BINKE 065 Azaroa 2021

65. zenbakia • 2021eko azaroa

KARMELE GORROÑO ILUSTRATZAILEA

«Ez dut argi inspirazioa benetan existitzen denik»

KARMELE GORROÑO ILUSTRATZAILEA

«Askatasun osoz lan egiteko aukera eman digute argitaletxeak eta Sarrionandiak» TESTUA: JON GOMEZ GARAI ARGAZKIAK: JABI ROJO

P

resentzialki agian ez dugu hilabeteko protagonista bera ikusten, baina bere arima inguratzen gaituzten koloretako irudi askotan dago islatuta, bera baita Irrimarra ilustratzaile taldeko sortzaile eta bai Sormene jaialdiko zein beste hamaika idatzitako irudien egilea. Oraintsu aurkeztu berri du Joseba Sarrionandiarekin batera argitaratu duen liburu berria; eta Pirritx, Porrotx eta Marimototsen azken lanerako irudiak amaitu berri harrapatu dugu bere kolorezko munduan, Zabaleako tailerrean.

Edonork ezin du esan Joseba Sarrionandiarekin lan egin duenik! Ez dakit ba! (irribarretsu) Haurrei zuzenduriko Album ilustratu bat egin dugu eta Ikaselkarren Kuku! emozio programaren barnean dago. «Tristura» da Josebarekin batera egin dugun lanaren titulua. Eta izenak esaten duen bezala, haurrekin tristura lantzeko sorturiko liburua da. Sarrionandiak hitzak jarri ditu eta guk berriz, irudiak.

Zelan izan duzu ba, berarekin lan egiteko aukera?

Argitaletxeak proposatu zigun proiektua, eta guk pozik jaso proposamena!

Liburuaren aurkezpenean berarekin batera izan zinen, zelakoa iruditu zaizu Sarri? Oso jatorra. Oso gustura aritu gara lanean, bai argitaletxearen zein bere aldetik askatasun osoz lan egiteko aukera eman digutelako eta konfiantza hori asko eskertzen da, gauza berriak probatu ahal izateko.

Pasa berri den Sormeneren irudia ere zuek egindakoa

2 azaroa 2021 Binke!

da, ezta? Bai, aurten ere guk egin dugu kartela, persona ezberdinak irudikatu nahi izan ditugu disziplina artisiko ezberdinei erreferentzia eginez, eta batez ere transimizioa azpimarratuz.

Pluralean ari zara une oro, Irrimarra ez delako bakarrik Karmele Gorroño... Ez, Irrimarra Irene Iruretak eta biok osatzen dugu. Irene zumaiarra da, neska jator, langile eta zintzoa! (barreka) Urte asko daramatzagu elkarrekin marrazten eta, egia esan, oso ondo moldatzen gara. Ideia bat irudikatzeko orduan batak ondo jakiten du besteak buruan ze irudi imajinatzen duen, eta hori ezinbestekoa da bi buruk irudi bakarra sortzeko.

Zelan ezagutu zenuen Irene eta zelan okurritu zitzaizuen Irrimarra sortzea? Unibertsitatean ezagutu genuen elkar.

Bertan hasi ginen batera marrazten, hasieran joko bezala hasi ginen baina beranduago, klaseko lanak ere batera egiten genituen. Karrera bukatu ondoren ere, noizbehinka elkartzen ginen elkarrekin proiektutxoak egiteko, azkenean Irrimarra sortzea erabaki genuen arte.

Eta orain horixe duzue ogibide. Imajinatzen zenuen marrazteaz bizi ahalko zinenik? Ba egia esan inoiz ez dut argi izan zein ogibide izan nahi nuen...

Arteaz bizi daitekeela erakutsi duzun arte, zenbat aldiz entzun behar izan duzu honetaz bizitzea «ezinezkoa» dela? Tira, berez entzun, gutxitan. Ez da ohikoa jendeak ezinezkoa dela esatea. Baina aldi berean, harritu egiten dira horretaz bizi zarela jakitean. Dena den, onartu beharra dut ez dela batere erraza ilustrazioaz bizitzea...

Karmele Gorroño Idirin 1987, Galdakao Arte Ederretan lizentziatua da Karmele Gorroño galdakoztarra, 2016tik ilustratzailea ogibidez eta Irrimarra taldeko sortzaile.

Goxotasunez nabarmentzen ditu Irrimarrarekin egindako hiru lan: «Altzoko handiaren bilduma», «Kuoi» eta «Badauzkat nire zulotxoan». Baina gainera, Joseba Sarrionandiaren azken lana, «Tristura», irudiz jantzi du eta Pirritx, Porrotx eta Marimototsek argitaratutako lan berria kolore ederrez hornitu ere, lehenengoz.

Binke! azaroa 2021 3

Lehen esan duzu «bi buruk irudi bakarra» marrazten duzuela. Ezohikoa da zuen jarduna ba! Bai, ez da ohikoa lan artistikoetan jardun kolektiboak ikustea; artista edo marrazkilariaren irudia oso indibidualizatua dago. Zorionez, gero eta jende gehiago animatzen da taldean sortzera. Eta gu ere horrela ari gara. Irudiak elkarrekin egiten ditugu.

Zein da zuen lan-erritmoa? Ufa! Ba, oso aldakorra!

Normalean proiektuka egiten dugu lan, batzuetan hilabete berean lan mordoa pilatzen zaigu eta bestetan ezer ez.

Beraz, lan erritmo oso ezberdina izaten dugu. Dena den, saiatzen gara lan konstantzia bat mantentzen eta lan gutxi dugun denboraldietan proiektu pertsonalei heltzen.

Zelako materialak erabiltzen dituzue zuen irudietarako? Normalean paperean «gouache» edo tenperarekin aritzen gara. Beste proiektuetarako, hormairudiak, koadroak… euskarrietara moldatzen gara.

Zeri marrazten diozue bereziki? Nik esango nuke giza figurak gure irudietan presentzia nabaria duela. Zuk erabakitzen duzu zein gorputz duen, zein aho, zein begi, zein izaera… Jolas antzeko bat da, baina azken finean buruan dituzun pertsonaiak sortzen dituzu. Oso ondo pasatzen dugu sortutako pertsonaien atzean ze istorio ezkutatzen den asmatzera jolasten! (barreka) 4 azaroa 2021 Binke!

Gaia dena delakoa ere, zuen irudiek beti dute estilo bera. Zelan, edo zeren arabera, adostu zenuten hori?

Uste dut estiloa ez dela adosten den zerbait. Denborarekin moldatzen joaten da. Jasotzen ditugun irudi ezberdinek, norberaren testuinguruak, buruan ditugun ideiek… denek dute eragina norberaren estiloan eta aldi berean estilo kolektibo batean.

Binketxoren denbora-pasak zuek egiten dituzue hilero.

Sormen lan bikoitza izango da hori! Batzutan zaila da, bai. Saiatzen gara gehiegi ez errepikatzen eta jolas berriak sortzen baina beti ez da erraza izaten. Dena den gustatzen zaigu denbora-pasak sortzea, ez delako normalean egiten dugun zerbait.

Aldizkari, liburu, kartel eta, oro har, papererako bakarrik egiten duzue lan? Ez. Egia da batez ere ilustrazioan aritzen garela, baina margoak eta hormairudiak ere egiten ditugu, esaterako. Orokorrean irudiak sortzen ditugu.

Zein izan da jaso duzuen enkargurik arraroena?

Buruhandi bat egitea.

Eta handiena? Zaila egiten zait aukeratzea, oso lan ezberdinak egiten ditugulako, eta bakoitzetik zerbait ezberdina jasotzen dugu.

ELKARRIZKETA KARMELE GORROÑO

Arin-Arin!

Asteko egun gogokoa?

Barikua.

Herriko txoko gustukoa?

Pepeto.

Liburua ala tablet-a?

Liburua.

Pelikula bat?

Amelie.

Ez duzu onartzen…

Intolerantzia.

Marrazkilarien irudia oso indibidualizatuta dago

Zoriontsu egiten zaitu…

Konpainia onak.

Plater bat?

Arrain zopa.

Deskribatzen zaituen berba?

Masusta.

Horma-irudi handiak egiteko adibidez, Irene eta biok bakarrik aritzen zarete ala kontratatzen duzue laguntzailerik? Ez, orain arte biok bakarrik lan egiten dugu.

Hala ere, askotan lagunartean izate dugu laguntzaileren bat.

Herrian zer kenduko zenuke?

Trafikoa.

Zer egiten duzu inspirazio barik zabiltzanean? Ai ene!

Inspirazioaren kontua... (barreka) Ez dut oso argi existitzen denik ere! Ez dakit… Uste dut lanbide guztietan ditugula egun on eta txarrak. Baina askotan ahaztu egiten zaigula sormenezko ogibideen atzean lan handia dagoela, ez dela soilik ispirazio kontua. Lanean jarri beharra dago, hortik zer aterako den jakin gabe. Argi dagoena da, sortzen jarri gabe ez duzula ezer berririk sortuko.

Euskarazko berbarik politena?

Bihurri.

Zein enkargu ez zenukete inoiz onartuko? Nik pertsonalki, etikoki edo moralki txarto ikusten dudana.

Eta zein zaudete jasotzeko irrikitan? Pilo Eszneografian aritzea gustatuko litzaidake, adibidez! •

bat!

Eta zer berria jarri?

Bidegorria ibai ertzean.

Zure ametsetako bidaia?

Mexiko.

Berba egin ala entzun?

Berba egin.

Zure mesanotxean ezin da falta…

Betaurrekoak.

Abesti bat?

Noches de boda, Sabina eta Chavelarena.

Binke! azaroa 2021 5

Aginke!

Errealitatetik hurbilegi dauden albiste faltsuak

«Galdakaoko EAJko kideen gutuna jaso a dugu, alkatetz o berreskuratzek laguntza eskatuz» OLENTZERO Beti bezain jator

Sarean arrantzatua

Ba al zenekien...

«Jambo», «pavo», «primo», «colega» edo «hermano» direla gazteak elkarren artean deitzeko gehien erabiltzen dituzten hitzak?

23

Gabonak heltzek o hilabete eskas geratzen den arre n, galdakoztar eta usansolotar ge hienek 23 egun daramatzate jada polboroi eta turroiak jaten, ez in izan dutelako supermerkatuetan dauden apaletan erortzea saihestu.

Txiste txarra

a ez — Jendearekin hain iraingarri bil. izateko ikastaro bat egiten na — Eta zelan doatzu ba? i sikieran.

— Zure dieta baino hobeto ba

Hezur arazoak sufritzen ari dira usansolotar gehienak ETB

-1eko «Herri txiki, infernu hand i» saioaren bisita jaso ondoren, hezur hazkuntz a agerraldia egon da usansolotarrengan. Herri bezala kontsideratu izanagatik, bizpahiru zentimetro inguru luza tu dira batazbeste bertako biztanleak, «crecedera» arazoak naba rmen hasi direlarik.

Kardiologiako frogak egiten hasi dira Plazakoetxen Plazakoetxek

o biribilgunean zeuden semafor oak kendu ondoren, egunero susto bat edo beste egon ohi da bidegurutzean, horrek bihotzean izaten duen eraginarekin.

Hori dela eta, kardiologi froga bat egitea erabaki dute medikuek bertan, azterketa ona izan go delakoan.

Gabonetako argiek ordutegi berezia izango dute aurten.

Gabonetako argiak prest dauden arren, elektrizitateak duen prezio altua ikusirik, udalbatzak osoko bilkuran erabaki du argiak piztearen ordutegia elek trizitate tarifen arabera moldatzea. Beraz, ez da arraroa izango gaueko 20:00etan argiztapena itzali beharra goizalde ko 3etan berriz pizteko.

6 azaroa 2021 Binke!

Laura Villanueva, nutrizionista

«Ez jatearen obsesio orokortu bat dago gizartean» Laura Villanueva nutrizionista galdakoztarrak milaka jarraitzaile ditu Instagramen, eta bereziki elikaduraren eta dieten tabuak hausten saiatzen da sare honen bidez.

E

gun Madrilen lanean ari den nutrizionista galdakoztarra da Laura Villanueva (Galdakao, 1996). Gizarteak elikaduraren alorrean dituen ohitura okerrak modu osasuntsu batean heztera bideratzen du bere lana.

«Jateari beldurrik izan gabe bizi» diozu zure Instagrameko biografian.

Hala da, bai. Urte hauetan konturatu naiz gizartearen eta janariaren arteko lotura guztiz kaltetua dagoela, batez ere horren barneratuta dugun «dietaren kultura» esango nuke dela errudun nagusietako bat. Kontsultara hurbiltzen zaizkidan hainbat bezero ikusten ditut loditzearen beldurrez, edota hainbat dira «kapritxoren» bat jaterakoan errudun sentitzen direnak. Ez jatearen obsesio orokortu bat dago gizartean, eta honek elikadura arazoak dakartza berekin.

Zeintzuk dira nutrizioaren munduan errepikatu ohi diren topikoak?

Hainbat dira: karbohidratoek loditzen dutela, fruta oheratu baino lehen jatea txarra dela, jatorduren bati uko egitearekin argaldu daitekela eta beste mila. Uste dut intrusismo larregi dagoela nutrizioaren mundu honetan, kalte handia egin digu sareak, eta jendeak jada ez daki zeri kasu egin eta zeri ez.

Azkenaldian askoren ahotan dago «Realfooding» kontzeptua. Moda bat, akaso? Bizi estilo honekin ados egonda ere ez nator bat zabaltzen den mezuarekin. Hau da, mezua horrenbeste zabaltzeak —Carlos Rios adibide argia— honen inguruko hamaika interpretazio ezberdin egitea dakar.

Finean mugimendu hau beste dieta mota

Jarraitu sareetan! bat baino ez da, «ultraprozesatuen» kontsumoa saihesten dituena, ez besterik. Pozten nau mezua horrenbeste hedatzeak, baina zorrotzegi ari da zabaltzen, eta elikagaietan soilik zentratzen da. Non geratzen dira ongizate soziala eta fisikoa?

Zein leku du gizartean nutrizioak?

Nutrizioa ez da epe laburrerako helburu jakin batzuk lortzeko norberaren dieta hilabete gutxi batzuetarako aldatzea, argaldu nahian barau egitea edota Gabonetako otordu handiak ostean kirola eginik konpentsatuko dugula pentsatzea. Bizitza estilo bat da nutrizioa, norberak erabaki behar duena nondik heldu, eta ez kontrara. Pisua jaitsi nahi duzula?

Ados. Baina lehenik erabaki honen zergatia: estetikarengatik? Gizartearen presioarengatik?

Osasunarengatik?

Honek erabakiko du zein bide hartu prozesuan zehar.

Instagram: @nutrirsindramas Hezi daitekeen zerbait dela uste duzu? Bai, noski. Jaiotzen garen unetik barneratzen dugun zerbait da elikadura, eta beharrezkoa ikusten dut honen lanketa ikastetxeetan.

Instagramen 20.000 jarraitzaile dituzu. Zelan ba horrenbeste?

Ez nuen nik ere halakorik espero!

Nirea ireki aurretik erreferentziatzat nituen hainbat nutrizionista jarraitzen nituen, eta nik ere antzeko zerbait egin nezakeela erabaki nuen, nakien hori jendeari helarazteko. Are gehiago, sarean aurkitzen nituen nutrizioaren inguruko gezurrei irtenbide bat emateko aukera aproposa izan zitekeela iruditu zitzaidan. Egun, nutrizio integrala da jendeari bistarazi nahi diodana, elikaduraz gain osasun mentala eta fisikoa aintza hartzen dituen bera.

Binke! azaroa 2021 7

Hilabete honetako sarituak

Urriko irabazleak

Irantzu Martinez Arkarazo Irantzu Agirregoikoa Arza

Irati Pradera eta Begoña Abasolo Binkekideak (gutunazalak eskuan) «Atzerrian lurra garratz» ikuskizunerako bina sarrerak jasotzeko unean.

Udalak oparituta, Futbolistok ikusteko bina sarrera irabazi dituzte.

Erraza da Binkekide izatea!

Eman zure babesa urteko

36 €

ordainduta

Oraindik Binkekide ez bazara, eta neurri honetako lehenengo komunikabide euskalduna babestu eta sustatu gura badozu, hauek dozuz horretarako bideak:

1. Bete beheko formulario hau, eskaneatu edo atera argazki bat eta bidali e-postaz: info@binke.eus

2. Bete formularioa, moztu, eta utzi gutunazal baten, Binke izenarekin Torrezabal Kultur Etxeko atezainaren leihatilan.

3. Eskaneatu zure

IZEN-ABIZENAK:

mugikorraren QR irakurgailuarekin beheko kodea eta bete formularioa!

HELBIDEA:

TELEFONOA:

NORTASUN AGIRIA:

E-POSTA: IBAN

KONTU KORRONTEA:

8 azaroa 2021 Binke!

ENTITATEA

BULEGOA

K.Z.

KONTU ZENBAKIA

Garrantzitsua izaten da atzera begiratzen jartzea, aurrekoengandik ikasi eta, bereziki, nondik gatozen jakiteko. Orduantxe konturatuko gara zer garen, eta horrela erabakiko dugu nora goazen.

Emakumeak, birritan ahaztuak

K

ultur adierazpide ugari batu dira egunotan Sormenen, Galdakaoko sorkuntzen plazan, eta euretako bat memoria izan da, emakumeen memoria hain zuzen be. Hitzordua Sormeneren azkenengo egunean izan zan, domeka arrastiz.

Agurtzane Yurrebasoren berbetan gerraostearen gogortasuna eta sufrimenduaren barri izan dogu.

Bonbardaketetan amaren ahiztea eta lobea hil jakiezan, eta handik gitxira gizona. «Amak beharrera joan behar izan eban, ez egoan besterik». Bildurra gogoratzen dau Agurtzanek, bildurra eta tristurea.

Historia irabazleek idazten dabela jakina da, beti be gizonen historia. Eta emakumeena? Emakumeak, beti dira ahaztuak, birritan ahaztuak galtzaileak badira.

Euren garrantzia gitxitan aitortu arren, emakumeen beharrari esker egin ahal izan eben familiek aurrera. Argi daukie, hori bai, Agurtzanek bai bere sasoiko emakumeek bere.

Batailen ganean kontakizun ugari dagoz, baina atzeguardian jazo zanaz ez. Andrak lantegietan egin eben beharraren garrantzia gitxitan nabarmentzen da, nahiz eta euren soldatei esker biziraun eben familia askok gerran eta gerraostean.

Dinamitan, berbarako, Galdakaoko hainbat emakumek egin eben behar.

Lantegietan eta baserrietan gogor behar egin, eta etxekoak jagoteaz aparte, errepresinoa be ezagutu eben gure herriko hainbat andrak.

Testua: Nagore Ferreira Zamalloa (Galdakao Gogora) galdakaogogora@gmail.com Argazkia: Andrak Dinamitan beharrean, 1940 inguruan.

Maxam S.A.-k itzitako irudia.

Orain urte batzuk emakumeak ardatz eukazan erakusketa antolatu eban Galdakao Gogorak, eta han erakutsi genduan Orueko txaletean eta beste kartzela batzuetan egondako Galdakaoko emakumeen izenak eta datuak. Mónica Calvo Ortíz ikertzaile galdakoztarra orduan egindako zerrendea osatuten joan da urteotan, eta 38 emakumeren izenak batu ditu. Hemen euren izen-abizenak: Juana Sagasti Ibañez, Julia Aranburu Larizgoitia, Concepción Ealo Ereño, Virginia Jauregi Emaldi, Tiburcia Atutxa Barrenetxea, Concepción Barandika Zubiaur, Felisa Bilbao Iturriaga, Teresa Jauregi Kareaga, Gloria Mota Murgoitio, Ramona Jugo Aspuru, María Teresa Urrutxua Bustillo, Antonia Aguado Picado, Juanita Elezkano Azketa, Micaela Agirregoikoa Zamakona, Manuela Egileor Uribarrena, Angeles Egirau Dañobeitia, María Yuguero Aranburu, Mercedes Larrea Aboitiz, Milagros Loroño Leiza, Francisca Nuñez Gutierrez, Justa Oiartzabal San Miguel, María Dolores Ugalde Larrinoa, Carmen Urkiza Ugalde, Luisa Urrutia Ortuzar, María Victoria Biteri Arrese-Arroita, Braulia Soloeta Etxebarria, Emilia Depardieu Beitia, Antonia Urrutia Arrieta, Sabina Perez Lekube, Maria Vila Lopez, Teresa Asua Jauregi, Dolores San Miguel Muñozguren, Rosa San Miguel Muñozguren, Luisa Martagon Sendagorta, Sebastiana Longarte Ajuriagerra, Maria Zabala Alonso, Josefa Zamalloa Villarreal eta Josefa Ereño Azkargorta.

Ez daitezela emakumeak beti ahaztuak izan, behin eta barriz ahaztuak izan.

Binke! azaroa 2021 9

Binke TV Hauek dira grabatu eta argitaratu ditugun azken hiru bideoak Binke telebistan!

Sormenen aritutako galdakoztarrak bideoan Azaroaren 16tik 21era bitarte ospatu da Sormeneren bigarren edizioa. Era eta esparru guztietako sortzaileak batu ditu aurtengo plazak ere, eta horien artean hainbat galdakoztar ere izan ziren. Horrela ba, Binkek bideo bakarrean batu zituen Sormenen batera edo bestera parte hartu zuten galdakoztarrak.

Memoariaren Eguna ospatu zuen Galdakaok Memoriaren Eguna ospatu zen azaroaren 10ean, eta bi ekitaldi xume egin ziren: Udalak, «mota guztietako biktimei egia, justizia eta erreparazioa» eskatzeko eta bide horretan konpromisoak hartzeko, Ardanza parkean. Eta Urretako monolitoaren aurrean terrorismoko biktimen omenez egindakoa bestetik EAJk, PSE-EEren eskutik.

La Palmako boluntario galdakoztarren berri Galdakoztar batzuk sumendiaren erupzioak sortutako kalteak arintzera joan ziren La Palma irlara, Galdakaoko Boluntarioen Giza Elkartearen ekimenez, eta adierazpen zein irudi batzuk bidali zizkiguten bertatik. Bideo eta adierazpen horiekin bideo bat egin zuen Binkek; bolumenarekin piztuta ikustea merezi duen bideoa.

Bideo guztiak gure sareetan ikusgai!

10 azaroa 2021 Binke!

Ostike!

MOZKERRAK kuadrila @mozkerrak

«Somerako zurrumurruetatik kanpo egotea nahiko gogorra da» GALDERAK: SUKHAK KUADRILA @SUKHAK_

Nondik dator izena? Horri buruz, noizean behin «okerrak» garela besterik ez dugu esango, eta geratzen den izenaren beste zatia zuen irudimenerako utziko dugu.

Nola deskribatuko zenukete kuadrila? Pertsona arruntez osatutako kuadrila berezia gara. Hau da, nahiz eta bakoitzak bere zaletasunak izan, beti aurkitzen dugu batzen gaituen zeozer. Bestalde, kuadrila nahiko lasaia gara eta horrek gure arteko desadostasunak erraz konpontzen laguntzen gaitu.

Nor da gehien ligatzen duena? Danok kopuru berdinean ligatzen dugu baina nonor hautatu beharko bagenu, Uri eta Unai Alba aukeratuko genituzke. Batek egunean eta besteak gauean egiten ditu etxerako lanak.

Nor da gauaren erregea? Errege Magoen antzera gure kuadrilan hiru dira gauaren erregeak; Asier, Alba eta Albarran, hain zuzen ere. Batzen direnean gameluak beste edateko gai dira-eta.

«First Dates», «El Conquis» eta «Gran Hermano» telebistako saioetatik, aukeratu nor izango litzatekeen partaiderik egokiena bakoitzerako. Hasteko, «El Conquis» saiora Unai Alba eta Jagoba eramango genituzke kuadrilako abenturazaleenak direlako, haien «rollotxue» ikusi besterik ez dago. Beste aldetik, «Gran Hermano» saiora Telle eramango genuke, beste pertsonekin harremanetan egotea du gustoko-eta. Azkenik, «First Dates»-era ez genuke inor eramango, gure zonaldetik dagoen giroarekin ez daukagu horren beharra...

Nongo jaiak dira zuen gogokoenak? (Egin zuen TOP 3a) Galdakaoko jaiak alde batera utzita, pena izugarria eman digu aurten Antzarrak ez ospatzeak, baina Santoto eguna bertan dago eta ospatzeko irrikitan gaude. Bestalde, Bediakoak dira gure altxorrik preziatuenetarikoa, gehien arritu gaituztenak baitira.

Nola azalduko zenukete gure harremana? Barkatu, baina ezagutzen al zaituztegu?

Elkarrekin bizi duzuen istoriorik xelebreena kontatu. Bi dira ditugun pasadizo xelebreenak eta ezin gara bakar batekin geratu, beraz, zorionekoak zarete biak esango baititugu. Bata, Gandian polizia nazionalarekin harrapaketan ibili ginenekoa, eta bestea, Gasteizen ordu txikitan grabatu genuen 40 minutuko dokumentala.

Zeinek ematen dio garrantzi gehien berataz besteek pentsatzen dutenari? Ez ginateke gai izango bat zehazki aukeratzeko, izan ere, gure kuadrila fokuetatik at dagoen kuadrila da eta jaramon gutxi egiten diogu jendeak pentsa dezakeenari. Hala ere, Somerako zurrumurruetatik kanpo egotea nahiko zeregin gogorra da.

Galdakaoko alkatea izango bazinate, zein izango litzateke hartuko zenuketen lehenengo neurria? Kafe Antzoki moduko leku zabal bat jarriko genuke hirigunetik kanpo, Durangok duen antzera. Azken finean, pare bat taberna dira Galdakaoko gaueko giroari eusten dietenak eta guztiok batzen garenean itolarri gabiltza beti.

Binke! azaroa 2021 11

MANU ETXEBARRIA AYESTA

Tertzioa

B

este berba asko lez, «tertzio» be latinetik hartu dogu eta Gorbeialdean asko darabilgu beste sinonimo batzuekaz batera. Tertzio, latineko «tertius» —tercero, gazteleraz— adjetiborik harakoa da. Hiru, zenbaki ordinal hori, guk erromatarren ordutegi zaharretik hartu dogu. Erromaterren ordutegi zaharreko eguerdiartea, sei zatitan banatzen zan.

Aikomenzan: «Prima, secunda, tertia, quarta, quinta eta sexta». Uda partean, goizeko seiak ingurutik hamabietara eta neguan zortziak ingurutik hamabietara banatzen ziran sei orduok. Hortik ba, hamabiak = sexta hora, eta /e/ tonika laburraren diptongazio bidez, «siesta». Gaur, beranduago botaten dogu siesta, biao edo bekanekoa. Tertzio berba dalaeta, erromatarren eguerdi-arteko hirugarren ordua da, ohetik jagi, barausi eta erantetordu, eguneko era bateko edo besteko beharrak egiteko. Erabilerara bagoaz, tertzio, testuinguru baten baino gehiagotan darabilgu. Ordua edo garaia adierazteko: «Tertzioz joan ohera tertzioz jagiteko». Neurria adierazteko: «botila-ardaotik erdi-tertzioa edan dau». Unea edo lekua adierazteko: «herriaren erdi-tertzioan dago eleizea».

Oraindino tertzioz gabilz berba hau galdu ez egiteko. Hala bedi!

12 azaroa 2021 Binke!

Irakurketa jarraitua egingo du Galdakaok

E

uskararen Nazioarteko Egunaren bueltan Julen Gabiria galdakoztarraren «Han goitik itsasoa ikusten da» liburuaren irakurketa jarraitua egingo da Galdakaoko udaletxeko Areto Nagusian. Gaur-gaurkoz irakurketan parte hartuko dute, besteak beste, Galdakaoko Bengoetxe eta Elexalde institutuek, Eguzkibegi Ikastolak, Galdakaoko Udal Euskaltegiak, Galdakaoko Barandiaran AEK euskaltegiak, Berbalagun egitasmoko kideek, Galdakao Gogora elkarteak, Bagabiz elkarteak, Galdakaoko Irakurketa Klubak…

Irakurketan parte hartu nahi baduzu deitu: 944010540 telefonora (Hezkuntza eta Euskara Arloa)

Leku eta ordutegiak: • Irakurketa jarraitua: Han goitik itsasoa ikusten da. Julen Gabiria.

• Tokia: Galdakaoko udaletxeko Areto Nagusia • Eguna: abenduak 2, eguena.

• Hasiera ordua: 09:00.

Informazio gehiago: hezkuntza-euskara@galdakao.net • 944010540

Berton inde!

«Produktu guztiak eskuz egiten ditu Enek» Ateak ireki berri ditu Ene dendak. Usansolon kokatuta dagoen denda berri hau aspalditik izan da abian online plataformetan, ez ordea formatu fisikoan, joan den urrian proiektuaren erantzule nagusi den Nagore de la Torrek (Usansolo, 1997) denda ireki zuen arte.

Denda berria, ezta? Bai, Ene denda fisikoaren ateak urrian zabaldu nituen. Hala ere, martxoan hasi nintzen nik ekoiztutako produktuak sare sozialen bidez saltzen eta ezagutzera ematen. Une horretara arte sortutako produktu guztiak nire inguruko pertsonen artean geratzen ziren.

Noiztik izan duzu buruan halakorik? Ene proiektua urtarrilean sortu zen, baina denbora-pasa besterik ez zen niretzako. Denborarekin eta harrera ona izan zuela ikustean, proiektu honek beste norabide bat hartu zuen. Ene produktuek espazio fisiko bat behar zutela ohartu nintzen, jendeak ikusi, ukitu eta probatu ahal izateko.

Noiz hasi zinen zure produktu propioak ekoizten? Orain dela bi urte bururatu zitzaidan nire produktuak ekoiztea; betidanik izan ditut eskulanak gustuko.

Horretarako, interneten arakatzen hasi nintzen eta modu autodidaktan ikasi nuen guztia. Hasiera batean, lagunentzako estutxeak eta karterak egiten nituen, baina, denborarekin, produktuen barietatea handituz joan da: boltsoak, jakeak, frakak etab.

Zer da Ene? Zeintzuk dira bere oinarriak? Lege-zilarrezko osagarrien eta ehungaien diseinua eta fabrikazioa lantzen duen marka da Ene. Produktu guztiak eskuz egiten dira eta hauen ekoizpen etikoari garrantzi handia ematen zaio. Hau da, Enek produktu bakoitzaren ekoizpenaren atzean dauden prozesuak zaintzen ditu, bakoitzari dagokion balorea eta denbora emanez. Honekin batera, produktu lokalak erostearen eta artisau lanak baloratzearen garrantzia aldarrikatzen du.

Erraza al da negozio propio bat hutsetik hastea? Ez, zailtasun ekonomiko eta burokratiko handiak izan ditut bidean. Oztopoz beteriko bidea izan da eta laguntzak egon arren, ez da erraza hauek kudeatzen eta erabiltzen jakitea.

Izan al duzu laguntzarik hau dena egiteko? Prozesu honetan guztian inguruko pertsonen laguntza izan dut, azken finean ez da erraza tamaina honetako proiektu bat bakarrik sortzea. Bestalde, badaude ekintzaileentzako laguntza ekonomikoak.

Hala ere, hauek eskatu egiten dira eta negozioarekin aurrera egiten duzun heinean, laguntza hauen ukapena edo onarpena jasotzen duzu.

Zer gomendatuko zenioke zure pareko zerbait ireki nahi duen bati? Norbaitek buruan ideia hau bueltaka izatekotan, egitera bultzatuko nioke. Izan ere, nahiz eta proiektu zaila izan, oso polita eta aberasgarria da!

LAURA SIERRA DIAZ

Klima antzezlana

M

unduko ehunka agintari, enpresari, zientzialari… elkartu dira Glasgowen klima aldaketaren aurkako ekintza globalari buruz eztabaidatu, eta adostasun estrategiko batera heltzeko. Helburua: gure planetan ematen ari den tenperaturaren igoera 1,5°Ctik ez pasatzea. Asko izan dira bertan hartutako konpromisoak, metano igorpenak %30 murriztea 2030erako, ikatzaren erabilpena jaistea, klima aldaketari aurre egiteko dirulaguntzak areagotzea etab.

Baina, guzti hau txalotu behar dugu? Klima aldaketan aditu diren aztertzaileek ikusi dute herrialde guztiek hartutako konpromisoak beteta ere oso zaila izango dela 1,5°Cko muga hori ez gainditzea. Argi geratu da beraz, Klimaren Gailur honetan hartutako erabaki eta konpromisoen anbizio falta.

Gainera, etorkizun urrunerako hartutako konpromiso horiek zertarako balio dute ekintza eta plan zehatzik aurkeztu gabe?

Jada ez digute hitz soilek balio, ezta beteko ez diren konpromiso hutsek. Benetako ekintzak ikusi nahi ditugu, energia eta materialen erabilpen murrizketa globalerako trantsizvio justua bultzatuko dutenak. Zinez ikusi nahi dugu COP26a erabilgarria izan dela eta ez Klima Antzezlana..

Binke! azaroa 2021 13

Sormene

Sortzaileak sustatu eta sortu gura dituen plaza TESTUA: JON GOMEZ GARAI ARGAZKIAK: BINKE

Sormenek azaroaren 21arekin amaitu zuen bere bigarren urteko ibilbidea. Ibilbide emankorra izan du aurtengoa, zeinek sorkuntzaren transmisioan indar egin eta emakume sortzaileak ikusarazi gura izan dituen. Aurtengoak emandakoa irudiz batu gura izan dugu erreportaje honetan, baita datorren urtera begira Sormenek dakarrena labur-labur kontatu ere.

14 azaroa 2021 Binke!

A

maitu da, bigarren urtez, Galdakaoko sorkuntzen plaza. Amaitu da Sormene.

Baina bere lorratza urte luzean irauteko asmoz jaio da bigarrenez ospatu den jaialdia.

Kulturzaleak sortu, horretarako kultur eskaintza bermatu, transmisioan lan egin eta biharko sortzaileak edukiz bete gura ditu plaza honek. Plaza aipatuta, bide batez, aipatzekoa da aurten plaza berri bat gehitu diola Sormenek bere jardunari: Torrezabaleko berotasunaz eta asteburuko zuzeneko emisioez gain, barikutik domekara bitarteko ekitaldi guztiak Kurtzeko plazan jarritako karpan eskaini zirelako.

Aurten ere musikak, dantzak, marrazkigintzak, bertsolaritzak, antzerkiak, zinemagintzak edota hainbat ekimenen aurkezpenek hartu dute oholtza, eta emakumeek izan dute leku nabarmena. Emakumeek eta galdakoztarrek, zenbait ekitaldik izan dituztelako gure herrikideak fokuaren azpian: Ane Legarreta orkestra zuzendaria, Gaizka Chamizo aktorea, Maiteder Lertxundi eta Musika Eskolako bere ikasleak, Eider Eibar ilustratzailea, Aintzane Muniozguren Naizen elkarteko kidea, Agurtzane Yurrebaso eta Eunate Barroeta Galdakao Gogorako kideak, Julen Gabiria idazlea, Bakarne Begoña irakaslea, Belen Madariaga sopranoa, Andra Mari Dantza Taldea... eta , Ugaitz Alegria eta Ainhoa Etxebarria aktoreekin batera, Joana Lasheras kazetaria aritu zen aurkezle.

Datorren urtera begira, abendu honetan bertan hasiko dira 2022ko Sormene lantzen, horretarako eragile galdakoztarrek osatzea nahi duten talde eragile edo aholkularia osatuta.

Gainera, bi erakustaldi publiko izango ditu sorkuntzaren plazak 2022an, bata udaberrian eta bestea udagoienean.

Binke! azaroa 2021 15

16 azaroa 2021 Binke!

Mikel Dalmau Cherino Galdakao, 1992 Informatikako zale amorratua da Mikel Dalmau galdakoztarra. Software enpresa batean dabil egun lanean, baina beti erakarri du arteak eta sormenak. Txikia zenean, Lapurdi kaleko arte eskolan aritu zen ikasle, baina badira urteak hau utzi zuenetik. Iazko itxialdian zehar erabaki zuen garai batean horrenbeste maite zuen zaletasunari berriz ere heldu eta seriotasunez ekitea. Ondo egin du ilustrazioari berriz ekiten, ezta?

18 azaroa 2021 Binke!

Ikustezina super boterea ez denean..

YAYONE ALTUNA CHARTERINA

A

sko dira; gehiegi. Arbuioa pairatzen dutenak dira; kontratu sozial, politiko, familiar eta ekonomikotik baztertuak.

Ez dute funtsezkorik, baina, batez ere, ez dute giza zentzurik, edo, hobe esanda, kendu egin diete. Botere-talde, ideologia eta eliteentzat, ikusezinak, errealitatearen ikuspegi desitxuratua dira; ez dira bateragarriak beren munduaren konfigurazioarekin. Bertan daude, baina ez dira existitzen.

Errealitate horren aurrean, non kokatzen gara? Zer egiteko prest gaude? O. Iglesias soziologoak esango lukeen bezala, hiru aukera ditugu; lehenengoa, eseri eta treneko leihotik paisaia ikustea izango litzateke, eta berau, gizarteak azken urteotan asko aurreratu duelako nolabaiteko poztasunez egitea. Baina argazki horretan

Meraki ez dira sartzen ez baztertuak, ez pobreak; horregatik, begiak itxi behar dira, eta ez ikusiarekin benetan existituko ez balira bezala egin. Bigarrena, haserretu eta «gelditu trena, ni jaistera noa» esatea bezala litzateke.

Bidegabekeria aldarrikatzea, baina ekintzara ez pasatzea, saihestezina den zerbait delako. Hirugarren aukera, «gelditu trena, ni jaistera noa» adierazpenarekin hasten da baita, baina, gainera, ekintzara pasatzen gara, gidaria aldatzen dugu, jarraitu beharreko bidea erabakitzen dugu, helburu berriekin eta beste abiadura batekin, inor atzean gera ez dadin.

Ederra litzateke guztiok hirugarrena aukeratuko bagenu, ikusezin horiek ikusarazteko, beren izatea, duintasuna, eskubideak eta giza estatusa errespetatuak izan daitezen. Horixe norbanako edo gizarte baten benetako super boterea.

Alboan duzun hori JULEN GABIRIA LARA

A

maitzear den urte honek utzi dizkigun albisteen artean, bada bat herri gisa izugarri —edo beldurgarri, gauza bera baita— ondo erretratatzen gaituena: apirilean bueltatu da bere jaioterrira Joseba Sarrionandia, bizialdi oso baten ostean. Iurretako gazte batek 22 urterekin zapaldu zuen herria azken aldiz, eta 63 urteko gizon bat itzuli da, orduko hura ez den beste pertsona bat, orduko hura ez den beste Iurreta batera.

Sarriren begien barruan gelatxo bat balego, gustura eseriko nintzateke hango sofa batean, eta handik kontenplatu zeri begira geratu ote zen bera, 41 urteren ondorengo itzuleran; zerk eman ote zion atentzioa, zein aldaketa xumek, guretzat jada ezin sumatuzkoa denak.

Euskal Herri osoa, mundua bera, zertan aldatu den eta zertan den berdina.

Urandreak lez Hoberantz egin dugulako esperantzan eseriko nintzateke sofa horretan, baina errealitatea horma bat da gehienetan. Irudikatu Sarrionandia Barajastik Loiura ekarri zuen hegazkina; irudikatu bere ondoan emakume bat eserita; bada, emakume hori da errealitatea: euskal herritar askorentzat ikurra eta erreferentea den gizon horren ondoko aulkian dagoen emakumea, bidaia osoa eman duena Hola irakurtzen, horixe da Euskal Herria, eta akaso mundua ere bai: ondo-ondoan izatea zure herriaren historiaren parte garrantzitsu bat, eta zuk ez jakitea, ezta sumatzea ere; are gehiago: zure interes osoa esku artean dituzun txutxu-mutxu hutsaletan galtzea.

Zalantza dut ez ote den andre hori errealitatearen ordezkari errealagoa, Sarrionandia bera baino. Ez ote gaituen andre horrek beldurgarri ondo erretratatzen herri gisa, mundu gisa.

Binke! azaroa 2021 19

Musika Bizian iruditan ARGAZKIAK: AITZOL ZAMALLOA @AZL_ARGAZKIEK

20 azaroa 2021 Binke!

Binke! azaroa 2021 21

BINKE

Memoriaren Egunak banaketa sortu eban

BINKE

ONBEAT

Azaroaren 10ean Memoriaren Eguna izan zan eta ekitaldi xume bi izan ebazan Galdakaok. Udalak, alderdi guztiekin PSEEE eta atxiki bako zinegotziarekin izan ezik, «mota guztietako biktimei egia, justizia eta erreparazioa» eskatzeko eta bide horretan konpromisoak hartzeko adierazpenak egin ebazan, eta ostean aipatutako taldeak EAJrekin Urretan batu ziran.

Eliza lepo bete zan gospelerako

«El Rey León» Galdakora dator

Aba Taano gospel talde afrikarrak gorarte bete eban azaroaren 20an Santa Maria parrokia galdakoztarra.

Kontzertu solidarioa izan zan, Afrikako haurren aldekoa.

Leoi Erregearen musikalari gorazarre egiten deutson «De Simba a Kiara» ikuskizunaren sarrerak agortu ziranez, abenduaren 18an saio bikoitza eskainiko dau konpainiak.

22 azaroa 2021 Binke!

PEDRO ASUAREN SENIDEEN ARTXIBOTIK

Torrezabal bete eban Kerobiak

GALDER IZAGIRRE

Hogei urte bete dira Kerobia musika taldea sortu zanetik, eta urteurren hori ospatzeko taldea barriz alkartu da. Sorrera horren urteurrena, ordea, hiru kontzerturen bidez baino ez dauz emon, eta bat Galdakaon izan zan hilaren 20an.

NOA LUR

Pedro Asua galdakoztarra 22 urte zituala fusilatu eta lurperatu eben Jacako hobi batean, 1936ko gerran.

Eta familiak hori deskubrituta, Galdakora ekarri gura dau.

BINKE

Pedro Asua herrira ekarri gura dabe

Musika Asteak 30 urte bete dauz

Agertokietara bueltan da Oxabi

Azaroaren 21etik 25era bitarte ospatu da aurtengo Musika Astea, Galdakaoko Maximo Moreno Musika Eskolak 30 urtez eta arrakasta handiz antolatuta.

Bi urteko geldialdi behartuaren ostean, agertokietara bueltan da Oxabi, eta abenduan eskainiko dauzen hiru kontzertuetatik lehena Galdakaoko Euskararen Egunean eskainiko dau, 3an.

Binke! azaroa 2021 23

OSTALARITZA ESKOLA

OIER IBARRETXE

Ibarretxe boxeoan txapeldun izan da

Ostalaritza Eskola saritu dabe Eusko Jaurlaritzaren Kultura Sailak urtero banatzen dituan Euskadi Sarietako «Luis Irizar» saria jaso eban urrian Galdakaoko Ostalaritza Eskolak, hezkuntzan egindako lana aitortzeko. Saria Eduardo Alzola zuzendariak jaso eban.

TXIRRINDULARI GELA

PENTSIODUNAK MARTXAN

Oier Ibarretxe boxeolari galdakoztarra Espainiako txapeldun izan zan azaroaren 13an 64 kilo azpiko mailan, Santoñan jokatu zan txapelketan. Zorionak!

Galdakoztar pentsiodunak Bilbon

Pello Bilbao Galdakon izan zan

Zemendiaren 13an Bilbon pentsio duinen alde egin zan manifestazioan Galdakaok bere ordezkaritza izan eban, pankarta propio eta guzti, bertako plataformak deituta.

Pello Bilbao txirrindulari profesionala Galdakora etorri zan azaroaren 16an, Txirrindulari Gelaren bitartez, eskolako gaztetxoei hitzaldia eta sinadurak eskaintzeko.

24 azaroa 2021 Binke!

PUBLIERREPORTAJEA

Galdakaoko ikastola

Eguzkibegik konfiantzaren pedagogia euskalduna du ardatz Eguzkibegi Ikastola gurasoen kooperatiba bat da. Beste Ikastola guztien antzera, herriaren eraginez sortua, hezkuntz alternatiba bezala, euskara izanik bere identitate muin eta ardatz. Ikastolen Elkartearen barruan dago eta itunpeko zentru bat da.

I

kastolan, Haur hezkuntza (0 urte) eta Derrigorrezko Bigarren Hezkuntza (16 urte) bitarteko ikasleak hezten ditugu. Gero, etapa hauei jarraipena emateko, Ibaizabal Ikastola (batxilergoa) eta Harrobia Ikastolarekin (lanbide heziketa) bazkidetuta dago gure ikastola.

Baloreetan oinarritutako hezkuntza bat bultzaten dugu, aniztasuna errespetatuz eta hezkuntza komunitate osoaren parte hartzea bultzatuz. Hezkuntza proiektua, kalitatea hobetzearen bidean, denboraren berezitasunetara egokitzen joan da. Eguzkibegi Ikastolan, ikasleen ongizatea ardatz izanik, eredu pedagogiko propio bat garatu dugu Ikastolen Elkartearen laguntzarekin: konfiantzaren pedagogia eta konpetentzietan oinarritutako hezkuntza —KIMU eta EKI proiektuen bidez—.

Horrez gain, elkarbizitza sustatu eta eskola jazarpena ekiditeko KIVA programa finlandiarra daukagu.

Etapa guztietan, baina bereziki Haur hezkuntzan, haurrak berezkoa dauka persona gisa garatu eta zoriontsu izateko ahalmena, eta ikastolan, ikaslearen gaitasun horiek landu eta garatzeko, espazio natural, euskaldun eta aberats bat sustatzen dugu, haurren interakzioa eta autonomia lantzen dituena. Ikastolaren kokapena dela eta, naturarekin

kontaktuan beraien jolasa eraikitzeko aukera ematen zaie eta horrela, eginez eta gozatuz, esperimentatu, behatu eta ikasi egiten dute.

Konfiantzaren pedagogian, urteetan ikastolako langileek formazio saioak jaso dituzte haur psikiatrian eta psikologian aditua den Rafael Cristobalen eskutik. Metodologia honi esker, haur eta gazteek euren buruarengan eta inguruarengan segurtasuna eta konfiantza eraikitzen dute eta horrela bizitzarako beharrezkoak diren gaitasunak garatzen dituzte.

Izan ere, hau da ikastolaren egitekoa: gure ikasleek bere buruarengan sinesmena izan dezaten konfiantza ematea.

Hau da, ikaslearen konfiantza eraikitzeko hezitzaileen oinarrizko lana baldintza egokiak sortzea da. Hurbileko eta kalitatezko zaintza, behaketa eta sentikortasuna funtsezkoak dira, eta lorpen honetarako hezitzaile eta guraso/tutoreen arteko harreman sendoa eta hurbilekoa eraikitzen dugu.

Honi esker, ikasleek bizitzaren egunerokotasunerako ezinbestekoak diren gaitasunak modu aberasgarri batean garatzen dituzte eta horrela, autonomia garatuz eta elkarbizitzarako oinarriak ezarriz, ikaslearen motibazio positiboa lortzen dugu.

Binke! azaroa 2021 25

Gangureneko trokak: Aranzelaitik Errekaldera

G

anguren taldearen egoitzatik irtengo gara, Aranzelaiko presara iritsi eta Txaketolandeaganera igotzeko. Axpurutik datorren bidegurutzera jaitsiko gara, errepidearen ondotik, eta eskuinean Mugarriz Mugarriko marra gorri-urdinei jarraituko diegu. Aranzelaiko presara doan errekatxo txiki bat zeharkatuko dugu, eta, handik gutxira, eskuinera, beste bi errekatxo egiten dituzten troketara jaitsiko gara (Aranzelaiko trokak). Presatik datorren pistara jaitsiko gara berriro, eta berehala aurkituko dugu Infernukotroka, errekastoaren ondoan burdinazko monolito bat duela. Pista jarraituz Gurbuxtrokara iritsiko gara, Urreta errekea osatzen duena. Pistatik jarraituz eta Usargoitira jaisten den bidegurutzea alde batera utzita Minako errekeak osatutako Minakotroka zeharkatuko dugu, eta eskuinera Aretzak/LosRoblesera jaitsiko garen bidezidor bat hartuko dugu, Landatxu eta Belaustegigana igarota. Basabeko errekak osatutako Basabetrokara jaitsiko gara, eta Errekaldetik joango gara ibilbidearen amaierara.

LUZERA 9,340 km.

DENBORA 3 ordu 30' DESNIBELA 291/291 m.

ZAILTASUNA Erraza

2 3

4

5

6

1

1

8 8 7 Basabeko troka / Basabe erreka-Goikoerre erreka

Txaketolandea gana.

2

7

GALDAKAO Aranzelaiko errekastoetako troka.

3

Infernuko troka-Infernuko kale / Infernuko errekea.

26 azaroa 2021 Binke!

Aretzak / Los Robles gana.

4

Gurbuxtroka / Urreta erreka.

5

Mineko troka / Mineko errekea.

6

Landatxu.

Proiektu honetarako lanean: Argitaratzailea: Aitu elkartea.

Koordinatzailea: Jon Gomez Garai.

Erredakzioa: Beñat Armentia eta Iñigo Larrea.

Batzorde Orokorra: Julen Urrutxurtu, Agurtzane Uribarri, Iñigo de Miguel, Izaskun Rekalde, Gaizka Uriarte, Ixone Muñiz eta Alain Jauregi.

Maketazioa: Sua Estudio.

Ilustratzaileak: Irrimarra.

Inprenta: BEPSA. Banaketa: Egunon eta Correos.

Hilero banatutako ale kopurua: 14.000 Lege Gordailua: BI-41-2016 ISNN: 2444-9385

Ainhoa Telleria galdakoztarrak Galesetik elkarrizketa eskaini zion Binkeri, eta irakurriena izan da hileon.

Proiektu hau posible egiten dute: Ohiko kolaboratzaileak: Manu Etxebarria, Edu Madina, Aitzol Altuna, Estibaliz Apellaniz, Joanes Urkixo, Yayone Altuna, Irati Bediaga, Julen Gabiria, Gotzon Barandiaran, Antton Irusta, Nerea Urgoiti, Josi Basterretxea, Xabier Valencia, Nagore Ferreira Zamalloa, Edu Olea eta Bego Martinez.

Elkarte laguntzaileak: Ganguren Mendi Taldea, Burtotza Mendi Taldea, Andra Mari Dantza Taldea, Galdakao Gogora, Etxerat, Usansolon Euskaraz, Euskaraldia eta Bagabiz euskara elkartea.

Argazkilariak: Jabi Rojo, Gotzon Almaraz, Julio Legarretaetxebarria eta Aitzol Zamalloa.

Webgunea: Aitor Espinosa eta Naiara Perez de V illarreal.

Binke aldizkariak ez du bere gain hartzen aldizkarian adierazitako iritzi edota esanen erantzunkizunik

Formula Student-eko Team Leader izandako Borja Artime galdakoztarraren elkarrizketa oso irakurria ere izan da.

Harremana: info@binke.eus Publizitatea: publi@binke.eus

www.binke.eus

Babesle ofizialak:

Eta Ainara Artetxe Azkuetak «Jendarte larrialdia» izenburupean idatzitako iritziak ere bisita asko jaso zituen.

Binke! azaroa 2021 27

Antzerkia

Tailerra

Azaroak 26, barikua

Indarkeria matxistaren aurkako eguna

Zero En Conducta konpainia

Azaroak 30, martitzena

Antzezlan guztiak Torrezabal Kultur Etxean

«Eh man hé», la mecánica del alma

Basandere Elkartea

Ordua: 19:00 Sarrerak: 7,5-10€

Emakumeentzako autobabesa eta autodefentsa tailerra

Azaroak 28, domeka

Eperlandako eskolan Ordua: 18:00-20:00

Zuhaitz Gurrutxaga

Futbolistok Ordua: 19:00 Sarrerak: 4,5-6€

Mendia Irteera guztiak Ganguren Mendi Taldeak

Azaroak 27-28

Bola del Mundo (2.265 m) Peñalara (2.428 m) Ordua: 07:00

Abenduak 2, eguena Pentación konpainia

El abrazo Ordua: 19:00 Sarrerak: 9-12€

Musika

Abenduak 5, domeka Zizurkil-Andatza-Usurbil Ordua: 08:00

Abenduak 19, domeka Turroi Eguna

Argizai taldearekin batera Ordua: 09:00

Azaroak 27, zapatua

Cantautoreo con…

Borja Intentándolo Herriko Bentan Ordua: 21:00

Kirola Azaroak 26, barikua Esku pilota jaialdia

Ordua: 22:00 Sarrerak: 15-25€

Abenduak 11, zapatua

Coque Malla Torrezabal Kultur Etxean Ordua: 19:00 Sarrerak: 9-12€

Azaroak 27, zapatua

Bizikleta martxa (Bilbon) II. Bidegorria Galdakaora Orain Ordua: 11:00

Jaiak Abenduak 18, zapatua

De Simba a Kiara.

Rey Leoni gorazarre Torrezabal Kultur Etxean Ordua: 16:00-18:00 Sarrerak: 6-10€ 28 azaroa 2021 Binke!

Usansoloko asteburu kulturala Azaroak 26, barikua 18:00 Photocall mozorro leihaketa 20:00 Fritanga Elektrotxaranga (herritik zehar) 22:30 Mozorroen sari banaketa (plazan) 23:00 Erruki erromeria

Azaroak 27, zapatua

Abenduak 2, eguena

10:00 Dianak Bizkaiko Gaiteruekin (Gorosibitik hasita) 12:00 Kantu kolore ikuskizuna 13:00 Kalejira Bizkaiko Gaiteruekin (herri osotik) 14:00 Udal musika banda 16:00 Futbol sala partidua (meatzetan) 18:00 Oinarin dantza taldearen ikuskizuna 19:00 Futbol sala partidua (meatzetan) 19:00 Oinarin erromeria (plazan) 20:30 Niarawa batukada (herritik zehar)

Han goitik itxasoa ikusten da (Julen Gabiria)

23:00 Desoreka kontzertua (plazan)

Azaroak 28, domeka 10:00 Dianak Bizkaiko Gaiteruekin (Labeatik hasita) 10:30 Azoka (plazan) 11:00 Erraldoiak (meatzetako parking-etik hasita)

Euskararen Nazioarteko Eguna Azaroak 27, zapatua

Bertsolari-Txapelketako Finalaurrekoa Urreta Kiroldegian

Irakurketa jarraitua Udaletxeko areto nagusia Ordua: 09:00 etatik aurrera

Abenduak 3, barikua

Adierazpen instituzionalaren irakurketa (udaletxeko areto nagusian) 19:00 Zorionak Barry Barrez-Barry Manley (Usansolo) 19:30 Galdakao Kantari (Mugurun hasi eta Torrezabalen bukatu) 20:00 Ostikda elektrotxaranga (kalerik kale) 21:00 Oxabi taldearen itzulera kontzertua (Torrezabal Kultur Etxea)

Abenduak 9, eguena Berbodromoa

Torrezabal Kultur Etxea Ordua: 10:00

Abenduak 10, barikua Oihan Vega

Euskañolitis (bakarrizketa) Torrezabal Kultur Etxea Ordua: 19:00

RPS 258/15 M.Miguel Herrero D.O.O Y Audioprotesista

Ordua: 17:00-21:00

Ikusmena eta entzumena Bizitza gehiago ematen diegu zure zentzumenei Juan Bautista Uriarte, 19. GALDAKAO Telefonoa: 94 456 59 54 WhatsApp: 688 856 690 Hauetan ere bagaude!

ikusmen eta entzumen zentroa

Binke! azaroa 2021 29

30 azaroa 2021 Binke!

Binke! azaroa 2021 31