BINKE 068 Otsaila 2022

68. zenbakia • 2022ko otsaila

GILBERT KOSI MODELOA

«Nire gorputzarekin lotutako guztia arma bat da, azala barne»

GILBERT KOSI MODELOA

«Modelo izateko itxura fisikoa oinarrizkoa da, baina ez da garrantzitsuena» TESTUA: JON GOMEZ GARAI ARGAZKIAK: OIER REY DELIKA (AZALEKOA) ETA LEIRE CAVIA

O

raindik ez baduzu ezagutzen, lasai, hemen aurkeztu gura dizulako Binkek zeresana emango duen eta aktore bidean dagoen Gilbert Kosi modelo profesional galdakoztarra. Bere azken lanaz, bere hastapenez... eta bereziki irudiaren esklabo izateaz, edertasunaren kanonez, etiketez eta beste hainbat konturen inguruan aritu zaigu deskubritu berri dugun herrikidea.

Shawn Mendes musikari internazionalaren bideoklip batean deskubritu zintugun. Kontaiguzu! Zelan amaitu zenuen lan hau egiten? Zerutik etorritako opari bat izan zen, egia esan. Egun batetik bestera agertu zen eta apur bategatik gainera galdu egin nuen!

gehiagok zu ezagutu gero eta gehiago izango zaituzte kontutan, eta lan-aukerak ere handitu egingo zaizkizu. Ate batzuk zabaldu ditu eta beste batzuk zabalduko ditu, ziur!

Modelo lanak egiten dituzu bereziki, baina bideoklip honetan parte hartzeak aktore bezala musturrak sartzeko aukera ere eskaini dizu? Aurretik ere egin dut aktore lanik, telebistarako iragarki batean ere aritu nintzelako.

Musturra Blow agentziarekin lanean hasi nintzenean sartu nuen.

Publizitaterako aurpegia behintzat baduzu! Zoritxarrez edo zorionez bai, nire profilak gehiago balio du publizitaterako modarako baino. Eta publizitatean ikus-entzunezko bideoak ere egiten direnez, horrek aukera gehiago eskaintzen dit aktore aritzeko. Eta horretan bai, zorionerako esango dut, nire benetako desioa aktore izatea delako!

Galdu, zergatik? Arratsalde batean erosketa batzuk egitetik etxera bueltan nengoen, eta nire agentziako mezu bat jaso nuen: «Kaixo Gilbert, Shawn Mendesen bideoklip batean parte hartzeko aukera bat daukat». Nik orduan ez nekien Shawn Mendes nor zen ere! Baina ikusita Instagramen 61 milioi jarraitzaile zituela... ez nuen bi aldiz pentsatu! Ostean konturatu nintzen Mendesen zuzendari-sortzaileak berak mezu bat bidali zidala sareetatik, baina ez nuen ikusi...

Eskerrak agentziaren bitartez saiatu ziren, bestela aukera galduko nuke!

Baina zuk ez al zenuen modelo izatea erabaki? Ikasten nenbilela inoiz ez zitzaidan burutik pasa modelo izan nahi nuenik. Behin amak ia modelo izan nahi nuen galdetu zidan, eta berarekin horren inguruko solasaldi bat izan ostean, elkarrizketa batera elkarrekin joan ginen. Elkarrizketa horretan sumatu nuen agian modelo izatea nire lanbidea izan zitekela.

Lan honek aterik zabaldu dizu? Egia da lan honegatik agian jende gehiagok nigan erreparatu duela, eta horrekin agian jende gehiagok daki Gilbert Kosi aukera bat izan daitekela. Azkenean, lan askotan bezala, gero eta jende

Modelo-fitxa batzuetan ikusi dugu zure neurriak oso zehatz batzen dituztela. Hori ona da ala presio gehiegi?

Zure gain hartu beharreko ardura bat gehiago da. Ez ona, ez txarra, ordaindu beharreko prezioa da, nolabait esatearren.

2 otsaila 2022 Binke!

Non sumatu zenuen hori? Elkarrizketa egin zidan pertsonaren begietan, goitik behera nola begiratzen ninduen... ni «erabiltzeko» desiatzen zegoen! (barreka)

Ordura arte modelo izateko asmorik ez bazuen ere, Bengoetxeko institutuan batxilergoa amaitu eta berehala sartu zion amak modelo izateko arra gorputzean. Gaur, 24 urteak oraindik bete barik baditu ere, Blow modeloen agentzia internazionalarekin kontratua du Kosik, telebistako hainbat iragarkitan aritu da eta sareetan milioika jarraitzaile dituen Shawn Mendes musikari ospetsuaren bideoklipean agertu da.

Oier Rey Delika

Gilbert Kosi Rodriguez 1998, Galdakao

Ondo pentsatuz gero, zerbait beharrezkoa dela esatera ere ausartuko nintzateke.

ahal izateko. Azken finean, gu izarren osagarri baino ez garaeta. Eta izarrak, gure kasuan, arropak dira.

Tira, neurriak eta neurriak daude... Bai, baina kotxe bat gidatu gura baduzu, lehenengo gidabaimena erakutsi beharko duzu. Edo lanpostu zehatz batera joan gura baduzu, ikasketa konkretu batzuk erakutsi beharko dituzu lehenago zure kurrikulumean... Ba modelo lanetan, berdin. Inportantea da zure neurriak zeintzuk diren erakustea arropetan sartu

Itxura fisikoa oinarrizkoa da zure ogibidean. Zer egiten duzu forman egoteko? Bizimodu nahiko aspergarria baina eraginkorra daukat, kirol asko egiten dut eta janari berde asko jan. Niretzako garrantzitsuena elikadura osasuntsu eta orekatua eramatea da, nahiz eta erraza ez izan —gaur egun oraindik nire borrokatxoak ere baditut nire baitan, beti Binke! otsaila 2022 3

Txikitatik jarraitu izan naute begiradek, eta askok esaten dute nire azal koloreagatik dela Goazen pitin bat urrunago... 2018an argitaratu zenuen podcast batean azaldu zenuen «sinestezina dela zein sinpleki ikusten duzun mundua, ez duzula etiketarik ikusten, pertsonak soilik». Mundua horrela ikusten jarraitzen duzu? Ufa! Ondo ikertu duzue gero, eh! (barreka) Mundua sinplea dela ikusten eta sinisten jarraitzen dut, baina emozioez betetako pertsonen mundu batean gaudela jakinda, emozioek sinplea dena konplikatu bilakatu dezakete.

Leire Cavia

Baina etiketak, ikusten dituzu? Etiketak erabat desagertu dira nire begien aurretik. Pertsonak ikusten jarraitzen dut, baina etiketen ordez rolak agertu zaizkit. Bien arteko diferentzia nire ustez zera da: etiketekin pertsonak epaitu egiten direla, diskriminatu, eta rolekin kontziente zara pertsona bakoitza denaz, ezagutu egiten duzu.

gustatu izan zaidalako asko jatea, txokolatea eta gazta ere jatea...— banoa pixkanaka ohitura onak hartzen!

Hala ere, itxuraz ari garenean, modelo bat ez da soilik bere gorpuzkeraren itxuragatik baloratuko, ezta? Zuk aurreko galderan ondo esan bezala, itxura fisikoa oinarrizkoa da, baina horrek ez du esan gura garrantzitsuena denik. Are gutxiago bizi garen garaiotan, gaur egun profil askorako merkatua dagoelako. Hala ere, gorpuzkera, janzkera, hortzeria eta orrazkeraren gainetik, badago diferentzia markatzen duen zerbait: «Zer transmititzen duzu kameraren aurrean?».

Zure energiak, aurak, karismak, konfiantzak, bizitasunak eta, noski, kamera baten aurrean duzun trebetasunak saltzen du.

Eta horrek zure buruarekin eta arimarekin du lotura estuagoa zure gorpuzkerarekin baino.

Zure irudiaren esklabo sentitzen zara? Galdera interesgarria... (pentsakor) Egia da nire irudiari esker bizitzeak horren esklabo izatearen ustea sortu dezakela. Baina nire lanorduak honetara eskaintzen baditut, nik hala erabaki dudalako da. Eta hala erabaki dut askatasun osoz. Beraz, onartu egiten dut nire askatasunetik hartutako erabaki baten ondorio izatea irudiaren esklabo. Ondo azaldu dut? (barreka) 4 otsaila 2022 Binke!

Lehen aipatutako urte berean modelo industrian zailtasunak izatea onartu zenuen, agentziekin, argazkilariekin... Zelakoak izan ziren zure hastapenak modelo izateko bidean? Lehenbiziko urteak nahiko «pasiboak» izan ziren. Ikasten eta futbolean jokatzen nenbilen, eta ez nengoen modelo izateko pentsatzen. Baina behin Bengoetxen batxilergoa amaituta, modelo izateko abenturan nire indarren %100 jartzea erabaki nuen. Eta erabaki horrekin Parisera joan nintzen.

Parisera, «eskuartean ezer» izan gabe? Bai eta ez.

Sukaldaria izan gura baduzu, kozinatu; idazlea izan gura baduzu, idatzi... ezta? Hori da behintzat nire pentsamoldea.

Bada, sareen bitartez argazkilariei idazten hasi nintzen, argazkiak izateko eta kameren aurrean trebatzen jarraitzeko.

Horrela ba, hainbat argazki eskuartean, denak txukun ordenatu eta Parisera joan nintzen. Behin Parisen bileraren bat edo beste izan nuen, baina horren esperoan geratu nintzen...

Eta esperoan-esperoan... Ez zetorren ezer. Horregatik iniziatiba hartu eta atez ate agentzietatik joaten hasi nintzen, aukeren bila. Liburu bat ere idatzi dezaket 10 hilabete horietan gertatu zitzaidanekin, baina bizitako zailtasun zein erronkek nire izaera indartzeko eta modelo munduak nola funtzionatzen duen ikasteko balio izan zidaten.

Gaur egun nola ari zara, agentziaren batekin ala zure kabuz? Agentziekin, Bilbon pertsonalki eta profesionalki hazten ikusi nauten SF40 agentziarekin nabil eta Espainiako esklusibotasunarekin Blow Models agentziarekin nabil.

ELKARRIZKETA GILBERT KOSI

Arin-Arin!

Asteko egun gogokoa?

Herrian zer kenduko zenuke?

Domeka.

Ezebez.

Herriko txoko gustukoa?

Eta zer berria jarri?

Arrien taberna, tortillagatik.

Liburua ala tablet-a?

Liburua.

Metroa.

Euskarazko berbarik politena?

Muxu.

Pelikula bat?

Zure ametsetako bidaia?

La milla verde.

Japonia.

Ez duzu onartzen…

Ahotsa altxatzea.

Zoriontsu egiten zaitu…

Oier Rey Delika

Janariak.

Berba egin ala entzun?

Entzun.

Zure mesanotxean ezin da falta…

Plater bat?

Pondu madesu.

Ura.

Deskribatzen zaituen berba?

Abesti bat?

Anbizio handikoa.

Txoria txori.

Bartzelonakoak dira azken hauek eta nazioartean lan asko egiten dute. Oso pozik nabil hauekin ere!

Agentziekin ibilita agian errazagoa izango da, baina bestela, zelakoa da casting batetik bestera ibili behar izatea? Agentziekin lan egin zein ez egin, castingetatik ez zara libratuko! (barreka) Beharrezko prozesua da hautagaiak aukeratzeko, baina mentalki nekagarria eta desmoralizatzailea da, beti ere ikuspuntu desegokiarekin bazoaz edo modu negatiboan hartzen baduzu. Pazientzia eta artea behar da.

Modelo izatea besteen gustu eta kritikara ikusgai egotea da. Zelan daramazu? Niretzako beti izan da barregarria goitik behera zelan «aztertzen» nauten ikustea. Jendearen aurpegiek, begiradek, keinuek... entretenitu egiten naute eta horrekin jolastu izan dut beti! Txikitatik jarraitu izan naute begiradek, eta askok esaten dute nire azal koloreagatik dela, baina ez dute onartu nahi nire xarma exotikoarekin «engantxatu» egiten ditudana! (barreka) Zuk hartzen duzun moduan hartzea baino hoberik ez dago, duda barik! Baina jasoko zenuen gutxiespenik... Lehenengo agentzian sartzea lortu aurretik 65 ezezko jaso nituen. Eta 65 diot, ezezko guztiak zenbatuta ditudalako —erantzun ere egin ez zidaten horiek zenbatu barik, noski—. Baina baiezko bakarra nahikoa da zure indar guztiak bertan jartzeko!

Dena dela, edertasunaren kanonen parte izanda, gremio honetan baiezkoak jasotzea errazagoa izango da, ezta?

Egia da nire itxura fisikoak aukera asko ematen dizkidana egiten ari naizen paper asko egiteko, baina horrek ez du errazten behin honetan sartuta atzetik dagoen lan guztia. Eta lan guzti hori, atea ireki diezazuten bakarrik, gero egongelara arteko bidea irabazi behar duzulako. Eta egongelara sartzea zure talentu eta abileziarekin bakarrik lortuko duzu.

Ez esan gehiengoarentzat «guapoa» izateak ez duenik lana errazten! Ederra izateak erraztu egingo du besteak arreta jartzea, bai, baina arreta horri ez diozu eutsiko gero ez baduzu berba egiteko etorririk, ez baduzu konfiantzarik sortzen edo ez baduzu karismarik. Ba, modelo lanetan berdinberdin. Ez dut ukatuko nire irudiak ematen didan pribilegioa, baina ez zaio bizkarrik eman behar ezezko bat baiezko bilakatzen duen gainontzeko guztiari.

Zure azal kolorea, balio erantsi bat ala oztopoa da Euskal Herrian? Nire gorputzarekin lotutako guztia arma bat da, azala barne. Edozein kolorek, formak, ezaugarrik — handi edo txiki izanda ere—... bere balioa du. Baina egia da balio hori zure inguruan desberdin bezala hartzen bada, positiboa ere izan daitekela.

Zein pasarela edo estudiotan ikusi gura duzu zure burua? Hau erraz erantzungo dut: Gucci. Ikaragarri gustatzen zait Gucci!

Eta zein diseinatzailek janztea gustatuko litzaizuke gutxi? Karrera barik utzi gura nauzu ala! (barreka).• Binke! otsaila 2022 5

Aginke!

Errealitatetik hurbilegi dauden albiste faltsuak

«Eskerrak ez in diren Ikus-tok eta Krokon egin ditudan parranden tu...» bideoak filtra JOHNSON BORIS JOHNSON& lan eta nik jai! k Hi .. ai. ai ai ai, , Ai

Sarean arrantzatua

Ba al zenekien...

«Mekauen» hitza dela biraorik erab iliena Zamakoatik pasatzen diren auto gida rien artean?

Bigarren ilaran dauden autoek erag iten omen dute.

3

Bataz beste, hiru tonu baxuago kantatu dira aurte ngo Santa Agedako koplak, Athleticen Kopako garaipenaren oste an eztarriak urratuta egoteare n ondorioz. Zelan egongo ote dira zu rigorrien eztarriak, Aste Sa ntuko saetei begira?

Txiste txarra

noiz hasi — Haurdun geratu zinanean, itzen zinan konturatzen umea mug hasi zala? n zanean.

— Lana aurkitu eta etxetik joa

Ostalaritza Eskola auzitara eramango du ikasle batek

Aurrekariak sortu ditu Laudioko langile ez-euskaldunak: Bengoetxeko Ostalaritza Eskolako ikasle batek zentroa auzitara eramango du kurtsoa gainditu eta Michelin izar bat lortu ahal izateko, bakailaoaren pil-pil salts a egitea «sukaldaritzako bosgarren ikasgairik zailenak dela argudiatuz».

Sorpresa linguistikoa azken berripaper abertzalean

Iturrondo plazan dagoen tabernar a hainbat herritar gerturatu zen, duela aste batzuk etxean jasotako azken berripaper abertzalearen gaztelerazko bert sioa soilik jaso zutenaren sorpresaz. Euskaraz idatzitako albis te bakarra zegoela-eta, hainbat alderdikidek euskarazko bertsioa heltzear zegoela pentsatu zuen... gaur arte.

Mozoilokerrek abokatua izango du bere epaiketan Azken urteotan beti

errudun izatearekin ados ez dago ela azalduta, Inaueterietan protagon ista izan ohi den Mozoilokerrek abokatua izango du eta epaiketa Estrasburgoko Giza Eskubideen Tribunalean erre kurritzeko nahia azaldu du.

6 otsaila 2022 Binke!

Hilabete honetako sarituak

Urtarrileko irabazleak

Ane Perez Agirre Daniel Arroyo Bakaikoa

Irantzu Agirregoikoa (ezker) eta Irantzu Martinez (eskuin) Binkekideak Eresia antzezlaneko bina sarrera jasotzen Edurne Espilla Euskara zinegotziaren eskutik!

Lurberrigane jatetxeak oparitutako bina menu irabazi dituzte. On egin!

Erraza da Binkekide izatea!

Eman zure babesa urteko

36 €

ordainduta

Oraindik Binkekide ez bazara, eta neurri honetako lehenengo komunikabide euskalduna babestu eta sustatu gura badozu, hauek dozuz horretarako bideak:

1. Bete beheko formulario hau, eskaneatu edo atera argazki bat eta bidali e-postaz: info@binke.eus

2. Bete formularioa, moztu, eta utzi gutunazal baten, Binke izenarekin Torrezabal Kultur Etxeko atezainaren leihatilan.

3. Eskaneatu zure

IZEN-ABIZENAK:

mugikorraren QR irakurgailuarekin beheko kodea eta bete formularioa!

HELBIDEA:

TELEFONOA:

NORTASUN AGIRIA:

E-POSTA: IBAN

ENTITATEA

BULEGOA

K.Z.

KONTU ZENBAKIA

KONTU KORRONTEA:

Binke! otsaila 2022 7

Mugimendua iruditan ARGAZKIAK: KOLDO OYARZABAL @CLICKETACLICK

8 otsaila 2022 Binke!

Binke! otsaila 2022 9

Leire Arana eta Ander Silvano, Aranzadi

«Hildakoei merezi duten errespetua emango diegu» TESTUA: BEÑAT ARMENTIA ARRIANDIAGA ARGAZKIA: ARANZADI ZIENTZIA ELKARTEA

Begoñako hilerria Bilboko memoriaren eta ondarearen parte garrantzitsu da, eta hainbat urtez erabili gabe egon bada ere, «Begoñako argia» proiektua garatzen ari da Aranzadi Zientzia Elkartea Bilboko Udalarekin, bere balioa eta memoria berreskuratzeko asmoz. Lan horretan bi herrikide daude: Leire Arana usansolotarra eta Ander Silvano galdakoztarra.

B

egoñako hilerriaren historia ikertzen ari dira Leire Arana (Usansolo, 1995) eta Ander Silvano (Galdakao, 1995) Aranzadi Zientzia Elkartearentzat. Historian graduatuak biak, gaur egun arkeologo lanetan dihardute hilerriko gorpuzkiak desobiratu eta garai bateko errautsen azterketa egiten.

Modu laburrean, nola azalduko zenukete zertan ari zareten? Labur esanda, Begoñako herritarren historia berreskuratzen ari gara; 1862tik —hau da, hilerria erabiltzen hasi zenetik— XX. mende bukaera arte dagoen tarte horretan ehortzitako Begoñako bizilagunen arrastoak ateratzen eta ikertzen. Hala ere, gure esku-hartzearen zergatia konplexuagoa da, izan ere, proiektua bera gaur egun hilerria kokatzen den lekuan parke bat egiteko ideia onartu zenean sortu zen.

Zein ekarpen ekarriko dizkio zuen lanak Bilbori eta, oro har, Euskal Herriaren historiari? Hilerria 1862-2005 urteen artean erabili zen. Hortaz, gerrako testuinguruaz gain,

10 otsaila 2022 Binke!

indusketak aldi zabalago baten inguruko informazioa ere emango digu, auzoaren eta orokorrean Bilboko memoria historiko zabala aberastuz. Adibide bezala, ume batzuek dituzten errakitismo patologiak eta helduek dituzten zenbait adierazle ere gaur eguneko bizi estilo oso ezberdinen isla dira, gure imajinario kolektibotik aldetzen direnak, alegia.

Gerra Zibileko hainbat arrasto tarteka, ezta? Garai honetako zenbait hildako ditugu, bi bandoetakoak. Eta garaiko erakusle zen kaosarekin eta hildako kantitate masiboarekin informazio asko galdu egin zen. Askotan, artxibo historikoetan dauden dokumentuetan —gerran desagertutako pertsonen informazioa agertzen den arren— senide askok ez dakite euren aita, osaba, anaia, ama edo dena delakoa non hilobiratu zuten, edo hilobiratu zutenik ere. Azkenean proiektu honen bitartez, askok euren senidea hamarkada luzeen ondoren kokatu eta euren bizipena ezagutu dezakete. Beraz, bai, gerra garaiak badu bere garrantzia, denbora hartan familia askoren eskubideak urratu ziren eta hauek berriro batu ezin badira ere, sikeran hildakoei merezi duten errespetua eta justizia aukera emango diegu. Baina esan bezala, hilerria ez zen gerra garaira mugatu eta honek Bilbo eta inguruko gizartearen ezaugarrien inguruko informazio asko eman ahal digu.

Proiektu multidisziplinarra da zuena, hau da, aditu ugari ari zarete elkarlanean. Hala da, gu alor arkeologikoan aritzen gara, baina gurekin batera antropologoak eta osteologoak ere badaude hezurrak aztertzen, geologoak bere aldetik hilerriko material litikoak aztertzen, historialariak artxibotako dokumentazio lana egiten, topografoak aurkitzen dugun dena mapetan kokatzen... eta baita kriminologia, antropologia eta arte ederretako graduetako eta masterretako ikasleak ere praktikak egiten daude. Gure ustez, garrantzitsua

da zientzia ezberdinak uztartuz lortu daitekeen informazioa eta ondorioak ateratzea, oraindik goiz den arren, emaitzak globalagoak izango baitira.

hezurrak atera eta kasu oso bereziak badira hauen azterketa sakona egin dezakegu laborategian. Hezur hauek guztiak, ondoren, Derioko hilerrira eramaten dira.

Zein da gorpu bat desobiratzeko orduan erabiltzen duzuen metodologia? Lehendabizi hilerriaren ezaugarriak kontuan izaten ditugu, eta handiak diren kasuetan makineria erabiltzen dugu azaleko lur kapa kentzeko. Bitartean, operarioak mugitzen duen lurra begiratzen egoten gara eta hilobi baten lehenengo zantzuak ikustean lekua markatzen da estaka batekin. Normalean hilobiratze maila ezberdinak daude eta hauek sektoreka aztertzen joaten gara, baldintza klimatikoengatik bereziki.

Proiektua oraindik bukatu gabe egonda ere, zeintzuk dira ateratako lehen ondorioak? Oraindik goiz da ondorio zientifikoak ateratzeko, baina aztarnategi honetan argi ikusten da iturri idatziek eta errealitateak ez dutela bat egiten. Izan ere, proiektua hiru hilabeterako programatuta zegoen, hilobiratze kopuru konkretu batekin, baina lanean hasi ginenean laster ikusi genuen geneukan informazioa, gehiengoa errepublika garaitik aurreragokoa, ez zela nahikoa eta askoz gorpuzki gehiago zeudela...

Eta ostean? Behin hildakoa lokalizatzen dugunean «lan fina» dator, kide batek edo bik eskuz egiten duguna. Honen helburua, hilobiaren ezaugarriak, hilkutxa, apaindurak, etab. aztertzea eta hildakoarenak ere ikustea da, postura, objektuak, karerik daukan…

Proiektu hau behin bukatuta, zein bide hartuko du zuetako bakoitzak? Galdera ona (barrezka). Nik (Ander) momentuz ez dakit zer egingo dudan. Proiektu honen antzeko besteren batean jarraitzea nahiko nuke baina, batek daki. Dena den, eta datorrena ezagutzen ez badugu ere, beti irribarre batekin aurrera egiten saiatuko naiz! Nire kasuan ere (Leire), Anderrek esan bezala, batek daki. Hala ere, printzipioz Aranzadirekin aztarnategi arkeologikoetan lanean jarraituko dut udaran zehar eta baliteke urte osoan zehar ere, atzerrian. Arkeologiaren mundua oso sakona eta polita da, baina zoritxarrez Hego Euskal Herrian arkeologia proiektu falta larria nabaritzen da, hori dela eta askok irakaskuntzara jotzen dugu. •

Erraz egiten dira desobiratzeak, beraz. Ez. Hildakoa ez da segituan ateratzen, behin hezur denak agerian ditugunean dokumentatu egiten da, patologiak eta hezurduren ezaugarriak aztertu eta idatzi, argazkiak atera eta metodo arkeologikoan erabiliena den unitate estratigrafiko zenbaki bat ematen zaio. Modu honetan, eskema estratigrafikoa eginez, hilobiratzeen ordena ulertu dezakegu. Azkenik,

Binke! otsaila 2022 11

Gure berbaz MANU ETXEBARRIA AYESTA

Arean

A

rean» berba zaharra dogu. Jatorriz, «handik» esan gura dau, baina Gorbeialdean, «apur bat» zentzuaz darabilgu baiezkorako, eta ezezkorako «arean bez (be ez)». «Apur» berbeak erabilera ugari dauka, esaterako: «Ogi apurrak edo birrinak; ur apur bat; denpora apur bat; lo apur bat; behar apur bat; apurka-apurka;» etab. baiezkoan eta «apur bapez (bat be ez)» ezezkoan.

«Apurtu» aditza be hortik dator, apurrak egin, birrinduz, erdibituz, laurkinduz edo sastuz.

Diminutiboan be erabiltzen dogu, esaterako: «Apurtxu bat, apurtxu baten, apurtxu baterako», etab. «pitin edo piti bat» baliokideagaz batera.

Euskera batuaren etorreragaz, beste sinonimo batek daragoio nagusitzen eta hauxe da: «Pixka, pixka bat, pixkanaka», etab.

Berba honen jatorria ez dago argi. Euskaltzaindiako Orotariko Hiztegiak dino Gipuzkuan eta Goi-Nafarroan erabilia dala, eta arean, Bizkaiko literaturan.

Baina ez dago argi, gaztelerazko «pizca»-tik datorren ala gaztelerak euskerazko «pixka»tik hartu dauan. Dana dala, gauza bat adierazteko hiru berba badaukaguz, bat bakarrik erabiltzea, euskera pobretzea da. Apurka-apurka, danon arte batu eta aberastu behar dogu etorkizuneko euskera. Hala bedi!

12 otsaila 2022 Binke!

Elorritxueta beharrean, Euskal Herriko Itzulian ere Vivero...

I

gor Anton galdakoztarrak 2011ko Espainiako itzuliko Noja-Bilbao etapa irabazi zuen. Gogoangarria, duda barik, Euskal Herriko txirrindulari zaleentzat. 19. etapa hura Galdakaoko Alto El Vivero izeneko gantxotik igaro zen, besteak beste. Aurtengo Itzulia (4. etapa) ere leku beretik igaroko da, bai eta 2022ko Espainiakoa ere (5. etapa). Lasterketa bietako profiletan Vivero leku-izena ageri da.

Gangureneko paraje eder horren izena, alabaina, Elorritxueta da eta halaxe dokumentatu da XVIII. gizalditik, behinik behin. Mintegi generikoari dautsala, ostera, XX. gizaldiaren hasieran dokumentatu da lehenengoz: Elorritxuetako Minteguija (1919), Erricomintegui (1925), Vivero de Elorritxueta (1922)… Geroztik Elorritxueta bizi-bizirik mantendu da agiri idatzietan, gaur egunean ahozkoan arean galdu bada ere. Orobat, Elorritxuetan Lezama eta Galdakaok egiten dute bat eta, dokumentazio idatziari erreparatuta, badakigu Lezama erdigunetik Elorritxuetara doan errepidea 1940an egin zela. Edo ahozko landa-lanetik badakigu bertan Diputazioko mintegia zegoela: «Hor goian, Elorritxuetan, soloak egon ziran, zipresakaz zarratuta, eta landarea bitartean erein eta sobretan zana errepikau. Errepikau esaten jakon, ba… barriro hurrengo urterako, landarea atara, ezpabere bertan gogortu egiten da».

Tamalez, Elorritxueta leku-izena galtze prozesuan dago eta bere ordez leku-izenaren espainierazko generikoa gailentzen ari da: El Vivero.

Herriaren izatea, jakintza eta historia ez dago idatzietan eta liburuetan bakarrik, ez dago herritarren esanetan bakarrik. Herriaren izatea bertako toki-izenetan be gorderik dago; herriko auzo eta auzune, mendi eta tontor, ibai eta erreka, baserrietxe eta kale-etxe, baso, solo eta landa, zubi bide eta gainerako lekuetan, eta herriko jendeak lekuoi emandako izenetan.

Herriaren nortasuna bertakoek eta ingurukoek leku bakoitzari emandako izenetan ere badago. Izenok, baina, normaltasun osoz erabiltzeko normatibizazioa baitezpadakoa da.

Galdakaoko Udalak ontzat eman zuen 2016ko 218 zenbakidun Alkate Dekretuz Euskaltzaindiko Onomastika batzordearen agiria: Galdakaoko Toponimia normalizatzeko proposamena (Olazti, 2015/10/19). Bertan, Elorritxueta eta Elorritxuetako mintegia arautu ziren.

Arkitektura gerturatzen Iritzia

G

aur egun, arkitektura gizarteak urrundu eta ahaztu duen kontzeptu bat dela pentsatu dut azkenaldian; honen inguruko interesa murrizten doalarik, eta agian, jendeak zer den azaltzen jakin ez dakielarik. Lagun bati galdetu nion aurrekoan, ea zer ote zen arkitektura. Ez zuen zehaztasunez erantzuten jakin. Egia esan, kontatu beharrekoa zintzotasunez kontatzeko, orain gutxi arte, nik ere ez nukeela jakingo onartu behar dizuet.

Arkitekturarekin dudan lehenengo oroitzapena, argi daukat ordea.

Gogoan dut nire herriko lorategirako sarrera.

Eskailera hura zeinu berezi bat bezala irudikatzen dut, atseden mundu baten sarrera. Brisa arina, barandaren hotza, inguruko landareen usaina…

Oraindik ere, ate zaharra nire atzean ixtean sortutako soinua entzun dezaket. Eta paisaia eder bat zabaltzen da nire aurrean, itsasoa eta herriko jendea nire begien aurrean panorama bat bezala azalduz.

Txikitako oroitzapen horretan, arkitektura hitza ezagutu baino lehenago, arkitektura bizi nuela esan dezaket. Eta orain, niretzat arkitektura, atmosfera jakin bat sortzen duten detaile txiki eta erabaki desberdinen multzoa dela esan dezaket.

Hobeto ulertzeko, behin koadernoan idatzi nuen testu bat partekatuko dizuet: «Iraila, astelehena, Donosti. Hemen nago, eguzkitan, plaza batean eserita. Hamabiak. Plazaren zati bat itzalean dago, urdinxka. Lore-postu bat, loresaltzailea zoriontsu. Jende kopuru justua pasatzen.

Zarata oso atseginak: gertuko elkarrizketak, jendearen urratsak… Tenperatura atsegina, freskoa eta epela. Harmailetan eserita nago, begiratuz, eta marraztuz. Harrizko harmaila, hotz. Plazaren alde batean, frontoi txiki batean pilotan jokatzen ari dira, beste aldean, jende talde bat hizketan ari da taberna bateko atarian. Aurrean, jendea paseatzen ari da,

PEIO URRUTIKOETXEA LOPEZ

Arkitektura hitza ezagutu baino lehenago, arkitektura bizi nuela esan dezaket

eraikin zaharrari begira, ni bezala.

Zerk zirraratu nau? Denak. Gauzak, jendeak, aireak, zaratak, koloreak, materialak, formak...

Eta zerk hunkitu nau? Nire animo egoerak. Nire sentimenduak. Orduan, plaza begien aurretik kentzearen esperimentua egiten dut, eta jada ez ditut sentimendu berberak. Egia esan, plaza aurretik kentzean, nire sentimenduak desagertu egiten dira berarekin».

Arkitekto gisa, atmosfera horiek sortzen saiatuko naiz nire proiektuetan. Momentuz, marrazkiak egiten ditut soilik, sentsazio eta erabaki desberdin guzti horiek, nire sentimenduz eta arrazoiz hauteman eta proiektatuz, horiek arkitektura bihurtzeko irrikan nagoelarik.

Izan ere, horiek arkitektura bihurtzeko, exekutatu behar dira, partitura baten nota musikalak, musika bihurtu ahal izateko, jo eta exekutatu behar diren bezala. Horregatik, ikasle naizelarik, hau izan da nire arkitekturaren gerturapena, denboraren igaroan, desberdina izango denaren esperoan.

Binke! otsaila 2022 13

Kirola

CrossFit-a, moda bat baino gehiago?

TESTUA: UNAI SARRIUGARTE LASARTE ARGAZKIAK: BINKE ETA UTZITAKOAK

CrossFit-a gure gizartean gaur egun oso modan dagoen kirol entrenamendu modalitate espezifiko bat da. Horren harira, gure udalerrian nahiz aldamenekoan, Basaurin, horretan aritzen diren kirolari galdakoztar anitzekin hitzartu da Binke, honen inguruko xehetasun gehiago jakiteko helbururarekin.

C

rossFit-ak 1974. urtean du jatorri, Gres Glassman 18 urteko Estatu Batuetako ikasle eta atletak intentsitate handiko eta mugimendu funtzionaletan oinarritutako entrenamenduprograma berezi bat sortu zuenean. Izan ere, Glassmanek Kalifornia hegoaldeko hainbat gimnasiotan lan egiten zuen hainbat kirolarirekin batera, eta, ohiko errutinetatik aldentzen zen diziplina baten falta sumatzen zuen.

Hori dela medio, Glassman poliziak entrenatzeko teknika espezifiko hau erabiltzen hasi zen Kalifornian. Hain handia izan zen Estatu Batuetan bereganatu zuen arrakasta, non etorkizun hurbil batean dinamika hauxe marinelak, suhiltzaileak eta militar iparramerikarrak entrenatzeko erabiltzen hasi ziren.

CrossFit-a-ren entrenamendu dinamika 47 urteotan munduko hainbat herrialdetara hedatu da, pasa den urtean CrossFit LLC lizentzia munduko 15.000 box baino gehiagok erabiltzen zutelarik, orotara bost milioi atleta baino gehiago bilduz nazioartean barrena.

Europan egun oso ezaguna den kirol modalitatea da.

Ingalaterraren ondoren, Espainiak ditu erabiltzaile gehien kontinentean zehar, gaur egun 550 box ofizial zenbatu daitezkelarik estatuan barrena. Autonomia Erkidegoiei dagokienez, Madrilek, Kataluniak eta EAEk dute hauxe praktikatzeko esparru gehien biztanleekiko.

Hamar gaitasun fisiko. Kirol-jarduera hau hamar gaitasun fisikoren hazkundean oinarritzen da, hala nola, bihotzarnasketako eta muskuluetako erresistentzia, indarra, malgutasuna, potentzia, abiadura, koordinazioa, arintasuna,

14 otsaila 2022 Binke!

CrossFit-eko kirolari galdakoztarrak: Danel Sagardui (ezker) eta Aitor Ibarrondo (eskuin)

oreka eta doitasuna. Era berean, hiru modalitatetan sailkatu daitekezke entrenamenduok: halterofilian, gimnastikietan eta intentsitate handiko tarteen entrenamenduan.

Halterofilia, pisuen altxatzeari dagokiona da, bertan teknika eta potentzia ere garatzea bilatzen dute norbanakoek.

Norberak egin dezakeen pisurik handiena altxatzea bilatzen da, ariketaren eta emandako errepikapen kopuruaren arabera.

Ariketa ohikoenak hauek izan ohi dira: back edo Front squat —eserialdiak—, Deadlift —pisu hila—, Snatch —erauzketa—, Hang clean —kargatzea—, Hang clean & jerk —kargatzea eta altxatzea—, Planks —sabeleko xafla— edo Bench Press — bankuko pisuak—, besteak beste.

Bigarrean modalitatea gimnastikoak dira, barra eta uztaiekin lantzen diren ariketak, entrenamenduaren unerik biziena da pisu-kantitatea jaisten delarik. Hauexek ariketen konbinazioak izan ohi dira, baita pisurik gabeko edota erresistentziazko beste batzuk ere, jauziak, dominatuak, uztaiak, beso-flexioak, abdominalak, abiadura handieneko lasterketa, kulunka egitea, pistolak edota pinua egiten duten flexioak, esaterako.

Azkenik, intentsitate handiko tarteen entrenamendua deritzona, High Interval Itensity Training (HIT). Indarerresistentzia entrenamenduak dira, ariketa aerobiko eta anaerobikoak. Normalean HIIT saioak lau eta 30 minutu artekoak izan daitezke. Entrenamendu motz eta gogor horiek gaitasun atletikoa eta baldintza hobetuak, glukosaren metabolismo altua eta lipidoen —koipea— erreketa altua ematen dute.

HIIT ariketa-saioak, oro har, berotze-aldi batean eta intentsitate handiko hainbat ariketa-errepikapenetan oinarritzen dira, errekuperaziorako intentsitate ertaineko

ariketaren bidez bereizita, eta, bihotz-erritmoa igo eta jaistea bilatzen duen hozte-aldi batean.

Cross Fit Lizentzia. Diziplina honetan jarduteko gimnasioek lizentzia bat ordaindu behar izaten diote CrossFit konpainiari.

Hori dela medio, ohikoak dira dinamika horretan aritzen diren, baina izen hori eraman beharrean beste izen bat daramaten gimnasioak ikustea.

Galdakaon, esaterako, bi dira CrossFit dinamika eskaintzen duten gimnasioak, CrossFit Galdakao eta Dark Phoenix CrossFit. Horrez gain, ohikoa da kirolari galdakoztarrak beste udalerri batzuetako «box» izenekoetan aritzea, Basauriko Black Grizzly CrossFit-en zentroan edota CrossFit Basaurin, esaterako.

Marga Atxa, esaterako, Galdakaoko Zuhatzu azunean kokatuta dagoen Dark Phoenix CrossFit zentroko erabiltzaile izandakoa da. Atxak dioenez, bere lagunekin batera kirola egiteko aukera ezinhobea izan da, baita kirola egiteko era motibatzaileago bat izan ere.

Dena den, bere bizitzan kirol asko egitera ohituta ez dauden pertsonentzat zail xamarra dela aitortzen du, bertan egiten diren ariketak goi mailako kirolarientzat bideratutakoak baitira. Berarentzat kirola egitea mentalki eta fisikoki osasuntsu egotea da, eta, nahiz eta bertan asko gozatu, gaur egun CrossFit diziplinatik aldentzen diren beste ariketa dinamika batzuk egiten hasi da.

CrossFit-a gure udalerrian modan jarri baino lehen, Basaurin jada hasiak ziren diziplina honekin zerikusia zuten zentroak irekitzen, berriki aipatutako Black Grizzly CrossFit-en kasua, tarteko. Bizkaian jada modan zegoen kirol honen jarraitzaileak bertara joaten hasi ziren.

Binke! otsaila 2022 15

Eider Murgia, CrossFit-eko kirolari galdakoztarra

Zentro honetako erabiltzaile batek dioenaren arabera, garai hartan Galdakaon bazegoen diziplina hori lantzen zuen esparru bat, baina hauxe ez zen «box» bat, diziplina hau praktikatzen den gela, alegia. Box-ak erabilera horretarako egokitutako espazioak izan ohi dira, sabai altuko esparruak, espazio ikaragarriak, inongo zatiketarik gabeak eta espazio handikoak.

Lehiakortasun programak. Era berean, erabiltzaile honek nabarmentzen duenez, Black Grizzlyk lehiakortasun programa bat eskaintzen du. Hauexek barne-lehiaketak izan daitezke, boxaren erabiltzaileentzat direnak, edota kanpo-lehiaketak — lehiaketa pribatuak—, mundu guztiarentzat bideratutakoak.

Gainera, CrossFit Games-era joateko sailkapen lehiaketak daude. Datorren hilabetean, esaterako, CrossFit Open txapelketa ospatuko da. Herrialde bakoitzeko lehenak sailkatzen direnak CrossFit Games txapelketara doaz lehiatzera.

Bestalde, Interboxak delakoak ere existizen dira, boxen arteko erronkak direnak. Lehiaketa hauek normalean zonaldeka funtzionatzen dute, baina, badira autonomia erkidegoen artean txapelketak abiarazten dituzten zentroak ere.

Kirol zorrotz eta gogorra. CrossFit-a kirol zorrotz eta gogorra dela adierazten du erabiltzaileen gehiengoak. Aitor Ibarrondo CrossFit Galdakaoko kirolaria denak nabarmentzen duenez, «kirol zorrotz bat da, sartzen diozun erritmoaren arabera oso bortitza den modalitatea izatera ailegatu daitekena».

16 otsaila 2022 Binke!

Ibarrondorentzat «deskonektatzeko forma bat ere bada, beste zenbait kirolek eskaintzen ez duten deskonexio maila».

Erabiltzaile galdakoztarrak dioenaren arabera, CrossFit-a praktikatzeak «ez dizu aukerarik ematen beste gauza batzuetan pentsatzen egoteko». «Hustuketa horrek momentu horretan %100era egotea baino ez dizu uzten», nabarmendu dio Binkeri Ibarrondok.

Galdakoztar gazteak gainera bere «psikologotzat» jotzen du modalitate hau, bere tentsio guztiak bertan husteko aukera ahalbidetzen baitio. Bere gorputza ere aldatzen joan dela ohartarazten du, bere egunerokotasunean «fisikoki eta baita mentalki ere onura ugari» ekarri dizkiolarik.

Denen ahotan dagoen kirol honen nondik-norakoen inguruan zertxobait gehiago jakiteko asmoz, kirol modalitate hauxe eskaintzen duen bigarren eta azken esparrura ere bertaratu gara. Horretarako Dark Phoenix izeneko boxean CrossFit-a praktikatzen denbora nahikotxo daraman Eider Murgiarekin izan da Binke.

Murgiak aipatzen duenez, sekulako giro ona sortzen da box-etan, komunitate antzeko bat sortuz. Izan ere, «norbait pisua altxatzen dabilenean beste kideak hura animatzen» ibiltzen direla dio Murgiak, baita norbaitek marka bat jarri eta hori egitea lortzen dutenean elkar besarkatzen ibili ere.

Murgiak onartu egiten du: «Azkenaldian lagun taldeetan asko eman ohi den modalitatea da, eta, nire kuadrilako

Kirola

bi apuntatu zirenez, animatu egin nintzen frogatzera».

Futbolean hainbat urtetan jokatzen ibilitakoa da Eider, baina, beste kirolekin alderatuta, «CrossFitean hobetzea beste kirol batzuetan baino askoz errezagoa» dela aitortzen du, saio batetik bestera hobekuntza gero eta handiagoa delarik, hau da, gero eta pisu eta ariketa gehiago egiteko gaitasuna lortzen dutela.

CrossFit zaletasunaren gako nagusietako bat ere aipatzen du Murgiak: «Honetan hasten diren kirolariak normalean aurreiritzi, beldur edota lotsa batzuekin abiatzen dira modalitate hauxe lantzera». Hala, erabiltzaileak hobetzen doazela ikusten duten heinean, «eurekin hobeto sentitzen hasten dira, bai psikologikoki eta fisikoki ere». Horrela ba, argi borobildu gura du galdakoztarrak: «Beste kirol batek ematen ez dizuna ematen dizu CrossFit-ak».

Ogibide espezifikoak. CrossFit modalitateak zenbait ogibideren prestakuntza fisikoa prestatzeko ere balio dezake.

Hauxe Danel Sagardui galdakoztarraren kasua dugu. Bizkaiko suhiltzaile izateko formakuntzan dabil buru-belarri. Sagardui CrossFit Galdakao box-aren erabiltzailea da gaur egun, Ibarrondorekin batera.

Suhiltzaile hautagaiak honen inguruan nabarmentzen duenez, «lehenengo uneetan ez nekien modalitate hauxe suhiltzaile oposaketa prestatzeko aukera hoberena izango zenik». Sagarduik oso argal ikusten zuen bere gorputza, eta, horren harira, gimnasioan hastea erabaki zuen.

Baina, ohiko makinekin dinamikak egiten aspertzen zela konturatu zenean, CrossFit-a aukeratu zuen. «Oso

Beste kirol batek ematen ez dizuna ematen dizu CrossFit-ak

onuragarria» dela adierazten du galdakoztarrak, kirol «oso konpletoa» baita, indarra bereganatzeko eta erresistentzia fisikoa eskuratzeko abagunea eskaini diolarik.

Gainera, «jende berria ezagutzeko aukera paregabea» dela esaten du, baita entrenamendu dinamikak «entretenigarriago eta arinago» egiten direla adierazi ere, gimnasioetako ohiko entrenamenduetan ematen ez den egoera, hain zuzen ere.

Halaber, gorputz hezkuntzaren zenbait ildotan hobetzea eragin dio Sagarduiri jarduketa honek, luzaketetan eta malgutasunean zeharo hobetzeko parada eman diolarik.

Pisuaren aldetik ere aldaketa nabaria izan da erabiltzaile honek bizi izan duena azken hilabeteotan, hainbat kilo eskuratu baititu, baita muskulu-masa kantitate handi batean areagotu ere.

Baliagarri izan edo ez, CrossFit-a modan dagoen kirolmodalitatea denik ezin ukatu, eta gure herria ere ez dago moda horretatik kanpo. • Binke! otsaila 2022 17

Enbaxadoreak

Aketza Uranga Arza Stuttgarteko galdakoztarra a.

Jaiotzez: Urreta-Bengoetxeko Württemberg (Alemania). enBad Gaur egun: Stuttgarten, Jaiotza urtea: 1998. ustriala EHUn. Ikasketak: Ingeniaritza Ind en.

Zertan dabil: Masterra amaitz

«Nire etorkizuna Galdakaotik urrun samar ikusten dut» Zerk eraman zintuen herritik alde egitera? Betiko ohiturak alde batera utzi eta bizitza berri bat hasteak eraman ninduen herritik alde egitera. 23 urte Galdakaon bizi ostean, mundua ezagutzeko garaia heldu zaidala sentitzen dut.

Zeintzuk dira bizi izan dituzun aldaketarik nabarmenenak? Bakarrik bizitzeak dakartzan betebeharrak.

Hasieran zaila egiten da eguneroko betekizunak aurrera eramatea —janaria egitea, arropa garbitu eta lisatzea…—.

Bestetik, bertoko ordutegiei moldatzea, hemen jendea gaueko zortziretarako afalduta dago.

Zer du zure hango herriak, Galdakaok ez duena?

Eta alderantziz? Hainbat kultura desberdin barrutik ezagutzeko aukera, herritik mugitu gabe. Hain zuzen ere, nire pisukideak Pakistan, Turkia eta Thailandiakok dira.

Bestetik, mendiak eta hondartzak etxetik gertu izateak ez dauka inolako alderaketarik. Eta hori Euskal Herritik urrun aurkitzea zaila edo ezinezkoa da.

Zeren falta sumatzen duzu han? Euskal Herritik etorrita arraroa badirudi ere, eguzki orduak faltan ditut, badira zenbait aste jada eguzkirik ez dudana ikusi. Horretaz aparte, noski, familia, kuadrila, bertako janaria… eta hainbat gauza faltan ere baditut.

Zer gomendatuko zenioke zure herritar bati, han bisitatzeko? Nire ustez hizkuntzaren oinarrizko ezagutza bat izatea derrigorrezkoa da. Ia biztanleria osoak ingelesa 18 otsaila 2022 Binke!

ulertu eta hitz egin arren, ez dute gustuko bere hizkuntza alde batera uztea. Nahiko harroak dira horretarako.

Gure herriaz hitz egiten badiezu hangoei, zeren inguruan aritzen zara bereziki? Batez ere, gure bizimoduak alderatzen ditugu, desberdintasun pila bat daude hainbat arlotan: aisialdi denbora, lana, ikasketak… Adibidez, gehien harritu ninduen gauza, astean zehar 20:00 inguruan kaleko bizitza «itzali» egiten da. Ez dago ia jenderik, autorik… eta denda, kafetegi… gehienak ixtear daude. Aldiz, Galdakaon uneoro Someran kalimotxo bat hartzeko aukera daukagu.

Zer dakite gure herriaz? Denetarik dago, Euskal Herria mapan kokatzen ez dakitenak, eta gure herriaren historia gaurkotuta dutenak ere badaude. Hala ere, gehienok Bilbo ezagutzen dute Athletic futbol taldeari esker.

Zer zenekien zuk hangoaz? Herriaren historiaz aparte, entzunda neukan hemengo jendea burugogorra eta serioa zela, eta behin hemen egonda egiaztatu dut. Hala ere, jende jatorra da, arauak oso gutxitan hausten dutenetarikoak.

Zeintzuk dira zure etorkizunerako asmoak? Gaur egun Masterra hemen amaitzea da nire helburua. Eta etorkizunean ingeniaritza arloko lanpostu bat aurkitzea, edonon; Alemania, Europako edozein beste herrialde, Estatu Batuak… ez diot inongo bazterri aterik ixten. Baina egia da momentuz nire burua Galdakaotik urrun samar ikusten dudala. Beti egongo da jatorrira bueltatzeko aukera.

Erantzunaren ardura Kulturminez

GOTZON BARANDIARAN ARTEAGA

E

uskararen langile autonomook sortu dugun Lanartea intersindikal berriaren bilera batera gindoazen lagun musikaria eta biok. Halako batean, urtea hasi denetik milaka euskal herritar kalera aterarazi dituzten mobilizazioak hartu genituen berbagai. Kalera atera gara, besteak beste, pentsio duinen alde, osasungintza eta hezkuntza publikoaren alde, Covid-19 pasaportearen aurka, burgesiaren diktaduraren kontra, Espainian onartu duten lan-erreformaren aurka. Milaka. Laguna kexu zen, ostera, urtea hasiz geroztik euskararen eta ondorioz euskal hiztunon eskubideon aurkako horrenbeste eraso gertatu arren, ehundaka baino ez garela izan kalean asaldatu garenak. Estatu Frantziarrak Lapurdi, Nafarroa Behera eta Zuberoako irakasleak zigortu ditu brebeta eta baxoako

azterketak euskaraz pasarazi dizkietelako euskaraz ikasi nahi duten ikasleei, Nafarroako Gobernuak euskaraz bizitzeko eskubidea ukatu gura die nafartarrei, judikatura espainol unionista osatzen duten epaileek administrazio publikoan lan egiteko euskara jakin behar ez izatea arautu nahi dute euskara ikastea oso zaila dela argudiatuta. Eta ehundaka zenbatu ditugu kalean protestan. Ez milaka.

Ehundaka gutxi batzuk. Zer gertatzen zaigu? galdetu zidan lagunak. Hezkuntza, osasun, lan eta duinak gura ditugu, noski. Ez dugu inposiziorik ez diktadurarik nahi, noski. Eta euskararen aurkako edozer onartzeko prest gaude? Aurten Korrika eta Euskaraldia ditugula gogoratuz kontsolatu nahi izan nuen euskararen langile autonomoa den musikari laguna, agian horien bitartez ere lor genezakeela euskara eta bere kulturgintza guztion ardura direla ulertaraztea.

Txinatik dator tearen kondaira ANTTON IRUSTA ZAMALLOA

G

ustuko duzu tea, Binkekide? Txinako kondaira duzu ondorengoa.

Antzina, Hodei Zuri printzesa bizi zen Txinan. Luzaro egoten zen Hodei Zuri enperadorearen lorategian paseatzen, eta gogoko zuen lotoloreen eta te-zuhaixken artean ibiltzea.

Udako egun batean, Hodei Zuri lorategi ederrean zihoala, konturatu gabe, haizemailea putzura erori eta ur-azalean gelditu zitzaion.

Haizemailea hartzeko makurtu zenean, bere irudia ikusi zuen, putzuko ur garbietan, islaturik. Eta bere islaren alboan, bizar zuridun agure baten irudia ere ikusi zuen.

— Putzuko jeinua naiz—, esan zion agureak.

Hodei Zuri, guztiz lotsaturik eta izuturik, korrika urrundu zen putzutik, haizemailea han utzita. Harrezkero, gaixotu eta, egunetik egunera, gero eta ahulago egoten

Autu-mautuan zen printzesa.

Gau sargori batean, leihoko errezelak mugitzen ari zirela konturatu zen neskatila gaixoa, eta berak hain maite zuen te-zuhaixkaren hosto batzuk sartu ziren leihotik, haizeak bultzatuta. Urez erdi beteta zegoen ontzi batean erori ziren hostoak.

Biharamunean, sukarrarengatik ezpainak handiturik eta lehorturik zituela, ontzitik ur apur bat edan nahi izan zuen. Bat-batean, Putzuko jeinua agertu eta ur hartatik lasai edateko agindu zion. Urak neskatoaren ezpainak ukitu orduko, sukarrak alde egin zion, eta sendatzen hasi zen.

— Hodei Zuri ederra—, esan zion jeinuak— Erakutsi enperadoreari landare honen indar miragarria.

Goiz hartan, Hodei Zuri inoiz baino osasuntsuago eta bikainago altxatu zen ohetik eta, jeinuak eskatu bezala, enperadoreari eta Txina osoari erakutsi zien te miragarri haren dohaina.

Binke! otsaila 2022 19

BINKE

Usansoloko galdeketa martxoaren 27an izango da Bizkaiko Foru Aldundiak Usansoloren segregazioa aztertzen dauan memoria behin onartuta eta Udal Gobernuaren babesean, Usansolo Herriak martxoaren 27rako iragarri dau usansolotarrek Usansolo Galdakaotik segregatzearen alde ala kontra bozkatzeko galdeketa ofiziala. Galdeketa horren emaitzagaz Bizkaiko Batzar Nagusietara joango dira.

Torturaren Aurkako Egunean 30 galdakoztarrek torturak salatu izana gogoratu eban Sortuk otsailaren 13an

BINKE

AITZOL ZAMALLOA

Terrazen ezhoiko handitzeak otsailaren 16an amaitu ziran eta geroztik aparkalekuak berreskuratu dira, bai Galdakaon zein Usansolon

Cresporen aldeko manifestazioa

Antzerkiaren barruak ezagutzen

Jon Crespo galdakoztarra hirugarren gradutik bigarren gradura itzularazi dabe eta hori gaitzesteko dozenaka lagun batu ziran Galdakaon, Sarek deituta.

Ikusle izate hutsetik harago, arte eszenikoekiko interesa daukienentzako saioak eta umorezko bisita antzeztuak eskaintzen dabil Torrezabal Kultur Etxea.

20 otsaila 2022 Binke!

BINKE

Kontziliazio Plan aitzindaria

EUSKAL HERRIKO UNIBERTSITATEA

Galdakaoko Udalean inoiz egin ez dan eta «eredugarritzat» jo daben Kontziliazio Plana aurkeztu eben otsailaren 2an alkateak, Giza Baliabideetako teknikari eta zinegotziak eta sindikatu guztietako ordezkariek.

BINKE

Julen Gabiria idazle eta itzultzaile galdakoztarra komikigintzan eleberri grafikoen abiapuntutzat hartzen dan Maus liburua euskarara itzultzen ari da.

BINKE BINKE

Julen Gabiria, Maus komikia itzultzen

Jatorri atzerritarrekoak hizpide

EHUko ikasleak Binke aztertzen

Espainiar estatutik kanpo etorritako 1.500 auzokide dagoz Galdakaon gaur egun, eta horrein errealitatea ezagutzeko diagnosia egin eban Ikuspegik Udalarentzat.

«Zuzendaritza estrategikoa» irakasgaiko ikasleek Binkeri buruzko Plan Estrategikoa diseinatuko dabe eta proiektua aurkezteko koordinatzailea gerturatu zan.

Binke! otsaila 2022 21

Ane Baranguan, Drift gidaria

«Amets bat?

Duda barik, Dakarra egitea!»

TESTUA: LEIRE REGADAS CALLEJO ARGAZKIAK: JON GOMEZ GARAI

Autoen drift modalitatea rally-aren parekoa da, baina zirkuituan egiten dena. Bada, Eskuko Drift Rally taldeko kidea da Ane Baranguan usansolotarra, eta autoarekin zelan eta zertan aritzen den kontatu digu.

D

errapez derrape, autoa kulunkatzen den bitartean hura kontrolatzeko trebetasuna neurtzea maite du Ane Baranguanek (Usansolo, 1990). Pixkanaka, guztiz eraldatu du bere BMWa. Eskuko Drift Family-ko kidea da eta sare sozialen bitartez ematen du ezagutzera bere pasioa, genero rolak eta aurreiritziak irauliz.

Nondik datorkizu autoekiko zaletasun hori? Txikitatik gustatu izan zait motorraren mundua, beti eskatzen nien gurasoei jostailuzko autoak oparitzeko. Nerabe nintzela, lagun batzuekin joan nintzen autoarekin hil zen lagun bati omenaldi bat egitera. Drifting egin nuen lehen aldia izan zen, lehen hartu-emana, kopiloto eserlekuan. Gerora, lagunekin hasi nintzen zirkuituetara joaten; konturatu nintzen maite nuela driftinga eta azkenean, auto bat erosi nuen.

Driftinga zirkuitoetan da; rallyak errepidean. Zein iritzi duzu horiekiko? Euskal Herrian bada rallyaren eta motocrossaren kultura handia. Azken finean, gure orografiak

22 otsaila 2022 Binke!

hori baimentzen du; aldapak daude, mendi ugari, ohikoa da lagunek lursailen bat izatea… Baina autoarekin edo motorrarekin edonon tronpak egiten ibiltzea ez dago batere ondo ikusia, horren inguruan fama txarra sortu da; zarata sortzen da, mendia hondatu egiten da eta arriskutsua izan daiteke. Futbol edo saskibaloi zelai bat dagoen bezala, herri bakoitzak autoekin jolasteko zelai bat edo leku egokitu bat izan beharko luke.

Zergatik uste duzu ez daudela horretarako toki egokiturik? Ez delako kirol bat gehiago kontsideratzen; herrialde askotan, ordea, errealitatea desberdina da.

Hamabost urtekoek gidatzen dute, inork ez du arraro ikusten.

Hori da gure helburuetako bat; driftaren aurreiritziekin apurtzea, normalizatzea eta gaizki ikusia izateari uztea.

Zenbat denbora eta diru inbertitu behar izan duzu proiektu honetan? Zenbaezinak dira, nire pasioa da.

Autoa erosi nuenean egoera onean zegoen, beraz motorra aldatu nion BMWko beste serie indartsuago batengatik, zaldi gehiagorekin. Kanpotik ere polita jarri behar da, noski!

Haurrentzat egokitutako aulki bat jartzea pentsatzen ari gara orain.

Haurrentzako? Bai. Drifting ekitaldietan oso giro ona dago, zirkuitoetan gidatzen duzu, asistentziak egiten dituzu, eta jendea ere muntatu dezakezu kopilotoen eserlekuan. Guraso ugarik eskatzen digute beren seme-alabak kotxean sartzeko!

Zirkuitora sartu aurretik, non entrenatu daiteke? Eskuko Drift Family taldeko kidea naiz, bolantean jokatzeko talde bat da. Simulagailu bat dago, bideojoko bat, oso erreala dena;

bolante batekin, pedalak eta pantailak edo 3D betaurreko batzuekin jolasten da. Hain erreala da, bederatzi urteko haur batek ikasi duela gidatzen simuladorean, eta orain zirkuituetan dabilela!

Lehen aipatu duzu bederatzi urteko mutiko batek gidatzen duela. Adineko jendea ere badabil driftean?

Adin guztietako jendea dago, bai. Ezagutzen dudan zaharrenak 58 urte inguru izango ditu, eta hortxe dabil indartsu.

Driftinga autoa kontrolatzeko gaitasuna da. Emozioak ere kontrolatu behar dira? Noski. Nik beldurra baino, adrenalina sentitzen dut. Irten aurreko unean oso urduri jartzen naiz…

Zuk ere ikusten duzu zure burua etorkizunean gidatzen jarraitzen? Zergatik ez? Esan dezagun hau hasiera besterik ez dela!

Eta zer diote zure gurasoek? Ama egun batean ni ikustera joan zen eta ez zuen bat ere atsegin izan. Ez du gehiagotan etorri nahi. Horma estutzen ari nintzen, edo alde batera nindoan abiadan… eta uste zuen ezbeharra izango nuela edozein momentutan.

Baina ezbeharra gerta daiteke… Nik ez dut kolpe gogorrik jaso, lagun batzuk kotxea irauli zuten, sustoren bat egon da...

Baina zirkuituaren barruan seguru sentitzen zara, aseguruak ditugu eta osasun zerbitzua ere badago.

Dena den, gero autoa konpondu behar da berriro. Lana ez da inoiz amaitzen? Drift egiten duen jende askok kolpe bat ematen dizu eta ez du ardurarik hartzen, baina politena da esatea: «Tira, autoa konpontzen lagunduko dizut».

Mekanika jakin behar da, orduan? Zenbaitek drift egin nahi du, baina autoa beste batek konpon diezaiola. Driftingak erpin desberdinak ditu eta guztiek osatzen dute: autoa mantentzea, zirkuituetara joatea eta komunitatea sortzea, elkar laguntzea konponketak egiten, gurpilak aldatzen, argazkiak egiten, bideoak grabatzen... azken finean, familia bat izatea, Eskuko Dfriften diogun bezala. Nire kasuan, ez naiz mekanikan aditua baina era autodidaktan ikasi dut, lanaren parte da, esan bezala.

Emakumeak zein toki dute kirol honetan? Geroz eta emakume gehiago ari gara driftean; harritzen nau eta pozten nau. Oso giro ona dago, elkarri laguntzen diogu. Tradizionalki gizonezkoak gailentzen diren edozein kiroletan bezala, neskak batu egiten gara. Batzuei beldurra ematen die gidatzeak, ikusi besterik ez dute egin nahi. Baina pixkanaka animatzen ari dira bolantea hartzera.

Inoiz pentsatu duzu drifta uztea? Uzteko zorian egon naiz askotan baina, azkenean, indarra ateratzen dut beti. Utziko banu, ez nuke jakingo zer egin. Hobbiak ez dira aldatzen, bizitza osorako irauten dute. Bizimodu bat da driftinga. Etorkizunean gustatuko litzaidake seme-alabarik badut beraiekin grin hori konpartitzea.

Amets bat? Duda barik, Dakarra egitea; esperientzia paregabea izan behar du. Edo Japoniako mendietara joatea, driftaren jatorria ezagutzera. •

Binke! otsaila 2022 23

Atal honek hiru aurpegi izan ohi ditu: Galdakao Gogora elkarteak gure memoria historikoa berreskuratzeko egin ohi duena, Edu Madinaren aspaldiko pasarteak eta, hirugarrena, argazki zahar eta berrien alderaketa. Oh gure herria, zer hintzan eta nun hago...

1975

Kurtzeko plaza Gaur egun gazte —baina ez hain ume— direnek ederto batean gogoratuko dute Kurtzeko plazak izaten zuen mugimendua. Ibilgailuek plaza hartu zezaketen, eta udaletxeko arku bateko atetik sartuta —ezkerrekotik— brigadak biltegia zuen, erdian udaletxea zegoen —gaur bezala— eta eskuineko arkutik Udaltzaingoa zegoen, kalabozo txikia barne.

2022 Argazkiak: Edu Madinaren artxibokoa (goikoa) eta Binkeren artxibokoa (behekoa).

Argazki zaharrak dituzu?

Jar zaitez gurekin harremanetan eta parte hartu atal honetan: info@binke.eus

24 otsaila 2022 Binke!

Irati González, podcast egilea

«Emakume garrantzitsuak lantzen ditut nire podcastean» Gogor dabil jotzen podcastaren moda gurean, eta asko dira —kazetariak edo irrati esatariak izan barik— podcastak entzutetik sortzera igaro direnak. Euretariko bat da Irati Gonzalez galdakoztarra, eta podcast bat zer den azaltzearekin batera azaldu digu emakumeen inguruko bat sortzen ari dela.

TESTUA: BEÑAT ARMENTIA ARRIANDIAGA ARGAZKIA: IRATIREN ARTXIBOTIK

E

z da ohikoa egungo gazteen artean irratia kontsumitzen dela esatea, baina ikusizko edukiek horrenbesteko garrantzia duten honetan ia oharkabean sartu dira podcast-ak haien bizitzetan.

Gero eta jende gehiagok erabiltzen duen formatu honetan aditua da Irati Gonzalez (Galdakao, 1998), eta gaiaren inguruko hainbat kontu azaltzeaz gain bere proiektu propioaren berri helarazi dio Binkeri.

Nola azaldu egungo gizarteari zer den podcast bat? Podcast bat internetera igotzen den audio-edukia da. Erabiltzaileek kapituluak deskarga ditzakete edo sarean entzun. Beraz, entzuleek erabakitzen dute nola kontsumitu nahi dituzten programak.

Zerk bereizten du podcast bat irratsaio batetik? Nire ustez, alde nagusia, ordutegian datza, irratsaio batek hasierako eta amaierako ordutegi zehatza duela. Programa bat entzun nahi baduzu, irratia piztu behar izango duzu hasten den orduan, informazioa ez galtzeko. Podcasta-n, aldiz, entzulea jartzen du bere eduki-programatzaile bezala. Bestalde, kapitulu bat nahi duzun guztietan errepika dezakezu.

Gainera, ez dago publizitate-etenik eta kapitulu bakoitzak iraupen desberdina izan dezake.

Ikusizko edukiek horrenbesteko garrantzia duten honetan, nolatan hartu dute halako pisua podcastek? Nik esango nuke podcast-a

Kontaktua! protagonismoa hartzen ari dela, entzuten ari zaren bitartean beste gauza batzuk egiteko eta informaziorik ez galtzeko aukera ematen dizun formatua delako. Horrez gain, entzulearen sormena ere gehiago pizten du, eta komunikazioa askoz ere hurbilagoa da. Sortzailearen ikuspegitik, ikusentzunezkoa baino aukera merkeagoa da, eta arrakasta izanez gero, oso errentagarria izan daiteke.

Egunaren zein unetan kontsumitzen du bereziki entzuleak podcast-a?

Entzule bakoitzaren gustuen eta errutinaren araberako da dena. Esan bezala, podcastak une bakoitzean entzun nahi duzuna aukeratzeko askatasuna ematen dizu.

Nik, pertsonalki, eguerdietan entzuten ditut, edo unibertsitatera bidean naizenean.

«Esto va de mujeres» izeneko podcast bat duzu. Zer aurki genezake

@estovademujeress estovademujeres@gmail.com bertan? «Esto va de mujeres» proiektuan, historiako emakume garrantzitsuen bizitza kontatzen dut.

Kapitulu bakoitza pertsonaia bati eskainita dago. Orain arte, 27 emakume harrigarrien istorioak azaldu izan ditut —adibidez, Edurne Pasaban, Simone de Beauvoir edo Marilyn Monroe—.

Bere esperientzietatik eta gogoetatik asko ikasi dut eta horregatik, asko nire erreferente bihurtu dira.

Zein gomendio emango zenioke mundu honetan hasi nahi duen bati?

Podcast bat grabatu baino lehen, ideia ondo lantzea, pentsatzea eta, pixkanakapixkana, garatzea garrantzitsua dela esango nuke. Eta noski, lan asko egin eta ez amorerik eman, oso pazientzia handia izan, emaitzak iristen dira-eta!

Binke! otsaila 2022 25

Binke TV Hauek dira grabatu eta argitaratu ditugun azken hiru bideoak Binke telebistan!

Maxameko langileak greba mugagabean Ertzaintzaren presentzia nabarmenarekin ekin zioten otsailaren 16an greba mugagabeari Galdakaoko Maxam lehergaien enpresako langileek «hemen inor ez dago soberan» lemapean. Goizeko 07:30 eta 08:30 bitartean izan zen Binke bertan, eta piketean izan ziren bi langilerekin hitz egiteko aukera izan zuen, Iñaki Etxebarri eta Gorka Sanchez.

Merituaren aitortza GBGEri GBGEk merituaren plaka jaso zuen otsailaren 12an Arkaute akademian, Josu Erkoreka Segurtasuneko sailburuaren, Rodrigo Gartzia sailburuordearen eta Fernando Izagirre Larrialdietako zuzendari galdakoztarraren eskutik. Bertan izan zen Binke, ekitaldiaren irudiak eta Erkorekaren zein GBGEko koordinatzailearen berbak batzen.

Antzerkiaren barruanbeak ezagutzen Ikusle izate hutsetik harago, arte eszenikoekiko interesa dutenentzako saioak eta umorezko bisita antzeztuak eskaintzen ari da Torrezabal Kultur Etxea otsailaren 9tik. Prentsaurrekorik xelebreena antolatu zuten Olaia Parra Kultura zinegotziak, Katrin Schlegel kultur etxeko programatzaileak eta Pako Revueltas aktore eta antzerkiko zuzendariak. Ikusi Binkeko sareetan!

Bideo guztiak gure sareetan ikusgai!

26 otsaila 2022 Binke!

Proiektu honetarako lanean: Argitaratzailea: Aitu elkartea.

Koordinatzailea: Jon Gomez Garai.

Irudia eta maketazioa: Naia Bergaretxe.

Erredakzioa: Leire Regadas, Unai Sarriugarte eta Xabi Ealo.

Batzorde Orokorra: Gaizka Uriarte, Ixone Muñiz, Leire Zamalloa, Ainara Goitiandia, Beñat Armentia eta Iñigo Larrea.

Ilustratzaileak: Irrimarra.

Inprenta: BEPSA. Banaketa: Egunon eta Correos.

Hilero banatutako ale kopurua: 14.000.

Lege Gordailua: BI-41-2016 ISNN: 2444-9385

Galdakao-Usansolo Ospitaleko langileei eskerrak emateko Txaro Fernándezen iritzia izan da Binke.eus-eko irakurriena.

Proiektu hau posible egiten dute: Ohiko kolaboratzaileak: Manu Etxebarria, Edu Madina, Aitzol Altuna, Estibaliz Apellaniz, Joanes Urkixo, Yayone Altuna, Irati Bediaga, Julen Gabiria, Gotzon Barandiaran, Antton Irusta, Nerea Urgoiti, Josi Basterretxea, Xabier Valencia, Nagore Ferreira Zamalloa, Edu Olea eta Bego Martinez.

Elkarte laguntzaileak: Ganguren Mendi Taldea, Burtotza Mendi Taldea, Andra Mari Dantza Taldea, Galdakao Gogora, Etxerat, Usansolon Euskaraz, Euskaraldia eta Bagabiz euskara elkartea.

Argazkilariak: Jabi Rojo, Gotzon Almaraz, Aitzol Zamalloa eta Julio Legarretaetxebarria.

Webguneko laguntza: Aitor Espinosa eta Naiara Perez de Villarreal.

Binke aldizkariak ez du bere gain hartzen aldizkarian adierazitako iritzi edota esanen erantzunkizunik

Momoak Talde Feministaren maitasun ereduari buruzko hausnarketa dago hileko irakurrienen artean.

Harremana: 680 74 32 11 info@binke.eus

www.binke.eus

Babesle ofizialak:

Hileko irakurrienetakoa Jon Crespok espetxera bueltatu behar zuenaren albistea izan zen.

Binke! otsaila 2022 27

Inauteriak

Usansolo

Otsailak 25, barikua

Oinarin Dantzari Taldea 12:30 Kalez kalea Usansolotik 13:00 Markitosen zintzilikatzea 18:00 Kalez kalea eta Markitosen epaiketa

Galdakao Haur tailerrak Etorri jolastera eta dantzatzera!

17:00 Kurtzeko plazan Panpotx Kultur Elkartea

Otsailak 27, domeka Galdakao

Kalez kalea

Inauteriak Urretan

19:00 Galdakaoko kaleetatik Ab Libitun Txistu banda eta Maximo Moreno Musika Eskolako txistulariak, trikitilariak eta Batukada ikasleak.

Haur eta gazte mozorratuen desfilea

Mozollokerren epaiketa + Goizuetako zaragi-dantza eta Arizkungo sagar- dantza 19:00 Kurtzeko plazan eta jarraian kalez kalea Andra Mari Dantza Taldea

Aperribai Inauteri desfilea eta mozorro erakusketa 18:00 Aperribaiko frontoian Aperribai, Olabarrieta eta Txistulanda auzo elkartea

Eskulanak (3 - 11 urte) Challenge Lehiaketa (12 - 15 urte) 16:30 Urreta H.I. Argizai Eskaut Taldea

Mariatxiak Zacatecas 18:00 Kurtzeko plazan

Martxoak 1, martitzena Usansolo Haur tailerrak, mozorro desfilea eta sari banaketa

Otsailak 26, zapatua

17:30 Usansoloko ludoteka

Galdakao

Galdakao

Berrabiarazi antzerkia

Erromirria antzerkia

Zirika Zirkus

Txirri, Mirri eta Txiribiton

16:00 Kurtzeko plazan

17:30 Kurtzeko plazan

Mozorro lehiaketa

Mozollokerren epaiketa eta erretzea

Talde bakoitzak bere musika eraman behar du, MP3 formatuan.

19:00 Kurtzeko plazan Galdakao Musika Banda Da Capo Elkartea, Trikitilariak eta

Sariak: Erosketa bonoak herriko saltokietan

Ab Libitun Txistulari Banda

18:00 Kurtzeko plazan Zizpa Gazte Konpartsa

Martxoak 12, zapatua

Altsasuko inauteriak 18:30 Kurtzeko plazatik kalez kale Andra Mari Dantza Taldea

Elektrotxaranga 20:00 Kurtzeko plazatik Zizpa Gazte Konpartsa 28 otsaila 2022 Binke!

Usansolo Iñudea eta Artzaiak Oinarin Dantzari Taldearekin Euria bada frontoian 12:30 Kalez kalea Usansolotik 13:00 Antzezpena eta dantzak Unkina plazan 18:00 Kalejira

Musika

Martxoak 11, barikua

Kontzertu guztiak Torrezabal Kultur Etxean

Winona&Grace

Otsailak 23, eguaztena

Khea Ziather

Influencers

Ordua: 20:00 Sarrera: 6-8€

Da Capo Galdakaoko Musika banda Ordua: 13:00 Sarrera doan

Otsailak 26, zapatua

Benito Lertxundi Ospakizun gauean Ordua: 20:00 Sarrera: 9-12€

Antzerkia

Martxoak 11, barikua

Semea piska bat motelago dabil soilik Tanttaka teatroa Ordua: 20:00 Sarrera: 7,5-10€

Zirkoa

Antzezlan guztiak Torrezabal Kultur Etxean

Martxoak 5, zapatua

Martxoak 3, eguena

Bowaren bidaiak

Harri Minak

La gata japonesa

Berritza, Bonbon Beltz

Ordua: 18:00 Sarrera: 4-6€

Ordua: 20:00 Sarrera: 3-4€

Torrezabal Kultur Etxean

Binke! otsaila 2022 29

30 otsaila 2022 Binke!

Binke! otsaila 2022 31

Otsailak 21 Ama Hizkuntzaren Nazioarteko Eguna Día internacional de la lengua materna

behin ikasten da Ama esaten