DIABIERNA 1 SEPTEMBER 2023

Pag. 6

565-3232

Diabierna 1 September 2023

No tin ningun deadline pa firma RAFT dia 1 September; Hulanda ta na mesa cu Aruba

FELIS DIA DI PRENSA NA TUR ESNAN CU TA TRAHA

CORECTO Y HONESTO

100 MIL EURO PA ESUN CU DUNA

MINISTER ENDY CROES

TA DESEA TUR MIEMBRO

DI PRENSA FELIZ DIA DI PRENSA 2023

MINISTER DANGUI ODUBER LO HASI

SECTOR MEDICO DIGITAL; JAMA DOKTER, KEDA SIN HAYA CONTESTA LO TA PASADO

Minister Dangui Oduber a informa diahuebs cu el’a firma cu Setar pa digitalisa sector medico: tur afpsraak na dokter, specialista, resultado di laboratorio, botica, Hospital, etc etc ta bay wordo mehora digitalmente. E malservicio cu mester yama pidi afpsraak y dokter no ta contesta lo keda den pasado. Di es forma aki e afpraaknan di dokter lo cana mas lihe. Solo di Pueblo ta spera cu pronto e digitalisacion aki por keda cla y denta den funccion. Pabien!!

: Awe riba 1 di september 2023, Minister di Enseñansa y Deporte Endy Croes ta desea tur prensa Feliz Dia di Prensa. Libertad di expresion ta un derecho cu nos mester cuida. Prensa obhetivo tin un papel importante den esaki. Informando pueblo cu pasion, obhetividad y profesionalismo.

Boso trabou ta altamente aprecia. Minister Endy Croes ta felicita e miembronan di prensa pa nan trabou diario y ta gradici nan pa educa Pueblo di Aruba cu seriedad y responsabilidad, divulgando informacion relevante y fiabel den nos sociedad.

100 mil euro pa esun cu duna e tip riba e desaparicion di mike Venema na curacao

Diamars e fundacion di Peter R de Vries a anuncia di lo paga 100 mil euro pa haya e tip riba ken of kendenan ta tras di e morto di e Hulandes Mike Venema na Curacao.

Den algun hora polis na Hulanda a haña 4 tip referentr e caso aki. Venema a disparse na aña 2018 na Curacak. E ta victima di un delito y cu no a wordo soluciona.

Dia 5 di juli 2019, un persona a haña e Ford Pickup den fondo di lama unda den e auto a haya e curpa di Mike. Venema tabatin 53 aña ora ela desparce 12 september 2018. Awor ta 5 aña y te ainda no tin ningun desaroyo di e caso.

Na mesun momento polis na Hulanda ta duna atenshon na e kaso. Segun polis e dianan aki ta duna hopi atenshon na e kaso den diferente media di komunikashon pa asina haña mas tep posibel tokante e kaso. Polis ta spera ku a base di e tepnan por arestá e malechornan. Den e video di ‘Opsporing Verzocht’ por mira ku Mike a biba den un apartamento na Anasaweg, pero promé ku el a disparsé e tabata kedando algun tempu den un kas na Jan Sofat Resort.

Diabierna dia 1 di September, mundo ta celebra Dia di Prensa. Trabou di prensa ta hopi importante y no ta tur ora e ta facil pa yega na informacion cu nan kier. Den nomber di Gobierno di Aruba, Prome Minister Evelyn Wever-Croes ta expresa respet, aprecio y admiracion pa esnan cu ta tuma e trabou aki na serio.

“E trabou di prensa ta e forma di comunica entre, por ehempel Gobierno y su comunidad. Sin prensa esaki no ta posibel. Nos ta biba den un comunidad na unda cu transparencia tin prioridad. Transparencia y comparti tur informacion ta loke mester ta e punto principal den comunicacion di un Gobierno cu su pueblo. Pa Gobierno di Aruba, esaki ta nos meta, nos vision y nos

FELIZ DIA DI PRENSA

compromiso, pa comparti mas informacion posibel cu tur hende pa tur ta bon informa”, Prome Minister a expresa.

Un bon ehempel di exito ta e comunicacion di Gobierno pa comunidad durante e tempo di Covid. Comunicacion tabata e parti principal cu conduci cu Aruba tabata asina exitoso. Esaki tambe ta danki na prensa. Dia 1 di September ta un dia pa nos para keto, na e trabou importante aki di prensa, y pensa kico nos por haci pa haci e trabou aki un poco mas miho.

Libertad di prensa ta un libertad, un derecho fundamental cu un pais tin. Tambe e por wordo poni na riesgo, si e no wordo aplica responsabelmente. Na momento cu

prensa no ta haci uzo di e derecho aki na un manera responsabel, e ora ta pone nan propio libertad na riesgo. Tin hopi pais tambe cu no conoce e libertad di prensa. “Pues si nos pone den concepto, na Aruba nos ta bendiciona, nos tin bon medionan di prensa cu por transmiti bon informacion, pero nos tambe ta mira e riesgonan cu por tin si haci mal uzo di e poder importante cu ta e libertad di prensa”, Prome Minister a remarca.

Prome Minister ta haci un apelacion na tur ciudadano, sea ta traha den prensa of no, pa refleha riba kico nos por haci miho pa salbaguardia e libertad di prensa cu nos ta goza di dje aki na Aruba, pa nos ta sigur cu nos no ta perde nunca.

“Den nomber di Gobierno, masha pabien, danki pa e cooperacion. Dios bendiciona boso pa sigui haci e trabou importante aki”, Prome Minister a expresa.

“Ban refleha riba kico nos por haci miho pa salbaguardia e libertad di prensa cu nos ta goza di dje na Aruba”

No tin ningun deadline pa firma RAFT dia 1

September; Hulanda ta na mesa cu Aruba

For di un rueda di prensa di Secretario di Estado diabierna ultimo, a sali algun informe confuso, cu ta indica cu lo tin un deadline pa firma RAFT. Esey categoricamente no te caso.

Secretario di Estado a bisa cu tabatin un “streefdatum”, pero cu na mes momento a e ta desea pa “voor 1 October” lo por yega na un acuerdo.

El’a bisa cu Promer minister di Aruba a pidi’ele pa entrega un otro proposicion, pa cual el’a bay di acuerdo, pasobra e mes ta desea pa por yega na un bon acuerdo.

Van Huffelen a bisa: “En het tweede is natuurlijk dat er nog geen overeenstemming is over die Rijkswet voor financieel toezicht. En daar heeft de premier van

aangegeven dat zij in de komende weken onze nieuw voorstel zou willen geven dat ze daar ook de ruimte voor van het parlement voor heeft gekregen. En dat zou natuurlijk heel fijn zijn, want dan kunnen we hopelijk tot een tot ook voor Aruba een goed arrangement komen.”

Di unda e storia a sali cu varios politico y organisacion comercial ta exigi Gobierno pa firma RAFT per 1 september 2023? Ta inexplicabel cu Promer Minister ta den pleno negosacion, y parce na Aruba algun persona no ta sigui e desraoyo completo y corecto.

Den otro palabra Van Huffelen a laga sa cu no tin deadline y cu awor a duna Aruba algun siman

pa bini cu proposicion nobo. Cu otro palabra Aruba no a perde bus, pero na cualke momento por

subi e bus, pa haya intrest mas abao.

MINISTER ENDY CROES TA GRADICI SAN NICOLAS BUSINESS ASSOCIATION PA CONTRIBUI DEN E DESAROYO DI SAN NICOLAS

Diaranson ultimo, Minister di Enseñansa y Deporte Endy Croes

hunto cu Prome Minister

Evelyn Wever-Croes, Minister Glenbert Croes, Minister Geoffrey Wever, Parlamentario

Alvin Molina y demas invitadonan tabata

presente na e cumbre na St. Theresita Center San Nicolas. Esaki di dos aña cu San Nicolas Business Association (SNBA) ta organisa e evento aki, unda ta brinda e inversionistanan un espacio pa presenta nan proyecto cu e meta pa

stimula inversion y atrae inversionista den e bario di San Nicolas.

Un total di 14 inversionista a presenta nan proyecto

durante e evento aki. Minister Endy Croes ta duna palabra di elogio na tur inversionista cu a presenta nan proyecto diaranson ultimo y

ta felicita SNBA pa e tremendo iniciativa aki. Masha danki pa contribui den e desaroyo di San Nicolas.

Menu pa lunch

Diabierna 1 September

-Lenga di baca

-Mochi brazi

-chicken wings

-Galiña stoba

-Spaghetti cu balchi carni

-porkchop-chicken

breast- balchi pisca

Santa cruz 36 cayente Y rapidoooo

565-3232 11:00 am - 3:00 pm

VACATURA : METSELAAR RG. ARCHITECTURAL

PROJECT AND ENGINEERING

TEL: 297 586-1525

Parlamentario drs. Shailiny Tromp-Lee:

oposicion minoritario

Den un reunion publico dia 22 di augustus 2023 Gobierno di Aruba a bin duna splicacion di unda nos ta para awor pa loke ta trata e refinanciamento di e fiansa relaciona cu COVID-19 y alabes duna informacion riba e condicion mara na esaki, esta e RAft. RAft ta e ley di consenso di Reino imponi pa Hulanda cu mester reglamenta supervision financiero pa Aruba.

Un biaha mas e presencia di oposicion tabata marginal. Di 10 miembro ta 3 a 4 miembro tabata presente den sala di Parlamento henter reunion. En total 9 miembro di oposicion a papia pero sigur no tur tabatin e decencia di ta den sala ora Gobierno a contesta nan preguntanan, a duna splicacion, y/ of a coregi nan critica of mentira.

Durante reunion un cantidad di barbaridad a keda treci padilanti door di oposicion minoritario pa por hustifica nan lenguahe y actitud entreguista. Sigur durante di reunion mi a subraya e falta di e candela guerero cu mester tin pa por para pa bo pueblo, pa para pa lo husto, pa defende e stoel importante cu bo tin di ta un representante di pueblo. Un falta di caracter y sigur di muestra di corahe. Frasenan manera “RAft ta teribel pero necesario”, “Hulanda no ta confia Aruba mas pesey mes nos no tin otro cu tuma loke nan ta ofrece”. Comparacionnan cu diferente paisnan sin tuma e tempo pa compara e situacion den Reino mes. Pasobra si a tuma tempo pa haci esey por a conclui tambe cu nos como partner den Reino ta keda otro trata, sigur nos no ta keda ofreci condicionnan faborabel y cu berdaderamente por yuda nos pais y nos hendenan. Dicon no ta puntra dicon? Dicon no ta cuestiona e actitud aki di Hulanda? Si bo ta di acuerdo mes cu un Rijkswet di supervision, tin e decencia al o menos pa percura pa e ta uno husto y na beneficio di nos pais. Lastimamente un biaha mas nos por ripara cu no por bisti e petchi di Aruba y di bienestar general y mas bien ta pone bienestar propio (pasobra nan no tin partido) of bienestar di partido na prome lugar.

Un solo direccion e oposicion completo a bin ta concentra riba dje: ataca y desacredita Gobierno di Aruba. Tur cu e meta pa ataca, kibra y hunga politica barata di oposicion na lugar di bisti e petchi di Aruba y para pa loke ta corecto, pakico no por existi madurez politico y pa un biaha den historia di e pais aki nos por para hunto. Hopi kier lubida cu nos a caba di sali di un pandemia, hopi kier lubida pakico a presta e placa (vooral esunnan cu mas a keda yuda), hopi a lubida di e “gedwongen consensus” y situacion di “take it or leave it", tin a lubida con nan mes a grita of conseha contra di RAft. Un tristeza pa wak y scucha, esunnan cu mester sa of miho bisa sa miho, hasta na e momentonan aki kier sigui dividi y instiga, na lugar di para pa loke nan sa bon bon ta corecto.

un biaha mas a demostra di no por para pa bienestar general di nan pais y nos hendenan

Felis dia di prensa na tur esnan cu ta traha corecto y honesto

Pabien na tur periodista y medionan cu ta dedica na informacion.

Trabao di prensa ta pa raporta e berdad pa pueblo di Aruba. Sinembargo ultimo tempo of añanan nos por mira cu cierto prensa a bira perverso, unda nan a kibra cu tur etica y moral y ta usa e microfono of pen pa sacia nan sed politico. Tur ves carga cu mentira y mentira.

Ta logico cu nan tin sed pa poder y sed pa nan partido yega bek den Gobierno pa e kraanchi placa habri atrobe pa nan bolbe cobra 10 miyon.

Mas tristo ta cu Ministerio Publico no kier hasi su trabao y ta opta pa keda den silencio y laga e rochelistanan habraca tur hende na Aruba.

Di otro banda nos tin hopi prensa cu ta raporta corecto. Na tur esnan cu ta hasi e trabao digno y honesto, nos pabien.

Na e prensa corumpi y corupto cu te hasta a sobroba polis Vos y tin e pober cera pa 6 luna, ta spe -

ra cu husticia deal cu nan tambe y no tene miedo di hasi nan trabao.

Pabien riba dia di prensa y nos na Solo di Pueblo ta sigui firme cu nos trabao, pa sigui corigi tur mentira

y raporta lo corecto.

Pa loke ta Colony na Sanicolas, awor aki ta birando e forsa pa empuha e economia na San Nicolas. Desde 2017 bin ariba, San Nicolas ta e districto di enfoke pa Gabinete WeverCroes. Nos por mira cu nos wowonan con comerciantenan a para tras di e vision di gobierno y a pusha nan negoshinan na e banda pariba di nos pais.

Minister di Turismo cu plan serio pa beachnan na San Nicolas Sanicolas a conoce un cantidad di small business nobo e ultimo añanan aki. For di cinemas pa restaurant, sin lubida pronto e desaroyo magno di hotel secrets y e embeyecemento di e dos beachnan principal cu ta Baby Beach y Rodgers Beach. Akinan e minister di Turismo sr. Dangui Oduber ta dedicando hopi tempo y atencion riba nan y nos por nota cu e adelanto ta uno di calidad y bon plania. Rond di Rodgers Beach lo wordo completamente drecha. Esaki ta e parti di e masterplan pa e area di Seroe Colorado cu ta consisti di upgrading, mehoracion di Baby Beach y Rodgers Beach. E proyecto di Baby Beach fase 1 a wordo entrega caba, esaki pueblo por pasa disfruta di dje y mira con e a keda. Fase 2 lo wordo entrega den algun siman cu ta encera un parkinglot organisa y structura cu un retonde. Iluminacion tur rond y un landscaping precioso pa e area. Fase 3 lo bira di algun kiosko, un restaurant, pero tambe lo amplia e beach y drecha e canchanan di tennis y crea canchanan nobo multifuncional.

Na Rodgers beach Minister Oduber a anuncia cu lo bini un boardwalk estilo Malmok, cu lo conecta cu baby beach, asina ta conecta e dos beachnan aki pa esnan

na San Nicolas

cu ta cana den vecindario. Tambe lo pone palapanan nobo, un hut nobo y tambe toilet publico. Sin conta cu esaki lo hisa balor di propiedadnan den vecindario, e inversionana aki cu ta parti tambe di e plan total cu Gabinete Wever-Croes tin pa San Nicolas en general lo haci cu mas hende kier bishita San Nicolas. Di e wall arts guia pa sr. Tito Bolivar y su team pa e beachnan restaura den nan beyeza pa restaurantnan foodtrucks cu ta brinda bo e experiencia culinario local, San Nicolas sin duda ta hayando acogida grandi e ultimo temponan aki danki na e atencion special di Gabinete Wever Croes.

Mas pa San Nicolas Siguramente nos kier mira mihor resultado tambe ariba e sondeo di refineria. Pa asina esnan cu ta studia den e ramo di tecnologia haya mihor trabounan y esnan cu ta bibando afor por regresa bek cas y traha aki mes. Nos ta keda optimista cu no lo tarda mucho mas pa mira esaki concretisa. Y si esaki no lo ta e caso, desde parlamento lo boga pa habri un dialogo cu stakeholders y mira kico lo tin di ta e futuro cu pais ta desea pa cu e tereno aki. San Nicolas ta avansando y nos no kier pa esaki stop, sino sigui crece y surpasa e gloria anterior. Finalisando nos no a lubida cu despues di casi diez aña, e lusnan di Bernardstraat a sende bek, indicando cu tin lus pariba.

Parlamentario Hendrik Tevreden (MEP): Gabinete Wever Croes concretisando proyectonan

Glenbert

un gran acogida

INTERES DI COMUNIDAD PA FORMA

PARTI DI E CURSONAN DI ENSEÑANSA PA EMPLEO TA GRANDI

ORANJESTAD - Manera ta conoci, dialuna ultimo, Enseñansa pa Empleo a cuminsa cu varios curso pa e siguiente lunanan. Señor Francis Trimon, cu ta e Horeca Program Manager na EPE, a indica cu e interes di pueblo pa busca un miho futuro ta halto, mirando cu e cursonan cu a caba di cuminsa ta practicamente yen.

Minister di Labor Glenbert Croes tambe ta contento di mira e interes grandi cu tin pa forma parti di cursonan brinda pa EPE, ya cu esaki ta e yabi, pa mañan tur e studiantenan aki ta bon prepara pa drenta e mercado laboral. Actualmente, tin un scarcedad di profesionalnan den e sector horeca, cu ta un di e sectornan mas importante pa e economia di pais Aruba. "P’esey ta yena mi di satisfaccion pa wak cu tur e cursonan aki ta completamente yen y cu pronto Aruba por conta cu hendenan capacita pa brinda un miho servicio na nos bishitantenan. E demanda internacional pa bishita Aruba ta halto y nos como gobernantenan mester percura pa e keda asina.

P’esey nos lo sigui coopera y stimula e comuni-

dad completo, pa forma parti di e cursonan di EPE, pa asina yuda fortalece e mundo di hospitalidad y engrandece e economia di pais Aruba" Minister Croes a expresa.

Minister Croes kier encurasha tur esnan cu tin e necesidad pa un trabou of cu kier sigui crece den nan liña di trabou, pa bay inscribi na EPE, pa asina engrandece nan conocemento, cu e resultado di por drenta mas facil y cu miho credencial, nos mercado laboral. Un danki ta bay na e team dinamico di EPE, pa nan esfuerso, dedicacion, y pasion, den crea profesionalnan den un termino cortico. Tambe ta gradici Aruba Hotel and Tourism Association pa nan bon cooperacion pa cu EPE y di a provee materialnan cu tabata necesario pa eleva y completa e curso di waiter/waitress.

"Mi kier a desea tur cursista cu a caba di cuminsa cu nan curso na EPE, tur clase di exito pa cu e siguiente lunanan di estudio. Tambe mi ta gradici cada un di nan, pa a tuma e decision di sigui studia y bay dilanti, yudando asina, nan mes y pais Aruba progresa" Minister Croes a expresa.

Minister

Croes: Cursonan di Enseñansa pa Empleo a inicia cu

Prome Minister Evelyn Wever-Croes: Hunto cu Directora di Coordinatie Centrum Mensenhandel Mensensmokkel Aruba (CMMA)

PROME MINISTER A ELABORA RIBA E CAMPAÑA

‘NO CAY DEN TRAMPA’

manera internet, Whatsapp y otro medionan social. Por ripara cu tin hopi mucha ta sinti nan mes hopi insigur y of tin hopi berguensa y no tin curashi pa papia di e cosnan aki. “Pa e motibo aki, ta importante pa abo, como mayor, keda monitorea y si nota cambio di comportacion den bo yiu, papia cu ne pa saca afo kico por ta pasando cu ne,

sperando cu nunca e lo bira victima di algo asina. Mayornan tin e papel importante aki pa hunga den bida di nan yiunan. CMMA, ta percura tambe pa hunto cu docentenan y trahadonan social pa tin mas atencion riba esaki pa nos muchanan. Pero mi ta haci un apelacion na mayornan pa hunto nos cera cabes pa percura pa protehe nos

muchanan”, Prome Minister a remarca.

E Campaña di CMMA ‘No Cay Den Trampa’ ta pa conscientisa nos hoben y mayornan di e risiconan di e mundo digital. Pa haya mas informacion di e campaña aki, por bishita e website di CMMA www.cmaaruba. com.

Diahuebs 31 di augustus mainta, durante Conferencia di Prensa di Gobierno di Aruba, Prome Minister Evelyn Wever-Croes hunto cu Directora di Coordinatie Centrum Mensenhandel Mensensmokkel Aruba (CMMA), señora Jeanette Baars, a elabora riba e topico di traficacion di hende.

CMMA ta hopi activo den esaki y ya ta diferente biaha den conferencia di prensa a elabora riba e topico pa mustra e importancia di esaki den nos comunidad. “Aruba ta un pais vulnerable pa e tipo di abusonan aki y niun ciudadano di nos pais kier pa e tipo di cosnan aki pasa riba nos baranca”, Prome Minister a expresa.

E enfasis di e conferencia di prensa di diahuebs mainta ta basa riba e aspecto di enseñansan na nos hobennan y e rol di mayornan den esaki. Siman pasa, CMMA a lansa un aspecto nobo den e pakete di enseñansa riba Mensenhandel Mensensmokkel. E campaña aki, ‘No Cay Den Trampa’, ta hopi importante pa enseñansa, pa nos hobennan y mayornan pasobra tin preocupacionnan pa e siguridad digital di nos hobennan cu ta hopi online.

Nos hobennan ta un grupo hopi vulnerabel, no solamente na Aruba, sino mundial, pa loke ta e fenomeno

di traficiacion online di hende. Uzo di medionan online ta creciendo mas y mas den nos hobennan. Muchanan y hobennan, pa medio di internet ta wordo recruta asina via medionan social y plataformanan online di dating na unda mucha y hobennan ta duna mas informacion di nan mes, cu detayenan di nan ubicacion y unda nan ta biba entre otro. Informacionnan aki hopi biaha ta cay den mannan di hendenan cu tin mal intencion.

Tambe e tendencia di abusonan sexual y otro tiponan di abuso virtual ta creciendo. Hobennan ta post potret y videonan y esakinan ta wordo bendi y rebendi rond di mundo. Ta hopi importante pa na Aruba tambe nos pone hopi atencion na e problema aki, na e riesgonan y peligernan di internet.

“Nos no kier haci un alerta solamente na nos hobennan, pero awe mi kier haci un apelacion especial na tur mayor. Como mayor nos kier e miho pa nos yiunan. Nos kier proteha y defende nan di tur cos malo cu tin eyfo”, Prome Minister a enftisa.

Prome Minister a enfatisa cu e comunicacion entre mayor y yiunan, pa logra esaki, ta hopi importante. Y esaki mester ta asina tambe ora ta trata di cosnan online

Reflecting on 85 Years of Service and Commitment

Aruba, August 29, 2023 -

The Rotary Club of Aruba, an organization dedicated to the well-being and prosperity of the Aruban community, is taking a moment to pause and reflect on its remarkable journey over the past 85 years. Since its inception in August 1938, the Rotary Club of Aruba has brought together individuals from diverse backgrounds, representing various occupa-

tions, businesses, and industries. These dedicated men and women have met weekly, fostering a deeper understanding of Rotary's principles and extending a helping hand wherever it was needed.

What began with just a handful of pioneers has grown steadily over the years, despite the occasional challenges, to become a stable and robust organization comprising

45 to 50 devoted members. Over this span of 85 years, the Rotary Club of Aruba has convened more than 4,400 meetings and actively supported numerous charitable causes and

organizations. Their ultimate goal: to transform Aruba into a better, more 'dushi' (beloved) place for everyone in our community through service and enhanced understanding. The Rotary Club of Aruba extends its heartfelt gratitude to the broader Aruban community and, in particular, Aruba's businesses for their unwavering support and collaboration. It is with immense

appreciation that the Rotary Club of Aruba acknowledges the community's acceptance of their efforts and the opportunity to SERVE.

As the Rotary Club of Aruba looks back on this remarkable journey, they remain committed to their mission of service and look forward to continuing their work for the betterment of Aruba's future. Here's to another 85 years

VALIDO TE DIABIERNA 01 DI SEPTEMBER 2023, 18:00 ORA

TEMPO: AWE TARDI Y AWE NOCHI: PARCIALMENTE NUBLA Y GENERALMENTE SECO DEN MARDUGA Y MAYAN: PARCIALMENTE NUBLA CU UN AWACERO BREVE

TEMPERATURA MAXIMO 34 GRADO CELSIUS

TEMPERATURA MINIMO 28 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 35 PA 44 GRADO CELSIUS UV INDEX: 12

AVISO/ ALERTA:

TA ACONSEJA OPERADORNAN DI BOTO CHIKITO PA BAI CU CAUTELA NA PARTINAN OOST TE NOORDWEST DI COSTA

HORCAN FRANKLIN TABATA SITUA NA 425 KM NOORDOOST DI BERMUDA. FRANKLIN TA MOVIENDO OOSTNOORDOOST CU 22 KM/ORA Y NO TA UN PELIGRO PA AREA LOCAL.

TORMENTA TROPICAL IDALIA TABATA SITUA ZUIDOOST DI CAPE LOOKOUT, NORTH CAROLINA, USA, MOVIENDO OOST CU 31 KM/ORA. IDALIA NO TA UN MENASA PA REGION LOCAL.

TORMENTA TROPICAL JOSE A FORMA FOR DI TD # 11

Y TABATA SITUA OOST DI BERMUDA. JOSE TABATA MOVE NOORD Y TA SOLAMENTE UN MOLESTER PA NAVEGACION MARITIMO.

POTENCIAL DI AWACERO PA PROXIMO 24 ORA: 1 TE 3 MM; LOCALMENTE ESAKI POR TA DIFERENTE.

REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8’AM PA 8’AM):

E di seis E-Aruba Business Seminar ta dia 30 di september proximo

Hajj a colabora cu companianan manera Nike, Disney, Cadillac y mas. Hajj tambe lo yuda companianan chikito con pa pensa ‘grandi’, den e sentido di expande pa por tin mas cliente.

Pa RBC e evento aki ta uno importante. Mirando tur e desaroyonan tecnologico, RBC tambe a sigui cu stapnan grandi creando hopi servicio pa su clientenan. Esaki enfocando hopi riba servicionan di acepta pagonan online y otro innovacionan tecnologico cu un mentalid di 24/7 banking. Pierre Rafini di RBC a comparti

cu RBC e aña aki a join eSeminar na tur tres isla den Caribe incluyendo Corsou y Sint Maarten.

Guardian Group su representante Elaine Romano a comparti cu pa nan tambe e mundo di digitalisacion ta uno importante. Como compania nan tin nan portal unda cu e cliente por haci uzo di hopi servicio.

Fast Delivery Services tambe ta forma parti di e partnernan principal pa di dos aña. Fast ta kere den inovacion y den duna e sector comercial e hermentnan pa

cosecha pa exito. Carchinan pa e-Aruba Seminar ta disponibel caba riba e website www.e-aruba.com y diabierna awor nan lo ta disponibel fisicamente na Super Food Aruba pa $75.

E-Aruba ta hopi agradecido na tur partnernan manera RBC, Fast Delivery Services, Guardian Group, Qredits, Justspark, Aruba Airport Authority, IBS, Motus Minds, Click Print y Elite Productions Aruba. EAruba ta un produccion di Infinity Media Aruba y The Lab Driving Results.

Despues di edicionnan anterior exitoso na Corsou y Sint Maarten e aña aki mes, Aruba lo cera e serie di seminarionan cu su di seis edicion, riba diasabra 30 di September 2023 na Renaissance Convention Center. E-Aruba ta un di e seminarionan mas exitoso na Aruba cu un atendencia di aproximadamente 700 persona durante cada edicion. E exito ta sinta den e hecho cu varios profesional di exterior den e industria di mercadeo digital, e-commerce, inteligencia artificial y Chat GPT lo ta na Aruba pa asina enrikece e conocemento di e publico.

Tambe e evento ta incorpora e elemento di entretenimento cu ta haci e evento uno placentero pa atende. Mayoria di persona cu ta atende ta e.o hendenan cu ta traha den comunicacion, mercadeo, benta, IT, e-commerce, management, relacionan publico y mas. Durante e lansamento oficial cu a tuma luga na oficina di e sponsor principal cu ta RBC, e organisadonan

Mark-Benson Denz y Diederik Kemmerling a elabora riba e contenido di e di seis edicion.

For di e compania Amazon, Rose Jia lo ta un di e invitadonan. E tin un trayectorio impresionante como un bankero, financiado y empresario. E lo comparti e ultimo tendencianan den e mundo di mercadeo y con pa haya e miho exito for di cada inversion den mercadeo. Un otro profesional for di Merca cu lo t’ey ta Eric Siu cu ta presenta un podcast yama ‘The Marketing School’ riba e topico di mercadeo hunto cu e legendario ‘Neil Patel’. Eric a yega di yuda companianan manera AirBNB, Uber y mas pa cosecha exito. Na Aruba e lo yuda tur compania cu ta presenta cu hopi tips practico.

For di Merca tambe lo t’ey Hajj Flemings, un serie entrepeneur c’un specialidad den inteligencia artificial manera Chat GPT, Midjourney y otro hermentnan cu lo yuda haci cada persona su bida mas eficiente.

Partido MEP:

MEP na Parlamentarionan Miguel Mansur y Ryçond Do Nascimento:

GABINETE WEVER-CROES TA Y LO SIGUI NA MESA DI NEGOSACION CU HULANDA TE

ORA HAYA UN SALIDA CU TA BENEFICIA ARUBA

a reunion a resalta esnan cu ta na fabor y esnan cu ta contra Raft. Parlamento den su mayoria a vocifera cu nan no ta di acuerdo cu e Raft por lo tanto a pidi Gobierno pa sigui negocia cu Hulanda pa asina haya un solucion pronto na bienestar di nos pais.

cu Parlamentarionan Miguel Mansur y Ryçond Do Nascimento, den un reuda di prensa a vocifera cu nan ta na fabor di un Raft y a manda un carta pa Hulanda cu intencion di logra aprobacion di Raft na Aruba.

Siman pasa a tuma luga den Parlamento e reunion publico pa trata e debe di Covid pa pais Aruba. Den

Partido MEP ta sigur di un cos, esaki ta cu Gobierno di Aruba, bou maneho di Minister President Evelyn Wever-Croes, ta sigui na mesa cu Hulanda pa asina yega na e solucion corecto pa nos pais Aruba.

Partido MEP a tuma nota

Bisando esaki, Partido MEP ta asegura Parlamentario Mansur y Parlamentario Do Nascimento cu Gabinete Wever-Croes ta

haciendo esaki y lo sigui na mesa di negosacion cu Hulanda te ora haya un salida cu ta beneficia Aruba. Por a tuma nota tambe cu Secretario di Estado Alexandra Van Huffelen diabierna ultimo a confirma tambe cu e negosacionnan ta andando den e bon direccion. Gobierno keto bay ta na mesa cu Hulanda pa saca e miho deal pa nos pueblo.

Asina ta, Partido MEP ta

conseha Parlamentario Mansur y Parlamentario Do Nascimento, pa no ansha y keda trankil y laga e Lider di e pais aki y Gobierno sigui negocia cu Hulanda den e proximo dianan aki nos dilanti. Prome Minister Evelyn Wever-Croes lo sigui trece tur informacion pa nos pueblo manera cu yega na un conclusion cu lo beneficia Aruba.