BINKE 067 Urtarrila 2022

67. zenbakia • 2022ko urtarrila

GARAZI NAVAS SOINULARIA

«Akordeoiagaz sinbiosi moduko bat lortu gurako neuke»

GARAZI NAVAS SOINULARIA

«Lanbidez akordeoilaria zarala esaten dozunean...

Uffa jendearen erreakzioa!»

TESTUA: JON GOMEZ GARAI ARGAZKIAK: JULIO LEGARRETAETXEBARRIA

E

donork ezin du esan Bilboko Orkestra Sinfonikoarekin bakarlari aritu denik.

Edo Donostiako Orfeoia-Musikene saria jaso duenik. Edo funtsean, musikari izatetik bizi denik. Edo bai, esan dezake, baina ez 27 urteak bete barik dituen pertsona batetik etorrita. Horrela ikusita, irakurle, zailagoa egin zaizula horrelako pertsona batean pentsatzea?

Musikari profesional eta akordeoia lagun, gainera.

Zelan hartu behar zaitugu Garazi, musikari ala soinulari?

Zehazki soinularia naz, horretan espezializatu nazalako nire ikasketa akademikoetan eta normalean nire bizitza profesionalean horretan aritzen nazalako. Baina, horrez gain, musikagaz erlazionatutako beste jarduera batzuetan be ibiltzen naz. Horregaitik, askotan moldatzaile, sortzaile, zuzendari, ikerlari, idazle, etab. luze batean be ibiltzen naz, danak musikari kategoriaren barruan.

Eta musikari profesionala zarela esan dezakegu gainera, ezta? Bai, noski, batez be gehienetan nire lanagaitik kobratzen dodalako (barreka) Musika nire bizibidea izateko ia-ia bizitza osoan zehar prestatu naz, nire hezkuntza akademikoa eta ikasketa guztiak musikaren ingurukoak dira, denbora asko eskaini deutsat —eta nire gurasoek nigaitik be, diruaz aparte noski— eta zorionez horretan ari naz, ahalegintzen behintzat.

Soinua edo akordeoia neurri handiko instrumentua da, ondo moldatzen al zinen txikitan berarekin? Gimnasiora joateko beharrik ez daukadala esaten dot beti, hankak ez, baina besoak ondo landuta daukadaz! (barreka) Horretan

2 urtarrila 2022 Binke!

behintzat aurrezten dot… Bromaz aparte, umetan akordeoi txiki bat neukan —oraindiño daukadana eta kaletik zutunik eta mugimenduan jotzeko erabiltzen dodana—, eta hazten joan nintzan heinean gurasoek tamaina handiagoko akordeoiak erosi eustezan, gaur egunera arte. Lehenengo akordeoi txiki hori zazpi urte neukazala Olentzerok ekarri eustan, egunero ikasteko baldintzagaz, noski. Baldintza hori ez neban beti betetzen, baina beno, Olentzerori ez esan mesedez…

Zergatik soinua, portzierto? Ez dago arrazoi mistikorik, Galdakaoko Maximo Moreno Musika Eskolan bost urtegaz hasten ginanean lehenengo bi urteetan solfeoa bakarrik egiten genduan. Nire irakaslea Maite Gorrotxategi izan zan eta beragaz hain pozik egon nintzan, bera be akordeoi irakaslea izanda, horregaitik aukeratu nebala instrumentua.

Zein unetan erabaki zenuen soinua zure ogibide bilakatzea? Musikenera sartzea lortu nebanean. Hasieran duda askogaz, ez nengoalako oso konbentziduta, bertan lehenengo urteak gogorrak izan ziran-eta. Baina apurka-apurka konfiantza hartzen joan nintzan eta horregaz batera kontzertu hobeak lortzen be, eta azkenean sinisten bukatu dot.

Askok duten lanbidea ez da beti amestu izan dutena.

Baina musikari profesional izatea idilikoa izan daiteke? Tira, idilikoa izatearena gehiegizkoa iruditzen jat, bizitzan ez dago ezer idilikorik eta hor dago koxka.

Nire ustez perfektua dana ez dalako oso interesgarria, eta arazoei aurre egin behar deutsezunean, egoera horretan ikasten dozu gehien. Hor ikusten da benetako musikari profesionala zaran edo ez, eta hori da ni behintzat aurrera egitera bultzatzen nauana.

Garazi Navas Mundiñano 1995, Usansolo Musikenen, Euskal Herriko goi-mailako musika ikastegian, akordeoi espezialitatean musikako goi-mailako ikasketak egindakoa da Navas usansolotarra. Horrekin, Musikenen bertan Euskal Musika Tradizionalean Graduondoko espezializazioikastaroa egin zuen eta Musika Interpretazioko Irakaskuntza Artistikoen masterra. Gaur egun zuzenekoetako musikari dabil, akordeoi irakasle eta Arratiako Koruko zuzendari.

Hala ere, musikatik bizi diren batzuek diote zaila egiten zaiela publikoki euren burua musikari bezala aurkeztea.

Musikak ez du lanbide bezala behar besteko errespetu jaso, akaso? Ez, horretan arrazoia dozu, zure lanagaz disfrutatzen dozunez eta hainbeste gustatzen jatzunez, benetako lan bat ez dala emoten dau. Eta hori ez litzake horrela izan beharko, lehen aipatu dogun egoera idiliko horretan, edonork gozatu beharko leuke bere lanagaz, dana dalakoa.

Baina orokorrean artearen munduagaz lotuta gagozan guztioi gertatzen jaku, jendeak gure hobby-a dala uste dau, eta egia da gure hobby-a be badala, baina zure etxera iturgina zeozer konpontzera datorrenean ordaintzen deutsazun bezala, musikariak be bere ordainsaria merezi dau egiten dauan lanagatik. Batzuetan —egia esateko, askotan— musikaria zarala erantzuten dozunean, horrez gain zeozer gehiago egiten dozun galdetzen deutsue. Eta lanbidez akordeoilaria zarala aipatzen dozunean, ufff, jendearen erreakzioa askoz txarragoa da (barreka), pianista edo biolinista bazara behintzat tresna hauek xarma edo «glamour» puntu bat daukielako, baina akordeoiak «glamour» bat be!

Zein izaten da zure egunerokoa? Ez daukat errutina zehatzik edo ordutegi finkorik. Zuzeneko musikaria bazara holan da, bardin dau asteburua, Gabonak, uda edo aste barruko egun bat izatea. Gernikako kontserbatorioan emoten dodazan klaseetatik aparte, beste guztia

momentuan daukadazan proiektu, entsegu eta kontzertuen araberakoa da.

Eta eguneroko hori Donostian bizi duzu gaur egun?

Musikenen ekainean masterra bukatu nebanetik Usansolon bizi naz, baina Donostira ia astero joaten naz. Han zazpi urte emon dodaz-eta irakasle, proiektu eta kide asko han edo inguruetan daukadaz.

Zer da Musikene zuretzat? Profesional bihurtzera lagundu deustan zentroa, musikaren munduan mailarik altuenean aktibo dagozan irakasle bikainekaz, daukan ikasketa-plan interesgarri eta anitzari esker esperientzia ederrak eskaintzen deutsuzana eta artistikoki zure burua garatzeko espazioa eta tresnak be emoten deutsuzana.

Ez da erraza izango bertara iristea, ezta? Ez da batere erraza, ez. Batez be ohiko ikasketak —eskola, institutua…— musikako ikasketekaz uztartzea oso gogorra dalako.

Goi-mailako ikasketak baino lehen Erdi-Maila edo Gradu Profesionala ikasi behar dozu kontserbatorioan, eta hau DBH eta Batxilergoagaz batera egin behar dozu, hau da, institututik kanpo prestatu behar zara klase osteko orduetan. Goizeko eskola eta arratsaldeko eskola eukiko bazendu lez. Egunero ikastolatik 16:30ean arrapaladan gurasoekaz kotxez urten eta 17:00etatik 21:00etara kontserbatorioan jo eta ke.

Binke! urtarrila 2022 3

Akordeoiaren aurreiritzien kontra egitea helburu bezala hartu dot

Eta etxerako lanak? Etxerako lanak gauean oso berandu bukatuta noski, ikastolakoak zein kontserbatoriokoak. Eta gero, Goi-Mailako zentroetan sartzeko, selektibitate normala egiteaz gain musikako sarrera-frogak egin behar dozuz, hainbat azterketa ezbardinez osatuta dagozanak eta oso zailak diranak normalean bi plaza edo oso plaza gitxi egoten diralako.

Eta bide horretan hamaika proiektutan izan zara, bata bestearengandik oso desberdinak direnak gainera: klasikoa, abangoardia, erromeria... Bai, egia da! Proiektu ezbardin askotan parte hartu dot: musika abangoardista, esperimentala, klasikoa, tradizionala... Diziplina desbardinetako artistekaz be alkarlanean ibiltzen naz, dantza, antzerkia edota instalazio artistikoak barne hartzen dabezan proiektuetan.

Bakarrik jotzen dodanean, nire ikerketaren inguruko kontzertuak edo kontzertu-hitzaldiak eskaintzen dodaz. Gero, taldeen artean guztiz ezbardinak diran bi duotan aritzen naz, alde klasikoagotik Ezust Duoa —pianoa eta akordeoia, Ignacio Arakistainegaz batera— eta alor esperimentalean Dopelganger —elektronika eta akordeoia, Miguel Ángel García «Xedh»-egaz—. Jende gehiagogaz, folk musika jorratzen Bitartean taldean nago, eta Ether Ensemble-aren bitartez musika klasikoa, rock-a, metal-a, jazz-a eta genero ezbardin asko inprobisazioaren ikuspuntutik tratatzen dodaz.

Komunikabideren batean ere entzun zaitugu, Arratia aldetik ere zuzendari... Dena ez duzu ba kontatu! Zuek ez aspertzeko! (barreka) Urte pare bat Euskadi Irratiko Hiri Gorrian eta Baipasa saioetan parte hartu dot musikari buruzko tarte txiki bat prestatuz. Gainera, azken denboraldian musikaren inguruko artikulu batzuk idazten aritu naz eta beste konpositore batzuen obra ezbardinen moldaketak egin dodaz, bai niretzat zein beste musikari batzuentzat be. Eta ahaztu barik, noski, Arratiako Koruaren zuzendaria naz.

Zer jaso duzu erromeritik? Euskal musika tradizionala bere testuinguruaren barruan barne-barnetik ezagutzeko aukera eta honegaz lotura zuzenago bat, praktikan teorian baino azkarrago ikasten dalako. Gainera, plazer handia da dantzariekaz ibili ahal izatea, haiengandik musikariok asko ikasten dogulako eta oso lan polita dalako. Usansoloko Oinarin Dantza Taldeari esker, txiki-txikitatik mundu honegaz kontaktuan egon naz, lehenengo dantzari eta orain musikari.

Taldean jarraitzen duzu? Pena handia emoten deusta baina gaur egun ez daukat dantza entseguetara joateko denborarik…

Baina esan beharra daukat: dantza taldeak gure herrietako bizitza kulturalaren eragilerik garrantzitsuenen artean dagozala eta adin guztietako eta mota askotako jendea proiektu komun bategaz batzen dabela, hori ez da leku guztietan emoten nahiz eta guk askotan normaltzat jotzen dogun.

Lehen Bitartean taldea aipatu duzu. Zer da zehazki Bitartean? Bitartean euskal eta argentinar folk musikak

4 urtarrila 2022 Binke!

ELKARRIZKETA GARAZI NAVAS uztartzen dituan taldea da, bai sorkuntza propioakaz bai kultura bietako kantu tradizionalak be moldatuz.

Arin-Arin!

Akordeoiak beti al du bals, rantxera, bilbainada, biribilketa edo jota «aurpegia»? Ez, beti ez. Beti horrela dala pentsatzea gizartearen aurreiritzia da, akordeoiaren mundua oso anitza eta aberatsa dalako, baina orokorrean ezezaguna edo behintzat publiko orokorrarentzat ezkutua. Ez dot tonu txarragaz esaten, dibulgazio eta aktibismo puntutik baizik. Akordeoia oso tresna moldakorra da eta genero eta musika-mota guztietan arazo barik erabili ahal dala frogatzen dabilz.

Zu aurreiritzi horiek hausten saiatzen zara? Bai, egunero, baina ez helburu bakar horregaz, urteten jatazan proiektuetan emaitza interesgarriagoak lortzeko ezinbestekoa dalako.

Kontzertuetatik kanpo, akordeoiaren balioa entzuleen artean frogatzearen kontua helburu pertsonal bezala hartu dot, aurreiritzi asko eta mespretxu handia dagoalako bere inguruan.

Soinu «ez-konbentzionaletan» aritzen zarela jakinda, galdera sakon bat: soinu horiek badute erraz identifikatu daiteken doinurik edo errepikarik? Melodiak musika osatzen daben elementuen arteko bakar bat suposatzen dau. Obra bat ez dau beti zertan melodiak definitu edo ezbardindu behar, musika abangoardistan edo esperimentalean askotan beste elementuak bereizgarriagoak izaten dira, ehundura, tinbrea, harmonia, egitura… Baina noski, hori igartzeko belarriak musika-mota horietara ohitu behar doguz, belarriak nahiko leloak diralako eta soinu berberak askotan errepikatzea behar dabelako hauek identifikatzeko. Baina musika abangoardista ez da komunikabide orokorretan jasotzen dogun musika, eta egia da horren bila ez bazoaz ez dozula zure bizitzan aurrez aurre aurkituko.

Muga horiek gainditzen dituzunean, publiko orokorrak ulertzen zaitu? Kontua ez da ulertzea. Nire ustez musika ez da ulertu behar. Zentzu literalean sartzen bagara musika ulertu leiken bakarra musika-hizkuntza menderatzen dauan norbait izango litzake, eta oso jende gitxi dago hezkuntza hori daukana.

Musikak entzuleari zeozer transmititzen badeutsa —positibo zein negatibo—, pentsarazten badeutsa edo edozein motatako erreakzio beragan eragiten badau, bere helburua bete dau.

Zer lortu gura duzu zure instrumentuaren eta zure artean?

Instrumentua makina huts bat da, arimarik gabekoa, musika egiteko tresna soil bat. Beraz, akordeoia nire gorputzetik, burutik eta arnasketatik zenbat eta hurbilago egon, orduan eta hobeto.

Sinbiosi baten antzeko zerbait lortzea gustatuko litzaidake.

Eta zertan ikusiko zaitugu urte berri honetan? Urtarrileko lehenengo asteburuan Madrilgo Sonikas musika esperimentaleko jaialdian Dopelganger duoagaz jotzen egon naz. Ether Ensembleagaz be topera gabilz, hilabete honetan Orpheus Classical diskoetxeagaz bilduma digital barria atarako dogulako. Beste ikaskide bategaz be, Víctor Moreno saxofonistagaz, proiektu oso polit bat prestatzen ari naz. Eta ahaztu barik: Arratiako Koruagaz Agate Deuna abestera urteteko irrikitan gagoz. Eta maiatzean Vatikanora goaz, San Pedro Basilikan kantatzera! •

Asteko egun gogokoa?

Eguena.

Herriko txoko gustukoa?

Unkinako plaza.

Liburua ala tablet-a?

Liburua.

Pelikula bat?

Metropolis, Frintz Langzuzendariarena.

Ez duzu onartzen…

Harropuzkeria.

Zoriontsu egiten zaitu…

Proiektuek.

Plater bat?

Sushi-a.

Deskribatzen zaituen berba?

Geldiezina.

Herrian zer kenduko zenuke?

AHT-aren zubia.

Eta zer berria jarri?

Antzoki edo areto bat.

Euskarazko berbarik politena?

Aheri.

Zure ametsetako bidaia?

Darmstadt-eko jaialdia.

Berba egin ala entzun?

Entzun.

Zure mesanotxean ezin da falta…

Partiturak.

Abesti bat?

Der Leiermann, F. Schubert-ena.

Binke! urtarrila 2022 5

Aginke!

Errealitatetik hurbilegi dauden albiste faltsuak

«Ondo etorri zaigu Ibaizabaleko obra, orain ziaboga egitekuo nahi beste lek dugu-eta» O! KORTA BERDADER a un lag ren no ptu Ne

Sarean arrantzatua

Ba al zenekien...

Zinegotzien artean eginiko lagun ezkutuan, atxiki gabeko zinegotziari iazko Aginke-re n albistebilduma oparitu diotela?

Zero

Herriko kaleetan zehar aurki ditzakegun jaso ga beko hainbat txakur-kaka zapa ldu ditugun arren, horrek ez du zorte rik eman eta gure herrietan loteria irabazita ez da aberatsik izango aurten ere ez.

Eskerrak Tripontzia ri...

Txiste txarra

ra joan — Nire lagunik onena Malaga . itik zan Euskal Herriko arazoaga ala?

— Aiba, mehatxatuta egoan — Ez ebalako larrurik jotzen.

Nerabeentzako opari orokorrak izan dira aurten Horm

onak dantzan dituzten neska-mu til nerabeentzat opari banaketa orokorra izan dute Olen tzero eta Maridomingik.

Mutilei, frakak behar den tokian ond o lotu ditzaten gerrikoak banatu dizkie, neskei aldiz, ilea beti luze eta solte eraman ez dezaten, diadema eta gomak utzi dizkiete.

Ikuskizun paregabeak daude herriko jubilatuentzako Aisialdi talde bate

k eginiko inkesta baten arabera, adin dunen artean publiko gehien biltzen ditu zten atrakzioak Zugutzuko ibaiaren obra gainbegiraketa eta Bizkai kaleko asfaltatzea izaten ari dira. Langileei igeltsero aholkuak emateaz gain, aspaldian ikusten ez diren lagunak berriz elkartzeko gunea.

Covid pasaportea eskatuko da Puentelatorre zubian Gald

akaotik Usansolora doan —edo alderantziz— «Kolesterolaren Ibilbidea» egiten dutenei Covid ziurtagiria eskatuko zaie Puentelatorre zubia gurutzatu aurretik. Usansolo Herria plataformak argitaratu duen ez, «gure herria ahalik eta osasuntsuen mantentzeko, galdakoz tarrengandik libre».

6 urtarrila 2022 Binke!

Eguzkibegiko bi mikroipuin Euskararen Nazioarteko Egunean aurkeztu zuen Eguzkibegi Ikastolak, lehenengoz, DBHrako mikroipuin lehiaketa. Ziklo bakoitzerako bina sari izan ziren leihan: Elkar argitaletxean inbertitzeko 50€ko txartela eta mikroipun irabazleak Binken argitaratzeko aukera. Honaxe ba bi ipuin irabazleak! Zorionak!

Liburu berdea

Etsaia eta ni

A

A

Uxue Rasche (DBH 1)

tea ireki eta hantxe ikusi zuen alaba.

— Gustoko duzu maitea?— galdetu zuen amak.

— Ez.— erantzun zuen haserre, eta ohera bota zen. Orduak pasatu ziren eta logelatik noraezean zebilen.

Liburuz betetako apaletan zerbait interesgarria zegoen begiratu zuen, baina ez zuen ezer aurkitu. Esperantza galduta zeukanean, liburu marroi zaharren artean, berde intentsu bateko liburu bat aurkitu zuen. Jakin-minez, liburua hartu zuen. Han pertsonaia arraro batzuen inguruan hitz egiten zen eta haien istorioaz gain, argazkiak ere bazeuden. Gau osoa eman zuen irakurtzen.

Hurrengo egunean, etxea arakatzen hasi zen eta korridore luze horietako batean, pertsonaia arraro horien argazkiak ikusi zituen. Neska harritu egin zen eta mota horretako liburu gehiago irakurri zituen. Denborarekin, liburuko edozein pertsonaia bat izan ahal zela konturatu zen. Hori lortzeko pausoak ematen hasi eta bapatean bere neba sartu zen gelan. Liburua lapurtu zion eta gure protagonista, urduri jarri zen. Orduan, bere neba bultzatu zuen, atzean leiho zabal bat zegoela konturatu gabe...

Aimar Gomez eta Aingeru Rasche (DBH 4)

tea ireki eta hantxe ikusi zuen bere etsai nagusia. Gelara sartu bezain pronto, etsaiak berarengan finkatu zuen hainbeste gorroto zuen begirada hura. Begi nekatu eta gorri horiek zuzen-zuzen begiratzen zuten. Egun hartan alkandora zuria janzten zuen, fraka marroi eta korbata beltzarekin batera. Ile hori gehiegi orraztuek eta lurrin usain indartsuak pertsonaia osatzen zuten.

Etsaiak beti lortzen zuen bestearen bizitza izorratzea, eta momentu horretan hark egindako guztia gogoratu zuen: institutuan azterketa bat ere ez gainditzea, beraren lehenengo amodioa hondatzea, familiako kideekin arazoak izatea, autoarekin izan zuen istripua, bost enpresa desberdinetik kaleratua izatea, inork ez bera maitatzea, eta esku artean zuen pistola erosteko beharra izatea, noski, beste gauza guztietaz gain, haren errua zen.

Negar zotinka deskubritu zuen bere burua, eta etsaiari aurpegira segundo bat ere ez begiratu ezin zuelakoan, tiro egin zion baldokian. Betikolez beranduegi konturatu zen etsaiak irabazi zuela, edo gutxienez hori antzematen zuten ispiluan agertu ziren odol orbanek.

Binke! urtarrila 2022 7

Hilabete honetako sarituak

Urritik irabazlerik ez

Irantzu Martinez Arkarazo Irantzu Agirregoikoa Arza

Arazo tekniko batzuk direla eta, azaroa eta abenduan ezin izan dugu Binkekideen arteko zozketarik egin. Horregatik, azken bi saridunak errepikatu egin ditugu —Irantzu Martinez eta Irantzu Agirregoikoa—, orain bai, Binkekideen Txokoa argitaratu genuen azken zenbakian jaso ez zuten saria jaso dezaten.

Urtarrilean berriz ekingo diogu hileroko zozketa egiteari. Barka eragozpenak eta... Zorte on!

Udalak oparituta, Eresia ikuskizuna ikusteko bina sarrera irabazi dituzte.

Proiektu hau babestu gura dozu?

Eman zure babesa urteko

36 €

ordainduta

Oraindik Binkekide ez bazara, eta neurri honetako lehenengo komunikabide euskalduna babestu eta sustatu gura badozu, hauek dozuz horretarako bideak:

1. Bete beheko formulario hau, eskaneatu edo atera argazki bat eta bidali e-postaz: info@binke.eus

2. Bete formularioa, moztu, eta utzi gutunazal baten, Binke izenarekin Torrezabal Kultur Etxeko atezainaren leihatilan.

3. Eskaneatu zure

IZEN-ABIZENAK:

mugikorraren QR irakurgailuarekin beheko kodea eta bete formularioa!

HELBIDEA:

TELEFONOA:

NORTASUN AGIRIA:

E-POSTA: IBAN

KONTU KORRONTEA:

8 urtarrila 2022 Binke!

ENTITATEA

BULEGOA

K.Z.

KONTU ZENBAKIA

Elkarlaguntzan

Emakumea eta pobrea izatea zer den...

Elkarlaguntza Sareko ELEAK taldeak Gabonetan egindako ekintzaren argazkia, «konturik gabe kontuan ez» zaituztela salatzeko.

TESTUA ETA ARGAZKIA: ELKARLAGUNTZA SAREKO ELEAK TALDEA

Emakumea eta pobrea izatea zapalkuntza bikoitza da. Iritzi horretakoak garen hainbat pertsonak osatzen dugu ELEAK taldea, Galdakaoko Elkarlaguntza Sarearen beste geruza bat. Duela ez asko hasi ginen bilerak eta elkarreratzeak egiten.

S

are bat osatzen dugu: elkar entzun, ezagutu, defendatu, mimatu… inklusioa testuinguru dugularik. Neskak gara guztiak. Politikoki zuzen zer dagoen baino, eraginkorra zer den eta zilegia zer den lehenesten dugulako: gugana hurbiltzen den emakume horrek agian beste emakume batek bakarrik eman diezaiokeen babes eta erosotasuna behar duelako bere erraietan duen hori askatzeko. Eta erraietan duten marapilo horiei eman nahi zaie protagonismoa, baina asistentzialismotik ospa eginez, komunitate bat eraikitzen.

Gure aletxo nagusiak egunerokotasunean emakumeek aurki ditzaketen oztopoei aurre egiteko erein dira. Pandemia garaian emakume asko, etxeetako langileak nagusiki,

kaleratuak izan dira. Anitzak dira kontraturik gabe, lan gabe eta diru gabe geratu direnak. Familia ugari egoera prekarioan daude.

Bide prekarioan igo beharreko maldak maiz nekagarriegiak dira: lan arazoak, dibortziatzerakoan arazoak, arazo burokratikoengatik NIE-a ezin berriztatzea, bankuek jartzen dituzten oztopoak kontu korronte bat zabaltzeko, hainbat diru laguntza jasotzeko eskubideen urraketa…

Guzti honen aurrean ezin dugu entzungor egin eta kritiko bihurtu gara. Banketxeen sistema heteropatriarkala, klasista eta matxista dela oihukatu nahi dugu. Europa eta Espainia mailan oinarrizko eskubideak betetzen ez direla salatu nahi dugu. Zerbitzu sozialetan eskaintzen den arreta enpatiatik asko urruntzen dela deritzogu.

Gure presentzia Galdakaon oraindik xumea da. Agian ezjakintasunagatik, agian beldurragatik, agian karga familiarra eta bilkurak ezin uztartzeagatik… ez dira emakume gehiegi gugana hurreratu direnak. Hala ere, familia bat eraikitzeko lehen pausoak eman ditugu guztion artean eta indartzen joateko esperantza eta ekimena daukagu: kale ekintzak burutzen hasi gara, asanblada irekiak, erresistentzia kutxa sortzen, gai ezberdinetan jakituna den jendearen informazio esanguratsua eskuratzen… Eta horrela, ereiten gabiltzanak bere fruituak emango dituelakoan gaude, udaberri humanoago eta justuago bat irudikatu arte.

Binke! urtarrila 2022 9

Argiak iruditan ARGAZKIAK: JOSE ANTONIO ARANDIA @CLICKETACLICK

10 urtarrila 2022 Binke!

Binke! urtarrila 2022 11

Grafitigile anonimoa

«Grafitia legala balitz, asko ez ginateke honetan arituko» TESTUA: BEÑAT ARMENTIA ARRIANDIAGA

Arteak baditu hamaika kolore. Bere baitan kokatzen da pintura, eta oraindik barrurago grafitia. Askoren ustez hazkunde handia izan du azken honek azken aldi honetan Galdakaon eta Usansolon. Honen guztiaren inguruan gehiago jakiteko xedez, grafitigintzan diharduen galdakoztar batekin izan du hitzordua Binkek.

N

orbere sinadurarekin estaltzen dituzte pareta grisak grafitigintzan dihardutenek.

Gutxi dira hala ere pintaden atzean haien benetako azala bistaratzera ausartzen direnak. Gehienetan zigorren bat jaso dezaketenaren beldurrez, bestetan aldiz egindako obrari kutsu misteriotsu bat ematearen xedez, ez da ohikoa margoaren atzean ezkutatzen denaren aurpegia argitara eramatea. Ez da gutxiago izan elkarrizketa honetan parte hartu duen kidea, berak ere bere izena eta izana ezkutuan mantentzea erabaki baitu. Bere inguruan eta oro har Galdakaon grafitigintzak duen lekua izan du hizpide Binkerekin.

Noiz eta nola egiten du batek grafitigintzan hastearen hautua? Aspaldiko kontua da. Bai nire eta baita ezagutzen ditudan beste askoren kasuan, ohikoa izaten da marrazkiekiko zaletasuna. Batzuk arte eskolaren eraginez, beste batzuk aldiz norbere gogoz, ohikoa da 10-12 urteren bueltan lehen irudiekin hastea.

12 urtarrila 2022 Binke!

Eta ondoren? Noski, lehen hastapen hauek ez dira denok buruan ditugun espazio handietan egiten, lehen irudiak eskolako koaderno edo tankerakoetan egiten dira baizik.

Baina, akaso beldurrarengatik, beti dago errespetu bat bigarren pauso bat emateari. Lagunak, haiek dira finean «spray eta paretaren mundu honetara» murgiltzera gonbidatzen zaituztenak.

Zer da zuretzat grafiti bat? Bakoitzarentzat objektu abstraktu bat da grafitia, moduren batean edo bestean ulertzen du hau dena bakoitzak. Batzuentzat, esaterako, bakea eta lasaitasunaren ikur izan daiteke. Niri, berriz, margozteak dakarren «adrenalinak» sortzen didan zirrarak erakartzen dit, ilegala den zerbait egiten ari zaren sentimendu horrek: nola egin inork zu ikus ez zaitzan, tuneletatik barrena ibili ezkutaketan, gustu berdineko jendea ezagutu,…

Hastapenek ba al dute epe luzera bilakaerarik?

Teknikoki bai, beste edozein arlotan bezala. Egiteko era, zehaztasuna, materiala,... beti dago hobetzeko zerbait mundu honetan. Hala ere uste dut oso pertsonala dela, estilo kontu bat. Ez gara bata bestearen irudiak alderatzen ibiltzen, bakoitzak badaki zer hobetu eta nondik ikasi.

Zein mezu bidali nahi da irudi hauen bitartez? Beti dago mezu bat, ados, baina orokorrean zerbait inplizitua da, ikusten ez dena. Bakoitzak badaki zer helarazi nahi dion mundu honi: lasaitasunari gorazarre egitea dena arin mugitzen den garai honetan, adibidez. Edo alderantziz, kontrakultura ikur bat ordenaren gizarteari, ez dakit.

Badaude ere kritika sozial bat egitera ausartzen diren horiek, baina uste dut orokorrean gutxi direla.

Hip-hop eszenan kokatu izan da beti mugimendua.

Oraindik al da horrela? Nik eta nire inguruak egiten dugun irakurketan behintzat gaur egun ia bere osotasunean dago grafitigintza Hip-hop mugimendutik aldenduta. Jada ez dira skatea, grafitia, breakdance-a eta dj-a mugimendu uniformatu baten baitan kokatzen, asko desitxuratu da hau azken urteetan, salbuespenak egonda ere.

Galdakaoko eta Usansoloko paretetan geroz eta nabariagoak dira grafitiak. Komunitate sendoa osatu dugu Galdakon behintzat, etorkizun oparokoa. Asko dira hasiberriak, eta bakoitzean geroz eta gehiago hurbiltzen zaizkigu sortua dugun taldeko kide izateko interesa dutenak, nerabeak bereziki. Aipamen berezia egin nahi nioke Graffestari, halakoei esker komunitatea are sendoagoa egitea lortu dugulako.

Zeren arabera hartzen da toki batean edo beste batean margotzearen erabakia? Goiko lerroetan esandakoaren ildo beretik. Bakoitzak erabakiko du tokia, tamaina, forma, kolorea, nahia, dena. Batez ere behin eta berriro errepikatu dudan asmoa da honen gakoa. Esaterako, lasaitasunaren bila ari diren horiek abandonatutako fabriketan margotzen dute; nik aldiz, adrenalina hori bereganatzeko, tren, bistako toki edo halakoren batean.

Zeren arabera da grafitia ilegala? Kontraturik edo baimenik erditik ez dauden neurrian beti izango da grafitia ilegala. Askotan hitz egiten da jendartean honi buruz, ez aldiz mugimenduaren baitan. Denok dakigu ilegala dela, eta horregatik denbora xahutze bat da honi buruz hizketan aritzea. Eta, poliziak baten bat harrapatzekotan, honek erabakiko du zein ondorio ezarri. Badaude kasuak lausoago aritzen direla, batez ere abandonatutako edo bistakoak ez diren tokietan.

Uneoro zaudete beraz zigorren bat jasotzeko arriskuarekin, ezta? Hala da, bai. Kontu handiz ibiltzen gara honekin. Hala ere, uste dut legala izango balitz, gutako asko ez ginela honetan arituko, ez bailuke horrenbesteko adrenalinarik eragingo gugan.

Askoren ustez pintadek herria zikindu egiten dute, ez besterik. Tira, bakoitzak pentsa dezala nahi duena. Niri hala ere bitxia iruditzen zait orokorrean jendarteak nola onartzen dituen soldatapeko langileek egiten dituzten mural oro, ez ordea gureak. Polemikak polemika, nire ikuspuntutik herria aberasten eta edertzen dute grafitiek, eta hala egiten jarraituko dugu! • Binke! urtarrila 2022 13

Gure berbaz MANU ETXEBARRIA AYESTA

Zorionak

Z

orionak, «felicidades» lez darabilgu. Euskeraz, berba konposatua da: zori + on. Zori, sabaiketa hipokoristiko bidez, xori eta txori bilakatu da, (gazt. pájaro), eta jatorrizko, zori, zorte ona edo txarra adierazteko. Gaztelerazko, felicidad, latineko, felicitatem eta hau, felix (fértil) berbatik.

Beraz, ekibalentetzat erabili arren jatorri ezbardinetiakoak dira. Gatozen euskerazko, zori, berbara. Jatorriz, zori, hegaztia da, gaur egun, xori edo txori esan arren. Orduan, zergaitik erabiltzen dogu, zori, zorte, adu edo destino ona edo txarra adierazteko? Ba, dirudienez, Erromatarren kulturatik hartu dogu zentzu-erabilera hori.

Izan be, Erromatarren artean hautaketa bat erabagi behar zanean, zerura adi jartzen ebezan hautagaiak eta gero augureak interpretatu egiten eban bakoitzak ikusitakoa.

Tertzio haretan, txoriak bakarrik ikusten ziran zerutik hegaz. Egonak egonda eta ikusiak ikusita, augureak hautagaiok ikusitako txorion hegazkadak interpretatzen ebazan: zenbat txori, eta batez be zein aldetatik. Onak, eskumakoak (lat. dextra) eta txarrak, ezkerrekoak (lat. sinistra). Harrezkero, ezkerra, kontzeptua, markaturik geratu da ofizialtasunaren gerizpean.

14 urtarrila 2022 Binke!

Hizkuntza ohiturak herritarren eta Udalaren artean

G

aldakaoko Udalak herritarren harrera-zerbitzuetako hizkuntza hautuaren neurketa egin du 2021ean, bai ahozko zein idatzizkoa.

Ahozkoaren neurketa ondoko guneetan egin da: Musika Eskolan, kiroldegietan —Urreta eta Unkina—, ESAN bulegoan, udaletxeko telefono bidezko arretan, Gizarte Ekintzan, Udaltzaingoan, Behargintzan, Kultura arloan eta liburutegietan. Idatzizkoa egiteko, ostera, erregistro bidezko eskabideak hartu dira kontuan, aurrez aurrekoak nahiz egoitza elektroniko bidezkoak. Emaitzak ondorengoak dira: Ahozko erabilera: Herritarra & Udala

%23

• Euskara • Gaztelania

%77

Galdakaoko Udalak ahozko erabilerari dagozkion neurketan egin izan ditu aldian-aldian 2010etik aurrera. Ordurik hona euskararen erabilera Galdakaoko Udaleko arreta-zerbitzuetan iraunkor mantendu da.

Idatzizko erabilera: Herritarra & Udala

%20 • Euskara

%80

• Gaztelania

Idatzizkoari dagokionean badirudi, ahozkoan ez bezala, joera goranzkoa dela: 2012az geroztik zortzi puntukoa, hain zuzen ere.

Alabaina, idatzizkoa ahozkoa neurketa baino zatiaz konplexuagoa da eta momentuz, tamalez, ez dago ahozkoa bezain sistematizatua.

Neurketa berria 2022an egingo da eta berori izango da, aurrez egindako neurketekin batera, Galdakaoko Udalaren Erabilera Plan berria ontzeko oinarri.

Informazio gehiago: hezkuntza-euskara@galdakao.net • 944010540

Gurera etorriak «Bertara iritsi ginenetik ez dugu bazterkeriarik sentitu» Juan Bautista Uriarte kalean kokatuta dagoen Hiperoffice dendako langileak dira Alain Bonet (Caracas, 1961) Lucibel Maria Natera (Cantaura, 1976).

Venezuelatik etorritako bikoteak orain urtebete ireki zuen denda, eta pozik daude Galdakaon.

Zerk ekarri zintuzten Galdakaora? Kasualitate hutsa izan zen. Egia da Alainen kasuan senide euskaldunak dituela, baina ez zen hain justu hori izan Galdakaon bukatzearen arrazoia. Alabak hazteko hormonak behar zituen, eta horrek eragin zuen Venezuela utzi eta Europara alde egin behar izatea. Zaldibarren izan genuen lehen geltokia. Hona iritsi eta gutxira hasi ginen txikia matrikulatu nahian, eta euskara hutsez izango ez zen hezkuntza eredu batekin hastea erabaki genuen.

Azkenean, Colegio Vizcaya hautatu genuen, eta erabilgarri zuten geltoki bakarra Galdakaokoa zuten. Eta, hala, horrek eragin zuen bigarren geltokia eta egungo bizitokia Galdakao izatea.

Zerk harritu zintuzten gehien hona iristean? Jendearen eskuzabaltasunak.

Hona iritsi ginenetik ez dugu bazterkeriarik, desberdintasunik edo parekorik sentitu jendearen aldetik, zinez gaude eskertuta horrekin. Jende asko ezagutu dugu urte hauetan: ez xenofobiarik, ez diskriminaziorik, ez ezer. Alabak ere erraz egokitu ziren hona iritsi eta gutxira. Esker oneko jendea aurki daiteke herri honetan.

Zer du Galdakaok, zuen herriek ez dutenik? Denetarik. Ura, argia, osasuna,… han ez dugu halakorik. Venezuelako osasun zerbitzu publikoa ez da nahikoa norberaren osasun mesedeak asetzeko, eta nahitaezkoa izaten dugu aseguru pribatu bat egitea gure hobe beharrez. Dekadentzian dago sistema publikoa bertan, eta ohikoa da bata besteari ura, janaria edo argindarra eskatzea.

Eta alderantziz, zer ez duzue aurkitu hemen han zenutenik? Bizitza beste erritmo batean mugitzen da. Lasaitasuna aurki daiteke hemen: tabernara joan eta pote bat hartu, nork esango zigun halakorik? Dena doa presaka han, eta AEB horren gertu izateak modelo konkretu bat inposatzea ere dakar. Multinazionalak, frankiziak, edo sareak, gero eta gutxiago dira han komertzio txikiak. Zer izango da etorkizuna, bada, halakorik gabe? Beldurgarria da.

Saltoki bat ireki zenuten herrian orain urte bete. Zer moduz lehen urte hau? Ezin gara eskertuago egon. Era berean beharrezkoa dela uste dugu «herri gisa» jardutea, eta Galdakaon aurki daitezkeen komertzioak elkarlanean aritzea.

Nik gaur elektronikako dendan zerbait erosiko dut, bihar agian okina etorriko zait dendara, eta elektronikakoak berriz ogia erosiko du, gurbil bat, finean. Bono dendak, pintxo lehiaketak, eta beste hainbat. Beharrezkoak dira hauek herriko kontsumoa sustatzeko.

Iritzia ASIER INTXAURBE GOROSTIZA

35 ordu

T

estuinguruaren arabera izango da zerbait handia edo txikia: 35 orduko lanaldiak edo 35 orduko mendi ibilaldiak, esaterako, ordu kopuru handiak dira. Baina 35 orduz astean zehar lan egitera ohituta gaude, eta azterketa garaian astean zehar 40 ordu ikasten egotera. Ez da aldiz gauza bera gertatzen irakasgai guztien kasuan. Ordu asko eskaintzen zaie, adibidez, matematikei, ez ordea Gorputz Hezkuntzari.

Aurreko egunean entzun nion estatuko ministerioko arduradunari, proposatutako dekretu berriarekin Gorputz Hezkuntzako ordu kopuruak berriz murrizteko asmoa dutela. Urte osoan soilik 35 ordu, edo, beste modu baten esanda, astean soilik ordu eta erdi. Gaur gizartean dugun arazo nagusienetakoa da gizentasuna eta sedentarismoa.

Pandemiaren ondorioz arazo honek goraka egin du. Dekretu honek, aurretik aipatutako arriskuak are okerrago egingo dituela uste dut. Kontuan hartu behar dugulako gazte askoren kirola egiteko une bakarra irakasgai hau dela. Proposamen honek aurrera eginez gero, arazo larriak ekarriko dituela uste dut. Jarduera fisikoak dituen onurak aintzat izanik, zergatik alde batera utzi?

Binke! urtarrila 2022 15

La Palmako boluntarioak

Errautsen azpiko kolorea berreskuratzen TESTUA: XABI EALO DÍAZ ARGAZKIAK: GALDAKAOKO BOLUNTARIOEN GIZARTE ELKARTEA

Hiru hilabete inguru beteko dira boluntario batzuk La Palma uhartera heldu zirela, ia 150 euskaldun, eta guztiak GBGE elkarteak koordinatuta.

Sumendiak kaltetutako pertsonei laguntza ematen ari dira orduz geroztik, eta bai hango herritar zein hemengo bolondres batzuekin hitz egin du Binkek.

16 urtarrila 2022 Binke!

I

railak hemeretzi zituenenean, arratsaldeko hirurak pasatxo zirenean ohetik altxatu zen natura La Palma uhartean (Kanariak). Bazeramatzan egun batzuk esna, baina egun horretan Cumbre Viejako sumendiak leher egin eta hondamendia eta drama hasi ziren.

Laurogeita bost egunez, naturak indar erakustaldia egin du bertan eta ia hiru hilabetez, La Palmako gauak infernua zirudien, gorria zerion lurrari. Duela hilabete eskas, baina, lokartutzat ema zuten sumendia.

Egoera horren lekuko izan da Jonay Perez Gonzalez, El Pasoko (La Palma, Kanariak) bizilagun kaltetua eta bertako segurtasun zinegotzia. Berak dioenez, «oso zaila da deskribatzea» bizitakoa, baina horrela kontatu du oraindik asimilatzen ari diren egoera: «Benetako hondamendia izan da, familia askok dena galdu du, gauza asko lortu ahal izateko bizi osoko lana sumendiak aurretik eraman du».

Bien bitartean, laba-ibaiek ia hamar egun eman zituzten itsasorako bidea topatzen; batzuetan azkarrago, besteetan motelago, euren kasa egin zuten bidea, berebiziko indarra erakutsiz eta bidean harrapatzen zuten guztia suntsitzen.

Orotara, 1.219 hektarea eta ia hiru mila eraikin txikitu dira. Labak bakarrik ez, sumendiak jaurtitutako hautsak eta errautsak ere enbarazu hainbat eragin dute.

Edozein ezbeharretan moduan, La Palman ezinbestekoa izan da larrialdi zerbitzuen eta boluntarioen lana, azken horiena gehienbat.

Beste modu batean esanda, auzolana izan da beharrezkoa. Eta hain zuzen ere, Jonay eta El Pasoko eta inguruetako beste hainbat bizilagun laguntzen dihardute oraindik Galdakaoko Boluntarioen Gizarte Elkarteko (GBGE) kide batzuek.

Elur beltza. Oso denbora motzean, La Palma uharteko zati handi bat belztu egin zen, egunak joan egunak etorri, are belztuago. Sumendiaren erupzioa hasi eta hilabete eskasera, urriaren 29an, heldu zen GBGEko lehenengo bolondres taldea La Palmako El Paso herrira. Guztira sei kide. Aldez aurretik, euren laguntza eskaini zieten bertako agintariei, tartean Jonay Perezi. Kike Garcia Lalaguna boluntario horietako bat da eta «sentimenduen nahasketa» izan zuen lekura iristerakoan: «Sumendia handik metro batzutara ikusten zen, eta naturaren ikuskizun ederra zirudien. Baina, beste aldera begiratu eta atsekabea eta hondamena ikusten ziren». Alvaro Saiz Ruiz ere bolondres joan da eta berak esan duenez, «dena errautsez ezkutatuta zegoen, modu perfektu batean estalita, elurra egin izan balu bezala, elur beltza».

Errautsa eta sumendiaren burrunbak gutxi ez eta lurrak etengabe egiten zuen dardar. «Denak dardar egiten zuen», dio Saizek; baina hori ez zen aitzakia izan lanean ez jarraitzeko, «egora oso zaila» zen arren, Kike Garciak deskribatzen duen moduan. Izan ere, lehenenengo egunean zortzi ordu egon ziren zero gunean, «errauts eta piroklasto-euripean». «Nahiko itogarria eta neketsua izan zen, ordu asko izan zirelako palarekin teilatuetatik gora eta behera betaurrekoak, eskularruak, maskarak… jantzita», aitortu dio Kikek Binkeri.

Hori izan zen bolondresek lehen hamar egunetan egin zuten lana: zero gunera El Pasoko segurtasunkonboiarekin sartu, eta teilatuetako errautsak kendu

etxeetako estrukturek zutik iraun zezaten eta bizilagunei euren etxeetako sarbideak garbitzen lagundu, etxetresna elektrikoak eta altzariak jaso ditzaten.

Animalien artean, ere bai. Teilatuetako errautsa kentzeaz gain, agintzen zizkietan bestelako lanak ere egiten dituzte boluntarioek, tartean, «obretako hesiekin eta toldo batzuekin inpobisatutako zoologikoa» zaindu. Alvaro Saizek hedabide honi azaldu dio 800 abere-buru inguru egon direla pilatuta bertan: «Ardiak, astoak, ahuntzak, oiloak, txitak, untxiak… denak pilatuta, hesiez bananduta». Alvarok dioenez, «animalia horietako asko norenak diren ez dakite, jabeek hiltzat eman dituztelako, edo korrika atera eta galduta aurkitu dituztelako».

Orduan, baserritar batek egingo lukeen moduan, bolondres taldea «animaliak elikatzeaz, lastoa garbitzeaz, gorotzak batzeaz… azken finean, maitasuna emateaz» arduratu da.

Hortaz, bolondres talde batek teilatuak garbitzen dituen bitartean, beste batek animaliez arduratzen da, eta neguarekin batera herrigunea garbitzen hasi dira, orotara 150 bat bolondres aritu dira eta aritzen dira bertan laguntzen.

Gaur egun ere aritzen dira, izan ere, sumendiak behin lo hartuta, «lanik gogorrena geratzen da», GBGEko bi kideek diotenez: «Teilatuetako errautsa lorategietara bota zen, baina lorategietatik kalera atera behar da eta bertatik zabortegira».

Beste modu batean esanda, «labak eta errautsak estalitako guztia garbitzea» geratzen da bertan. Horretarako makineria Binke! urtarrila 2022 17

Euskaldunen koadrila moduan ezagutzen gaituzte La Palmakoek astuna behar da, eta «orduan lana %100 eraginkorra izango da, dagoeneko ez delako errautsik eta bestelakorik erortzen».

«Euskaldunen koadrila». Ia 150 euskaldun La Palmako El Paso herrian, guztiak Galdakaoko Boluntarioen Gizarte Elkarteak banatutako arropa soinean dutela. Gehienak kamiseta zuria daramate jantzita, errautsaren kolore beltzarekin kontrastea egiten, izar distiratsuak gau beltzean izango balira moduan.

Horiek guztiak, alegia, bolondres guztiak, GBGEk bideratu ditu. «Ez da egon Gobernuz Kanpoko Erakunderik bolondresen kontua bideratzeko», dio Saizek: «Militarrak daude, bertako suhiltzaileak ere bai, Guadia Zibilak eta Poliziak euren lana egiten ari dira eta Gurutze Gorria karpa baten azpian dago».

Larrialdietarako Unitate Militarra, UME delakoa, inguruetan dabilela, baina Alvarok salatzen duenez, «ez du askorik egiten, beharbada jabego pribatuetan eskurik ez sartzeko agindua edukiko dute».

Laguntza horren ezean, auzolana ezinbesteko bihurtzen da horrelako hondamendietan eta horregatik, hainbat lekutako jendea apuntatu da Galdakaoko Boluntarioen Gizarte Elkartearen egitasmora eta elkartea izan da lan-tresnak, ostatua eta abarrak eskaintzen.

La Palmako bizilagunek, El Pasokoek gehienbat, «euskaldunen koadrila» moduan ezagutzen dituzte bolondresak. «Bermeoko, Bilboko, Gasteizko, Donostiako… leku guztietako jendea dago, gehienak euskaldunak», azaldu du Saizek Binkerekin izandako solasaldian.

Arrastoa lagako duen esperientzia. Argi dago sumendiaren erupzioaren kaltetutakoek ez dutela ahazteko bizitakoa. Eta seguru aski, laguntzera joan direnek ere ez dute erraz ahantziko La Palmako bizipena. Kike Garciak, esaterako, dio berarengan «mugarria izan den esperientzia» izan dela. Gaineratzen du «naturaren indarraren aurrean zein txikiak» diren pertsonak, baina txikitasun horretan, «pertsonak zein handiak» izan daitezkeen ere konturatu dela.

Izan ere, harremana eratu dute bolondresek eta kaltetuek.

Jonay Perezek, El Pasoko zinegotziak, adierazi duenez,

18 urtarrila 2022 Binke!

La Palmako boluntarioak «harremana oso ona da eta hala izaten jarraituko du». Eta hain zuzen ere, Jonay eta Kike sarri askotan egon ziren batera errautsa garbitzen: «Jonayk kontatu zidan bere etxea labaren azpian zegoela, eta baita bere gurasoena eta izeko-osabena ere, baina auzokideak laguntzen ari zen». Azken horrek «pentsarazten du munduan bihotz handiko jendea» dagoela, dio Kike Garciak eta «palmatarrak hori erakutsi dute: jende atsegina, xumea eta esker onekoa».

Harremanak harremana, Kike eta Alvaro bat datoz: naturaren erakustaldia sekula bizitako esperientziarik harrigarriena izan dela, baina horrek eragindako hondamendia eta drama ez dutela ahazteko: «Naturaren ikuskizun moduan ikarragarria den drama da, baina azpian dagoena eta inoiz baino hobeto esanda, sekulakoa da».

Palmatarrak, eskertuta. Euskal Herritik joandakoei «harrera ikusgarria» egin zieten, Kike Garciak dioenez: «Jendea txundituta zegoen pertsona talde bat hain urrutitik modu altruistan joan zelako laguntzera». Gainera, bolondres galdakoztarrak dio «eztarrian eta bihotzean korapiloa» egiten zitzaiela bertako bizilagunek euren etxeetarako sarbideak eta teilatuak garbitzen laguntzeagatik eskerrak ematen zizkietenean.

Izan ere, palmatarrek «benetako poza» sentitu zuten euskaldunak bertan ikustean: «Hain urrutitik datozen pertsonez inguratuta egotea, edozein zereginetan laguntzeko, trukean ezer espero gabe, mirestekoa da», esan dio telefonoz Jonay Perezek hedabide honi.

Eta horregatik, La Palmako eta bereziki El Paso udalerriko bizilagunak eta udaletxea ere bai, erabat eskertuta agertu dira.

Euren izenean, Perezek hauxe esan nahi die laguntzen egon diren bolondresei: «Eskerrik asko guztioi guregatik egindako guztiagatik! Gurekin batera egoteko eta laguntzeko, dena atzean uzteko gai izan diren pertsonak dira. Horregatik, egoera honetatik irteten laguntzeagatik, merezi dute gure esker ona».

Gaineratzen du El Pasoko herriak ez dituela «sekula ahaztuko Galdakaoko euskaldunak».

Bada, hein handi batean «Galdakaoko euskaldunek» egindako auzolanari esker, El Paso eta La Palma badoaz pixkanaka-pixkanaka belztura hori atzean uzten eta lehen zeukaten kolorea berreskuratzen, baina oraindik ere lan eskerga dago egiteke inguru horietan. Seguru aski hilabeteak eta urteak luze joango dira normaltasuna guztiz bueltatzeko; eta denbora guzti horretan palmatarrek ezinbestekoa izango dute orotariko laguntza eta elkar-zaintza naturaren indarrak utzitako lorratzari aurre egiteko. •

Binke! urtarrila 2022 19

Montserrat Villamayor Merino Galdakao, 1966 Txikitatik izan du marrazkiekin gertutasun handia, baina ez zuen hau sakontzeko asmorik izan duela 20 urtera arte. Torrezabal Kultur Etxean egindako margolaritza ikastaro batek bultzatu zuen arte modalitate hau are sakonago ikastera. Duela lau urte, berriz, Galdakaoko Arte Eskolan hasi eta ordutik bertan dabil ikasle. Hainbat dira erabiltzen dituen teknikak: akuarela, pastela, txinatar tinta, akrilikoa,… baina olioarekin sentitzen da gusturen. Errealismotik gertu dauden irudiak dira orokorrean marrazten dituenak, batez ere erretratuak edo maiz ikusten dituen Galdakaoko paisaiak. Monet edo Sorolla bezalako artistak ditu inspirazio iturri nagusi.

20 urtarrila 2022 Binke!

Bidea mimoz eta puntu duinez jostea NEREA URGOITI GALARZA

H

or daude gaur ere neguko eguzki izpien epeletan goxo-goxo. Heldu da lehenengoa tipi-tapa takataka bultzatuz.

Bigarrena han dator astiro-astiro esku batean muleta eta bestean katxaba dakartzala, asimetriko bezain elegante.

Eta apurka-apurka euren txokoa betetzen joan da, takatakak nonahi, muletak zeinahi. Badator zazpigarrena ere, berandu eta bizi-bizi, parkera sarrerako kurba zuzen hartuz, abiadura mugak gaindituz. Gidariak, egunotan bilobatzat bataiatu duzunak, erlojua begiratu, musu eman eta «ordubete barru nator» esan omen dio.

Imajinatu duzu ordubete horretan zenbat gauza egin behar dituen, zenbat errekadu eta buruhauste.

Kostata heldu dira izkina hontara baina beraien irribarreek merezi izan duela oihukatzen dizute. Eta

Lerroartean azken egunotako ohitura jarraituz, horrela pasa dituzu hamar minutu, edo hogei, begira-begira, isil-isilik.

Begiratze hutsak bakea eragiten dizu, lasaitasuna.

Begirada leihotik urrundu eta altzoan egin bidean dagoen bufanda ikusten duzu, haserre. Konfinamenduko laugarren eguna da, nazkatuta zaude, itota. Amak «gantxillo» egiten erakutsi dizu baina bufanda amaitzear zegoenean erdiko puntuetan akats bat ikusi eta dena soltatu dizu, berriro «ondo» egiteko. Eta haserretu zara amarekin ere, zuk amaitu nahi zenuelako, ahalik eta arinen amaitu, emaitza baino ez. Nork erreparatzen dio bidea ondo egiteari presaka bizi den gizarte honetan?

Inditex delako munstroaren denda batera zoaz, miseria bat ordaindu eta hor daukazu emaitza, instant batean.

Nire miresmen osoa sortzaile eta artisau orori, bidea mimoz eta puntu duinez josten duzuenoi, alegia.

Paper usaina Zabalean

JOANES URKIXO BEITIA

U

rte hasiera orotan, Erregen inguruan, haurtzaroko oroitzapenak etortzen zaizkit gogora, nahi eta nahi ez.

Erregenetako nire argazkian, Meccano, metraileta, indiar, bakero eta halako sortaren erdian, tronuan, liburuak daude. Argazki bizia gainera, zirrara batekin baitator — liburuok hartzera nindoan uneko esku dardara hura— eta usainarekin ere bai, paper usainarekin, alegia.

Munduan asko legez, liburu zaleak apalategiak betetzen ditu eta, halakoan, lekurik gabe geratzen da.

Nire kasuan, liburu elektronikoa arazoa konpontzera etorri zen. 2008an iragarri zuten hamar urteren buruan digitala erabat nagusituko zela paperezkoa neurri nimiñotara baztertuz. Eta aurreneko urteetan hala izan zen, baina 2015ean gauzak aldatzen hasi ziren: paperezkoak gora egin zuen berriro eta harrezkero

ez da gelditu mendebaldeko mundu osoan; digitala, berriz, Asian nagusitu bada, Europan neurri xumetan mantentzen da eta EEBBetan nahikotxo jausi da berriro.

Liburuaren aldaketa teknologikoak gurean izan duen porrota azaltzeko ohiturari dagozkion arrazoiak darabiltzate. Paperezkoak jabetzaren sentsazioa hobeto betearazten ei du, objektu fisikoa izanik mailegatu, edo oparitu, edo birsaldu egin ahal delako, digitala berriz ezin delarik ezta euskarri guztietan irakurri. Beste arrazoi batek esperientzia sentsorialari dagokio, eta hemen hasierako hartara itzultzen gara: usaina, ukimena, apalek liburuz gainezka emandako etxekotasuna… hurrean garenaren atal funtsezkoa dira. Aitortuko dut nik, lantzean behin, e-book gailua itxi eta liburu bat hartzen dudala eskuetan, ukitu eta usaindu ahal izateko baino ez.

Binke! urtarrila 2022 21

Eserita, ezkerretik eskuinera: Julen Urrutxurtu, Agurtzane Uribarri, Ixone Muñiz eta Leire Zamalloa.

Zutik, ezkerretik eskuinera: Izaskun Rekalde, Naia Bergaretxe, Ainara Goitiandia, Iñigo de Miguel, Iñigo Larrea, Beñat Armentia eta Jon Gomez. Argazkian falta dira Alain Jauregi eta Gaizka Uriarte.

Aldaketa urtea izango da

2022a Binkerentzat ere Urte berria aldaketaz beteta hasi du Binkek, eta guzti horien berri eman gura dizue honen bidez Batzorde Orokorrak.

B

inkek sei urte osorik bete ditu kalean, eta zazpigarren urteari ekin dio 2022ko urtarrileko zenbaki berri honekin.

Edozein proiekturen sorkuntzak eta hastapenak ekarri ohi duen bezala, sei urte hauek ez dira errazak izan Binkeren Batzorde Orokorra osatzen duten herritarrentzat; eta proiektua hobetzen eman dute askok 2015etik —Binke sortzeko erabakia hartu zen unetik, nahiz eta lehenengo zenbakia 2016ko urtarrilean kaleratu—.

Proiektua hobetzen ordu asko eskaini eta are buruhauste gehiago izan dituzte herrikide askok. Eta hobetzen jarraituko du hedabide honek aurrerantzean ere, zelan bestela, baina proiektua egonkortuta dagoen une

22 urtarrila 2022 Binke!

honetan aurrerapauso nabarmenak eman gura izan ditu ekimen honen talde motorrak. Zertarako?

Usansolotarren eta galdakoztarren informazio zein entetenimendu apetak are gehiago asetzeko, euskararen presentzia eta erabilera handitzeko, euskaldunon komunitatea sendotzeko eta gure hizkuntza ikusezin duten horiei, hemen, Euskararen Herri bat badela egunero gogorarazteko. Eta guzti horren ondorioz, zergatik ez, euskarara erakarri eta euskara ikasteko gogoak transmititzeko.

Bulego aldaketa. Gure herrietako euskara hutsezko lehenengo komunikabidea sortzeko bilerak egiten eta 2016 hartako zenbakiak editatzen Andra Mari Dantza Taldearen egoitzan hasi zen Binke —doala gure esker ona taldeari—, baina urte horren amaieran Galdakaoko Udalak Torrezabal Kultur Etxeko lehenengo pisuan erabili barik zegoen bulegotxo bat utzi zion Binkeri.

Geroztik, 2021eko abendura arte,

horixe izan du bere egoitza eskuartean duzun hedabide honek.

Orain, proiektua eduki zein gizabaliabide aldetik handitzen doala ikusita, udal-eraikina utzi eta bulego propio batera lekualdatzea erabaki du batzordeak. Hemendik aurrera beraz, Urki kaleko bulegoetan —taxi geltokiaren ondoan— aurkituko duzue Binkeren bulegoa. Behar duzuenerako.

Udal Gobernuei eskerrak. Bulego aldaketa aipatuta, ezin aipatu barik utzi Galdakaoko Udalak Binkeren alde egindako apustua eta gaur ere egiten duen ahalegina.

Udal Gobernuei esker ona publikoki adierazteko baliatu gura ditu Binkeren Batzorde Orokorrak lerro xume hauek.

Eta pluralean dago idatzita, «gobernuei», bai aurreko legegintzaldikoak zein egungoak, biek, asko lagundu dutelako Binke gaur posible izan daiten.

Horregatik eskertu gura ditu hedabide honek bi agintaldietako alkate, zinegotzi eta teknikari guztiak.

Aurtengo aldaketak

1 Bulegoa Binkeren bulegoa, iazko abendura arte, Torrezabal Kultur Etxeko lehenengo solairuan egon da.

Hemendik aurrera aldiz, udaleraikin batetik kanpo aurkituko gaituzue: Urki kaleko bulegoetan.

Agurtzane Uribarri eta Julen Urrutxurtu batzordekideak Edurne Espilla Euskara eta Komunikazio zinegotziari (erdian) Binkeko sei liburuak eskainitako unean, Torrezabaleko liburutegian erabilera publikorako utz zitzan.

Batzorde berria. Komunikabide hau elkarte baten bitartez sortu zen —Aitu elkartea— eta elkarte horrek jarraitzen du izaten Binkeren arima eta izana.

Edozein elkartetan bezala, pertsona talde batek eusten dio erakundeari, baina bizitzaren izadiak berak saihestezin egiten du pertsonen mugimendua, eta batzuk joan egiten diren legez beste batzuk etorri egiten dira. Eta une natural hori ezin izan du Binkek ekidin. Horrela ba, Binkerentzat ezin garrantzitsuagoak izan diren lau pertsonek Batzorde Orokorra utzi dute.

Agurtzane Uribarri, Julen Urrutxurtu, Iñigo de Miguel eta Izaskun Rekalde dira lau pertsona horiek, eta eurek egindako lan erabat bolondresagatik ezin daiteke Binke eskertuago egon.

Orain, lau horien ordez, talde motorrean sartu dira Ainara Goitiandia, Leire Zamalloa, Beñat Armentia eta Iñigo Larrea. Eskerrik asko zuen konpromisoagatik, zortzikote!

Banaketa atzeratua.

Zenbaki honetatik aurrera Binkeren 14.000 aleak hilabeteko hirugarren edo laugarren astelehenean banatuko dira, barikuan beharrean.

Sei urte liburutan. Binkek 2016ko urtarriletik 2021eko abendura arte argitaratutako zenbaki guztiak —66 guztira— sei liburutan koadernatuta oparitu dizkio Udalari, Torrezabal Kultur Etxeko liburutegian herritarren eskura egon daitezen. Plazer baduzue. •

Hemen gagoz!

Bazatoz?

2 Batzordea Urtarriletik aurrera, Binkeren Batzorde Orokorrean lau pertsonak batzordea utzi eta beste lau berri sartu dira. Gainera, bilerak astero egitetik bi asterik behin egitera pasa da.

3 Banaketa Hedabide honekin zerikusirik ez duen arazo bategatik, eta azken hilabeteetan Binkek betiko bezala banatu ezin izan duela ikusita, hileroko 14.000 aleen banaketa hilabeteko hirugarren barikutik, hirugarren edo laugarren astelehenean egitera pasako da.

4 Liburuak Binkeko lehenengo sei urteetako ale guztiak liburuetan koadernatuta jarri dira Torrezabaleko liburutegian herritarren eskura.

Binke! urtarrila 2022 23

Taldeka

ZarataK musika taldea

«Taldea, bere osotasunean, galdakoztarra da» Elene, Aitor, Asier eta Aner galdakoztarrak dira jaio berri den Akëer proiektuaren atzean dauden kideak. ZarataK izenarekin aurkeztu dute haien burua orain arte sare zein eskainitako kontzertuetan, baina Binkeri primiziaz helarazi diotenez aurki dira izenez aldatzekoak.

Bi kontzertu, biak Galdakaon. Zer moduz hastapenak?

Itzela! Espero baino hasiera hobea izan dugu. Taldekide guztiok haur ginenetik buruan izan dugun asmo bat izan da musika munduan hastea. Bi kontzertu hauek nolabait erakutsi digute zeintzuk izango diren gure ibilbide, poz eta zailtasunak. Eskerrak eman nahi dizkiogu Galdakaoko Udalari horrelako aukerak emateagatik.

Nola eman zenioten forma proiektuari? Taldea bere osotasunean galdakoztarra da eta txikitatik ezagutu dugu elkar Asier (bateria), Elene (abeslaria) eta hirurok (Aner, gitarrista). Taldea itxuratzen hasi ginen 2018an. Asier, «Josebounder» (irakaslea, baxua) eta hirurok elkartuz joan ginen Musika Eskolan entseguak egiteko pare bat urtez.

Konfinamendua amaitu zenean, Elene sartu zen musika eskolako talde horretan. Urtebete geroago, «jaietan» jotzeko aukera ikusi genuenean Aitorri (baxua), Asierren klasekide bati, gurekin jotzeko esan genion. Eta hortik sortu zen dena.

24 urtarrila 2022 Binke!

Baduzue harremanik Galdakaoko beste talderen batekin? Momentuz ez dugu harreman handirik garatu Galdakaoko musika taldeekin, musikari horietako batzuekin eszenatokia partekatzeaz gain. Baina gehienok ezagutzea eta haiekin harremana izatea espero dugu.

Musikari ikuspuntutik, zer eskatzen diozue Galdakaoko Udalari? Taldeen entseguak ahalbidetzeko lokal batzuk erraztea iruditzen zaigu gauzarik garrantzitsuena. Alokatu daitezkeen lokal batzuk, eta ez gazteon txami propioak. Izan ere, azkenengo hauek garesti egiten zaizkigu. Horretaz gain, Udalak antolatutako kontzertuetan, ondo legoke Udalak berak zenbait bozgorailu, mikro edo pedal hornitzea; kontuan izanda talde txiki batzuk, gu barne, ez ditugula kalitatezko materialak, areto batean publiko guztiak entzuteko modukoak.

Imajinatu talde baten hasierako gonbidatu zaretela.

Zein gustatuko litzaizueke izatea taldea? Nahiz eta gustu batzuetan bat etorri, nahiko gustu ezberdinak ditugu. Gaur eguneko taldeetatik asko gustatuko litzaiguke Belako, Toc, Lukiek edo Eskean Kristörentzako jotzea adibidez. Baina asko ditugu gustuko talde zaharrak ere, Nirvana, ACDC, Misfits, Hole etab. adibidez.

Baduzue esku artean epe labur zein luzerako helbururik? Etorkizunerantz begira, gure kantak egiteko eta kaleratzeko asmoa dugu, taldean badugulako kantautore bat. Horretaz gain, kontzertu askoz gehiago eta handiagoak egitea espero dugu.

«Pioneer in Energy Research»

JORGE NAVARRO

Javier Bilbao galdakoztarra, AEBetan saritua

AEBetako American Chemical Society elkarte zientifiko ezagunak energiaren ikerketaren arloan ekarpen garrantzitsuak egin dituzten ikertzaileak saritzen ditu urtero. Aurten Javier Bilbao Elorriaga galdakoztar kimikaria izan da saridunetako bat.

N

ew Yorkeko unibertsitatean 1978. urtean sortu zen eta egoitza gaur egun ere AEBtan duen American Chemical Society elkarte zientifiko bat da. Elkarte honek argitaratzen duen «Energy & Fuels» aldizkari ospetsuak «Pioneer in Energy Research» (PIER) sariak ematen ditu urtero. Sari hauek energiaren ikerketaren arloan ekarpen garrantzitsuak egin dituzten ikertzaileak saritzea du xede.

Bada, aurten —bioenergiaren, bioerregaien eta biofindegiaren arloan— EHUko Ingeniaritza Kimikoko katedradun den Javier Bilbao Elorriaga galdakoztarra saritu du nazioartean aldizkari honek, «biomasaren eta hondakinen konbertsioan egin duen ekarpen nabarmenagatik».

PIER sari honek 2021ean egindako lanari egin dio aitortza, eta EHUko komunikazio bulegoak halaxe deskribitu du bere katedradun galdakoztarra, hitzez hitz: «Javier Bilbao Elorriaga UPV/EHUko Ingeniaritza Kimikoko katedraduna eta Prozesu Katalitikoak eta Hondakinen Balorizazioa taldeko koordinatzailea da. Erregaiak, produktu kimikoak eta H2 sortzeko biomasaren eta hondakinen konbertsio katalitikoari buruzko lanak eragin handia izan du nazioartean. 75 bat proiekturen buru izan da eta 150 proiektutan baino gehiagotan parte hartu du, Estatuko eta Europako erakundeek eta enpresek (Total Petrochemical, Eastman, Johnson Matthey, etab.) finantzatuta. Jarduera horiek guztiek

Jarraitu gure herrietako

aktualitatea

500 bat ikerketa-artikulu, 8 patente eta ikuskatutako 40 doktoretza-ikasle sortu dituzte. Espainiako Kimikako Errege Elkartearen Ingeniaritza Kimikoko Sari Nazionala (2006) eta Espainiako Kimikarien eta Ingeniari Kimikoen Elkarte Nazionalaren I+G+Bko bikaintasunaren saria (2019) jaso ditu.

Bere ibilbide profesional luzean, ekarpen aitzindariak egin ditu prozesu termokimiko eta katalitiko berriak garatzeko, biofindegiko eta hondakinen findegiko plataformen barruan.

Haren ekarpenak modelatze zinetikoaren eta katalizatzaile eta erreaktore berrien diseinuaren eremuetara zabaltzen dira».

Binke! urtarrila 2022 25

Binke TV Hauek dira grabatu eta argitaratu ditugun azken hiru bideoak Binke telebistan!

Baz sukaldari izarra Ostalaritza Eskolan Garena jatetxeko Julen Baz Michelin izar berria Galdakaoko Ostalaritza Eskolan aritu zen goiz batez irakasle, berak proposatutako menu bat eskolako ikasleekin batera sukaldatzeko. Ostean, dozenaka lagunek dastatu zuten menua. Horren lekuko izan zen Binke, Bazekin batera sukaldean goiz osoa igarota.

Herrigune berria da putre-funts baten lokala Putre-funts baten jabetzakoa den lokal hutsa «birjabetu» egin du Elkarlaguntza Sareak Galdakaon eta urtarrilaren 16an, goizetik zabalik egin zuen lehenengo egunean, bertara sartu zen Binke. Herrigune bilakatu gura dute, eta gunea atontzen eta antolatu zuten truke-azoka antolatzen harrapatu genituen taldeko zenbait kide.

Zizpak 25. urteurrena ospatuko du aurten Zizpa Gazte Konpartsak 25 urte bete ditu, eta mende laurden hori ospatzeko urte berezia iragarri zuten urtarrilaren 14an belaunaldi desberdineko zizpakideek.

Binke izan zen bertaratu zen medio bakarra, eta horregatik prentsaurrekoa bere horretan, osorik, argitaratu zuen bere sareetan. Ikusi nahi?

Bideo guztiak gure sareetan ikusgai!

26 urtarrila 2022 Binke!

Proiektu honetarako lanean: Argitaratzailea: Aitu elkartea.

Koordinatzailea: Jon Gomez Garai.

Irudia eta maketazioa: Naia Bergaretxe.

Erredakzioa: Leire Regadas, Unai Sarriugarte eta Xabi Ealo.

Batzorde Orokorra: Gaizka Uriarte, Ixone Muñiz, Leire Zamalloa, Ainara Goitiandia, Beñat Armentia eta Iñigo Larrea.

Ilustratzaileak: Irrimarra.

Inprenta: BEPSA. Banaketa: Egunon eta Correos.

Hilero banatutako ale kopurua: 14.000.

Lege Gordailua: BI-41-2016 ISNN: 2444-9385

Korrika Galdakaotik eta Usansolotik noiz pasako den argitzen duen albistea izan da Binke.eus-eko irakurriena.

Proiektu hau posible egiten dute: Ohiko kolaboratzaileak: Manu Etxebarria, Edu Madina, Aitzol Altuna, Estibaliz Apellaniz, Joanes Urkixo, Yayone Altuna, Irati Bediaga, Julen Gabiria, Gotzon Barandiaran, Antton Irusta, Nerea Urgoiti, Josi Basterretxea, Xabier Valencia, Nagore Ferreira Zamalloa, Edu Olea eta Bego Martinez.

Elkarte laguntzaileak: Ganguren Mendi Taldea, Burtotza Mendi Taldea, Andra Mari Dantza Taldea, Galdakao Gogora, Etxerat, Usansolon Euskaraz, Euskaraldia eta Bagabiz euskara elkartea.

Argazkilariak: Jabi Rojo, Gotzon Almaraz, Aitzol Zamalloa eta Julio Legarretaetxebarria.

Webguneko laguntza: Aitor Espinosa eta Naiara Perez de Villarreal.

Binke aldizkariak ez du bere gain hartzen aldizkarian adierazitako iritzi edota esanen erantzunkizunik

Urteko lehen egunean, milaka bisita izan zituen Euskal Herrian jaiotako lehenengo haur galdakoztarrarenak!

Harremana: 680 74 32 11 info@binke.eus

www.binke.eus

Babesle ofizialak:

Hileko irakurrienen artean ere Zuriñe Garcia sukaldariak Andra Mari utziko duena iragartzen duen notizia dago.

Binke! urtarrila 2022 27

Torrezabal Kultur Etxea Urtarriletik maiatzera arteko egitaraua

Antzerkia Urtarrilak 27, eguena

Sexberdinak Tanttaka teatroa Ordua: 20:00 Sarrera: 3-4€

Martxoak 11, barikua

Winona&Grace Khea Ziather Ordua: 20:00 Sarrera: 6-8€

Martxoak 18, barikua

Semea piska bat motelago dabil soilik Tanttaka teatroa Ordua: 20:00 Sarrera: 7,5-10€

Urtarrilak 29, zapatua

Tarzan Marmar teatroa

Apirilak 1, barikua

Ordua: 18:00 Sarrera: 4-6€

El avaro

Otsailak 6, domeka

Winnipeg

Morboria teatroa Ordua: 20:00 Sarrera: 7,5-10€

Puça Espectacles , La Jarra Azul i Grec 2020 Festival de Barcelona

Apirilak 30, zapatua

Ordua: 19:00 Sarrera: 9-12€

Lore More

Otsailak 10, eguena

Eresia. Lurra arin bekizu, ama Oier Zuñiga Ordua: 20:00 Sarrera: 3-4€

Otsailak 12, zapatua

Gauza txikiak. Zer egunetan utzi genion jokatzeari?

La mecànica Ordua: 18:00 Sarrera: 4-6€ Testu gabeko antzezlana

Trapu zikinak Ordua: 20:00 Sarrera: 3-4€

Maiatzak 6, barikua

La tarara Hika teatroa Ordua: 20:00 Sarrera: 7,5-10€

Maiatzak 14, zapatua

Perez Sagutxoa Glu Glu produkzioak Ordua: 18:00 Sarrera: 4-6€

Martxoak 3, eguena

Maiatzak 27, barikua

Harri Minak

Album

Berritza, Bonbon Beltz

Formol laborategia

Ordua: 20:00 Sarrera: 3-4€

Ordua: 20:00 Sarrera: 4,5-6€

28 urtarrila 2022 Binke!

Musika

Apirilak 10, domeka

Otsailak 23, eguaztena

Jazz Km.0

Influencers

Da Capo Galdakaoko Musika banda eta Leyre Sanz

Da Capo Galdakaoko Musika banda

Ordua: 13:00 Sarrera doan

Ordua: 13:00 Sarrera doan

Otsailak 26, zapatua

Zirkoa Martxoak 5, zapatua

Benito Lertxundi Ospakizun gauean

Bowaren bidaiak

Ordua: 20:00 Sarrera: 9-12€

La gata japonesa Ordua: 18:00 Sarrera: 4-6€

Dantza Maiatzak 20, barikua

Go!azen 8.0 kontzertua

LOF —Ladies Of Fight—

Pausoka

Cía. Eva Guerrero

Ordua: 17:00 eta 19:00 Sarrera: 6-8€

Ordua: 20:00 Sarrera: 6-8€

RPS 258/15 M.Miguel Herrero D.O.O Y Audioprotesista

Apirilak 2, zapatua

Ikusmena eta entzumena Bizitza gehiago ematen diegu zure zentzumenei Juan Bautista Uriarte, 19. GALDAKAO Telefonoa: 94 456 59 54 WhatsApp: 688 856 690 Hauetan ere bagaude!

ikusmen eta entzumen zentroa

Binke! urtarrila 2022 29

30 urtarrila 2022 Binke!

Binke! urtarrila 2022 31