Fin di siman pasa a tuma luga trabounan grandi na Biblioteca Nacional Aruba unda cu e dos airco grandi (chiller) a wordo instala riba e dak di e edificio.
Na luna di december 2021 a inverti 400 mil Florin pa 2 chiller nobo di 60 ton
cada un. Pa asina a resolve e problema di airco cu Biblioteca Nacional Aruba tabatin pa mas di dies aña. Minister Endy Croes a bishita Biblioteca Nacional Aruba pa mira e trabounan cu a wordo realisa.
E mandatario a expresa di ta contento di mira e alegria riba cara di e empleadonan.
Pabien na Biblioteca Nacional Aruba, ‘nos a yega, nos a mira, nos a tuma decision y nos a busca solucion’, e mandatario a finalisa.
Diahuebs madruga durante patruya na altura di e rotonde banda di Acero na Tanki Leendert polisnan atento di distrito 2 (Noord) ta
nota un Toyota Altezza sospechoso, mesora a bay atende cu e chauffeur pero a bin descubri cu e auto no tin su papelnan na ordo y polis a confisca
e auto aki. A pidi un takelwagen pa asina hiba e auto aki na warda di polis.
E conocido locutor Chando Colina ta interna den un clinica na Colombia. Su cateter pa haya diálisis a coy infeccion y mester wordo atendi.
Na Hospital Manuel Uribe Angel na Medellin, ora el’a acudi pa tuma diálisis, nan a detecta un infeccion na e cateter y a duna remedi pa esey y e por a bay cas.
Sinembargo Chando a sinti mas malo y a wordo interna na Clinica Las Americas, unda e infeccion ta bao control. A dicidi pa tene interna, pa asina e por keda bao observacion.
Por lo general por mira Chando hopi fuerte ta manda continuamente su mensahenan y video.
Segun el’a bisa den su video, su gastonan ta draai den 175 mil florin.
Segun Chando a bisa, el’a bay pa un segundo opinion, ya cu na Aruba, dokternan a dune noticia cu mester corta su pia.
SOLO DI PUEBLO ta haci un yamanda na tur cu por, pa duna Chando un ayudo directamente via su cuenta di banco.
Apertura di biblioteca su Festival di Buki pa Mucha 2022 ta diabierna 4 di november na Cas di Cultura, di 5or pa 7or. Y e show ta cuminsa 6or. E tema pa e aña aki ta ‘Biba Natura-Lesa’. 12 autor y ilustrador ta presenta durante e siman di 7 pa 11 di November na diferente scol y tambe na biblioteca na Playa y San Nicolas. Mas cu 60 scol ta participa na e festival.
Sr. Gino Vrolijk, docente y autor di buki pa mucha ta bay duna tur cu e tin pa e festival aki.
E bukinan cu Gino a skirbi ta ‘Sumpi e wanglo sabi!’, ‘Na caminda pa e fiesta grandi’ y ‘Amigonan tur caminda!’ (co-autor). Muchanan por lesa y/of fia esakinan na biblioteca!
Den cuadro di e tema di e aña aki Gino ta conecta su mes cu Naturalesa bisando: “Naturalesa ta e origin di tur cos. E ta e fuente di bida y inspiracion. Nos por mira, scucha, hole, smaak y sinti tur locual Naturalesa ta ofrece nos. Tur esaki ta haci nos curioso pa siña, haya sa mas di y cuida nos Naturalesa.
Y den un of otro forma nos tur ta disfruta di Naturalesa, sea nos ta cana den mondi, landa den lama, mira e streanan den e cielo di anochi, biba of traha den cunucu, of haci uzo den cualkier otro forma positivo di Naturalesa, e punto ta cu: Nos tur ta forma parti di Naturalesa. Biba Naturalesa!”
Georgino ‘Gino’ Vrolijk a nace dia 4 di october na aña 1973. El a lanta den y alrededor di e bario di Essoville San Nicolas. E scolnan cu Gino a atende ta Graf von Zinzendorf Kleuterschool, Prinses Irene School, John Wesley College y Colegio Arubano San Nicolaas y Oranjestad.
Gino a inicia su carera profesional na 1999 como maestro di klas 1 (Specialisacion 4-8) na Colegio Hilario Angela Basisschool. Na 2004 el traha como desaroyado di curiculo na Departamento di Enseñansa Aruba. Desde 2008 pa 2019 el a fungi como director di Fontein Kleuterschool y desde 2019 pa presente e ta Docente di practica na Instituto Pedagogico Arubano (IPA).
“Nos ta agradecido pa e forma con e mandatario a contribui y tende den discusionnan analysis di e temanan cu nos a trece padilanti”
ORANJESTAD-Minister di Labor, Energia y Integracion, Glenbert Croes a reuni cu Minister di Relacionnan Exterior di Hulanda señor Wopke Hoektsra riba diferente tema importante, principalmente e tema di energia. Pa Aruba e ta importante pa ricibi apoyo di gobierno di Hulanda pa Aruba por cana e caminda cu gobierno Mericano, pa cumpra combustibel pa WEB na un miho prijs. Esaki lo tuma lugar via companianan RDA y FMSA, cu e meta pa reduci prijs di awa y coriente pa comunidad di Aruba.
Minister Croes a expresa di ta contento cu e contribucion y comprension di Hulanda pa loke ta trata e tema di
energia. Alabes a pidi e apoyo pa introduci Aruba na e multinacionalnan di hydrogeno na Hulanda pa asina Aruba por incorpora e compania di hydrogeno den e masterplan energetico pa e re-desaroyo di e zona di refineria. Esaki en bista cu tin dos Minister cu lo ta atendiendo un conferencia di Hydrogeno fin di November na Hulanda.
Unabes cu tin e capitulo di hydrogeno incorpora den e plan di energia nacional, gobierno lo haci e anuncio grandi na comunidad, pa loke ta trata e reactivacion di refineria y otro companianan, cu lo trece desaroyo grandi pa Aruba.
Segun Minister Glenbert Croes, e reunion a bay den bon atmosfera y tabata uno positivo. “Nos ta agradicido pa e forma con e la contribui y tende den discusionnan analysis di e temanan cu nos a trece padilanti” Minister Croes a expresa
Diaranson mainta den un esfera ameno Minister Endy Croes a reuni cu directora di SKOA, sra. Anuesca Baly y sra. Jessica Maduro – Irausquin, unda a toca diferente temanan di enseñansa, como tambe temanan cu tin mester di atencion e.o. SKOA werkster. A dialoga riba diferente otro preocupacionnan cu SKOA tin.
Minister Endy Croes a indica cu e tabata un bon reunion a duna atencion y oido na e inkietudnan di SKOA, unda cu hunto lo traha riba esakinan.
E mandatario di Enseñansa a compromete cu lo pone profesionalnan na mesa pa hunto surpasa e inkietudnan y continua pa dilanti. Enseñansa ta hopi importante pa pais Aruba.
Minister Endy Croes y directora di SKOA, sra. Baly a sali contento di e reunion.
G. Everon, pero “Topgun” Gunnar Leonardo ta manda Everon fondo cu 2-0 pa dje modo aki Steelers coy un victoria aplastante dunando Barracuda un caso serio di “The Bends”! N’e otro mesa ... ay ay ay ... no a keda nada cu lana di Mongoose aki aya. Na un manera sin precedente, e gang di cachonan brabo Mad Dogs Bt a sker e pober Mongoosenan foi otro y laga e mesa tur na lana! Un silencio profundo a cay ... Mongoosenan a core drenta nan hol perde scoresheet y tur cos! Pa motibo dje crisis mundial, nos kier spaar inkt y lagele te aki nan, aunke mester menciona cu e MVP di Mongoose e anochi ey tabata Enrique Geerman kende a logra gana un rack so! Tur otro a perde cu 2-0!
Pero, diabierna awor,
october 28, cuminsando pa 8’or di anochi, e ultimo rondo eliminatorio pa playoff y final! Steelers lo enfrenta Mongoose (mi ta “benieuwd”) y n’e otro mesa lo tin e “kaskraker” dje anochi ora cu Barracuda enfrenta
nan rivalnan eterno, esta Mad Dogs BT! Shonnan, no perde e anochi decisivo aki aya n’e palacio di biyar na Tanki Leendert.
Entrada lo ta completamente gratis. Yegaaa!
Tanki Leendert - Shonnan amante di biyar riba “steroid”, e penultimo rondo di e candeloso torneo anual di biyar bola 8 di FEBIAR aya n’e palacio di biyar na Tanki Leendert a caba den un berdadero “bloedbad” a la estilo Quentin Tarantino di Hollywood! Esnan cu kier a presenta con marado di hero ta pisca barracuda mester a presencia e wega entre Steelers BT vs Barracuda, caminda e team legendario di Nort a haya un berdadero “aanwijzing”! Juancho Ridderstap y Marko Farro di Steelers ta duna Didi y Brandon cada un nan “KB”! Siguientemente
Emile Kock di Steelers ta duna nada menos cu Captain Aaron Franken su “aanwijzing” cu e tin cu baha “gasto”, y dje manera espectacular aki Steelers ta habri e anochi c’un bentaha di 3-0!
Jason “Friday the 13th” Kock di Barracuda ta duna Arie Jansen su “BTW” ey mes n’e grens, y Barracuda pues ta hap tiki aire y speransa cortando bentaha na 1-3. Pero di biaha, e duo di J. Geerman / R. Kock di Steelers ta scama Buchi cu Gino Geerman di Barracuda pa dje forma aki Steelers ta “on top of the hill” cu score di 4-1! Barracuda ta pone tur speransa den
Oranjestad: Pa prome biaha e Confederacion di NORECA ta organisa un Campeonato Internacional di Beach Volleyball pa hobennan bao 23 aña. Pa Aruba e hobennan talentoso Eddy Toro y Joshua Winklaar lo competi na e campeonato aki unda Teamnan hoben di Norte America, Latin America y Caribe lo ta competiendo contra otro for di dia 27 te cu 30 di october 2022 na Grand
Cayman Island.
Ta un oportunidad grandi pa e atletanan di Aruba, e duo Eddy y Joshua, por competi den e categoria di nan edad y demostra nan abilidadnan pa cu e deporte di Beach Volleyball. Den e preparacion di e atletanan cual ta bao di guia di entrenador sr. Robles de Medina e atletanan a demostra nan determinacion pa competi na e torneo internacional
aki y representa Aruba.
Aruba Volleyball Association ta gradici Gerencia di Colegio EPI cu a duna su coperacion pa e atleta/studiantenan por competi na e torneo aki y tambe un danki na A.T.A pa e bunita T-Shirtnan pa e atletanan.
Directiva di Aruba Volleyball Association ta desea e atletanan y entrenador hopi Exito y A.V.A. ta convenci cu e Team di Aruba lo por duna bon competencia na e otro paisnan participante.
HOPI EXITO !
ORANJESTAD: Lider di Fraccion di MAS, drs. Marisol Lopez Tromp a manda un carta pa Minister Ursell Arends. Un carta cu cantidad di pregunta dirigi na e minister pa loke ta toca e tema di e Centro di Cuido pa nos Grandinan na San Nicolas na Palisiaweg.
Parlamentario Lopez Tromp ta puntra e minister pa e contesta por escrito riba e preocupacion cu e parlamentario tin pa cu e Centro di Cuido pa nos Grandinan, caminda tin hopi hende grandi ta biba den e casnan, hayando cuido y un calidad di bida den e centro aki.
Un edificio cu a costa basta placa den transcurso di añanan cu nos grandinan ta bibando akiden te cu na e momentonan aki. E preguntanan cu tin dirigi na e mandatario ta si e por confirma cu ta berdad of no cu e Centro di Cuido pa nos Grandinan lo bai cera su portanan, pa loke ta e casnan di cuido pa
nos grandinan. Si acaso ta berdad cu nos grandinan ta bai wordo saca for di casnan aki. Si esaki ta informacion corecto, si e por duna di conoce kico ta e intencion cu nos grandinan cu lo no por keda biba akinan mas, kico ta e motibonan pa cu e decision aki y kico ta bai sosode cu e edificio aki cu a wordo traha specialmente pa nos grandinan y tambe pa esnan multiple gehandicaped.
Tambe Lider di fraccion di MAS a haci pregunta kico ta e consequencianan pa e trahadornan cu ta trahando aki, kico tin planea pa esaki y si ta berdad cu e porta di nos centro di cuido pa nos grandinan ta bai cera y cu nos grandinan lo tin cu sali y no lo por biba eynan mas.
Tambe ta puntra e minister con e lo por garantisa e calidad di cuido pa e grandinan aki.
Alabes a pidi pa haya un bista y ricibi tur e
relatonan anual financiero cu tin disponible pa loke ta e Centro di Cuido San Nicolas di tur e añanan cu a pasa te cu na e momentonan aki.
“Manera cu tur hende sa
gobierno semper a pone enfasis cu supuestamente nos hendenan ta central, muy en particular nos grandinan ta un grupo cu ta den vergrijzing aki na Aruba y mundialmente esaki ta e caso, y pesey mes
mi kier sa enfaticamente si e informacion aki ta corecto cu e centro di cuido aki lo ta bai cera su portanan pa e grandinan cu ta biba aki”, Marisol Lopez Tromp a finalisa bisando.
Philipsburg – Colegio di supervision financiero di Corsou y Sint Maarten (Cft) a urgi Sint Maarten den combersacionnan reciente pa aproba e modificacion di presupuesto di 2022 y e presupuesto di 2023 na termino cortico. E modificacion di presupuesto di 2022 ta inclui un suma di ANG 15,4 miyon na inversion, den cualnan Sint Maarten kier haci uzo di e suscripcion coriente di Hulanda. E inversionnan specifico ta contribui na un crecemento economico sostenibel. Ademas, e Ley di Reino di supervision financiero di Corsou y Sint Maarten ta indica cu Sint Maarten mester tin e presupuesto di 2023 aproba prome cu dia 15 di december 2022. E presupuesto aki mester ta balansa den servicio ordinario.
Economia di Sint Maarten a crece cu 8 porciento den 2021. Fondo Monetario Internacional (FMI) ta premira un crecemento economico di 7,5 porciento pa 2022. Recuperacion di turismo ta pa gran parti causa di e crecemento ey. Sint Maarten lo mester probecha di e recuperacion economico aki den e proximo añanan pa pone su finansa publico na ordo y cumpli cu su obligacionnan di pago.
Na juni Sint Maarten a propone un modificacion di e presupuesto di 2022. Cu esey a reduci e deficit di servicio ordinario te na ANG 99 miyon. Ehecucion den 2022 ta mustra cu entrada y gasto ta desaroyando mas faborablemente. Conseho di Ministro di Reino a stipula recientemente cu pa 2022 ta permiti un deficit di ANG 40 miyon den servicio ordinario. Sint Maarten a ricibi na 2022 ANG 24 miyon na sosten di likides. Tambe Conseho di Ministro di Reino a indica cu na 2023 mester realisa un presupuesto balansa den servicio ordinario. Sint Maarten mester amortisa un prestamo di ANG 73,5 miyon na 2025. Ta p’esey ta di importancia pa e pais realisa surplus na 2024 y 2025. Segun e Ley di Reino di supervision financiero di Corsou y Sint Maarten mester tin un presupuesto aproba prome cu dia 15 di december 2022. Sint Maarten a indica cu lo entrega e proyecto di ley di presupuesto di 2023 na Parlamento mas lihe posibel pa por aproba e presupuesto na tempo.
Den 2022 Sint Maarten a realisa por lo pronto gasto minimal den servicio di capital pa inversion. E modificacion di e presupuesto di 2022 ta inclui un suma di ANG 15,4 miyon na inversion, di cual ANG 10 miyon ta destina pa infrastructura di caminda. Inversion specifico den infrastructura ta contribui na crecemento
economico sostenibel. Pa e inversionnan ey Sint Maarten kier haci uzo di e suscripcion coriente di Hulanda. Ta p’esey Cft ta urgi Sint Maarten pa aproba rapidamente e modificacion di e presupuesto di 2022 pa por cuminsa cu e procedura ey. Sint Maarten kier realisa inversion den 2023 y e añanan posterior tambe. Mester acopla e inversionnan den servicio di capital na e inversionnan financia for di e fondo fiduciario. Cft a urgi Sint Maarten pa bin cu un planificacion di inversion di mas aña y pa Sint Maarten, den caso di destaho, haci uzo di e experiencia cu Banco Mundial y cu e Oficina di Programa Nacional di Reconstruccion.
Aumento di entrada di impuesto E entradanan di impuesto di Sint Maarten di aproximadamente 17 porciento di e Producto Interno Bruto (PIB) ta abou compara cu e standardnan internacional. Sint Maarten mester aumenta su entradanan di impuesto pa por genera surplus. Cft a conseha Sint Maarten pa acelera introduccion di un impuesto di casino y un impuesto riba volumen di benta di importacion priva di mercancia. Tambe Sint Maarten ta den e proceso di introduccion di un impuesto di alohamento riba huurmento di vivienda na turista. Durante e combersacionnan cu Ministro di Finansa y e Grupo Piloto di Transformacion Fiscal Cft a enfatisa cu modernisacion di e sistema fiscal y di e Departamento di Impuesto ta necesario pa mehora cumplimento fiscal.
Cuido di salud y seguridad social Na 2022 Sint Maarten a dal e prome pasonan pa realisa economisacion den e sistema di cuido di salud. A hisa e limite salarial di seguro medico y seguro di accidente (ZV/OV) y ta implementando legislacion relaciona cu introduccion di remedi generico. Cu e Ministro
di Salud Publico, Desaroyo Social y Labor Cft a discuti e reformanan planea y importancia di un pronostico plurianual realistico. Cft ta conseha Sint Maarten pa introduci e reformanan necesario pronto, pa asina reduci e deficitnan di e fondonan di cuido y evita cu e pais mester contribui structuralmente na e fondonan di cuido. Asina, por ehempel, e contribucion propio di empleado publico mester ta mas den liña cu esun di empleado den sector priva.
Sint Maarten ta tumando medida pa mehoracion di su maneho financiero y aprobacion di e cuentanan anual. Sint Maarten a elimina e retrasonan relaciona cu e cuentanan anual y a sanea varios cuenta (intermedio). Na november 2022 lo aproba e cuentanan anual di 2019 y 2020. A finalisa revision di e proceso presupuestario y a corto plaso lo finalisa analisis di e procesonan di trabou financiero. Cft ta enfatisa importancia di implementa y garantisa e procesonan di trabou revisa mas pronto posibel.
Asina por mehora e calidad di maneho financiero structuralmente. Ta spera di aproba e cuenta anual di 2021 na fin di 2022.
Dia 25, 26 y 27 di october 2022 e miembronan di Cft a hiba combersacion cu Gobernador, Conseho di Ministro, Ministro di Finansa, Ministro di Salud Publico, Desaroyo Social y Labor y Comision Financiero di Parlamento di Sint Maarten. Cft a hiba combersacion tambe cu e representantenan di e Grupo Piloto di Fondo Fiduciario pa Reconstruccion, di e Grupo Piloto di Transformacion Fiscal, di e Grupo Piloto di Maneho Financiero y di e Organo Ehecutivo di Seguro Social y Seguro Medico.
Tin diferente bruhonan cu ta promove nan servicionan na prensa y na radio. E bruhonan aki ta ofrece bo tur sorto di judansanan, di drecha tur bo problemanan, suerte etc. y hopi di nan ta bini cu diferente titulonan y nombernan bao di un capa pa ganja bo. No bai na e bruhonan, pasobra unabes cu bo bai, bo ta laga bo fe den Dios un banda y bo ta pone bo fe den e bruhonan cu nan demonionan. Esaki ta un pika grandi y condenabel den bista di Dios. Esnan cu ta bai na e bruhonan, e demonionan ta keda nan tras y nan lo sinti hopi movecionnan stranjo rond di nan, nan lo tende stemnan y hopi bes nan ta wordo posei pa e demonionan y nan ta wordo tormenta pa e spiritonan diabolico. Door di esey e bruhonan ta sigi ranka plaka for di nan, pasobra e bruhonan ta sigi manda diabelnan pa nan y tambe e bruhonan ta sigi bishita nan victimanan na cas. Hendenan cu ta bishita e bruhonan, pa despues nan ta bira histerico, hopi nervioso y nan no por controla e situacion cu nan ta den, pasobra e spiritonan diabolico ta keda rond di nan. Hende no por soporta e depresion horibel aki y nan ta bai para te na e clinica di PAAZ pa haya remedinan pa tratamento di psychotic, schizofrenie, dimencia etc. Tin di nan ta keda bao tratamento di PAAZ, pasobra nan ta posei pa diferente demonionan. Esey ta pasobra boso mes a yama e diabelnan pa medio di e bruhonan. E bruhonan ta monta e diabelnan riba bo y si bo laga nan drenta den bo cas, nan ta habri un portal y bo cas lo keda haunted pa demonionan. Hendenan sin fe, ta laganan cai den e sorto di servicionan diabolico
aki cu ta wordo ofreci pa e bruhonan. Bo fe den Dios ta bisa’bo, pa no bai na e sorto di camindanan robes aki, pero bai na un pastoor of bai na un persona Cristian y hopi spiritual pa e por juda bo y pa e duna bo conseho y spiertamento di e situacion aki. Ora cu bo tende na radio y lesa na prensa di e sorto di servicionan di e bruhonan aki, no core jama y no core bai di biaha, pero bai busca bo informacionnan prome na un persona spiritual di Iglesia, pa bo no cai den e trampanan di e diabel y pa bo no ofende Dios cu bo pikanan di ignorancia. Den bida bo mester tene cuidao cu e sorto di hendenan aki cu ta hinka den satanismo. Hendenan sin fe, ta birando lomba pa Dios y nan ta purba nan suerte cu e bruhonan bisti den cueronan di carne cu diferente nombernan.
Na esnan cu ta bai na e bruhonan, den Bijbel 1 Cor. 10: 21-22 Cristo-Hesus ta adverti: “Bosonan no por bebe for di e copa di Senjor y den mesun tempo ta bebe for di e copa di e demonionan. Bosonan no por participa na e Cena di Senjor y tambe di e demonionan. Acaso boso kier provoca e rabia di Senjor? Of acaso boso ta mas fuerte cun’E?”
Akinan Cristo Hesus ta adverti bo; Bo no por ta un bon Cristian y alaves bo ta bai na e bruhonan. Bo no por ta stima CristoHesus y alaves bo ta bai na e bruhonan. Bo no por ta bai Misa y alaves bo ta bai na e bruhonan. Bo no por ta den grupo di oracion y bo ta bai na e bruhonan.
Tur esaki ta un ofensa grandi y condenabel pa Cristo-Hesus y lo bo hanja bo castigonan eterna den fierno despues di morto.
Den Bijbel Revelacion 21:
6 – 8, apostel Huan ta scirbi: “Y despues Hesus a bisa mi: Ta cumpli, Mi ta Alfa y Omega, e Principio y e Fin. Esun cu triunfa, lo hereda esaki y lo Mi ta Su Dios y el lo ta Mi yiu. Ma e cobardenan, e infielnan, e perversonan, e matadornan di hende, e paranderonan, e hacidornan di bruha, e fornicadornan, e sirbidornan di diosnan falso y tur e sakadornan di mentira, nan lugar lo ta den e tanki di candela y di azufre. Esaki ta e di dos morto.”
Corda bon, unabes cu
bo bay na e bruhonan bo ta keda marka y nan ta sigi bishita bo, nan ta sigi yama bo, nan ta wak na unda bo ta biba y traha y nan ta sigi manda mas demonionan pa bo. E demonionan ta sigi bo tras, te dia bo
wordo posei y bo alma ta bay perdi. Compronde bon, e bruhonan ta gana nan plaka door di e servicionan di e demonionan y e bruhonan tin cu paga e demonionan cu bo alma. Un mensahero di Dios.
GRUPO APOSTOLADO SAN HUDAS TADEO DI PAROKIA BIRGEN DI FATIMA NA DAKOTA TA TENE NOBENA DI 19 DI OCTOBER 2022 TE CU DIA 27 DI OCTOBER 2022. Y FIESTA DI SAN HUDAS TADEO TA DIA 28 DI OCTOBER 2022.
Grupo San Hudas Tadeo di Dakota ta invita tur devoto na San Hudas Tadeo pa asisti sin falta na e Nobena na honor di San Hudas Tadeo - Santo y Abogado di Asuntonan di Desesperacion, cual Nobena lo inicia riba diaranson 19 di october 2022 pa 6 or y 15 p.m. y ta sigui asina te cu diahuebs 27 di october 2021; riba diadomingo 23 di october e nobena lo ta 5 or y 15 p.m. E nobena aki lo tuma luga den Misa Birgen di Fatima. Su Fiesta ta diabierna 28 di ctober 2022.
Pues tur devoto na San Hudas Tadeo y Pueblo di Aruba en general ta keda cordialmente invita pa asisti sin falta na e nobena aki, ya cu Hesus mes ta bisa unda cu tin 2 of mas reuni den Su nomber, ey mes E lo ta memey di nan y presente pa scucha nan oracionnan, cu lo wordo seguramente scucha.
Ta bolbe ripiti cu: Fiesta di San Hudas Tadeo, conhuntamente cu San Simon, lo ser celebra diabierna 28 di october 2022 cu un Santo Sacrificio di Misa Solemne pa 7 or di anochi. Nos kier a enfatisa si cu lo tin un Santo Rosario na nos Reina di Santisimo Rosario, nos Mama Maria, como ta luna di October, pa 6 or y 15 p.m. prome cu e Santo Sacrificio di Misa.
Nos kier a recorda e pueblo di Aruba cu Santonan ta wordo venera y no adora. Ya ta 60 aña caba cu e Nobena, y fiesta na honor di San Hudas Tadeo ta wordo celebra na Parokia di Birgen di Fatima, na Dakota. For di 1962 te cu 1996, esta e prome 35 añanan bao direccion di nos defunto keri sra Tula Pablo y for di 1997 e Nobena, durante cual tambe Triduo a wordo organisa, a sigi bao direccion di e debotonan di nos dushi Santo, esta San Hudas Tadeo. (1962 – 2022 ta 60 aña).
Nos ta desea di reitera: Hesus ta e unico Dios-hende y Mediador di e Aliansa Nobo. Ta ún Dios so tin y ún mediador entre Dios y nos, esta e hende, Hesucristo (1 Timoteo 2,5), pero mas leu nos ta lesa den Efesionan 3, 14-18: "Si, p’esey mi ta dobla mi rudia dilanti di Dios Tata, cu a duna Su comunidad den Cielo y riba tera nan existencia y nomber. Mi ta pidi’E pa Su rikeza glorioso y pa medio di Spirito Santo. E fortalece boso cu poder den profundidad di boso ser. Y mi ta pidi pa Cristo biba den boso curason pa medio di fe, esey sea boso fundeshi. Di e manera ey boso lo ta capaz di compronde, hunto cu tur e fielnan, con largo, hancho halto y profundo e amor di Cristo ta.” Cielo, cu a haya nan santificacion caba, pasobra: "reconoce anto boso picanan y resa uno pa otro pa boso wordo cura. Oracion di hende husto por haci hopi." 1 Timoteo 2,1-2: “Mi ta gradici Dios, Kende mi ta sirbi cu un consenshi limpi., manera mi mayornan a siña mi y mi ta corda riba bo cada momento , di dia y anochi, den mi oracionnan”. Comentario: “Si Dios mes ta contento ora nos ta resa un pa otro, e santonan, cu ta perfecto den amor, sigur mester resa pa nos.”
Na nomber di Grupo San Hudas Tadeo Dakota, Ida Croes, 594 4144
PRONOSTICO DI TEMPO VALIDO TE DIABIERNA 28 DI OKTOBER 2022, 18:00 ORA
TEMPO: AWE ANOCHI: PARCIALMENTE TE TEMPORALMENTE HOPI NUBLA CU UN AWACERO BREVE DEN MARDUGA Y MAYAN: PARCIALMENTE TE HOPI NUBLA CU ALGUN AWACERO BREVE
TEMPERATURA MAXIMO 31 GRADO CELSIUS
TEMPERATURA MINIMO 25 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 32 PA 38 GRADO CELSIUS UV INDEX: 09
BAHADA DI SOLO : 6:15 PM SUBIDA DI SOLO : 6:32 AM.
BIENTO: ZWAK TE MODERA FOR DI DIRECCIONAN ENTRE NOORD TE NOORDWEST; FORSA 2 TE 4 (7 TE 23 KM/ORA, 4 TE 12 NUDO)
TEMPORALMENTE VARIABLE Y ZWAK; FORSA 2 TO 3 (7 TO 19 KM/ORA, 4 TO 10 NUDO).
SITUACION GENERAL DI TEMPO PA PROXIMO 24 ORA: DIFERENCIANAN DI PRECION HOPI ABOU DEN REGION TA PONE CU BIENTO TAMBE LO KEDA ZWAK TE MODERA DURANTE PROXIMO DIANAN.
MAS ALEU POR BISA CU UN DISTURBIO DEN DIFERENTE NIVEL DI ATMOSFERA TA DOMINANDO E TEMPO DEN REGION. ESAKI LO TRECE BASTA HUMEDAD I INESTABILIDAD DEN REGION LOCAL Y TAMBE GENERA BASTA NUBIA. ESAKINAN LO POR PRODUCI PRINCIPALMENTE DEN ORANAN DI ANOCHI LAAT PA MARDUGA ALGUN YOBIDA CU POR BAI ACOMPAñA PA LAMPER CU STRENA. LOCALMENTE AWACERO POR TA MODERA TE FUERTE Y CAUSA CIERTO MOLESTER.
CONDICIONAN
Brandweer 911
Polis 100
Polis Oranjestad 102
Polis San Nicolas 104
Polis Santa Cruz 105
Polis Shaba 107 Tiplijn 11141
Ambulance San Nicolas 584-5050
Ambulance Sasaki 582-5573 Ambulance Wayaca 582-1234
Horacio Oduber Hospital 527-4000
Centro Medico San Nic. 524-8833
SVB AO Ziekmelding 527-2782
Servicio nan
Elmar storingdienst 523-7147
Web storingdienst 525-4600
Setar storingdienst 117 Digicel 145
Reina Beatrix INT Airport 524-2424
Serlimar 584-5080
Arugas 585-1198
Guarda nos costa 913
Aurora Funeral Home 588-6699
Royal Funeral Home 586-4444
Ad Patres Funeral Home 584-2299
The Olive trees Funeral Home 582-0000
Fundacion
Rode Kruis 582-2219
Fada 583-2999
Fundacion Respetami 582-4433
Fundacion Guiami 587-1677
Muhe den dificultad 583-5400
Telefoon pa hubentud 131
Centro Kibrahacha 588-3131
Stichting Bloedbank 587-0002
Joan Fundation 588-9999
"Haci boso
esfuerso
boso pasa
di e porta smal,
E Evangelio ta trece na cla cu nos destino ta depende di e resultadonan di nos encuentro cu Cristo. E ta e medio pa cual nos lo ta salba; e salbacion no ta depende si nos ta conoce Hesus of no. E salbacion ta un regalo ofreci pa nos Señor cu ta desea pa inclui tur hende. E no ta gane ni ta merece, tampoco bo ta logre door di haci hopi esfuerso, sino permiti pa Señor traha y p'E salba nos. Si nos mester acepta e regalo manera un luz cu ta ser poni den un candelaar pa mustra e caminda na otronan. Hopi biaha nos ta demasiado ocupa cu cosnan manera cu ta esey ta e señal mas importante di e presencia di e Reino y di Su poder pa salba e mundo. Hesus ta pidi nos pa concentra pa drenta door di e porta smal. E frase aki a duna origen na tur tipo di spiritualidad negativo, pero loke Hesus ta propone ta pa tuma e Cruz y sigui'E cada dia di nos bida. Ta e cruz ta loke ta trece nos na e alegria y Bida Eterno. Oracion: Señor Hesus mustra nos e caminda con pa pasa door di e porta smal, aunke e ta mustra hopi dificil.
Amen.
De Sociaal Economische Raad van Aruba (SER) is op 24 September 1987, bij landsverordening ingesteld als onafhankelijke College van Advies en bestaat dit jaar dus 35 jaar. Dit 35-jarig jubileum is vorige week uitgebreid gevierd middels een 2-daagse programma op woensdag 19 en op donderdag 20 oktober.
Dag 1 namelijk woensdag 19 oktober, bestond uit een congres in de Aula van de Universiteit van Aruba met als thema “De Dynamiek van Tripartiete Sociaal Dialoog binnen Sociaal Economische Raden”.
Het congres werd bezocht door verschillende hoogwaardige gasten zoals, de waarnemend gouverneur Z.E. dhr. Augustin Vrolijk, de ondervoorzitter van de Staten dhr. Raymond Kamperveen, de Minister-President mw. Evelyn Wever-Croes, de Minister van Economische Zaken, Communicatie en Duurzame Ontwikkeling, dhr. Geoffrey Wever, fractieleiders, vertegenwoordigers van
de Raad van Advies, de Algemene Rekenkamer en van Vertegenwoordiging van Nederland in Oranjestad (VNO), verschillende directeuren van overheidsdiensten alsmede de rector, de decanen en studenten van de Universiteit.
De SER was vooral verguld met de aanwezigheid van haar buitenlandse gasten te weten, vertegenwoordigers van zusterorganisaties zoals, de Algemeen Secretaris van SER-Nederland, de Algemeen Secretaris van SER-Curaçao, de voorzitter en Algemeen Secretaris van SER-ST. Maarten en de Directeur van BrabantAdvies.
Na het welkomstwoord van de voorzitter en de toespraken van de Minister-President en de Minister van Economische Zaken, Communicatie en Duurzame Ontwikkeling werden er inhoudelijke presentaties ten aanzien van het centrale thema van het congres, gegeven door vertegenwoordigers van de verschillende SER’en binnen
het koninkrijk. De Algemeen Secretaris van SER-Nederland mw. Jacqueline Prins sprak over het ontstaan, de werkwijze en de ontwikkeling van SER-Nederland binnen het Nederlandse poldermodel en overlegeconomie, de Algemeen Secretaris van SERCuraçao, dhr. Raul Henriquez, ging in op de rol die sociaal dialoog, in geïnstitutionaliseerde vorm, speelt in het behalen van de duurzame ontwikkelingsdoelen van de Verenigde Naties en hoe SER-Curaçao daar invulling aangeeft, de voorzitter van SER-ST. Maarten, dhr. Damian Richardson, gaf een uiteenzetting over de historie en ontwikkeling van sociaal L.G. Smith Boulevard, 134 Oranjestad Aruba Telefoon
: (297) 5832713
: Fax: (297) 5838956
: E Mail: info@ser.aw Homepage:
www. ser.aw dialoog bij SER-St. Maarten alsmede de uitdagingen die het adviesorgaan mee te maken kreeg aan het begin van diens oprichting/instelling. Als keynote speaker heeft de Directeur van Brabantadvies, mw. Ivka Orbon, het gehad over de werkwijze, de voordelen en de uitdagingen van de uniek structuur van sociaal dialoog van en tussen 4 adviesraden onder 1 dak.
Dag 2 namelijk donderdag 20 oktober, stond in het teken van een secretarieel (ambtelijk) overleg tussen de vertegenwoordigers van de verschillende aanwezige Sociaal Economische Raden binnen het koninkrijk alsmede BrabantAdvies. Hier werden er afspraken gemaakt over verder uitdieping van de samenwerkingsrelatie, werd er gediscussieerd over actuele sociaaleconomische onderwerpen en werden er kennis en ervaringen uitgewisseld over werkgerelateerde ‘best practices’ en aanpak.
Diabierna dia 28 di oktober 2022 ta fiesta di San Hudas Thadeo, “E SANTO DI ESPERANSA”, Patrono di esnan desespera i di casonan dificil. E anja aki ta di 39 anja cu e debocion na San Hudas Thadeo a wordo re-activa den parokia Inmaculada Concepcion.
Pa 6.00 p.m. nos ta resa e Santo Rosario na honor di Mama Maria pa bendicion pa nos dushi Aruba, pa mundo henter cu ta pasando den un crisis financiero i pa crecemento di fe, combercion di pecadornan i paz mundial.
Pa 7.00 p.m. ta sigui un Santo Sacrificio di Misa como accion di gracia pa tur fabornan risibi i ta wordo canta pa koor Vlam di Amor. E dia aki ta un bunita oportunidad pa tur esnan cu a haya sanacion i judansa den nan necesidad pa gradici Dios na prome lugar i San Hudas Thadeo pa Su intercesion.
Pastoor Jairo Maduro, Pader Jose Navas i Grupo di Oracion San Hudas Thadeo Santa Cruz ta invita cordialmente tur deboto di Mama Maria i San Hudas Thadeo, tur gruponan di oracion di Santa Cruz i pueblo di Aruba en general pa asisti na e Santa Eucarestia. Asina nos por manifesta nos Fe den Dios i Comunion di Santonan. Bini uno, bini tur.
Partido AVP ta pasando den su peor momentonan, despues di nan elocuente regreso na 2009. E partido ta internamente kibra y na werki.
Campañadornan ta demotiva y sin ningun confiansa mas den liderasgo di Mike Eman. Trahadornan di cas di partido na Playa ta desapunta den e trato cu nan a ricibi di Mike.
Hopi hende ta mira cu e partido ta den un spiral, bayendo abao. Tur loke nan papia, ta sali lo contrario. Tur loke nan desea, ta sali otro. Tur loke nan segun ta berdad, ta resulta mentira. Nan tin dos radio rochelista cu ta lastra henter Aruba, cu tambe ta laga su sabor amargo atras cu consequencia pe partido.
Awor cu tin caso den corte,
pueblo henter ta comproba kico ta nepotismo, kico ta friends y kico ta family.
E campañadornan chikito mester a hala garochi pe cabaynan manera Leoncita strika placa. Hunto cune Patrick Paskel cu a probecha di e partido.
E disco raya di critica Famia Croes, Hendrik Croes, Guisette Croes, etc.etc no ta traha mas pa partido AVP. E instigacion contra Famia Croes no ta duna resultado mas manera na aña 2009.
Un campañador fiel a comenta, cu e partido ta na werki. Ni un bingo nan por a organisa, pasobra ningun hende kier bende bingo. Nan no por pone ningun evento riba pia, pasobra ta Astrid so ta presenta pa bay live, pa mustra con pober e evento
ta.
Nan a purba lanta pueblo 4 siman pasa pa bay VNO, y a yega 9 persona!
E confiansa cu Partido AVP por haci algo pa Aruba a bay perdi, y e credibilidad di Mike Eman a kibra na pida pida ora el'a bay welga di hamber, siguiendo conseho di Patrick Paskel cu e strategista international cu a pusha nan pa bay welga di hamber.
Awendia, Evelyn no a bay welga di hamber y tampoco a haya aanwijzing.
E hecho cu Mike a brasa corupcion y tene Benny riba lista y den parlamento ta e toppunt pa hopi votador. Ex politico y lider interino di AVP, Sr.
Eddie Croes a taha nan pa laga Benny afor y lage bay limpia su nomber. Mike no kier a tende y a forsa tur cu tur pa pone Benny riba lista, perhudicando un polis, cu a keda afor, pa un corupto drenta parlamento.
E politiconan bieuw di
AVP ta e clabo riba e caha, ningun hende tin confiansa den ningun di nan. Encuestanan recien haci ta mustra tambe bon cla: UN AVP cu ta bay perde otro dos asiento pa tres, pasobra e mancha di corupcion ta pega riba nan frenta.
Dos sospechoso di cendemento di candela riba Parkietenbos a parece recientemente dilanti fiscal di husticia den un TOM-zitting. Riba 18 di januari di e aña
aki tabatin un candela riba dump, cu despues a resulta di a wordo cendi. E sospechosonan a bay de acuerdo cu e proposicion di fiscal 120 ora di trabao pa comunidad y dos aña
di tempo di prueba.
Minister di integridad, transporte y naturaleza a haci denuncia na januari
2022 di e cendemento aki di candela riba dump. Polis a cuminza un investigacion, loke a hiba na e dos sospechosonan
en cuestion. Considerando cu nan a admiti y tabata first offenders, Ministerio Publico a ofrece nan un TOM.
Casa, yiu, nietonan y ruman ta gradici tur esnan cu di un of otro manera a duna muestra di cariño y sosten durante enfermedad, fayecimento y entiero di nos difunto stima:
Boso atencion y presencia tabata un gran consuelo pa nos.
Alabes nos ta invita pa asisti na 3 Santo Sacrificio di misa na Misa Birgen di Fatima na Dakota dianan: Diabierna 28 oktober 2022 pa 7’or di anochi Diadomingo 30 oktober 2022 pa 6’or di atardi Diaranson 2 november 2022 pa 7’or di anochi
Cu Cachi sosega na paz.
“Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”.
Salmo: 23
Nos ta anuncia fayecimento di:
Francisco Eustaquio
*20-09-1936 - †23-10-2022
Acto di entiero lo wordo anuncia despues.
Reverendo Pastoor Jozef Pelc y Reverendo Diacono sr Michael Nicolaas, hunto cu grupo di debotonan di San Martin de Porres di Parokia Birgen di Fatima Dakota, ta invita tur demas deboto, parokiano y pueblo di Aruba en general pa asisti na un Tridium na honor di San Martin de Porres cuminsando dialuna 31 di October pa 6’or atardi, diamars 1 november pa 6’or y diaranson 2 november pa 6’or atardi.
Tur 3 dia despues di Rosario y oracion ta sigi S.S. di Misa. Diamars pa tur Santo y diaranson misa na spaño pa tur defunto. Por fabor tene na cuenta cu e S.S. di misa di diamars 1 y diaranson 2 mainta ta sigi manera custumber cuminsando cu Santo Rosario pa 7.20 am . Diahuebs 3 november Fiesta di San Martin de Porres nos ta resa Santo Rosario pa 7.20 sigi pa S.S. di misa Solem pa 8’or mainta. Durante e S.S. di misa aki trahadornan boluntario di Asistencia Social Dakota lo consagra na San Martin de Porres pa di e forma aki San Martin bira Patrono di Asistencia Social Dakota cu lo haña e nomber: Asistencia Social San Martin de Porres Parokia di Dakota.
San Martin “Tata di pobernan” abo cu ta dokter di medicina natural, cura tur enfermo na alma y curpa. Amen.
Di mucha Polaco pa Santo Universal
Di mucha Karol a sufri masha hopi mes ora prome cu el a haci nuebe aña su mama stima a bay lag’e. Y su ruman homber Mundek, e dokter hoben, despues tambe a fayece.
Di hoben un gran deportista e tabata den su estudio el a profundisa y diferente idioma el a sa di domina. Ta na Dios el a dedica su mes, a skirbi poema y hunga rolnan teatral.
Di adulto Karol tabata un ser agradabel, hopi activo y c’un forsa religioso asombroso. El a sa di biba den un pobresa grandi, a pasa den miedo teribel ora cu casi 21 a yega cas fe trabou y su tata ya a bay sosega.
Como Polaco den un pais totalitario oprimi cu no conoce democracia, scondi el a bay seminario clandestino. Ay si e Alemannan a gar’e, morto sigur e lo tabata den un campo di concentracion.
Como Santo el a wordo proclama, rond mundo su milagernan a bira conoci y un gran amor pa hobennan e tabatin Santo stima, Aruba tambe ta honra B’awe c’un Caya na Dakota y na T.L. … un Parokia
Como pueblo, nos lo recorda Bo semper Ora nos pasa dilant’i nos Pro-Catedral y admira e busto magestral dje escultor Abath
rondo di dje, e plenchi di e misa c’a hay’e nomber di “Plaza San Juan Pablo II”
Totus Tuus, Maria!
Marva J. Solagnier-Marquez
Cariñosamente yama Gustin, pa su nietonan stima Papu Y pa su yiunan Pa
Pa medio di e nota aki, yiunan y nietonan di Papa Gustin / Papu kier a gradici tur esnan cu na un manera of otro a brinda sosten, consuelo y palabranan (mensahenan) di forsa na nos famia durante e temponan dificil aki cu partida di nos defunto stima. Alabes nos kier a tuma e oportunidad aki pa gradici personal di hospital cu a yuda nos cuid’e den e dianan dificil na final. Nos aprecio pa tur asistencia.
Na tur cu na un of otro forma a ofrece atencion, cancionannan dedica durante momentonan dificil y di despedida den misa di nos defunto stima Gustin y tur cu a manda krans cu mensahe di atencion na nos famia, masha danki!
Nos ta tuma e oportunidad aki pa haci un invitacion pa 3 Santo Sacrificio di Misa na misa Inmaculada Concepcion na Sta. Cruz:
Diasabra 29 di october pa 7or di anochi y Dialuna 31 di october pa 7or di anochi.
Cu Dios por duna Papa/Papu Gustin un bunita lugar den su Reino y cu e por drumi dushi riba awanan trankil di lama. Papa/ Papu bo luz di e faro cu bo ta den nos bida, lo keda cendi semper den nos curason!
Diahuebs 27 di october, Minister Ursell Arends a reuni cu trahadonan di Serlimar y sindicato SEPPA encuanto e trayecto di rescate di Serlimar SG. E trahadonan a vocifera nan preocupacion pa cu nan futuro despues cu sera Dump Parkietenbos na fin di aña.
Gerencia y voorzitter di Raad van Toezicht a presenta e situacion actual di Serlimar unda nan a remarca cu Serlimar ta riba e bon caminda, bahando gasto y subiendo entrada. E meta ta pa haci Serlimar financieramente sostenibel, cubri gastonan operacional sin depende riba fondo di gobierno.
Ministerio TINO tambe a trece puntonan di atencion dilanti unda a presenta e trayecto di Serlimar pa asina pone e situacion cu e compania ta actualmente aden den perspectiva, a menciona entre otro metemento politico, good corporate governance cual ta factornan importante ora ta papia di Serlimar su pasado y esfuersonan actual cu mester hasi pa e por tin un futuro.
Minister Arends ta mira Serlimar como un prioridad, pa e motibo ey ta enfoka riba e cambionan interno pa hisa e rendabilidad di e compania riba e tereno di recogimento di desperdicio. E futuro di compania ta depende di cooperacion y esfuerso conhunto entre sindicato, trahadonan, gerencia y gobierno. Esaki ta mustra di ta riba bon caminda.
E mandatario a indica di ta contento principalmente Coördinatie Centrum Mensenhandel Mensensmokkel Aruba (CMMA) y Ketenmanager Venezuela (KMVEN) a traha e pakete educacional como parti di e programa di conscientisacion ‘Habri
bo wowo’. Si scolnan den educacion secundario por duna e pakete minimal un biaha den e añanan cu e studiantenan ta cerca nan, nos por tin confiansa cu tur studiantenan den edad di 12-18 aña tin e conocemento basico pa reconoce traficacion di
hende, pa proteha nan mes contra traficacion di hende y con nan por haya ayudo pa nan mes of otronan. Minister Endy Croes ta gradici e scolnan cu ta forma parti di e proyecto piloto y lo bai uza e pakete educacional.
En conexion cu dia Nacional contra Traficacion di Hende, Minister Endy Croes hunto cu Prome Minister Evelyn Wever - Croes a presencia lansamento di e pakete educacional tocante Traficacion y Contrabanda di Hende, “Lespakket Mensensmokkel Mensenhandel”. E ta un pakete special pa studiantenan di scol secundario entre 12 pa 18 aña cu ta duna informacion tocante traficacion y contrabanda di hende. Ta importante pa hobennan ta alerta pa señalnan di posibel traficacion y/of contrabanda di hende sea pa nan mes of esnan cerca di nan tanto na Aruba como den exterior. E “lespakket” ta un prome paso den crea mas conscientisacion cerca nos hoben studiantenan. Haciendo uzo di e
informacion inclui den e pakete, lo stimula debatenan sano riba e topico aki y asina crea e conocemento necesario pa atende cu e problematica, den un ambiente educativo. E pakete educacional cu a wordo presenta no solamente dirigi pa studiantenan di e educacion secundario, pero tambe dirigi pa e docentenan y trahador/ coordinador social.
E campaña ta pa conscientisa e pueblo di Aruba tocante e problematica aki, cu ta tuma luga na Aruba tambe.
Durante lansamento sra. Jeannette Richardson y Minister President a hiba un discurso. Minster Endy Croes a hiba palabra den nomber di colega Minister Rocco Tjon, kende tabata den exterior pa trabou.
TRAFICACION Y CONTRABANDA DI HENDE
Ta conoci cu na Aruba e asina yama ‘Red Tapes’ o burocracia cu ta tarda e proceso pa un persona yega na remarke pa por ehempel permiso di negoshi ta na ordo di dia. Esaki porfin a bin ta conoce un cambio. Ayera, diaranson 26 october 2022, den un encuentro publico na parlamento, e titular riba e cartera economico Minister Geoffrey Wever a duna di conoce e avancenan cu lo wordo logra den e ramo aki. Nos tur ta na altura cu tin hopi rapport cu a wordo skirbi ariba e estorbonan aki. Pa haya permiso ta tarda, bo tin di bay yen di caminda, y tin di entrega cantidad di papel. Esaki lo ta musica di pasado, segun parlamento a compronde den reunion cu a hiba cu minister Wever. Mirando cu tin un cantidad di peticionnan haci pa trece e cambionan aki, e a bira meta di minister Wever pa cumpli cu esaki.
E meta di e maneho di Minister di Economia ta pa stimula mas empresarionan local y internacional pa inverti den Aruba. Y pa por logra esey tin di atende cu e caudronan legal pa logra e meta. Esey ta nifica,
elimina ‘red tapes’ brinda mas actividad economico, crea mas espacio pa inversion, cupo di trabou y entrada pa caha di gobierno. Como punto di salida gobierno a scoge pa duna prioridad na inversionnan cu ta yuda na diversifica economia Arubano. Stimula e inversionnan cu ta resalta den e ‘six promising sectors’ manera ta para den rapport Repositioning Our Sails. Pero tambe incorpora e principio di sostenibilidad den e proceso. Importante pa nota ta cu inversion den centro di ciudad na playa y San Nicolas ta prioridad di gobierno. Esey ta nifica cu kier mira y lo haci pa logra haya economia crece bek den e centronan.
Digitalisacion lo ta e ingrediente principal pa logra e meta aki. Si bo no digitalisa bo no lo logra kita ‘red tapes’ asina facil. Como ehempel, awendia bo tin di bay na KVK, Censo y DEZHI esta tres lugar diferente pa bo logra establece bo negoshi. Pero esaki lo conoce un cambio, unda cu DEZHI mes cu permiso di e comerciante ta percura pa haci tur e procesonan y papeleo aki di un forma digital. Esaki lo percura
pa un mihor servicio y corta e tempo di espera y di bay yen caminda pa e cliente. E cliente lo por haci su peticion den forma digital, y wordo notifica na un forma digital ora cu su peticion a ser atendi y asina cu e ta cla e lo ricibi esaki digitalmente pa por print e pa su mes. Di otro palabra di comienso te final, e proceso lo cana digitalmente, sin cu bo mester ta físicamente presente na un of otro departamento si como cliente bo ta desea esaki. DEZHI mes tambe, pa loke ta trata finalisa e vestiggingsvergunning
lo baha nan tempo pa tramita esaki na un cantidad di no mas cu 10 dia di trabou.
Nos ta mira e desaroyo aki como uno sumamente positivo y nos ta kere cu e lo benificia e comerciante di hopi manera. Nos ta spera cu e lo por nifica cu mas comerciante lo haya interés pa sea legalisa nan negoshinan si e no ta ainda o lcuminsa cu un negoshi nobo usando e plataforma digital cu ta wordo presenta pa gobierno di Aruba.
pais practicamente bancarota den un mega debe. Banda di esaki nos lider y prome minister a haye confronta cu e crisis di frontera entre Venezuela y Aruba. Danki na tur esaki pueblo a haci Partido MEP e
Partido mas grandi den elleccion di 2021 y duna Evelyne Wever Croes mastanto voto den e ultimo elleccion. Actualmente Aruba ta floreciendo un biaha mas, comercio a conoce un cresemento, nos
turismo a surpasa tur expectativa y ta premira cu e lo surpasa nivelnan di aña 2019. Nos hendenan tin trabou, nos tin un gobernacion stabiel y e recuperacion ta wordo sinti den tur hogar.
Ami Minister Dangui Oduber di Partido MEP ta sumamente orguyoso di su Lider cu a demostra cu e por a lidera partido y pais den bon tempo y den tempo dificil.
Henter Conseho di Partido MEP a demostra confiansa den su Lider cual
diadomingo un biaha mas ta keda proclama como e lider di e Partido y e lider pa e siguiente gobernacion. Nos Prome Minister sra. Evelyne Wever Croes a demostra di ta un lider cu por goberna Aruba den lamanan bruto. Un lider cu semper a traha cu determinacion, vision y amor pa su patria.
E la lidera nos pais den e peor crisis den Aruba su historia ocaciona pa e pandemia di COVID-19. Aruba a haya su mes den un crisis financiero caminda nos fronteranan tabata cera, no tabata tin turista, beachnan tabata bashi, hendenan no tabata tin entrada. Nos prome minister y lider a no a dobla pero a enfrenta e situacion, negosha y yega na un acuerdo cu Hulanda pa remedia e situacion.
Prome cu e pandemia Aruba tabata bayendo pa un surplus den su presupuesto di aña 2020. Nuin hende por a kere cu esaki tabata posibel despues cu a hereda un
den e Vestigingsbeleid 2022, cual ta:
Reduccion di “red-tape” door di elimina rekisito pidi y cu permiso di cliente consulta Censo y KvK pa informacion necesario; Digitalisacion completo di e servicio unda e cliente por “track” e proceso di peticion di permiso y download su permiso;
asina bahando e cost of doing business; y introduccion pa prome biaha di principionan di sostenibilidad den e maneho di permiso.
Entrante 1 october
2022 e maneho nobo di permiso di negoshi “Vestigingsbeleid 2022” a drenta na vigor. E maneho nobo ta modernisa y completamente digitalisa brindando un miho servicio na e clientenan, eliminando red-tape y aportando na desaroyo economico di Aruba.
Diahuebs 26 october
Minister Wever tabata den Parlamento di Aruba pa presenta e Vestigingsbeleid 2022 y contesta preguntanan cu por tin tocante esaki.
Minister Wever a elabora riba e cambionan principal
Ampliacion di categoria di persona cu no mester pidi un permiso mas incluyendo tambe persona no naci na Aruba, di cual un di su mayornan ta naci na Aruba y tin nacionalidad Hulandes y persona no naci na Aruba, cu ta casa of tin un geregistreerd partnerschap cu un local y cu tin un verklaring van rechtswege; Estimulo di inversion den centro di Oranjestad y San Nicolas convertiendo e centronan aki den centro di vivienda, negoshi, gastronomia y cultura; Stimula diversificacion di Aruba su economia atraves di e “six promising sectors”; Posibilidad pa companianan chikito pa establece den nan cas (zona residencial)
E reunion cu Parlamento di Aruba tabata uno fructifero. Parlamentarionan a haci pregunta riba entre otro eliminacion di red-tape, sistema digital, one-stopshop, clima di inversion y termino di procesa peticion.
“Mi ta contento cu e oportunidad brinda door di Parlamento di Aruba pa presenta e Vestigingsbeleid 2022 y mi kier subraya cu e modernisacion di e maneho di permiso di negoshi ta un condicion necesario pa progreso economico di Aruba cual lo beneficia henter pueblo di Aruba door di stimula mas negoshi pa habri na Aruba y asina crece Aruba su economia y crea inversion, cuponan di trabou nobo, “spin-off” economico y aumento di entrada pa caha di gobierno”, Minister Wever ta comenta.
: Siman pasa riba invitacion di mandatario di Deporte, sr. Kurt Johnson di Total Venue Concepts; un profesional den preparacion di pista di “drag racing” na Merca tabata cuater dia na Aruba. Sr. Johnson den su carera a atende cu hopi pista di drag race rond mundo y tin conocemento y experticio amplio pa evalua, midi, bora, analisa pista y duna un rapport final. Sr. Johnson a bishita e pista di Palo Marga hunto cu miembro di ABM y representante di Ministerio di Deporte unda a analisa kico tur tin cu wordo haci pa e pista por wordo certifica. Sr. Johnson a reuni cu e mandatario di Deporte unda e la duna presentacion preliminar
di e rapport. Durante su estadia sr. Johnson a reuni cu companianan na Aruba cu tin ekiponan cu por ehecuta e trabou asina cu tin e fondonan disponibel. E rapport final ta wordo entrega e siman aki na Ministerio di Deporte. Finalisando Minister Endy Croes a expresa cu ohala pronto e pista por wordo drecha y aproba pa instancianan internacional.
Pa e coredonan di drag race por tin un pista cu ta cuadra cu tur specificacionnan di IHRA y NHRA pa caredanan internacional y nacional por tuma luga riba pista di International Raceway Park Palo Marga na un manera mas safe posibel.
