BINKE 014 Martxoa 2017

14. zenbakia • 2017ko martxoa

PATri ESPinAr PILOTARIA

«Gizonek erakutsi behar dutenaren bikoitza erakutsi behar dugu geuk»

Patri Espinar Pilotaria

«Aspek eta Asegarcek gu egingo balute, askoz hob TESTUA: JON GOMEZ GARAI Argazkiak: JABI ROJO

Z

er da profesional izatea? Egiten duzun horretatik bizitzea? Ala zure bizitza guztia horretara eskaintzea? Bigarrenez jarraian pilota mundua dugu protagonista. Baina errealitate eta ikuspuntu guztiz desberdinetik begiratuta, Patri Espinar pilotari usansolotarra pilotaz bizi ez bada ere, pilotari eskaintzen baitio bere bizia. Ezin du «profesionala» izan, emakume izate hutsagatik.

Zergatik zara notizia? Gizartearentzat emakume esku pilotariok orain hasi garelako existitzen Emakume Cup Txapelketa sortu zenetik eta Larrabetzuko Txokoan Elkartea —emakumeen lehenengo eskuzko elkartea— sortu zenetik. Notizia gara, hein handi batean, Iker Amarika larrabetzuarrak eman digun oihartzunari esker.

Noiz utziko dio emakumeak, emakume izate hutsagatik, albiste izateari? Dena normalizatzen denean. Berdintasuna jendartean lortzen dugunean, eta horri lotutako kiroletan, noski. Desorekak, diskriminazioak eta ezberdintasunak existitzen jarraitzen duen bitartean ezinezkoa izango da normaltasuna eta berdintasuna aurkitzea gizartean eta kirolean.

Iazko apirilean, Ainhoa Alvarez eta Alazne Gomez Athleticeko jokalariek esan ziguten «partida garrantzitsuak ez badira, Lezamako zelaia betetzea ere ez dutela lortzen». Identifikatuta sentitzen zara? Bai, askotan gertatzen da emakumeen kirolean eta kirol txikietan. Hala ere, Athleticen egoera ezin da konparatu beste ekipoekin eta beste kirolekin. Ekipo pribilejiatuan daude emakumeen beste kirolekin alderatuta —tenisa, eskubaloia eta besteren bat izan ezik—.

Athleticeko neskek ez dute gauza bera esaten ba… Emakumeen kirola ezezaguna denez ez ditu jende masak mugitzen normalean. Hala ere, ez dut uste Athleticen kasua larriena denik, kontrakoa. Nik Lezaman publiko dezente ikusi izan dut beti, eta Athleticen bigarren mailan jokatu nuen hasierako urteetan.

Hara! Hortxe beste notizia bat! Bai, eta horregatik diot… baliabide material, instalazio eta entrenamenduen antolaketa aldetik oso egoera pribilegiatuan geundela uste dut, emakumezkoen kirol gehiengoarekin konparatuz.

2 martxoa 2017 Binke!

Eskupilotara bueltatu zarenetik, ordea? Azken aldian ezin kexatu. Frontoiak bete ditugu askotan: Bilbon, Donostian, Galdakaon, Azpeitian, Arantzan… frontoiak gainezka ikusi ditut.

Palan, ordea, ez zitzaigun hori gertatzen, senideak eta pilotariak baino ez ziren gerturatzen. Iker Amarika falta zitzaigun bultzada emateko! (barreka) Frontoiak betetzeaz ari garela… Zornotzako Zelaieta pilotalekuak gainezka egin zuen Emakume Master Cup-aren finalean! Bai, aforoa beteta eta jendea kanpoan gelditu zen.

Iaz Larrabetzu ere bete-beteta zegoen. Eskuz nabilenetik frontoiak beteta ikusten ditugu. Neurri honetako txapelketetan edo festetako jaietan jokatzen dugunean bereziki. Baina palaren eta zesta-puntaren errealitatea beste bat da, askoz okerragoa.

Emakumezkoen eskupilota modan jartzen ari da, beraz?

Modan dago telebistan, prentsan, irratian eta sare sozialetan agertzen den dena, horrela hartzen du indarra modan jartzen den gauza orok. Orain hasi gara komunikabideetan agertzen eta lur azpitik ateratzen. Hasi gara existitzen.

Baina ez zarete pilotan orain jokatzen hasi… Agian eman dezake orain hasi garela neskok pilotan jokatzen, baina bizitza osoan aritu gara. Eta kontu hau moda iraungikor batean ez gelditzea espero dut.

Argi dago gero eta jende gehiago doala zuen partidak ikustera. Berdintasunaren aldeko kontzientzia dutelako ala benetan ikuskizun ederra egiten duzuelako? Esango nuke gauza biak direla. Alde batetik, gizartea kontzientzia hartzen ari da, gero eta gizarte feministagoa osatzen ari garelako, zorionez. Jendea gu ikustera joaten da berdintasunaren aldeko kontzientzia piztu zaiolako eta berdintasuna nahi duelako.

Guk bultzada hori behar dugu gainera. Eta bestetik, jendeak ondo jokatzeko gai garela ikusten duela pentsatu gura dut, eta hori ia ez dugula eskuz entrenatzen! Imajinatu Aspek edo Asegarcek gure aldeko apustua egingo balu. Askoz hobeak izango ginateke fisikoki, teknikoki eta beste zentzu askotan ere!

Inpaktuko kiroletan beti gizonek egiten dutenarekin alderatzen da zuena, eta indarra izaten da arrazoi nagusi.

Indarra al da ikuskizuna bermatzeko faktore bakarra?

Beti dago joera bera: gizonak eta emakumeak konparatzea.

Baina kontutan hartu behar dugu oso gorputz ezberdinak ditugula emakume eta gizonek, fisiologia kontuetan oso ezberdinak gara. Gizonek gihar masa handiagoa dute, ondorioz

re aldeko apustua eak izango ginatekeÂť

Patri Espinar Labian 1985, Usansolo Kirol eta Jarduera Fisikoan Lizentziatua, Mendi Ertaineko gidaria, piraguismo, mendi eta eskaladako Lehenengo Mailako kirol teknikaria eta aisialdiko monitorea da Patri. Besteak beste, 2005. urtean Argentinan Munduko Txapelduna izan zen pala jokamoldean, Espainiako txapeldun bi bider, Kutxa Elite Txapelketetako azpitxapelduna trinketean eta ezker horman, Bizkaiko txapelduna‌ Gaur egun emakumeen Elite Mailan ari da eta Euskal Herriko selekzioko pilotaria da Espinar.

Binke! martxoa 2017 3

indar eta potentzia gehiago. Emakumeok aldiz, koipe masa gehiago dugu eta malguagoak gara. Orduan giharrak elastikoagoak ditugu baina finagoak eta ez hain indartsuak…

Beraz, zein ekarpen egiten diozue kirol honi? Gaitasun fisiko desberdinak ditugu eta hori gure jokoan islatzen da. Ezberdin jokatzen dugu: ez dugu hain indartsu jotzen, ez gara hain azkar mugitzen eta ez dugu hainbesteko potentziarik, baina joko polita egin dezakegu nahiz eta hain gogor ez jo.

Pilota alde batetik bestera mugitzen dugu, eta teknikoki zein taktikoki oso onak izan gaitezke!

Zuk aldiz, 17 urtera arte pilota gogorrarekin jokatzen zenuen, gizonezkoek jokatzen dutenarekin. Bai, Usansolon mutilekin batera hasi nintzen eskuz, nire ustez pilotari bat gehiago nintzen elkartean, besteek bezala entrenatzen nuen: pilota gogorrekin eta takoekin. Pilotari bat gehiago nintzen eta eskuetatik nahiko ondo ibiltzen nintzen, erresistentziaz, indarraz, abiaduraz, teknikaz ere ondo aritzen nintzen haur eta kimu kategorietan…

Zer esan «marimutil» deitzen zaituen bati?

«Inoiz ez nau berba horrek mindu. Gainera onartzen dut beti gustuko izan ditudala mutilen rolekin lotutako kontuak, ekintzak, kirolak… edo gehien bat mutilek praktikatzen dituztenak. Arazoa da ez litzatekela mutilena den kirolik egon beharko, batzuentzako edo beste batzuentzako jostailuak egiten dituen sistema egon beharko ez litzatekeen moduan.

Zantzu sexistak dituen gizarte gaixo baten ondorio baino ez da «marimutil» deitzen nauen pertsona»

…Hortik aurrera? Kadeteetan batzuk nabarmentzen hasi ziren, ni ez ordea… Eta gazteetan aldea nabarmena zen: mutilen gaitasunak asko hazi ziren, indarra eta kolpea bereziki, eta nire indarra eta kolpea bertan gelditu ziren.

Zu ere gustura aritzen zara gizonezkoekin lehian? Bai horixe! Urte askotan ez dut topatu nire maila zuen neskarik. Mutil horiek pilotariak badira, beraien aurka aritzea oso gustuko dut, %100 eman behar dudalako hauei aurre egiteko: ehuneko ehuna fisikoki, teknikoki, mentalki… Horrelako erronkak faltan ditut egia esan, dena eman behar izana irabazteko edo lehia polit bat izateko. Ez dut gozatzen erraz irabazten dudanean.

Nahiago dut sufritu eta dena eman, nahiz eta galdu edo irabazi, nahiz eta herriko frontoian «pike» inprobisatu bat den.

Benetan gozatzen dut dena ematen dudanean eta irabaztea oso zaila dudanean.

Norekin izan duzu horrela gozatzeko aukerarik? Iñaki Iza txikitatik ezagutzen dut eta sarritan egin izan dut berarekin frontoian topo. Bere bikote zen Mikel Etxebarria Campos ere oso presente dut. Eta Beobide pilotari profesional ohiaren aurka aritutako partida… ene! Zelako egurra eman zidan! (barreka) Usansoloko orduko bikote onenarekin asko gozatzen nuen: Bikarregi eta Uriarte! Beste batzuekin aldiz ez naiz hainbestean aritu, baina gogoan dut pilotalekuan ikusten nituela Castillo — gaur egun futbolari—, Ibai Zabala, Galartza, Iker Amarika…

Goxotasunez gogoratzen dituzu izenok… Bai, ikusten ditudanean beti gelditzen naiz eurekin berba egiten. Asko miresten ditut. Guzti horien artean ezin aipatu gabe utzi nire entrenatzaile izan zena: Roberto Arauzo. Asko zor diot Robertori, nigan sinistu izan duelako beti.

Kirol kontuetan, zer du emakumeak gizonak ez duena?

Sakrifikatzeko gaitasun anonimoa. Anonimatuan bizi gara eta mutilek erakutsi behar dutenaren bikoitza demostratu behar izan dugulako beti. Kemena eta ahaleginak egiteko gaitasun ikaragarria dugu kirolarekin, gozatze hutsaren truke. Guk pilotan jokatzen dugu benetan gustuko dugulako, benetako pasioa eta afizioa dugulako.

Ez duzue profesional izatean pentsatzen? Ez dugu pentsatzen hortaz bizitzera iritsiko garenik, mutilek ordea aukera hori dute, profesionalak izatea. Guk ez. Guk kirol horrenganako maitasun erromantikoa mantentzen dugu oraindik. Gauza guztien gainetik, gizartearen gainetik, kirol hori praktikatzeko desioa dugu eta egiten dugu, dedikazio handia eginez eta… inongo txalorik jaso gabe edo meriturik gabe.

Une gogorrak bizi zenituen horregatik? Nire buru eta gorputzarekin pilo bat borrokatu nuen baina ezinezkoa zen mutilekin aritzea eta pilota pisutsu eta gogor horiekin jokatzea, gehiegizkoa zen niretzako; pisu gehiegi zuten pilotek. Gazteetan jada, airez eskua beldurrez sartzen nuen... Pena handiz eta etsita utzi nuen eskupilota. Gaur egun neskok pilota goxoarekin jokatzeko aukera dugu. Honek erraztu egin du emakume gehiago jokamoldera gerturatzea.

Horrela aritzeak badu meritua ba! Baietz esango nuke. Nik garai batzuetan kirolari profesional baten bizimodua izan dut: futbolean eta palan, astean laupabost entrenamendu saio, fisikoki zaindu beharra, txapelketak han-hemenka, kilometro pila, doping frogak... txapelketak irabazi, onenetarikoa izan zure jokamoldean, eta inongo onarpenik ez jaso… Eta hala ere egiten jarraitzen dugu gauza guztien gainetik.

Badakizu aurreko zenbakian Mikel Larunbek frontoian emakume batekin aritu zen norgehiagoka oso gogoan duela esan ziguna? Bai! Irakurri nuen bai bere lehenengo partida neska batekin egin zuela. Hori irakurtzea asko gustatu zitzaidan! Keinu polita gure existentziari! (irribarretsu)

Askok jakin ere ez du egingo munduko pilotaririk onenak euskaldunak direla… Hala da. Ez dugu ahaztu behar munduko pilotaririk onenak bertakoak direla: Maider Mendizabal, Maite Ruiz de Larramendi, Maritxu eta Amaia Etxeleku…

Kirol mota honetako emakume jokalari anonimoak «makina»

4 martxoa 2017 Binke!

ELKARRIZKETA Patri Espinar Eta beraz, zer egin duzu edo nola zaude orain? Ez dakit zer dudan, hilabete pasatxo pasa da eta lesionatuta jarraitzen dut.

Buruko mina izaten dut, eskuak lokartzen zaizkit, mareoak...

Ez du itxura onik. Hasieran trapezioko fibra haustura izan zitekeela esan zidaten, baina inongo frogarik egin gabe, ez dakit.

Hernia diskala ez izatea espero eta sendatzea fibra haustura baldin bada… bestela akabo nire kirol karrera, beste behin.

Eta hala ere, horrela egonda, txapelketako antolatzaileek esan digute lan handia egiten duzula proiektu honen alde. Beti saiatzen naiz emakumeen kirola bultzatzen, kirolagatik dudan maitasunagatik eta nik bizi izan nuena datozen neska gaztetxoek bizi ez dezaten. Asko militatzen dut emakumeen kirolaren alde, Emakume Kirolarien Taldean ere banago, militantzia horrek bere fruituak izan ditzan.

Ez dut gozatzen erraz irabazten dudanean, nahiago dut sufritu Munduko emakume pilotari onenak euskaldunak dira, eta ez ditu inork ezagutzen hutsak dira, «super woman»-ak. Baina jendeak ez ditu ezagutzen eta mundialak ez dira telebistan agertzen, ezin dut ulertu.

Noiz utziko diogu emakume bati bere eskubideez eta genero kontuetaz galdetzeari? Berdintasunean oinarritutako gizarte parekidea lortzen dugunean.

Iazko Emakume Cup txapelketan txapeldun izan zinen Irati Etxebarriarekin batera, baina Laboral Kutxa Master Cup-ean ez duzu aukera hori izan... Ez, eta pena handiz gainera. Txapelketan debutatu behar nuen astean, eskaladako entrenamendua egiten «petardazo» handi bat jasan nuen bizkarrezurrean. Ez zen ohiko uzkurdura bat izan, min benetan handia baizik eta mugikortasuna galdu nuen dortsaletatik zerbikalak arte. Gainera inguru horretan, pixka bat beherago, hernia diskala dugu eta beldurtu egin nintzen. Donostiako Quironera joan nintzen eskaladako aseguruarekin eta bertako traumatologoak lotsagarri tratatu ninduen.

Zergatik? Hori ere emakume kirolariok jasan beharreko diskriminazioa da. Ez zidan inongo frogarik egin eta inozoa izango banintz bezala tratatu ninduen… Ia negarrez irten nintzen handik.

Ziurgabetasun handia nuen, ez nekien zer nuen eta ez nekien jokatu ala ez, ez nekielako zenbateko larritasuna zuen lesio hark...

Master Cup-ean adibidez, esatari lanetan aritu zinen zuzenean! Antolatzaileak eskatu zidan esatari lanak egiteko eta baietza eman nion. Horrelako lanek ere nire lesioa hobeto eramaten laguntzen naute, oso txarto pasatzen dudalako lesionatuta nagoen garaietan. Eta aukera hori ematea eskertzekoa da.

Zelako esperientzia izan zen? Lehenengo aldia zen lan hori egiten nuena, baina gustura egon nintzen! Beste ikaskuntza berri bat nire bizitzarako. Hori bai, txikitan ez nuen euskaraz hitz egiten eta batzuetan kostatzen zitzaidan euskara egokian ikusten ari nintzena kontatzea. Hala ere, ahalik eta hoberen egiten saiatu nintzen. Ez dakit ondo edo gaizki egin nuen, baina giroa aparta izan zen eta horrek balio du niretzat!

Non ikusiko zaitugu hemendik hilabete edo urte batzuetara? Galdera zaila, bizkarraren arabera. Soinketako irakasle izango naiz eta pilota alboratuta izango dut, akaso.

Baina non gustatuko litzaizuke zure burua ikustea? Gustatu, gustatu… zer esan! Aspek edo Asegarcek emakumeen atala sortzea gustatuko litzaidake eta, gizonezkoek bezala, jaialdi profesionalak jokatzea. Eta zergatik ez, hortik bizi ahal izatea. Baina nire buruarekin zintzoa izanda, hori ez dut oso erreal ikusten oraindik. Apustua egin behar dute enpresa bi handi horiek eta erakunde publikoek, diruz lagunduta.

Zure burua ikusteaz ari garela, Usansolotik askorik ez zaitugu ikusten azken aldian. Non sartu zara ba! Hernanin bizi naiz orain zortzi bat urte eta Usansolora gutxitan joaten naiz. Nahi baino gutxiago. Hala ere, maitasun handia diot herriari eta nire sustraiak han sortu ziren. Oso harro esaten dut Usansolokoa naizela. Galdakaora berriz aurten sarriagotan joaten naiz, familia han bizi delako eta Gueñesko Bizkai Park Abenturan lanean ari naizelako asteburuetan.

Baina Usansoloko frontoiari esker ez balitz... Ez da lehenengo aldia hauxe diodana: frontoi berezi bat aipatu beharko banu, Usansoloko plazako frontoia aipatuko nuke beti. Nire etxe ondokoa. Bertan, kiroldegiko frontoian eta Bekeako frontoian ordu pila sartu nituen txikitan eta oso toki bereziak dira niretzako.

Binke! martxoa 2017 5

ETAren armagabetzea apirilaren 8rako iragarri da Frantziako Le Monde egunkarian «bakearen artisau» izendatu duten Txetx Etcheverryk argitaratu zuenez, apirilaren 8rako ETAren armagabetze zibila dago adostuta. Arnaldo Otegik berehala esan zuen «erabateko sinisgarritasuna» ematen ziola albisteari. Urkullu lehendakariak «baldintzak bete direla» dio.

Lurrikara batek Iruñerria astindu zuen hilaren 10ean Indar handiko lurrikara sentitu zuten martxoaren 10ean Iruñerriko biztanleek. Olabe herrian izan zuen epizentroa, baina Gipuzkoako eta Lapurdiko hainbat tokitan ere nabaritu zuten, Berria egunkariaren arabera. Dardarak ez zuen zauriturik eta kalte materialik eragin. Espainiako Sismografia Institutuaren arabera, Richter eskalan 4,4 gradukoa izan zen.

Zigarro bat erretzeagatik pertsona bat hil da Zestoan

%58

Martxoaren 19an galdeketak antolatu zituen Gu re Esku Dagok 35 herritan. Denak Gi puzkoan izan ziren , eta bat Bizkaian, La rrabetzun. Bertako parte-hartzea %5 8koa izan zen eta horien %94,23k eu skal estatu burujabe baten ald eko boza eman zuen.

Sarean arrantzatua Athletic Clubek Real Madril futbol taldearen aurka jokatu zuen martxoaren 18an San Mamesen eta Ertzaintzak estadiora sartzeko asmoa zuen Ultra Sur talde bat atzeman zuen Deustun eta Basaurira eraman.

Zestoako adinekoen egoitza batean gertatu zen ohikoa ez den ezbeharra. Gizon bat terrazara irten zen zigarro bat erretzera, lo gelditu omen zen eta zigarroak bere arropa erre zuen. Heriotza ikertzen ari da Ertzaintza, ez baitakite suagatik hil zen 56 urteko gizona edo kearen intoxikazioak eraginda.

«Inmigrazioa pribilegio bat da, ez eskubidea.

Ez dago horren zalantzarik» DONALD TRUMP ameriketako estatu batuetako presidentea

Txiste txarra Zer esaten du E.T.-k limoia jaterakoan?

Mikaaatzaaa Elebitasunak alzheimerra bezalako gaixotasunak atzeratu ditzakela, Cita Alzheimer taldeak oraintsu egindako ikerketaren arabera?

6 martxoa 2017 Binke!

Errusiak Turkian zuen enbaxadorea zen Andrei Karlov eta arte galeria batean hitzaldia ematen ari zela hil zuen argazkiko gizonak. Irudia Burhan Ozbilici fotokazetariak izoztu zuen. Lan horregatik aurtengo World Press Photo saria irabazi du. ARGAZKIA: Burhan Ozbilici, Associated Press.

PuBLIERREPORTAJEA

kOALA rOTULACiÓn

«Guggenheim museoan binilo bat jartzen lehenak izan ginen»

Urteurrenean murgilduta dago koala rotulación 2017. honetan. gaztelanian esan ohi den legez, «neskatila politaren» adina betetzen ari dira taldea osatzen dutenak: 15 urte.

H

amabost urte ari da Koala Rotulación, Euskadi eta munduaren zati handi bat euren diseinu, binilo, errotulazio, margo eta amaigabeak dituzten elementu grafikoekin betetzen.

Urte guzti hauetan 40 futbol zelai beste estaltzeko errotulazio egin dituzte, egin kontu!

Eurekin aritu da Binke tartetxo batez eta, bere bi kideen konpainian, Juanjo Pedrerok errotulatzaile gremioaren inguruko bitxikeria batzuk kontatu dizkigu; Pedrerok berak dioen bezala, «orain edonork dakielako zer den binilo bat, baina orain urte batzuk espazioak pertsonalizatzearen kontua ez zen hain ezaguna».

Taldea bera, Koala izenez, 2002. urtean jaio zen, «baina hiru bazkideek hainbat urte generamatzan mundu honetan», argitzen du Juanjok.

Donato Alonso, aski ezaguna Galdakaon, margoaren aditua da: «Fabrika oso bat ondo margotzeko kapaz da zu konturatu orduko!». Vicente Juncal berriz, erdi uruguaitar erdi basauriarra, «edozein organizaziok nahiko lukeen komertziala da», dio Pedrerok bere bazkideez aritzeko, «Vicentek izugarrizko energia eta pasioa jartzen dio bere lanari!».

Dena ez zen bere kideez berba egitea izango, eta Juanjoren inguruan izan

zuten hitzik bere bi kideek. «Bera da arlo teknikoa daramana, berari esker prozesu guztiek hasiera eta amaiera bikaina dute», dio Vicentek, eta Donatok gaine-

JULIO LEGARRETAETXEBARRIA

ratu irribarretsu: «Horregatik darama berak antolakuntzaren lidergoa!».

Ez da edozelako taldea Koala Rotulación. «Lehenengoak izan ginen Guggenheim Bilbao museoan biniloa jartzen adibidez», eta mota guztietako ibilgailuak errotulatzen dituzte urtero. Hasi autoetatik eta autobus, tren baita hegazkinetan amaituta ere! «Gremio honek askorako» ematen duela diote hiru kideek.

«Behin, gogoan dut mesiasen izenean zetorren tipo batentzako pegatinak egin genituenean, hark bere jarraitzaileen artean banatu ditzan… hura bai tipo xelebrea!», dio barreka Juanjok.

Serio jarrita berriz, nostalgia puntu batekin diote denbora oso azkar ari dela pasatzen: «Lehen eskuz errotulatzen genituen fatxadak; orain berriz, ordenagailu edo tablet batean diseinatu eta uste baino lehenago jarrita izango duzu». Baina garai berrietara ezin hobeto egokitzen ari direla nabarmendu dute hirurek, «eta orain gero eta kide gehiago gara eta horrek eraginkortasuna ematen digu», eta ondorioztatu: «gure 1.000 metro koadro baino gehiagoko instalazioetan era guztietako makinak ditugu, burutik pasatzen zaizun edozer egin ahal izateko!».

Binke! martxoa 2017 7 www.koalarotulacion.com

Aplikazio gastronomikoak ezagutzen dituzu?

Izan Kanporamartxo moduko irteera bat dagoelako, edo txoko batean jatordu bat prestatu gura duzulako lagunartean, jatetxe on batean erreserba egin‌ ala ez zara sukaldaritza kontuetan abila, eta zuk gurago duzu etxeko sofatik menu goxo bat eskatu? Denentzako aukerak eskaintzen ditu gure sakelekoak!

Errezetak egiteko EVErnOTE FOOD Egin ditugun errezetarik gustuko edo goxoenak, zergatik ez gainontzekoekin partekatu?

Ala guk ere beste erabiltzaile batzuen ideiak kopiatu gura baditugu, non egin? Horretarako sortu zen Evernote Food aplikazio sonatua.

ELLE gOUrMET APP honekin errezetarik berezi eta egokienekin asmatuko duzu, dena delako momentua izanda ere, arrakasta izateko 5.000 gomendio baino gehiago baititu. Sarrerako originaletatik hasi eta azkenburuko goxoenak aurkituko dituzu!

CAnAL COCinA Programa honek berezitasun bat dauka, gainontzekoetan moduan errezetak deskubritzeko erreminta bikaina izateaz gain, honetan bideoak ere ikusi ahal izango dituzulako, eta zure bideo propioak gainontzeko erabiltzaileekin partekatu.

Alergikoentzat inTOLErAPP Jakien ontziek dituzten barra-kodeak zure mugikorraren irakurgailuarekin eskaneatzea baino ez duzu, elikagai horrek gluten, arraultza ala esnekirik duen jakiteko.

8 martxoa 2017 Binke!

inFO ADiTiVOS Elikagaien gehigarri baimenduen siglek zer esan gura duten jakin nahi duenarentzako aplikazio ezinbestekoa da Info Aditivos.

POnACh Elikagai-intolerantziak dituzten pertsona horientzako doako beste erreminta bat Ponach da, elikagai guztien informazioa batu eta alergiak sortu ditzaketen sustantzien inguruan ohartzen duena.

Erreserbak eta etxez etxeko zerbitzua JUST EAT Aplikazio honek une horretan bertan jan gura duzuna aurkitzen lagunduko dizu, mugikorretik bertatik eskatu, ordainketa modua aukeratu eta hurbilen dagoen jatetxetik irtengo dira eskatu duzun lekura zure jatordua eroatera. Klik bakarrean eta zure etxeko besaulkitik egin!

EL TEnEDOr Dena ez da ba etxean egitea izango. Tarteka jatetxeren batera irten beharko genuke: lagunartean, famili kontuetarako, bikotekidea liluratzeko... ala bakarrik! Baina nora joan? Beti leku berera ez gara joango, ezta? Horretarako dago El Tenedor aplikazioa, estatu espainiarreko 6.000 jatetxe baino gehiagorekin.

Atal berri honekin herriko txoko desberdinen aldaketa erakusten joan gura dugu. Zelan aldatu da gure herria?

Galdakao eta Usansoloko argazki zaharrak berreskuratuko ditugu, egungo panoramarekin konpara ditzagun.

Kurtzea Galdakaoren erdigunea zehatz-mehatz ez bada ere, ingururik ezagunena izan daiteke Kurtzeako plaza eta Juan Bautista Uriarte kalearen amaiera. Argazkiak Ardanza parkearen goikaldetik daude aterata eta erdi-erdian, palmondoaren atzean, egungo Udaltzaingoaren egoitza ikus daiteke, lehen telefoniaren egoitza zena.

Argazkiak: Udalaren artxiboa eta Gotzon Almaraz

Argazki zaharrak dituzu?

Jar zaitez gurekin harremanetan eta parte hartu atal honetan: infobinke@gmail.com

Binke! martxoa 2017 9

Belen Etxebarria Artetxe Katixa Larrazabal Tutor

Otsaileko irabazleak Mari Carmen Ugarte (ezker) eta Naia Doistua (eskuin) binkekideak On Kafeko Edu zerbitzariarekin, kafe- eta infusio-sorta jaso aurretik.

Orekan Fisioterapiak eskainitako masaje bana irabazi dute. Gozatu!

Zer egin Binkekide izateko?

Eman zure babesa urteko

36 â‚Ź

ordainduta

Oraindik binkekide ez bazara, eta neurri honetako lehenengo komunikabide euskalduna babestu eta sustatu gura badozu, hauek dozuz horretarako bideak:

1. Bete beheko formulario hau, eskaneatu edo atera argazki bat eta bidali e-postaz: infobinke@gmail.com

2. Bete formularioa, moztu, eta utzi gutunazal baten, Binke izenarekin

Eta zuretzat, MOTXILA HAU OPARI!

Torrezabal Kultur Etxeko atezainaren leihatilan apirilaren 28ra arte.

3. Eskaneatu zure

izEn-AbizEnAk:

mugikorraren QR irakurgailuarekin beheko kodea eta bete formularioa!

hELbiDEA:

TELEFOnOA:

nOrTASUn AgiriA:

E-POSTA: ibAn

kOnTU kOrrOnTEA:

10 martxoa 2017 Binke!

EnTiTATEA

bULEgOA

k.z.

kOnTU zEnbAkiA

MARTXOAK 8: ORDEZKARITZA OREKATU BATERAKO 8 PRINTZIPIO Galdakaoko Udalak Txosten europarreko gomendioak eta Emakumeek eta Gizonek Tokiko Bizimoduan izan behar duten Berdintasunerako Europako Gutunetik eratorritako konpromisoak onartzen ditu, baita emakume eta gizonen berdintasunerako 4/2005 Legean ezarritako betebeharrak ere, honako honetarako konpromisoa hartzeaz gain: 1. Kontsultarako eta erabakiak hartzeko organoetan emakume eta gizonen ordezkaritza orekatua eta tokiko edozein organotarako izendapenak bermatzea, betiere, sexu batek ere ez dezan izan %40tik beherako ordezkaritza (emakumeen parte-hartzea sustatzeko egitura espezifikoetan izan ezik).

2. Zenbait mekanismo ezartzea, hautatutako emakume ordezkariak eskumen-banaketa edo funtzio-esleipen estereotipatuen edo bestelako diskriminazio- edo jazarpen-moduen eraginpean izatea eragozteko.

3. Parte-hartzea eta bizitza pertsonal eta familiarra uztartzea ahalbidetzen duten neurriak hartzea, ordutegien eta lan-metodoen eta herritarrei laguntzeko sistemen bidez.

4. Sexuaren arabera bereizitako estatistikak jaso, bideratu eta publiko egitea, itxura sistematikoa emateko, tokiko esparruan emakumeen parte-hartzearen bilakaeraren jarraipena egin eta analisi horren araberako neurri zuzentzaileak ezartzeko.

5. Emakumeen parte-hartzea indartuko duten espazioak eta sareak sendotzea, hala nola, emakumeen etxeak, jabekuntza eskolak eta/edo udal berdintasuneko kontseiluak, eta, besteak beste, emakume hautetsientzako ‘Virginia Woolf Basqueskola’ jabekuntza-eskolako programan parte har dezaten ahalbidetzea.

6. Udalerriko emakumeen ahalduntzea eta parte-hartze soziopolitikoaren sustapena ahalbidetzen duten ekintza espezifikoak ezartzea modu inklusiboan, batez ere, gutxiengoen taldeko kideak diren emakumeei dagokienez.

7. Udalerrian gauzatzen diren parte-hartze prozesuek genero ikuspegia kontuan hartzen dutela bermatzea.

8. Udaletako berdintasun sailetan eta gainerako udal sailetan neurri horiek gauzatu ahal izateko baliabide nahikoak jartzea.

9. Gomendio eta konpromiso horiek 2017rako berdintasun-plan eragilerarekin kontrastatzea, berehalakoan eta, bere kasuan, 2018ari begira ezar daitezkeen neurriak Berdintasun I. Batzordean identifikatu ahal izan daitezen.

Emakumeen parte-hartze sozial eta politikoa indartzeko xedez, alderdi politikoei eskaera egiten diegu konpromiso hauek beren gain har ditzaten eta beste eragile politiko eta sozialentzat ereduzkoak diren neurriak har ditzaten.

Informazio gehiago: www.galdakao.eus

MARTXO X AK

AINHOA SOTO RUIZ

Udabarria, odol barria

Argazkiak

12 martxoa 2017 Binke!

RAuL dOMINGuEZ

A

rgazkiak. Momentu, bizipen eta oroitzapenen erregistroa, nahi bestetan begiratu ditzakegunak. Argazkiek mundua aldatu zuten. Oraindik ere aldatzen dute.

Egun, edonork mugikorrean izan ditzakeen elementu dira, berezitasunetik ohikotasunera igaro direnak, begiekin ikusten dugun errealitatea pantaila batean erakusten dutenak. Photoshopeatutako argazki perfektuak, idilikoak, postureatzekoak, guztiz eraldatutako errealitatea erakusten dutenak, begiekin ikusten ez dugun errealitatea irudikatzen dutenak, 100 saiakeretan azkena.

Argazkien makroekoizpen eta kontsumoa. Informazioaren gizarteko fidelenek argazkiak gorde eta gorde, ukituak eman eta eraldatu egiten dituzte, inoiz berriro ikustean momentua bizi izan zutenaren itxura emateko, sareko lagunei momentu perfektu hori erakusteko. Hori da orain argazki batek duen balioa: atera, gorde, eraldatu, interneten konpartitu.

Mundu digitalaz gain, behin aro analogiko bat existitu zela gogoratu nahiko nuke, 25 argazki bakarrik atera zitezkeen garaiak, karrete izeneko gailua errebelatzera eraman behar zirenak.

Momentuari bere balioa eskaini, zer, nola eta noiz atera pentsatu, detailerik txikienei erreparatu eta klik entzuten ziren garaiak. Naturaltasuna moldaketen gainetik zegoen garaia.

N

egu baltz gogorreko hotzak eta afruntuak apaldu dira daborduko eta negu-letargian egondako arbola, landare eta zelaiak ernemindu dira. Ez dira loratu edo indarbarritu diran bakarrak. Argi-orduak eurak be igarri-igarrian luzatu dira, negu-sasoiko iluntasuna garaituz. Natura mobidu da, esnatu da; udabarria ate joka dago beraz. Baina udabarriaren etorreraren seinale argienetarikoa kantu labur eta monotono bat da: kuku txoriaren ku-kua.

Nekez ikusiko da harroputza, baina kantua entzuteagaz batera jakin dakigu negua atzean lotu dala. Txori ibiltaria ei da eta 9.000 kilometroko hegaldia egiten ei dau Afrikatik Europara bidean, baina kukuaren etorrerea, gurean sikeran, Andra Mari Martikogaz (martiak 25) lotuta dago: kukuak esan ei eban, Andra Mari Martikoz ez baetorren, bere ondrak egiteko edo Ama Birjina martxokotan kuku, San Pedrotan mutu‌ Kukua lehenengoz entzutea ugaritasunagaz lotuta dago sarri.

Eta praka-boltsetan diru apur batzuk eukiteak urte guztirako salbamena ei dakar. Aldean dirurik eroan ezean, ostera, diru faltea.

Osasunagaz be zerikusirik badauka hegaztiaren soinuak: Gaixoak kukuarekin batera altxatzen dira; Kukuan hotsa aittu ezkero gaixoak esperantza‌ Batera nahiz bestera belarriak zoli eta txanponak patrikan, badaezpada be.

Cucuen cantazean, euri ta eguzqui (rS, 1596)

Kontxi Belandiaren albondigak

G

aldakaoko amamarik ezagunenak bere sukaldeko ateak zabaldu eta bere errezeta kutunetariko bat egiten erakutsi digu. Kontxi Belandia Lekue da bera (Galdakao, 1929), eta zortzi hamarkada altzoan, bizi-bizi hartu gaitu: «nire pelotak zelan egiten dodazan erakutsiko deutsuet poz-pozik!».

Albondigak egiteko :

Saltsa egiteko

• • • • • • • •

• • • • • • •

Kilo bat txahal okela ziztatua Lau berakatz ale Perrexila Arraultza bi Hiru koilarakada kipula «potxatua» Olioa Gatza Irina

Olioa Gatza Baso bat salda edo ur Hiru kipula Koilarakada bi tomate Irin koilarakada bat Ardo zuria edo txakolina

1.

Bezperan okela txikitua erosi eta entsaladera neurriko ontzi batean jarri. Kipula sueztitu edo «potxatua» bota, berakatza txiki-txiki, perrexila eta gatza bota. Nahastu.

2.

Arraultza irabiatu birekin berriz nahastu.

3.

Plater handi bat irinez beterik prestatu eta egindako okela-nahasketarekin pilotatxoak egin (koilara txiki bat erabili anoa antzekoak izateko denak), banan-banan irinarekin estaltzeko.

4.

Su bizian frijitu denak alde guztietatik eta aparteko kazola batean utzi, saltsa prestatzen dugun bitartean «hortxe egoteko, saltsaren zain».

5.

Saltsa egiteko, zartagin batean eta oliotan hiru kipulak sueztitu (ordu betez), bertara irina bota eta buelta batzuk eman (minutu pare batez), gero salda, egindako tomatea eta ardo zuria edo txakolina bota. Bost minutu inguru su geldoan mantendu.

6.

Saltsa egindakoan, irabiagailuarekin findu eta albondigen kazolara bota.

7.

Dena su baxuan epeldu 10 minutu inguru eta… on egin!

Kontxiren gomendioak Saltsa lodiegi badago, ur gehiago bota. Loditzen ez bada, Maizena irin koilarakada txiki bat baso bateko ur hotz pixka batekin nahastu eta bota saltsara. hurrengo egunean jaten badira, saltsa eta okela bilduago egongo dira elkarrekin eta beraz, goxoago. Maitasun asko jarri, joko baten gisara hartu eta… gozatu!

AINARA ARTETXE AZKUETA

Poli eta Span

A

urreko baten Galdakotik Biberora doan bide batetik ibiltera joan gintzezan. Udabarri atarian egonda, arbolak eta loratuten egoazan, eguzki errainuek gozotute. Halako baten bide bazterrean, elur maluten antza eukien Pol eta Span euki nebazan bidelagun. Udabarriko edurre ete zan? Begiek behin eta barriro igurtzi behar izan nebazan, bidelagun barri hoien presentzie ziurtatzeko. Galbiderik ez neban euki eurek jarraitute, arrasto zurie segiduz goraino heldu nintzan. Oin dala gitxi, Pol eta Spanek 500 urterarteko biziraupena izan ahal dabela jakin dot. Eta zer guruzue esatea, niri edurre asko gustetan jat, baina elur maluta batek ez dau hainbeste urte irauten. Ganera luzerako bidaikideak aukeratzea gustetan jat eta argi dau honeek ez dirala nire gustokoak.

Honezkero konturatu ez bazarie, aitortu behar deutsuet Pol eta Span bidaikideak, poliespan (kortxo zurie) deituriko materiala dala. Nonork Biberora doazen bide bazterrak horregaz kutsatu dauz. Ez dakit nor izan dan eta zer pasatu jakon burutik halakorik egiteko, baina argi dauena da dagokion administrazioak garbitu beharko leukela eta hurrungo baten halakorik ez pasetako neurriek hartu beharko leukezala.

Binke! martxoa 2017 13

Emakumeen eskubide urraketa

Kolore morea, oraindik ere beltz TESTUA: IXONE MuÑIZ ARANA inFOgrAFiAk: ARTEFAKTO

Lerro asko beharko lirateke historian eta munduan zehar emakumeek jasan dituzten eskubide urraketak aipatzeko.

Gehiegi. Zoritxarrez, orrialde zuriak eman ezkero, erraz jarraituko genituzke betetzen gaur egun ere, bata bestearen ostetik.

K

anta ospetsu batek dioen bezala, «tristea da dena ospatu behar hau». Berri Txarrak taldearen Oreka abestiak dio hori. Hala da bai, tristea.

Historia bera da zentzu askotan tristea. Hor ditugu oraindik, bizi ditugun garai hauetan, egutegian morez margoturik martxoak 8 eta azaroak 25. Egutegiko orrietan zerbaitengatik azpimarratu diren egunak. Batzuen ustez, ospatu beharrekoak. Beste batzuen iritzi, ordea, lehenbailehen gure egutegietatik desagertu beharko liratekeenak.

Gizartean esangura handia duten bi egun hauek komunean zer izan eta bietan dugula emakumea protagonista.

Lehenengoa, Nazioarteko Emakume Langilearen Eguna; emakumeek historian zehar haien eskubideen alde borrokatu dutela eta horretan jarraituko dutela ozen adierazteko eguna. Bigarrena, Nazioarteko Emakumeenganako Indarkeriaren

14 martxoa 2017 Binke!

Aurkako Eguna; emakume askok pairatzen duten indarkeria, edozein motakoa dela ere, onartezina dela aldarrikatzeko eguna.

Gai polemikoa eta pil-pilean dagoena, zalantzarik gabe. Ez martxoan gaudelako bakarrik —nahiz eta hein handi batean bai, zergatik ukatu—, gizartean oso presente dugulako baizik.

Ia egunero jasotzen dugu emakumeren batek modu batera edo bestera jasan duen eskubide urraketen berri; dela bere askatasuna zapaldu dutelako, dela gizonezkoekin alderatuz tratu ezberdina jaso duelako.

Mineralak min. Aipatutako bi egun more horiek nazioartekoak izateak argi islatzen du mundu mailako aldarrikapenak direla, eta hortaz, munduko txoko askotan urratu direla emakumeen eskubideak. Urratu direla eta momentu honetan ere, urratzen ari direla. Hainbat adibide aipa genitzake; asko ezagunak, beste asko ezezagunagoak agian. Larriagoa oraindik, ezkutuan daudenak, norbaitek itzaletatik atera eta salatzeko esperoan.

Kasu hauen adibide garbia da Kongoko Errepublika Demokratikoan gertatzen ari dena. Bertan omen dago mendebaldeko herrietan erabiltzen ditugun tresna teknologikoak sortzeko hain preziatua den mundu osoko koltan mineralaren %80. Mineral hau lortzeko ordea, asko dira esplotatzen dituzten herritarrak. Kongotar guzti horietatik baina, kaltetuenak haurrak eta emakumeak izaten dira.

Genero ezberdintasuna lan munduan Iturria: EuROsTAT, EusTAT eta GAINdEGIA

EAEn 10 emakumetik 9k egiten dute lan zerbitzuetan

Iaz Euskal Herrian emakumeek gizonek baino 7.666 euro gutxiago irabazi zituzten urtean

55 urtetik gora dago lan merkatuan aktibo dauden emakume eta gizonen soldaten arteko diferentzia handiena

Emakumeei dagokienez, milioika eta milioika dira Kongon eraso sexistak jasaten dituztenak. American Journal of Public Health aldizkariak 2011n argitaratu zituen datuen arabera, egunean 1.100 emakumek jasotzen dituzte gutxienez erasoak.

Caddy Adzuba kazetari kongoarraren hitzetan, emakume guzti hauek bortxatzean, «komunitatea deuseztatu egiten da, emakumeak gizartearen kohesioaren rol soziala betetzen du-eta». Era honetan, talde armatuak herritarrak beldurtu eta euren boterea gainjartzea lortzen dute. Hori gutxi balitz, behin emakume horiek bortxatzen dituztela, hauen familiek baztertu eta mespretxatu egiten dituzte askotan, dagoeneko «balio» ez dutelakoan.

Urrutira joan gabe. Ukaezina da Kongon emakumeek bizi duten egoera sinesgaitza dela, muturrekoa. Oraindik zailagoa sinesten, ez dela munduan horrelako egoera antzekoa jasaten duen herrialde bakarra. Kontrara. Asko dira ezagutzen diren kasuak, eta beste hainbeste ziurrenik, isilpean daudenak.

Antzeko zerbait gertatzen da gure lurretan; beste maila batean, baina nahikoa emakumearen irudia oraindik ere zapaltzen dela ohartzeko. Izan ere, emakumeen eskubideak urratzen diren hainbat egoera ezagutzen ditugu, salatu ere bai. Baina zenbat ote dira ezagutzen ez ditugunak, gugandik pentsatzen duguna baino hurbilago gertatzen direnak.

Adibide gisa, urte hasieran Bilbo eta Benidormen poliziak desegin zuen esplotazio sexualeko sarea. Nigeriatik lan bila

10 kargu exekutiboetatik, emakumezkoenak 3 baino ez dira

Eraikuntzan eta industrian ¾ baino gehiago gizonezkoak

Amatasun eta aitatasun baimenak, familia zaintzeko eszedentziak… hartu zituztenen %95,5 emakumeak

zetozen emakumeak ziren kasu honetan erasotuak. Organizazioak pobrezian bizi ziren emakume nigeriarrei Europan lan duin bat lortuko zietela zin egiten zieten, behin hemen zeudela prostituitzera derrigortuz.

Azken hau kasu puntuala dela pentsa liteke, horrelako askorik ez dagoela gurean. Ziurrenik harritu egingo ginateke egia guztia azaleratuko balitz. Hala ere, ez da prostituzio kasuetara bakarrik mugatu behar hemen ere emakumeek eraso sexista ugari jasotzen dituztela ohartzeko. Urtero salatzen diren —salatzen ez direnak kontuan hartu gabe— emakumeenganako indarkeriaren kasuen zifra ikusi besterik ez da behar.

2014an esaterako, 3.990 emakumek jarri zuten salaketa genero indarkeria jasateagatik EAEn, Osasun ministerioak bildutako datuek diotenez. Datu berriagoen arabera, iaz 4.771 izan ziren salaketa jarri zutenak; nabarmen egin du gora zenbakiak, beraz.

Lanean ere, azpitik. Orain arte, emakumeenganako indarkeria eta erasoak izan dira lerro hauek kolore beltzez zipriztindu dituztenak. Errealitate bat da ordea, ez dela indarkeria kasuetara heldu behar emakumeen eskubideak urratzen direla konturatzeko; margo beltzak, tamalez, gehiagorako ematen duela.

Berdintasunean eraiki nahi omen den gizarte honetan, aldaketa asko egin beharko lirateke oraindik helburu hori lortzeko. Leku askotatik has gintezke, baina soldatak dira Binke! martxoa 2017 15

Emakumeen aurkako indarkeria munduan

herrialde aberatsak

% 23,2 AMERIKA

% 29,8 Amerika AFRIKA EUROPA

AFRIKA

% 36,6

EKIALDEKO MEDITERRANEOA ASIAR EKIALDEA EKIALDEKO PAZIFIKOA HERRIALDE ABERATSAK

adibide garbienetarikoa. Argia aldizkariak aipatzen duenez, «iaz Euskal Herriko emakumeek, bataz beste, gizonek baino 7.666 euro gutxiago irabazi zuten urte amaieran», Espainia eta Frantziako Estatuen estatistika erakundeek bildutako datuen arabera.

Lanpostu batzuetan generoen araberako ezberdintasunak nabariak direla frogatzen duen beste datu bat da «lanaldi murriztua edo partziala dutenen ia %80 emakumeak» direla, Argiak dioenez. Gainera, aldi baterako diren lanetan ere andrazkoen presentzia da nagusi (%54,3). Kontuan izanik lan baldintzak hobeak diren heinean, soldatak ere hobeak direla, hots, kontratu finkoa dutenek ordainsari altuagoa dutela, 16 martxoa 2017 Binke!

esanguratsua da nolako aldea dagoen genero bakoitzekoek kobratzen dutenaren artean. Datu esanguratu batzuk bildu gura izan ditugu aurreko orrialdeko infografian.

Prestigioa. Antzinetik datorren kontua da lanpostuak generoka sailkatzeko joera, hau da, emakumeei lan zehatz batzuk egozteko ohitura. Azken urteotan hoberantz egin badugu ere, ezberdintasunak nabariak dira oraindik ere. Honek zera esan nahi du, gaur egun ere, prestigioa dagoela nolabait jokoan.

Emakundek dioenez, «EAEn hamar emakumetik bederatzik egiten dute lan zerbitzuetan», eta prestigio gehiago duten «eraikuntzan eta industrian hiru laurdenak baino gehiago

Emakumeen eskubide urraketa

n Iturria:: Osasunerako Mundu Erakundea (OME)

EUROPA

% 25,4 EKIALDEKO PAZIFIKOA

% 24,6 ekialdeko mediterraneoa

% 37,0 % 37,7 ASIAR HEGOEKIALDEA

gizonezkoak dira». Kargu exekutiboei dagokienez, hamarretik hirutan baino ez ditugu aurkituko andrazkoak. Zergatik ez dago apenas emakumerik agintean? Badaude lanpostu batzuk ordea, non genero desoreka muturreraino eramaten den; suhiltzaileen lanbidean, kasu. Euskal Telebistak egindako datu bilketak erakusten duenez, EAEn lau emakume suhiltzaile baino ez daude, horietako hiru Bilboko parkean, bat Araban eta bat bera ere ez Donostian. Estatuko datuei dagokienez, 21.000 suhiltzaileetatik 180 bakarrik dira emakumeak.

Bestalde, argi ikusten da sukaldaritza edo garbiketa bezalako lanetan —tradizioz emakumezkoei egotzi zaizkienak—, egun gizonezkoek ere jarduten dutela. Hala ere, benetan pres-

tigioa dutenak, hau da, sukaldari ospetsu eta prestigiotsuak direnak edo kaleak garbi mantentzen presentzia egiten dutenak, gizonekoak direla gehienak; beste behin ere, emakumearen irudia ezkutuan, itzalpean.

Baina, nola egin aurrera erabateko parekidetasunaren bidean, nola lortu behingoz historiaren lehen urteetatik zalantzan jarri beharko ez litzatekeen berdintasuna, nola helarazi gizarteari inork ez duela emakumeen askatasuna zapaltzeko eskubiderik… oraindik ere telebista piztu eta eurodiputatu bati «emakumeek gutxiago kobratu behar dute, ahulagoak eta ezjakinagoak direla» esaten entzuten badiogu? Ohartu gaitezen atzera goazela, aurrera ez bagoaz.

Binke! martxoa 2017 17

Julen Gabiria Lara Galdakao, 1973

3

Galdakaoko idazlerik ezagunena ez bada, ezagunenetarikoa bai behintzat. Connemara gure bihotzetan, Han goitik itsasoa ikusten da, Metro bateko letrak eta Nire aita ikusezina da liburuak idatzi ditu. Enpresa Zientziak eta Soziologia ikasitakoa den arren, lanbidez itzultzailea da.

Nire bizitzako lauzpabost liburu gustukoenak eskatu dizkidate, arrain-memoria duen pertsona bati hori eskatzea posiblea den neurrian. Hauek, beraz, ez dira

arrastoa utzi didaten guztiak; baina nire memorian iraun dute, eta bada zerbait.

1

UN TAL LUCAS

Julio Cortazar, 1979

TREGUA 2 LA Mario benedetti, 1960

naiz Latinoamerikako literaturak pisu nabarmena duela nire gustuetan, baina, zalantza barik, idazle europarrak ditut maiteen, anglosaxoiak baino dezente gehiago; esate baterako, Ginzburgen edozein hartuko nuke, adibidez, Gure etxeko kontuak zoragarria » Dudarik gabe, Natalia Ginzburg italiarraren libururik adierazgarrienetako bat. Bere familiaren «lexikoa» du oinarri, azalean behintzat; baina batez ere hitzek, esaldiek, esaerek gogora ekartzen dizkioten gertaerak kontatuko dizkigu, horrek sortzen duen etxeko giroa adierazteko.

4

O GUARDADOR DE REBANHOS Fernando Pessoa, 1914

« Eta, poesia-irakurle eskasa naizen arren, Pessoak Alberto Caeiro heteronimoaren lumapean idatzitako hau ere ez daukat ahazteko, Caeiroren poesia osoarekin batera » Fernando Pessoa portugaldarraren aspaldiko poema bilduma. Pessoa Portugaleko poetarik ezagunena da, 1935ean 47 urte zituela Lisboan hil zena. Baina poetaz gain, Pessoa idazle, publizista, astrologo, enpresario, itzultzaile, filosofo eta komentarista politikoa ere izan zen.

5

BEDERATZIETATIK BEDERATZIETARA Leo Perutz, 2003

« Nire ustez, ezinbesteko liburua

« Zerrendatxo hau amaitzeko,

da maitasunaren gorabeherak ezagutzeko, eta, beraz, edozein pertsonaren barne-borrokak zeintzuk diren jakiteko »

Leo Perutzen Bederatzietatik bederatzietara, lar ezaguna izan ez arren leku handia merezi duena literaturaren historian »

Hau da Benedettiren nobelarik arrakastatsuena, bere 24 urteko lankide berriaz maitemintzen den 50 urteko gizon alarguna protagonista duena: Martin Santomé. Martinek bien arteko hitzorduetarako soilik erabiliko duten apartamentu bat alokatu du eta bertan gertatutakoak idazten joango da eguneroko batean.

Eguneroko hori da liburuaren beraren estruktura.

18 martxoa 2017 Binke!

natalia ginzburg, 2004

« Errepasoa egiten hasita, konturatu

« Ez da Cortazarren libururik ospetsuena, baina horrekin murgildu nintzen helduen literaturan eta gozamenaren munduan » Liburu honekin irakurlea konturatuko da, protagonistari Lucas izena jarri badio ere, honi gertatzen zaizkion egoera, ideia eta hausnarketa gehienak Julio Cortázar idazlearenak berarenak direla. Pasarteek ez dute elkarren arteko segidarik eta umore puntu batekin daude gehienak kontatuta.

GURE ETXEKO KONTUAK

Eleberri honetako protagonista —Stanislaus Demba ikaslea—, goiz batean behartua dago ilunabarra baino lehenago diru kopuru bat biltzera, berari muzin egin dion neska-laguna berreskuratzeko eta biek elkarrekin Veneziara egingo luketen bidaia batekin tentatzeko. Hala, delitu txiki bat egingo du, eta hortik aurrera eleberri poliziakoaren antz handia hartzen du Perutz austriarraren obrak.

Kondoia zelan jarri?

H

onezkero entzunda izango duzu harreman sexualak izateko arduraz jokatu behar dela, hau da, haurdun ez gelditzeko eta gaixotasunez babesteko metodo antisorgailuak erabili behar direla.

Sexologoek diotenez, preserbatiboa da sexu harremanak izateko antisorgailu seguruenetakoa, baita sexu-transmisiozko gaixotasunak saihesteko metodorik fidagarriena ere. Baina, ba al dakigu ondo nola jarri eta kendu behar dugun zakilentzako kondoia? Hona hemen pausoz pauso Olatz Berastegi sexologoak ematen dituen aholkuak:

Jartzeko…

1. Iraungitze-data pasatu ez dela ziurtatu.

2. Bilgarria kontuz zabaldu, haginak edo objektu 3.

4.

5.

puntadunik (eraztunak, artaziak, etab.) erabili gabe.

Azazkalekin ere arreta, zulatu egin dezakezulako.

Kondoiaren puntatxoa gora dagoela, zakileko puntan jarri.

Behin jarrita, kondoiaren puntatxoa sakatu, airerik gelditu ez dadin (bertan jasoko da isurketa edo hazia).

Kondoia beherantz bultzatu, zakila guztiz estali arte, behera arte.

kentzeko…

6. Eiakulatu ondoren, zakila oraindik tente dagoela 7.

8.

9.

atera bagina edo uzkitik, bestela kondoia barruan gelditzeko arriskua dago.

Preserbatiboa kendu zakila oraindik tente dagoela, isurketa kanpora irten ez dadin.

Preserbatiboa kentzeko ondo heldu atzetik, zakilaren oinarritik.

Morokila egin, eta apurtu ez dela ziurtatu.

Eta apurtzen bada, zer? kondoia erabiltzen ez baduzu edo apurtu egin bazaizu, bi arrisku posible daudela izan behar duzu kontuan. bata, sexu-transmisiozko gaixotasunen bat harrapatzeko aukera; bestea, haurdun gelditzeko posibilitatea. horretarako: •

Harreman sexuala izan duzunarekin hitz egin, gaixotasunak atzematen dituen frogarik egin duen edo ez egiaztatzeko. Medikuarenera jo sexu-transmisiozko gaixotasunen bat hartu ez duzula ziurtatzeko.

•

Haurdunaldia saihesteko biharamuneko pilula hartu (gogoan izan ez dela antisorgailu bat, larrialdietarako bakarrik erabil daitekeen metodoa baizik).

MANU ETXEBARRIA AYESTA

Mozolloa eta kukua

B

ehinola, udabarriaren hasierako goiz batean, Galdakaoko Mozolloa lozorroan egoan Elexaldeko Andra Mariren hegoaldeko hegalpean. Bat-batean, ene! Kuku-hotsa barruntatu eban Ganguren, Aranzelai, Lekubaso,Upo eta Mandoia aldetik. Itzartu egin zan eta nagiak atera ondoren, badinotso bere buruari: « Etorri jaku kukua».

Esakerak dino,«Kukua, Andra Mari martikoetarako ez badator enterrua egin behar jakola»; baina egun batzuk gorago beherako, beti agertzen da eta hemen daukagu aurten be bagileko San Pedroetan Diman bazkaldu eta Afrikarantz itzuli arte, hurrengo urtean barrien barriz etorteko Euskal Herrira.

Eta basorik baso dabilenean, kuku-hotsa aterako ez dau ba!

Binke. Kukuak, arrautza, bera baino txori askoz txikiagoaren habian egiten dau, zeinda, txindorrarenean, baina, kukuaren arrautza ezarri, txindorrak, berea dalakoan. Eta gero kukukumeari jaten emoten baragarri ibilten da, kukumumea, bere amordea baino handiagoa dalako. Hori be bada e? Ni, ostera, hemen nago beti, inoren kontura bizi barik. Ni gauez nabil neure birapoa betekako lain koiu eta Galdakaoko mozollo izengoitiari eusten».

Binke! martxoa 2017 19

Galdakaoko Berdintasun Saria, Erabiderentzat «1993. urtean sortu zanetik emakumeak batzeko eta garapen personala eta soziala izan dagiezan eremuak eskeintzeko lan nekaezina egin dauen taldea dalako» eman zaio Erabide Emakumeen Elkarteari Galdakaoko lehenengo Berdintasun Saria.

Erabideren izenean hartu zuen hitza Miren Alapont presidenteak, zeinek «berdintasuna danon lana dala» gogoratu zuen.

Ortuondo Gaztetxearen hustea

Capsula Galdakaon izango da

Ortuondo Gaztetxea hustu beharrean daude, eraikuntza berriak eraikitzeko lursail horiek saldu gura omen dituelako ugazabak. Azken aste kulturala antolatu dute bertan.

Cápsula rock talde argentinarrak Torrezabal Kultur Etxean joko du apirilaren 8an, 21:30ean. Sarrera doakoa izango da eta herriko taldeek lagunduko dute agertokian.

20 martxoa 2017 Binke!

Igeriketa taldekoak Xixonen aritu ziren

Ganguren eta Berbalagunak Ibilbide polita antolatu zuten Ganguren Mendi Taldeak eta Galdakaoko Berbalagunek martxoaren 5ean, Kanporamartxoko irteeran. Zumeltzatik (Dimako aireportu zaharretik) irten eta Urkiolako santutegian amaitu zuten eguna.

Galdakao Igeriketa Taldeko Naia Rodriguez, Mikel Ponce eta Alain Raton Espaniako Lehiaketara joan ziren martxoaren 18an Junior-Gazte kategorian aritzeko, Xixonen.

Korrika Nepalera ere iritsi da

Igoera berriak Aretorentzat

Korrikak presentzia berezia izango du Nepalen, hango Ear Care Nepal elkartearekin, proiektu solidarioetan lan egiten duen Galdakaoko Samsara elkartearen bitartez.

Aretoko lau kidek igoerak eskuratu zituzten Kirol Dantza esparruan, Fernandez eta Puente B kategoria estandarrera igota; Morante eta Sagasti C estandar eta latinora.

Binke! martxoa 2017 21

Delinkuentzia %12 jatsi zen iaz Galdakaon, Ertzaintzaren datuen arabera

VI. Herri Krosa apirilaren 30ean

Espainiako Karate Txapelketara

Datorren apirilaren 30an egingo dute Galdakaoko Herri Krosaren seigarren edizioa. Galdakaoko Udalak eta Galdakaoko Atletismo Taldeak elkarrekin antolatzen dute.

Izena emateko epea martxoaren 29an irekiko da.

Lau galdakoztar Espainiako txapelketara joango dira apirilaren 1ean, karateko Kenpoko euskal selekzioarekin: Mikel GonzĂĄlez epaile eta saileko zuzendari gisa; Abel Corpas, Leo de Miguel eta Ariane PiĂąero, lehiakide gisa.

B!

Jarri hemen zure publizitatea

publibinke@gmail.com ¡ 618 823 326

22 martxoa 2017 Binke!

Usansoloko Korrika kulturala Martxoak 19: Kuestazioa 12:00etatik aurrera, kalez kale Martxoak 25: Korrika eguna 09:30ean, mendi ibilbidea eta gynkana 12:00etan, ludoteka Gorosibain 13:00etan, pilota partidak 18:00etan, Umore Ona-Montefuerte futbol partidua

Kirola ere Korrikaren alde!

Galdakao Futbol Taldeak pasa den martxoaren 11n 17:30ean jokatutako Busturiaren kontrako partidako argazkia Korrikaren alde. Hilaren 18an berriz, 18:00etan Ibaizabal Saskibaloi Taldeak ere Korrikaren aldeko argazkia egin zuen norgehiagokaren aurretik. Korrikaren izenean, eskerrik asko denoi!nean ikusi ahal izango dira. Animo, eta parte hartu!

Apirilak 6: Korrika Txikia 15:00etan, Korrika Txikia 15:30ean, Sardina freskue umeentzako ikuskizuna, kiroldegiko frontoian

«Euskararen erabilera Galdakaon» mahai-ingurua

Apirilak 4, asteartea, 19:15ean Gandasegiko areto nagusian Antolatzailea: Zizpa, euskalgintzan dabilen hainbaten laguntzaz Apirilak 7: Badator Korrika!

00:10ean, Badator Korrika! (Labeatik sartuko da) Oharra: Galdakaora 16:00etan Aperribaitik.

«Herria Korrikaren alde» ikuskizuna

Martxoak 30, osteguna, 19:00etan Torrezabal Kultur Etxean

Badator Korrika!

Apirilak 7, ostirala 10:00 Korrika Txikia kalez kale.

11:00 Sardina freskue umeentzako ikuskizuna Iturrondon.

16:00 Korrika 20 Aperribaitik sartuko da.

16:00-17:00 Musikariak kalez kale.

19:00 Pilota partidua Kurtzea frontoian.

19:30 Txosna eta jaia Iturrondon 20:00 Koiu, Sarnaketa eta Akabu taldeek kontzertuak Iturrondon

Kilometroa erosteko:

Barandiaran AEK euskaltegian barandiaran@aek.eus Tel.: 944564119.

Prezioa: 425€

Binke! martxoa 2017 23

Galdakaoko Gure Esku Dago ekimena

«Galdeketa bat egiteko prest gaude, eta zuek beharrezkoak zarete!»

TESTUA: JON GOMEZ GARAI Argazkia: JABI ROJO

Indartsu itzuli da Gure Esku Dago ekimena jendartekora. Aurtengo urtarrilean asanblada ireki batek eman zion erabakitzeko eskubideari garai berriaren hasiera: herriko batzordea indartu, hausnarketa egin eta udazkenean Galdakaon erabakitzea erabaki dute. Tartean ekitaldi nazional eta jendetsua antolatuko dute Bilbon, ekainaren 10ean.

Orain arte denboratxo bat egin du Gure Esku Dago ekimenak oihartzun handia sortu barik. Zertan aritu zarete?

2013an herriko Gure Esku Dago batzordea sortu genuenean, indartsu ekin genion lanari. Gure aurkezpena herriaren aurrean izan zen hainbat herritarren laguntzarekin grabatutako bideoa. Oso pozik geratu ginen emaitzarekin, batez ere jendearen erantzunak argi utzi zuelako Gure Esku Dagok bazuela jorratzeko bidea gure herrian: ate asko jo genituen bideoklip hartako protagonistak, herritarrak, lortzeko, eta inork ez zigun ezetzik eman. Handik hilabete batzuetara etorri zen giza katea; Galdakao eta Usansoloko lagunak Ezkio-Itsasoraino joan ginen, eta bete behar genituen kilometro biak aise bete genituen. Galdakaotik bakarrik, 19 autobus bete genituen, eta asko eta asko izan ziren kotxez joandakoak. Oso hasiera indartsua izan zen. Ondoren, hurrengo urtean, Bilboko ekimena etorri zen, eta bertan ere hainbat izan ziren giro onean parte hartu zuten galdakoztarrak, eta ez bakarrik jai giroan, lanean ere bai, gazte galdakoztarrak han egon baitziren goizean goiz txosnak muntatzen.

Joan den urtean ez da ekimen nazional deigarririk egin, hala ere herriko jendearen babesa eta sostengua hor egon 24 martxoa 2017 Binke!

dira beste behin herrian egin ditugun ekitaldietan. Harro esan dezakegu jendearen laguntza eskatu dugunean, ekitaldi batean parte hartzeko, antolakuntzan lan egiteko… beti eduki ditugula eskuak laguntzeko prest.

Urtarrilaren 18an asanblada ireki batekin bueltatu zineten jendartera. Zertarako? Gure Esku Dagok nazio mailan egiten dituen ekimenez gain, herrietan autonomoak gara gure dinamika propioa bultzatzeko. Euskal Herrian iaz hainbat galdeketa egin ziren, Gipuzkoan batez ere, eta aurtengo udaberrirako ehundik gora galdeketa daude deituta, kasu batzuetan eskualde osoak animatu dira, Lea-Artibai edo Durangaldea, adibidez. Gure inguruan, Arrigorriaga eta Zornotza buru-belarri ari dira euren galdeketa prestatzen. Larrabetzuk ere arrakastaz antolatu zuen iragan martxoaren 19an. Galdakaori dagokionez, batzordean argi ikusten genuen helburu potolo baten beharra genuela, bestela, ekitaldi «folklorikoen» zurrunbiloan galtzera kondenatuta geunden. Baina helburu potolo batek jendartearen inplikazioa eskatzen du, eta gainera, horrelako erabaki bat herriarekin batera hartu nahi genuen. Horregatik egin genuen urtarrilaren 18ko asanblada, eta bertan adostu genuen galdeketa bat egiteko behar den plangintza prestatuko genuela.

Baina horra heltzeko herriak eta herritarrek betebehar batzuk dituztela azpimarratu zenuten bilera ireki hartan... Galdeketa egiteko herritarren inplikazioa ezinbestekoa da. Argi esan genuen asanbladan, herrian historikoa izan daitekeen ekimen bat aurrera eroateko, lehenik eta behin herriko Gure Esku Dago batzordea indartu behar zela. Eta lehen baldintza hori bete da, hainbat lagun batu zaizkigulako batzordera. Hortik abiatuta, udazkenean galdeketa bat egiteko aukerak aztertu ditugu, eta lanari ekin diogu azaro aldera demokrazia-

Ekimenean parte hartzeko: galdakao@ gureeskudago.eus ren oinarrizko printzipioa egikaritzeko Galdakaon. Horretarako, herriko sektore guztietako eragileekin batzartzen ari gara, ekimen honek guztion indarra eta inplikazioa behar dituelako.

bide orriaren aurkezpenean esan genuen bezala, amestetik sinestera salto egin dugu. Baldintza honeek bermatzeko lanketa bat izango da hemendik eta 2019rako bidea.

Askotan aipatzen da 2019. urtea. Zer egin nahi duzue ordura arte? Gure Esku Dagok beti esan du gu ez garela etorri hona betiko geratzeko, guk helburu bat bete nahi dugula, erabakitzea alegia. Eta esandakoa betetzen ari gara: 2017 amaitzen denerako, Euskal Herriko 600.000 biztanletik gora izango dira erabaki dutenak. Horrez gain, ez ditugu alde batera utziko hainbeste gustatzen zaizkigun ekitaldi jendetsuak: adibidez, ekainaren 10ean hitzordu bat dugu Bilbon, egun osoko jaia antolatu, eta arratsaldean mobilizazio nazionala egingo dugu, horren barruan erabakitzeko eskubidearen aldeko Itun Herritarra aurkeztuz.

Galdakaon erreferenduma egiteko laguntza handia beharko duzue, ezta? Jendearen laguntza baino, guk jendearen inplikazioa eskatu nahi dugu. Guk uste dugu proiektu hau, galdeketa alegia, ez dela bakarrik Gure Esku Dagoren kontua, baizik eta herri osoaren proiektua. Eta ez dugu zalantzarik jendearen babesa sentituko dugula berriz ere, ikusi besterik ez dago nola indartu den herriko batzordea; ziur gaude berdin gertatuko dela aurretik ditugun lanetarako boluntario sarea egiten hasten garenean.

Gure eskubideen jabe egin gaitezkeela konturatu gara, inoren baimenaren zain egon barik Eta 2019an bertan? Ziklo bat itxiko da 2019an. Gure lanarekin, orain arte egindako ekintzekin, handiekin nahiz txikiekin, bakoitzak bere aletxoa jarriz, erabakitzeko eskubidea eztabaidaren erdigunean jartzea lortzen ari gara. Konturatu gara gure eskubideen jabe egin gaitezkeela, inoren baimenaren zain egon barik. 2019rako Euskal Herriko herritar eta eragile guztien indarra batzen duen gunea izan nahi dugu; kultura politiko berri bat sortuz, aro berri baten zimenduak eraiki nahi ditugu. Abenduan

Zeintzuk izan ziren bilera hartara hurreratutakoek eman zituzten iritziak? Oso argi geratu zen guztion nahia dela galdeketa bat egitea, baina errespetu handia ematen digula guztioi horrelako erronka bati ekiteak. Zaila izango da, baina denok etorri ginen bat esaterakoan helburu indartsu bat behar-beharrezkoa dela. Eta helburu hori lortzeko bidean, herria aktibatzeko lan egitea ezinbestekoa izango dela.

Hala ere, denak ez dira doako iritziak izango... Sarritan entzuten da jendartea indibidualista bilakatu dela, bakoitza berera goazela, baina parte hartzeko aukera ematen bazaigu, lan egiteko prest gaude. Zer izan nahi dugun erabaki nahi dugu, eta eskubidea dugu horretarako. Ez digute ezer aitortu behar, eskubidea gurea da, eta egikaritu egingo dugu. Zentzu horretan kokatzen dugu batzordea indartzeko eskaerak izan duen arrakasta: geure etorkizunari buruz geuk erabaki nahi dugu, eta prest gaude aurrerapausoak emateko. Abagune hau aprobetxatu nahi dugu animatzeko bide hau gurekin batera egiteko prest dagoen edonor: gu prest gaude, eta zuek beharbeharrezkoak zarete!

Binke! martxoa 2017 25

ÂŤMaite ditut maite, gure bazterrakÂť... zioen Laboa handiak. Baina ezagutzen al ditugu gure bazterrak? Ganguren eta Burtotza Mendi Taldeek tarteka gure inguruetatik ibilbidetxo bat proposatuko digute.

4

Errepidetik pistan gora egin eta eskubitara dagoen bidexkatik, Gangurenera

5

Errepide ondoan dago Aretz iturria, eskailera eta eserleku batzuen ondoan

6

Axpuruko bidegurutzetik behera egingo dugu une oro, Aperribaira bidean 3

Dena gora egin argindar dorre batera iritsi arte, bidegurutzean ezkerretara

Errepidea eskubitara gurutzatu eta Elorritxuetara (Vivero) igo

2 7

1

Argindar dorre batzuk bidean utzi eta behera ur depositu bat ikusiko dugu

8

Baserriaren ezkerretik landa batera iritsiko gara, ur putzu eta ortuak dituena

Behera jarraituta Txistulandara iritsiko gara, eta hirigunetik Aperribaira

Aperribai - Jugo - Ganguren (477m) Olabarrieta - Aperribai ibilbidea

L

ehenengo proposamen honetan, Ganguren Mendi Taldeak dagoeneko oso ÂŤzapaldutaÂť baina gutxi ezaguna den inguru bat ekarri digu. Familian edo lagunartean egiteko ibilbide erraza, 12,5 km. ingurukoa eta zirkularra, Aperribain hasi eta amaituko duguna. Nerbioi eta Ibaizabal bailaren elkargunean dago, ibai biren inguruan.

Hortik dator Urbi izena bera. Hasteko Aperribaiko Unamuno plazatik abiatu eta ezkerretara egingo dugu (1), hortik eskubi eta gora egingo dugu, Jugu auzorantza. Bertako baserrien artean ikusiko ditugu Mugarriz Mugarriko marka zuri-go-

26 martxoa 2017 Binke!

rriak, horiek jarraituko ditugu (2), pista zabal batera iritsiko gara eta ezkerretik jarraituko dugu. Gora eginez Otalarreko bistez gozatuko dugu, bista eder horietatik eskumara egin Kortetxuetako merenderora iritsi arte. Eskumara jo une oro, haritzetatik Gudabikolandara eramango gaituen ezkerreko bidexkatik jarraituta gero (3). Errepidea gurutzatuta marka zuri-gorriak jarraitu eta Gangurenera igo (4). Bueltan bide beretik behera egin eta 500 metrora ezkerretara egin (5).

Errepidea gurutzatu eta ezkerretara, Mikoleta eta Eperlandara iritsi arte. Hemendik behera dena ezkerretara (6-7-8).

Nor zen Pontzi Zabala?

P

ontzi Zabala Oleaga (Galdakao, 1920-1986) Galdakaoko Zabaletxe etxean jaio zen medikua izan zen, Santa Maria parrokiaren ondoan dagoen etxean (garai hartan Don Ponciano izenez ere ezaguna zen). Lehenengo ikasketak herrian egin bazituen ere, medikuntza ikasketak berriz Valladolideko unibertsitatean egin zituen, nahiz eta bertan ere «no ser adicto al régimen» salaketek buruko min bat baino gehiago eragin zizkion. Euskaldun amorratua zen bera. Bizkaira bueltatu zenean oposaketak egin zituen eta leku batetik bestera aritu behar izan zen mediku —Galdakaoko plaza lortu arren, kendu egin zioten eta—. Hala ere, Galdakaon amaitu zuen bere ibilbide profesionala, bere etxean zabaldu zuen kontsultan. Herriari oso lotuta izan da beti, Andra Mari Dantza Taldeari bere etxe azpiko lokalak uzten zizkion doan, esaterako. Bere omenez, Juan Bautista Uriartetik Zabalea kalera doan kale aldapatsuari bere izena jarri zitzaion.

T

eknologia berrien garaian gaude eta honekin batera sare sozialak etorri dira. Gaur egun, edonork Instagram, Facebook eta Twitter dauka eta askotan, gure eguneroko bizitzan egiten ditugun gauzak azaltzeko erabiltzen ditugu edota egindako bidaien eta erositako arropa berriaren argazkiak igotzen ditugu. Egia da, batzuetan ligatzeko eta jende berria ezagutzeko erabiltzen direla, baina, funtzionatzen al du? Duela aste batzuk laudorio edo piropo kutxa ikusi nuen Usansoloko Gazte Egunean, praktikara eramaten al dira? Ikus dezagun…

Zein da esan edo jaso duzun piroporik onena?

Garazi Zerutik jauzitako aingeru bat zara!

Iker Zergatik da itsasoa gazia? Zuk daukazulako goxotasun guztia!

Miren Egunsenti guztiak zu bezain ederrak balira, goiz esnatuko nintzateke egunero!

Alicia Munduari buelta emango nioke helmuga zeu izango bazina!

Binke! martxoa 2017 27

Magia

Herri mugimenduak

Martiak 24, barikua

Martiak 25, zapatua

Mag Lari

Usansoloko Talde Feminista 13:30 Trikipoteo feminista 15:00 Usansoloko emakumeentzako bazkaria

Lari Poppins 21:00 Torrezabal Kultur Etxea

Musika Apirilak 1, zapatua galdakaoko Musika banda

Filmetako soinu banden kontzertu pedagokioa

Mendia Martiak 25, zapatua

GALDAKAOKO MUSIKA BANDA DA CAPO ELKARTEA Lekua:: Torrezabal Kultur Etxea Lekua Data: 2017ko Apirilak 1 Ordua: Ordua: 19:00etan Sarrerak doan!!

19:00 Torrezabal Kultur Etxea.

Sarrera librea

Apirilak 8, zapatua

ganguren MT

Peña Ubiña (2.411 m.)

Apirilak 2, domeka burtotza MT

Xoxote (Azpeitia) Apirilak 2, domeka ganguren MT

Arcena Mendilerroa (1.083 m.)

Apirilak 9, domeka ganguren MT

Aizaleku (809 m.)

Apirilak 13, eguena ganguren MT

Aste Santua (Teruel) Apirilak 23, domeka

Argentinatik

Cápsula

+ hErrikO TALDEEn kOnTzErTUAk 21:30 Torrezabal Kultur Etxea. Sarrera librea

Hitzaldia Apirilak 4, martitzena

Lasterketa

Galdakaoko III. Duatloi Krosa

hitzaldia Iñigo Astigarraga Aguirreren Poliedro. Biografía de la familia Astigarraga Aguirre liburuaren aurkezpena.

Euskadiko Txapelketa

Torrezabal Kultur Etxea

28 martxoa 2017 Binke!

Errefuxiatuekin Apirilak 7, barikua Apirilak 8, zapatua Apirilak 9, domeka

17:00-20:00 11:00-13:30 / 17:00-20:00 11:00- 3:30 / 17:00-20:00

Mundu bat elkartea Galdakao errefuxiatuekin kanpaina BATZEKO LEKUA: Araba kalea z/g BATUKO DIRENAK: paper-zapiak, haur-oihalak eta edozkitzarorako esne-hautsak.

Gaztetxearen agurra OrTUOnDO gAzTETXEA. EGITARAUA

Martxoak 24-26

Argitaratzailea: AITU elkartea Koordinazioa: Jon Gomez Garai Erredakzioa: Ixone Muñiz Arana eta Jon Gomez Garai Diseinua eta maketazioa: Artefakto Argazkilariak: Gotzon Almaraz, Ander Arrieta, Inocencio Goikuria,Julio Legarretaetxebarria, Jabi Rojo Ilustratzaileak: Eider Eibar eta Irrimarra Inprenta: BEPSA Banaketa: Egunon Lantegi Batuak eta Correos Hileko ale kopurua: 14.000 Lege Gordailua: BI-41-2016 ISNN: 2444-9385 Binke aldizkariak ez du bere gain hartzen aldizkarian adierazitako iritzi edota esanen erantzunkizunik Helbide orokorra: infobinke@gmail.com Publizitatea: publibinke@gmail.com

Danok iruñerrira: gaztetxe eta Gazte Asanblada topaketak

Martxoak 29, eguaztena 18:00 Hitzaldia eta argazki erakusketa: Kurdistan eguna

Martxoak 30, eguena Azken asteburua: arrasti pasa 19:00 Poteo musikatua 20:00 Argazki masiboa 21:00 Live set

Martxoak 31, barikua Azken asteburua: azken pizzapotea 18:00 Zuzeneko irratsaioa 20:30 Antzerkia 22:00 Kontzertuak

Apirilak 1, zapatua Azken asteburua: azken jaia 12:00 Tailerrak ume eta gurasoentzat 14:30 Herri bazkaria 17:00 Kantautore kontzertuak 19:00 Zirko jolasak 21:00 Kontzertuak 2:00 DJ

Apirilak 2, domeka Azken asteburua: azkenetan… azkena?

12:00 Rabas & Rabes 14:00 Amaiera ekitaldia Binke! martxoa 2017 29

Aurkitu 7 ezberdintasunak

O E Asmatu emakume hauen lanbideak emandako hizkiak erabiliz.

L O A R 30 otsaila martxoa 2017 2017Binke!

Binke!

A G

A

D N

E

R R

Ă‘

I

A

I

O

M

A

A R

A

D

I A R

K L

R I

G A

I

Binke!

Binke!martxoa otsaila 2017 31

Hey, you!

Binkek behar zaitu!

Herriko pertsona eta kontuak plazaratzen jarraitu gura doguz, euskara bultzatzen jarraitu eta gure hizkuntza ikusezin daukien leku horietara heltzen be jarraitu gura dogu‌ Egin zaitez binkekide!

Binke!

Galdakao eta Usansoloko aldizkaria