Issuu

DIABIERNA 21 AUGUSTUS 2026

21 AUGUSTUS 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

HUES A ORDENA PA ABOGADO DI CURACAO DEFENDE FERNANDES PEDRA SOSPECHA DI A MATA DOS HENDE CU JEEP Y CORE BAY

ACCIDENTE CU HENDE HERIDA PA FALTA DI PREFERENCIA NA CRUSADA DI MORGENSTER

DIAbierna 21 augustus 2026

Accidente cu hende herida pa falta di preferencia na crusada di Morgenster

Accidente cu hende herida pa falta di preferencia na crusada di Morgenster Diaranson merdia a drenta informe di un accidente cu hende herida na e crusada di Morgenster, mesora a dirigi tanto polis como ambulans mes na e sitio.

Na yegada di e patruya a bin compronde cu aki ta trata di un accidente pa falta di preferencia unda un Mercedes Benz biniendo for di Meiveld no a duna preferencia na

un Toyota Yaris cu tabata riba e caminda principal di preferencia y a bay dal su tras. E impacto tabata basta fuerte te cu a pone ambos auto bira 90 grado, debi na e impacto ambos chauffeur a resulta herida. Na yegada di e ambulans e chauffeur di e Yaris cu a ricibi un kap na cabes y tabata sangra no tabata desea atencion di ambulans mientras e chauffeur di e Mercedes Benz si a ser atendi y transporta pa hospital.

Corte di Prome Instancia 21 augustus 2026 Horario Sospechoso Acto Castigabel 08.30 M.J.D.G. D.G. y G. y G.C. ta wordo acusa di a viola ley di F.A.G. droga den e periodo di 14 te 16 di januari 2026 y J.A.G.C. D.G. y G.C. di posesion di arma di candela den e periodo di 17 december 2025 te 5 di februari 2026. 14.00 R.L. Pro forma. L. ta wordo acusa di intento di homicidio entre 8 y 9 di mei 2026. 14.00

A.J.T.

Pro forma. T. ta wordo acusa di ladronicia y heling riba 16 di mei 2026.

Corte di Prome Instancia 27 augustus 2026

DIAbierna 21 augustus 2026

Polis y ambulans a bay pa chauffeur cu a bira malo tras di stuur na Madiki

Polis y ambulans a bay pa chauffeur cu a bira malo tras di stuur na Madiki Diahuebs mainta a drenta informe di cu un chauffeur a bira malo tras di stuur na Madiki, mesora a dirigi tanto polis como ambulans na e sitio. Na yegada di e ambulans a bin compronde cu manera e chauffeur a bira malo a para e auto mesora y busca ayudo. E personal di ambulans a atende y transporte pa hospital. Na yegada di polis a lock e auto di e chauffeur cu a keda para banda di caminda.

Motociclista pasando auto a perde control y a dal abao na Sero Blanco

Motociclista pasando auto a perde control y a dal abao na Sero Blanco Diahuebs mainta a drenta informe di un accidente cu hende herida na Sero Blanco, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un motociclista pasando

auto den fila lo a perde control dal abao y herida su mes. Na yegada si e

ambulans nan a atende e victima y a transporte cu su pia fractura pa hospital.

DIAbierna 21 augustus 2026

Noticia di Corte

Hues a ordena pa abogado di Curacao defende Fernandes Pedra sospecha di a mata dos hende cu Jeep y core bay -1ORANJESTAD – Awe mainta, Hues a rechaza e peticion di Chania Chante Fernandes Pedra (24) pa e haya su libertad. Hues a ordena pa abogado di Curacao, defende Fernandes Pedra den e caso penal.

a analisa e computer di e Jeep, tin carta di abogado di e victimanan cu nan ta siguiendo tratamento. Tambe tin demanda di daño.

LO BUSCA ABOGADO DI CURACAO SOLO DI PUEBLO por a compronde cu ningun abogado di Aruba ta disponible pa atende e caso di Fernandes Pedra. Esey a haci cu Hues a ordena pa abogado di Curacao, cu si ta disponible, bin defende Fernandes Pedra. Den sala di Corte abao tabata presente famia di victima mientras cu ariba tabata famia di Fernandes Pedra. Hues a bisa cu e kier sa e posecion huridico pa Fernandes Perna, raport psycologico, raport di computer di e Jeep. Tambe tin mas documentonan cu a bin acerca.

Fiscal a presenta e acusacionnan contra Fernandes Pedra cu ta: cu dia 4 Januari 2025, a dal mata e dama Josely Paulina Vasquez Gonzalez (65) y Carlos David Vialez Valerio (54) y sigui core bay. Fiscal a sigui bisa cu Fernandes Pedra ta wordo acusa di tabata core e Jeep sin rijbewijs, core bou influencia, core cu velocidad halto y den un situacion emocional.

Fiscal tambe a bisa cu Fernandes Pedra ta wordo acusa di intento di mata di señora Williams y e homber Fernandes Rivas.

NO TIN ABOGADOHues a puntra Fernandes Pedra con a para cu abogado. Fernandes Pedra a bisa Hues a manda Corte via mail documentonan cu ta splica tur cos. Hues a puntra ken a traha e carta. Segun Fernandes Pedra, e abogado Moszkowicz a yud’e. Hues a bisa cu tin raport di investigacion di Polis, tin raport di experto di Hulanda cu

Hues a bisa cu tambe tin mail di Fiscal cu ta bisa cu a purba haya asistencia di abogado di Aruba. For di Orden di Abogado por a compronde cu no tin abogado cu lo kier ta dispuesto pero tin dos abogado for di Curacao. Fiscal a bisa cu Departamento di Asuntonan Social a informa cu no tin informacion pa gastonan di estadia di e abogadonan di Curacao. Fiscal ta haya cu Hues lo mester tuma un decision riba esaki. Hues a mustra cu segun ley, e gastonan di honorario di abogado, estadia lo mester wordo cubri door di Gobierno di Aruba.

RAPORT DI PSYCOLOGO NO TA CLA Hues a bisa cu el a haya un mail di psycologo Boekhoudt kende ta splica cu lo bay tuma mas tempo promer cu e raport ta cla. Esaki door di e estado emocional di Fernandes Pedra. E psycologo ta calcula cu e mester 3 siman mas.

Hues a haya un cantidad di documento cu a wordo firma door di Fernandes Pedra tocante e situacion di abogado y peticionnan cu el a haci. Fernandes Pedra no kier a lesa e documentonan door di su situacion emocional. Hues a pospone e caso un rato pa e bay lesa e documentonan y despues presenta un resumen den sala di Corte.

Hues a bolbe y a bisa cu tin peticionnan cu e lo mester presenta y scucha reaccion di Fiscal. PETICIONNAN DI SOSPECHOSO Hues a mustra cu e sospechoso ta reclama e

forma con el a wordo deteni pa11 dia na warda di Polis. E documentonan traha pa Moszkowicz ta mustra cu e investigacion tecnico riba e Jeep no a keda cla. Mester investiga e comportacion di e peatonnan. Si nan tabata bou influencia di alcohol. Investiga e daño na e Jeep. Puntra si por usa e investigacion di Hulanda como prueba. Pidi un reconstruccion di e accidente y verificacion di e sucedido.

Ta usa argumento cu e no por a mira e peatonnan.

Con por ta sigur si ta e computer di e auto a wordo manda Hulanda y si nada no a wordo haci na e auto. Si tin cameranan cu a filma.

Peticion pa scucha testigonan. Reclama cu nan a nenga di dun’e tratamento medico tempo e tabata sera na warda di Polis.

Resistencia contra asistencia di un abogado.

Peticion atrobe pa lag’e liber cu condicionnan stipula promer cu e investigacionnan ta completamente cla y cu e tin abogado. Hues a bisa cu 10 April 2026 a puntra abogado di e tempo ey, si tin peticion. E abogado a pidi pa scucha señora Williams y Fernandes Rivas. Nada a keda dicidi y awor ta bolbe haci peticion Continuacion pag . 5.

DIAbierna 21 augustus 2026

Hues a ordena pa abogado di Curacao defende Fernandes Pedra sospecha di a mata dos hende cu Jeep y core bay -2-

FISCAL TA CONTRA PA SOSPECHOSO BAY LIBER Fiscal a bisa cu e ta mantene su punto di bista pa cu interoga e testigonan, esta cu no ta necesario pa scucha e testigonan. Pa loke ta trata imagennan di camera di seguridad, Fiscal a mustra cu tur imagen a wordo manda. E asunto di investigacion riba computer di e auto y reconstruccion di e accidente, Fiscal ta puntra su mes kico lo bin acerca cu tin caba. Fiscal ta haya cu ta mas importante pa Fernandes Pedra tin abogado y e caso wordo trata pa e victimanan.

Fisc al a bisa cu e no ta haya cu por laga Fernandes Pedra liber. El a mustra cu investigacion for di Hulanda ta mustra e comportacion di stuur sumamente peligroso di Fernandes Pedra cu a causa morto di dos hende. El a mustra cu pa e delito cu Fernandes Pedra a haci, tin un castigo di 8 aña di prison. Fiscal ta haya cu comunidad lo no gusta cu Fernandes Pedra lo wordo laga liber. El a remarca cu no tin situacionnan personal cu a wordo presenta

cu ta mustra cu mester cambia di opinion.

ABOGADO DI CURACAO PA SOSPECHOSO Hues a pospone e caso un rato y a bolbe cu su decisionnan. Hues a bisa cu ta importante cu Fernandes Pedra ta haya un abogado. Hues a dicidi cu Fernandes Pedra lo haya dos abogado for di Curacao y lo mester scoge cual e kier. Pa loke ta e gastonan pa cu abogado su estadia, Hues a mustra cu ley ta bon cla cu e gastonan necesario mester wordo cubri pa Gobierno.

NO RECONSTRUCCION DI ACCIDENTE Hues ta haya cu tur e imagennan di camera di e accidente ta den e documentonan di e caso. Tin un raport di e computer di e Jeep ta bin for di Hulanda. Hues ta haya cu no tin suficiente motivacion pa cu e reconstruccion di e accidente y investigacionnan. Hues ta haya cu ta lubida di mira e hecho cu e forma con Fernandes Pedra a core asina duro, a core riesgo cu por sosode un accidente fatal. Hues a rechaza e peticion.

Pa loke ta peticion pa scucha e testigonan, Hues a mustra cu psycologo ta mustra cu e testigonan lo core peliger si nan mester bolbe wordo scucha como testigo. Hues a bisa cu tin tur imagen di video cu ta mustra tur cos. Hues ta haya cu ta suficiente pa a scucha testigonan na Hues Comisario.

SOSPECHOSO NO TA BAY LIBER Hues ta haya cu tin motibonan di peso teniendo na cuenta cu e raportnan nobo cu tin awor. Teniendo cuenta cu pa e delito tin castigo di 8 aña di prison y a shock comunidad, no por laga Fernandes Pedra liber awor. Dia 2 October 2026 lo trata e caso.

LO PASA VIDEO DI ACCIDENTE DEN CORTE Hues a bisa cu e idea ta pa dia 2 October 2026 lo pasa video di loke a pasa y si victimanan ta haya ta pisa, lo por sali pafor di sala di Corte un rato.

Ambulans a bay warda di polis na Santa Cruz pa un detenido di 49 aña cu a bira malo den cel Tuma accion pa Preveni, Proteha y Stop Dengue Con nos por stop

Dengue?

DIAbierna 21 augustus 2026

Un colega profesional cu hopi talento y dedicacion

Cyrielle Diaz ta HOH su empleado di luna di juli

organisa tur cos sin cu ela ripara. Pues e dia di celebracion cu Cyriella a sali empleado di luna di juli elo recorda pa semper.

Teamleider di departamento di patologia di LabHOH Cyrielle Diaz a pensa cu ela drenta un reunion importante pa duna un presentacion. Pero ela topa cu un sorpresa grandi na momento cu ela mira su

famia, diferente colega y miembronan di Hunta di Directiva Gregory Croeze y Jacco Vroegop para eynan hunto ta grita ‘surprise’. Cyrielle no a sospecha net nada y mas ainda e tabata hopi sorprendi cu a logra

Cyrielle ya caba tin 15 aña di experiencia y conocemento riba tereno di laboratorio medico na Hospital unda ela cuminsa como analista y despues a sigui pa e funcion di teamleider. Su conocemente amplio e ta pone den practica na momento di colabora cu otro departamentonan creando e conexion necesario y alabes e ta logra fortalece e laso

entre e teamnan. Ademas, e ta haci su maximo esfuerso pa tur colega cu ta forma parti di su team sinti nan mes safe y motiva. E ta crea un ambiente di confiansa y respet unda cu tur feedback ta bonbini. Mehoracion y trece solucion ta dos prioridad halto riba su lista. Por mira su dedicacion y compromiso pa duna servicio di calidad den tur loke e ta haci. Hunto cu su team e ta percura pa e controlnan y desaroyo continuo pa nan logra mantene acreditacion ISO 15189 di e Hunta di

Acreditacion di Hulanda cu ta un meta grandi di LabHOH. Cyrielle ta combina su forma di lidera entre enfoca riba resultado hunto cu atencion y comprension pa coleganan pa asina logra un actitud ehemplar. Finalmente pa Cyrielle e cuido medico pa pashent ta na prome luga y un diagnostico corecto y di calidad ta forma e base fundamental den esaki. Team completo di HOH ta hopi contento di tin Cyrielle como colega y ta felicit’e cu e tremendo reconocemento di ta empleado di luna di juli 2026: Masha pabien!

DIAbierna 21 augustus 2026

Riba diaranson, 19 di augustus 2026, Pais Aruba a sera un convenio di erfpacht cu Gabinete di Gobernador di Aruba Den presencia di Gobernador di Aruba, Su Excelencia Alfonso Boekhoudt, Su Excelencia Rene Herdé, Minister di Labor, Energia y Integracion, encarga cu e maneho di e Ministerio di Vivienda, Infrastructura, Servicio Interno y Telecomunicacion, a firma e convenio na nomber di Pais Aruba. Na nomber di Gabinete di Gobernador di Aruba, señor Warnink, director di Gabinete, a firma e convenio. Basa riba e convenio aki, Gabinete di Gobernador di Aruba lo bira propietario di e edificio situa na Maria Christinastraat 2, miho conoci den pueblo como “Cas Ceremonial”. Esaki ta haci posibel pa Gobernador di Aruba y Gabinete di Gobernador di Aruba por uza Cas Ceremonial den futuro na un

manera mas eficiente y sostenibel. Cas Ceremonial tin un funcion historico importante y aworaki ta wordo uza caba pa Gobernador di Aruba pa ocasionnan ceremonial y recepcionnan oficial. Potretnan: © Kabinet Gouverneur ArubaKabinet van de Gouverneur van ArubaPlaza Henny Eman 3 | Postbus 53 | Oranjestad, Aruba  (+297) 583-4445 | communicatie@kabga.aw | www.gouverneuraruba.com

 

Persbericht 19 augustus 2026 Op woensdag 19 augustus 2026 is het Land Aruba een overeenkomst van erfpacht aangegaan met het Kabinet van de Gouverneur van Aruba. In het bijzijn van de Gouverneur van Aruba, Zijne Excellentie Alfonso Boekhoudt,

tekende namens het Land Zijne Excellentie Rene Herdé, minister van Arbeid, Energie en Integratie, belast met de leiding van het Ministerie van Huisvesting, Infrastructuur, Interne Diensten en Telecommunicatie, de overeenkomst. Voor het Kabinet van de Gouverneur van Aruba tekende de heer Warnink, directeur van het Kabinet. Op grond van de overeenkomst wordt het Kabinet eigenaar van het pand gelegen aan de Maria Christinastraat 2, in de volksmond beter bekend als het

‘Cas Ceremonial’. Hiermee wordt mogelijk gemaakt dat de Gouverneur van Aruba en het Kabinet van de Gouverneur van Aruba het Cas Ceremonial in de toekomst op een meer efficiënte en duurzame wijze kunnen gaan gebruiken. Cas Ceremonial heeft een belangrijke historische functie en wordt reeds door de Gouverneur van Aruba gebruikt voor ceremoniële aangelegenheden en officiële ontvangsten. Foto's: © Kabinet Gouverneur Aruba

Huez ta designa abogado pa caso di accidente riba brug di Renaissance Awe a tuma lugar un regiezitting den e caso penal contra e sospechoso C.C.F.P. di 25 aña, kende ta

asistencia legal di un abogado, su detencion preventivo y scuchamento di testigo. E pregunta central

wordo persigui pa homicidio y intento di homicidio. E sospechoso ta wordo acusa di a causa un

tabata si C.C.F.P. tin abogado na e momento aki.

accidente di trafico riba brug di Renaissance riba 4 di januari 2026, den cual dos persona a perde nan bida. Durante e regiezitting a trata varios punto importante, incluso e derecho di e sospechoso pa haya

Desde su detencion e sospechoso tabatin tres abogado, tur di nan inscribi na Corte Comun di Husticia. Despues el a pidi pa agrega un di cuater abogado, cu no ta inscribi na Corte Comun di Husticia. Mientrastanto tur cuater abogado a sali di e caso y a indica cu nan a tuma distancia di e tratamento

den Corte. No por a haya niun otro abogado na Aruba pa asisti C.C.F.P. den su caso. Awe Corte a dicidi pa emiti un orden di designacion pa nombra un abogado pa asisti e sospechoso. E tratamento di e caso ta planea pa 2 di oktober venidero pa 9’or di mainta.

DIAbierna 21 augustus 2026

Bario Mabon ta mira resultado positivo despues di Dia Nacional pa Cuida Aruba Durante e accion, diferente punto importante di Mabon a haya un limpiesa profundo, entre otro Parke Mabon, e areanan rond di e facilidadnan deportivo, e speeltuin central di e bario, e area rond di e trapi y diferente camindanan paden cu tabata mester atencion. Habitantenan tambe a haci bon uzo di e oportunidad pa deshaci di desperdicio cu tabata acumulando den nan cas y rond di nan propiedad. Presidente di Comision di Desaroyo y Bienestar Bario Mabon, Astrid Vries, a expresa su gran satisfaccion cu e resultado di e accion. Segun Vries, e reaccionnan cu e Comision a ricibi di habitantenan ta sumamente positivo y ta confirma cu e esfuerso conhunto a haci un diferencia real den e bario. Un di e cambionan cu mas a yama atencion ta e area rond di e trapi recientemente construi. Cu e mondi y vegetacion limpi, e infrastructura awor ta mas beneficioso y ta brinda un acceso mas sigur y agradabel pa habitantenan cu diariamente ta uza e ruta pa bay trabou, scol y otro diligencianan.

Bario Mabon ta disfrutando di un ambiente mas limpi y organisa despues di e exitoso Dia Nacional pa Cuida Aruba, cu a tuma luga dia 25 di juli. E accion nacional a resulta den un cambio visibel den diferente area di e bario y a fortalece e sentido di colaboracion entre comunidad, sector priva y diferente partnernan.

E entusiasmo no ta limita solamente na e Comision. Mirna Kemp, habitante di Bario Mabon, tambe a expresa su satisfaccion cu e cambionan cu a tuma luga. Segun Mirna, e limpiesa ta representa un bon comienso pa e bario. El a enfatisa cu awor ta importante pa tur habitante contribui pa mantene Mabon limpi y evita tira desperdicio den luganan cu no ta designa pa haci tal. Na mes momento, e ta

mira oportunidadnan pa sigui desaroya e facilidadnan deportivo y recreativo, pa asina crea mas actividad y mas bida den e comunidad.

iniciativa cu a reuni gobierno, sector priva, boluntario y comunidad cu un meta comun: crea un Aruba mas limpi, mas bunita y mas sostenibel.

Comision di Desaroyo y Bienestar Bario Mabon a expresa nan sincero agradecimento na Alex Hozee, Oficial di Enlace pa Cooperacion Civil-Militar (CIMIC) di Marina Real Hulandes, y Comandante Henk Buijs di Marinierskazerne Savaneta, pa nan importante contribucion durante e accion.

Awor cu e accion a culmina cu exito, Astrid Vries ta enfatisa cu e siguiente reto ta den man di e comunidad.

Un reconocemento special tambe expresa na Werkgeversvereniging Arubaanse Bouwnijverheid (WAB) y e companianan participante, Algemeen Bouwbedrijf ALBO Aruba N.V., Arubaanse Wegenbouw Maatschappij, CHS Technical Contracting & Trading Company N.V. y Bohama Aruba N.V. , cu a pone na disposicion personal, ekipo y makinaria, contribuyendo significativamente na e resultado final di e accion di limpiesa. Comision tambe a expresa su gratitud na Prome Minister Mike Eman, cu a duna inicio na Dia Nacional pa Cuida Aruba, un

"Awor ta toca na nos como bario pa mantene nos bario limpi," el a expresa. Mientras tanto, Comision di Desaroyo y Bienestar Bario Mabon ta sigui traha riba e siguiente fase di desaroyo di e comunidad. Entre e plannan presenta na Gobierno, tin diferente iniciativa pa fortalece e facilidadnan deportivo, recreativo y comunitario, respondiendo directamente na e deseo di e habitantenan. E vision ta cu Mabon no solamente keda un bario mas limpi, sino tambe un comunidad mas activo, atractivo y orguyoso di su entorno. E resultado di Dia Nacional pa Cuida Aruba ta confirma cu, ora gobierno, partnernan y comunidad uni nan forsa, cambio positivo y duradero ta bira posibel.

DIABIERNA 21 DI AUGUSTUS 2026

Politikonan mester wordu tene responsabel pa e kuentanan ekstremadamente haltu di koriente di WEB na Boneiru Nos ta di akuerdo ku Aimed 100% i e tin rason di a lanta su bos. Nos ta duna nos sosten kompleto na e posishon ku el a ekspresá durante e programa brunch di radio dia 19 di ougùstùs 2026, tokante e kuentanan di koriente insoportabel ku pueblo di Boneiru ta enfrentá. Nos polítikonan mester wòrdu tené responsabel.E subida kontinuo di e gastunan di elektrisidat a yega na un punto kaminda hopi hende trahadó simplemente no por sobrebibí mas. Hende ta traha tur dia, paga hür, kumpra kuminda ku ta bira kada biaha mas karu,

kuida nan yuinan i famianan di edat avansá, i despues nan ta risibí kuentanan di elektrisidat ku ta kome parti konsiderabel di nan entrada. Esaki no ta trata simplemente di un kuenta di koriente mas. Ta trata di si famianan trahadó ainda por permití nan mes di biba na Boneiru. Boneiru tin nuebe miembro di Konseho Insular i tres diputado ku mester representá interesnan i nesesidatnan básiko di pueblo. Nan mester wòrdu tené polítikamente responsabel pa loke nan ta hasi — òf no ta hasi — pa atendé ku e krísis aki. Unda e akshon urgente ta? Akseso na energia adekuá i pagabel ta wordu rekonose komo esensial pa realisashon di derechonan humano eksistente i pa mantené un nivel di bida digno. Elektrisidat no ta un luho; e ta un nesesidat básiko di bida moderno. Famianan ta dependé di dje pa refrigerashon, kushiná, lus, ventilashon, airco, edukashon, salú, komunikashon i funshonamentu diario di nan kas. Sin embargo, habitantenan komun di Boneiru ta enfrentá kada biaha mas kuentanan di elektrisidat di WEB ku nan simplemente no por paga, poniendo ainda mas preshon riba famianan ku ya ta luchanado ku e kosto haltu di bida.

Manera Aimed korektamente a lansa e pregunta na e polítikonan durante e programma di brunch: “Politikonan ta warda pa hunga politika ku nesesidat di pueblo? Awor elekshon ta na kaminda, ta bai husa esaki pa kampaña pa elekshon?” E sufrimentu i difikultat di pueblo nunka mester bira un instrumento pa kampaña elektoral. Polítikonan no mester warda te ora elekshon ta serka pa di repente kuminsá papia tokante problemanan ku famianan ta lucha kuné luna tras luna. E nuebe miembronan di Konseho Insular i tres diputadonan mester kontestá pueblo direktamente: Dikon a permití e situashon aki yega na un punto asina krítiko solamente algun luna promé ku

elekshon? Awor pueblo mester warda promesanan di temporada di elekshon i solushonnan di kampaña pa un problema ku mester tabata atendé hopi tempu kaba mediante gobernashon responsabel? Responsabilidat di representantenan elegí no ta pa warda te ora elekshon ta serka pa reakshoná riba sufrimentu di pueblo. Nan responsabilidat ta pa respetá, protehá i kumpli ku derechonan i nesesidatnan básiko di poblashon durante henter nan periodo den funshon. Pueblo tin mester ku politikonan ta rindi kuenta. Pueblo tin mester di koriente pagabel. Pueblo tin mester di akshon, i nan tin mester di dje awor.

P 10

DIABIERNA 21 DI AUGUSTUS 2026

Tayer di Derechonan Humano: “Nos Tambe Tin Derecho” Organisashon di Derechonan Humano di Boneiru (BHRO), ta organisa na Biblioteka Públiko Boneiru un tayer i ta invitá komunidat pa partisipá na e : Tayer di Derechonan Humano “Nos Tambe Tin Derecho” djasabra, 22 di ougùstùs 2026, di 6:00 PM pa 9:00 PM na Biblioteka Públiko Boneiru.

E tayer lo duna edukashon práktiko riba derechonan humano fundamental i kon hende por komprondé, defendé i promové nan derechonan denter di komunidat.

E tayer lo wòrdu kondusí den kuater idioma — Papiamentu, Hulandes, Ingles, i Spañó — garantisando ku edukashon di derechonan humano ta aksesibel pa e komunidat diverso di Boneiru.

Fundadó di BHRO James Finies ta bisa: “Ora derechonan humano bira konosí na e pueblo di Boneiru, nan ta rekobrá nan dignidat i nan poder pa defende nan derechonan.”

Presidente di BHRO Davika Bissessar Shaw ta bisa: “Nos organisashon lo

persiguí e meta ambisioso di eduká 3.000 hende na Boneiru tokante nan derechonan humano fundamental durante e próksimo kuater añanan. Edukashon di derechonan humano ta esensial pa konstruí un sosiedat sivil informá, empoderá i aktivo.”

Partisipantenan lo risibí material di derechonan humano i un sertifikado, ku e oportunidat pa bira un Defensor di Derechonan Humano Sertifiká.

Entrada ta grátis, i refresko lo ta disponibel.

Pa reservá bo lugá, tuma kontakto via WhatsApp: +599 786 4576 o Email: organizationbonairehumanrights@gmail. com

P 11

DIABIERNA 21 DI AUGUSTUS 2026

PARLAMENTARIO EDUARD PIETERS:

“NOS TA GASTA MIYONES PA BAY CONTRA NOS PROPIO MANEHO DI ENSEÑANSA” Na cuminsamento di un aña escolar nobo, lider di fraccion di PPA, Eduard Pieters, a desea e muchanan, e mayornan y e maestronan hopi exito y perseverancia, pero inmediatamente a pone un preocupacion serio riba mesa: segun Pieters, Aruba ta invertiendo miyones di florin den material educativo, cu ta diametralmente opuesto na e rumbo cu pais mes a scoge pa enseñansa multilingual. Pieters a cuminsa enfatisa e rol crucial di maestro. “Boso ta arkitectonan di nos sociedad. E impacto cu un maestro tin riba bida di un mucha ta enorme. Nos mester percura pa no laga ningun mucha atras.” Pero durante vakantie, segun Pieters, PPA a ricibi varios yamada di e maestronan y e cabesantenan, tanto di scolnan publico como di e scolnan Catolico, cu e preocupacionnan tocante e rumbo di enseñansa y particularmente con ta uza fondo publico. Enseñansa multilingual, pero material na Hulandes Pieters a recorda cu Aruba a scoge algun aña (2023) pasa pa move den direccion di enseñansa multilingual, teniendo

cuenta cu idioma materno di e mucha. E proceso a cuminsa den klas 1 y a sigui progresivamente. Pero awo, segun Pieters, ta surgi un contradiccion fundamental. Mientras e muchanan ta siñando lesa y skirbi na Papiamento, diferente directiva di scol, incluyendo e scolnan publico, ta invertiendo sumanan considerabel den material nobo di matematica na Hulandes. “Bo no por laga un mucha siña lesa y skirbi na un idioma, pero despues oblig’e procesa matematica den un otro idioma. Unda e logica ta?” Pieters a compara Aruba cu e otro paisnan, unda enseñansa inicial di lesa, skirbi y matematica generalmente ta forma parti di un mesun contexto linguistico. Pa PPA, e problema no ta idioma Hulandes. E problema ta coherencia den maneho educativo. “Esaki kapitaalvernietiging”

Pieters a cuestiona pakico e scolnan mester inverti di nobo den material Hulandes, mientras Aruba ya tin material desaroya pa duna matematica na Papiamento, esta Conta Cu Mi cu ta acopla na metanan nucleo di enseñansa basico

di pais Aruba. “Nos a inverti hopi placa di pagado di belasting pa desaroya e materialnan aki. Si awo nos laga nan un banda y bolbe gasta miyones na otro material, esaki ta kapitaalvernietiging.” Segun e lider di fraccion, e costo por subi na aproximadamente Awg. 400.000 te 500.000 pa scol, mientras e mesun fondo por wordo dirigi na e necesidadnan urgente. Pieters a menciona infrastructura deteriora, banki y stoel, material moderno pa klas y e medionan digital cu e maestronan mester pa duna enseñansa di calidad. Pieters a señala cu e mes a bishita EPB y a observa e necesidadnan grandi di infrastructura, mientras otro scol tambe ta lucha cu mantencion grandi y chikito. Pa PPA, esey ta haci e pregunta ainda mas urgente: si fondo pa enseñansa ta limita, pakico gasta miyones reemplasando material, mientras e scolnan tin e necesidadnan basico sin resolve? Pieters ta responsabilisa liderazgo politico

E critica mas fuerte di Pieters ta dirigi na liderazgo di Ministerio di Enseñansa. Segun Pieters, e problema no ta solamente un decision di compra. Ta falta di direccion consistente entre politica educativo, preparacion di e maestronan, material didactico y e inversionnan cu e directivanan di scol ta haci. “Esaki ta falta di liderazgo. Bo no por anuncia un rumbo pa enseñansa y despues permiti e inversionnan cu ta bay diametralmente contra e mesun rumbo.” Pieters ta sostene, cu si Aruba berdaderamente kier enseñansa multilingual, Gobierno mester crea e condicionnan pa haci esey exitosamente: prepara e maestronan, duna nan material adecuado y crea

un transicion coherente di e otro idiomanan. E mensahe di PPA na inicio di aña escolar, pues, ta dobel: confianza den e maestronan y e muchanan, pero un exigencia di asumi liderazgo politico directo na Gobierno. “Nos por pidi e maestronan duna su maximo y nos por pidi e muchanan haci nan best. Pero Gobierno tambe mester haci su parti. Enseñansa mester tin direccion, coherencia y liderazgo.”

PUEBLO A HHAÑA SU PEN BEK

Pa kualkier informacion solodipueblo@gmail.com of

☎ 585-9500

P 12

DIABIERNA 21 DI AUGUSTUS 2026

Rotaract Club of Aruba a celebra 35 aña di e Proyecto

‘Back2School’ Rotaract Club of Aruba a celebra 35 aña di su iniciativa Back2School, un proyecto cu ta dedica na yuda mucha y famianan durante e temporada di regreso pa scol. E iniciativa ta refleha e caracter di comunidad di Aruba: ora nos uni, nos por haci un diferencia significativo den bida di nos muchanan. Den 2026, Rotaract su Back2School Project a brinda apoyo na 52 mucha cu tabata preparando pa cuminsa e aña escolar nobo. Di e total aki, 16 mucha a wordo patrocina completo door di Rotaract Club of Aruba. E club a cubri e gastonan esencial pa e muchanan manera schoolgeld, gastonan di airco, tas yen acu material escolar, uniform y keds. E demas muchanan a ricibi tasnan nobo cu articulonan necesario pa cuminsa e aña escolar. E exito di e iniciativa aki ta danki na e generosidad di miembronan di nos comunidad cu a scoge pa duna bek mientras nan tabata haci nan compras pa ‘back to school’. Durante e campaña di coleccion, comunidad a haya dos manera pa duna bek: cumpra articulonan escolar directamente of

haci un donacion financiero pa sostene e iniciativa. Pa tres diasabra consecutivo, miembronan di Rotaract Club of Aruba tabata presente na Dyon Center pa colecta donacionnan y encontra cu miembronan di comunidad. Tur tas, articulo escolar y contribucion a representa un inversion colectivo den educacion di muchanan di Aruba. Como parti di su compromiso cu comunidad, e iniciativa tambe a haci donacion na Fundacion Pa Nos Comunidad y Orthopedagogisch Centrum Aruba. Rotaract Club di Aruba ta gradici tur organisacion, compania y persona cu a contribui na exito di e proyecto di Back2School

2026: Dyon Center, Nagico Insurances, BK Consult, ACCS, Testarosa Motors, Aruba Tourism Authority (A.T.A.), Giannis Group, Rotary Club of Aruba, Total Finance, Capital Advisors, Super Shopping y DeWit & VanDorp. E iniciativa di Back2School ta brinda muchanan e oportunidad pa cuminsa e aña escolar prepara y cu e apoyo cu nan mester. Durante 35 aña, Rotaract Club of Aruba a sigui demostra e balor di sirbi comunidad y di duna bek. E resultado di 2026 ta confirma cu cada acto di generosidad, sin importa con chikito, por haci un diferencia grandi. Rotaract Club of Aruba ta desea tur alumno y maestro un aña escolar 2026-2027 exitoso!

P 13

DIABIERNA 21 DI AUGUSTUS 2026

Aruba Tourism Authority y Aruba Ports Authority N.V. a organisa un otro exitoso actividad di Buki di Pret

Tambe a reuni cu ehecutivonan clave di Carnival Cruise Line Diamars, 18 di augustus, a tuma luga otro edicion special di Buki di Pret abordo di e crucero Carnival Horizon di Carnival Cruise Line. Organisa pa Aruba Tourism Authority (A.T.A.) den colaboracion cu Aruba Ports Authority N.V. (APA), e actividad a reuni mas cu 60 mucha entre 8 y 14 aña di edad, pa un dia yena di educacion, inspiracion y diversion den e mundo fascinante di turismo y cruceronan. Un punto culminante di e bishita tabata e encuentro cu Senior Vice President, Government & Destination Affairs pa Carnival Corporation, Marie McKenzie hunto cu COO di Carnival Cruise Line, Sarah Beth Reno y Captain Rocco Lubrano di Carnival Horizon, kende a ricibi e grupo abordo. Durante e encuentro, nan a duna un caluroso bonbini na e muchanan y a reuni cu e delegacion oficial compone pa Minister di Turismo, Transporte y Labor, Wendrick Cicilia y su Chief of Staff, Phillipe La Reine, Ronella Croes, CEO di Aruba Tourism Authority y Marc Figaroa, CEO di Aruba Ports Authority N.V. y demas representantenan di A.T.A. y APA N.V. E reunion a resalta e balor di e aliansa continuo entre Aruba y Carnival Cruise Line y e compromiso comparti pa sigui crea oportunidadnan den turismo y desaroyo pa Aruba. Durante e bishita oficial abordo, Aruba Tourism Authority tambe a presenta un plakkaat

conmemorativo na Aruba Ports Authority N.V. den celebracion di su 45 aniversario. Aruba Ports Authority N.V. a wordo estableci 45 aña pasa y oficialmente a celebra e acontecimento special riba 18 di augustus 2026. E reconocemento aki a resalta e valioso contribucion di APA N.V. na desaroyo di Aruba como destinacion di crucero y e fuerte colaboracion entre ambos organisacionnan pa fortalece e industria di turismo di nos isla. E muchanan a haya e oportunidad pa conoce di cerca con e industria di crucero ta opera y aprecia e papel importante cu turismo ta hunga den desaroyo economico di Aruba. Durante e dia, nan a participa den

un recorido abordo y a disfruta di diferente actividadnan recreativo y educativo. E entusiasmo y emocion di e muchanan a demostra, un biaha mas, e exito di e programa aki. A.T.A. y APA N.V. ta orguyoso di por sigui sostene iniciativanan cu ta educa y inspira nos futuro generacion. Un palabra di gratitud ta bay na Fundacion Buki di Pret pa nan dedicacion continuo na bienestar y desaroyo di e muchanan di Aruba, brindando nan e oportunidad pa siña mas y crea experiencianan inolvidabel, mientras cu ta sigura cu cada mucha ta disfruta di nan vakantie.

Un danki na Carnival Cruise Line pa habri nan porta un biaha mas pa Buki di Pret y ofrece e oportunidad unico aki na e muchanan. A.T.A. y APA N.V. tambe ta gradici Pelican Adventures pa transporte di e muchanan y tur otro socio cu a contribui na e exito di e actividad.

P 14

DIABIERNA 21 DI AUGUSTUS 2026

Awe abo por gana 900 mil florin cu Mini Mega y Mega Plus! ORANJESTAD, Aruba – 21 di augustus 2026: Diamars anochi e resultado di Mini Mega a ser conocí, unda cu e numbernan cu a sali tabata 03-14-19-29 y Mega Ball: 09 y no tabata tin ganador pa e prome premio. Segundo premio a conoce un total di 2 ganado cu tabata tin e 4 numbernan bon, pero sin e Mega Ball. Ticketnan ganado a wordo bendi na Lucky Dragon 2 y Sand-Rock Lottery – Pos Chiquito. Cada un ganado a gana e suma di Afl. 4.750,-. Awe diabierna 21 di augustus 2026, Mini Mega su jackpot ta na 625 mil florin y cu 2 florin mas, bo por gana e jackpot di 275 mil florin extra cu ta pone e suma bira un total di 900

mil florin! Cumpra bo ticket trempan pa bo tambe den wega pa gana e gran total di 900 mil florin awe nochi! Y si bo no logra pasa na un rebendedo, tambe awor tin e opción di cumpra bo Mini Mega cu Mega Plus riba Lotto Online usando Pay.aw. Bo no tin bo cuenta di Lotto Online ainda? Bay riba play.lottoaruba.com y registra pa asina bo por cumpra bo Lotto Online. Con pa recarga bo cuenta di Lotto Online? Bay na e menu, scohe “Pone Fondo na mi Cuenta” y scohe Pay.aw. Yena e number di telefon cu ta conecta na e cuenta di Pay.aw y tambe e suma cu bo ta desea di pasa riba bo cuenta di Lotto Online y primi “Manda”. Asina cu primi “manda” lo ricibi un notificacion di e app di Pay.aw pa asina por aproba e request. Ta click riba e notificacion y click riba “Approve” asina cu aproba e transaccion lo por mira e suma a bay riba e cuenta di Lotto Online. Si no ricibi e notificacion, lo por sali for di e pagina di Lotto y habri e app di Pay. aw, lo por bay na e seccion di "Pay" y despues den e lista di “Pending” y lo por

mira e request pa aproba esaki. Manera cu aproba e transaccion lo por mira e suma a bay riba e cuenta di Lotto Online. Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente weganan di Raspa y Gana y Instacash. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

P 15

DIABIERNA 21 DI AUGUSTUS 2026

FORTALEZA PA FAMIA Scirbi pa Pastor Marcel Balootje.

ORACION, AYUNO Y ALABANSA TA FORTALESE NOS BIDA Caminda mama. Tata, y yuinan , ta paga telefon, paga radio y tv y pone e dia disponibel pa Dios.

Den tur situacion den nos bida oracion ta importante. Awor aki tambe nos ta tende di parti dokter cu ayuno ta bon pa henter nos curpa.

Rey Ezekias a haci oracion y Dios a salba su pais y su bida, mandando un Angel. ( Isaias 37:14-38);

Alabansa ta fortifica nos spirito, paso e ta hiba nos den un contacto intimo cu Dios.

Elias a haci pa awacero cay y awacero a cay.

Hopi biaha por sosode cu durante bo ta alaba Dios . Bo ta cuminsa yora, esey no ta nada malo, esey ta Senjor kitando carga for di bo sin cu bo sa, hopi biaha durante alabansa nos ta arepenti, y nos kier yega mas serca , ta pesey nos ta yora den su presencia. Nos tin cu acepta algo grandi y berdadero

Un ora di ayuno den tur humildad y seriedad ta move montanja den nos bida.

Nos ta adora Senjor cu henter nos curason, y no solamente cu nos boca. y pensa esaki pa un momento:Hesus a haci oracion prome cu e bay na crus, y hasta ora e tabata riba crus e papia cu Tata bisando, pordona nan , pasobra nan no sa kico nan a haci.Hesus tabata haci oracion constantemente.

Ban cuminsa cu 1 ora. Despues nos ta bay pa mitar dia despues un dia completo.

Ayuno ta un disiplina spiritual cu ta necesario den nos bida, e ta hopi impotante pa nos crecemento,pasobra e ta hiba nos den humildad dilanti Dios.

Pasobra Dios su nomber ta wordo honra, y nos lo wordo bendiciona.Ora nos ta papia di alabansa nos ta papia di un sacrificio bibo di adoracion na Dios.Nos ta adora Senjor den Spirito y berdad.

Ta algo masha bunita, si un famia completo por a dedica un dia na ayuno, oracion y alabansa na cas.

Porta lesando e articulo aki. Bo ta mira e necesidad den bo hogar pa boso hacie,

ayuno y oracion.

Pablo y Silas a haci oracion den prison y porta di prison tembla y habri. Iglesia a haci oracion y Dios a manda un angel saca Pedro for di prison. Daniel a haci oracion y Dios a manda un angel sera boca di leon den e cueba, Tin diferente rey den bijbel cu a aserca Dios den ayuno y oracion y a gana

bataya grandi.Hesus a bay den ayuno den desierto y asina ricibi forsda contra e enemigo.Hesus a sinja su disipelnan cu tin cierto demonjo cu ta sali cu

Oracion Di Dia

Alabansa y adoracion ta un expresion profundo cu nos ta duna na Senjor cu confiansa, pasobra Senjor so ta digno y ta merece tur alabansa.

Durante alabansa y adoracion nos ta expresa nos curason na Dios. Enemigo ta haci tur cos pa stroba , oracion, alabansa y ayuno, pasobra e sa cu a medio di esey nos forsa spiritual ta aumenta. Den Alabansa y adoracion, nos ta experiencia e poder di Spirito Santo den nos bida.Den nos oracion Dios ta papia cu nos.Den ayuno nos busca mas intimidad cu Dios.Pesey ora nos bida ta falta . Oracion, ayuno y alabansa, nos bida ta seco spiritualmente, y nos ta fria den nos servicio na Senjor.Mientras cu ayuno. Oracion y alabansa ta bibo den nos bida, nos ta manera un mata planta canto di riu cu ta duna fruta na su tempo, y tur ora nos ta contento pasobra Su Palabra y Su poder ta biba den nos. Sinceramente, Marcel Balootje.

Pastor

Laga cu Dios ta e caminda cu e ta laga nos sigui riba dje ”Pa hende, esey ta imposibel, ma pa Dios tur cos ta posibel” Mateo 19,26 E reaccion entre e hendenan cu a scucha e combersacion entre e hoben rico y Hesus a pone hopi duda paso e palabranan tabata duro y cla. Hopi biaha Hesus a adverti contra obstaculonan manera rikesanan cu ta stroba nos drenta den e Reino di Dios. Hesus ta stima hendenan rico ya cu rikesa mes no ta malo, sino si el a wordo gana inhustamente of si ta uze abundantemente sin tene cuenta cu otronan den necesidad, of si cera e curason pa e balornan spiritual. Ta ken anto por haya salbacion? Hesus a responde ”Pa hende, esey ta imposibel, ma pa Dios tur cos ta posibel” Señor conoce e hendenan bon, con nan ta interpreta y suavisa e Palabra di Dios. Laga nos pidi Hesus pa yuda nos y converti nos curason. E hoben rico a bay tristo paso e ta pega na su rikesa. Ta momentonan asina den nos bida nos tin cu pidi Hesus pa capacita nos pa por laga cosnan di mundo atras y sigui Señor. Su promesanan ta cu nos lo sinta cu E Yiu di Hende den e Reino.Oracion:Oh Señor, duna nos e capacidad pa laga nos ”rikesanan” di mundo atras y sigui Bo. Duna nos un futuro feliz, abundancia di bida y e plenitud divino. Conduci nos na e dia aki! Amen.

P 16

DIABIERNA 21 DI AUGUSTUS 2026

BISHITA DI CORTESIA NA EMBAHADOR DI GUATEMALA Den Haag – Minister Plenipotenciario di Aruba Mildred Schwengle a haci un bishita di cortesia na embahadora di Guatemala na Hulanda Ana Cristina Rodriguez Pineda.

Durante di e combersacion Minister Schwengle a duna e embahadora un bista cla riba Aruba. Tambe a papia riba puntonan di interes cu por fortifica e relacion entre Guatemala y Aruba. Finalmente embahadora Rodriguez Pineda a duna di conoce cu e tin plan pa bishita Aruba mas laat e aña aki

Prome cu su puesto na Den Haag embahadora Rodríguez Pineda a ocupa e posicion di Chef di Gabinete na e “International Residual Mechanism for Criminal Tribunals y tambe na e Tribunal pa Yugoslavia. Entre 2006 y 2015 embahadora Rodríguez Pineda a ocupa diferente funcion na e Representante Permanente di Guatemala na Nacionnan Uni na New York.

Depues di su estudio di ley na Universidad Francisco Marroquín na Guatemala, Universidad Columbia na

New York y Universidad di Leiden, embahadora Rodríguez Pineda a traha como abogado.

SUDOKU