BINKE 073 Uztaila 2022

73. zenbakia • 2022ko uztaila

AINHOA GARCÍA MISS BIZKAIA 2022

«Gehiago baloratzen naute nire izaeragatik nire fisikoagatik baino»

AINHOA GARCÍA MISS BIZKAIA 2022

«Niretzako harrotasun handia da jaio nintzen lurralde eder honen ordezkari izatea» TESTUA: JON GOMEZ GARAI ARGAZKIAK: AZALEKOA ETA BOSGARREN ORRIALDEKOA, UNAI HUIZI

M

iss Bizkaia maiatzean izendatu zuten Ainhoa Garcia, bederatzi urte dituenetik galdakoztarra den modeloa, eta ekainean Miss World Spain lehiaketan hartu zuen parte. Bertatik bueltan bera gertuagotik ezagutu gura izan du Binkek, bere izaeraz, modelo lanaz eta estereotipoez duen iritziaz jakiteko.

Miss World Spain lehiaketatik etorri berri zara. Zelan esperientzia? Miss munduan hasi nintzenetik amaitu dudan arte esan dezaket oso bizia izan dela dena. Denbora eta esfortzu handia eskaini nion nire onena emateari, bereziki Pineda Del Marrera joan aurreko astean —bertan ospatu baitzen Miss World Spain lehiaketa—.

Merezi izan du lan horrek? Duda barik. Aste oso berezia izan da niretzat, eta asko ikasi dut. Denbora gutxi daramat modelo munduan lan egiten, eta bertan modelo, argazkilari eta agentzietako zuzendari askorekin egoteko aukera izan dut. Eurekin hitz egiteko eta euren irudiaren munduko aholkuak jasotzeko baliatu nuen denbora hori.

Baina ahaztu barik lehiaketa batean zeundela, ezta? Bai, noski. Ezin duzu ahaztu bertara lehiatzera zoazena, eta mila kontutxo izan behar dituzula buruan. Baina aste zoragarria izan da!

Irabazi ez baduzu ere, zer daramazu esperientzia horretatik? Pertsonalki zein profesionalki hazten lagundu

2 uztaila 2022 Binke!

nauen esperientzia izan da Miss Spain izateko hautagaitzara aurkeztu ahal izatea. Beraz ikaskuntza horrekin geratuko naiz, baina baita ezagututako kideekin eta esperientzia horren ondorio irteten ari diren aukerekin ere.

Zer egin zenuten bertan? Egunero ekintza desberdinak genituen, argazki saioak, prentsarekin elkarrizketak, gune kulturaletara bisitak, esperientzia gastronomikoak... Baina beste alde batetik prestakuntza bilerak ere bagenituen, gala finalaren entseguak, epaileekin solasaldiak... Gelditu barik ibili ginen! (irribarretsu) Bertara joan zinen, aurretik Miss Bizkaia izatea lortu zenuelako. Bai. Hautaketa prozesua nahiko luzea izan zen.

Dena hasi zen niretzat urtarrilaren amaieran, sare sozialetatik nirekin harremanetan jarri zirenetik. Miss Bizkaia izateko nire kide hautagaiekin hainbat fase igaro behar izan nituen.

Lehenengo fasea online bidezko kasting bat izan zen, non aurkeztu ginen 50 neskatik 20 aukeratu zituzten. Ostean aurrez aurreko kastinga egin genuen, eta bertan hainbat proba egin behar izan genituen.

Zelakoak ziren probak? Ba, esaterako, pasarelatik ibiltzea oinetako zapalekin eta takoiekin, elkarrizketa pertsonalak, kamera aurrean berba egin beharra... Eta bertan Sara Loinaz izan zen epaile, egungo Miss Universo España. Kasting horretatik 12 aukeratu zituzten eta gero ekintza desberdinak egiten joan zitzaizkigun amaierako erabakia hartu ahal izateko.

Noiz izendatu zintuzten Bizkaiko ordezkari? Miss World Spain lehiaketatik hilabete eskasera, maiatzaren 15ean izendatu ninduten Miss World Bizkaia 2022.

ARGAZKIA: INMA CHACÓN

Ainhoa García García 2001, Zornotza Estetika eta Makillajean Lanbide Heziketa egin zuen hilabeteko protagonistak, eta ostean Community Manager eta Marketing ikasketak ere. Orain gutxi modelo lanetan hasi da, eta ondo hasi ere, Miss Bizkaia aukeratu baitzuten 2022ko maiatzean. Gainera, The Good Cider edo The Shear Water markentzako modelo lanak egin ditu eta laster aktore lanetan ikusiko dugula ere aurreratu digu.

Eta zer suposatzen du modelo batentzako bere herrialdeko ordezkari aukeratu izana?

Niretzako harrotasun handia da jaio nintzen lurralde eder honen ordezkari izatea, inondik inora ere aldatuko ez nuken lurralde baten ordezkari.

Miss Bizkaia izateak ateak zabalduko dizkizula uste duzu? Bai, zalantza barik. Ikusgarritasun handia eman dit nire modelo ibilbidea ondo hasi ahal izateko eta nire bizimodua profesionalki honetara eskaini ahal izateko. Gainera bizitzeko modu honek bat egiten du erabat etorkizunean jorratzen Binke! uztaila 2022 3

Ikusgarritasun handia eman dit nire modelo ibilbiderako Miss izateak Modelo izateko itxura fisikoa baino askoz gauza gehiago hartzen dira kontutan

jarraitu nahi dudan Community Manager lanarekin eta edertasun zein makillajeaz hitz egingo duen blog pertsonal batekin.

Agentziaren batekin lanean hasi zara?

Madrileko Penelope Agency agentziarekin nabil, eta bereziki ikus-entzunezkoen interpretazio lanak ari zaizkit iristen, azken aldian horri denbora nahikotxo eskaini baitiot.

Denetik ikastea gustatzen zaion horietarikoa naiz eta diziplina artistiko askorekin ondo moldatzen naiz. Baina oraindik baloratzen nabil ez ote naizen sartu behar Euskal Herriko modeloen agentziaren batekin.

ARGAZKIA: ASIER LANCHO

Gaztea zara, eta mundu honi «zukua» ateratzeko agian gazte izan behar duzu derrigor? Ez dut uste derrigorrezkoa denik. Egia da fisikoa, energia eta ordutegien askatasuna errazago izango dituzula gaztetan. Baina adina, berez, ez da aurka jokatzen duen zerbait borobila. Are gehiago, badira 30 urtetik gorakoentzako lehiaketak ere. Nahi izanez gero, posible da.

4 uztaila 2022 Binke!

Zer baloratzen da gehiago Miss izateko?

Emakume osoa izatea. Ikasketak dituena, egoten dakiena, elegantzia duena, atsegina dena eta proiektu sozial interesgarria duena...

Irabazlea beti izaten da jarrera eta gaitasun egokienak dituena.

Tira, neurri honetako ekimenetan, eta orokorrean modelo izateko, itxura fisikoa ere baloratuko da... Edertasun ekitaldietan gaur egun itxura fisikoa baino gauza askoz gehiago hartzen dira kontutan, aurretik aipatu ditudanetik harago baita. Ez du ezertarako balio gorputz eta aurpegi

ELKARRIZKETA AINHOA GARCÍA

zoragarri bat izateak, gero edertasunetik kanpo ez baduzu beste inongo ezaugarririk.

Arin-Arin!

Edertasun horrek zein ezaugarri izan behar dituen esaten dizuete? Pasarela edo argazkigintzan lan egiteko bai eskatzen dizute fisikoa asko lantzea, baina azken aldian profil «kurbiagoak» ikusten hasi gara, nahiz eta oraindik oso ohikoa ez izan. Dena dela, uste dut guk nahi dugun gorputza landu behar duguna, gustura gauden hori... beti ere gure osasun fisiko eta mentala guztiaren gainetik jarrita. Eta bereziki, gure buruak asko maitatuta.

Ez duzu faltan igartzen besteek zu baloratzea irudia ez den beste zerbaitegatik? Inondik inora ere. Jendeak gehiago baloratzen nau nire izaeragatik nire fisikoagatik baino.

Zure irudiaren esklabo sentitzen zara? Ez. Naizen modukoa izatea eskertzen dut, fisikoa dena ez bada ere, modeloen munduan lanak asko errazten dituelako. Baina nik asko gozatzen dut nire burua zaintzen eta nire burua ondo ikusten, beraz ez naiz horren esklabo sentitzen.

Baina ezin izango duzu zure itxura zaindu gabe egon, ezta? Ez, baina ez esklabo sentitzeagatik, nire autoestimu, konfiantza eta zoriontasunagatik baizik. Inoiz ez duzu iritsi behar muturreko egoerara zeinetan fisikoak gehiegi arduratuko zaituen, azken finean galtzen doan zerbait delako eta fisikoak ez diren bestelako gaitasun gehiago zaindu behar dituzulako.

Zer egiten duzu forman egoteko? Entrenatzaile pertsonal bat daukat, entrenamenduak prestatzen eta elikadura planak diseinatzen dizkit. Aisialdian berriz zaldian eta dantzan ibiltzea gustuko dut, eta horiek ere forman egotera laguntzen naute.

Baina gainera, egunero eman beharreko pauso kopuru bat ezartzen diot nire buruari.

Zure lanbideak ez duzu uste indartu egiten duenik ohiko estereotipoen ideia? Baietz uste dut, bai... Baina pixkanaka aldatzen goaz... Gero eta ohikoagoak dira estereotipo erreal eta naturalak sartzea modeloen munduan.

Inoiz zuk edo zure inguruko modeloren batek zuen burua kosifikatuta edo «emakume objektu» sentitu duzue? Ez, eta inoiz ez dut inguruan horrelakorik entzun.

Gaur egun baduzu modelo izatea ez den beste lanen bat, horretan jarraitzeko asmoa duzu? Hori da. Nire asmoa argazki eta publizitateko modelo izaten jarraitzea da baina nire Community Manager lana utzi barik. Asko gozatzen dut Miss pasarelak egiten, baina horrek ez du zerikusirik modarekin, orokorrean. Hala ere, ez dut erregulartasunez pasareletara igotzea baztertzen, aktore izatea baztertzen ez dudan moduan. Aktore izateko prestakuntza jasotzen nabil —dagoeneko egin ditut lan batzuk— eta baditut esku artean kontatu ezin ditudan proiektu batzuk. Amets egitea gustatzen zaion pertsona naiz! •

Asteko egun gogokoa?

Domeka.

Herriko txoko gustukoa?

Arantzilera ibilbidea.

Liburua ala tablet-a?

Liburua.

Pelikula bat?

Hustlers.

Ez duzu onartzen…

Esker onekoa ez izatea.

Zoriontsu egiten zaitu…

Sorpresak!

Plater bat?

Errusiar entsalada.

Deskribatzen zaituen berba?

Goxoa.

Herrian zer kenduko zenuke?

Ezer ez.

Eta zer berria jarri?

Metroa.

Euskarazko berbarik politena?

Zoriontsu.

Zure ametsetako bidaia?

Islandia.

Berba egin ala entzun?

Entzun.

Zure mesanotxean ezin da falta…

Ura. Abesti bat?

Let's Get Loud, Jennifer Lopezena.

Binke! uztaila 2022 5

Hilabete honetako sarituak

Ekaineko irabazleak

Laura Moya Torvisco Iban Olea Barrenetxea

Ana Aretxaga eta bere semea (ezker) eta Amaia Saez (eskuin) Binkekideak On Kafe tabernako Atica Raabii langilearekin, oparitutako produktuak jasotzen.

Xabier harategiak eskainitako produktu sorta bana irabazi dute. On egin eta zorionak!

Izan zaitez zu ere Binkekide!

Eman zure babesa urteko

36 €

ordainduta

Oraindik Binkekide ez bazara, eta neurri honetako lehenengo komunikabide euskalduna babestu eta sustatu gura badozu, hauek dozuz horretarako bideak:

1. Bete beheko formulario hau, eskaneatu edo atera argazki bat eta bidali e-postaz: info@binke.eus

2. Bete formularioa, moztu, eta utzi gutunazal baten, Binke izenarekin Torrezabal Kultur Etxeko atezainaren leihatilan.

3. Eskaneatu zure

IZEN-ABIZENAK:

mugikorraren QR irakurgailuarekin beheko kodea eta bete formularioa!

HELBIDEA:

TELEFONOA:

NORTASUN AGIRIA:

E-POSTA: IBAN

KONTU KORRONTEA:

6 uztaila 2022 Binke!

ENTITATEA

BULEGOA

K.Z.

KONTU ZENBAKIA

Galdakao Atletismo Taldeko kideak

«Atletismoak ez du hainbeste ikusgarritasunik» «Atletismoak ez omen du beste kirolen aldean horrenbesteko ikusgarritasunik».

Hala baieztatzen dute Galdakao Atletismo Taldeko hainbat kidek, eta kirol honek Galdakaon duen pisua zein den jakiteko haiekin elkartu da Binke.

TESTUA: BEÑAT ARMENTIA ARRIANDIAGA ARGAZKIA: JON GOMEZ GARAI

G

aldakao Atletismo Taldeko kideak dira Eider Arregi (Usansolo, 2002), Ane Barcena (Larrabetzu, 2001) eta Ekaitz Urgoiti (Larrabetzu, 2005). Taldearen ordezkari lanetan, klubak egun bizi duen egoera zein den helarazi diote elkarrizketa honetan aldizkariari.

«Beste kirolekin alderatuz, atletismoari ez omen zaio horrenbesteko ikusgarritasunik ematen». Baduzue baieztapen hau azaltzerik? Atletismoa ez da kirol munduan gailentzen den diziplinetako bat, jende askorentzat ezezaguna den kirol bat da. Askok orduak atletismo pistari bueltak ematen pasatzen ditugula pentsatzen dute, eta ausartuko ginateke esatera kirolik et anitzenetakoa dela.

Sozialki gutxietsia, beraz? Bai, hala da.

Ikusgarritasunari begira ere zer esanik ez, telebistan atletismo ekitaldi bat ikusi ahal izateko nazioarteko txapelketa bat izan behar da, nahitaez. Hala ere, esan beharra dago gero eta presentzia handiagoa ari dela hartzen, horren adierazle da belaunaldi gazteetako gero eta jende gehiago izena ematen ari dela Galdakaoko taldean.

Soilik Galdakaon gertatzen den fenomenoa da hau edo zerbait globalagoa akaso? Ez, ez genuke esango Galdakaoko fenomeno isolatu bat denik, orokorrean gizartean beste kirolek baino ikusgarritasun gutxiago duela ukaezina da, eta zoritxarrez,

gainera, atletismoa praktikatu ahal izateko baliabideak ere urriagoak izaten dira herri askotan.

edo jaietara joatean, esaterako, entrenamenduren bat edo lasterketaren bat dugun kontuan izan behar dugu.

Bolada onean dago kluba, ezta? Bai, hala da. Hainbat marka eta domina lortu ditugu Bizkaiko zein Euskadiko txapelketetan. Gainera, nahiz eta adin eta leku ezberdinekoak izan, gure artean oso giro ona dago, azken urteetan gure arteko harremana indartu egin da.

Eta era berean markak lortzeko presiopean egoteak badu eraginik agian buruko osasunean, ezta?

Orokorrean ondo eramaten dugula uste dugu, hala ere, egia da batzuetan ez ustekoak gertatzen direla —lesioren bat adibidez— eta zure taldekide guztiak hobetzen ikusten dituzula zu salbu, presio horrek batzuetan zure buruari ia jarraitzea konpentsatzen duen galdetzea eragiten du.

Nola azalduko zenieke jendeari eskuratutako markak lortu ahal izateko atzetik dagoen lana? Gure ustez garrantzitsuena motibazioa eta konstantzia dira, izan ere, pare bat egun faltatuz gero asko nabaritzen da bai marketan baita errendimenduan ere. Eta nola ez, gaitasun fisikoetaz harago, kirolean atal psikologiko eta emozionala funtsezko premisak dira.

Honek ba al dakar gogoko dituzuen gauzak baztertzea edo horrenbeste ez gozatzea? Ez da gauzak baztertzea edo ez gozatzea, baina, planak egitean

Bukatzeko, zer uste duzue egin daitekela atletismoa jendearengana gehiago hurbiltzeko. Elkarrizketa hau lehenengo pausua izan daiteke. Herriko aldizkarietan atletismoari buruzko berri gehiago ateratzea ondo legoke eta herrian egiten diren lasterketak promozionatzen laguntzea ere.

Honekin, giroa ezagutzea eta gurekin batera entrenatzera animatzen ditugu herriko gazteak.

Binke! uztaila 2022 7

Atzera begira

Santa Barbarako kaperak 110 urte TESTUA: EDU MADINA ETXEBARRIA ARGAZKIAK: EDU MADINAREN ARTXIBOTIK

Hilabete honetan bertan beteko ditu Zuhatzu auzoko Santa Barbarako kaperak 110 urte eta horri bere omenalditxoa egin gura izan dio Edu Madina historian aditua den galdakoztarrak erreportaje honen bitartez.

D

atorren uztailaren 31n, Bizkaiko zaindaria den San Inazio egunean, 110 urte beteko dira dinamitarien zaindaria den Santa Barbara kaperaren inauguraziotik. Bertan Galdakaoko hainbat herritar ezkondu dira eta beste askok lehen jaunartzea jaso zuten.

Kapera handi hori, 25 metro luze eta 12 metro garai dituena, 1894ko abenduaren 4an, Santa Barbara egunean, inauguratu zen kapera txikiago baten ordezkoa da.

Gaur egungo kapera, berriki konpondua, oso maitatua da herrian, batez ere La Dinamita fabrikako langileen aldetik, gaur egun Maxam enpresa denak, gure herrian lanpostu gehien sortu zituen lehergaien ekoizpenean mundu mailan erreferentea den enpresak. Uste dut 2.000 langile baino gehiago izatera iritsi zela, galdakoztarrak gehienak, eta bitxia da bertan senideren bat lanean izan ez duena aurkitzea.

Kapera hori Jose Maria Basterra Madariaga arkitekto ospetsuak (Bilbo, 1859-1934) egin zuen, fabrikako beste eraikin asko bezala, eta Ildefonso Taranco izan zen obren kontratista.

Eraikinak kapera horretarako sarbidea eta arkupe handi bat ditu beheko solairuan. Solairu nagusian, langileentzako jolasareto zabal bat dago, bi terraza dituena. Terraza horietako

8 uztaila 2022 Binke!

batek eragotzi egiten zuen ibilgailuak fabrikaren erdigunera sartzea, eta eraitsi egin zen. Atzealdean kaperauaren etxea eta langileentzako kooperatiba bat zeuden.

Kaperari dagokionez, azpimarratu behar da aldare nagusiko erretaula eta Santa Barbararen irudia Subero eta Larrea eskultoreek egin zituztela, kaperako pintura Chabarri Hermanos jaunek eta ganderailuak Erromoko jaunaren lantegian egin ziren.

1912ko uztailaren 31n, eguaztena, inaugurazio egunean, jai handiak ospatu ziren, eta, nire ustez, merezi dute horiek gogoratzea egun haietako prentsako hainbat albisteri jarraituz.

Ospakizuna goizeko lehen orduetan hasi zen, La Dinamitako Musika Banda saridunak, Zornotzako danbolindariek eta Zamudioko dultzaineroek lagunduta, herrian zehar kalejira alaia joz jaiak iragarri zituztenean, Zuhatzu auzora iritsi arte eta bertan kaperaren aurrean dagoen plaza zabalean bildu zirenean. Bederatzi eta erdietan, Lezamako Santiago kapilauak bedeinkatu zuen kapera berria, Tomas de Larrinaga parrokiako presbitero eta organo-jotzailearen eta Luis Chalbaud Errazquin aita jesuitaren laguntzarekin. Lagun izan zituzten Ramon Arnau y Piera, fabrikako zuzendaria —Alberto Thiebaut Dinamitako Sozietateko presidentearen izenean—, Inés Amann Bulfy, ordezkariaren emaztea, eta Chalbauden ordezkaria. Bertan izan ziren fabrikako goi-funtzionario guztiak, emazteekin batera, eta udal-agintariak.

Ondoren meza ospetsua ospatu zen Lezamako Santiago kaperauak emanik eta Tomas de Larrinaga, diakonoa, eta Felipe de Jaureguizar, subdiakonoa abadeek lagundurik.

Fabrikako langileen ahotsez osatutako abesbatza handi batek meza gregoriarra eman zuen, Domingo Egileor La Dinamitako Musika Banda laudatuaren zuzendariaren gidaritzapean. Juan de la Mata eta Pedro Mendizabal fabrikako ingeniariek armoniumean ere jo zuten.

Argazki nagusian, Santa Barbara kapera. Alboko argazkietan, goitik behera, meza nagusiko irteera, herri bazkaria eta aurreskuaren unea. Guztiak 1912. urtekoak.

Mezan ohorezko guardia egin zuten postuko miñoiek Trueba kaporalarekin.

Aita Luis Chalbaud Deustuko Unibertsitateko irakasleak egin zuen sermoia, eta San Inazioren bizitza deskribatu zuen, bere bizitza apostolikoaren ezaugarri nabarmenekin.

Meza amaitu ondoren, bertaratutako guztiak plazan bildu ziren, horrelakoetarako eraiki zuten kioskoaren inguruan. Fabrikako Musika Bandak honako programa hau interpretatu zuen bertan: San Inazioren martxa, «Fantasía vascongada», Garaizabalena, euskal sinfonia, Mocoroarena, eta Arrantzalia zortzikoa.

Kontzertuaren ondoren ohorezko aurreskua dantzatu zen, eta txalotuak izan ziren parte hartu zutenak. Arratsaldeko ordu batean, oturuntza oparo bat egin zen kaperako arkupe zabaletan. Bertan, 800 pertsona inguru eseri ziren, eta mahaien ilaretan banatu zituzten. Bertan, lantegiko lanpostu desberdinetako mahaikideak bildu ziren.

Bilbon egoitza duen Torrontegi hotelak eman zuen menua, eta honako menu hau erabili zuen: paella valentziar erara lehenengo, arkume ragout-a —arkume gisatua—, roastbeef errea entsaladarekin —haragi errea—, gaztak, frutak, ardoa, likoreak, kafea eta zigarro puruak. Arratsaldeko hiru eta erdietan, Aita Luis Chalbaudek elizkizuna egin zuen Sakramentu Santuaren erakusketarekin.

Amaitu ondoren, erromeria alaia izan zen plazan, musika banda, danbolin jole eta dultzaineroek girotuta. Haiekin batera hainbat jolas egin ziren, hala nola bizikleta lasterketa zintekin, asto eta zaku lasterketak, igel eta untxien jolasak... eta irabazleei hainbat sari eman zitzaizkien.

Jaiek otoitz ordua iritsi arte iraun zuten, bertaratuak euren etxeetara joan zirenean. • Binke! uztaila 2022 9

Indarra iruditan ARGAZKIAK: SANTIAGO AMILLANO @CLICKETACLICK

10 uztaila 2022 Binke!

Binke! uztaila 2022 11

Urkiren 25. urteurrenean

Iguana & Los Jumiles batera berriro TESTUA: JON GOMEZ GARAI ARGAZKIA: JABI ROJO

Galdakaok Tucker taberna barik 25 urte daramatzala gogoratzeko eta Urkik 25 urte bete dituela ospatzeko, aipatutako lehenengo taberna hartan jaio zen Iguana & Los Jumiles taldeak kontzertua eskaini zuen uztailaren 2an Urkin, taldea desagertu eta 24 urtera. Baina, nortzuk ziren Iguanatarrak? Gorazarre egin die Binkek erreportaje honetan.

M

usikalki (ere) askorako ematen du Galdakaok. Dozenaka dira atzo eta gaur zenbatu daitezkeen musika taldeak gurean: estilo guztietakoak, adin desberdinekoak, bakarka, bikotean ala talde handiagoetan aritzen direnak.

Batzuek sona gehiago lortu dute beste batzuek baino, baina gutxi izango dira Iguana & Los Jumiles musika talde galdakoztarrak bezain ibilbide laburrean hainbeste lortu duenik.

Iguana & Los Jumiles taldea 1993. urteko Santakurtzetarako sortu zen, Txabi Roblesek —gaur egun Urki Kafearen jabeak— Zamakoa kale galdakoztarren zuen Tucker tabernan antolatu zuen jai mexikar batek bultzatuta. Roblesek bazekien bezero zituen Kepa Lazarok eta Dani Larak asko maite zutela musika mexikarra, eta jai horretarako amua bota zien: ezetz kantu batzuk prestatu egun berezi horretarako.

Esan eta egin. Dani Larak soinu txikia lagun eta Kepa

12 uztaila 2022 Binke!

Lazarok gitarra, gitarra elektrikoan Borja Gonzalez batu zitzaien, baxuan Txema Arana eta baterian berriz, Alain Mendez.

Eta horrela sortu zituen boskoteak nazioartean ezaguna den Flaco Jimenez musikari handiaren lau bertsio, denak tex-mex estiloan, Tuckerren jairako propio moldatutakoak.

Kontzertuaren ostean, zer? Arrakasta ikaragarria izan zuen boskote galdakoztarrak jai hartan —egin kontu, lau abesti horiek lau pase ezberdinetan jo zituzten— eta animoa bero zegoela, Txabik bigarren amu bat ere bota zien musikariei: ezetz Gabonetarako kontzertu oso bat eskaintzeko gai izan?

Gabonetan han zeuden Iguana & Los Jumiles taldeko bost musikariak, 15 abestiko kontzertu oso bat Tucker taberna jendetsuan eskaintzeko prest. Baina… auzokide batek udaltzainei deitu eta —tabernak kontzertuak antolatzeko baimenik ez zuela-eta— bertan behera utzi behar izan zuten kontzertu hura, instrumentuak eta agertokia bera ere oraindik prestatu barik zituztela. Denen pozak putzura, amets zoroen modura.

Talde jaio berriaren ametsa ordea ez zen bertan behera geratu. Kontrakoa. Behin entseguak egiten jarrita, eta publikoaren harrera ona ikusirik, ibilbidearekin jarraitzea erabaki zuten. Eta ondo hasi ere, lau urtetan dozenaka kontzertu eskaini baitzituzten han eta hemen, Galdakao eta inguruetako musika talderik ezagunena bilakatuz.

Lehenengo diska bat ere grabatu zuten 1995ean, euren entsegu lokalean bertan: Czestochowa Woman, YouTuben osorik entzungai dagoena. Horrek kontzertuekin jarraitzeko indar eta ospe are handiagoa eman zien. Gainera, Leioa eta Getxoren artean egin zen Ibilaldiaren kantua ere eurek sortu zuten 1997an, «Beti betiko euskara bizirik» lemapean kaleratutakoa: Laugarren urtea zuen taldeak, eta dagoeneko euren amets zoragarri musikal horri amaiera jartzen hasi behar

zutena igarri zuten, Kepa Lazarok Elizondora bizitzera alde egingo zuenaren ondorio —bere egungo bizitokira—. Bera gabe ez omen zuen jarraitu nahi taldeak.

Ordea, agurrerako beste ezer okurritu ez eta azken diska grabatzea erabaki zuen euskaraz, gaztelaniaz eta ingelesez kantatzen zuen taldeak: The Rider, 1998an Tio Pete estudioetan ekoitzitakoa.

Eta horrela, laupabost urteko ibilbide labur bezain bizian gozatu zuten galdakoztarrek eta inguruko musikazaleek izena plater mexikar batean oinarritu zuen tex-mex taldeaz. Lau urtetan dozenaka kontzertu, diska bi eta Ibilaldirako abestia.

Ez da ba zenbaki makala.

Tucker barik 25 urte. Txabi Robles ostalari ezaguna da Galdakaon, giro handiko hainbat taberna kudeatu dituena.

Bere tabernarik ezagunenak ordea, Tucker eta Urki dira.

Bada, iragan uztailaren 2an, zapatuz, Tucker barik 25 urte pasa direla gogoratzeko jaia egin zuen. Aitzakia polita zen Urkiren 25. urteurrena ospatzeko, bata utzi eta bestea ireki baitzuen izen bereko kalean.

Horrela ba, mende laurden bi horiek ospatzeko, tabernariak garaiko arropekin, alfonbra gorriz eta tarta erraldoi batekin girotu zuen jaia antolatu zuen hilaren

lehenengo zapatuan, egun osoz.

Aitzitik, Tucker garaia bizi izan zuten guztiek bazekiten eguneko plater nagusia 21:00 aldera hasi behar zela, ordu horretan igo behar baitzen Urki tabernako agertokira —24 urteren ostean— Iguana & Los Jumiles talde galdakoztarra.

Urki ez da ostatu txikia, baina tabernan sartu ezin ibili ziren bezeroak eta garai hartako musika taldeaz gozatzera gerturatu gura izan zuten musikazaleak.

Sartu zirenek ordea, «kontzertu ederraz» gozatu zutela onartu diote Binkeri, eta «askoren barnean betirako geratuko den horietarikoa» izango dela. Hala izan zen musikari protagonistentzat ere, «asko merezi izan zuen kontzertua izan zen, itzel gozatu genuen!».

Baina horrek ez du esan gura agertokietara itzultzeko asmoa dutenik. Hala kontatu dio Dani Larak hedabide honi: «Kontzertua amaitu ostean gure artean ere komentatu genuen, orain jendea pozik eta gogotsu utzi dugu, baina hobe dugu hemendik urte batzuetara berriz elkartu eta berriz uztailaren 2an bezala gozatzea».

Galdakaok itxaron beharko du beraz Iguana & Los Jumiles taldeaz berriz zuzenean gozatzeko. Espero dezagun, sikieran, horretarako beste 24 urte itxaron behar ez izatea. • Binke! uztaila 2022 13

Moneta alternatiboa

Bitcoina,

mundu ezezagun batean barna TESTUA: BEÑAT ARMENTIA ARRIANDIAGA ARGAZKIAK: JON GOMEZ GARAI

Fidagarria ez dela, halakoetan sartzea ekidin behar dela, miseriara kondenatu ahal zaituela,... azkenaldian zeresan handia ematen ari den fenomenoa ari da izaten Bitcoinarena. Xurrumurru eta hipotesietatik harago, mundu ezezagun hau gertutik ezagutu nahi izan du Binkek, eta horretarako, Bitcoinarekin jarduten duten hiru herrikidirekin elkartu da, fenomenoa bera ahalik eta modu hurbilenean ezagutzeko.

E

z da erraza izan honi guztiari buruzko informazio bilketa bat egitea. Mundu ezezaguna da Bitcoinarena, zer esanik ez Galdakaon, gutxi dira modu publikoan jarduten dutela esatera ausartzen direnak.

Kostata, baina jendearen laguntzari esker azkenean lortu zuen aldizkariak hiru herrrikiderekin harremanetan jartzea.

Horietako bik haien izen abizenak anonimotasunean mantentzea erabaki dute. Zerbait azpimarratzekotan, batek 24 urte bete berri ditu, eta bestea laster da betetzekoa 22.

Hirugarrena berriz ausartu da, berak adierazi bezala, «orain arte zabaldu diren hainbat iruzurrekin bukatzen saiatuko baita» hala. Iker Ruiz dugu bera, 25 urteko galdakoztarra.

Hurrengo lerroetan adierazten diren baieztapen eta iritziak haiekin izandako elkarrizketetatik jasoak izango dira, beraz.

Ezer baino lehen, eta gaian zerbait zentratzeko, ba al dakigu benetan zer den Bitcoina? Modu laburrean, duela hamarkada bat baino gehiago sortu zen lehen txanpon birtuala da Bitcoina. Bai, lehena. Denborak aurrera egin ahala ezagunak ere bihurtu dira beste hainbat, baina hau izan zen lehena. Ez da guztiz ezaguna bere jatorria, 2008an ematen da ezagutzera mundu mailan, eta Twitter bezalako sareek berebiziko garrantzia izan zuten ezaguna egiterako orduan, ahoz ahokoa izan bazen ere biderik eta nagusiena.

Inguraketa bat terminoari. «Zaila da azaltzen modu labur eta zehatz batean zertan datzan honek denak». Hala diote elkarrizketan parte hartu duten hiru kideek. Hitz egin ahala antzeman ahal zitzaien bazutela honen inguruko informazio

14 uztaila 2022 Binke!

andana, bazekitela gaiari buruz, alegia, baina galdera honetatik abiatuz, «hitz gutxitan, zer da Bitcoina?» askotarikoak izan ziren jasotako erantzunak.

Bada, hirurak datoz bat Bitcoina bera diru fisikoa ordezkatzeko helburuarekin jaio zela, eta honen bitartez, balioaren erreserba bat egitea izan zela ezeren gainetik finkatutako jomuga. Honek ala dirau, hau da, aktibo baten aurrean gaude, eta egunetik egunera bere prezioak modu aldakorrean gora edo behera egiten du, merkatuaren arabera.

Bitcoinak merkaturatzeko eta edonork bere gain inbertsio bat egin ahal izateko, nahitaezkoa da aurretiaz besteren batek txanpona bera minatzea, beste hitz batzuetan esanda, txanpona bera sortzea. Ruizek berak aipatzen du «urrearena izan daitekela antzeko adibide bat», esaterako. Urrea bera behin aurkituta —sortuta— merkaturatu egingo da honen kantitate zehatz bat, eta ostean jendeak erosi. Antzeko prozesua da, bere esanetan, Bitcoinarena.

Nola hasi honetan. Nekez oroitzen du batek normalean hartutako erabaki edo egindako hautuen zergatia.

Orokorrean ez da erraza oroitzea zein unetan egiten den salto orain arte inongo interesik izan ez den mundu batera.

Hala galdetu zien Binkek elkarrizketatuei, ea, zehatz ez bazen ere, oroitzen zuten zein unetan erabaki zuten Bitcoinaren fenomenoan ekitea. Haien izena ezkutatu dutenen hitzei helduz, biek nabarmendu nahi izan dute unibertsitatetik datorkiela zaletasunaren grina. Apustu etxe bat bailitzan, dirua modu erraz eta arinean lortu zitekela zabaldu omen zien haien klasekideren batek. Gerora ordea konturatu ziren ezetz, ez zela horrela, baina hori izan zen lehen urratsa.

Beranduago, egoeraren berri jakitun, hasi ziren apurka informazioa biltzen eta interesatzen.

Ruizena berriz bestelakoa izan zen hastapena. Pandemia erdian, beste inongo egiteko handirik ez zuela, hasi zen sarean aurkitutako berri eta artikulu desberdinak irakurriz femonoaren berri izaten. Interesgarria iruditu zitzaion, txapon honen bitartez inflazioak ez baitzuen eraginik izango, berak hala nabarmendu bezala, bere etorkizunean. Bitcoinarekin diruak baliorik galtzen ez zuela irakurri eta berehala hasi zen honetan murgiltzen: lehenik bere kabuz, ostean hiru eguneko kurtso baten bitartez, gerora master bat. Prozesu baten antzekoa izan da Ruizen kasuan Bitcoinarekin izan duen ibilbidea. Behin eta berriz nabarmentzen du hezi eta formazioak jasoz gero mundu ederra dela Bitcoinarena, ostera berriz erraz iruzur zaitzaketela.

Gazte askorentzat erakargarria omen da fenomenoa.

Baina, tamalez, denek uste dute ez dela egokia jende gazteak honekiko izaten duten hastapena. Ondotik etorri ohi dira halako kasuetan, esaterako, iruzurrak. Zera nabarmentzen du hiruretako batek: «Ez da normala Bitcoina apustu etxe bat izango bailitzan ulertzea, ez da egun batetik bestera aberats egingo zaituen negozio bat, larria da gazte asko egiten ari direna».

Piramide egiturazko iruzurrak. Erregulatuta dagoen txanpona da Bitcoinarena. Kantitate jakin batetik gora ezinezkoa da sortzea, eta lau urterik behin delako kongresu tankerako bat egiten da, egoeraren berri jakitera emateko.

Hala ere, azken urteetan zeharo espekulatiboa bihurtu den aktibo bat bihurtzen hasi da txanpona. Tendentzia bihurtzeak Binke! uztaila 2022 15

Kontziente gara bankuek Bitcoinari esker bizirauten dutela? eta gazte jendeak honekiko interesa izateak eragin du hainbatek probetxua atera nahi izatea, eta hala egin ere.

Piramide egitura duten iruzurrak omen dira azken bolada honetan nabarmenenak. Jende berria erakartzeko ohiko estrategiak erabiltzen dituztela dio Ruizek: «Diru kantitate txiki bat emango dizutela hasteko, irabazien ehuneko bat zuretzat izango dela, eta halako beste mila». Errealitatea bestelakoa izaki, behin bezero berriak erakartzen ez dituztenean piramidea hautsi egiten da, gorago daudenei ez omen baitute nola ordaindu, eta ez dute ahalmenik izaten iruzurrean oinarritzen diren sare hauek haien jardunarekin jarraitzeko.

Gaineratzen du, hala ere, Ruizek, «honek denak ez duela zerikusirik Bitcoinarekin». Hauek beste askotan ere ikusi direla —apustuak, inbertsioak, sareko jokoak kasu— baina ez direla bata eta beste nahastu beharrik.

Xurrumurruak eta estoldak. Denek uste dute Bitcoinaren inguruan hitz egiten denean orokorrean ezjakintasun ikuspegi batetik egin ohi dela. Hau da, gizartearen gehiengo handi batek ez du fenomeno honen berri, eta izatekotan medio edo pareko aparatuetatik jasotako gutxiengo batetik izan ohi da.

Are, zera gaineratzen dio Ruizek atzekoari: «Botere posizio batean dagoen edozein subjeturi, izan banku, izan gobernu edota antzeko bati, ez diola inongo mesederik egiten jendeak honi buruz jakitea».

Kontrara, gizarteak Bitcoinaren inguruan jakingo balu agian orain arte izandako diru kontuen dinamikekin hautsi —bankuekin, esaterako— eta inongo hirugarren partadairek ez dagoen bide berri batekin hasiko baitziren asko. Gainera, Ruizen ustez «jendeak honen berri izango balu sekretupean gordetako hainbat kontu argitara aterako ziren, adibidez, kontziente gara bankuek Bitcoinari esker bizirauten dutela?». «Ados nago diru publikoarekin, baina gobernu zein 16 uztaila 2022 Binke!

bankuek haienganako konfiantza indartzea nahi badute adierazi dezatela argi nora bideratzen duten diru publikoa», gaineratzen du.

Eta bien bitartean, ohikoak bihurtzen hasi dira medio zein sareetan honi buruz hitz egiten duten berriak. Hirurei honi buruz galdetuta, gazteenak uste du interesekin jokastzen dutela kasu honetan. Botereari eta finean medioei mesede egiten omen die honen inguruko zarata sortzea, gizartean gezurrak zabaltzea eta halako mesfidantza posizio batetik ikustea fenomenoa.

Gaineratzen du, aurrekoarekin jarraituz, «morboa sortzeaz gain hutsala dela egiten den irakurketa», edo, beste hitz batzuetan esanda, medioek ez dutela merkatuaren ikuspegi global bat egiten inoiz. «Zenbatetan entzun da Netflixen irabaziak jaitsi direla? Ez da zilegi soilik interesekoa dena saltzea eta bestea berriz ezkutatzea», dio galdakoztarrak.

Bizi estilo bat. Bitcoina norberaren bizitzan txertatzea hiruren kasuan bihurtu da haien bizitzen parte, modu desberdinean bada ere. Gazteenek batez ere aisialdiarekin lotzen dute haien jarduna. Gaineratzen dute gainera hasiera nekeza dela minimoki seriotasun puntu bat ezarri nahi badiozu honi guztiari. Bietako batek, esaterako, nabarmentzen du lehen hilabeteak pantailari itsatsita pasa zituela egun eta gauak, merkatuak gora edo behera egiten zuenaren zain. Honek etengabe presiopean egotea suposatzen zion, eta denbora batez ikasketak erabat baztertu zituen, ikasturtearen txanpan berrartu zituen arte.

Bestetik, hiruretatik batek, Ruizek, egun hau du bere ogibide eta bizi proiektu.

Bitcoina du une honetan diru iturri nagusi, eta hainbat proiektutan murgilduta dago, txanponarekin lotura dutenak denak.

Errutina antzeko bat behin finkatuta, egunero aztertzen du prentsa, eta Europar Batasunak hartutako erabakiak zeintzuk diren jakitun da hala. Proiektu berriak aztertu, jende berria ezagutu, eta hauetan murgiltzeko une egokiak zeintzuk diren erabaki, gelditzen ez den etengabeko hazkunde bat ari da bizitzen duela bi urtetik hona Ruiz.

Galdakoztar gazteak mundu honen baitan ikasten jarraitzeko erabaki argia duela helarazi dio Binkeri, zera gaineratuz horri: «Helburua ezin daiteke epe laburrekoa izan, beti izan behar du etorkizuneko ikuspegitik aztertua». Asko izan dira Bitcoinaren inguruan interesaturik beragana hurbildu direnak; nola hasi, zenbat erosi, nortaz fidatu… gauzak astiro eta ezagutzatik egin behar direla erantzuten die guztiei, eta emaitzak etorriko direla nabarmendu, berandu bada ere.

BINKE.EUS

webgune barria prest!

Orain arteko eduki guztiak, eta askoz gehiago, klik bakarrean!

Aktualitateko albisteak, elkarrizketak, herritarren iritziak, kolaborazioak, erreportajeak, bideoak, argazkiak...

Binke! uztaila 2022 17

Enbaxadoreak

Daniel Rodal Castro Chicagoko galdakoztarra Jaiotzez: Galdakao.

Batuak.

Gaur egun: Chicago, Estatu 7.

199 Jaiotza urtea: ra (EHU) ustriala + Mekanikako master Ikasketak: Ingeniaritza Ind eko masterra (EE.UU). eta Ingeniaritza Aeroespazial agentzia batean aholkulari.

Zertan dabil: Ingeniaritzako

«Nire harridurarako, Chicagon askok dakite Euskal Herriaz» Zerk eraman zintuen herritik alde egitera? Besteak beste bertan bizi nuen errutinatik aldentzeko asmoak. Hala ere, ingeniaritza munduan hango eskaintza urriagoa da beste toki batzuetakoak baino, Estatu Batuak kasu, eta honek ere pisu handia izan zuen erabakian. Masterreko bigarren urtean Chicagora alde egitea erabaki nuen, eta harro nago hartu nuen erabakiarekin.

Zeintzuk dira bizi izan dituzun aldaketarik nabarmenenak? Beste ezeren gainetik klima eta tenperaturak. Hemen muturrekoak dira, udan zein neguan, bizi ditugun beroaldiak zein elurteak. Bestetik, jendearekiko gertutasuna handiagoa dela antzeman dut, inor ezagututa ere edonorekin hitz egiten eta agurtzen baituzu bertan.

Zer du zure oraingo herriak, Galdakaok ez duena? Eta alderantziz? Kultura eskaintza zabalagoa dagoela ikusi dut, hemen ohikoagoak dira jaialdiak, kultur-ekitaldi eta halakoak. Gainera, hiriaren erdialdeko arkitekturak harritu ninduen hasieratik, oraindik ez naiz horretara ohitu.

Zeren falta sumatzen duzu han? Topiko xamarra izan daiteke baina lagunak, familia eta nire bikotekidea faltan izan ditut bereziki. Eta ez hori bakarrik, ustekabean pasatzen diren gauza txiki horietaz askotan gogoratzen naiz: zerbait edatea tabernako terraza batean, mendira joatea, herriko jaiak...

Zer gomendatuko zenioke zure herritar bati han bisitatzeko? Bertan egin daitekeen onena hirian zehar 18 uztaila 2022 Binke!

ibiltzea da. Erdialdea batez ere txundigarria da, hainbat etxe orratz ikus daitezke. Badago Chicagoko arkitektura azaltzen dizun itsas-irteera bat, ezinbestekoa zientzia honen inguruko interesa duen edonorentzat.

Gure herriaz hitz egiten badiezu hangoei, zeren inguruan aritzen zara bereziki? Batez ere gure Euskal Herriaren historiaz aritzen naiz askotan, nola horren txikia den nazio batek zenbateko kultura eta ohitura dituen azaldu izan diet. Baita euskararen inguruan aritzea gustatzen zait, asko harritzen die honek bertakoei.

Zer dakite gure herriaz? Nire harridurarako, askok dakite gure lurraldea mapan kokatzen, baita beste askok gure hizkuntzaren eta gure herriaren historiaren inguruan, ez nuen halakorik espero. Athletic ere sarri askotan aipatu izan didate, gertutik jarraitzen dute hemengo futbola.

Zer zenekien zuk hangoaz? Hona iritsi aurretik banekien Estatu Batuetan dena dagoela eskala handian eraikia edota kontsumismoaren logika oso hedatua zegoela. Hala ere, bertan bizitzen konturatu naiz jendea orokorrean xehea dela, errespetutik tratatu izan bainaute denek.

Zeintzuk dira zure etorkizunerako asmoak? Printzipioz beste urtebetez izango naiz bertan lanean. Une honetan nire arloari dagokion lanean esperientzia gehiago lortu nahi dut, eta behin urtea hemen bukatuta, berriz ere Galdakaora itzuli.

Sormena, zertarako?

Kulturminez

GOTZON BARANDIARAN ARTEAGA

A

raba, Bizkaia eta Gipuzkoarako Hezkuntza Lege berrirako ituna irakurrita, euskarazko kulturgintzan aritzen garen Euskal Herri osoko hainbat eragilek gure kezka eta ardura erakutsi genituen ekainaren 16an Donostian egindako agerraldian, itun horren arabera, Hezkuntza Lege berri horrek ez baitu bermatuko euskarazko kulturgintzaren transmisioa. Eta hezkuntza arautuan euskarazko kulturgintzaren transmisioa bermatzen ez badugu, euskararenak egin du. Hizkuntza bat eta bere kulturgintza bereiziezinak baitira. Euskarak ez baitu biziraungo kultur adierazpenik gabe eta euskarazko kulturgintzak ez baitu biziraungo euskararik gabe. Guk honela ulertu eta lantzen dugu transmisioa: euskarazko kulturgintzaren historia eta oraina partekatzea eta

euskaraz sortzeko grina sustatzea. Bi hauek ere, bereiziezintzat ditugu. Euskaraz sortzeko grina lehenik ereduak, adibideak, laginak edota erreferenteak eskainita hasten da, beste batek sortu duena jasota norberak beretik sortzeko gogoa piztuta. Ondoren, praktika eskaini behar da, esperimentazioa, jolasa.

Baina zertarako? galdetuko du batek baino gehiagok.

Pertsona irudimentsu, kritiko, berdinzale, burujabe eta zoriontsuagoak izateko. Hizkuntza-gaitasuna indartuz, euskararen erabilera areagotzeko. Heziketa prozesu osoan ahozkotasuna erdigunera ekartzeko baliabideak eskaintzeko hitzarekin harreman zuzena duten kultur adierazpenen bitartez... Hiztun komunitatea trinkotzeko eta herri-ikuspegia gailentzeko. Utopiak elikatzeko. Bere buruaren jabe izango den Euskal Herria gauzatzeko.

Bestelako mundu bat posible dela ohartzeko.

Zergatik ez duen ilargiak jantzirik ANTTON IRUSTA ZAMALLOA

A

utu-mautuan natorkizu. Aiko-maikoan, ilargiaren ipuin eder honekin. Behin batean, amarengana joan eta zera esan zion Ilargiak: — Hara, ama, soineko bat eduki nahi dut. Lurreko biztanleek izaten dituzten bezalako soineko bat nahi dut.

— Ondo da, alabatxoa. Zoaz jostunarengana eta esaiozu neurriak hartzeko.

Esan eta egin. Jostunaren etxera joan zen Ilargia.

— Kaixo, jostun anderea. Soineko bat nahi nuke.

— Zatoz, neurriak hartuko dizkizut.

Eta jostunak neurriak hartu zizkion.

— Etor zaitez, berriro, bost egun barru.

Bost egun pasa ondoren, jostunaren etxera joan zen Ilargia. Soinekoa janzten hasi zen, baina…

— Hau da hau! Ezin dut soinekoa sartu, estuegia da.

Autu-mautuan — Ai, ene, gaizki josiko nuen. Itzul zaitez bost barru.

Eta hala, handik bost egunera, Ilargia itzuli eta soinekoa janzten saiatu zen.

— Baina, zer arraio gertatzen da? Berriro ere labur eta estu daukat.

— Badirudi berriro ere gaizki josi dudala. Hasieratik ekin beharko diot lanari. Zatoz bost egun barru.

Bost egunak igaro zirenean, soinekoa berriro josi zuen jostunak, hirugarren aldiz. Bat-batean, gorantz begiratzea bururatu zitzaion. Han goian, zeruan, Ilargia bete-betea ageri zen. Orduan konturatu zen alferrik egin zuela hirugarren soinekoa ere. Eskuak altxatu eta honela esan zion Ilargiari: — Ilargi amandrea, ezin dizut soinekorik egin, orain laurdena, gero erdia eta ondoren osoa zarelako! Neurri asko hartu arren, inoiz ez duzu soinekoa ondo edukiko.

Horregatik geratu zen Ilargia soinekorik gabe.

Binke! uztaila 2022 19

GALDAKAOKO UDALA

Galdakao BBK Mendi Martxa proiektuan parte

KOLDO CANDO

EAJ GALDAKAO

Bizkaiko Mendizale Federazioak eta BBK-k alkarregaz abian jarri dabe «mendizaletasuna eta ingurumenaren babesa sustatzea» helburu daukan BBK Mendi Martxa ekimena, familia guztiei eskainitakoa. Urduña, Zalla, Mungia eta Bilbogaz batera, Galdakaoko Udalak eta Ganguren Mendi Taldeak be hartuko dabe parte. Egitaraua Binke.eus webgunean eskura.

Koldo Cando Polizien jokoetan

Isabel Brazal, EAJ-ko zinegotzi

Koldo Cando Galdakaoko udaltzain ohia Munduko Polizia eta Suhiltzaileen Jokoetan izango da aurten, uztailaren 22tik 31ra bitarte Rotterdamen.

Fernando Izagirrek dimisioa aurkeztu ebanetik hutsik egon da hark utzitako lekua; Isabel Brazal du ordezko.

Aldiz, bozeramaile Ainhoa Agirregoikoa da orain EAJ-n.

20 uztaila 2022 Binke!

BINKE BINKE

Loly de Juan Metroaren egoeraz aritu zan berbaz

RC DEPORTIVO

OIER IBARRETXE

Eusko Jaurlaritzaren Garraio Azpiegituren zuzendari Loly de Juan Galdakaon izan zan, herriko PSE-EE alderdiak Metroaren egungo egoeraz aritzeko gonbidatuta, eta garraio publiko hau herrira iristeko «atzerapausorik ez» dala emango ziurtatu eban. Hala ere, Usansoloren inguruan zer egin erabaki gabe dutela onartu eban. Kronika osoa Binke.eus atarian dago.

Eibarrek Ibañez fitxatu dau

Ibarretxe, Espainiako txapeldun

Jone Ibañezek urtebete Depor Abanca taldean egin ostean hau utzi behar ebala iragarri eban, eta egun batzutara, Eibar taldeak argitaratu eban bere fitxaketa.

Espainiako Boxeo Txapelketa Absolutuko irabazle barria da Oier Ibarretxe galdakoztarra. Elite mailan lehen urtea emon ostean «superarin» pisuan lortu dau garaipena.

Binke! uztaila 2022 21

Gaizka Carregal, esku-pilotaria

«Txapel hau ez da handiena, bai ordea berezienetakoa» Gaizka Carregal galdakoztarrak Euskal Herriko txapela irabazi zuen ekainaren 17an Mungian, esku-pilotaren buruz-buruko txapelketan.

TESTUA: BEÑAT ARMENTIA ARRIANDIAGA ARGAZKIA: GAIZKA CARREGALEK BIDALITAKOA

Euskal Herriko buruz-buruko txapeldun. Orain arteko garaipenik handiena akaso? Handiena agian ez, bai ordea berezienetakoa. Finean Euskal Herrian garrantzi handia duen kirol batean nagusitzeak asko poztu ninduen, oso polita izan zen.

Hala ere garrantzitsua iruditzen zait nabarmentzea, hainbat aurkari gogorrek ezin izan zutela azken edizio honetan parte hartu. Sentitu dut izan direla horrenbesteko izenik ez duten txapelketak gehiago kosta zaidala gailentzea, hainbat aurkari gogor irabazi behar izan nituen beste hauetan. Hala ere ez diot garrantzirik kendu nahi lortutakoari.

E

Lortutako garaipen berri hau urte luzeetako lanaren erakusle, ezta?

Bai, txapelak ez dira egun batetik bestera iristen, bide luze baten emaitza dira hauek. Hainbat urte daramatzat pilota munduan, zazpi urte nituela hasi nintzen Eguzkibegi Ikastolan eta ondoren herriko klubera, Adiskidera, egin nuen salto. Entrenamendu eta kemen asko dago atzetik, baita porrot ugari ere, hauetatik guztietatik ikasiz honaino iritsi naizen arte.

Ezer baino lehen, zorionak! Izan duzu astirik garaipena ospatzeko?

Mila esker! Bai, nola ez, ondo gainera! Ostiralean izan nuen finala, garaipenaren ospakizuna berriz larunbatean. Igorreko jaiak izan ziren eta bertan ospatu nuen lorpen berria lagunekin. Biribila izan zen asteburua!

Bien bitartean masterra ari zara egiten. Uztargarriak al dira goi mailako kirola eta ikasketak? Hala da, bai. Biologiako gradua amaitu nuen iaz, eta aurten mikrobiologiako masterra ari naiz egiten. Nire ustez uztargarriak dira guztiz, antolakuntza on bat besterik ez da behar. Niri dagokidanez goizetan aritu naiz masterreko klase zein lanarekin, eta arratsaldetan entrenamenduekin. Kirolak, egunean zehar une labur bat bada ere, ditudan

uskal Herriko buruz-buruko txapeldun berria da Gaizka Carregal (Galdakao, 1999).

Galdakoko pelotari gazteak garaipen berri hau lortu ahal izateko izan dituen gakoetako batzuk zeintzuk izan diren helarazi dizkio Binkeri, bai eta lorpen honek zein ate berri ireki ahal dizkion azaldu.

22 uztaila 2022 Binke!

betebeharrak aldi baterako ahaztu eta hurrengo eguneko konpromezuei aurre egiteko laguntzen dit.

Lortutako garaipen berri honek irekitzen al dizu aterik profesionalen mailara iristeko? Ez dut uste (barrezka).

Azken urteetan entrenamendu batzuk profesionalekin eginda ere, gaur egun ez da erraza 23 urterekin maila horretara salto egitea, enpresek gazteagoa den jendea nahiago dute. Hala ere, ez dut orokorrean gehiegi pentsatzen gai hauen inguruan. Argi dut bolada onean nagoela eta gustura nago egiten ari naizen lanarekin. Maila honi ahalik eta urte gehienez eustea da une honetan buruan dudana, eta izan ohi ditudan lesioak ekiditea.

Galdakaori dagokionez, zein unetan dago euskal pilota herrian? Klubean 50 bat pilotari gaude egun. Izan dira urteak pilotari gehiagorekin, esaterako duela urte batzuk 80 bat izan ginen.

Ausartuko nintzateke esatera azken urteetan indarra galdu duela pilotak herrian, zer esanik ez pandemia hasi eta gaurdaino, bi urte hauek ez dira horren gozoak izan. Zaila ari da egiten pilotari berriak klubera erakartzea. Orain duguna zaindu eta gutxinaka jende berria erakartzea, hori da bidea.

Aurrera begira, zehaztu duzu epe labur zein luzerako helbururik?

Nire helburu nagusia egiten dudan guztiaz gozatzea da. Maite dut pilota, eta kirol honetan pozik eta gustura jokatzen jarraitzea besterik ez dut buruan. Esan bezala, gaur dudan mailari eutsi eta orain arte bezala gogor lan egiten jarraituko dut.

Folklore Bizian nazioarteko jaialdia

Sri Lanka, Georgia, Ginea eta Argentinako dantza taldeak izango dira gurean Ginea Bissauko «Netos de Bandim» dantza taldeko hiru dantzari eta musikari bat.

Folklore Bizian nazioarteko dantza taldeen jaialdia Galdakaon eta Usansolon antolatuko da Andra Mariren eta Oinarinen eskutik, hurrenez hurren.

G

aldakaoko Andra Mari dantza taldeak antolatuta —eta Usansolon Oinarin dantza taldearen laguntza zein parte hartzearekin— badator pandemiaren osteko bigarren Folklore Bizian jaialdia.

Guztira 35. edizioa izango da aurtengoa, eta inoiz baino talde gehiago izango dira oholtzan.

Oholtza horiek Galdakaon eskainiko dira jaialdiaren lehenengo bi egunetan, ostean Usansolon eta barikutik aurrera bisitatuko dituzte Sopela —hilaren 22an 20:00etan—, Arrigorriaga —hilaren 23an 20:00etan— eta Areatza —hilaren 24an 20:30ean—.

Euskal Herria bisitatuko duten talde horiek Argentinako «Gran Ballet Argentino», Sri Lankako «Sama», Georgiako «University» eta Ginea Bissauko «Netos de Bandim» taldeak izango dira, denak dantzari eta musikariz osatutakoak eta euren sustraietako dantza zein doinuak oinarri izango dituztenak ikuskizun ikusgarriak eskaintzeko.

Talde gehienak aspaldi sortutakoak dira, baina badago bat 2000. urtean jaiotakoa. Hori Ginea Bissaukoa da, hain zuzen ere, muturreko pobrezian dauden Bandim auzoko haur eta gazteei espazio seguru baten bitartez integrazio soziokulturala eskaintzeko asmoz jaio zena.

Lau taldeak ez dira ordea egunero eta agertoki guztietan elkarrekin arituko.

Eta Georgiako taldeak, esaterako, aurreikuspen guztien arabera uztailaren 19an baino ez du eskainiko bere emanaldia, Galdakaon.

Emanaldi eta herri guztien zerrenda Binke.eus atarian bisita daiteke, zein taldek non dantzatuko duen jakiteko.

Folklore Bizian Egitaraua 2022

Galdakao, Kurtzeko plazan

Uztailak 19, martitzena 20:30 «University», Georgiatik «Sama», Sri Lankatik «Gran Ballet Argentino», Argentinatik

Uztailak 20, eguaztena 20:30 Andra Mari Dantza Taldea «Gran Ballet Argentino», Argentinatik «Netos de Bandim», Guineatik

Usansolo, Unkina kiroldegian

Uztailak 21, eguena 20:00 Oinarin Dantzari Taldea «Sama», Sri Lankatik «Gran Ballet Argentino», Argentinatik

Binke! uztaila 2022 23

Maiteder Lertxundi, psikopedagoga

«Musikoterapiak ikasketa oso sakonak ditu» TESTUA: XABI EALO DIAZ ARGAZKIA: GOTZON ALMARAZ

Binkeren 2017ko abenduko elkarrizketa nagusia izan zen Maiteder Lertxundi, eta azalera ekarri genuen bera. Orduan bera eta bere lana gertutik ezagutu genituen, orokorrean, baina oraingoan musikoterapian zentratu gara gehiago.

M

usika Eskolan musika modu tradizionalean ikasteaz eta irakasteaz gain, egon badaude musikaz baliatutako zenbait ekintza aurrera eramateko aukera.

Galdakaoko Maximo Moreno Musika Eskolan musikoterapia saioak egiten dituzte eta horretaz arduratzen da Maiteder Lertxundi psikopedagogoa.

Beharbada jendeak ez du ezagutuko kontzeptua, zer da musikoterapia? Musikaren eta bere elementuen erabilera profesionala da, eremu medikoan, hezkuntzan edo egunerokotasunean. Banaka, taldeka, familia edo komunitateekin izan daitekeena.

Eta zer helbururekin egiten dira musikoterapia saio horiek? Bizi-kalitatea optimizatzeko egiten dira. Osasuna, edo ongizate fisikoa, soziala, komunikatiboa, emozionala zein intelektuala hobetzeko. Horiek izango lirateke musikoterapiaren bidez landu daitezkeen helburu orokorrak, gero zehazten joan behar da eta bakoitzaren beharretara egokitu eta horretarako prozesu berezia egiten da, hasierako elkarrizketak, behaketa saioak… prozesuarekin bat doitu behar direnak.

Zer ezaugarri dituzte zurekin lan egiten duten pertsonek? Aniztasuna da ezaugarri nagusia, printzipioz ikasteko edo egunerokotasunean nolabaiteko zailtasunak izaten dituzten pertsonak.

Eta nolakoak izaten dira saioak Maximo Moreno Musika Eskolan? Ze baliabide erabiltzen dituzu saioetan?

24 uztaila 2022 Binke!

Edozein adineko pertsonentzako izan daiteke musikoterapia

Musikoterapia saioak astean ordu erdikoak izaten dira eta normalean banakakoak. Adin anitzeko pertsonak etortzen dira, behar desberdinekin. Eta batez ere, perkusio txikiko instrumentuak, ahotsa, gorputza, pianoa… soinu eta musika anitz erabiltzen ditugu. Parte hartzailearen egoera, interesak eta gustuak funtsezkoak dira eta sarritan beraiek proposaturiko baliabideak erabiltzen ditugu eta beti helburuen arabera.

Musikoterapiaz ari gara, baina zenbat denbora daramazu pertsonekin lanean? Eta nola hasi zineten musikoterapia lantzen? Nik beti egin izan dut lan pertsonekin, baina musikoterapiarekin 23 urte daramatzat.

Hasieran Gaixotasun Mentala zuten pertsonekin, gero

Alzheimerra edo Parkinsona zeukatenekin. Gurutzetako Ospitalean Haurren Onkologia Unitatean ere aritu naiz, baita inolako patologiarik ez zuten pertsoneekin…

Musikoterapiaren esparruan, zer erronka daude aurretik oraindik? Erronka handiak geratzen dira, alde batetik aniztasunaren trataera gizartean, oztopoak arindu edo kentzea, parte hartzeko aukera berdinak izatea, kulturaz eta aisiaz gozatzeko aukerak. Ikerketak, baliabideak, kontzientzia… ere landu beharko lirateke, hau da, hainbat gauzatxo geratzen zaizkigu, baina tira, apurka apurka ea lortzen ditugun. Bestalde, musikoterapia zabaltzearen kontua hainbatek uste dute musika jartzearekin musikoterapia egiten ari direla baina ezta inola ere ez.

Musikoterapia master ikasketak dira, ikasketa oso sakonak ditu, urteetakoak, praktikarekin, prozesu pertsonala da… hau da, profesional kualifikatuak gara, eta horrela azaldu behar da, gizarteak ez du oso argi, agian guk ere ez dugulako ondo zabaltzen, baina niretzako hori eta ikerketa izango lirateke musikoterapiak dituen erronkak.

Norentzako izan daiteke erabilgarri musikoterapia saio bat? Edozein adineko pertsonentzako izan daiteke, gure kasuan, Musika Eskolan, adin guztietako pertsonak ditugu, bakoitzak bere behar edo helburuekin. • Binke! uztaila 2022 25

Binke.eus

Paperetik harago, hauek dira Binkeren webgunean irakurrienak!

Zabaleako etxegabetzea konfirmatzen duen albistea izan da hilabete honetako irakurrienetarikoa.

Nerea Urgoitik ekainerako egindako kolaborazioan idatzitako iritzia egon da irakurrienen artean.

Inguruko jaietatik Gautxorian bueltatzeko egun eta orduak iragartzen dituen albistea egon da irakurrienen artean.

LGTBIQ+ Harrotasunaren Nazioarteko Egunean adierazpena egin zuen Galdakaoko Udalak.

Aitor Montesek idatzitako Zabaleako Gandasegi doktorearen etxearen eraistearen inguruko iritzia.

Urretako San Juan jaietako egunez eguneko egitaraua izan da Binkeko hilabete honetako irakurrienetarikoa.

Santakurtzetako pregoilaria proposatu eta bozkatzeko prozesua hasi da aurtengo Galdakaoko jaietarako.

Gure herrietako

aktualitatea:

Binke TV

Usansoloko gaia osoko bilkuran lantzeko eskatzeko batu ziren Foru Aldundian.

26 uztaila 2022 Binke!

Hauek dira grabatu eta argitaratutako azken hiru bideoak Binke telebistan!

Etxegabetze bat saihesten saiatu ziren 200 herritar inguru Zabalea auzoan.

Bizkaiko Batzar Nagusietako erakusketa inauguratu zuen Ana Otaduik Galdakaon.

Sare guztiak klik bakarrean!

Zuengandik ahalik eta hurbilen egoteko, webguneaz gain Binkek WhatsApp, Telegram, Instagram, Twitter, Facebook eta YouTube sareak ditu eskura. Eta gainera, bere zenbaki guztiak formatu digitalean argitaratzen ditu ISSUU kanalean. Esteka horiek, eta askoz gehiago, ondoko QR kodean dituzu!

Proiektu honetarako lanean: Argitaratzailea: Aitu elkartea.

Koordinatzailea: Jon Gomez Garai.

Irudia eta maketazioa: Naia Bergaretxe.

Erredakzioa: Beñat Armentia, Leire Regadas, Unai Sarriugarte eta Xabi Ealo.

Batzorde Orokorra: Gaizka Uriarte, Ixone Muñiz, Leire Zamalloa, Ainara Goitiandia, Beñat Armentia eta Iñigo Larrea.

Ilustratzaileak: Irrimarra.

Inprenta: Comeco Gráfico.

Banaketa: Mediapost eta Correos.

Hilero banatutako ale kopurua: 14.000.

Lege Gordailua: BI-41-2016 ISSN: 2444-9385

Proiektu hau posible egiten dute:

linktr.ee/binke

Ohiko kolaboratzaileak: Manu Etxebarria, Edu Madina, Aitzol Altuna, Estibaliz Apellaniz, Joanes Urkixo, Yayone Altuna, Irati Bediaga, Julen Gabiria, Gotzon Barandiaran, Antton Irusta, Nerea Urgoiti, Josi Basterretxea, Xabier Valencia, Nagore Ferreira Zamalloa, Edu Olea eta Bego Martinez.

Elkarte laguntzaileak: Ganguren Mendi Taldea, Burtotza Mendi Taldea, Andra Mari Dantza Taldea, Galdakao Gogora, Etxerat, Usansolon Euskaraz, Euskaraldia eta Bagabiz euskara elkartea.

Argazkilariak: Jabi Rojo, Gotzon Almaraz, Aitzol Zamalloa eta Julio Legarretaetxebarria.

Webguneko laguntza: Aitor Espinosa eta Naiara Perez de Villarreal.

Binke aldizkariak ez du bere gain hartzen aldizkarian adierazitako iritzi edota esanen erantzunkizunik Harremana: 680 74 32 11 info@binke.eus

www.binke.eus

Babesle ofizialak:

Binke! uztaila 2022 27

Folklore Bizian Uztailak 19 eta 20 Galdakao, Kurtzeko plazan Uztailak 21, eguena

00:30 DJ Rubio

Uztailak 16, zapatua 11:30 Gynkana ludotekako begiraleekin 12:15 Umeentzako jarduerak ludotekan

Eskulanak

Usansolo, Unkina kiroldegian * Egitarau osoa 23. orrialdeko erreportajean

13:00 Doako txanpi-poteoa txosnan 13:30 Igel-toka txapelketa Jubilatuen Etxean 16:00 Mus eta Briska txapelketak

Bengoetxeko jaiak

16:30 Goitibeherak umeentzat 17:30 Umeentzako jokoak eta ponpak

Uztailak 15, barikua

19:00 Musika Mozoilo Irratiarekin

16:30 Umeentzako jarduerak ludotekan

22:00 Drag Queens Show

19:00 Pregoia, txistulariak eta buruhandiak

23:00 Miss eta Mister Bengoetxe 2022

19:30 Sardina-jan herrikoia

23:30 Bingo herrikoia

20:00 Zumbatoia

00:30 Kontzertuak:

21:30 Joxe Mendizabalekin erromeria

Brea eta Infarto * Asteburu osoko ekintzen egitaraua binke.eus-en

RPS 258/15 M.Miguel Herrero D.O.O Y Audioprotesista

23:30 Bingo herrikoia

Ikusmena eta entzumena Bizitza gehiago ematen diegu zure zentzumenei Juan Bautista Uriarte, 19. GALDAKAO Telefonoa: 94 456 59 54 WhatsApp: 688 856 690 Hauetan ere bagaude!

ikusmen eta entzumen zentroa

Binke! uztaila 2022 29

30 uztaila 2022 Binke!

Binke! uztaila 2022 31