo ta haci posibel contribucion financiero directo di manera entro otro Hulanda y Union Europeo. Creacion di e AIOF tambe ta ofrece e cuadro legal pa incorpora fondo adicional cu por resulta di entre otro refinanciamento di debe na tasanan di interes mas abao, den e cuadro di e HOFA. Di e manera aki, e fondo lo sirbi como un instrumento legal y di maneho pa facilita inversionnan strategico y a
Compromiso di Gabinete AVPFUTURO ta keda ehecucion di Programa di Gobernacion AVPFUTURO 2025- 2028. Creacion di un fondo di inversion y agenda di inversion ta crea confianza cu
fondonan publico ta wordo inverti na bienestar di Aruba segun minister Geoffrey Wever.
Gabinete AVP-FUTURO ta invita tur hende pa sigui e reunion publico den parlamento riba 23 di juni 2026.
largo plaso na bienestar y desaroyo di Aruba.
BAN HUNTO CELEBRA DIA DI DERA GAY DEN NOS BARIONAN
Riba diaranson 24 di juni 2026 Gobierno di Aruba bou Ministerio di Asunto General, Naturalesa, Medio Ambiente y Cultura, Comision Celebracion di Dianan Nacional (CCDN) y UNOCA lo uni nan esfuerso pa celebra Dia di San Juan y Dera Gay, un iniciativa cultural cu lo trece e celebracionnan directamente cerca di nos hendenan.
Cu e lema “Ban celebra Dia di Dera Gay den bario” e actividad tin como meta pa promove y fortifica e herencia cultural di Aruba, treciendo e tradicion di San Juan pa e pueblo y creando oportunidad pa participacion directo di grandi y chikito durante e celebracion. Entre 4 or di atardi pa 8 or di anochi, un trailer cultural cu varios representante di Gobierno di Aruba, CCDN y UNOCA, hunto cu varios musico, cantante, bailarin, lo bishita cuminsando na Bushiri Complex, Centro di Bario y Deporte Dakota y Mabon Kavel, culminando cu un gran final pariba di brug na Carnival Village den San Nicolas.
E iniciativa ta nace for di e conviccion cu cultura bo tin cu comparti cu otro. Dera Gay no ta solamente un celebracion, pero un simbolo importante di nos identidad nacional y un tradicion cu ta forma parti di Aruba pa varios generacion caba. Door di trece e celebracion directamente den e bario, e organisadonan ta busca pa fortalece
nos orguyo cultural, encurasha participacion di comunidad y mantene e tradicionnan cu ta identifica nos como un pueblo na bida.
Durante e parada, comunidad lo por disfruta di un programa cultural interactivo cu musica, baile, tradicion y competencia tipico di Dia di San Juan. Grupo Masiduri lo ta encarga cu e presentacion di e baile tradicional di San Juan, mientras cu Grupo Cariño lo percura pa animacion musical.
Ademas, publico lo por competi den varios actividad cultural, entre otro
• Bulamento di candela
• Competencia di grito di gay
• Competencia di grito di galiña
• Competencia di e grito mas largo di gay
• Competencia di buscamento di bandera
• Competencia di Dera di Gay
Lo tin diferente premio pa habitantenan cu participa. Programa di Parada Cultural di Dera Gay
E Celebracion lo tuma luga den un solo parada unda lo para cuater diferente bario.
Prome stop: Bushiri Complex
Di dos stop – Centro di Bario y Deporte Dakota
Di tres stop – Mabon Kavel, caya
Butishi
Di cuater y ultimo stop – Carnival
Village (Gran Final) San Nicolas
E trailer cultural lo pasa door di diferente districto via diferente camindanan principal di Aruba.
Direccion pa Bushiri Complex
Lo pasa via Rotonde di Paradera
→ Rotonde di Sero Patrishi → E.J.
Watty Vos Blvd. → Rotonde Madiki
Kavel → Frankrijkstraat → Bushiri Complex
For di Bushiri Complex direccion
Centro di Bario y Deporte Dakota
For di Bushiri Complex →
Frankrijkstraat → Rotonde Madiki
Kavel→ E.J. Watty Vos Blvd. →
Rotonde Codemsa → Caya Betico
Croes → Rotonde Tarabana → Dadelstraat → Caya Juancho Kock
→ Pampunastraat → Centro di Bario y Deporte Dakota
For di Centro di Bario y Deporte
Dakota direccion Mabon Kavel
Centro di Bario y Deporte Dakota
→ Pampunastraat → Caya Juancho
Kock → Dadelstraat → Rotonde
Tarabana → Caya G.F. Betico Croes
→ Rotonde Cumana (ex-CODEMSA)
→. → Rotonde di Aeropuerto → Rotonde di Pos Chikito → Savaneta
→ Cura Cabay → Brazil → Mabon →
Caya Butishi → Mabon Kavel
For di Mabon Kavel rumbo Carnival Village
Mabon Kavel → Mabon → Caya
Bernadina Growell → Brazil → Wendy's Cura Cabay (T-Weg) → Rotonde di San Nicolas (FTA)→ Bernhardstraat → Carnival Village
San Nicolas.
For di San Nicolas pa Paradera
Carnival Village → Bernhardstraat
→ Rotonde (FTA) San Nicolas → Savaneta → Rotonde Drive Inn → Macuarima → Rotonde Santa Cruz → Piedra Plat → Paradera Gas Station
Tambe ta invita e habitantenan cu ta biba banda riba e ruta pa sali y disfruta di e ambiente cultural mientras cu e trailer cultural ta pasa den nan bario (districto) rumbo pa e siguiente destinacion.
E gran final lo tuma luga na Carnival Village San Nicolas, unda e participantenan y nos pueblo lo topa otro pa conclui un anochi yen di tradicion, musica, alegria y orguyo cultural.
Gobierno di Aruba, CCDN y UNOCA ta invita tur habitante specialmente Bushiri, Dakota, Mabon y tur cu ta riba e ruta pa un y tur participa activamente na e celebracion y forma parti di un experiencia cultural unico cu ta uni tur generacion y ta fortifica nos identidad nacional.
Dera Gay 2026: Cultura den bario, tradicion den curason di nos pueblo.
Parlamentario Endy Croes
Mike eMan 2014: "Wij Worden gegijzeld, verkracht en vernederd door nederland." Mike
eMan, telearuba, 11 juli 2014
Parlamentario Endy Croes a tuma nota cu Minister President Mike Eman a anuncia oficialmente su retiro como Lider di AVP pa september 2026, y como Minister President pa 1 di januari 2027. Un anuncio cu, segun tur indicacion, a cay manera un baño di awa friu pa su mesun coalicion. Manera Minister Gerlien Croes mes a confirma publicamente, e anuncio aki no tabata uno consulta; ni cu FUTURO, ni cu su propio Partijraad. Un Minister President ta anuncia su salida sin un plan, sin un sucesor, y sin coordina cu su partnernan. Esaki no ta entrega un legado, esaki ta abandono di responsabilidad.
E forma di e anuncio ta solamente e mita di e storia. Loke ta preocupa
Parlamentario Endy Croes ta e contraste cu loke Mike Eman mes a para y defende den publico.
Na juli 2014, Mike Eman a drenta den un welga di hamber. El a campa dilanti Fort Zoutman, net dilanti di Gabinete di Gobernador, pasobra Rijksministerraad a manda un instruccion na Gobernador pa no firma e presupuesto di Aruba. E debe di Aruba tabata subiendo drasticamente bou di su mesun gobernacion; e deficit di 2014 tabata 443 miyon florin y Hulanda tabata exigi control. E tempo ey, Mike Eman a bisa NO. El a para firme publicamente, y el a duna su palabra na pueblo di Aruba.
Awor, nos mester recorda tambe con Mike Eman a yega na e
punto ey. Desde cu el a asumi gobernacion na october 2009, su prome presupuesto pa 2010 ya tabatin un deficit grandi. Aña tras aña, den 2011 y 2012, e deficit aki a keda crece. Tanto Raad van Advies como IMF a manda señalnan fuerte durante 2013, indicando cu e debe nacional di Aruba tabata aumentando demasiado rapido y drasticamente.
Na maart 2013, Mike Eman mes a firma e 'Witte Donderdag Akkoord' (Protocol 2013), comprometiendo Aruba pa baha su debe. Pero, tog e presupuesto di 2014 a presenta un deficit di 443 miyon florin, aproba pa su mesun parlamentarionan den Staten. Esaki ta e mesun situacion cu despues a conduci na e famoso welga di hamber
Awe, na 2026, e mesun Mike Eman aki ta forsando su parlamentarionan pa vota NA FABOR di e Rijkswet HOFA. Un ley cu ta pone Aruba bou di exactamente e mesun tipo di supervision financiero di Hulanda cu el a yama un "verkrachting" 12 aña pasa. Y mientrastanto, e mes ta bandonando e barco; sin un plan, sin un sucesor nombra, lagando su coalicion pa deal cu tur e consecuencianan.
Parlamentario Endy Croes no por compronde e actitud di Mike Eman pa cu Hulanda awo. Den 2014 el a uza e palabra 'verkracht' pa defende autonomia di Aruba. Den 2026 e mesun lider aki ta entregando e mesun autonomia
den man di Hulanda y ta bandona e barco, lagando e pais mes mester deal cu e Hulandesnan.
Parlamentario Croes ta expresa cu e decision politico di entrega Aruba su autonomia financiero na Hulanda, via un Rijkswet cu e mes a compara cu 'verkrachting', mientras e ta anunciando su salida sin un plan di transicion, ta algo cu pueblo di Aruba mester compronde y evalua pa su mes.
Mike Eman a bolter 180 grado. Pueblo di Aruba tin un solo pregunta pa haci: entre 2014 y 2026, kico exactamente a cambia pa Mike Eman? Pasobra pa Aruba, ora ta trata di e necesidad di proteha nos autonomia, absolutamente nada a cambia.
Fuente di e expresion di Mike Eman:
https://nos.nl/artikel/673801premier-aruba-in-hongerstaking https://nos.nl/artikel/2058634nederland-zat-fout-in-conflictmet-aruba-over-begroting
Oranjestad, Aruba - Minister di Finansa, Asunto Economico y Sector Primario, mr. Geoffrey Wever, a reuni cu directiva y miembronan di CUA pa comparti informacion y facilita un dialogo habri tocante e Rijkswet houdbare overheidsfinanciën (HOFA) y e Landsverordening waarborging houdbare overheidsfinanciën (LWHO).
E reunion aki ta forma parti di e serie di Town Halls cu diferente organisacionnan y gremionan den nos comunidad, Durante e encuentro, a hiba un conversacion constructivo tocante e contenido di ambos ley y e implicacionnan cu nan por tin pa Aruba. E miembronan di CUA a participa activamente den e sesion, haciendo varios pregunta relevante y compartiendo nan preocupacionnan, opinionnan y punto di bista riba e diferente aspecto di e Rijkswet HOFA y Lwho.
CUA, Comerciante Uni Aruba, ta un organizacion di gran importancia den comunidad di Aruba. CUA ta conta mas cu 200 miembro, ken ta representa mas cu mil empleado na Aruba. CUA ta fungi como un vocero pa nan miembro comerciante, pa duna nan un bos den comunidad di Aruba.
Un punto importante cu a wordo comparti durante e Town Hall tabata cu Aruba actualmente caba ta opera bou di supervision financiero riba nivel di Reino
Minister Wever a reuni cu cua pa dialoga tocante
r
ijksW et H o Fa
y lWH o
a base di e Landsverordening Aruba financieel toezicht (LAft). Den e contexto ey, Rijkswet HOFA no ta introduci supervision financiero di Reino pa prome biaha, sino ta propone un structura legal nobo cu varios aspecto mas flexibel y cu criterianan, procedimiento y responsabilidatnan defini mas claramente y tambe, cu benificio financiero pa pais Aruba.
Segun Minister Wever, e informacion aki ta importante pa e discusion publico, paso cu e debate no ta solamente tocante si tin supervision financiero of no, pero tambe tocante con e supervision ey ta wordo structura, cu responsabilidatnan ta wordo reparti y con e diferente mecanismo di control y evaluacion ta wordo aplica.
Durante e sesion, Minister Wever tambe a splica tocante e advies cu a sali recientemente di Raad van Advies, y adresa e preguntanan concerni di Articulo 38.
E minister a enfatisa cu e meta di e serie di Town Halls ta precisamente pa crea oportunidadnan pa comparti informacion correcto y pa permiti cu ciudadano y organisacionnan por forma nan propio opinion basa riba e contenido concreto di e Rijkswet HOFA y LWHO.
E encuentro cu CUA a culmina den un ambiente di respeto mutuo y intercambio constructivo di ideanan. Minister Wever a expresa su aprecio na directiva y miembronan di CUA pa nan participacion activo, interes den e tema y e preguntanan relevante cu a contribui na un dialogo productivo.
E serie di Town Halls ta continua cu otro organisacionnan den comunidad como parti di e esfuerzo pa mantene e conversacion habri y informa tocante e futuro di finansa publico di Aruba.
A.T.A. TA sigui for T ificA
s T r AT egi A di posicion A men T o di
ArubA
pA 2027 pA e region
di n or T e AmericA
Despues di un exitoso Global Marketing Meeting cu a tuma luga final di mei na Aruba, Aruba Tourism Authority (A.T.A.) ta sigui pone mas enfasis riba cada continente unda Aruba ta posiciona su mes. A.T.A. como autoridad di turismo di Aruba ta recalibra y keda skerpi na tur momento pa cu strategia desplega.
Hecho ta cu Aruba su posicionamento ta keda sumamente fuerte. Ambos riba area di demanda, pero tambe riba kico huespednan ta dispuesto pa ‘paga’ pa nan vacacion na Aruba. Esaki no mester wordo tuma como automatismo. Esaki mester wordo cuida y proteha. Mester menciona cu un bahada den turismo no lo ta di beneficio pa e sector y tampoco pa e isla den su totalidad. Sigur, lo mester para keto y reflexiona riba esaki.
Pa es motibo, ta tuma luga diferente reunionnan strategico di A.T.A. cu e diferente ekiponan, pa asina sigui sigura cu Aruba ta keda un destinacion atractivo y pa sigui eleva e calidad di huesped cu ta bishita. Cifranan ta mustra cu e strategia di atraccion den cuadro di esaki ta trahando. Pa Estados Unidos ta captura mas di esnan cu ta gana entre otro mas cu USD$150mil anualmente y mas di esnan cu ta gana mas cu USD$250mil. Ademas, a captura menos di esnan den categoria mas abou di entrada averahe anual. A.T.A. tambe ta sigui mira cu huespednan cu ta gana mas anualmente tambe ta gasta mas na Aruba. Y asina ta sigui vigila y ahusta strategia. Punto cardinal ta keda proteccion di nos isla den tur locual ta wordo haci. A.T.A. a ahusta y awor ta sigui ahusta e strategia mas ainda pa enfoca riba e ‘Aruba Dushi pa Biba y Dushi pa Bishita’. Entrada averahe anual ta un atributo cu ta wordo midi, pero sigur ta midi hopi mas, pa asina sigura cu e huesped cu nos ta atrae, ta esun cu ta den liña tambe cu nos vision di ‘proteha nos isla’. Ambos local y huesped mester contribui na esaki.
E siman aki na New York a enfoca netamente riba aspectonan asina ki y con A.T.A. lo ta mas skerpi, pero tambe con Aruba lo sigui lidera den Caribe, for di perspectiva di demanda (sigurando di mantene locual nos tin entre otro) y proteccion di nos isla.
Diferente topiconan importante a wordo discuti den e reunionnan. Durante e reunionnan, Area Director di Norte America, Sjeidy Feliciano, a habri e sesionnan cu un enfoke riba trabou den ekipo y e importancia di aliniacion pa logra e metanan strategico. E momento aki a pone enfasis riba con colaboracion estrecho entre tur partner ta esencial pa avansa e mercado.
CEO di A.T.A., Ronella Croes, a presenta un resumen di e obhetivonan general di e organisacion, incluyendo e direccion pa desaroyo di turismo, mientras cu e ekipo di Norte America a presenta nan metanan specifico pa 2027, delineando prioridadnan clave y e direccion strategico pa e mercado. Adicionalmente, agencianan a elabora riba e segmentonan di publico cu Aruba kier atrae, cu un enfoke riba e bishitante di ‘high value, low impact’.
Durante e reunionnan na New York, tambe a comparti perspectivanan riba tendencianan di biahe, tanto na nivel di Norte America como global, brindando guia valioso pa tuma decisionnan strategico. Durante e discusionnan, a bay den detayes riba e posicionamento di Aruba como marca, CMO di A.T.A., Sanju Luidens-Daryanani, a subraya e importancia di tene presente e metanan stipula y tabata satisfecho cu e trabou desplega pa cu e reunionnan aki, cu sigur a contene aspectonan nobo, y diferente cu lo sigui sigura un turismo saludabel. E secionnan a inclui resultadonan di investigacionnan nobo, como tambe accento specifico pa cu e topico di “Artificial Intelligence”, algo cu A.T.A. ta evalua continuamente y tampoco no ta un topico nobo pa A.T.A.
Finalmente, a presenta un actualisacion riba e desaroyonan di aruba.com, resaltando e rol importante di e website den e experiencia digital di bishitantenan. Tur disciplina di mercadeo tabata representa, sigurando cu tur stakeholder ta alinia cu e directivanan y e direccion strategico defini. E tipo di reunnionan aki ta esencial pa sigui traduci vision strategico den accion concreto, sigurando cu tur mercado ta alinia cu e metanan di turismo pa Aruba.
ORANJESTAD (17 di juni 2026) –
Recientemente parlamentarionan di Aruba a conclui un programa intenso y productivo den Hulanda den cuadro di e reunionnan Tripartite, Interparlementair Koninkrijksoverleg (IPKO) y varios bishita oficial di trabou. Segun Presidente di Comision di Asuntonan di Reino y Relacionnan Exterior di Parlamento di Aruba, parlamentario Jennifer ArendsReyes, e delegacion di Aruba a logra pone diferente tema importante y sensitivo riba agenda di Reino y alcanza acuerdo pa continua cu desaroyo concreto riba varios asunto di importancia nacional.
Segun Arends-Reyes, e reunionnan a confirma cu Aruba mester sigui participa activamente den e debate tocante futuro di Reino Hulandes y defendiendo interesnan di nos pueblo den tur instancia relevante.
“Aruba a laga su voz resona riba temanan fundamental pa futuro di nos Reino. E logronan riba e pasado di sclavitud, e geschillenregeling y e deficit democratico ta pasonan importante. Awor mester garantisa siguimiento y transforma e acuerdonan den resultado concreto,” ArendsReyes a declara.
Un di e resultado principal durante e reunion Tripartite tabata e consenso alcanza entre Aruba, Curaçao y Sint Maarten pa sigui trata e pasado di sclavitud como un responsabilidad comparti dentro di Reino. E delegacionnan a enfatisa cu reconocemento di e historia no por keda limita na palabra y simbolismo solamente, sino cu mester traduci den accion concreto.
Entre e area identifica pa atencion continuo ta investigacion historico, educacion, preservacion di patrimonio cultural, reparacion social y iniciativanan cu por contribui na un futuro mas husto pa generacionnan presente y futuro. Ademas, e paisnan a aproba un resolucion conhunto expresando desaprobacion cu e posicion adopta recientemente den Nacionnan Uni tocante e resolucion cu a reconoci esclavitud como un di e atrosidadnan mas grave den historia di humanidad. Otro tema importante tabata e continuacion di e discusion tocante
Parlamentario Jennifer Arends-Reyes:
Arub A A contribui
n A tem A n A n
fundA mentA l rib A AgendA di r eino y logr A Acuerdo pA sigui cu Accion concreto
e geschillenregeling, e mecanismo pa trata desacuerdonan den Reino. Segun Arends-Reyes, e paisnan Caribense a reitera cu mester tin un sistema independiente, imparcial y efectivo pa trata conflicto entre e diferente partnernan den Reino. “Un Reino basa riba respet mutuo y igualdad mester tin un mecanismo confiabel pa trata diferencia di opinion. Ningun partner mester sinti cu e resultado di un conflicto ta determina door di un solo banda,” Arends-Reyes a indica.
Durante IPKO tambe a acorda
proseso di aprobacion di ley nan di Reino y posibilidadnan pa aumenta influencia di e paisnan den decisionnan cu ta afecta nan ciudadano directamente. Ademas di e reunionnan parlamentario, e delegacion di Aruba a sostene diferente encuentro strategico cu institucionnan importante.
Na Raad van State, e delegacion a intercambia idea tocante e trayecto di HOFA y e importancia di logra un producto huridico cu ta mantene e balansa corecto entre responsabilidad y autonomia financiero di Aruba.
Na Clingendael Instituut, e delegacion a discuti desaroyo di capacidad institucional y e impacto cu cambionan geopolitico internacional por tin riba paisnan chikito manera Aruba.
Mientras tanto, durante bishitanan na Parlamento Europeo na Bruselas, a explora oportunidadnan pa cooperacion y acceso na fondo europeo den area manera energia renovabel, sostenibilidad, enseñansa, innovacion, digitalisacion y desaroyo economico.
Segun Arends-Reyes, e diferente reunionnan a confirma cu Aruba tin oportunidadnan importante pa fortalece su posicion internacional, amplia cooperacion y crea mas oportunidad pa futuro generacionnan.
“Nos mester sigui participa activamente den e discusionnan cu ta defini futuro di Reino y e relacionnan internacional cu Aruba. Solamente asina nos por sigura cu interesnan di nos pueblo ta representa y cu nos ta construyendo un futuro mas fuerte pa Aruba,” Arends-Reyes a conclui.
pa sigui cu e trabou relaciona cu e deficit democratico den Reino. E preocupacion principal ta cu decisionnan y legislacion cu ta adopta na nivel di Reino por tin impacto directo riba Aruba, Curaçao y Sint Maarten, mientras cu e paisnan no semper tin participacion suficiente den e proceso di toma di decision. Como resultado, lo sigui traha riba un comision special cu lo investiga con participacion democratico di e paisnan por wordo fortifica. E grupo lo evalua, entre otro, e posicion di e parlamentonan Caribense, e
E walkout reciente di e miembronan di Recherche y e sindicato policial ta manda un señal alarmante cu no por ignora. Pa lider di fraccion di PPA, Eduard Pieters, e situacion actual den cuerpo policial no a surgi di un dia pa otro.
Segun Pieters, Parlamento di Aruba a adverti gobierno mas di un aña pasa y a duna instruccion cla pa actua.
“Nos ta lamenta profundamente e situacion penoso cu aworaki ta reina den cuerpo policial,” Pieters a declara. “Pero e pregunta cu pueblo mester haci ta: con nos a yega te aki?”
Parlamento a papia, gobierno no a actua!
Pieters a recorda cu na maart 2025 Parlamento di Aruba a aproba un mocion unanimamente pa gobierno tuma accion concreto pa fortalece cuerpo policial.
Entre e medidanan tabata implementacion di bodycam y dashcam, e cambionan den legislacion pa permiti uzo di e hermentnan aki y mehoracion di e condicionnan di trabou p’e polisnan.
“Un aña despues, nos ta puntra: unda e bodycamnan ta? Unda e dashcamnan ta?” Pieters a cuestiona. “Parlamento a duna un instruccion unanime. No tabata cuestion di
partido politico. Tur parlamentario a para tras di esaki, despues di e suceso tragico y lamentabel di e hoben Lanoy.”
PPA a propone inversion den seguridad
Segun Pieters, PPA no solamente a critica gobierno, pero tambe a presenta opcion di solucion concreto durante tratamento di presupuesto. Fraccion di PPA a propone un amienda, unda lo genera mas ingreso pa pais Aruba, via un ‘pardonregeling’ pa regularisa e personanan indocumenta. Segun e calculacionnan presenta e tempo ey, e medida por a genera aproximadamente Awg 22.7 miyon. Di e cantidad aki, PPA a propone pa destina:
● Awg 6.5 miyon pa personal adicional necesario;
● Awg 7.5 miyon pa ekipo y material.
“Cu e amienda aki por a pone placa riba mesa pa tasers, bodycams, dashcams, bulletproof vests y otro material cu cuerpo policial ta pidi pa hopi tempo caba,” Pieters a splica.
Coalicion a vota contra Segun e parlamentario, a pesar di e necesidadnan evidente den cuerpo policial, e amienda di PPA no a haya respaldo di e partidonan cu ta sostene e coalicion.
“Awor nos ta mira e consecuencianan,” Pieters a declara. “Nos no ta culpa e polisnan, nos no ta culpa e miembronan di Recherche ni e directorado di KPA, ni SPA. Mi ta condena e decisionnan politico cu a haci y no haci uzo di e oportunidad pa inverti den
Un Aña despues di e mocion unanime den Parlamento: Unda e bodycam- y dashcamnan ta? edUard Pieters:
“Gobierno a haya e instruccion, pero a scoge pa ignora y no actua”
seguridad.”
Aruba no por sigui reacciona despues di un desaster Pieters a adverti cu gobierno no por sigui warda pa un tragedia nobo bolbe pasa, pa despues actua. “Dios laga cu nada pasa, pero nos no por sigui goberna
Aruba wardando riba un otro incidente grave, prome cu nos core busca bodycam, dashcam, material y recurso humano pa KPA. Gobierno mester actua proactivamente, no despues cu problema a explota.”
Fraccion di PPA a anuncia cu lo sigui monitoria e
situacion di cerca y ta dispuesto pa reuni cu sindicato y alto mando policial pa busca solucion structural.
“Nos no ta busca problema. Nos ta busca pa evita problema. P’esey nos a presenta e proposicionnan aki un aña pasa.”
Minister Geoffrey Wever: F I e S ta DI C U n UCU
2026 lO BIR a at ROB e U n C ele BR aCIO n Pa n OS GR an DI nan
Oranjestad, 17 di juni 2026Diaranson mainta Minister di Finansa, Asuntonan Economico y Sector Primario, mr. Geoffrey Wever hunto cu Minister di Salubridad, Asuntonan Social, Cuido di Adulto Mayor y Maneho di Adiccion sra. Mervin Wyatt-Ras a anuncia oficialmente e di dos edicion di Fiesta di Cunucu. E evento lo tuma lugar diadomingo 28 di juni na Santa Rosa. E celebracion ta un iniciativa di colaboracion entre dos ministerio, Directie Ouderenzorgen y Departamento di Santa Rosa, cu e obhetivo di honra nos adultonan mayor y promove e rikesanan di nos sector primario.
Fiesta di Cunucu ta un dia yena di cuminda crioyo, productonan local fresco, ambiente autentico di cunucu y actividadnan cu stimula alegria, movemento y contacto entre generacionnan. E evento ta
combina e mision di Sector Primario pa fortalece produccion local cu e mision di Cuido di Adulto Mayor pa promove bienestar, actividadnan y sentido di comunidad pa nos grandinan. Union ta haci forsa. E dos ministerio ta uni forsa pa crea un dia di encuentro genuino entre nos comunidad y nos herencia agricola.
"E Fiesta di Cunucu ta un muestra di loke ta posibel ora dos ministerio traha hunto cu un vision comparti. Nos ta celebra nos grandinan, nos cuminda y nos tradicion — y nos ta haci esey den e lugar mas apropia pa haci esaki cu ta nos cunucu," Minister Geoffrey Wever a comenta.
Tur famia di Aruba ta keda invita pa bin bishita Santa Rosa diadomingo 28 di juni. E Fiesta di Cunucu ta mas cu un evento, e ta un acto di gratitud, respet y orguyo Arubiano.
CORSOUW DUSHI CORSOUW
Un isla chikito den tamanyo
Grandi di curason
A duna tur locual nan tawata por A gana respet y amor
Den nan prome salida oficial contra Alemania
Un bunita gool y mas experiencia nan a hanya
Corsouw den Caribe
Un di e islanan di A B C
Nos isla ruman den laman
Prohimo ruman
Cu ta duna un man
Awe ta marca historia
Den nan futbol crea hopi dushi memoria
Nos grito di alegria
Nos gradicimento pa cada dia
Nos grito di apoyo pa cada wega
Nos grito di emocion pa cada gool
Aruba y Boneiro ta apoya nos isla ruman Corsouw
Di ariba te abao
Di tur banda
Nos papiamento ta manda
Nos lenga materno den hymno a resona
Nos bon comportacion deportivo ta resalta
Danki universo pa e bendicion
Danki pa e hungadornan nan passion
Pa deporte rey futbol
Pa Blue wave Corsouw nos ta grita :
Ora Dios papia tur hende mester obedece, pasobra tin consecuencia ora hende desobedece e palabra di Dios y hopi biaha e consecuencia ta duro , pa esun cu no ta tende, pa su cas, pa su famia, pa su matrimonio, pa su generacion, pa su pais, y por ultimo pa henter mundo.
Den Genesis 3 :17 Dios ta papia cu Adam bisando: Pasobra bo a scucha bos di bo esposa, y a come for di e palu di cual Mi a ordena bo bisando: Lo bo no come di dje:
Maldiciona e tera ta pa bo motibo, cu trabao duro lo bo come for di dje,tur e dianan di bo bida.
Mata di sumpinja y bringamoso lo e produci pa bo, lo bo come yerna di sabana.
Cu soso di bo frenta, lo bo come pan.
Te ora bo bolbe na tera. Pasobra for di dje bo a wordo tuma, pasobra stof bo ta, y na stof lo bo bolbe.
Adam a ricibi palabra di Dios, pa e no come for di e palo Adam dicidi di obedece Eva, of mihor complace cu Eva y pone palabra di Dios un banda.
Tur consecuencia a bini pa Adam, tur hende sa cu ta Eva a come prome for di e fruta, pero awe mundo henter ta bisa e pica di Adam.
Pero e asunto no ta caba eynan: Despues ta bini Abraham cu Dios bise cu Dios lo dune un yiu, tempo a pasa su casa a bira bieu, y su casa a cuminsa pensa cu pa motibo di edad lo e no por tin yiu, mas pasobra naturalesa ta bisa asina, pero e muher a lubida cu Dios ta donjo di naturalesa y cu locual Dios kier haci e no ta depende riba ningun hende, of naturalesa.
E a bisa Abraham pa drumi cu e cria Hagar y pa asina nan tin un yiu, Abraham a dicidi mescos cu Adam pa tende di bos di su esposa, y pone palabra y promesa di Dios un banda.
Awor nos tu sa kico a pasa, cu e mesun Sarah cu a bisa
Abraham pa drumi cu Hagar pa Hagar duna lus na un baby y pa asina e yiu lo ta di Sarah, a bisa
Adam pa corre cu Hagar , pasobra despues e yiu di promesa a nace y a bini discucion den nan hogar.
FORTALEZA
PA FAMIA
Scirbi pa Pastor Marcel Balootje.
OBEDECE PALABRA DI DIOS RIBA TUR COS
consecuencia awe pa henter mundo.
Rebeca mama di Jacob a manda Jacob disfrasa y horta e bendicion di Esau, e consecuencia a bini pa Jacob, e a keda e mentiroso, e mester a huy pasobra su propio ruman kier a mate, despues e a bay biba serca su tio, caminda e a traha siete anja pa e hanja un
muher pa e casa cune, y riba nochi di matrimonio e a wordo enganja, y asina e mester a traha siete anja.Y tur hende sa historia di su yiunan.
Ni maske con yega un persona ta pa bo,no laga su palabra, domina bo bida, corda cu palabra di Dios ta permanece pa semper. Sinceramente, Pastor Marcel Balootje.
“Señor ta mi wardador, mi’n tin falta di nada
Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”.
Salmo: 23
Nos ta anuncia fayecimento di:
E consecuencia di Adam su pica ta consecuencia mundial, cu awe nos tur mester entrega nos bida na Cristo Hesus, pa asina nos por wordo salba y libra di pica. pasobra pa motibo cu Adam no a obedece, nos tur a nace cu naturalesa pecaminoso.
E posicion di un homber como cabes di cas no ta negociabel, cada biaha cu un homber laga su mes wordo domina, pa no haci locual Dios a mande haci, e ta carga e consecuencia y hopi biaha esaki lo ta grave.E desobediencia di Abraham tin
Carole Joan Tromp *12-10-1950 - †16-06-2026
Acto di entiero lo wordo anuncia despues.
Grupo di adulto mayor Flor di a loë ta celebra aniversario di 10 aña
Oranjestad, 14 di juni 2026 — Grupo di adulto mayor Flor di Aloë a celebra un decada di amistad, compromiso y comunidad.
E celebracion a reuni miembronan, famianan y invitadonan pa conmemora e bunita ocasion aki. Durante e actividad tabatin musica, canto y hopi momento di alegria, reflehando e ambiente caluroso y e fuerte sentido di comunidad cu e grupo a cultiva durante e ultimo dies aña. Un momento special durante e celebracion tabata
“Nos adultonan mayor ta un pilar importante den nos comunidad. Durante e ultimo 10 aña, Grupo Flor di Aloë a crea un espacio valioso caminda nan por reuni, comparti y pasa momento agradabel hunto. Esaki ta un bunita ehempel di e manera cu amistad, compromiso y encuentro social por enrikese bida di hende," segun Minister Wyatt-Ras.
E Ministerio di Salubridad, Asunto Social, Cuido di Adulto Mayor y Maneho di Adiccion ta reconoce e aporte valioso di Grupo Flor di Aloë na bienestar y participacion social di nos adultonan mayor. Ministerio ta felicita e grupo cu nan 10 aniversario y ta desea nan hopi salud, felicidad y exito den e añanan cu ta bin.
ora cu e miembronan a canta un cancion hunto, reflehando e union y amistad cu caracterisa Grupo Flor di Aloë.
E anochi a conta cu presencia di Minister Melvin Wyatt-Ras, kende a comparti un rato ameno cu e miembronan di Flor di Aloë pa felicita nan personalmente cu nan aniversario. Tambe e Minister a reconoce e recien participacion di e grupo na e Olimpiada pa Nos Adulto Mayor na Boneiro, unda nan a representa Aruba cu orguyo y a logra e titulo di subcampeon.
