BINKE 103 apirila 2025

103. zenbakia • 2025eko apirila

MAITANE SALVADOR ' MAHESSATAY' BITARTEKARIA

«Espiritualitatea nork bere ariman sinistea da»

MAITANE SALVADOR BITARTEKARIA

«Idatzita dago zein modutan utziko dugun gure gorputza» TESTUA: IRATI ALONSO GARCÍA ARGAZKIAK: JON GOMEZ GARAI

I

rakasle izateko ikasi zuen Maitane Salvadorrek eta lan horretan ibili da denbora luzez.

Galdakaon ordea, ezaguna da iaz agur esan zuen Kantu Kolore taldearen kide izateagatik.

Beste taldetan ere izan da abeslari baina gaur egun bitartekari bezala aurkezten du bere burua. Maldivasera egindako bidaia batean bere aiton-amonak ikusi eta sentitu zituen eta bere esperientziatik abiatuz, sanazio-kanalizazio lanak egiten ditu gaur egun. Berarekin hitz egin dugu bere gaitasunez eta sanazio prozesuek eragiten dutenaz.

Noiz izan zenuen zure lehen esperientzia mundu honetatik haratago? Maldivasera joateko erretiro bat agertu zitzaidan Instagramen duela lau bat urte. Eta Maldivak ia non ziren mapan oroitu gabe baiezko potoloa eman nuen, jajaja. Han izan behar nuen.

Zer sentitu zenuen zehazki? Bertan yoga eta meditazioa lehen aldiz bizitzan egiten ari nintzela eta begiak itxita nituela nire aiton-amonak ikusi eta sentitu nituen. Haien energiak ziren. Maitasun handiko besarkada erraldoia eman zidaten nik malko erraldoia isurtzen nuen bitartean.

Begiak zabaldu eta nire ondoan zeudenei nire esperientzia kontatu nien guztiz txundituta… Orduan, nire harridurarako, haiek normaltasunez mintzatu zitzaizkidaten, batek koinata mediuma zuelako. Haiei esker, hein handi batean, nire esperientzia guztia balidatu nuen eta gaur egun hemen naizena naiz. Bueltatu nintzenean medium batengana joan beharra nuela sentitu nuen nire bizipena ulertzeko. Hark nire aitonaren mezua helarazi zidan: ez izan beldurrik, ez erresistitu, garaia iritsi da hau atenditzeko eta honetara irekitzeko. Zein naizen gogoratuz, nire maitasuna eta

2 apirila 2025 Binke!

argiarekin inguruan eragiteko. Egiten dudan guztian txertatuz, eta egingo dudan horretan integratuz. Hemen gaude, laguntzeko eta bidean akonpainatzeko. Eta halaxe egin nuen. Nik ezer(zer) ikasi behar nuen galdetu nion mediumari eta hark, gogoratu besterik ez nuela egin behar goraipatu zidan, joango nintzela gauzak ulertzen eta integratzen. Eta hau balidatuz eta on egiten zidala ziurtatu nuenean hau atenditzen eta hau integratzen hasi nintzen.

Gaur egun etengabe ikasten jarraitzen dut, errealitatea zein den ulertzen. Gure arimaren ibilbideen joan- etorriak ulertzen, errenkarnazio hasierak... Hasieran nire egunak scape room horietakoak balira bezala ziren, hainbat seinale interpretatzen, integratzen, komunikazioa ikasten... ez nituelako gaur egungo gaitasunak hain landuta! Denbora dedikatzen diot honi.

Nola hartu zenuen zure gaitasun hau besteei laguntzeko erabiltzeko erabakia? Ez dut zehazki data konkreturik oroitzen baina gaitasun hauek besteei laguntzeko balio zutela sentitu nuenean jo eta ke hastea erabaki nuen, baina ez noski nire arimari zegokiona lehenik atenditu gabe. Hala egin nuen hortaz. Lehen bi urteak nire zauriak identifikatu, atenditu eta sendatzen eman nituen, besteekiko zenbitzu praktikaldi xumea egiten nuen bitartean.

Abantaila edo karga bat da zuretzat gaitasun hauek izatea? Beste batek duen duen gaitasun-balio bezala ulertzen dudanez, bedeinkazio gisa jasotzen dut, ikuspegi horretatik jasotzen baitut. Denok dugu ondoan duguna laguntzeko doaitza, erabakia norberak hartzen du. Egun ona izan esaldiak esaterako triste dagoen bati alaitu lekioke eguna. Nireari dagokionez, oholtza baten gainean kantatzen ibili naizenean Kantu Koloreko abeslari gisa, kantatzean

Maitane Salvador Barbero 1982, Bilbo Oinarrizko ikasketak Bilbon egin zituen eta ondoren magisteritza ikasi zuen. Irakaskuntzan ibili zen ondoren eta baita musika taldeetan ere. Orain ordea bitartekaria da eta sanazioan lan egiten du. «Arima librea» izatea lortu du eta hainbat sinismen eta patroi mugatzaile, identifikatu eta apurtzea eskuratu du ere.

transmititu dudan horrek eta gaur egun egiten dudanak balio bera duela pentsatzen dut. Arestian hainbat familia eta haurren irribarrean eragiten nuen, gaur egun haien irribarrean eragiten dut haien istorioa ulertzen laguntzen dudalako. Helburua berbera da hortaz: ongizatea, maitasuna, laguntza. Sanazioa azken finean.

Zer eskaintzen diezu zehazki zure saioetara doazenei?

Etengabe garatzen ari naizen doaitzen bidez ikus, entzun eta sentitu ahal dudan guztia eskeintzen diet. Medium guztiak ez garelako berberak. Bide ezberdinak ditugu. Badira tarotistak, badira kanalizatzaileak. Arimaren konstzientzia mailaren arabera arautua da. Ni mediuma naiz, bitartekaria.

Zubi lana egiten dut bi plano multidimentsionalen artean.

Nire esparrua sanazioa, ahots eta energiaren bitartez doa.

Nigana datozenei momentu horretan entzun behar duten informazio garrantzitsuena helarazten diet aurrera egin ahal izateko, baita min eta gaitz batzuen sanazioa ere. Ez diet ezer galdetzen, ez dut beharrik, informazio zuzena heltzen zaidalako. Haien arimaren ibilbidearen datu basera edo erregistro akashikora joaten naiz eta bertatik informazioa jeitsi egiten dut. Bestalde haien bidailagunak agertzen dira, gida espiritualak, informazioa ematen didatenak ere. Denok jaiotzean ondoan ditugun laguntzaile ikusezinak dira, 24 orduz gurekin daudenak. Ez ditugu ezagutzen baina gu laguntzeko daude. Eskatu behar diegu gure ongizaterako behar dugun hori. Beharra balego eskatu beharra dugu, guretzat noski. Ez eman zuen menteari eskumen hori: merezi dut, ez dut merezi, hau gertatuko da… Beldurretik datorren guztia, pentsamendu ezezkorrak adibidez, identifikatzera Binke! apirila 2025 3

animatzen zaituztet, ez delako barruan benetan pentsatzen duena. Sinismen bat izan daiteke, heziketa patroi mugatzaile bat. Guk erabaki behar dugu gure menteak gugatik erabaki ez dezan.

Zein da hortaz transmititu nahi duzun mezua? Hau da jendearekin konpartitu nahi dudana: espiritualitatea ez dela erlijio bat, espiritualitatea nork bere ariman sinistea da, beste plano multidimentsionalera ondoenen igarotzeko; meditazioa ez dela ommmm ezta mantrak kantaztea, nola sentitzen garen identifikatzea dela gauza askoren artean nola egin baizik. Nnutrizio on baten garrantzia ere aldarrikatu nahi dut. Nutrizio osasuntsua izan beharra dugu, ez soilik barruko organoek ongi izateko baizik eta gure pentsamenduek bibrazioa altuagoa izan dezaten. Bibrazioa altua baldin badugu pentsamenduak positiboagoak izango dira eta errezagoa izago da bizitza! Bestalde, hau ere zabaldu nahi dut: ez mindu zure arima besteena mintzearen beldur izateagatik. Ez dena ari gertatzen, ez atenditu, ez pentsatu. Hemen eta oraina zara! Zure pentsamenduek zure errealitatea aldatu dezakete! Adi horrekin! Ez dagokizu ondokoaren pentsamendua. Honek aske izaten lagunduko zaitu. Ez zaitez epaitu, ez zaitez errudun sentitu, ikasi bizipen horretatik eta aurrera! Zure errealitatea bizi, ez ondoan duzunarena. Ziurtasuna nahiago duzu askatasunean bizitzea baino? Maitatu zaitez.

Nola prestatzen zara saio baten aurretik? Nutrizio on bat izan beharra dut, baina hidratazioa funtsezkoa da, saioan zehar ur asko galtzen dudalako konektatuta izateagatik. Ura ekartzeko ere gomedatzen diet datozen pertsonei. Ah, eta saioa grabatzeko eskatzen diet ere, ondoren entzun ahal izateko!

Posible da hildakoekin hitz egitea? Ez daude hilik, hortaz bai, noski, ulertzeko zaila bada ere. Gorputza (avatarra) uzten dugu eta trantsizioa egin ostean maitasun inkondizionalera bueltatzen gara. Errealitatea beste planoan dago. Ez dut esaten hau erreala ez denik baina ahaztu egiten dugu hona gatozenean. Errenkarnazioa (bizi esperientzia) sanazio lurraldea dela imaginatu behar dugu, non arimok bizipenen bidez sinkronia, kausalitateen bidez, aukera dugun hauek gauzatu eta sendatzeko. Hona gatozenean kontratu karmiko bat dugu, azterketa bat balitz bezala, non bizipen bat bizi, ikasi eta ikasketa hori integratu dugunean bigarren azterketa hasten gara eta horrelaxe doa gure ibilbidea. Hortaz gertatzen den guztia perfektua da. Eta ez ahaztu gozatzeaz!

Zergatik joaten dira hain goiz batzuk? Denok dugu data bat, epemuga tarte bat. Idatzita dago zein modutan gorputza utziko dugun. Libre albedrioa ere badago. Hortaz demagun gorputza gaizki zaintzea erabakitzen dugula. Tarte hori noski asko murriztu eta aurreratuko litzateke.

Zein punturaino da garrantzitsua joan direnekin harremanak ixtea? Harremanak ez dira ixten gero elkar ikusten dugulako. Itxi behar duguna pendiende utzi dugun energia da, baita hemen ere. Lagun batekin haserrealdia 4 apirila 2025 Binke!

ELKARRIZKETA MAITANE SALVADOR

Eskerrak ematen ditut nire bizitzako etapa bakoitzarengatik

baduzu, familiako batekin… eta egoera hura sendatu gabe utziz gero, energia itxi gabe geratzen da. Nire gomendioa: plano honetan bizipen guztiak ixten joatea. Zenbat eta gehiago hemen itxi, errezagoa izango zaigu buelta etxera gorputza uztean. Ez baldin badugu aukerarik pertsona bat fisikoki ikusteko eta energia hura ixteko egoera imaginatzera animatzen zaituztet: aurrean duzula, zer esango zenioke?

Zer aldatuko zenuke? Askotan gure burua barkatu beharra dugu, gertatu zen hura nolabait permititu genuelako. Eta minduta geratu gaitezke. Halakoetan errepikatu: «Ahal izan nuen ondoenen egiten saiatu nintzen» eta ondoren zer egingo zenukeen pentsatu, esan, idatzi... Erregresio bat bezala eta errealitate eta energia hura itxita geratuko da.

Bestalde, beste planoan daudenak deituz gero, entzungo zaituztete. Hots egin iezaiezue! Mintzatu lasaitasunez eta agurtu nahi beste!

Arin-Arin!

Asteko egun gogokoa?

Barikua.

Herriko txoko gustukoa?

Gure mendiak.

Liburua ala tablet-a?

Bakar bat ere ez.

Pelikula bat?

El ser del 1.

Ispirituek zu bilatzen zaituzte edo zuk bilatzen dituzu? Saio batean agertu behar badira ere agertzen dira. Komunikazioa nola nahi dudan aldez aurrerik arautu egin nuelako. Ni naiz erdian dagoen., bitartekaria. Guzti honetarako prestatu egin ninduten. Agertzen dira edota deitu egiten ditut, hala eskatzen badute. Baina hemen ez daudenak oso ondo daude!

Ez duzu onartzen…

Pertsona ilun batek inguru argi bat iluntzea.

Mediumetan sinesten ez duen jendeari, zer esango zenioke? Ez dagokit niri haiek konbentzitzea. Ez da nire helburua, ezta! Hiru seme alaba dauzkat eta harrigarria da nola erditzea adibidez zein naturaltasunarekin hartzen dugun, bizitza egiteari buruz ari naiz... Nire tripatik, sabeletik, buru bat, begiak, muskuluak, zelula berriak… eta hezurrak atera dira! Ba horixe bera, jajaja.

Deskribatzen zaituen berba?

Irribarrea.

Irakaskuntzan eta abeslari gisa ere ibili zara. Nola gogoratzen dituzu aro hauek? Eskerrak ematen ditut nire bizitzako etapa bakoitzarengatik, baina saiatu egiten naiz hemen eta orainean bizitza egiten. Hor dago koxka. Goizero esnatu eta nor izan nahi dudan aukeratuz. «Zer egingo dut nire egun onena izateko?» galdera goizero egitean.

Euskarazko berbarik politena?

Zu zeu izan.

Bi ogibide hauek lagundu dizute gaur egun duzun gaitasuna garatzera? Noski, irakaskuntza lanetan ibiltzeak zertarako balioko zidan ulertu nuen gerora. Gaur egungo egoera «maestriaz» ulertzeko eta aurrean dudan arima modu egokienean atenditzeko. Oholtza baten gainean jende mordoz inguratuta egon izanak, bakean eta maitasunean jende-aurrean mintzatzeko gaitasuna eskaini dit ere. •

Zoriontsu egiten zaitu…

Askatasuna ikusteak.

Plater bat?

Edozein alkalino.

Herrian zer kenduko zenuke?

Natura suntsitzen duten eraikuntza proiektuak.

Eta zer berria jarri?

Konstzientzia kolektiboa.

Zure ametsetako bidaia?

Esentziara bueltatu.

Berba egin ala entzun?

Biak.

Zure mesanotxean ezin da falta…

Argi kandela.

Abesti bat?

Spirit bird, Xabier Ruddena.

Binke! apirila 2025 5

Aginke!

Errealitatetik hurbilegi dauden albiste faltsuak

u «Arantzelak mugat ondoren, orain en Arantzileko presar ra di ordua da. Bukatu » bertako barbakoak!

DONALD TRUMP en morenoa Mundua erretzen du

Sarean arrantzatua

Ba al zenekien...

Harro gaude euskal nortasunaz, bain a siesta ohitura espainiarra da eta asko gozatzen dugu la?

11

Euskaraldiaren de ia jaso ondoren, Galdakaoko Cent ro Extremeñok komeriak pasa dit u Hamaikako bat osatzeko.

Txiste txarra !

— Behingoz jatetxe bat nudista — Budista.

— Bale, jantziko naz.

Agur euro-kaña, kaixo tardeoa

Magdalenari muffin izena jarri zion marketin enpresak aurpegia aldatu nahi dio ostegune tako Somerako giroari eta horretarako proposatu duen lehe n ideia euro-kaña izena desagertaraztea izan da. Horren orde z tardeo izena jarrita giro gehiago egongo dela uste dute.

Eskola publikoa laguntza eske

Azken hileotan eskola publikoan izaten ari diren greba egun guztien ondorioz, ikasleak oso atze raturik doaz ikasgaiekin eta horregatik, Aste Santuko kiro l udalekuetan matematika edo lengoaia errepasatzeko eska tu dute ikasleen guraso atsekabetuek.

Obrak musikaren erritmoan

Maximo Moreno Musika eskola aurr eko gunean estalkia jartzeko obra hastearekin batera, esko lak berak perkusio irakaslea obrak gainbegiratzen jarri du, zuloak klaseen erritmo berean egin ditzaten. Taladradora lane an jartzen dutenean adibidez, erredobleak ikasten dituz te.

6 apirila 2025 Binke!

Hilabete honetako sarituak

Martxoko saridunak

Larraitz Artetxe Arrien Rosa Rementeria Goiri

Alaitz Uribarri eta Martin Amarika Binkekideak Izaskun Barbarias zinegotziarekin, Udalak Anariren kontzertuaz gozatzeko oparitutako bina sarrerak jasotzeko unean.

Haatik dantza konpainiaren OTS

ikuskizunaz gozatzeko bina sarrera opari!

Zuk ere Binkekide izan gura dozu?

Eman zure babesa urteko

39 €

ordainduta

Oraindik Binkekide ez bazara, eta neurri honetako lehenengo komunikabide euskalduna babestu eta sustatu gura badozu, hauek dozuz horretarako bideak:

1. Bete beheko formulario hau, eskaneatu edo atera argazki bat eta bidali e-postaz: info@binke.eus

2. Bete formularioa, moztu, eta utzi gutunazal baten, Binke izenarekin Torrezabal Kultur Etxeko atezainaren leihatilan.

3. Eskaneatu zure

IZEN-ABIZENAK:

mugikorraren QR irakurgailuarekin beheko kodea eta bete formularioa!

HELBIDEA:

TELEFONOA:

NORTASUN AGIRIA:

E-POSTA: IBAN

ENTITATEA

BULEGOA

K.Z.

KONTU ZENBAKIA

KONTU KORRONTEA:

Binke! apirila 2025 7

Krisia boleibolean

Zentsura-mozioa

aurkeztuko dute Galdakao Boleiboleko presidentea kargutik kentzeko TESTUA: IRATI ALONSO GARCÍA ARGAZKIA: PEIO ZAMALLOA

Galdakao Bolei Taldeko bazkide talde batek zentzuramozioa aurkeztuko du gaur egungo presidentea kargutik kentzeko. Kezkatuta daude klubaren balioak ez direlako «behar bezala sustatzen», eta batez ere kudeaketa ekonomikoaren «gardentasun faltagatik».

G

aldakao Bolei Taldeko bazkide talde bat, jokalarien gurasoez osatua, klubaren egoeraren inguruan duten kezka salatu du. Egungo Zuzendaritza Batzordeak azkenaldian izandako jarraibideekin gurasoak ez datoz bat eta honen aurrean, zentzura-mozioa aurkeztuko dute presidentea kargutik kentzeko.

Erabaki hau hartzera eraman dituzten arrazoi nagusiak bi dira. Batetik, klubaren kudeaketa ekonomikoaren «erabateko gardentasun falta» salatu dute. «Iazko urrian Ohiko Batzar Nagusia egin zen 2023ko aurrekontuak onartzeko eta Zuzendaritza Batzordea berritzeko. Batzar horretan ezin izan zen bozketarik egin, aurrekontuen eta fakturen egiaztagiriak falta zirelako», adierazi dio bazkide taldeak BINKEri primizian.

Saio honetan ordea, zuzendaritza batzordeak beharrezko dokumentazioa aurkeztu ondoren beste batzar bat deitzeko konpromisoa hartu zuen. «Hilabetetan berririk gabe itxaroten egon ostean, bazkideok horretarako ezohiko batzar bat deitu behar izan genuen», azaldu dute.

Batzar berri hori martxoaren 20an egin zen eta horretan ere zuzendaritzak ez zuen eskatutakoa aurkeztu, bazkideen arabera. «Bertaratutakoek planteatutako gaiei buruz ere Zuzendaritza Batzordeak ez zuen erantzunik jaso», salatu dute gurasoek, hurrengoa ondorioztatuz: «Gaur egun klubak 2023ko eta 2024ko kontuak onartu gabe ditu».

Filosofiaren aldaketa. Klubaren filosofia da zentzuramozioa aurkezteko bigarren arrazoia. «Oso modu positiboan baloratzen ditugu azken denboraldietan lortutako kirol 8 apirila 2025 Binke!

lorpenak, batez ere gizonezkoen senior taldea Superliga 2ra igo izana. Hori erreferente bat izan da beheko taldeetako jokalarientzat, eta klubarentzat proiekzio positiboa ekarri du», azaldu dute bazkideek.

«Baina ez dugu ahaztu behar gure jokalarien gehiengo nagusia —benjaminak, alebinak, kadeteak eta jubenilak— euren bizimoduaren une honetan pertsona eta kirolari gisa prestatzen eta hazten ari diren sasoian daudela. Horri oso lotuta garrantzitsutzat jotzen ditugu transmititzen zaizkien printzipioak: errespetua, ahaleginaren ordaina, kiroltasuna, konpromisoa eta batez ere ilusioa», nabarmendu dute.

Guraso taldearen ustez, balio horiek «ez dira behar bezala sustatzen ari egungo Zuzendaritza Batzordetik, eta horrek ondorio larriak ekarri ditu, hala nola, entrenatzaileek, jokalariek eta batzordeko kideek alde egitea; aurkako giroa eta abar.

Horrek era zuzenean eragiten dio klubaren funtzionamendu egokiari eta jarraitutasunari».

Bazkide egiteko deia. Horregatik guztiagatik, egungo Zuzendaritza Batzordearen kontrako zentzura-mozioa proposatu dute eta baita berri bat izendatzea ere, «klubaren beharretan lagunduko duten hainbat lan-talderen laguntza izango duena».

Egiteko hauetarako ezohiko batzarra egingo dute maiatzaren 6an 19:00etan Gandasegin eta herritarrak deitu dituzte parte-hartzera.

Gogorarazi dutenez, Zuzendaritza Batzordea kargutik

Klubak 2023ko eta 2024ko kontuak onartu gabe ditu

Klubaren balioak ez diraUsansolo behar bezala sustatzen ari kendu eta berri bat izendatzeko botoa izateko beharrezkoa da familia bakoitzeko kide batek klubaren webgunean bazkide moduan izena ematea. Adierazi dutenez, ez da beharrezkoa kontu zenbakia jartzea, eta edozein karaktere jarrita bete daiteke hutsune hori.

Guraso talde honek salatutako guzti honen aurrean, gaur egungo presidentearekin hitz egiten saiatu da BINKE. Hainbat saiakeraren ostean ordea, berarekin hitz egin, bai, baina ezinezkoa izan zaio BINKEri bere erantzun bat jasotzea. • Binke! apirila 2025 9

Zazpi Trokak lasterketa ARGAZKIAK: ANDER ELORDUI / ARGAZKI GUZTIAK: BINKE.EUS

10 apirila 2025 Binke!

Binke! apirila 2025 11

Gure berbaz

MANU ETXEBARRIA AYESTA

Taloak

A

rtoaren ereitza azaltzeko esaera honetara joko dogu.

Aiko: «San Jurgi, artoak ereiteko goizegi» (apirilaren 23a); San Marcos, artoak ereinda balegoz (apirilaren 25a), beraz hazeguna apirilaren 24a. Artoa, pertsona zein animalien janaria izan da eta bada. Pertsonontzat arto-urunezko jakiak aipatzean, aikomenzan artoa, artopila, taloa eta morokila. Arto nagusi eta artopilerako ez hainbeste, baina talo eta morokilerako artagauengandiko urunak sikuak eta zeheak izan behar dau zein bihotzerreak jo.

Horregaitik, eta batez be, artaburuak batu barritan, sikatu egin behar dira labigerra bitarteko. Labigerra zera da, erraria egin ondoren artaburuak sartzen dira labeko beroa aprobetxatuz neurrian kizkortu arte. Gero errotara eroan, eho eta urun hori da egokiena talo zein morokiletarako. Taloa be ez da edozein modutara erre behar. Taloburdinan buelta batzuk emon behar jakoz alde bietan azala egin arte oreari astuntasuna kentzeko.

Morokilerako be arto-urun siku eta zehea da onena, gainera ondo irabiatu behar da kazuelan urun-bolak saihesteko. Gaur, morokila eta arto-sopak ez dagoz modan baina taloa bai, edozein ferietan jarri da modan.

Ondo etorria talo jauna!

12 apirila 2025 Binke!

Hiru udalekuetarako izen-ematea

G

aldakaoko hiri udalekuak uztailaren 1etik 24ra izango dira, hiru txandatan, eta aurten izena ematearekin batera egin beharko da ordainketa. 4 eta 11 urte bitarteko haurrentzat 560 plaza eskainiko dira Aperribai, Urreta eta Gandasegi ikastetxeetan.

‘Olinpiada sortzaileak: gorputza, burua eta artea mugimenduan’ izango da lanketa gaia.

Urtero bezala, hiru txanda eskainiko dira: lehenengoa, 1etik 11ra; bigarrena, 14tik 24ra; eta, hirugarrena, 1etik 24ra. Astelehenetik ostiralera izango dira (jaiegunetan ez), 09:30 – 13:30 ordutegian, eta hautazko zerbitzuak eskainiko dira: jantokia, 13:30 eta 14:30 bitarte, eta goizeko eta jantoki osteko harrera zerbitzua (doan, ordubete lehenagoko eta beranduagoko tartearekin, hurrenez hurren).

Izena ematea apirilaren 28tik maiatzaren 9ra bitarte izango da (biak barne), eta Galdakaon erroldatutako haurrek izango dute eskaera egiteko lehentasuna. Berritasun gisa, aurten dagokion kuotaren ordainketa izena ematen den unean bertan egingo da, beraz, izena ematen duten galdakoztar guztien parte hartzea bermatuko da. Izena elektronikoki bakarrik egin ahal izango da, eta bertan egin beharko da ordainketa.

Izapidea online egiten laguntzeko, interesdunak hitzordua eska dezake 944 01 05 40 telefonoan eta bertako langileriak lagunduko dio dagokion eskabidea modu egokian egiten. Hitzorduak astelehenetik ostiralera, goizeko 07:30etik 15:30era izango dira.

Galdakoztarren izen emateak kudeatu, egiaztatu eta onartu ondoren plaza libreak badaude, herrian erroldatuta ez dauden pertsonek hiri udalekuetan parte hartu ahal izango dute. Eskabide horiek inskripzioaren hurrenkera zehatzaren arabera onetsiko dira.

Udalekua haurrei euren bizipenak jaso, bizi eta elkar trukatzeko aukera ematen dien espazio zabal eta segurua da, jolaserako pentsatuta eta diseinatua. Eta hori euskaraz egitea da Udalaren helburu nagusia, haurrengan hizkuntzaren ezagutza sendotzeko eta euskararen erabilera sustatzeko, modu naturalean.

Informazio gehiago: hezkuntza-euskara@galdakao.eus • 944010540

PUBLIERREPORTAJEA

Andra Mari LHII

Lanbide Heziketak etorkizunerako jauzia eman du eta Andra Mari LHII aurrean doa Lanbide Heziketak eraldaketa sakona jasaten ari da eta Galdakaoko Andra Mari LHII honetara egokitzen ari da, metodologia berritzaileekin.

L

anbide Heziketak eraldaketa sakona jasaten ari da, etengabe aldatzen ari den lan-merkatura egokitzeko beharrak bultzatuta. Aurrerapen garrantzitsuenetako bat ikasleak enpresa-ingurunean goiz sartzea da. Hemendik aurrera, LHko ikasleek lehen mailatik hasiko dituzte praktikak enpresetan, eta, horri esker, beren etorkizun profesionalerako beharrezkoak diren gaitasunak garatuko dituzte. Lan-murgiltze goiztiar horrek prestakuntzaren eta enpleguaren arteko trantsizioa errazten du, ikasgelan eskuratutako trebetasunen eta merkatuaren eskaeren arteko aldea murriztuz.

Testuinguru horretan, Andra Mari LHII erreferentzia da eskualdean. Ikastetxe hau hezkuntza-bikaintasunarekin konprometituta dago, eta abangoardia markatzen duten metodologia eta teknologia berriak ezartzen ari da.

LHren eraldaketa ez da mugatzen enpresa-ehunarekin harremanak estutzera. Ikasleak ikaskuntzaren erdigunean jartzen dituzten eredu pedagogiko berritzaileak sartzea ere barne hartzen du. Erronketan oinarritutako ikaskuntza da horren adibide garbia, ikasleei benetako arazoak planteatzen baitizkie, elkarlanean konpondu beharrekoak. Ikuspegi horrek pentsamendu kritikoa, sormena eta talde-lanerako gaitasuna sustatzen ditu. Andra Mari metodologia horiek aktiboki txertatzen ari da beren prestakuntza-programetan, prestakuntza

integrala eta etorkizuneko erronketara bideratua bermatuz.

Era berean, teknologia funtsezko zeregina betetzen ari da LHren modernizazioan. Murgiltze-gelek, adibidez, errealitate birtualaz hornituak, egoera konplexuak simulatzeko aukera ematen dute, hala nola, makineria industriala muntatzea eta mantentzea, altuerako lanak praktikatzea... Tresna horiek ikaskuntza erakargarriagoa eta motibatzaileagoa egiteaz gain, ikasleei ingurune seguru eta kontrolatu batean trebetasunak praktikatzeko aukera ere ematen diete.

LH kalitatezko enplegua lortzeko bide gisa finkatu da, bere ikuspegi praktiko, berritzaile eta merkatuaren egungo beharretara egokituari esker. Enpresetako praktika goiztiarren, metodologia dinamikoen eta teknologia aurreratuen konbinazioa LH birdefinitzen ari da, eraginkorragoa eta erakargarriagoa bihurtuz. Prozesu horretan, Andra Mari erreferente da, kualifikazio handiko eta etorkizuneko erronketarako prestatutako profesionalen prestakuntzan.

Binke! apirila 2025 13

Adiskide Pilota Elkartea

50 urte pilota

eta herriaren arteko harremana estutuz TESTUA: IRATI ALONSO GARCÍA ARGAZKIAK: ADISKIDE PILOTA ELKARTEA ETA IRATI ALONSO GARCÍA

Bere 50. urteurrena ospatzen ari da aurten Galdakaoko Adiskide Pilota Elkartea eta klubaren historiaren inguruan gehiago jakiteko asmoz, bi erreferenterekin hitz egin du BINKEk: Anartz Ajuriagogeaskoa eta Gaizka Karregal.

A

urten 50 urte bete dituen Adiskide Pilota Elkarte galdakoztarra 1975eko amaieran sortu zen, lagun talde baten eskutik. Jose Mari Ealo buru zela, bost kidek osatu zuten hasierako taldea eta Kurtzen aritzen ziren.

Urteak igaro eta 1991an eratu zen Adiskide Kirol Elkartea ofizialki. Lehen presidentea J. C. Zearra izan zen eta harekin batera zeuden Ogara, Idirin, Loroño eta Yurrebaso. Bakoitzak 1.000 peseta jarri behar izan zituen dokumentuak sinatu eta elkarte moduan martxan jartzen hasteko.

Sortu eta hiru urte geroago presidentez aldatu zuen talde galdakoztarrak. Javier Escalza jarri zen taldearen zuzendaritzapean eta ondoren beste hainbatek izan dute kargu hori: Angel Bidart, Vidal Salcedo, Iñaki Ibargarai, Anartz Ajuriagogeaskoa, Janire Landaluze eta orain, duela bi urte, Gaizka Uriarte.

Herrian ezagunak izan diren eta zendu diren juntakideak ere izan ditu taldeak, besteak beste, Luis Beroiz, Iñaki Ibargarai, Kike Cruzado, Josu Etxebe eta Mikel Azanza.

Pilotazaleen artean ezagunak diren kirolarika ere igaro dira klubetik, hala nola, Karmelo Ariznabarreta, Oier Zearra, eta Mikel Larunbe. Danel Elezkano eta Mikel Urrutikoetxea ere aritu ziren Adiskiden bi urtetan zehar, entrenatzaile baten eraginaren ondorioz.

Esperientzia ezberdinak. Aipatu beharreko beste bi izen Anartz Ajuriagogeaskoa eta Gaizka Karregal dira. Biak hasi ziren txikitan kirola praktikatzen, eskolan. «Eguzkibegi Ikastolan eskolaz kanpoko ekintza moduan esku pilota eskaintzen

14 apirila 2025 Binke!

Binke! apirila 2025 15

Espero dugu beste 50 urte jarraitzea erreferente bat izanez herrian

Adiskide Pilota Elkarteak argi du euskara dela gure oinarrietako bat

zuten eta beranduago Galdakaoko klubarekin batu zen. Orduan denok pasatu ginen Adiskidera», azaldu du Ajuriagogeaskoak.

Zazpi urte zituenetik jokatu du kirol honetara eta 35 urterekin utzi zuen, «behintzat jolasteari». Hainbat lorpen atzean utzita, taldeari lotuta jarraitu izan du ordutik. 2015etik 2019ra arte Adiskideko presidentea izan zen, eta orain aita moduan doa frontoira. «Frontoitik ibiltzen naiz nire seme nagusiak jokatzen duelako. Batzutan haiekin sartzen naiz jolastera, edo gomendioak ematera... Ahal dudana egiten dut», dio barrezka.

Karregal ere Ajuriagogeaskoaren antzera hasi zen, Eguzkibegin.

«Sei urterekin hasi nintzen ikastolan eta gero zortzi inguru nituenean Adiskidera saltoa eman nuen gaur egun arte, hemen jokatzen jarraitzen dudala». Tartean hainbat garaipen lortu ditu, besteak beste, Bizkaiko Kluben Txapelketa eta Euskal Herriko buruz-buruko txapelketa. Klubean pilota entrenatzaile eta entrenatzaile fisiko moduan ere aritu da Karregal, pare bat urtetan zehar: «Utzi behar izan nuen, askotan ezin nituelako egokitu ordutegiak egin nahi nuen guztira: nik entrenatu, jokatu, ikasi...».

Talde garaipenak. Momentu onak, txarrak... denetarik bizi izan dute biek Kurtzeko frontoian. «Nik une polit asko gogoratzen ditut, adibidez duela gutxi hemen Galdakaon jokatu nuen buruz-burukoa.

Gradara begiratzea eta familia, lagunak eta klubeko umeak ikustea izugarria izan zen», dio Karregalek.

Ajuriagogeaskoak ere garaipen asko lortu zituen Adiskiderekin, eta taldekoak asko gogoratzen ditu: «Nik lagunekin jokatzen nuen, eta talde moduan garaipenak lortzeko aukera genuenean ikaragarria zen. Poztazuna biderkatzen da hainbatena denenean»,.

Gazteak mantentzea, erronka. Karregal izanda erreferente nagusienetakoa, Adiskidek 50 pilotari inguru batzen ditu gaur egun eta zifra azken urteetan mantendu dela dio Ajuriagogeaskoak. «Ni gazteagoa nintzenean agian 60-70 inguru izatera heldu ginen baina zifrak antzekoak izan dira beti, azkenenan taldearen iturri nagusia eskola delako», azaldu du. «Urte batzuetan besteetan baino kalitate hobeko gaztetxoak ditugu», dio barrezka.

Azkeen urteetan somatu den aldaketa handiena ordea, pilotari nagusiagoen artean gertatu dela azpimarratu du Karregalek: «Ni 16 apirila 2025 Binke!

gazteagoa nintzenean erreferente asko nituen hemen klubean. Gaur egun ordea, ez dira hainbeste pilotari nagusiagoak ikusten, agian gazteak direnean beste hainbat kirol edo modalitate frogatzeko aukera dutelako: futbola, saskibaloia, atletismo, txirrindularitza... eta pilota uzten dute. Beti da zailagoa umeak klubean edo pilotan jarraitzea ez badute erreferente askorik ikusten euren gainetik».

Gaur egun oso pilotari federatu gutxi daudela nabarmentzen du Karregalek: «Nirekin batera beste gutxi batzuk daude eta hori pena bat da. Anartz aritzen zenenean adibidez pilo bat zeuden eta gauza asko lortu zituzten klub moduan».

Berdintasunearen bidean. Baina, nola aldatu egoera hau?

Karregal eta Ajuriagogeaskoa ados daude erantzunean. «Oso zaila da erronka, baina junta berriak hartu duen bidea ona dela uste dut.

Pilota herrira hurbildu behar da berriz eta Adiskide erreferente izan behar da umeentzako eta baita nagusiagoak direnentzako ere», adierazi du Ajuriagogeaskoak.

«Lan polita egiten ari dira klubetik azkenaldian, sare sozialak gehiago uztartuz eta beste baliabide batzuk erabiliz gure kirola zabaltzeko», dio Karregalek.

Berdintasunaren bidean ere lanean dabil Adiskide, «beste erronka zaila den arren». «Oraindik gutxi diren arren, gero eta neska gehiago animatzen dira jokatzera eta ikusten dute ez dela soilik mutilen kirola. Gure kasuan gainera, Amaia Alday bezalako erreferente bat entrenatzaile moduan izateak asko laguntzen du neskak animatzera», azaldu du pilotari ohiak.

Erreferente izaten jarraitzea. Pilotaz haratago ere, erreferente izaten jarraitu nahi du Adiskide Pilota Elkarteak bere 50. urteurrenean. «Klub honek beti izan du argi euskara dela gure oinarrietako bat. Pilota euskal kulturaren parte da eta euskara honen baitan ulertzen dugu, ezinbesteko elementu gisa.

Entrenamenduetan, partidetan, gurasoekin... giro euskalduna bizi da beti gurean», nabarmendu du Karregalek.

«Hona ekarri gaituzten oinarriak mantenduz, arrakastaz beteriko 50 urte ospatzen ari gara eta espero dugu beste hainbeste urte horrela jarraitzea, Adiskide erreferente bat izanez», ondorioztatu du Ajuriagogeaskoak. • Binke! apirila 2025 17

Eva Naranjo Ubeda Galdakao, 1962 Nire aitari esker hasi nintzen argazkigintzarekiko zaletasunarekin, beti eman zidalako kamera bat eskuen artean edukitzeko aukera. 2012an egin nuen argazkilaritzako lehen ikastaroa, eta harrezkero argazkilari handiei esker trebatu ahal izateko zortea izan dut, nire inspirazioa baitira. Bereziki paisaia-argazkilaritza eta makroa gustatzen zaizkit, nahiz eta diziplina guztietara egokitzen naizen, momentuaren arabera. Pedro Javier 'Argien umea' gustatzen zait Light painting diziplinan, Pedro Javier Pascual argazki makroan...

2019an Click eta Click elkartearekin bat egiteko zorte handia izan nuen, eta ordutik argazkigintzarekin dudan lotura askoz ere aktiboagoa eta parte-hartzaileagoa da.

18 apirila 2025 Binke!

URTEBETETZEA

ERRETIROA

Apirilak 20

Martxoak 21

Magali Barrueta Etxebarria

Iñigo Txintxurreta «Txintxu»

Magalik 7 urte beteko ditu apirilaren 20an!

Jarraitu bizitzaz eta zoriontsu egiten zaituzten pertsonekin gozatzen!

Zorionak etxeko guztien partez! Asko maite zaitugu!

Eguzkibegi Ikastolan 43 urte egin ostean, erretiroa hartu du Txintxuk!

Zorionak eta eskerrik asko egindako lanagatik zure lankideen partez! Gozatu bizitzaz, merezi duzu-eta!

Atal honetan argitaratutako zorion mezuen artean zozketa bat egingo du BINKEk hilero, eta sariduna aldizkariaren hurrengo zenbakian jakinaraziko da.

Saridunak 10€ arteko merienda Goxoa irabaziko du! Zorte on!

Binke! apirila 2025 19

Galdakaoko ondare historiko-artistikoa II ESTIBALIZ APELLANIZ INGUNZA

G

aldakoztarrok zorionaren txapeleko txori ginela esan nuen aurreko batean, herrian daukagun ondare aberatsa dela eta. Tokirik irtenenean eta jagienean Elexaldeko Andra Mari eliza jarri nuen.

Izan ere, eliza hau Galdakaoko eraikin erlijiosorik itzalgarriena da. Elexalde auzoan jaso zen Gangurengo Santa Marina eliza zaharra ordezkatuz.

Egikera erromanikoa erakusten du. Orain arte XIII. mendekotzat hartu izan da, baina agiri zahar batzuetan esaten denez, badirudi XII. mendeko bigarren erdialdean hor zegoela jada, Gaztelaren handinahiko zapalketa arriskuari eusteko gertu, Nafarroako mugarriak zaindu guran. Handik gerora, handitu eta eraberritu egin zen XVI. mendean. Elizpe ederreko sarreran, ikustekoa da ataurre zoragarria. Eta behin barruan, erretaula errenazentista daukagu begien

20 apirila 2025 Binke!

Lurretik betegarri eder; bertan, Ama Birginaren XIII. mendeko irudi bikaina daukagula.

Elizari buruz bada han-hor-hemen jakingarririk asko, baina gure herriko ondarea aztertzen Xabier Orue-Etxebarria izan dugu bidegile nagusi, eta beste hiru laguntzaileren ekinez, orain arte ezagutzen ez ziren ikusalde ezberdinak eta garrantzitsuak aurkitu, argitaratu ditugu Euskalerriaren Adiskideen Elkartearen Buletinean.

Artikuluaren izena Irakurri artikulu ondoko hau da: 'Andra Mari de Galdácano, una iglesia fortificada osoa hemen: navarra del siglo XII en territorio vizcaíno, cerca de una ruta del Camino de Santiago. Evolución del templo compuesto por tres partes de diferentes épocas'.

MÁXIMO MORENO

UDAL MUSIKA ESKOLA

MAIATZAK

DE MAYO

Musika klaseak 5 urtetik aurrera Clases de música a partir de 5 años Matrikula eta bekak online: www.galdakao.eus/musika-eskola/ Matrícula y becas online: www.galdakao.eus/escuela-musica/

ARRETA ORDUTEGIA HORARIO DE ATENCIÓN

Astelehen eta ostegunetan Lunes y jueves

11:00-14:00 / 16:00-19:00

Astearte, asteazken eta ostiraletan Martes, miércoles y viernes

09:00-14:00

MÁXIMO MORENO UDAL MUSIKA ESKOLA GALDAKAOKO MUSIKA JARDUEREN UDALTEGIA

MÁXIMO MORENO Udal musika eskola

Urreta 21A – 48960 Galdakao Tel. 94 601 04 55 musikaeskola@galdakao.eus

2025 2026

Matrikula zabalik Matrícula abierta

OSAKIDETZA

Iktus Unitatea, Europako onenen artean

FOKU

CICLISMO GONZALEZ

Usansoloko Ospitaleko Iktus Unitateak Iktuserako Europako Erakundearen ESO Stroke Unit egiaztagiria lortu dau. Aitortza hori asistentziaren kalitate-estandar zorrotzenak betetzen dabezan unitateek lortzen dabe. Usansoloko Ospitaleko Iktus Unitatea 2011n jarri zan martxan eta ordutik 6.000 paziente baino gehiago artatu dauz. Informazio gehiago: BINKE.EUS

'Galbahea', audioliburu gisa

Loroño, garaile Kantabrian

Gotzon Barandiaranek ‘Galbahea’ poema liburua kaleratu eban iazko maiatzean. Orain audioliburu gisa argitaratu dau, Poesiaren Nazioarteko Egunaren harira.

Martxoaren 30ean Angel Martinez Memorialaren laugarren edizioa antolatu zan Kantabriako Ampuero herrian eta Markel Loroño galdakoztarra izan zan irabazlea.

22 apirila 2025 Binke!

Greba bilketa neumatikoan

CALATHEA

Galdakaoko bilketa pneumatikoko langileek beste hilabete batez luzatuko dabe greba. Honen helburua hitzarmen kolektibo propioa lortzea da, lan baldintzetan hobekuntzak lortzeko. Informazio gehiago ezagutu BINKE.EUS-en.

BINKE

Maria Casillas igerilari galdakoztarrak Bizkaiko errekor absolutua hautsi dau barriz, 50 metro bizkar estiloan. Santurtziko Trofeoan izan zan.

BINKE ELA SINDIKATUA

SWIM CAMP GETXO

Maria Casillasen errekor barria

Udalaren etxebizitza plan barria

Calathearen disko barria, kalean

Galdakaoko Udalak hurrengo hiru urteetarako etxebizitza plana aurkeztu eban, «galdakoztarrek bizi proiektua herrian egin ahal izateko» helburuagaz.

‘Flowers & Knives' disko barria kaleratu dau Calathea talde galdakoztarrak. Lanak zazpi abesti daukaz, «akorde hunkigarri, oihu melankolikoz, erritmo azkar eta astunekaz».

Binke! apirila 2025 23

Josu Etxaburu, Gure Eskuko bozeramailea

«Ale bakoitzak lagunduko du Euskal Herria nahi dugun modukoa izaten» TESTUA: IRATI ALONSO GARCÍA ARGAZKIA: GOIENA

Gure Esku herri ekimenak Herri Libre Bat mobilizazio erraldoia antolatuko du Bilbon ekainaren 7an eta Galdakaoko eta Usansoloko herritarrak deitu ditu parte hartzera. Pasa den azaroan 'Aurrera egiteko garaia da' manifestua aurkeztu zuten, ehun norbanako baino gehiagok sinatutako deialdia, eta orain herriz herri lanean ari dira.

P

asa den azaroan 'Aurrera egiteko garaia da' manifestua aurkeztu zuen erabakitzeko eskubidearen aldeko Gure Esku ekimenak.

Ehun norbanako baino gehiagok sinatutako deialdia izan zen eta orain herriz herri lanean ari dira, ekainaren 7ko Herri Libre Bat mobilizazio erraldoian Bilboko kaleak hartzeko. Josu Etxaburu ekimeneko bozeramailearekin hitz egin dugu mobilizazioaren inguruan eta maiatzaren 14an Galdakaon eskainiko duen hitzaldiaren aurretik.

Mobilizazioak «Herri Libre Bat. Euskal herriak erabaki» du leloa, ezta? Hori da, leloak gure aldarrikapenak jartzen baititu erdigunean. Zazpi lurraldetako jende anitzak osatutako herri bat gara, bere burua munduan herri gisa kokatzen duena, Hizkuntza, kultura, ohitura eta zuzenbide propioak dituen herri bat gara. Bere burua gobernatu nahi duen herri bat gara, burujabe izan nahi duen herri bat.

Errealitate horren aitortza lortu behar dugu. Horretarako dauden aukerak baliatu behar ditugu.

Manifestuaren izena ikusita, zergatik mobilizazioa orain? Aurrera egiteko garaia dela esaten dugunean ez da Gure Eskuren ustea bakarrik, Euskal Herriko gehiengo zabal baten uste sendoa dela esango nuke. Ziklo berri bat abiatzeko momentua dela esan dezakegu, elkarrekin, burujabetza, aitortza eta erabakia oinarri izanda herri erronkei eraginkortasunez erantzuteko momentua da. Herri ikuspegiarekin eta anbiziorarekin jokatzeko garaia delako

24 apirila 2025 Binke!

uste irmoa dugu. Herri gisa aurrera egiteko garaia.

Hala ere, ekainaren 7a baino lehen bidea dago egiteko?

Pasa den hilean herrialde bakoitzean aurkezpena-batzarrak egiteko tartea hartu genuen eta orain herriz herri lanean jartzeko unea iritsi zaigu bai. Pixkanaka Euskal Herriko herri bakoitzean herri libre bat batzordeak sortzen ari gara eta denon artean ari gara ekainaren 7rako bidea egiten.

Zein helburu dute batzordeek? Giroa eta baldintzak sortzea da batzordeen eginkizun nagusia. Lan hori hiru esparrutan artikulatu dugu; Porpaganda, atxikimen kanpaina eta herri ekimenak. Xedea argia da: Informatu, motibatu eta gogoeta politikoa bultzatzea.

Nork hartu dezake parte batzar hauetan? Bilera irekiak dira hauek, edonor gerturatu daiteke, noski. Herri libre baten parte izan nahi duen eta honetarako bere ekarpena egin nahi duen pertsona oro ongi etorria izango da.

Usansolotar eta galdakaotarrei zer dei egiten diezue? Dei egin nahi dizuegu ekainaren 7an Bilboko kaleak hartzera, eguna Herri Libre Bat leloaren pean igarotzera eta aldarrikapenak lau haizetara zabaltzera. Gainera, eguna iritsi baino lehen maiatzaren 14ean, Galdakaon antolatu dugun aurkezpenera gonbidatu nahi zaituztegu.

Bukatzeko, baduzu azken hitzik? Bai, noski. Azpimarratu nahi nuke Galdakaon eta Usansolon egiten den ale bakoitzak

Elkarrekin ziklo berri bat abiatzeko momentua dela esan dezakegu Ekainaren 7ko mobilizazioan Bilboko kaleak betetzea guztion esku dago Euskal Herria nahi dugun modukoa izaten lagunduko duela: zazpi lurraldek osatutako herri librea, erabakimen handiagoa duena eta pausu oro elkarrekin egiten duena, elkarrekin hobeto zainduko ditugulako gure lurra, hizkuntza eta kultura.

Ekainaren 7an zuretzat gorde dugun lekua zuk baino beste inork ez du beteko. Zure lekua betetzea zure esku dago, Bilbo betetzea ordea guztion esku dago. Elkarrekin erabakiko duen herri bat zain dugu. • Binke! apirila 2025 25

Binke.eus Paperetik harago, hauek dira Binkeren webgunean irakurrienak!

Galdakaoko EAJk bere egoitzan jasandako erasoa salatu zuen.

«Ekintza koldar bezain onartezin batean batzokiaren sarrerara igeltsua bota dutela» adierazi zuen.

Leidu Irakurketa Taldearen txokoa

Euskal Herriko Joaldunen Jaia Usansolon izango da aurten.

Maiatzaren 31n antolatuko du Oinarin Dantza Taldeak.

Usansoloko Udalak WhatsApp komunitate berria jarri du martxan, herritarrei zuzenean informazioa eskaintzeko helburuz.

Galdakaoko PSEko Francisco Fernandez eta Victor Trimiño Bizkaiko PSEren Batzorde Eragile berriaren kide izendatu dituzte.

Gazteen artean txikitatik euskararen erabilera sustatzeko ‘Kirolean be bai’ kanpainaren erronka berriak adostu dituzte Galdakaoko sei kirol klubek.

Gure herrietako

aktualitatea:

Binke TV Hauek dira argitaratutako azken bideoak Binkeren sareetan!

26 apirila 2025 Binke!

Hauts zaharren sekretua.

Boterea eta mehatxuak Ibaizabal, 2024 Imanol Etxebarria

U

daberria ere heldu zaigu: Apirilaren azkenean, orriak haritz gainean. Berde koloreak gure inguruak bere egin ditu. Eta berdea da nagusi ere Leiduk proposatzen dizuen nobelaren azalean: 'Hauts zaharren sekretua eta boterea. Arriskuak eta mehatxuak'.

Imanol Etxebarria idazle galdakoztarrak idatzi duen lehen eleberria da hau.

Amaia izeneko protagonista ikasle arrunta da baina, halako batean, bere inguruan dauden pertsonen pentsamenduak entzuten hasiko da. Horrek bizitza erabat aldatuko dio. Nor da nor edo zer deskubritzen hasiko da, bere familiaren eta ingurukoen jatorria. Urteetan gordetako sekretuak ezagutuko ditu. Mundu berri batean murgilduko da Amaia, benetako errealitatea ezagutuko du, arriskutsua eta antzinatik gaur egunera arte dirauten mehatxuez betea.

Etxebarriaren esanetan, gaur egungo bizimodua eta mitologia uztartzen ahalegindu da. Horretarako, ezagunak egingo zaizkigun Bizkaiko hainbat toki eta gure inguruan kokatutako istorioak, mitoak, sineskerak eta berbak baliatu ditu idazleak istorio hau osatzeko.

Sar dezagun fantasia gure bizitzan eta goza dezagun irakurketaz!

Leidu irakurketa taldeak hilero antolatzen duen solasaldira Imanol Etxebarria idazlea bera etorriko da. Peña Santa Kruze, 18:30.

BINKE Proiektu honetarako lanean:

Babesle ofizialak:

Argitaratzailea: Aitu elkartea.

Zuzendaria: Jon Gomez Garai.

Erredaktorea: Irati Alonso García.

Irudia eta sareak: Naiara Perez de Villarreal.

Argazkilariak: Ander Elordui eta Peio Zamalloa.

Batzorde Orokorra: Gaizka Uriarte, Ixone Muñiz, Leire Zamalloa, Ainara G. Goitiandia, Beñat Armentia eta Iñigo Larrea.

Ekarpen taldea: Joseba Uranga, Igor Amarika, Jaime Zubero, Asier Balentzia, Leire Eskabel, Ainhoa Uriarte, Aitor Zelaia eta Unai Atutxa.

Ilustratzailea: Karmele Gorroño, Irrimarra.

Inprenta: Comeco Gráfico, Zamudio.

Banaketa: Joal Express eta Correos.

Hilero banatutako ale kopurua: 14.000.

Lege Gordailua: BI-41-2016 ISSN: 2444-9385

Proiektu hau posible egiten dute: Ohiko kolaboratzaileak: Manu Etxebarria, Aitzol Altuna, Estibaliz Apellaniz, Joanes Urkixo, Yayone Altuna, Irati Bediaga, Julen Gabiria, Gotzon Barandiaran, Nerea Urgoiti, Josi Basterretxea, Xabier Valencia, Nagore Ferreira Zamalloa, Edu Olea eta Bego Martinez.

Elkarte laguntzaileak: Ganguren Mendi Taldea, Burtotza Mendi Taldea, Andra Mari Dantza Taldea, Galdakao Gogora, Etxerat, Usansolon Euskaraz, Euskaraldia, Click&Click elkartea, Leidu taldea eta Bagabiz euskara elkartea.

Argazkilari kolaboratzaileak: Jabi Rojo, Gotzon Almaraz eta Julio Legarretaetxebarria.

Webguneko laguntza: Aitor Espinosa eta Naiara Perez de Villarreal.

BINKEk ez du bere gain hartzen aldizkarian adierazitako iritzi edota esanen erantzukizunik.

Harremana: 680 74 32 11 info@binke.eus

Jarraitu BINKEren edukiak zure gustuko sarean!

Binke! apirila 2025 27

Memoriaren Astea

Musika

Maiatzak 13, 15 eta 16

Maiatzak 18, domeka

Argazki erakusketa

Galdakaoko Da Capo Musika Banda

Emakumeak 1931-1939

Printze txikia: bidaia magikoa

Torrezabal Kultur Etxeko erakusketa aretoan Ordua: 17:30

Torrezabal Kultur Etxean Ordua: 13:00 Sarrera: 3-5€

Maiatzak 15, eguena Maria Gorosarriren hitzaldia

Emakumeen aurkako errepresio faxista Torrezabal Kultur Etxeko erakusketa aretoan Ordua: 19:00

Maiatzak 17, zapatua Bisita gidatua

Galdakaoko Burdin Hesia Kurtzeko plazatik Ordua: 9:00

Antzerkia

Dantza Maiatzak 11, domeka Haatik Dantza

OTS Torrezabal Kultur Etxean Ordua: 19:00 Sarrera: 7,5-10€

Maiatzak 16, barikua La Dramática Errante

Ni flores, ni funeral, ni cenizas, ni tantán Torrezabal Kultur Etxean Ordua: 20:00 Sarrera: 7,5-10€

Antzerkia Maiatzak 16, barikua La Dramática Errante

Ni flores, ni funeral, ni cenizas, ni tantán Torrezabal Kultur Etxean Ordua: 20:00 Sarrera: 7,5-10€

28 apirila 2025 Binke!

Irakurketa taldea Maiatzak 5, astelehena

Hauts zaharren boterea.

Arriskuak eta mehatxuak 18:30 Peña Santa Cruzen

Kirola

Adinekoentzat

Apirilak 27, domeka

Apirilaren 28tik aurrera, astelehenero

Galdakao Atletismo Taldeak antolatua

Risoterapia tailerra

Galdakaoko XIII. Herri Krosa

Izen-ematea zabalik

11:00 Izen-ematea zabalik

Mendia Maiatzak 4, domeka Aterpe Eguna 09:00 Pagomakurre

Maiatzak 11, domeka Cantabria. Collado de Asón-Porra de la Colina 08:00 Udaltzaingoaren ondotik

Maiatzak 15, eguena Zeharkaldia Ganguren mendilerrotik

RPS 07/21 Joana Miguel D.O.O y Audioprotesista

08:00 Kurtzeko plazatik

Ikusmena eta entzumena Bizitza gehiago ematen diegu zure zentzumenei Juan Bautista Uriarte, 19. GALDAKAO Telefonoa: 94 456 59 54 WhatsApp: 688 856 690 Hauetan ere bagaude!

ikusmen eta entzumen zentroa

Binke! apirila 2025 29

30 apirila 2025 Binke!

Binke! apirila 2025 31