BINKE 109 azaroa 2025

109. zenbakia • 2025eko azaroa

MAITE VILLAMOR LEHENENGO EMAKUME AUTOBUS GIDARIA

«Faltan nabaritzen dut autobus bat gidatzea»

MAITE VILLAMOR LEHENENGO EMAKUME AUTOBUS GIDARIA

«Ez dut inoiz diskriminaziorik sentitu emakumea eta gidaria izateagatik» TESTUA: IRATI ALONSO GARCÍA ARGAZKIAK: JON GOMEZ GARAI ETA MAITE VILLAMORREK BIDALITAKOAK

G

izonen munduan bere lekua aurkitu zuen emakume aitzindaria da Maite Villamor. Galdakaon urte luzeak bizitzen daramatzan bilbotarra Espainiar estatuko lehenengo emakume autobus gidaria izan zen. 21 urterekin hasi zen Bilboko 'Azulito' autobusa gidatzen eta zazpi urte inguru eman zituen zerbitzu horretan, Galdakaora dinamita fabrikara lan egitera etorri arte. Villamorrekin elkartu da BINKE, eta urte guzti horiek emandakoaren inguruan hitz egin digu Villamorrek.

Faltan nabaritzen duzu autobus bat gidatzea? Noski. Utzi nuen unetik askotan pentsatu du zenbat faltan nabaritzen dudan autobus bat gidatzea. Etxean nik gidatu dut kotxea beti, baina ez da berdina.

Txikitan noizbait pentsatu zenuen autobus bat gidatuko zenuenik? Inoiz ez! Txikitan ofizio tipikoetan pentsatzen nuen: medikua, abokatua, erizaina... Baina ez genuen emakume gidarien erreferenterik, beraz, ezinezkoa zen horretan pentsatzea.

Nola sortu zen Bilboko 'Azulito' autobuseko gidari izateko aukera? Gaztea nintzela Bilboko autobus zerbitzuen enpresan lan egiten nuen, lehiatiletan, eta enpresak batbatean esan zigun gidari izateko aukera eskaintzen zigula.

21 urte nituen eta asko pentsatu gabe, baietza eman nuen eta 12 emakume hasi ginen formazioarekin. Hilabete batzuk egon ginen formazioan eta benetan gidatzen genekien arte ez ginen azterketak egiten hasi. Horietara aurkeztu ginen hamabi

2 azaroa 2025 Binke!

emakumetatik seik bakarrik lortu genituen gidari izatea.

Zenbat emakume gidari zeuden Espainiar estatuan hasi zinenean? Bat ere ez. Gogoratzen dut nik pertsonalki zapatu batean egin genuela azterketa eta hurrengo astelehenean, bi egun beranduago, hasi nintzen Bilboko 'Azulito' izeneko autobusa gidatzen. Beraz, esan daiteke Espainiar estatuko lehen emakume autobus gidaria izan nintzela!

Zelan gogoratzen duzu lehen eguna autobusean? Ilusio handiz egia esan. Formazioan zehar konturatu nintzen asko gustatzen zitzaidala autobusa gidatzea eta nire lehen egunean hori baieztatu nuen.

Nola erantzuten zuten bidaiariek emakumeak gidatzen ikustean? Ba denetarik zegoen baina orokorrean oso ondo.

Jendeak asko errespetatzen gintuen eta oso jatorra zen gurekin. Opariak ekartzen zizkiguten askotan eta hasieran batez ere zoologiko batean zeuden animaliak bezala ginen. Familia osoak etortzen ziren domeketan gu ikustera autobusetara eta barregarria zen batez ere umeek nola erantzuten zuten. Ez zeuden emakumek horrelako egoeretan ikustera ohituta.

Emakume izateagatik diskriminaziorik bizi izan zenuen? Nire kasuan ez, benetan. Beti entzuten dituzu komentario batzuk baina momentu politak hainbeste ziren, besteak aldera batera utzi eta oso zoriontsu nintzela.

Anekdota bereziren bat gogoratzen duzu? Ba gogoratzen dut adibidez gizon bat nire lanaldi osoa eman zuela nirekin autobusean bueltak eta bueltak ematen eta opari bat ekarri

Maite Villamor García 1949, Bilbo Bilbon egin zituen ikasketak eta han bertan hasi zen lanean, autobus zerbitzua eskaintzen zuen enpresaren lehiatiletan. 21 urte zituela 'Azulito' autobuseko gidaria izateko aukera eskaini zioten eta azterketak lehenengo saiakeran gainditu ondoren, Espainiar estatuko lehen emakume autobus gidaria bihurtu zen. Zazpi urte eman zituen lan horretan eta ondoren Galdakaon hasi zen lanean, dinamitariekin.

Binke! azaroa 2025 3

4 azaroa 2025 Binke!

ELKARRIZKETA MAITE VILLAMOR

Autobuseko bezeroek opariak egiten zizkiguten eta gu ikustera etortzen ziren

zidala ere. Nirekin maitemindu omen zen eta nik asko barre egin nuen egun horretan, benetan.

Zenbat urte eman zenituen autobusa gidatzen? Zazpi urte inguru eman nituen 'Azulito' autobusarekin Bilbo zeharkatzen nuen lan-eskaintza hobe bat heldu zitzaidan arte.

Autobusarekin asteburu ia guztietan lan egiten nituen eta horretaz nahiko nazkatuta nengoen. Eskaintza Galdakaotik heldu zitzaidan, dinamita fabrikati,k eta elkarrizketa egin eta 15 egunetara han hasi nintzen lan egiten. Galdakaokoak baldintza askoz hobeak ziren baina pena itzelez utzi nion autobusa gidatzeari, benetan gustatzen zitzaidalako. Autobusarekin hainbeste asteburutan lan ez egiteko aukera izan banu, horixe egingo nukeen. Oso argi neukan eta daukat. Esan beharra dago ere, lana urte batzuetara mugatua zegoela, ezkontzen ziren momentuan kaleratzen zituelako emakumeak Bilboko autobusak kudeatzen zituen enpresak.

Galdakaoko dinamitariekin nolakoa zen lana? Ba askoz aspergarriagoa, jajaja! Gehiago kobratzen genuen arriskuagatik eta baldintza onak genituen baina nik aurreko lana gustoko nuen. Urte asko eman nituen han eta oso gustora nengoen gainerako emakumeekin. Baina nostalgia beti egon da hor.

Galdakaon lan egiten hastean etorri zinen hona bizitzera? Hasieran joan-etorriak egiten nituen Bilbotik, han bizi ginelako nire senarra eta biok. Nire alaba Nerea jaio eta hiru urteetara ordea, Galdakaora mugitu ginen eta ordutik oso pozik nago hemen. Hori bai, bilbotarra sentitzen naiz oraindik, jajaja!

Emakume aitzindari moduan, zelan ikusten duzu zuen eskubideen garapena guzti hauetan? Ba asko hobetu dugula uste dut. Gidari emakume asko daudela ikusten dut gaur egun eta egoera gero eta gehiago hobetzen joango dela uste dut. Asko dagoela egiteko? Noski. Oraindik daude zapalduak sentitzen diren gizonak eta pentsamendu horiek gazteei heltzea ekiditu behar dugu. Haiek dira etorkizuna eta atzera pausoak ematen badituzte, emakumeok eskubideak galtzen joango gara, gutxinaka bada ere. Kontuz ibili behar gara eta elkarri lagundu behar diogu. •

Arin-Arin!

Asteko egun gogokoa?

Barikua.

Herriko txoko gustukoa?

Elorritxueta.

Liburua ala tablet-a?

Ezer ez.

Pelikula bat?

Gerren inguruko edozein.

Ez duzu onartzen…

Gezurra eta tabakoa.

Zoriontsu egiten zaitu…

Eguzkiak, argitasunak.

Plater bat?

Barazkiak, orokorrean.

Deskribatzen zaituen berba?

Dinamikoa.

Herrian zer kenduko zenuke?

Zirkulazioa.

Eta zer berria jarri?

Eremu berdeak.

Euskarazko berbarik politena?

Laztana.

Zure ametsetako bidaia?

Mendira.

Berba egin ala entzun?

Biak.

Zure mesanotxean ezin da falta…

Irratia.

Abesti bat?

Hator, hator.

Binke! azaroa 2025 5

Aginke!

Errealitatetik hurbilegi dauden albiste faltsuak

«Itxialdian guk bizkotxo beganoak egiten ditugu, arrautzarik gabe, kanibalismoa ekidituz» MOZOLLOKER k konfinatuta Hegazti gripeagati

Ba al zenekien...

Galdakaon Gabonetako argiterian «Zor ionak» kartela alderantziz jarri dutenak esto ldak oker jartzen dituzten enpresa berekoak direla?

37,5

37´5 graduko suka rra izatea ez da gripea. Esne bero a eztiarekin hartu eta segi lanera ed o ikastera, jeta!

Txiste txarra netan — Hirugarren aldia da aste ho a. Badakizu berandu iristen zarala laner zer esan gura dauan horrek?

— Ba eguaztena dala.

Biok taldearen itzulera bira, herriko aretoetan

Duela aste batzuk iragarri zuen Biok musika taldeak oholtzetara buelta. Txapelenako areto nagusian hasiko dute nazioarteko bira, Basoa tabernan egongo dira eta Urki tabernan eta Jazz Kafe Giroan sarrera guztiak agortu dituztela ere aurreratu dute.

Espekulazioa Zuhatzuko obren ondorioz

N-634ko zubi berria jarri eta Txom in Egileor kalea peatonalizatuta geratu ondoren, bertan salgai dauden bigarren eskuko etxebizitzek izan duten prezio igoerek hainbat alarma piztu dituzte. Hori dela eta, Udalak espekulazioa neurtzeko tresnak martxan jarri ditu.

Usansoloko Udalak aterkiak oparituko ditu

Usansoloko metro geltokia erdiguner a ekartzearen nahia argia den arren, Aldundiak herritarrei kasu egitearen esperantza gutxi dago auzotarrengan. Beraz, gelto kirako bidea negu hotz eta euritsuan babesean egiteko lagu ntza eskainiko du Udalak, aterkiak oparituz erabiltzaileen artea n.

6 azaroa 2025 Binke!

Hilabete honetako sarituak

Urriko saridunak

Angel Kortazar Torrealdai Aurkene Jauregi Torrezabal

Agurtzane Yurrebaso eta Eider Arbide Maite Arandia zinegotziarekin, 'Interview: urez eta hondarrez' obraz gozatzeko oparitutako sarrerak jasotzeko unean.

Kanpora sartzen ikuskizunaz

gozatzeko bina sarrera irabazi dituzte.

Zuk ere Binkekide izan gura dozu?

Eman zure babesa urteko

39 €

ordainduta

Oraindik Binkekide ez bazara, eta neurri honetako lehenengo komunikabide euskalduna babestu eta sustatu gura badozu, hauek dozuz horretarako bideak:

1. Bete beheko formulario hau, eskaneatu edo atera argazki bat eta bidali e-postaz: info@binke.eus

2. Bete formularioa, moztu, eta utzi gutunazal baten, Binke izenarekin Torrezabal Kultur Etxeko atezainaren leihatilan.

3. Eskaneatu zure

IZEN-ABIZENAK:

mugikorraren QR irakurgailuarekin beheko kodea eta bete formularioa!

HELBIDEA:

TELEFONOA:

NORTASUN AGIRIA:

E-POSTA: IBAN

ENTITATEA

BULEGOA

K.Z.

KONTU ZENBAKIA

KONTU KORRONTEA:

Binke! azaroa 2025 7

Elkarregaz proiektua

«Pirinioetan bizitako guztiak emakume eta mendizale moduan ahaldundu gaitu» TESTUA: IRATI ALONSO GARCÍA ARGAZKIAK: ELKARREGAZ

Idoia Allue, Johanna Malhuenda, Bego Gonzalez eta Elixabete Arbe 2021en hasi ziren GR11 zeharkaldia egiten txakurrekin batera, etapaka. Ibilaldiek emandako guztia ezagutzera eman eta emakumeak ahalduntzeko asmoz, Elkarregaz proiektua sortu dute aurten. Horren inguruan hitzaldia eskaini zuten azaroaren 20an Galdakaon, eta haiekin hitz egin genuen hitzorduaren atarian.

G

R11 mendi zeharkaldia hasi zuten Idoia Alluek, Johanna Malhuendak, Bego Gonzalezek eta Elixabete Arbek 2021ean eta ordutik Pirinioak zeharkatzen ibili dira urtero, etapaka. Orain Elkarregaz proiektua sortu dute, bizitako guztia ezagutzera eman eta emakumeak ahalduntzeko asmoz.

GR11 zeharkaldi bat baino gehiago dela esan duzue.

Zer da zehazki? Guretzako oso esperientzia aberasgarria izan da. Amesteko txokoa, hausnartzeko gunea, sormena lantzeko tokia, sentimenduak askatzeko espazio segurua…

Pirineoetan bizitako guztiak emakume eta mendizale moduan ahaldundu gaitu, baita erabaki pertsonal eta profesional garrantzitsuak hartzen lagundu.

Noiz hasi zineten proiektu honekin? 2021ean hasi ginen zeharkaldiaren etapa batzuekaz eta urtero oporrak egokitu doguz proiektuagaz aurrera egiteko. Pasa den urtean Johanna haurdun zegoen eta ezin izan zuen parte hartu. Horregatik aurten, laurak batera, falta zitzaizkigun azkenengo bi etapak —Conangles-Espot— egin doguz.

Txakurrekin nola modaltu zarete? Hasieratik argi geneukan gure proiektuaren parte izan behar zutela.

Ezin ulertu mendira haiek gabe joatea. Hori bai, ardura handia da halako zeharkaldi batean hiru txakur eroatea eta logistika ere pixka bat konplikatzen da. Zeharkatzen

8 azaroa 2025 Binke!

genituen Parke Nazional eta Naturalen araudia eta mapako mugak ere arretaz irakurri behar genituen, hainbat ingurutan ez baita posible haiekaz aske ibiltzea. Baina dudarik gabe, merezi izan du, guk beste disfrutatzen baidute eta guk haiek hain pozik ikusten are gehiago gozatzen dogulako.

Mendian hainbeste denbora elkarrekin igarota, lauron arteko harremana hobetu da? Bai, erabat. Gure arteko harremana asko sendotu da eta Elkarregaz proiektua sortu dogu. Emakumeak mendian eta mendiaren bitartez ahalduntzeko proiektua, hain zuzen ere.

Zer ikasi duzue zeharkaldian zehar? GR11 bezalako zeharkaldi bat autonomian eta txakurrekaz egiteak aurretik egindako planifikazioa eskatzen dau: mapa fisikoak eroan, trackak GPS-an eta sakelekoan sartu, elurra bidean topatuko dogun aztertu eta material egokia eroan, iturriak, supermerkatuak, aterpe gordeak eta libreak ibilbidean kokatu, lo egin genezaken guneak aztertu, ihesbideak ibilbidean zehar kokatu (badaezpada gutako nonor edo txakurren bat lesionatuz gero, nora joan jakiteko)... Motxilan sartzen doguna oso garrantzitsua da baita bizkarrean daramagun pisua ere. Eta urtez-urte hainbat gauza ikasten jun gara, agian garrantzitsuena, beharrezkoa baino ez dana eroaten ikasi izana.

Noiz hasi zen zuen mendizaletasuna? Johanna eta Elixabeteri txikitatik datorkie mendizaletasuna baina Bego eta Idoiari pixkat aurrerago heldu zaie, Begok beste zaletasunak zituelako eta Idoia 24 urte izan arte Venezuelako kostaldean bizi zelako. Euskal Herrira bueltatu zenean berehala mendiartean ibiltzen eta gozatzen hasi zen. Eta gu laurok mendien ezagutu dogu elkar, non bestela?

Zein izan da bidean aurkitu duzuen erronkarik handiena? Seguraski laurak data baten urtero kointziditzea eta GR11ren proiektua taldeko guztiok lehenestea. Ilusioz hasi genuen proiektua, elkarregaz amaitu ahal izatea, hain zuzen ere.

Zer da mendiak eskaintzen dizuen onena?Askatasuna eta lasaitasuna. Mendia terapia dogu. Ezin bizi natura inguruen egon barik. Bizitzarekiko ikuspegia zabaltzen dosku eta arazoei aurre egiteko ildoak errezago aurkitzen laguntzen dosku. • Binke! azaroa 2025 9

Adiskidek 50 urte ARGAZKIAK: PEIO ZAMALLOA / ARGAZKI GUZTIAK: BINKE.EUS

10 azaroa 2025 Binke!

Binke! azaroa 2025 11

Gure berbaz

MANU ETXEBARRIA AYESTA

Garagarra

A

zaro edo zemendia, besteak beste, zereal batzuren ereitzeagaz lotzen dogu. Garai honetan garia ezeze, garagarra edo zebadea be ereiten zan gure soloetan lursail librea egon ezkero.Garagarra aipatzean garagardo edo zerbezea datorkigu gogora, baina gure baserrietan ereitzen zan garagarra ganaduentzat izaten zan, berdean zein helduan jateko. Garagarra uztailean heltzen da eta hortik 'garagarril' izena be, gariarena 'garil' dan legez. Eta, garagardoa zer? Ba garagardoaren historia sano aspaldikoa da. Jatorria Egipto eta Mesopotamian dagoala esaten da orain zazpi mila urterik hona.

Han, garagar hazi fermentatua, edari-elikagai legez sortu zen.

Gero XII. Mendean, Hildegarda de Bingen abadesa benediktina alemaniarrak lupuloa nahastu eutsan garagar maltatuari, batetik sapore mingotsa lortuz eta bestetik kontzerbazioa hobetuz. Urteen porasuz, garagardo kontsumoa ugaritu egin da era askotako elaborazio kimikoak bitarteko. Gaur egun garagardoaz gain, garagar-ogiak be egiten dira, gari, arto, olo eta sekale-ogien antzera, norbere gustuen arabera. «Larra txarra» dino esaerak. Sagardoaren kontsumo larra, txarra, esaeraren arabera. Beraz, adi: «In medio virtus».

12 azaroa 2025 Binke!

Kirolean Euskaraz programako haurrak, 2026ko egutegian

S

ei kirol taldek hartu zuten parte Kirolean Euskaraz programan 202425 ikasturtean eta talde horietako haur eta gazteen argazkiekin osatu da 2026ko egutegia. Olatz Sotok egin ditu argazki guztiak, kirol elkarteetako arduradunen laguntzarekin.

Galdakaoko Udalak Euskararen eguneko ekitaldietan banatuko du 2026. urteko egutegia: abenduaren 3an Urretan egingo diren ekintza bateratuetan eta abenduaren 4ko mintzodromoan. Abenduaren 9tik aurrera udaletxean ale bat eskuratzeko modua izango dute herritarrek, 3500 aleak amaitu arte.

2024-25 ikasturtean Kirolean Euskaraz programan parte hartu zuten kirol elkarteetako haur eta gazteak agertzen dira egutegian, sei elkarte guztira: Kantauri igeriketa-taldea, Adiskide pilota-elkartea, Galdakao futbol-taldea, Galdakaoko txirrindulari-elkartea, Galdakao boleibol-taldea eta Galdakao atletismo-taldea.

Galdakaon kirol elkarte gehiago badira, baina Kirolean euskararen erabilera areagotzeko ahaleginean Galdakaoko Udalarekin elkarlanean ari direnak agertzen dira egutegian. Aurrerantzean Kirolean Euskaraz programan parte hartu nahi duten elkarteak harremanetan jarri daitezke Galdakaoko Udaleko Euskara zerbitzuarekin (944010540 eta hezkuntzaeuskara@galdakao.eus).

Zer lantzen du kirolean euskaraz proiektuak? Beharrezkoa da, euskararen erabileran eragin nahi bada, Galdakaoko haur eta gazteek eskolatik kanpo euskaraz egitea. Asko dago egiteko haur eta gazteen aisialdian bai eta talde guztien dinamiketan euskara normalizatzeko.

Kirolean euskaraz proiektuak hamar irizpidetan jartzen du begia, bi multzotan antolatzen ditu egitekoak.

Batetik, zuzendaritza taldeek landu beharreko atalak lantzen dira: zuzendaritza-bileren hizkuntza-ohiturak, zuzendaritza-bileretako akten hizkuntza-ohiturak, zuzendaritzaren ahozko komunikazioa entrenatzaile eta begiraleei, taldeko komunikazio ofizialen hizkuntza-ohiturak eta taldeko sare sozial ofizialen hizkuntza-erabilera.

Bestetik, entrenatzaileei jarraipena egiten hasiko da poliki-poliki: entrenatzaileen euskarazko komunikazio-gaitasuna, entrenamendusaioetako komunikazio hizkuntza, entrenatzaile eta gurasoen arteko komunikazioa hizkuntza, entrenatzaileek eskainitako formazio-saioak burutu dituzte eta entrenatzaileek hizkuntza-ohiturei buruzko inkestak bete dituzte.

Informazio gehiago: hezkuntza-euskara@galdakao.eus • 944010540

Marimar Hervias Berges Bilbo, 1960 Txikitan hasi nuen harremana argazkigintzarekin, nire osaba baten bitartez.

Hasieran familiako gertakarien, oporren eta abarren ohiko argazkiak ziren, analogikoak eta zuri-beltzean. Urte batzuk geroago, nire mendi taldeko bazkideetako batek argazkigintzara berriro bultzatu zidan. Ilunabarrek, basoko udazkeneko koloreek, eta mendira noanean nire bidean gurutzatzen diren animaliek liluratzen naute. Izarrak, Esne Bidea eta ilargi betea maite ditut. Loreak eta horietatik lortzen ditudan irudiak maite ditut objetibo makro batekin, edo intsektu baten xehetasunak.

Binke! azaroa 2025 13

Galdakao Bolei Taldea

Ilusioz eta erronkaz beteriko aro berria TESTUA: IRATI ALONSO GARCÍA ARGAZKIA: JON GOMEZ GARAI

Galdakao Boleibol Taldeko guraso talde batek klubeko presidentea eta zuzendaritza kargutik kentzeko zentsuramozioa aurkeztu zuen maiatzaren 6an. Egun horretan bertan Zuzendaritza Batzorde berria eratu zuten eta ordutik «ilusioz eta erronka berriekin» lan egiten ari dira. Batzordeko kideekin izan da BINKE, klubaren egungo egoera hobeto ezagutzeko asmoz.

G

aldakao Boleibol Taldeko Zuzendaritza Batzordearen kudeaketa ekonomikoaren «erabateko gardentasun faltarekin» eta «jokalariei transmititzen zaizkien printzipioekin» arduratuta, klubeko guraso talde batek zentsura-mozioa aurkeztu zuen maiatzaren 6an. Guztira 150 lagun inguru batu ziren Gandasegin antolatu zen ezohiko batzarrean eta lehenik eta behin M.A. Galdakao Boleibol Taldeko gurasoak zentsuramozioa aurkeztu zuen guraso taldearen bozeramaile. Horrek hainbat kirol eta finantza alorretako argudioak aurkeztu zituen zentsura-mozioa egiteko.

Zuzendaritza berriaren eraketa. Bozkatu ahal izan zuten 95 pertsonen artean Zuzendaritza Batzordea kargutik kentzeko zentsura-mozioaren alde 68 bazkidek bozkatu zuten, 26 bazkidek kontra eta bakar batek abstentzioaren alde egin zuen. Jarraian, Zuzendaritza Batzorde berrirako hautagaiak bozkatu zituzten eta ordutik talde honek gidatzen du Galdakaon eta Euskal Herria osoan erreferente den kluba.

Oscar Ruiz (presidentea), Igor Villaverde (presidenteordea), Amaia Fernandez (bokala), Nerea Perez (idazkaria), Paula Pomerantz (bokala) dira Zuzendaritza Batzorde berriko kideak eta hauekin izan da BINKE, klubaren egoera ezagutzeko asmoz: «Azpimarratu beharra dugu guk aurpegia eman arren, beste hainbat eta hainbat pertsona daudela zuzendaritza berri honen atzean, aro berri honetan laguntza itzela ematen ari direnak».

Egoera ekonomikoa hobetzeko erronka. Nahiko egoera

14 azaroa 2025 Binke!

Oscar Ruiz, Igor Villaverde, Amaia Fernandez, Nerea Perez eta Paula Pomerantz.

txarrean aurkitu zuten kluba, finantzei dagokionez batez ere, eta zerotik hasi behar izan zirela nabarmendu dute. «Aurreko zuzendaritzak zuen gardentasun faltak egoeraren pistak ematen zizkigun, baina dokumentuak aztertzen hasi ginenean konturatu ginen egoera benetan larria zela», adierazi dute Zuzendaritza Batzorde berriko kideek. «Zorrak zeuden enpresekin, entrenatzaileekin, jokalariekin... », azpimarratu dute.

Aro berri honetako erronkarik handienetakoa beraz, klubaren egoera ekonomikoa hobetzen saiatzea izan da.

«Ez da lan erraza izan, dokumentu asko aztertu behar izan ditugulako banan-banan. Talde berezi bat osatu dugu horretarako eta pertsona horiek oraindik jarraitzen dute dena ondo ikertzen», azaldu du zuzendaritza berriak.

Bitartean, finantziazioa bilatzen jarraitzen dute, «handik eta hemendik»: «Babesle bila gabiltza baina baita kolaboratzaile bila ere, dirua eskaini ezin ezean, produktuak

eskaintzen dituztenak, adibidez zozketak egiteko». «Herriko jende gehiena eta komertzioak hasieratik egon dira laguntzeko prest. Adibidez, Superliga 2 taldeko jokalariei —hemengoak ez direnak— bazkaria eta fisioterapia saioak eskaintzen dizkiete, eta baita gimnasio zerbitzua doan», adierazi dute: «Klubetik deia egiten diegu herritarrei.

Laguntza behar dugu gure egoera hobetzeko eta edozer gauza da lagungarria egiteko honetan».

Emaitzatetik haratago. Arlo ekonomikoaz gain, beste erronka batzuk ere aurkitu ditu guraso talde honek zuzendaritzara heltzean. «Ez zitzaigun gustatzen nola bideratzen ziren gauzak kirol arloan eta horregatik aldaketak egin genituen hasieratik. Gure helburua lehiakortasunaz haratago joatea da, oinarria formazioan jarriz, pertsona eta kirolari moduan», diote gurasoek.

Horretarako, arlo ekonomikoan egin zuten bezala, Binke! azaroa 2025 15

talde txiki eta espezializatuak eratu dituzte kudeaketa eta behar bakoitzerako: Superliga 2 taldearen beharrak, nesken talde nagusiaren beharrak, txikien formazioa, zozketak...

Gainera, adingabekoen babeserako pertsona bat jarri dute.

«Ezinbestekoa da adingabeen eta jokalari guztien ongizatea bermatzea eta horretarako pertsona asko behar dira lanean», azpimarratu du batzorde berriak.

Komunikazioan eta euskararen erabileran ere aurrerapausoak eman dituzte hilabete hauetan zehar, eta hobetzen jarraitzea espero dute, herritarrei eta zale guztiei klubeko taldeen emaitzen eta lanaren berri emateko asmoz.

Bide berdina jarraituz. Guztira 230 jokalarik osatzen dute Galdakao Bolei Taldea eta gizonezkoen nagusiak duela bi urte lortu zuen Superliga 2 ligara igotzea. Lorpen historikoa izan zen eta ordutik kategorian mantentzea da helburua, denboraldi honetan ere. «Horretarako, kanpoko jokalariak ekartzea ezinbestekoa da eta horrek inbertsio handia eskatzen du», azaldu du zuzendaritza berriak, arlo ekonomikoak duen garrantzia gogoraraziz. Emakumezkoen artean aldiz, talde bat dago Liga Vasca 1 deiturikoan eta honen helburua kategoriaz igotzea da, Espainiar estatuan lehiatu ahal izateko: «Zaila da baina saiatuko dira, oso jokalari onak eta lehiakorrak dira».

Erronka beraz, arlo guztietan aurrera egiten jarraitzea da, «nondik gatozen eta egindako lan guztia nabarmenduz, baina aurrera begira»: «Asko eskertzen dugu jasotako laguntza guztia eta espero dugu horrela izaten jarraitzea. Klubeko

KALITATEZKO HEZKUNTZA EUSKALDUNA HH0-DBH4 HH0-HH5 ordutegi malguak

Ezinbestekoa da adingabeen eta jokalari guztien ongizatea bermatzea Gure helburua lehiakortasunaz haratago joatea da , formazioan oinarria jarriz jokalari eta gurasoak deitzen ditugu ahal duten heinean laguntzera, edozer gauza baliagarria izan daitekeelako».

«Zuzendaritza talde hau urte baterako eratu da bakarrik eta ostean hauteskundeak antolatu behar dira. Ez dakigu hauek antolatzean gu edo beste aurpegi batzuk aurkeztuko garen, baina asmoa bide honetatik lan egiten jarraitzea da», diote gurasoek. •

ATE IREKIAK :

ABENDUAK

14 - 10:00

O T Z ZEA ZAGUTZER

GU

A!

Hezkuntzara egokitutako espazio berrituak Ongizate emozionala erdigunean

944560264 idazkaria@eguzkibegi.net www.eguzkibegi.eus

16 azaroa 2025 Binke!

Info gehiago

Bizihabi

Galdakaok belaunaldien arteko topaketak bultzatu ditu, Bizihabi programaren baitan Galdakaon etxebizitza-eredu berriei buruz hausnartzeko helburuz, Kuvu gizarte-erakundeak herritarren topaketen ziklo bat jarri du martxan.

K

uvu gizarte-erakundeak, Galdakaoko Udalaren bultzadarekin, topaketa ziklo bat jarri du abian, udalerrian etxebizitza-eredu berriei buruz hausnartzeko eta belaunaldien arteko bizikidetza sustatzeko.

Topaketa horiek Bizihabi programari buruzko informazioa eskainiko dute. Bizihabi Eusko Jaurlaritzaren Ongizate, Gazteria eta Erronka Demografiko Sailaren ekimen bat da, 65 urtetik gorako pertsonen eta 35 urtetik beherako gazteen artean ostatu partekatua sustatzen duena, komunitate-loturarik ezari erantzun berritzaile gisa.

Azaroaren 27an, 17:00etan, belaunaldien arteko doako txokolatada eskainiko dute Tximelarre Adinekoen Zentroan, estereotipoak apurtzeko eta dinamika parte-hartzailearekin elkar ezagutzeko. Abenduaren 2an aldiz, 17:00etan, bazkaria eta belaunaldien arteko elkarrizketa antolatuko dituzte Tximelarreko Adinekoen Zentroan.

«Etxea partekatzea ez da soilik aurrezteko edo diru-sarrera gehigarriak irabazteko modu bat; giza lotura berreskuratzeko,

komunitatea ehuntzeko eta bakarrik bizi direnen ongizatea hobetzeko modu bat da», adierazi dute Kuvutik, Bizihabi programa koordinatzen duen erakundetik.

Bizihabi proiektuak dagoeneko erakutsi du eragin sozial handia duela Euskadin, 50 bizikidetza-unitate baino gehiago sortu baitira, eta horiek 13.620 gau eman dituzte elkarrekin, eta parte-hartzaileen ongizate emozionala nabarmen hobetu da.

Galdakaoko Udalak bat egin du etxebizitza-eredu gizatiarragoekin, iraunkorragoekin eta solidarioagoekin konprometitutako udalerriekin, belaunaldien arteko elkarrizketa irekiz eta etxea ulertzeko modu berri bat sustatuz.

Topaketetan parte hartzeko edo informazio gehiago ezagutzeko haize@kuvu.eu helbidera idatzi daiteke.

HERRITARREN TOPAKETAK GALDAKON Etxebizitza-eredu alternatiboez eta belaunaldien arteko bizikidetzak sustatzeaz arituko gara Azaroak 27

Belaunaldien arteko erlazionak, aurreiritziak apurtzen Txokolatadea eta belaunaldien arteko dinamika 17.00tatik a 19.00tara Tximelarreko Adinekoen Zentroan Astiro astiroko belaunaldien arteko elkarbizitza

Abenduak 2 Sutegiak partekatzea belaunaldi-dinamika batean.

17.00tatik a 19.00tara Tximelarreko Adinekoen Zentroan

Binke! azaroa 2025 17

Gu, beste espezie bat baino ez gara ESTIBALIZ APELLANIZ INGUNZA

B

izi garen planetan, batzuek garrantzi gehiegi ematen diote giza espezieari, kontutan hartu gabe gure planetan bizi garen guztien artean beste espezie bat besterik ez garela.

Lur planeta, orain 4.500-4.600 milioi urte inguru egituratu zen. Lehen izaki biziduna duela 3.500 milioi urte sortu ei zen: prokariotoak deritzena, hau da nukleo bereizturiz gabeko zelula bakarrez osatutakoak. Hasieran Lurrean ez zegoen oxigeno askerik, 2.400 milioi urtera arte eta ozeanoetan, badirudi, mikroorganismo prokariotoak baino ez zeudela.

Lehen makrofosilak, orain 635 milioi urteko harrietan ageri dira. Lehen ornodunak, duela 520 milioi urte garatu ziren. Eta gure espeziea, Homo sapiensa, oraintsu agertu da, 200-300 mila urte inguru.

Gizakirik gabeko 3.500 milioi urte luze horietan, izaki bizidun asko izan dira, gehienak ezezagunak, baina bi milioi inguru ezagunak. Gainera, tropikoetan, ozeanoetan

18 azaroa 2025 Binke!

Lurretik eta eskualde polarretan espezie asko oraindik aurkitu gabe daudela kontuan hartuta eta ezagutzen ez ditugun mikroosganismoak hainbeste direla jakinik, espezialisten esanetan, ehunka milioi espezie omen daude gaur egun.

Baina ugaritasun hori izugarri handitzen da desagertutako espezieak metatzen baditugu. Zenbat espezie galdu ote dira bidean ingurumen-aldaketetara egokitu ezinda edota norgehiagoketan itota. Inoiz, espezie baten garapena ere agortu egin liteke eta betirako galdu.

Eta ez dira gutxi, meteoritoen danbatekoen erasopean edota sumendien leherketetan galdu direnak.

Gizakiok ingurumen-baldintzak aldatzeko ere gai gara, eta gero eta azkarrago gainera. Galbide honetan, geure buruari harrika, eta inguru galgarrira egokitu ezinda, gizakiok ezin bestean desagertuko gara lurbira honetan. Gure espeziea beste batzuek ordezkatuko dute, baina Lur planetak betiraunean jarraituko du beste baldintza batzuetan.

III. Duatloi Inklusiboa ARGAZKIAK: GONTZAL GARATE ETA JABIZI / ARGAZKI GUZTIAK: BINKE.EUS

Binke! azaroa 2025 19

Elkarlana

Galdakao Zeugaz, zaintza komunitarioa lantzeko proiektu aintzindaria TESTUA: IRATI ALONSO GARCIA ARGAZKIA: GALDAKAOKO UDALA

Zaintzaren eredua eraldatzeko helburuz, Galdakao Zeugaz proiektua aurkeztu du Galdakaoko Udalak. Agirre Lehendakaria Centerrarekin elkarlanean sortutako egitasmoa da eta ekintza komunitarioak jarriko dituzten martxan horren baitan.

G

aldakaoko Udalak Galdakao Zeugaz aurkeztu du, herriko Foro Soziosanitariotik eratorritako eta lanketa komunitarioa oinarri daukan proiektu aitzindaria. Ekimenak zaintzaren eredua eraldatzea eta ongizatearen eredu ezberdin bat sustatzea du helburu, herritarren parte hartzea, eragileen arteko lankidetza eta zaintza ardatz gisa balioan jarriz. Udalaren esanetan, «herri desberdin, elkarlotu eta arduratsu baten aldeko apustua egiten duen ekimena da».

Proiektuaren lidergoa Udalak eta Agirre Lehendakaria Centerrek hartu dute elkarlanean. Azken hilabeteetan zehar, entzuteko prozesu aktiboa, lan kolektiboa eta ezagutza partekatua eraikitzeko lana egin dute herriko hainbat agenterekin batera. Horrela, talde motorrak herriko eragileak mapatu ahal izan ditu, beharrak eta aukerak detektatu, eta aldaketa baldintzatzen duten alorrak ikusgai jarri. Prozesu honetan zenbati erronka identifikatu dituzte, besteak beste, nahi gabeko bakardadea, baliabideen arteko deskonexioa, espazio partekatuen falta eta lotura komunitarioak indartzeko beharra. Halaber, komunikazio irisgarria, generazioarteko sareak sortzea eta pertsonak eta baliabideak konektatzen dituzten profilen sustapena lehentasuneko ekintza gisa identifikatu dira.

Elkarlana. Proiektuaren aurkezpenean Edurne Espilla Galdakaoko jarduneko alkatea, Gorka Espiau Agirre Lehendakaria Centerreko zuzendaria, Amets Iturbe Galdakaoko Gizarte Ekintzako eta Berdintasunerako zinegotzia, Leyre Olabarrieta Osakidetzako medikua eta

20 azaroa 2025 Binke!

Naroa Azurmendi Udaleko Adineko Dinamizazio Zerbitzuko izan ziren. Guztiek «zaintza erdigunean jartzeak eta eredu komunitario inklusiboago batera bideratzeak duen garrantzia» azpimarratu zuten.

Haiekin batera, proiektuan parte hartzen ari diren elkarteen ordezkariak eta norbanaka ari diren pertsonak ere egon ziren: etxez etxeko laguntza zerbitzuko langileak, Adinekoen Dinamizazio Zerbitzua, Erabide Emakume Elkartea, Kabia, herriko hainbat farmazia, Udaleko hainbat arlo, AMPAk, pertsona nagusien elkarteak, EISE Zerbitzu Psikosoziala, Osakidetza, Cáritas eta hainbat norbanako, Kepa Lizarraga, adibidez.

Herri aktiboa. Espillak aitortu zuenez, «Galdakaoko hainbat kolektibok egindako urteetako lana ekarpen handia izango da». Bere hitzetan, «taldearen balio handiena da eragile bakoitzak bere ikuspegia eskainiko duela helburu komun bat lortzeko: Galdakaon denok eroso, osasuntsu, oparo eta ondo bizitzea». Iturbek aldiz, «Galdakao herri aktiboa, dinamikoa eta eragile sozialez jositakoa» dela nabarmendu zuen, «historikoki garrantzi handia izan duena eta zaintzaren balioak transmititu dizkiguna». «Udal gobernu honek ezin du ulertu politika publikorik zaintza erdigunean ez daukana;

elkar zaintzen duen herria izaten jarraitu nahi dugu», adierazi zuen.

Ekintza komunitarioak. ALCko zuzendariak azpimarratu zuenez, «ez da erraza halako lan dinamikak gauzatzea; proiektu komunitario bat abiatzea oso erraza da, baina zailtasun asko sortzen dira praktikan jartzerako orduan». Kasu honetan, «Galdakaon aurretiko egitura indartsua zegoen, beraz, zoragarria izaten ari da lana aurrera eramatea. Balio handiko gauzak egiten ari dira», esan zuen Espiauk.

Azkenik, Azurmendik eta Olabarrietak Galdakao Zeugazen barne egiten ari diren ekintzetako batzuk azaldu zituzten. Lehenak proiektuaren erronka nagusietako bi azpimarratu zituen: «Galdakaon dagoeneko martxan zeuden eragile eta proiektu guztiak koordinatzea, askotan modu isolatuan lan egiten baitzuten, eta informazioa herritarrei helaraztea». Olabarrietak, bere aldetik, «plataforma hau baliabide askoren iturri» izango dela uste du, «arazo, beldur eta sentimendu askori erantzuna emango diena».

Bukatzeko, martxan jarri diren bi jardueratan jarri zuen fokua: «Death Café saioak, arrakasta handia izan dutenak, eta ‘La silla vacía’ hitzaldia», abenduaren 9an izango dena Gandasegiko eskolan, 18:30etan. • Binke! azaroa 2025 21

UGAITZ AGUILAR

Euskal triatloi zirkuituko sariak, Galdakaon

BIOK TALDEA

URRETA TAEKWONDO TALDEA

Galdakaon antolatu da aurten Euskal triatloi zirkuituko 2025eko sari banaketa. Torrezabal Kultur Etxean izan zan azaroaren 12an eta bertan izan zan Richard Gomez Euskadiko Triatloi Federazioko presidente galdakoztarra, besteak beste.

Webgunean batu doguz denboraldi honetako duatloi eta triatloi zirkuituetako irabazleak. Zerrenda ezagutu BINKE.EUS-en.

Taekwondo taldearen dominak

Biok musika taldea bueltan da

Azaroaren 15ean Avileseko Irekia lehiatu zan eta bertan Urreta Taekwondo Taldeko Poomsae kirolariek zortzi domina lortu ebezan. Informazio gehiago: BINKE.EUS.

Hamar urte pasatxoko isilunearen ostean, oholtzetako ikuskizunetara itzuliko da Biok musika talde usansolotarra.

Hala iragarri eban taldeak berak bere sare sozialen bidez.

22 azaroa 2025 Binke!

Eskerrak Valentziatik GBGEri

ROCKEIN

Valentziako Paiportako Udalak publikoki eskertu eban GBGE, DANAren ostean herrian sei hilabetez eskainitako laguntzagatik. Elkarte galdakoztarrak Paiportan bertan jaso eban aintzatespen oroigarri bat, Udalaren ordezkarien eskutik.

CECOBI

Ane Gurtubai galdakoztarrak Euskadiko Triatloi Zirkuituko bigarren postua lortu dau, maila absolutuan. Galdakaon jaso eban saria, federazioaren ekitaldian.

GBGE BINKE

UGAITZ AGUILAR

Gurtubai, Euskadiko txapeldunorde

Ene Gertu komertzioa, saritua

Silkat, eskualdeko talderik onena

Nagore de la Torre usansolotarraren Ene Gertu komertzioak Bizkaiko Merkataritzaren Saria jaso eban, ‘Made In Bizkaia’ kategorian. Informazio gehiago: BINKE.EUS.

Rockein musika lehiaketaren sariak banatu ziran azaroaren 1ean Basaurin eta Silkat hirukoteak jaso eban Hego Uribeko artistarik onenari saria.

Binke! azaroa 2025 23

Enrike Fuentes eta Dani Uzkiaga

«Gidatzen 10 ordu eman ostean kanpaldiak antolatzea izan zen gogorrena» TESTUA: IRATI ALONSO GARCÍA ARGAZKIAK: ENRIKE FUENTESEK BIDALITAKOAK

Enrike Fuentes eta Dani Uzkiaga galdakoztarrek bederatzi egun eman zituzten Marokon eta Chatarras Raid Solidarioan parte hartu zuten.

Bidaiaren bueltan haiekin hitz egin dugu, abenturaren inguruan gehiago ezagutzeko asmoz.

P

ote batzuk hartzen sortu zen ideia errealitate bihurtu zuten Enrike Fuentes eta Dani Uzkiaga galdakoztarrek.

Lagunek bederatzi egun eman zituzten Marokon eta kotxe zahar batekin Chatarras Raid Solidarioan parte hartu zuten. Galdakoztarrentzat lasterketaren gauzarik politena horren alderdi solidarioa izan zen.

Zertan datza Marokoko Chatarras Raid Solidarioa?

Bederatzi egun eman ditugu Marokon, azaroaren 1etik 9ra, Raid Solidario batean parte hartzen. Lehenik, partehartzaile bakoitzak 10 kilo janari utzi genituen Conilgo elikagaien bankuan, eta Marokon ikastetxe bat bisitatu genuen, eskola-materiala, arropa eta bizikletak eramateko.

Ostean, sei etapaz osatutako lasterketa egin genuen.

Tangerreko portuan hasten zen eta Marrakexen amaitu.

Zein izan da erronkaren alderik gogorrena? Lasterketako gauzarik gogorrena helmugak izan ziren, harea eta harrizko bideen artean 9 eta 10 orduz gidatu ostean, kanpamentura iritsi eta kanpaldia antolatu behar izatea.

Eta politena? Guretzat gauzarik politena eta hunkigarriena haurrekin izan genuen harremana izan zen. Eskolara joan ginenean haien zoriontasun aurpegiak ikustea. Era berean, oso polita iruditu zitzaigun parte-hartzaileetako batek gurpil-aulki elektriko bat eramatea lortu zuela beharra zuen haur batentzat.

24 azaroa 2025 Binke!

Lasterketa honen irabazlea ez da azkarrena, ezta? Ez. Orientazioa eta nabigazioa ziren erabakigarriak. Road book-a erabiltzen eta mapan waypoint-a bilatzen ikasi behar izan genuen. Eta heltzerako kilometro gutxien zituena zen irabazten zuena. Horrez gain, kotxe zaharrenarentzako sariak ere baziren, haretik irteten laguntzen zuen autoarentzat, autoaren diseinu onenarentzat...

Nola sortu zen abentura honetan parte hartzeko ideia?

Pote batzuk edaten. Danik esan zidan aitak oparitutako autoa saldu egingo zuela, eta nik esan nion Instagramen ikusi nuela auto zaharren lasterketa egiten zela Marokon.

Ideia ona iruditu zitzaigun eta animatu ginen.

Kotxe zahar batekin egin zenuten lasterketa.

Esanahai berezirik du kotxe honek?

Lasterketaren berezitasuna 20 urte baino gehiagoko autoarekin joan behar izatea zen, hortik dator Chatarras Raid izena.

Antzeko lasterketa batean parte hartzen duzuen lehen aldia izan da? Gure lehen aldia zen, inoiz ez dugu parte hartu kotxeekin lotutako ekitaldi batean.

Hurrengo hilabeteetan antzeko abentura berrietan parte hartzea aurreikusi duzue? Oraingoz ez dugu asmorik, baina bi urte barru esperientzia errepikatzea gustatuko litzaiguke. • Binke! martxoa 2025 25

Binke.eus Paperetik harago, hauek dira Binkeren webgunean irakurrienak!

Galdakaoko PSE-EEk ez du Udal Gobernuarekin 2026ko udal aurrekontua negoziatuko, «2025erako hitz emandakoa betetzen ez den bitartean».

Elexalde institututik lau kilometro baino gutxiagora bizi diren Usansoloko zortzi ikasle eskolaautobus zerbitzurik gabe geratu direla salatu dute.

Azken urtean delitu penalak %14,82 igo dira Galdakaon eta igoera handiena izan duen Bizkaiko bigarren udalerria da.

Fernando Izagirrek DYAko kontu korronteetara sarbiderik ez zuela deklaratu zuen bere kontrako epaiketaren bigarren saioan.

Bengoetxeko lur eremu batean etxebizitzak egiteko pausoak ematen hastea onartu zuen Galdakaoko udalbatzak.

Memoriaren Egunaren harira Galdakaoko EAJ, PSE eta Auzoak taldeetako kideek terrorismoaren biktimak omendu zituzten.

Galdakaoko Udala argindarrik gabe geratu zen azaroaren 6an, udaletxeari hornidura ematen dion transformazio zentroan gertatutako matxura baten ondorioz.

Hasi dira dagoeneko Zuhatzu eta N-634 errepidea lotuko dituen zubi berriaren instalazio lanak.

Azpiegitura 2026ko urtearen hasiera aldera egongo da zabalik.

Ane Manso eta Ane Sainz galdakoztarrak Euskadi-Nafarroako Saskibaloi lehiaketako txapeldun izan ziren, Bizkaiko selekzioarekin.

Galdakaon lau urtez bere lehengusu adingabeari sexu abusuak egiteagatik gizon bat espetxeratu zuten.

Gure herrietako

aktualitatea:

Binke TV Hauek dira argitaratutako azken bideoak Binkeren sareetan!

26 azaroa 2025 Binke!

BINKE Proiektu honetarako lanean:

Babesle ofizialak:

Argitaratzailea: Aitu elkartea.

Zuzendaria: Jon Gomez Garai.

Erredaktorea: Irati Alonso García.

Irudia eta sareak: Naiara Perez de Villarreal.

Argazkilariak: Ander Elordui eta Peio Zamalloa.

Batzorde Orokorra: Gaizka Uriarte, Ixone Muñiz, Leire Zamalloa, Ainara G. Goitiandia, Beñat Armentia eta Iñigo Larrea.

Ekarpen taldea: Joseba Uranga, Igor Amarika, Jaime Zubero, Asier Balentzia, Leire Eskabel, Ainhoa Uriarte, Aitor Zelaia eta Unai Atutxa.

Ilustratzailea: Karmele Gorroño, Irrimarra.

Inprenta: Comeco Gráfico, Zamudio.

Banaketa: Joal Express eta Correos.

Hilero banatutako ale kopurua: 14.000.

Lege Gordailua: BI-41-2016 ISSN: 2444-9385

Proiektu hau posible egiten dute: Ohiko kolaboratzaileak: Manu Etxebarria, Aitzol Altuna, Estibaliz Apellaniz, Joanes Urkixo, Yayone Altuna, Irati Bediaga, Julen Gabiria, Gotzon Barandiaran, Nerea Urgoiti, Josi Basterretxea, Xabier Valencia, Nagore Ferreira Zamalloa, Edu Olea eta Bego Martinez.

Elkarte laguntzaileak: Ganguren Mendi Taldea, Burtotza Mendi Taldea, Andra Mari Dantza Taldea, Galdakao Gogora, Etxerat, Usansolon Euskaraz, Euskaraldia, Click&Click elkartea, Leidu taldea eta Bagabiz euskara elkartea.

Argazkilari kolaboratzaileak: Jabi Rojo, Gotzon Almaraz eta Julio Legarretaetxebarria.

Webguneko laguntza: Aitor Espinosa eta Naiara Perez de Villarreal.

BINKEk ez du bere gain hartzen aldizkarian adierazitako iritzi edota esanen erantzukizunik.

Harremana: 680 74 32 11 info@binke.eus

Jarraitu BINKEren edukiak zure gustuko sarean!

Binke! azaroa 2025 27

Usansoloko jaiak

Musika

Azaroak 28, barikua

Azaroak 22, zapatua

17:00 Umeentzako tailerrak, ludotekan 17:00 3×3 Saskibaloi txapelketa, Unkina kiroldegian 18:00 Gauargi taldea, Unkina plazan 19:15 Txorizoak, Unkina plazan 20:00 Pregoia, Unkina plazan 20:15 Mozorro gaua, Photocall-a frontoi txikian 20:30 Soka batukada, herritik zehar 20:45 Poteolinpiadak, BMko plazatik 22:30 Kontzertuak, Unkina plazan: Mambo Express, Zeinke eta Txapela Brava

Galdakaoko Da Capo Musika Banda eta Goizargi Gospel Choir

Azaroak 29, zapatua 09:30 Diana Bizkaiko gaiteruekin, herrian zehar 10:00 Indaba eta tortilla txepelketen hasiera, Unkina plazan 11:00 Ene Gerturen artisau azoka, Izar plazan 12:00 Gaiteroen kalejira erraldoiekin, herritik zehar 14:00 Indaba eta tortilla txapelketan sari banaketa 15:00 Bazkari herrikoia, Unkina plazan 16:00 Bazkaloste musikatua 17:15 Umeentzako ‘Txulalai’ ikuskizuna Unkina plazan 19:00 Aunitz Urtez musika taldea, Izar plazan 22:45 Kontzertuak Unkina plazan: Jona Exposito, Los Zopilotes Txirriaos, Kene.MP3

Gospel Band!

Torrezabal Kultur Etxean Ordua: 19:00 Sarrera: 3,75-5€.

Abenduak 5, barikua

Galdakaoko Da Capo Musika Banda

Hamar urte ilusioz bete Torrezabal Kultur Etxean Ordua: 13:00 Sarrera: 3,75-5€.

Azaroak 30, domeka 09:30 Diana Bizkaiko gaiteruekin, herrian zehar 10:30 Artisau azoka, Unkina plazan 11:00 Arku tiroa, frontoi txikian 11:30 Emakumezkoen lehen mailako pala partidak, Meatzetako frontoian 12:30 Oinari Dantza Taldearen emanaldia, Unkina kiroldegian 13:30 Pasabares gaiteroekin 17:30 Zirku tailerra, Unkina plazan

Antzerkia Azaroak 27, eguena Entrecajas Producciones

Hasta el final de la fiesta Torrezabal Kultur Etxean Ordua: 19:00 Sarrera: 7,5-10€.

Abenduak 5, barikua Txalo

Kanpora sartzen Torrezabal Kultur Etxean Ordua: 20:00 Sarrera: 6-8€.

28 azaroa 2025 Binke!

Adinekoentzat Azaroaren 18tik aurrera Deustuko Unibertsitateak eskainitako ikastaroak 18:00 Deustuko Unibertsitatean.

Euskarazko saioak martitzenetan, erderazkoak eguaztenetan.

Azaroak 27, eguena Elorrio-Ermua mendi-ibilbidea Izen-ematea beharrezkoa da

Erakusketa

Mendia

Azaroaren 23ra arte

Azaroak 23, domeka

Bizkaiko Musikari Tradizionalak

Pagomakurre-Atxulaur-Arraba

17:30-20:30 Torrezabal Kultur Etxean

08:00 Pagomakurreko aparkalekutik

Azaroak 29, zapatua Pou anaien hitzaldia 19:00 Torrezabal Kultur Etxean

Be Jardunaldiak Abenduak 4, eguena

Azaroak 26 eta 27 Galdakaoko BerdintasunerakoJardunaldiak

19:00 Torrezabal Kultur Etxean

RPS 07/21 Joana Miguel D.O.O y Audioprotesista

Torrezabal Kultur Etxean

Gangurenen 80. urteurrenaren ekitaldi nagusia

Ikusmena eta entzumena Bizitza gehiago ematen diegu zure zentzumenei Juan Bautista Uriarte, 19. GALDAKAO Telefonoa: 94 456 59 54 WhatsApp: 688 856 690 Hauetan ere bagaude!

ikusmen eta entzumen zentroa

Binke! azaroa 2025 29

30 azaroa 2025 Binke!

Binke! azaroa 2025 31