DIABIERNA 14 MAI 2021

12 caso nobo, total 104 morto Diabierna 14 Mei 2021

Solo di Pueblo

Aña 16 - edicion 393

E-mail: solodipueblo@gmail.com

Prijs: Afl. 1.75

Den Fundacion di Benny, “Curason Berde” tabata laba e placa di negoshi tereno PARLAMENTO A DEBATI:

Con e control por a faya asina tanto den RdA? Hopi daño material despues di accidente fuerte na Palm Beach

Maneho testmento na airport pa residente

SI BO TA VACUNA, NO MESTER HASI TEST NA AIRPORT DI ARUBA MAS

2

Diabierna 14 Mei 2021

12 caso nobo, total 104 morto

Segun resumen di diahuebs, 15 persona a recupera, a registra un total di 12 caso nobo di Covid-19, di cual 2 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 512 test. 'Positivity rate' entre nos residentenan ta 12 %.

Casonan activo pa awe ta 94, cantidad di fayecido relaciona cu Covid-19 ta 104.

Hospital ta informa cu tin un total di 16 persona interna di cual 3 ta den Cuido Intensivo y 13 riba unidad general di covid.

OFICINA DI TURISMO TA INFORMA:

HEALTH & HAPPINESS CODE TA SIGUI PROMOVE RIBA NIVEL INTERNACIONAL COMO TAMBE LOCAL INSCRIBI AWO PA TA PARTI DI E PROMOCION! A.T.A. conhuntamente cu Departamento di Salud Publico (D.V.G.) y Ministerio di Salubridad a lansa e programa di Aruba Health and Happiness Code (HH Code) cu e meta pa sigura cu protocolnan di higiena y salud ta na un nivel cu nos bishitantenan ta spera ora di bishita un destinacion turistico manera Aruba.

E programa aki ta den linea cu locual e.o. organisacion mundial di salud (W.H.O. -World Health Organization) ta para p’e. E programa aki ta importante pa nos comunidad y nos bishitantenan por sinti nan sigur.

Ademas e ta fungi como un medio di promocion pa e establecimentonan concerni y un punto di reconocemento pa e turista.

Oficina di Turismo ta gradici tur esnan cu ta participa den e programa pa nan esfuerso continuo

y pa mantene nan mes na tur protocolnan estableci pa e departamentonan concerni.

Durante e ultimo dos luna, A.T.A. a sigui promove e HH Code riba nivel internacional como tambe local pa asina crea consciencia pa nos comunidad y nos bishitantenan ta na haltura di esnan cu a ricibi nan certificado ta cumpliendo cu tur protocol.

Segun e medidanan ta adoptando na e normal nobo, HH Code ta informa cu nan ta sigui enfoca riba Aruba como un destinacion sigur pa bishita mientras cu e bishitantenan ta ricibi e balor desea pa nan placa.

Como parti di e siguiente fase, HH Code hunto cu su participantenan a forma un miho vinculo pa asina yuda promove y fortalece e negoshinan participante. Esaki ta obtenibel pa medio di e website y nan ta como lo siguiente: E

prome

paso

ta

pa

pone ‘mas wowo’ riba bo negoshi y pa esaki e programa di HH Code ta brinda e participante e oportunidad pa medio di aruba.com haya un pagina online. E pagina ta promove su negoshi gratis cu informacion di kico e participante su negoshi ta encera etc. Dependiendo di e tipo di negoshi, e pagina su detayenan lo wordo categoriza bao ‘Things to Do’ of ‘Plan Your Visit’. Tur participante cu ta desea pa haya un pagina riba aruba.com

mester yena e formulario completo prome cu dia 16 di mei 2021. Su aplicacion ta wordo revisa door di e ekipo di HH Code y djey e ta wordo publica riba aruba.com.

Tambe ta wordo distribui un foyeto cu informacion exlusivo di e participantenan di e HH Code. E foyeto aki ta wordo comparti online internacionalmente pa medio di Oficina di Turismo su mercadeo y su agencia/socionan.

Ademas A.T.A. ta crea seminarionan online y exclusivamente pa esnan cu ta participa cu e HH Code. E seminarionan cortico ta duna e participante e tools con pa revitalisa y agrega na e balor existente di nan negoshi.

Pa mas informacion of cuelkier prgunta por acudi online na healthcode@ aruba.com

3

Diabierna 14 Mei 2021

Den Fundacion di Benny, “Curason Berde” tabata laba e placa di negoshi tereno Segun fuentenan bon na altura, Benny Sevinger tin un fundacion cu yama “curason berde”.

Presidente di e stichting aki ta Freddy Every.

Freddy Every ta e mes persona cu tabata hefe di oficina di Benny, y ta esun cu actualmente ta cera pa caso Avestruz.

SOLO por compronde cu masha hopi placa a wordo laba den e fundacion aki. Placanan di benta di tereno, aparentemente tabata core via e fundacion.

Via e fundacion aki aparentemente, tabata paga recibo di Elmar

di cas di partido Avp y tambe e cas di Mike Eman.

Pues e fundacion aki tambe ta bao investigacion unda e presidente Freddy Every mester duna cuenta awor, di unda el’a haya tanto placa na sponser.

Ta trata di sumanan gigante, cu fiscalnan a keda wowo hancho habri.

E fundacion ta registra oficialmente den Camara di Comercio, como fundacion personal di Benny Sevinger

PARLAMENTO AWE A DEBATI:

Con e control por a faya asina tanto den RdA? Prome Minister Evelyn Wever-Croes den Parlamento a splica con e historia di RdA tabata y e falta di control cu tabata tin.

RdA ta un compania cu a wordo lanta dia 30 di september 2016.

E directiva e tempo ey, y hunta di comisario e tempo ey y e minister e tempo ey no kier a registra e nomber di e comisarionan cu mester a supervisa e compania pa Gobierno. Esaki ya caba e compania a cuminsa cu mal pia. Dicon sconde ken ta den hunta di comisario?

Prome biaha cu e miembronan di e hunta di comisario a wordo registra tabata dia Prome Minister sra.

Evelyn Wever - Croes a tuma over e cartera y a cambia e hunta di comisario.

E ‘fiestanan’ a caba na momento cu a pone

personanan capas na cabes di supervision di e compania. Cada un di e miembronan nobo a haya un map di e compania cu documentonan di e reunionan cu a tuma luga di e hunta y shareholders (4 reunion solamente), sinembargo realidad ta cu tabatin hopi mas reunion a tuma lugar. Dicon a sconde esakinan tambe?

Hasta na momento di traspaso di un hunta pa e otro, e directiva di RdA a nenga di duna e hunta nobo tur documento cu tabata necesario na e memento ey pa nan haci nan trabou.

Aki por a mira cu tabatin scondemento di informacion.

E hunta tabata consisti di e comisarionan cu ex minister Mike de Meza a nombra. E personanan aki ta esnan mas responsabel

pa tur locual cu a tuma lugar den e compania, pasobra nan no a haci nan trabou manera cu mester a hacie. Esaki ta conta pa e Minister en cuestion cu tampoco a traspasa e informacion manera debe ser na actual Prome Minister.

Durante e investigacion forensico a bai

cu computernan.

Computernan cu un persona cu ta traha na RdA a delete tur files, of asina el’a kere! Pero investigadornan a logra a traves di hard drive, di computer di director di e compania, pa haya mas documento den cual por mira cu ex Minister sr. Mike de Meza tabata encabesa varios di e

reunionnan “secreto” nan aki.

E scondemento di informacion, e falta di transparencia y hasta sospecho di falsificacion di documento, a wordo investiga y lo sigi wordo investiga. Y talves esaki lo pone cu ex minister Mike de Mesa tambe por wordo marca como sospechoso.

4

Diabierna 14 Mei 2021

Hopi daño material despues di accidente fuerte na Palm Beach

L.G.Smith Boulevard Diaranson anochi algo pasa di 9'or polis a bay un accidente na e crusada di Palm Beach Plaza.

Un di e autonan tawata un v-car.

Na yegada polis a topa cu e v-car Suzuki y un auto Honda hr-v.

Na e sitio nos a compronde cu e v-car lo no a duna preferencia

na e Honda, e dama chauffeur di e Honda no por a evita e choke.

Ambulance a wordo pidi pa e dama local cu ta chauffeur di e Honda, mirando cu e lo tawata sinti dolor na su brasa.

Na yegada di Ambulance e Paramediconan a atende e dama na e sitio mes.

Daño material considerabel.

ta

Korte a selebrá Diana i Mygalda Dia 16 di mart Adriana Jansen – Poulo, mihó konosí komo Diana, a kumpli 30 aña ku e ta laborando na Korte. Pa motibunan imprevisto, no por a selebrá esaki riba e fecha menshoná. Awe tabata e dia ku a para ketu riba e gran logro di Diana.

Tambe kolega Mygalda Margaretha tabata den spòtlait, selebrando su di 40 aniversario na Korte.

Dos kolega ku den transkurso di añanan a sa di traha ku hopi amor i dedikashon, awe a para ketu riba nan karera, sin lubidá algun anékdota ku pa semper lo keda grabá den nan memoria.

Pabien Diana, hopi éksito i sigui dal bai ku e bon trabou!

Mygalda, pabien i pronto un kapítulo nobo lo kuminsá den bo bida!

Masha danki pa tur kos!

5

Diabierna 14 Mei 2021

Parlamentario drs. Shailiny Tromp-Lee (MEP): Mester bin sancion y consecuencia drastico pa esnan cu no a cumpli cu Corporate Governance Code den RDA Corporate Governance no mester ta simplemente un palabra. E mester ta sinonimo na den practica aplicacion di bon gobernacion, un control debido y cu un kader di consecuencia bon y pre-defini. E ultimo aki lastimamente den practica ainda no ta un realidad. Sigur despues di a lesa e rapport di RDA y tur loke nos sa caba cu a pasa den entre otro Utilities y proyectonan di Bo Bario.

Un bon maneho mester percura pa regla e relacion entre esun of esnan cu ta maneha, e comisariado y mas cu claro cu e aandeelhouders/ doñonan. Pa stipula un norma di kico basicamente y minimalmente mester ta regla y cabalmente mester keda cumpli cu ne a keda crea loke nos ta yama asina bunita e Corporate Governance Code. Un codigo cu mester contribui na crea sabiduria den maneho y mas cu tur cos mester forma e compas moral den loke ta trata maneho di un organisacion, negoshi of un pais.

Den transcurso di tempo e codigo aki tambe a sigui desaroya, a keda ahusta y amplia. Awendia ora nos ta papia di bon

gobernacion ta referi hopi biaha na decencia, responsabilidad, integridad y sostenibilidad.

Corporate Governance Code no ta sin mas a keda crea. E ta di suma importancia pa e keda aplica pa nos por a preveni mal maneho, enrikecemento personal, malgastamento di placa di pueblo, abuso di poder y asina mi por sigui menciona. Mas cu tur cos cu aplicacion di e codigo nos mester subraya cu no ta tolera comportacion inapropia y indiferente.

Cu e rapport di RDA nos ta constata cu den practica no obstante e exsistencia di un Corporate Governance Code of maneho basa ariba e pilarnan di bon gobernacion, trasparencia etc..

E codigo, den e caso aki di un compania estatal por keda experiencia manera un retorica sin compromiso of un habladera socialmente deseabel. Pesey mes mi ta di opinion y ta vocifera cu nos no ta logra cu solamente accion concreto pa haci mal maneho visibel y elimina esaki, pero mester bin sancion y consecuencia drastico pa ora ta kibra e codigo.

E rapport di RDA a keda

entrega na Ministerio Publico y nan a anuncia cu nan a inicia cu un ‘oriënterend onderzoek’.

Como representante di pueblo mi ta spera enberdad cu nan investigacionnan lo conduci na caso(nan) penal pa responsabilisa esnan cu a ehecuta, tolera y deha di controla tur e actonan cu ta keda menciona den e rapport.

Ta trata di gastonan sin aprobacion di Raad van Commissarissen, consultant cu autoridad di firma, gastonan no hustifica y mal administra, compania di floresteria cu ta duna servicio di security, compania di mercadeo cu ta fungi manera un uitzendbureau, sumanan cuantioso ta keda paga pa mercadeo sin tin un contract y basa riba palabracionnan verbal, no ta controla factura, cantidad di ora y ni calidad di trabou, computer y iPad cu ta keda haci limpi pa sconde informacion y asina nos por sigui menciona.

Adicionalmente desde un principio algun trahadornan di RDA no a coopera cu e investigacion y pa es motibo aki mes mi a haci e pregunta kico, internamente, mes lo haci cu e personanan

aki. Minister President a informa Parlamento cu tin 3 otro rapport ariba cual decision ta bay keda tuma pa loke ta trata e trahadornan akiriba menciona.

Cada biaha nos ta keda asombra di kico tur a tuma lugar bou di Gabinete Mike Eman I y II. Prueba tras di prueba di mal gobernacion, corupcion y falta di integridad. Dia 25 di juni venidero Pueblo mester realisa cu MEP ta e partido cu a demostra seriedad, integridad y a goberna na un manera responsabel.

Pueblo mester vota consciente y vota pa stabilidad, experiencia y conocemento. No ta momento pa experimenta ni pa aventura.

Avestrus E siman aki Landsrecherche a detene e homber F.E. aangehouden como sospechoso den caso Avestrus. Desde inicio di e caso ocho sospechoso a keda deteni, di cual tres persona ta sigui den detencion, esta M.L.A., F.F.A. y P.T.A.S.

6

Diabierna 14 Mei 2021

Anticipando riba e cambio di ley den e Lista Positivo, AZV ta informa cu ta mantene den practica e Lista Positivo cu tabata valido riba 31 di januari 2021 Manera ya tabata conoci, entrante 1 di april 2021 a bay na vigor e cambio di ley den e Lista Positivo, esta e lista di remedi cu ta wordo cubri via AZV. Esaki den cuadro di e instruccion di gobierno di Aruba y Hulanda pa AZV cumpli cu e reduccion di gastonan den sector di cuido.

Entre tanto a tuma accion pa prepara esaki y anticipando riba e

cambio di ley pa bay bek na e situacion anterior, ta mantene e Lista Positivo manera cu esaki tabata riba 31 di januari 2021.

Kico e ta nifica pa e asegurado?

Esaki ta nifica cu entrante 1 di mei bo persona no ta wordo confronta mas cu e informacion cu lo mester paga pa remedi por ehempel pa motibo cu esaki a bira

un categoria di ‘Cuido Propio’ of “OTC” (Over The Counter). Tur remedi lo bo ricibi manera custumber, conforme e Lista Positivo di 31 di januari 2021.

Kico e ta nifica pa e dunado di cuido?

Den practica e ta nifica cu ta mantene e Lista Positivo manera e tabata conoci riba 31 di januari 2021.

Prome Minister Evelyn Wever-Croes Maneho testmento na airport pa residente:

SI BO TA VACUNA, NO MESTER HASI TEST NA AIRPORT DI ARUBA MAS Premier Evelyn WeverCroes a anuncia cu entrante 1 di juni, si bo tin dos dosis di vacuna, bo no mester test mas na airport na Aruba ora di drenta Aruba bek.

E maneho aki ta conta pa residentenan di Aruba cu por prueba cu e Health App cu tin dos dosis di vacuna tuma na Aruba.

Ademas, e ultimo vacuna mester a wordo tuma 14 dia prome cu e dia di re entrada na Aruba.

“Cu esaki nos ta spera cu mas hende bay vacuna pasobra ta mas atractivo ora di biaha.

Nos ta na 57% di vacunacion di poblacion general, nos mester yega 85% pa nos por flexibilisa mas. Pues si bo no a vacuna ainda, probecha e dianan aki.

Centro di vacunacion ta habri e dianan liber tambe,” Premier Evelyn Wever-Croes a duna di conoce.

Kico otro paisnan of aerolineanan ta exigi, Gobierno di Aruba no por influencia. Chance ta grandi cu otro paisnan tambe ta bay flexibilisa e exigencianan di test na entrada di e pais.

Hulanda lo cambia e codigo di Aruba di oranje pa geel entrante diasabra awor 15 mei. Y cu esaki varios exigencia pa biaha di Hulanda pa Aruba, ta cay afo tambe.

“Tanten nos mantene e cantidad di casonan activo manera cu nan ta awor, nos por flexibilisa.

Aruba ta conta cu bo”, Prome Minister Evelyn Wever-Croes a enfatisa.

7

Diabierna 14 Mei 2021

Parlamentario drs. Shailiny Tromp-Lee (MEP):

Pabien na Cas di Cultura, sra. Marlene ‘Lenie’ Henttu-Jeandor y sr. Jhon Freddy Tobon Montoya cu nan reconocemento en coneccion cu Dia Mundial di Teatro

Diasabra ultimo, 8 di mei 2021, mi a asisti na celebracion di Dia Mundial di Teatro caminda banda di un show bunita y varia, a haci entrega di 3 Premio Nacional di Teatro 2020-2021.

Reconocemento 2020-2021 Banda di un tremendo anochi yena di talento y creatividad riba escenario, Gobierno a haci entrega di e prome Premio Nacional di bida largo na: Cas di Cultura – como Aruba su plataforma cultural desde 1958. Celebracion di mas di 60 aña di aporte na y di servicio teatral, caminda nan a realisa den cooperacion congreso y proyectonan asina balioso pa lanta arte di tarima aki na Aruba y mas cu claro nan ta gosa di reconocemento tanto nacional como internacional.

Otro premio cu a keda entrega e anochi aki tabata e premio Nacional di Teatro. Esaki a keda otorga na Sra. Marlene ‘Lenie” Henttu-Jeandor pa su trayectoria y excelente aporte den e mundo teatral y pa su publicacion(nan) realisa.

Un persona cu mi ta admira y tin un aprecio y stimacion grandi pe

tambe a keda reconocí durante e anochi aki.

Ta trata di Jhon Freddy Tobon Montoya. Un amigo colega cu tin un amor asina grandi pa nos pais y su cultura.

E no a nace na Aruba pero sigur ta sintie un Arubiano. Unda e por yuda y duna un man e tey. Su reconocimento ta uno bon mereci y ami tur ora ta bise cu mi ta admira su trabou diario cu e ta haci pa cultura di nos país.

Historia Premio Nacional di Teatro Departamento di Cultura Aruba conhuntamente cu Ministerio di Cultura ta otorga anualmente Premio Nacional di Teatro. Un premio cu a keda introduci bou auspicio di mi Tata Ramon Lee tempo e tabata Minister di Cultura.

Desde aña 2005 ta otorga e Premio Nacional di Teatro na un persona, grupo of fundacion cu a traha y a contribui grandemente na e desaroyo di teatro na Aruba.

Mi kier a termina felicitando di curason tur cu a keda reconoci durante e anochi aki.

Spera nan por fungi como role model pa e generacion nobo/jong.

8

Diabierna 14 Mei 2021

A accentua tantisimo actonan irregular cu a tuma luga

PROME MINISTER A REPASA RAPPORT FORENSICO CONDUCI RIBA RDA Diamars 11 di mei, Prome Minister Evelyn WeverCroes a atende reunion den Parlamento pa trata e rapport forensico conduci riba Refineria di Aruba (RdA). Den e introduccion Prome Minister a accentua algun punto di importancia di e rapport manera investigacion riba gastonan di RdA, investigacion riba e cuentanan di banco y envolvimento di ex Ministernan Mike de Meza y Richard Arends, den actonan irregular den RdA. Ya ta algun tempo cu a entrega e rapportnan di Forensic Services Caribbean (FSC) riba kico a pasa den e refineria y tambe e parti di IT. Caminda cu por a mira cu net prome cu mester a entrega e computernan pa investigacion forensico tuma luga, a delete e files riba e computer.

E investigacion a wordo haci y rapport a wordo traha a base di peticion di Parlamento, pa por haya un mas mihor bista di kico a sosode den e compania.

Premier Wever - Croes a splica cu e rapport a tuma su tempo pa diferente motibo, entre

otro e pandemia, e magnitud/intensidad di e investigacion sin ricibi cooperacion di esnan envolvi y responsabel, cu no kier a duna nan punto di bista cual ta sumamente necesario (hoor en wederhoor).

Esey a wordo haci cu Parlamentario Richard Arends cu e tempo ey tabata director di e compania cu no a duna su reaccion. Sr. Arends a tuma 8 luna pa e duna su prome reaccion y despues apenas dia 22 di februari el a duna su di dos reaccion. Despues di esey e rapport a wordo finalisa den un luna.

E compania RdA den apenas 16 luna a gasta 21 miyon florin sin cu e compania di pueblo a keda cu algo di dje. Den e rapport por lesa con tur e placa a bai na nan mes, nan mesun companianan, y na consultants amigo di ex ministernan. No tin ningun contract, no tin recibo, no a specifica trabounan hasi. Prome Minister a finalisa e reunion den Parlamento dunando e compromiso cu algo asina no mag di pasa nunca mas, y pesey a bin cu un codigo di “Corporate Goverance” nobo.

9

Diabierna 14 Mei 2021

ROSALINDA BOEKHOUDT (CURPA):

MANERA NOBO DI FIRMA PA BAY ELECION HOPI RIESGOSO PA FRAUDE Manera ta conoci cada partido cu no a haña un asiento mester a busca 587 firma pa por bay elecion.

Sinembargo door di e pandemia e procedura mester a cambia.

Promer cu COVID e firmante tawata firma riba un lista di un partido cu number consecutivo (number cu ta sigui otro).

Awor den e pandemia cada firmante mester firma ariba 1 papel apart unda e ta scoge un partido cu ta supose di wordu poni den un bus di e partido.

Como candidato cu lo focus ariba e.o. e maneho di anti-corrupcion ta mi deber sinembargo pa menciona cu e

procedura nobo ta hopi fraudegevoelig ya cu no tin niun manera pa controla si e firma a wordu hinca bon den systema of si ela wordu hinca mes.

Ariba dje e boluntario di e partido no tawata mag di ta presente paden pa por controla fysicamente si e papel di e firmante di su partido a drenta e bus correcto. Asina segun un firmante ora cu e caba di yena papel ela keda wak y a nota cu e ambtenaar a pone e papel bou di e desk y no den e bus. Cu e ambtenaar ta bisa cu elo haci "lo correcto" no ta garantia pa nada.

Algun solucion simpel y practico por tawata como

lo siguiente: 1. duna e printout di e systema na e firmante di por lo menos e ora, e number di e firma riba e partido cu ela duna su sosten y e nomber di e partido òf 2. usa stembiljet pa firma y laga e scanner conte òf 3. por lo menos traha 587 papelnan apart pa cada partido cu cada un e number 1 te cu 587 riba dje di cual opcion 3 ta esun mas barata Si nos a scucha e hefe di e departamento di Censo bon ela bisa riba 7 di mei 2021 den e entrevista over di entrego di lista door di RAIZ cu "un ley nunca por ta un instrumento di obstruccion desfavorabel

pa salubridad publico, esey no por ta posibel".

Wel nos di partido CURPA ta compronde esey. Pasobra nos tambe, al contrario di polliticonan tradicional cu ta sinta ta kibra nan mesun regla pa campaña den boshi den e barionan, ta pone salud promer di nos firmantenan door di no forza tur pa bin firma ariba e promer dia pero durante e 7 dia. Sinembargo nos ta bisa tame cu “facilidad” nunca por ta un instrumentonan di obstruccion desfavorabel pa ta transparente.

Manera cu Jack Welch a yega di bisa confianza ta bini ora lidernan ta transparente.

Asina ta, tempo pa promove transparencia tur caminda den gobierno pa haña e confianza bek di e ciudadanonan.

Su Excelencia Alfonso Boekhoudt, a ricibi señor Allan Greenberg, Consul-General di Estados Unidos

Riba dialuna 10 di mei 2021 Gobernador di Aruba, Su Excelencia Alfonso Boekhoudt, a ricibi señor Allan Greenberg, ConsulGeneral di Estados Unidos, pa un audiencia

na Cas Ceremonial di Gobernador. Despues di un audiencia anterior na augustus 2019, esaki tabata e di dos biaha cu Gobernador Boekhoudt y señor Greenberg a hiba

combersacion cu otro. Durante di e bishita a toca e tema di e situacion rond di Covid y a papia tocante temanan cu ta di interes mutuo pa tanto Estados Unidos como Aruba.

10

Diabierna 14 Mei 2021

Partido MEP: Durante un encuentro espectacular y emocionante y na un forma virtual,

PARTIDO MEP A PRESENTA SU CANDIDATONAN

Diabierna 7 di Mei, Partido Movimiento Electoral di Pueblo (MEP) a introduci e ekipo di candidato cu vision, determinacion y curason pa logra cosnan grandi pa Aruba. Na e occasion a duna bon bini na candidatonan na e famia prestigioso y riba e lista victorioso di MEP. Un evento un poco diferente cu loke Partido MEP ta haci normalmente ora di presenta su candidatonan prome cu eleccion. E biaha aki, teniendo cuenta cu tur regla vigente di DVG, esaki a bay virtual, hunto cu candidatonan y nan famia y directiva di MEP. Den su discurso, Lider di MEP, Sra. Evelyn Wever - Croes a enfatisa riba e realidad di bida di un candidato politico cu ta encera hopi sacrificio pa por tin un carera politico.

E sacrificio tambe ta bin di parti famianan, pasobra tin menos tempo pa famia y mester atende cu preocupacionnan di otro famia den comunidad. Sin lubida cu e bida di un politico ta totalmente publico.

Lamentablemente, famianan tambe ta wordo ataca y lastra inhustamente, hopi biaha

djis pasobra ta famia.

Prome Minister a gradici cada un miembro di famia di candidatonan, esposo, esposa, pareha, yiu, mayornan, rumannan, nietonan entre otro.

“Danki pa duna nos candidato e espacio pa por traha pa hiba nos pais padilanti. Un danki especial na mi casa Kenneth, y mi yiunan, Christine, Kevin, Claudine, no solamente pa boso sosten y amor di semper, pero pa boso sacrificionan tambe”, Lider di MEP a expresa.

Ya ta casi 4 aña pasa cu Partido MEP a pidi pueblo e confiansa den forma di un voto, y a haya e confiansa pa forma un coalicion. P’esey cu gran honor y privilegio Gabinete Wever-Croes a dirigi e pais. E no tabata facil, pero a goberna na e miho forma posibel. A demostra cu por goberna den bon tempo y den tempo dificil. A demostra cu especialmente den tempo di crisis, Partido MEP ta responde y keda leal cu e pueblo su voto, y leal na e respet pa e confiansa cu cada un votador a duna.

“No a core pa responsabilidad, sino a accepta cada reto cu nos a topa cu ne cu balentia y amor pa pais”.

Na Maart 2020 Gabinete Wever - Croes 1, a haya e reto di mas grandi cu nos isla a conoce, e pandemia di COVID -19. Aki tambe Gobierno a responde cu determinacion pa salba bida y proteha nos comunidad, a tuma e desicionnan duro, strategico y trempan, despues a sigui monitor e situacion diariamante.

A coordina cu tur

instantancia di cuido den un operativo di cuido y maneho di crisis na Aruba.

Den henter Reino Aruba a haya elogio pa e maneho cu a hiba. Gobierno a haya hopi critica y resistencia durante e crisis, sinembargo mester a haci loke mester a wordo haci, pa proteha nos grandinan y esnan mas vulnerabel y esnan den hospital.

“Awor cu e eleccion aki, ta pidi pueblo e confiansa pa sigui cu e trabounan di recuperacion pa logra pone Aruba bek riba e caminda cu ya tabata logrando, un Pais cu orden

y stabilidad financiero, cu tin confiansa y respet den Reino.

Nos ta bolbe compromete nos cu esaki pa un futuro briyante y feliz pa henter nos comunidad, y cu e confiansa masal dia 25 di juni nos ta bay logr'e!

Cu bo nos ta avansa, Hunto, Cu bo, nos por enfrenta retonan, saca Aruba di pandemia, pone Aruba para bek riba propio forsa y saca Aruba padilanti”, Lider di MEP y Prome Minister Evelyn Wever-Croes a termina bisando.

11

Diabierna 14 Mei 2021

Prome Minister Evelyn Wever-Croes

Cantidad di casonan activo di covid ta bahando

NO MESTER DI SCANNER MAS PA ELECCION Premier Evelyn WeverCroes diaranson a reuni cu Crisis Team y cu Censo.

Desde februari Crisis Team a acerca Censo pa pidi Censo pa na momento di organisa eleccion 2021, e tempo ey premira pa september 2021, pa tene cuenta cu e protocolnan relaciona cu Covid. A base di esaki Censo a haci algun recomendacion y CrisisTeam a sostene e recomendacionnan aki.

medidanan aki tin e meta pa evita mas contagio di e virus, e ultimo, pues uzo di scanner, a causa hopi reaccion den comunidad, apesar di splicacionnan extenso riba e punto aki.

Entre otro, cu por entrega lista na forma digital, cu riba e invitacion pa votacion lo duna un orario di sugerencia, cu lo registra e votador via un QR code na momento cu e votador yega, cu lo amplia e cantidad di urnanan di 62 pa 70 urna, y cu lo uza un scanner pa agilisa e proceso di conteo di voto.

Durante un reunion a keda dicidi cu no tin e necesidad grandi di uza scanner mas.

Mirando cu Aruba ta den codigo geel awor pa loke ta e virus, uzo di scanner no ta necesario mas.

En berdad e sistema aki ta agilisa e proceso y ta sigur pero mirando e atakenan riba un idea genuoso y noble pero cu a trece un controversia innecesario y mas aun, pa evita cualkier

Mientras

cu

tur

e

Recientemente CrisisTeam a flexibilisa varios di e medidanan di Covid, y den e cuadro aki tambe a flexibilisa algun proposicion pa cu eleccion dia 25 di juni.

duda den integridad di e proceso electoral, a dicidi pa no uza e scanner.

E demas proposicionnan ta sigui riba mesa, pa asina percura cu eleccion 2021 por wordo teni den un forma democratico y safe na e mesun momento.

“Mi ta lamenta cu den e proceso aki varios lider politico a recuri na insulta y intimida esnan encarga cu e proceso electoral, especialmente directora di Censo. Esaki ta sigur di condena y lamenta, mirando cu empleadonan publico ta sirbi interes general di Pais Aruba, y ta traha pa tur gobierno.

Mi ta haci un apelacion na tur lider politico pa den e temporada di eleccion aki, sea responsabel, inspira campañador y sostenedornan pa sigui cuida, y no recuri na ataca

empleadonan publico pa politica. Loke nos a mira pafo di Censo e ultimo dianan aki, hopi hende riba otro, sin tapaboca, ta brasa otro, a spanta hopi hende y ta hopi

preocupante. P’esey, un biaha mas, un apelacion na tur politico: ban duna e ehempel, y cuida nos mes y cuida nos sostenedornan” Premier Evelyn WeverCroes a duna di conoce.

Bishita di diplomatico Mericano na asociacion di hotel y turismo di Aruba

12 di mei 2021: Recientemente e consul general di Gobierno di Merca, staciona na Corsou, responsabel pa e islanan den Caribe Hulandes, esta Allen Greenberg, tabata di bishita na oficina di Aruba Hotel & Tourism Association (AHATA). Ey e diplomatico Mericano a topa cu Tisa LaSorte, e CEO di AHATA, kende a yam’e un caluroso bonbini na Aruba y a delibera riba metanan di interes comun.

Topiconan cu AHATA a trata cu e consul Mericano tabata entre otro riba desaroyonan cu turista di Merca pa Aruba, inversion Mericano na Aruba, desaroyonan cu Pre-Clearance di migracion

di Merca na Aruba y e maneho di pandemia. “E tabata un combersacion hopi positivo cu intencion di sigui colabora”, asina Tisa LaSorte a duna di conoce despues di e encuentro ameno aki.

Regularmente AHATA, siendo e asociacion cu ta representa henter e industria di turismo di nos isla, ta delibera cu varios departamento di gobierno local, cu entidadnan local, otro organisacionnan y tambe cu representantenan diplomatico di otro paisnan.

Y separa di mantene relacion estrecho na nivel local, tambe AHATA ta forma parti di otro organisacionnan di turismo

den Caribe, Europa, Merca y na nivel mundial.

Aruba Hotel and Tourism Association (AHATA) ta representa e sector turistico di nos pais desde

su fundacion na aña 1965.

Actualmente AHATA ta conta cu mas di 120 miembro y ta responsabel tambe pa e “Aruba Casinos Association” y e “Aruba Hospitality and Security

Foundation”.

Su rol primordial ta di ta e bos pa crecemento sostenibel pa tur su miembronan. Pa mas informacion por subi www. ahata.com.

12

Diabierna 14 Mei 2021

Prome Minister Evelyn Wever-Croes

Maneho testmento na airport pa residente:

SI BO TA VACUNA, NO MESTER HASI TEST NA AIRPORT DI ARUBA MAS

Premier Evelyn WeverCroes a anuncia cu entrante 1 di juni, si bo tin dos dosis di vacuna, bo no mester test mas na airport na Aruba ora di drenta Aruba bek.

E maneho aki ta conta pa residentenan di Aruba cu por prueba cu e Health App cu tin dos dosis di vacuna tuma na Aruba.

Ademas, e ultimo vacuna mester a wordo tuma 14 dia prome cu e dia di re entrada na Aruba.

“Cu esaki nos ta spera cu mas hende bay vacuna pasobra ta mas atractivo ora di biaha. Nos ta na 57% di vacunacion di poblacion general, nos mester yega 85% pa nos por flexibilisa mas. Pues si bo no a vacuna ainda, probecha e dianan aki.

Centro di vacunacion ta habri e dianan liber tambe,” Premier Evelyn Wever-Croes a duna di conoce.

Kico otro paisnan of aerolineanan ta exigi,

Gobierno di Aruba no por influencia. Chance ta grandi cu otro paisnan tambe ta bay flexibilisa e exigencianan di test na entrada di e pais.

codigo di Aruba di oranje pa geel entrante diasabra awor 15 mei. Y cu esaki varios exigencia pa biaha di Hulanda pa Aruba, ta cay afo tambe.

Hulanda

“Tanten

lo

cambia

e

nos

mantene

e cantidad di casonan activo manera cu nan ta awor, nos por flexibilisa.

Aruba ta conta cu bo”, Prome Minister Evelyn Wever-Croes a enfatisa.

13

Diabierna 14 Mei 2021

Parlamentario Darlaine Guedez-Erasmus (MEP):

Plan di mayor, Responsabilidad pa cu yiu comparti!

Na Aruba hopi mucha ta pasa dificil, pa motibo cu mayornan tin cu busca 2 trabou pa mantene nan famia. Den mayoria caso esaki ta bin door cu e otro mayor no ta yuda cu alimentacion di e yiu.

70% di e casonan na Directie Voogdijraad tin di haber cu alimentacion Sinembargo e muchanan ya caba tin cu enfrenta e realidad di separacion di mayornan y ta hopi importante pa no causa mas stress na e mucha.

Esaki ta un di e motibonan cu comision voortgezet ouderschap, a bini cu un propuesta di ley Ontwerp – Landsverordening Voortgezet Ouderschap.

Plan di mayor Dialuna ultimo, comision fiho di Asuntonan Social y Famia di Parlamento a reuni cu e comision. Nos a haya un presentacion amplio di e propuesta di ley cu a keda entrega 2 siman pasa na Parlamento. E concepto di ley ta encera un plan di mayor. Un plan obligatorio cu mester wordo traha prome cu e mayornan ta bay separa.

Pa asina yuda nan regla y cumpli cu tur nan responsabilidadnan comparti pa cu cuido di nan yiunan. Por ehempel, cuminda, paña, educacion, cariño y atencion pa cu e muchanan.

Nos como pais tin

obligacion pa sigui traha leynan pa asina proteha nos muchanan y yuda nan crece sanamente.

Implementando e plan di mayor aki, nos ta pone nos muchanan bienestar na prome lugar. Ami ta

haya importante pa e ley aki wordo trata pronto den Parlamento.

Prome Minister Evelyn Wever-Croes

PABIEN ENFERMERONAN RIBA DIA INTERNACIONAL DI ENFERMERO

“E trabou aki ta inpagabel y e pandemia a demostra mas ainda con importante e trabou aki ta” Diaranson 12 di mei, mundo a rindi honor na tur persona cu ta traha den e area di cuido. Un fecha cu semper ta uno hopi special pasobra cada enfermero, ora nan dicidi di studia pa e profesion di cuido, ta scoge tambe pa duna miho di nan mes pa e salud di e ser humano.

Y mundo completo a mustra e gratitud na cada enfermero cu a bay e extra miya durante mas di un aña cu e pandemia di Covid 19 ta afectando salud di hopi ciudadano.

Prome Minister Evelyn Wever-Croes ta felicita

tur enfermero di nos pais riba Dia Internacional di Enfermero. Premier Wever-Croes ta gradici cada enfermero cu ta labora aki na Aruba, pa nan amor, dedicacion y pasion pa yuda otro den cuido di salud di nos hendenan.

Prome Minister Evelyn Wever-Croes: “E trabou aki ta inpagabel y e pandemia a demostra mas ainda con importante e trabou aki ta un biaha mas.

Como frontliners cada enfermero merece respet di un y tur, p’esey den nomber di Gobierno

di Aruba, ta desea cada enfermero, pabien riba e

dia aki y hopi bendicion pa por sigui cuida tur cu

mester ayudo”.

14

Diabierna 14 Mei 2021

Webinarnan organisa door di IDEA cu colaboracion di Fantastic Garden Aruba y ActionCOACH Aruba Departamento di Asuntonan Economico, Comercio y Industria (DEACI) mediante su unit di Iniciativa pa Desaroyo di Empresa Arubano (IDEA) a organisa dos webinar den luna di april conhuntamente cu Fantastic Garden Aruba y ActionCOACH. Dia 21 april, IDEA a organisa un webinar pa tur esnan cu ta desea un oportunidad den hasi negoshi den e ramo di Flor, den forma di areglo pa regaldo of den forma di bouquet. E webinar aki a wordo presenta door di sra. Marylaine Croes, Store Manager di Fantastic Garden Aruba.

Sra. Croes tin un estudio di Bachelor’s Degree den Plant Science. Sra. Croes a splika den un manera hopi creativo e diferente tipo di flornan cu por planta na Aruba, tambe cu ta bay bon cu nos clima y cu por uza nan pa traha bouquet di flor y cu por haci otro areglo special pa benta pa regaldo, con pa cuida nan y tambe e vitaminanan necesario pa nan crece bunita y colorido.

Dia 30 april ultimo, IDEA conhuntamente cu ActionCOACH Aruba, a organisa e segundo webinar di Women Entrepreneurship cu un grupo femenino a organisa. E prome webinar a tuma lugar den luna di maart, como cu esaki tawata e luna cu a celebra e Dia Internacional di Hende Muher.

E segundo webinar aki a hiba e titulo di “From Entrepreneur to Entrepreneurship”.

Den e presentacion aki, sr. Dave Martinus, Certified Business Coach, a elabora

primeramente riba e ‘Big Five’ caracteristanan di un personalidad, tambe e caracteristanan di un personalidad empresarial y e conocimiento e m p r e s a r i a l , caracteristanan personal pa ta un empresario unico, e proceso empresarial, e diferencia den e definicion di empresarial y di ta un empresario y kiko ta e caracteristicanan di un empresario.

Den siguiente lunanan, IDEA lo sigui organisa un serie di webinar pa Women Entrepreneurship (WE). Ambos webinar aki a tuma luga via e plataforma digital di Google Meet y ZOOM y a haya un participacion di en total 21 persona.

IDEA ta sumamente contento cu e contenido di e webinarnan y tambe di e bon comentarionan ricibi di su participantenan na final di ambos webinar y via email. Ambos webinar tawata sigur hopi creativo y informativo y cu preguntanan di parti di e participantenan y un tremendo presentacion di parti di sra. Marylaine Croes y sr.

Dave Martinus.

IDEA lo sigui cu su trajecto cu enfoke IDEA lo organisa. Por sigui nos riba Facebook page @Idea-Aruba pa mas webinar y otro actividadnan di IDEA den futuro.

15

Diabierna 14 Mei 2021

Rocco Tjon:

Un reunion fructifero cu consul Mericano, sr. Christian Olsen Ayera tardi nos a reuni cu e consul di Merca, sr. Christian Olsen. E ta na Aruba pa diferente reunion y entre otro a reuni cu RDA. Manera ta conoci atraves di e proceso di "advocacy" Gobierno di Merca a screen e companianan Mericano cu a firma e Letter of Intent. E sosten di Gobierno Mericano tey y ta spera cu pronto e negosacionnan ta termina.

CONSUL

MERICANO

CHRISTIAN OLSEN Ta importante pa señala cu sr. Christian Olsen a garantisa nos cu e companianan Mericano tin e capital necesario, pasobra Gobierno di Merca mes a screen nan. E proceso aki yama “Proces of advocacy” y ta encera tambe screening (vetting). Y esaki ta e motibo cu e consul Mericano sr. Christian Olsen a garantisa cu e companianan aki tin e capital pa por ehecuta e dos proyectonan aki.

INVERSION Quanten LLC lo inverti 3.5 biyon dollar den un

transcurso di 3 aña. E proyecionnan ta mustra cu lo crea un total di 2100 cupo di trabou y e

impacto economico riba nos GDP na 2021 lo ta 9.3%, na 2022 20% y 2023 10.8%.

E BERGUENZA CU MIKE EMAN A CAUSA ARUBA TA HOPI GRANDI

Bo mester tin hopi rabia ariba e digno y culto pueblo di Aruba, pa Bo a mat’e di e manera aki, y a mal uza su votadonan, pa enriqueze Bo mes y bo compinchinan cu tereno pa nan haya bende cu Mafiosonan.

Nunca den historia di Aruba algo asina a sosode. Un Minister President Mike Eman di A.V.P sin consenshi ta cualifica su mes pa un homber bon studia, ta consenti pa su Ministernan haci negoshi cu tereno di pueblo y ta horta e pobernan nan plaka cu nan ta paga na belasting na gran escala, pa awe esnan pober di Aruba ta biba den un pobresa grandi causa pa Mike Eman E consintido di maldad y corupshon. Si Mike Eman y su Avestruznan piratanan ladron y corupto no a malversa y a horta plaka di pueblo na Biyones di florin na gran escala, e pandemia di covic 19 no a dal e pobernan cu a perde nan trabow. E Biyonesnan cu Mike Eman y su piratanan corupto a horta pa enriqueze nan mes lo a jega pa pone un tayo di cuminda ariba mesa di tur esnan cu a perde nan trabow.Ta den epoca di coucho di Boulo(hopi aña atras) manera difunto Henny Eman tawata gaña y insulta hende den reunionnan publico, tawata jama esnan color scur di Sanicolas pa negernan preto cu si Bo priminan Bo ta saka zeta preto pa traha caminda di asvalt pa auto core ariba y tawata pidi pa no casa cu hende scur pasobra pa no daña bo raza.

Ta pesey awe Bo no ta wak un di e lidernan Eman casa cu un hende color scur. Henny difunto kier a traha un campo alegre na Savaneta, y cu e Savaneteronan a protesta contra difunto Henny Eman. Su contesta

na e Savaneteronan nan tawata., si Bo pasa un waya rond di Savaneta automaticamente Bo ta haya un Campo Alegre. Na Playa y Rancho difunto Henny Eman tawata bisa cu eynan lo mi traha hopi yui pa mayan nan ta soldanan cu lo ta defensornan di A.V.P, pero E no tawata cria su yuinan cu Faam Arends y Orman, y cu hasta un dama di Rancho a keha difunto Henny Eman pa pedofil di a abusa di su yui, y difunto Henny Eman e prome lider di A.V.P cu mester a bai sera den Prizon pa Pedofil. Heny Eman junior a suecestra un dama cu tawata na estado di dje, a hib’E cas di Partido na Rancho unda cu un dokter tawata ward’E pa comete aborto cu e dama den cas di Partido,a benta e baby den pos di cas di partido, e dama abira hopi malo y mester a hib’E Hospital. Henny junior pa tapa su maldad a duna e dama un onderstand di 850.00Florin, y e dama a keda cu mente perturba ta dia cu E a muri.

Ta mi persona a hiba Lands Recherge na cas di e dama su mama pa E por a entrega un keho contra Henny Eman junior.

Nan a hoor Henny, pero nan no a verhoor E, pasobra e mama kier a laga sera Henny den Prizon. Mi a manda e mama serca Mike Eman y su mama tambe serca pastor di playa, pa alivia e mama su dolor. Ta un persona di A.V.P cu a sali na defensa di e pober dama tawata Glenda Margareta, cu a bisa Heny Eman junior cu si Bo ta sinti Bo culpable carga bo responsabilidad, asina e mama por a haya un onderstand di 850.00 florin. Shon A Eman nunca a traha y nunca a paga belasting, a muri y a laga su yuinan mas pober cu raton di kerki, dia cu E a muri,

mester a colecta plaka den pueblo pa juda su famia, y awe cu plaka di pueblo tur a bira rico.

Y despues di su morto, su yui homber Henny Eman a duna su mama kwijtschelding di tur e belastingnan atrasa cu su tata no a paga. Y awor Aruba conoce un Mike Eman Mazonista Mafioso plakia cu su amigonan ta Narcotraficantenan Roberto Rincon, Pollo Carvajal, Kico Gomez, Spartaco Ghini y hopi mas drenta den Gobierno y maneha Aruba na nan antoho, pasobra ta money Talks di Narcotraficantenan ta dirigi Aruba, y Bull Shitsnan di A.V.P Walks.

Tur coruptonan di A.V.P ladronnan sin consenshi cu a masacra Aruba su economia cu a hinka Aruba den pobresa, mester manda nan Prizon pa eternidad y ponenan debolbe Aruba su plaka y terenonan, pa nan paga tur e daño nan cu e sinberguenzanan Avestruz Richard Arends, Mike Eman scur, Mike bow Meza, Benny Kilowatt, Leoncita ladroncita, Patrick Paskel, Desiree cu no sa si E ta homber of muhe y tur otronan cu por a haya tereno, mester bin un envistigashon ariba nan tur pa nan por debolbe tur locual cu nan a horta di esnan cu ta paga belasting.

Husticia mester vence pa e pueblo por haya su plaka bek, pa mengua e pobreza cu Mike Eman y su ekiponan di avestruz a hinka Aruba.

SI BO TIN MANTECA ARIBA BO CABEZ NO KANA DEN SOLO Hiacintha Thjsen Trimon Savaneta 210-A Tel 584-7280

16

Diabierna 14 Mei 2021

Minister di Cultura Xiomara Maduro tabata presente na e competencia di Arte di Palabra

Diasabra ultimo den Cas di Cultura a tuma lugar e di 13 edicion di e competencia 'Arte di Palabra' na unda 18 hoben di scolnan secundario ta participa pa expresa nan talento y amor pa nos idioma Papiamento den forma di poemanan inspirativo y creativo. E competencia di 'Arte di Palabra' tin como meta pa promove nos idioma Papiamento bou di nos hobennan.

Minister Xiomara Maduro den su discurso di apertura a corda tur hende cu palabra tin poder. Pesey nos

mester usa palabra pa haci curason di otro contento, brinda apoyo cu palabra y ora tin mester, cu palabra mes ta suficiente pa nos por demostra nos caracter fuerte. E mandatario ta felicita e ganadornan, tur participante y organisadornan pa un tremendo evento cu a sa di inspira tur esnan cu tabata presente cu palabranan bunita dunando realse na nos idioma Papiamento.

E ganadornan lo bay representa Aruba den e competencia Interinsular di Arte di Palabra ABC.

Pagina 17

Diabierna 14 Mei 2021

Abogado Zara deteni despues di a dal auto staciona e auto a para memey caminda, unda e chauffeur a baha y casi no por para ariba su pia.

Tawata trata di Abogado Zara, cu tawata bastante bou di influencia y di baina por a para ariba su pia.

Den e auto e tawata tin uj cacho chikito.

E la baha y tawata purba pa wanta e luz di su Swift cu a cay.

Van Walbeeckstraat - Diaranson atardi polis a bay den Van Waalbeeckstraat unda un Suzuki Swift a dal un suv Chevrolet staciona.

Por mira cu e la ocasiona basta daño tanto na su vehiculo, esta e Swift pero tambe na e auto Chevrolet.

Algun meter mas pariba

Polis a wordo pidi y na su yegada a compronde cu e Abogado a bay sinta den Mario's Sportshop. Na e sitio nos a compronde cu e auto cu e la dal ta di propetarionan di Mario's

Sportshop mes.

Polis di trafico mes a bay

den e tienda y a detene Abogado Zara mirando su estado.

Pagina 18

Diabierna 14 Mei 2021

E prome weekend di e Torneo AVB 2021 a resulta uno hopi interesante y excitante, siguientemente un resumen E torneo cu ta consisti di e top ocho clubnan di Division Honor, unda lo hunga un rond di weganan estilo "round robin" (tur ekipo ta enfrenta otro), na final e top cuater ekiponan lo clasifica pa playoff semi-final unda cu e prome clasifica riba tabla lo enfrenta e number cuater y e number dos lo bai contra e number tres. E dos ganadornan lo enfrenta otro den e gran final dia 17 di Juli.

La Fama vs Britannia Den e partido inaugural La Fama a enfrenta Britannia, por cierto, e dos ekiponan cu a enfrenta otro den semi final di e reciente Copa Betico 2022, unda cu La Fama a sali vencedor y a bai final.

Den e partido aki La Fama a demostra un biaha di tin e number di Britannia, y tras di un bon planteo y organisacion a domina e Pumanan y a gana e wega 2-0 cu dos gol di e talentoso Jaydon Dania na minuut 17 y 42. La Fama a domina den medio campo debi na e bon wega di Jeyson Mundarain, Claudio Cavalcante y Valdo Leocadio.

Pa Britannia a sobresali e hoben Marcus Portier y Jonathan Ruiz, pero e "King of the Match" tabata Justin Samson pa su gran desempeño den defensa di e club di Savaneta.

La Fama 2 - Britannia 0 Caravel vs Nacional Den e partido entre Caravel y Nacional, e Piratanan a cuminsa e partido poniendo hopi presion, hortando e iniciativa y lansa varios biaha den atake cu yegadan di peliger, pero Nacional a sa di reacciona bon y a logra gana e partido 3-2 cu algun momentonan inolvidabel.

Halftime a bai aden 1-0 pa Nacional cu un gol na

minuut 18 di Charles de la Cruz for di punto penal.

Den e di dos tempo Caravel a empata na minuut 56 cu un gol di cabes di Hugo Robert. Joshua Aguirre a pone Nacional den bentaha atrobe cu un gol sensacional di casi 35 meter. Den tempo adicional (90+4) Caravel a empata e wega 2-2 cu un gol di Hugo Robert for di punto penal, pero, net despues di celebra e empate aki, Leonardo Pulido di Nacional, na sake di bala mes, a lansa un tiro descumunal di 50 meter cu a sorprende portero Raizel Jansen di Caravel pa gana e wega 3-2.

Leonardo Pulido mes tambe ta e "King of the Match" y no solamente debi na e gol spectacular aki, pero tambe pa su tremendo trabou incansabel den volante y riba ful cancha p'e Dragonnan.

Caravel 2 - Nacional 3 RCA vs Bubali E flamante campeonnan di Copa Betico 2021, e Tricolornan di Solito, a cuminsa riba bon pia atrobe contra e Orguyonan di Nort, Bubali. Un partido unda RCA a demonstra un dominio absoluto riba un Bubali cu tin bastante oportunidad den nan wega, nan tin falta di experiencia cu ta clave pa un ekipo, semper considerando tambe cu nan perde hopi hungado importante den e ultimo tempo.

Na pitaso inicial caba (1 minuut di wega), Jean Luc Bergen ta anota e prome gol di RCA for di un pase di Mark Jacobs. Na minuut 21 ta Jeamir Howell Brokken ta hasi e wega 2-0. Sjon Pieters ta corta bentaha cu su gol na minuut 35 despues di un intercepcion den medio campo di Ethan Tromp cu ta hasi

un pase perfecto den profundidad (casi 30 meter) den area penal p’asina Pieters loft e bala riba cabes di Eric Abdul p’e 1-2. Net prome cu halftime Erik Santos ta anota un bunita gol di mas o menos 35 meter di distancia pa bati Bernardo Maduro p’e 3-1.

Den di dos tempo RCA ta anota tres gol mas; den pia di Jhon Silva na minuut 53, Nathan Lo-A-Njoe na minuut 75 y den tempo adicional Ronald Gomez ta hasi e score final 6-1 pa e victoria contundente di RCA. E “King of the Match” p’e wega aki ta Erik Santos, e “mariscal di medio campo” di e Tricolornan den su regreso despues di un ausencia cortico for di futbol.

RCA 6 - Bubali 1 Dakota vs Estrella E ultimo partido, e “partido di siman”, tabata e “Clasico di Aruba” entre Dakota y Estrella, un rivalidad cu ta bai bek den fin di anjanan 60. Estrella, un ekipo cu a perde nan “mojo” den e ultimo anjanan y ta renobando cu hungadornan hoben y talentoso. Pero den e wega aki nan no a cuminsa bon,

por lo menos no den e resultado parcial, p’aso di biaha Dakota a anota un gol na minuut 9 caba den persona di Randell Gross, despues di un gran dominio teritorial den prome parti di e wega. George Tromp a hasi e wega 2-0 pa medio di un penalty.

Na minuut 22 ya Dakota tabata ariba 3-0 cu e gol di Nickenson Paul, y asina halftime a bai aden, Dakota cu bentaha grandi, pero Estrella en berdad no a hunga malo, cosnan di futbol.

P’e comienso di e dos tempo arbitro de Leca mester a bai yama e oncena di Dakota pa nan subi veld pa cuminsa wega, Estrella ya tabata cla pa cuminsa.

Di biaha nan a sali cu mas intencion pa hasi algo y purba drenta den e wega.

Estrella a pusha Dakota atras, hasta a hasi algun pressing halto, teniendo na cuenta e plantel hoben cu nan tin, yen di energia y gana.

Algo a cambia, sigur sigur, e Estrella aki a sali hambra, nan prome gol a cai na minuut 53 pa medio di Khair Kock. Dakota, sorprendi, a cuminsa bira

descontrola, apesar cu basta yegada toch den area di Estrella, pero sin precision. Estrella si a cuminsa ehecuta nan wega y na minuut 64 a haya un penalti, cu Trevor Faro a anota, 2-3 y ainda cu hopi tempo.

Dakota sintiendo presion a hasi dos cambio di biaha treciendo Joshua Gross y Daryl Nelson den wega y a parce cu nan lo a bai wanta e resultado, pero, e momentum ya a shift p’e “Naranhadanan” tras di un bon wega di Naibert Elisabeth den defensa y Trevor Faro dilanti y e demas elenco santacrusero, man’e Xion y Egbert Tromp, Khair Kock y Norwin Werleman.

Na minuut 84 ta Trevor Faro mes ta empata e wega 3-3, un bunita gol sigur, pero ainda Estrella no tabata cla, pasobra na minuut 86 ta Trevor Faro mes ta haya e net pa completa e “comeback” di Estrella y gana e partido aki na un manera sensacional.

Trevor Faro cu su hatrick ta e “King of the Match” sin duda.

Dakota 3 - Estrella 4

Pagina 19

Diabierna 14 Mei 2021

Lotto ta sigui na contribui den diferente forma na nos economia!

Lotto ta contribui na 180 empresario chikito cu ta depende di e entrada aki ORANJESTAD, Aruba – E maneho di e loteria di Aruba, Lotto, ehecuta por medio di Canadian Bank Note [Aruba] N.V. desde 2012, no ta solamenta enfoca na brinda e comunidad di Aruba un experiencia divertido y transparente cu otorgamento di premionan atractivo for di chikito te cu grandi na ganadornan. E ta concentra tambe den pagonan na rebendedonan cual ta contribui den crea impactonan socio economico positivo pa Aruba. ‎A base di un maneho profesional di Canadian Bank Note a logra hisa e benta averahe di Lotto na 45.6 miyon annualmente. Cu esaki, e rebendedornan ta beneficia di un averahe di 5 miyon pa aña [2012 – 2020] na comision.

Cu alrededor di 180 rebendedo rond di nos isla, na tur skina y districto pa asina semper ta mas cerca di bo pa bo por cumpra bo weganan faborito di Lotto. E 180 rebendedonan, cu ta crea cupo di trabao tambe, ta empresarionan importante den nos economia cu hunto cu nan famia ta depende di e entrada y trabao aki.

Esaki sigur ta algo sumamente positivo, mirando con Lotto no solamente ta sigui na contribui

na nos comunidad cu premionan atractivo y ta genera fondo pa nos deporte, pero sigur tambe brindando oportunidadnan di crecemento cu mas trabao pa nos hendenan na Aruba.

Lotto, e loteria di Aruba tin dife-

rente wega manera; Catochi, Big 4, 1-OFF, Zodiac, Lucky 3 y MultiX, Wega di Number Korsou, Lotto di Dia, Lotto 5, Mini Mega cu su Mega Plus y e diferente weganan di Raspa y Gana. Cumprando Lotto bo ta contribui na deporte riba

nos isla.

E meta di e loteria ta pa organisa weganan di lotto, cambia bida di su hungadonan y na mes momento inverti den deporte local pa medio di donacion mensual na Stichting Sportsubsidie

Abona na Solo di pueblo pagina social Ba hasi aña? Bo kier publica un felicitashon den corant.

FREE

Manda nos un email cu informashon y maximo 6 potret na

a bo no mester sali di cas Yama 585-9500 of e-mail nos na solodipueblo@gmail.com

solodipueblo@gmail.com

of Yama

585-9500

Tur marduga nos ta entrege den bo porta di cas!

Noticia cayente, ta aki bo ta haye!

Pagina 20

Diabierna 14 Mei 2021

DEACI TA PRESENTA ‘ARUBA INVESTMENT SUMMIT 2021’ Oranjestad – Como parti di e iniciativanan di promocion di inversion di Aruba, Departamento di Asuntonan Economico, Comercio y Industria (DEACI) ta organisa ‘Aruba Investment Summit 2021’. E cumbre importante aki di tres dia, lo tuma luga virtualmente riba dianan 31 di mei, 1 y 2 di juni 2021 y ta inclui oradornan internacional, tambe e miho lidernan, ehecutivonan y comerciantenan local.

Tocante ‘Aruba Investment Summit 2021’ E cumbre aki tin como obhetivo pa atrae inversionistanan local y di exterior, poniendo Aruba den centro di atencion como un destinacion di inversion, enfocando riba e oportunidadnan comercial den e Sectornan Prometedor di Aruba. Esunnan cu lo atende e cumbre aki lo haya un conocemento profundo di e proyectonan di inversion na Aruba, posibilidadnan di ‘test hub’, testimonionan, contactonan valioso y mucho mas.

Programa di tres dia Mas di 10 experto, lider, ehecutivo y comerciante di empresanan local lo comparti nan conocemento tocante inversion na Aruba. Esunnan cu lo atende e cumbre aki tambe lo ta inspira door di e orador principal cu ta un persona mundialmente conoci, sr. Bradley J. Sugars, propietario, autor y business coach di e compania multi miyonario di ActionCOACH y CEO di mas di 9 compania. E oradornan lo comparti nan conocemento tocante e creacion di un economia mas sostenibel pa nos pais Aruba mediante su Sectornan Prometedor y e oportunidadnan comercial cu esaki tin pa ofrece na inversionistanan local y di exterior.

Registra awe mes Durante ‘Aruba Investment Summit 2021’, tur cu lo atende lo siña tur e ‘ins and outs’ tocante con pa haci negoshi na Aruba, e Sectornan Prometedor y e oportunidadnan comercial cu nos pais tin disponibel. Pues, por conecta, network y siña. Pesey,

no perde e oportunidad aki! Registra awor via https://hopin.com/ events/aruba-investmentsummit-2021.

Informe di un homber maltratando un muher den auto a bin resulta un simple pleito cu discucion Diamars atardi a drenta informe di cu lo tin un pareha ta pleitando na Byronstraat, mesora a dirigi un patruya na e sitio.

Na yegada di e patruya a bin compronde cu ya nan no tabata pleitando mas y cu e dama no tin golpi riba dje y no kier entrega keho y e homber cual si tabata tin rasca di huña riba su curpa pero tampoco kier entrega keho.

Polis a papia cu ambos y a sigui nan patruya.

Pa mas informacion of preguntanan?

Por tuma contacto cu sra.

Zuleika Quant na DEACI via email z.quant@deaci. aw.

Pagina 21

Diabierna 14 Mei 2021

Den Companashi un candela a expande den un mondi yen trailer y causa hopi danjo na esakinan

Accidente hit and run na cruzada di Moko

Diahuebs madruga a drenta informe di un accidente na e cruzada di Moko, mesora a dirigi un patruya na e sitio. Na yegada di e patruya a bin compronde cu aki ta trata di un accidente hit and run unda un vehiculo cu a bay dal riba e otro auto a djies sigui core bay. Polis a tuma e datos di e vehiculonan envolvi y e departamento di trafico lo bay busca e vehiculo cu a core bay.

Diamars mainta a drenta informe di un candela na Companashi.

Mesora a dirigi bomberonan na e sitio.

Na yegada di e bomb-

eronan nan a combati e candela.

Bisiñanan tambe a purba di combati e candela cu slang.

Pagina 22

Diabierna 14 Mei 2021

Cinco infusion cu ta calma e ansiedad pa huma Poco habito ta asina nocivo pa nos salud, manera huma. Sin embargo, apesar di esey, cada aña e cantidad di humado ta sigui crece, en especial entre e genero femenino y e poblacion mas hoben.

Di un otro banda, alto na loke hendenan ta enfrenta (ademaas di e gran cantidad di enfermedadnan cronico) ta e dificultad na ora di laga e adiccion aki.

Evita sigaria ta converti den un tarea dificil, vooral ora cu tin demasiado tempo humando y superando bo ansiedad atrabes di esaki.

No obstante, basta cu tuma e decision di laga e habito aki pa duna un paso hopi importante na loke ta un estilo di bida mas saludabel.

Si ta bon, na principio ta parce dificl, cu e paso di e dianan e dependencia ey ta bay reduciendo cu ta conduci na huma di manera excesivo.

Afortunadamente, tin infusionnan 100% natural cu por bira un gran apoyo den e lucha contra e problema aki, no solamente pasobra e ta calma e deseo di huma, sino cu e ta promove e desintoxicacion di e organismo.

A continuacion no s ta comparti e 5 mihonan pa bo no duda den purba nan.

1. Infusion di pasiflora of passionflower pa stop di huma E infusion di pasiflora of passionflower (na Aruba conoci como flor di shoshoro) tin propiedadnan relahante cu por yuda combati e ansiedad di stop di huma. Es mas, estudionan manera cu a tuma luga na e Universidad di e Farmacia di Campbell ta revela cu ta util pa reduci e efecto adictivo di nicotina.

Su ingesta ta un di e tratamentonan natural pa e sindrome di abstinencia, comun entre esnan cu tin demasiado tempo siendo adicto na tabaco.

Ingrediente ● 1 telep di pasiflora (5 g) ● 1 cup di awa cayente (250 ml) Preparacion

● Incorpora un telep di blachi di pasiflora den un cup di awa herbi y lag'e reposa 10 minuut ● Despues col'e y sirbi'e.

Modo di consumo ● Bebe 2 pa 3 cup di e infusion pa dia.

2. Infusion di ginger E Departamento di Kimica y Bioiencia Aplica Zurich, na Suisa, a realisa un estudio na 2010 unda cu nan a splica cu ginger ta adecua pa reduci e ansiedad.

Nos no por lubida cu e mata aki (y en especial su rais) ta contene antioxidante y propiedadnan antiinflamatorio.

Tur esey ta yuda nos den e lucha contra e sindrome di abstinencia y remove e residuonan toxico cu sigaria ta laga den e organismo.

Su propiedadnan calmante ta controla e deseo di huma y poco poco ta yuda bandona e habito perhudicial aki.

Ingrediente ● 1 cup di awa cayente (250 ml) ● 1 cuchara di ginger raspa (10 g) Preparacion ● Pone awa di un cup herbe y ora cu e herbe completo, agrega e ginger raspa. ● Lag'e reposa 10 minuut y despues col'e.

Modo di consumo ● Bebe 2 pa 3 cup di e infusion di ginger pa dia.

3. Infusion di ginseng E consumo diario di e infusion di gingseng ta un tratamento natural pa controla e ansiedad di huma y di paso, disminui e efectonan di nicotina den e organismo.

Su poder depurativo ta facilita e explusion di e toxinanan, mientras cu su accion antioxidante ta proteha y fortalece e celnan.

Ingrediente ● 1 telep di gingseng (5 g) ● 1 cup di awa (250 ml) Preparacion ● Agrega e gingseng den un cup di awa cayente y lag'e reposa 10 minuut. ● Col'e y bebe e likido.

Modo di consumo

● Bebe un cup di e infusion di gingseng ora cu sinti e prome señal di ansiedad.

4. Infusion di yerba di San Juan (John's Worth) E yerba di San Juan of hipericum ta un remedi natural cu propiedadnan antidepresivo y relahante cu por mehora e estado di animo mientras cu e ta calma ansiedad.

Es mas, estudionan manera cu a tuma luga pa e dokternan Eric A. Apaydin, Alicia R. Maher, Roberta Shanman di e Universidad di Santa Monica, a splica nos cu e mata aki ta efectivo pa trata tanto depresion modera como e estadonan di ansiedad tambe modera.

Su infusion a wordo uza como complemento pa stop tabaco, dado cu e ta disminui e deseo di huma en exceso.

Ingrediente ● 1 cup di awa (250 ml) ● 1 telep di yerba di San Juan (5 g) Preparacion ● Pone un cup di awa keinta y ora cu e awa herbe, agrega e yerba di San Juan. ● Lag'e reposa te ora cu yega e temperatura apto pa consumo y pas'e den un colado.

Modo di consumo ● Bebe un cup di e infusion na yuna y si ta necesario, ripiti e tratamendo atardi laat.

5. Infusion di regaliz of Liquorice E infusion di regaliz of liquorice ta un bebida natural cu a wordo usa for di varios decada como tratamento natural pa reduci ansiedad di huma.

Su rizoma y raisnan ta conta cu activonan natural cu ta yuda mehora e estado di animo, alabes cu ta genera un agradabel sensacion di bienestar cu ta reduci e dependencia di sigaria.

Ingrediente ● 1 cuchara di rais di regaliz (10 g) ● 1 cup di awa cayente (250 ml) Preparacion ● Basha un cuchara di rais di regaliz den un cup di awa herbi y lag'e reposa entre 10 y 15 minuut. ● Una bes cu e alcansa un temperatura apto pa su consumo, pas'e den un colado y sirbi e likido.

Modo di consumo ● Bebe un cup di e infusion na yuna of den e prome sintoma di ansiedad.

Bo ta purbando di stop di huma?

Si ta asina, incluso si no, tuma e decision y apoya cu e infusionnan aki pa enfrenta e adiccion aki cu por ocasiona hopi problema di salud.

Di un otro banda no duda den solicita ayudo profesional. Ta existi terapianan psicologico hopi efectivo pa libra nos di e habito aki. Awe ta un bon dia pa duna e paso aki.

Pagina 23

Diabierna 14 Mei 2021

Con pa disimula cansancio riba cara den 10 minuut Ora nos lanta fo'i soño despues di un mal anochi, unda cu nos no a logra descansa bon, of despues di un hornada intenso.

Den e situacionnan aki nos cara ta refleha e agotamento di diferente manera: wowonan hincha y cora, saco bao di wowo, lachinan marca, rigidez, etc.

Den e articulo aki nos ta facilitabo e tipnan imprescindibel pa disimula e cansancio for di bo cara di manera natural, den solamente 10 minuut.

Purb'e.

1. Limpiesa inmediato E prome paso pa disimula e marcanan di cansancio di cara, ta consisti pa realisa un limpiesa di e cuero.

Esey lo yuda elimina tur e impuresa y e restonan di make up cu ta acumula den e cutis. Nos por hiba semper den nos tas productonan necesario pa realis'e den cualkier momento.

Laga nos propone e siguiente limpiadornan natural: Awa di rosa Ademas di hole hopi bon, e awa di rosa ta perfecto pa su efecot pa disimula cansancio for di cara.

E tin un aroma dushi, e ta hopi refrescante y adecua pa cueronan vet y mixto.

Azeta di oleifi Pa evita cu cueronan seco y madura seca mas ainda, nos por tin un boter chikito cu parti di azeta di oleifi riba cada cinco parti di awa.

Nos ta sacudi'e prome cu uz'e y nos ta haci nos cara limpi cu un catuna of un serbete suave muha cu e mescla aki.

Anasa

minuut, nos por recuri na palmeo, un tecnica di relahacion ocular, cu ta consisti den frega nos mannan pa nan haya calor y apoya e wowonan cera den e palma di nos mannan.

Wowonan cora ta un señal evidente di fatiga; por disimula e cora y cansancio uzando nos mannan.

Nos lo nota con e wowonan ta relaha y di paso, mehora e calidad di nos bista, cu lo ta mas cla.

Si nos ta na cas y nos tin anasa natural, nos por haci un limpiesa efectivo si nos hunga nos cara cu un pida anasa riba henter nos casa y lag'e actua un paar di minuut, te ora cu e seca.

Siguientemente, nos ta lab nos cara cu awa.

E anasa por wordo uza como un mask limpiador riba e cuero di e cara.

2. Awa friu y hidratacion pa disimula cansancio E manera mas lihe pa produci un efecto di relahacion y tonificacion di manera instantaneo, ta consisti pa spart bo cara cu awa hopi friu.

Di e manera aki, una bes cu nos a haci nos cara limpi, nos ta refresca e cuero di e cara cu awa bon friu.

E awa friu ta tonifica e cuero y ta cera e porionan, loke ta perfecto pa disimula cansancio di manera natural y inmediato.

Nos ta seca sin freca, dunando golpinan suave cu un serbete. Asina, e practica aki ta perfecto pa disimula cansancio.

Despues e cuero di e cutis ya ta limpi y ta cla pa absorbe bon cualkier locion hidratante adecua

pa nos tipo di cuero.

3. Automassage Una bes cu nos a trata nos cuero pa limpi'e di impuresanan y nutri'e den profundidad, ta e momento ideal pa nos realisa un automassage pa nos permiti relaha e tensionnan, duna flexibilidad na e cuero y mehora ainda mas absorcion di e locion hidratante.

E massage mester ta suave y den direccion contrario na e lachinan. Asina nos ta massage den direccion ariba y pa e exterior di e cara.

Nos por haci'e mientras cu nos ta aplica e locion, durante 3 pa 5 minuut.

4. Hari E cara ta acumula hopi tension a lo largo di dia of

hasta si nos a pasa un mal nochi. E rigides ta haci e faccionnan bira duro y ta duna nos un aspecto mas serio y bieu.

Un manera simpel y pret di combati e tensionnan diario aki, ta consisti den realisa tur tipo di hari cu e parti di cara: cu e boca, e kakunbein, lenga, nanishi, cauchi, frenta, wowo, etc.

Durante un minuut, nos ta haci tur tipo di gesto exagera cu e cara. Aunke hopi persona ta kere cu esaki ta haci cu lachinan ta aparece, e efecto ta precisamente lo contrario, ya cu e ta stimula e fluho di sanger den henter e cara.

5. Relahacion di wowo E wowonan por cambia e aspecto general di e cara, ya cu ta acumula e tension y cansancio di henter dia.

Pa combati e problema di cansancio ocular den un

6. Stimulacion di lipnan E lipnan tambe ta acumula tension pa culpa di tur loke nos ta reprimi y nos no ta bisa. Cu tempo nos ta bay pretanan, hunto cu e kakunbein.

Esey ta bay dunando esaki un aspecto severo den henter e parti inferior di e cara. En cambio, si nos relaha nan, nos lo gana lipnan mas sensual y voluminoso.

Despues di a hidrata nan bon, nos ta tapa henter nos boca cu un man y nos ta lastranan horizontalmente pa e lado externo, masaheando no solamente e lipnan sino e zona rond di dje, cu tambe sa tin tension y unda cu sa aparece lachi.

Nos ta haci'e 10 biaha cu cada man.

Pagina 24

Diabierna 14 Mei 2021

Ta huur condominium/ Se alquila condominio bonito y recien renovado en Cu nuco

- 2 kamber cu queensize bed, cu airco inverter split unit, un baño.

-sala cu smart tv y airco - Cushina cu Mini fridge 3/4 height, Electric stove y microwave.

A fl. 1500.00

Prepaid meter via Elmar, at all gas station - Water conec cion

Pa info: 7390101

Ta buska cas pa huur Call 5694343

Ta buska cas pa cumpra Call 5694343

UPHOLSTERY Orange Matrassen Fabriek Set di sala, colchon, stoel di auto, boto ect.

Busca mainta y haye atardi.

Tel 588-7468 / 593-4387 Solo #5

Gourmet lunch food Home Delivery Si ta desea durf purba algo differente

Jama Chef Reggito 5924808

Di dialuna pa diavierna

Tambe private chef y catering

Botica na Warda

Mei 14, 2021 P’abou di brug: Botica Trupiaal P’ariba di brug: Botica Seroe Preto

Pagina 25

Diabierna 14 Mei 2021 PRONOSTICO DI TEMPO VALIDO TE DIABIERNA 14 DI MEI 2021, 18:00 ORA. ELABORA DIAHUEBS 13 DI MEI 2021 17:00 (21:00 UTC) TEMPO: AWE ANOCHI: PARCIALMENTE NUBLA SIN AWACERO DI IMPORTANCIA DEN MARDUGA I MAYAN: PARSIALMENTE NUBLA CU UN AWACERO PASAJERO

Importancia del uso de la mascarilla

TEMPERATURA MAXIMO 32 GRADO CELSIUS TEMPERATURA MINIMO 27 GRADO CELSIUS BAHADA DI SOLO : 6:57 PM SUBIDA DI SOLO : 6:15 AM. BIENTO: MODERA TE BASTA FUERTE FOR DI DIRECCION OOST; FORSA 4 TE 5 (20 TE 39 KM/ORA, 11 TE 21 NUDO).

DEN DIA FUERTE TE DURO DEN RAFAGA; FORSA 6 TE 7 (40 TE 61 KM/ORA, 22 TE 33 NUDO) SITUACION GENERAL DI TEMPO PA PROXIMO 24 ORA: DEN PROXIMO 24 ORA NO TA SPERA MUCHO CAMBIO DEN E TIPO DI WEER CU TIN ACTUALMENTE. HUMEDAD DEN PARTINAN ABOU DI ATMOSFERA LO BIRA NET SUFICIENTE DEN ORANAN DI MARDUGA Y MAINTA PA PRODUCI UN AWACERO PASAJERO. DI OTRO UN BANDA POR BISA CU STOF FINI DI SAHARA LO STROBA VISIBILIDAD UN POCO DURANTE PROXIMO DIANAN. CONDICIONAN MARITIMO/ ESTADO DI LAMA: UN ESTADO DI LAMA LEVE TE MODERA NA PARTINAN ZUID Y PROTEJE, Y MODERA TE LOCALMENTE POCO BRUTO NA SECTORNAN OOST TE NOORDWEST TA WORDU SPERA DEN PROXIMO 24 ORA. OLANAN LO TA FOR DI OOST ENTRE 4 PA 7 PIA. E OLANAN DI MAS HALTO NA PARTINAN OOST TE NOORDWEST DI COSTA. AVISO/ ALERTA: UN AVISO PA BOTO CHIKITO PA E PARTINAN OOST TE NOORDWEST DI COSTA TA NA VIGOR...

TA PIDI PA EJERCE CAUTELA NA SOBRA PARTINAN DI COSTA YA CU E BIENTO DURO LO HACI LAMA LOCALMENTE POCO BRUTO...

Para nadie es un secreto que justamente desde que inicio la emergencia sanitaria en todo el mundo, ocasionada por la pandemia del Covid-19 (Coronavirus), se han tenido que tomar ciertas medidas para hacer frente a dicha situación, con el claro objetivo de lograr proteger cuanto antes la salud de la ciudadanía y por tal motivo contener la propagación de esta terrible enfermedad, entre estas medidas está el uso adecuado de las mascarillas, también conocidas en muchos países como tapabocas, en el momento de estar en público.

En este caso deben recordar que la mascarilla es muy importante, ya que ella es la que nos permite evitar de cierta forma el contagio de este virus, ya que esta evita que las partículas en el aire que se encuentra contaminadas ingresen a nuestro organismo o en su defecto evita que contagiemos a otras personas por medio de los fluidos si estamos con un

proceso respiratorio, por dicha razón su importancia en la actualidad está más que evidente.

Dentro de lo que cabe esta es una acción muy importante que deben tomar todos los países, ofrecerles a los ciudadanos la opción de adquirir mascarillas gratis, ya que esta es una medida de seguridad sumamente importante en la actualidad, por tal motivo se debe tomar cartas en el asunto cuanto antes con respecto a esto, así que nosotros les recomendamos que utilicen su mascarilla todo el tiempo, en especial si salen a la calle, pero además de la mascarilla es importante que al estar en espacios públicos utilicen guantes desechables, al llegar a su casa báñense, laven y desinfecten la ropa que traían puesta, como además limpiar y/o desinfectar a diario sus hogares, ya que de esta manera podemos hacerse de frente a esta enfermedad.

FENOMENONAN SPECIAL: NINGUN POTENCIAL DI AWACERO PA PROXIMO 24 ORA: 1 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 31 / MIN 25 / 1.4 MM WESTPUNT: MAX 32 / MIN 27 / 0.3 MM STA ROSA: MAX 32 / MIN 27 / 1.9 MM PRONOSTICO DI TEMPO PA PROXIMO 3 DIANAN:

PARCIALMENTE NUBLA CU UN AWACERO BREVE. BIENTO LO TA FOR DI DIRECCION OOST I MODERA TE BASTA FUERTE; FUERTE TE DURO DEN RAFAGA; TEMPERATURA (GRADO CELSIUS) MAX / MIN LO TA: 32 / 27

Tip Line 585 9500

solodipueblo@gmailo.com

Pagina 26

Diabierna 14 Mei 2021

Ladron a kibra drenta horta botternan di bebida na Baby Back Grill su bar pero den su huymento a laga 2 botter cay kibra

Diahuebs mainta a drenta informe di un kiebro y ladronicia den Caya Betico Croes.

Mesora a dirigi un patruya na e

sitio.

Na yegada di e patruya a bin compronde cu desconocidonan lo a kibra un bentana di palo cu

tabata tin poni pa sera e bar y a drenta horta varios botter di bebida den Baby Back Grill su bar.

Polis a tuma datos di e susedido

aki. Pero no a logra haya contacto cu e doño.

Polis a bay pa problema di pareha na Sabana Liber y a detene e homber

Diahuebs mainta a drenta informe di problema di pareha na un adres na Sabana Liber, mesora a dirigi un patruya na e sitio.

Na yegada di e patruya a bin compronde cu aki ta trata di un homber cu a yega cas kibra bentana y reboltea tur cos den e cas.

Pero ya ela bandona e sitio den un Nissan March blanco cual porcierto polis yegado na e adres a mir’e bay for di eynan. Un rato despues e vehiculo a bolbe y polis a detene e sospechoso y a bay cu e auto pa warda di Shaba.

Pagina 27

Diabierna 14 Mei 2021

Lotto Anochi Lotto Merdia MEI 12

Lotto Anochi MEI 12

Lotto Merdia MEI 11

MEI 11

Lotto Anochi MEI 12

Pagina 28

Diabierna 14 Mei 2021

Ta cumpra

Telefoon android y ios kibra Holoshi omega kibra

5694343

Publica serka nos anuncio di fayecimento di bo ser keri.

Nos tin 2 pakete pa ofrece

Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn

Ambulance San Nicolas Ambulance Sasaki Ambulance Wayaca

584-5050 582-5573 582-1234

Horacio Oduber Hospital Centro Medico San Nic. SVB AO Ziekmelding

527-4000 524-8833 527-2782

Servicio nan

obituario

911 100 102 104 105 107 11141

Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa

523-7147 525-4600 117 145 524-2424 584-5080 585-1198 913

Aurora Funeral Home Royal Funeral Home Ad Patres Funeral Home The Olive trees Funeral Home

588-6699 586-4444 584-2299 582-0000

Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation Kiningin Wilhelmina Fonds Fundacion pa nos mucha nan

582-2219 583-2999 582-4433 587-1677 583-5400 131 588-3131 587-0002 588-9999 582-0412 583-4247

Pakete 1: Anuncio di fayecimento te dia cu e defunto

ser dera Gradicimento y invitashon pa misa pa 3 dia AFl 250,00 Pakete 2: Anuncio di fayecimento te dia cu e defunto ser dera Gradicimento y invitashon pa misa pa 3 dia Na Canal 22 1x prome cu Noticiero 22 Afl 400,00 Pa mas informashon por tuma contacto cu oficina na 585-9500 of na 741-4554 puntra pa Jamila Henriquez

Oracion di dia Rumannan un feliz dia colma cu bendicion y gracia di Señor y di nan huicio pasobra gobernador di e mundo aki ta husga caba Huan 16:11 Rumannan,hopi di nos ta flihi pa motibonan personal y pa motibonan pa locual ta pasa cu nos prohimo, entre otro manera e pandemia. Afliccion por trece cu ne cu nos ta perde speransa y fe. Nos por sinti nos deprimi, manera cu nos ta cera y e impresionnan aki por trece entre otro sintomanan psicologico. Cristo ta bisa nos cu e gobernador di mundo, pues esun cu ta causa tur e cosnan aki ya ta husga caba. Pues e no tin ningun poder pa husga ningun di nos. Ta solamente

nos tin cu pidi Spirito Santo pa convence, ilumina y yuda nos pa nos wordo libera manera Pablo y Silas.

Oracion: Santisima Trinidad danki. Tata Santo regala nos Bo gracia di invoca Spirito Santo na tur momento pa nos Fe y Speransa den Bo crece y nos wordo libera di e gobernador di mundo, pa asina nos biba den Bo gracia y conforme Bo boluntad. Esaki mi ta pidi Bo den nomber di Hesus kende ta biba y reina hunto cu Bo den union di Sprito Santo, den tur siglo di siglonan.

Amen.

Pagina 29

Diabierna 14 Mei 2021

FOR SALE FOR SALE Toyota yaris 2013 7800 fl negosiable automatico aire.

Ford eco sport 2015 70km airco autm eco boost 4 cyl Suv.

CEL 5694343 Abona na

A BO NO MESTER SALI DI CAS Yama

585-9500 of e-mail nos na

solodipueblo@gmail.com Tur marduga nos ta entrege den bo porta di cas!

Noticia cayente, ta aki bo ta haye!

Pagina 30

Diabierna 14 Mei 2021

Bendicion y bondad di Señor ta compañami tur dia di mi bida, lo mi biba den cas di Señor henter mi bida largo Lagrima y flornan por seca, su recuerdonan y tur loke e la hasi y significa pa nos lo keda graba pa semper den nos mente y curason.

“Cerka Dios mi alma ta na paz, ta di dj'E mi salbacion ta bini” Salmo 62.1 Cu inmenso tristeza na nos curason, pero conforme cu boluntad di Dios, nos ta anuncia fayecimento inespera di nos ser stima:

Jolanda Beatrix Everon mihor conoci como: Jol, Jola, Joli, Jool * 24-08-1957 - + 06-05-2021

Tata: + Pedro Everon Mama: + Betty Everon Na nomber di su yuinan stima: Edward Everon y Andreina Croes

Jogard Everon Su nieto stima : Nathan Everon Su nieta y prinsesa stima: Lisa Everon Mescos cu un nieta: Laura Camilla Su rumanan: Barbara Everon y Facundo Geerman na Hulanda

Rofina y Edwin Boekhoudt na Hulanda

Teresa Everon na Hulanda

Rosa y Federico Ras na Hulanda

+ Robertico Vicente Everon

+ Vale Everon Su subrinanan: Etleen y famia na Hulanda

Rosline y famia na Hulanda

Guisella y Mark na Hulanda

Tricia y famia na Aruba Su subrinonan: Douglas y famia na Hulanda

Robert na Hulanda

Ferdinand na Hulanda

Rodrick na Hulanda

Rochinell na Aruba Mescos cu subrino: Andy Everon na Hulanda Su tanta: Hortencia Henriquez y famia Primo y primanan, Ihanan, comer y comper Everaldo (Efito) Croes, amiga y amigonan (mucho pa menshona), Ex-coleganan di Postkantoor y ex-coleganan di Belastingdienst.

Su amiganan di cas: Luci , Poppy y Lilian Beselink Su bon amigo: Enrico Giel y yuinan Tata di su yuinan: Gatty Croes Mescos cu suegro y suegra: + Henry Croes y + Prisilla Croes Y demas famia: Everon, Boekhoudt, Ras, Croes, Geerman, Angela, Wester, Werleman,

Henriquez, del Rosario, Krozendijk y Winterdaal.

Nos disculpa cu si den nos tristeza nos por a lubida algun famia.

Ta invita pa e acto di entiero cu lo tuma lugar Diabierna 14 di Mei 2021 di 2’or pa 4’or di atardi, na misa Santa Filomena na Paradera, y despues saliendo pa Santana Catolica na Paradera.

Despues di entiero lo no ricibi condolencia na cas.

Porfabor tene den considerashon e reglanan di DVG manteniendo distancia social, handsanitizer, no ta duna man ni brasa y uso di tapaboca ta obligatorio

Pagina 31

Diabierna 14 Mei 2021

“Señor ta mi wardador, mi’n tin falta di nada Den cunucu di yerba berde e ta ponemi sosega.

E ta hibami na awa trankil, Pa mi bolbe haña forsa”.

Salmo: 23 Cu hopi tristesa pero conforme cu boluntad di Dios nos ta anuncia cu a bay laga nos den brasa di Señor:

Benigna F. de Freitas-Willems Mihor conoci como “Maica” ( casa di Manolo) *13-02-1928 - †12-05-2021

Acto di entiero lo wordo anuncia despues

“Señor ta mi wardador, mi’n tin falta di nada Den cunucu di yerba berde e ta ponemi sosega.

E ta hibami na awa trankil, Pa mi bolbe haña forsa”.

Salmo: 23 Agradecido y satisfecho pa locual e la signifa pa nos, nos kier a anuncia fayecimento cristianamente di nos ruman y tanta stima:

Iginia Angelina Bareño Cariñosamente yama: “Tanchi Pipi” *20-07-1916 - †10-05-2021 Acto di entiero lo wordo anuncia despues.

Pagina 32

Sopi di Letranan

Diabierna 14 Mei 2021