Diabierna januari 10 2026

PAG. 1

DIASABRA 10 JANUARI 2026

Afl.

SOSPECHOSO DI

1.25

DIASABRA 10 JANUARI 2026

ACCIDENTE MORTAL DI TRAFICO TA SIGUI DETENI

UN OPORTUNIDAD GRANDI PERDI: ARUBA A KEDA ATRAS DEN DEAL DI PETROLEO ENTRE TRUMP Y TRAFIGURA FISCAL A EXIGI 7 AÑA DI PRISON PA HOMBER CU A SECUESTRA, VIOLA Y MALTRATA SEVERO SU SEÑORA Minister Geoffrey Wever

A CUMINSA TRAHA PRESUPUESTO 2027 ARUBA BANK TA SOSTENE KIWANIS CLUB OF PALM BEACH CU NAN EVENTO ANUAL DI RECAUDACION DI FONDO Kiwanis Masquerade Party lo tuma lugar diabierna 6 di februari

Pag. 2

DIaSABRA 10 JANUARI 2026

Aruba Bank ta sostene Kiwanis Club of Palm Beach cu nan evento anual di recaudacion di fondo Kiwanis Masquerade Party lo tuma lugar diabierna 6 di februari significativo den bida di hopi hende. Kiwanis Club of Palm Beach ta conoci pa su dedicacion continuo na causa social y comunitario, y e evento anual ta un ehempel di nan compromiso cu Aruba. Cu su participacion y apoyo, Aruba Bank ta enfatisa su compromiso continuo cu desaroyo comunitario y cu iniciativanan cu ta crea oportunidad y bienestar pa Aruba. Ta invita comunidad pa aporta na e iniciativa aki di Kiwanis Club of Palm Beach, cu e di 27 edicion di e Kiwanis Masquerade Party cu lo tuma lugar diabierna, 6 di februari 2026 na

ORANEJSTAD, Aruba – 8 di januari 2026: Aruba Bank ta orguyoso di anuncia su apoyo na Kiwanis Club of Palm Beach cu ocasion di nan evento anual di recaudacion di fondo, un iniciativa cu ta dedica na recauda fondo pa sostene varios instancianan y proyectonan cu ta beneficia directamente nos comunidad.

Durante un conferencia di prensa cu a tuma lugar recientemente na Aruba Bank, representantenan di Kiwanis Club of Palm Beach y Aruba Bank a comparti mas informacion riba e evento y e impacto positivo cu e recaudacion lo tin riba e organizacionnan beneficiario. “Nos ta realmente honra di por contribui y di por yuda Kiwanis Club of

Palm Beach cu e iniciativa aki pa recauda fondo pa e numeroso instancianan cu lo beneficia di nan evento annual,” sra Edseline Leer-Semeleer, Head of Retail Banking di Aruba Bank, a expresa. Iniciativanan manera esaki ta mustra con, ora institucionnan commercial y organisacionnan di voluntario traha hunto, nan por crea un impacto

Renaissance Convention Center. Bishita Kiwanis Club of Palm Beach su pagina di Facebook, or aserca un miembro pa mas informacion y tickets.

Pag. 3

DIASABRA 10 JANUARI 2026

Un oportunidad grandi perdi: Aruba a keda atras den deal di petroleo entre Trump y Trafigura

ORANJESTAD — Segun informe internacional reciente, Donald Trump a sostene reunion na Cas Blanco cu varios compania grandi di petroleo, entre nan Trafigura Trading, pa discuti posibilidad di benta i comercialisacion di petroleo Venezolano. E informenan ta indica cu a discuti un scenario unda Trafigura lo tuma riba su cuenta un volumen grandi di azeta, cu mester di storage i logistica den region Caribe. Den e contexto aki, Aruba, pa su posicion geografico i infrastructura historico, por tabata un opcion natural pa almacenamento temporal. Silencio i decisionnan local ta crea preocupacion Mientras cu esaki ta pasa na nivel internacional, te awor no tin reaccion publico di Gobierno di

Aruba riba e asunto. Observadornan local ta señala cu, al contrario di explora oportunidad, a bin kibra un deataho publico cu Trafigura a gana pa entrega di gasolin na Aruba, den un forma cu algun expertonan ta describi como cuestionabel, dudoso, sin transparencia y zero integridad. E combinacion di silencio i ruptura di destaho publico a lanta pregunta serio: Cuanto oportunidad economico Aruba por ta perdiendo door di falta di dialogo, transparencia i vision estrategico? Oportunidad perdi economia local

pa

Especialistanan den sector di energia ta indica cu un acuerdo di storage of transito di petroleo por a genera:

Ingresonan extra pa Aruba, Empleo directo i indirecto, y posiciona Aruba den cadena regional di energia Pa e motibo aki, tin preocupacion creciente cu decisionnan politico i administrativo por limita

e potencial economico di e isla. Un yamada pa claridad i responsabilidad Sin acusa ni conclusion definitivo, e situacion ta mustra necesidad di: Mas

transparencia

den

decisionnan strategico , comunicacion claro cu partnernan internacional, un enfoque pro-activo pa defende interes economico di Aruba Den un mundo unda geopolitica i energia ta move rapido, Aruba no por keda atras.

Sospechoso di accidente mortal di trafico ta sigui deteni Awe e sospechoso di 24 aña di edad a wordo presenta dilanti fiscal di Husticia y siguientemente dilanti huez-comisario. E ta wordo sospecha di a causa un accidente mortal di trafico den anochi di 4 pa 5 di januari ultimo na Oranjestad, unda dos persona a

perde nan bida. Fiscal di Husticia a pidi pa bewaring di e sospechoso. Huez-comisario a alarga e detencion di e sospechoso y a duna ordo pa bewaring pa un duracion di 14 dia. E investigacion di e accidente ta continua.

Pag. 4

DIASABRA 10 JANUARI 2026

Noticia di Corte

Fiscal a exigi 7 aña di prison pa homber cu a secuestra, viola y maltrata severo su señora-1ORANJESTAD – Awe mainta e homber B.(43) a presenta den Corte pa e caso penal cu Ministerio Publico a cuminsa contra dje. E ta wordo acusa di a secuestra, viola y maltrata severo su señora. SOLO DI PUEBLO por a compronde cu Fiscal a exigi 7 aña di prison pa B. E señora V. na yoramento den Corte a bisa cu el a hera perde su bida. El a pidi Hues pa no solamente duna castigo sino pa garantiza cu algo asina lo no pasa mas. Den sala di Corte tabata presente e señora V., kende a haci uso di su derecho di expresa su mes y tambe haci demanda di daño. Hues a puntra B. kico e ta pensa di e acusacionnan. B. a bisa cu e tempo ey e tabata bao influencia di droga y tabata un otro persona. El a bisa Hues cu e ta para pa loke el a haci. El a admiti di a maltrata e dama V. El a bisa Hues cu su wowo a bira scur y e no ta corda kico a pasa exactamente. Hues a mustra cu B. durante interogacion na Polis dia 11 Augustus 2025, e no a menciona cu e no ta corda. Hues a bisa cu e dama V. a bisa Polis cu B. a maltrat’e cu su cellular den man. B. a reacciona cu nan tin 20 aña casa y cu e no ta bay viola su señora V. Hues a mustra B. potret con V. a keda den hospital. Por a mira e dama V. cu su banda di cara robez tur hincha. B. su reaccion tabata, cu el a baha cabez y despues a bisa cu e no por kere cu el a haci e cos ey.

VIOLA Y MALTRATA SU SEÑORA Hues a sigui bisa cu V. a bisa Polis, cu na e cas, B. a forza V. tene relacion sexual cun’e. Ta asina cu nan ta separa y V. tabata biba un otro caminda. B. a reacciona cu si V. no tabata kier tin relacion sexual, e por a bisa. Hues a mustra cu segun V. su declaracion, B. a bay su cas y lock e porta y forza V. tin relacion sexual cun’e. Segun V., e no tabata kier tin relacion sexual pero B. tabata insisti. Despues B. tabata kier pa V. habri su cellular pa e wak aden. Na dado momento B. tabata dal V. cu e cellular na su cara. B. a bisa Hues cu den KIA el a busca Dios y el a arepenti y ta para pa loke el a haci. Fiscal a remarca cu B. ta bisa cu el a arepenti y entrega na Dios pero den Corte e no ta bisa tur cos! Fiscal a mustra cu riba whatsapp, Polis a constata cu 9 Augustus 2025, B. tabata insisti cu e tabata kier tin relacion sexual cu V. pero V. tabata nenga. Ta asina cu B. tabata insisti y a bisa cu e lo haya loke e kier. Despues B. ta bay na trabao di V. y a ranca V. y bay cun’e contra su voluntad y viol’e. B. a bisa Hues cu e tabata hopi depresivo. Fiscal a remarca cu segun V., e problema mas serio tabata cu B. tabata usa droga. Fiscal a remarca cu ta hopi dificil pa kere cu despues cu B. a secuestra V., cu V. lo a tene voluntario relacion sexual cu B. Durante interogacion di Hues, B. a bisa cu den KIA el a realisa cu e tabata haci malo y a haya ayudo di trahador social. VICTIMA HOPI EMOCIONA DEN CORTE

SECUESTRA SU SEÑORA Hues a bisa cu apesar cu V. a bisa B. pa no bay na su trabao, B. a bay tog. Na trabao, B. a gara V. y lastr’e bay pafor di e lugar. E dama V. tabata grita, yuda mi, yuda mi. Apesar di esey, B. a lastr’e bay den auto y bay for di e lugar. Hues a bisa cu esey ta wordo considera un secuestro. Hues a bisa cu tin video di camera di trabao cu ta mustra con e secuestro a sosode.

E dama V. a papia den Corte y e tabata hopi emociona. Na yoramento el a bisa Hues cu tabata un milager cu e ta na bida. El a bisa cu el a wordo viola, secuestra y maltrata. El a bira wak riba famia di B. cu tabata sinta den tribuna y a bisa, si famia di B. a scucha su peticion di ayudo, cos lo no a bira asina. Segun V., tur cos a cambia ora cu el a haya sa cu B. tabata usa droga. El a bisa cu a bay busca ayudo pero

nada. Nan tabata bay psycologo pero no tabata haya atencion pa e uso di droga di B. V. a bisa cu tur dia e tabata wordo molestia door di B. y pa motibo di seguridad el a bay for di cas. V. a bisa Hues cu B. tabatin un cuchiu cu V. su nomber riba dje. V. a sigui bisa cu el a kere cu B. lo a bay rehabilita pero esey no a sosode. El a bisa cu te awe e ta afecta pa loke a sosode cun’e. V. a bisa cu e persona cu e tabata comparti su bida, e hera mat’e. El a bisa cu e ta biba cu hopi angustia y dolor. V. a bisa Hues cu e caso aki a afecta nan yiunan y famia. E yiunan tin miedo di nan mesun tata. El a bisa cu esun mas chikito a keda afecta y tabata corta su mes na man. Actualmente e yiu ta bao tratamento.V. a bisa Hues cu e yiu chikito ta esun cu a haya e pipanan di droga di B. na cas. V. a pidi Hues pa no solamente castigo, sino un seguranza pa preveni cu algo asina lo bolbe sosode. El a bisa cu e ta pordona B. y ta pidi Hues pa yudanza pa B. rehabilita. V. a bisa Hues cu nan yiunan no kier wak B. asina. Ta asina cu V. a demanda 15 mil florin na daño inmaterial y 300 florin pa su cellular cu B. a kibra. Continuacion pag. 6

Pag. 5

DIASABRA 10 JANUARI 2026

Ta pidi chauffeur cu a hit & run peaton na Sanicolas pa entrega su mes; victima ta grave

Diahuebs pa 9:20 di anochi Central di Polis ta wordo notifica cu dilanti Warda di Polis San Nicolas un auto a dal un peaton crusando caminda.

urgencia pa Hospitaal na unda varios patruya a cera varios caminda principal pa asina e victima por yega liher y sigur pa haya su tratamento medico.

Polis a mobilisa mesora y a bay wak e situacion y ta bin topa cu un hende homber riba caminda y no ta reacciona.

Specialista di trafico y polis technico a presenta na e sitio pa haci na investigacion.

Ta pidi pa ambulance cu maximo urgencia na e sitio di sucedido. Na yegada di ambulance e personal a duna e victima assistencia medico y a stabilise. A transporte cu maximo

Departamento di slachtofferhulp tambe a wordo poni na altura pa brinda e sosten. E situacion di e victima ta hopi critico. Nos ta pidi oracion y sanacion pa e

victima. Suplica na e chauffeur di e auto cu a dal e peaton, presenta na Warda di Polis y para RESPONSABEL pa bo acto.

Tuma accion pa Preveni, Proteha y Stop Dengue Con nos por stop Dengue?

NO por laga un hende benta abou pa su cuenta. E ta un ser humano y awor luchando pa su bida! Cuerpo Policial ta haci un

apelacion pa esun cu por a wak algo of sa algo yama e tiplijn di polis cu tq 11141. Bo ta keda anonimo.

Pag. 6

DIASABRA 10 JANUARI 2026

Fiscal a exigi 7 aña di prison pa homber cu a secuestra, viola y maltrata severo su señora -2-

FISCAL A BAHA PISA Fiscal a bisa Hues cu e adiccion di B. a causa cu e drama cu a sosode 11 Augustus 2025. Fiscal a mustra cu for di e chat riba whatsapp cu Polis a haya por constata cu B. tabata blo kier tin relacion sexual y V. tabata nenga. Dia 11 Augustus 2025, B. a bay te na trabao di V., gar’e, lastr’e ariba caminda, hink’e den auto. Na e cas, V. a wordo viola y maltrata. Fiscal ta haya cu e maltrato ta severo y potret ta mustra esey bon cla. Fiscal a mustra cu V. mester a keda 5 dia interna den hospital pa hemoragia celebral, door cu B. a dal V. cu forza diferente biaha na cara. Fiscal ta haya cu B. a tacha e integridad di V. kende a keda afecta y awor ta wardando pa haya tratamento di psycologo. Nan yiunan tambe a keda afecta. Fiscal a exigi 7 aña di prison, kitando e tempo cu B. ta sera. El a bisa cu el a tene cuenta cu peticion di V., pa B. haya tratamento. Fiscal ta kere cu ora yega e momento di libertad condicional, lo bay haci pa B. rehabilita. Pa loke ta e demanda di daño di 15

mil Florin, Fiscal a mustra cu ainda V. mester haya tratamento. El a pidi Hues pa aproba e demanda di daño y pa pone e medida di pago. Tambe el a pidi Hues pa aproba e demanda di 300 florin pa e cellular cu B. a kibra. ABOGADO Abogado mr. D.Croes a bisa Hues cu e caso ta hopi tristo. E pareha ta stima otro hopi. Loke a sosode ta e uso di droga pa dianan tras di otro door di B. E abogado a bisa cu B. tambe a wordo maltrata pisa door di Polis. Ta pesey B. a bisa cu e no por a corda kico a pasa. Ta despues B. a bin corda algun cos. E abogado a remarca cu e detencion den cel di warda di Polis tabata inhusto y asina mes B. a wordo hiba KIA. El a mustra cu Hues Comisario mes a confirma esey. Mr. Croes a pidi Hues pa tene cuenta cu esaki. El a bisa cu B. no por a kere e potretnan di maltrato di V. cu el a mira. E abogado a bisa cu tabatin combersacionnan riba whatsapp, caminda V. a bisa cu e lo pasa serca B. Na opinion

di abogado, B. tabata interpreta cos robez. E tabata kere cu ta relacion sexual V. tabata kier, cual no ta asina. Na opinion di abogado, B. den su adiccion tabata kier tin relacion sexual cu V. pero V. no tabata kier. Segun abogado, V. na dado momento lo a defende su mes contra B., caminda el a primi na B. su parti intimo y primi den B. su wowo. B. a reacciona violento e momento ey. Abogado ta haya cu B. a actua den defensa propio. Abogado a cuestiona e castigo hopi halto exigi door di Fiscal. E ta haya cu esey no ta cuadra cu e peticion di V. pa busca ayudo pa B. por rehabilita. Abogado ta haya cu mester yuda B. rehabilita pa su yiunan. Ta asina cu actualmente nan ta den procedura di divorcio. E acusado B. na yoramento a bisa Hues cu el a pidi ayudo pero no a haya nada. El a bisa cu el a haya bati formal di 6 Polis. Ningun hende no ta wak esey. Dia 30 Januari 2026 lo tin sentencia.

Pa doñonan di trabou y pensionadonan Entrante 1 di januari 2026 pensionadonan ta paga menos na prima di AZV Pensionadonan ta paga 0% riba e prome Afl. 30.000 di entrada ORANJESTAD – Departamento di Impuesto ta informa tur pensionado y nan doño di trabou, cu entrante 1 di januari 2026 e prima di AZV ta wordo reduci pa e pensionadonan cu tin e edad di 65 aña of mas. urante aña 2025, e pensionadonan tawata paga 5% riba e prome Afl. 30.000 di entrada of salario (di un empleo den pasado). Si e entrada of salario aki surpasa Afl. 30.000 pa aña, e pensionado ta paga 10,5% na prima di AZV riba e suma restante. Awor entrante 1 di januari 2026, e porcentahe riba e prome Afl. 30.000 di entrada ta 0%. Pues un reduccion di 5%. Entrada maximo pa cobra prima di AZV E entrada

maximo pa cobra prima (premieloongrens of premie-inkomen) di AZV no ta cambia y ta keda Afl. 85.000 pa aña 2026. Esaki ta nifica cu si e salario of entrada di un pensionado surpasa Afl. 85.000, e ta paga e suma maximo di Afl. 5.775 pa aña na prima di AZV. E prima maximo di aña 2025 tawata Afl. 7.275. Pues, un reduccion di Afl. 1.500 pa aña. Ehempel:Premieloongrens of premie-inkomen Afl. 56.000 Calculacion di prima di AZV 2026  0% riba 30.000 ta Afl. 0,00  10,5% riba 26.000 (56.000-30.000) ta Afl. 2.730 Den e ehempel aki e pensionado lo paga total Afl.

2.730 na prima di AZV den aña 2026. Pa tur otro persona cu no ta pensionado (di edad te cu 64 aña) no tin cambio. E premieloongrens of premie-inkomen di aña 2026 ta Afl. 85.000 pa aña y e porcentahe maximo ta 10,5%. E prima di AZV ta maximo Afl. 8.925 pa aña (85.000 x 10,5%). Departamento di Impuesto ta haci un apelacion special na e doñonan di trabou pa tene cuenta cu e cambio di porcentahe ora cu calcula e prima di AZV di un pensionado pa asina por retene e suma corecto. Gerencia di Departamento di Impuesto 7 di januari 2026

Pag. 7

DIASABRA 10 JANUARI 2026

Minister Geoffrey Wever

A cuminsa traha presupuesto 2027

a presenta e handleiding “Begrotingsvoorschriften en richtlijnen” cu ta contene e fechanan di loke tur mester wordo entrega segun ley ta prescribi. Meta di esaki ta pa Parlamento di Aruba ricibi e Presupuesto 2027 na tempo riba prome di september 2026. Oranjestad, 7 januari 2026 - Awe minister di Finansa, Asunto Economico y Sector Primario, mr. Geoffrey Wever a duna inicio na e proceso pa traha presupuesto 2027 di Pais Aruba. Hunto cu Departamento di Finansa awe a duna tur informacion na tur departamentonan

cu ta cay bao di Ministerio di Finansa, Asunto Economico y Sector Primario. Pa coordina y entrega prioridadnan di maneho pa 2027 conforme e normanan presupuestario manera ancra den ley, Departamento di Finansa

Presupuesto 2027 lo bira e prome presupuesto di gobierno den cual lo aplica e concepto di “Policy-based budgetting”. Esaki ta encera cu lo presenta banda di prioridadnan di maneho tambe lo presenta cuanto e implementacion di esaki lo costa. Esaki ta un stap importante den un maneho

financiero responsabel y duradero den cual lo brinda transparencia riba con entradanan di gobierno ta wordo uza pa implementacion di maneho na beneficio di desaroyo di Aruba. Durante e sesion informativo Minister Geoffrey Wever a subraya e importancia di un bon cooperacion y comunicacion entre cada ministerio y su departamentonan pa yega na un presupuesto 2027 cu ta refleha prioridadnan di maneho di Gabinete AVPFUTURO y ta cumpli cu e normanan di presupuesto

manera ancra den ley. Minister Geoffrey Wever ta gradici Departamento di Finansa pa coordina e proceso pa traha e presupuesto 2027. Ta sumo importante pa hunto cu departamento delinea e prioridadnan di maneho cu ta refleha e vision y maneho di Gabinete AVP-FUTURO. Aruba ta dal un paso nobo den con ta traha presupuesto, un reto pero sigur lo trece e transparencia necesario y na beneficio di desaroyo di Aruba segun minister Geoffrey Wever.

Pag. 8

DIaSABRA 10 JANUARI 2026

Aruba su prome MinisterPresident Henny Eman

A convence companianan internacional pa kere den Aruba Durante e ceremonia di desvelo recien di Henny Eman Blvd, den presencia di varios ex colega y amigonan di Henny, Tico Croes como presidente di Fundacion Henny Eman, a hiba palabra. Cu honor Tico Croes ta dirigi Fundacion Henny Eman, y hunto cu Gobierno di Aruba y Aeropuerto di Aruba, a organisa e evento special aki. Tico Croes a gradici Gobierno pa reconoce y acepta e peticion pa yama e caya entre e retonde di Mahuma te cu e retonde di Divi Tamarijn como Henny Eman Boulevard, cu ta conecta tambe Juancho Yrausquin Boulevard, Avenida Nelson Orlando Oduber y Watty Vos Boulevard. Cu e cambio di nomber aki, L.G. Smith Boulevard no ta stop di existi, sino ta keda existi for di retonde na Palm Beach te cu Arashi, mirando e importancia di L.G. Smith den nos historia. E acto di awe no ta solamente un momento historico, sino ta brinda e oportunidad pa bay atras 40 anja, ora cu un lider hoben di apenas 28 aña a haña den su man e confiansa di pueblo di Aruba, no solamente pa su trabao unico cu Henny a haci den e logro grandi di Status Aparte, pero tambe pa dirigi nos pais como e prome Minister President di Aruba.

Aruba tabata para dilanti un crisis grandi cu mas cu 30 porciento di desempleo, hendenan cu tabata bandona Aruba, y un incertidumbre grandi riba futuro di pais. Un cos ta pone un plan riba papel, pero un otro cos ta sinta na mesa cu otro hendenan pa persuadi nan pa pensa mescos, pa kere den e vision y pa confia den e capacidad pa haci realidad loke bo ta bisa. Henny tabatin un vision cla, un blueprint cla, pero loke mas a impresiona mi tawata e manera con el ta bay haci e cosnan. Hopi biaha nos ta papia di principionan, pero e “con” ta fundamental. E manera con bo ta logra algo ta mes importante como e meta mes. Riba Henny Eman Boulevard tin tres ehempel cu ta mustra e vision y capacidad di Henny como un manager nacional, specialmente den un periodo crucial di "nation building". Minister Cicilia a menciona pre-clearance: ora cu nos tawata sinta na mesa na Washington y Henny mester a convence Customs y Immigracion Mericano cu pre-clearance mester bin Aruba. Imagina un isla cu apenas 54 mil hende, bay convence e poder mas grandi di mundo pa bin establece akinan y pa pa nan paga e gastonan tambe. Un logro unico cu a cambia e rol di Aeropuerto di Aruba pa

semper. E di dos ehempel importante tawata e manera cu Henny a convence pueblo di Aruba pa cambia di moneda. Imagina abo cu un Florin Antiyano sigur den bo saco, y den tres luna bo mester bay banco, entrega bo moneda conoci y acepta un Florin nobo cu bo no sa si e tin futuro mes. Henny a logra esey den apenas tres luna. Den tres luna tempo, cada Arubiano orguyosamente a cana cu su florin Arubiano den su saco. Un logro unico cu te awe hopi pais y isla ta purba imita y no por logra. Esey ta mustra cu un lider, ora e ta un visionario y tin poder persuasivo, por cambia motivacion individual den accion colectivo, basa riba identidad y aspiracion. Esey tabataHenny Eman. E di tres punto importante tabata e strategia economico. Con a logra convence famia Pritska, con a convence Ballast Nedam, con a convence un Banco grandi di Japon pa traha hunto cu un gobierno cu no tabatin placa. Gobierno tabata bashi pero cu un vision cla, nan a forma un partnership cu a crea un di e hotelnan di Hyatt Corporation mas exitoso na mundo: e Hyatt cu nos tin awe aki. Esaki ta locual ta yama vision. No solamente e vision, pero e poder di persuadi: e capacidad pa

haci otronan kere den bo aspiracion, den e caminda cu bo ta mustra. Esaki ta hustamente e vision di Fundacion Henny Eman: no solamente pa recorda e trabaonan grandi cu Henny a haci, pero pa siña e manera con pa haci cosnan. Pa inspira e generacionnan di futuro,

pa Aruba keda cu e chispa di innovacion cu Henny a laga como legado. "Manera Minister Cicilia a bisa: for di lomba di gigantenan nos ta sigui construi. Esey ta e legado cu nos tur mester continua cu ne di Henny Eman", Tico Croes a termina bisando.

Pag. 9

DIASABRA Pagina 2410 JANUARI 2026

Diasabra 18 November 2024

Wikipedia riba aruba cu ban Wiki! - Online

E proyecto Wikipedia na Aruba ta presenta un evento mensual di Ban Wiki! Unda bo por haci bo preguntanan tocante e proyecto, conoce otro boluntarionan y cuminsa edita! E prome evento di Ban Wiki pa aña 2026 ta tuma lugar riba 16 di Januari, online via Google meet.

E seccion ta cana di 10:00 AM pa 11:30 AM (AST). E team di Wikipedia riba Aruba ta guia bo, stap pa stap y siña bo con pa usa Wikipedia y otro plataformanan. E evento aki ta dirigi specialmente na personanan y ekipo cu ta traha den organisacionnan di

GLAM. Museo, biblioteca, archivo y galeria cu ta participa den digitalisacion di coleccion y haci conocemento cultural mas accesibel pa publico. E tayer ta habri pa tur hende cu kier siña con pa edita Wikipedia, agrega potret riba Wikimedia Commons of añadi items riba Wikidata.

Cu of sin experiencia tur hende ta bon bini. Participantenan por haci pregunta y participa den Papiamento, Hulandes of Ingles. Crea un cuenta di Wikipedia Pa por participa activamente ta rekeri pa traha un cuenta di Wikipedia asina bo por

hasi editacion riba tur e plataforma di Wikimedia. Bo no tin un cuenta ainda? Bishita nos pagina di Youtube/ Wikipedia riba Aruba unda ta haya video di instruccion con pa crea un cuenta. Registracion Registra bo participacion via nos pagina principal: www.wikipediaonaruba.

Pag. 10 18 Pagina

DIaSABRA JANUARI 2026 Diasabra 1810 November 2024

Aruba su prome Minister President Henny Eman:

Un rUMAn cU A cArgA sU fAMiA y sU PArtido PEro MAs cU tUr sU PAis for di crisis

Cu lagrima na wowo, emocion halto y un sentido inmenso di orguyo y gratitud, Prome Minister di pais Aruba mr. Mike Eman a duna su discurso durante un ceremonia cu pa hopi tabata grandemente na su luga, pa rindi homenahe na un visionario indiscutibel pero mas cu tur cos, na su ruman homber grandi cu a fungi como Aruba su Prome Minister-

President. Gradiciendo tur presente, cu a forma parti di e historia, na Sr. Tico Croes presidente di Fundacion Henny Eman y responsabel pa e iniciativa importante cu a tuma luga diamars atardi. Premier Eman durante su discurso a menciona e diferente motibo cu su persona a hiba durante e ceremonia, cual ta esun gubernamental/politico

pa un persona cu a lidera Aruba den e momentonan di mas dificil di nos pais, pero tambe como ruman, e ruman mas chikito. Su ruman a bin pa pone su schouder y lantanan bek Cu un bos yen di emocion y gratidud por a scucha Prome Minister Eman recorda con den momento mas dificil den nan bida personal, cu fayecimento di nan Tata Shon A Eman, su ruman Henny Eman ta interumpi su estudio y na edad di 19 aña ta regresa Aruba pa duna su rumannan su schoudernan. “Ta den momento dificil asina ta demostra kico ta biba den curason di un persona manera Henny Eman”, ta locual cu Premier Eman a indica. Henny Eman no a continua cu su estudio te na momento cu e tabata sa cu su rumannan y su

mama por a continua cu nan biba, despues di despedida di nan tata. Algo cu a marca carera politico pa Mike Eman, ta e legado y liderazgo di Henny Eman, conhuntamente cu e forma cu e comunidad a reacciona na momento cu a mira e famia ey den necesidad. Aruba a bini hunto y a pone un dak riba nan cabes. Partido AVP tabatin mester di un lider No a pasa mucho tempo despues cu Henny a sinti poco trankilidad cu comunidad a brinda sosten na su famia y a continua cu su estudio, cu ta bay yega un yamada

di parti e partido di su tata. Den añanan 70 e partido practicamente a desaparece for di e panorama politico. Un hoben/mucha Mike, tabata corta articulo di corant, manda pa su ruman grandi pa recorde cu e tin un tarea ainda pa haci na Aruba. Henny Eman a responde! “El a bin bek Aruba y rescata e partido di mas bieuw di historia di Aruba”, ta palabra di Premier Eman. Henny Eman no solamente a pone schouder pa su famia, pero tambe pa su CONTINUA PAG. 11

Pag. 11 18 November 2024 Diasabra

DIaSABRA 10 JANUARI 2026 Pagina 19

Aruba su prome Minister President Henny Eman

CONTINUACION PAG. 10

partido cu tabatin mester

di liderazgo pa cumpli cu e mision historico cu e

organisacion politico ey tin cu pais Aruba te cu awe. Status Aparte den momento mas critico di nos pais Henny Eman a pone su schouder pa pais Aruba y a forma su team di rescate y cu un plan nan a sa di rescata pais, bao su liderazgo. Turismo su exito awe ta danki na e lucha / sacrificio cu Henny y su team a haci na momento cu hopi no a spera. Naturalesa semper un prioridad Premier Eman a subraya durante su discurso cu pa algun, cos por a mustra contradictorio, pero e mes un lider politico cu a construi hotel pa Arubianonan por a haya trabao bek, e mesun lider politico ey a declara casi 30% di Aruba como parke natural, Parke Arikok. Combinacion di vision, locual mester den aspecto economico como tambe den aspecto di identidad y cultura. Prome Minister Eman ta sumamente honra cu Gobierno di Aruba a tuma

e decision pa duna Henny Eman e reconocimento grandi aki. Palabra di gradicimento na tur cu a cana cu ne durante su carera politico. E atardi a conta cu hopi cara conoci den e circulo di Henny Eman dfm manera entre otro Alice van Romondt secretaria conseho di minister, ex-

Minister Eddy Croes, exMinister Ike Posner, exMinister Tico Croes, Rolly Bislik cu a pone nomber di Aruba riba mapa deportivo internacional, un di e prome Presidente di Parlamento di Aruba Marco Christiaans y no por keda sin mencion Norman Roos cu a cana di generacion pa generacion cu e partido di AVP.

Pag. 12

DIaSABRA 10 JANUARI 2026 Pagina 17

Diasabra 18 November 2024

CupCake di SperanSa 2026

Nos ta dilanti otro celebracion di Dia di San Valentin y dilanti otro bunita projecto di “Cupcake di Speransa 2025” celebrando su di 11 aña. Un projecto cu a start na 2016 den Caya Grandi para cu 200 Cupcake y cu aña tras di aña a keda crece. Na aña 2016 e fondonan recauda tabata pa Baby Luna, na 2017 na Sra. Koolman , na 2018 dedica na 2 Fundacion pa mucha, na 2019 pa Ethan, na 2020 dedica na Ethan un biaha mas y tambe Guinni, na 2021 pa Shady , na 2022 e Cupcake di Speransa a bai pa Janelle, na 2023 dedica na Aljereau y na 2024 dedica na Famia Rasmijn y Baby Jeremiah, aña 2025 esaki lo wordo dedica na un hoben special di 15 aña yama

Richeline y e aña aki nos ta dedica nos Cupcake di Speransa na Pasadiya Briyo di Solo. Pasadiya Briyo di Solo ta un institucion cu ta yuda e hobenan special pa desaroya nan talentonan y nan tin un projecto masha bunita cu ta trahe diferente tipo di Te, y nan soño ta pa aña 2026 traha nan TEA HOUSE, Un cas di Te unda nan por sigui bende nan Te nan pero tambe unda tur hende por pasa dal un Te y saborea un dushi cookie of pida bolo. Abo tambe por ta parti di e yudansa aki pa Pasadiya Briyo di Solo, door di cumpra Cupcake di Speransa 2026. E minimo di order ta 1 dozijn ( 12 Cupcake ) pa 60 florin y bo mag di bestel cuanto cu ta desea. Un bon opcion

pa amigonan comerciante cumpra pa nan empleadonan y clientenan y tambe den famia por haci esaki. Lo parti e Cupcakenan dianan 12 y 13 February y lo entrega esakinan na cas of trabou. Pa bestelling por manda un Whattsapp 561-61-51 serca George Winterdaal y bestel esun dibo, por paga cash dia di deliver y tambe por paga

via online tambe cuenta ta Aruba Bank y e cuenta ta 600-648-0190 tambe si ta desea di por contribui cu algo monetario por haci esaki. GLW Foundation ta contento di por sigui aporta cu boso ayudo pa un otro hoben por sigui check su salud den exterior. Aruba ban uni un biaha mas pa asina nos por yuda

Pasadiya Briyo di Solo logra nan meta pa yega na un TEA HOUSE Ban celebra e Dia di San Valentino aki comiendo un dushi bolo y demostra bo amor y Amistad na nos muchanan special , Order esun dibo awor mes 56161-51, Cupcake di Speransa 2026 ta conta cubo.

PAG. 13

DIASABRA 10 JANUARI 2026 Pagina 20

Diasabra 18 November 2024

FORTALEZA PA FAMIA Scirbi pa Pastor Marcel Balootje.

SEÑOR ta mi baranka, mi fòrti; mi salbador, esei ta mi Dios, mi baranka pa mi skonde, mi eskudo, mi defensa i salbashon, mi baluarte! Salmo 18:2 Despues di un lucha cortico cu su salud a bai Sosega

CRISTO HESUS A BISA PA HACI ORACION DEN SU NOMBER Haci oracion tur dia den bo cas, y sinti y mira cambio den bo famia, haci oracion pa bo yuinan, pa bo esposa/esposo, pa tur locual cu Dios a duna bo, pa bo trabao , pa bo finansas, pa bo salud, pa bo wordo proteha di maldad, haci oracion pa tur hende den nomber di Cristo Hesus. Awor dicon bo tin cu haci oracion y peticion den nomber di Cristo Hesus? Pasobra Cristo Hesus mes a bisa: Y tur loke boso pidi den Mi nomber,esey lo Mi haci, pa e Tata wordo glorifica den e Yiu. Si boso pidi algo den Mi nomber, lo Mi hacie. ( Juan 14;13-14). Boso no a scohe Mi, ma Ami a scohe boso,y a nombra boso,pa boso bay y duna fruta, y cu boso fruta lo keda, pa tur loke boso pidi e Tata den Mi nomber, E lo duna boso. Esaki Mi ta ordena boso, pa boso stima otro.( Juan 15:16-17). Riba e dia ey boso lo no haci Mi ningun pregunta, Di berdad, di berdad, Mi ta bisa boso,kico cu boso pidi e Tata , Elo duna boso den Mi nomber. Te ainda boso no a pidi den Mi nomber, pidi y boso lo ricibi, pa boso goso por ta completo. ( Juan 16:23-24). Atrobe Mi ta bisa boso, cu si riba tera dos di boso bay di acuerdo tocante di cualkier cos cu nan pidi,esaki lo wordo haci pa nan door di Mi Tata cu ta den cielo.( Mateo 18:19).

Awor un hende por puntra dicon mester obedec’E y haci locual cu E ta bisa? Pesey tambe Dios a hals’E te na e alturanan, y a dun’E e nomber cu ta riba tur nomber, cu pa e nomber di Hesus tur rudia mester dobla, di esun cu ta den cielo, y riba tera,y bao di tera. Y cu tur lenga mester confesa cu Hesus Cristo ta Senjor, pa e Gloria di Dios Tata.( Filipensenan 2:911). Tene bon cuenta cu tin cosnan nobo cu ta sali pa dilanti awor , cosnan falso cu no tin ningun rais biblico, cual ta oracion na angelnan. Nos tur mester sa cu Lucifer tabata un angel , pero door di su rebeldia contra Dios e a cay y ta wordo yama satanas. Bijbel ta menciona e Angel di Senjor, tambe ta wordo menciona e Archangel Miguel ( Judas 1:9) y (Daniel 10;13) y tambe angel Gabriel ( Lucas 1:2638). No ta existi ningun angel di horoscope pasobra e no ta biblico, mester tene bon cuenta riba nomber di ken bo ta yama, pasobra yamamento di nomber di un angel ,cu no tin

aprobacion peligroso.

di

Dios

ta

Haci oracion constantemente den bo cas, alaba Dios den bo cas, haci oracion pa bo yuinan, pa bo bario, pa bisinja, pa yuinan di bo bisinja, haci oracion y reprende, inmoralidad, accidente, violencia. Pasobra esey ta e boluntad di Dios, Dios ta scucha y Dios ta defende bo hogar y bo famia y tur locual tin rond di bo. Caminda tin union y oracion Dios ta manda su bendicion, Dios ta scucha bo oracion, pa Dios nada ta imposibel, no tin limite pa Dios, e ta Dios di misericordia y abundancia. Cristo Hesus ta garantisa nos cu oracion haci den Su nomber, ta wordo contesta pa Su Tata cu ta den cielo, pasobra Cristo Hesus ta e unico mediador entre Dios y hende. Awor mas cu nunca, nos tur mester tene na cuenta cu oracion ta mas cu necesario den nos hogar. Laga nos haci oracion tur momento. Sinceramente, Marcel Balootje.

Pastor

Olivia Justina Kock-Maduro

*26-09-1968 - †02-01-2026 Mayornan den feliz memoria: Alejo y Luisa Maduro- Koolman Casa Stima: Louis Junior Kock Tata di su yiunan: Alvaro y Diana Camara Yiunan stima: Indira Isha Rodrigues Camara y Carlos Bergrok Zaliane y Edward Boekhoudt Alvaro Jordan Rodrigues Camara Neito/anan stima: Zylon Rafiné, Jailyzienne Keyli Leañez, Zion Rafiné, Zayron Rafiné, Zaqion Rafiné, Ed-Xienne Boekhoudt, Zyrick Rafiné Rumannan: Betico Maduro Teobaldo Walty Maduro Judith Maduro Boy y Martha Maduro Inanda Maduro John y Marjan Maduro Benito Juni y Trixie Maduro Sobrino/anan stima: Joshua Loefstop y Romayra Vrolijk, Brigitte Loefstop y Jourvin Maduro, Gildward Maduro y Lou-ann van Trigt, Sowfi y Joshua Maduro, Giorgio Maduro y Naomi Chayadi, Tiara Maduro, Chantilly Maduro, Natalie Maduro, Maikel Maduro, Julian Maduro, Juliette Maduro Ihanan stima: Monica Camara y Giorgio Maduro Tanta y omonan den felis memoria, primo y primanan, sobrino nan sin dolor, swa y cuñanan Bon Amiganan: Betty y Gregory Nicolaas, Ariete Camara y Jaime Mata Danki special na Dr S. Vis, tambe Fundacion Edmond Harms, danki Soraida Demas famia Maduro, Koolman, Kock, Rodrigues-Camara, Boekhoudt, Rafiné, Leañez, Bergrok, Loefstop, Vrolijk, van Trigt, Nicolaas, Mata, Geerman, Valdez, Jacobs, Flemming, Orozco, Dabian, Bikker, Oduber, Wester, Everon, Lopez, Peña, Rasmijn, Lacle Acto di despedida lo tuma lugar diasabra 10 di januari 2026 na Aurora Funeral Home di 9:00 pa 11:00 am. Cremacion ta tuma lugar den seno di famia. Lugar di Flor o krans un donation pa Fundacion Edmond Harms Deseo di nos difunto stima pa bisti alegre. Despues nos no ta ricibi bishita di condolencia na cas

Pag. 14

DIaSABRA 10 JANUARI 2026 Pagina 21

Diasabra 18 November 2024

Con y pakiCo reduCi e Consumo di refresCo Refresco ta dushi y ta calma sed, pero ta un autentico bom di sucu cu nos organismo so ta logra tolera desahustando su balancenan natural. P'esey, e placer momentaneo di consumo di refresco ta causa un gran cantidad di problema di salud a largo plazo. Hasta esunnan cu nan ta anuncia manera refresco light y abao den caloria ta igual di perhudicial. Aunke tin edulcorantenan alternativo di sucu tradicional, e evidencia ta demostra tambe ta causante di obesidad y ademas, incrementa e gananan di come. E Asociacion Americano di Curason, ta recomenda un consumo menor di 25 gram di sucu pa dia pa adulto y menos pa mucha. Un bleki chikito di refresco di 12 ons, ta contene 39 gram di sucu, mas otro sucunan agrega. Conoce e problemanan cu ta causa pa refresco, por ta un bon motivacion pa haya otro bebidanan cu realmente ta sacia sed y ta beneficioso pa salud. Consumo di refresco y su efectonan riba salud Reciente estudionan a mustra un gran variedad di efectonan negativo di e refresconan riba salud. Ta acumula vet na e higra Fructosenan di sucu y stropi di maishi (cornsyrup) di e refresconan solamente por wordo procesa pa e higra. Pero e estudionan ta demostra cu e exceso di fructose ta converti den vet acumula. Parti di e vet aki ta converti den trigliceride den sanger, mientras cu e resto ta keda den e higra. Ta causa obesidad E sobreabuso di e tipo di bebidanan aki, ta faborece

y funcionnan di memoria. Sinembargo, su exceso ta problematico. Calcium y Forsforus ta convivi den e balance di nos curpa. Ora cu e fosforus aumenta su nivelnan, e ta evita e asimilacion di calcium. E consumo di refresco continuo, por caba na e acumulacion di vet abdominal. Ademas di vet den higra, e fructose ta converti tambe den vet abdominal. Esaki, segun ta wordo demostra, ta un di e principal causanan di diabetes y malesanan di curason. Ta hisa e nivelnan di insulina Insulina ta hiba e glucose di sanger pa e celnan, pero refresco ta provoca cu e celnan ta bira insensibel na e glucose door di e resistencia na insulina. Ora cu esaki sosode, e pancreas ta cuminsa produci exceso di e hormoon aki. E fenomeno aki ta conoci como e sindrome metabolico causante di hipertension, exceso di vet of trigliceride y colesterol den sanger, entre hopi otro problema. Por causa diabetes Sucu den e refresconan ta faborece e resistencia na insulina, causante di diabetes. Un estudio realisa den 170 individuo y lidera pa e Centro di Investigacion Preventivo di e Universidad di Stanford, California, a revela cu e consumo di refresco un biaha pa dia, tur dia, ta aumenta e riesgo pa contrae diabetes tipo 2. Ta aumenta riesgo di cancer Otro estudio realisa den varios pais cu 60 mil persona, a deterina cu

esnan cu ta bebe por lo menos dos refresco pa siman, tin un 87% mas di posibilidad pa haya cancer di pancreas. Ta cusa problemanan cardiaco E alteracion di e patronchi di vet y sucu den sanger, ta aumenta e riesgo di enfermedadnan di curason. Refresco ta haci cu e nivelnan di potasium di e organismo ta baha na nivelnan mas abao di lo normal. Esaki por causa e asina yama Sindrome di QT Largo, cu ta consisti den anormalidadnan di e canalnan di potasium y sodium na e curason y ta provoca aritmianan cardiaco. Por debilita e wesonan Un di e ingredientenan di e refresco ta acido fosforico, cu ta wordo uza pa su conservacion. E fosforus aki ta necesario pa e organismo, specialmente pa e celebro

produci un descalcificacion y malesanan manera osteosporosis. Problemanan di stoma A relaciona e consumo di refresco cu sobrepoblacionnan bacteriano y alteracionnan intestinal. Tanto sucu como edulcorantenan artificial, den e cso di refresconan dietetico, ta faborece e sobrecrecimento bacteriano den e tripanan y en especial di e bacterianan malo. E exceso di bacteria por genera e sindrome di tripanan irita, cu por causa problemanan manera iritacion intestinal, deficiencianan imunologico y hasta perdida di memoria. En particular, e edulcorantenan artificial ta relaciona cu e aumento di bacteria Clostridium difficile, cu ta un di e principal causantenan di infeccionnan di stoma den e ultimo añanan, segun

estudionan di dokter Robert Briton, di e Colegio di Medicina Baylor. Kico bebe na luga di refresco? Sin duda, lo mas saludabel ta awa. "No ta importa si e ta puro, cu gas of di sabor. Lo importnte ta pa e no tin sucu ni edulcorante," Allison Sylvestky, di e Universidad di Georgetown na Washington, a bisa. ● Awa di sabornan cu gas. Ta un bon forma di cuminsa, pa su parecido den e textura cu refresco. ● Te friu of Ice Tea. E ta refrescante, e tin cafeina mesun cos cu refresco y por endulsa cu un telep di honing. ● Awa di gas cu fruta. Bo por purba haci un juice di e fruta cu mas bo gusta y agrega awa cu gas, pa recrea un refresco. ● Awa di fruta. Prepara un canica cu fruta corta, manera lamunchi, apelsina, anasa, appel, strawberry of cualkier otro y yen'e di awa y ijs. Lag'e reposa y lo bo tin semper un bebida dushi y refrescante na man. ● Juicenan natural. Tambe bo por purba directamente bebe juicenan natural. No agrega sucu, ya cu nan tin sucu natural di e fruta. Tampoco cambia refresco pa juicenan di fruta comercial, ya cu esakinan tambe ta carga cu sucu adicional. ● Kombucha. Un bebida mas exotico pero altamente beneficioso. Ta un thee fermenta cu tin un gran cantidad di probiotico. E ta un tiki marga, pero cu tempo bo por custuma cu su sabor. ● Awa di coco. E ta dushi, hopi refrescante y yena di vitamina, mineral y antioxidante.

Pag. 15 22 Pagina

DIaSABRA JANUARI 2026 Diasabra 1810 November 2024

SOPI DI LETRANAN

Un feliz comienso di weekend colma cu hopi amor y bendicion di Dios. Stima Señor, bo Dios, di henter bo curason, cu henter bo alma, cu henter bo mente, y cu tur bo forsa. E di dos mandamento mes importante: ”Stima bo prohimo manera cu bo ta stima bo mes. No tin ningun otro mandamento cu ta mas importante cu esakinan.” (Marco 12, 30-31) Dios a crea bo segun su imagen, a duna bo e mesun capacidad pa stima, a supla den bo e mesun rosea di amor. Si bo ta cristian, bo tin cu tuma e antorcha di amor for di Cristo, carge cendi durante henter bo bida, y pase despues na bo yiunan, na bo amigonan y coleganan. E antorcha di amor aki tin cu pasa di man pa man, tin cu cende cas pa cas, ilumina curason pa curason y mente pa mente. Scuridad tin miedo di e antorcha di amor aki. Unda e antorcha aki ta cendi scuridad ta dirti bira nada, manera pida ijs. T’esaki ta amor: no ta nos a stima Dios prome, sino t'E a stima nos y a manda su Yiu pa E bira sacrificio pa pordon di nos picanan. (1Huan 4,10) Solamente ora bo ta descubri e tesoro cu ta den bo paden cu yama amor y solamente ora bo ta entrege na otro, lo bo ta feliz. Oracion: Señor guia mi y proteha mi den Bo cosnan di haci di tur dia. Pa bo Amor ta semper hunto cu mi. Bo promesa ta real! No obstante ki tribulacion mi haya mi aden, mi sa cu Dios no ta laga mi bandona, den nomber di Hesus di Nazaret. Amen.

SUDOKU

Pag. 16

DIaSABRA 10 JANUARI 2026 Pagina 23

Diasabra 18 November 2024

NA ESNAN CU TA KERE DEN IMAGENNAN DI DIOSNAN FALSO, AMULETONAN Y TALISMANNAN Tin hendenan conciente y inconciente, nan no sa loke ta di Dios y nan no sa loke ta bini di satanas den e creencianan di supersticion. Hendenan cu ta biba pa biba den pika, ta nan ta usa e sorto di creencianan den amuletonan y den talismannan ariba nan curpa y den nan cas. Hendenan sin fe ta usa tur sorto di amuletonan y talismannan den creencianan mistico, pa proteccion, pa suerte etc.. Nos mester comprende, cu den e culturanan bieuw, den Testament Bieuw e amuletonan y e talismannan tabata hopi usa den e pueblonan pagano. E hendenan den paganismo tabata usa e amuletonan, talismannan como “magic charms”. E hendenan pagano tabata usa talismannan grandi di satanas y tambe nan ta usa imahennan di diosnan falso den nan cas. Hendenan Cristian mester comprende bon, cu tur e sortonan di amuletonan y imahennan di diosnan falso ta bini di satanas, e.o imahen di dios falso di budda na cadena of na porta, imahen di olifant na muraya, imahen di dragon, creencia den spielnan na muraya of na porta, imagen di dios falso di inca's, di azteca's, di hindu, di egypcionan, creencia den colga aloe den cas of na porta, esnan cu ta pone furu diabolico den cas, creencia den suerte den hoef di cabay, esnan cu ta pone linja cora na man y na pia, creencia den boonchi como amuleto, amuleto den pata di konew, simbolo satanico den “devil horn”, e simbolo di pas satanico { crus boca abao kibra den circulo } riba t-shirt etc. etc.

Den Bijbel 2 Reynan 23: 24 ; “Rey Josias a keda conforme den tur e palabranan di e Ley scirbi den e buki, cu e sacerdote Hilkias a encontra den e tempel di Dios. Y tabata asina cu el a laga elemina tur esnan den spiritismo y na esnan den adivinonan, na esnan cu tin idolonan di diosnan falso den famianan y tur sorto di idolonan abominabel cu tabata ser haya den e pais di Huda y den Herusalem”. Nos mester comprende cu den e di Prome Mandamento di Dios Tata ta bisa: “ Di stima y adora bo Senjor y bo Dios di henter bo curason, di henter bo alma, di henter bo ser, di henter bo sintir y mas cu tur cos den mundo.” Den e Mandamento di Dios Tata aki, ta prohibi hende di kere y di confia den tur e sorto di creencianan supersticionnan, di amuletonan, talismannan, imahen di diosnan falso etc. Hendenan cu tino mester comprende, cu ta den Dios so nos mester kere y confia nos destino

final, cu ta e Gloria Eterna. Y no den e creencianan den amuletonan, talismannan y simbolonan cu ta bin di satanas. Pasobra esnan cu tin e sorto di amuletonan y talismannan aki, e spiritonan diabolico ta keda rond di nan. Tur e creencianan paganonan aki, ta un pika grandi contra di Dios Su Prome Mandamento. Den Bijbel Apocalipsis 21: 6 – 8, {Revelacion di Huan}: “Tambe E'l a bisa mi: Ta cumpli! Mi ta Alfa y Omega, Principio y Fin. Esun cu tin sed, pornada lo Mi dun'e bebe di e fuente di e awa di bida. Esun cu triunfa lo hereda esaki y lo Mi ta Su Dios y e'l lo ta Mi yiu. Ma e cobardenan, e infielnan, e perversonan, e matadornan di hende, e fornicadornan, e sirbidornan di diosnan falso y tur e sakadornan di mentira, nan lugar ta den e tanki cu ta kima di candela y zwafel. Esaki ta e di dos morto.” Un mensahero di Dios.