Diamars 2 mei 2023

ALIENACION PARENTAL TA UN FORMA DI ABUSO DI MUCHA

Diamars 2 Mei 2023

ARTHUR DOWERS A HABRI PORTA PA DROGA DRENTA ARUBA Dicon dos otro piscador a wak Johana pega den yerba y no a yama polis?

PISCADORNAN LAVEIST Y STAMPER A KEDA DETENI; POR CAY MAS DETENCION Polis a informa di a detene dos persona relaciona cu mensenhandel.

Segun informe no confirma ta piscadornan cu a busca Johana Salazar pa trece Aruba.

Nan a cobra 2500$ of 2200$.

Por spera mas detencion, ya cu tin otro piscador cu a wak Johana pega den yerba y nan no a bati alarma.E negoshi di trece ilegal a bira mas lucrativo cu piscamento y bende pisca.No por descsarta cu AKI tambe polis Vos tin un rol. Cuerpo Policial Ta

Na warda nobo, polis a scucha tiro, sali haya auto den verboden, persecucion, sospechoso accidenta detencion.

Informa—-Diasabra den oranan di mainta deparramento di Unit Mennsensmokkel Mensenhandel (UMM) a haci dos detencion relaciona cu un caso di traficacion di hende.Ta asina cu dos homber a wordo deteni. Ta trata di e homber A.L. naci na Aruba di 45 aña y e homber R.S. naci na Aruba di 34 aña.

No ta descarta cu lo tin mas detencion.

MINISTER ENDY CROES A RICIBI E HOBEN ATLETA JOSIE BOEKHOUDT

Cu keda na di tercer luga den Caribbean Youth Championship U19

Pag. 2

Diamars 2 Mei 2023

Secretario General di MEP:

MIKE EMAN A CAUSA UN MEGA DEBE

A MANDA EMCO INTERBANK Y ATV FAILLIET Y A DESGRACIA FINANSAS DI ARUBA Secretario General di MEP a haci un investigacion profundo riba e manera di maniobra di Mike Eman y AVP. Mike Eman den su historia no por a maneha ni su propio negoshinan y esaki a refleha tambe e manera cu casi el a manda Pais Aruba bancarota, creando un mega debe. Si no ta pa e mega debe aki crea entre aña 2010 y 2017, Aruba lo a traspasa door di e pandemia te hasta sin ayudo di Hulanda.

Mike Eman a manda tres (3) negoshi propio failliet: Mike Eman na tres (3) ocasion a presta suma grandi pa purba mantene EMCO na bida. Maneho di Mike Eman a manda EMCO finalmente failliet. Adhunto prueba di prestamo di 2 miyon florin na 0% interes (Mike cu Henny so por presta na 0% di interes).

E deal y suma aki a wordo haci via Interbank, unda Notaris Eman mes ta esun cu a pasa e actanan.

Despues di esaki, a causa cu Interbank tambe a bay failliet. Finalmente, e planta di television ATV canal 15 di Mike Eman tambe a bati bancarota.

Cu e mesun actitud aki Mike a maneha Aruba creando e mega debe y hera manda nos Pais Aruba bancarota.

Debenan den apenas 8 aña di Mike Eman y AVP: Mike a logra redobla e debe di Pais Aruba. Di acuerdo cu rapport di Banco Central, Mike Eman y

AVP a presta 2200 miyon florin pa cera deficit di e presupuestonan den 8 aña. Un masacre y mal maneho total. Solamente na interes, Aruba ta pagando 260 miyon florin pa aña, cual ta igual na 712 mil florin pa cada dia di 365 dia pa aña. Tristo no!?

Pueblo sa cuanto scol por a construi cu e placa aki?

Pueblo sa cuanto cancha deportivo por a drecha?

Pueblo por compronde cuanto caretera por a wordo asfalta? Asina nos por sigui. Banda di esaki, Mike a trece e concepto di PPP projecten, unda awo Aruba ta pagando 82.4 miyon florin pa aña pa e proyectonan aki te aña 2037. Cada baby cu nace tin un debe di 50 mil florin riba su cabes. Danki na maneho bochornoso di Mike Eman y AVP. Speed y Patrick Paskel a cobra 8 miyon den 8 aña pa propaganda gobierno di AVP. Tin tur prueba y a reparti esaki den Parlamento di Aruba. Richard Arends cu su compania, Horizon Consultancy a strica 4

miyon florin pa duna conseho na Mike Eman y AVP. Mike a malgasta 1 miyon den “green conferences”, 150 mil florin pa apertura di un brug na Spaans Lagoen, miyones na locura di Paul Krugman y Al Gore, 2 miyon florin na un boto di Wubo Occkels, 10 miyon florin na Phillips y TNO, su amigo personal abogado Sjiem Fat 5 miyon florin, 20 miyon florin di RDA cu tres (3)

apertura na un refeneria cu nunca a habri, Richard Arends cu salario di 22 mil florin pa luna den RDA, Rapport BO Aruba (2018) a specifica un otro 1600 miyon florin cu nunca Benny ni Mike kier a contesta, 300 miyon na “hedging” cu a bay ful robes den WEB y asina nos por sigui. Debe di Aruba cu te na aña 2009 tabata bou 50% y den cuadro cu IMF a surpasa 90% na aña 2017. Pues un

maneho fuera di control y realidad. Danki na pueblo cu a logra kita e stuur y poder di Mike Eman y AVP, sino awe nos ta pio cu Venezuela. Esaki ta sin conta e miyones di corupcion di Paul Croes y Benny Sevinger, exministernan di AVP. Algo ta sigur y ban grab’e den piedra. Nunca, pero nunca mas AVP por bini na poder pa Aruba ta salba!

Diamars 2 Mei 2023

Pag. 3

Arthur Dowers a habri porta pa droga drenta Aruba

Si tin un politico cu den su tempo a habri portanan di Aruba pa droga drenta, ta Arthur Dowers.

Tur cos ta mustra cu desde prome dia cu Dowers a bira minister, el’a hasi tur posibel pa elimina tur control.

Radarnan a bay, Helicopter a bay y grupo di seguridad banda di hotelnan grandi a bay.

Ex Minister Rudy Croes dfm a bringa cu alma y cuerpo contra droga!

Dowers a drenta y a kibra tur e trabao di Rudy.

Djey e mes a admiti, cu durante un Festival, ta puro benta di droga tabatin y tur mucha tabata droga.

Arthur Dowers a cera pacto cu mafiosonan? Ta increibel cu el’a kita tur control, y habri porta pa droga drenta.

Nunca mas Dowers por bira Minister, pasobra e tin pura pa yega pe bolbe elimina tur control !

Dicon dos otro piscador a wak Johana pega den yerba y no a yama polis?

Kico ta pasando ? Dos piscador ta conta rond cu nan a wak Johana pega den yerba. Nan a wak e y pasa bay y no a yama polis.

Ta kico ta pasando eyfo?

Dicon tanto secrecia y miedo?

Aparentemente e negoshi di piscamento no ta produci mucho placa of mes hopi cu trafica hende ilegal.

Ta cobra 4500 pa cabes pa trece un ilegal Aruba. Pues hopi tin cu ta trafica hende.

Esey te unico motibo cu nos por conclui cu dos piscador cu a wak Johana, a dicidi pa sigui bay y no yama autoridad.

Ta cuanto morto mas tin, pa e negoshi aki di trafico di hende? Pasobra parce cu e ta algo totallmente secreto.

Pag. 4

Diamars 2 Mei 2023

Accidente cu hende herida pa falta di preferencia na e crusada Rumbastraat cu Avenida Milio Croes

Diadomingo mainta a drenta informe di un accidente cu hende herida na e crusada Rumbastraat cu Avenida Milio Croes, mesora a dirigi tanto polis como ambulans na e sitio.

Na yegada si e patruya a bin compronde cu aki

ta trata di un accidente pa falta di preferencia.

Debi na e fuerte inpacto e airbag a deploy y tin hende cu a resulta herida entre nan un pareha turista. Na yegada di e ambulans nan a atende e victimanan.

Bululu dilanti Great Rich a hera bay for di man Dialuna madruga a drenta informe di cu lo tin un bringamento formal na Great Rich, mesora a dirigi patruyanan na e sitio.

Na yegada di e patruya a bin conpronde cu aki lo ta trata di un bululu cu por poco a hera bay for di man ya cu tabata tin menasa hasta un hende a ser corta y polis a consehe pa e bay Imsan pa haya tratamento y despues e por bay entrega keho na recherche. E hendenan di e otro partido ya a bandona e sitio caba.

Diamars 2 Mei 2023

Pag. 5

MINISTER ENDY CROES A RICIBI BISHITA DI SR. JOSELITO ALBERTS

Recientemente, Minister Endy Croes a reuni cu Sr. Joselito Alberts. Sr. Alberts ta un yui di tera cu a biba varios aña na Merca, trahando como coki na hotel di Disney World. Durante e reunion Sr. Alberts a presenta varios idea nobo cu e lo desea di realisa na Aruba. Un di e ideanan cu Sr. Alberts a trece ta pa e mundo di drag race.

Sr. Alberts tin conexion cu varios persona den e mundo aki na Merca.

Un grupo di persona cu potencial pa yuda den e

desaroyo di e pista di Palo Marga. Otro idea un Sr. Alberts a presenta ta pa organisa un competencia di Food & Beverage (F&B), unda cu tanto coki local como internacional por competi contra otro. Esaki sigur ta un tremendo idea cu lo contribui na e turismo di Aruba.

Durante e reunion a palabra cu Sr. Alberts lo traha riba un plan mas concreto di esaki y lo reuni bek den un futuro cercano pa elabora riba e proyecto aki.

Pag. 6

Diamars 2 Mei 2023

Minister Endy Croes:

A FIRMA UN ACUERDO PA TUR 20 SCOL DI DSP HAYA FIBER HIGH SPEED INTERNET

Siman pasa diaranson, Minister di Enseñansa y Deporte Endy Croes hunto cu director di Dienst Publieke Scholen (DPS), Sr. Ivan Croes y director di SETAR N.V., Sr. Roland Croes a firma un convenio pa 20 scol d DPS haya fiber high speed internet. Minister Endy Croes a anuncia durante conferencia di prensa cu pa aña 2023 lo instala fiber na tur scol di DPS. Esaki ta e prome stap cu a tuma pa desaroyo di digitalisacion den enseñansa, pero ainda tin cantidad di punto mas cu mester traha riba dje. Minister Endy Croes a indica cu na inicio di Covid, cu mester a haya les desde cas, Aruba no tabata prepara pa e condicionnan (randvoorwaarden) pa haya les digital.

Pues, den caso cu presenta un situacion asina cu mester traha desde cas, Aruba ta miho prepara.

Sr. Ivan Croes, a indica durante conferencia di prensa cu nan ta hopi contento cu e logro aki. E

ultimo añanan a cuminsa ekipa e scolnan di DPS cu Smart TV, pa duna les menos via buki y mas digital. Pero pa e uzo di digitalisacion, mester por tin un internet stabiel.

E convenio cu a cera diaranson atradi ta bay brinda oportunidad di tin un internet stabiel na tur scol di DPS. Asina por sigui explora riba diferente tereno cu por sigui yuda e alumnonan den klas. Pues, un stap grandi pa sigui desaroya e calidad di enseñansa di Aruba.

Director di SETAR N.V., Sr. Roland Croes a indica cu SETAR ta hopi contento di por contribui den e desaroyo di enseñansa di Aruba. SETAR tin diferente pakete pa cada scol y ya caba a ofrece diferente schoolbestuur un bon oferta. E paketenan ta basa riba e cantidad di alumno cu ta bishita e scol. Pues, pronto scolnan di DPS tambe por haya les digital sin ningun barera, cu un speed di internet hopi mas lihe. .

Diamars 2 Mei 2023

Arthur Dowers ta un criminal complaciente Recientemente partido AVP a ordena Arthur Dowers tuma e batuta pa ataca Minister Endy Croes y su famia.

Manera disco raya, sin ningun novedad, e lolin di Dowers a bolbe pasa man cu rapport di Ernst & Young pe cuminza mal deleita su tiki votadornan cu a resta.

Ken ta kere?

Ningun hende! Tur hende sa cu e disco di Lotto no ta pega mas! Egt politica bieuw y biba den pasado, cu mentira!

Ta e politica aki pueblo ta rechasa di AVP; nan no ta presenta ningun solucion, sino instigacion!

Pag. 7

Arthur ta Criminal; Como minister di husticia, el’a fracasa! Bao di su comando, Arusu cifra di crimen a triplifica.

Tabata tin mas atraco, mas robo, mas joy riding, mas droga riba caya, mas adicto ambulante, mas inseguridad, mas tursita a wordo horta, mas robo den kamber di hotel, hende mara den cas, matamento y mucho mas.

Regala radar contra ley na Sint Maarten y Bonaire: Contra tur regla y ley, sin bay parlamento, ela manda desmantela radar for di diferente toren y a manda nan Sint Maarten.

Otro radar cu tabata cla pa wordo instala na KIA, ela manda Bonaire.

Te mes mester bin splica cu mas detayes ta kico el’a hasi.

Esaki ta crimen contra pais y crimen complaciente.

Djey ela stop helicopter.

Sin duda e peor minister di husticia cu a entrega mos den man di baho mundo.

Esey ta nos opinion y ta lastima cu

sorto di persona asina, despues di a causa hopi daño na pais, ainda ta ansha pa drenta gobierno pe bolbe yuda e negoshi ilegal di droga.

Botonan ta dal den otro y un boto ta zink na Barcadera Ayera nochi un accidente a tuma luga riba lama caminda dos boto a dal den otro den area di Barcadera.

E Centro Maritimo di Operacion di Wardacosta den oranan di anochi a ricibi un yamada via di e canal di VHF 16 ku tin un accidente ku a tuma luga den area di Barcadera caminda un boto lo a zink. Mesora Wardacosta a dirigi un Metal Shark pa bai na e area.

Na yegada na Barcadera, e agentenan di Wardacosta a mira e boto ku a zink y algun persona riba un otro boto mara na cantu di rif. E agentenan di Wardacosta a yuda e personanan di e boto ku a zink subi riba

e Metal Shark y a hiba e personanan leshona na waf di Barcadera caminda un ambulance y polis tawata warda nan.

E Metal Shark a regresa

despues bek cerca e capitan di e boto ku a causa e accidente ku polis, pa por bai ku e capitan for di e sitio. E investigacion den e caso aki lo sigi.

Pag. 8

Diamars 2 Mei 2023

Secretario General di MEP:

Sapato bieu di AVP Arthur Dowers, su casa Patricia Dowers a cobra 400 mil florin di casa pa casa y esey ta intergidad

Secretario di MEP a ilustra cu recien por a tuma nota cu Dowers a cuminsa profila su mes den e rol di Parlamentario Ryçond. Ta conoci cu desde cu Benny Sevinger ex Minister di AVP a wordo sentencia pa hues y tin un condena como un criminal riba su nomber e problemanan interno den AVP a escala.

Ryçond por ehempel a distancia su mes oficialmente di AVP y a bay cu un asiento, mientras mas candidatonan a entrega nan retiro. Otro candidatonan a opta pa bay riba “mute” keda den silencio y no scoge ningun banda. Sapatonan

bieu manera Dowers mester a tuma algun rol over inmediatamente pa trata na mantene e estilo vies y di shishi di AVP su politica bieu na bida.

Asina Dowers a tuma over e rol di Ryçond como esun cu awor mester ta critica tur cos y purba bay den pasado pa troce cos.

Dowers papiando di integridad: Por a tuma nota cu Dowers a sali papia di integridad fin di siman. Dowers e sapato bieu di AVP esta “old boys” kende a permanece na “old school” a cuminsa tilda diferente politiconan di MEP sin

pia y sin cabes.

Por ehempel Dowers a trece dilanti un treat cu Lotto pa Deporte a efectua na aña 2009 na (2) seleccion cu a titula campeon y a regresa Aruba. Aki tur hungado-, coach y mayornan presente tabata entre esnan cu a gosa di e treat aki merecidamente bou di Minister Ramon Lee e tempo aya. Awe, 14 aña despues Dowers ta cuestiona e treat aki y ta papia di integridad. Straño cu Dowers te cu awe no a papia di ex Minister di AVP Paul Croes kende ta cera den KIA y Benny Sevinger kende recien a wordo condena, na unda awor AVP conoce dos (2) criminal como ex ministers. Dowers

ta muis pero muisstil riba e casonan grandi di corupcionnan aki.

Patricia Dowers a cobra 400 mil di casa pa casa: Arthur Dowers kier tilda dos (2) seleccion cu a ricibi un treat na nan yegada na Aruba. Dies cuater aña pasa, mientras Dowers a percura pa su casa Patricia Dowers cobra 400 mil florin durante gobernacion di AVP. Pruebanan tey y lo publicanan den e siguiente edicion. Asina Dowers kier papia di intergidad?.

Adhunto un publicacion di Bon dia Aruba (2009) cu ta confirma e yeganda di e dos seleccion. Tristo cu Dowers kier nenga

nos hobennan cu a resalta den exterior un treat, pero ta aplaudi e corupcion miyonario di ex Ministernan di AVP tanto Paul Croes como Benny Sevinger y su propio casa Patricia Dowers kende a probecha cu AVP ta na poder. Esaki ta Integridad pa Dowers. “Dime con quién andas, y te diré quién eres!

Diamars 2 Mei 2023

Pag. 9

MINISTER ENDY CROES A RICIBI E HOBEN ATLETA JOSIE BOEKHOUDT

Cu keda na di tercer luga den Caribbean Youth Championship U19

Diamars ultimo, Minister Endy Croes a ricibi bishita di e hoben atleta di tennis di mesa, Josie Boekhoudt hunto cu su coach Sr. Ruddy Raga. Recien, Josie a competi den Caribbean Youth Championship U19 cu a tuma luga na Guyana.

Josie a conkista e di tres luga den e campeonato.

Josie tin un talento grandi den e disciplina di tennis di mesa. Josie a cuminsa cu e deporte 6 aña pasa.

Josie a expresa cu e gusta e disciplina di tennis di mesa, paso e ta un deporte dificil, lihe, mester tin resistencia fisico y mester ta enfoca na tur momento den tur wega.

Minister Endy Croes a otorga Josie y su coach Ruddy di e medaya di 4D pa su excelente prestacion y logro.

E 4D ta para pa deseo, disciplina, dedicacion y determinacion, cual ta necesario pa logra tur loke bo propone den bida y sigur den deporte.

Concluyendo, Minister Endy Croes a felicita Josie pa su logro. Masha danki pa laga Aruba su nomber briya den exterior. Bo deseo cu disciplina, dedicacion y determinacion bo a logra.

Aruba ta orguyoso di bo!

Pag. 10

Diamars 2 Mei 2023

Celebrando logronan grandi: La Cabana Beach Resort & Casino ta honra empleadonan di prome kwartaal pa 2023

excelencia, integridad, inovacion y obsesion cu satisfaccion di nos bishitantenan.

EAGLE BEACH – Empleadonan y miembronan di gerencia di La Cabana Beach Resort & Casino a bini hunto pa celebra y reconoce e comienso di loke ta e prome kwartaal di Januari, Februari, y Maart 2023, na un encuentro di luncheon special den e ballroom.

E evento, presenta pa departamento di Recursonan Humano y

departamento di Food & Beverage a honra empleadonan cu a duna tur di nan parti riba nan trabao, comprometi pa mantene e nivel halto di e resort y tambe continua na crea vacacionnan memorabel.

La Cabana Beach Resort & Casino ta dedica na normanan di standard y balornan halto, y ta aprecia empleadonan cu ta desplega aprecio,

Un pabien ta bay na tur ganador, nominadonan y tur empleado pa nan contribucion na e exito di La Cabana manera Aruba su miho destinacion familiar pa vacacion.

Reconoci pa su excelencia, empleado di luna di Januari Alexandra Croes, Housekeeping, Empleado di luna di Februari Christian Diaz di Loss Prevention Department, empleado di luna di Maart, Jander Lampe di Food

& Beverage, Supervisor di prome kwartaal a bay na Gregorio Milton, Loss Prevention Department & Team di prome kwartaal a bay pa Accounting Team.

E resort tambe a sigui un actividad organisa pa La Cabana Aportando, un comision cu ta enfoca riba tur caridad y contribucion na comunidad.

Pa loke tabata e Earth Day recien na April, e comision a organisa ‘Plant a Tree event’ na unda cu empleadonan, doñonan y bishitantenan di La Cabana Beach Resort & Casino a haya e

oportunidad di por a haci un donacion y forma parti den planta un mata na e propiedad.

E resort tradicionalmente a planta varios mata pa loke tabata e celebracion di Earth Week durante ultimo añanan manera hardinnan di fruta y otro tipo di planta rond e resort.

Esaki ta den conexion tambe pa por presenta nos bishitantenan cu un ambiente fresco y bunita.

Den e imagennan por mira algun di e momentonan captura durante e ocasion.

Pag. 11

Diamars 2 Mei 2023

Prome Minister Evelyn Wever-Croes:

ALIENACION PARENTAL TA UN FORMA DI ABUSO DI MUCHA

“Prevencion di abuso di mucha ta implica cu bo lo mester enfatisa e importancia di siña kico ta un desaroyo saludable pa mucha” Durante su discurso cortico diamars atardi dilanti Bestuurskantoor en conexion cu iluminacion di Bestuurskantoor cu luz blauw como simbolo di conscientisacion di alienacion parental, Prome Minister Evelyn Wever-Croes a enfatisa e importancia pa para keto na e tema aki y realisa cu tur mucha tin derecho di tin tur dos mayor den nan bida y re-confirma nos compromiso cu nos muchanan y sigui bringa hunto pa e bienestar y felicidad di nos muchanan.

Manera ta conoci, Aruba a yega di pasa den casonan lamentabel na unda un di e mayornan no ta permiti pa wak e yiu despues di separacion. Esaki no solamente ta doloroso pa e yiunan sino pa e mayor en cuestion, tambe ta un situacion hopi doloroso.

“Prevencion di abuso di mucha ta implica cu bo lo mester enfatisa e importancia di siña kico ta un desaroyo saludable pa mucha, apoya practicanan positivo den educacion di mucha y adopta medidanan den nomber di e muchanan y e famiannan di nos comunidad”, Prome Minister a enfatisa.

A L I E N A C I O N PARENTAL TA UN FORMA DI ABUSO DI MUCHA. Pero kico exactamente ta alienacion parental?

E ta e acto cu un di mayornan ta purba di pone un yiu of e yiunan contra di e otro mayor pa medio di manipulacion, critica of otro forma di comportamento negativo sin hustificacion rasonable. E estrategianan cu ta wordo uza den esaki ta inlcui nenga e otro mayor di tin contacto cu e mucha, critic’e, haci cu e mucha ta falta respet pa e otro mayor of kibra tur contacto cu n’e. Un mucha cu wordo indoctrina y controla ta sinti miedo y odio y consecuentemente ta rechaso e otro mayor.

E PREGUNTA CU TA SURGI TA KICO TA E ORIGIN DI ALIENACION PARENTAL? Ora un discordia matrimonial ta yega te na odio entre pareha, masha lihe mes e pareha ta wak un divorcio como e miho opcion. Un divorcio por ta un salida facil pa e pareha pero hopi biaha e ta causa problema pa e yiunan. Divorcio no necesariamente ta e unico causante di alienacion parental. E por sosode tambe ora e mayornan cu no ta casa y nan relacion a caba na nada, ta dicidi di laga otro. Den un divorcio of separacion di mayornan hopi cos por bay robes. Mientras un di e mayornan ta acusa e otro di manipula e mucha pa e mucha rechac’e, e otro ta argumenta cu e

ta haci’e den interes di e mucha pa asina proteg’e di e otro mayor. Alienacion parental tin hopi otro factor ademas di esnan cu a menciona.

“Na Aruba ta conoci cu

e incidencia di divorcio estadisticamente ta hopi halto. A yega di sosode cu den cierto aña e cantidad di divorcio tabata mas halto cu e cantidad di matrimonio.

Recientemente Gobierno

a cambio ley pa haci cu e tata cu reconoce su yiu automaticamente ta haya custodia tambe”, Prome Minister a finalisa bisando.

Pag. 12

Diamars 2 Mei 2023

Prome Minister Evelyn Wever-Croes:

ORIGEN DI INFLACION, Y PASONAN CU GOBIERNO DI ARUBA A TUMA PA FRENA INFLACION Y TRESE ALIVIO PA NOS COMUNIDAD

Dialuna 24 di April a tuma luga den Parlamento di Aruba e reunion cu a wordo yama pa Parlamentarionan di oposicion.

Un cu a yama e reunion aki riba e topico Costo di Bida, ta Parlamentario Mike Eman kende durante e reunion no tawata presente mustrando asina e falta di interes cu e tin riba e topico importante aki den nos pueblo.

Den su disertacion, Prome Minister Evelyn Wever-Croes y demas minister di Gabinete Wever-Croes a enfatisa e origen di inflacion riba nos pais. Algo cu oposicion a lubida completamente pa asina culpa Gabinete WeverCroes di e inflacion, cu riba su mes, ta wordo causa door di e inflacion mundial. Mundo henter a pasa den un crisis mundial di inflacion. Ta conoci cu Aruba ta importa practicamente tur cos, pues tambe inflacion. E pandemia mundial Covid-19, e guera di Ukraina, e aumento di prijsnan internacional di fleta y e crisis mundial di inflacion cu a sigui, tur ta factornan internacional cu a causa aumento di costo di bida mundialmente, na Aruba tambe.

E crisis mundial di inflacion a causa un crisis di inflacion aki na Aruba tambe. Mientras cu henter mundo ta buscando nan mesun maneranan pa maneha inflacion, localmente a inflacion a wordo frena na diferente forma.

Aki ta sigui algun di e pasonan cu Gobierno di Aruba a tuma pa frena inflacion y trece alivio pa nos comunidad.

1.

A aumenta minimumloon 3 biaha 2.

A aumenta reparatie toeslag 2 biaha 3.

A aumenta pensioen di biehes 3 biaha 4.

A baha prijs di awa y coriente 5.

Ora e tarifa di awa y coriente mester a subi, a absorba e aumento pa un tempo 6.

No obstante prijs di crudo halto, ta cuminsa baha prijs di coriente 7.

A absorba e aumento di gasolin pa a un tempo 8.

A scoge pa aumento di BBO (inflacion di 1.4 %) en bes di BTW (inflacion di 5 pa 9 %) pa evita mas inflacion 9.

A baha inkomstenbelasting y loonbelasting 3 biaha 10.

A hisa e suma liber di impuesto 2 biaha y asina 36.161 hende no ta paga inkomstenbelasting ni loonbelasting mas 11.

A baha prima di AZV pa pensionado 12.

A baha grondbelasting riba casnan cu no ta di balor halto (y a aumenta e belasting riba casnan di balor halto) 13.

A elimina e belasting riba herencia, successiebelasting

14.

A baha tarifa di winstbelasting riba ganashi di negoshinan di 25 % pa 20 % 15.

A baha desempleo y na aña 2022, 2400 mama y tata di famia a haya trabou 16. bek desde december 2020 pa awo “Gabinete Wever-Croes, despues di a hereda tur reto cu e gobierno

di Mike Eman a laga atras, retonan financiero y economico cu a contribui na e inflacion cu awe Aruba ta bibando, hunto cu e factor pandemia y guera na Ukraina, Gabinete WeverCroes a mustra curashi, a lora manga y a traha den tur reto y awe nos ta mira un Aruba cu ta recuperando”, Prome Minister Evelyn Wever-Croes a expresa.

Pag. 13

Diamars 2 Mei 2023

Minister Endy Croes:

DIA 25 DI APRIL A ILUMINA EDIFICIO DI BETUURSKANTOOR CU LUZ COLOR BLAUW PA DIA DI CONSCIENTISACION DI ALIENACION PARENTAL Diamars, dia 25 di april, tabata dia di Conscientisacion di Alienacion Parental.

Durante un ceremonia chikito, Minister Endy Croes hunto cu Prome Minister Evelyn WeverCroes y Sra. Janine Wever di Fundacion Kids Right Empowerment a cende e luznan blauw pa trece Conscientisacion di Alienacion Parental.

Minister Endy Croes a indica cu ta importante pa conscientisa e parehanan cu a separa di otro, cu un yiu semper mester di su mama y su tata. Ta bon pa yega na areglo concreto cu otro, pa preveni cu e mucha mester sali

perhudica den esaki. Sra. Janine Wever a indica cu Fundacion Kids Right Empowerment ta kere den derecho di cada mucha.

Ta importante pa como adulto consciente pone derecho di mucha central. Cada mucha tin derecho di tin contacto cu ambos mayor, semper cu no ta pone e mucha den peliger. Tambe, Sra. Wever a recorda cada tata cu si nan yiu a nace prome cu september di aña 2021 y nunca a casa cu e mama, no asumi cu automaticamente tin “gezeg” riba e mucha.

Ta

importante

pa

investiga bon pa evita dolor despues. Sra. Wever ta expresa cu Alienacion Parental no ta descrimina, e por sosode cu cualkier persona.

Ademas, Alienacion Parental no ta

afecta e mucha solamente, e por afecta, entre otro, e mayor-, ruman-, wela- y welonan cu no por wak e mucha mas. Pues, ta recorda e mayornan pa ta consciente di nan acto y pa

pone e muchanan central.

Sra. Wever ta gradici Gobierno di Aruba pa e oportunidad di cende luz blauw pa simbolicamente trece conscientisacion.

Dama chauffeur cu a ocasiona accidente a purba core bay for di e sitio pero polis a logra par’e

Diadomingo merdia a drenta informe di un accidente cu hende herida na Citgo Paradera y e dama chauffeur cu a causa e accidente kier a bandona e sitio, mesora a dirigi un patruya na e sitio. Net yegando na e sitio e patruya a ser avisa cu e Mercedes Benz suv

cu a causa e accidente ta bayendo. Polis a bay su tras y a logra par’e poco mas pabao. Polis a atende e accidente y a compronde cu e dama chauffeur biniendo di Sero Preto a yega subi e crusada sin para y a dal e Toyota Yaris bayendo pariba y e impacto a bira

e Yaris 90 grado y e parti patras a bay dal e Kia Rio hatchback bayendo pabao.

Debi na e impacto cu e Kia Rio e pasahero dilanti den e Kia Rio a resulta herida.

Na yegada di e ambulans a atande e victima na e sitio mes.

Pag. 14

Diamars 2 Mei 2023

Minister Maduro di Finansa durante reunion publico riba Costo di Bida:

CORUPCION TA PONE COSTO DI BIDA SUBI NA ARUBA

Ta tristo pa mira con Mike Eman ta brasa corupcion Durante e reunion publico den Parlamento yama pa Fraccion di AVP pa trata Costo di Bida, Minister Maduro di Finansa a hiba palabra pa splica e situacion financiero di Aruba y tur locual a y ta wordo haci pa por trece alivio pa Pueblo.

E mandatario a tuma tempo tambe pa splica cu corupcion tambe ta afecta e costo di bida na Aruba.

Sigur e caso di Avestruz den cual Parlamentario di AVP, Benny Sevinger ta involucra, fuera di ta un berguensa pa Pueblo, ta hisa costo di bida tambe na Aruba. Ta un berguensa sigur pa Pueblo haya sa con na man di Benny y bou nanishi di Mike Eman a regala tereno na 'friends and family' di AVP pa nan haci negoshi na grandi y bira 'stinkend rijk' riba custia di Pueblo. Na unda cu un comerciante local no por haya tereno pa lanta nan negoshi, hendenan liga na Benny y partido AVP si tabata haya tereno comercial pa bende, haci negoshi cune y traha placa bruto cu patrimonio di Pueblo. Djies lesa e veredicto den e caso di Avestruz. Benny a laga su mes wordo cumpra como Minister di Infrastructura y esey ta nada mas cu corupcion. Poco tempo atras den e caso di Paul Croes tambe por a mira con un Minister di Labor di AVP a wordo cumpra pa duna permiso, algo cu sigur ta afecta e mercado laboral na Aruba lagando

e Pueblo sin trabou.

Di e manera aki tambe corupcion ta hisa costo di bida na Aruba.

Ora cu bo a kere cu Mike Eman como Lider di AVP y ex Prome Minister di Aruba ta condena corupcion, ata nos tur por a mira Mike Eman ta brasa Benny, traha fiesta na Cas di Partido di AVP pa celebra cu husticia a condena Benny pa corupcion. Mike Eman a mustra Pueblo cu e ta brasa corupcion y ela manda un señal bon cla na comunidad cu e no ta 'give a damn' si costo di bida na Aruba subi debi na corupcion. Pa e motibo aki tambe Mike Eman a hiba palabra na comienso di e reunion publico y despues a bandona Sala di Parlamento cana bay su cas. Di e manera aki Mike Eman a bolbe enfatisa cu no ta importe nada. Mike ta brasa corupcion y no ta worry mes cu esaki tambe ta subi costo di bida pa Pueblo.

Diamars 2 Mei 2023

Pag. 15

The Hilton Aruba Caribbean Hotel & Casino ta dedica na servicio comunitario PALM BEACH - The Hilton Aruba Caribbean Resort & Casino a lansa un iniciativa interno cultural aña pasa, diseña pa aumenta envolvimento di empleadonan pa loke ta nos comunidad y cu otro coleganan.

Como parti di e compromiso cu henter e resort ta comparti pa loke ta asuntonan social y su causanan, empleadonan a dicidi pa participa den programanan boluntario, iniciativanan di donacion di cuminda, cleanups y otro trabaonan cu ta brinda impactonan social positivo, un bes pa luna, cu cada departamento biniendo na beurt pa participa.

E siman aki tabata departamento di Accounting su beurt, siguiendo e peticion di un docente y swim coach, empleadonan a yega San Nicolas mainta trempan na Abraham de Veer pa 5:30am y cuminsa traha. Nan a prepara cuminda y bebida pa e catering di loke tabata e Sport Day anual, pa mas cu 270 studiante, educadornan y staffers cu tur cos manera sandwich, cookies, soft drinks, pa henter un dia.

Luna pasa, departamento di Front Office y Cushina a encarga nan mes cu dos proyecto ambicioso.

Empleadonan di Front Office a encarga nan mes cu verf e murayanan y reparacion di dak na Colegio Nigel Matthew, mientras cu e departamento culinario a bay Fontein Kleuterschool, un scol primario, na unda nan a prepara 100 sandwich, y 100 chocolate chip cookies, combina cu lechi, fruta fresco y juice pa tur mucha y miembro di facultad.

E studiantenan hoben tambe a ricibi crayons nobo hunto cu un buki di kleur.

Pag. 16

Diamars 2 Mei 2023

Modelonan di The Chaz Modeling & Talent School riba pasarela internacional un biaha mas". he Chaz Modeling & Talent School den cuadro di su 25 Anniversario tin como Meta e aña aki pa Exporta nos Talentonan International. E evento International aki lo bai ta un Fashion week hunto cu varios Workshop compaña pa diferente Fashion Shows caminda diferente designers international reconosi den e mundo di Fashion lo bai ta presente. Nan lo hanja Lesnan avansa di Pasarela, Photo Posing, Oratoria, Cuido personal, Maquijahe y Mucho mas. Y e chens grandi di por wordo aserca pa bai otro Fashion Week proximamente. Nos lo tin 4 representante Baby OFK Model Ciara Winterdaal, Pre-Teen OFK Model Caithlyne Kock, Teen OFK Model Javinah Besslink, Adult OFK Model Stacey de Veer.

Un biaha mas nos lo tin un Mucha special den e evento International aki desmostrando nan Talento y capacidad di por wordo inclui den nos comunidad.

Aruba por ta sigur cu nos Muchanan lo hasi un tremendo papel pa Aruba na Orlando y cu nan lo ta bon prepara. Sigi nan riba e instagram y facebook di Orlando Fashion Kids y di The Chaz Modeling & Talent School. Keda pendiente di e cobertura.

Pagina 17

Diamars 2 Mei 2023

MINISTER ENDY CROES A RICIBI E HOBEN ATLETA JOSIE BOEKHOUDT Cu keda na di tercer luga den Caribbean Youth Championship U19

ORANJESTAD: Diamars ultimo, Minister Endy Croes a ricibi bishita di e hoben atleta di tennis di mesa, Josie Boekhoudt hunto cu su coach Sr. Ruddy Raga.

Recien, Josie a competi den Caribbean Youth Championship U19 cu a tuma luga na Guyana. Josie a conkista e di tres luga den e campeonato. Josie tin un talento grandi den e disciplina di tennis di mesa.

Josie a cuminsa cu e deporte 6 aña pasa.

Josie a expresa cu e gusta e disciplina di tennis di mesa, paso e ta un deporte dificil, lihe, mester tin resistencia fisico y mester ta enfoca na tur momento den tur wega.

Minister Endy Croes a otorga Josie y su coach Ruddy di e medaya di 4D pa su excelente prestacion y logro. E 4D ta para

pa deseo, disciplina, dedicacion y determinacion, cual ta necesario pa logra tur loke bo propone den bida y sigur den deporte. Concluyendo, Minister Endy Croes a felicita Josie pa su logro. Masha danki pa laga Aruba su nomber briya den exterior. Bo deseo cu disciplina, dedicacion y determinacion bo a logra. Aruba ta orguyoso di bo!

BISHITA NOS WEBSITE: WWW.SOLODIPUEBLO.COM

Pagina 18

Diamars 2 Mei 2023

DOW: Entrante diamars 2 di mei 2023, nos lo cuminsa cu e trabounan di preparacion di caminda na Papilon-St Cruz.

Entrante diamars 2 di mei 2023, nos lo cuminsa cu e trabounan di preparacion di caminda na Papilon-St Cruz.

E trabounan lo wordo haci den fase: Frees: fase # 1 (1 dia) Fecha trabow: 2 mei 2023.

Orario: 8:30 am – 4:00 pm Frees: fase # 2 (1 dia) Fecha trabow: 3 mei 2023.

Orario: 8:30 am – 4:00 pm Frees: fase # 3 (1 dia) Fecha trabow: 4 mei 2023.

Orario: 8:30 am – 4:00 pm Asfaltamento caminda fase 1, 2 y 3.

Fecha trabow: 5 mei 2023.

Orario: 8:30 am – 7:00 pm Siguiente siman nos ta sigui cu fase 4,5 y 6: Frees: fase # 4 (1 dia) Fecha trabow: 8 mei 2023.

Orario: 8:30 am – 4:00 pm Frees: fase # 5 (1 dia) Fecha trabow: 9 mei 2023.

Orario: 8:30 am – 4:00 pm Frees: fase # 6 (1 dia) Fecha trabow: 10 mei 2023.

Orario: 8:30 am – 4:00 pm Asfaltamento caminda fase 4,5 y 6 Fecha trabow: 12 mei 2023.

Orario: 8:30 am – 7:00 pm Ruta di desviacion lo wordo indica cu borchi y baricada di aviso.

Por fabor tene cuenta.

Pagina 19

Diamars 2 Mei 2023

Botonan ta dal den otro y un boto ta zink na Barcadera Diasabra nochi un accidente a tuma luga riba lama caminda dos boto a dal den otro den area di Barcadera. E Centro Maritimo di Operacion di Wardacosta den oranan di anochi a ricibi un yamada via di e canal di VHF 16 ku tin un accidente ku a tuma luga den area di Barcadera caminda un boto lo a zink. Mesora Wardacosta a dirigi un Metal Shark pa bai na e area.

Na yegada na Barcadera, e agentenan di Wardacosta a mira e boto ku a zink y algun persona riba un otro boto mara na cantu di rif. E agentenan di Wardacosta a yuda e personanan di e

boto ku a zink subi riba e Metal Shark y a hiba e personanan leshona na waf di Barcadera caminda un ambulance y polis tawata warda nan.

E Metal Shark a regresa despues bek cerca e capitan di e boto ku a causa e accidente ku polis, pa por bai ku e capitan for di e sitio. E investigacion den e caso aki lo sigui.

Pareha turista di edad envolvi den accidente ariba Avenida Milo Croes Diadomingo mainta rond di 11’or y mey polis y ambulance a bay den Avenida Milo Croes pa un accidente ariba e crusada cu ta bay pa Rumbastraat.

Un v-car maneha pa un pareha turista di edad lo no a duna preferencia y te lora dilanti un Nissan March cu tawata biniendo di pabou.

Den e impacto e Airbag nan di ambos auto a sali. Chauffeur di e Nissan March cu ta un señora tawata tin mester di e asistencia medico.

Na prome instante a pidi pa 2 ambulance, pero na final ta e señora di e March so a wordo atendi pa e Paramediconan.

E pareha turista di edad lo

no tawata desea asistencia di Paramediconan.

Polis di trafico a presenta y mirando unda e accidente a sosode, polis di Playa mester a desvia trafico pa un rato te ora cu move e autonan.

Pagina 20

Diamars 2 Mei 2023

ANTICONCEPTIVONAN TA PIKANAN CONDENABEL PA DIOS TATA.

Pakiko esnan den organisacion ta lansa campanja pa anticonceptivonan, con pa usa condom etc.?

Esey ta un berguensa di mira, cu nan ta promove algo cu no ta un educacion Cristian, cu no ta bini di Dios. Ta ki sorto di ehempel y educacion esey ta? Ta pa promove mas libertinahe sexual? Educacion sexual mester ta basa segun Dios Su boluntad y segun di un bida Cristian. Den temponan di antes, hendenan Cristian no conoce nada tocante anticonceptivo.

Bijbel ta considera e yiunan manera don di Dios. (Genesis 4: 1; 33: 5). Yiunan ta herencia di Dios (Salmo 127: 3-5).

Yuinan ta bendicion di Dios (Lucas 1: 42). Dios ta bendiciona e muhernan esteril cu yiunan

(Salmo 113: 9; Genesis 21: 1-3; 25: 21-22). Dios ta forma e yiunan den seno materno di e mama (Salmo 139: 13-16). Dios conoce e yiunan prome cu nan nace (Jeremias 1: 5; Galatanan 1: 15).

Usamento di anticonceptivonan, ta contra di Dios Tata Su procreacion humano. No ta pa hende dicidi esey y ni pa husga tocante di bida humano, pasobra ta Dios Tata ta E Autor di bida y no hende.

Lesa den Bijbel Genesis 38: 6-10, na unda Dios Tata a condena Onan na morto, pasobra Onan tabata benta su spermanan afo pa no laga su senjora sali na estado. Asina tambe Dios ta condena den fierno tur esnan cu ta usa anticonceptivonan. Tambe na e hombernan cu ta

haci masturbacion y ta benta nan sperma afo, hombernan cu ta usa condom pa benta nan sperma afo. Muhernan cu ta usa pildonan, cu ta opera, cu ta konopa, cu ta usa spiral pa no haya yiu etc. Tur esakinan ta pikanan condenabel pa Dios Tata. Na anja 1968

Papa Juan Pablo VI, den su relato Eclesiastico, “The Human Life, Iglesia Catolico ta condena tur sorto di anticonceptivonan cu ta strobe e ser humano di ser forma den existencia”. Na anja 1930, Martin Luther a bisa: “Hende homber cu benta nan spermanan afo y no ta laga nan senjora concebi, e ta comete un crimen horibel, pasobra ta Dios Tata Su procreacion humano mester sigi y ta pesey e acto aki ta obra di satanas”. Na anja 1984, 23 Juli Papa Juan Pablo II na su descurso a firma: “Cu Iglesia Catolico ta para ariba ensejansa, cu ta prohibi tur sorto di anticonceptivonan cu ta strobe Dios su procreacion humano”. Dios Tata a traha hende muher pa planea famia den matrimonio, pesey hende muhernan tin nan ciclo y nan periode cu ta e di-

anan di fertilidad, e dianan di infertilidad y dianan di menstruacion.

Hende muher ta planea nan famia den e ciclo y den e periode y no den e anticonceptivonan cu ta bini di satanas. E diabel kier pa hende sera porta pa Dios Su procreacion, e diabel kier pa hende homber benta nan sperma afo, e diabel kier pa por tin mas libertinahe sexual di fornicacion.

E diabel kier pa bo usa su anticonceptivonan pa bo ser condena den fierno mescos cu Onan cu a benta su sperma afo y a stroba e ser humano di ser forma den existencia. Pesey tur esnan cu ta strobe Dios Su Autor di bida, nan ta ser condena pa fierno, pasobra ningun hende no por sera porta pa Dios Tata.

Pesey, tur sorto di anticonceptivonan ta bini di satanas.

Un mensahero di Dios.

Pagina 21

Diamars 2 Mei 2023

SABIDURIA DEN NOS ALEGRIA Skirbi pa Ruthy”Lady Ruth” Vrieswijk-Bergen

Tawata un bunita y dushi fin di siman cu e gran y impactante celebracion di Dia Internacional di Bayle 2023, e 40 anjanan di Grupo Teatro di Danza Arubano, grupo di folklore y e 55 anjanan di Diana Lydia Antonette como Maestra Profesora di Bayle.

Un sala sold out cu animacion y atencion total pa cada presentacion di cada grupo for di chikito te grandi, den Cas di Cultura. Tur bisti den nan preciosidad di costuumnan luhoso y colorido. Lady Ruth a hiba como invitado un amiga di Hulanda cu tawata na Aruba pa di prome biaha y pa solamente 5 anochi.

E simpatico Linda de Boer a bini hunto cu su kerido esposo Roelfs y algun rumannan amigo mas di nan respectivo logianan di Hulanda, Surnam y Corsouw pa varios encuentronan y reunionnan. Nos a encarga nos mes cu duna Linda atencion y lage conose nos dushi hendenan di Aruba un tiki mas di serca. Nos a bay Djiespies Diabierna anochi pa scucha algun dushi canticanan na

nos dushi idioma Papiamento y of na Hulandes, pero ora a pasa un ora di scucha salsa y e.o. otro canticanan na e.o. spanjo, nos a laga tumba pa rumbo Nautical Club pa e fiesta cu e banda musical Back on track di Ito Stamper, na unda nos por a goza di canticanan oldies y bayla na smaak.

Nos no tawatatin smak di warda pa 2e ronde di canticanan na Djiespies cu podise lo a toca un dushi seu, e canticanan Jerusalem of Mi limon mi limonero, algun di e dushi canticanan cu ta pone tur hende subi pista, tempo di gran amigo Etty Toppenberg awe dfm. Robert Thiel ariba wiel tambe sa toca e canticanan dushi aki na Djiespies. Nos ta comprende cu tur banda tin nan mesun repertorio. E anochi aki na Djiespies e bas tawata mucho duro y segun nos e flamante cantante Antonieta tawata canta den vos hopi duro, pa por a wordo tendi, segun nos casi grita, pasobra e musica tambe tawata un crenchi duro di mas.

Nos conose Antonieta cantando mucho mas

bunita cu esey, natural y puro. Podise mester a ahusta su microfoon un crenchi ? Pero otronan a goza di e dushi ambiente. Hopi ta esnan cu si ta gusta salsa etc. pero tin cu corda cu no tur tin un pareha pa bayle. Dushi cu Lady Ruth por a canta su dushi “Jambalaya” cu “Back on track” na Nautical.

Anto Diasabra nos a bai Cas di Cultura y a goza un mundo di e fantastico show di bayle di tur e alumnonan di scol di bayle Diana Antonette. Waaaaaw !!! Oh ki bunita e chikitinnan a bayla, entre otro den nan costuumnan di barbulet. E parti “klasiek” suave, bunita ! Despues a sigui cu bailenan di “street dance” alegre y contagioso, na unda e hobennan a demonstra nan talentonan den e creatividadnan unico di e Maestra Profeshonal PiereAngelie Wever, un di e prinsesnan baylador di Diana Antonette, pasobra hopi di nos conose tambe e otro prinses di Diana, Alydia Wever Oduber , cu ta causando exito tras di exito aya na nos Madre Patria Hulanda y Europa cu su projectonan impactante. Ainda fresco den nos memoria su presentacion como FRIDA den Cas di Cultura.

Nos tin cu comparti e.o. con bunita Diana a splica kico ta bayle, e bunita “backgroundnan” riba screen riba e stage cu tawata master ! , e tremendo seleccion di musica escogi y mas.

Nico Luydens a luci tremendamente fuerte entre e damanan . E ta e pareha baylador di Diana “for ever” desde comienzo. E strea Maestra di bayle PierreAngelie a impacta y luci fantasticamente !! Nan ta tres instructora profesora di bayle na scol di bayle Diana Antonette : Lieve Danouk Jongsma, PierreAngelie y Diana mes.

Ki bunita e grupo cu a bayla e bayle di cinta. Y e parti di folklore, e.o. e Mazurka. Y Queen Diana mes cu a bayla riba un dushi pieza di Padu Lampe. Tawatatin algun video di bayle cu a hiba nos bek un rato den e temporada di Covid. Hopi interesante.

Despues di e show,na final di e bunita y alegre anochi aki, Maybeline Arends Croes y Arlenne Wever a canta den duo un bunita cantica di felicitacion pa Diana cu tur e bunita celebracionnan aki, “tres den un” mientras otronan tawata tin flor y mas pabien pa Queen Diana . E simpatico y talentoso artista Jhon Freddy Montoya a saca bunita potretnan atrobe den nomber di Departamento di Cultura y nos por a nota cu meneer Thijsen tawata tin e parti di filmacion den su mannan, curason y mente profeshonal.

Algo special tambe tawata, ora cu na comienzo por a scucha e stem di Alydia Wever Oduber dirigi palabranan di exito y pabien na su mama stima Diana y na tur e

alumnonan di e scol di bayle Diana Antonette.

Un grabacion di curason for di Hulanda. Pabien lieve Diana cu otro exitoso show di bayle den un fin di siman hopi bunita mes. Pabien na tur tur e alumnonan cu a briya den cada presentacion. “Chanita, corda otro biaha ofrece Lady Ruth tambe un lollipop “,hahahaha.

Nos amiga di Hulanda, Linda, ta bay bek Hulanda cu hopi bunita recuerdo di su estadia aki na Aruba. Manera nos ta bisa :” Kort maar krachtig”, pasobra ainda mi ta wak e mi dilanti ta bayla “Twist and shout” na Nautical club cu su bunita energia den su bunita movecionnan.

Y ainda mi ta wak beautiful PierreAngelie ta bayla su salsa yen di bunita energia den tur su movecionnan inigualabel. Un profesora hoben cu gusta bayla cu cara y curason bunita y cu un curpa cu su curvanan hopi pero hopi bunita mes ! Ela nace pa bayla, e ta bayla bon, e ta bayla super bon !!!

Danki Lady Diana pa sigui ofrece, comparti y regala Aruba di bo “super power” , bo super talentonan di pone hopi expresa nan mes den nan bayle. Mi bunita sister friend Diana, “You are the blessings”. Danki shonnan pa lesa nos relato y si bo tambe kier sinya bayla, yama Cas di Cultura pa scol di bayle Diana Antonette. “Stay safe y love you too !”

Pagina 22

Diamars 2 Mei 2023

Dos persona deteni despues di persecusion; uno lo tawata den posesion di arma di candela Persecucion Ta asina cu patruya di Playa lo a duna stopteken na un Nissan March, pero e chauffeur no a sigui ordo di polis poniendo cu a cuminsa un persecusion.

E persecusion aki por bisa cu no tawata uno cu velocidad halto, unicamente cu e chauffeur no tawata kier a para.

Diasabra laat di anochi, habitantenan den Dakota y Tarabana por a

mira basta presencia di polis y por a scucha sirena.

Dado momento e March aki cu glasnan getint unda cu polis no por a mira cuanto hende tin den dje.

Asina nan a sigui y a drenta Caya Papa Juan Pablo pa despues drenta

Tarabana. Eyden nan a keda draai rond.

Pa nada e chauffeur kier a stop y a dicidi di bay den verboden altura di Royal Funeral Home, subiendo Watty Vos Boulevard den verboden. Eybanda ta un 4 individuo a sali for di e Nissan March y a core bay.

Team di aresto cu tawata cerca mesora a drenta accion y patras di e supermarket nobo a logra pone man ariba uno.

Mientras e auto o sea e March a wordo intercepta altura di ex Codensa, deteniendo e chauffeur.

Holor fuerte di marihuana a sali for di e auto ora cu agentenan a habri’e.

Parse cu ariba e individuo gara tras di e supermarket a haya un arma di candela. Pa e motibo aki a pidi pa departamento tecnico di polis, cu mester a saca potret pa haci demas notanan relaciona cu e arma y mas cos manera paña cu a benta atras de entreda di e supermarket.

Takelwagen a presenta pa bay cu e vehiculo mientra chauffeur y un ocupante a wordo deteni y transporta pa warda di polis

Agente di motor unit envolvi den accidente di trafico na Tanki Leendert Diaranson anochi un agente de la unidad motora del cuerpo policial en hay’e envolvi den una maldita pequeña parte de las rotondas nobo de Tanki Leendert.

Na e sitio nos a compronde cu e brommer di polis lo tawata bayendo un caminda cu zwaailicht y sirena. E lo tawata bayendo direccion nort, ora cu un Nissan Almera a subi caminda for di pabou.

E agent lo no por a haci nada y ta dal parti patras drechi di e vehiculo.

Esaki a posa cu e ta cay y resulta herida, pero nada grave. Otro cole-

ganan cu a yega a pidi ambulance pa Paramediconan por a haci control ariba dje.

Na nan yegada Paramediconan a control’e na e sitio mes, indicando cu e ta bay ta ok.

Por a mira e hefe di unidad motorisa y tambe polis di trafico na e sitio, e brommer a wordo hiba warda di polis pa mira kiko tur e dano/ nan ta.

Pagina 23

Diamars 2 Mei 2023

Hoben envolvi den accidente serio ariba brug di Green Corridor Diasabra anochi pa mas o menos 10:30 polis a bay pura ariba e caminda di Green Corridor, pa ta exacto ariba e brug nobo.

Eynan a sosode un boksmento, unda un Suzuki Swift maneha pa un hoben a perde control completamente ariba e stuur. Debi na e esaki e vehiculo a dal contra ambos banda di e brug, lagando e auto cu masha hopi daño

material.

Door di esaki hopi parti di e auto a keda gespart ariba caminda.

Version di e chauffeur di e Swift; ta cu un otro auto a pone perde control.

momento ey tur e Ambulancenan tawata ocupa.

Caminda a keda cera pa algun rato, te ora takelwagen a bay cu e auto.

Rapid Responder di Ambulance mester a presenta, mirando cu e hoben lo no tawata tin safety belt y a dal su cabes basta duro. Net e

Agente di motor unit envolvi den accidente di trafico na Tanki Leendert

Diaranson anochi un agente de la unidad motora del cuerpo policial en hay’e envolvi den una maldita pequeña parte de las rotondas nobo de Tanki Leendert.

Na e sitio nos a compronde cu e brommer di polis lo tawata bayendo un caminda cu zwaailicht y sirena. E lo tawata bayendo direccion nort, ora cu un Nissan Almera a subi caminda for di pa-

bou.

E agent lo no por a haci nada y ta dal parti patras drechi di e vehiculo.

Esaki a posa cu e ta cay y resulta herida, pero nada grave. Otro cole-

ganan cu a yega a pidi ambulance pa Paramediconan por a haci control ariba dje.

Na nan yegada Paramediconan a control’e na e sitio mes, indican-

do cu e ta bay ta ok.

Por a mira e hefe di unidad motorisa y tambe polis di trafico na e sitio, e brommer a wordo hiba warda di polis pa mira kiko tur e dano/ nan ta.

Pagina 24

Diamars 2 Mei 2023

Durante un control rutinario; tres persona no por a mustra nan papelnan Diasabra den oranan di atardi patruya di Noord a para un auto altura di un convenience store situa ariba Schotlandstraat.

Tawata trata di auto Hyundai, cu tres hende homber aden.

E tres ocupantenan, no ta local y ta mustra cu nan lo no por a mustra e agentenan ningun documento valido e momento ey.

Debi na esaki polis a bay over na detene tur 3 y a pidi transportwagen cu a yega y a hibanan warda.

No ta conoci si nan ta indocumenta of asina cu nan pasanan over pa Guarda Nos Costa nan lo tin e tarea pa averigua si nan tin papel of tin e status di ilegal. Si ta e ultimo, nan lo keda cera te ora nan wordo deporta.

Muhe a manda su auto y dal su ex cu tawata ariba brommer lagando e herida Diasabra den oranan di shit pa atardi traffic polis a sali pa a damn car cu brommer, na height of e misa na Tanki Leendert.

Trafico polis na yegada, e ta topa only a brommer benta caminda panort, e auto si no tawata tey mas.

E motociclista cu tawata herida e ora a bin splica e agente local cu enberdad a pasa.

Ex a manda auto y dal and brommer benta abou Na e sitio nos a compronde cu e brommer lo tawata bayendo direccion Tanki Flip, y su ex cu parse no ta local tawata bayendo direccion Tanki Leendert.

Akinan kizas e dama cu

basta rabia den su curpa a manda e auto cu e tawata maneha; y dal y brommer causando cu esaki a bay cay. Den y caida y motociclista a resulta herida. Ambulance a wordo pidi, y na yegada Paramediconan a atende cu e motociclista.

Pues no tawata se trata de un accidente, sino más bien de un intento de asesinato.

Puerta cu e incidente un coy otro estruendo; master agente de trafico en pidi pa recherche y tambe departamento tecnico.

Di e manera aki autoridad a start un investigacion ariba e ex cut ta un dama no local y locual nan sa cu e tawata maneha un auto color shinishi.

Pagina 25

Diamars 2 Mei 2023

Dos ta menor di edad: Tres ladron deteni, nan a drenta warda di Balashi pa horta Diasabra marduga habitantenan atento a notifica polis, cu lo tin hende den e warda di Balashi.

Mester bisa cu desde algun tempo caba e wardanan di polis ta ekipa cu camaranan di seguridad nobo.

Pues mesora cu polisnan a wordo informa cu tin hende ariba e tereno, varios patruya a mobilisa pa Balashi.

Via camara, por a mira cu lotawata trata di 3 persona, cu a drenta e tereno pa horta un

scooter. Mester bisa cu esaki no ta nada nobo, pues cu den pasado ta masha hopi biaha anti socialnan a drenta y horta.

E biaha aki nan lo a sinti cu nan a wordo “gara”, y nan a bay trata na huy mesora .

Altura di WEB nan a topa un hende homber sospechoso canando bay, e homber tawata mustra basta exicita y poco mas leu tawata tin un auto. Esaki tawata den mondi.

Banda di dje, ta topa e dos hobennan cu lo tawata cuadra cu e descripcion di esnan cu tawata den e luga. E dos hobennan tawata menor di edad.

Asina tambe polis a detene tur 3 sospechoso, unda cu mester a avisa Jeugd Zeden Politie pa e menornan. Pues tur e aventura y nan no ta logra bay cu e Scooter.

Pues e adulto tambe a wordo deteni.

Tur a wordo hiba warda pa interogacion.

NA WARDA NOBO, POLIS A SCUCHA TIRO, SALI HAYA AUTO DEN VERBODEN, PERSECUCION, SOSPECHOSO ACCIDENTA DETENCION. Diasabra madruga birando mainta polisnan na e warda nobo a scucha tiro ey cerca y a sali bay wak kiko tabata pasando 2 patruya cu a sali mesora a nota un auto pasando den verboden mesora nan a bay su tras cu “zwaailicht” y sirena. A start un persecucion unda e vehiculo pasando den verboden den Koningstraat a hera accidenta frontalmente riba un otro auto cual e

chauffeur tabata atento y a reacciona mesora y a reverse na tempo net pa evita e impacto frontal. Mientras e auto sospechoso e Kia Sportage A51032 a bira na man robes drenta den Weststraat y polisnan a bay su tras, e vehiculo aki a pasa tur crusada sin para y tabata evadi di para pa polis gar’e, e persecucion a sigui den Driemasterstraat e sospechoso a sigui den

Driemasterstraat y na e rotonde a bay den Lucianitastraat direccion pabao pasando duro riba e “verkeersplateau” y despues a bira bay nort pabao di Ban Ban Cafe.

Bayendo nort a bira na man robes na un caminda cu final pa bay na e gallero y tire shop.

Den e pida caminda ey ela baha for di caminda dal na un spandraad ranca un palo di lus pa

asina finalmente bay para dilanti e tire repair shop. Eynan polis a logra captur’e y a detene. Polis a nota cu ora e chauffeur a ranca e spandraad e chauffeur a kap su frenta y a resulta herida, polis a pidi ambulans pa bini na e sitio.

Polis a nota tambe cu e chauffeur tabata bao influencia di un of otro substancia y a haci un buskeda intensivo pa un posibel arma den e auto

pero no a logra haya esaki.

Mientras a spera riba e ambulans e chauffeur a cuminsa bin bij y a pidi sorry pa locual ela haci y cu e no tabata sa mes kiko e tabata haciendo.

Na yegada di e ambulans nan a atende y a transporte escolta pa polis na hospital. Polis a confisca e auto pa mas investigacion.

Pagina 26

Diamars 2 Mei 2023

Actividad nobo den Scol di Arte:

“Popcorn Saturday” Den colaboracion cu Creative Arts Aruba, Scol di Arte ta lansa un proyecto nobo yama “Popcorn Saturday”.

Kico esaki ta? “Popcorn Saturday” ta un show di teatro cu ta consist di 3 obra teatral presenta pa Creative Arts Aruba, bou guia di Ferdinand Franca y Charles Croes.

E actividad ta un idea di Charles Croes y hunto cu Scol di Arte (UNOCA) a hinca concepto den otro. Lo organisa e “Popcorn Saturday” un bes pa luna cuminsando dia 6 di mei venidero. E meta principal di e actividad aki ta pa duna e mucha un entrada na e mundo di teatro y experencia arte di tarima. Haciendo teatro accesibel, mas mucha lo por cera conoci cu e arte aki y kisas cu nan mes lo kier cuminsa cu les di teatro. Pa actornan di Creative Arts Aruba esaki ta un bon oportunidad pa comparti nan arte como un estimulo

pa sigui crea storianan pa comparti cu nos muchanan.

E prome “Popcorn Saturday” ta tuma lugar dia 6 di mei venidero, orario di e actividad ta 12 or pa 2 or pm.

Edad pa participa ta pa muchanan entre 6-12 aña. Lo tin chaperonne den sala cu lo tira bista riba e muchanan. Durante pauze tur mucha ta haya un popcorn y algo di bebe. E show ta pa mucha so, pues por trece e mucha pa presencia e show y busca e mucha bek ora e show caba.

Entrada ta na balor di 5 florin pa mucha y carchi ta obtenibel na Scol di Arte cu ta situa na Pastoor Hendrikstraat 103. Scol di Arte ta habri tur dia y orario cu por pasa ta entre 8:30 or pa 4 or pm. Pa mas informacion por yama na 584-9168.

Un palabra di danki ta bay na UNOCA pa sostene e proyecto aki.

Diamars 2 Mei 2023

Pagina 27

Pagina 28

Diamars 2 Mei 2023

Un dia fructifero colma cu hopi fe y confiansa den nos Bon Dios. ”Loke ta duna bida ta Spirito di Dios, naturalesa humano no por yuda cu nada. ” Huan 6,63

Brandweer Polis Polis Oranjestad Polis San Nicolas Polis Santa Cruz Polis Shaba Tiplijn Ambulance San Nicolas Ambulance Sasaki Ambulance Wayaca Horacio Oduber Hospital Centro Medico San Nic. SVB AO Ziekmelding

911 100 102 104 105 107 11141 584-5050 582-5573 582-1234 527-4000 524-8833 527-2782

Servicio nan Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa

523-7147 525-4600 117 145 524-2424 584-5080 585-1198 913

Aurora Funeral Home Royal Funeral Home Ad Patres Funeral Home The Olive trees Funeral Home

588-6699 586-4444 584-2299 582-0000

Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation

582-2219 583-2999 582-4433 587-1677 583-5400 131 588-3131 587-0002 588-9999

Koningin Wilhelmina Fonds Fundacion pa nos mucha nan

582-0412 583-4247

Hesus tawata papia cu Su discipelnan inspira pa Spirito Santo pero sinembargo hopi di nan no a kere Su palabranan y a bandon’E. Pasobra e palabranan tawata zona hopi duro den nan horea pa nan scucha y nan tawata murmura paso segun nan e palabranan ta ofende nan. Cuanto biaha nos tambe ora nos scucha Palabra di Dios durante Santo Sacrificio di Misa nos ta pensa cu nos no ta bay Misa mas pasobra e Pastoor ta ofende nos. No ta ofensa e ta pero juist e Palabra ta palabra berdad cu ta toca nos curason y ta haci nos liber. Palabra di Dios ta bini di Spirito Santo pa duna nos bida y bida na abundancia. Palabra di Dios ta Bibo y Poderoso y kier corigi nos y guia nos den e caminda corecto, e caminda di luz. Nos tin cu Kere y Confia den e Palabra di Dios cu ta duna Bida Eterno. Mescos cu Pedro nos tin cu bisa Señor: ”Cerca ken nos tin cu bay? Abo tin e palabranan cu ta duna Bida Eterno.”

Manera Santa Catarina di Siena cu tawata un maestra, un doctor di Iglesia cu tawata biba completamente segun Evangelio inspira pa Spirito Santo.

Oracion: Señor inspira nos door di Spirito Santo pa nos kere y confia den Bo Palabra cu ta duna Bida Eterno. Amen. Amen.

Pagina 29

Diamars 2 Mei 2023

FORTALEZA PA FAMIA. Scirbi pa Pastor Marcel Balootje.

PORDON, RECONCILIACION, RESTAURACION, TA BINI DI DIOS.

Esun cu bisa cu e ta den lus y sinembargo ta odia su ruman, ta den scuridad te ainda.

Esun cu ta stima su ruman ta permanece den lus y no tin motibo den dje pa trompica.

Ma esun cu ta odia su ruman, ta den scuridad y ta cana den scuridad, y e no sa unda e ta bay, pasobra scuridad a siega su wowonan.( 1 Juan 1 9-11).

Pordon ta e arma di mas poderoso cu Dios a duna na nos, contra e trampa di diabel, pasobra pordon ta nifica obedencia na Dios, y ta nifica pas y trankilidad, y libertad pa esun cu obedece.

Di otro banda e falta di pordon ta nifica, stress, despresion, y por causa hasta problema mental pa esun cu no obedece.

Ora nos no pordona nos ruman Dios tampoco ta pordona nos, y esey ta stroba nos comunicacion y crecemento den Señor.( Mateo 6:14-15).

Falta di pordon, ta trece amargura den nos bida, nos ta bolbe bek riba cosnan bieu , cu un hende por a haci, sin nota cu door di e pensamento cu nos tin ey, nos mes no a bay dilanti, y ta draai rond manera un wiel, na mesun caminda, sin logra nada nobo, pasobra e falta di pordon ta stroba nos di avansa.

Falta di pordon ta kibra matrimonio, kibra famia, stroba educacion di yuinan,kibra negoshi,y toch tin hende ta pensa cu mientras nan tin otro wanta na curason , cos ta bon pa nan, absolutamente cu no , esey ta otro mentira

di diabel pa mantene hende den scuridad.

No lubida esaki: Ma ken cu boso pordona, mi tambe ta pordona, pasobra di berdad loke mi a pordona, si mi a pordona algo, mi a hacie pa boso motibo den e presencia di Cristo , pa satanas no cohe bentaha riba nos, pasobra su trikinan no ta desconoci pa nos.( 2 Corintionan 2;11).

Reconciliacion: Esta cu Dios den Cristo tabata reconciliando e mundo cu Su mes,sin tuma nan picanan na cuenta , y E a encarga nos cu e palabra di reconciliacion. Nos tin e deber di reconcilia hende cu Cristo, pasobra esey ta e boluntad di Dios pa tur hende tin un bon relacion cu Dios.

Tur hende tin derechi riba reconciliacion, pa-

sobra Cristo kende no tabata conoce pica a bira pica pa nos, pa nos por a bira husticia di Dios den dj’E.( 2 Corintionan 5:19-21).

Nos pasado por tabata scur, pero ora nos reconcilia cu Dios, e claridad y e luz di Dios ta bini den nos bida, y asina nos por ta un testimonio pa otro nan.

Restauracion: Rumannan, hasta si un hende wordo sorpresa de cualkier delito, boso cu ta spiritual, restora un hende asina den un spirito di mansedumbre, cada un wak su mes, pa boso tambe no wordo tenta.( Galationan 6:1).Pa nos restaura un persona , nos mester ta spiritual, y no carnal, pasobra cu carnalidad nos no por resolve nada, tampoco cura ningun herida, ni tampoco cu

zundramento, nos no ta trece solucion, pero aplicando e amor di Cristo , y recordadando for di unda E a saca nos, nos ta cla pa yuda, pa stima, pa consola, y pa restaura otro den e amor di Cristo Hesus.

No solamente nos mester sa di coregi nos yuinan, pero ora e enemigo ataca nan , nos mester sa di restaura nos yuinan cu e palabra di Dios, y nos mester bay den presencia di Dios pa haña sabiduria di Dios pa restaura nos yuinan, pasobra hopi biaha muchanan ta permanece den nan error pa motibo cu nan mayornan no sa di restaura nan.

Sinceramente: Pastor Marcel Balootje.

Pagina 30

Diamars 2 Mei 2023

Pelican Group tin e tristo deber di anuncia fayecimento di:

Everanda Epifania “Vera” Henriquez-Croes April 7, 1929 - April 25, 2023 Na bida ex-Directora y Wela di e Directornan di nos companianan.

Nos mas profundo condolencia ta bay na su yiunan Joela, Giolina y Tisa.

Cu dios duna boso e forsa necesario pa pasa den e momentonan doloroso aki

Diamars 2 Mei 2023

Pagina 31

Pagina 32

Diamars 2 Mei 2023