P1
DIABIERNA 28 AUGUSTUS 2026
28 AUGUSTUS 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.
1.25
PUEBLO TA EXIGI CONTESTA DI BIAHA: MINISTER BABA HERDE A VRIES SOÑO DI CAS PROPIO PA NOS HENDENAN TE CU 2029! RECES A PASA, PERO AINDA TA REINA UN SILENCIO TOTAL DI PARTI DI GOBIERNO RIBA E LEY DI HOFA!
P2
DIABIERNA 28 augustus 2026
Minister Geoffrey Wever ta fortifica cooperacion cu organisacionnan di sector pa atende retonan den agricultura, cria di bestia y pesca Oranjestad, Aruba – Ministerio di Finansa, Asuntunan Economico y Sector Primario a sinta hunto cu varios stakeholders di Sector Primario; UFA, CPCA, DLVV y Stichting Hadicurari, pa dialoga tocante e sector y e varios retonan den agricultura, cria di bestia y pesca.
E reunion a enfoca riba un dialogo habri tocante locual agricultornan, criadornan di bestia y piscadornan ta experiencia den nan trabou diario, y cua pasonan concreto ta necesario pa sigui fortifica e sector. Durante e combersacion a trata, entre otro, disponibilidad y costo di awa, falta di tereno adecua pa agricultura, daño causa pa cachonan los, costo halto di energia, incertidumbre fiscal, uzo di pesticida y problemanan administrativo relaciona cu importacion di productonan y materialnan necesario.
“Pa por fortifica nos sector primario di forma duradero, nos mester compronde bon kico ta pasando den practica. P’esey ta importante pa nos no solamente formula maneho pa e sector, sino haci esaki
hunto cu e personanan y organisacionnan cu ta forma parti di e sector. Door di identifica y monitorea e retonan hunto, nos por traha mas dirigi riba solucionnan cu realmente ta haci un diferencia,” segun Minister Geoffrey Wever.
Acceso na suficiente awa na un prijs accesibel ta keda uno di e retonan mas grandi pa agricultornan local. Actualmente, hunto cu AWSS, DLVV y DVG, ta trahando riba un proyecto piloto pa guia awa recicla pa e dam di Santa Rosa, mientras DVG ta involucra den evaluacion di calidad di e awa. Disponibilidad limita di tereno adecua pa agricultura tambe a haya atencion. E ministerio ta explorando posibilidad pa desaroya un parke agricola, cu no solamente tereno, sino tambe infrastructura y facilidadnan basico necesario pa facilita produccion local. CPCA a trece dilanti e problema di cachonan los y e daño cu nan ta causa na cria di bestia. Minister Wever a indica cu lo evalua hunto cu esnan concerni cua medidanan ta posibel dentro di e cuadro legal. Particularmente productornan cu
pa ta
depende di pomp, refrigeracion y sistemanan hidroponico, costo di energia tambe ta un reto,. Minister Wever lo inclui e tema aki den proximo consultanan cu WEB. Durante e reunion, UFA a pidi claridad tocante e posicion fiscal di empresarionan den sector agricola. E minister a confirma cu e exoneracionnan fiscal
existente pa partidonan activo den sector agricola lo keda vigente.
“E combersacionnan no por keda solamente na identifica problemanan. Pa cada reto importante nos mester determina ken lo encarga cu dje y ki ora e sector por spera un feedback. Solamente door di acerca gobierno
y sector mas na otro, nos por construi un sector primario mas fuerte, profesional y prepara pa futuro,” segun Minister Geoffrey Wever. E minister lo sigui reuni periodicamente cu e organisacionnan di sector pa monitorea progreso, identifica retonan nobo na tempo y sigui traha hunto riba solucion
P3
DIABIERNA 28 augustus 2026
Parlamentario Shailiny Tromp-Lee:
Reces a pasa, pero ainda ta reina un silencio total di parti di Gobierno riba e ley di HOFA! Discucion entre AVP-Futuro ta continua pa loke ta trata HOFA y e bienestar general y di pais ta keda poni un banda.
parti, Hulanda por keda controla nos pa semper, aunke nos cumpli cu tur regla financiero aña tras aña.
Cu e reces tras di lomba, ainda no tin claridad di Gobierno riba e Ley di Reino HOFA.Mientras e discusion interno den e coalicion ta continua, falta transparencia riba e pasonan concreto cu nan ta tuma cu e ley peligroso aki. Of pa di 4 biaha nan ta bay informa pueblo ora e ta un “done deal” caba?
2. E ley aki ta pasa riba nos orden constitucional
E falta di claridad aki ta alarmante, ya cu ta trata di e futuro di nos pais. E consehonan huridico riba e materia aki, ta conclui claramente cu: e ley di HOFA ta mara Aruba pa semper, ta mina nos Constitucion, y e palabracionnan tras di dje a wordo negocia bou presion. Pa haci'e facil y cla pa tur ciudadano por compronde e peliger real tras di e ley aki, laga nos wak un biaha mas e tres puntonan clave: 1. E promesa di "temporalidad" no ta real, y no ta para den e ley Pinta HOFA como un control temporal ta un ilusion. E ley ta stipula cu Aruba por pidi pa e supervision termina, pero ta Den Haag (Rijksministerraad) ta dicidi esaki. Sin derecho di veto ni poder di co-decision di nos
E structura aki tin un eror legal grandi: e ta duna e ministernan di Reino e poder pa tuma decisionnan interno riba nos pais, algo cu ta contra nos sistema di ley. Esaki sigur ta habri un porta hopi peligroso pa Hulanda sigui drenta sin permiso den teritorio y decisionnan cu ta pertenece solamente na Aruba su autonomia. Pakico nos a lucha pa nos Status Aparte, pa awor parcialmente entrega esaki bek? 3. E "consenso" no tabata liber, sino bou di presion Pa un ley di Reino por conta como un producto di acuerdo mutuo, e mester nifica cu dos parti ta sinta na mesa como igual y ta dicidi libremente. Pero pa ta sincero desde inicio di Pandemia esaki no tabata e caso. • Presion financiero: E interes mas abou ta wordo uza como un chantahe; si bo no firma HOFA bo no ta haya e interes abou (no ta haya placa fia). Esey ta negocia bou di presion, no cu boluntad liber. •
Acuerdo di pasado
no por mara futuro: Un firma riba un papel (bestuursakkoord) di un gobernacion anterior pa negosha no por kita e autoridad di un Parlamento of Gobierno actual y futuro pa bisa cu nan no ta di acuerdo mas cu e producto
final di e negociacion. Conclusion E alertanan aki no ta wega politico, sino advertencia serio di profesory expertonan di derecho. Nos no por keda keto. E
silencio y conflicto interno di Gobierno ta pone nos autonomia y democracia na peliger. Pueblo merece e berdad. Ta tempo pa Gobierno presenta na Parlamento y duna splicacion pa nos tuma e decision final.
P4
DIABIERNA 28 augustus 2026
Pueblo ta exigi contesta di biaha: Minister Baba Herde a vries soño di cas propio pa nos hendenan te cu 2029! Den un carta habri anonimo dirigi na Minister Rene "Baba" Herde y na henter e pueblo di Aruba, un ciudadano sumamente preocupa a cuestiona fuertemente e decision di Gobierno pa extende vigencia di e Plan di Ordenansa Teritorial cu Calificasion di Valides (ROPV 2021) te cu 17 di juli 2029, un medida cu ta drenta na vigor oficialmente entrante 1 di september 2026. E carta ta lansa un serie di pregunta skerpi y directo tocante e futuro di vivienda riba nos isla y ta adverti cu, si no bin claridad inmediato, desaroyo residencial pa famianan local lo keda practicamente gevries pa tres aña mas. Aunke e autor ta reconoce cu Aruba tin mester di ordenacion teritorial estricto, proteccion di naturalesa y reglanan cla pa frena construccion iresponsabel, e ta enfatisa cu no por ignora e crisis di vivienda cu e propio pueblo ta pasando aden. Costonan di material, man di obra, tereno y financiamento bancario ta sigui subi drasticamente. Ora cu e reglanan di ROPV bin limita severamente denso, haltura, parcelacion y posibilidadnan pa construi riba terenonan apto, e consecuencia directo ta cu e prijs final di cas ta bira completamente inaccesibel pa e ciudadano comun.
E preocupacion aki ta bira mas urgente mirando cu den Ministeriele Beschikking nr. 9199/25 di 27 di februari 2026, Gobierno mes a señala cu lo uza e instrumentonan legal di "wijziging" (cambio) y "vrijstelling" (exencion) pa responde na desaroyonan teritorial urgente, y a hasta encarga asistencia pa prepara e plannan di cambio aki. Pa e motibo ey, e carta ta exigi pa
Minister Herde y Departamento di Infrastructura y Planificacion (DIP) publica e maneho y criterianan cla cu lo uza entre 2026 y 2029.
Entre e nuebe preguntanan publico dirigi na e mandatario, e ciudadano ta exigi sa: Cua ta e "wijzigingsplannen", zonanan y reglanan specifico cu Gobierno ta preparando pa cambia? Ki dia y pa medio di cua procedura transparente e sector priva y publico por pidi exencion pa proyectonan residencial urgente?
Kico Gobierno lo haci pa evita
cu proyectonan cu ya ta den preparacion of den tramite di permiso keda para of sufri retraso pa varios aña mas? Si Minister Herde ta dispuesto pa sinta na mesa cu arkitectonan, contratistanan, desaroyadornan, planificadornan y doñonan di tereno pa compronde e retonan practico di e sector. E carta ta subraya cu e yamada aki no ta pa kita regla ni pa
destrui naturalesa, sino pa logra un berdadero balance y transparencia. Tres aña ta hopi tempo pa un famia warda riba un dak, pa inversionnan keda den incertidumbre y pa e sector di construccion keda sin rumbo cla. P'esey, e peticion final na Gobierno ta pa presenta un calendario y criterio transparente cu ta permiti desaroyo sostenibel, garantisando cu famianan Arubiano no keda exclui di por haya un cas pagabel riba nan propio pais.
P5
DIABIERNA 28 augustus 2026
Caribbean Mercantile Bank N.V. y Aruba Beach Tennis ta renoba nan partnership pa tres aña mas pa promove Aruba Open Beach Tennis Championship
Oranjestad, Aruba Caribbean Mercantile Bank (CMB) ta oficialmente reinforsa su compromiso renobando pa tres aña cu Aruba Beach Tennis pa e event grandioso cual ta Aruba Open Beach Tennis Championship. Beach tennis ta un deporte cu ta combina competencia, energia y comunidad y cu e ambiente unico di Aruba ta un match perfecto. Aruba Open ta reuni deportistanan local y internacional, promoviendo deporte, un estilo di bida activo y Aruba como destino pa evento grandi di deporte. E siman completo di Aruba Open ta un evento tambe pa famia
y amistadnan bini hunto y disfruta di e evento. Pa CMB, e partnership aki ta mas cu solamente apoyo pa un evento deportivo. Ta un manera pa contribui na un comunidad mas activo,
saludabel y conecta. CMB ta desea Aruba Beach Tennis y tur participantenan hopi exito cu e proximo edicionnan di e Aruba Open Beach Tennis Championship.
P6
DIABIERNA 28 augustus 2026
Digitalisacion pa un servicio publico mas eficiente, transparente y accesibel pa tur
Gobierno di Aruba ta sigui boga pa un proceso di digitalisacion di servicio publico, cu e vision pa haci diferente tramite mas simpel, rapido, eficiente y transparente pa e ciudadano. Den e proceso aki, tecnologia ta brinda oportunidadnan importante pa modernisa e manera cu servicio di Gobierno ta wordo ofreci. Door di pone mas proceso online, ciudadanonan por completa cierto tramite di un manera mas facil, sin necesidad pa bishita un departamento fisicamente pa cada cos. Minister di Vivienda, Infrastructura, Servicio Interno y Telecomunicacion, Rene Herdé, ta enfatisa cu digitalisacion mester sirbi como un instrumento pa mehora e servicio y no pa reemplasa e atencion personal cu cierto ciudadano ainda mester. Segun e minister, ta importante pa Gobierno reconoce cu no tur hende tin e mesun acceso, experiencia of facilidad pa traha cu computer y sistema digital. Entre cierto grupo di nos comunidad, tin personanan cu por haya dificultad pa haci tramitenan completamente online. P’esey, e vision ta pa ofrece dos caminda pa acceso na servicio publico, un sistema digital online pa e ciudadano cu por y kier uza esey y un servicio personal pa esnan cu mester asistencia pa completa cualkier tramite. “Nos kier haci cu hende por uza e sistema digital y probecha di e beneficionan di tecnologia, pero pa e personanan cu no por, tambe nos mester ta presente. Nos no por bisa cu tur hende mester haci tur
cos online. Nos mester mantene e posibilidad di un servicio cara a cara, unda un persona por ricibi atencion y asistencia,” Minister Herdé ta enfatisa. E enfoke ta parti di un vision di un Gobierno cu ta busca pa combina innovacion cu accesibilidad. Digitalisacion por aumenta eficiencia y transparencia, pero e meta final mester keda e mesun, pa brinda un servicio publico di calidad cu ta accesibel pa tur ciudadano. Minister Herdé ta indica tambe cu e modernisacion mester bay hunto cu mehoracion di e procesonan interno. No ta suficiente pa simplemente pone un formulario online si e proceso tras di dje ainda ta bay poco poco of complica. E meta ta pa revisa e proceso completo, elimina obstaculo innecesario y haci cu e ciudadano por ricibi contesta y servicio mas eficiente. Gobierno di Aruba ta reafirma su compromiso pa sigui inverti
den tecnologia y digitalisacion, mientras ta garantisa cu ningun
grupo den sociedad wordo laga atras.
Corte di Prome Instancia 30 augustus 2026
Horario Sospechoso Acto Castigabel 08.30 L.J.K. K. ta wordo acusa di kiebro y ladronicia riba 18 di december 2025. 09.00
E.J.L.S.
L.S. ta wordo acusa di menasa cu crimen riba 13 di oktober 2025.
09.30
J.C.G.F.
G.F. ta wordo acusa di menasa cu un arma riba 16 di januari 2025.
10.00
K.M.L.
L. ta wordo acusa di kiebro y ladronicia riba 12 di februari 2025.
10.30
B.D.
11.00
R.R.N.
D. ta wordo acusa di menasa y posesion di un arma di candela riba 21 di februari 2025. N. ta wordo acusa di abuso sexual di un menor di edad riba 30 di maart 2024.
P7
DIABIERNA 28 augustus 2026
Parlamentario Xiomara Maduro:
“Aruba tin placa pa inversion; loke ta falta ta capacidad pa ehecuta” Parlamentario Xiomara Maduro ta rechasa e intento di Minister Gerlien Croes di Relacion di Reino pa presenta HOFA como un condicion necesario pa Aruba por haya placa pa inversion. Segun Maduro, e declaracion di Minister Croes cu Aruba no tin placa pa inversion no ta cuadra cu e propio cifranan oficial di Gobierno. E Uitvoeringsrapportages di cuarto kwartaal di 2023, 2024 y 2025 ta mustra cu Gobierno a presupuesta un suma considerabel pa inversion, pero no a logra ehecuta un gran parti di dje. “E problema principal no ta cu Aruba no tin placa presupuesta pa inversion. E problema ta cu Gobierno no ta logra prepara y ehecuta e proyectonan,” Maduro a declara. Mas cu Afl. 105 miyon no ehecuta E cifranan oficial saca di e Uitvoeringsrapportages oficial di Gobierno di cuarto kwartaal 2023, 2024 y 2025, ta mustra lo siguiente: • Den 2023 tabata tin Afl. 51,6 miyon presupuesta pa inversion. Di esaki, Afl. 43,3 miyon a wordo realisa, esta 83,9%.• Den 2024 tabata tin Afl. 66,1 miyon presupuesta, pero solamente Afl. 13,8 miyon a wordo realisa. Esaki ta apenas 20,9%. • Den 2025 Gobierno a presupuesta Afl. 74,5 miyon pa inversion, mientras cu e realisacion tabata Afl. 30 miyon, alrededor di 40%.
Entre 2023 y 2025 Gobierno a presupuesta un total di Afl.
192,2 miyon pa inversion. Di e suma ey, solamente Afl. 87,1 miyon a wordo realisa of registra como realisacion. Pues mas di Afl.105 miyon cu Gobierno mes a presupuesta pa inversion no a wordo ehecuta. “Minister Croes mester splica e contradiccion aki. Con e por conclui cu Aruba no tin placa pa inversion, mientras Gobierno no ta logra ehecuta e inversionnan cu ya a inclui den su propio presupuesto?” Maduro ta puntra.
HOFA no ta drecha falta di ehecucion Segun Parlamentario Maduro, e cifranan ta indica cu Aruba tin un problema serio di planificacion, preparacion di proyecto, capacidad administrativo, coordinacion y liderato. HOFA lo por facilita acceso na financiamento, pero HOFA no por prepara proyecto pa Gobierno, no por obliga ministerionan pa ehecuta nan presupuesto y no por drecha e falta di capacidad, planificacion y responsabilidad politico. “Si Gobierno no por ehecuta e inversionnan cu ya ta presupuesta, mas placa presta no ta automaticamente bira mas inversion. E riesgo ta cu e bira solamente mas debe cu Pueblo di Aruba mester paga,” Maduro a enfatisa. Un prestamo no ta un regalo. Cada florin cu Gobierno fia mester wordo paga bek, cu interes, pa medio di entrada di Gobierno y, finalmente, door di Pueblo. P’esey no ta
responsabel pa uza e necesidad di inversion como argumento emocional pa introduci mas debe, sin prome mustra cu Gobierno tin e capacidad pa prepara, ehecuta y controla e proyectonan. Minister ta manipula e discusion Maduro ta considera e presentacion di Minister Croes incompleto y manipulativo, pasobra e ta presenta falta di financiamento manera cu esey ta e unico problema, mientras e ta laga afo e falta evidente di ehecucion bisto den e propio documentonan di Gobierno. “Bo no por bisa Pueblo cu no tin placa, sin conta Pueblo cu mas cu Afl. 105 miyon di inversion presupuesta no a wordo ehecuta. Esaki ta laga un parti esencial di e realidad afo pa crea e impresion cu HOFA ta e unico solucion,” Maduro a bisa. Prome cu Minister Croes sigui presenta HOFA como e solucion pa inversion na Aruba, e mester duna cuenta di: 1. Dicon mas cu Afl. 105 miyon di inversion presupuesta entre 2023 y 2025 no a wordo realisa; 2. Cua proyectonan wordo ehecuta y pakico;
no
a
3. Cua ta e obstaculonan administrativo cu a causa e atraso; 4. Con Gobierno lo mehora su capacidad pa prepara y ehecuta proyecto; 5. Y con Gobierno lo evita cu placa presta bira solamente mas debe pa Pueblo paga. Bon gobernacion prome cu mas debe
Aruba definitivamente mester sigui inverti den infrastructura, scol, salubridad, siguridad, vivienda y desaroyo economico. Pero inversion responsabel ta cuminsa cu proyectonan bon prepara, un administracion cu por ehecuta nan y un Gobierno cu ta duna cuenta di e resultado. “HOFA no por drecha falta di ehecucion. Bon gobernacion, capacidad administrativo, transparencia y responsabilidad si por,” Maduro ta conclui.
P8
DIABIERNA 28 augustus 2026
Prome Minister Mike Eman:
“Cuida Aruba mester bira un responsabilidad comparti di nos tur” Gobierno di Aruba ta sigui cu preparacion y promocion di e di dos edicion di Dia Nacional pa Cuida Aruba, cu lo reuni sector publico, sector priva, organisacionnan y voluntarionan den un esfuerso conhunto pa contribui na un Aruba mas limpi, cuida y agradabel pa biba. Durante conferencia di prensa, Prome Minister Mike Eman a enfatisa cu e iniciativa ta bay mas leu cu un accion di limpiesa. E meta ta pa gradualmente inculca den comunidad un sentido di responsabilidad comparti, caminda cuida Aruba a bira algo cu cada ciudadano ta sinti como parti di su propio responsabilidad. “E ta un momento pa nos haci Aruba mas limpi y mas bunita, pero tambe pa pone den curason di cada ciudadano e sentido di responsabilidad comparti pa e pais aki cu ta di nos tur,” Eman a expresa. Pa haci participacion mas facil, durante e accion di fin di luna lo tin diferente punto caminda comunidad por deposita desperdicio mas cerca di nan bario. Eman a recorda cu, adicionalmente, Aruba tin actualmente un Zona di Desperdicio permanente na Barcadera, cu ta brinda comunidad un opcion continuo pa entrega desperdicio. Gobierno,
empresa
y
comunidad hunto Un parti importante di Cuida Aruba ta precisamente cooperacion entre diferente sector. Prome Minister Eman a expresa gradicimento na e partnernan cu ta contribui tanto operacional como financieramente pa haci e accion posible, muy specialmente na WEB Aruba NV. El a destaca cu instancianan manera DOW, Serlimar y City Inspector lo bolbe mobilisa nan ekiponan durante e accion, complementando e trabou cu nan ta haci diariamente pa mantenimento y limpiesa di Aruba. Na mes momento, otro instancia ta contribui riba tereno di organisacion, salubridad y siguridad. Eman a enfatisa cu, durante un accion di e magnitud aki, no solamente resultado ta importante, sino tambe cu tur participante por traha den un forma safe. Cuida Aruba por ta mucho mas cu recoge sushi Eman a invita comunidad pa mira e iniciativa den un sentido mas amplio. Si un bario ta limpi, por identifica otro necesidad caminda accion boluntario por haci diferencia. Esaki por ta un cancha deportivo cu mester di mantenimiento, un scol cu
por haya atencion, un club of facilidad comunitario cu mester di un man adicional, of simplemente un espacio den bario cu por mehora. Segun e Prome Minister, Gobierno no semper tin e recurso financiero pa atende tur necesidad pareu. Precisamente aki iniciativa boluntario, creatividad y cooperacion di comunidad por agrega balor. E vision ta pa e ultimo diasabra di luna gradualmente bira un momento caminda famianan, organisacionnan, empresanan y bario por haci e pregunta: kico nos por haci awe pa nos pais? Cuida Aruba ta busca asina pa crea algo cu por keda mas leu cu e propio dia di accion: un cultura di participacion, cuido y responsabilidad comparti.
“Ban ta creativo y mira kico nos por haci pa yuda Aruba, no solamente cu limpiesa, sino tambe cu mantenimiento di
aspectonan importante cu ta contribui na un miho calidad di bida pa nos comunidad,” Eman a conclui.
P9
DIAbierna 28 DI AUGUSTUS 2026
Conoce nomber di nos Piscanan Pa medio di promove lesamento bou di nos hubentud y manera e dicho ta bisa “mas bo lesa mas sabi bo ta”. Nos departamento pa medio di crea oportunidadnan basa riba loke nos ta para pe cu ta Agricultura, Cria y Pesca hunto cu su sección di Pesca pa medio di sr. Byron Boekhoudt kende ta un Biologo Marino y Fundacion Centro di Pesca Hadicurari apercura pa formula dos poster cu nombernan di Pisca cu ta mas popular y cu ta wordo gara den nos awanan local. Nos Piscadonan ta hunga un rol hopi importante den esaki mas ainda si bo mire for di e punto di bista educativo. Nos ta haye masha importante pa e tipo di informacionan valioso aki por yega cerca nos studiantenan. Conoce nombernan di pisca. Durante un reunión cerca minister sr. Geoffrey Wever encarga cu Sector Primario a hasi entrega oficialmente di dos poster cu diferente nomber di Pisca cu prácticamente nos piscadonan ta percura pa esaki diariamente
den nan trayecto largo riba lama. Kisas nos por imagina cu no ta tur persona comedo di Pisca conoce e nomber of tipo di cada ehemplarnan aki. Hopi biaha ta puntra e piscado pa asina conoce un poco mas di piscanan. Tin biaha bo no por imagina for di unda un nombernan di Pisca por ta deriva. Esaki a resulta tambe net bon pa cu e proyecto di “Piskechi” cu minister Geoffrey Wever a anuncia algún luna atrás y cu na e momentonan aki ta andando na e pier di Brisas del Mar riba tur diasabra cu ta siña e muchanan con pa pisca. Intencion
ta
cu pronto lo bai hasi entrega tambe na tur scol primario y asina nos studiantenan por amplia nan conocemento riba nos piscanan mas popular. Sigur e docente ta haya oportunidad pa conoce e tipo di piscanan aki pa medio di e nombernan y pasa e información valioso aki pa nos studiantenan. Riba combinación di foto por admira e reunión cu tabata tin y momento cu a hasi entrega oficial na minster sr. Geoffrey Wever. (drpd) Minister sr. Geoffrey Wever. Sra Nathalie Maduro director
di Santa Rosa, sr. Randy Maduro vocero di Santa Rosa y miembro di bestuur di Fundacion Centro di Pesca Hadicurari y sr.
Byron Boekhoudt hefe di Seccion di Pesca Santa Rosa y tambe miembro di bestuur Fundacion Centro di Pesca Hadicurari.
P 10
DIAbierna 28 DI AUGUSTUS 2026
Entrega di certificado na SVT-20: A culmina un trayecto di perseverancia y oportunidad pa futuro Awe mainta, durante ceremonia na Scol di Arte na San Nicolas, participantenan di e di 20 grupo di Formacion Social, SVT-20, a ricibi nan certificado, marcando un momento importante despues di un trayecto caracterisa pa disciplina, perseverancia y preparacion pa nan futuro. Prome Minister Mike Eman, conhuntamente cu Minister di Salubridad, Asunto Social, Cuido di Adulto Mayor y Maneho di Adiccion Mervin Wyatt-Ras, parlamentario Jennifer Arends-Reyes y demas invitado, tabata presente pa acompaña e hobennan durante e momento special aki, hunto cu famianan, amigonan, representantenan di Marinierskazerne Savaneta y esnan cu a guia nan durante e programa. Durante su palabra, Prome Minister Eman a expresa su satisfaccion y orguyo pa e hobennan cu a completa e trayecto. El a destaca cu cada participante a yega na un momento den su bida caminda nan a haci un decision importante: pone nan mes dilanti, acepta un reto y persevera pa crea mas oportunidad pa nan mes. Segun e Prome Minister, Formacion Social tin precisamente e balor di brinda un oportunidad adicional na hobennan
cu ta den un fase crucial di nan desaroyo y ainda ta buscando direccion pa nan futuro profesional y personal. Eman a reconoce tambe e papel importante di mayornan, famia y amigonan cu a sostene e participantenan durante nan trayectoria, como tambe e guia y disciplina brinda door di e profesionalnan y facilitadornan relaciona cu Formacion Social y Marinierskazerne Savaneta. Un agradecimento special a bay na Marina pa su cooperacion continuo cu e programa. Eman a enfatisa cu e sosten di Marinierskazerne ta un elemento importante den e formacion y guia cu e hobennan ta ricibi.
E ceremonia di awe tin tambe un significado particular mirando cu Formacion Social a inicia na Aruba na 2010, durante e prome periodo di Mike Eman como Prome Minister, den cooperacion cu Ministerio di Defensa Hulandes. Cu SVT-20, e programa ta sigui brinda hobennan un oportunidad pa traha riba disciplina,
responsabilidad, desaroyo personal y preparacion. Prome Minister Eman a reafirma e sosten di Gobierno pa continuidad di Formacion Social, reconociendo e impacto cu e programa por tin precisamente na un momento caminda un hoben ta determina e siguiente paso den su bida.
E entrega di certificado ta corona e sacrificio y empeño di e participantenan, pero na mes momento ta representa cuminsamento di un siguiente etapa. Cu e experiencia y instrumentonan cu nan a haya durante SVT-20, nan ta sigui dilanti cu un base mas fuerte pa determina nan propio futuro.
P 11
DIAbierna 28 DI AUGUSTUS 2026
A.T.A. ta gradici y felicita tur Miembro di Prensa
Un mainta di aprecio, conocemento y dialogo cu miembronan di prensa local Dia 24 di augustus, Aruba Tourism Authority (A.T.A.) a ricibi mas cu 25 miembro di prensa local pa un mainta special dedica na apreciacion, colaboracion y dialogo conmemorando asina Dia di Prensa 2026. E mainta a cuminsa cu un desayuno di agradecimento na e profesionalnan di media cu tur dia ta traha pa mantene nos comunidad informa. Despues di desayuno, miembronan di prensa a participa na un programa special den cual A.T.A. a comparti mas conocemento tocante e trabou, prioridadnan y vision di A.T.A. Tambe a discuti e estado actual di e industria di turismo y con e sector ta sigui evoluciona. Mientras cu turismo na Aruba ta sigui evoluciona, accionnan y tambe e conversacion rond di turismo tambe
mester evoluciona. Pesey presencia di prensa tabata importante; como un socio clave pa amplifica, guia y fomenta e dialogo tocante entre otro Turismo Responsabel. Ademas, durante e mainta miembronan di prensa a haya e oportunidad pa conoce diferente miembro di e ekipo di A.T.A. y siña mas tocante di e evolucion di e strategia di comunicacion di A.T.A., tanto den mercadonan internacional como na nivel local. Tambe nan a haya un bista amplio riba diferente iniciativa, proyecto y esfuersonan cu A.T.A. ta ehecuta riba nos isla pa sostene y fortalece Aruba, no solamente como un destinacion, sino tambe como un comunidad sostenibel caminda bienestar social, conservacion di nos patrimonio natural y proteccion di nos medio
ambiente ta ocupa un luga central. Pa A.T.A., ta di hopi importancia pa comparti informacion directamente cu prensa. Un prensa bon informa por emiti contexto corecto, comunica desaroyonan y yuda e publico compronde e trabou cu ta wordo haci den beneficio di Aruba y su comunidad. E tipo di intercambio aki tambe ta fortalece transparencia y ta crea relacionnan mas solido entre A.T.A. y e medionan di comunicacion. “Nos relacion cu prensalocal ta di gran importancia pa A.T.A. Como partnernan clave den comunicacion, e encuentro aki a ofrece nos e oportunidad pa comparti conocemento, tende perspectivanan y reforsa e colaboracion cu ta esencial pa mantene Aruba bon informa. Na nomber di Aruba Tourism Authority, mi kier gradici tur profesional di media pa nan dedicacion, compromiso y profesionalismo. Nos ta desea nan un feliz Dia di Prensa 2026,” a expresa CEO di A.T.A., Ronella Croes. Miembronan di prensa presente a sali cu un
miho comprendemento di e direccion strategico di A.T.A., su strategianan di comunicacion y e impacto positivo di diferente programa y iniciativanan cu ta contribui na e desaroyo di Aruba y bienestar di nos comunidad. A.T.A. ta gradici tur miembro di prensa cu a participa den e celebracion y na tur profesionalnan di media cu durante henter aña ta dedica nan mes na
informa, educa y comparti noticia y actualisacionnan cu Aruba. Nan contribucion ta indispensabel y di hopi balor. Cu e occasion aki, Aruba Tourism Authority ta desea tur periodista, reportero, fotografo, editor, presentador y profesional di media un feliz Dia di Prensa 2026 y ta gradici nan pa nan compromiso continuo cu nos comunidad y nos isla.
P 12
DIAbierna 28 DI AUGUSTUS 2026
Parlamentario Jennifer Arends-Reyes:
Community Pool ta un inversion den salud, siguridad y futuro di nos muchanan ORANJESTAD (26 di augustus 2026) – Parlamentario Jennifer Arends-Reyes ta enfatisa e importancia di mantene Community Pool na San Nicolas como un facilidad publico sigur, accesibel y bon cuida. Un piscina comunitario ta hopi mas cu un lugar pa recreacion: e ta un inversion directo den salud, prevencion, deporte y igualdad di oportunidad. “Nos ta biba riba un isla rondona cu lama. P’esey, siña landa no mester wordo mira como un luho, sino como un habilidad esencial cu por salba bida. Cada mucha na Aruba, sin importa su situacion financiero ni e bario unda e ta biba, mester tin oportunidad pa siña landa den un ambiente controla y sigur,” Arends-Reyes a expresa. Community Pool por cumpli un papel importante den programanan di natacion pa scolnan, entrenamento di clubnan deportivo, actividadnan pa adulto mayor y rehabilitacion fisico. E facilidad por ofrece tambe aqua fitness, programanan di salud y oportunidadnan recreativo pa famianan cu no tin acceso na un piscina priva. Ademas,
un
facilidad
asina por contribui na identificacion y desaroyo di talento deportivo. Aruba tin hobennan cu potencial pa representa nos isla den natacion, waterpolo y otro disciplinanan acuatico. Sinembargo, talento solamente por florece ora tin infraestructura adecua, entrenadornan capacita y suficiente oportunidad pa practica. Arends-Reyes a subraya cu despues di a inverti mas cu mey miyon florin pa e pomp house nobo, Community Pool lo sigui wordo manteni y cu e renobacionnan di e cafetaria y gazebonan lo continua. Segun e parlamentario, Community Pool tin un balor special pa San Nicolas. Inversion den facilidadnan comunitario ta genera mas actividad positivo, fortalece cohesion social y duna hobennan un alternativa saludabel pa pasa nan tempo liber. “Un comunidad fuerte ta cuminsa cu lugarnan unda hende por encontra otro, move, siña y crece. Community Pool ta precisamente uno di e lugarnan ey. Nos mester mira e facilidad aki como un inversion den prevencion, salud y futuro,” Jennifer Arends-
Reyes a finalisa. Cada mucha cu siña landa ta un mucha mas sigur.
Cada hoben cu practica deporte ta un hoben cu haya oportunidad. Y cada facilidad publico bon
manteni ta un señal cu nos ta inverti seriamente den bienestar y futuro di nos comunidad.
P 13
DIAbierna 28 DI AUGUSTUS 2026
Minister Wendrick Cicilia:
Facility Center na Rodgers Beach ta completamente renoba Oranjestad – Minister di Turismo, Transporte y Labor, mr. Wendrick Cicilia, hunto cu Aruba Tourism Authority (A.T.A.), a presenta oficialmente e renobacion di Facility Center na Rodgers Beach. E proyecto ta forma parti di e esfuersonan pa conserva y revitalisa e facilidadnan publico cu tin tanto balor pa comunidad local.
Facility Center na Rodgers Beach tin un balor sentimental y ta trece hopi recuerdo bunita pa diferente generacion Rubiano, particularmente pa comunidad di San Nicolas. Sinembargo, mientras tempo ta pasa e edificio a deteriora y tabatin necesidad di renobacion y mantencion.
Awo cu e trabounan finalisa, e facilidad a haya un imagen completamente refresca y ta cla pa comunidad local bolbe haci uzo y disfruta di dje. Como parti di e proyecto, tanto e pier como e deck na Rodgers Beach tambe a ricibi e mantencion necesario, contribuyendo na un ambiente mas agradabel y sigur pa tur usuario.
Minister Cicilia a expresa su gratitud na A.T.A. p’e bon colaboracion y compromiso pa sigui realisa proyectonan cu tin un impacto directo riba comunidad.
“E luga aki tin un significado special pa hopi hende. E ta representa recuerdo, encuentro y momentonan comparti cu famia y amigonan. P’esey, ta importante pa nos no solamente crea proyecto nobo, pero tambe conserva, renoba y duna continuidad na loke nos tin caba,” Minister Cicilia a expresa.
Minister Cicilia a aplaudi tur e personanan y instancianan envolvi cu, danki na nan trabou y dedicacion, a contribui pa haci e renobacion aki un realidad. El a enfatisa cu continuidad ta esencial pa garantisa cu inversionnan haci den facilidadnan publico por sigui beneficia comunidad pa hopi aña.
Minister Cicilia tambe a expresa su aprecio pa presencia di Hilario Doncker, kende semper ta pendiente di e proyectonan y desaroyonan cu ta tumando luga na San Nicolas. Su compromiso y involucracion continuo cu comunidad ta algo cu ta di aprecia.
Segun Minister Cicilia, turismo ta un responsabilidad comparti y su beneficionan mester por wordo sinti den henter comunidad, entre otro dor di inversion den espacionan publico cu tanto localnan como bishitantenan por disfruta.
“Nos mester sigui inverti den nos facilidadnan publico, cuida loke nos tin y garantisa continuidad den
e proyectonan cu ta beneficia nos pueblo. Na momento cu gobierno, A.T.A. y comunidad traha hunto, nos por crea un Aruba mas bunita y duradero pa nos tur,” Minister Cicilia a finalisa bisando.
P 14
DIAbierna 28 DI AUGUSTUS 2026
Parlamentario Jennifer Arends-Reyes:
“Nos mester conoce tur parti di nos historia”
ORANJESTAD – Parlamentario Jennifer Arends-Reyes a participa na un encuentro cu Sr. John Leerdam, representante di Nationaal Slavernijmuseum di Amsterdam. E encuentro, cu a tuma luga na Aruba Ocean Villas, a wordo organisa pa Jonathan Vieira, hunto cu un grupo chikito di amante di cultura. Durante e encuentro, e presentenan a dialoga tocante e importancia di conserva y conta historia di sclavitud. Tambe nan
a intercambia idea riba e manera cu un museo por yuda comunidad, y specialmente generacionnan nobo, compronde mihor loke a pasa den pasado y con esaki ainda ta influencia nos sociedad di awe. “Nos historia tin momentonan bunita, pero tambe tin partinan doloroso. Si nos kier compronde nos mes mihor, nos mester tin e curashi pa papia di tur dos. No pa keda pega den pasado, sino pa siña di dje y sigui dilanti,” Arends-Reyes a expresa. Segun e parlamentario, ta importante pa Aruba sigui registra, conserva y comparti su propio historia. Tin hopi relato, testimonio y experiencia cu mester documenta, pa nan no bay perdi y pa nos muchanan y generacionnan futuro por conoce nan origen y
compronde di unda nan ta bin. Arends-Reyes a describi e encuentro como interesante y valioso, ya cu el a crea un espacio pa dialoga di forma habri, tende diferente punto di bista y reflexiona riba nos pasado comparti. E intercambio a reafirma e importancia di duna historia un lugar central den educacion, cultura y formacion di identidad. E parlamentario a gradici Jonathan Vieira, Aruba Ocean Villas, e grupo di amante di cultura y e delegacion di Nationaal Slavernijmuseum pa e invitacion y e intercambio enrikecedor. “Conoce nos pasado ta
yuda nos compronde nos presente y construi un
futuro mihor,” Reyes a conclui.
Arends-
P 15
DIAbierna 28 DI AUGUSTUS 2026
Minister Geoffrey Wever:
ta
confirma
empresarial
Maneho financiero disciplina ta sigui produci resultado positivo pa Aruba
cu
actividad
actual, ta premira
y
economia
gastonan di personal lo yega
di Aruba a sigui desaroya
na
positivamente.
ampliamente bou di e norma
Minister Wever a enfatisa cu e aumento di entrada
control.
“Ora
debe di Pais Aruba tin un balor
produci
mas
di Afl. 5,022 biyon, ekivalente
sin
economia
ta
entrada,
responsabilidad
di Gobierno ta pa maneha esaki
cu
prudencia.
Nos
mester fortalece nos posicion
disciplina
anual. E diferencia positivo
busca manera pa resultado di
prensa, Minister di Finansa,
financiero, control di gasto
entre entrada y gasto a resulta
e bon maneho yega bek cerca
Asunto Economico y Sector
y un economia cu ta sigui
den un resultado preliminario
comunidad.”
Primario,
desaroya
di casi Afl. 260 miyon.
a elabora riba e cifranan preliminario di ehecucion di Presupuesto 2026. Conforme ley di supervision financiero, Departamento ta e
compila
di
Finansa
cada
kwartaal
Uitvoeringsrapportage
(URK), cu ta duna un bista di
desaroyo
financiero
di
Pais Aruba y di e entidadnan cu ta forma parti di e sector colectivo, entre otro AZV, SVB, ATA, Serlimar, SEPB y Universidad di Aruba. E
cifranan
preliminario
ta mustra cu ehecucion di ta
sigui
den
un direccion positivo y den linea cu e cuadro financiero estableci. Gobierno a ricibi mas entrada cu e premira y e gastonan di gobierno ta menos cu a premira. E resultado di e sector colectivo ta refleha e
desaroyo
conhunto
di
Pais Aruba y e diferente entidadnan
involucra.
Cu
Presupuesto 2026 entrega na tempo y aproba pa Parlamento, Gobierno ta sigui monitorea e ehecucion de cerca y cumpli cu
su
obligacionnan
informacion
y
di
supervision
financiero. Minister di Finansa, Asunto Economico y Sector Primario, Geoffrey
Wever,
a
indica
na 62,2 porciento di PIB. Durante e prome seis lunanan di
2026,
Aruba
a
paga
aproximadamente
Afl.
345
miyon na debe. Segun e plan di financiamento, mas aflossing ta programa pa e resto di aña, locual ta pone cu e aumento
Den e prome mitar di 2026,
observa den e di dos kwartaal
Compara cu e mesun periodo
gastonan total a yega Afl.
tin
“Nos obhetivo no ta solamente
di
Compara cu e di dos kwartaal
pa presenta bon cifra. Nos
Gobierno
ta
aproximadamente
duna resultado.
un
caracter
temporal.
entradanan
di
848 miyon. Aunke esaki ta
aumenta
cu
Afl. 62 miyon mas compara
di 2025, ora debe tabata 65,9
Afl.
cu e mesun periodo di 2025,
porciento di PIB, e nivel actual
86 miyon. Entradanan di
Gobierno a realisa solamente
ta
permiti Gobierno cumpli cu
impuesto
un
47 porciento di e presupuesto
abou.
su obligacionnan, baha debe,
desaroyo positivo. Te cu juni
anual di gasto. Un parti
proteha poder di compra y
2026, entradanan di directe
importante di e aumento ta
crea espacio pa sigui inverti
en indirecte belasting destina
relaciona cu medidanan cu
den comunidad. E cifranan
pa Pais Aruba a yega Afl.
directamente
ta
di e prome mitar di 2026 ta
918 miyon, un aumento di 7
comunidad,
incluyendo
mustra cu Aruba ta sigui riba e
porciento compara cu e prome
aumento extra di Afl. 150 pa
caminda corecto, pero nos tin
mitar di 2025.
luna den reparatietoeslag pa
trahando
pa
crea
un
base financiero solido cu ta
cu keda mantene e disciplina,”
pa e prome mitar di 2026 presupuesto
ta
estableci den LAft.
gasto
cu
positivamente
porciento
e debe, na fin di juni 2026, e
aumenta
- Durante un conferencia di
Wever,
10
pa
financiero y na mes momento
Geoffrey
di
oportunidad
porciento di e presupuesto
di
maximo
Pa loke ta trata e desaroyo di
cu e resultado ta confirma linea
8,2 porciento di PIB,
no ta wordo mira como un
Oranjestad, 27 augustus 2026
e
cu e
segun minister Wever.
2025, a
ta
Indicadornan actividad
mustra
di
mas
economico
ta
beneficia e
pensionadonan, cual a drenta na vigor 1 di januari 2026.
Manera articulo 17 di e ley
mustra tambe un desaroyo
Tambe durante e periodo aki
di
supervision
financiero
positivo. Entradanan di BBO/
Gobierno a tuma medida pa
ta
stipula
gobierno
BAVP a yega Afl. 232 miyon,
limita e impacto di e aumento
e
un aumento di 8 porciento
fuerte den prijs internacional
pa
compara cu 2025. Entrada di
di petroleo. Door di baha
Caft. Pa cumpli cu esaki,
toeristenheffing tambe a sigui
temporalmente e accijns riba
Departamento
Finansa
crece y a yega Afl. 63,1 miyon,
gasolin y diesel, Gobierno a
ta compila cada kwartaal e
18 porciento mas cu den e
absorbe parti di e aumento
Uitvoeringsrapportage, cu ta
mesun periodo di 2025.
pa proteha poder di compra
di
Aruba
ta
manda
uitvoeringsrapportage di
duna un bista di e ehecucion di presupuesto, desaroyo di debe, gastonan di personal y situacion financiero di e
Un otro indicador importante ta winstbelasting. Den e prome mitar di 2026, Gobierno a
di famianan y limita presion riba costo di bida y costo operacional di empresanan.
ricibi Afl. 252,4 miyon na
Apesar di e medidanan aki,
winstbelasting. Esaki ta e
ehecucion di presupuesto ta
Te cu 30 di juni 2026, Gobierno
nivel mas halto registra pa e
keda positivo y gasto ta keda
a ricibi un total di Afl. 1,119
prome dos kwartaalnan den
dentro di e cuadro financiero.
biyon na entrada. Esaki ta
e periodo 2019-2026. Cerca
representa 56,6 porciento di
di 90 porciento di e entrada
e total di entrada presupuesta
aki ta bin di entradanan
pa 2026. Na mes momento,
regular y structural relaciona
gastonan total tabata Afl. 860
cu resultado di empresanan
miyon, equivalente na 46.3
durante 2025. E cifranan
sector colectivo.
considerablemente
mas
Minister Wever a indica cu e resultado di e prome mitar di 2026 ta un señal positivo, pero no un motibo pa perde disciplina. “Nos
a
logra
progreso
importante den saneamento di finansa publico, pero e trabou no a termina. Aruba ainda tin un debe significativo y nos economia ta sensitivo pa desaroyonan
internacional.
Pesey nos lo sigui cu un maneho
responsable,
sigui
baha debe, mantene gasto bou control y usa e espacio cu nos crea pa fortalece poder di compra, economia y futuro di Aruba.” Minister Wever a comenta. Minister
Geoffrey
Wever
ta
Departamento
gradici di
Finansa,
Departamento di Impuesto, Departamento
di
Aduana
Pa loke ta trata gastonan di
y
tur
personal of e public wage bill,
y
entidadnan
e Uitvoeringsrapportage ta
colectivo cu ta contribui cu
mustra cu den e prome seis
informacion pa compilacion di
lunanan ta na 4,19 porciento
e Uitvoeringsrapportage.
di PIB. Basa riba e tendencia
e
departamentonan di
sector
P 16
DIABIERNA 28 DI AUGUSTUS 2026
Durante dianan di calor
TA IMPORTANTE PA TUMA MEDIDANAN DI PRECAUCION
ORANJESTAD, 21.05.2023: Durante e ultimo dianan nos por a tuma nota di un calor extenso, temperatura hopi halto y un solo fuerte. Durante e dianan cu ta sigui comunidad por bay sigui experencia esaki cu por ta peligroso pa nos salud. Pa combati e fenomeno di naturalesa aki no ta posibel, pero si nos por tuma accion pa proteha nos mes y otronan y tambe preveni consecuencianan pa motibo di e calor extenso. e calor aki. Ta hopi importante pa vigilanan constantemente y refresca nan curpa pa wanta e temperatura abou y hidrata nan cu suficiente likido pa evita un posibel heatstroke, cu ta un condicion hopi delicado caminda cu e curpa ta stop di soda. E temperatura di curpa ta sigui subi mas cu 40° grado Celsius y ta perhudica e centro di control cu ta regula e temperatura corporal den nos celebro. Sintomanan di un heatstroke ta: • Temperatura corporal halto den corto tempo • Cara y cuero cora y seco • No ta soda mas • Curazon ta bati dura • Dolor di cabez • Mente ta bira confuso y por cay
flow •
Por cuminsa saca of haña diaree
Kico pa haci den caso di un Heatstroke ? • Busca asistencia medico mesora yama 911 • Tene e persona trankil y den fresco • Los e pañanan na su curpa. • Fria e curpa cu un serbete/paña muha (cu awa friu of di cranchi) • Por pone ijs of icepack bou di brasa, na nek, lomba, riba stoma y/of memey di e pianan. • Si persona ta consciente lag’a bebe awa no mucho friu.
SUDOKU