BINKE 055 Abendua 2020

Urte osasuntsu on!

55. zenbakia • 2020ko abendua

ZURIÑE GARCÍA ANDRA MARI JATETXEKO SUKALDARI BURUA

«Michelin izarrak ez du sukaldariaren generoa kontuan hartzen»

ZURIÑE GARCÍA SUKALDARIA

«Nagoen lekuan egoteak hainbeste presionatzen zaitu, horrek motibatu egiten nauela» TESTUA: JON GOMEZ GARAI ARGAZKIAK: JULIO LEGARRETAETXEBARRIA

K

asualitatea da, baina kasualitate ezin ederragoa: aspalditik izan du Binkek Zuriñe García sukaldari profesional galdakoztarra elkarrizketatzeko desioa, eta berarekin ondoko lerroetako solasaldi hau izateko hitzordua adostu zuen abenduaren 14 goizean. Bada, egun horretako iluntzean ospatu zen Michelin izarren gala, zeinetan Andra Mari jatetxeak bere izarra mantentzen duela jakinarazi zen, Zuriñe bera sukaldari buru dela.

aritu nintzen Oscar Garciarekin lanean —bera ere Michelin izarduna—, beranduago Andra Marin praktikak egiteko deitu ninduten, Bizkarran lanean eta herriko DYAn gaueko txandak egiten nituen bitartean. Praktikak amaitu ostean langile bat behar zuten sukaldean eta nigatik egin zuten apustu. Geroztik hemen daramadaz 21 urte.

Gabon desberdinak aurtengoak, zelan ari zara bizitzen?

Bai, Gabon erabat desberdinak aurtengoak, baina ulertzen dut egokitu behar dugula... besterik ez zaigu geratzen-eta. Ni oso positiboa naiz, eta buruari hamaika buelta ematen badizkiot ere, pasatuko dena pentsatzen dut. Izango dugu aukerarik aurten egin ez duguna egiteko.

Horretarako ere ekipo ona beharko duzu... Bai, noski.

Ekipo zoragarriaz nago inguratuta. Giro ona dugu gure artean, errespetatzen naute... Eta hori ezin du edonork esan.

Imajinatzen dut jatetxean ere igarriko zenutela aldaketarik, ezta? Bai, duda barik. Are gogorragoa datorren krisi baten kontra ari gara lanean. Hala ere, badira urte batzuk mundu hau ez dena lehen zena... Nik 21 urte daramatzat ostalaritzan eta hemen, Andra Mari jatetxean, zoratzeko moduko egunak bizi izan ditut lan aldetik. Hori pasatu da dagoeneko. Gaur asteburuetan egoera honek baimentzen diguna betetzen dugu, baina aste barruan «flojotxu» gabiltza...

Bide batez, kontatuiguzu zelan iritsi zinen Andra Marira! Galdakaoko Ostalaritza Eskolan ikasketak egiten nabilela, lehenengo eta bigarren ikasturteen artean, Sorian 2 abendua 2020 Binke!

Fama handiko jatetxe batean sukaldari buru. Presioa ala motibazioa? Biak! (barreka) Nagoen lekuan egoteak hainbeste presionatzen zaitu, horrek motibatu egiten nauela.

Gainera bezeroak egunero pozik zelan joaten diren ikusteak egiten dudan horrekin gozatzea dakar.

Zelan bizi dira neurri honetako jatetxe bateko ordu puntak? Niretzako ordu punta horrek dira dibertigarrienak! (barreka) Tentsio une hori... Itzela da! Orain ia begiak itxita egin genezake lan, gorputza bakarrik mugitzen zaigu batera eta bestera, sukaldeko dinamika hartuta dugulako!

Baina ez esan ez duzuenik kontzentraziorik behar! Bai bai! Hori ere bai! Kontzentrazioa ezinbestekoa da sukaldean aritzeko, gure arteko komunikazio ona ere garrantzitsua den moduan. Eta esaidazu zoratuta nabilela nahi baduzu, baina oporretan ere tentsio, kontzentrazio eta mugimendu horren falta ere igartzen dut!

Ekipoaz ari garela, nork laguntzen zaitu sukaldean?

Nire bigarren sukaldaria dut «eskuineko esku», onerako eta

Zuriñe García García 1980, Galdakao Galdakaoko Ostalaritza Eskolan egin zituen ikasketak Zuriñe García galdakoztarrak eta geroztik hiru sari potolo jaso ditu, besteak beste: 2018ko sukaldari onenaren saria, 2019ko Jantour saria eta, urtez urte berresten duen Michelin izarra.

Euskal Herrian 36 Michelin izar daude gaur egun 26 jatetxetan banatuta. Baina Elena Arzakekin batera, Michelin izarra duen euskal emakume bakarra da hilabete honetako protagonista.

txarrerako, eta aparte beste bi sukaldari dauzkat nirekin. Asko gozatzen dugu elkarrekin lanean!

Gutxi zarete, gutxiegi, Michelin izar bat duzuen emakume euskaldunak... Ni hemen nago, nire esfortzuz irabazteaz gain, jatetxeko jabeak nigatik egin zuelako apustu.

Baina fijatzen bazarete, Espainian badira —ez gizonak baino gehiago— emakumeak mundu honetan, baina gehienak jatetxeetako jabeak dira, ez kontratatutako sukaldari buruak.

Zertara dator hori? Ez dakit ziur, baina agian izan daiteke sukaldari nagusia izatearen beldurragatik, honek exijitzen duen guztiagatik eta kontziliazio familiarrarekin uztartzeko arazoagatik... Jakin gabe ari naiz berbetan.

Hala ere, emakumea izan da nagusiki etxean sukaldatu duena beti. Ordea, goi-mailako sukaldari gehienak gizonezkoak dira. Zergatik? Hori egia da, baina hor badaude, benetan onak direlako da. Agian, aurreko galderan Binke! abendua 2020 3

Norbait azken minutuan iristen bada jatetxera, horrek lanetik ni ordu eta erdi beranduago irtetzea dakar. Errespetua, mesedez

erantzundakoari lotuta, gizonek gehiago arriskatu dutelako — edo arriskatzeko aukera izan dutelako— izango da. Dena dela, Michelin izarra aipatu duzula lehen, sari honek hainbat gauza hartzen ditu kontutan, baina ez dut uste inoiz sukaldariaren generoa kontutan hartzen duenik eh.

Sukaldari profesional izan gura duten emakumeentzako bidea zabaldu duzunaren sentipenik duzu? Ni honetan hasi nintzenean, ez nuke pentsatuko orain nagoen lekura iritsiko nintzenik. Lan egitean baino ez nuen pentsatzen, eta ez nintzen konturatzen zein egoeratan nengoen. Baina orain dela gutxi hasi naiz ingurura begiratzen eta beste emakume sukaldari batzuetan arreta jartzen... Bereziki beste batek ni bezalakoa izan nahi duela esan zidanean.

Galdakaoztarra, bertako Ostalaritza Eskolan ikasita...

Nork esango lizuke zuri herrian bertan amaituko zenuenik lanean! Egia da, bai... Zorte handia izan dut horretan, eta ezin naiz kexatu, oso gustura nabil hemen! Gogoratzen dut 17 urterekin praktikak egiten hasi nintzenean, kideek igo behar ninduten autoz! Eta hortxe aldatu zitzaidan Elexalderen ikuspuntua, ordurarte makina bat bider igota nengoelako oinez, entrenatzera edo ikastera! (barreka) Kontziente zara lortu duzunaz? Orain konturatzen nabil lortu dudanaz. Baina beste kontu batzuetaz ere kontziente izaten nabil: lanbide honek bizitza aldatzen dizu. Nahiko esklaboa delako ere bai, baina bereziki —nire kasuan behintzat— maila honetan egonda asko exijitu behar diozulako zure buruari eta ez duzulako deskonektatzea lortzen. Goizetik urduri altxatzen naiz, nire koadernotxoan ditudan zeregin guztiak egunean bertan egin behar ditudanaren sentsazioa izaten dut —nahiz eta bihar egin ditzakedan—, ezin naiteke inpuntuala izan eta ezin dut nire egun libreetan ere lanean pentsatzen ibiltzea saihestu.

Zuriñe Garciaren

ranking-a Bere lau plater gustukoenak: Paellak, gisatuak, itsaskiak eta perretxikoa

Bere lau jatetxe gustukoenak: Etxebarri, Zarate, Aizian eta Elizondo

Bere lau sukaldari erreferenteak: Jose Miguel Olazabalaga —galdakoztarra—, Andoni Arrieta, Carme Ruscalleda eta Sergio Zarate

4 abendua 2020 Binke!

Deskonektatzea aipatu duzula. Gai al zara, senide edo lagunekin beste jatetxe batera zoazenean, zure lanbidea alde batera uzteko? Eeeez! (barreka) Eta akats handi bat da, baina nahi barik egiten dut. Jatetxe batean, plater bat ekartzen didaten bakoitzean egiten dudan lehenengo gauza hartzea eta usaintzea da. Baina plateraren marka zein den begiratzeko ere altxatu izan dut inoiz baxera! (barreka) Badakit motza izan daitekeela, baina nahi barik egiten dut. Eskerrak etxekoek arreta deitzen didatela... (irribarretsu).

Eta jandakoa gustatzen ez bazaizu, sare sozialetan kritikatzen duen horietarikoa zara? Ez, inondik inora ere ez. Gustatzen ez bazait ez naiz bueltatuko eta kito, baina ez dut beste batzuen lana kritika publiko bategatik hondatuko. Hori asko errespetatzen dut. Ez zitzaidan niri gustatuko eta punto.

Zer da jatetxe batera zoazenean kontuan hartzen duzun lehenengoa? Lehenengo langileen arreta, gero giroa eta langileek giro ona bermatzeko egiten dutena. Gustura sentitzea atsegin dut, eta hori lortuta badago %50 lortu du jatetxeak.

ELKARRIZKETA ZURIÑE GARCÍA Eta zer da onartzen ez duzuna jatetxe batean? Itxaronaldia.

«Komanda» hartzen asko itxaron behar badut edo plater eta plater artean tarte luzeegia uzten badute, ez naiz jatetxe horretara itzuliko. Ulertzen dut ordu batzuetan jende asko pilatzen dela aldi berean bazkaldu nahian, baina ez badago antolaketa onik arin nabaritzen da, eta ezin dut horrekin.

Bezeroen denbora zurea bezain garrantzitsua da.

Arin-Arin!

Eta bezeroren bat sukaldea ixteko zaudetenean iristen denean? Horrekin ere ezin dut. Asko baloratzen eta maitatzen dut gure etxean, Andra Mari jatetxean, egiten dugun lana, baina baita nire denbora ere. Norbait azken minutuan iristen bada jatordura, horrek lanetik ni ordu eta erdi beranduago irtetzea dakar. Errespetua, mesedez.

Osasun larrialdi honen aurrean erakundeek ostalaritzara bideratutako neurriek polemika sortu dute. Taberna eta jatetxeak infekzio-foku bat direla uste duzu? Ulertu dezaket tabernak, bezeroen erruz, infekzio-puntu bat izatea, bai. Baina beste gune asko arriskutsuak izan daitezke zentzu horretan. Ordea, nor da etxean geratzen lehena? Geu. Kontu intimoagoez egin dezagun berba: zuen etxean nor ibiltzen da sukaldari? Ba nire etxean bi baino ez gara: nire 9 urteko alaba eta biok. Beraz, ez zait beste erremediorik geratzen janariak nik prestatzea baino! (irribarretsu) Hala ere, banabil alaba pixkanaka «prestatzen», biharko egunean sukaldatzen ikasi dezan.

Zure alaba ere sukaldari profesional izatea nahi al duzu?

Ez ez, ez nuen alabari iraskastearena horregatik esaten, baizik eta bere etxean janariak prestatzen jakin dezan. Bizitza profesionalean egin dezala berak gura duena, noski.

Badago etxean ikasitako plater gustukoren bat, gaur jatetxeko mahaietara eramaten jarraitzen duzuna?

Bai, koilararekin jatekoak, adibidez. Nire amak arrain-zopa zoragarria egiten zuen, baina nik «buelta bat» eman diot eta orain nirea gehiago gustatzen zait! (barreka) Marmitakoa, patatak errioxar erara... Horrek ezin daitezke falta!

Lehenengo hitzordu batean, zerekin liluratuko zenuke mahaikidea? Perretxikoak asko gustatzen zaizkit eta ondo sukaldatzen ditudala uste dut. Beti noa plater gozo baina seguruetara! Txangurrua donostiar erara ere azpimarratuko nuke, aspaldiko plater bat da baina ondo egiten jakin behar dena, merezitako balioa eman gura badiogu behintzat.

Zein platerekin ez dugu Zuriñe liluratuko?

«Laborategikoekin». Asko sentitzen dut esan behar izatea, eta asko errespetatzen dut munduko osoko sukaldaritza, baina laborategi batetik aterata daudela ematen duen platerekin ez dut gozatzen. Sukaldaritza tradizionala oinarri duenaren ondoan, niretzat kendu daitela gainontzeko guztia.

Tira, eboluzionatu nahiko du askok... Eta eboluzionatu daiteke, zelan ez, baina gure erroak mantenduta ere eboluzionatu daiteke sukaldean. Ni behintzat horretan aritzen naiz, eta gustura aritu ere! (irribarretsu). •

Asteko egun gogokoa?

Astelehena, asteartea libre dut-eta!

Herriko txoko gustukoa?

On Kafe taberna, sarritan joaten naiz.

Liburua ala tablet-a?

Liburua.

Pelikula bat?

El diario de Noa. Ez duzu onartzen…

Inpuntualtasuna eta errespetu falta.

Zoriontsu egiten zaitu…

Nire familia osasuntsu ikustea.

Plater bat?

Foie.

Deskribatzen zaituen berba?

Moldakorra.

Herrian zer kenduko zenuke?

Trafikoa eta aldapak, pertsona nagusiengatik...

Eta zer berria jarri?

Umeak entretenitzeko lokalen bat.

Euskarazko berbarik politena?

Gabon.

Zure ametsetako bidaia?

Dubai.

Berba egin ala entzun?

Entzun.

Zure mesanotxean ezin da falta…

Mobila kargatzekoa eta eskuetako krema.

Abesti bat?

Baby I love your way, Big Montainena.

Binke! abendua 2020 5

Aginke!

Errealitatetik hurbilegi dauden albiste faltsuak

«Kokoteraino amaitu dot Amazon edo antzekoetako atu jostailuak esk az» deustazuenak OLENTZERO erik finena Gabonetako langil

Sarean arrantzatua

Ba al zenekien...?

Azken datuen arabera, ile-apaindegi ekin batera, Euskal Herrian Fruitadenda per Cap ita tasarik altuena duen herria Galdakao dela ?

13

Ikerketa baten ar abera 13 pertsona dira, bataz beste, egunean zehar agurtzen dit ugunak musukoa ren azpian nor da goen guztiz ziur jakin gabe. Ikerketa be rak gomendatu eg in du, musukoa dara magun bitartean , betaurrekoak, bu fandak eta txanoak aldi bere an ez janzteko.

Txiste txarra — Kepa zara? á puede — Kepa zara ke mizterio habr zer mi gran notze...!

Dopping kasuak aurrekontu parte-hartzaileetan Aurrekon

Hain ezaguna bilakatu den gailu «adimenduna» etxe batzuetan desiatzen egongo dira agian Gabon hauetan jasotzeko... Eta horrelakoak gertatzen dira.

tu partehartzaileetan Udalak prop osamen «deigarriak» irakurri ondoren, parte hart utako herritarrei froga aluzinojenoak egitea erabaki zuen. Perr etxiko garaiaren gertutasunagatik akaso, emaitzek mongi mail a altua egon zela erakutsi zuten. Horrela ulertu daitezke jaso tako proposamen batzuk...

Graffiteroei kaligrafia liburuak banatuko zaizkie Azke

naldian gure herrietan agertuta ko graffitien letra eta forma abstraktuak aztertu ondoren , Kultura Arloak kaligrafia eta margotzeko liburuak dohan bana tzeko erabakia hartu du, hormetan adierazitakoa behintza t ulergarriagoa edo zentsudunagoa izan dadin.

Euskaraldiko kamisetak modako dendetan salgai Hain

«...Begira horri...»

6 abendua 2020 Binke!

bat herritarrek Euskaraldiaren helb urua guztiz ondo ulertu ez duela ikusirik, saldu gabe gera tu ziren kamisetak herriko moda dendetan merkaturatzea erab aki da, musika talde amerikarrekin egiten den bezala. Ondare kontua baino, modarekin lotzen baitute askok Euskaraldia ere.

Hilabete honetako sarituak

Azaroko irabazleak

Oihana Aldasoro Elosu Txaro Larrazabal Bengoetxea

Enrike Hernaez (ezker, Matxalen Binkekidearen ordez) eta Alaitz Uribarri (eskuin) Binkekideak Xabier harakinaren produktu sorta jasotzeko unean. On egin!

Kantu Koloreren «Esna zaitez» diska bana irabazi dute. Zorionak eta gozatu!

Zer egin Binkekide izateko?

Eman zure babesa urteko

36 €

ordainduta

Oraindik binkekide ez bazara, eta neurri honetako lehenengo komunikabide euskalduna babestu eta sustatu gura badozu, hauek dozuz horretarako bideak:

1. Bete beheko formulario hau, eskaneatu edo atera argazki bat eta bidali e-postaz: info@binke.eus

2. Bete formularioa, moztu, eta utzi gutunazal baten, Binke izenarekin Torrezabal Kultur Etxeko atezainaren leihatilan.

3. Eskaneatu zure

IZEN-ABIZENAK:

mugikorraren QR irakurgailuarekin beheko kodea eta bete formularioa!

HELBIDEA:

TELEFONOA:

NORTASUN AGIRIA:

E-POSTA: IBAN

KONTU KORRONTEA:

8 abendua 2020 Binke!

ENTITATEA

BULEGOA

K.Z.

KONTU ZENBAKIA

Binke TV Hauek dira grabatu eta argitaratu ditugun azken hiru bideoak Binke telebistan, Sormene plazakoak kontuan hartu barik!

Itziar Atienza aktorea Altsasu telesailean Itziar Atienza aktore galdakoztarra ETB-1eko Altsasu telesailean dabilela adierazi eta bere herrikideak telesaila ikustera animatzeko mezua bidali zigun Atienzak berak Binkeren bidez abenduaren 9an, lehenengo kapitulua eskainiko zuten egunean bertan. Asteazkenero emititzen da saioa 22:30etik aurrera.

Kontxi Belandia omendu zuen herriak Euskararen Nazioarteko Egunean, abenduaren 3arekin, omendu zuen Galdakaok Kontxi Belandia ÂŤAmama KontxiÂť. Udalak sustatuta baina hainbat herritarren artean antolatu eta osatu zen streaming bidez ere arrakasta handiz emititu zen saioa eta horren laburpena batu zuen Binkek bideotxo batean.

Eider Murgia futbolariaren salaketa Diego Armando Maradona futbolariaren heriotzak polemika piztu zuen jendartean, eta horien artean emakumezkoen futbolean. Halaxe helarazi zigun Binkeren bidez Eider Murgia futbolari galdakoztarrak, bere heriotzaren dolua agertzeko minutu bateko isilunea egitera behartu baitzituzten jokalariak.

Bideo guztiak gure sareetan ikusgai!

10 abendua 2020 Binke!

Ostike!

ANTROTARRAK kuadrila @antrotarrak

«Covidarekin edo Covid gabe berdin ligatzen dugu: gutxi!»

GALDERAK: FIRU KUADRILA @__FIRU

Noiztik ezagutzen duzue elkar? Duela zazpi urte Elexaldeko institutuko, Eguzkibegi Ikastolako eta beste leku batzuetako frikienak elkartu ginen eta Antroa sortu genuen. Momentu horretan hasi zen gure istoriotxoa.

Galdakaoko jaietako froga bakarra aukeratu beharko bazenute, zein izango litzateke? Bereziki bat gustatzen zaigu, Pilar Leibak irabazi zuen froga. Beste froga guztiak oso erakargarriak direla uste dugu, baina guretzat esanahi berezia dauka froga horrek «Playback»-ak famatu egin gintuelako, gure «Euri tanta banintz» singlea abestu genuenean.

Zuen ustez zein da gure herriak duen txokorik politena?

Kuadrila askok ondo gelditzearren herriko mendiren bat edota monumenturen bat aukeratuko lukete, baina guk argi daukagu gure erantzuna: Eiger taberna. Dudarik gabe Galdakaoko garagardorik onena eta musikarik bikainena eskaintzen du beti. Gainera, munduan dauden tabernari sexyenen artean sexyena dauka tabernak!

Pandemia bukatu ahala zer da egingo duzuen lehen gauza? Gogo asko dauzkagu juerga on bat botatzeko. Oso kontzientziatuta gaude egoerarekin, eta argi daukagu momentuz ez dugula jairik ospatuko, baina egoerak hobera egiten duenean gure goiburu bakarra «sexua, droga eta rock&rolla» izango da.

Orain tabernak itxita egon direla zein izan da zuen planik gogokoena? Batzuk etxean geratu dira negar egiten eta

beste batzuk mendira joan dira, baina horiek ere negarrez.

Oso aspergarriak izan dira azken zapatuak, baina berriro ere planak egiteko irrikatan gaude.

Galdera existentziala, Covidagaz gehiago ala gutxiago ligatzen da? Guk ez dakigu ligatzen. Covidarekin edo Covid gabe berdin ligatzen dugu: gutxi!

Zein kuadrilarekin batuko zinatekete zonbi apokalipsi bati aurre egiteko? Bertan Beherakoekin, zonbiak etorri baino lehen elkarrekin akabatuko genukeelako.

Zer nahiago: Galdakaoko jairik ez egotea edo Somerarik ez egotea? Astean bost ordu ematen baditugu Someran eta urtean 52 aste badaude, guztira 260 ordu ematen ditugu urtean. Galdakaoko jaiak bi asteburu badira eta asteburu bakoitzean 48 ordu bagaude juergan, guztira 96 ordu dira. Bakoitzak bere ondorioak atera ditzala...

Elkarrekin ospatuko dituzue Gabonak? Gure kuadrilan hamar kide baino gehiago gara eta denen artean afari bat egitea ezinezkoa egiten zaigu egoera honetan. Pena bat da aurtengo Gabonetan kuadrilako afaririk ez ospatzea, baina kontzienteak izan behar gara, eta gure esfortzua beharrezkoa da egoerak hobera egin dezan.

2021erako iragarpenak egin: zein da botako dugun lehen farra? Txertoaren iragarpenak ikusita... Santakurtzak 2067!

Hori bai, argi eduki munduko jairik hoberenak izango direla!

Binke! abendua 2020 11

MANU ETXEBARRIA AYESTA

Bakuna zein txertoa

B

aten batek pentsatu leike, bakuna berbea, gazteleratik hartu dogula euskerazko, txerto, eukita. Ba, ez, berba biak daukie euren arrazoia. Aiko. Bakuna, dala-eta, Edward Jenner, Ingalaterrako herri-medikua zan eta XVIII. mendearen azkenerantz, mediku lanetan ebilela, konturatu egin zan sakutadun behiak erasten ebilzan andrak kutsatu egiten zirala, baina immune edo babestuta geratzen zirala pertsonen sakutaren kutsaduratik. Geroagora Louis Pasteur zientzialari ospetsuak, latineko «vacca»-ren eratorritik hartuta, bakuna, izena jarri eutsan.

Gure inguruan, bakuna, izena zabal ibili da, harik eta, txerto, nagusitu arte. Txerto berbea, latineko «inserto» aditzetik dator, «insertar», gazteleraz eta, txertatu, euskeraz eta, txerto, bere sustantiboa. Beraz, berba biak datoz latinetik eta erremedio berbererako, hasieran sakutaren kontrarako eta gero beste edozein gaixotasun saihesteko.

Eta zergaitik azalpen hau?

Ba, gaztelerazko berba bat euskeratu gura dogunean, bere euskal baliokidea jartzen dogu, baina, txerto, beste mailegu bat da. Ondo etorriak berba biak euskerara sendatze bidean. Covid-19-ren bakuna edo txertoa noizko? Bien bitartean, zaindu.

12 abendua 2020 Binke!

Prest dugu 2021eko Udalaren egutegia!

H

ogeitakak urteak dira Galdakoako Udalak egutegia egin eta argitaratzen duela. Urteotan asko izan dira landu diren gaiak. Horietarik askok hizkuntza eta kultura eduki dute ardatz: literatura, jolasak, aho-korapiloak, errefrauak, bertsolaritza, udalerriko ibilbideak, kale-izendegia, udalerriko auzoak, komikigintza, elikadura…

2021eko egutegia, ostera, udalerriko zazpi argazkiz ondu da: Baleztari galdakoztarra, iturria, Nestor Basterretxearen eskultura, emakume baserritarra, Txapelena baserria, Torrezabal zubia eta Galdakaoko lanperna. Egutegian ilargi zikloaz gainera urteko zenbait egun seinalatu markatu dira.

Urte barri barri daukanak ez daukanari nik ez daukat eta niri ezpabere txarri belarri urte zaharra joan eta barria etorri.

Urte barri on, Galdakao!

Informazio gehiago: hezkuntza-euskara@galdakao.net • 944010540

Gurera etorriak

Iritzia

«Someran bizirauteko behar dudan euskara maila dut» Antonio Burgos Guerrero (1996, Almeria) orain hiru urte etorri zen Galdakaora.

Batxilergoko ikasketak Almerian bertan amaitu ondoren sukaldaritzaren inguruko ikasketak egitera. Erraza da bera Somerako saltsan ere ikustea!

Noiz heldu zinen Galdakaora eta zergatik? Galdakaora 2017ko irailean heldu nintzen lehenengoz. Garai hartan argi neukan sukaldaritzako ikasketak egin nahi nituela eta eskaera egin nuen Bengoetxeko Ostalaritza Eskolan ikasten hasi ahal izateko. Onartu nindutenean maletak hartu eta Galdakaora joan nintzen. Irailean herrian bizitzen hasi nintzen, baina esan beharra daukat ekainean herrira hurbildu nintzela pisu bat alokatu behar nuelako.

Bakarrik, lagunekin edota familiarekin etorri zinen? Esan bezala, Euskal Herrira lehenengoz ekainean heldu nintzen. Egun horretan gurasoak nirekin etorri ziren alokatu nahi nuen pisua ikusi nahi zutelako, baina irailean erabakia hartuta neukanean nire aizto, arropa eta sukaldaritza ikasteko gogoekin etorri nintzen.

Gainera, ez nuen Galdakaoko inor ezagutzen eta nire ezagunik hurbilenak Donostian bizitzen zeuden bi lagun min ziren. Bertan harremanik ez edukitzea nahiko gogorra izan zen, baina oso arin egin nituen harremanak.

Zer da Galdakaotik gehien gustatzen zaizuna? Eta gutxien? Argi daukat Galdakaotik zerbait azpimarratu beharko banu bertako jendea izango litzatekeela.

Oso lagun onak egin ditut, eta ikaragarria iruditu zait hasiera batetik ezagutu ditudan pertsonek daukaten eskuzabaltasuna. Herriak ere badu bere xarma, Covid egoera baino arinago astebururo jai eta parranda giroa arnasten zelako. Eta gutxien gustatzen zaidana bertako eguraldia izango litzateke, Almeriak eskaintzen duen argitasunera ohitu naizelako eta Galdakaoko egun ohiak euritsuak direlako.

Gainera, oso astunak egiten zaizkit bertako neguak egunak ilunak eta hotzak izaten baitira... Tira, ohituko naiz!

Bertara heldu zinenean zer izan zen zailena? Arazoren bat eduki zenuen?

Hasiera batean egoerara egokitzea kostatu zitzaidan. Hogei urterekin, familia eta lagunak atzean utzita eta inor ezagutu gabe heldu nintzen herrira. Garai hartan neukan gauza bakarra sukaldaritza ikasteko gogoak ziren, baina ezagutu nituen lagunek asko lagundu ninduten eta oso arin hobetu zuen egoerak.

Zer dakizu euskararen inguruan? Hitzen bat dakizu? Someran bizirauteko behar dudan euskara dakit bakarrik; «kaña bat mesedez», «eskerrik asko» eta «ondo pasa». Kontuan hartzekoa da ere nire euskaltegia Somerako Labea izan dela, eta irakasleak bertako langileak izan direla. Hala ere, egunen batean euskara ikastea gustatuko litzaidake.

MIREN DE REGIL GIL

Zaborra mendian

M

endietan aurkitu dut inork eman ezin didan besarkadaren babesa. Naturak zabaldu dizkit bere barrenak, sustraietatik ihes egin ahal izateko. Naturak, besoak zabaltzen ditu edonoren aurrean baina gizakiaren berekoi izaerak adar diren beso horiek moztu egiten ditu. Asko poztu nintzen deskonfinamenduan kirolak hartu zuen indarraz. Mendiak beteak zeuden, herriko inguruak aztertzera ausartu ziren herritarrak bide zoragarriekin aurkitu ziren. Kirolak natura maitatzera eramaten zaitu, edo alderantziz agian, naturak kirola maitatzera eramaten zaitu. Ordea, nire pozak haserre bilakatu ziren. Gure basoek eskaintzen zigutena guk geuk zapuzten genuen, musukoak sasiartean, mukizapiz betetako bideak eta edonolako plastikoak... inoren etxea ez den naturan nolatan aurkitzen ditugu edonoren etxeko altzariak bide ertzeetan?

Askoren basesa zabortegi bilakatu da. Bakoitzak du inguruarekiko ardura, garbi ikusi nahi diren inguruak garbi mantendu behar dira. Instagramera igo nahi diren paisaietan zikinkeriek lekua ez duten antzera, bizitza errealean zabor guzti horrek naturan ez du lekurik, natura ez da inoren zakarrontzia, denona da erantzukizuna.

Binke! abendua 2020 13

Sormene plaza

Kultur ekosistema lantzeko hazia TESTUA ETA ARGAZKIAK: ERREDAKZIOA

GaldakAho «ahoz ahoko azoka» Sormene «sorkuntzen plaza» izatera pasa gura izan zuen Udalak, eta aurtengo abenduaren 1ean aurkeztu zen jendaurrean hilaren 14tik 20ra ospatu den zazpi eguneko jaialdia.

14 abendua 2020 Binke!

A

rraroa» berbak esangura txarreko kontuak ekarri ohi dizkigu burura. Arraroa izan daiteke atzean uztera goazen edo utzi berri dugun 2020. urtea, esaterako. Arraroa izan daiteke aguantatzen ez dugun koinatua, adibidez.

Edo arraroa izan daiteke inoiz ikusi ez dugun zerbait. Arraroa izango da, azken hau, sarri ikusi eta barneratuta izango dugun arte; ordutik aurrera arraro izateari utziko baitio. Baina arraroa berbak ez du berarekin ezer txarrik ekarri behar derrigorrean. Desberdina izan daiteke, berezia, bakana, parerik ez duena.

Eta azken kontzeptu honekin bat egingo duen plaza izan da aurten Galdakaora ekarri gura izan duena Udalak: plaza desberdina, ikusi ez ditugunak ikusteko aukera emango diguna, ez dakizkigunak kontatuko dizkiguna eta, ikasteko ez ezik, gure barneko sortzailea ateratzen ere lagunduko diguna. Kultur adierazpen guztien, edo gehienen, plaza ospatu berri da gurean abenduaren 14tik 20ra bitarte: Sormene, sorkuntzen Galdakaoko plaza.

Astebetez antzerkia, musika, ipuin kontaketak, ilustrazioa, literatura... eta, oro har, sorkuntzari bide eman dion plaza sortu berri da Galdakaotik Euskal Herrira, eta urte luzez irauteko helburuz sortu ere. Astebetean 31 ekitaldik gorpuztu dute kultur ekimen berria. Aste barruko goizetan ikastetxeetako ikasleak bertaratzen ziren Torrezabal Kultur Etxeko areto nagusira eta bertan jaso izan dituzte ilustrazio, literatur, antzerki, dantza eta musika tailerrak; Karmele Gorroño, Imanol Epelde, Amancay Gaztañaga, Andra Mari Dantza Taldea eta La Basuren eskutik, hurrenez hurren. Arratsaldeetan berriz, diziplina guztietako ekitaldiak izan dira kultur etxe bereko oholtzan, bertsoetatik

hasi, antzerki edo musikatik pasa eta literaturan amaituta. Asteburuetan ekitaldi kopuruak nabarmen egin zuen gora, egun osoko egitarau oparoa eskainiz. Ekitaldi guztiak, gainera, doakoak izan dira eta streaming bidez eskaini dira.

Binke, hedabide ofiziala. Sormeneren ikuskizun guztiak euskaraz izan dira eta emakumeari eman zaio garrantzia. Horrela ba, Binkek ezin zion neurri honetako jaialdi bati entzungor egin, eta antolakuntzarekin adostuta, hedabide ofizial aritu da aldizkari herrikoi hau Sormenen.

Bideoak, argazkiak, kronikak, agurrak, elkarrizketak... sortzea izan da Binkeren lana Sormenen, herrikideei ahalik eta modurik txukunenean helaraztea sorkuntzen plazan gertatzen —edo gertatuko— zen guztia. Bada, abenduaren 1ean Sormene aurkeztu zen egunean Gotzon Barandiaranek —jaialdiaren kudeaketaren ardura eraman duenak Udalaren lizitazioa irabazi ostean— azaldu zuen bezala, «ekosistema bezala jardun behar dugu euskalgintzaren eta kulturgintzaren inguruan ari garenok, gureak biziraungo badu kulturzaleak sortu beharko ditugulako». Barandiaranek adierazten zuen ekosistema hori sortzaileek eurek, erakundeek, kulturzaleek eta hedabideek osatzen dute.

Eragile guzti horiekin elkarlanean aritzea ezinbestekoa da euskal kulturgintzak aurrera egin dezan. Sortzaile gabe ez dagoelako kulturarik, sortzaile horiek kontratatuko dituzten erakunde gabe ez dagoelako jarduteko plazarik, eta plaza horien berri emango duen hedabiderik ez badago ez dutelako herritarrek antolatutako horren berririk izango. Horregatik, ekosistema hori indartzeko lehenengo hazia baino ez da izan Sormeneren lehenengo edizioa, askoren lehena.

Binke eta Sormene

zenbakitan

· 7 egun. · 31 ekitaldi. · 30 kronika. · 33 sarrera gure webgunean. · 15 bideo editatu. · 92 eduki propio Twitterren.

Atal propioa binke.eus-en:

Binke! abendua 2020 15

iruditan ARGAZKIAK: BINKE

16 abendua 2020 Binke!

Binke! abendua 2020 17

Gotzon Barandiaran

ÂŤGure helburu nagusia kulturzaleak sortzea daÂť Sormenek bete du bere lehenengo edizioa, eta balorazio arin bat egiteko batu da Binke Gotzon Barandiaran ekimenaren arduradunarekin. Bere esanetan, Sormeneren helburu nagusia kulturzaleak sortzea da.

S

BINKE

ormene amaitu berritan Gotzon Barandiaran (Galdakao, 1974) ekimenaren arduradun artistikoa izan denarekin batu da Binke. Idazlea eta kulturgilea, oro har, baina musikaren munduari ere oso lotuta dago Barandiaran. Ekimen berriaren inguruan jardun gara berarekin.

Aurreikuspenak bete dituzue?

Aurreikuspenak bete doguz, bai. Guk lau ildotan lan egin gura gendun, eta horri jagokonez bete doguzala esan geinke.

Zeintzuk dira lau ildo horrek?

Sormena sustatzea, plazak eskaintzea, hedabideekaz lan egitea eta transmisioa lantzea. Horrek dira lau ildo nagusiak.

Zelan egin daiteke lan transmisioan?

Ba, esaterako, aste barruan goizero ikastetxeei eskaini deutsieguzan saioakaz.

Bertan marrazkigintza, literatura, musika, dantza edo antzerki tailerrak eskaini deutsieguz ikasleei eta saio laburrak izan badira be, oso gustura jarraitu dabezala uste dogu. Sikieran hainbat irakaslek esan egin deuskue, datorren ikasturtean, bertan ikasitako batzuk landuko dabezala ikastetxean.

Baina zer da zehazki tailer hauetan landu dutena? Sormen prozesuak zelakoak diran, batez be. Askok ez dakielako antzezlan bat zelan hasten dan be, edo abesti bat zelan sortu daitekean, dantzan modu errezean zelan egin, zein dan ilustrazio profesional batek jarraitzen dauan prozesua...

Eta tailerretatik kanpo, zer eskaini digu Sormenek? Bereziki emakumeen begirada izan dauan euskarazko 18 abendua 2020 Binke!

Bideoz ere ikusi! kulturgintzaren Euskal Herri mailako lagin bat erakutsi gura izan deutso Sormenek Galdakori eta bertaratutako guztiei.

Binkek bideoz jaso zituen kulturzale batzuen iritziak, eta baten batek publikoan jende gutxi egon izanaren pena agertu zuen, ÂŤekimenak merezi baitzuelakoÂť. Pandemia egoera batean eta Sormeneren lehenengo urtea izanda lanaren emaitza baloratzea oso gatxa da. Ez dakigu zergatik etorri dan jende gehiago edo gutxiago, baina argi daukaguna da epe ertain-luzera begira landu beharreko ekimena dala hau.

Helburu batzuk markatu behar doguz eta kulturgintzaren ekosistema danon artean indartu. Bide horretan egindako lehenengo hazia baino ez da hau.

Helburuak aipatu dituzu, baten bat aurreratzerik bai? Hamar urteko epean Galdakon zein Euskal Herrian kulturzale gehiago sortzea eta, horren eraginez, euskararen erabileran be eragitea da.

Elkarrizketa honetan Gotzon Barandiarani batutako iritzietariko batzuk, beste herritar batzuenekin batera, bideoz batu ditugu!

Gure Herrian ez daukagulako kulturzale nahikorik sortzen dan guztia kontsumitzeko.

Sorkuntza modu iraunkorrean sustatzea be lortu behar dogu, hezkuntza arautuan eta ez-arautuan...

Streaming bidez ere eskaini dira saioak. Ohituta gaude kultura horrela kontsumitzera? Ba egia esan harrera oso ona izan dabe saioek! Ez da ohikoa euskarazko eskaintza batez gozatzen ehun lagundik gora egotea. Eta horixe izan da errepikatu dan kopurua, batzuetan askoz gehiagogaz be!

Herritarrei mezurik bidaltzerik bai? Ereiten hasi garala, eta datozen urteetan herriko kultur eragileekaz batera osatu beharko dogula Sormene, kultur ekosistema gakldakoztarra danon artean indartzeko.

«Reggaetoi asko entzuten dugu euskaldunok; zergatik ez euskaraz?»

Kai Nakai

Reggaetoi sortzaile eta abeslaria

Bazen garaia reggeatoia euskarara ere iristeko, ezta?

Ba nik baietz uste dut. Reggeatoi asko entzuten dugu euskaldunok ere —lagunekin, parrandarako— eta, zergatik ez hau euskaraz sortu? Nik uste dut garaia zela norbaitek egiteko.

Zelakoa izan da musika hau lehenengoz euskaraz egitea?

Prozesua nahiko erraza egin zait, egia esan, reggaetoia eta euskara bera gustatzen zaizkidalako. Baina gainera letragintzan Jon Maia bertsolariaren laguntza izateak asko erraztu dit lana.

«Erreala ez den egoera batean bizi garela uste dut, eta kezkatzen nau» Zelan sentitu zara Sormeneko oholtzan? Plazer handia izan da.

Gainera uste baino jende gehiago egon da publikoan eta oso babestuta sentitu naiz galdakoztarrekin. Baina streaming bidez emititzeko zenez, oso exijentea egin zait kontzertua.

Pozik egoera honetan eskaintzen ari zaren kontzertuekin?

Ba zorionez ari naiz batzuk eskaintzen, eta eskertuta. Baina gauza batek kezkatzen nau: zer gertatuko da dirulaguntzak amaitzean? Erreala ez den egoera batean bizitzen ari garela uste dut.

Eñaut Elorrieta Kantautorea eta sortzailea

«Gazte bakoitzak barruan daraman sortzailea deskubritzea gakoa da»

Imanol Epelde Irakaslea eta sortzailea

Zer erakustera etorri zara Sormenera? Gutako bakoitza sortzaile izan daitekela ikasleei erakustera etorri naiz, abesti bat 27 minututan sortzeko tailer baten bidez. Gazte guztiek dute barruan sortzaile bat, eta hori deskubritzea oso garrantzitsua da.

Zergatik da gazte sortzaileak izatea garrantzitsua? Gero eta gazte sortzaile gehiago izan, euskaraz sortuko dutenen ehunekoa hasi egingo delako. Eta gure hizkuntzak sorkuntza euskaraz ere behar duenez, ikasleak horretan gakoa dira.

Binke! abendua 2020 19

Iraia Bengoetxea Corrales Galdakao, 1994 Bere lehen kamera 16 urterekin erosi zuen, jaso zuen lehen soldatarekin, eta Batxilergo artistikora salto egitean irudien mundua sakonago ezagutzeko aukera izan zuen.

«Argazkigintzak bere osotasunean» inspiratzen duela dio, eta honegatik elkarren artean oso ezberdinak diren hainbat artista ditu eredu: Bruce Davidson, Antoine D´Agata edo Francesca Woodman. Madrilen dago egun, argazkigintza artistikoaren eta dokumentalen masterra ikasten, eta kurtso amaieran aurkeztu behar duen lana prestatzen ari da buru-belarri. «Proiektu interesgarri bat ari naiz bizitzen» dio, eta orain arte ikerkuntzaren arloa sakondu badu ere, laster ekingo dio sormen arloari.

20 abendua 2020 Binke!

Urandreak lez

JULEN GABIRIA LARA

Ideologia ari du

D

enak segitzen du izaten politika. Berdin dio testuinguruak: segitzen du denak politika izaten. Eta badakit honezkero ikasia izan beharko nukeela lezioa, baina zeharo izorratzen nau, zeharo eta egunero, komunikabide publikoak izateak etengabe dabiltzanak politika egiten, ezarian, euri-langarra bezala, gehiegi bustiko ez zaituen baina hezurretaraino sartuko zaizun zirimiritxo baten moduan: ideologia ari du; publikotik, baina ideologia.

Ez da ezer berria, betiko doinua da hau, ez nabil kontinente berririk deskubritzen. Baina beti egiten zait deigarria, esate baterako covidaro betean gauden honetan, jendearen ardura bakarra osasuna denean, gure komunikabide publikoek ideologiaren zaparrada langartzen jarraitzea. Denak segitzen du izaten politika, ETBko albistegiak jarri eta ikusten duzunean lehen

Meraki

eguraldiaren maparako zena orain pandemiarako ere badela: batetik daudela EAEko datuak, bestetik Nafarroakoak, eta hurrena munduko gainerako tokietakoak, zorte pixka batekin agian Iparraldea deitzen dugun ezleku lanbrotsu horretakoak ere bai. Hori ez bada politika egitea, hori ez bada dosika-dosika ideologia jakin bat txertatzea inongo laborategitan testatu ez den ziztada baten antzera, azalduko ote dit norbaitek zer den orduan.

Nik nahi nuke nazio ikuspegia eskaintzen duen komunikabide publiko bat, hurbilagoak zaizkionak Hazparneko PCR probak Majadahondakoak baino, erreferenteak gure artean bilatuko dituenak, elkarrizketatuei euskaraz erantzuteko eskatuko diena.

Agian gehiegi ari naiz eskatzen, agian neu naiz ideologia duena. Baina ez: zirimiri horrek ere badu ideologia.

YAYONE ALTUNA CHARTERINA

Hitzen pisua

Z

enbatetan entzun, ikusi edo irakurri dugu gustuko ez dugun zerbait? Iraingarria iruditzen zaigun adierazpen bat? Gero eta gehiago dira sare sozialen bidez, haien «iritzia» emateko aprobetxatzen duten pertsonak; askok gainera, gaizki ezagutzen den adierazpen eskubidearen babespean jarduten dutela uste dute, berau mugagabea balitz bezala; globalizazioari eta «biralen» gizarteari esker, klik baten kolpera dugu, mezu bat milaka pertsonarengana iristea. Tamalez, azken garaiotan —historiako beste krisi momentu askotan legez—, areagotu egin dira diskurtso intoleranteak dituzten gizarte-taldeak edo alderdi politikoak, bizikidetza eta errespetu-balioak zalantzan jartzen dituztenak, eta nabarmenago geratu da «gorroto-diskurtsoa» delakoaren arriskua.

Adierazpen askatasunak ez al du mugarik? Erantzuna, nire ustez, garbia da: BAI.

Ez da eskubide absolutu bat; beste batzuen eskubideak urratzen dituen unean, iritzi edo adierazpen hori, irain, kalumnia, ohorearen kontrako delitu zein gorroto delitu bihur daiteke.

Giza duintasunaren errespetuan oinarritutako etorkizuna eraiki nahi badugu: (1) Inor ez da gorrotatzen ikasita jaiotzen; Has gaitezen pertsona guztien tolerantzian, hezkidetzan eta bizikidetzan hezten, bakoitzaren jatorria, sexua, arraza, etnia, sexu-orientazioa edo sinesmenak errespetatuz; (2) Izan gaitezen kritikoak «gorroto diskurtsoekin» —salatu—; (3) Ez gaitezen mezu homofobo, xenofobo, misogino edo mingarrien bozgorailu izan —ez partekatu, ez erantzun—.

Hitzen pisua beraien adimen emozionalaren arabera neurtzen dela diote; zenbat pisatzen dute zureek?

Binke! abendua 2020 21

Bertan Behera txapeldun

Binke TikTok lehiaketaren saria jasotzea atzeratu du Covid-ak Binke TikTok Challenge erronkara hemeretzi bideo aurkeztu ziren, TikTok guztiek jaso zituzten 1.000 bisitatik gora eta Bertan Behera kuadrilak irabazi zuen Dog&Fox jatetxeko saria. Hala ere, gura baino gehiago atzeratuko da saria jasotzea.

L

ehiaketa desberdina eta gaztea antolatzea zen Binkeren helburua eta 8 urtetik gorako gazteek hartu zuten parte Binke TikTok Challenge lehiaketan. Guztira 19 bideo jaso ziren —denak Instagrameko @binke_aldizkaria kontuan ikusgai daudenak— eta dozenaka lagun inplikatu ziren bideoetan parte hartzen. Irabazlea baina, TikTok-bideo bakarra izan zitekeen, eta azaroaren 17an 13:30ean atsegin gehien zituena izan zen garaile: Bertan Behera kuadrila. Dog&Fox jatetxean askari zoragarria irabazi zuten, eta sariak bere horretan jarraitzen du, baina egoerak hobera egiten duenean jaso ahal izango dute aipatutako oparia. Zorionak eta on egin, neskak!

22 abendua 2020 Binke!

Jon Azkueta, idazlea

«Fisikoki kaleratu dudan lehen lana da» TESTUA: BEÑAT ARMENTIA ARRIANDIAGA ARGAZKIA: JON GOMEZ GARAI

Usansolokoa jaiotzez, Batxilergora salto egitearekin batera hasi zen txikitatik bere buruan irudikatzen zituen istorioak gorpuzten Jon Azkueta. Joan den irailean kaleratu zuen «Huyendo del vicio» bere lehen eleberri fisikoa, aurretik hainbat argitaratu baititu digitalean.

U

nibertsitate ikasketak aurten amaitu dituen 22 urteko usansolotarra da Jon Azkueta Castro.

Ikasketak amaituz geroztik liburu-denda batean lanean aritzeaz gain, hainbat proiekturen baitan ari da lanean buru-belarri. Orain arte egindako lanak formatu digitalean kaleratu ditu, eta Hego Ameriketan milaka jarraitzaile ditu, baina eskuartean dakarren liburu hau da euskarri fisikoan argitarratzea erabaki duen lehena.

Liburu berria kaleratu duzu orain gutxi. Nolako harrera izan du? Oso ona, oso eskertuta nago harrerarekin. Nire ohiko irakurleek laguntza handia eskaini didate, eta euskarri fisikoan argitaratu dudan lehenengo liburua izan denez, irakurle berrietara ere heldu ahal izan naiz. Gainera, nire herrian eleberria askok irakurri dutela esan didate, eta honek asko poztu nau. Ez naiz ohitzen ezagunak ditudan horiek nire liburuak irakurtzen dituztela ikustera.

Noiz eman zenuen idaztearen lehen pausua? Txikitatik sortu ditut istorioak nire buruan, baina institutoan ikasten

24 abendua 2020 Binke!

ari nintzela hasi nintzen istorio horiek idazten. Esango nuke nire irakurzaletasuna garatu nuenean eman nuela idaztearen lehen pausua.

Askok esan digute Hego Ameriketan zure izenak, eta oro har, zure liburuek oihartzuna izan dutela. Zelan ba? Gaur egun nire istorio ezagunena «Huyendo del vicio» da. Wattpad plataforman bi milioi irakurketa lortu ditu, eta irakurle horien %97 hegoamerikarra da. Horren arrazoia, plataformak bertoko herrialdetan duen arrakasta da. Hemen ez da horren ezaguna. Bestalde, euskarri fisikoan argitaratzeak, nire herriko jende nahikok ere istorio hori irakurtzeko aukera izan duela erakutsi dit. Oso pozik nago nire inguruan ditudan lagunek eta bizilagunek eskainitako laguntzarekin.

Zeri idazten diozu? Umorezko istorioak idazten ditut. Nire helburua irakurleek momentu on bat bizitzea eta barre egitea da. Horrelako nobelak idazterakoan, gustura eta alai sentitzen naiz, eta nire irakurleei poztasun hori transmititu nahi diet.

Idazterako orduan, non topatzen dituzu zure indarguneak? Eta non ahulguneak? Gehien gustatzen zaidana pertsonaien arteko elkarrizketak idaztea da. Bestalde, toki desberdinen deskribapen sakonak egitea ez dut gustuko.

Nahiago dut irakurleari leku desberdinak irudikatzeko askatasun hori ematea, edota elementu desberdinen ezaugarriak elkarrizketa arinen bitartez azpimarratzea.

Ba al duzu erreferenterik? Erreferente asko ditut eta ez bakarrik literaturan. Gure inguruan artista eta profesional handiak ditugu. Jon Kortazar Uriarte Euskal Herriko Unibertsitateko Euskal Literaturako katedradunarekin lanean aritzeko aukera izan dut, hilabete honetan argitaratu dugu literaturari

buruzko ikerketa, eta horri esker bertoko adituez asko ikasi ahal izan dut. Kortazar eta Euskal Herrian dauden beste hainbat aditu zein idazle ditut erreferente. Wattpad plataforman dauden artista asko ere miresten ditut: Ariana Godoy, Luis Ávila… Horretaz aparte, nire idazle gustukoena Stephen King da.

Nik idazten dudanak ez du zerikusirik berak idazten duenarekin, baina askotan egiten diot erreferentzia nire idatzietan.

Magisteritza ikasi duzu.

Bat aukeratzekotan, irakaskuntza ala idaztea? Idaztea. Idaztearen bitartez irakasteko aukera ere egon ahal delako, nahiz eta momentuz, nire idatziek xede akademikorik ez izan. Lehen esan dudan bezala, nire eleberrien helburu nagusia irakurleek liburua irakurri eta gozatzea da. Besterik ez.

Zein abantaila eta zein desabantaila ditu paperean argitaratzeak? Eta digitalean? Euskarri elektronikoa merkeagoa da eta digitalean argitaratzerakoan irakurleengandik jasotzen duzun feedback-a itzela da. Gainera, munduko edozein herrialdera heltzeko erraztasunak ematen dizkizu. Bestetik, irakurle askori ez zaienez euskarri elektronikoa gustatzen, fisikoan argitaratzeak irakurle kopuru berri batera heltzea ahalbidetzen du.

Jarraitu Jon Azkueta bere sareetan!

Instagram: @jonazkuetaescribiendo Twitter: @jonazkueta Wattpad: Jon Azkueta

Aurrera begira, baduzu buruan zerbat egiteko asmorik? Oraindik ez dakit zehatz-mehatz zein izango den hurrengo pausua. Wattpad plataforman idazten jarraituko dut eta euskarri fisikoan ere argitaratzeko asmoa dut, baina ez dut ezer ere ez planifikatu. Lortzen ditudan aukeren arabera jokatuko dut. Momentuz, esan dezakedan gauza bakarra, zera da: 2021. urtean «Huyendo del vicio» lanaren bigarren atala kaleratuko dudala. Eleberri honen lehenengo zatiak izan duen harrera ona ikusita, jarraipena otsailerako prest egongo da agian. Argentinan ere proiektu bat garatzen ari gara, Lucas Lezin aktoreak eta Shibily agentziak parte hartuko dute nirekin batera bertan, baina azken hau Hego Ameriketan soilik egongo da ikusgai. Arinago edo beranduago, izango duzue nire berri! • Binke! abendua 2020 25

Xabier Valenciaren eskutik

Proiektu honetarako lanean: Argitaratzailea: Aitu elkartea.

Andra Mari eliza eta bere balioa

Koordinatzailea: Jon Gomez Garai.

Erredakzioa: Be単at Armentia eta I単igo Larrea.

Batzorde Orokorra: Julen Urrutxurtu, Agurtzane Uribarri, I単igo de Miguel, Izaskun Rekalde, Gaizka Uriarte, Ixone Mu単iz eta Alain Jauregi.

Maketazioa: Sua Estudio.

Ilustratzaileak: Irrimarra.

Inprenta: BEPSA. Banaketa: Egunon eta Correos.

Hilero banatutako ale kopurua: 14.000 Lege Gordailua: BI-41-2016 ISNN: 2444-9385

Proiektu hau posible egiten dute: Ohiko kolaboratzaileak: Manu Etxebarria, Edu Madina, Aitzol Altuna, Estibaliz Apellaniz, Joanes Urkixo, Yayone Altuna, Irati Bediaga, Julen Gabiria, Gotzon Barandiaran, Antton Irusta, Nerea Urgoiti, Josi Basterretxea, Xabier Valencia, Nagore Ferreira Zamalloa, Edu Olea eta Bego Martinez.

I

nork ez dau zalantzan jartzen Elexaldeko elizak daukan balio historiko eta artistikoa, baina ez da beti horrela izan. Bere egoera eskasak, leku faltak, urruntasunak eta hilerriaren egoera osasungaitzak, parrokia barria eskatzen eben. Holan ba, 1791. urtean beste eliza bat eregiteko prozesua hasi zan. Merezitako balioa ez emoteak be Andra Mariko eliza honek eukan arriskutik etorren. Egin kontu: Eliza leku bakarti baten egoanez, asko izan ziran bere garaian elizak berak eta inguruko etxeetan sufritzen ebezan lapurretak. Horrexegatik, 1768. urtean soka bat jarri eben Andra Mari elizaren kanpaitorretik sakristauaren etxerarte, etxetik urten barik kanpaiak jo ahal izateko, urtetako beldur zalako. Beldurra izateko arrazoiren bat edo beste izan eban ba sakristauak, behin erasotu egin ebelako eta eskuz lotu ebelako kalbarioko gurutzera. Ez jakon ezer gertatu, lapurrek ihes egin ebelako zarata bat entzutean, elizpean egoan ganadu batek sortuta.

Elkarte laguntzaileak: Ganguren Mendi Taldea, Burtotza Mendi Taldea, Andra Mari Dantza Taldea, Galdakao Gogora, Etxerat, Usansolon Euskaraz, Euskaraldia eta Bagabiz euskara elkartea.

Argazkilariak: Jabi Rojo, Gotzon Almaraz, Julio Legarretaetxebarria eta Aitzol Zamalloa.

Webgunea: Aitor Espinosa eta Naiara Perez de V illarreal.

Binke aldizkariak ez du bere gain hartzen aldizkarian adierazitako iritzi edota esanen erantzunkizunik Harremana: info@binke.eus Publizitatea: publi@binke.eus

www.binke.eus

Babesle ofizialak:

Binke! abendua 2020 27

Musika Ikuskizun guztiak Torrezabal Kultur Etxean

Abenduak 30, eguaztena Guillem Albá (Clown kontzertua)

Abenduak 29, martitzena Panpotx Kultur Elkartea

Kattalinen bidaia Ordua: 12:00 Sarrerak: 3€

Marabunta

Ordua: 21:00 Sarrerak: 7,5-10€

Urtarrilak 3, domeka

Gabonetako bertso jaialdia Bertsolariak: Jone Uria, Amets Arzallus, Ane Labaka, Aitor Mendiluze, Maddalen Arzallus eta Unai Iturriaga. Gai jartzailea: Arkaitz Estiballes.

Ordua: 18:30 Sarrerak: 4,5-8€

Urtarrilak 4, astelehena Eidabe konpainia

Futbolistak eta printzesak Ordua: 12:00 Sarrerak: 3,5€

Urtarrilak 5, martitzena

Antzerkia Ikuskizun guztiak Torrezabal Kultur Etxean

Logela Multimedia antzerki taldea

Tartalo

Ordua: 12:00 Sarrerak: 3€

Abenduak 28, astelehena Teatro Paraiso

Gizon zoriontsuaren alkandora Ordua: 12:00 Sarrerak: 3€

Zinea euskaraz Ikuskizun guztiak Torrezabal Kultur Etxean

Abenduak 28, astelehena

Bihurri Ordua: 18:30 Sarrerak: 3,5 €

Abenduak 29, martitzena

Koko dragoi txikia oihanean Ordua: 18:30 Sarrerak: 3,5 €

Urtarrilak 4, astelehena

Ipuin-herriko berriak Ordua: 18:30 Sarrerak: 3,5€

28 abendua 2020 Binke!

Bestelakoak Urtarrilak 5, martitzena

Urtarrilak 29-31 Eski irteera Bakeirara Ganguren Mendi Taldea

Errege Magoen bisita Kurtzeko plazan Ordutegia: 11:00 - 13:00 eta 17:00 - 19:00 Argizai Eskaut Taldea

Irakurle tadea Urtarrilak 18, astelehena

Urtarrilak 12, martitzena

ÂŤSotoan gordeakÂť

Autodefentsa emozionala

Miren Gorrotxategi

Torrezabal Kultur Etxean Ordua: 16:45 Izen-ematea: 675708032 Erabide Emakume Elkartea

18:30 Online bidez

Udal liburutegiak

Mendia

Gabonetako ordutegiak

Urtarrilak 24, domeka

Abenduak 21-Urtarrilak 5 Helduen liburutegia: 08:30 - 14:30 Haurren liburutegia: 10:00 - 14:00

Ganguren Mendi Taldea

Larunbatetan, itxita

RPS 258/15 M.Miguel Herrero D.O.O Y Audioprotesista

Deskarga - Irimo - Itxumendi - Elosua

Ikusmena eta entzumena Bizitza gehiago ematen diegu zure zentzumenei Juan Bautista Uriarte, 19. GALDAKAO Telefonoa: 94 456 59 54 WhatsApp: 688 856 690 Hauetan ere bagaude!

ikusmen eta entzumen zentroa

Binke! abendua 2020 29

30 abendua 2020 Binke!

Binke! abendua 2020 31