Page 1

NOS DEBE NACIONAL TA REDOBLA Y NOS FUTURO TA HYPOTECA PAG 5

September, 2012 - Edicion 2 Tel: 585-6917 - E-mail: voxpopulimep@gmail.com

Cortesia

MEP mas Cerca di pueblo

PROTOCOL DI 1993 PAG 13

E MESA DEN ACCION PAG 15

NOS COMPROMISO CU NOS PENCIONADOS PAG 4

BINGO NOVEMBER 2012 NA CLUB CAIQUETIO

REUNIONNAN EXITOSO DEN PUEBLO Den luna di september partido Movimiento Electroal di Pueblo MEP a cuminsa cu reunionnan di contacto den nos barionan. Den luna di september partido MEP a tene reunionnan den bario di Macuarima, Playa, Paradera, Boegoeroei y Yara. Durante e encuentronan aki esnan presente por a sera conosi cu e directiva di cada districto y tambe cu e candidatonan di e barionan. E presidentenan di cada directiva a splica e structura nobo di partido y a splica unda cada miembro di partido por yuda. Habitantenan a trese varios di nan preocupacionnan dilanti. E reaccionnan durante e reunionnan a mustra cu hopi hende no ta compronde e prioridadnan di e Gobierno aki, pasobra tur caminda por mira asfalt y klinker nobo, pero nan cartera ta bashi bashi. E asistencia na cada reunion tabata grandi,cual ta hopi positivo, considerando cu nos ta un a単a lew di eleccion. Partido tin lugar ainda pa mas hende cu kier yuda activamente. Si bo kier bira un lider di bario, bo por tuma contacto cu e directiva di bo districto. Reunionnan den nos barionan lo continua. E exito di e prome tanda di reunionnan a demostra cu tin un necesidad grandi den nos Pueblo pa reuni cu su representantenan y pa wordo informa realmente kiko ta sosodiendo na nos Pais. Keda pendiente pa e sigiente reunion den bo bario pa bo por asisti sin falta.


Pag 2

VOX POPULI

ACTIVIDAD

E CORANT DI MEP VOX POPULI TA BIRA UN REALIDAD

Den luna di augustus 2012, nos Partido ta lansa e promer edicion di VOX POPULI, un corant yena cu informacion importante di nos prestigioso Partido Movimento Electoral di Pueblo (MEP). Cu ayudo di The Sun Printers e corant di MEP a bira un realidad y ta cumpli cu e necesidad di nos miembronan y di Pueblo en general pa haya noticia riba e tereno politico. VOX POPULI lo sali un biaha pa luna. E corant ta wordo reparti den tur districto di nos Pais pa e miembronan di e Directiva di Bario di nos partido y tambe door di e candidatonan di MEP cu ta pasa personalmente pa haci un bishita y trece e informacion valioso te na porta di bo cas. E promer edicion di Vox Populi a ricibi un tremendo acogida serca e miembronan y simpatisantenan di nos partido y nos ta spera cu e edicion aki y tur edicion cu lo sigi por goza di e mesun bunita acogida. Aki ta sigi un reportahe grafico di e lanzamento di VOX POPULI, e corant di MEP!

September 2012

PENDIENTE RIBA

AGENDA

BINGO NOVEMBER 2012 NA CLUB CAIQUETIO NOS TA WARDA BO !!


VOX POPULI

September 2012

Pag 3

LIDER NA PALABRA MENSAHE DI LIDER DI PARTIDO Nos ta pasando den man di e peor Gobierno cu nos Pais a yega di conose. Nos Pais ta mas insigur cu nunca, criminalidad a aumenta cu 60%. Nos tin un desempleo haltisimo, prijs di awa y coriente, di cual e gobernantenan actual a priminti cu lo bahe desde "day one", a redobla, y ora nan por a bahe cu 30% nan a bai negosha pa duna Pueblo un rebaho mucho menos. Tin al rededor di 12 mil famia cu no por paga nan cuenta di coriente, y cu ta core e riesgo cu mester corta nan meter. Costo di bida cu ta hopi halto, tresiendo h o p i famia d e n

problema, y causando hopi problema social, sin papia mes di e falta di atencion pa cu nos grandinan. Nos no ta dunando e atencion debido na e nivel di enseñansa, sigur awor cu enseñansa obligatorio a wordo introdusi, y segun e Minister actual tur cos ta bon den

enseñansa pasobra nan a verf algun skol. Nos Pueblo a perde confiansa den nos salubridad publico, na man di un Minister cu ta mas preocupa pa su boticanan ta exitoso, cu salud di hende. Pero e aspecto mas serio ta e situacion financiero desastroso di nos Pais. E debe nacional cu den 24 aña a monta na 2.000.000.000 florin, desde 2009 Gabinete Mike Eman a aumenta te yegando

5.000.000.000 florin, un aumento segun Banco Central, di mas halto cu nos Pais a conose. Te hasta La Reina a dedica atencion na e aspecto aki den e discurso anual na ocasion di apertura di aña parlamentario nobo na Hulanda. Locual tin nos mas preocupa ta cu nos no ta mira ningun plan con pa soluciona e problemanan aki. Esaki ta ponemi yega na un conclusion, cu e gobernantenan actual no por goberna. Nunca nan por a hiba un maneho financiero drechi. Despues cu Gabinete Henny Eman 1 a baha na aña 1989, nan a laga un desaster financiero atras. Despues cu Gabinete Henny Eman 2 a baha na 2001, e desaster a bira mas grandi, te cu e ex- lider di AVP y Minister di Finansas di AVP, sr. Tico Croes, a wordo condena penalmente pa fraude den gobernacion. Y e Gabinete Mike Eman 1 actual ta mustrando di ta bai den mesun direccion. Pero mescos cu na aña 1989, aña 2001 na aña 2013 partido Movimiento Electoral di Pueblo MEP ta cla pa bin drecha cos atrobe. Pa bin pone orden atrobe den nos Pais. Pa percura cu reglanan ta wordo cumpli cune. Y mas importante pa percura cu e ser humano wordo poni

central atrobe. Gabinete Mike Eman 1 ta mas preocupa cu asfalt y klinker, y su relacionnan internacional, pero a neglisha e ser humano na Aruba, e famianan, e hogarnan, e hobennan, nos grandinan. Nos no mester perde speransa, pasobra mescos cu despues di cada tempestad solo ta sali, asina e solo di partido Movimeinto Electoral di Pueblo MEP tambe lo briya bek despues di e tempestad aki di Gabinete Mike Eman. Nos partido tin un structura awor mucho mas fuerte cu cualkier otro partido politico. Awor nos ta un aña prome cu eleccion, un eleccion importante. Y ta importante pa tur hende ta bon informa na momento di bai vota den e sigiente eleccion. Pesey bo participacion activo den nos partido ta sumamente importante, pa bo yuda nos hiba e mensahe den tur skina di nos Pais. E eleccion aki ta determinante pa e futuro di nos yuinan, nan yuinan y nan nietonan. Si nos no pone finansas publico di nos Pais bek den rumbo corecto, nos yuinan, nan yuinan y nan nietonan lo paga e cuenta.

Evelyn Wever-Croes Lider di MEP

VOXPOPULIMEP@GMAIL.COM


Pag 4

VOX POPULI

NOS COMPROMISO

Den sondeonan hasi bou di nos pensionadonan, a resulta cu nos pensionadonan tin mester di sosten y ayudo. Parti di esaki ta miho cuido, mas sosten financiero, y e otro parti ta den cambio di ley y reglanan. Partido Movimiento Electoral di Pueblo, un partido Social Democrata, ta compromete su mes pa efectua e cambionan aki, pa mehora calidad di bida di nos pensionadonan. Nos ta conciente cu ta nos grandinan a desaroya e pais y su economia, cu nos tur ta biba di dje awe, y ta pa e motibo ey nos grandinan merese un miho trato.

CUIDO DI NOS GRANDINAN: CREA MAS CAPACIDAD PA CUIDO DI NOS GRANDINAN Mas y mas di nos grandinan no por keda biba na cas, y mester bai biba den un cas di cuido. Lamentablemente e capacidad actual no ta suficiente y nos grandinan mester warda largo prome cu por haya un lugar den un cas di cuido. Esaki ta causa hopi biaha problema den famia y por afecta e calidad di cuido di nos grandinan. MEP lo amplia e capacidad di cuido, pa asina por brinda mas di nos grandinan oportunidad den casnan di cuido, cu cuido especialisa.

MIHOR CUIDO DI SALUD: DOKTER SPECIALISA DEN CUIDO PA NOS GRANDINAN Actualmente nos no tin ningun dokter na Aruba cu ta specialisa den cuido di nos grandinan, un geriatra. Cu un geriatra na Aruba, bo por wordo garantisa un miho cuido. E geriatra lo sa di referi pacientnan mas liher na demas specialistanan, pa asina bo no tin nodo di warda asina tanto prome cu wordo atendi pa un specialista.

FINANSAS: ELIMINA COBRANSA DI BELASTING RIBA PENSIOEN DI BIEHES

September 2012

Bo tambe ta haya cobransa bastante halto di belasting, pasobra bo tin mas cu un pensioen of bo tin otro entrada? Nos partido ta trahando riba un ley di iniciativa pa elimina e belasting riba e pensioen di biehes, y asina bo no ta haya mas cobransanan halto asina den caso cu bo tin mas entrada. Nos ta di opinion cu nos grandinan a traha duro caba, y a paga suficiente belasting caba. Ademas, nos grandinan ya caba a bai atras den entrada na momento di bai cu pensioen, y e cobransanan aki di belasting ta causa mas problema financiero. Nos kier pa nos grandinan por gosa di nan seneltud contento, y pesey nos compromiso ta pa alivia e peso financiero aki. Tambe nos ta di opinion cu nos mester garantisa cu tur pensionado cu tin solamente pensioen di biehes, no tin nodo di yena nan formulario di inkomstenbelasting mas. Esaki ta crea solamente mas molester y preocupaci坦n pa nos grandinan.

REBAHA PRIMA AZV RIBA PENSIOEN Entrante 1 di januari 2011 Gobierno a introdusi un medida cu a afecta especialmente nos grandinan. Gobierno a aumenta e prima di AZV di 9.5% pa 11.5%. Como pensionado, abo mester paga e prima aki completamente. Un persona cu ta den servicio di un do単o di trabow ta paga 2.6%, y su do単o di trabow ta paga e sobra, pero un pensionado mester page completo. No ta tur pensionado ta paga e prima aki, pasobra SVB ta paga e prima di AZV pa esnan cu tin un pensioen di biehes solamente. Pero si bo tin mas entrada, ta abo mes mester paga esaki. E medida aki di Gobierno a afecta hopi pensionado cu mester paga e prima aki. Partido Movimiento Electoral di Pueblo lo rebaha e peso di e prima di AZV pa e pensionado.

CONCIENTISACION PA DUNA NOS GRANDINAN PREFERENCIA NA OFICINANAN DI GOBIENO Y BANCONAN Partido Movimiento Electoral di Pueblo MEP lo traha pa inculca den nos comunidad mas respet y atencion pa nos grandinan. Pa duna nos grandinan preferencia ora nan ta para den rij, pa crea rijnan especial pa nos grandinan ora di bai oficinanan di gobierno of banconan, pa educa nos hobennan pa lanta y laga un hende grandi sinta si no tin mas lugar di sinta, pa trata nos grandinan cu cari単o y pasenshi. Cu esaki nos ta spera di por duna nos grandinan un miho trato, y demostra nos gratitud pa tur locual bo cu a hasi pa nos. Nos ta spera di haya e oportunidad pa cuminsa traha riba e plan aki pronto.


September 2012

VOX POPULI

Pag 5

FINANZAS Mr. Xiomara Ruiz-Maduro

NOS DEBE NACIONAL TA REDOBLA Y NOS FUTURO TA HYPOTECA E debe nacional di nos Pais a bin ta subi cada aña. Den 24 aña di tempo, nos Pais a acumula un total di 2.226.100.000 florin na debe nacional. Pero awor na un forma acelera e debe di nos Pais ta wordo redobla na 4.330.000.000 florin den solamente 3 aña di e gobernacion actual. Si nos tene na cuenta cu den e suma aki no ta inclui e gastonan di interes cu nos mester paga riba e debe nan aki y cu nos Pais no lo conta mas cu entradanan cu ta relata na e refineria Valero cu ta sera su portnanan fin di 2012, nos por bisa cu tur exactitud cu e debe nacional di nos Pais ta yega 5.000.000.000 florin na man di Gabinete Eman.

proyecto cu ta wordo financia pa SOGA pa 240.000.000 florin y ta hinca e Pueblo aki den un debe di 10.000.000 florin pa 25 aña largo. E Green Corridor cu ta un proyecto PPP cu un costo di 292.000.000 florin cu lo hinca nos den un debe adicional di 16.000.000 florin pa 18 aña largo. Pues banda di e gastonan halto caba di gobernacion cu nos por wak den e presupuestonan di nos Pais, nos tin cu tene cuenta cu e hecho cu Gabinete Eman a traha ‘off balance’ un debe di 1.232.000.000 florin riba lomba di nos Pueblo. Pa paga e debenan aki bek, Gabinete Eman lo bay saca por lo menos 76.000.000 florin tur aña for di e saco di Pueblo.

Acuerdonan “off balance”

Redobla nos debe nacional den 3 aña ta un logro

Fuera di a debilita nos finanzas publico cu gastonan exesivo di gobernacion, pagando miyones na coordinadornanGabinete Eman ta serando acuerdonan ‘off balance’ cu no ta aparece riba presupuesto di nos Pais, pero cu tin concesuencia severo pa nos finanzas publico. Asina nos por mira cu riba nos lomba ya ta pisa e acuerdo cu Gobierno a sera cu APFA pa cubri e deficit di mas di 700.000.000 florin cu lo hinca e Pueblo aki den un debe di 50.000.000 florin pa 15 aña largo. Tambe nos ta haya Gabinete Eman su proyectonan financia pa SOGA y e formula magico di Private Public Partnerships (PPP). Esaki ta proyectonan pa cual Gabinete Eman no mester saca placa di Pueblo mesora, ya cu ta te despues cu e proyectonan wordo finalisa, e cuenta ta wordo presenta na Pueblo pa nos paga pa añas largo. E Hospital nobo ta un

Si nos conta e 1.232.000.000 florin di debe ‘off balance’ riba riba e 3.098.000.000 florin cu nos tin caba na debe nacional, danki na Gabinete Eman nos ta yega na e suma spantoso di 4.330.000.000 florin na debe nacional. Y si riba esaki nos pone e interesnan cu mester wordo paga riba e debenan y tambe teniendo na cuenta cu Valero no lo contribui mas na caha di Gobierno, cu tur exactitud nos por bisa cu nos debe nacional na man di Gabinete Eman ta core awor den 5.000.000.000 florin. Un logro historico, na unda den apenas 3 aña di gobernacion Gabinete Eman ta logra redobla e debe nacional cu nos Pais a acomula den 24 aña di existencia, ya cu na 2009 e debe nacional tabata 2.226.100.000 florin. Banco Central ta adverti nos

Banco Central den su comunicado di prensa riba su relato annual di 2011 ta adverti nos caba di seriedad di nos finanzas publico. Riba pagina 4 di e comunicado nos por lesa: “E deficit di 2011 tabata di dos aña di deficitnan financiero structuralmente mas halto....” Pa 2011, e debe total di Gobierno a crece cu Afl. 391 miyon pa 2,8 biyon of 57,8 porciento di GDP, e aumento mas grandi cu hamas a keda registra.” Asina aki Banco Central ta indica cu e situacion financiero cu nos Pais ta aden awor ta uno cu deficitnan y debenan hamas bisto den e historia di e Pais aki y ta muestra cu e finanzas publico di nos Pais a wordo debilita na man di Gabinete Eman. Nos mester bay den balansa bek E creacion di debe pa loco y na e forma acelera cu Gabinete Eman ta hincando nos Pais aden ta pone cu no solamente nos, pero nos futuro generacionan ta wordo hypoteca. Pesey nos mester stop e rumbo desastroso aki y bay traha pa restablece e balansa bek den nos finanzas publico. E promer paso ta pa realmente baha gasto di gobernacion y reforma nos sistema di belasting pa asina duna e clase media, e weso di lomba di nos Pais, un chens pa fortifica su mes y saca su cara bek riba awa. Nos mester traha hunto pa asina nos bay dilanti y laga nos atras un Gobierno cu ta hypotecando e futuro di nos Pais.

GABINETE EMAN PONIENDO BALOR DI NOS FLORIN NA PELIGER! Cifranan di Banco Central ta indica cu desde juni 2010 nos reservanan di divisa a baha cu 477 miyon florin trahador pa ocupa tur e funcionnan disponibel.

florin den menos cu 2 aña di tempo.

Ta danki na tur e inversionnan aki nos reservanan di divisa a aumenta drasticamente te na mas cu 1.5 biyon florin, contrario na locual nos Gobierno di MEP a hereda na final di 2001, esta un reserva di divisa di apenas 699 miyon florin. Pues den 8 aña di tempo e Gobierno di MEP a logra na mas cu redobla nos reservanan di divisa! Esaki ta un logro historico cu ningun hende por kita for di Gabinete Oduber y MEP.

Aki Pueblo por mira claramente resultado di e maneho monetario, economico y financiero desastroso hiba pa Gabinete Mike Eman y AVP. Hecho ta cu e reduccion drastico den nos reservanan di divisa a bin despues di tanto gabamento tur dia di e ministernan di Gabinete Mike Eman, entre otro e restart di e refineria, e yegada di KLM y Carnival Cruise Lines, un supuesto crecemento drastico di nos turismo, etc. Mester conclui cu tur e gabamento tur dia di e ministernan di Gabinete Mike Eman riba nos desaroyo economico ta puro show y fantasia. E Gobierno actual – fuera di ruina nos finanzas publico cu debe y mas debe - ta bay den historia como e Gobierno cu tur dia ta poniendo balor di nos florin Arubano na peliger.

Maneho desastroso No ta un secreto, pero durante 8 aña largo Gabinete Oduber a traha den forma dinamico pa crece nos economia, crea cuponan di trabao na gran cantidad y tur hende por a mira cu tabata tin construccion den tur skina di Aruba, tanto pa loke ta inversionnan di sector priva como di Gobierno, ya cu Gobierno tabata fungi como ‘trendsetter’ den henter e desaroyo economico positivo cu nos Pais a pasa aden. Te hasta nos a conoce un situacion caminda Camara di Comercio – mirando e ‘carrying capacity’ di Aruba - tabata roga Gabinete Oduber pa restringi tur e inversionnan, ya cu no tabata tin suficiente

Sinembargo, kico nos ta mira desde cu partido AVP a asumi responsabilidad gubernamental na November 2009? Despues cu nos reservanan di divisa a sigui crece durante algun luna mas y esaki danki na e maneho dinamico hiba pa Gabinete Oduber IV, e reservanan aki a cuminza disminui drasticamente for di juni 2010 en adelante. Segun cifranan oficial di Banco Central na juni 2010 nos tabata tin 1552.1 miyon florin na divisa. E ultimo cifra cu ta disponibel ta di Juli 2012, caminda nos ta mira cu nos reservanan di divisa a baha te na 1075.2 miyon florin. Pues compara cu juni 2010 esaki ta un bahada astronomico di 477 miyon

RESERVA DI DIVISA (x miyon Afl)

Juni 2010 Jan. 2011 Juli 2011 Jan. 2012 Juli 2012

1552.1 Okt. 2010 1407.6 1316.7 Apr. 2011 1341.7 1259.7 Okt. 2011 1225.4 1344.5 Apr. 2012 1207.3 1075.2 VOXPOPULIMEP@GMAIL.COM


Pag 6

VOX POPULI

INFRASTRUCTURA

September 2012

Linear Park: Despues di 1 aña di retraso!

Bunita proyecto iniciativa di AHATA converti den un proyecto dudoso pa Gobierno di AVP!

Linear Park a wordo presenta na Gobierno un 6 aña pasa y den Parlamento tur fraccion e tempo ey a acepta y tabata di acuerdo pa Gabinete Oduber 4 laga departamentonan di Gobierno cuminsa prepara esaki. Na momento cu tur cos ta cla lo mester a cuminsa pone placa riba presupuesto pa ehecuta esaki. Linear Park inicialmente lo mester a cuminsa na airport y cu un duracion di un minimo di 10 aña lo mester a termina e parke aki te na Arashi. Den preparacion di presupuesto 2009 y 2010 ainda bou Gobierno di MEP a indica cu lo pone e prome 2 miyon pa start up e proyecto y esaki lo inicia na Airport bin abou te na rotonde Las Americas. Na final ora cu termina e Linear Park, Aruba lo tin un atraccion turistico mas, esta e parke di mas largo den Caribe.

Trabou sigura pa 10 aña E idea pa construi e Linear Park den un tempo asina largo ta pa hustamente

duna nos contratistanan local trabou y pa un termino sigur di 10 aña. Lamentabelmente na September 2009 Gobierno a cambia y partido AVP no a preocupa cu e meta pa juda nos contratistanan local. Maske cu e Linear Park cu de facto ta cai bou di Infrastructura(Minister Sievinger) toch e Minister di Turismo, Otmar Oduber a pasa man cu esaki. Y ta ey e problemanan y duda a cuminsa rondona e proyecto aki.

Ehecuta pa un compania amigo Pa cuminsa no a inicia e proyecto na Airport bin abou pero a coi fase 2 di e projecto pa cuminsa cune. Di Rotonde Las Americas te na lagoen. Despues cu expertonan di DOW a calcula e costo di e proyecto na 9 miyon florin y a bay un destaho publico, “out of nowhere” a sali un compania fantasma di Venezuela, Prosuinca NV, cu ningun hende no conoce, cu a bid un suma di 4 miyon pa traha e proyecto Despues cu DOW a rechasa e compania su

bid pa uno irrealistico, asina mes e Minister di Turismo a pusha y pone precion pa e compania amigo Venezolano aki haña e proyecto. E doñonan di e compania Venezolano aki ta wordo liga na amistadnan cerca y sigur den temporada di campaña di e Minister di Turismo.

Un proyecto rondona pa irregularidad Minister di Turismo a deshasi di e destaho publico y den un forma incomprendibel a otorga e compania amigo aki e trabou. Den su defensa fofo e la argumenta cu e prijs di e compania Venezolano ta abou pasobra entre otro tur e klinkersnan lo wordo pega cu mashin y e ora mester masha poco trahador Realidad ta cu ningun dia a wak un mashin pega klinkers den e proyecto y segun algun sub-contractor ta abuso so a tuma lugar eynan. E poco contratistanan local cu por a haña algun trabou no a keda hopi pa falta di incumplimento di e doñonan Venezolano Y

tur esaki aparentemente cu bendicion di e Minister di Turismo cu pa straño cu e por zona tin e cartera di labor tambe. E ta un lastima, cu ni un dia e mandatario aki a sali na defensa di e trahadornan y contratistanan chikito den e proyecto.

Proyecto tin 1 aña di retraso Mientrastanto e trabou a cai 1 aña atrasa. Resultado di e trabounan na prome bista ta uno basta pober y inferior na calidad. Ta en espera di e promer yobida grandi pa wak si berdad e klinkersnan ta poni manera e bestek ta exigi Tambe tin hopi duda ariba e calidad di e biganan cu a wordo usa pa e walkway. Manera un buchi robes e Minister di Turismo a core cu esnan cu tabata baha boto na cas di Gobernador E la sera e entrada pa despues bai cuminsa prepara pa traha un otro lugar pa baha boto pabou di e cura di airport Tin rumor cu placa pa e proyecto lo a caba y cu ta pesey e trabounan ta bai den un speed abou y tin retraso di 1 aña caba.

Mester investiga e ehecucion di Linear Park E ehecucion di e proyecto do Linear Park mester wordo investiga. Mester haya sa si Prosuinca NV a cumpli cabalmente cu nos Leynan y mas aun pa desvia di destaho publico. Alaves lo mester investiga si e compania Venezolano a cumpli cabalmente cu nos Leynan di belasting Sigur pa loke ta e aspecto di derecho di trahadornan Mas tristo ta cu e proyecto cu tur su problema y retraso anto ainda e Minister di Turismo tin e curashi y arogancia di menciona cu e lo no tin problema pa duna e mesun compania aki e siquiente fase di e projyecto. E Minister di Turismo aparentemente no ta siña di pasado y kier keda ripiti erornan di pasado Partido MEP ta para tras di e proyecto total di Linear Park, pero sigur no por aproba e forma con e bunita proyecto aki ta wordo transforma den un proyecto dudoso pa loke ta su ehecucion.


September 2012

VOX POPULI

Pag 7

PARTIDO MEP TA INFORMA

SI BO TA CASA OF BO TA DOÑO DI UN HERENCIA, BO POR PAGA MENOS GRONDBELASTING Fin di juli 2012 SIAD a manda e cobransanan di grondbelasting pa e periodo di 2012 pa 2016. Segun Ley cada 5 aña Inspector di belasting ta fiha e balor di un propiedad y a base di e balor aki, e cuidadano mester paga un suma di belasting. E biaha aki nos por a ripara cu SIAD a aumenta mayoria propiedad aki na Aruba cu 15%. Un porcentahe bastante halto cu ta pone cu e cobransa di grondbelasting por subi cu 40% compara cu e grondbelasting cobra den e periode di 2007 pa 2011.

E balor di propiedad no a subi? Balor di un propiedad ta subi ora cu haci cambionan na e propiedad, manera

bende e cas of tereno na un prijs mas halto cu e balor conoci na SIAD, haci un bijbouw na e cas, renovacion, mantencion, traha un cura na bo cas, basha bomanite full rond bo cura, etc, etc. Ora economia ta bay bon, cu tin placa pa haci renobacion, mantencion y cu e mercado di cas por ehempel ta bay excellente, e ta hustificabel cu SIAD ta stipula un balor mas halto pa bo propiedad. Pero si acaso bo ta di pensamento cu bo cas of propiedad no por a subi bay te na e balor cu e cobransa di SIAD ta indica, bo tin tur derecho di yena bo carta di obheccion (bezwaar). Bo por indica den bo bezwaar cu bo propiedad no por a subi den balor pa motibo cu no tabata tin trabounan di ampliacion,

renobacion, of benta di e propiedad pa u prijs mas halto. Pues SIAD lo mester splica bo a base di kiko na ta yega na ta subi bo propiedad cu 15%.

Bo ta casa den bienes comun? Pero den caso cu bo ta casa den bienes comun y e acta ta menciona tur dos nomber, bo por baha e grondbelasting cu 240 florin mas. Esey ta pasobra ambos pareha tin derecho riba e deduccion (vrijstelling) di 60 mil florin, cu ta resulta den 240 florin menos belasting pa paga. Pa bo haya e rebaho aki, bo mester hasi un bezwaar tambe.

Bo ta heredero di un propiedad? Den caso cu bo ta toca

parti na un herencia no reparti, den cual tin propiedad, tambe bo por baha bo grondbelasting. Den un herencia cada heredero tin derecho di kita e vrijstelling di 60 mil florin. Pues den e caso cu tin 5 heredero, pr deduci 5 bes 60 mil florin, cu ta 300 mil florin, for di e balor di e propiedad. Pa bo bin na remarke pa e rebaho aki tambe bo mester yena bo carta di bezwaar.

Ley ta duna 4 termino igual pa paga cobransa Segun Ley, e Pueblo por paga e cobransa di grondbelasting den 4 termino igual, fin di luna di maart, juni, september y december. Como cu e cobransa a sali na juli 2012, nos Pueblo ta perde dos chens (maart y juni) di e 4 termino

igual cu Ley ta brinda pa paga e cobransa. Pesey den e carta di bezwaar tambe mester pidi SIAD pa duna bo e chens pa paga e cobransa di grondbelasting manera Ley ta bisa, den 4 termino igual.

Manda bo bezwaar promer cu dia 27 september 2012 Den e temponan dificil aki cada florin ta conta, y no ta husto cu SIAD ta hisa e grondbelasting cu 15% sin duna un splicacion a base di kiko e balor di bo propiedad ta wordo hisa. Si bo no kier paga un prijs halto pa wordo Goberna pa Gabinete Eman, manda bo carta di obheccion no mas tarda cu 27 di september 2012 usando e formulario Bezwaar/Uitstel van betaling obtenibel riba www.siad.aw.

PARTIDO MEP MAS CERCA DI PUEBLO CU ASISTENCIA NA PUEBLO Parlamentarionan di MEP, Evelyn WeverCroes y Xiomara Ruiz-Maduro a duna asistencia na Cede di MEP na hendenan cu problema di belasting. E atencion tabata especialmente pa yuda Pueblo cu e cobransanan halto di grondbelasting pa e periodo di 2012 – 2016 cu a sali fin di juli. Practicamente tur propiedad na nos Isla a wordo aumenta cu 15%, sin cu Inspector di belasting a verifica si di berdad e balor di e cas of tereno a subi. “Nos a haya varios persona cu a acudi serca nos splicando nos cu

e balor di nan cas no ta asina halto manera inspector a calcula, es mas e balor di e cas te hasta a bai atras pasobra door cu cos ta dificil na Aruba, nan no por a mantene nan cas manera mester ta. Tambe nos a yuda esnan cu ta casa, pa nan por bin na remarke pa un rebaho di 240 florin di nan cobransa. Esaki pasobra parehanan casa bou cierto circumstancia tin derecho pa haya un deduccion adicional cu ta duna nan un rebaho di 240 florin. Y ken no ta contento cu un rebaho asina?”, segun Xiomara Ruiz-Maduro. “Nos a yuda tur esnan

cu a bin cu un cobransa di grondbelasting cu un bezwaarschrift. Tin hende cu a bin cu problemanan di otro tipo di belasting, manera inkomstenbelasting y nos a yuda e hendenan aki tambe pa resolve nan problema cu belasting. Nos ta hopi satisfecho cu tanto hende a acudi na Cede di MEP pa nos yuda nan. Pero na mes momento nos por a mira tambe cu hopi hende ta pasando hopi duro, ya cu costo di bida a aumenta drasticamente y departamento di belasting ta mandando hopi cobransa di belasting pareu y pa sumanan hopi halto. Nos ta yuda unda

cu nos por”, segun lider di MEP Evelyn WeverCroes. Esaki ta un di e manera nan cu Partido MEP ta brinda assistencia na Pueblo pa yuda esnan

cu mas mester di dje. Pesey keda pendiente pa e proximo biaha cu tin assistencia, bo tambe haci uso di e oportunidad brinda. MEP ta mas serca di Pueblo!

VOXPOPULIMEP@GMAIL.COM


VOX POPULI

Pag 8

September 2012

LOGRO

MEP A REALISA UN GRAN CANTIDAD DI PROYECTO NA BIENESTAR DI NOS ENSEÑANSA

Partido MEP semper a enfatisa riba importancia di educacion y den Gobierno a duna tur sosten pa inverti, modernisa y eleva e sistema di enseñansa na Aruba. Hecho ta cu enseñansa ta den proceso continuo di reformacion y renobacion y tin como obhetivo pa yega na un mihor calidad cu ta cuadra cu e comunidad Arubano, tanto den enseñansa avansa como pa e mercado laboral. Apesar di e situacion financiero limita, Gabinete Oduber durante 8 aña a construi y renoba un gran cantidad di school den tur districto di Aruba.

Hamas den historia nos a yega di mira asina tanto inversion den enseñansa y ta muestra palpable di e compromiso cu Gobierno tabata tin cu comunidad. Entre otro Gabinete Oduber a pone mas cu 23 miyon florin di e fondo di placa di Plant N.V. pa mas inversion den mantencion di nos scolnan.

Inversion den enseñansa Algun di e proyectonan cu e Gobierno di MEP a ehecuta tabata construccion di scol EPI na Sero Blanco, construccion di scol preparatorio y

basico na Morgenster, construccion di kleuter y basisschool na Sabana Basora, construccion di 11 klas pa Maria College, construccion di scol basico na Kudawecha, localnan nobo di fisica y technica pa 8 scol di MAVO y pa Colegio Arubano, renobacion di Colegio Conrado Coronel pa EPI-tecnico, renobacion y ampliacion di Colegio Laura Wernet, construccion di sala di deporte pa St. Jan School, renobacion y ampliacion di Colegio Sagrado Corazon, reconstruccion gymzaal di MTS pa un Foodcourt pa EPI, construccion di Openleercentrum na EPI, renobacion di Sint Aloysiusschool, renobacion di Commandeur Pieter Boerschool, renobacion di Maria Regina school, renobacion di Paulusschool, renobacion di Graf van Zinzendorffschool, renobacion di ex-Mater Dei school, renobacion di Maria College, renobacion di Rosario College etc.

Plan Nacional di Enseñansa Gabinete Oduber a percura tambe pa centronan di Informacion Digital pa Biblioteca Nacional Arubano y introduccion di Tecnologia di Comunicacion y Informacion (ICT) den enseñansa. A cumpra un Bibliobus nobo ‘Shon Shoco’ y e seccion Arubiana/Caribiana di Biblioteca Nacional a bay den un edificio renoba situa na Bachstraat. Cachonan vigilante a wordo poni na diferente school pa cuida esakinan contra vandalismo. Alavez e Gobierno di MEP a duna participacion na diferente instancia pa yega na un Plan Nacional di

Enseñansa strategico pa e periodo di 2007 pa 2017. Cu e plan aki Gobierno a pone un base solido pa garantisa e futuro nivel di nos enseñansa. Tambe Gabinete Oduber a pone fondonan disponible pa construccion di un school HAVO/VWO na Noord y cual proyecto a wordo boycotia pa e Gobierno di AVP.

Enseñansa di bon nivel y di calidad halto MEP

semper

a

hiba

e pensamento cu un enseñansa di bon nivel y di calidad halto ta factornan determinante pa un desaroyo positivo di un Pais, muy en particular pa e hobennan kendenan mayan lo bira dirigentenan responsable y lo ocupa posicionnan clave den comunidad. Y ta hustamente esaki ta e motibo principal cu Gabinete Oduber durante 8 aña a inverti asina tanto miyones di florin den construccion y renobacion di schoolnan rond Aruba.


VOX POPULI

September 2012

Pag 9

LOGRO

Gabinete Oduber a inverti grandemente den San Nicolas

AVP DURANTE E ULTIMO 3 AÑANAN NO A SIGUI CU E VISION DI MEP PA INVERTI Y PERCURA PA UN DESAROYO DURADERO PA SAN NICOLAS Y VECINDARIO E ultimo 3 añanan e Pueblo di San Nicolas a wordo lubida completamente door di e gobierno actual. Durante tur e añanan aki no tabata tin ningun proyecto cu por a percura pa un desaroyo duradero den e districto aki. E Gobierno actual a percura unicamente pa algun edificio den Mainstreet haya un man di verf, algun caretera ser renoba, algun cas social na Juwana Morto, de Vuyst y Village a haya renobacion parcial, un parke banda di Postkantoor cu actualmente ta den construccion, renovacion di e Watertoren y Joe Laveist Sport Park y ta organisa e fiesta semanal di Carubbian Fest den Mainstreet. Aki un biaha mas ta resalta e mentalidad di partido AVP, esta cu mester duna e Pueblo di San Nicolas solamente show di carnaval, verf, klinkers y asfalt y cu esaki henter e Pueblo di San Nicolas mester keda contento. Gabinete Eman durante lunanan largo tambe a engaña e Pueblo di San Nicolas cu reapertura di Valero, perhudicando asina tur e trahador y contratistanan di e refineria aki, awor cu ta sali na cla cu Valero ta sera su portanan toch. Hecho ta cu locual Gabinete Eman a logra te cu awor pa San Nicolas y vecindario ta net net nada compara cu tur e inversionan cu Gabinete Oduber a haci den su 8 añanan di Gobernacion pa e Pueblo di San Nicolas y vecindario.

Aki ta sigui parti di un lista largo di logro y proyectonan cu a ser

ehecuta na San Nicolas durante e 8 añanan di Gobernacion di MEP:

Proyectonan pa San Nicolas

19. Turbo Rotonde y Brug na Pos Chiquito,

1. Construccion di Centro Medico Nobo,

20. Compleho Deportivo na Yara,

2. Construccion di 120 cas social na Cura Cabay,

21. Construccion edificio di SVB,

3. Busstacion di Arubus,

22. SETAR Teleshop,

4. Centro Comercial di Arubus,

23. Oficina di FCCA,

5. Renobacion di Graf von Zinzendorffschool,

24. Oficina di Departamento di Labor na Pos Chikito,

6. Renobacion di Pieter Boerschool,

25. Renobacion di Tele Aruba,

7. Renobacion di Paulusschool,

26. Renobacion y ampliacion di KIA,

8. Renobacion di Maria Reginaschool,

27. Planta pa tratamento di awa di riool na Zeewijk,

9. Renobacion di Colegio Arubano SN,

28. Solucion pa e problema di awa na Pos Chikito y Zeewijk,

10. Construccion di Scol Basico na Sabana Basora,

29. Teamnan Social pa Savaneta y SN,

11. Localnan nobo di fysica y tecnica pa John Wesley College, Augustinus College, Abraham de Veerschool y Filomena College,

30. Renobacion di Parke Recreativo na Esso Heights, 31. Construccion di 144 Cas Social na Palisiaweg,

12. Renobacion di Biblioteca Nacional,

32. Construccion Centro Cuido pa nos Grandinan na Palisiaweg,

13. Centro Informacion Digital pa Biblioteca,

33. Parke di Mulina na Vader Piet,

14. Renobacion di Scol di Arte,

34. Construccion y renobacion di careteranan na Savaneta, Pos Chikito y SN,

15. Renobacion di Scol di Polis, 16. Renobacion di Colegio Sagrado Corazon na Savaneta, 17. Transformatorhuis di Elmar, 18. Embeyecimento di Baby Beach,

35. Centro di Cardiologia cu Gabinete Eman a boycotia, 37. Parke Deportivo Little League na Pos Chikito cu Gabinete Eman a boycotia, 38. Parke Deportivo LIFIDA na Savaneta cu tambe Gabinete Eman a boycotia. VOXPOPULIMEP@GMAIL.COM


Pag 10

VOX POPULI

CAMBIO DI LEY

mr Carl Giel E CAMBIO PROPONI DEN LEY DI ADMISION TA PERHUDICA NOS PROFESIONALNAN E Ley di Admision (“LTU”) a bin na vigor na principio di añanan 50 di siglo pasa. E tempo ey politiconan tanto Hulandes como Antiyano tabata riba e mes un liña: mirando e grandura di Hulanda, e grandura di su poblacion compara cu e islanan di Antiyas y e cuponan di trabou limita, tur tabata di acuerdo cu mester proteha e poblacion local di e islanan contra un inundacion di Hulandesnan Europeo. Kiermen e Ley di Admision su rol di mas importante ta, pa proteha e poco cuponan di trabou disponibel pa nos hendenan local.

Un cambio bastante controversial proponi pa Minister Sevinger Minister Sevinger awor kier introduci cambionan bastante controversial den e Ley di LTU. Un di e cambionan proponi ta: “Un Hulandes cu no ta nasi na Aruba por ehempel Hulandes Europeo of un di e otro islanan cu tabata forma parti antes di Antiyas, cu tin un titulo of grado academico of un diploma riba nivel di HBO, mester djis mustra cu e tin un contrato laboral pa mas cu 3 aña y lo haya un permiso pa e duracion di e contrato.” E cambio aki tin consequencianan grandi pa Aruba. Primeramente nos tin cu tene cuenta cu e tratado entre Reino Hulandes y Estados Unidos cu ta stipula cu un ciudadano Mericano mester worde trata riba un di islanan den Reino mescos cu un Hulandes Europeo ta worde trata pa locual ta trata admision. Esey kiermen cu locual a ser splica ariba di academiconan Hulandes ta conta mescos y sin distincion pa Mericanonan. Ciudadano nan Mericano a gana un caso caba recientemente na St. Maarten, caminda cu mester permitinan establese na e isla menciona libremente. E sentencia aki automaticamente ta conta pa e otro islanan, menos Aruba cu te ainda ta exigiendo un permiso pa un Hulandes no nasi na Aruba, pa bin establece su mes na Aruba. Pero awor Gobierno a propone pa cambia e Ley, den e sentido cu e unico exigencia pa Europeonan y Mericanonan haya un permiso di trabou, ta si nan tin un contrato laboral di mas di 3 aña.

Nos Leynan no conoce contrato laboral di 3 aña of mas E cambio aki ta ocasiona varios problema. Nos Leynan Laboral conoce

contrato pa un tempo defini den solamente 4 situacion. Si ta trata di un proyecto y e mester ta bon defini, pa reemplasa un persona cu ta malo of cu “zwangerschapsverlof”, trabounan di temporada “seizoen werk” of pa trabounan los cu un duracion maximo di 31 dia. Nos leynan no ta reconose contrato laboral di 3 aña of mas, eseynan pa Ley ta wordo considera contratonan pa tempo indefini. Pues e personanan cu ta bin traha na Aruba mester bin cu un contrato pa un tempo indefini! Esey kiermen cu nan lo haya un permiso di admision na Aruba pa un tempo indefini. Despues di 5 aña nan ta haya admision automatico, "van rechtswege" y nan no mester permiso mas! Pues nan por keda traha na Aruba te ora nan baha cu pensioen.

September 2012

mr. Xiomara Ruiz-Maduro

TIN DUDA CU E CAMBIO DI E LEY DI LTU LO TA NA BENEFICIO DI TUR HENDE NA ARUBA E ta conoci cu Gabinete Eman den persona di Minister Sevinger for di maart 2012 a bin cu un maneho nobo di estranheria na Aruba. Minister Sevinger mes no a tuma e molester pa informa Parlamento di su maneho nobo, pero un di su coordinadornan varios diasabra a propaganda e maneho nobo aki via un radio, splicando nos comunidad con pa burla di e ley exsistente di LTU. Awor pa Minister Sevinger no sigi traha den ilegalidad, e mandatario a presenta cambionan di e Ley di LTU na Parlamento. Dentro di poco Parlamento lo debati riba e cambionan aki, cu segun Minister Sevinger, lo mester haci e Ley di LTU mas eficiente y mas humano. Pero tin duda si e cambio di Ley di LTU aki lo ta beneficio di TUR HENDE na Aruba. Reunionan cancela te proximo aviso

E comicion di husticia di Parlamento lo mester a reuni cu diferente departamento di Gobierno cu ta trata cu e maneho di estranheria pa asina haya un bista ki effecto E cambio aki ta seya e destino e cambionan aki lo tin pa nos Pais. E comicion lo mester di nos profesionalnan pafo di reuni cu DIMAS, IASA, DAO, DPL, KPA y Ordo di Abogado. Pero e reunionan a wordo cancela te proximo Aruba aviso. Remarcabel ta cu te ainda no a convoca un reunion Nos mercado laboral ya ta bastante cu CENSO, cual ta un departamento cu tambe tin di haber cu e maneho di estranheria na Aruba y cu por yuda nos satura caba pa locual ta trabou riba e forma un bista di kiko e consecuencia di e cambionan aki nivel academico of HBO. Hopi di nos lo ta pa TUR HENDE biba riba nos Pais. profesionalnan nan chens ta chikito caba Maneho di porta habri pa haya trabou aki na Aruba riba nan nivel. Awor cu e competencia inhusto aki di tanto Hulandesnan Europeo y Mester menciona cu e maneho cu Minister Sevinger ta hibando awor, ta pa habri porta hancho y laga tur hende Mericanonan, e ta bira casi imposibel drenta Aruba y laga tur ilegal haya e chens pa bira legal. pa haya un trabou. Cu e cambio di Ley Tur ilegal por haya un permiso pa dentro di un aña busca aki, practicamente Gobierno ta seya e un moda pa casa cu un hende legal pa asina nan por destino pafo di Aruba pa nos academico keda Aruba. Nan no mester tin un trabou pa nan por y HBO'rsnan! E Ley cu mester duna keda akinan. Den e maneho nobo aki tambe tur caso di proteccion na nos Pueblo, den e caso turista cu a keda Aruba y tur hoben indocumenta cu ta aki nos profesionalnan, ta hustamente bay school lo wordo evalua pa Minister Sevinger pa mira si nan ta wordo considera un caso humano. e Ley cu ta perhudica nan di regresa nan pais despues cu nan ternina nan Un cambio na beneficio di nos tur? estudio pa traha! Si bo wak esaki riba un termino largo, dado momento Aruba Un maneho cu ta mustra masha noble, pero nos mester lo keda sin su yuinan di tera cu ta para keto y puntra nos mes, si e maneho aki ta beneficia riba nivel academico cual lo tin como nos TUR na Aruba. Nos mester evalua si e maneho aki di berdad ta humano pa nos TUR cu ta biba riba e pida consequensia cu practicamente riba baranca aki. Pasobra e no ta humano pa laga tur hende tur tereno ta otronan cu no conose nos drenta y keda na Aruba, si nos no por brinda nan un bida cultura y tradicionnan lo ta manehando di calidad, di 5 strea manera nos Minister Eman ta papia e Pais. Esaki ta e berdadero idea tras di di dje. Di unda nos lo saca mas placa pa infrastructura, pa school, pa cuido medico, pa duna bijstand, pa e Ley aki? combati criminalidad, etc pa un poblacion mas grandi? Y Un apelacion pa no perhudica importante, na unda nos lo saca mas cupo di trabou pa asina TUR HENDE cu ta yama Aruba nan cas por tin un nos profesionalnan trabou y biba un bida digno? E Ley mientras tanto a wordo entrega na Decicion popular cu no ta 5 strea Parlamento, y lo wordo trata pronto pa Parlamento di Aruba. Partido Movimiento Ya caba Gabinete Eman tin nos finanzas publico na werki Electoral di Pueblo no ta sostene e Ley y pesey no ta responsabel, pa awor cu e refineria a sera aki, pa diferente motibo. Pesey nos ta hasi su porta, nos habri porta pa mas hende bin biba na nos un apelacion riba tur e parlamentarionan Pais. E no ta husto pa tur esnan cu a cumpli semper cu cu ta sostene Gobierno, pa no aproba e nos leynan, awor haya concurencia di esnan cu semper Ley aki, mirando cu e ta perhudica nos a biba den ilegalidad. Pesey laga nos pensa bon na e Pais aki kiko nos ta haciendo. Pasobra mayan nos lo profesionalnan, awor mas cu nunca, wordo confronta cu e consecuencianan di nos decicionan teniendo na cuenta e ciere di e refineria popular cu lo hiba nos den un bida inhumano cu ta leu di caminda hopi di nos profesionalnan a esun di 5 strea cu Minister Eman y Sevinger ta papia di perde nan trabou! dje!


September 2012

VOX POPULI

Pag 11

REINO HULANDES Mr Ady Thijsen

MEP defendiendo Aruba su autonomia pa nos desaroyo Dia 26, 27, 28, di September 2012 lo bai tuma lugar un biaha mas reunionnan di Parlamento Latino Americano (Parlatino) na Uruguay. Parlamentario mr Juan Ady Thijsen lo representa nos Pais y nos Partido na e reunionan di e Comicion di Asuntos Politicos.

Un reunion importante na defensa di nos autonomia Aruba su autonomia ta wordo limita pa Hulanda cu yudansa di Gabinete Eman. Entre otro Aruba a perde su corte di prome instancia y tambe a base di articulo 27 inciso 3,4 di Statuut, Aruba a perde un autoridad autonomo cu e tin pa implementa leynan nacional cu tin cu haber cu tratadonan internacional. E autoridad aki awor a bira un autoridad di Reino (Hulanda). E consequencia di esaki ta cu Hulanda no ta cumpli cu su obligacionnan cu e tin conforme e carta di Nacionnan Uni (VN Handvest) y otro tratadonan internacional. A base di e oblicacionnan aki Hulanda por duna e Paisnan den Reino cu tabata su colonia mas autonomia, pero hamas y nunca e mag di limita nan. Door cu MEP no ta haya oido den Reino pa cu e problema aki, e ta obliga di sigi e proceso di Parlatino pa e por yega serca e Comision di de-colonisacion di Nacionnan Uni cu ta trata e problematicanan aki. E comicion di Asuntos Politicos ta mira

e seriedad di e situacion di limitacion di autonomia na Aruba y pesey pa di cuater biaha Aruba lo aparece riba e agenda di e Comicion pa asina logra un discussion profundo y definitivo riba nos situacion.

Diferencia fundamental entre MEP y AVP E motibo tambe pakiko e reunion aki ta asina importante ta e hecho cu tin un diferencia fundamental den opinion entre e partido AVP cu tin un mayoria den Parlamento di Aruba y nos Partido MEP cu ta e partido di oposicion mas grandi. MEP ta di opinion cu Hulanda den cuadro di Reino (Rijksministerraad) a limita y ta limitando e autonomia di Pais Aruba. Di otro banda AVP no ta considera e pasonan di Hulanda como un limitacion di autonomia. Pa AVP esaki aki un asunto interno di Pais Aruba y pesey nan ta purba di manipula y purba convence Parlatino pa no trata e punto di agenda aki.

Nos Status Aparte ta bay perdi E asunto aki ta importante mirando e hecho cu Hulanda sosteni door di AVP por keda limita nos autonomia te cu lo yega e momento cu nos Status Aparte di 1986 ta bira un status cu no ta significa nada mas. Esey tin como consequencia cu e ta stroba e desaroyo di Pais Aruba, pasobra hecho ta cu e vision

cu nos Libertador Betico Croes en feliz memoria sosteni door di su Pueblo tabata cu autonomia lo trece desaroyo y esey historia a demonstra. Nos Pais a crece. Lamentablemente cu bou gobernacion di AVP (partido entreguista) cada biaha nan kier limita e Status Aparte y pone nos Pais den un desaroyo negativo.

Determina na defensa di nos autonomia Pesey mes e reunion na Uruguay di Parlatino lo bira uno historico pa cu futuro y desaroyo di nos Pais. Mr Juan Ady Thijsen ta determina pa hasi lo maximo pa logra e meta cu MEP semper a carga na interes di nos Pais. Mep semper a sali na vanguardia pa defende e autonomia y e derechonan fundamental di nos Pueblo.

Luna di september ta un luna historico pa partido MEP:

NA 2001 Y 2005 MEP A PONE RECORDNAN IMPRESIONANTE DEN REINO HULANDES Luna di september 2012 ta un luna historico pa MEP, ya cu nos ta recorda cu nos partido na dos ocasion sigui a cosecha victorianan aplastante den eleccion pa Parlamento Arubano, esta 11 aña pasa dia 28 di september 2001 y 7 aña pasa dia 23 di september 2005.

Dos biaha un mayoria absoluto den Reino Primeramente pa loke ta e fecha di 28 di september 2001, esaki lo keda graba pa semper den curason di tur Arubiano cu ta stima e pida baranca aki, ya cu tabata pa promer biaha cu como pais den Reino Hulandes nos partido a haya e mandato absoluto di Pueblo pa dirigi destino di e Pais aki! Cu e lema di campaña ‘Ordo y Prosperidad’, MEP a percura pa un record di 12 asiento (25172 voto) solido y a bira e partido mas grandi di Aruba y relativamente e partido di mas grandi den Reino Hulandes. Otro logronan di e eleccion aki tabata cu exlider di MEP sr. Nelson Oduber a sali votegetter di Aruba cu 4891 voto y na un solo urna electoral partido MEP a ricibi e cantidad mas grandi di voto, esta 849 voto na Colegio Laura

Wernet Paskel-Kadushi Largo. Pa loke ta e fecha di 23 di september 2005, nos ta recorda con e Pueblo votador den un forma convincente a prolonga y duna mandato cla na partido MEP pa durante 4 aña mas dirigi destino di nos Pais. Cu e lema di campaña ‘SI, nos por mas’, MEP a obtene 11 asiento (22002 voto) den e eleccion aki. Aunke cu MEP mester a enfrenta un cantidad di 10 otro partidonan politico, Pueblo Arubano tabata bon conciente di tur e trabaonan y proyectonan cu a wordo ehecuta durante e periodo di 2001 pa 2005 y a dicidi di duna un biaha mas e mandato na partido MEP. E resultado di e eleccion aki tabata uno historico, ya cu MEP ta e unico partido den Reino Hulandes cu pa di dos vez a saca un mayoria absoluto den un eleccion como pais.

Gobernacion na beneficio di nos Pais Resultado di e dos eleccionnan aki tabata sumamente beneficioso pa pais Aruba, ya cu tanto Gabinete Oduber III como Gabinete

Oduber IV a realisa un gran cantidad di logro y proyecto na beneficio di henter comunidad. Awor cu Pueblo a experencia con durante e ultimo 3 añanan nos Pais a wordo malogra den un forma nunca visto, cu hopi ansha e mesun Pueblo aki ta warda e momento yega pa bolbe duna MEP e confianza y p’asina nos Pais wordo salba pa e generacion aki y futuro generacionnan. VOXPOPULIMEP@GMAIL.COM


VOX POPULI

Pag 12

September 2012

TURISMO

ATA a desvia 274 biaha di regla di destaho publico Den e relato anual di Aruba Tourism Authorities (ATA) a wordo publica cu den aña 2011, ATA a desvia 274 biaha di e regalnan di destaho publico. Asina nos por lesa cu:” The level of required approval has certainly been impacted by the decision taken by the Parliament upon approval of the State Ordinance applicable for A.T.A. This decision implies that the tendering rules applicable for the Government shall be valid by analogy to the new A.T.A., provided that where these rules grant authority to the Minister, this authority is exercised by the board. In as far as these rules stipulate the involvement of the Minister of Finance is required, this involvement shall be exercised by the Minister of Tourism, Transportation and Labor. Thus the abovementioned entails that the board is required to approve a number of purchase orders (PO’s) in line with the tendering rules applicable for the

Mas splicacion ATA no a duna y sigur te awe a keda debe Pueblo kiko a pasa den e otro 273 biahanan cu a desvia di e reglanan di Comptabilidad.

E Minister mester responsabilisa su mes

government. As a result, the Board approved 274 PO’s in 2011”.

Parlamento no a confia Minister Oduber Durante tratamento di e Ley pa institui un ATA Suigeneris a bira bisto cu Parlamento tin duda den Minister Oduber y no por confie sin mas cu placa di Pueblo. Pa e motibo aki Parlamento a cambia e Ley proponi pa Minster Oduber y a pone den e Ley e obligacion pa e reglanan di Comptabilidad conta tambe pa e instituto

nobo ATA Suigeniris. E cambionan a pone e maximo autoridad den man di e board di ATA Suigineris. Parlamento a duna e board e tarea pa actua como un “safetyvalve” pa evita cu iregularidadnan tuma lugar den e instituto nobo aki.

A desvia 274 biaha di e regla mayor di destaho publico Pero asina mes cu a pone un “safetyvalve” nos por constata cu 274 biaha ATA a desvia for di e regla mayor di destaho publico y sin ningun problema e

board parce di a aproba e desviacionan aki. Ta asina cu e regla mayor ta cu pa un proyecto riba 100.000 florin mester bin cu minimo dos oferta. Solamente si ta trata di un caso di urgencia por desvia di e regla aki. Awor e pregunta ta si 274 biaha tabata tin un urgencia na ATA cu ta hustifica un desviacion di e regla mayor di destaho publico. ATA a splica, por ehempel, cu ora bo ta negocia cu un plan di mercadeo cu un compania riba un plan di iniciativa di e compania, ta dificil pa hinca un segundo compania aden.

E hecho cu e desviacion a worde aproba tanto pa e board como e Minister di Turismo, no ta kita e obligacion di e Minister pa responsabilisa su mes dilanti Pueblo. Ta na su lugar pa Parlamento haci un investigacion pa wak si e 274 desviacionan aki tabata hustifica of no. Fraccion di MEP promer y durante tratamento di presupuesto 2013 lo haci preguntanan na e Minister di Turismo. Si ta necesario nos Fraccion lo pidi Parlamento pa laga Controlaria General haci un investigacion di e 274 desviacionan aki. Pasobra na nos Pais un Minster no por sigui burla di nos Leynan asina no mas.

HUMOR


September 2012

VOX POPULI

Pag 13

DEN TEMPO E Protocol di aña 1993

UN MOMENTO DEN HISTORIA CU MEP Y AVP POR A GOBERNA NOS PAIS HUNTO Den henter e lucha di e pueblo Arubano pa logra y mantene su Status Aparte, hopi tabata e deliberacionnan cu den añanan 90 mester a wordo hiba cu Hulanda p’asina salvaguardia e logro estatal aki. Un di e deliberacionnan crucial a tuma lugar na oktober 1993 y esaki tabata pa haya claridad riba e fecha di Independencia pa Aruba cu – a base di resultado di e Conferencia di Mesa Rondo na maart 1983 - a ser stipula pa 1 di Januari 1996. Despues cu den e periodo di 1986 pa 1988 nada a ser haci riba tereno estatal, na 1989 ora cu partido MEP hunto cu PPA y ADN a forma Gobierno - a dicidi di habri combersacionnan cu Hulanda pa yega na un acuerdo nobo pa loke ta e fecha di Independencia di Aruba.

Firmamento di protocol na 1993 Tabata dia 13 di juli 1990 cu Minister President Nelson Oduber a yega na un acuerdo cu Minister pa Asunto Antiyano y Arubano Ernst Hirsch Ballin y Minister President Ruud Lubbers pa saca e fecha di 1 di januari 1996 for di den Statuut di Reino (art. 62). Na su lugar a acorda cu Aruba lo bira independiente dia cu e Pueblo di Aruba dicidi esaki pa medio di un Referendum y cu aprobacion di 2/3 parti di Parlamento Arubano. Sinembargo e ministernan Hulandes a haya problema cu

Parlamento di Hulanda cu no kier a coopera sin mas y sin condicion pa schrap e fecha di Independencia for di den Statuut. Esaki a conduci cu den e periodo di 16 pa 21 oktober 1993 a tuma lugar na Hulanda diferente deliberacion na nivel politico y gubernamental y esaki relaciona cu e futuro relacionnan entre Aruba y Hulanda. Di parti di Aruba tabata presente Minister President Nelson Oduber y e lider di oposicion Henny Eman y di parti di Hulanda Minister President Ruud Lubbers y Minister pa Asuntonan Antiyano y Arubano Ernst Hirsch Ballin. Tur e compromisonan cu a wordo haci na fin di juni 1993 na Willemstad entre e delegacionnan di Aruba y Hulanda a resulta finalmente den firmamento di un protocol na oktober 1993. Cu e firmamento di e protocol aki e continuacion di relacion di Reino cu Aruba a ser garantiza, ya cu esaki tabata e exigencia di Hulanda pa por a yega na saca e fecha di Independencia 1996 for di den Statuut.

Gobierno cu base amplio Alavez den e protocol a ser papia cu Aruba lo bay busca un base amplio pa gobernacion, p’asina enfrenta y soluciona e problemanan financiero cu Pais Aruba tabata confrontando y cual problemanan pa gran parti a ser ocasiona door di e otorgamento di garantianan hotelero y tambe otro debenan astronomico cu e Gobierno di AVP a hinca nos Pais aden. MEP como un partido cu semper ta pensa riba union y interes general y cu ta di conviccion cu gran parti di tur e problemanan na Aruba por wordo soluciona door di un Gobierno riba base

amplio - den un reunion di conseho di partido na Santa Lucia – a dicidi di termina nan relacion den Gobierno cu e partidonan PPA y ADN y cu lo haci tramitenan pa forma un Gobierno cu un base amplio di 18 asiento, esta MEP hunto cu AVP. Na promer instante ora cu lider di MEP Nelson Oduber a acerca lider di AVP Henny Eman, sr. Eman a bay di acuerdo cu e proposicion pa forma un Gobierno di MEP y AVP, pero e tabata desea promer di consulta cu su activistanan riba e asunto aki. Den e Gobierno cu lo a wordo forma, tanto lider di MEP como lider di AVP lo no bira minister, pero lo bay den Parlamento.

Oportunismo politico

Sinembargo den e reunion di activistanan di AVP a ser dicidi cu nan no ta bay traha na e momento ey den un Gobierno cu MEP, sino cu esaki lo tin cu sosode despues cu un eleccion wordo yama. Asina pues henter e movecion y sacrificio cu MEP a haci pa yega na un Gobierno riba base amplio no a concretisa. Esaki ta debi na e oportunismo politico di AVP, esta di nenga e man cu MEP a saca pa nan. E eleccion mes a tuma lugar dia 29 di juli 1994 y di cual un Gobierno nobo a ser forma entre AVP y OLA. Sinembargo hustamente algun luna promer cu e eleccion menciona, esta dia 10 y 15 di maart 1994 sr. Nelson Oduber como Promer Ministro y como lider y vocero di e delegacion Arubano a hiba palabra den Tweede Kamer y Eerste Kamer na Hulanda, unda a aproba pa kita e fecha di Independencia for di den Statuut. Esaki a significa cu Aruba ta keda un Pais den Reino Hulandes, unda cu na momento cu Aruba haya propicio e por haci uzo di su derecho di autodeterminacion pa obtene su independencia.

VOXPOPULIMEP@GMAIL.COM


Pag 14

VOX POPULI

CRIMINALIDAD

September 2012

Joe Koolman

PUEBLO TA HAYE OBLIGA DI BIBA TRAS DI TRALI, PA E TEMOR DI WORDO HORTA OF ATRACA ESAKI TA E ARUBA DI “5 STREA”?

Mientras nos Ministronan ta biaha rond mundo, criminalidad ta apoderando di nos dushi Aruba. Con dushi nos Arubianonan tabata biba, ariba un Pais caminda respet tabata un di e ingredientenan principal, cu tabata e parti primordial di nos norma y balor. Principionan moral semper tabata halto, esey a haci cu trankilidad tabata reina den tur skina di Aruba. No tabata existi e temor pa laga bo auto pafo di cura, hera cu yabi na dje, di laga porta di cas sin sera na yabi, bo por a drumi cu e bentananan hancho habri y sin trali, asina nos por sigi duna ehempelnan, pero esaki tabata e Aruba di antes.

Criminalidad a crece drasticamente den 3 aña Nos por tira culpa ariba

diferente factornan, pero sigur desde 3 aña atras, criminalidad a crece drasticamente ariba nos dushi Pais. Durante campanja nan a priminti cu nan tin un Team y nan tin un Plan, pero tur esaki a resulta di ta nada menos cu promesanan falso y awe, nos por wak e berdad cu ta batiendo na porta di tur hogar aki na Aruba. Criminalidad bou di e Gobierno aki di AVP a escala na un forma bochornoso y ta sigi subi cada dia cu pasa. Aruba ta bibando den un angustia escalofriante na man di e gobierno aki, cu ya a perde e control ariba nan propio maneho y cifranan di CBS por comproba con alarmante criminalidad a bira ariba nos pida baranca.

Mas cu un Minister ta culpabel Nos Aruba dushi tera

ta casi sucumbi den e abismo sin speranza, pero den e caso aki di criminalidad, tin mas cu un Minister culpabel. E bancarota cu e Pais ta dirigiendo su mes siguramente ta culpa di e Minister di economia, pero tambe ta complice y igualmente culpabel e Minister di Infrastructura cu tur su proyectonan descabeya, cu a causa un debe creciente y escape continuo di divisanan. Y tur esaki ta bai cu aprobacion di e Minister di Finanzas y cu apoyo di nos Prome Minister. E Gobierno aki a permiti e inflacion y e caida indirecto di nos moneda, sin lubida e forma alarmante cu e prijsnan di utilidad, combustibel y comestibel a aumenta durante e maneho actual, te na un punto cu mayoria di nos ciudadanonan mester di dos trabou pa por mantene nan famia. Esaki ta bolbe minimalisa e posibilidad pa otronan haya un trabou. Tur esakinan hunto ta representa e factor economia, suma pa e responsabilidad di e Minister di Labor, pasobra ta pa su falta di vision, obhetividad, deber y cumplimento a crea cheaplabor, a consenti segregacion y tapando su wowonan ta permiti doñonan di trabou kita empleadonan sin ningun tipo di misericordia y na gran escala. Esaki ta imposibilitando e ciudadanonan aki di gana nan pan di cada dia dignamente, percurando asina pa e desempleo alarmante y creciente di awe en dia den nos comunidad.

Intrankilidad y insiguridad na nivel halto Tur esakinan ta e batatanan cayente cu Minister di Husticia, cu complicidad di tur e Ministronan ariba menciona, a prefera di ignora y a opta pa no kibra su cabes mucho al respecto. Aruba ta bibando momentonan di intrankilidad y e inseguridad ta na un nivel extremadamente halto, te na e punto cu e ciudadano ta sintie sin gana di sali for di cas, aunke ni tras di nan trali den cas no tin seguridad mas. Ladronnan hortando por lo menos 5 auto pa dia, un of mas atraco arma sigur pa dia, ningun Chines ta safe mas den su negoshi, oficinanan di number tambe ta targetnan facil, nos turistanan ta wordo despoha di nan bienes den dia cla, casnan ta wordo completamente sakea y despoha y si tin un diferencia di opinion, sigur arma ultimamente ta e solucion, pa e problema. Droga ta wordo bendi den tur skina y hendenan cu a desaparece nunca mas a wordo haña. Pa motibonan di otro interesnan, esnan concerni no ta

conbibiendo e dolor aki cu Pueblo y aunke tin un solucion, ta opta pa tapa orea y sera wowo. Nan vision ta con pa haci KIA mas grandi, enbez di bin cu solucionnan concreto con pa ranca e problematica aki di raiz. MEP den e proximo gobierno, lo percura un biaha mas, pa debolbe nos Pueblo su trankilidad, guiando e hubentud den e caminda bek di speranza, caminda no mester horta pa biba. Nos lo crea cuponan di trabao y zorg pa cada persona cu tin e honor di tin un paspoort, por anticipa cu ansia un paycheck tur luna y asina nos tin diferente otro metodonan real cu lo no solamente trece paz trankilidad y seguridad pero tambe prosperidad y felicidad caminda nos ciudadanonan por cana atrobe liber y sin ningun clase di temor riba nos ARUBA DUSHI TERA..... HUNTO PADILANTI!!


VOX POPULI

September 2012

Pag 15

E MESA

E MESA DEN ACCION

E luna aki tambe nos partido MEP a tene su conferencianan di prensa ‘on the field’ pa cuestiona y trece na claridad tur locual e Gobierno aki kier tene scondi pa nos Pueblo. MEP a hiba e MESA na Banco Central, Valero, Linear Park y ex Bushiri Hotel.

Banco Central di Aruba Aki e MESA a cuestiona e situacion cu nos finanzas publico ta aden. Gobierno ta bisa cu finanzas publico ta stabiel, pero e companianan cu ta evalua nos Pais, Fitch y Standard and Poors, ta duna nos un advertencia fuerte cu si Gobierno sigi traha debe nan lo bay degrada nos Pais y pone nos den e lista di e Paisnan cu fama di mal pagado.

Valero Despues di tanto noticia alentador cu tin un “done deal” entre Valero y Petrochina y cu e refineria pronto ta habri su portanan bek, Valero ta anuncia e ciere difinitivo di e refineria na december 2012. Esaki ta un baño di awa friew pa e trahdornan di Valero y tambe e Pueblo en general. E MESA a bay dilanti di Valero pa cuestiona e manipulacion di Gabinete Eman, specialmente di su Minsternan Mike Eman y Mike de Meza.

prijs calcula pa DOW, na e compania di construccion Venezolano Prosuinca y eynan tur dolor di cabes a cuminsa. Trahadornan no ta haya nan pago mane mester ta, trabounan ta keda para, sub contratista ta bandona proyecto sin pago, material di calidad inferior ta wordo usa,

palmanan caro ta seca muri y indicacion fuerte cu e donionan di Prosuinca ta bandona Aruba y ta keda sin entrega e proyecto na Gobierno.

Bushiri Hotel Te ainda no tin un claridad riba e destino di ex Bushiri Hotel. Gobierno a anuncia

cu tin un desaroyador nobo cu lo construi un Hard Rock Hotel na ex Bushiri Hotel. Tempo ta pasa y e desaroyador no por cumpli ainda cu e condicionanan di e destaho publico, nan no por pone e 48.000.000 dollar necesario riba mesa y ainda no tin un contract firma cu Hard Rock Café.

Linear Park E luna aki e proyecto di Linear Park ta cumpli 1 aña cu e proyecto ta retrasa y no tin fin di wordo entrega. Gobierno a otorga e proyecto aki pa mitar di e

VOXPOPULIMEP@GMAIL.COM


VOX POPULI

Pag 16

September 2012

Intriga, manipulacion y mentira di campaña 2009 di AVP Ta pone cu awe ningun promesa por keda cumpli! 75.000.000 florin pa aña y tambe e debenan nacional lo wordo baha drasticamente. Sinembargo den apenas 3 aña di gobernacion, nos deficit financiero a mas cu redobla for di 163.000.000 florin na 2009 te na 410.000.000 florin na 2012. Nos debenan nacional a aumenta for di 2.200.000.000 florin na 2009 te na 3.100.000.000 florin na 2012. Locual si no ta un mentira ta cu AVP ta conduciendo nos Pais na un bancarota total.

Habri Refineria Valero: Durante henter campaña pa eleccion 2009 partido AVP a hiba un politica mentiroso caminda nan a manipula mente di un gran parti di e Pueblo aki, bisando cu nan tin un plan y nan tin un team pa soluciona tur problema cu por ta existi den e Pais aki. Nan a pinta partido MEP masha malo mes y te hasta e instigacion constante aki a culmina den bochincha y violencia riba caya, caminda nan lider Mike Eman a kibra baricada y a desobedece orden di polis. Hopi ta e promesanan cu nan a haci na e votadornan den cual nan a priminti cu nan lo cumpli cabalmente cu tur e promesanan den e promer lunanan di nan gobernacion. Algun di nan promesa y mentiranan falso ta:

Elimina BBO: AVP a priminti cu asina nan drenta Gobierno nan lo elimina e BBO di 3%. Sinembargo nan a reduci e BBO cu solamente 1½ % y te cu awe nan no kier cumpli cu nan promesa pa elimina e otro parti di e BBO. Alavez AVP a gaña cu e 1% di BBO riba export pa Valero ta e causa principal cu e refineria a sera na 2009. Hecho ta cu nan a kita e 1% di BBO aki, a fiesta cu e 211.000.000 florin di BBO cu nan a haya for di Valero y finalmente toch e refineria a dal su portanan sera.

Baha tarifa di awa y coriente:

Mike Eman a priminti cu asina nan drenta Gobierno (‘from day one’) nan lo reduci e tarifa di awa y coriente cu 25%, den e sigiente aña cu otro 25% y finalmente cu un otro 20% mas, pues en total 70% di rebaho. Alavez Mike Eman a priminti cu e lo kita e brandstofclausule, lo kita e waarborgsom di coriente y lo percura pa no kita ningun meter di awa ni di coriente. Pero kico nos ta mira awe? Tarifa di awa y coriente a aumenta barbaramente durante e ultimo 3 añanan y Mike Eman no kier cumpli cu su promesa y pone un paro total na tur e aumentonan aki. Alavez ta danki na Mike Eman miles y miles di meternan di awa y coriente di nos Pueblo a ser kita ultimamente.

Combati adiccion ambulante: Henter campaña 2009 Mike Eman a demoniza comunidad bisando cu e adictonan ambulante cu tabata keda den e shelter na Playa ta e causantenan principal di tur criminalidad den centro di Oranjestad.

AVP supuestamente lo tabata tin un plan total pa yuda tur e adictonan aki. Sinembargo den nan rabia y venganza nan a dicidi di sera e shelter y awe tur e adictonan a keda riba caya, sin cuminda, sin paña limpi, sin lugar pa nan drumi y terorisando tur e barionan serca di centro di Oranjestad. Un otro promesa cu a keda solamente na promesa falso.

Baha criminalidad: Durante campaña AVP a priminti cu nan lo bay combati criminalidad y ilegalidad cu man duro. Sinembargo ora nan a drenta Gobierno, nan a elimina Guarda Nos Costa, nan a elimina e radarnan di Raytheon y e Visibility Team. Ta danki na e maneho descabeya aki, e crimennan cometi a aumenta for di 4864 na 2009 te na 8266 na 2010, pues un aumento barbaro di 70%!

Finanzas Publico responsabel: AVP a priminti cu nan lo bay reduci e deficit financiero cu

Mike Eman a grita henter campaña 2009 cu e lo habri e refineria Valero despues di eleccion. Sinembargo ta increibel e racha di mentira pa loke ta e promesa aki haci na Pueblo. Segun Mike Eman e sigiente empresa y personanan supuestamente lo a yuda habri Valero: PEMEX di Mexico, La Reina y un delegacion di Gobierno Hulandes, Petrochina, Pacific Rubiales Energy, Ministronan Hulandes Maxime Verhagen y Eurlings, Petrobras, Ecopetrol di Colombia, Pedevesa di Venezuela y finalmente pa lunanan largo Mike Eman a manipula y gaña cu Valero tin un acuerdo cu Petrochina. Awe – danki na tur e mentira y manipulacionnan aki di Mike Eman y Mike de Meza – nos Pais a keda sin refineria y cu un deficit extra di 100 miyon florin tur aña. Den e siguiente edicion di Vox Populi nos lo sigui elabora riba e demas mentira y manipulacionnan di partido AVP.

Corant di MEP  

Corant di MEP

Read more
Read more
Similar to
Popular now
Just for you