Wardacosta a sali pa rescata un piscador cu a cay for di boto
Piscador a logra yama su esposa y su esposa a bati alarma
Riba diasabra 25 di juli, net despues cu solo a baha, Centro Maritimo Operacional di Wardacosta a ricibi un yamada pidiendo asistencia riba lama.
Ta trata di un piscado cu a cay for di su boto den area di Valero. E piscado a logra di bel su casa, pa bisa e cu e tawata tin mester di yudansa. E casa a bel autoridadnan mes ora pa pidi asistencia.
Un unidad di Metal Shark a sali cu rapidez den direccion di Valero.
Tambe a pidi asistencia di e helicopter di Wardacosta pa asina yuda cu e buskeda.
Ora a yega den area di Valero, e Metal Shark a logra di mira e piscado teniendo na un boei.
Dos boto cu tawata den e area a yuda saca e homber for di awa y a hiba e persona canto. Riba tira, miembro nan di Cuerpo Policial a ricibi e persona y tambe a pidi asistencia di ambulance cu a constata cu e piscado tawata den bon estado di salud.
Tambe ta importante pa menciona cu otro piscadonan riba lama a logra di trece e boto bek canto.
Danki na un y tur cu a asisti den e rescate aki.
Mi ke alabá SEŇOR tur tempo, Su alabanza lo no kita fo’I mi boca,
Mi alma ta gloria den SEŇOR, Laga humildenan bin tende y gosa.
Canta grandesa di SEŇOR huntu cu mi,
ban alabá SU Nomber tur huntu! Salmo 34
Cu dolor na nos curason, nos ta participa fayecimento inespera di:
Randolf Marlon Vrolijk *13-03-1973 - †24-07-2026
Acto di entiero lo wordo anuncia depues
Eduard Pieters: “Parlamento no mester mendiga pa minister bin Parlamento duna cuenta”
Tin un diferencia grandi entre un minister cu no ta di acuerdo cu Parlamento y un minister cu simplemente no ta contesta ni respeta Parlamento su funcion.
Segun lider di fraccion di PPA, Eduard Pieters, Aruba ta bayendo den un direccion hopi peligroso den e gobernacion aki.
Durante e conferencia di prensa tocante e cambionan den enseñansa basico publica riba un website di FUTURO, Pieters a expresa su preocupacion principal ya no ta solamente e contenido di e reforma. Pa Pieters, e problema ta hopi mas profundo: Gobierno ta perde e costumber di duna cuenta na Parlamento.
Educacion ta solamente un ehempel mas
Pieters a enfatisa cu PPA no ta contra e reforma den scolnan publico pa crea un sistema educativo mas inclusivo. Al contrario, e partido ta sostene e cambionan cu realmente lo mehora e enseñansa di Aruba. Pero, segun Pieters, ningun reforma por logra exito si Gobierno no ta prepara e maestro y no ta implementa e fundeshi educativo cu mester pone e cambio den practica.
Sinembargo, e preocupacion di PPA riba varios aspecto di enseñansa no a haya e espacio ni oido, mientras cu un cantidad di maestro a bati na porta desde cu e ta minister y sigur despues di e ultimo anuncio.
“Nos no ta busca show. Nos ta busca dialogo.”
Segun Pieters, fraccion di PPA a busca repetidamente dialogo cu Ministerio di Enseñansa.
No solamente den preguntanan cu ta haci por escrito, sino tambe den e reunionnan di comision, caminda no tin camara, no tin prensa y caminda e ambiente ta hopi mas trankil pa hiba un discusion
constructivo cu e minister en cuestion y aporta na mehora e calidad di enseñansa. Pero, segun e parlamentario, ni den e circunstancianan aki, Gobierno a mustra suficiente disposicion pa contesta e preguntanan y e preocupacionnan cu Parlamento a presenta. Pa Pieters, esaki ta mustra cu e problema no ta politico. E problema ta falta di disponibilidad y responsabilidad constitucional pa duna cuenta.
Pieters a recorda cu den un Estado di Derecho, e ministernan no ta haciendo un fabor na Parlamento, ora nan mester bin duna cuenta na Parlamento. Nan mester cumpli cu un deber constitucional. “Den nos
Constitucion, minister ta responsabel na Parlamento. No Parlamento na minister.”
Segun Pieters, Parlamento no por bira un institucion cu mester sigui insisti pa haya contesta, mientras e ministernan ta sigui pospone e reunionnan of evita e dialogo cu e representantenan legal di pueblo.
Un presidente di Parlamento mester proteha e institucion Pieters tambe a apela na Presidente di Parlamento pa eherce e autoridad cu e cargo ta brinda..
Segun Pieters, no ta trata di confronta e ministernan, sino di proteha e dignidad di Parlamento. En bes di sigui pospone e reunionnan, el a propone un sistema mas
cla: presenta diferente fecha disponibel y pidi minister scoge for di un di nan.
“Un presidente di Parlamento no mester ta mendiga pa un minister bin. E mester exigi pa Gobierno cumpli cu su obligacion constitucional.”
Pa Pieters, respet pa Parlamento no ta un asunto protocolario. Ta un principio democratico.
Un gobierno cu no ta scucha Parlamento, finalmente no ta scucha pueblo
Pa lider di fraccion di PPA, henter e proceso aki ta bay hopi mas leu cu un cambio den e sistema educativo.
Ta un reflexion con Gobierno ta mira Parlamento. Si e ministernan no ta dispuesto pa dialoga, no ta contesta e preguntanan y no ta considera critica constructivo, e capacidad di Parlamento pa controla Gobierno ta debilitando. Y ora control democratico debilita, ta e pueblo ta perde. Un gobierno cu no ta dispuesto pa scucha Parlamento ta cuminsa perde su compas. Paso Parlamento no ta representa un partido politico. Parlamento ta representa pueblo di Aruba.
“Nos no ta busca show. Nos ta busca dialogo.”
Dia di Mangelnan ta 26 di juli, skirbi pa Sra. Olinda Rasmijn
“Mondi di Mangelnan di Lama” ta crese canto di lama, ta palonan spectacular.
Nan ta palo fuerte cu diversidad mahestuoso hasta ta wanta furia di horcan.
Mangelnan ta acumula cuminda na nan reis Na Aruba nos por aprecianan riba rif unda nan reisnan ta crese bon teha den otro.
Asina e reisnan ta proteha yiunan di pisca, calco y ta nutricia tur chikitin cu mester di proteccion. Gobernador Boekhoudt a planta simia di Mangel Tam (Rhizophora Mangle) pa duna balor na Mangelnan. Poco conoce e ecosystema di e reisnan cu tin balor nutritivo pa flora, fauna y diferente insectonan cu ta biba bou di e supervicio.
Asina nos ta mira tambe den Spaans Lagoen, luga cu nos ta yama “Cuna di Pisca.” Na costa tin bastante mange pero nan ta den peliger tur fin di siman. Ta sinta riba nan reisnan, ta mara cabuya pa wanta tent, ta kap takinan y ta ranca nan blachinan cu ta stroba pa un of otro motibo. A neglicianan na Santo Largo, Pos Chikito. A laga mangelnan desampara. Pa añas tur hende atento por a weita nan caïda pa despues desparse. Decadanan prome por a contempla parhanan acuatico ta brui den e saliña yen di bida, A
conta 21 sorto di parhanan migrante cu anualmente ta keda riba nos isla. Cuanto biaha no a hala atencion cu ta perdiendo Mangel Halto. Turistanan cu tin decadanan ta bin Aruba, a pasa oranan bou e Mangelnan ey a reclama cu e Mangelnan cu ta duna frescura ta cabando. Tur hende a observa e final, a scirbi carta, a grita. Carta pa prullebak. A traha brug pa lama por pasa tur rond di e mangelnan. Mangelnan a bonda, bira berde bunita, parhanan a canta y fluit, a traha neishi. Pa falta di cuido, atencion a neglisha “Mangel Halto”. Olinda Rasmijn
MINISTER DI HULANDA A PASA SNOER
NA BOCA DI MIKE CU GERLIEN: VIA HULANDA TA HAYA NOTICIA DI HOFA
Den un desaroyo politico cu a lanta bastante discusion, a bira conoci cu Minister/ Staatssecretaris Hulandes di Relacionnan di Reino APARENTEMENTE a impone un restriccion estricto riba Prome Minister Mike Eman y Minister Gerlien Croes.
Ambos mandatario no tin permiso mas pa duna ningun tipo di declaracion publico relaciona cu e Rijkswet di Houdbare Overheidsfinanciën Aruba (HOFA).
Via prensa Hulandes pueblo di Aruba tin cu haya noticia kico ta pasando cu HOFA.
Via e minister Hulandes nos a bin haya sa cu pronto lo tin un declaracion conhunto di Aruba y Hulanda. E Staatssecretaris a confirma tambe cu pronto Hulanda y Aruba lo bini cu un “gezamenlijke verklaring”
(declaracion conhunto) tocante e ley di HOFA.
Den e manifestacion oficial aki, tur dos pais lo presenta un posicion unifica pa splica e stipulacionnan, e normanan financiero y e impactonan cu e Rijkswet aki lo tin pa e futuro economico y autonomia di nos Aruba. Mientras tanto, tanto e lider di AVP, Mike Eman, como e lider di Futuro, Gerlien Croes, ta mantene nan mes na e instruccion y ta limita nan mes di haci cualquier anuncio publico sin e aprobacion o e participacion di e gabinete Hulandes.
Ta sumamente lamentabel cu nos tin dos politico swak, Gerlien cu Mieke cu no kier duna pueblo di Aruba cara. No kier confronta pueblo cu nan decisiconnan y awor mester permiti pa nos haya noticia for di Hulanda. Den tempo di Evelyn Wever
Croes e tipo di cosnan aki no tabata pasa, pasobra Evelyn na tur momento a bin pueblo pa splica kico ta pasando. Naturalmente nos por conclui cu Gerlien cu Mieke ta hopi swak, nan no tin vos y practicamente
Ta e simia di mas chikito, ma ora e crece, e ta bira e mata di mas grandi cu tin.
( Mateo 13,32 )
E parabola aki ta como un alegoria pa sigui anima nos no obstante e situacion cu nos ta experiencia den nos bida. Mirando nos situacion kisas no mucho di gaba; con toch nos por confia den Iglesia, con chikito y insignificante cu e por ta den mundo. Un mirada di fe por cambia tur cos. Un fe autentico riba ministerio di Hesus, su palabra, siñansanan por crece den algo grandi. Un relacion personal cu Hesus por cuminsa chikito y fragil, pero por bira grandi. Djis warda cu pasenshi! sigui desaroya bo relacion cu Dios; sa bo mision den bida! Dios ta amor! Dios ta cuida nos! El a crea nos; su amor ta intenso. Bo ta wordo stima pa Dios. E nificacion di bida mes; Bo mester pasa tempo cu Dios y desaroya un relacion personal cu Dios. Esey ta nifica sea fructifero. Naturalmente bo mester keda leu for di pica y bira mas virtuoso, un persona cu curashi, cariñoso y amoroso. Uza bo talentonan cu Dios a duna bo den Iglesia y sa cu no tin nada mas importante cu Reino di Shelo. Oracion: Señor, duna mi e sabiduria pa hiba un bida cu ta agrada Bo tur dia. Amen.
e unico cos cu nan por bisa Hulanda ta “ja baas”.
Ambos tin masha miedo di Hulanda y dje forma aki pais Aruba ta perde tur su logronan importante di pasado. No ta pornada nos a yega na nos Status Aparte
y aworaki e dos politiconan swak aki hasta tin miedo di duna pueblo cara. Mieke a bandona Gobierno di su mes voluntad y Gerlien awor ta cometiendo su morto politico natural dor di su falta di experiencia.
Dia Internacional di Conservacion di Mata di Mangel:
Aruba su status di UNESCO ‘Biosphere Reserve’ ta reforsa conservacion matanan di mangel
ORANJESTAD – Dia 26 di juli, mundo henter ta celebra e Dia Internacional pa Conservacion di e Ecosistema di Matanan di Mangel (International Day for the Conservation of the Mangrove Ecosystem). Pa Aruba, e fecha aki tin un nificacion extra special e aña aki. Cu e reconocemento recien di Aruba como UNESCO ‘Biosphere Reserve’, conservacion y restauracion di nos areanan di matanan di mangel a bira un prioridad den e programa di trabou a largo plaso pa nos isla.
Directie Natuur en Milieu (DNM), UNESCO Aruba y Aruba Conservation Foundation (ACF) a uni forza pa duna un solo mensahe na pueblo di Aruba: e proteccion di nos matanan di mangel no ta simplemente trabou di un departamento of un fundacion, si no un parti esencial di e plan integral pa e desaroyo sostenibel na Aruba.
E importancia di Mondi di mata di mangel como parti e poder di 3:
Mondi di mangel no ta traha nan so pa forma e ecosistema. Hunto cu e yerba di lama y rifnan di coralnan ta forma e poder di 3: tres ecosistema cu ta conecta cu otro y cu hunto ta proteha nos costa contra p.e. erosion, tormenta y polucion di awa. Ta sostene bida marino, bida di parha di lama y ta fortalece resiliencia contra cambio di clima incluyendo subida di nivel di lama. E salubridad di un ta depende di e otro, ta p’esey proteccion di tur tres ta esencial.
Den e cuadro aki, na 2022 UNESCO ta implementa e proyecto regional “MangRes” (Mangrove Restoration: Nature-Based Solutions in Biosphere Reserves of Latin America and the Caribbean). E iniciativa aki tin un duracion di tres aña, e ta enfoca riba e evaluacion, restauracion, y proteccion di ecosistemanan di mata di mangel, integrando, conocemento cientifico y tambe local. Aunke e proyecto a cuminsa den Biosphere Reserves den region (manera na Mexico, Peru, Colombia, Cuba, Ecuador, Panama y El Salvador), e ta habri porta pa nos na Aruba intercambia conocemento, investigacion, y miho practicanan cientifico cu e red regional aki. Nos status di UNESCO ‘Biosphere Reserve’ ta un recordatorio cu cuida nos ecosistemanan ta un responsabilidad comparti entre gobierno, organisacionnan, y comunidad completo.
DNM ta reconoce e esfuersonan di conservacion di e ecosistema aki pa nos naturalesa ta uno mas saludabel pa asina beneficia hende y biodiversidad.
Kico e status di UNESCO ‘Biosphere Reserve’ ta nifica pa Aruba?
Pa sigura cu nos comunidad ta bon informa, DNM, UNESCO Aruba y ACF ta informa conhuntamente tocante e reconocemento aki:
Un ekilibrio entre hende y naturalesa: Un ‘Biosphere Reserve’ no ta un parke nacional nobo. Tampoco e ta nifica cu henter e isla ta bira un area proteha cu restriccion. E ta un reconocemento internacional cu Aruba ta compromete na dje pa haya un ekilibrio entre conservacion di naturalesa, proteccion di patrimonio cultural, bienestar di comunidad y desaroyo economico sostenibel.
Nada ta cambia inmediatamente den bida di tur dia: E reconocemento ta e inicio di un trayecto di colaboracion a largo plaso. E siguiente paso ta pa Gobierno di Aruba establece un comite di maneho cu lo desaroya un plan di maneho pa e UNESCO ‘Biosphere Reserve’. Lo prepara e plan aki hunto cu comunidad, gremionan, investigadonan, sector priva y NGO-nan.
Un vision pa Aruba su lama como un sistema conecta: Diferente cu e areanan proteha bou maneho di ACF (manera Parke Nacional Arikok, Spaans Lagoen y areanan marino protegi), e ‘Biosphere Reserve’ ta mira Aruba su tera y lama como un sistema conecta. Esaki ta reconoce cu loke ta pasa pafo di e areanan proteha ta influencia loke ta pasa paden y vice versa.
E reserva di biosfera ta consisti di 3 tipo di zona: Pa yuda balansa proteccion y desaroyo, e reserva ta parti
den:
Area central (Core Zone): Areanan cu ta legalmente preoteha caba pa nan balor natural. Mayoria di mata di mangel, pero no tur, ta encontra aki
Area di barera (Buffer Zone): Areanan rond di e area central unda ta encurasha y haci esfuersonan pa investigacion, educacion, monitoreo y actividadnan sostenibel.
Zona di transicion (Transition Zone): Unda mayoria di nos ta biba, traha y tin desaroyo economico na un manera cu ta sostenibel y den harmonia cu naturalesa.
Un invitacion na e comunidad di Aruba: Conservacion di e ecosistema di matanan di mangel y e status di ‘Biosphere Reserve’ no ta duna UNESCO autoridad legal riba nos decisionnan; e decisionnan ta keda den man di Aruba. Sinembargo, pa mantene e titulo prestigioso aki, Aruba mester continua cu implementacion di e meta y principionan di ‘Biosphere Reserve’. DNM, UNESCO Aruba y ACF ta invita e comunidad completo pa celebra e Dia Internacional pa Conservacion di e Ecosistema di Matanan di Mangel y siña mas di e balor cu e matanan aki ta brinda nos. Cuido di e areanan di nos matanan di mangel ta yuda cuida e futuro di Aruba.
ACCIDENTE NA STA CRUz A LAGA CHOFER HERIDA
Diadomingo marduga a sosode varios accidente rond Aruba. Tabatin dos accidente na Avenida Nelson Oduber ( Sasaki), pero tambe na Sta. Cruz. Den careda di 5’or di marduga un chofer a perde control of a pega soño tras di stuur y a drenta un cura di cas na Sta Cruz. Apesar cu e saco di aire a sali for di stuur, asina mes e chofer a haya basta sla. Ambulance a presenta pa asina duna promer ayudo y djey a transporte pa hospital.
INCERTIDUMBRE DEN AVP: TIN PELEA INTERNO PA KENDE LO BIRA
E PROxIMO MINISTER DEN GOBIERNO
E anuncio di Mike Eman di retira di e bida politico a manda un ola di e shockwave no solamente den henter e panorama politico di Aruba, pero mas aun den curason di Arubaanse Volkspartij (AVP). Despues di decadanan bao di e liderazgo indiscutibel di Eman, e partido berde ta enfrenta un momento crucial caminda e falta di claridad ta reina. Cu e retiro aki, e vacuum di poder cu ta keda atras a habri porta pa un bataya interno silencioso, caminda mas di un figura ta premira di ta cla pa tuma e timon y keda cu un stoel den e gabinete.
Un vacuum di liderazgo y falta di rumbo fiho
Durante añanan largo, Mike Eman tabata e cara, e vos y e motor cu a mantene AVP uni. Sin embargo, su salida ta laga e partido den un bashi sin precedente. Te cu awor, no tin un plan defini cu e base ta sinti su mes comodo cune. Maske cu tin rumor y nombernan cu ta resona den gangnan di e partido, e falta di un transicion structuralmente bon prepara ta generando mas duda cu seguridad. Integrantenan y simpatisantenan ta puntra nan mes si e partido lo por mantene su union ora e lider no ta eynan mas pa dirigi e rumbo. E lucha pa
ORA MIKE BAHA
e puestonan ministerrial
Locual ta aumentando e tension interno mas aun ta e hecho cu varios miembro y politiconan prominente den AVP ta sinti cu esaki ta e momento pa haci un paso dilanti. E exigencianan pa puesto di Minister a cuminsa resona mas fuerte. Diferente fraccion y gruponan dentro di e partido ta moviendo nan ficha, cada un buscando pa garantisa nan posicion y peso den e proximo configuracion politico. E presion aki pa haña un cartera ministerrial no solamente ta complica e proceso di busca un lider nobo, pero tambe ta crea e riesgo di division interno si tur e ambicionnan aki no wordo maneha cu tactica y balansa.
Interes di pueblo vs. ambicion politico
Mientrastanto, e votador y e base di AVP ta mirando e panorama aki cu cierto preocupacion. E incertidumbre den un di e partidonan mas tradicional di e pais ta trece cune un pregunta mas grandi: ta busca un lider cu berdaderamente lo sirbi e interes general, o e proceso ta bay wordo domina pa negociacionnan di puesto y fabor politico? E proximo lunanan lo ta decisivo pa e futuro di AVP.
Pa e partido keda riba e caminda di stabilidad, e lo mester logra mas cu simplemente yena e puesto
di lider y reparti cartera di Minister. E mester duna e pueblo un vision cla y demostra cu e ta capaz
di pasa di e era di Mike Eman pa un liderato nobo sin perde su esencia y su unidad.
BUNITA CELEBRACION DI zOMERCARNAVAL DI ROTTERDAM
Den Haag – E ciudad di Rotterdam un biaha mas tabata anfitrion di e Zomercarnaval 2026. Na stadhuis di Rotterdam a tuma lugar den presencia di burgemeester di Rotterdam Carola Schouten un recepcion pa invitadonan. Gabinete di Aruba a keda representa na e ocacion aki pa Sidney Kock, PR di Gabinete di Aruba.
Den e sala burgemeester Carola Schouten a acentua den su discurso e aspecto cultural di Zomercarnaval cu ta un herencia mundial di Unesco. Tambe e burgemeester a gradici tur esnan cu a contribui pa mas cu 40 aña na haci e evento aki posibel. Un evento segun Schouten cu ta unifica e diferente culturanan na Rotterdam y tambe ta un expression di pasion y creatividad. Tambe burgemeester Schouten a bisa cu e Rotterdam Unlimited Zomercarnaval a ricibi e aña aki e ouvre prijs di Rotterdam como reconocimento pa e contribucion enorme di e evento na e imago di Rotterdam como un ciudad incluso, creativo y energico.
Despues e invitadonan por a mira e parada for di un podium dilanti di Stadhuis.
Nota pa redaccion: E potretnan ta cortesia di Gabinete di Aruba
BO TA PAPIA DI DIOS, PERO BO NO TA PAPIA DI E UN SOLO IGLESIA CU HESUS A LANTA MAS CU 2000 AÑA PASA
Dios Tata ta manda Su Yiu Hesus na mundo, pa sera un Aliansa Nobo pa e Pueblo di Israel y pa mundo henter.
E Aliansa Nobo aki, ta e un solo Iglesia di salbacion pa mundo henter.
Bijbel Mateo
26: 26 – 28, den e ultima cena Hesus a bisa Su apostelnan: “Boso tur bebe for di e copa di binja aki, esaki ta Mi Sanger, e Sanger cu ta confirma e Aliansa cu Mi ta derama pa hopi hende, pa pordon di pikanan.” Akinan Hesus ta confirma Su Sacrificio y morto na crus, deramando Su Sanger precioso, pa e Aliansa Nobo di Dios Tata, cu ta e pueblo Nobo di Israel.
Bijbel Mateo
16: 15 – 19:
“Hesus a puntra Su apostelnan: Anto boso mes, ta ken boso ta bisa Mi ta? Simon a contesta: Bo ta E Mesias, E Yiu di Dios bibo! Hesus a bis’e: Felis bo ta Simon yiu di Huan, pasobra no ta hende a revela bo esaki, ma Mi Tata cu ta den Cielo. Mi ta bisa bo: Abo ta Pedro (o sea baranca) y riba es baranca aki, lo Mi lanta Mi Iglesia y forsanan di fierno lo no podera di dj’e. Lo Mi duna bo e yabinan di Reino di Cielo y loke bo prohibi na tera, ta prohibi den Cielo tambe y loke bo permiti na
tera, lo ta permiti den Cielo tambe.” Akinan Hesus ta bisa bon cla, Mi Iglesia, osea un solo Iglesia y no Iglesianan. E forsanan di fierno, ta e demonionan den fierno cu lo lanta diferente sectanan, religionnan y iglesianan falso na mundo, pa podera y pa kibra e Iglesia di Hesus, pero nan lo no logra. Hesus a duna Simon e nomber Pedro, cu ta significa baranca, cabes visibel di Su Iglesia. Hesus a duna Pedro e yabinan di Reino di Cielo y esaki ta significa cu e Iglesia di Cristo-Hesus ta e unico porta pa laga e almanan drenta den Reino di Cielo.
Den e unico Iglesia di Cristo-Hesus, tin e yabinan di e portanan di Reino di Cielo pa laga e almanan drenta. Hesus a duna e autoridad na Pedro pa dirigi Su Iglesia, di loke ta permiti y di loke ta prohibi.
Bijbel Marco
16: 15 – 16,
aki Hesus ta bisa Su apostelnan: “Sali pasa na henter mundo y predica e Evangelio pa henter humanidad.” E palabra, sali pasa na henter mundo y predica e Evangelio pa henter humanidad, ta significa, Universal, Hesus Su Iglesia ta Universal. E Iglesia Universal di Hesus, ta e Aliansa Nobo di Israel di Dios Tata. Awor, tur hendenan na mundo sea paganonan, sectanan y e Hudiunan mes, nan mester kere den Cristo-Hesus y nan mester drenta y bautisa den E Unico Iglesia Universal di Hesus, pa nan por drenta den e Reino di Cielo. Awor, ta di con tin tanto sectanan, religionnan y iglesianan falso na mundo y mientras ta un solo Iglesia Hesus a lanta? Na anja 1521, Martin
Luthero un frere, teologo aleman a bai contra di e Iglesia Universal di CristoHesus. El a inventa e theoria di e interpretacion liber di Bijbel.
E interpretacion liber y e doctrinanan falso, a produci 36.000 diferente sectanan y religionnan na mundo. Tur e sectanan aki, ta pretende di ta di Hesus. Durante tempo nan a trece hopi divisionnan y hopi di nan a lanta nan mesun religionnan, iglesianan falso y sectanan y nan ta predicando e Bijbel den nan mesun manera y nan ta buscando hendenan debil den fe pa sigi nan. Martin Luthero a bira Protestant, pasobra el a protesta contra e Papa di Iglesia Universal di Cristo Hesus.
Ta manera cu Hesus a bisa den Bijbel Mateo 16: 18, cu forsanan di fierno
lo purba podera y kibra e Unico Iglesia Universal di Hesus, pero nan lo no logra. Pesey tur e religionan, tur e sectanan y tur e iglesianan falso na mundo, nan a wordo lanta door di e forsanan di fierno y e diabelnan a usa Martun Luthero pa desvia hopi hendenan na mundo for di e Unico Iglesia Universal di Cristo-Hesus. Hesus ta bisa bon cla den Bijbel Marco 16: 15-16: “ Esun cu no ta kere y no ta bautisa, nan lo ta condena.”
E Unico Iglesia Universal aki di Cristo-Hesus, tin mas cu 2000 anja y a wordo lanta pa medio di e 12 Apostelnan di Cristo-Hesus. Nan ta e prome Obisponan y San Pedro ta e Prome Papa, cu ta e prome cabes visibel di Cristo-Hesus Su Iglesia aki na mundo.
E palabra Universal ta significa, Catolica. Compronde bon, ta un solo Iglesia so tin pa drenta den e Gloria di Dios Tata y Hesus a institui tambe Su 7 doctrinanan pa nos cumpli cu nan, cu ta e 7 Sacramentonan di Dios Spirito Santo.
Scirbi pa Seferino Tromp Un mensahero di Dios.
Candelanan den cero na Spaña: Un desaster natural cu ta obliga miles di persona pa huy
Un ola di calor extremo y bientonan fuerte a desencadena un di e peor crisenan ambiental di e ultimo añanan den Sur di Europa. Na Spaña, candelanan di cero masivo y fuera di control ta debastando miles di hectarea di monte y mondi, obligando e gobierno spaño pa declara un estado di emergencia nacional debi na e magnitud di e desastre.
E situacion di mas critico ta concentra den e region central di e pais, cerca di e capital Madrid, como tambe den e provinsianan di Ávila, Toledo y Valencia. Segun reporte di autoridadnan di Proteccion Civil, mas di 90.000 persona na Spaña mester a wordo evacua di emergencia for di nan casnan y acomoda den centronan di refugio temporal. E huma diki y e shinishi a cubri varios pueblo y parti di e zonanan urbano, mientras cu cientos di cas y vehiculo a keda completamente destrui.
E prome minister di Spaña, Pedro Sánchez, y Rey Felipe VI a bishita e zonanan di desastre y e centronan di refugio pa duna sosten na e victimanan. Sánchez a señala cu e prioridad absoluto di e gobiernuo ta pa "sala bida" y a splica cu e bataya contra e candelanan aki ta extremadamente compleho pa via di e condicionnan di seco cu e pais a bin ta sufri. Candelanan grandi cu tabata quema separatamente den e region di Madrid y Ávila a uni pa
forma un solo frenta contra e candela grandi, cual e bomberonan ta describi como un "monster" imposibel pa contene bao di e condicionnan di clima actual.
Mientrastanto, e esfuerso pa combati e fierno aki ta mobilisando miles di bombero, personal militar di e Unidad Militar di Emergencia (UME) y avionnan special cu ta tira awa constantemente riba e frentanan activo. Sin embargo, e temperatura halto y e fenomeno di e bientonan cu e mesun candela ta genera ta haci e trabou di e ekiponan di rescate extremadamente peligroso y impredesibel.
Expertonan y cientificonan ta enfatisa cu e vlamnan devastador aki ta un
consecuencia directo di e cambio climatico, cu ta provocando olanan di calor mas frecuente, largo y severo den e continente europeo.
Mientras e bomberonan ta sigui hiba un bataya contra e candela, miles di famia ta keda den e angustia y
incertidumbre di no sa kico nan lo topa ora nan por
finalmente bolbe nan cas.
Parlamentario Endy Croes: E weya di steam di AVP ta totando!
Dowers pa Prome Minister y Candelaria como minister di Husticia mientras Heyliger y Marlon Sneek ta cushinando
Parlamentario Endy Croes a splika cu den politica bo mester ta atento y sigui esaki di serca na tur momento. Aunke ta trata di combersacionnan interno entre partidonan pero semper ta ideal pa Aruba por wordo sirbi na e mihor manera posibel. Desde 2026 tin (2) desaroyo nobo interno ta hungando un rol den e gobernacion aki. (1) Momento Mike Eman a anucia cu september proximo e lo retira como Lider di AVP y lo pushando Wendrick Cecilia pa bira e proximo Lider di AVP y (2) e anucio sopresivo sin avisa su Vice Prome Minister Gerlien Croes di cambio di Prome Minister per 1 di Januari 2027. Kiko ta e rancamento di ciboyo: Combersacionnan interno a inicia den AVP. Mientras tin tema y topiconan di un interes hopi halto manera HOFA y tambe desaroyo petrolero riba mesa, nos tin un Prome Minister Mike Eman kende solamente a planta y piki sushi den 18 luna na mando y awor riba dije ta anucia su retiro como Lider di AVP y Prome Minister di p[ais Aruba. Den wowo di pueblo esaki ta cay manera un cobarde cu ta “bende nos autonomia cu Hulanda” manera un traidor y ladron di anochi y baha na awa. Hopi tristo pero nos lo bin bek riba esaki. Den AVP tin e tendencia cu Wendrick Cecilia por bira Lider temporal di partido pero no lo asumi e puesto di Prome Minister como cu e sapato ey ta demaciado grandi pe. Barancanan “paden” den AVP a propone pa Dowers bira e siguiente Prome Minister. Dowers na su turno a haña e idea uno magnifico y simpatico unda su persona tin e deseyo ferviente pa ocupa e posicion aki atleast un biaha den su carera politico prome cu e retira.
Proposicion pa Candelaria tuma cartera di Dowers Pa 1 di Januari 2027 AVP lo kier pusha Dowers como Prome Minister y Candelaria como minister di Husticia. Internamente
den AVP a cuminsa un guerra.
Marlon Sneek a cuminsa sinti cu e tambe tin e derecho di asumi un of mas cartera como minister. Segun fuente interno Marlon Sneek a sapatia “paden” splikando cu desde 2010 e ta halando garoshi pa AVP hasta den e momentonan di mas malo y dificil di e partido. Segun Sneek ora AVP a crea e Mega Debe pa pais Aruba (2010-2017) y momento cu x ministernan manera
Benny Sevinger y Paul Croes a horta pais Aruba ferozmente el a para banda di e x ministernan corupto di AVP y defende nan. Hasta Marlon Sneek a splika cu su persona a presenta un ley den Parlamento pa Benny y Paul por keda cobra nan salario di minister of como Parlamentario siendo nan tabata deteni y sera den KIA.
Segun Marlon Sneek e berguensa cu e mester a pasa cargando AVP ta enolvidabel momento Raad van Advies su conseho tabata devastador y Parlamento mester a rechasa su ley. Pues Marlon a laga
sa cu el a bay e extra mile pa AVP y su sacrificio tabata grandi pa partido y awor AVP tin e deber pa cumpli bek cune.
Di otro banda Helyiger a laga sa cu un biaha ta horca double 6:
A resulta cu Parlamentario
Heyliger tambe tin un aspiracion grandi pa bira Minister. Momento cu Baba Herde a asumi e puesto di minister tambe tabata tin un “discusion” basta grandi interno den AVP. E tempo aya Heyliger corectamente a protesta cu Baba Herde no a bay riba lista y no a campaña y no merese bira minister dilanti esnan cu si a bay elecion. Akinan “Topnan” den AVP mester a combense Heyliger pa e “give in” pa scapa gobierno den salida. Heyliger cu hopi dolor a mira e oportunidad di “oro” pasa bou su nanishi sacrificando su mes y San Nicolas cu a carga AVP den voto.
Segun Heyliger y corectamente cu San Nicolas mester por tin e honor pa haña lo minimo (1) minister
den henter e gobierno aki. Otro a bisa cu Heyliger a laga San Nicolas na caya y e no mester a acepta e insulto cu Baba ta pasa su dilanti. Pa con zuur e pilder ey tabata ta Heyliger a haye ta gulie. Por a compronde cu Heyliger lo a laga sa cu den wega di domino ta (1) biaha bo ta horca double 6. Pues ta un biaha su propio hendenan a “change” y e no lo permiti esaki pasa atrobe Januari proximo. Candelaria “zo y zo” no por pasa su dilanti paso e no a bay elecion. Segun Heyliger e dolor cu Marlon Sneek lo a expresa alrespecto “halado di garoshi” tambe ta algo di pasado y no ta conta mas. Sea Heyliger ta tuma e cartera di Husticia of ta shobbel e carteranan unda Heyliger su aspiracion primordial ta Energia. Innercirlce y Topgun di AVP no sa faya den nan informacion. Nos lo keda pendiente y lo sigui e desaroyo aki di serca e di dos mitar di e anja aki Croes ta termina bisando. E weya ta totando!
Caos Financiero den Mercadonan Global: Inversion den Inteligencia Artificial ta sacudi accsionnan di tecnologia
NEW YORK / TOKYO — 26 di juli 2026 — Mercadonan financiero rond di mundo ta cerando un di e simannan mas turbulento di aña.
Un benta masivo di accion den e sector tecnologico a elimina casi $800 billon den balor di mercado pa e gigantesnan di tecnologia.
E caida aki a wordo causa na e gasto astronomico cu companianan grandi ta realisando pa desaroya e infrastructura di Inteligencia Artificial (IA), lo cual a cuminza preocupa
inversionistanan.
Gasto di IA vs. Rendimento di Inversion
E motibo principal di e preocupacion aki ta cu companianan manera Alphabet (Google) y Tesla a raporta fluho di caha negativo den nan ultimo reportenan trimestral.
Esaki ta debi na e miles di miyones di dollar cu nan ta invertiendo den datacenters, microchips avansa y consumo di energia pa mantene e modelonan di IA andando.
A pesar cu e cifranan di benta ta keda
halto, e mercadonan ta castigando e gasto exagera cu te awor no ta demostrando un retorno di ganansia transparente o rapido.
Efecto den Cadena y e Reaccion di Inversionistanan
E reaccion den e bolsa di balor na Wall Street a keda sinti mesora den Europa y Asia.
Indisenan manera e Nasdaq a perdedor mas di 2% den e ultimo siman, mientras cu analisis di Fondo Monetario Internacional (FMI) ta duna advertencia cu un reevaluacion den e sector tecnologico por frena e crecemento economico global si e no wordo balansa.
Analistanan economico ta señala cu e siman cu ta drenta lo ta determinante.
Companianan di e mesun nivel manera Microsoft, Meta y Amazon lo presenta nan reportenan di ganansia, y e Inversionistanan lo ta mirando di cerca si e
inversionnan riba IA ta bay cuminsa rindi fruto o si e tendencia di duda lo sigui domina e mercado mundial.
Tension a escala na medio oriente: President Trump y Iran den negociacion critico mientras cu arake aereo ta den pause
WASHINGTON / TEHRAN — 26 di juli 2026 — E situacion di conflicto entre Merca y Iran a yega na un punto crucial atrobe.
Despues di varios dia di tension y di anunsio di e Presidente di Merca, Donald Trump, cu e tabata considerando un "ataque masivo" contra e instalacionnan militar y di infrastructura di Iran, e dos paisnan a drenta den un pauso di ataque aereo mientras negociacionnan di e ultimo momento ta andando.
Tension na e Estrecho di Hormuz y e reaccion di Washington
E reciente escalacion ta bin despues cu e acuerdonan previonan y e acuerdo di pas a keda interumpí debi na atakenan cu dronenan y missilnan contra barconan comercial den e Estrecho di Hormuz.
President Trump a declara cu e Merca no lo tolera interupcion di e rutanan di navegacion internacional y a boga pa contesta cu atakenan militar directo si e atakenan riba e barconan aki no stop.
Mientrastanto, e cas di Representantenan den e Congreso di Merca y varios lider internacional a expresa nan preocupacion cu e aumento di violencia por hiba na un guera mas amplio.
Secretario General di Nacionnan Uni, António Guterres, a haci un yamado urgente pa e dos partidonan busca un salida diplomatico y evita un catastrofe regional.
Negociacion y e Futuro di e Conflicto
Den declaracionnan di e prome oranan di awe, Trump a confirma cu su gobierno ta den conversacion directo y indirecto cu representannan di Iran.
Maske e atakenan aereo a keda para pa e ultimo 48 oranan, e lider mericano a bisa cu tur opcion ta keda riba mesa si e combersacionnan pa un pacto di paz y pa detene e programa nuclear no produci resultado rapido.
For di e banda di Iran, voceronan oficial a declara cu maske nan a para e
atakenan di represalia temporalmente, e ehercito ta keda den estado di alerta maximo.
E proximo dianan lo ta decisivo pa determina si diplomacia lo logra contene e crisis aki o si e Medio Oriente lo drenta den un fase nobo di confrontacion militar.
Danki na varios boluntario Mabon a bira mas limpi durante accion nacional Cuida
Aruba
Grandi y chikito ta forma un solo pueblo, sin importa nos diferencia. Uni pa un solo meta: un Aruba limpi. Cu e mensahe aki, gobierno a duna inicio na e accion nacional Cuida Aruba dia 25 di juli. Na Mabon, un cantidad grandi di boluntario, habitante di bario, militar di Marina Real y representante di diferente compania y organisacion manera ALBO, e asociacion di contratista den construccion WAB a uni forsa pa haci e area deportivo y recreativo di e bario limpi. E sitio aki tabata den un estado di abandono pa varios aña, pero awor e ta haya un proposito nobo.
E boluntarionan a piki boter, bleki, glas y otro tipo di sushi. Nan a corta mata y yerba grandi, haci e areanan limpi y prepara e area pa futuro trabounan di mantencion cu lo haci den e facilidadnan. E meta ta pa nos muchanan, nos hobennan y e adultonan por bolbe haci uzo di e facilidadnan pa baseball, softball, futbol y basketball.
Comandante Henk Buijs di Marina Real na Marinierskazerne Savaneta a expresa cu ta importante pa nan ta presente y traha hunto cu comunidad. Segun Buijs, suficiente militar a participa pa por ehecuta e trabounan necesario, cu ta inclui colecta sushi entre otro boter, bleki y glas, como tambe corta mata y haci e tereno limpi.
E comandante a destaca e importancia di mantene contacto cu e habitantenan di bario y a gradici e companianan cu a facilita makinaria pisa, locual a permiti nan haci mas trabou.
Buijs a califica e iniciativa di Prome Minister Mike Eman como uno excelente y a indica cu Marina Real ta contento di por sostene e accion y contribui na un Mabon y Aruba mas limpi.
Mabon tin e ambicion pa bira uno di e bario mas limpi di Aruba. E participacion di nan habitantenan hunto cu comercio , gobierno y Marina Real ta mustra cu cooperacion por trece resultado. E accion na Mabon ta resalta cu ora comunidad uni, abandono por haci luga pa progreso.
Cada ciudadano por duna su mihor na su cas, den su bario y rond isla. Aruba ta di nos tur. Ban cuida Aruba.
