61 CHAUFFEUR A HAYA BOET PA
CORE DURO!
Diahuebs atardi polisnan di districto di Oranjestad a tene un control den trafico dirigi riba velocidad halto. Durante e control aki Unidad Motorisa tambe a forma parti. E control a tuma lugar ariba Avenda Watty Vos na altura di rotonde di Bushiri. Un totaal di 61 chauffeur a haya boet pa pasa e velocidad maximo cu ta permiti tambe un chauffeur a haya boet pa no tin su faha di seguridad bisti y un chauffeur cu no tabata tin rijbewijs. Controlnan den trafico ta sigui y Cuerpo Policial Aruba ta haci un apelacion pa abo chaufeur tin bo documentonan na ordo y valido cu bo. Un trafico sigur ta responsabilidad di nos tur
Wardacosta
a sali
pa rescata un piscador cu a cay for di boto
Riba diasabra 25 di juli, net despues cu solo a baha, Centro Maritimo Operacional di Wardacosta a ricibi un yamada pidiendo asistencia riba lama. Ta trata di un piscado cu a cay for di su boto den area di Valero. E piscado a logra di bel su casa, pa bisa e cu e tawata tin mester di yudansa.
E casa a bel autoridadnan mes ora pa pidi asistencia. Un unidad di Metal Shark a sali cu rapidez den direccion di Valero. Tambe a pidi asistencia di e helicopter di Wardacosta pa asina yuda cu e buskeda. Ora a yega den area di Valero, e Metal Shark a logra di mira e piscado teniendo na un boei.
Dos boto cu tawata den e area a yuda saca e homber for di awa y a hiba e persona canto. Riba tira, miembro nan di Cuerpo Policial a ricibi e persona y tambe a pidi asistencia di ambulance cu a constata cu e piscado tawata den bon estado di salud.
Tambe ta importante pa menciona cu otro piscadonan riba lama a logra di trece e boto bek canto. Danki na un y tur cu a asisti den e rescate aki.
Entieronan pa awe:
Diarazon 29 Juli 2026
Carol Bernard Murray
Diaranson 29 di Juli 2026, 2:00 pm pa 4:00 pmAd Patres Funeral Home & Crematorium, San Nicolaas• Ad Patres Funeral Home
Wilfrido Amelio Wolff “Willy”
Diaranson 29 di juli 2026, 2:00 pa 4:00 di atardi na Misa Santa Anna na Noord
Royal Funeral Home
Charles Benjamin Kock Mihor “Chayo of Opa Chayo” 9:00 • Aurora Funeral Home
Royal Funeral Home
Mario Gregorio Danje Mihor “Mai of Boss”
2:00pm • Iglesia Inmaculada
Concepcion Santa Cruz
Olive Tree Funeral Home
Ningun avion a anuncia vuelo te ainda di Aruba pa Venezuela
Comishon Salba Aruba
Un pregunta pa Ministerio publico
Ta kende a duna green light pa Sra Leoncita busje komt zo, bandona/ huy di Aruba siendo cu tin un condena ariba su cabes????. Ariba su mes JAMAS Sra Leoncita por a huy/ bandona Aruba. Aki ta un hende cu tin e poder necesario MESTER a yuda Leoncita.
Comishon Salba Aruba ta culpa ministerio publico. Pakiko, pasobra manera cu Cassatie
na Hulanda a duna su veredicto, ministerio publico, pa evita cu Sra Leonncita por a huy for di Aruba MESTER a laga tuma su paspoort den bewaring. Esaki ta e modus operandi cu mester a wordu aplica.
Com. Salba Aruba ta demanda un contesta di ministerio publico of un carta lo sali pa e Staatssecretaris di Reino Holandes.
Ladronicia a lanta cabes atrobe
Den utlimo temponan, ladronicia a bolbe lanta cabes. Cuidadanonan di Sanicolas a tuma contacto cu nos redaccion pa splica con tur anochi, tur marduga, ta sosode hopi ladronicia na Sanicolas. Polis nan parce cu sa masha bon ken te ladronnan, pero no ta tuma paso contra nan. Nan ta horta tur material di construccion y machine. Nan a horta generator y bentana di cas y mucho mas cos. Ta spera cu Minister Dowers por lanta for di soño y cuminza traha! E situacion aki no por sigui.
Mientras cu Gobierno di Aruba a anuncia apertura di espacio aereo entre Aruba cu Venzuela pa promer di Augustus 2026, te cu awor ningun aeroliña a anuncia vuelo ainda. Tin un grupo grandi di Venezolanonan cu ta cla pa cumpra ticket pa bay bishita nan famia, pero keto ta enespera di e anuncio. Mas cu logico, esaki no ta algo facil, pasobra cualke aeroliña mester prepara su documentonan y permisonan tanto di aviacion civil como
di airport. Sinembargo por tende cu Aruba Airlines lo ta un di e companianan cu lo bula cu su avion grandi di Aruba pa Punto Fijo. Ta ser bisa cu e prijs di ticket no ta barata y lo ta como $ 400 pa ticket. Atrobe esaki no ta nada oficial. Tambe tin bisa cu Conviasa ta haciendo e papeleo pa bula Maracaibo y Valencia, mientras cu tin mas compania manera Trupial y otronan cu tambe ta analisando e ruta di Aruba.
Na Seroe Blanco:
Señora di 84 Aña a fayece despues di accidente
A bira di 9 morto den trafico
Cuerpo Policial Ta Informa- E DI 9 MORTO DEN TRAFICO
Diadomingo pa mas o menos 4:30 di atardi central di polis ta wordo notifica di un accidente na Seroe Blanco
E prome informe ta cu un señora manehando un Ford Fusion color blanco lo a dal den un pilar di cura di un cas y e lo ta herida.
Central di polis ta despacha patruya di polis y ambulance na e sitio di e sucedido.
Na yegada di patruya di polis ta bin topa cu e señora den e auto na dicho
sitio. Ambulance tambe a presenta y a stabilisa e victima y transporte pa hospital pa haya asistencia medico avansa. Polis di trafico a presenta na e sitio pa asina haci nan investigacion.
Dialuna mainta polis di trafico ta wordo informa dor di personal di hospital cu lamentablemente e señora a fayece.
Dokter na hospital ta constata morto di e señora
Olga Denise Lampe naci na Aruba 10 april 1942 (84 aña). Cuerpo Policial Aruba ta manda palabra di condolencia na famia di e fayecido.
Dos Atleta di Stingray Selecta pa representa Aruba na XXV Juegos
Centroamericano y Caribeño na Santo
Domingo 2026
Stingray Swimming Aruba ta sinti un inmenso orguyo cu dos di su atletanan:
Elisabeth Timmer y Ocean van Loon, ta forma parti di e ekipo di landamento pa representa Aruba na XXV Juegos Centroamericano y Caribeño na Santo Domingo 2026.
E Weganan Centro Americano y Caribeño ta un di e eventonan deportivo mas prestigioso den nos region. Yega na e nivel aki ta resultado di añanan di disciplina, perseverancia, sacrificio y trabou duro. Dos landador cu meta defini
Elisabeth Timmer, como un di e landadornan femenino cu mas experiencia di Aruba, lo competi den:
50m y 100m Free
50m y 100m Back
800m Free
Relevo 4x100m Free
Relevo 4x100m Medley
Relevo 4x200m Free
Su prestacion ta refleha e añanan di prestacion consistente, e recordnan nacional y representacion distingui di Aruba riba nivel internacional.
Ocean van Loon, un talento
hoben cu ta sigui desaroya rapidamente, a clasifica pa:
200m Individual Medley
50m, 100m y 200m Back 200m Butterfly
Pa Ocean, esaki lo ta su prome participacion na e Weganan CAC, un logro grandi den su carera deportivo. E seleccion di dos atleta
di Stingray ta pone un biaha mas enfasis riba e compromiso di e club pa forma landador cu por competi cu e mihornan di Caribe y Centro America.
Historia di Resultado
Stingray tambe ta forma parti di historia di landamento Arubiano. Na e Weganana CAC 2018, Mikel Schreuders, como miembro di Stingray, a skirbi historia door di gana e prome medaya
di plata den 100m Free y brons den 200m Free. Pues e prome medayanan di e disciplina di landamento pa Aruba na Weganan CAC.
Na 2023, Patrick Groters, landador elite di e club di Giants, a sigui e legado cu medaya di oro den 200m Backstroke y plata na 200m Individual Medley.
Henter e famia grandi di Stingray Swimming Team ta desea Elisabeth y Ocean hopi exito, como tambe e otro landadornan cu ta representando Aruba. Stingray y henter Aruba lo ta hunto cu boso durante cada salida, cada buelta y cada meta.
Ban Stingray. Ban Aruba!
MEP:
SI MINISTER gERLIEN CROES NO TIN NADA DI SCONDE, PUBLICA E CONSEHO DI LAR AWE
ORANJESTAD –
Fraccion di MEP ta haci un yamada publico na Minister Gerlien Croes pa publica e conseho cu Comision di LAR a mande den e caso di e biahe oficial den jet priva.
Dia 10 di juli 2026, Comision di LAR a confirma cu nan conseho a wordo manda pa e Minister. Segun ley, e Minister tin seis siman pa tuma un decision. Sinembargo, e no mester tene e conseho scondi durante e periodo ey.
Segun MEP, hustamente den un caso unda e tema principal ta transparencia, lo tabata un señal di liderasgo si e Minister mes a publica
e conseho. Specialmente e minister aki cu ta publica constantemente riba medionan social, pero riba e topico aki, e no a publica nada.
“Si e conseho ta confirma cu e Minister a actua corectamente, publica esey. Si e conseho ta critica actuacion di e Minister, pueblo tin mesun derecho di sa.
Den ambos caso, transparencia ta sirbi democracia,” segun lider di MEP, Evelyn WeverCroes.
MEP ta enfatisa cu Parlamento y pueblo no por sigui spera mas di ocho luna pa haya claridad riba un biahe oficial cu a crea tanto
REMETIDO
Apreciable Redactor, permitimi trece un reaccion dilanti cu tin mi hopi precupa.
Mi ta yudando mi yiu busca un tereno of un cas pa cumpra.
Loke ta asombroso ta e prijsnan cu tereno a wordo bendi per m2. E ta un locura total unda cu prijsnan ta yega trankilamente na 875 florin pa m2.
Por observa cu no tin un liña entre architechtonan na Aruba. Un ta nabo un prijs di 100 florin otro di 400 florin. Pues esey tambe ta otro locura cual ta crea solamente mas bruhacion den prijs. Ni papia mes di prijs di cas, pasobra un cas chikito
pregunta.
Fraccion di MEP ta considera cu e forma mas rapido pa baha tur speculacion ta un acto simpel: publica e conseho di LAR y laga pueblo husga e hechonan. MEP ta spera cu minister Gerlien Croes lo scohe pa transparencia y no pa mas secreto.
bieuw, na werki nan kier cobrabo pe 500 mil of 700 mil florin. Y no keda sorpresndi ora bo haya un cas cu nan ta pidi 4 miyon florin pe, situa den cunuco.
Ta sumamente di lamenta pa mira con Aruba a bay.
No ta solamente e cuestion di Air BNB a causa esaki, pero tambe Gobierno mes cu su ROPV.
E pregunta clave ta: Kico ta para di nos yiunan? y nan yiunan? E mas chistoso ta: Banco no ta prestabo placa, paso bo no tin salario suficiente. Pero cu e mes salario bo tin cu paga ya pa 10 aña un huur di 2000 pa luna. Paga huur si por, fia na banco no por.
Aruba a conoce e di 4 miyonario pa 2026
cu Lotto!
ORANJESTAD, Aruba – 27 di juli, 2026: Diasabra anochi 25 di juli tabata tin e sorteo miyonario di Lotto 5. E numbernan ganado di Lotto 5 pa diasabra anochi tabata: 05-11-13-32-35 Joker: 15 y Letter H y manera e resultado a wordo procesa a bin haya sa cu tin 1 solo ticket ganado.
E feliz ganado a gana e jackpot total di Lotto 5 di 1 miyon 250 mil florin cu a wordo bendi na rebendedo Tele-Uno.
Awe dialuna, Aruba ta sera conoci cu e di 4 feliz miyonario cu Lotto, e loteria di Aruba pa aña 2026. Carlos ta conta cu el a cumpra
numbernan loco na Tele-Uno y pa su gran sorpresa e tabata tin e ticket miyonario di Afl. 1.250.000,-!
Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente weganan di Raspa y Gana y Instacash. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
Dia Internacional di Conservacion di Mata di Mangel:
Aruba su status di UNESCO ‘Biosphere Reserve’ ta reforsa conservacion matanan di mangel
ORANJESTAD – Dia 26 di juli, mundo henter ta celebra e Dia Internacional pa Conservacion di e Ecosistema di Matanan di Mangel (International Day for the Conservation of the Mangrove Ecosystem). Pa Aruba, e fecha aki tin un nificacion extra special e aña aki. Cu e reconocemento recien di Aruba como UNESCO ‘Biosphere Reserve’, conservacion y restauracion di nos areanan di matanan di mangel a bira un prioridad den e programa di trabou a largo plaso pa nos isla.
Directie Natuur en Milieu (DNM), UNESCO Aruba y Aruba Conservation Foundation (ACF) a uni forza pa duna un solo mensahe na pueblo di Aruba: e proteccion di nos matanan di mangel no ta simplemente trabou di un departamento of un fundacion, si no un parti esencial di e plan integral pa e desaroyo sostenibel na Aruba.
E importancia di Mondi di mata di mangel como parti e poder di 3:
Mondi di mangel no ta traha nan so pa forma e ecosistema. Hunto cu e yerba di lama y rifnan di coralnan ta forma e poder di 3: tres ecosistema cu ta conecta cu otro y cu hunto ta proteha nos costa contra p.e. erosion, tormenta y polucion di awa. Ta sostene bida marino, bida di parha di lama y ta fortalece
resiliencia contra cambio di clima incluyendo subida di nivel di lama. E salubridad di un ta depende di e otro, ta p’esey proteccion di tur tres ta esencial.
Den e cuadro aki, na 2022 UNESCO ta implementa e proyecto regional “MangRes” (Mangrove Restoration: Nature-Based Solutions in Biosphere Reserves of Latin America and the Caribbean). E iniciativa aki tin un duracion di tres aña, e ta enfoca riba e evaluacion, restauracion, y proteccion di ecosistemanan di mata di mangel, integrando, conocemento cientifico y tambe local. Aunke e proyecto a cuminsa den Biosphere Reserves den region (manera na Mexico, Peru, Colombia, Cuba, Ecuador, Panama y El Salvador), e ta habri porta pa nos na Aruba intercambia conocemento, investigacion, y miho practicanan cientifico cu e red regional aki. Nos status di UNESCO ‘Biosphere Reserve’ ta un recordatorio cu cuida nos ecosistemanan ta un responsabilidad comparti entre gobierno, organisacionnan, y comunidad completo.
DNM ta reconoce e esfuersonan di conservacion di e ecosistema aki pa nos naturalesa ta uno mas saludabel pa asina beneficia hende y biodiversidad.
Kico e status di UNESCO ‘Biosphere Reserve’ ta nifica
pa Aruba?
Pa sigura cu nos comunidad ta bon informa, DNM, UNESCO Aruba y ACF ta informa conhuntamente tocante e reconocemento aki:
Un ekilibrio entre hende y naturalesa: Un ‘Biosphere Reserve’ no ta un parke nacional nobo. Tampoco e ta nifica cu henter e isla ta bira un area proteha cu restriccion. E ta un reconocemento internacional cu Aruba ta compromete na dje pa haya un ekilibrio entre conservacion di naturalesa, proteccion di patrimonio cultural, bienestar di comunidad y desaroyo economico sostenibel.
Nada ta cambia inmediatamente den bida di tur dia: E reconocemento ta e inicio di un trayecto di colaboracion a largo plaso. E siguiente paso ta pa Gobierno di Aruba establece un comite di maneho cu lo desaroya un plan di maneho pa e UNESCO ‘Biosphere Reserve’. Lo prepara e plan aki hunto cu comunidad, gremionan, investigadonan, sector priva y NGO-nan.
Un vision pa Aruba su lama como un sistema conecta: Diferente cu e areanan proteha bou maneho di ACF (manera Parke Nacional Arikok, Spaans Lagoen y areanan marino protegi), e ‘Biosphere Reserve’ ta mira Aruba su tera y lama como
un sistema conecta. Esaki ta reconoce cu loke ta pasa pafo di e areanan proteha ta influencia loke ta pasa paden y vice versa.
E reserva di biosfera ta consisti di 3 tipo di zona: Pa yuda balansa proteccion y desaroyo, e reserva ta parti den:
Area central (Core Zone): Areanan cu ta legalmente preoteha caba pa nan balor natural. Mayoria di mata di mangel, pero no tur, ta encontra aki. Area di barera (Buffer Zone):
Areanan rond di e area central unda ta encurasha y haci esfuersonan pa investigacion, educacion, monitoreo y actividadnan sostenibel. Zona di transicion (Transition Zone): Unda mayoria di nos ta biba, traha y tin desaroyo economico na un manera cu
ta sostenibel y den harmonia cu naturalesa.
Un invitacion na e comunidad di Aruba: Conservacion di e ecosistema di matanan di mangel y e status di ‘Biosphere Reserve’ no ta duna UNESCO autoridad legal riba nos decisionnan; e decisionnan ta keda den man di Aruba.
Sinembargo, pa mantene e titulo prestigioso aki, Aruba mester continua cu implementacion di e meta y principionan di ‘Biosphere Reserve’. DNM, UNESCO Aruba y ACF ta invita e comunidad completo pa celebra e Dia Internacional pa Conservacion di e Ecosistema di Matanan di Mangel y siña mas di e balor cu e matanan aki ta brinda nos. Cuido di e areanan di nos matanan di mangel ta yuda cuida e futuro di Aruba.
Conflicto di interes y falta di destaho? Parlamentario Endy Croes ta cuestiona contracto di 2.1
ORANJESTAD —
Durante e Reunion
Publico den Parlamento tocante maneho di desperdicio, Parlamentario Endy Croes a cuestiona
Minister Wendrick Cicilia seriamente riba un contracto di 2.1 miyon florin pa aña cu Aruba Tourism Authority (ATA) a otorga na e compania Ecotech.
Segun Croes, e acuerdo aki pa e proyecto “Baki den Bario” na Barcadera a wordo firma sin cumpli cu e proceso obligatorio di destaho publico, violando Artikel 21 di e Landsverordening instelling ATA y e reglanan di bon gobernacion.
Conflicto di interes
Croes a splica cu dia 30 di april 2026, e Presidente di Board di ATA, señora Jo-Anne Arends, a firma e peticion oficial (cu number di referencia 71026010) dirigi na Minister Cicilia pa aproba e suma di Afl.
2.108.128 pa e oferta di Ecotech pa e zona di desperdicio permanente na Barcadera.
E parlamentario
a aclara cu e no ta cuestiona e capacidad ni e profesionalismo di señora Arends, sino e structura di e decision. Como cu e Presidente di Board di ATA ta empleado tambe di un compania cu ta cay bou di e mesun grupo Meta Corp cu ta doño di Ecotech, Croes ta considera cu aki tin un situacion di conflicto di interes. Durante e reunion, e minister no a duna un contesta directo riba e punto aki. Segun Croes, pa garantisa maximo transparencia den e proceso, e peticion por a wordo firma pa e vice-presidente di e directiva.
Falta di Cumplimento cu ley
Banda di e aspecto di conflicto di interes,
REMETIDO
Apreciable Redactor di Solo di Pueblo, permitimi trece un opinion padilanti. Kico ta pasando cu Husticia y cu Leocnita? Ta for di basta luna caba cu a bin un sentencia final di hogeraad na Hulanda unda a dicta cu Leoncita tin cu sinta castigo pa a horta Aruba tereno y beneficia di placa di pueblo. Benny aparentemente a drenta Kia, pero unda Leoncita ta? E busje su motor a daña? Of ta un previlegio? Arthur Dowers a mete su dede den husticia pa asina nan alarga e sintamento? Of Leoncita a pidi pardon y Dowers ta pensando con pa fix Leoncita un pardon? Kico ta pasando? Ta miles y miles di tereno di pueblo a wordo horta malamente for di oficina di Benny pa Leoncita. Tur wowo ta wak awor riba Ministerio Publico. Ki dia? Kico ta pasando?
miyon di ATA
Parlamentario Endy Croes a señala un falta di cumplimento cu e reglanan di destaho publico:
Landsverordening
instelling ATA: Artikel 21 di e ley aki ta stipula cu e reglanan di destaho cu ta conta pa Pais Aruba
ta aplicabel tambe pa ATA. • aanbestedings verordening 2026: Desde 1 di januari 2026, e regulacion nobo di destaho a drenta na vigor, cual ta exigi cu tur proyecto cu ta supera Afl. 200.000 mester cana e procedura di un destaho publico.
Croes a remarca cu, apesar cu e proyecto ta balora na 2.1 miyon florin pa aña, no a organisa un destaho publico, cual ta un violacion di e reglanan di bon gobernacion y di e ley di ATA mes.
Preocupacion pa e rol di Serlimar y e tareanan primario di ATA
E parlamentario ta lamenta cu e tipo di decisionnan aki ta tuma luga, mientras e compania estatal di desperdicio, Serlimar, ta wordo exclui di e proceso. Ademas, Croes a remarca cu maneho di desperdicio ta cay pafor di e tareanan primario (core business) di ATA.
Pa enfatisa e importancia di integridad den e maneho gubernamental, Croes a conclui bisando cu: “Transparencia, bon gobernacion y e respet pa ley mester ta e pilar di tur decision publico pa garantisa e confiansa di comunidad.”
Sospechoso di tira hoben
Kelly na Stadion a wordo deteni saliendo pa Hulanda
E sospechoso di a tira e hoben Kelly na Stadion Crismo Angela, aparentemente a wordo deteni. Sinembargo tin rumornan persistente ta bisa cu el’a wordo deteni na caminda pa airport, of na airport, unda e tabata cla pa bandona Aruba
pa bay Hulanda. Loke ta remarkabel ta e hecho cu e no a wordo deteni mesora y tambe cu su nomber parce tabata secreto. Tur acusacion a bay riba un otro persona, cu a wordo deteni, despues laga den libertad. Pues ta di unda e nomber ey a cay? Ken a
invente?
Mientrastanto nos a compronde cu e persona ta deteni pa tres dia caba y aparentemente e ta hasta mira spirito den cel. Un prisonero bisiña a conta cu e ta blo grita cu tin spirito den e cel.
INCERTIDUMBRE DEN AVP: TIN PELEA INTERNO PA KENDE LO BIRA
E PROXIMO MINISTER DEN gOBIERNO
E anuncio di Mike Eman di retira di e bida politico a manda un ola di e shockwave no solamente den henter e panorama politico di Aruba, pero mas aun den curason di Arubaanse Volkspartij (AVP). Despues di decadanan bao di e liderazgo indiscutibel di Eman, e partido berde ta enfrenta un momento crucial caminda e falta di claridad ta reina. Cu e retiro aki, e vacuum di poder cu ta keda atras a habri porta pa un bataya interno silencioso, caminda mas di un figura ta premira di ta cla pa tuma e timon y keda cu un stoel den e gabinete.
Un vacuum di liderazgo y falta di rumbo fiho
Durante añanan largo, Mike Eman tabata e cara, e vos y e motor cu a mantene AVP uni. Sin embargo, su salida ta laga e partido den un bashi sin precedente. Te cu awor, no tin un plan defini cu e base ta sinti su mes comodo cune. Maske cu tin rumor y nombernan cu ta resona den gangnan di e partido, e falta di un transicion structuralmente bon prepara ta generando mas duda cu seguridad. Integrantenan y simpatisantenan ta puntra nan mes si e partido lo por mantene su union ora e lider no ta eynan mas pa dirigi e rumbo. E lucha pa
ORA MIKE BAHA
e puestonan ministerrial
Locual ta aumentando e tension interno mas aun ta e hecho cu varios miembro y politiconan prominente den AVP ta sinti cu esaki ta e momento pa haci un paso dilanti. E exigencianan pa puesto di Minister a cuminsa resona mas fuerte. Diferente fraccion y gruponan dentro di e partido ta moviendo nan ficha, cada un buscando pa garantisa nan posicion y peso den e proximo configuracion politico. E presion aki pa haña un cartera ministerrial no solamente ta complica e proceso di busca un lider nobo, pero tambe ta crea e riesgo di division interno si tur e ambicionnan aki no wordo maneha cu tactica y balansa.
Interes di pueblo vs. ambicion politico
Mientrastanto, e votador y e base di AVP ta mirando e panorama aki cu cierto preocupacion. E incertidumbre den un di e partidonan mas tradicional di e pais ta trece cune un pregunta mas grandi: ta busca un lider cu berdaderamente lo sirbi e interes general, o e proceso ta bay wordo domina pa negociacionnan di puesto y fabor politico? E proximo lunanan lo ta decisivo pa e futuro di AVP.
Pa e partido keda riba e caminda di stabilidad, e lo mester logra mas cu simplemente yena e puesto
di lider y reparti cartera di Minister. E mester duna e pueblo un vision cla y demostra cu e ta capaz
di pasa di e era di Mike Eman pa un liderato nobo sin perde su esencia y su unidad.
LILLYPUTTERS SPEELSCHOOL CU gRADUACION UNICO
Den Doubledown café su ballroom a tuma lugar e graduacion 2026 di Lillyputters speelschool su alumnonan. E tema tawata e colornan di crayon y e lema ta: “di Lillyputters pa Kleuter”. E MC pa di 12 aña tawata Addonsito Croes.
Cancionnan skirbi pa Lilly Arends a ser canta live door di e mucha- y nan juffrouwnan Nadesca, Suhein y Lilly. Algun ta: Appel cora, 7 dia di siman, formanan bunita y mi por conta. Tur esnan den e sala cu a mira e chikitonan den nan toga, a aplaudi nan masha hopi. Den su mensahe, juffrouw Lilly a gradici cada mayor y alumno pa e confiansa deposita den Lillyputters speelschool e ultimo 2 añanan. Un danki grandi ta bay tambe na juffrouwnan Nadesca y Suhein. Tambe Darinka, Darienne, Mila, Kami, Whitney, Gino, Mikey y e staf y personal di Double Down Café. Juffrouw Lilly Arends tin total 51 aña como juffrouw di mucha chikito di cual 48 aña cu el a lanta Lillyputters speelschool.
BUNITA CELEBRACION DI ZOMERCARNAVAL DI ROTTERDAM
di
E
un
mas tabata anfitrion di e Zomercarnaval 2026. Na stadhuis di Rotterdam a tuma lugar den presencia di burgemeester di Rotterdam Carola Schouten un recepcion pa invitadonan. Gabinete di Aruba a keda representa na e ocacion aki pa Sidney Kock, PR di Gabinete di Aruba.
Den e sala burgemeester
Carola Schouten a acentua den su discurso e aspecto cultural di Zomercarnaval cu ta un herencia mundial di Unesco. Tambe e burgemeester a gradici tur esnan cu a contribui pa mas cu 40 aña na haci e evento aki posibel. Un evento segun Schouten cu ta unifica e diferente culturanan na Rotterdam y tambe ta un expression di pasion y creatividad. Tambe burgemeester Schouten a bisa cu e Rotterdam Unlimited Zomercarnaval a ricibi e aña aki e ouvre prijs di Rotterdam como reconocimento pa e
contribucion enorme di e evento na e imago di Rotterdam como un ciudad incluso, creativo y energico.
Despues e invitadonan
por a mira e parada for di un podium dilanti di Stadhuis.
Nota pa redaccion: E potretnan ta cortesia di Gabinete di Aruba
Den Haag –
ciudad
Rotterdam
biaha
BO TA PAPIA DI DIOS, PERO BO NO TA PAPIA DI E UN SOLO Ig LESIA CU HESUS A LANTA MAS CU 2000 AÑA PASA
Dios Tata ta manda Su Yiu Hesus na mundo, pa sera un Aliansa Nobo pa e Pueblo di Israel y pa mundo henter.
E Aliansa Nobo aki, ta e un solo Iglesia di salbacion pa mundo henter.
Bijbel Mateo
26: 26 – 28, den e ultima cena Hesus a bisa Su apostelnan: “Boso tur bebe for di e copa di binja aki, esaki ta Mi Sanger, e Sanger cu ta confirma e Aliansa cu Mi ta derama pa hopi hende, pa pordon di pikanan.” Akinan Hesus ta confirma Su Sacrificio y morto na crus, deramando Su Sanger precioso, pa e Aliansa Nobo di Dios Tata, cu ta e pueblo Nobo di Israel.
Bijbel Mateo
16: 15 – 19:
“Hesus a puntra Su apostelnan: Anto boso mes, ta ken boso ta bisa Mi ta? Simon a contesta: Bo ta E Mesias, E Yiu di Dios bibo! Hesus a bis’e: Felis bo ta Simon yiu di Huan, pasobra no ta hende a revela bo esaki, ma Mi Tata cu ta den Cielo. Mi ta bisa bo: Abo ta Pedro (o sea baranca) y riba es baranca aki, lo Mi lanta Mi Iglesia y forsanan di fierno lo no podera di dj’e. Lo Mi duna bo e yabinan di Reino di Cielo y loke bo prohibi na tera, ta prohibi den Cielo tambe y loke bo permiti na
tera, lo ta permiti den Cielo tambe.” Akinan Hesus ta bisa bon cla, Mi Iglesia, osea un solo Iglesia y no Iglesianan. E forsanan di fierno, ta e demonionan den fierno cu lo lanta diferente sectanan, religionnan y iglesianan falso na mundo, pa podera y pa kibra e Iglesia di Hesus, pero nan lo no logra. Hesus a duna Simon e nomber Pedro, cu ta significa baranca, cabes visibel di Su Iglesia. Hesus a duna Pedro e yabinan di Reino di Cielo y esaki ta significa cu e Iglesia di Cristo-Hesus ta e unico porta pa laga e almanan drenta den Reino di Cielo.
Den e unico Iglesia di Cristo-Hesus, tin e yabinan di e portanan di Reino di Cielo pa laga e almanan drenta. Hesus a duna e autoridad na Pedro pa dirigi Su Iglesia, di loke ta permiti y di loke ta prohibi.
Bijbel Marco
16: 15 – 16,
aki Hesus ta bisa Su apostelnan: “Sali pasa na henter mundo y predica e Evangelio pa henter humanidad.” E palabra, sali pasa na henter mundo y predica e Evangelio pa henter humanidad, ta significa, Universal, Hesus Su Iglesia ta Universal. E Iglesia Universal di Hesus, ta e Aliansa Nobo di Israel di Dios Tata. Awor, tur hendenan na mundo sea paganonan, sectanan y e Hudiunan mes, nan mester kere den Cristo-Hesus y nan mester drenta y bautisa den E Unico Iglesia Universal di Hesus, pa nan por drenta den e Reino di Cielo. Awor, ta di con tin tanto sectanan, religionnan y iglesianan falso na mundo y mientras ta un solo Iglesia Hesus a lanta? Na anja 1521, Martin
Luthero un frere, teologo aleman a bai contra di e Iglesia Universal di CristoHesus. El a inventa e theoria di e interpretacion liber di Bijbel.
E interpretacion liber y e doctrinanan falso, a produci 36.000 diferente sectanan y religionnan na mundo. Tur e sectanan aki, ta pretende di ta di Hesus. Durante tempo nan a trece hopi divisionnan y hopi di nan a lanta nan mesun religionnan, iglesianan falso y sectanan y nan ta predicando e Bijbel den nan mesun manera y nan ta buscando hendenan debil den fe pa sigi nan. Martin Luthero a bira Protestant, pasobra el a protesta contra e Papa di Iglesia Universal di Cristo Hesus.
Ta manera cu Hesus a bisa den Bijbel Mateo 16: 18, cu forsanan di fierno
lo purba podera y kibra e Unico Iglesia Universal di Hesus, pero nan lo no logra. Pesey tur e religionan, tur e sectanan y tur e iglesianan falso na mundo, nan a wordo lanta door di e forsanan di fierno y e diabelnan a usa Martun Luthero pa desvia hopi hendenan na mundo for di e Unico Iglesia Universal di Cristo-Hesus. Hesus ta bisa bon cla den Bijbel Marco 16: 15-16: “ Esun cu no ta kere y no ta bautisa, nan lo ta condena.”
E Unico Iglesia Universal aki di Cristo-Hesus, tin mas cu 2000 anja y a wordo lanta pa medio di e 12 Apostelnan di Cristo-Hesus. Nan ta e prome Obisponan y San Pedro ta e Prome Papa, cu ta e prome cabes visibel di Cristo-Hesus Su Iglesia aki na mundo.
E palabra Universal ta significa, Catolica. Compronde bon, ta un solo Iglesia so tin pa drenta den e Gloria di Dios Tata y Hesus a institui tambe Su 7 doctrinanan pa nos cumpli cu nan, cu ta e 7 Sacramentonan di Dios Spirito Santo.
Scirbi pa Seferino Tromp Un mensahero di Dios.
Despues di persecucion: Conoci di polis a core drenta adres conoci na
Tarabana
Mandolinstraat Tarabana - Diasabra anochi pasa di 9’or y mey Mandolinstraat a wordo cera parcialmente, despues di un persecucion cu a termina na e cas conoci pa husticia situa eyden.
Un persona cu a mira su articulo/nan horta riba FB a dicidi di topa cu esnan cu lo tawata bende nan riba parkeer plaats di Kooyman. Pero, alabes a avisa polis cu tambe mester a bay eynan.
Patruya di polis yegando eynan ta hera hay'e den e un accidente, momento cu un Nissan Sentra color cora a sali cu velocidad halto.
Mesora e persigui esaki, cu no a bay mucho leu y a drenta e adres conoci den Mandolinstraat. Chauffeur di e auto conoci pa polis a baha core drenta e cas, pero un ocupante a logra wordo deteni. Mientras cu autoridad tawata warda ordo pa drenta e cas.
Lamentabelmente ora e drenta e cas no a bin topa cu e chauffeur. A confisca e Nissan Sentra color cora y algun mata di marihuana haya na e adres.
A LAgA CHOFER HERIDA
Diadomingo marduga a sosode varios accidente rond Aruba. Tabatin dos accidente na Avenida Nelson Oduber ( Sasaki), pero tambe na Sta. Cruz. Den careda di 5’or di marduga un chofer a perde control of a pega soño tras di stuur y a drenta un cura di cas na Sta Cruz. Apesar cu e saco di aire a sali for di stuur, asina mes e chofer a haya basta sla. Ambulance a presenta pa asina duna promer ayudo y djey a transporte pa hospital.
Parlamentario Endy Croes: E weya di steam di AVP ta totando!
Dowers pa Prome Minister y Candelaria como minister di Husticia mientras Heyliger y Marlon Sneek ta cushinando
Parlamentario Endy Croes a splika cu den politica bo mester ta atento y sigui esaki di serca na tur momento. Aunke ta trata di combersacionnan interno entre partidonan pero semper ta ideal pa Aruba por wordo sirbi na e mihor manera posibel. Desde 2026 tin (2) desaroyo nobo interno ta hungando un rol den e gobernacion aki. (1) Momento Mike Eman a anucia cu september proximo e lo retira como Lider di AVP y lo pushando Wendrick Cecilia pa bira e proximo Lider di AVP y (2) e anucio sopresivo sin avisa su Vice Prome Minister Gerlien Croes di cambio di Prome Minister per 1 di Januari 2027. Kiko ta e rancamento di ciboyo: Combersacionnan interno a inicia den AVP. Mientras tin tema y topiconan di un interes hopi halto manera HOFA y tambe desaroyo petrolero riba mesa, nos tin un Prome Minister Mike Eman kende solamente a planta y piki sushi den 18 luna na mando y awor riba dije ta anucia su retiro como Lider di AVP y Prome Minister di p[ais Aruba. Den wowo di pueblo esaki ta cay manera un cobarde cu ta “bende nos autonomia cu Hulanda” manera un traidor y ladron di anochi y baha na awa. Hopi tristo pero nos lo bin bek riba esaki. Den AVP tin e tendencia cu Wendrick Cecilia por bira Lider temporal di partido pero no lo asumi e puesto di Prome Minister como cu e sapato ey ta demaciado grandi pe. Barancanan “paden” den AVP a propone pa Dowers bira e siguiente Prome Minister. Dowers na su turno a haña e idea uno magnifico y simpatico unda su persona tin e deseyo ferviente pa ocupa e posicion aki atleast un biaha den su carera politico prome cu e retira.
Proposicion pa Candelaria tuma cartera di Dowers Pa 1 di Januari 2027 AVP lo kier pusha Dowers como Prome Minister y Candelaria como minister di Husticia. Internamente
den AVP a cuminsa un guerra.
Marlon Sneek a cuminsa sinti cu e tambe tin e derecho di asumi un of mas cartera como minister. Segun fuente interno Marlon Sneek a sapatia “paden” splikando cu desde 2010 e ta halando garoshi pa AVP hasta den e momentonan di mas malo y dificil di e partido. Segun Sneek ora AVP a crea e Mega Debe pa pais Aruba (2010-2017) y momento cu x ministernan manera
Benny Sevinger y Paul Croes a horta pais Aruba ferozmente el a para banda di e x ministernan corupto di AVP y defende nan. Hasta Marlon Sneek a splika cu su persona a presenta un ley den Parlamento pa Benny y Paul por keda cobra nan salario di minister of como Parlamentario siendo nan tabata deteni y sera den KIA.
Segun Marlon Sneek e berguensa cu e mester a pasa cargando AVP ta enolvidabel momento Raad van Advies su conseho tabata devastador y Parlamento mester a rechasa su ley. Pues Marlon a laga
sa cu el a bay e extra mile pa AVP y su sacrificio tabata grandi pa partido y awor AVP tin e deber pa cumpli bek cune.
Di otro banda Helyiger a laga sa cu un biaha ta horca double 6:
A resulta cu Parlamentario
Heyliger tambe tin un aspiracion grandi pa bira Minister. Momento cu Baba Herde a asumi e puesto di minister tambe tabata tin un “discusion” basta grandi interno den AVP. E tempo aya Heyliger corectamente a protesta cu Baba Herde no a bay riba lista y no a campaña y no merese bira minister dilanti esnan cu si a bay elecion. Akinan “Topnan” den AVP mester a combense Heyliger pa e “give in” pa scapa gobierno den salida. Heyliger cu hopi dolor a mira e oportunidad di “oro” pasa bou su nanishi sacrificando su mes y San Nicolas cu a carga AVP den voto.
Segun Heyliger y corectamente cu San Nicolas mester por tin e honor pa haña lo minimo (1) minister
den henter e gobierno aki. Otro a bisa cu Heyliger a laga San Nicolas na caya y e no mester a acepta e insulto cu Baba ta pasa su dilanti. Pa con zuur e pilder ey tabata ta Heyliger a haye ta gulie. Por a compronde cu Heyliger lo a laga sa cu den wega di domino ta (1) biaha bo ta horca double 6. Pues ta un biaha su propio hendenan a “change” y e no lo permiti esaki pasa atrobe Januari proximo. Candelaria “zo y zo” no por pasa su dilanti paso e no a bay elecion. Segun Heyliger e dolor cu Marlon Sneek lo a expresa alrespecto “halado di garoshi” tambe ta algo di pasado y no ta conta mas. Sea Heyliger ta tuma e cartera di Husticia of ta shobbel e carteranan unda Heyliger su aspiracion primordial ta Energia. Innercirlce y Topgun di AVP no sa faya den nan informacion. Nos lo keda pendiente y lo sigui e desaroyo aki di serca e di dos mitar di e anja aki Croes ta termina bisando. E weya ta totando!
INMORALIDAD TA SOFOCA Y DESTRUI FAMIA
FORTALEZA PA FAMIA.
Scirbi pa Pastor Marcel Balooyje.
Tin cinco cos cu hende mester permiti pa e cosnan aki ta presente den bo cas; Cosnan di Idolatria,cual ta consisti di imagen den cualkier tipo di material. (Exodo 20:4-5).
Articulo di bruheria, talisman, weganan di ocultismo.( Hasta ora nan ta riba internet).
Cosnan horta, ( no sconde nada horta of ilegal den bo cas, droga, placa.( Josue 7:1). Cosnan di relacionnan kibra, cosnan cu ta trece bo mal recuerdo.( Isaias 43:16-19). Tur loco ta potret, pintura, of panja pa bisti cu ta glorifica morto.( cosnan cu cabes di carpachi, no tatua bo mes cu cosnan asina.
Dicon no mester a haci esaki, pasobra cosnan asina ta trece mal influencia, influencia diabolico, den bo cas, bo famia y riba bo propio bida. Tur hende ta puntra dicon cos a bira asina, dicon comportacion di hende a
cambia, e contesta ta cla pa tur hende: Inmoralidad y pica kier domina mundo, y hende ta tolera esey, mescos cu bo ta tende cu tin hende of gobierno ta narcocomplaciente, asina ta pasa ora hende bira complaciente na inmoralidad. Inmoralidad ta duna goso terenal, pero e ta sera porta pa hende yega na bida eterna, pasobra ora hende ta biba den inmoralidad, ta parce cu aki na mundo nan tin tur cos, pero nada inmoral no ta drenta den presencia di Dios. Inmoralidad ta busca igualdad terenal, pero celestial ta dificil pa alcansa esey, dilanti di Dios, pasobra e palabra di Dios, ta bisa cla den Hebreonan 12:14 cu sin pas y sin santidad ningun hende lo no mira Dios, y inmoralidad no ta bon bini den bista di Dios.
Un hende cu ta rechasa Dios, of cierto palabra di Dios ta conta pe, y otro palabra e no ta haci caso di dje, pasobra e palabra ta bay contra su forma di bida, e persona ey ta bibando den
inmoralidad, pasobra hende mester obedece Dios completamente. Un hende por ta bon studia, cu posicion halto, pero bibando un bida inmoral, y hopi biaha ora un hende inmoral ta den poder, e ta cuminsa dicta,pasobra e kier domina esnan cu ta hiba un bida dirigi naDios.
Pasobra hende inmoral no por soporta esnan cu ta sirbi Dios.
Un persona inmoral ta maltrata su famia, un homber of un muher adultero, no ta respeta su cas,
tampoco tin respet pa su yiunan, asina cu inmoralidad drenta, influencia diabolico ta drenta, pasobra mentira y traicion ta bini di scuridad.
For di den principio e diabel a purba ganja Adam y Eva cu nan lo mira mescos cu Dios, pero te awe tur hende por ripara cu hende no por ta manera Dios, y asina pica a drenta y inmoralidad tambe a drenta.
Ora cualkier sorto di inmoralidad drenta cas e ta afecta nos yuinan, y nan comportacion ta cambia, y
nan ta cuminsa haci cosnan cu nos no ta comprende, awor wak bon si un di e cinco puntonan cu nos a menciona na principio no ta presente den bo cas, of bo a yega di participa, pero nunca bo a kibra e relacion. Inmoralidad ta trece mentira, violencia, hasta crimen hunto, cune pasobra inmoralidad ta un spirito, cu solamente por wordo resisti door arepenti, aparta for di maldad y biba cu Dios. (Santiago 4:8).
Hende bobo ta haci bofon di pica, ma e fabor di Dios ta biba, meymey di e rectonan. (Proverbionan 14:9).
Maldicion di Senjor ta riba cas di e malbado,ma E ta bendiciona e lugar di biba di e husto. (Proverbionan 3:33)
Tur locual ta inmoral ta pica, y ta kibra relacion di hende cu Dios,no ta cos di tolera. Sinceramente, Pastor Marcel Balootje.
Caribbean Taekwondo Institute Aruba ta invita mucha, hoben y adulto pa bira parti di nos famia di Taekwondo
Lesnan oficial lo cuminsa Dialuna 10 di Augustus 2026.
E pre-registracion ta duna nos un miho idea di e cantidad di atleta nan cu ta interesa pa participa. Esaki lo yuda nos prepara nos grupo nan, orario nan y facilidadnan di e miho manera posible prome cu e lesnan cuminsa.
Dianan di train: • Dialuna • Diaranson
Orario
• 6:00 PM – 7:00 PM
• 7:00 PM – 8:00 PM Location
Parti patras di Catiri 63.
Entrada ta banda di e borchi di Aruhiba Factory.
Sigui e caminda di santo te na final, unda bo lo topa cu nos dojang.
Parlamentario Eduard Pieters:
Fase dos di restructuracion salarial di e maestronan y docentenan ta “spoorloos”
Durante e conferencia di prensa semanal, parlamentario Pieters a trece un otro punto fuerte padilanti. Aki ta trata e critica riba loke Gobierno ta yama Fase Dos di e reforma educativo.
Segun Pieters, mientras Gobierno tabata duna hopi atencion riba e aspecto salarial di Fase Uno, poco of nada ta conoci tocante e siguiente fase. “Tur hende a tende di Fase Uno. Pero ken
sa kico Fase Dos realmente ta encera?”
PPA ta cuestiona unda e plan concreto pa profesionalisacion, acompañamento y desaroyo continuo di maestro ta.
Den Fase Dos supuestamente Gobierno lo a sigui traha hunto cu SIMAR y SEPPA riba restructuracion salarial. Loke Minister di Enseñansa mester compronde cu mas placa so, no lo percura pa e maestronan por duna enseñansa di calidad. Claro cu mas cen fin di luna ta na su luga, pero mester traha tambe riba siguridad di e maestronan, ademas di oportunidad di crecemento profesional y salarial den un structura mas simplifica y cu ta stimula e maestro duna enseñansa di calidad. Mester
por ancra den nos leynan cu un scol y su directiva mester percura pa tin un proceso ciclico di Recurso Humano. Pa un maestro y cabesante por haya su guia necesario, wordo motiva y keda evalua tur aña of cada pasa tanto tempo pa e por bin na remarca pa un aumento salarial y mas ainda pa e wordo stimula pa duna enseñansa di calidad.
Segun Pieters, si Gobierno no inverti den e hende cu ta para dilanti klas y na cabes di un scol diariamente, ningun reforma lo logra e resultado cu pueblo ta spera.
PPA no kier solamente critica, pero kier contribui
Na final di su rueda di presna, Pieters a lamenta cu repetidamente fraccion di PPA ta uza su instrumentonan den Parlamento di Aruba pa
medio di manda pregunta, pidi reunion den comision cu Minister di Enseñansa, pero no ta haya e contesta ni e apertura cu e partido ta spera. Segun Pieters, e obhetivo nunca tabata pa crea confrontacion. “Nos kier ta parti di e solucion, pasobra cu enseñansa, desaroyo y formacion di nos muchanan y hobennan no mester hunga politikeria.”
Pieters a enfatisa cu, door di su propio experiencia den enseñansa, e ta dispuesto pa contribui cu idea, conocemento y experiencia pa mehora e calidad di educacion na Aruba. Tin hopi plan riba mesa. Plannan carga pa e campo di enseñansa y hasta esnan cu ta traha directamente of indirectamente cu enseñansa. “Loke falta den
e Gabinete AVP-FUTURO ta curashi pa tuma accion.”
Ta bon pa Minister di Enseñansa reuni cu stakeholder
No por ta asina cu Minister di Enseñansa no ta reuni cu SIMAR y SEPPA pa loke ta e fase dos di restructuracion salarial. Ni di papia mes cu e directivanan di scol. E como Minister di Enseñansa ta finalmente responsabel pa enseñansa, no su colaboradornan. Ta bon pa semper minister tene nan cerca como aliado pasobra nan ta representa e maestro/docente di Aruba. Ademas, nan por influencia implementacion di cualkier reforma exitosamente, Parlamentario Pieters ta finalisa.
“He peleado la buena batalla, he acabado la carrera, he guardado la fe.” 2 TIMOTEO 4:7.
“He peleado la buena batalla, he acabado la carrera, he guardado la fe.”
2 TIMOTEO 4:7
Nos ta anuncia fayecimento di:
Nos ta anuncia fayecimento di:
” Mi no a muri. Ta p’esey mi no a bisa ayo. Mi a djis habri mi halanan y bula bai keiro. Boso a keda atras. No laga tristesa domina boso. Keda uni un cu otro pa mi alma, esey lo ta un alegria. Recorda mi cu hopi amor.”
y Leentje van der Linden y famia
Tur Tanta y Omonan den felis memoria
Suegro y suegra:
Luis Ernesto Romero *05-06-1957 - †24-07-2026
Luis Ernesto Romero
Na nomber di su:
Casa:
L. Marilin Ávila Romero
*05-06-1957 - †24-07-2026
Yiunan: Flor Romero
Luis E. Romero y Estefanía de la Viña
Nieto: Luis Ernesto Romero (junior)
Swa: Josué Arbona
Cuña: Marilys Arbona Lailaly M. Ávila
Na nomber di su Casa: L. Marilin Ávila Romero
Yiunan: Flor Romero
Luis E. Romero y Estefanía de la Viña
Nieto: Luis Ernesto Romero (junior)
Sobrinonan: Zaily Maduro Gabriel Maduro Josué Aberlardo Arbona
Swa: Josué Arbona
Opotunidad pa condolencia: diahuebs 30 di juli 2026 na Aurora Funeral Home di 7:00 pm pa 9:00 pm
Nos ta anuncia fayecimento di nos esposo, tata, welo, ruman y omo stima:
Juan Roman Wernet
Mihor conoci como “Oscar“
* 09-08-1949 † 22-07-2026
Na nomber di su:
Esposa: Greta Wernet-Tromp
Yiunan: Lysander Wernet
Ricky Wernet
† Leo (Nadi) Tromp y † Iginia (Ina) TrompFranken
Swa y cuñanan:
†Arina Tromp y Haime Dabian
Edwina Tromp
Clea y Johnny Croes - Tromp
Leo “Juni” Tromp
Mescos cu sobrino(a)nan: Gunnard Dabian y Anouchka Maduro
Hiram Tromp
Verousca Croes y Isaac Rosinda
Demas primo y primanan, amigo y amiganan, amistadnan:
Gabriel y Greta Tromp, Ghrizanti Tromp y famia, Ortencia Wolter y famia, Alda Thijsen y famia, Juan de Cuba, Genaro Morillo, Edwin Ras, Elvia y Randy Boezem, Rita Grant, Janchi Martina y famia, Carolina Viera da Luz y famia, †Casper Boekhoudt y Judy Boekhoudt, †Salomon Boekhoudt y Bea Boekhoudt y demas famia
Consuegranan:
Shing Kee Wong y Eveline Wong y famia
Ta invita pa e acto di entiero cu lo tuma lugar diabierna 31 di juli 2026 na Aurora Funeral Home di 2:00 pm pa 4:00 pm.
Cuña: Marilys Arbona Lailaly M. Ávila
Sobrinonan:
Harvey Wernet
Nueranan i Nieto(a)nan:
Ocando Croes y Ica Croes y famia
Jacobo Tromp y Glenda Tromp y famia
Zaily Maduro, Gabriel Maduro, Josué Aberlardo Arbona
“Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”.
Salmo: 23
Nos ta anuncia fayecimento di:
Opotunidad pa condolencia: diahuebs 30 di juli 2026 na Aurora Funeral Home di 7:00 pm pa 9:00 pm. Ta invita pa e acto di entiero cu lo tuma lugar diabierna 31 di juli 2026 na Aurora Funeral Home di 2:00 pm pa 4:00 pm.
“Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”. Salmo: 23
“Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”. Salmo: 23
Allyn Wernet-Wong, Eyvanna Wernet y Ehlan Wernet
Jesurenne Croes, Riёnne Wernet y Naёmy Wernet
Jinny Tromp, Preston Wernet y Camila Wernet
Mayornan: †Johan Wernet y † Jozefa “Ennie” Wernet-Rasmijn
Rumannan:
†Otilio Wernet y † Rosenda “Chenda” Wernet-Croes
Miriam Tromp-Wernet y † Nacho Tromp
Sobrino(a)nan:
Juni Tromp y Elma Tromp-Jardim
Dyon Tromp y Johna Tromp
Mirienne Tromp
Demas famianan:
Wernet, Tromp, Wong, Croes, van der Linden, Boekhoudt, Rasmijn, Koolman, Maduro, Vrolijk, van der Biezen,Wolter, Thijsen, Dabian, Jardim, Grant, Werleman, Dekkers, Kelly y demas famianan na Hulanda y Corsow.
Ta invita famia, amigonan y conocirnan pa asisti na e acto di entiero y despedida cual lo tuma lugar Diahuebs 30 di Juli 2026.
Nos ta anuncia fayecimento di:
Gregory Wernet y Marcela Wernet-Maduro
Nos ta anuncia fayecimento di:
Edson Wernet y Joacani Wernet-Grant
Michel Wernet y Marella Koolman
Sobre sobrinonan:
Xavier, Jorja y Sergio Tromp
Raimy y Kimberly Tromp
Rose-Anne, Jordan y Jordanny Wernet
Tyron Wernet
Mishali, Monique y Mirella Wernet
Y sobre-sobre sobrino(a)nan
E restonan mortal di Oscar lo ta reposa for di 9or pa 11or di mainta na Parokia Inmaculada Concepcion na Santa Cruz.
Despues lo sali pa su ultimo lugar di sosiego na Santana Catolico na Santa Cruz.
Despensa nos si den nos tristeza nos por a lubida un of otro famia, amistad, conosir of otro persona.
Tanta y Primo(a)nan serca:
Rudolf Roland Kelly
Rudolf Roland Kelly
*20-04-1949 - †26-07-2026
*20-04-1949 - †26-07-2026
Acto di entiero lo wordo anuncia despues.
Acto di entiero lo wordo anuncia despues.
Tanta stima †Helena “Nene” y †Cado van der Linden y Vito van der Linden y famia, Lupe van der Linden y famia, Walty van der Linden y famia, Nilo van der Linden y famia
Despues di entiero nos no ta ricibi bishita di condolencia na cas.
Mi ke alabá SEŇOR tur tempo, Su alabanza lo no kita fo’I mi boca, Mi alma ta gloria den SEŇOR, Laga humildenan bin tende y gosa. Canta grandesa di SEŇOR huntu cu mi, ban alabá SU Nomber tur huntu! Salmo 34
Cu dolor na nos curason, nos ta participa fayecimento inespera di:
Randolf Marlon Vrolijk
Ridder in Oranje Orde
Cariñosamente yama “Marlon”
*13-03-1973 - † 24-07-2026
Mayornan:
Anita Werleman
† Andres Vrolijk
Rumannan:
Edgard Vrolijk y esposa Charissa Vrolijk-Jarzagaray
Patrick Vrolijk
Subrinanan:
Milaiza Vrolijk y pareha Edmar Geerman
Mikhaila Vrolijk
Mizaira Vrolijk
Sobresubrina/onan:
Mizhaila Vrolijk
Elizienne Geerman
Kyden Geerman
Wela/onan:
†Ambrosio y Clara Werleman
† Johan Vrolijk y Susana Vrolijk-Wester
Tanta y omonan:
† Crecencio “Kees” Werleman y famia
† Theodoro “Doy” Werleman y Balbina Werleman y famia
Guillermina “Michi” Werleman y Hose Geo y famia
Nicolasa “Lati” Werleman y famia
Jacinto “Chenchen” Dirksz y esposa Mildred Dirksz Leo y famia
Lucrecia Werleman y famia
Sira (Chia) Wester y famia
Elena (Neta) Vrolijk y famia
Alfredo (Vi) y Ingrid Vrolijk-Angela y famia
Antonio (Mito) y Alba Vrolijk Chavarriaga y famia
† Josephina (Finchi) y † Jaco Henriquez- Wester y famia
† Coleta Vrolijk y famia
† Gloria (Jojo) y † Capi Tromp-Vrolijk y famia
† Mercedes Janet Boekhoudt-Vrolijk y Marco (Chomai) Boekhoudt y famia
† Ismael (Mael) y Ina Vrolijk-Tromp
† Florencio (Foyin) y Sophia Vrolijk y famia
Tanta grandi:
Cornelia Croes y famia
Primo y primanan
Sercano di cas:
Ina Tromp
Chinda Croes y famia
Franklin Dirksz y famia
Ambrocio Dirks y famia
Karin y Oslin y famia
Sita Jarzagaray y famia
†Nico y Anna Croes y famia na Hulanda
Anita y famia na Surinam
Comer/compernan:
Francis Leo y famia
Randy Maduro y famia
Amiga/onan, bisiñanan y conocirnan: Asina hopi cu nos no por menciona nan tur y tur cu a yega di toke den su bida.
Fundacionnan/organisacionnan:
Director y fundador di FEPA/ Volksuniversiteit Roy van Putten y demas fundacionnan, organisacionnan y skolnan cu ela traha y of forma parti di nan cu ta asina hopi pa menciona. Tambe na su coleganan y ex coleganan di scol y tur scolnan cu ela colabora cu nan como FEPA.
Demas famia y conocirnan:Vrolijk, Werleman, Jarzagaray, Geerman, Wernet, Leo, Geo, Lopez, Thodé, Tromp, Maduro, Dirksz, Koolman, Florencio, Bello, Panneflek, Campbell, Rasmijn, Ras, Giel, Hessen, Danje, Hernandez, Van der Linde, Croes, Oduber, Kelly, Laclé, Giraldo, Falcon, Frolijk, Franken, Katra, Morillo. Nos ta pidi nos disculpa si den nos tristesa nos por a lubida un of otro famia of conocir.Nos no ta tuma bishita despues di entiero.
Condolencia lo tuma lugar diaranson 29 di juli 2026 na Aurora Funeral Home di 6or pa 9or di anochi. Entiero lo tuma lugar na Misa Inmaculada Concepcion diahuebs 30 di juli 2026 di 2or pa 4or di atardi. Despues lo sali pa Santana Catolico na Sta Cruz.
Entiero lo tuma lugar na Misa Inmaculada Concepcion diahuebs 30 di juli 2026 di 2or pa 4or di atardi.