BINKE 032 Azaroa 2018

32. zenbakia • 2018ko azaroa

VALENTIN CARBALLO MODA DISEINATZAILEA

«Denek esan izan didate modaz ezingo nintzela bizi, eta begira, pixkanaka banabil!»

Valentin Carballo Moda diseinatzailea

«Gogoan dut arrebaren «ba garai hura, arropak nik egit TESTUA: JON GOMEZ GARAI Argazkiak: VALENTIN CARBALLOREN ARTXIBOA

H

andia da itsasoa, eta askorako ematen du. Itxura, kolore eta neurri guztietako arrainak daude bertan, eta batzuek korrontearen kontra ere egiten dute. Horrek omen dira indartsuenak, eta horiek lortzen dituzte euren helburuak. Galdakao itsaso handi hori da, eta korrontearen kontra zein bere helburuen alde lanean gogor ari den moda diseinatzailea da Valentín Carballo, bere burua galdakoztartzat duen kanariarra.

Ez da lan arina izango arropa marka propioa sortzea... Ba ez, ez da lan arina, baina zintzotasunez esango dizut... Lan administratiboa ez dut nik egin, zorionez, horretarako kontratatu dudan aholkularitza enpresa bat ibili delako marka propioa sortzeko laguntzen.

Valentín Carballo García 1992, Santa Cruz de la Palma Kanariarra jaiotzez eta familia italiar-frantsesekoa da Carballo, gaztetxotan Galdakaora bizitzera etorritakoa. Urretan ikasten hasi zen eta Andra Mari ikastetxean DBH, Batxilergoa eta Lanbide Heziketa egin zituen, nahiz eta telekomunikazio ikasketak egin ostean konturatu zen berak modaz bizi nahi zuela. Orduantxe egin zituen Goi Mailako ikasketak patronaje eta modan, baita goi-mailako joskintza Javier Barroeta maisuaren atelierrean ere. Gaur egun Santanderreko Unibertsitatean ari da ikasten, moda diseinuko ikasketak egiten.

Sormen lana behintzat zuk egingo duzu ordea... Bai, noski. Eta horrek bai eskatzen du lan izugarria. Ordu asko sartu behar dira: sormena, materiala, argazki saioak antolatu eta egin, webgunea, hornitzaileak bilatu... Guzti hori nik egiten dut, eta borondate handia dago denaren atzean.

Zure arropa sortzearekin, gaur egungo merkatuan dagoen hutsune bat bete gura duzu? Merkatuan, gaur egun, dena asmatuta dagoela uste dut. Ideia, arropak berrasmatzean edo kontzeptuak nahastean dagoela esango nuke.

Alderantziz beraz, zure hutsune bat beteko du merkatuak? Esan daiteke, bai. Azken finean lan-merkatuan sartzea erabaki nuen proiektu bat nuelako, baina bereziki merkatu horretatik eta proiektu propioa izatetik asko ikasiko nuelako, modaren munduak inguratzen dituen sektore asko kontrolpean izan behar dituzulako.

Eta lortzen ari zara? Pozik nago! Momentuz Espainia osoan saldu dut eta eskari batzuk Italiatik ere jaso ditut! Iaz kaleratu nuen marka berria eta posible da datorren udarako bilduma berria prestatzea.

Orain arte zenbat bilduma kaleratu dituzu ba? Une honetan «Geometric colors» da gehien sustatzen dudan bilduma, 2 azaroa 2018 Binke!

«kaletarrena» delako nolabait esatearren, eta kotoi ekologikoekin egindako kamisetak izateaz gain, ingurugiroa kaltetzen ez duten tintekin lan egiten dudalako.

Baina ez da bilduma bakarra? Ez, baditut beste batzuk nire alde artistikoena erakusteko egin ditudanak. Gehiago dira desfile eta lehiaketetarako. «Hídrico», «Fragata» edo «Darck fusion» kalekzioekin gainera hainbat sari irabazi izan ditut bai hemen zein Andaluzian.

arbie»-ak hartzen nituen teko panpinei»

Beraz, zure arropak janzteko ala pasarelan erakusteko dira? Normalean lan artistikoak dira, ikerketa baten ostetik datozenak eta buruan duzun hori errealitatera eramateko baliatzen dituzunak. Baina linea komertzialago bat ere badut, salgai dudana. Beraz, esparru bietarako arropak egiten ditut! (barreka) Nondik datorkizu arropen diseinuarekiko interes hau?

Txikitan, amarekin ile-apaindegira joaten nintzenean, izugarri

gustatzen zitzaidan bertako moda aldizkariak kuxkuxeatzea.

Eta gogoan dut arrebaren «barbie»-ak hartzen nituenean arropak nik egiteko! (irribarretsu) Galdakaok beraz zu diseinatzaile izatearen «erru handia» du! Galdakao nire herria da, hemen hazi eta bizi izan naiz eta galdakoztar izatearekin identifikatuta sentitzen naiz.

Horrek ni pertsonalki gaur naizenarekin zerikusi handia du, noski, baina ezin dezaket esan Galdakao denik «errudun» naBinke! azaroa 2018 3

gusia, baina bai faktore inportante bat, artistentzat inguruak eragin handia duelako.

dutenak, baina ez direnak hain onak. Eta alderantziz. Adibide naizen edo ez, ez dakit. Baina bide honetatik jarraitu gura dut.

Baina sortzez, nongoa zara? Kanariar Uharteetako irla txiki batean jaio nintzen, Palman. Nire gurasoak lekualdatu behar izan dira asko lanagatik, eta zazpi eskola desberdinetatik pasa behar izan naiz ondorioz, Euskal Herrira iritsi ginen arte, Galdakaora. Bertara etorri eta inoiz baino gusturago sentitu zirenez bertan, hemen bizitzea aukerarik onena zela erabaki zuten.

Bide luzea duzula behintzat badirudi... Nik helburu oso handi eta altuak ditut behintzat. Eta badakit zaila izango dela, baina indar guztiekin saiatuko naiz. Proiektu batetik bestera ematen dut eguna, lanean, eta horrek bere emaitzak izatea espero dut!

Eta geroztik pasa dira... Dagoeneko 13 urte, bertara iritsi ginenetik. Ez dakit denbora asko ala gutxi den, baina niretzako bizitza osoa da.

Inor etiketatzea ez dago ondo, aurreiritziak datozelako Ikasketak Elexaldeko Andra Marin egin zenituen, baina geroztik asko aldatu da zure ikasketa ibilbidea, ezta?

Urretako ikastetxean hasi nintzen. Gero Andra Marin Derrigorrezko Bigarren Hezkuntza, Batxilergoa eta Lanbide Heziketako ikasketak egin nituen, sistema informatiko eta telekomunikazioetan.

Telekomunikazioen ikasketak aukeratu zenituen gero modarekin lotutakoekin jarraitzeko? Bai! (barreka) Egia esan nire hasierako ikasketek ez dute zerikusirik modarekin, baina telekomunikazioak aukeratu nituen aukeratzeko ordua iritsi zenean ez nekielako zer ikasi —askori gertatuko zaie, ezta?—. Baina egia aitortzeko, ez naiz ezertaz damutzen, bertan ibiltzea ere baliogarri egin zitzaidalako, bizitzan zer izan nahi nuen argi ikusteko. Ostean bai, gauzak argi nituela hasi nintzen modaren inguruko ikasketak egiten.

Zenbat bider esan dizute modaz ezin zarela bizi? Ene! Hamaika bider! Eta ez senideek bakarrik, lagunek edo ingurukoek ere mila bider esan didate hori. Eta begira, pixkanaka banabil helburuak lortzen! Denen ahotan entzun dut «ezin naizela modaz bizi», «oso mundu hutsala» dela... baina nik jendea bere janzkerarekin zoriontsua izatea maite izan dut beti, «modan» ez dagoen arropekin ere, modak desberdintzeko aukera ematen digulako eta norbera den bezala agertzeko modu bat delako. Horregatik maite dut moda bera. Eta maite duzun zerbaiten alde gogor egiten baduzu lan, ez da eutsi ezineko ametsik izango.

Eta horren adibide zara zeu! Beno, nik orain arte ez dut askorik erakutsi, bide laburra daramadalako mundu honetan.

Sari batzuk irabazi ditut, bai, baina horrek ez du ezer esan nahi. Jende asko dago sari pila irabazi dituenak eta zorte itzela 4 azaroa 2018 Binke!

Tira, emaitza batzuk ikusi izan ditugu. Bolonian zergatik ibili zinen ba? Bai, egia da bizitzako etapa horrek harrotasun handia ematen didala. Giambattista Valli diseinatzaile handiaren enpresan ikasteko beka bat irabazi nuen eta horregatik Boloniara, Italiara, joan nintzen bizitzera. Han diseinatzaile handienen modura lan egiten ikasi nuen!

Modelo lanak ere egin izan dituzu? Bai, baina ezer garrantzitsurik ez. Barruan daramadan sen artistikoak esaten dit diseinatzaile lana dela nirea, eta horregatik modelo izateko asmorik ere ez daukat... Gainera ez zait fokoaren aurreko aldean jartzea gustatzen, nahiko lotsatia naizelako. Beraz, nagoen lekuan hobeto nago! (barreka) Hala ere, diseinatzaile izateko modelo jardun izana komeni da ala ez du zerikusirik? Batak bestearekin zerikusirik ez duela esango nuke. Modelo lana ere gogorra da, duda barik, baina erabat desberdina. Tenperaturak jasan behar dituzu aurpegian eta gorputzean nabaritu gabe, posatzen jakin behar duzu, zure gorputzari eskaini behar diozu bizitza osoa... eta nik guzti hori oso txarto eramango nuke —ondo jatea gustatzen zaidanarekin!—. Baina gainera diseinatzaile bati lan horrek ez dio eragiten, beraz ez da hain garrantzitsua guretzako.

Zure arropak janzteko orduan, zer bilatzen duzu modeloagan? Zerbait transmititzen duten modeloak gustatzen zaizkit, izaera dutenak. Emakumezkoak gustatzen zaizkit gehiago —nire diseinuengatik— eta aldi berean sen iraultzailea dutenak... Baina egia da bilduma bakoitzean ezaugarri desberdinak bilatzen ditudala bildumaren arabera.

Modaren inguruko blogen batek «modaren printzipe bilbotar» izendatu zaitu. Sinisten duzu printzipe eta printzesatan? Inondik inora ere. Baina onartu behar dut niretzako laudorio bat izan dela horrela «bataiatzea», nahiz eta berba potoloegia iruditzen zaidan niretzako eta ez dudan printzipe eta printzesatan sinisten. Euskal Herrian gainera «lehengai» oso onak daude moda munduan, horrelako berbekin hasteko...

Zenbateko garrantzia du generoak modaren ikuspegitik? Modan generoa garrantzitsua da. Norbera eroso sentitzen den generoaren ikuspegitik janzten bada beti ere, ondo dago, nahiz eta egia den askotan generoari ez zaiola erabilera egokia ematen, eta pixka bat difuso saltzen den. Hala ere, genero etiketatik urruntzeko asmoz, batzutan modelo androginoak erabiltzen dira, eta funtzionatzen dutela uste dut. Niri behintzat gustatzen zaizkit.

ELKARRIZKETA VALENTIN CARBALLO Zuk ere kolore batzuk emakumeentzat eta beste batzuk gizonezkoentzat soilik gordetzen dituzu? Ezta pentsatu ere! Bakoitzak nahi dituen koloreak eraman beharko lituzke, zoriontsu egiten dutenak. Baditut kolore fetitxeak niretzako, beltza, urdina edo zuria izan daitezkeenak, baina sortzerako orduan, koloreen paleta eskas gelditzen zait.

Arin-Arin!

Eta zure janzkera, zelan deskribatuko zenuke? Erosoa.

Baina ez diot elegante joateari uko egiten egoerak hala eskatzen duenean. «Oversize» edo handi gelditzen zaidan arropa eramatea gustatzen zait, baina egun batean kamiseta handi batekin noa, eta hurrengoan estu-estu ditudan praka batzuekin. Bizitza gauza berriak probatzeko dago eta horiekin gozatzeko!

Modaren erreferente bat izatea gustatuko litzaidake Etiketa madarikatuak, ezta? Ez dakit zer esan. Bai eta ez.

Etiketak batzutan onak dira, baina nire ustez hobe dugu etiketak ezabatzea, bai, ez baitut uste ondo dagoenik inor etiketatzea, horren atzetik aurreiritziak datozelako.

Etiketez baino, egin dezagun berba rolez. Zein rol jokatu gura duzu moda euskaldunean? Uf! Konplikatua egiten zait galdera horri erantzutea. Une honetan formazioan zentratu gura dut, diseinatzaile batek ezagutza eta teknika asko kontrolatu behar dituelako bere desioak ondo helarazteko.

Eta momentuz «ikasle rola» aukeratuko dut, baina noski gustatuko litzaidakeela Euskal Herrian modaren erreferente bat izan eta bertako diseinatzaile handienen artean bilakatzea, gaur egun Miriam Ocariz edo Ion Fiz diren bezala. Balenciaga moduko bat aldiz, ez dut uste munduak berriz ikusiko duenik.

Rolez ari garela, baduzu Euskaraldian parte hartzeko asmorik? Uste dut ez dudala euskarazko maila nahikorik Euskaraldian parte hartzeko... Beraz ez dakit niretzako egokia den bertan izena ematea.

Euskaraz ederto entzun zaitugu eta! Bai, baina ni Euskal Herritik kanpo sortu nintzen eta euskaraz ondo ikastea gainditzeke dudan irakasgaia da. Asko gustatzen zaidan hizkuntza da eta izugarri gustatuko litzaidake ondo moldatzea euskaraz.

Asko ikasi dudan arren, gaur egun lotsa ematen dit edonorekin hitz egitea, hanka sartzeko beldurragatik. Ez dakit jende gehiagori pasatuko zaion hori...

Hori bada «arazoa», ez arduratu, «Belarriprest» rola horientzako dago eta! Hala bada, bai! Nik ere izena eman eta «Belarriprest» izatea aukeratuko dut, horrela euskararekin ditudan beldurrekin apurtzeko aukera izango dut! •

Asteko egun gogokoa?

Larunbata.

Herriko txoko gustukoa?

Elexalde.

Liburua ala tablet-a?

Liburua.

Pelikula bat?

Cisne Negro.

Ez duzu onartzen…

Injustiziak.

Zoriontsu egiten zaitu…

Partekatzeak.

Plater bat?

Bakailaoa.

Deskribatzen zaituen berba?

Perfekzionista.

Herrian zer kenduko zenuke?

Zugutzura joateko tunela behin betiko kendu.

Eta zer berria jarri?

Metroa.

Euskarazko berbarik politena?

Musu-truk.

Zure ametsetako bidaia?

Eguzkia dagoen edozein lekura!

Berba egin ala entzun?

Entzun.

Zure mesanotxean ezin da falta…

Nire telefono mobila.

Abesti bat?

Ilargia, Ken Zazpirena.

Binke! azaroa 2018 5

«Espainiar Justiziak helburu bat jarri dio bere buruari: Espainiaren batasuna» ARNALDO OTEGI EH Bilduren koordinatzaile orokorra

Sarean arrantzatua

Aluminioa urtzeko munduko laberik handiena Galdakaon egina dagoela? Kargaldi bakoitzean 60 tona aluminio txatarra urtzen ditu.

%40

Koitoarekin sexu-er asoek %40 gora egin dute Eu skadin, urtarriletik irailera: 84. Sexu-as katasunarekin lotutako gainerako delituek %32,3 go ra; guztira, 410 izan dir a. Eta orain arte 7 emakume hil dit u terrorismo matxistak Euskal Herrian.

Noiz arte?

Txiste txarra — Zelan joan jatzun belarriko ebakuntzagaz ba?

— Bai. Hervé Tienou Afrikatik gurera orain hiru urte iritsi zen abadea da, eta gaur egun euskaraz daki. Sare Sozialetan ezagun egin da, ETBk kaleratu zuen erreportaje bategatik, non Tolosaldean mezak euskaraz ematen agertu zen Tienou.

Zigor-delitu gehien igo diren bigarren herria da Galdakao Eusko Jaurlaritzaren Segurtasun Sailak oraintsu argitaratu dituen datuen arabera, 20.000-50.000 biztanle arteko herrien artean, bigarren herria da Galdakao delitu penalen kopurua igotzen. Azken urtean %17,30 igo da delituen kopurua, 522ko langa gaindituz. Durango da lehen herria, Galdakaoren emaitza bikoiztuz. Delitu gehienak ondarearen kontrakoak dira.

Nafarroako Guardia Zibilak, orain Polizia Foral lanetan Nafarroako lehendakari Uxue Barkosek Espainiako presidente Pedro Sanchezekin trafikoaren konpetentzia guztiak Polizia Foralak izatea adostu zuen. Ordura arte Guardia Zibilarekin partekatzen zuten Foralek lana. Horregatik, hemendik aurrera —PSN eta UPNren proposamenez— Nafarroako guardia zibilak Foralera pasatu ahal izango dira, lanik gabe ez gelditzeko.

Altsasuko gazteek guardia zibil batzuekin izandako liskarretatik bi urtera, azaroaren 4an Espainiako Ciudadanos, Vox eta PP alderdiek elkarretaratzea egin zuten Altsasun, «guardia zibilei babesa eskaintzeko». Ehunka herritar batu ziren «probokazioaren kontra», baina eredugarria izan zen auzokideek arazoak saihesteko egin zute giza-katea.

6 azaroa 2018 Binke!

Herritarrei galdetzeagatik, 4,9 milioiko zigorra Masi Epaia irmoa ez bada ere, Espainiako Kontu Auzitegiak 4,9 milioi euroko isuna jarri dio Artur Mas Kataluniako president ohiari. Masekin batera bere garaiko beste hiru kontseilari ere zigortu dituzte, 2014ko azaroaren 9ko erreferenduma antolatzeagatik. Helegiteak aurkezteko aukera dute orain.

Burtotza Mendi Taldea

Usansoloko Mendi Astean, herritarrak protagonista Burtotza Mendi Taldeko kideak Urgoititarrekin (ezkerretik lehenengo biak), Olatz Atutxa (ezkerretik hirugarren) eta Jon Ander Linazarekin (eskuinetik hirugarren).

Hamaseigarrenez ospatuko du Burtotza Mendi Taldeak, datorren astelehenean hasita, urteroko mendi astea. Erakusketa eta hitzaldiak protagonista.

U

sansoloko Burtotza Mendi Taldeak hilaren 19an, astelehena, emango dio XVI. Mendi Asteari hasiera. Taldea sortu zenetik antolatzen den ekintza da hau, hasieratik egondako kideek hala bultzatuta. Ekintzak antolatzea erronka bat izaten dela diote taldekideek, baina urtez urte herritarrengandik jasotzen duten erantzuna ikusita, gogo handiz egiten dutela ere aitortzen dute. Urtero Txapelena baserrian eskaintzen diren hitzaldiak izaten dira mendi asteko ekintza arrakastatsuenetarikoak, eta horren adierazle da geroz eta herritar gehiago elkartzea hitzaldiotan. Klasikoetan klasikoena, mundu osotik zehar

alpinista profesional dabilen Alex Txikon lemoaztarra da, aurten ere hitzordura hutsik egiteko asmorik ez duena —eguaztenean—.

Burtotzarentzat, bestalde, ezinbestekoa da herrian bertan dagoen mendizaletasunari bizitasuna ematea eta, ondorioz, herritarren parte-hartzea ere bultzatzea. Ildo horretatik jarraituko dute lanean aurten ere: batetik, Jon Ander Linaza mendizalearen mintzaldiarekin; eta bestetik, Nerea eta Oihane Urgoiti ahizpek Olatz Atutxarekin batera osatzen duten hirukote gazteak emango duenarekin —barikuan hitzaldi biak—. Hitzaldiez gain, azken urteetan berritasuna izan den argazki erakustaldiaz gozatzeko aukera ere egongo da, eta domekan egingo diren mendi irteera eta bazkariarekin borobilduko dute astea. Jardunaldi hauekin, «herritarren parte-hartzea, hauek ekintzetara hurbiltzea eta herrian dagoen mendizaletasuna indartzea» dira Burtotzaren nahiak. Urte osoan zehar antolatzen dituzten mendi irteeretan parte hartzera ere animatzen dituzte herritarrak; ume, gazte zein heldu.

Egitaraua

Azaroak 19-25 Azaroak 21, eguaztena 19:15 Alex Txikonen hitzaldia: «Everest: un reto sobre humano», Txapelena baserrian.

Ostean Luntxa Unkina tabernan.

Azaroak 23, barikua 19:00 Jon Ander Linazaren hitzaldia: «Chamonix-Zermatt zeharkaldia eskiekin», Txapelena baserrian.

Ostean Nerea eta Oihane Urgoiti eta Olatz Atutxaren hitzaldia: «Picu Urriellu», Txapelena baserrian.

Azaroak 25, domeka 09:00 Mendi irteera, Unkina plazatik Burtotzara.

15:00 Herri bazkaria, Unkina plazan.

Azaroak 19-23 Argazki erakusketa, Txapelena baserrian, orain arte egindako ibilbideetan oinarrituta.

Binke! azaroa 2018 7

Garrantzitsua izaten da atzera begiratzen jartzea, aurrekoengandik ikasi eta, bereziki, nondik gatozen jakiteko. Orduantxe konturatuko gara zer garen, eta horrela erabakiko dugu nora goazen.

Torrezabal zubia Goiko argazkia 1935. urtekoa da, Torrezabal zubiarena.

Bertan ageri da Jose Iraragorri Athletic-eko futbolari historiko eta galdakoztarra bere bi ilobekin. Beheko argazkia aldiz aurtengoa da.

Zubiaren aurrean errotetxe bat zegoen, geroago Dinamitara ura ponpatzeko erabili zena. Gainera, txalupatxo batzuk ere bazeuden aspaldi zubiaren ingurutik, eta kizkailuak harrapatzen zituzten ingurukoek. Posible izango litzateke gaur horrela ibiltzea?

Argazkiak: Argazki bi hauek Eduardo Madinak bidalitakoak dira, eta berak eman dizkigu goiko testuko argibideak.

8 azaroa 2018 Binke!

Azaroak 25. Emakumeenganako indarkeriaren kontrako eguna

Indarkeria matxista, patriarkatuaren aurpegirik zikinena Azaroaren 25a, emakumeok etengabe pairatzen ditugun erasoak azalarazi eta salatzeko eguna izango dugu. Baina eguneroko jardunean, erasoak etengabeak dira eta guztion ardura da eraso horiek identifikatzea eta salatzea.

G

izonek emakumearen gainetik ezartzen duten botere harremanetan oinarritzen den indarkeria da indarkeria matxista. Giza eskubideen aurkako zuzeneko erasoa izateaz gain, emakumeari ondorio fisiko nahiz psikologiko larriak ekartzen dizkio eta emakumeak beldurrez eta menpekotasun egoeretan bizitzera bideratzen ditu.

Indarkeria matxistak forma ugari izan ditzake. Batzuk begi-bistakoak dira, baina beste asko hain dira sotilak, ikusezin bihurtzen direla. Eta zuk, badakizu erasoak eta indarkeria kasuak identifikatzen?

• Indarkeria fisikoa: bulkadak, kolpeak, jipoiak...

• Psikologikoa: irainak, mesprezuak, mehatxuak, emakumearenak diren objektuen lapurreta edo txikizioa..

• Soziala: kontrola (maiz sare sozialetan), familiarrak eta lagunak ikustea debekatu nahiz mugatzea, xantaiak...

• Sexuala: bortxaketak eta bestelako sexu abusuak, ukipenak...

• Instituzionala eta kulturala: derrigorrezko ezkontzak, sexu esklabotza, mutilatze edo mozte genitalak, harrikatzeak...

Kasu guzti hauetan, erasotzaile bat dago.

Identifikatu eta seinalatu beharreko erasotzailea. Jakina den bezala, hauek ez daramate erasotzaile hitza aurpegian idatzita. Baina badakigu horiek identifikatzen?

Urruneko gertakari mediatikoen berri izaten dugunean argi dugu erasotzailea nor den. Aldiz, hurbilekoa denean zailagoa egiten zaigu «indibiduo» hori erasotzailetzat hartzea.

Laster aurkeztuko da jendaurrean Momoak

Jendaurreko aurkezpena egingo du eraberrituta datorren Momoak Talde Feministak. Bitartean, taldearekin harremanetan jartzeko: g.momoak@gmail.com

Azkenengo datu ofizialen arabera, 2017an 7.028 salaketa jarri ziren Hego Euskal Herrian (horietako asko Galdakaon bertan) eta 2018an, egun, 7 dira terrorismo matxistak eraildako emakumeak. Azkenengo kasu hauetan, gehienetan, aurretik bazegoen indarkeria matxista kasuengatik jarritako salaketa, baina mugimendu feministatik sarri aipatu dugun bezala, instituzioetatik jartzen diren neurriak ez dira nahikoak eta sistema judiziala patriarkala den bitartean, ez gara guztiz babestuta egongo.

Edozein erasoren biktima den emakumeari gure babes osoa helarazi behar diogu eta inoiz ez bere hitza zalantzan

jarri. Kontrako kasuan, gu ere bihurtzen garelako indarkeria matxistaren konplize.

Ustezko hitz ederrak, ukipenak, irainak, kolpeak, sexu-jazarpena, bortxaketa edo heriotza. ASKI DA! Gizarte osoari dagokio erasoak eta erasotzaileak identifikatzea, salatzea eta autodefentsa feministaz eraso guztiekin bukatzea.

Aske bizi nahi dugulako. Topikoak eta aitzakia matxistak baztertu eta betaurreko moreak jantzita, eman begirada feminista inguruari.

Eraso sexistarik ez!

Gora borroka feminista!

Testua: Momoak Talde Feminista Binke! azaroa 2018 9

Mugikorren inguruko zenbait datu bitxi

Irakurlearen txokoa Aparkaleku «pribatuak» leku publikoetan?

G I

nterneten kuxkuxean ari garela mugikorren inguruko hainbat bitxikeri aurkitu ditugu. Batzuk erabilerari lotuta daude, beste batzuk salmentari, eta beste datu batzuk... adi honi: ziberdelituen inguruan ari dira. Binkek adierazgarrienak hartu eta hementxe eskaini dizkizu zuri, irakurle, ondorioak zuk zeuk atera ditzazun. Datuek ematen dute zer pentsatu, ezta?

MUGIKOR BATEN JABE BIZTANLERIAREN %70 Ericcson konpainiak kaleratu zuenaren arabera, 2020. urterako, munduan bizi den biztanleriaren %70a smartphone baten jabe izango da. Gainera, ordurako biztanleriaren %90ak banda zabaleko estaldura izango du bere mugikorretan.

DENBORA GEHIAGO ONLINE, LOTAN BAINO Orain bi urteko Munduko Foro Ekonomikoaren arabera, aro digitaleko erabiltzaileek jada denbora gehiago ematen dute pantaila baten aurrean lotan baino. Sarean denbora gehien ematen omen dutenak 1981 eta 2000. urte bitartean jaiotakoak dira, hots, «Milennial» belaunaldikoak.

ZIBERDELITUEN KOPURUAK %10 GORA Ertzaintzaren azken urteetako datuen arabera, ziberdelituen kopurua %10 inguru ari da handitzen azken urteotan Euskal Autonomia Erkidegoan. Delitu informatiko horien guztien artean gehien errepikatzen dena iruzurrarena da, %87. Erne ibili!

MUGIKORREN PREZIOA %18 IGO DA Iazko prezioekin alderatuta, 2018an sakeleko telefonoen batez besteko prezioa %18 igo da Strategy Analytics aholkularitzaren arabera. Batez beste, Ipar Ameriketako dolarretan lehen 225 ordaintzen baziren, orain 300 ordaintzen dira.

KOMUNERA TELEFONOAREKIN GOAZ Nork ez du, behin ala behin, mezuren bat bidali edota sare sozialei begiradatxo bat eman komunean den bitartean? Estatu Batuetan erabiltzaileen %75ak komunean den bitartean sakelako telefonoa erabiltzen duela onartu du. Eta Euskal Herrian?

10 azaroa 2018 Binke!

aldakaon aparkatzea danok dakigu ez dala ahuntzaren gauerdiko eztula, baina are konplikatuagoa egiten jaku galdakoztarroi gure herrian aparkatzea —eta gurera datozen bisitariei, zer esanik be— beste herrikide «oso azkar» batzuek egiten dabezan maniobrei esker. Zeren inguruan nabil? Ba askok kaleko aparkaleku publikoei emoten deutsien erabilera pribatuaz, esaterako. Nik Zabalea kaleko eta Juan Sebastian Elkano zeharkaleko adibide bi daukadaz buruan, zeintzuek euren alkarte edo negozioaren biltegiaren aurrean kamioi edo furgona ezin handiagoak aparkatzen dabezan beti. Baina zer egiten dabe ibilgailu handi horiek atara gura dabezenean? Ataratzera doazen momentuan, bere lekuan eurenak diran beste bi kotxe sartu eta kito. Holan beti izango dabe lekua! Nire galdera, Udaltzaingoarentzat: hori zilegi da? Egin leike? Ezin leike horien kontrako neurririk hartu?

K.O.G., Zabaleako bizilaguna

UDALTZAINGOAREN ERANTZUNA: Ibiltzeko baldintza guztiak betetzen dabezan eta une oro leku berean aparkatuta ez dagozan bitartean, araudiak ez dau debekatzen hori egitea. Badakigu horrelako jokabideek auzokoak hasarratu eta ez dabela bizikidetza laguntzen. Beraz, salatu ezin doguzalakoan, gizabidezko jokaerak eskatu gura doguz.

Zeure iritzia hemen argitaratzeko, bidali gehienez 1.600 karaktereko testua helbide honetara: infobinke@gmail.com.

Binkek gutunak laburtzeko eskubidea du.

WhatsApp-en gaude!

Bide berri honetatik jasotako kexa edo kritikak hemen ere argitaratu ditzakegu. Idatziguzu: 669 43 12 25.

!

Urriko irabazleak

Emilio Mardaras Bengoetxea Andoni Beroiz Zubizarreta

Mari Cruz Okamika (ezker), EĂąaut Zarrabeitia Binkekidearen izenean, eta Ibon Uribe (eskuin) Dog&Fox jatetxeko menuen berri jasotzen Yoliren eskutik.

Kerren jatetxeak eskainitako bina menu irabazi dute. Zorionak eta on egin!

Zer egin Binkekide izateko?

Eman zure babesa urteko

36 â‚Ź

ordainduta

Oraindik binkekide ez bazara, eta neurri honetako lehenengo komunikabide euskalduna babestu eta sustatu gura badozu, hauek dozuz horretarako bideak:

1. Bete beheko formulario hau, eskaneatu edo atera argazki bat eta bidali e-postaz: infobinke@gmail.com

2. Bete formularioa, moztu, eta utzi gutunazal baten, Binke izenarekin

Eta zuretzat, MOTXILA HAU OPARI!

Torrezabal Kultur Etxeko atezainaren leihatilan.

3. Eskaneatu zure

IZEN-abizenAk:

mugikorraren QR irakurgailuarekin beheko kodea eta bete formularioa!

HELBIDEA:

TELEFONOA:

NORTASUN AGIRIA:

E-posta: IBAN

ENTITATEA

BULEGOA

K.Z.

KONTU ZENBAKIA

KONTU KORRONTEA:

Binke! azaroa 2018 11

Euskararen aberastasuna

N

ire amak euskarako titulu bat ateratzeko ikastaro bat hasi dau.

Honen harira, barne-gatazka batean murgildu nintzan: Zergatik saiatzen dira erakundeak euskara bateratzen? Ni bizkaitarra naz, beraz, nire hizkuntza, euskara da bai, baina bizkaiera. Halan eta be, eskolan ez neban bizkaieraz ikasi, batuan baizik. Zein da horren arazoa? Gaur egun sekulako nahasteak eukiten dodazala aditzakaz, esaerakaz‌ Danagatik sortzen jataz zalantzak. Arazo hau eukinda, oso zaila egiten jat titulu bat eskuratzea, berbetan jartzen nazenean biak nahasten dodazalako eta hori, noski, ez dalako aztertzaileen gustukoa, ezta egokia be. Euskara, hizkuntza oso plurala da: Lekeitiora bazoaz, modu batean egingo dabe berba eta 20 kilometrora, Ondarroan, ezbardin. Baina haien artean beti ulertzen dira. Ni bizkaitarra izanda, gipuzkoar bategaz ulertzen naz euskaraz, guztiz hizkera diferenteak izanda be. Hori da nire ustez, euskarak daukan gauzarik politenetako bat: hain desbardinak izanda be, danok garala anaia eta ulertzen dogula alkar. Orduan, zergaitik horrenbesteko ahalegina euskara bateratzen? Euskara hizkuntza diferente bat da; bateraezina, nire ustez, eta horregatik pentsatzen dot aberastasun hori ez dala galdu behar.

12 azaroa 2018 Binke!

Hizkuntza ohiturak eraldatzen

A

zaroaren 23tik abenduaren 3ra hizkuntza ohiturak astindu eta ohiko harremanetan euskara gehiago erabiltzeko ariketa soziala egingo da Euskal Herrian. Galdakaoko Udalak bat egiten du EUSKARALDIA egitasmoarekin eta bidaide nahi zaitu ondorengo datuak astindu eta eraldatzeko. Baina, zelan zuzentzen dira herritarrak Udalera?

%7

% 4,5 % 10,3

% 93

% 85,2

Ahozko komunikazioa

Idatzizko komunikazioa

Euskararen ezagutza (%) eta aldia, Galdakaon 70 60 50

% 43,14

40

% 36,38

30 20

% 20,48 10 0 1981 1986 1991 1996 2001 2006 2011 2016

Euskaldunak

Ia-euskaldunak

Erdaldunak

Elebidunak

Iturria: EUSTAT

UNAI MARDARAS BERRAZUETA

Trikimailuak arrautzekin

G

ure hozkailuetan inoiz falta ez den elikagaia izaten da arrautza. Zenbat estualditatik atera ote gaituen elikagai honek! Izan ere, kuzinatzeko pila bat aukera ematen dizkigu: frijituta, egosita, tortilla eginda, galdarraztatuta, nahisirik… mila aukera, eta denak ezberdin! Arrautzak kuzinatzeko dauden erak hainbat eta hainbat izanik, hamaika dira ere eurekin egin ditzakegun trikimailuak.

Gutxi batzuk ezagutu nahi?

Koloreetakoak!

Arrautzak, aza gorri bat eta limoia baino ez ditugu behar koloreetako arrautzak egiteko! Zuringoak eta gorringoak banatu eta zuringo bakoitza plater batean jarri.

Aza gorria birrindu eta ateratako zuku apur bat zuringoekin nahastu –zuringoak urdindu egingo dira–. Gero, zuringoetako bati, limoi-zuku apur bat gehitu –honek, azidoaren eraginez, kolore morexeagoa hartuko du–. Azkenik, koloreetako zuringoak zartaginean jarri eta apur bat «gogortzen» hasi direnean, zuringoetako bakoitzari bere gorringoa jarri erdian. Frijitu eta listo, jateko prest!

Galdarraztatutako arrautzak Galdarraztatutako arrautzak ur irakinarekin egiten dira, eta nahiko teknika konplexua izaten da. Badago, ordea, beste modu errazago bat! Edalontzi bat urez bete –erdia baino gutxiago–, eta bertan arrautza isuri, osorik. Plater bat gainean jarri eta mikrouhin-labera sartu 50 bat segundoz. Amaitutakoan, edalontzitik atera eta itxura krematsua izango duen arrautza galdarraztatua izango dugu, ur irakinetik pasatu gabe!

«Hanburgesa» arrautzak Arrautza kuzinatzeko modu berezia da hurrengo hau. Hasteko, zuringoa eta gorringoa banatu, eta zuringoa elur-punturaino irabiatu. Gatza gehitu eta apur bat gehiago nahastu. Zartaginean olio pixka bat jarri eta erdian pasteltxoak egiteko erabiltzen diren molde bat jarri. Moldearen barruan irabiatutako zuringoa isuri, gero gorringoa gehitu eta azkenik, guztiz estali irabiatutako zuringo gehiagorekin. Kuzinatu alde bakoitza minutu batez. Atera moldetik eta prest izango dugu «hanburgesa» itxurako arrautza!

Beste mila trikimailu egin daitezke arrautzekin. Jakin-minez geratu bazara, lasai, hurrengo atalean gehiagorekin bueltatuko gara eta!

URTZI GARTZIA GOGEASKOETXEA

«A Good Man»

A

hozko epaiketak iraun bitartean ezin izan dut burutik kendu Rob Reinerrek zuzendutako filma. «A Few Good Men» —gizon on batzuk— eta Cabacas auziaren arteko ezberdintasunak agerikoak diren arren, badaude antzekotasunak. Hasteko, «A Few Good Men» fikzioa da eta Cabacas auzia errealitate hutsa. Baina filmean bezala, egia jakiteko oztopoak berdin etorri dira erakundeetatik.

Areago, ez Jessep koronela —Jack Nicholson—, ez Ugarteko —Iñaki Larrea— ertzainburua, ez dira akusatuen aulkian eseri. Momentuz, epaimahaiak epaia ebatzi bitartean, susmoa dut bi kasuen emaitza ere desberdina izango dela. Kontua da, Hollywoodeko fikzioan erruduna, «kode gorria» aplikatzeko agindua eman zuena, zigortua dela eta administrazioaren izen ona bermatua. Gurean, «guztiarekin sartzeko» agindua eman zuenak erantzukizunik ez duela erabaki zuten fiskaltzak eta instrukzio epaileak. Auziperatuen absoluzioak Ertzaintzari eta justizia sistemari onik egingo dien ala ez, zalantzak ditut. Agian, auziak bere bidea Estrasburgon bukatzen duenean, euskal zineak istorio erreal batetik abiatuta, Cabacas auzia mundura zabalduko duen «A Good Man» filma egingo du. Guretzat, Inigo Cabacas beti izango baita gizon on bat.

Binke! azaroa 2018 13

Euskaraldia

Inoizko ariketa sozialik

handiena, badator!

TESTUA: IXONE MUÑIZ ARANA ETA JON GOMEZ GARAI

Azken hileotan motorrak berotzen joan bagara ere, iritsi da gure hizkuntza-ohiturak aldatu eta inguruaren diagnostiko praktikoa egiteko ordua: badator Euskaraldia! Zelan hartu(ko) dute ekimena herritarrek?

«Gero eta zailagoa da gazteon ahotik euskara entzutea» Zein da gazteek Euskaraldian duten garrantzia? Gure herriko gazteok euskararen erabileraren inguruan dugun kontzientzia aldatzeko beharrezkoa da gure esku hartzea.

Gazteak gara herri honi biztasuna ematen diogunak, baita Euskaraldiari ere.

Beñat Armentia

(1998, Galdakao) Lehen Hezkuntzako ikaslea da, eta Euskaraldiko batzordekide.

Zelan ikusten duzu Euskaraldiaren aurretik zure inguruko egoera? Egunetik egunera are eta zailagoa da Galdako moduko herri euskaldun batean gazteon ahotatik euskara entzutea, eta hau aldatzeko lehen pausu bat izan daiteke Euskaraldia. Ni behintzat prest nago nire inguruan eragiteko, esate baterako,

euskaraz hitz egiteko gai garen arren normalean erdarara jotzen dugun horiekin gure hizkuntza erabiliz. Ikusiko dugu ia horrela den!

Eta ostean, hizkuntza-ohiturak aldatuko dituguna uste duzu? Ez da lan erraza izango, batez ere gaztelera haien egunerokotasunean erabiltzen duten horientzat. Hala ere, komunikazio ariketa eta kontzientzia aldaketa gisa onura asko ekarriko dituela uste dut.

Hori bai, benetan herri euskaldunago batean bizi gura duenak, Euskaralditik aurrera ez du aitzakiarik izango. Denon artean lortuko dugu Galdakao euskaldunago bat eraikitzea!

«Belarriprest-ok ezin dugu erabilera mugatzen jarraitu» Euskaraz ondo moldatuta, zerk eraman zaitu Belarriprest izatera? Nigana zuzentzen den edozeinek euskaraz egitea gura dut, nahiz eta nik agian gaztelaniaz erantzungo diodan. Baina behintzat, Belarriprest txaparekin nigana datorren euskaldun horrek ikusiko du ni ez naizela oso ondo moldatzen.

Amaia Yurrebaso

(1971, Galdakao) eskoletako jantokietan dabil lanean eta euskaraz inguratuta bizi da.

14 azaroa 2018 Binke!

Zuretzat zein uste duzu dela Belarriprest-etik Ahobizi-rako jauzia? Berez uste dut salto oso txikia dagoela rol batetik bestera, baina lan asko dago jauzi txiki horren atzetik. Belarriprest-etik Ahobizi-ra arteko saltoa, euskaraz ondo moldatzeaz gain, kontzientzia

hori piztuta izatean ere badago, noski.

Zergatik eskertuko duzu besteak izatea lehenengo berba euskaraz egingo dizutenak? Modu honetan askoz gehiago izango garelako euskaraz egiten dugunok.

Ahobizi-ek egunero lehenengo hitza euskaraz egindo balute, modu naturalean askoz euskaldun gehiago sortuko lituzkete zeharka.

Gainera, nigana euskaraz etortzea eskertuko dut, euskaldunak gaztelaniaz egitera behartzen jarraitu behar ez izateko. Euskaraz ondo moldatzen ez garenok ezin dugu onartzen jarraitu euskararen erabilera mugatzea.

Euskaraldia

Herritarrak euskaraz eta Euskaraldiaz «Ekimenak ikasteko aukera gehiago emango dizkigu» Paraguaikoa izanda, zelan ba hasi zinen euskara ikasten? Iritsi nintzenetik iruditu zitzaidan oso hizkuntza polita euskara, eta ikastera erakarrita sentitu nintzen. Gainera hemengo errealitatea ezagutzeko ezinbestekoa iruditzen zait bertako hizkuntza ikastea eta ulertzea.

Karen Rodriguez

(1991, Paraguai). Orain zortzi urte iritsi zen gurera, eta AEKn dabil euskara ikasten.

Eta zelan daramazu ikasketa prozesua?

Ba hasieran asko kostatu zitzaidan gustua hartzea, oso zaila egiten zitzaidalako, baina orain gero eta hobeto daramat eta aitortu behar dut gero eta gehiago gustatzen zaidala euskara. Pixkanaka banoa aurrera!

Euskaraldiak euskara gehiago ikastera eraman zaitzake? Duda barik, hori espero dut behintzat! Euskaraldiak nire eta nire ingurukoen erabilera bultzatzen badu, niri —eta edonori!— aukera gehiago emango dizkigu hizkuntza ikasteko.

Hitz egiteko beldurrik izatekotan, zelan uste duzu kenduko duzula euskaraz egiteko beldurra? Egia esateko inoiz ez dut beldur askorik izan, eta agian gaur daukadan maila —handia ez bada ere— hitz egiteko beldurra ez izateagatik izan dezaket, eta gustatzen zaidanagatik, noski!

«Euskararen erabilera eskasak beti kezkatu nau» Zuk zeuk zein harreman duzu euskararekin? Hogei urte inguru nituenetik euskaltzalea naiz, eta nire bizitzaren ardatz inportantea da euskara. Ikastolako irakaslea izan nintzen eta euskararen erabilera eskasak beti kezkatu nau. Euskalgintzan ere urte luzez aritua naiz, eta nire inguruan eragiten saiatzen naiz. Azken urteetan Berbalagunen eta Mintzaneten ere banabil.

Aniceto Ajuriagogeaskoa

(1946, Galdakao) irakasle erretiratu eta bertsozalea.

Zergatik da klabea Belarriprest-ak egotea? Nire iritziz oso inportantea da Belarriprest-ak egotea, horrek euskaraz egitea errazten duelako eta euskara gehiago entzu-

tea posible egingo duelako. Gainera rol hori hartzen dutenek Ahobizi izateko bidean direla uste dut, horrela euskaldunon komunitatea handituz joango delarik.

Zure burua Euskaralditik kanpo ere konprometitzeko gai ikusten duzu? Bai, dudarik gabe; orain arte hola izan da eta hola izango da. Baina Euskaraldia oso inportantea izango da, Euskal Herri osoan egingo den ariketa soziala delako. Gure hizkuntza biziberritzeko ahaleginean asko gabiltzala ikusteak bultzada eta adore handia emango digu horretan gabiltzanoi.

«Ia Euskaraldiak txipa aldatzen laguntzen deuskun!»

Itziar Isasi (1948, Lemoa) bizitza luzea Galdakaon daraman pentsioduna da, eta berdintasunean aritua.

Helduok gaztelanian aritzeko ohitura handia omen dugu. Euskaraldiak txipa aldatuko digu? Nire adinekook euskara egiteko beldur handia daukagu. Gazte-gaztetik Lemoatik Galdakora etorri nintzanean, gogoan daukat han dana euskaraz egiten genduala, eta hemen erderaz. Orduantxe «aldeana» deitzen eustien, euskaraz egiten nebalako.

Horregatik zaila egiten jaku txipa aldatzea, «aldeanoaren» konnotazio txar hori barneratuta dogulako oraindik, baina ia Euskaraldiak txipa aldatzen laguntzen deuskun!

Zergatik erabaki zenuen Euskaraldian

parte hartzea? Erabide Emakume Elkartean nagoalako, eta alkarte bezala orain arte oso erdalduna izan bada be, alkartea euskaldundu gurean gabizelako nabil Euskaraldian parte hartzen, bertan praktikan jarritakoak gure alkartean transmititzeko.

Zer uste duzu ekarriko dizula ekimenak?

Euskara beldur barik erabiltzeko aukera emongo deuskula uste dot. Horregatik, ni eta nire inguruko askok kontzientzia piztu eta hemendik aurrera Euskal Herrian beti esango dogu leku batera sartzean «egun on», eta ez «buenos días». Hortik hasiko da dana.

Binke! azaroa 2018 15

Herritarrak euskaraz eta Euskaraldiaz «Itxita zegoen ate bat zabalduko digu Euskaraldiak» Zeintzuk zailtasun dituzu euskaraz egin ahal izateko? Euskaraz aritzeko aurkitzen dudan zailtasunik handiena erabilera eskasaren ondorioz gertatzen da: kalean ez da ohikoena euskaraz hitz egitea eta, beraz, erabiltzen ez denez, eskolan ikasitako guztia erraz galtzen dugu, etxetik euskara jaso ez dugunok behintzat. Horrek euskaraz hitz egiteko konfiantza galtzea dakar.

Josu Gonzalez (1976,

Usansolo) diseinatzaile grafikoan dabil lanean eta Belarriprest rolpean arituko dela erabaki du.

Euskaraldiarekin eguneroko zailtasunak gainditzea espero duzu? Bai, hala espero dut! Euskaraldiak orain arte itxita zegoen ate bat zabaltzen digu, eta ariketa hau da, hain zuzen ere, ate hori zabaltzeko behar dugun

giltza. Honi esker gure inguruan hizkuntza politikak sortu ahalko dira euskara esparru guztietan garatzeko, eta ez bakarrik beharbeharrezkoak direnetan.

Belarriprest zara eta, aldi berean, Usansoloko Euskaraldia batzordean zaude...

Bai, eta bietan parte-hartzeko arrazoia erraza da: inguruan ikusten dudanagatik, eta konkretuki nire semeekin, datozen belaunaldiek eskolan bakarrik erabiltzen dute euskara, eta ezinbestekoa da egoera hau aldatzea. Euskaraldia horretarako aukera paregabea da, eta horregatik erabaki dut ahal dudan guztian indartzea eta ematea bultzada ekimenari.

«Txikitatik gaztelaniaz egiteko ohitura aldatzea zaila da» Euskaraz nahi beste egiten duzu? Ez... nahiz eta egunerokotasunean ingurukoakaz euskeraz berba egin, goazen lekuetara goazela, lehenengo berba gaztelaniaz egiteko ohitura daukagu, eta ez gara konturatzen hori egitean, euskeraz berba egiteko aukera galtzen dogula askotan.

Naia Bergaretxe

(1998, Usansolo) Diseinu Industrialeko Graduko ikasle Ahobizia da.

Norekin bai eta norekin ez hainbeste?

Etxean euskeraz beti, eta familiaren parte bategaz be bai. Lagunekaz, ostera, batzuekaz bai eta beste batzuekaz, ez. Gaztelaniaz ibiltzen nazen batzuekaz euskeraz egin ahalko neuke, baina txikitatik gaztelaniaz egiteko

ohitura daukagu, eta zaila egiten jat hori aldatzea. Ia Euskaraldiak errazten deuskun!

Hizkuntza-ohiturak aldatzeko prest ikusten duzu zure ingurua? Inguru hurbila prest dauela uste dot. Gehiengook lehenengotan gaztelaniaz egiteko joera dekogu, baina Euskaraldia aukera ona da ohitura hori apurtzeko. Hamaika egunetan orain arte gaztelaniaz berba egin dogunekaz euskeraz egiten badogu, egitasmoa amaitzean ez gara barriro gaztelaniara bueltatuko. Aukera ona da inguruko askok euskeraz egiten dabela konturatzeko eta erabilerari bultzada bat emoteko.

«Ondorio ona izango dauan ariketa sozial indartsua da» Ahobizi izanda, zergatik da garrantzitsua Belarripresten rola? Ezinbestekoa bi arrazoi nagusigatik: bata, Ahobiziek jakin behar dabelako nogaz egin daikien euskeraz; eta bestea, Belarriprest diranek euskera bultzatzen dabela erakutsiko dabelako. Gizarteak jakin behar dau euskera sustatzen daben eta euskeraz ulertzeko gai diren pertsonak egon badagozala, eta asko dirala!

Mikel Atxutegi

(1988, Usansolo) Lehen Hezkuntzako irakasle da eta Usansoloko Euskaraldiaren Batzordeko kide.

16 azaroa 2018 Binke!

Eta Euskaraldiaren ostean, zer? Lehenengo, balorazio bat, ariketa soziala positiboa izan dan edo ez ikusteko. Hortik aurrera, Euskaraldiaz arduratzen dan taldeak indarra

eta energia badauka, beste jarduera batzuk bideratu daikez, herriko euskaltzaleak euskara bultzatzen jarraitzen animatzeko. Uste dot Euskaraldia antolatzen dogun guztion izenean diñodala pena izango litikela egitasmo hau bere horretan geratzea.

Zelan ikusten duzu Usansoloko euskararen egoera? Oso ona dala esango neuke, nahiz eta badagozan euskeraz jakin arren, egiten ez daben herritar asko be. Baina horregatik izango da positiboa danontzat. Herritarrak oso motibatuta ikusten dodaz! Ondorio ona izango dauan ariketa sozial indartsua da.

Euskaraldia egitarauak Euskaraldia Galdakao Txapa banaketa azaroaren 16tik aurrera Torrezabal Kultur Etxean, Urreta kiroldegian eta herritik zehar jarriko diren mahaietan eta ekitaldietan egingo da.

Azaroak 16, barikua Kale animazioa, bertsolariak eta Galdakao Kantari: 19:00 Iturrondon.

20:00 Urretan.

21:00 Santi Brouard plazan.

Azaroak 17, zapatua 18:00 Ipuin Kontalaria «Euri artean» (5-10 urteko umeentzat), Gandasegiko areto nagusian.

Azaroak 18, domeka 09:15 Mendi ibilaldia. Gure ondarearen inguruko ibilaldi gidatua.

13:00 Salda eta txorizoa doan denontzat, Kurtzea plazan.

Azaroak 22, eguena

Azaroak 25, domeka 12:00 Inaxio Perurenaren erakustaldia.

Ondoren... Familia osoarentzako Herri Kirola, Iturrondon.

Azaroak 28, eguaztena 17:00 Umeentzako tailerrak (3-8 adin tarteko umeentzat), Iturrondoko karpan.

19:00. Manu Etxebarriaren hitzaldia: «Euskarak be badauko umorea!», Udal Euskaltegian.

Abenduak 1, zapatua 12:30 Andra Mari eta Eltziegoko dantza taldeen saioa, Iturrondoko karpan.

Azaroak 30, barikua 19:00 Euskal Dantza ikastaroa, ume, gazte ta nagusientzat, Iturrondoko karpan.

Abenduak 2, domeka 12:00-14:00 Euskal-truke merkatua, bigarren eskuko merkatua, Iturrondoko karpan.

18:00 «Hizkuntza ohituretan eragiteko trebakuntza» saioa, Udal Euskaltegian.

Abenduak 3, astelehena

19:30 Berbalagun aurkezpen Jaia, Ganguren tabernan.

10:00 Mintzodromoa, Torrezabal Kultur Etxean.

Azaroak 23, barikua Euskaraldiaren hasiera!

Jantzi zure txapa hamaika egunez: Ahobizi edo Belarriprest!

17:00 Umeentzako tailerrak (aurpegia margoztu, irudiak eta txapak egin…), Iturrondoko karpan.

18:00 Txokolatada, Iturrondoko karpan.

18:30 «Hasi da Euskaraldia» ekitaldi-aurkezpena, Iturrondon.

19:00 Gazteentzako herri kirolak, Iturrondoko karpan.

Euskararen Eguna eta Euskaraldiaren amaiera!

20:00 «Gure oroitzapenak» filmaren proiekzioa, Torrezabalen.

Tartean, egun berean, Euskararen eta Diskapazitatearen Eguneko ekitaldia antolatuko da Torrezabal Kultur Etxean.

Hitzordua zehazteke dago.

Euskaraldia Usansolo Azaroak 23, barikua

20:00 Trikipoteoa, Iturrondotik.

20:00 Usansoloko Euskaraldiari hasiera. Ospakizunaren hasiera hitzaldia. Txapak janztea. Unkina plazan.

21:00 Esaldi zaharren lehiaketako sari banaketak, Iturrondon.

20:30 Txistorrada, Unkina plazan.

Jarraian... kontzertuak, Iturrondoko karpan:

21:00 Trikipoteoa, herritik zehar.

• Akabu • Sistada and Rlantz • Parrapas erromeria

Azaroak 24, zapatua 13:15 Galdakaoko Musika Banda, kalejira Torrezabal Kultur Etxetik Iturrondora.

19:00 Areto Dantza Elkartearen saio parte-hartzailea, Iturrondoko karpan.

22:30 Akabu taldearen akustikoa, Unkina plazan.

Abenduak 3, astelehena 17:00 Ludotekarekin tailerrak 19:30 Euskaraldiari agurra, eta euskaraz berba egiteari ondo etorria.

Argazki erakustaldia.

Binke! azaroa 2018 17

Motorrak berotzen...

18 azaroa 2018 Binke!

Binke! azaroa 2018 19

Jon Azkueta Castro 1998, Usansolo Lehen Hezkuntzako gradua egiten ari da Jon Azkueta usansolotar gaztea, baina hori ez da eragozpen idazteko duen zaletasunari erantzukizunez eta mimo handiz ekiteko. Izan ere, honezkero hiru urte pasa dira berarentzat ez ezik, munduko irakurleentzat idaztea erabaki zuenetik. Batez ere Hego Ameriketan ezaguna den Wattpad deituriko aplikazio edo web orrialdearen bidez egiten du hori Azkuetak, bere istorioak gainerakoekin konpartitzen dituen bitartean, literatur lehiaketatan parte hartzeko aukera ere ematen baitio plataforma honek. Hainbat dira egun arte irabazi dituen sariak, baita lortutako jarraitzaileak ere, 750.000 irakurle izan baititu bere nobelarik arrakastatsuenak: «Huyendo del vicio. Tentados».

La era T Bere lehenengo nobela da eta «Ilusions Awards» sariketan obra irabazlea izan zen. Istripu baten ondorioz gurasoak eta Lucy ahizpa galtzen ditu Alex Lawson ikasle gazteak. Haren ustez, hilzorian zegoenean Tunel batean egon zen; ondorioz, eta leku hori ikertzeko asmoz, «T proiektua» hasten du. Ibilbide horretan zehar ez da osperik, laguntasunik eta maitasunik faltako, baina ez da dena hain ederra izango, laster agertuko baitira bere bizitza misterioz beteko dituzten mehatxu eta hilketak ere.

Huyendo del vicio.

Tentados Azkuetaren bigarren nobela da hau, arrakastatsuena eta bost sariren –haietan ospetsuena Los Wattys 2017 sariketa– irabazlea. Nobelaren bigarren zatia martxan jarri du dagoeneko. Leo eta Maria gazteak kasualitatez hasten dira Trespadejo deituriko herri txikian lanean. Maria bere iraganeko gehiegizko sexu-grinatik ihes egiten ahaleginduko da, baina kosta egingo zaio. Izan ere, denbora asko pasa beharko du Leonardorekin, neskalaguna izan arren, Mariaren lilurei uko egin ezinik ibiliko den gazte erakargarriarekin. Biziotik ihes egitea lortuko ote dute ala tentaldian eroriko dira?

20 azaroa 2018 Binke!

69 segundos para conquistarte Nobela berria da hirugarren hau, eta igandero igotzen du usansolotarrak beste kapitulu bat Wattpad plataformara.

Andres da nobelako protagonista. Rebeca auzokidea konkistatzen ahaleginduko da, ia elkar ezagutzen ez duten arren, neskatoak guztiz maitemindurik baitauka Andres. Rebecak egunero 21:05ak aldera hartzen du igogailua bigarren solairuan, hogeita bigarrenera heldu arte. Aukera bakarra dauka egunean Andresek, beraz, Rebeca konkistatzeko: egunero igogailuan pasatzen dituzten 69 segundoak. Lortuko al du protagonistak hainbeste desio duena?

Jon Azkuetaren nobelak ezagutu eta gozatu nahi izatekotan, hemen bere Wattpad helbidea:

wattpad.com/user/jonazkueta

Galtzontzilo estuak, barrabilen kalte

A

pur bat arakatzea nahikoa da azken hamarkadetan galtzontziloak erabiltzeak dakartzan ondorioez zenbat hitz egin den konturatzeko. Zehatzago esanda, galtzontziloen nolakotasunek osasunean zelan eragiten duten izan dute aztergai munduko hainbat ikerketa taldek. Asko dira azken urteetan plazaratu diren azterketak, baina ateratako ondorioetatik, bat da guztiek azpimarratzen dutena: arropa estuak erabiltzeak ugalkortasunari kalte egiten dio.

Tenperatura egokienaren bila. Biologia azkarra da oso, eta horregatik da gorputzaren osaketa den modukoa; denak du bere zergatia. Barrabilen kokapena ez da salbuespen: gorputzetik kanpo daude espermatozoide osasuntsuak sortzeko tenperatura baxuagoan —35°C inguru— egon behar dutelako. Are gehiago, tenperatura hori mantentze aldera, mugitu ere egiten dira. Horregatik hotz egiten duenean —ur hotzetan bainatzean, adibidez—, barrabilak uzkurtu egiten dira gorputzera gehiago hurbiltzeko, eta alderantziz, erlaxatu eta abdomenetik urrundu, bero gehiegi nabaritzean.

• Tenperaturak gora, ugalkortasunak behera. Esan bezala, beraz, barrabilek 35°C inguruan egon behar dute ahalik eta espermatozoide osasuntsuenak ekoizteko. Izan ere, orain arte egindako ikerketa askotan ondorioztatu dutenez, eskrotoko hipertermiak —barrabiletako tenperaturak gora egitea— eragin kaltegarriak ditu gizonezkoen ugalkortasunean. Espermatozoideak hobi batzuetan sortzen dira eta aipatutako tenperatura igoera horrek hobiak kaltetzean, espermaren kalitateak zein kantitateak behera egiten dute. Hipertermia horrek eragiten duen ondorio nabarienetako bat sei gizonetatik batek jasaten duen «varicocele» deituriko arazoa da. Eskroto aldean barizeak izatean datza, eta barize hauek berogailu efektu bat sortzean, barrabilak berotu egiten dira, ondorioz, ugalkortasunak behera eginez.

• Galtzontzilo estua: etsaietan handiena. Barrabiletako tenperaturak hainbat arrazoigatik egin dezake gora; esaterako, ordenagailua magalean denbora luzez izatea, bero iturrietatik hurbil lan egitea —galdaketan edo okindegietan, kasu— edo ordu luzez eserita lan egitea. Baina bada arrazoi bat, beste guztien gainetik, gizonezkoen ugalkortasunerako kaltegarria dena: galtzontzilo estuak erabiltzea. Izan ere, galtzontziloa gorputzera hain itsatsita egotean, berotasun gehiago ematen die barrabilei, eta tenperaturak, hortaz, gora egiten du, horrek dakartzan ondorioekin. Galtzontziloez gain, praka estuegiek eta transpiratzen uzten ez dutenek efektu bera sortzen dute.

• Zein da, orduan, konponbidea? Adituek diotenez, barrabilen berezko tenperaturara bueltatzea nahikoa da arazoari buelta emateko eta hortaz konponbidetzat hartzeko, hau da, espermatozoideen kalitatea berreskuratzeko.

Baina zelan? Bada, esan bezala, ugalkortasuna ez urritzeko, gehiegi estutzen ez duten kotoizko galtzontziloak janztea da aproposena. Ez dira zertan galtzontzilo zabal-zabalak izan, nahikoa da sintetikoak eta estuegiak ez badira.

Modu honetan, beraz, zure osasunaren alde ez ezik, akaso zure etorkizuneko plan naturalaren alde ere egingo duzu.

MANU ETXEBARRIA AYESTA

Euskeraz bizi

J

atorrizko Euskal Herrian, euskaldunak euskeraz jaio, hazi, hezi, bizi eta hilten ziran. Historiaren joanean, beste hizkuntza batzuk sartu jakuz gurean eta zapaldu egin deuskue neurri handi baten gure euskera. Baina, gu, herri preindoeuropeoa gara, eta lekudenboretako erasoaldiei aurre egiten jakin dogu, geure nortasuna galdu barik eta horretan daragoiogu gaur be. Euskerak eta euskal kulturak egiten gaitu euskaldun, baina oraindik asko falta jaku Euskal Herri osoa guztiz euskalduntzeko. Gaur egun, batzuk euskaldun jaio gara, beste batzuk euskaldundu egin jakuz eta falta diranak euskalduntzeko ahaleginak egiten gabilz. Euskalduntze bideko ekintzetariko bat Euskaraldia dogu, euskera biziari arnasaldi bat emoteko. «Euskaldun» berbea, «euskaradun» berbatik dator. Euskalduna, euskera dakiena da. Baina, jakitea ez da nahikoa, erabili egin behar dogu, bakoitzak bere neurri eta erara, danok euskalduntzeko. Halabiz!

Gauez egon arren ilun argia egunez egun euskerak eta euskal kulturak egiten gaitu euskaldun.

Itsasoan handi ura basoan ugari zura, euskaldun izan euskeraz bizi zainduaz euskal kultura.

Binke! azaroa 2018 21

UDALA

Biktima guztientzat egia, justizia eta konponbidea

AKABU

HEGO URIBEKO BERBALAGUNAK

ÂŤBakea eta bizikidetza lortzeko, beharrezkoa da indarkeriaren bidegabekeria aitortzea, egindako mina onartzea eta biktimak duintzea; izan ere, biktima guztiek merezi dute egia, justizia eta konponbidea lortzeko eskubideaÂť. Horixe dio Galdakaoko Udalak Memoriaren Egunaren harira sinatu eban akordioak, EAJ, EH Bildu, PSE eta PP alderdien aldeko bozekin.

Akabu, diska barriaren atarian

Berbalagun, aukerak eskaintzen

Azaroaren 16an diska barria aurkeztuko dau Akabu musika talde gazte eta galdakoztarrak, Gipuzkoa kaleko Zurrut tabernaren aurrean eskainiko daben kontzertuan.

Galdakaoko Berbalagunek 13. ikasturtea hasi dabe. Programak euskaraz bizi nahi daben horiei bizitza bere osotasunean euskaraz egiteko pausuak eskaintzen deutsie.

22 azaroa 2018 Binke!

EUSKALTEL EUSKADI

Bardintasun Jardunaldiak, bidean

AITZOL ZAMALLOA

Hilaren 26an eta 27an Bardintasunaren Jardunaldiak hamalaugarrenez antolatuko dira, «Emakumeok jokoan, kirolean berdintasuna sustatzeko proposamenak» izenburupean. Izena emoteko epea zabalik dago oraindik.

binke

Igor Anton txirrindulariak publikoki iragarri eban pelotoi profesionala itxiko ebala. Horregaitik, Txirrindulari Elkarteak eta Udalak omenaldia egingo deutse 17an udaletxean.

UDALA

Anton omenduko da azaroaren 17an

Badator XXVII. Musika Astea!

Musika Bizianek ez dau huts egin

Musika Astea badato 19tik 25era Torrezabalen eta Musika Eskolan. Estilo guztietako sei kontzertu guztira, lehenengo eta azkena doan; gainontzekoak 3€ren truke.

Urriko azken asteburuan ospatu zan estatu bako nazioen musika jaialdi bakarra Galdakaon, Andra Mari Dantza Taldearen eskutik, eta aurton be ez eban hutsik egin.

B!

Jarri hemen zure publizitatea publibinke@gmail.com 618 823 326 Binke! azaroa 2018 23

Gabonetan ere, erosi herrian Ainara

Bernart Etxepare 6.

Tel.: 650845848 Ainara Complementos @ainaracomplementos

Helbide berria!

Kilika

Santi Brouard 1.

Tel.: 946312392 /699426606 Kilika erropak

Emakumeen modako azken joerak, diseinu moderno eta estilo handiz!

2

6

5 5 1

4

4

1 3

3 2 1 DON ALGODON poltsa 48,95€

4 GUESS motxila 120€

1 SKUNK FUNK jaka 167€

4 ATXURI poltsa 95€

2 DON ALGODON zorroa 17,95€

5 DAY DREAM sudadera 56,95€

2 L.F. MARABOUTE fularra 45€

5 RINO&PELLE txanoa 29,95€

3 SUEÑA pultserak 25,90€

6 A&J lepokoa 39,90€

3 FREEMAN P. prakak 89,95€

Shia

Zamakoa 5.

Tel.: 944058495 Shia Galdakao

Ciclos Yurrebaso

6

Ganekogorta 16. Tel.: 944566574 info@ciclosyurrebaso.net www.ciclosyurrebaso.net

5

2

1

3

6 4

2

4

3

4

1

5

1 MARTINA K poltsa 54€

4 ALIBEY lepokoa 28€

1 ORBEA MX16 bizikleta 269€

2 ALIBEY eraztunak 22€

5 ALIBEY belarritakoak 15€

2 GIRO kaskoa 40€

5 Tinbrea 4,95€

3 SANTACANA eskularruak 19,90€

6 MARTINA K poltsa 76,50€

3 ME5 kaskoa 45€

6 SUPACAZ kirtenak 22€

24 azaroa 2018 Binke!

4 GIRO eskularruak 24,95€

Gabonak ate joka daukaguz, eta horregaz batera opariak egin beharra (edo egin gurea!).

Horretarako, herrian badaukaguz hamaika denda, eta katalogo honetan aurkituko dozuz gure herriko dendek proposatutako hainbat ideia!

Kil-Kir

Urki 4 (izkina Zamakoarekin) Tel.: 946008539

Boltso eta motxila gehienetan %10eko deskontua!

Koba

Zamakoa 2.

Tel.: 944562801 Koba @koba_galdakao

5

1

1

6 2

4

2 4

6

3 3

5

1 GORÉTT motxila 26,75€

4 LIBERTO motxila 43,50€

1 SCOTCH&SODA plumia 275,95€

2 ANEKKE poltsa 45,95€

5 Indiako zorroak 17,95€

2 SC.&SODA sudadera 89,95€

5 CRAIE poltsa 189€

3 TORRENTS poltsa 40,25€

6 Zilarrezko lepoko eta

3 SC.&SODA prakak 99,95€

6 M BOHO betaurrekoak 55€

Optika Arteaga

pultserak 21-23€

Santi Brouard 1.

Tel.: 946076057 Zure begien osasuna zaintzen dugu. Zu zaintzen zaitugu.

4 UGG botak 189€

Zuluaga Eguzkilore

Juan Bautista Uriarte 49.

Tel.: 946008509 Eguzkilore Joya @eguzkilore1

www.joyeriazuluaga.com

3 1

4

2

1 EGUZKILORE lepokoak 2 EGUZKILORE belarritako

perladunak

3 Eskuz egindako pieza

bereziak

4 SWAROVSKI lepokoa.

Binke! azaroa 2018 25

Usansolo – Lekubaso - Isasi Goikoa- Usansolo

U

sansolo eta Bedia arteko ibilbide zirkularra aurkezten dizuegu. Basoz beteriko bide honetan ohikoa da lokatza aurkitzea, baina merezi du zikintzeak. Usansolotik Lekubasorantz abiatuko gara ibilbidea hasteko. Lehenengo zubie zeharkatuta (Belukoa), ezkerreko bide berria hartuko dugu (1). Goranzko bidea hartuta Bediako Igertugane auzoan gaude. Bi aldetatik hesia duen bidea eginda, aurrera segi. Hurrengo bidegurutzean aurrera, lurrezko bidea jarraitu aldapan gora. Seata baserrira heldu baino lehen, eskumako bidea hartu eta jarraian ezkerrera (2). Jeitsiera aldapatsua dago, pista zabal batera heldu arte (3). 50 bat metrotara pista zabala utziz aurrera jarraitu (4). Pista zabal batera irtenda, eskumara segi, Lekubaso erreka zeharkatu, errepidera heldu eta jarraitu.

Isisi auzoko etxeak pasatu eta ezkerrerantz (5).Pista nagusitik gora Isasi Goiko dorretxera helduko gara (6). Hortik Akutiora eta gero Arteta bidera irtengo gara (7). Handik lasterrera abiapuntuan gaude berriro.

LUZERA 10 km.

DENBORA 2 ordu 15' Desnibela 53 m/279 m.

ZAILTASUNA Ertaina

7

1 1 Arteta bidean, aldapan behera joan.

7 Errepide honetatik Pertxin auzora helduko gara.

6 6

Isasi Goiko dorretxea 2

5 Isasi Goiko dorretxea, XVI.mendekoa.

Bidegurutzean eskumara aldapan behera, gero ezkerrera belarrezko pistatik.

5

2 4

3

Bihurgune honetan mendi pista hartu.

3 4

26 azaroa 2018 Binke!

Lekubasoko urtegia inguratzen hasiko gara, beti eskuman ikusiz.

Bidegurutze honetan ezkerreko pista zabala jarraitu.

Juan Sebastian Elcano, nor?

Zer dakar Teresak?

I

kus-entzunezko laburmetraien lehiaketak ekarri ditut oraingoan, parte hartu nahi dutenentzat eta publiko moduan joan nahi dutenentzat. Mota honetako festibalei ez zaie agian behar besteko publizitaterik egiten, baina kulturaz beteta egoteaz gain asko ikasten da hauekin!

Ikus-entzunezko laburmetraien lehiaketak Kameratoia

G

aldakaoko kale eta zeharkale banak bere izena du: Juan Sebastian Elcano (Getaria, 1476 - Ozeano Barea, 1926). Baina historian askorik ikasi ez dutenek ala gaztetxoenek agian ez dute jakingo nor zen Elcano delako hura. Bada, munduari bira eman zion lehen pertsonetariko bat izan zen. Eta zelan ez, euskalduna.

«Lehenengoetako» bat diogu, bere espedizioan hainbat izan zirelako berarekin joan zirenak, nahiz eta berari eman zaion historian zehar protagonismorik handiena, Vasco Da Gama eta Colonen ostetik. Horrela ba, 1921eko apirilaren 27tik aurrera bera izan zen munduari bira lehenengoz emango zion espedizioko azken txanpa gidatu zuena. Getariarra zenez sortzez, bere omenezko estatua handia dago bere herrian. Gurean, ordea, kalea eta zeharkalea ditugu.

lekeition egiten da eta aurten urriko lehenengo astean egin dute. Lehiaketa honek duen berezitasuna da 24 ordu dugula grabatzeko eta muntatzeko. Gaia egun horretan bertan ematen dute eta laburmetraian agertu behar diren kokalekuak eta produktuak, adibidez, Lekeitioko portua agertzea eta Euskaraldiko pegatina agertzea izan daitezke.

Invisible Express Lehiaketa hau Bilbon egiten da, urriko azken astean.

Alde batetik, EHUko ikasleentzat gai jakin bat jartzen dute, aurtengoa «jarrera konplizea» izan da eta aste bat daukagu proiektua sortzeko. Bestetik, aparteko dokumentalak daude, gai desberdinak lantzen dituztenak. Irabazleak Azkuna Zentroan proiektatzen dira.

Zinebi Express Hau Bilboko film labur azkarren lehiaketa da eta Kameratoiaren antzera 48 ordu ditugu proiektua aurrera eramateko. Aurten azaroko lehengo astean ospatu da, Bilboko Campos Elíseos antzokian.

Beldur barik Lehiaketa honek 9. edizioa antolatu du eta honen xedea emakumeok jasaten ditugun bereizketa-egoerei aurre egitea da eta indarkeria horri jarrera kritiko, urratzaile eta positibo batetik aurre egitea ere.

Binke! azaroa 2018 27

Antzerkia Azaroak 16, barikua Zanguango Teatro

Esto no me lo esperaba Ordua: 21:00 Sarrerak: 8,00€/6,00€

Azaroak 17, zapatua Elirale

Oa Huetak Ordua: 17:00 eta 18:30 Sarrerak: 6,00€/4,00€

Azaroak 30, barikua D’Click

Isla (TP) Ordua: 20:30 Sarrerak: 8,00€/6,00€

Kontzertuak Azaroaren 19tik 25era

Galdakaoko XXVII. Musika Astea Musika Eskolan eta Torrezabal Kultur Etxean

Liburuen aurkezpenak Azaroak 20, martitzena «Sieta cuerdas» Francisco Panera

19:00 Torrezan Kultur Etxeko Haur Liburutegian

Abenduak 18, martitzena «Mundimagina» Diego Lopez Ruiz

19:00 Torrezan Kultur Etxeko Haur Liburutegian

Hitzaldiak Azaroak 20 eta 27 (martitzenak)

Familia eta Generoari buruzko hitzaldiak Karmele Zabala eta Patricia Verdesen eskutik 17:00-18:30 Gandasegi Adinekoen Dinamizazio Zerbitzua

Tailerrak Azaroak 22 eta 29 (eguenak)

«Sexualidad femenina-sabiduria de mujer»

Jardunaldiak Oihana Ipuin-kontalaria 18:00-19:00 Azaroak 20, martitzena, Torrezabaleko Haur Liburutegian Azaroak 21, eguaztena, Usansoloko Liburutegian Azaroak 22, eguena, Aperribaiko Liburutegian

gaiari buruzko tailerra Maite Aparicioren eskutik 19:00 Torrezabal Kultur Etxea Erabide emakume elkartea

Erakusketak Azaroaren 30era arte (astelehenetik barikura)

Azaroak 16-18 Pintxo Lanperna txapelketa Galdakao Mikologikoak. Pintxoak dastatzeko ordutegia: Azaroak 16, barikua, 19:00-23:00 Azaroak 17, zapatua, 12:30-15:30 eta 19:00-23:00 Azaroak 18, domeka, 12:30-15:30

Irakurle taldea Azaroak 26, astelehena «Antzararen bidea» liburua

Jokin Muñoz

18:30 Topa tabernan 28 azaroa 2018 Binke!

Ertibil Bizkaia 2018 Ikusarteen XXXVI. Erakusketa Ibiltaria 17:30-20:30 Torrezabal Kultur Etxea

Usansoloko Ander Deunaren Jaiak Azaroak 30etik abenduak 2ra arte

Azaroak 23 - Abenduak 3

Euskaraldia!

Ikus egitaraua 17. orrialdean

Kirola Usansoloko krosa Abenduak 8, zapatua

Argitaratzailea: AITU elkartea Koordinazioa: Jon Gomez Garai Erredakzioa: Ixone Muñiz Arana eta Jon Gomez Garai Diseinua eta maketazioa: Artefakto Argazkilariak: Gotzon Almaraz, Ander Arrieta, Inocencio Goikuria, Julio Legarretaetxebarria, Jabi Rojo Ilustrazioak: Irrimarra Inprenta: BEPSA Banaketa: Egunon Lantegi Batuak eta Correos Hileko ale kopurua: 14.000 Lege Gordailua: BI-41-2016 ISNN: 2444-9385 Binke aldizkariak ez du bere gain hartzen aldizkarian adierazitako iritzi edota esanen erantzunkizunik Helbide orokorra: infobinke@gmail.com Publizitatea: publibinke@gmail.com

10:00 Eskolarteko krosa

Abenduak 9, domeka 10:00 Ander Deunaren krosa LXIV. Edizioa

Mendia Azaroak 18, domeka Cubilla de la Sierra – Mancubo (1.184 m.) – Flor (1.338 m.) – Umion (14.37 m.) – Orbañanos Ganguren MT

Azaroak 19-25 Burtotza Mendi Taldearen XVI. mendi astea

Abenduak 2, domeka IV. Etapa Galdakao – Donostia – Arrasate – Klabelinaitz (686 m.) – Udana Ganguren MT

Abenduak 16, barikua Turroi eguna Ganguren MT

Abenduak 9, domeka Adarra (819 m.)

Burtotza MT Binke! azaroa 2018 29

Nor agertzen da famili erretratuan?

Eta nor ez?

Zein ordenetan jantzi da Kaxilda?

Kalkulatu!

30 iraila 2018 Binke!

Zer darama Mikelek maletan?

Eta zer ez?

Seinaleak jarraituz, garraio bakoitzaren bidea asmatu.

Nola iritsiko da lehenago?

Hobeto ezagutu nahi zaitut!

Marraztu zure familia.

Binke! iraila 2018 31