BINKE 058 Martxoa 2021

58. zenbakia • 2021eko martxoa

ALFONSO ARANDIA LOROÑO ZINEMAGILEA

«Euren egoa alde batera uzten dakiten aktoreak gustatzen zaizkit»

ALFONSO ARANDIA LOROÑO ZINEMAGILEA

«Hemen lan gehiago egitea gustatuko litzaidake; ez badut egiten, deitzen ez nautelako da» TESTUA: JON GOMEZ GARAI ARGAZKIAK: AITZOL ZAMALLOA

A

hotsa altxatu gabe, goxotasunetik eta xumetasunetik berba egiten duen artista handia ekarri dugu hilabeteko azalera. Artista ez baita beti fokoaren azpian edo kameraren aurrean agertzen dena. Eta horren inguruan asko daki Alfonso Arandia zinemagileak, bizitza luzea daramalako kameren atzean gauza handiak sortzen.

Galdakaora egin duen bisita batean harrapatu dugu.

Ez da erraza zu kameren aurrean ikustea. Beraz, ezer baino lehen, eskerrak baino ezin dizkizugu eman solasaldi hau onartzeagatik... Elkarrizketaren bat eskatu didatenean egin izan dut, baina beti saihestu ditut argazkiak. Arrazoia beti bera izan da: jendartearentzako anonimoa izatea. Nire lana gainontzeko beste edozein bezalakoa da, eta ez dut horregatik ezaguna izan behar. Orain elkarrizketa eskaintzea onartu badut gertutasunagatik izan da, nire semea haurtzaindegira doanetik ezagutzen dudan pertsona batek eskatu didalako, hein handi batean.

Eta noiz jarri zinen lehenengoz kamera baten atzean?

Teknikari bezala 1985eko uztailean izan zen. ETBko hiru film ertainetan izan zen, zuzendariaren laguntzaile. Zuzendari eta proiektu bateko arduradun aldiz 1989an izan zen, «El anónimo... vaya papelón» pelikulan.

Gogoratzen al duzu une hura? Bikain gogoratu ere! Angel Amigoren ekoizpen bat izan zela gogoratzen dut. Film hori egiteko lan-taldean sartu ahal izango nintzen galdezka nenbilen, baina lan-taldea osatuta omen zegoela eta galdutzat

2 martxoa 2021 Binke!

eman nuen lana. Ordea, hurrengo asteartean deitu ninduten, autorik nuen galdetu eta baietz erantzunda hurrengo egunerako hitzordua jarri zidaten Orion, filmatzeko ekipo osoarekin.

Bertan kontratatu ninduten, eta horrela hasi nintzen zuzendari lanetan, kotxea izateagatik.

Lehenengo une hartatik jakin zenuen zure bizitza zinema eta telebistaren bueltan igaroko zela? Hori da behintzat nik nahi eta espero nuena. Madrilera ikastera joan nintzenean egin nuen horren aldeko apustua, ez baitzuten etxean erabat ulertzen —mundu ezezaguna zelako— eta ekonomikoki ere esfortzu bat zekarrelako horrek.

Kameren aurrean ez, baina Galdakaon ere gutxi ikusten zaizu. Etxetik kanpo lan asko egiten duzu ala? Nahiz eta lan gehiena Euskaditik kanpo egin, eta egin izan dudana Gipuzkoan izan, beti saiatu naiz herrira itzultzen. Nire bizitza pertsonala bertan dago, bertan osatu nuen familia eta ahal dudan guztietan hemendik ibiltzen naiz.

Lan gehiena Euskaditik kanpo egiten duzula esan duzu?

Bai. Hasieran, 1994. urterarte, uztartu egiten nituen lanak Euskaditik oso urrun eta hemen, baina urte horretatik aurrera hemen lan egiteko deitzeari utzi zioten.

Zergatik? Ez nuke jakingo esaten. Agian ez nautelako gure herrialdearekin kokatzen-edo... auskalo! Lanaren falta inoiz izan ez badut ere, egia da etxean lan egitea faltan izan dudala beti. Hemen lan gehiago egitea gustatuko litzaidake.

Aktoreen kasuan erraza da erregistro batean etiketatzea euren burua, zuzendariekin ere antzekoa gertatu

Alfonso Arandia Loroño 1960, Galdakao Ikus-entzunezkoetan lizentziatua da Madrileko Complutense unibertsitatean, eta amaigabeak dira pantaila handian zein txikian Arandiak egin dituen zuzendari lanak. Telesailetan «El comisario», «Sin tetas no hay paraíso» edo «Vivir sin permiso» neurrikoak zuzendu ditu, eta zineman «El Anónimo... ¡vaya papelón!» eta «Carretera y manta», besteak beste. Azken bi film hauek izan dira beretzako gakoa gainera, lehenengoarekin hasi baitzen zuzendari lanetan, eta bigarrenak bultzada eman ziolako telebista mundura lan egitera.

daiteke? Gertatzen da, bai. Proiektu edo estilo konkretu batzuetan sailkatzen zaituzte eta ez zaituzte kontutan hartzen beste genero batzuetarako. Eta zentzu horretan etor daiteke, agian, euskal lurretatik kanpo lan egitea... hemengo panoramatik desagertuta nagoela ematen du-eta.

Aktoreen inguruan ari garela... Txutxu-mutxu pixka bat: ze famaturekin duzu harremana? Lankide teknikariekin dut harreman handiagoa aktoreekin baino, baina egia da batzuekin harremana dudala eta tarteka berba egiten dudala...

Baina ezin gehiago kontatu! (barreka) Tira, baina esaiguzu behintzat norekin gustatzen zaizun lan egitea! Jende askorekin egin dut lan, eta gehienetan esperientzia positiboak izan dira. Baina orokorrean, konpromisoa duten pertsonekin eta proiektuaren norabide

berean lan egiten dutenekin geratzen naiz. Eta horretan, egoak ere inportanteak dira. Beharrezkoa denean euren egoa alde batera uzten dakiten aktoreak gustatzen zaizkit.

Orain ere ez diguzu izenik esan behar?! Profesional handiak daude, eta oso gustura egiten dut lan, esaterako, Elena Irureta, Ramon Barea, Jose Coronado, Juanjo Artero, Maribel Verdú, Eduardo Noriega edo Ane Gabarainekin.

Lan egiteko zer nahiago, telebista ala zinema? Biak gustatzen zaizkit, nahiz eta gehiago egin dudan telebistan.

Telebistak aukera handiak ematen dizkigu istorio asko kontatzeko, gidoi eta ekoizpen handietan sartu barik. Gainera, telebistan orain irudien bidezko narratibaren bitartez istorioak kontatzen dakizkigun profesional bezala hartzen gaituzte. Eta ez da orain arte horrela izan...

Binke! martxoa 2021 3

Horrekin zer esan gura duzu, orain arte telebistan lan egiteak ez duela prestigiorik izan? Lan egiteko ospea beti egon da zineman, hori hala da. Baina urte batzuetatik hona, zinea egitea zailagoa denez orain eta plataformen konpetentzia handia dagoenez, zinemako profesional asko telebistako ekoizpenetara pasa dira eta ondorioz telebistako saioen kalitatea asko igotzea ekarri du horrek.

Agian, horren ondorioz, zinemako teknikak erabiltzen dira orain telebistarako filmatzerako orduan? Bai, eta lehen telebistako fikzioa multikamerarekin grabatzen genuelako. Gaur aldiz, askotan horrela jarraitzen badugu ere, kamera bi erabiltzen dira gutxienez telebistarako ere eta uztartu daitezkeen kamerak izatea bilatzen da, argitasuna eta soinua hobeto zaindu ahal izateko. Telebistan gero eta gehiago zaintzen da enkoadraketa argiztapenean eta dekorazioan, eta horrek emaitza filmen antzekoa izatea dakar.

Hala ere, desberdintasunak izango dira oraindik, ezta?

Bai, beti. Adibidez, zinea grabatzean beti pentsatzen da pantaila handi batean ikusiko dena, eta horrek aukera gehiago ematen ditu plano orokorrekin jolasteko, iluntasun faltarekin gehiago arriskatu dezakezu... telebistan planoak gertukoagoak izan behar dira, atentzioa eta interpretazioa hobeto igartzeko. Eta soinuan ere, orain gutxi arte telebistan monoan emititzen zelako eta zinean aspaldi geunden 5.1ean... Gidoiak ere oso desberdinak dira, film batean istorioa hasi eta amaitu egiten delako eta ez duzulako aurreko pasarte batzuetan gertatu dena gogoratzen ibili behar... Telebistako saioak, finean, pantaila txikiago batean ikusten dira normalean, atalka, eta horrek eragina du zentzu askotan.

Telecincorentzat lan asko egin duzu. Jarraitzen al duzu katearekin kontakturik izaten? Askotan egin dut Telecincorentzat lan, bai, baina beti kateari produktua saltzen dieten ekoizpen etxeen bitartez. Fikzioan ez da ohikoa katearentzat zuzenean lan egitea, normalena ekoizpen etxeak lan-taldea osatzea delako, beti ere katearen oniritziarekin.

Mediaset eta Atresmedia taldeen sorrerak sektorea in4 martxoa 2021 Binke!

Ikus-entzunezkoen ekoizpen propioa beti sustatu behar dela uste dut

dartu ala ahuldu egin du? Finean, Mediaset Telecinco da eta Atresmedia, Antena3. Horrek ez du eragin handirik izan, nire ustez, azken finean hainbat kate batu baino ez direlako egin.

Eta Netflix, HBO, Amazon Video... plataforma guzti horiek: sektorearentzako aukera berria ala munstro erraldoi garaiezinak? Plataforma hauek jende gehiagorentzat ekoiztea ekarri dute, eta ikus-entzunezkoen maila —ez beti— asko igo dute. Horrek beraz sektorea indartu duela uste dut.

Merkatua berdina da, baina herritarrek non aukeratu gehiago dute, eta beraz kalitatezko produktuen aldeko apustua nabarmenagoa da. Kalitatezko produktuak egin gura badira, jende gehiago behar dute, eta beraz gure sektoreko jendeari lan gehiago ematen diete.

Telebistarekin alderatuz, plataforma hauetako telesailetako atalak laburragoak izan ohi dira. Produktuaren metrajean ere ekarri dute aldaketarik! Bai, duda barik.

Telebistako telesailetako atal bakoitzak 70 minutu inguruko iraupena izatera ohitu gara, eta horrek gidoia «estiratu» behar izatea dakar, erritmoaren kaltean. Plataforma hauekin iraupen estandarretara itzuli gara eta kapitulu bakoitzak 45-50 minutu arteko iraupena du. Horrek produktua biziagoa eta erakargarriagoa egiten du.

ETBk fikzio propioaren aldeko apustu handiagoa ala txikiagoa egin beharko luke? Beti da ona ekoizpen propioaren aldeko apustua egitea. Baina ETBk duen handicap handiena bere merkatua da. Merkatu txikia da, Euskal Herrian hiru mi-

ELKARRIZKETA ALFONSO ARANDIA lioi biztanle pasatxo baino ez garelako, eta merkatua 15 bider handiagoa duen kate baten kontra lehiatzea ezinezkoa da, ez badu sekulako aurrekontua behintzat.

Arin-Arin!

Ez dago alternatibarik? ETB beste kate batzuekin elkartzea izan daiteke konponbide bat, kalitate altuko produkzio handiagoak egiteko. Eta egin izan da inoiz, baina kasu hauetan lan-taldea sakabanatuta geratzen da, beste lurralde batzuetako teknikari eta artistekin. Hala ere, ekoizpen propioa beti sustatu behar dela uste dut.

Aukera izango bazenu, zein ekoizpen aukeratuko zenuke zuk zuzentzeko? Ez dakit gaur egun zer eskaintzen ari diren, baina bere garaian «La víctima número 8» ikusi nuen eta asko gustatu zitzaidan bere planteamendua.

Kate batek finantzatutako film edo telesail batean, zein punturarte du zuzendari batek erabakitzeko boterea?

Erabakitzeko boterea beti dago, arazo bat sortu arte. Zuzendariaren eta katearen artean iritzi desberdinak badaude, beti nagusituko da katearena. Ez da ohikoa izaten, elkarrekin egiten delako lan hasieratik, baina «azken korte» hori beti da katearena edo, kasuaren arabera, ekoizpen etxearena.

Asteko egun gogokoa?

Barikua edo zapatua.

«Zuzendariaren bertsioa» emititzen da batzutan AEBetan. Zergatik egiten da? Pelikula batzuetan egin izan dute, bai, zuzendari garrantzitsuekin batez ere. Han, betidanik, amaierako «kortea» ekoizlearena izan da gehienetan, zuzendariaren iritziaren gainetik. Ondorioz, zuzendaria traizionatuta sentitzen da batzutan ez zaiolako gustatzen ekoizleak ikus-entzunezkoan egin dituen aldaketak. Horregatik, kasua ematen den pelikula arrakastatsu batzuetan aprobetxatu egiten da arrakasta hori eta zuzendariaren bertsioa ere emititzen da, zuzendariak berak egingo luken bezala erakusteko filma.

Pelikula bat?

Egiteke dagoen hurrengoa.

Zure herrian pelikula bat filmatzea eskatuko balizueke, zertan inspiratuko zinateke? 2050. urtea, Galdakaoko herritarrek Metroaren etorrera eskatzen jarraitzen dute. Une horretako alkateak promes egin du bere agintaldian zehar herriaren erdigunera iritsiko dela. Aldiz, agintariari bere alderditik deitu diote: ez dago dirurik eta ez da horretarako unea, baina hori ezin duela publiko egin. Bere lagunik minenekin mus-partida batean dagoela —tartean konstruktore batekin—, kopa eta koparen artean lagunek alkateari ez arduratzeko esan diote, eta euren eskuetan uzteko afera...

Deskribatzen zaituen berba?

Alaia.

Segi-segi, ni engantxatuta nago-eta! Herritarren pozarekin hasi dira indusketa-lanak, herriaren erdi-erdigunean Metroaren geltoki nagusia egiteko. Zuloak sakonera nahikotxo daukanean, eta udako zubi luze batean herria hutsik dagoela baliatuz, indusketan «mugimendu arraro» batzuk gertatu dira. Herritarrak oporretatik bueltan daudenean, Metroa joan behar den zulo horretan hondar arkeologiko batzuk agertu dira eta alkateak prentsaurrekoa eskaini behar du, Metroaren indusketa-lanak bertan behera utziko dituztela esanez. Hondar arkeologiko garrantzitsuengatik izan edo ez, herriak Metroaren iritsiera itxaroten jarraitu beharko du. •

Zure ametsetako bidaia?

Amesten jarraitzen dut, ez dakit!

Herriko txoko gustukoa?

Nire etxea, nire babesleku.

Liburua ala tablet-a?

Liburua.

Ez duzu onartzen…

Gezurra.

Zoriontsu egiten zaitu…

Lagunek, familiak, itsasoak,... gauza askok!

Plater bat?

Arrautza frijituak, bakailaoa pil-pil erara...

Herrian zer kenduko zenuke?

Egindako hainbat plan urbanistiko, etxe altuegiak...

Eta zer berria jarri?

Gazteen aisialdirako aukera gehiago, Metroa...

Euskarazko berbarik politena?

Hamaiketako, eta lagunartean hobe! Jajaja!

Berba egin ala entzun?

Entzun.

Zure mesanotxean ezin da falta…

Liburua eta erlojua.

Abesti bat?

Lau teilatu, Txoria txori...

Binke! martxoa 2021 5

Aginke!

Errealitatetik hurbilegi dauden albiste faltsuak

«Martera iritsiin bagara ere, ez izango gara Aste Santuan terra Galdakao kra n» bisitatzera joa BINKE ZUPIRIA tzalea Ingeles itxurako jel

Sarean arrantzatua

Ba al zenekien...

Aste Santura begira, Kurtzeko fron toia ostatu bezala alokatzeko libre dagoen jakit eko hainbat dei jaso dituela Udalak?

13

Horixe da Udaleko zinegotzi batek behar izan dituen Binkeren zenbak i kopuruak atal ho netako albisteak ge zurrezkoak direla konturatzeko: 13 et a udalbatzaren azalp ena. Orain bai, guztiz «liberatuta » geratu da errealitatea ezag utzean.

Txiste txarra

ntzara — Zer esan eutsun amak ezko txandalean joateaz? dodala.

— Heroi romano bat emoten — Heroinomanoa...

Ze maitatua izaten dabilen Asier Villalibre Athleticeko jokalaria! Ez du final bat egiten —irabaziz gero— tronpeta atera gabe! Bartzelona ere beldurtuta dauka dagoeneko!

Plaza Gorriko haurreskola sauna bezala erabiliko da

Bizkai haurreskola Plaza Gorritik kenduko denez, eraikinari etekina ateratzea adostu du Uda lbatzak. Horrela ba, Euskal Herriko sauna gunerik handiena izan go da laster eraikin hori.

Udalak ez du gainera inbertsiorik egin beharko, eguzkia baino ez delako izango beharrezkoa.

Maximo Morenok arrakasta barik jarraitzen du

Azkenaldian egin den gazte mug imenduei buruzko ikerketaren ondorioz, estatistikek argi utzi dute errazagoa dela usansolotar batek Galdakaori buruz herr itik kanpo harro hitz egitea, Plazakoetxeko Maximo Moreno parkean norbait aisialdi guneaz jolasten ikustea baino.

ean euskaraz, baina eusMeme asko jasotzen ditugu egun protagonista izateari! karak berak ere ezin dio izkin egin ruan dabilen ondoingu Euskaltegietan jakingo dute zeren zareten guztioi! ari ten ko hau... Animo asko euskara ikas 6 martxoa 2021 Binke!

Iturrondo plazako lorategiei bigarren bizitza emango zaie

Inguruko tabernetan poteoan dabi ltzanen seme-alabek Iturrondoko lorategiak landare gabe utzi eta gero, Udalak loreontzi hauek akuario bezala birzi klatzea erabaki du. Horrela, umeek gusanito, patata eta sobr atzen zaizkien litxarreriekin elikatu ahalko dituzte bertan jarri ko diren arrain tropikalak.

Aldatzen ari dira etengabe gure herriak. Batzuek begi onez ikusiko dituzte aldaketok, beste batzuek ez hain ondo, eta esperantzaz gogoratuko dituzte gure inguruko txokoak...

1963

2021

Kurtzeko plaza Vida Vasca 1924tik 1981era Hego Euskal Herriko geografia, historia, ohitura, gizarte-bizitza eta merkataritzari buruzko aldizkaria izan zen, urtero argitaratzen zena. Horietako zenbaki batean, aldameneko argazki hau argitaratu zuten, Galdakaoko Kurtzeko plazarena. Sakonean dagoen etxean —gaur egun On Kafe taberna dagoen inguruan— Bikandiren taberna zegoen batetik eta Alejandraren estankoa bestetik —ondoko ate txikitik—.

Argazki zaharrak dituzu?

Jar zaitez gurekin harremanetan eta parte hartu atal honetan: info@binke.eus

Binke! martxoa 2021 7

Hilabete honetako sarituak

Otsaileko irabazleak

Xabier Valencia Barahona Juan Bautista Uriarte Irigoien

Miren Alapont (ezker) eta Veronica Alfonso (eskuin) Binkekideak Olaia Parra kultur zinegotziaren eskutik Baserria ikuskizunerako sarrerak jasotzeko orduan.

Bibiano ile-apaindegiaren zerbitzu bana irabazi dute. Zorionak!

Erraza da Binkekide izatea!

Eman zure babesa urteko

36 €

ordainduta

Oraindik Binkekide ez bazara, eta neurri honetako lehenengo komunikabide euskalduna babestu eta sustatu gura badozu, hauek dozuz horretarako bideak:

1. Bete beheko formulario hau, eskaneatu edo atera argazki bat eta bidali e-postaz: info@binke.eus

2. Bete formularioa, moztu, eta utzi gutunazal baten, Binke izenarekin Torrezabal Kultur Etxeko atezainaren leihatilan.

3. Eskaneatu zure

IZEN-ABIZENAK:

mugikorraren QR irakurgailuarekin beheko kodea eta bete formularioa!

HELBIDEA:

TELEFONOA:

NORTASUN AGIRIA:

E-POSTA: IBAN

KONTU KORRONTEA:

8 martxoa 2021 Binke!

ENTITATEA

BULEGOA

K.Z.

KONTU ZENBAKIA

Binke TV Hauek dira grabatu eta argitaratu ditugun azken hiru bideoak Binke telebistan!

Alarma egoera ezarri zenetik urtebete pasa da Martxoaren 14an urtebete da gure kaleak hutsik ikusten hasi ginenetik. Etxealdi betean geundela, larunbat arratsalde eguzkitsu batean grabatutako irudiekin osatutako bideoa sarean dago ikusgai. Ikusgai, eta entzungai, inolako musikarik barik haizea, txorien kantuak eta balkoietako ahotsak baino ez ziren lagun.

Manifestazio jendetsua M8an Galdakaon Ilara zinez luzeak hartu zituen Galdakaok martxoaren 8an, Kurtzeko plazatik hasi Plazakoetxera, eta bertako N634ko biribilgune handitik Iturrondora. Amaieran emakumearen erruletara «jokatu» zuten, emakume izate hutsagatik emakumeek bizi behar dutena antzeztuz — irudiak 22. orrialdean batu ditugu—.

Ekitaldi sinbolikoa M8an Usansolon Sistema arrakalatzea aldarri, naturari omenaldia egin zion martxoaren 8an Usansoloko Talde Feministak, eta horixe azaldu zuten bideoz: zuhaitz bat landatu zuten Emakumeen Parkean, eta azken honi izena aldatzeko proposamenak jaso zituzten boto-kutxa batean.

Dozenaka lagun batu ziren euripean.

Bideo guztiak gure sareetan ikusgai!

10 martxoa 2021 Binke!

Ostike!

FIRU kuadrila @__firu

«Belaunaldi berriak oso indartsu datozela uste dugu» GALDERAK: FVCKGOLONS KUADRILA @FVCKGOLONS

Nondik dator zuen kuadrilaren izena? Garai batean txakur bat sartzen zitzaigun txamira eta guk Firulais deitzen genuen.

Horrekin batera, jaietan parte hartzeko izen bat behar genuenez, ba haren omenez Firu izena aukeratu genuen. Inoiz entzun duzuen istoriorik hunkigarriena, ezta?

Uda honetarako planen bat prestatuko duzue? Bai! Egun batzuk egingo ditugu landetxe batean. Momentuz ez dugu datu gehiagorik emango, kuadrila askori ideia originalak edukitzea kostatzen baitzaie eta ez ditugu hortik topatu nahi...

Hala ere, oso gogotsu gaude aurtengo udarekin. Agian jaiak berriro etorriko dira, eta gu irrikan gaude.

Jazz Giroan egoteko aukera zegoenean, bertan ez zintuztegun askotan ikusi... Beste lekuren bat duzue juergarako ala? Gauaren azken orduak eta goizeko lehen orduak desberdintzea garrantzitsua dela uste dugu. Gu ordu horietan liburutegian geunden, goizak aprobetxatzea gustuko dugulako!

Koronabisua dela eta, zer duzue faltan? Alde batetik eta gehiengoak bezala, jaiak. Faltan botatzen dugu herri batetik bestera «solo a liarla» lemapean joatea. Bestetik, kuadrilako guztiak Somerako mahai bakar batean ere faltan botatzen dugu, launaka jartzen hasi ginenetik gure arteko komunikazioa konplikatu zaigulako.

Zein iritzi duzue Galdakaoko gazteriari buruz?

Belaunaldi berriak oso indartsu datozela uste dugu, eta baita konfinamendutik denak aztoratuta atera garela ere.

Ziur gaude Someran garai sutsuak etorriko direla...

Galdakaoko jaiak betiko moduan ospatuz gero, zein izango litzateke zuen probarik gustukoena? Bakarra aukeratu beharko bagenu playback-a izango litzateke, irrikaz baikaude hurrengorako —ez baduzue oraindik igarri, irrigarri gelditzea gure hobbyetako bat da—. Baina azkenengo jaietan gehien disfrutatu genuena orienting-a izan zen, oso esperientzia espirituala izan genuelako; batzuetan zure burua topatzeko beharrezkoa da galtzea.

Zein kuadrila aukeratuko zenukete etxe batean bigarren berrogeialdi bat igarotzeko? Ahal izanez gero, nahiago dugu zuekin ez nahastea eta ziurrenik Fvckgolons-ekin elkartuko ginateke. Momentua heltzen bada hitz egingo dugu…

Hori bai, bigarren aukera Trabus-ekoei «dm» bat botatzea da.

Nor da zuen Instagram kontua kudeatzen duena? Galdera berdina egiten diogu geure buruari. Ez dugu gauza askorik jartzen Instagramen, hala ere, «story» batzuen jatorria oraindik ez daukagu argi. Buruhausteak ekiditeko, gure gomendioa zerbait arraro agertzean ezikusiarena egitea da.

Ligoteoa zuen indargunea al da? Kantitatearen aurretik kalitateari ematen diogu guk garrantzia. Txiri-txiri goaz, baina esan dezakegu pandemia ostean ere betiko erritmoa mantendu dugula. Batzuontzat erritmo hori hutsa da... baina hori beste baten kontatuko dizuegu, dena ezin dizuegu lehenengo elkarrizketa honetan kontatu-eta!

Binke! martxoa 2021 11

MANU ETXEBARRIA AYESTA

Martiko txori habiak

U

rteen joan-etorrian, gure herriak uritartu egin dira eta gure ohiturak be aldatuz doaz. Lehenago, gure lur barruko herrietan, baserriak ziran nagusi eta beste era batera bizi ziran hiru belaunaldiak.

Lehengo umeak eta gaurkoak ez deuskue bardin olgetan leku-denborak aldatu diralako.

Lehengo umeek ez eukien gaurkoek beste jostailu eta urtaro bakoitzean asmatu egin behar izaten ebezan era bateko edo besteko jolas edo olgetak.

Udabarria heltzen zanean, ume eta gaztetxuak «txori topetan» ibilten ziran jolas moduan.

Ez zan jolasa bakarrik. Baten batek txori habia bat aurkitzen ebanean, ia-ia bere jabea zan eta errespetatu egiten zan, erlauma barri bat lehenengo aurkitu eta gurutze bat egiten eutsanaren antzera. Lehenago, jakin egiten zan txori mota bakoitzaren habia non eta noiz aurkitu. Txorien artetik, «marti-zozoa» hasten zan lehenengo habiaginen, non? Eta estarian, sasitza edo elorri artean. Txori habia aurkitu ezkero, jarraipena egiten jakon, arrautzak noiz egin, noiz ezarri, txorikumeak noiz jaio, noiz hazi, noiz lumorraztu eta hegaz noiz hasi jakiteko. Gaur ez dago lehengorik. Lehen jostailu gitxi eta orain asko, baina nortzuk bizi pozago? Horixe da kontua!

12 martxoa 2021 Binke!

Euskal hiri-udalekuak berrikuntzekin datoz!

G

aldakaoko Udalak hiri-udalekuak antolatu ditu uztailaren 5etik 30era. Aurten herriko lau leku ezberdinetan egingo dira: Aperribain, Urretan, Gandasegin eta Usansolon. Orotara 550 plaza eskainiko dira, eta urtero legez, izen-ematea aurrezdik egin beharko da. Gainera, aurten lehenengoz eskainiko da jantoki zerbitzua eta harrerarako ordua ere aurreratu egingo da.

Programaren hartzaile nagusiak Galdakaoko 4 eta 11 urte bitarteko neska-mutilak dira, 2010/01/01-2017/07/05 bitartean jaio direnentzat, hain zuzen ere. Proposatuko diren jardueren bitartez, hizkuntza ohituretan eta umeen arteko harremanetan sakondu gura da; hezkidetza, integrazioa, euskararen normalizazioa eta berdintasuna aldi oro sustatuz. Bestetik, edozelango ezintasuna duten pertsonen nahiz kulturara heltzeko ahalmen txikiagoa dutenen gizarteratzea eta normalizazioa beren-beregi zainduko da.

Hala ere, unean uneko osasun eta segurtasun neurrietara egokitzeko, Udalak aldaketak egiteko eskumena izango du.

Udalekuen ordutegia

08:30-09:30: harrera zerbitzua (hautazkoa) 09:30-13:30: udalekuak 13:30: udalekuen irteera.

13:30-14:30: jantokia (hautazkoa) 14:30: jantoki zerbitzua aukeratu dutenen irteera

Udalekuen txandak A- 2021/07/05-2021/07/16 B- 2021/07/19-2021/07/30 C- 2021/07/05-2021/07/30

Izena emateko epea: 2021/04/19tik 27ra (izen-ematea telematikoa izango da).

Informazio gehiago: hezkuntza-euskara@galdakao.net • 944010540

Gurera etorriak

Iritzia

«Euskara ikastea nire bizitzako nahietako bat da, duda barik» Paul Johnston (1971) orain hamar urte etorri zen Galdakaora.

Maitasun arrazoiak direla medio, Belfasten bizitzeari utzi eta gurera etorri zen.

Geroztik, bere bizitza herrira egokitu eta herrigintzan aritu izan da Paul.

Noiz heldu zinen Galdakaora? Lehenengoz duela hogei bat urte etorri nintzen Galdakaora. Hasieran joan-etorriak egiten nituen, baina orain dela 10 urte erabaki garrantzitsua hartu nuen nire bizitzan eta geroztik Galdakaon bizi naiz. Horren arrazoi nagusia maitemindu nintzelako izan zen, nire bikotea bertakoa baita.

Zer da Galdakaotik gehien gustatzen zaizuna? Gehien gustatzen zaidana herriak duen paisaia da: mendiak, koloreak… gainera, herriak duen historia ere izugarria iruditzen zait eta zer esanik ez bertako jendea eta janaria. Herrian dagoen giroa ere ezin hobea iruditzen zait, eta horrek oso zorionekoa sentiarazten dit.

Herrira etorri zinenean zer izan zen zailen egin zitzaizuna? Hasiera batean aldaketa kulturalera ohitzea oso zaila egin zitzaidan, bizi izan naizen lurraldeetan kultura nahiko errotua dago eta. Gainera, bertako hizkuntzara moldatzea ere zailtasuna izan zen niretzat. Bestalde, zuritoetara ohitu nintzen arte, faltan nituen Guinessak eta pinta garagardoak.

Euskaraz badakizu? Oso gutxi. Hainbat aldiz saiatu naiz ikasten, baina ez dut aurrerapen handirik lortu. Zaila da niretzat, gehienbat oso denbora gutxi dudalako. Gainera, nire ustez euskara ikastea doakoa izan beharko litzateke. Dena den, niretzat bertan bizitzeko ikasi beharreko hizkuntza dela uste dut, eta gainera, bertan daukagun hizkuntza altxor preziatua dela. Bestalde, azpimarratu nahiko nuke euskara ikastea nire bizitzako nahietako bat dela.

Zelan ikusten duzu euskararen egoera herrian? Inbidiaren ikuspuntutik ikusten dut nik egoera. Nire herrialdean gaelikoak duen situazioa askoz larriagoa da.

Bertan egonda, asko pozten nau umeak eta baita gurasoak ere euskaraz hitz egiten ikustea; azken finean, egungo umeak izango dira etorkizunean euskararen transmisioaz arduratuko direnak.

Galdakaoko Berdez Bizi taldeak antolatutako ekintza baten baino gehiagotan ikusi zaitugu. Ekologismoak asko arduratzen nau. Natura maite dut eta herrian berde gehiago eta hondakin gutxiago ikustea gustatuko litzaidake. Horregatik, Berdez Bizi ekimena oso polita iruditzen zait. Ildo beretik, zabor bilketa bezalako ekintzetan gazteek parte hartzea itxaropentsua dela uste dut, eta etorkizunerako esperantza handia ematen dit. Azkenik, herriko gazteria kontzientziatuta dagoela eta oso jatorra dela azpimarratu nahiko nituzke.

ANE SOLIS ENZUNZA

Arte ahaztua

B

atzuetan galdetzen diot neure buruari zer espero dudan historiatik, hainbeste mendeko zapalkuntzaren ondoren. Argi dut historiaren errelato handi bat gizonek idatzi dutela, baina honek ez du esan nahi haiena denik. Emakumea artearen objektu gisa ulertu da beti, baina, noiztik izan gara subjektu? Debekuak tarteko, emakumea beti aritu da sorkuntzaren bueltan.

Are gehiago, gizonen sorkuntza handi gehienen atzetik beti aurki daiteke emakume bat ondoan, edo emakume batek arinago sortutako lan baten kopia huts bat baino ez da hau.

Esaterako, Kandinsky abstrakzioaren aita bezala ezagutzen den arren, sortzailea Hilma af Klint da. Zer dela eta jarraitzen digute historia gaizki irakasten?

Gaurko eszena urrats txikietan hobetzen ari bada ere, hau ez da nahikoa. Hemen Guerrilla Girlsen galdera: biluzik egon behar al dute emakumeek METera sartzeko? Artisten %5 baino gutxiago emakumeak dira, baina biluzien %85 emeak.

Gainera, Arte Ederretako fakultateetatik %70 emakumeak izan arren, arte garaikideko azoketan lanen %25ek soilik daramate haien sinadura. Ez dago arterik emakume sortzailerik gabe, eta beharrezkoa da honi merezi duen boza ematea.

Binke! martxoa 2021 13

Galdakao-Cadiz motorrean

Apustu eroenetik 25 urte dira G TESTUA: IÑIGO LARREA LABARRIETA ARGAZKIAK: JON GOMEZ GARAI

Galdakaok inoiz bizi izan duen apustu ezagunena gauzatu zuen Gorka Galarzak orain 25 urteko inauterietan, Zamakoatik Cadizera eskelak jartzeko motorrarekin joanda. Urteurren horren bueltan batu ditu Binkek abentura hartan inplikatutako herrikideak, datozen orrialdeetan batutakoak gogoratzeko eta baita aldizkariak berreskuratutako bideo bat erakusteko ere.

14 martxoa 2021 Binke!

aldakaok azken urteetan bizi izan duen apusturik ezagunena antolatu zenetik 25 urte pasa dira. Gorka Galarza galdakoztarrak 1996ko inauterietan bost herrikiderekin apustu egin zuen: 48 ordu baino gutxiagotan, baietz Galdakaotik Cadizera iritsi, eskelak jartzeko erabiltzen zuen 49 zentimetro kubikoko motorrarekin. Esan eta egin, 43 ordutan iritsi zen Galarza —atzetik bost lagun furgonetan segika zituela— Cadizera.

Istorio ikaragarri hau, garai hartan Zamakoa kalean kokatuta zegoen Tucker tabernan hasi zen, galdakoztar kuadrila bat astean zehar parrandan zegoen bitartean. Abenturaren protagonista Gorka Galarza dugu, motor txiki batekin gure herritik eskelak banatzen zituen gaztea. Bere lagunak zirikatzen hasi ziren, motor horrekin ez zela ezta Barazarrera helduko esanez, eta hori entzunda, berak penintsula osoa goitik-behera motor horrekin 48 ordu baino gutxiagotan egingo zuela erabaki zuen; Galdakotik Cadizera arte. Lagunek eginkizun hori ezinezkoa zela ikusita, guztien artean apustu serio bat egitea erabaki zuten. Izan ere, denen artean tabernan aurkitu zuten mahai-zapi batean idatzi zituzten apustuaren baldintzak eta denek sinatzeko ardura hartu zuten.

Bost kidek hartu zuten parte apustuan, bakoitzak 25.000 pezeta —orduko 150€— jokatuz. Gorka Cadizera helduz gero, 125.000 pezeta —750€— irabaziko zituen, baina eginkizuna lortu ezik, kontuan hartzekoa da diru kopuru hori oso esanguratsua zela urte haietan. Diru hori haien artean jokatuko zutena izan zen, baina horretaz aparte, bidaiaren gastuak modu batera edo bestera ordaindu behar zituzten.

Apustu egin zuten guztietatik Igor Izagirre galdakoztarrak

Abenturako kideak. Goiko argazkian, ezkerretik eskuinera: Patxi Rayo, Oscar Arrieta, Gorka Galarza, Igor Izagirre eta Txelis Urkiza.

bakarrik hartu zuen parte bidaian, eta barrez lehertzen kontatzen dute bidaiako lagunek bakoitzak bere rola izan zuela afera honetan: logistika lanetako ardura eta epailea Patxi Rayo izan zen, mekanikoa Oscar Arrieta, gidaria Txelis Urkiza, telefonia arduraduna —orduan telefonoa zuen bakarrenetarikoa— Lanberto Irigoien, psikologoa Igor Izagirre eta motorreko gidari bakarra —apustuko protagonista— Gorka Galarza.

Apustu egin zuten gau hartan momentuko «beroaldiak» ez zuen oihartzun handirik izan, baina herritarren artean berria zabaldu zenean taberna eta komertzio asko hasi ziren publizitatea eskaintzen. Gehienek 5.000 pezeta —30€— eman zituzten eta baten batek zozketa bat ere egin zuen ahalik eta diru gehien lortzeko. Helburua motorrarekin batera bidaian furgoneta bat eramatea zen, eta horregatik, eskuratutako diru guztia furgoneta alokatzeko eta baita gasolina ordaintzeko ere erabili zuten. Bidaia-kideek Binkeri kontatu dioten moduan, dirua eskatzeko poteo bat antolatu zuten. «Tabernaz-tabernaz joaten ginan gure apustua azalduz, eta bide batez, dirua eskatuz», dio Izagirrek. Eta Galarzak gaineratu barreka: «Baina askotan egoera okertzen jakun eta hainbat tabernatara behin eta berriro joan behar izaten genduan, azkenean publizitate beharrak egitea ahaztu egiten jakun-eta!». Kroko tabernara, adibidez, hamar bat aldiz joan behar izan zuten lortutako dirua gauean bertan xahutzen baitzuten.

Bidaia gogorra. Galdakaotik inauterietako ostegun batez irten ziren. Abentura antolatzeko hiru hilabete izan zituzten eta argi zeukaten bazeudela landu beharreko bi edo hiru kontu. Hasieratik argi eta garbi utzi zituzten egin

beharreko geldialdiak eta geralekuak non eta zein ordutan izango ziren. Hau da, bidaian zehar erabilitako estrategia adostutako geralekuetara furgoneta Gorka baino arinago heltzea zen, honek arazoren bat izanez gero, errazago egiten baitzitzaien furgonetarekin hurbiltzea.

Bidean zehar motorrak hainbat arazo ekarri zituen, gehienbat, 49 zentimetro kubikokoa zelako. Gorkaren lagun batek Bilbondon egin zen zozketa baten eskuratu zuen motorra, eta garai hartan Galarzak ehorztetxe batean lan egiten zuenez, eskelak hormetan jartzeko erosi zion lagunari.

«Motorra erosi nebanean lagunak esan eustan karburadorean arazoren bat ebala, eta horregaitik ez ebala 49 zentimetro kubikok eskaintzen eban potentzia guztia», dio Galarzak. Hala ere, motorra erosi eta ibilgailu hondatu horrekin lortu zuen bidaia osatzea.

Bestalde, hiru ordutik behin Gorkak geldialdi txikiak egin behar izaten zituela azaldu dute lagunek; «gehienbat, motorrari gasolina bota behar izaten geuntsalako», zehazten du Arrietak. «Kontuan hartu behar dozue be garai hartan ez egoala ez GPS-rik ezta teknologia askorik be; horregatik, paperezko mapa bategaz ibili ginan bidaia guztian zehar», Binke! martxoa 2021 15

gogoratu du Urkizak.

Lagunek zuten mugikor bakarrarekin Tucker tabernara deitzen zuten, herrikoei Gorka non zebilen jakinarazteko erabili baitzuten. «Eta tabernan, mapa handi bat zeukaten, deia jasotzen zuten bakoitzean txintxetekin motoristaren ibilbidea markatzeko», oroitzen du barreka Arrietak. Bidaian zehar izan zuten arazorik larriena galdakoztarrarekin komunikazio eza izan zen. Hori dela eta, Madrilera heldu baino arinago Gorka gasolina barik gelditu zenean —eta lagunak hurrengo geralekuan trago bat hartzen zeudenez, bere zain—, berak bakarrik bultzatu behar izan zuen motorra. Horrela gogoratzen du Galarzak berak: «Gutxi gorabehera 500 metro egin behar izan nebazan, kalean zazpi gradu zero azpitik egoazala, gasolindegi bat aurkitu neban arte».

Antolakuntza fina.

Bidaian zehar denbora tarte gutxiko geldialdiak egin zituzten. Egindako apustuak oso denbora tarte txikia eskaintzen zion Gorkari gelditzeko, horregatik, geraldirik luzeena lo egiteko hartu zuten denbora tartea izan zen: hiru ordukoa. Denbora aurrezteko ere, furgonetaren atzeko partean gasolina bidoiak zeramatzaten, gasolindegietan gelditzen ibili behar ez izateko. Aurkitutako beste oztopo larri bat, gauetan egiten zuen tenperatura baxua zen. Madril inguruan konturatu ziren hotzagatik Gorkak arazo larriak izan zitzakeela eta bere lagunek bilatu zuten irtenbidea furgonetan bertan zituzten pataten poltsak eta kartoiak traje barruan sartzea izan zen; hotzak zuzenean gorputzarekin kontaktu zuzena izan ez zezan. «Bere itxurak ikusi behar zenduezan!», dio barreka Patxi Rayok.

Bidaia antolatzean ere konturatu ziren ez zeukatela motorrean hainbeste kilometro egiteko arropa aproposik eta horregatik ingurukoei galdezka hasi zitzaizkien ekipamendu egokiaren bila. «Ingurukoek urpean igeri egiteko neoprenozko

16 martxoa 2021 Binke!

arropa utzi eustien, eta horregaz joan nintzan», dio esker onez protagonistak. Horretaz aparte, bidaia prestatzean aurkitu zuten hirugarren arazoa Madrilen nahitaez M30etik igaro behar izatea izan zen. Errepide horretan motorraren zilindrada zela eta, ezin ziren motorrez sartu. Horregatik, tarte txiki batean, motorra furgonetan sartzera behartuta ikusi zuten euren burua. «Gorkak uste eban hori eginez apustua zapuztuta geldituko zala, eta Cadizera heldu ginanean ez zan motorretik jaitsi San Fernandorako bidean jarraitzeko, Madril inguruan egin bako kilometroak berreskuratzeko!» onartu zuen Rayok.

Cadizetik San Fernandora 1.400 kilometroko distantzia dago, eta horrekin Gorkak apustua guztiz berdinduta ikusi zuen beraz.

Azkenean, inauterietako ostegunean Galdakaotik irten eta 43 ordu geroago iritsi ziren Cadizera. Bertan jendea inauteriak ospatzen egon zen eta gure istorioaren protagonistek ere haiekin bat egin zuten, bazutelako zer ospatu! Motorra furgonetan sartu eta itzulera seirek ibilgailuaren barruan egin zuten. Kuadrilak gogoratzen duenez, bidaian zehar ez zuten inolako istilu edota arazo legalik izan. «Behin baino gehiagotan polizia eta guardia zibilekin egiten genduan topo, baina egiten eben bakarra Gorka estralurtar baten pare begiratzea baino ez zan», gehitu zuen Izagirrek.

Apustuaren oihartzuna.

Herriak oso jarrera baikorra erakutsi zuen orduko kuadrilarik ezagunenetakoak antolatu zuen bidaiarekin. Hasieran lagunarteko apustu soil bat zena, hedabideetan ere agertu zen gertakari xelebrea bilakatu zen.

Baina, zelan izan zuten hedabideek honen berri? Badu honek «errudun» bat, berbaren zentzurik onenean.

Galarzaren «kontra» apustu egin zueneko bat Igor Izagirre galdakoztarra izan zela aipatu da. Bada, bere amak herrian supermerkatu txiki bat zuen, Zamakoan; gaur egun Kutxabankeko kutxazainak dauden tokian. Erosle zen dendaren izena, eta egunero hainbat bezero joaten zitzaizkion Izagirreren amari, Ana Mariri.

Horietako bat EiTBko langilea den Roberto Perez. Kazetaria bera ere izan zen Binkek abentura hau gogoratzeko protagonistekin egin zuen solasaldian, eta Perezek berak gogoratu zuen: «Dendan kontatu eustien inauterietan egin behar eben apustu-abentura,

Galdakao-Cadiz motorrean

eta mundiala iruditu jatan!». Horrela ba, Robertok lankide zuen eta motorzalea den Jon Asla kazetariari esan eta honek ez zuen bi aldiz pentsatu: ETBko kamerarekin etorri zen irteera-puntua grabatzera. Garai hartako albistegietan ere eman zuten horren berri.

EiTB hedabideen Forta taldean dagoenez, eta taldeko kide Andaluziako Canal Sur ere badenez, azken honek horren berri ere eman zuen: bidaia amaitzerakoan bertan egon ziren, kamera eta mikrofonoa eskutan, galdakoztarren zain. Cadiz ondoan dagoen San Fernando herrian amaitu zuten bidaia.

Arinagotik ere bazekiten telebista han egon behar zela, bai ETBk eta baita Canal Sur-ek ere jarraipena egin behar zutelako.

Bazkaltzeko ordua heldu eta San Fernandoko taberna batera joan ziren. Sarreran kotxeak aparkatzen zituen zerbitzaria zegoen itxaroten, eta bere janzkeragatik Irigoienek uste izan zuen telebistako kazetari bat zela. «Beragana gerturatu ginan galdezka, ia noiz grabatuko genduan bideoa, ia elkarrizketaren bat egongo zan… eta bertako zerbitzaria harrituta gelditu zan, zeren inguruan gabizela jakin barik!», oroitu zuen Urkizak irribarrea ahoan. Eta idatzizko prentsan ere izan zuen oihartzunik, Egin egunkarian zutabe bat idatzi baitzuen Juan Bilbao kazetariak apustuaren inguruan.

Izagirrek esaten duen moduan, «danok uste genduan gure Gorka ez zala inola be helduko, eta beitu!». Azken finean, apustuarekin batera lagun arteko esperientzia ahaztezin bat bizitzeko gogoa zuten eta horregatik abenturan parte hartu zuten. Baina berez, guztiek uste zuten guztiz ezinezkoa zela; alde batetik, fisikoki Gorkak beharrezkoa zen prestaketa ez zuelako egin, eta bestetik, motorra ere ez zegoelako prest tankera horretako bidaia egiteko. Baina egin, egin eta lortu zuten. Eta Izagirrek hainbatean errepikatu zuen: «Apustua — eta dirua— galdu neban, baina begiekaz itxita egingo neuke holako beste apustu bat».

Eta apustu bat izan zenez, ez zuten horrelakorik berriro errepikatu. Baina zer nolako arrakasta izan zuten ikusita, horrelako beste apustu bat egiteko gogoarekin gelditu ziren.

Eta egin kontu, bururatu zitzaien ideia are eroagoa zen: Galdakaotik Benidormera asto gainean joatea. Animatzen al da inor? •

Ikusi bideoa!

Eskaneatu QR kodea

Kuadrila protagonista apustu hartatik berreskuratu nahian ibili den bideoa lortu du Binkek, eta erreportaje hau lantzeko une berean erakutsi zitzaien. Bideoa bera eta euren lehenengo erreakzioak batzen dituen bideoa ikusteko, eskaneatu ondoko QR kodea.

Binke! martxoa 2021 17

Enbaxadoreak

Argiñe Belakortu Lekue Australiako usansolotarra Sortzez: Usansolotarra. tralian 2019tik.

Gaur egun: Gold Coasten, Aus Jaiotza urtea: 1993. eta Kirolaren Zientziak.

Ikasketak: Jarduera Fisikoa n, tralian dabil Argiñe, ikaste Zertan dabil: gaur egun Aus en. lanean eta errugbian jokatz

«Covida ez da Australiara heldu eta normal bizi izan gara beti» Zerk eraman zintuen herritik alde egitera? Arrazoi

Zer gomendatuko zenioke zure herritar bati, han

pertsonalek baita akademiko eta profesionalek be. Erronka

bisitatzeko? Australia mailan, Uluru aborigenen mundua

barri baten bila ibili nintzan, nire ikasketak gura nebazan

ezagutzeko, Tasmania aurora borealak, pinguinoak eta paisaia

hedatu, ingelesa hobetu eta errugbian jokatzen jarraitu.

espektakularrak ikusteko, Port Lincoln tiburoi zuriekaz uretara

Australia aukeratu neban guzti hau batzen ebalako.

sartzeko, Darwin kokodrilo eta ornitorrikoak topatzeko, eta

Zeintzuk

nire gustokoena, Magnetik Island. Txori, tximeleta, koala eta

dira

bizi

izan

dituzun

aldaketarik

nabarmenenak? Asko! Goazen puntuz puntu: Gold Coasten eguraldi ona egiten dau beti eta eguna Euskal Herrian baino arinago hasten da. Goizeko seiretarako hondartzak beteta dagoz, eguerdiko hamabietan bazkaltzen da eta denda gehienak arratsaldeko bostetarako zarratuta dagoz.

wallabiakaz lasai egoteko irla txiki magikoa da!

Gure herriaz hitz egiten badiezu hangoei, zeren inguruan aritzen zara bereziki? Nire jendeaz eta gure ohiturez.

Euskeraz be erakusten deutsiedaz laupabost berba!

Bizimodua be desberdina da, ikasle atzerritar asko gagoz

Zer dakite gure herriaz? Ba normalean Euskal Herria non

hamen. Biztanle kopurua Usansolokoagaz konparatuz ehun

dagoan be ez dakienez, mapan kokatzen dot eta gure historia

bider handiagoa bada be, dentsitatea hiru bider baxuagoa da.

kontatzen deutsiet. Usansolori jagokonez, gaur egungo

Eta hizkuntza, zer esanik be! Harremanak egunero ingelesez

Galdakaorekiko egoera azaltzen dot.

sortzea erronka handia da. Abentura ederra! Ekonomikoki be, bizitzeko maila altua da, eta soldatak astero edo bi asterik behin kobratzen dira. Eta errugbian be nibela oso altua da, baina baita parte-hartzea be!

Zeren falta sumatzen duzu han? Familia, lagunak, nire

Zer zenekien zuk hangoaz? Ez asko. Errugbian eta surfean trebeak zirala, irakaskuntza maila ona eukiela eta animalia mundua izugarria zala...

Zeintzuk dira zure etorkizunerako asmoak? Bidaiatzen,

txakurrak, berbenak, gure ohiturak eta bazterrak. Tarteka

ikasten eta errugbian jarraitzea. Non? Ez dakit. Momentuz

hotza, eta batez be pernile, piperrak, aititeren babea eta

pozik nago Gold Coast-en. Gainera Covid19-a hona ez da heldu

amamaren kroketak be igarten dodaz faltan! (barreka) Ez

eta normal bizi izan gara beti, musuko barik. Beraz gitxienez

igartzeko moduan, ezta?

egoera hau amaitu arte ez daukat Australia ixteko asmorik!

18 martxoa 2021 Binke!

Kulturminez

GOTZON BARANDIARAN ARTEAGA

Euskararen langile autonomoen alde

E

uskal Herrian euskaraz argitaratzen duen idazle batek 24.000 liburu saldu beharko lituzke urtero soldata duin bat jasotzeko.

Zenbatekoa da zuentzat soldata duina? Atera kontuak. Zenbat liburu saltzen ote ditu gurean gehien saltzen duenak? Zantzoa utziko dizuet: 1.000 ale saltzea emaitza itzela da. Hiru milioi inguruko gure herrian 1.100.000 ei gara kultur edukiak euskaraz jasotzeko gai. Zergatik ote da orduan ameskeria 24.000 liburu saltzea?

Argitaletxeetatik jasotzen ditugun egile eskubideen bataz bestekoa aintzat hartuta, idazleok saltzen den liburu bakoitzeko 2€ jasotzen ditugu. Euskal Herrian euskaraz argitaratzen dugun idazleotatik sano gutxi dira literatura idaztetik bizi direnak. Larri larri, literaturatik bakarrik bizi denik ez dago. Zuen umeetako zenbatek bota dizue batbatean, ama, aita, «handitzen naizenean idazlea izan gura

Autu-mautuan

dut». Eta esango balizuete, zer erantzungo zeniekete?

Munduko hezkuntza eredu eraldatzaile, aurreratu, berdinzale guztietan irakurriko duzue literatura irakurtzea ikasle baten heziketa prozesu integralerako ezinbestekoa dela. Ander Lipusi oraintsu entzun diot eurek dagiten lana zerbitzu publikotzat dutela, Euskal Herriari eskaintzen dioten zerbitzu publikotzat dutela euskaratik pentsatu eta euskaraz jokatzen duten antzerkia. Sortzaile asko gara iritzi berekoak.

Araba, Bizkaia eta Gipuzkoako legebiltzarrean zerbitzu publikoen ardura duten alderdietako ordezkariek «Artistaren Estatutua» hartuko dute eztabaidagai. Gutako askok susmoa dugu gehiengoa duten bi alderdiek euren sokakoak ez garen sortzaile askoren ekarpenik gabe eta, larriagoa dena, euskara hutsez sortu nahi dugunok pairatzen ditugun eskubide urraketak aintzat hartu barik onartuko dutela. Beste behin.

ANTTON IRUSTA ZAMALLOA

Zergatik egiten dute oilarrek kukurruku?

K

onturatu zarete oilarrak eguzkia irtetean esnatzen direla eta ilargiak sudurra ateratzen duenean lokartzen direla?

Jakin nahi duzue zergatik gertatzen den hori? Duela urte asko zeruan hiru anaia bizi ziren: eguzkia, ilargia eta Kukurruku oilarra. Egun batean eguzkia lanera joan zen eta ilargia eta Kukurruku bakarrik gelditu ziren.

Gaua etortzean ilargiak agindu zion Kukurrukuri abereak ekar zitzala ukuilura, baina Kukurrukuk egun osoan lanean jardun zuenez, ezetz esan zion. Ilargia erabat suminduta, bere neba gandorretik heldu eta lurrera jaurti eta zeruko erresumatik kanporatu zuen.

Eguzkiak, lanetik heldutakoan, ez zuen Kukurruku anaia ikusi eta ilargiari galdetu zion ea non zegoen.

Honek egia esan eta eguzkiak haserre erantzun zion:

— Ilargi anderea, ezin zarenez inorekin bakean bizi, hemendik aurrera bakarrik biziko zara. Nik egunez egingo dut lan eta zuk gauez; horrela, ez dugu gehiago elkar ikusiko. Baina gure anaia Kukurruku ez da nitaz ahaztuko, eta ni egunez irteten naizenean, pozarren kantatuko dit eta gaua heldutakoan ezkutatuko da maite ez duen arreba ez ikusteko.

Geroztik, horrelaxe izan da beti. Eguzkia irtetean, oilarra kukurruku hasten da. Kukurruku hitzak, oilarren hizkuntzan zera esan nahi du: «Ni ere hemen nago, hemen nago».

Ilargia azaltzerakoan, kukurruku oilarra ezkutatu egiten da, lotara doa, haserre dagoelako zerutik kanporatu zuen arrebarekin.

Binke! martxoa 2021 19

UDALA

Erabateko adostasuna ikastetxeak laguntzeko

PENTSIODUNAK MARTXAN

GALDAKAO IGERIKETA TALDEA

Galdaoko Udalak 68.142 euro banatuko dauz udalerriko ikastetxeetan, Covid-19ak areagotu dituen eskolen eta familien premiak asetzen laguntzeko eta euren azpiegiturak erabiltzean sortzen diran gastuak ordaintzeko. Udaleko talde guztiek alkarregaz landu eta aho batez hartutako erabakia da hau. Argazkian, udal-alderdietako ordezkariak.

Galdakaoko I. Open Master-a

Pentsiodunak auzoetara joango

Martiaren 14an Galdakaoko lehenengo Open Master igeriketa lehiaketa antolatu zan. Galdakao Igeriketa taldea txapelduna izan zan maila bateratuan eta emakumezkoetan.

Kurtzean hasi eta amaitu egin ohi dabe euren asteroko hitzordua pentsiodunek, baina martxoaren 15etik aurrera, tarteka, euren aldarria auzoetara be eroango dabe.

B!

Jarri hemen zure publizitatea publi@binke.eus www.binke.eus 20 martxoa 2021 Binke!

VICTOR LUIS DE PEDRO

Herrian 1.200 etxe huts dagoz Galdakaoko Udalak adierazi eban herrian 1.200 etxebizitza baino gehiago dagozala hutsik, eta Alokabideren bitartez horrei irtenbidea emoten saiatuko da, «erakundearen eta etxebizitza hutsetako jabeen artean zubi lana eginez».

EAJ

AITZOL ZAMALLOA

Munduko trail lasterketarik gogorrenetariko bat egin eban Kanariar uharteetan Victor Luis de Pedro galdakoztarrak otsailean, TransGranCanaria, eta 68 urtegaz egin be.

BINKE BINKE

TransGranCanaria Victor Luisek, 68gaz

Etxegabetzea salatzeko ekitaldia

Izagirre, Larrialdietako zuzendari

Etxe barik geratu behar dan familia bati eskaintzeko etxebizitza huts bat okupatu eben eta hilaren 13an etxegabetu egin ebela salatzeko agerraldia egin eben.

Pedro Anituaren lekukoa hartu eta Fernando Izagirre galdakoztarra Larrialdiei Aurre Egiteko eta Meteorologiako zuzendaria izango da Eusko Jaurlaritzan.

Binke! martxoa 2021 21

Martxoak 8 iruditan ARGAZKIAK: AITZOL ZAMALLOA

22 martxoa 2021 Binke!

Udalaren kanpaina

Hondakin organikoak birziklatzeko erronka hasi da Birziklatzean ez dugu nota gainditzen galdakoztarrok eta usansolotarrok, eta are gutxiago organikoetan. Horregatik, Udalak kanpaina berezia jarri zuen abian, %1,4tik %10era salto egiteko.

M

artxoaren 1etik animalia jatorriko hondakinak ere bota daitezke organikoen edukiontzi marroian.

Aldaketa hori baliatuz, eta galdakoztarrok zein usansolotarrok organikoen birziklatzean gainditzen ez dugula ikusita, Udalak —Aldundiaren laguntzarekin— informazioa zabaltzeko eta organikoak birziklatzeko txartela, boltsak eta edukiontziak banatzeko kanpaina egin du martxoaren hasierarekin. «Kanpaina horren helburua gizarte iraunkor eta modernoekin bat datozen birziklatze-tasak lortzeko urrats berri bat ematea izan da», Udalaren esanetan, eta erronka bota dio herriari: baietz organikoetan %1,4 birziklatzetik %10era igaro!

Zenbaki esanguratsu batzuk

Birziklatzea gurean 1

Organikoetan %1,4 bakarrik birziklatzen da.

2

Gure zaborren %74 errefusa da; ez da birziklatzen.

3

Urtean, pertsonako, 220 kilo errefusara; 5 organikora.

4

Ikerketa baten arabera, errefusatik %48 organikoa da.

Binke! martxoa 2021 23

Libe Goitia, poeta

«Elexaldek eragina dauka nire poesian» TESTUA: BEÑAT ARMENTIA ARRIANDIAGA ARGAZKIA: JON GOMEZ GARAI

Txikia zela Errusiatik Galdakaora etorri, bertan hezi, eta nerabe zela izan zuen lehen harremana poesiarekin Libe Goitiak. Duela urtebete «Urruzonotarrak gehituz» lehiaketa irabazi zuen eta aurtengo Poesiaren Egunaren bueltan elkartu gara berarekin, bera hobeto ezagutzeko.

A

stebete pasa da Poesiaren Egunetik. Gogotik bizi izaten du urtero egun hau Libe Goitia Artetxek (Errusia, 2001), eta horregatik, horren berri galdetu dio Binkek, agendan gorriz margoturik duen egun hau aurten nola ospatu duen jakiteko. Poesia ekitaldi batean parte hartuz ospatu nahiko zukela, baina errealitatea amesten zuen horretatik oso bestelakoa izan zela dio. «Halanda be, edozein poesia ekitalditan parte hartzea ez da erraza, mundu honetan izenik izan ezean aukera handirik ez dogula esatera ausartzen naz», dio jatorri errusiarreko poeta euskaldunak.

Euskaraz ez dakienak ezingo du klubean jokatu? Ez da ohikoa 20 urteko gazte bat poesiagintzan buru-belarri aritzea. Nik galderari buelta emongo deutsat: Zelan da posible 20 urteko gazte bat poesiagintzan ibiltzea arraro iruditzea? Badagoz milaka idazle gazte, baina ezezagunak dira honeitako asko, gehienak ez esatearren. Gehiago esango dot, hemen datu bat: nik parte hartu neban lehiaketako deialdian 175 gaztek hartu eben parte. Aurreiritzi kontua dala uste dot, baina datuak hor dagoz.

24 martxoa 2021 Binke!

Noiz eman zenuen poesia idazteko lehen pausua? Tira, poesia idaztea, nire ustez, ez da erabaki bat. Anne Carsonek esan eban berak ez ebala bere senarra aukeratu, bere senarraren edertasunak aukeratu ebala bera, eta poesiagaz antzeko zeozer sentitu dot nik. Poesia egunerokotasunean dago, inoiz erreparatu bako zertzelada nimiñoenetan.

«Urruzonotarrak gehituz» lehiaketa irabazi zenuen duela urte pasatxo. Eta garrantzia handia izan eban horrek niretzat. Poesiaren mundu zirraragarri eta misteriotsu honetan emon neban lehen pausua izan zan hura, eta hain egin neban ondo, are gehiago murgildu ninduala. Etorkizuna baikortasunez ikusteko bidea egin eustan honek.. Saria ez zan izan objektu material bat soilik, bizitza osorako gordeko dodan oroitzapen bat baizik, jende eta bizipen barriz beterikoa!

Lehiaketak irabaztea al da askorentzat, lanak kaleratu ahal izateko bide bakarra? Batzutan egia izan leike, gazteentzako modurik onenetakoa dala hau, eskuragarriena agian, kakotx artean sartuko baneuke ere. Kakotx artean dinot, bai, halako galderagaitik, adibidez: zenbatek irakurtzen dabez saritutako lanak? Egia da bide barriak zabaldu ahal dabezala lehiaketek, baina ez nator bat goian egindako baieztapen horregaz bere osotasunean.

Zeri idazten diozu? Galdera hau erantzutea zaila iruditzen jat, hainbat gauzei idazten deutsiedalako. Gauza bat kontatu behar dot: ni Galdakaoko erdialdean bizi naz, baina halanda be Elexalde sentitzen dot nire benetako etxe. Horrek garrantzia eta eragina dauka nire poesian. Beti ikusi izan dodaz nire aitite eta amama soloan lanean, ahuntzekaz eta animalia artean, eta

gaur egun nire ama be ikusten dot inguru horreitan sarri. Horregaz lotuta, Maria Sanchez izeneko poeta batek inspiratzen nau, baserriak eta honek biltzen dituen beste hainbat alorren inguruan idazten dau, eta mundu honetaz harro egoten erakutsi deusta berak. Baserriaren eta honen inguruan topatu daitekezan objektu, esamolde zein ikurren inguruan idazten dodala esango neuke, batez be.

Zer eskaintzen dizu literaturak, beste arteen aldean? Aurretik nabarmendu dodan bezala, ez neban nik aukeratu poesia, baizik eta berak ni. Baina ez dakit zergaitik esan neutsan poesiari baietz. Suposatzen dot, denboragaz, Gaston Bachelardek deskubritu eban gauza bera deskubritu nebala nik be: poesiak, hizkuntza salbuespen-egoeran jartzen dauala, eta horrek hizkuntzagaz jolasteko mila aukera emoten dituala.

Horregaitik maite dot hau.

Baduzu harremanik poesiagintzan diharduen jendearekin? Bai, zorionez. Nire mesede eta poztasunerako, badot harremanen bat edo beste poesiagintzan dabilen jendeagaz.

Orokorrean danak dodaz lagun, eta sentitzen dot oraindik ez dabela beharko leukien merezimendurik jaso.

Zein leku du gaur egun gazteen artean poesiak? Ez dakit

Jarraitu Libe sarean!

Instagramen:

@ezizenastia

zein leku zehatz daukan poesiak gazteon artean. Baina jakin badakit badaukala tokitxo bat, eta honi, behar dauan adina garrantzia eman behar jako. Berba potoloak izan daitekez hauek, baina esango neuke gazteak garela, helduenekaz batera, poesia gehien kontsumitzen dogunok. Poesiak eskaintzen deutsu, nire ustez, txoko bero bat, norberaren emozioak eta sentimenduak sakontzeko euskarri bat, eta hain justu hor sentitzen gara gustura gu, gazte garan horretan. Gaztea zaranean dana sentitzen dozu hurbilago, beroago eta bortitzago. Baina, tamalez, irakurtzen dogun kantitatearen eta ekonomikoki kontsumitzen dogunaren arteko balantzan ez dago orekarik.

Aurrera begira, baduzu buruan asmorik? Badaukat zerbait buruan, baina ez dot kontatuko, horrek zorte txarra emoten dauala esaten dabe-eta! (barreka) Baina, tira, suposatu leike zer dan. Idazleak oso sinpleak gara, eta uste dot danok gura dogula gauza bera: idazten dogun horregaz pozik egotea. • Binke! martxoa 2021 25

Taldeka

Bilbao Basketeko galdakoztarrak

«Saskibaloian proiektu egonkor baten beharra du Galdakaok» Bizkaiko saskibaloi talderik onenetako kide dira Ibon Lopez de Letona, Markel Iturrioz eta Oier Rivas galdakoztarrak; Bilbao Basketeko partaideak dira hirurak. Lehena entrenatzaile lanetan dabil eta beste biak aldiz, jokalari. Hiru herrikideak batu ditu Binkek.

Hain gazte eta halako gihar handiak izateko, zuen sekretua zein den jakin nahi dugu! Ibon (IL): Nire kasuan ez dakit hori horrela den… baina badakit jokalariek egunero intentsitate maila onean entrenatzeaz aparte, elikadura eta kirol-bizitza ohitura egokiak dituztela. Markel eta Oier (MI eta OR): Elikadura osasungarria, lo ziklo egokiak eta gogor entrenatzea.

Zelan iritsi zineten Bilbao Basketera? IL: Duela hiru urte deitu zidaten; klubak, lehen aldiz, harrobirako proiektua sortu zuenean. Ordutik, ilusio handiarekin gaude lanean, proiektua handitzen eta egonkortzen joan da. MI eta OR: Gu biok orain bi denboraldi etorri ginen. Lehengo egunak gogoz eta urduritasun handiz bizi izan genituen, besteak beste, Bilbao Arenan entrenatzeak ikaratu egiten baitu.

Ba al duzue harremanik lehen taldearekin? IL: Bai, astero senior zein junior taldeko jokalariak daude deituta entrenamendu edota partiduetarako. Horrez gain, lehen taldeko en26 martxoa 2021 Binke!

trenatzaileak inplikatuta daude harrobiarekin; oso hurbilak dira gurekin. MI eta OR: Entrenamenduak zuzenean ikusteko aukera izaten dugu, gure aurretik entrenatzen dutenean.

Zeintzuk dira desberdintasun nabarmenenak herriko talde batean edo Bilbao Basketen jokatzeari dagokionez? IL: Klubak duen estruktura eta antolakuntza. Hala ere, saskibaloia, Galdakon zein Bilbon, saskibaloia da. Nire entrenatzeko modua ez da gehiegi aldatu. MI eta OR: Entrenamenduen intentsitatea eta diziplina handiagoa izateaz gain, instalazio eta entrenatzaile hobeak ditugu.

Eta Galdakaora etorriz, nola ikusten duzue egun saskibaloiaren egoera herrian? IL: Galdakao herri oso «basketeroa» da. Zentzuzko proiektu egonkor baten beharra dagoela uste dut, potentzialtasun handia daukagu herrian. MI eta OR: Ume eta gazte askok jokatzen dute saskibaloian Galdakaon, gainera afizio handia dago. Urreta gainezka ikusi dugu askotan!

Zein izan da orain arte izan duzuen lorpenik handiena?

Eta aurrera begira, zeintzuk dira zuen erronkak? IL: Nire lorpenik handiena egunero jasotzen dut, egun entrenatzen ditudan eta aurretik entrenatu izan ditudan gazte, ume eta familiengandik. Benetan gozatzen dut euren kirol- eta prozesu-pertsonalak aurrera doazela ikusten dudanean. Nire erronkarik garrantzitsuena pertsona, hezitzaile eta entrenatzaile moduan haztea da. MI eta OR: Euskadi eta Bizkaiko selekzioetan egon ahal izatea eta Espainiako txapelketa jokatzea.

Egunero lan egin nahi dugu, jokalari hobeak izateko!

Proiektu honetarako lanean: Argitaratzailea: Aitu elkartea.

Koordinatzailea: Jon Gomez Garai.

Erredakzioa: Beñat Armentia eta Iñigo Larrea.

Batzorde Orokorra: Julen Urrutxurtu, Agurtzane Uribarri, Iñigo de Miguel, Izaskun Rekalde, Gaizka Uriarte, Ixone Muñiz eta Alain Jauregi.

Maketazioa: Sua Estudio.

Ilustratzaileak: Irrimarra.

Inprenta: BEPSA. Banaketa: Egunon eta Correos.

Hilero banatutako ale kopurua: 14.000 Lege Gordailua: BI-41-2016 ISNN: 2444-9385

Fernando Izagirre Eusko Jaurlaritzaren Larrialdiei Aurre Egiteko eta Meteorologiako zuzendaria izango da.

Proiektu hau posible egiten dute: Ohiko kolaboratzaileak: Manu Etxebarria, Edu Madina, Aitzol Altuna, Estibaliz Apellaniz, Joanes Urkixo, Yayone Altuna, Irati Bediaga, Julen Gabiria, Gotzon Barandiaran, Antton Irusta, Nerea Urgoiti, Josi Basterretxea, Xabier Valencia, Nagore Ferreira Zamalloa, Edu Olea eta Bego Martinez.

Elkarte laguntzaileak: Ganguren Mendi Taldea, Burtotza Mendi Taldea, Andra Mari Dantza Taldea, Galdakao Gogora, Etxerat, Usansolon Euskaraz, Euskaraldia eta Bagabiz euskara elkartea.

Argazkilariak: Jabi Rojo, Gotzon Almaraz, Julio Legarretaetxebarria eta Aitzol Zamalloa.

Webgunea: Aitor Espinosa eta Naiara Perez de V illarreal.

Binke aldizkariak ez du bere gain hartzen aldizkarian adierazitako iritzi edota esanen erantzunkizunik

Kaserna musika talde galdakoztarrak bere lehenengo diska kaleratu du: «Gelditu da denbora». Entzun webgunean!

Harremana: info@binke.eus Publizitatea: publi@binke.eus

www.binke.eus

Babesle ofizialak:

Ane Legarreta galdakoztarrak Emakume Sortzaile eta Artisten Sarea sortu du eta bere berri batu zen binke.eus-en.

Binke! martxoa 2021 27

Ikus-entzunezkoak euskaraz

Netflix Euskaraz mugimenduak 10.000 sinadura batu gura ditu Goiko argazkian, Netflix Euskaraz ekimeneko kideetako batzuk, herrikideak tarteko.

Netflix Euskaraz ekimenak 10.000 sinadura batu gura ditu apirilaren 15erako.

Mugimenduan badira usansolotarrak eta galdakoztarrak ere.

N

etflix mundu mailako ikus-entzunezkoen plataforma pribatu handiena da, eta Madrilen du bere Europako egoitza, horrek ikus-entzunezkoen industrian dakarren inbertsioarekin. Ordea, streaming bidezko enpresa erraldoi honek espainiar estatuan aritzeko baimenak baditu ere, ez du euskara kontuan hartzen. Horregatik, «Netflixi edukiak euskaraz emititu ditzala eskatzeko» zenbait euskaltzalek mugimendu herritarra sortu zuten otsailaren 16an: Netflix Euskaraz, usansolotar bat eta hainbat galdakoztar tarteko, Binkeko kideak barne.

28 martxoa 2021 Binke!

Sinadura bilketari Twitter bidez ekin eta bi astetan 6.000 sinadura jasotzea lortu zuen ekimenak. Azken egunetan ordea, moteldu egin da atxikimenduak jasotzeko hasierako erritmoa. Horregatik, ekimena sustatzen ari diren herritarrek hauspotu egin gura dute sinadura bilketa, eta hamar milara iristeko erronka jarri diote euren buruei.

«Sinadura kopuru horrekin euskal erakundeen aurrean indar egiten hasi gaitezkela uste dugu, bai behintzat euskalgintzaren entitateekin», aitortzen dute mugimendu berriko kideek. Euren asmoa, «behin erakundeek kasu eginda, euskalgintza batu eta Espainiako Gobernuari eskaera zehatza egitea da: exijitu diezaiotela espainiar estatuan jardun nahi duten ikus-entzunezkoen plataformei euskara ere kontuan hartzea euren bikoizketa eta ekoizpen propioetan».

Netflix Euskaraz ekimenaren arabera, «Netflixek eta beste streaming plataformek etekin ikaragarriak dituzte, eta ez diote tokian tokiko errealitate soziolinguistikoari erreparatzen», eta harago doaz herritar

Sinatzeko

Eskaneatu QR kodea Datozen egunetan, indarrak batzen eta pauso zehatzak ematen hasiko bada ere, lehenengo hau emateko herritarren laguntza eskatu dute: apirilaren 15erako baietz 10.000 sinadura!

euskaltzale hauek: «Plataforma hauek —ez Netflixek bakarrik— dituzten irabazi erraldoien zati nabarmen bat bertako ikusentzunezko lanetan inbertitzeko behartu egin behar zaie, baita euskaraz ere». Eta orain da hori zehazteko garaia, orain baita Espainiako Kongresua ikus-entzunezkoen legea tramitatzen ari.

Antzerkia Martxoak 20, zapatua Yarleku Teatro

Etxerik txikiena Ordua: 18:00 Sarrerak: 4-6€

Apirilak 16, barikua

Lurrun minez Egilea: Galder Perez / Zuzendaritza: Olatz Gorrotxategi / Antzezleak: Gaizka Chamizo, Jon Koldo Vazquez, Pelayo Serrano / Musika: Joseba B. Lenoi.

Ekitaldi berezia Martxoak 28, domeka

«Bultza euskaltegiak, Bultza euskara» Jon Maia eta Miren Amuriza bertsolariak, Karmele Gorroño ilustratzailea, musika... eta sorpresa gehiago, Korrikaren ekitaldi ordezkoan.

Ordua: 12:00 Torrezabaleko areto nagusian.

Sarrerak: doan, AEK-n gonbidapen bidez.

Ordua: 19:00 Sarrerak: 6-8€

Binke! martxoa 2021 29

30 martxoa 2021 Binke!

Binke! martxoa 2021 31