P1
DIABIERNA 14 AUGUSTUS 2026
14 AUGUSTUS 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.
1.25
POLIS A DETENE 5 PERSONA Y A CONFISCA DROGA Y AUTO
MERVIN WYATT RAS A NENG’E CATEGORICAMENTE
Gino Goeloe cu plan pa vota "VOOR" pa HOFA y
despues asumi un puesto di Directeur na Imsan
P2
DIABIERNA 14 augustus 2026
Auto a dal un mucha autista cu a core crusa caminda na Bakval
Auto a dal un mucha autista cu a core crusa caminda na Bakval Diamars merdia a drenta informe di cu un auto lo a dal un mucha di 5 aña na Bakval, mesora a dirigi tanto polis como
ambulans na e sitio.
Na yegada di e patruya a bin compronde cu aki ta trata di un accidente unda un Toyota Corolla a dal un
mucha autista cu a core crusa caminda y a haya sla na cabes. Na yegada di e ambulans nan a atende e mucha y a bay cun’e na hospital.
P3
DIABIERNA 14 augustus 2026
POLIS A DETENE 5 PERSONA Y A CONFISCA DROGA Y AUTO
Diaranson pa mas o menos 6:19 di atardi central di polis ta haya un yamada cu lo tin un auto banda di un negoshi na Caya Frere Bernardinus y un di e persona den e auto lo tin un arma di candela. Ta despacha patruya di Oranjestad na e sitio y na yegada ta bin topa cu e auto. Polis a duna nan ordo pa para y di locual e chauffeur no a cumpli. A start un persecucion y
polis a bay tras di e auto y na unda na altura di e veld di River Plate ta logra para e auto. Den e auto tabata tin 5 persona hende homber, cual 3 ta menor di edad y 2 ta adulto. A ristra den e auto y a haya droga. A detene tur 5 persona y a transporta nan pa warda di polis na unda nan lo presenta dilanti sub fiscal. Tanto e droga y e auto a keda confisca. Despues a sigui
cu e busceda pa cu e arma di candela cu lo a wordo benta banda di e veld di River Plate. E caso a wordo
pasa pa departamento di recherche y nan lo sigui cu e investigacion. Cuerpo Policial Aruba ta pidi pa e
persona cu sa algo of wak algo yama e tiplijn di polis cu ta 11141. Bo ta keda anonimo.
P4
DIABIERNA 14 augustus 2026
Hortamento di bateria di autonan di huur ta ON! Hortamento di bateria di autonan di huur ta ON! Diamars madruga a drenta informe di ladronicianan di bateria di auto na Blue Village, mesora a dirigi patruyanan na e sitio. Na yegada di e patruya a bin compronde cu aki ta trata di ladronicia di no menos cu 3 auto unda ladronnan a bay cu e baterianan. Polis a tuma e keho y ta investigando e caso aki.
Aruba Bank ta sostene esfuersonan di ayudo pa Venezuela
Oranjestad- 13 di augustus 2026 - Aruba Bank recientemente a haci un donacion di varios pallet cu pampers pa baby, wipes y cuminda pa baby na Fundacion VeneAruba Solidaria, pa sostene e esfuersonan di ayudo na famianan afecta pa e temblor cu a sacudi
Venezuela dia 24 di juni 2026. Cu e contribucion aki, Aruba Bank ta uni cu comunidad pa extende un man di ayudo na esnan afecta pa e desastre, cu atencion special pa provee articulonan esencial pa baby y muchanan
chikito. Aruba Bank ta invita comunidad tambe pa sigui sostene e esfuersonan di Fundacion
VeneAruba Solidaria, door di haci donacion di articulonan esencial y otro productonan cu tin mester.
Hunto, nos por haci un diferencia significativo pa famianan cu tin mester di nos sosten.
P5
DIABIERNA 14 augustus 2026
Parlamentario Endy Croes:
Mervin Wyatt Ras a neng’e categoricamente
Gino Goeloe cu plan pa vota "VOOR" pa HOFA y despues asumi un puesto di Directeur na Imsan Parlamentario Endy Croes ta haci publico un situacion cu te awe tabata den silencio den e gangnan di cocolishi. Desde 17 di juli, Parlamento di Aruba ta den reces. Esaki no ta nifica cu trabou di un parlamentario ta para. Diferente miembro di MEP ta presente casi tur dia na Parlamento durante e periodo aki. Parlamentarionan di AVP y Futuro, sinembargo, ta completamente ausente. Pero ta netamente den e momentonan aki cu e ‘wandelgangen’ ta papia mas duro. Goeloe kier ta director di ImSan E ta un realidad cu Parlamentario Gino Goeloe di Futuro a solicita formalmente pa e puesto di Directeur na Imsan San Nicolas. Esaki ta e mesun Gino Goeloe cu su propio fraccion a baha como Lider di Fraccion den apenas algun luna despues di su nombracion, reemplasand'e cu Parlamentario Lindor. Nos no por lubida cu esaki a sosode sin ningun comunicacion publico. Pero loke ta preocupa Parlamentario Endy Croes no ta e solicitud riba su mes. Pero e logica tras di dje. Segun fuente confiabel, e plan tabata simpel: Goeloe lo vota "voor" pa HOFA prome cu aña caba, cumpli cu e deseo di su lidernan Gerlien Croes y Geoffrey Wever, y percura asina pa su partido sosten'e den e proceso pa e puesto na Imsan. Pues Goeloe kier
vota pa entrega nos autonomia pa despues e baha na awa pa haya e recompensa. E deal, sinembargo, no a pasa. Minister Mervin Wyatt Ras di AVP a ricibi e noticia y a nenga e candidatura di Goeloe categoricamente. Segun informacion den e wandelgangen di Parlamento, AVP tin su propio candidatonan pa Imsan y pa Hospital, y no ta dispuesto pa cede e posicionnan aki na Futuro. E coalicion cu publicamente ta presenta un frente uni ta negociando internamente riba puestonan como sifuera e maneho di nos pais ta un mercado liber di intercambio. Parlamentario Endy Croes ta
expresa cu aunke hopi biaha e no ta di acuerdo cu Minister Wyatt Ras su maneho en general, e ta compronde e decision aki. Un deal unda un voto riba nos autonomia ta wordo intercambia pa un puesto gubernamental ta algo cu no por wordo acepta, independientemente di kende ta propon'e of kende ta neng'e. Parlamentario Endy Croes ta pidi pueblo di Aruba ta simpel: evalua pa bo mes. Nos ta papia aki di un parlamentario cu ta dispuesto pa vota riba e futuro di Aruba su autonomia financiero a cambio di un puesto. Un coalicion cu ta fractura internamente riba ken ta haya ki puesto. Un proceso di decision riba HOFA cu ta pasa
den silencio mientras e pueblo cu mester biba cu e consecuencianan no ta wordo consulta y mucho menos scucha. “Pueblo di Aruba ta merece miho y kere mi cu pueblo di Aruba ta mirando!”, Endy Croes a termina bisando.
P6
DIABIERNA 14 augustus 2026
Minister Arthur Dowers:
Prome fase di renobacion di Politie Opleidinginstituut Edgar Joaquin (Watty) Vos ta avansa satisfactoriamente
Gobierno di Aruba ta sigui invirti den fortalecemento di e infrastructura di Husticia cu e avance di e prome fase di renovacion di Politie Opleidinginstituut Edgar Joaquin (Watty) Vos. E instituto ta desempeña un rol fundamental den formacion di futuro polisnan di Aruba. Minister di Husticia, Arthur Dowers, a indica cu e prome fase di e proyecto ta casi completa, permitiendo cu e diferente actividadnan di formacion por sigui den un ambiente mas moderno y funcional.
E renovacion ta forma parti di un plan mas amplio cu lo wordo ehecuta den diferente fase, incluyendo un expansion futuro di e facilidadnan. Segun Minister Dowers, e condicion di e edificio ta refleha un periodo largo den cual diferente facilidadnan di Husticia no a haya e mantencion y inversion necesario. El a enfatisa cu e reto no ta limita solamente na e Politie Opleidinginstituut Edgar Joaquin (Watty) Vos, sino cu ta un realidad cu Gobierno ta enfrentando
den diferente edificio bou di Ministerio di Husticia. “Nos meta no ta solamente renoba un edificio, sino crea un ambiente digno y funcional pa e profesionalnan cu diariamente ta prepara pa sirbi y proteha nos comunidad,” Minister Dowers a indica.
E minister a destaca cu, mes importante cu renovacion ta, implementa un plan di mantencion continuo tambe ta. Segun Dowers, solamente cu un bon maneho y mantencion preventivo ta posibel pa preserva inversionnan publico y evita cu edificionan bolbe deteriora cu e paso di tempo.
E renobacion di Politie Opleidinginstituut Edgar Joaquin (Watty) Vos ta representa un inversion den futuro di nos cuerpo policial, fortaleciendo e infrastructura necesario pa forma polisnan cu lo sigui garantisa siguridad y servicio di calidad pa Aruba
P7
DIABIERNA 14 augustus 2026
Minister Geoffrey Wever:
ta anuncia destaho publico pa desaroyo di edificio di ex-Esso Lagoen como boutique restaurant Oranjestad, Aruba – Minister di Finansa, Asunto Economico y Sector Primario mr. Geoffrey Wever ta anuncia destaho publico pa desaroyo di e edificio di ex-Esso Lagoen como boutique restaurant Gobierno di Aruba ta sigui duna forma na su vision pa revitalisa centro di Oranjestad cu e anuncio di un proceso di destaho publico pa e desaroyo di e edificio di exEsso Lagoen como un boutique restaurant. Durante un conferencia di prensa na e localidad, Minister di Finansa, Asuntonan Economico y Sector Primario, mr. Geoffrey Wever, a enfatisa cu e proyecto ta forma parti di un vision integral pa fortalece centro di Oranjestad como un destino atractivo pa bishitantenan, empresarionan y inversionistanan. “Nos kier un centro urbano unda historia y desaroyo ta bai man den man. Un ciudad unda nos ta conserva nos patrimonio cultural cu orguyo, mientras cu nos ta crea espacio pa inversion, innovacion y actividad economico,” segun Minister Wever. E propiedad, anteriormente conoci como e stacion di Esso Lagoen, ta representa un oportunidad importante pa duna un destino nobo na un sitio cu pa hopi aña a keda sin un funcion activo. Cu e destaho publico, Gobierno ta busca un partner strategico cu tin e experiencia, vision y compromiso pa transforma e localidad den un proyecto cu ta agrega balor na centro di Oranjestad y na
economia di Aruba den forma di un boutique restaurant. E iniciativa ta sigui otro proyecto di revitalisacion den centro di ciudad, manera e embeyecemento di Plaza Comercio na Columbusstraat y e restauracion di monumento historico Cas Veneranda. Gobierno ta busca pa duna luganan cu anteriormente tabata subutilisa un proposito nobo, contribuyendo na un Oranjestad mas bibo, atractivo y economicamente fuerte. Den e proceso di destaho, Gobierno lo enfoca riba varios criterio importante, incluyendo e integracion cu e desaroyonan existente den centro di Oranjestad, e calidad di e espacio urbano, e impacto economico y sostenibilidat. Entre otro, e principio di ‘Build with Nature’, lo ta un criteria importante durante e evaluacion. E principio tin como meta pa stimula un desaroyo cu ta logra un balans entre crecemiento economico y proteccion di medio ambiente. Segun Minister Wever, un centro urbano activo ta crea oportunidad pa inversion. Diversifica acion di nos economia y empleo pa empresarionan local, fortaleciendo e posicion di Oranjestad como e curason comercial di Aruba. Minister Wever a expresa su gradicimento na MinisterPresident Mike Eman y Minister Rene Herde pa e cooperacion entre ministerionan cu a haci posibel e siguiente paso den e vision y strategia pa revitalisa centro di ciudad.
Gobierno di Aruba ta invita tur partidonan interesa cu cumpli cu e criterianan di participa den e proceso di destaho publico,
cu lo wordo conduci conforme cu principio di transparencia, competencia husto y igualdad di oportunidad.
8 PP15
DIABIERNA 14 DI14 AUGUSTUS 20262026 DIABIERNA augustus
JaMES FiniES: BOnEirU MESTEr Di PrOTEKSHOn, nO inDEPEnDEnSia, SinO rESPOnSaBiLiSaSHOn Di HULanDa Resientemente riba 9 di ougùstùs, mientras nos ta konmemorá Dia Internashonal di Pueblonan Indígena di Mundu, ami, James Finies, no ta lucha pa Boneiru bira independiente for di Hulanda. Mi lucha ta pa pueblo di Boneiru ta protehá bou di Karta di Nashonan Uní i Artíkulo 73, komo un Teritorio Sin Propio Gobernashon (NSGT), meskos ku nos rumannan na Anguilla, Bermuda, Turks and Caicos, i otro NSGT-nan den Karibe i otro parti di mundu.
Mi lucha semper tabata pa protekshon di pueblo di Boneiru— nos derechonan, nos tera, nos kultura, nos idioma, nos identidat i nos futuro.
PAKIKO MI A PROTESTA PA 222 DIA: Hopi Boneriano no a komprondé kompletamente pakiko, kuminsando na 2014, mi a protestá durante 222 dia, eksigiendo un referendum. Pueblo di Boneiru tabata meresé e derecho pa disidí si nan tabata di akuerdo ku e relashon konstitushonal ku tabata wordu imponé riba nan.
Ora ku finalmente e referendum a tuma lugá na desèmber 2015, a puntra pueblo di Boneiru si nan tabata di akuerdo ku e status konstitushonal aktual di Boneiru. 65.5% a vota NO.E resultado ei mester tabata un mensahe poderoso.
E KAMBIONAN KU MI TABATA ATVERTI PA NAN: Awe nos por mira hopi di e preokupashonnan ku a motivá e lucha ey: pobresa i e kosto haltu di bida; infrastruktura inadekuá; kambionan den nos sistema di enseñansa ku ta afektá
nos idioma lokal i identidat; i limitashonnan kontinuo den kuido di salú.
Boneiru ainda ta enfrentá reto grandi den su sistema di kuido di salú, i hopi hende a pèrdè konfiansa den e servisio debí na desilushonnan repetí ku a kousa hopi sufrimentu i tristesa. Esakinan no ta argumentonan pa independensia. Nan ta argumentonan pa mas protekshon, igualdat i gobernashon responsabel.
INDEPENDENSIA NO TA E SOLUSHON: Boneiru ta un isla chikí ku un ekonomia vulnerabel i rekursonan limitá. Independensia no ta e solushon. Loke nos mester ta un relashon ku Hulanda basá riba igualdat, respet, protekshon i e derecho di pueblo di Boneiru pa tin un bos signifikativo den desishonnan ku ta afektá nan futuro.
Autodeterminashon no mester wordu i n t e r p r e t á automát ik amente komo independensia. Fundamentalmente, e ta trata di e derecho di un pueblo pa partisipá libremente i di un manera signifikativo den determiná nan futuro polítiko, ekonómiko, sosial i kultural. PROTEHA PUEBLO MESKOS KU NOS TA PROTEHA BONEIRU: Nos ta protehá nos rifnan di koral. Nos ta protehá
nos flamingonan,turtuga, palu di mangel, karko, nos burikunan, asta raton di anochi, i nos medio ambiente natural, pasobra nos ta komprondé ku nan ta presioso i ta forma parti di loke ta hasi Boneiru úniko. Pueblo di Boneiru, nos kultura, nos idioma i nos identidat ta meresé e mesun determinashon i kompromiso pa protekshon. Desaroyo nunka mester sosodé na kosto di e pueblo ku ta yama e isla aki nan kas. HULANDA MESTER KUMPLI
OraciOn Di Dia
KU SU RESPONSABILIDATNAN: Hulanda tin responsabilidatnan bou di derecho internashonal di derechonan humano pa ku pueblo di Boneiru.P'esei, nos demanda no ta pa Hulanda bandoná Boneiru. Nos demanda ta pa Hulanda kumpli ku su responsabilidatnan i garantisá ku e derechonan, dignidat, identidat kultural i futuro di pueblo Boneriano ta wordu protehá.
Nos ta buska un relashon di akuerdo ku Karta di Nashonnan Uní, Konvenionan di Derechonan Humano, Tratadonan Internashonal i Derecho Internashonal, den kua Boneiru no ta simplemente wordu goberná, sino ta wordu skuchá, respetá i protehá.
Boneiru mester di protekshon, igualdat i respet.
Un feliz dia yena di bendicion y misericordia di Dios. E ora ey Pedro a acerca Hesus y puntr’E:”Señor, cuanto biaha mi mester laga mi ruman peca contra mi y toch pordon’e? Te shete biaha?” (Mateo 18, 21) Hesus a bisa no shete biaha, pero setentishete biaha shete, mester pordona otro tur dia di nos bida. Si un hende no ta dispuesto na haci bon cu su prohimo, e no por ta un Cristian berdadero, e no ta digno pa tuma parti na e mesa na cua Hesus ta combida siguidonan. Solamente esnan cu a trata na pordona otro ta capaz na ofrece Dios un sacrificio den su bista. Dios no lo mustra misericordia ora e husga esun cu no tawatin misericordia cu otro hende, pero esun cu si tawatin misericordia lo sali victorioso na momento di huicio.(Hacobo 2, 12-13) Misericordia mi kier y no sacrificio. Mi no a bini pa yama hende husto, ma pa yama pecado.( Mateo 9,13) Oracion: Señor Hesus Abo cu ta misericordioso y cu ta cla pa pordona nos y cu ta bisa nos cu boso mentalidad mester cambia henteramente y boso mester bisti e bisti di un hende nobo, siña nos con pa pordona y pa ta misericordioso cu nos prohimo pa medio di Cristo nos Señor. Amen.
P9
DIABIERNA 14 DI AUGUSTUS 2026
stroba Nehemias den e obra cu Dios a mande, pero nan no a logra.
FORTALEZA PA FAMIA Scirbi pa Pastor Marcel Balootje.
OBSTACULO, PRUEBA Y ESFUERSO TA PARTI DI BIDA Tur cos bon ta wordo logra pa medio di esfuerso , fe y curashi, semper lo tin obstaculo, oposicion, prueba, pa hende por balora locual nan a logra. Si malbado ta haci esfuerso pa e logra su maldad, cuanto mas esnan cu ta perservera pa haci bon mester tuma curashi cada dia di nobo. Cristo Hesus ta esun di prome cu nos tin di wak riba dje, su esfuerso, su sufrimento, pa bay na e crus, pa muri y resusita despues di tres dia, y pa awe nos por tin pordon di pica, salbacion y bida eterna. Noe a haci esfuerso 120 anja , pa e traha e arca, y asina e y su famia por a salba di diluvio. Moises a haci esfuerso pa por a saca e pueblo di Dios for di Egypto. Corda cu Moises a purba riba su mes matando un egipcio, pero despues Dios a mande den 40 anja di prueba den desierto. Despues e mesun Moises a bay Egypto riba orden di Dios, cu palabra di Dios den su boca.Y no a susha su man cu sanger, pero e a esforsa y Dios a saca e pueblo milagrosamente for di Egypto. Nelson Mandela den su carrera politico a bay 27 anja cera, pero despues e a sali for di prison y bira
presidente di Sur Africa dos biaha, y henter mundo sa awe Sur Africa ta bunita cu vision di Nelson Mandela. Ora Dios kier haci algo den nos bida no tin nada , pa pare, ora un obra ta di Dios e ta vence tur obstaculo, pasobra Dios ta den e asunto, y E lo kita tur cos for di caminda, pasobra no lubida locual Job a bisa Dios den Job 42:2: Mi sa cu tur cos Bo por y cu ningun di bo propositonan no por wordo stroba. Nos mester lanta nos yuinan, cu e educacion necesario pa haci esfuerso pa logra den bida, pasobra semper lo existi obstucalo ,material, humano, y hasta diabolico.Pero para firme y perservera, pasobra victoria ta den man di esnan cu no ta desmaya. Isaias 14:27 ta duna nos un les di bida bisando: Pasobra e Senjor di ehercitonan a plania,y ken por anula esaki? Y pa loke ta su man extendi, ken por hal’e bek?. Den Jeremias 32;27 Senjor ta recorda nos tur bisando: Mira , Ami ta Senjor, e Dios di tur carni:Acaso tin algo cu ta mucho dificil pa Mi?Rabia y odio no ta obra pa e bondad di Dios,nos tin di pone rabia y odio un banda, y bisa Senjor pordona hende, pasobra nan no sa kico nan a haci, anto na e momento ey Dios ta sali dilanti pa nos, y nos lo mira man di Dios move
na nos fabor. Den Nehemias capitulo 4, Tobias, Gesem y Shanbalat a purba tur manera pa
Den e sistema di mundo actual nos por compara e 3 hendenan aki como, Egoismo, Envidia, y Odio. Pero nos sa cu eseynan ta mal influencia y mal influencia nunca por vence poder di Dios. Pesey e palabra di Dios ta
sinja nos tur den Santiago 1:5 bisando: Ma si cualkier di boso falta sabiduria,lage pidi Dios,Kende ta duna na tur hende generosamente y sin reproche lo wordo duna na dje. Esaki ta nifica pa nos hubentud, cu no ta tempo di cana den rabia y odio contra otro, pasobra esaki a logra algo y ami no a logra.
Ban uni pa venera y celebra nos Dushi Niño Hesus Nos, Aruba y henter mundo mester di hopi oracion, pa paz. A la vez nos lo combina nos nobena cu apertura di aña escolar nobo. Ta pesey nos kier a invita henter nos comunidad, grandi y chikito, tur fielnan pa ban uni pa resa pa un y tur en especial pa nos muchanan y nos hobennan. Novena, sigui pa Santo Sacrificio di Misa, lo tuma lugar tur dia den Misa Inmaculata Concepcion na Santa Cruz. Diadumingo: 16 di augustus 2026 pa 5.45 di atardi Dialuna:
17 di augustus 2026 pa 6.15 di atardi
Diamars:
18 di augustus 2026 pa 6.15 di atardi
Diaranzon:
19 di augustus 2026 pa 6.15 di atardi
Diahuebs:
20 di augustus 2026 pa 6.15 di atardi
Diabierna:
21 di augustus 2026 pa 6.15 di atardi
Diasabra:
22 dii augustus 2026 pa 6.15 di atardi
Diadumingo: 23 di augustus 2026 pa 7.15 di mainta Dialuna:
24 di augustus 2026 pa 6.15 di atardi
Diamars 25 di augustus 2026 nos lo celebra Fiesta di Niño Hesus di Praga y nos lo hasi esaki cu oracion den Misa cu lo cuminsa pa 6.15 di atardi sigui pa un Santo Sacrificio di Misa pa 7.00.
P 10
DIABIERNA 14 DI AUGUSTUS 2026
INVERTIENDO DEN NOS PERSONAL:
POLISNAN DI ARUBA Y CORSOU TA TERMINA CURSO DI SEGURIDAD DI BOM CU EXITO Oranjestad, ARUBA: Cuerpo Policial Aruba (KPA) y Cuerpo Policial Corsou (KPC) a participa na e curso intensivo di Team Leider Explosieven (TEV). Un total di cinco agente policial a forma parti di e training aki: tres di Aruba y dos di Corsou. E curso aki tabata consisti di diferente modulo structural. Entre otro, e participantenan a siña con pa analisa un 'bommelding' corecto pa asina determina categoricamente si ta trata di un menasa real of no. Tambe a duna instruccion riba con pa dirigi, guia y informa e agentenan cu ta fungi como bomverkenners (explorado di bom) riba e tereno aki. E training structural aki a wordo organisa y duna pa e specialistanan di Defensa Hulandes. Despues di algun siman sumamente intensivo, tur e agente policialnan di KPA y KPC a logra pasa nan examen final cu exito. Cuerpo Policial Aruba ta sigui inverti den e profesionalismo di su personal. E vision di Altocomisario Ramon Arnhem ta keda enfoca riba inversion continuo den e agentenan policial, facilitando cursonan di halto nivel pa
asina garantisa un Cuerpo Policial debidamente entrena y prepara riba tur materia y tur nivel.
di KPA y di KPC pa nan esfuerso, dedicacion y trabao duro. Nos
Cuerpo Policial Aruba ta felicita e coleganan
ta orguyoso di boso logro!
P 11
DIABIERNA 14 DI AUGUSTUS 2026
Proyecto ex-pompstation Oranjestad:
Infrastructura ta crea e fundeshi pa desaroyo di Aruba
Desaroyo sostenibel ta cuminsa cu un fundeshi fuerte. Esaki tabata e mensahe principal di Minister di Infrastructura, Rene Herdé, durante e presentacion di e proyecto pa renovacion di e ex-pompstation den centro di Oranjestad. Segun Minister Herdé, e responsabilidad principal di Ministerio di Infrastructura ta crea e condicionnan necesario pa permiti desaroyo tuma lugar. Esaki no solamente ta inclui inversion den infrastructura, pero tambe crea e instrumentonan y facilidadnan cu ta permiti iniciativa publico y priva florece. "Nos tarea ta crea e condicionnan pa desaroyo por sosode. Ora e fundeshi ta bon, inversion y iniciativa por sigui naturalmente," Minister Herdé a expresa. E minister a reconoce cu proyectonan di e magnitud aki no ta realisa di un dia pa otro. Nan ta exigi planificacion, coordinacion entre diferente departamento y cumplimento di tur e procedimentonan legal. Sinembargo, el a enfatisa cu Gobierno ta sigui traha activamente pa acelera e procesonan, respetando e marco legal y garantisando cu e proyectonan por avansa cu responsabilidad. E renovacion di e ex-pompstation ta forma parti di un vision mas amplio pa revitalisa centro di Oranjestad. Den e contexto ey, Gobierno ta sigui ehecuta un serie di inversion importante, incluyendo restauracion di Fort Zoutman y Willem III Toren, renovacion di Wilhelminastraat, expansion di Parlamento di
Aruba y otro proyectonan cu ta fortalece e balor historico, cultural y economico di e centro di ciudad. Segun Minister Herdé, e diferente
iniciativa nan ta mustra cu Gobierno ta creando e base necesario pa un desaroyo ordena y duradero, den cual infrastructura ta desempeña un rol esencial
pa impulsa inversion, actividad economico y un centro di ciudad mas atractivo pa residente y bishitante.
P 12
DIABIERNA 14 DI AUGUSTUS 2026
Cu esfuerso di Minister Wevery Minister Herde
Prome Minister Mike Eman: Gobierno ta sigui cu paso firme den revitalisacion di centro di Oranjestad Gobierno di Aruba a anuncia un destaho publico pa duna un bida nobo na e edificio historico unda antes tabata e pompstation di Lagoen, den bario di Klip na Playa. E proyecto ta forma parti di e vision mas amplio di Gobierno pa revitalisa centro di Oranjestad, combina actividad economico cu preservacion di patrimonio y fortalece e sentido di identidad y pertenencia den comunidad. Prome Minister mr. Mike Eman, hunto cu Minister mr. Geoffrey Wever y Minister drs. Rene Herde, a duna e anuncio dilanti di e edificio, cu actualmente ta den estado di deterioro pero cu pa Gobierno, tin un potencial grandi pa bira un punto atractivo y caracteristico den centro di ciudad. Prome Minister Eman a expresa su satisfaccion cu e proyecto ta yega na e siguiente fase y a destaca cu revitalisacion di Oranjestad no ta trata solamente di infrastructura of actividad comercial. Segun dje, e monumentonan y edificionan historico tin un funcion importante den conserva e memoria di Aruba y den fortalece e conexion di comunidad cu su propio historia. “E desaroyo comercial, pero tambe e desaroyo di duna nos un sentido di identidad, duna nos un sentido di pertenencia, ta sumamente importante,” Prome Minister Eman a bisa. E ex-pompstation di
Lagoen tin un significado personal tambe pa Prome Minister Eman, kende a crece den e area di Klip. Durante su declaracion, el a recorda con e edificio tabata forma parti di bida diario di hopi famia di e bario y con e luga ta carga memoria di diferente generacion. El a indica cu rescata e edificio no solamente lo crea un oportunidad economico nobo, sino tambe lo conserva un punto di referencia pa e comunidad. “E hecho cu nos tin un edificio asina cu ta corda nos
di e tipo di historia, cu ta conecta bek e famianan aki na otro, ta e balor adicional di e hecho cu e monumento aki ta wordo rescata,” Prome Minister a declara. E intencion ta pa e edificio por wordo desaroya como un boutique restaurant. Pa esaki, e propiedad di Pais Aruba lo wordo pone riba mercado mediante un proceso di destaho publico, caminda inversionistanan y empresarionan interesa lo por presenta nan propuesta y estudio di factibilidad.
Minister Geoffrey Wever a splica cu e proyecto ta resultado di varios aña di preparacion y ta forma parti di e trabou cu a cuminsa pa revitalisa centro di Oranjestad. El a indica cu e proceso lo ta habri y transparente, cu condicionnan claramente defini y evaluacion door di un comision independiente cu representacion di, entre otro, ATA, ATIA, Ministerio di Infrastructura, Ministerio di CONTINUA PAG 13
P 13
DIABIERNA 14 DI AUGUSTUS 2026
CONTINUACION PAG 12 Economia y DIP. E inscripcionnan lo wordo habri na Camara di Comercio dilanti di notario, pa asina garantisa cu tur participante tin e mes oportunidad. Despues di evaluacion, e comision lo presenta su recomendacion tocante e propuesta cu ta cumpli miho cu e criterianan estableci Prome Minister Eman a elogia e esfuerso di Minister Wever, kende ya den un gobierno anterior a inicia diferente proyecto relaciona cu renovacion di centro di ciudad. El a destaca tambe e contribucion di Minister Rene Herde y e departamentonan bou di su responsabilidad pa crea e condicionnan infrastructural y legal necesario pa por realisa e proyecto. Minister Herde a indica cu e tarea di infrastructura ta precisamente pa crea e facilidadnan y instrumentonan necesario pa desarrollo por tuma luga. El a reconoci cu proyectonan di e magnitud aki ta exigi tempo, pero a enfatisa cu Gobierno haci un empuhe pa acelera e procesonan, respetando e proceduranan legal.
Prome Minister Eman a remarca cu e renovacion di e ex-pompstation den un cuadro mas amplio di e proyectonan cu actualmente ta transforma centro di Oranjestad. El a menciona, entre otro, e renovacion di e brug banda di Wilhelminapark, expansion di Parlamento di Aruba, restauracion di Fort Zoutman y Willem III Toren,
futuro desaroyo di e edificio unda ante tabata Ministerio Publico, y e siguiente fase di renovacion di Wilhelminastraat. El a destaca tambe e contribucion di iniciativa priva, incluyendo restauracion di e monumentonan y otro proyecto den centro di ciudad.
Segun Prome Minister Eman, tur esaki hunto ta mustra cu Oranjestad pocopoco ta recupera un bida nobo. E meta ta crea un centro di ciudad caminda tin actividad economico y comercial, pero caminda pueblo Arubiano tambe por reconoce su historia, su cultura y su identidad.
P 14
DIABIERNA 14 DI AUGUSTUS 2026
BISHITA DI CORTESIA DI MINISTER PLENIPOTENCIARIO DI CURAÇAO
Den Haag – Minister Plenipotenciario di Curaçao Sidney Justiana a haci un bishita di cortesia na Minister Plenipotenciario di Aruba Mildred Schwengle.
Banda di a cera conoci cu otro oficialmente, a papia riba difente temanan di interes comun entre Curaçao y Aruba.
Minister Justiana a keda nombra 1 di Juli 2026 como Minister Plenipotenciario di Curaçao na Hulanda. Sr. Justiana ta di origen maestro di school, lider sindical y dirigente den e mundo di enseñansa.
Nota pa redaccion: E potret ta cortesia di Gabinete di Aruba
PUEBLO A H HAÑA SU PEN BEK
Pa kualkier informacion solodipueblo@gmail.com of
☎ 585-9500
P 15
DIABIERNA 14 AUGUSTUS 2026
EL NIÑO TRECE CALOR EXTREMO Y SECURA, DVG TA CONSEHA COMUNIDAD PA TA PREPARA
Segun e ultimo informacion climatologico internacional, tin posibilidad cu e fenomeno natural El Niño lo sigui desaroya durante e proximo lunanan di aña 2026-2027 den un fenomeno extra ordinario cu por trece cu ne efectonan peligroso y asta devastador pa cierto region.
Aunke El Niño ta forma den Oceano Pacifico, su efectonan por wordo sinti den diferente parti di mundo, incluyendo Caribe. P’esey Directie Volksgezondheid (DVG) ta informa comunidad cu Aruba por bay experiencia den e lunanan cu ta sigui temperaturanan mas halto cu normal, periodonan mas seco y mas riesgo pa problema di salud relaciona cu calor. Temperaturan halto por aumenta e riesgo di deshidratacion, desanimacion y cansancio door di calor y otro complicacionnan di salud, especialmente pa: • Muchanan chikito • Personanan di edad avansa • Hendenan cu condicionnan di salud cronico • Hende muher na estado • Personanan cu ta traha pafor den solo DVG ta encurasha comunidad den e siguiente lunanan pa: • Bebe awa frecuentemente durante dia apesar cu kisas bo no tin sed • Evita actividad fisico intenso durante oranan di
mas calor (11or pa 2or pm ) • Usa paña color cla y di tela fini • Usa sunblock spf 30 of mas y reaplica durante dia • Tira vista riba familiar y bisiñanan vulnerabel. • Sigui informacion oficial di DVG, servicio Meteorologico di Aruba pa informacion.
DVG hunto cu demas stakeholder lo sigui monitorea e posible efectonan di El Niño riba salud publico y salud di nos animalnan pa por sigui duna informacion,
conseho, guia y atencion na e diferente grupo di risico den nos comunidad. Bo Salud, Nos Prioridad.
Pa mas informacion, like nos Facebook page Directie Volksgezondheid DVG Aruba, follow nos riba Instagram directie_volksgezondheid_aruba, sigui nos den WhatsApp Channel, ricibi tur informacion den Aruba Health App, bishita www.dvg.aw, yama 5224200 of manda email na servicio@dvg.aw
Na nomber di Famia, nos kier a gradici tur esnan cu di un of otro manera a mustra nan atencion durante acto di condolencia y entiero di nos Mama, Chil, Ma, Machi, Tanchil, Mamachil, Pepechil, Pepe, Chileiske
Ursula Giel Tromp Gradicimento y un danki di curason ta bay na tur esnan cu a manda flor, krans, app, email y yamada cu palabra di consuelo. Boso presencia, sosten y atencion tabata un gran consuelo pa nos. Palabra di gradicimento ta bai pa: Su docter di Cas dr. Sneek y su ayudante, Cas di Machi, Wit Gele Kruis Paradera, Francis pa su repertorio musical durante entiero y Theo Zievinger. Nos kier a gradici tur su sobrina (o) nan, famia nan y bisiña nan cu ta pasa bishite na su cas y HOH. Finalmente, nos ta gradici Aurora Funeraria Home pa nan tremendo servicio y atencion. Alabes nos kier a invita bo(so) pa 3 Santo Sacrificio di misa cu lo tuma lugar día: Diabierna 14 di Augustus 2026 na Misa Sta. Anna pa 6:30 pm Diasabra 15 di Augustus 2026 na Misa Sta. Anna pa 7:00 pm Diamars 18 Augustus 2026 na Kapel di Alto Vista pa 5:30 pm Bo(so) presencia ta altamente aprecia y un biaha mas danki di curason pa bo(so) sosten.
P 16
DIABIERNA 14 DI AUGUSTUS 2026
CAS PRINCESA DIAMOND MODELS NA COLOMBIA FASHION KIDS Di 13 pa 16 di augustus 2026 ta tuma lugar na Bogotá, Colombia e famoso Colombia Fashion Kids. Aki cada participante lo sigui workshops for di varios fashionista internacional y lo presenta e resultado riba e catwalk principal. For di Aruba, a sali modelonan di Diamond Model pa Colombia e siman aki. E modelonan ta: 1. Xamarah Anthonij 2. Zion Anthonij 3. Angelina Polanco 4. Jaysi-ann Croes 5. Joyzied de la Hoz Garcia 6. Annie Clark 7. Bryanna Victoriano 8. Miley Portocarrero
Arbelaez
For di aki Cas Princesa Aruba ta desea cada representante tur exito di mundo y cu boso regresa hopi orguyoso di boso presentacion. Tur mayor cu ta desea pa nan yiu participa na e certamennan di Princess Beauty, Little Beauty of Pre Teen Beauty 2026 na november, por bishita e paginanan di Cas Princesa Aruba (CPA) riba Facebook of Instagram.
SUDOKU