NiuN bisiña No a scucha Nada: hobeN[16] tira deN pecho
Rooi Bosal - Diaranson anochi algun minuut prome cu 10'or polis y 911 ta haya informacion cu un persona lo a wordo tira altura di Winston Baseball Veld[ Stadion Nadi Croes/ Crismo Anfela].
Na e sitio nos a compronde cu ambulance tawata na e sitio prome, y por a ser mira con Paramediconan a cuminsa mesora cu CPR. Esaki ta un indicacion di con serio e victima su situacion ta.
Segun polis, lo ta trata di un hoben[16], algo e lo a bay haci riba e parkeerplaats di e Stadion y esaki a bay completamente robes pe. Algun persona cu conoce mesora a yega e sitio, con nan a haya sa no ta conoci. Brommer y un helm a keda na e sitio, no por bisa si ta di e hoben.
BISIÑANAN NIUN NO A SCUCHA NADA DI TIRO
Na e sitio polis a haci algun habitante cu ta biba ey mes, si nan por a tende algo y
niun hende a scucha nada. Un indicacion cu kizas a usa algo pa tapa e zonido di tiro? Ta speculacionnan cu a lanta na e sitio.
Banda di pazuid, den tera polis ta haya un reaching di oro di homber, no ta mucho duidelijk si esaki tin di haci cu e incidente aki.
Slachtofferhulp mesora a wordo manda Hospitaal y tambe a avisa famia.
HOBEN RaysHON E. KElly Naci Na aRuBa aRiBa 1 OK tOBER 2009 (16 aña)
tiRa Na staDiON Di NaDi cROEs/
cRisMO aNGEla a FayEcE
Diaranson pa mas o menos 9:55 di anochi central di polis ta wordo informa di un caso di tiramento na e parkeerplaats di stadion di Nadi Croes Crismo Angela na Santa Cruz
Central di Polis ta despacha patruya como tambe ambulance na e sitio di e sucedido.
Na yeganda di polis ta bin topa cu e mucha homber riba e parkeerplaats cu un tiro na su curpa y no ta reaccionando. Ambulance ta presente y ta duna asistencia medico na e victima y ta transporte cu maximo urgencia pa hospital. Unidadnan di polis a cera diferente parti di caminda pa asina ambulance por a yega mas lihe cu ta posibel na hospital.
E prome informa ta cu lo ta trata di un mucha homber hoben. E victima lo tabata riba un brommer hunto cu un otro persona. Na unda cu un auto cu 3 homber aden lo a tira riba nan y e victima un hoben a wordo alcansa pa e tiro.
Departamento di recherche y departamento di BFTO a presenta na e sitio pa asina haci nan investigacion.
Departamento di slachtofferhulp tambe a wordo notifica.
Cuerpo Policial Aruba ta pidi personanan cu sa algo of a wak algo pa yama e tiplijn di polis cu ta 11141. Bo ta keda anonimo.
E caso ta den pleno investigacion.
Manera tin update riba e caso lo informa.
Update:
CASO TIRAMENTO RIBA
PARKEERPLAATS DI
STADION NADI CROES/
CRISMO ANGELA Un rato pasa a drenta informacion cu e victima di e caso di tiramento a fayece.
Ta trata di e hoben Rayshon E. Kelly naci na Aruba ariba 1 oktober 2009 (16 aña).
Cuerpo Policial Aruba ta manda palabra di condolencia na famia di e fayecido. E caso ta bao investigacion y Cuerpo Policial Aruba ta haci un apelacion na personanan cu sa algo of a wak algo pa yama e tiplijn di polis cu ta 11141. Bo ta keda anonimo.
Den caso serio Di maltrato: Detencion suspenDi Debi na incompatibiliDaD
Hues-comisario a suspende awetardi e detencion di e homber L.S.H., sospechoso di a maltrata un persona di 79 aña di edad na un cas di cuido den anochi di 16 pa 17 di juli ultimo.
Ta trata di un caso serio, den cual un adulto mayor a sufri lesionnan grave.
Hues-comisario a duna ordo pa suspension di detencion di e sospechoso H. despues cu a keda constata cu e homber aki no ta apto pa sigui deteni, o sea, ta incompatible cu detencion. El a wordo manda cas cu condicionnan.
Un sospechoso ta wordo considera incompatibel cu detencion ora su estado fisico of mental no ta permiti pa e keda deteni na un manera sigur y responsabel. Den e caso aki, e sospechoso H. ta depende di cuido 24/7, cu ta algo
oportuniDaD
cu no por wordo suministra ni na Warda di Polis, ni tampoco na Huis van Bewaring.
Ademas na Aruba no ta existi otro facilidadnan adecua pa detene un sospechoso den e condicion medico cu e persona aki ta den. Den situacionnan asina, huescomisario por dicidi pa suspende detencion y impone condicionnan.
Hues-comisario a impone cierto condicionnan riba e sospechoso en cuestion.
E mester keda disponibel pa Husticia, mientras Ministerio Publico ta investiga e posibilidadnan pa bolbe detene.
Pa yega na un solucion ta bay tuma tempo, pasobra Aruba ta depende di Hulanda pa gana H. den un facilidad di detencion apropia, y un translado asina no por wordo regla den corto plazo.
N’e mes momento, manera indica anteriormente, Warda di Polis no ta un lugar adecua pa detene e persona aki.
Pesey Ministerio Publico, cu hopi disgusto, a laga e sospechoso
L.S.H. bay pa awor, pero lo sigui traha pa haya un lugar di detencion pe, di modo cu e por wordo deteni di nobo.
pa bira maestro Di papiamento, ingles of HulanDes aki na aruba!
Entrante september 2026, e estudionan di Maestro di Papiamento, Maestro di Ingles y Maestro di Hulandes riba nivel bachelor di University of Curaçao awo tambe ta disponibel na Aruba. Esaki ta posibel door di e colaboracion cu tin entre Instituto Pedagogico Arubano ( IPA) y University of Curaçao (UoC). Tur persona na Aruba cu ta desea di haci un di e estudionan aki lo por sigui e lesnan online directamente for di IPA.
E estudionan aki ta forma docente di segundo grado cu ta cualifica pa duna les na alumnonan di enseñansa secundario. Pues, cu
e estudio aki bo por duna les na alumno di EPB, EPI, mavo y e prome tres añanan di havo y vwo. Informacion practico di e estudio
Cada estudio tin un duracion di cuater aña cual ta 240 EC. E lesnan ta wordo duna den sistema di bloki di 10 siman y ta tuma luga mas tanto entre 3:00 pm y 9:00 pm. E carga di peso di e estudionan ta 42 ora pa siman.
Pa informacion mas amplio tocante e contenido di e estudionan click riba e siguiente link: https://eu-lti. bbcollab.com/recording/569dd73 a15ed4c66bceeec19f821f345
Procedura di inscripcion
Inscripcion ta tuma luga
exclusivamente via e UoC via e link https://progresswww.nl/uoc/ aanmelden/25526 . E ultimo dia pa inscribi ta dia 21 di augustus 2026. Tene na cuenta cu pa por inscribi mester tin diploma di sea havo, vwo, sbo nivel 4, mbo nivel 4 of colloquium doctum pa 23+. Pa preguntanan por tuma
contacto cu Student Affairs di UoC na studentaffairs@uoc. cw of via +5999-722-2222 / +55999-522-5274.
Pasion pa idioma y enseñansa? Probecha di e oportunidad unico aki pa desaroya bo carera como docente aki na Aruba!
Parlamentario Xiomara Maduro: “Minister Gerlien Croes ta iGnora ParlaMento y lar” transParenCia no ta oPCion
ORANJESTAD – Parlamentario Xiomara Maduro a expresa su preocupacion grandi riba e manera cu Minister Gerlien Croes ta sigui nenga di duna claridad riba su biahenan oficial den avion priva, a pesar cu dos instancia oficial di nos Estado di Derecho ya a interveni den e asunto.
Segun Maduro, e caso aki a bay mas leu cu simplemente un peticion pa informacion di parti di Parlamento. Awo tambe e Bezwaaradviescommissie LAR a confirma cu, desde dia 10 di juli 2026, e consehonan riba e bezwaar a wordo entrega na e minister pa e tuma un decision. Segun e carta oficial, e minister tin un plaso di 6 siman pa tuma un decision corespondiente.
den e caso aki: Parlamento y e Bezwaaradviescommissie LAR.
Sin embargo, e minister ta scoge pa ignora tur dos. “Te awe, pueblo no a mira e recibo di e biahe di trabou den avion priva,” Maduro a declara.
E parlamentario a enfatisa cu e actitud aki ta manda un señal hopi preocupante tocante bon gobernacion. Ora cu un minister ta ignora preguntanan oficial di Parlamento y, na mes momento, ta ignora e proceso legal estableci den e Landsverordening Administratieve Rechtspraak (LAR), e confiansa di pueblo den gobierno ta bira mas debil.
Esaki no ta solamente un falta di respet pa Parlamento, sino tambe pa e proceso legal y pa e institucion cu tin e responsabilidad di controla
cu decisionnan administrativo ta sigui ley.
Maduro ta enfatisa cu transparencia no por depende di si un minister kier coopera of no. “Transparencia y responsabilidad no ta opcional; nan ta obligacion. Ora un persona ta ocupa un cargo publico, e tin e deber moral y legal di duna cuenta di su accionnan, di e uzo di recurso di pueblo y di e manera cu e ta eherce su funcion.”
Parlamentario Maduro a conclui cu pueblo a spera un gobierno cu ta lidera cu transparencia y integridad: “Pueblo a spera miho di e lider di FUTURO. Pero te cu awe, loke nos ta mira ta nul komma nul. Mientras e preguntanan legitimo ta keda sin contesta y e prueba di pago di e biahe den avion priva no wordo presenta, e preocupacion riba e falta di transparencia ta sigui crece.”
Siomara EvEron ta bira
Embahadora di Salud y Salud
mEntal di PaShEntnan di aruba
Oranjestad, Aruba — Pashentnan di Aruba (PDA) ta anuncia cu orguyo cu señora Siomara Everon a acepta e rol di Embahadora di Salud y Salud Mental di nos movemento civico.
PDA ta un centro di e fundacion sin fin di lucro SIKI y ta boga pa empoderamento di hende, pa nan por conoce nan derechonan, haci nan bos wordo scucha y participa activamente den decisionnan cu ta afecta nan bida.
Siomara ta conoci pa publico Arubiano como un specialista den media publico, presentadora di television y un cara familiar cu durante añanan a drenta cas y curason di hopi hende.
Pero tras di e profesional, tin un hende cu su historia personal a bira un simbolo di sobrevivencia, fortalesa y bunitesa den resiliencia.
Hunto cu su yiu, Siomara a mustra cu, aunke bida por pone un hende dilanti di dolor, incertidumbre y pruebanan grandi, semper tin un caminda pa bolbe lanta. Su historia no ta solamente uno di sobrevivencia, sino tambe di amor, dignidad y e curashi pa sigui dilanti.
Pashentnan di Aruba ta sumamente orguyoso cu Siomara lo bira un voz mas pa pashentnan, famianan y cuidadornan cu tin mester di wordo scucha.
Como Embahadora di Salud y Salud Mental, e lo contribui pa kibra silencio, crea comprension y trece mas humanidad den e
combersacion tocante cuido na Aruba.
E nombramento di Siomara a wordo anuncia inicialmente dia 17 di juni durante e programa Nos Mainta. PDA a dicidi warda cu e anuncio oficial te ora cu nos plataforma digital, www.pashent.org, a bira un realidad cu por ricibi e storia y bos di pueblo.
Awor e momento a yega. Pashentnan di Aruba ta invita tur pashent, persona, familiar y cuidado pa bishita www.pashent. org y yena nos encuesta. E encuesta por wordo yena completamente anonimo. Bo no mester menciona bo nomber y bo informacion personal no ta necesario.
Bo experiencia ta conta. Cada historia por yuda nos identifica unda e sistema
di salud ta funciona, unda e ta faya y unda cambio ta urgente. E informacion cu nos ricibi lo yuda PDA lucha pa un cuido di salud mas miho, mas humano, mas sigur y mas
respetuoso. Siomara lo ta un bos pa pashentnan. Pero e cambio cu nos ta busca mester cuminsa cu bo bos tambe.
CoronaCion di Sra. Carnaval KingdomS undEr thE Sun
Den Haag – Na Gabinete di Aruba a tuma lugar un ceremonia chiquito unda Minister Plenipotenciario
Mildred Schwengle a corona
Yolène Felipa-Lobato como Sra. Carnaval di e grupo di carnaval Kingdoms under the Sun.
Esaki a sosode den componia di fundador y lider di Kingdoms under
the Sun Rossini van Wijk, Reina di Carnaval di Aruba Gabriela Croes, sra Carnaval Kingdoms 2025
Angela Erasmus, Reina
Infantil Kingdoms Leya
Wanga y Kingdoms King 2026 Hubert Rivero.
Minister Schwengle a gradici Rossini van Wijk y tur persona envolvi cu e grupo di carnaval Kingdoms
under the Sun pa nan contribucion na e cultura di carnaval di Aruba aki na Hulanda. Tambe tabata tin un intercambio riba e rol cu carnaval ta hunga den e comunidad Arubiano.
E aña aki Kingdoms under the Sun ta cumpli 25 aña di existencia y participacion na Zomercarnaval di Rotterdam, cual ta tuma
lugar e weekend aki.Nota pa redaccion: E potretnan
ta cortesia di Gabinete di Aruba
Cuida bo salud durante dia naCional pa Cuida aruba
Den cuadro di Dia Nacional pa Cuida Aruba, Gobierno hunto Departamento di Salud Publico ta haci un yamada na tur participante pa proteha nan salud y siguridad durante e actividadnan di limpiesa. Haci nos isla limpi ta un responsabilidad comparti, pero ta importante pa haci esaki di un manera consciente y sigur. Pa evita deshidratacion, herida, picadura di insecto y otro incidente, Departamento di Salud Publico ta comparti e siguiente recomendacion:
1. Proteha bo mes contra solo
Uza protector solar cu SPF 35 of mas y no lubida di reaplica regularmente. Bisti un pechi y paña fresco di color cla cu manga largo y pantalon largo pa proteha bo cuero contra solo.
2. Preveni deshidratacion
Bebe awa regularmente, hasta si bo no tin sed. Evita exceso di bebida cu cafeina, hopi sucu of alcohol,
ya cu esakinan por contribui na deshidratacion.
3. Proteha bo mes contra picadura di insecto
Uza repelente y bisti paña cu ta cubri bo brasa y pia. Keda alerta pa animal y insecto cu por ta scondi den of bou di desperdicio, yerba y otro material.
4. Preveni accidente
Uza handschoen resistente y safety boots pa proteha bo man y pia. Nunca recoge glas, metal, obheto skerpi ni otro tipo di desperdicio directamente cu bo man.
5. Proteha bo wowonan
Uza bril di siguridad ora tin stof, glas, rama of particula cu por bula y causa daño na bo wowonan.
6. Carga material di forma sigur
Ora bo ta hisa un obheto, dobla bo rudianan y tene bo lomba stret. Evita obheto cu ta muchu pisa y pidi yudansa ora ta necesario.
7. Cuida bo higiene
No mishi cu bo cara, come ni bebe cu handschoen sushi. Despues di e actividad, laba bo man bon cu awa y habon.
8. Actua corectamente den caso di herida
Para di traha inmediatamente si bo haya un herida. Haci e herida limpi cu awa y busca prome auxilio of asistencia medico si ta necesario.
Departamento di Salud Publico ta recorda tur participante cu prevencion y bon preparacion ta esencial pa haci e actividad di limpiesa un experiencia positivo y sigur. Cuida bo salud durante Dia Nacional pa Cuida Aruba. Limpia cu responsabilidad, proteha bo mes y proteha otro.
Dia Nacional pa Cuida Aruba
Dia Nacional pa Cuida Aruba ta un iniciativa di Gobierno di Aruba cu ta busca fortalece e responsabilidad comparti den cuido di nos isla. Bou di e lema “P’ami. P’abo. Pa nos tur.”, e campaña ta invita ciudadano, empresa, scol, club, fundacion y organisacion pa uni forsa durante un gran accion nacional di limpiesa riba diasabra 25 di juli.
Ademas di haci diferente area rond Aruba limpi, e iniciativa tin como meta crea mas conscientisacion cu cuido di nos entorno ta responsabilidad di nos tur. Un Aruba limpi y bon cuida ta cuminsa cu compromiso y accion di cada ciudadano.
Prome minister mike eman ta comParti mensahe di unidad, liderazgo y ProPosito na ”called to Wealth international summit”
Prome Minister Mike Eman diahuebs mainta a duna un discurso oficial di bonbini durante e apertura di 13th Annual Called to Wealth International Summit, teni na The St. Regis Aruba Resort. E conferencia internacional, organisa pa Kingdom Chamber of Commerce, a reuni e lidernan di gobierno, comerciante, inversionista, ehecutivo y e lidernan spiritual for di diferente pais pa intercambia pensamento
riba liderazgo, innovacion y desaroyo economico sostenibel. Prome Minister Mike Eman a wordo ricibi pa Dr. K. Angela Pipersburgh, fundadora y presidente di Kingdom Chamber of Commerce.
Den su discurso, Prome Minister Eman a comparti cu e ainda ta corda claramente e bishita cu e lider spiritual di renombre mundial, Dr. Myles Munroe, a haci na Aruba na aña 2011. E a relata
con un di e mensahenan cu mas a resalta tabata ora Dr. Munroe a papia cu un gran grupo di hende tocante e significado di ta un "stranhero" na Aruba. Segun Eman, Dr. Munroe a recorda e presentenan cu, si un persona ta na Aruba, ta pasobra Dios a kier cu e persona ey ta aki. E mensahe ey, segun e Prome Minister, ta sigui relevante te dia di awe, pasobra e ta recorda nos cu tur hende tin un proposito y cu nos mester trata otro cu respeto, aceptacion y dignidad. Prome Minister Eman a remarca cu Aruba semper a caracterisa pa su apertura y tolerancia. Durante hopi generacion, hende di diferente nacionalidad, cultura y religion a haci Aruba nan cas y hunto nan a contribui na desaroyo di nos isla. E a enfatisa cu precisamente e balornan di respet mutuo, convivencia y union ta net locual mester sigui
guia nos comunidad. Prome Minister Eman tambe a comparti un otro pensamento cu Dr. Munroe a laga na dje personalmente: e invitacion pa "laga e mundo bashi", uzando tur bo talento, conocemento, experiencia y energia den servicio di otro. Segun Eman, e filosofia aki ta un recordatorio cu berdadero liderazgo ta basa riba duna lo miho di bo mes na servicio di otro y contribui na un futuro miho pa e siguiente generacion.
Durante e encuentro, Prome Minister Eman a presenta na Dr. Pipersburgh un ehemplar di e buki Volk van Veerkracht, publica den conexion di 40 aña di Status Aparte y 50 aña di Himno y Bandera. E a splica cu e buki ta comparti un reflexion riba e desaroyo di Aruba
durante e ultimo decada y cu e ta dedica na memoria di e prome Prome Minister di Aruba, Henny Eman.
Na final di su discurso, Prome Minister Eman a duna un bonbini na tur e delegadonan cu a bishita Aruba y a expresa su aprecio pa e oportunidad di intercambia pensamento cu e lidernan den comercio y e lidernan spiritual for di diferente parti di mundo. E a resalta cu liderazgo basa riba balor, colaboracion y servicio ta indispensabel pa sigui traha pa un futuro prospero y sostenibel.
Despues di e discurso, Dr. K. Angela Pipersburgh a expresa su gradicimento pa presencia di Prome Minister Eman y a haci un oracion, pidiendo bendicion, sabiduria y guia di Dios pa e Prome Minister, su famia y pueblo di Aruba.
E ploEgnan di SErlimar ta uni na dia nacional pa cuida aruba
Prome Minister Mike Eman awe a reuni cu e ploegnan di Servicio di Limpieza di Aruba (Serlimar) na Kockstraat, San Nicolaas, den preparacion pa Dia Nacional pa Cuida Aruba, cu lo tuma luga riba 25 di juli. Ayera el a reuni cu e ploegnan di Departamento di Obra Publico (DOW). Durante e bishita, Prome Minister a gradici tur e trahadornan di Serlimar pa nan dedicacion diario pa tene Aruba limpi. El a reconoce cu e ploegnan ta haci un esfuerso grandi tur dia, hunto cu e ploegnan di DOW, Tourism Product Enhancement Fund (TPEF) y otro servicionan, pero cu e atraso den limpieza di Aruba ta un reto demasiado grandi pa nan enfrenta nan so.
Prome Minister a indica cu e ploegnan ta traha duro tur dia, pero cu pa logra pone Aruba limpi, ta necesario pa henter comunidad uni forsa. Ta for di e necesidad aki e idea a nace pa organisa Dia Nacional pa Cuida Aruba. Gobierno ta invita sector
priva, e organisacionnan, e scolnan, e clubnan y tur ciudadano pa sali riba 25 di juli y contribui na cuido di nos isla. E iniciativa no ta solamente pa haci Aruba limpi durante un solo dia. E meta ta pa revive e sentido comunitario y crea mas responsabilidad pa cuido di nos barionan, nos cayanan y e diferente espacionan publico.
Prome Minister a enfatisa cu cada barro por haci un diferencia ora e bisiñanan sali hunto pa limpia rond di nan cas y cuida e spacionan publico den nan bario. Esaki lo yuda e ploegnan di Serlimar pa por concentra nan trabou riba e areanan cu realmente ta necesita mas atencion. Tambe el a haci un yamada pa presta atencion na e bisiñanan cu mester un man di ayudo. Por ehempel, yuda un persona grandi haci su cura limpi of transporta desperdicio ta forma parti di e cooperacion y sentido comunitario cu semper a caracterisa nos Arubianonan. Michel Henriquez Director di
Serlimar a expresa nan apoyo na e iniciativa y a confirma cu nan ploegnan lo pone nan maximo esfuerso pa contribui na Dia Nacional pa Cuida Aruba. Nan a enfatisa cu nan ta traha duro tur dia, pero cu cooperacion di comunidad ta indispensabel pa logra un Aruba mas limpi.
Prome Minister a conclui cu un invitacion na tur compania y organisacion cu por aporta cu personal, mashin of ekipo pa uni nan na e esfuerso nacional. El a gradici e comision organisado, e boluntarionan y tur e partnernan cu caba a confirma nan participacion.
Entre e organisacionnan cu lo participa ta Marinierskazerne Savaneta, cu lo pone personal disponibel pa yuda haci un area recreativo y deportivo den bario di Mabon.
Prome Minister a expresa su speransa cu mas organisacion y ciudadano lo uni nan riba 25 di juli pa traha hunto pa cuida Aruba.
ORANJESTAD, 22 di juli 2026 – Openbaar Avond Beroepsonderwijs Aruba (OABA) a presenta e resultadonan oficial di graduadonan pa e cohortnan 2024-2026 y 2025-2026. E otorgamento di diploma a tuma luga dia 8 di juli 2026, unda a celebra e esfuerso y e dedicacion di e studiantenan di e basis opleidingen y di e nivel 2-opleidingen.
Resultadonan di e Basis Opleidingen (Nivel 1) – Cohort 2025-2026
Den e basis opleidingen, un total di 51 studiante a cuminsa e aña escolar y 23 di nan a haya nan diploma, lo cual ta representa un rendimento di graduado promedio di 45%:
● Assistent Horeca, Voedingsindustrie (BBL): 15 studiante a cuminsa y 8 a haya nan diploma (53% di rendimento).
● Assistent Mobiliteitsbranche: 12 studiante a cuminsa y 6 a haya nan diploma (50% di rendimento).
● Assistent Dienstverlening: 13 studiante a cuminsa y 5 a haya nan diploma (38% di rendimento).
● Assistent Metaal-, Elektro- en Installatietechniek: 11 studiante a cuminsa y 4 a haya nan diploma (36% di rendimiento).
Avance den Nivel 2 y expectativa pa october 2026
Pa e cohort 2024-2026 di Nivel 2, e resultadonan na juli y e proyecion pa october ta lo siguiente:
● Eerste Monteur Elektrotechnische Installaties: 5 studiante a gradua na juli y ta spera 2 studiante mas na october.
● Monteur Koude- en Klimaatsystemen: 2 studiante a gradua na juli y ta spera 2 studiante mas na october.
● Medewerker ICT Support: Ta spera 3 studiante pa gradua na october.
Minister Gerlien Croes:
OABA tA
C
ele B r A e lOG rO n A n
di su studi A nten A n y tA
re A fir MA su COM prOM is O C u
e desA rOyO prO fesi O n A l n A Aru BA
Un grupo adicional di studiante lo gradua na october 2026 despues di completa nan BPV (practica), tareanan practico y parti di examen pendiente. Retonan y contexto di educacion pa adulto
OABA ta enfatisa cu e resultadonan di graduadonan mester wordo evalua den e contexto unico di educacion pa adulto. Mayoria di e studiantenan ta combina nan estudio cu un trabou full-time, responsabilidad familiar y orarionan di trabou irregular. Esaki tradicionalmente ta haci cu e porciento di studiante cu ta stop nan estudio ta mas halto cu den enseñansa di dia regular.
Populacion actual di studiante (Aña escolar 2026-2027)
Apesar di e retonan aki, OABA ta inicia e aña escolar nobo cu un base solido di 73 studiante activo. Esaki ta nifica un retencion positivo di 74%, cual ta un bon resultado pa educacion pa adulto:
● Eerste Monteur Installatietechniek NIVO 3: 17 studiante activo.
● KIA Project Assistent Metaal-, Elektroen Installatietechniek: 16 studiante activo.
● Basis Technicus Voertuigen en Mobiele Werktuigen: 15 studiante activo.
● Eerste Monteur Elektrotechnische Installaties: 14 studiante activo.
● Helpende Zorg & Welzijn: 6 studiante activo.
● Monteur Koude- en Klimaatsystemen: 5 studiante activo.
Mirando cu e periodo regular di inscripcion ta continua, OABA ta spera un crecemento adicional den e populacion di studiante. Segun director general di OABA sr. Carlos Martinus, "OABA ta sigui duna un contribucion substancial den e desaroyo di trahadonan capacita pa Aruba. E populacion actual di studiante y e entrada spera ta duna nos confiansa pa e añanan escolar cu ta bin."
Minister Gerlien Croes ta felicita tur e graduadonan cu a logra alcansa nan meta cu disciplina y perseverancia. Tambe nos ta desea tur studiante cu ta bay cuminsa cu nan trayectoria escolar hopi exito, motivacion durante e etapa aki, cu no semper lo ta facil, pero lo duna fruto na final.
Den Doubledown café su ballroom a tuma lugar e graduacion 2026 di Lillyputters speelschool su alumnonan. E tema tawata e colornan di crayon y e lema ta: “di Lillyputters pa Kleuter”. E MC pa di 12 aña tawata Addonsito Croes. Cancionnan skirbi pa Lilly Arends a ser canta live door di e mucha- y nan juffrouwnan Nadesca, Suhein y Lilly. Algun ta: Appel cora, 7 dia di siman, formanan bunita y mi por conta. Tur esnan den e sala cu a mira e chikitonan den nan toga, a aplaudi nan masha hopi. Den su mensahe, juffrouw Lilly a gradici cada mayor y alumno pa e confiansa deposita den Lillyputters speelschool e ultimo 2 añanan. Un danki grandi ta bay tambe na juffrouwnan Nadesca y Suhein. Tambe Darinka, Darienne, Mila, Kami, Whitney, Gino, Mikey y e staf y personal di Double Down Café. Juffrouw Lilly Arends tin total 51 aña como juffrouw di mucha chikito di cual 48 aña cu el a lanta Lillyputters speelschool.
LILLYPUTTERS SPEELSCHOOL CU GRADUACION UNICO
Parlamentario Eduard
Pieters (PPA) a critica e comparacion entre Rijkswet HOFA y Onderling Regeling cu Eric van der Burg, Staatssecretaris van Binnenlandse Zaken en Koninkrijksrelaties a uza y Pieters ta keda alerta pueblo Arubano cu esaki ta minamento di nos autonomia. Pa Eduard Pieters, e asunto aki no ta solamente algo legal, sino ta un cuestion di dignidad nacional. Segun Pieters, esaki ta un comparacion cu no solamente ta huridicamente incorecto, sino tambe peligroso.
Hulanda kier bende algo diferente
Pieters a bisa cu un Onderling Regeling basa riba articulo 38 di nos Statuto di Reino ta un acuerdo administrativo entre e partnernan den Reino pa yuda otro y na un manera boluntario, mientras e Rijkswet HOFA ta cambia profundamente e relacion constitucional entre Aruba y Hulanda y tin consecuencia directo pa nos autonomia. “E no ta mesun cos. Gobierno ta pidi confianza, pero no ta duna transparencia!” Pieters a expresa.
Onderling Regeling sin un base di Rijkswet a funciona Pieters a sigui bisa cu Aruba despues di COVID-19 a cera un acuerdo cu Hulanda pa yuda Aruba den ehecucion di plannan pa haci Aruba su aparato gubernamental mas fuerte. E Onderling Regeling a resulta den Landspakketten
Parlamentario e duard Pieters: “ n o laga hende burla di nos inteligencia”
cu e aña aki a wordo evalua.
“Di e evaluacion por a conclui cu e colaboracion entre e dos paisnan den Reino a bay bon. A logra hopi a base di respet mutuo y cu sinembargo ainda falta algun trabou si tene cuenta cu ta trabounan complex.” Eduard Pieters a elabora. Mas ainda a constata cu Aruba a tuma su responsabilidad na serio y a haci di e proceso uno propio (ownership). “Si gobierno anterior y gobierno actual ta mantene na regla y leynan vigente pa loke ta trata presupuesto di pais Aruba. E evaluacion di e colaboracion entre Aruba y Hulanda a bay bon. Nos conoce surplus, nos debe compara cu nos producto interno bruto (debt to GDP) ta sigui baha cu stapnan grandi y nos economia ta stabil, Nos ratings pa financiamento ta miho y nos ta mantene na e LAft, hasta Staatssecretaris di Hulanda Van der Burg a bisa cu Aruba ta bay hopi bon y den cierto sentido hasta miho cu Hulanda. Pakico e insistencia pa sigui negocia un Rijkswet HOFA? Dicon nos no por cera un Onderling Regeling pa traha riba nos Begrotingskamer y Hulanda yuda nos presta placa na un interes abou riba mercado internacional di cual Aruba lo paga Hulanda bek?” Pieters a puntra.
Parlamento ainda no sa kico ta negocia Mas cu e contenido di e posibel Rijkswet HOFA “nobo”, Pieters a expresa preocupacion cu Parlamento ainda no sa exactamente kico ta wordo negocia. Segun Pieters, Gobierno ta move cu urgencia den un trayecto
constitucional, mientras e representante legal di pueblo, ainda no a haya claridad riba e cambionan cu por afecta e leynan local y e posicion constitucional di Aruba. “Nos no sa kico ta cambia ainda.” Pa Pieters, esaki ta inaceptabel. “Bo no por pidi Parlamento pa confia den un proceso cu Parlamento mes no conoce.”
Autonomia no ta un tema pa negocia den silencio Pieters a recorda cu PPA tin e autoridad pa mantene e mesun posicion pa bisa NO na HOFA y NO na LWHO. “Nos no tabata den gobierno ni parlamento pa mas di binti aña. Nos NO a firma un bestuurlijk akkoord caminda
articulo 38 cu ta mina nos Constitucion a wordo crea bou presion di Hulanda y tampoco nos a firma Rijkswet HOFA core mand’e Rijksministerraad cu e mesun presion di Hulanda y presion di partido FUTURO (sino no tin Gobierno AVPFUTURO). Segun Pieters, PPA nunca lo acepta ningun proceso cu ta debilita nos Status Aparte cu a forma nos Constitucion, tampoco nos Statuto di Reino y principalmente e autonomia di Aruba. “Nos como parlamentario a huramenta pa proteha nos Constitucion, nos leynan y nos autonomia. Mi deber constitucional ta pa salvaguardia esaki.”
Unity Ar U b A t e A m b riyA n A
t orneo i ntern Acion A l di bA seb A ll J md n A P U ntA cA n A
Unity Aruba Team Briya na Torneo Internacional di Baseball JMD na Punta Cana
Punta Cana, Republica Dominicana –Unity Aruba Team, bao guia di Coach Dwaine Felida y su coaching staff, ta sigui haci un excelente impresion den e 16to Torneo Internacional di Baseball JMD na Punta Cana. Door di hopi dedicacion, disciplina y bon preparacion, tanto e equipo U10 como e equipo U8 a logra clasifica pa e cuarto final, cu lo hunga mañan mainta na 9:00am.
Ademas di e equipo di Unity Aruba, varios otro joven peloteronan Arubiano tambe ta representando nos isla cu hopi orgullo. CJ Roosberg y Shondrick Solognier ta competi cu Team Panama den categoria U12, mientras cu Cayden Fraser y RayZion Jack ta haci un excelente papel cu Team di Merca den categoria U14. E team di Merca aki a logra clasifica pasa pe cuarto final, un logro cu ta confirma e alto nivel di talento cu Aruba tin den beisbol.
Mas cu gana of perde un partido, e torneo ta ofrece un experiencia unico pa e muchanan. Durante e evento nan tin e oportunidad pa hunga contra equipo di diferente pais, crea amistad internacional, conoce otro cultura y sinja con pa competi na un nivel mas halto.
Un di e aspectonan mas special di e torneo ta cu e hoben peloteronan por conoce personalmente ex hungadornan di MLB Omar Vazquez, scout reconoci Jose Fortuna y hopi otro scoutnan profesional, coachnan y lidernan di beisbol cu ta presente pa observa talento, comparti nan conocemento y inspira e proximo generacion di peloteronan.
Experiencianan manera esaki ta forma caracter, aumenta confiansa y motiva e muchanan pa sigui traha duro pa logra nan sonjonan. Aruba por sinti orguyo di e representacion cu su hoben atletanan ta mustra na escenario internacional.
Hopi suerte na tur e peloteronan Arubiano den e cuarto final. Aruba ta hunto cu boso!
James Finies i Davika Bissessar Shaw di Bonaire Human Rights Organization (BHRO) a asistí na e promé dia di e Management Segment di yüli 2026 di e United Nations Economic and Social Council (ECOSOC), tení dia 21 di yüli na Sede Prinsipal di Nashonnan Uní na New York. Durante e promé dia, e Konseho a tene su reunionnan plenario númerò 39 i 40.
Representando BHRO, e delegashon a partisipá komo parti di e trayekto Bonaire Lives Matter, den su kompromiso kontinuo ku e proseso nan di Nashonnan Uní relashoná ku e relisting di Bonaire, derechonan humano i desaroyo sostenibel.
E reunion tabata parti di ECOSOC, ku ta reuní henter e sistema di Nashonnan Uní, inkluyendo su agensianan spesialisá, komishonnan, fondonan, programa-nan, organismo di eksperto i institushonnan internashonal asosiá. Entre otro nan ta organisashonnan manera UNESCO, WHO, ILO, FAO, UNDP i UNICEF, ku nan asistensia tékniko i programanan di desaroyo ta forma algun di e benefisionan prinsipal disponibel pa Teritorionan Sin Propio Gobernashon den e sistema di Nashonnan Uní.
Durante e seshon, e Estadonan Miembro a adoptá ku 31 voto na fabor, un kontra i 17 abstenshon, e resolushon titulá "Support to Non-Self-Governing Territories by the Specialized Agencies and International Institutions Associated with the United Nations."
Reino Hulandes tabata entre e paisnan ku a abstené. Esaki ta sigui e desishon ku Hulanda a
Un otro derota pa H U landa na n as H onnan Uní: e C oso C ta reafirmá apoyo pa Teritorionan Sin
Propio Gobernashon
tuma na mart 2026 ora e tambe a abstené riba e resolushon di Asamblea General, presentá pa Ghana, tokante reparation i rekonosementu di sklabitut komo e krimen mas grave kontra humanidat. E abstenshonnan konsekutivo di Hulanda aki, huntu ku e trabou di konsientisashon internashonal di BHRO, lo intensifiká e skrutinashon riba e posishon di Hulanda tokante esfuersonan internashonal pa atendé responsabilidatnan kolonial i promové e desaroyo di pueblonan ku ta biba bou di un status no autónomo.
BHRO a selebra I aplaudi e 31 voto na fabor, señjalando ku e adopshon di e resolushon ta reafirmá e responsabilidat kontinuo di e sistema di Nashonnan Uní, inkluyendo su agensianan spesialisá i institushonnan internashonal afiliá, pa sostené e desaroyo sosial, ekonómiko, edukativo i institushonal di e Teritorionan Sin Propio Gobernashon. Esaki ta mustra ku e sistema di Nashonnan Uní ta funshoná pa NSGT's, i dikon James Finies ta mira relisting di Boneiru komo e solushon pa ku Boneiru por benefisiá di supervishon i sosten di Nashonnan Uní.
E abstenshon di Hulanda ta spesialmente signifikativo, pasobra na 2010 Boneiru a wòrdu inkorporá den e Konstitushon Hulandes sin konsentimiento di su pueblo, bou di atministrashon direkto for di Den Haag. Diferente di Aruba, Kòrsou i Sint Maarten, Boneiru no tin status di pais autónomo den Reino Hulandes. E leinan ku ta goberná Boneiru ta wòrdu impone pa Parlamento Hulandes, miéntras ku e pueblo di Boneiru ta sigui buskando un partisipashon real den e desishonnan tokante su futuro polítiko.
BHRO a ekspresá preokupashon ku e poblashon nativo Boneriano ta enfrentando marginalisashon polítiko, kultural i demográfiko, un krisis humanitario silensioso. Na 2004, Boneiru tabatin aproximadamente 10.000 habitante, ku mas ku 80 porshento ta nativo. Awe, e poblashon a pasa 25.000, miéntras ku e poblashon nativo a baha bou di 30 porshento i, segun proyèkshonnan, lo baha bou di 15 porshento dentro dies anja. E krísis humanitario eksistensial i menasa di eliminashon demográfiko i kultural ta eksigí kompromiso internashonal urgente.
Fundador di BHRO, James Finies, a reafirmá e kompromiso di e organisashon pa sigui traha huntu ku Estadonan Miembro na apoyo di e reinskripshon di Boneiru riba e Lista di Nashonnan Uní di Teritorionan Sin Propio Gobernashon, enfatisando ku supervishon internashonal renobá ta esensial pa garantisá ku e pueblo di Boneiru wòrdu protehá i inkluí kompletamente den tur desishonnan ku ta afektá nan futuro.
Los diez encantos
Kenna F. Hernández a entrega un ehemplar di su buki ‘Los diez encantos’ na biblioteca awemainta.
‘Los Diez Encantos’ ta un historia cu ta combina eventonan real cu elementonan di ficcion pa atrae y entretene e lesado. E publicacion aki ta na Spaño. Inspiracion pa skirbi e buki ta su mesun bida personal, e biahenan cu el a haci, e cosnan cu el a wak y e parti romantico cu el a pasa aden.
'Los diez encantos' ta un novela na spaño di ficcion pero inspira riba hechonan real. E ta explora tema di amor, crecimiento personal, memoria a base di reflexion cu un structura narrativo. E ta un obra literario contemporaneo cu ta sigui un personahe principal, kende ta relfexiona riba topico di amor, memoria y transformacion personal durante un biahe largo prome cu e yega na su aventura. E ta reflexiona di e pasado cu a bira un les y un presente impredecibel
pasado' ta casi cla y esaki ta na Papiamento. Kenna su carera profesional a cuminsa den periodismo na Aruba. Un momento emocionante den su trayecto literario ta donacion di un copia di su buki na Biblioteca Nacional Aruba. "E ta nifica hopi pa haci un entrega di mi prome buki pa asina otro hoben por lesa y inspira nan mes, y sigui cu nan logronan, pa por contribui na obranan literario di Aruba."
"Pa publica den Papiamento ta importante y un balor special pa motibo cu e ta sigi enrikece literatura Arubiano den nos idioma propio."
cu personahenan cu lo haci cambio den su bida.
Kenna su soño ta pa inspira hubentud pa lesa mas y amplia nan horizonte via literatura. Pa pone historia disponibel den varios idioma, e ta spera di contribui na fuente educativo cu ta conecta cu un audiencia diversifica y multilengual.
“Tempo mi tabata chikito, mi tabata lesa hopi buki na Ingles, Hulandes, Spaño y Papiamento. Y mi a cuminsa skirbi di chikito”. Kenna su aspiracion ta pa sigui studia literatura. Ela caba su estudio Ingles y ta traha como docente. Kenna a lanta na Aruba y algun aña pasa a bay biba na Hulanda. Kenna su pasion ta skirbi historia cu por conecta hende atraves di cultura y idioma. Su meta ta pa pone mas literatura disponibel pa hubentud di Aruba y rond mundo, specialmente na idioma cu no ta representa hopi, manera Papiamento. Su proximo obra 'Bek den
“Señor ta mi wardador, Lo mi no tin falta di nada; Den cunucu di yerba berde, E ta ponemi sosega E ta hibami na awa trankil Pa mi bolbe haya forsa”. Salmo 23:1,2,3
Cu profundo dolor na nos curason, pero conforme cu boluntad di Dios, nos ta anuncia fayecimento inespera di mi casa, nos tata, mi welo, nos ruman y omo stima:
Juan Wigberto Maduro
Cariñosamente yama: “Juany” of “Mo Juany” *13 Augustus 1942 - +21 Juli 2026
Na nomber di su:
Mayornan: +Juan y +Ursulita Maduro-Tromp
Casa: Mervin Maduro-Croes
Yiunan:
Marise Maduro y Gene-Carlos Paesch
Nadia Maduro
Kenna ta sinti cu publicacion, tanto na Papiamento, Ingles, Hulandes y Spaño, lo sigui aporta na desaroyo di literatura na Aruba y motiva generacionnan nobo pa conta storia. "Mi lo sigi trata cu amor, dedicacion y determinacion pa enseñansa y literatura di Aruba pa contribui na cultura y idioma.”
Author: Kenna Hernandez Language: Spanish, Year: 2024, ISBN: 9798376367711
https://www.instagram. com/kennafabianna/ https://kennawriter. myportfolio.com/los-diezencantos
Su nieta stima: Jayna Colina (cu el’a yama cariñosamente “Toet”)
Rumannan:
+Efraim y Maria Luisa “Lu” Tromp-Vasquez y famia
Maria y +Gerrit van Dijk-Maduro y famia
Imelda y+Arie Hernandez-Maduro y famia
+Alda Maduro y famia
Bea Maduro y famia
+Tony y Lilia Maduro-Arends
Oncha y Henry Garcia-Maduro y famia
Jacinta y +Richard Shaw-Maduro y famia
+Ella y Ton Keeven-Maduro y famia
Pablo Maduro
Cathy Maduro
Ivan Maduro
Danny Maduro
Cuñanan:
Lies y +Bubu Arends-Croes y famia
+Myrna y Zepp Arends-Croes y famia
Ihanan:
Anabella Campbell-Maduro y famia
Joswin Arends y famia
Harold Koolman y famia
Sobrino y sobrinanan, primo y primanan cual ta hopi pa menciona.
Demas famia: Maduro, Croes, Colina, Tromp, Vasquez, Van Dijk, Hernandez, v/’t Pad Bosch, Arends, Garcia, Shaw, Keeven,Campbell, Paesch, Koolman y demas famia, amistadnan y conocirnan.
Ta invita demas Famianan, Bisiñanan, Amigo(a) nan, ex collega nan di Post Aruba N.V. y conocirnan pa asisti na e acto di condolencia cual lo tuma lugar
Diabierna, 24 di juli 2026 for di 7’or pa 9’or di anochi na Ad Patres Funeral Home & Crematorium na San Nicolas.
Acto di despedida lo tuma lugar, Diasabra 25 di juli 2026 for di 9’or pa 11’or di mainta na Ad Patres Funeral Home & Crematorium San Nicolas. Cremacion lo tuma lugar den seno familiar.
Nos ta lamenta cu despues di despedida, nos no lo por ricibi bishita di condolencia na cas.
SUDOKU
“Ademas, Rumannan, nos ke pa boso kompronde kiko lo pasa ku e rumannan ku a muri, pa asina boso no bira tristu manera e hendenan ku no tin speransa. Nos tin fe ku Jesus a muri I ku el a ser lanta for di morto. Si ta asina, nos mester tin e fe tambe ku Dios lo lanta e disipelnan di Jesus ku a muri for di morto, pa asina nan por ta huntu kune.
1 Tesalonisensenan 4:13-14
Cu inmenso tristesa pero agradeci pa tur locual e la hasi pa nos. Nos ta anuncia fayecimento di nos Mama, Wela, Ruman y Tante:
Dermilise Sainvilus
*9 Juli 1952 - †29 Juni 2026
Na nomber di su:
Yiunan: Marie Jose Cherry (Maryjoe)
David Sainvilus
Jean Richard Sainvilus y yiunan
Emmanuel Gario
Rosaline Sainvilus
Nietonan: Alex, NaÏsha, Davidson, Medjine
Sobrino y Sobrinanan: Patrick, Sabrina, Sandra, Lucien, Osnel, Manno, Joel.
Su 5 rumannan den Reino Celestial Primo y Prima nan, Swa y Cuñanan, Amiga/o nan, Bisiña y conocirnan.
Demas famia Sainvilus, Cherry, Gario, Bazile, Octavius, Dennis, Cadet, Delicieux y demas famia na Aruba, Haïti, Hulanda, Merca, Sto. Domingo.
Nos ta pidi disculpa si den nos tristesa nos por a lubida den menshona un of otro famia.
Ta invita pa pa Condolencia cual lo tuma lugar Diabierna 24 di Juli 2026 di 6pm pa 8pm na Olive Tree Funeral Care & Crematory na San Nicolaas.
Acto di despedida lo tuma lugar Diasabra 25 di Juli 2026 di 9am pa 11am na Olive Tree Funeral Care & Crematory na San Nicolaas.
Cremashon ta tuma lugar den seno familiar.
