BINKE 072 Ekaina 2022

72. zenbakia • 2022ko ekaina

RICARDO ASUA ARETXONDO JATETXEAREN JABEA

«Obsesino larregi dago Michelin, Repsol eta antzeko sariak lortzean»

RICARDO ASUA ARETXONDOREN JABEA

«Asko erreparatzen deutsagu bezeroak platerean jan barik uzten deutsanari» TESTUA: JON GOMEZ GARAI ARGAZKIAK: JULIO LEGARRETAETXEBARRIA

O

stalaritza galdakoztarrean instituzioa da Aretxondo jatetxea, eta berarekin batera Asua Jaio familia. Honen oinordeko dugu Ricardo Asua, orain hamar urte gurasoen lekukoa hartu eta galdakoztarrentzat zein kanpoko askorentzat ezaguna den jatetxearen arduradun dena.

Jatetxean elkartu gara berarekin, berarekin ostalaritzaren egoeraz, jatetxearen nondik norakoez eta ezkontzez berba egiteko, besteak beste.

Zelan daramatzazu Tripadvisor eta antzeko plataformetako iritziak? Egia esan, min gehiago egiten dabe, on baino. Iritzi gehienak onak badira be, nahikoa da bakar bat txarra izatea jendeak hori kontuan hartu eta gure beharra pikutara bidaltzeko. Eta txar bat dagoan bakotxean saiatzen gara pentsatzen zergaitik izango ete dan, nor izan zan, zer pasatu zan...

Indar gehiegi doa horretan? Batzuetan akaso bai, baina guk albo batera egin behar dogu, eta gure eguneroko beharra ahalik eta ondoen egiten jarri indarrak. Lehen gainera aurpegira esaten zan esan beharrekoa, eta horri hobeto erantzun ahal izaten zeuntsan momentuan, baina orain dana egiten da mobiletik, eta indarrak horretan galtzen badozuz zoratu egin zaitekez.

Eta Michelin izarrek, Repsol eguzkiek... asko arduratzen zaituzte? Repsoleko eguzki bategaz 20 urtetik gora daroaguz, eta pozik! Baina gu lehia horretatik kanpo

2 ekaina 2022 Binke!

gagoz. Obsesino lar dago horretan, eta bere lana horretara eskaintzen dabenak badagoz, baina guk gure egunerokoa zaintzeko filosofia daukagu Aretxondon.

Zein da Aretxondora datorren bezero mota? Profil ezberdinak daukaguz, baina batez be eguneroko langileak, jubilatuak eta egun berezi zein asteburuetan kartara datozen lagunak, familiak eta taldeak. Bizkai osotik etortzen jakuz, baina baita atzerritik be.

Etengabe berritzen egotera behartuta zaudete? Bai, eta askotan gura barik, burua beti daukazulako bueltaka...

Asko erreparatzen deutsagu bezeroek esaten deuskuenari, platerean jan barik uzten dabenari... Askotan garbitzaileek eurek be esaten deuskue zeinek funtzionatzen dauan eta zeinek ez!

Horretarako bilerarik egiten duzue? Bai, zelan ez.

Bilerak egiten doguz astero, zer barria jarri, zer aldatu, kendu... Eta horretan ez bakarrik sukaldari eta zerbitzariak, garbitzaileak be ekipoaren parte ezinbesteko dira!

Zelan bermatu sukaldaritza modernoaren eta tradizionalaren arteko oreka? Lehenengo, eskaini gura dozuna buruan argi izanda... eta ostean bide hori ondo zehaztuta. Guk, esaterako, gastronomia tradizionala egiten dogu baina gure erara «bueltatxu» moderno bat emonda.

Buelta asko ematen ez dituztenak zerbitzariak dira, asko betikoak direlako, eta baita hemen erretiroa hartutakoak... Bai, zorionez lan-talde ona daukagu, eta batzuek bizi osoa gugaz egin dabe, gaztetxotatik hemen

Ricardo Asua Jaio 1965, Galdakao Txikitatik ezagutu izan du ostalaritza Ricardo Asua galdakoztarrak, Andra Mari jatetxearekin lehenengo eta Aretxondoren sorkuntzarekin geroago. Eta gaur egun, orain 10 urtetik hona, azken jatetxe honen jabea da emaztearekin eta arrebarekin batera, behin gurasoek merezitako erretiroa hartuta.

Kanpotik etorritako pertsonen gero eta behar handiagoa izango dogu hasita, hazita eta erretiroa hemen hartuta.

Eta zelan bermatu daiteke langileen egonkortasun hori? Ahalik eta esparru gehienetan baldintza onak jarrita.

Baina gero eta zailagoa da hori, dana ez dalako soldatara mugatzen gaur egun eta inork ez daualako asteburuetan lanik egin gura. Baina hori ez ostalaritzan bakarrik, medikuak be badagoz euren baldintzakaz kexatzen diranak... Kanpotik etorritako pertsonen gero eta behar handiagoa izango dogu sektore guztietan.

Ogibide «esklaboa» izango da zerbitzarientzat, baina baita jatetxeetako jabeentzat ere, ezta? Jende gutxik ikusten dau hori. Baina hau zabalik dagoan guztietan egon behar dogu guk be hemen. Eta zortea daukagu geuk, familiakoak garala eta emaztea ez badago neu nago, edo arreba... beti egongo da nonor, baina egon, egon behar dozu.

Binke! ekaina 2022 3

Aita joateagaz batera Aretxondoren parte inportante bat joan zan

Ezkontza batetik beste bat irteten da, baita gutzako be!

Handia sikeran bada, eta honen mantenua ez da erraza izango... Ez horixe! Batez be ez dalako bakarrik eraikinaren beraren mantenu-lana eta gastua, inguru guztia ondo jagota izaten saiatzen garalako: arbolak, lorak, hesiak, belarrak, harria... eta horrek eguneroko beharra emoten dau. Gauza bat ez bada, beste bat egongo da egiteko.

Egin dezagun atzera: zelan hasi zen proiektu hau?

Bikote asko eta asko Galdakon ezkontzen ziran, udaletxean, Santa Mariako parrokian edo Elexaldeko elizan, esaterako.

Eta ostean bazkaltzera askok Andra Mari jatetxera joan gura izaten eben. Baina ehun gonbidatutik gorako ezkontza asko egoten ziran lehen, eta Andra Marik ez dauka horrenbesteko lekurik. Horregaitik amak, aitek, osabeak eta izekoak beste jatetxe handiago bat zabaltzea erabaki eben.

Holan ba, izekoa eta osabea Andra Marigaz arduratu ziran eta gure gurasoak Aretxondogaz.

Eta gurasoen ostean, zergatik hartu zenuen zuk lekukoa? Ba, anai-arraben artean nagusiena nazelako esango neuke, ez dakit! (barreka) Gaztetatik bizi izan dot hau, eta kanpoko inor baino, zer hoberik etxeko batek ardura hartzea baino. Holan ba, Robertok —lehengusuek— Andra Mari hartu eban eta nik Aretxondo.

Askok uste dute hemen bizi zaretela, baina horrela da? Ez, lehen gurasoak bertan bizi ziran, baina orain hamar urte jatetxearen ardura hartu genduanean emazteak eta biok erabaki genduan bertan bizita ez genduala sekula deskonektatuko. Azken batean, zure bizitokia eta beharlekua leku berean egotea... Elexalden bertan bizi gara, Aretxondotik hurbil eta telefonoa zein ordenadorea beti gainean, baina bertan ez gara bizi.

Noizko baserria da Aretxondo? Aitek eta osabeak 1987an hasi ebezan lanak, eta 89an inauguratu. Aspaldikoa emoten badau be, ez da hain zaharra!

4 ekaina 2022 Binke!

Zenbat zor diozu gurasoei? Dana. Eurek dana eginda, esku-eskura jarri euskuen. Gure ardura bakarra eurek hasitakoa eta transmitidu deuskuen filosofia mantentzea eta hobetzen saiatzea baino ez da. Tira, eta orain azken erantzukizuna gurea dala.

Zein izan da zure ibilbide honetan, bizitako unerik goxoena? Momentu on asko dagoz, eta ni momentu txikerrakaz geratzen naz, esaterako, bikote bat ezkontzaren ostean eskertzera datorrenean... batzuek opariak be egiten deuskuez! Ez daukie beharrik, baina egiten dabe, eta horrek asko betetzen dau.

ELKARRIZKETA RICARDO ASUA Eta unerik gogorrena? Duda barik, aite joan jakunean.

Ez zan bakarrik gure aite; Aretxondoren aite zan, berak sortu eban, berak hazi... eta hemen joan zan. Beragaz Aretxondoren parte inportante bat joan zan.

Arin-Arin!

Kontu goxoetara bueltatuz: ezkontzak aipatu dituzu, bertan ezkontzea erabakitzen duen bikoteek zergatik aukeratzen dute Aretxondo? Normalean erreferentzia bitartez etortzen dira, bertan beste ezkontzaren batean egon diralako, lagunek esan deutsielako... Ezkontza bateko gonbidatuen artean esaten da «ezkontza batetik beste bat irteten dana», ezta? Baina guretzako be holan da: ezkontza on batetik beste bat etorko jatzu, seguru. Eta holan izan daitela! (irribarretsu)

Gero eta alergia gehiago dagoz, gero eta arraroagoak gainera!

Asteko egun gogokoa?

Domeka.

Herriko txoko gustukoa?

Elexalde.

Liburua ala tablet-a?

Liburua.

Pelikula bat?

El Padrino 2.

Ezkontzarik gabe, bideragarria al da neurri honetako jatetxe bat? Ezkontzak jatetxe batentzako zutabe garrantzitsua dira, bai, baina guretzako sikeran ez dira hil ala biziko kontu bat. Gure beharrik inportanteena eguneroko menuetan eta asteburuetako kartan dago.

Gero eta alergia edo intolerantzia gehiago dago, zelan moldatzen zarete? Gero eta gatxagoa da gai hori, bai... eta buruko min handiak emoten dauz! Baina ondo egin behar dogu, ez dago besterik. Horretarako ondo aztertzen dogu zer jango dauan bakotxak eta zer ezin dauan jan, plater bakotxaren osagaiak zeintzuk diran... Orain gutxi, kasurako, talde bakarrean zortzi alergia diferente izan genduzan!

Gero eta alergia gehiago dagoz, gero eta arraroagoak gainera! (barreka) Zer eskaintzen dizue Galdakaok? Asko! Gure bezero ohikoena galdakoztarra da. Gehiago esango neuke, uste dot galdakoztarrek badaukiela pertenentzia-sentimendua Aretxondogaz, eta askorentzako «euren herriko jatetxea» da. Asko zor deutsagu herriari eta galdakoztarrei.

Eta zelakoa da Andra Mari jatetxearekin duzuen harremana? «Pikerik» badago? Inondik inora be. Lehen esan deutsudan moduan, han lehengusua dago. Eta gehiago esango deutsut: ia egunero egiten dogu berba jatetxeen inguruan! Daukaguzan iritziak, sentimenduak, proiektuak... alkarregaz konpartitzen doguz. Erabaki asko be, alkarregaz hartzen doguz, ezin dogulako ahaztu enpresa bera garala. •

Ez duzu onartzen…

Jendearen harropuzkeria.

Zoriontsu egiten zaitu…

Bezeroen poztasunak.

Plater bat?

Bogabante, koralezko emultsioan.

Deskribatzen zaituen berba?

Lotsatia.

Herrian zer kenduko zenuke?

Argitasuna.

Eta zer berria jarri?

Bidegorriak.

Euskarazko berbarik politena?

Tximeleta.

Zure ametsetako bidaia?

Salvador de Bahia.

Berba egin ala entzun?

Entzun.

Zure mesanotxean ezin da falta…

Irratia.

Abesti bat?

The Wall, Pink Floyd-ena.

Binke! ekaina 2022 5

Mozoilo Eguna

6 ekaina 2022 Binke!

ARGAZKIAK: CLICK&CLICK

Binke! ekaina 2022 7

Hilabete honetako sarituak

Maiatzeko irabazleak

Ana Aretxaga Izarra Amaia Saez Arandia

Jabi Rojo (ezker) eta Ainara Artetxe (eskuin) Binkekideak Dog&Fox jatetxeko Alberto Arrietarekin, jaso behar dituzten menuen berri jasotzeko unean.

On Kafe kafetegiak eskainitako produktu sorta bana irabazi dute. On egin eta zorionak!

Izan zaitez zu ere Binkekide!

Eman zure babesa urteko

36 €

ordainduta

Oraindik Binkekide ez bazara, eta neurri honetako lehenengo komunikabide euskalduna babestu eta sustatu gura badozu, hauek dozuz horretarako bideak:

1. Bete beheko formulario hau, eskaneatu edo atera argazki bat eta bidali e-postaz: info@binke.eus

2. Bete formularioa, moztu, eta utzi gutunazal baten, Binke izenarekin Torrezabal Kultur Etxeko atezainaren leihatilan.

3. Eskaneatu zure

IZEN-ABIZENAK:

mugikorraren QR irakurgailuarekin beheko kodea eta bete formularioa!

HELBIDEA:

TELEFONOA:

NORTASUN AGIRIA:

E-POSTA: IBAN

KONTU KORRONTEA:

8 ekaina 2022 Binke!

ENTITATEA

BULEGOA

K.Z.

KONTU ZENBAKIA

Galdakaoko ondarea ez dago gure esku Iritzia

G

andasegi doktorearen etxea eraitsi dute Galdakaon, Zabalea auzoan. Etxe bat, nire aitaren etxea izan zitekeena. Edo zure amarena. Zoritxarrez, etxe hau galdakoztar guztion ondarea ere bazen nolabait, edo izan behar zuen, hain zen zaharra eta ederra. Aldamenetik pasatzen ginenean ikusten genuen, udaletxetik gora igotako aldapak eragindako estutasunen eztigarri, bihotzaren altxagarri.

Izan behar zuen, baina ez da gehiago izango.

Galdakoztarron etxe horrek ez du zutik iraungo, bota dute eta. Ez dugu berriro ikusiko.

Etxebizitzak eraikiko dira orain hutsik eta goibel dagoen orube horretan, enpresa eraikitzaileek mozkinak irabaz ditzaten. Izan ere diruak uretan ere egin dezake bidea eta, bistan denez, diruak agintzen du gure herrian, ez galdakoztarrek. Galdakao ez dirudi herriarena denik, kapitalarena baizik. Laster ikusiko ditugu garabiak lanean, eta aldapa gogorragoa egingo zaigu. Bihotz hila lehen bizigarria zena.

Herriarena izan zitekeen orube hori: umeentzat jolas parke bat, txakurrentzat txiza egiteko tokia, edo ludoteka bat. Agian adinekoentzat topaleku bat, edo gazteentzat babesleku. Hainbat gauza izan zitekeen, baina ez da izango. Enpresariena izango da. Apoak irentsi eta segi aurrera.

Aurrera, zenbat aldiz entzun dugu hori kalean, ikastolan, lantokian. Gure herriaren geroa bait ginen, gure esku zegoen. Ez omen dugu asmatu; berdin da zeinek agindu, urliak edo sendiak, gurean dirua da nagusi. Gure herria bera ere, Galdakao bera ez dago gure esku, atera kontuak. Ezin herriak nahi duena egin, ezin herriari eman herriari dagokiona. Galdakao enpresarien asmo gaiztoen menpe dago, eta etxeak eraikitzeko apeta ematen bazaie, eurek esan eta udalak halaxe egin beharko. Ez dago besterik.

Zer pentsatua ematen du honek guztiak. Ez bagara gauza gure herriaren ondarea babesteko,

AITOR MONTES LASARTE

Bistan denez, diruak agintzen du herrian, ez galdakoztarrek

ur txikitan nabigatu alegia, nekez ibiliko gara ur handitan. Zer Euskal Herri eraikitzeko gaitasuna daukagu, auzoa txikitzen digutenean isiltzen bagara.

Gogoeta ilunak, baina ez gogoeta hutsak.

Ikasi baitugu ez daukagula ahotsik, Galdakao ez dela gurea. Alferrik dela parte hartzea, hitz egitea, kexatzea, hori guztia berdin zaiela. Etorriko dira gero laguntza eske, lau urterik behin, betiko moduan. Inoiz ez bezala, orduan isilik geratuko gara batzuk, berdin baitzaigu zeinek agindu. Azken batean langileak baino ez gara, herri xehea. Herri xehea gu eta azal lodikoak Gandasegi doktorearen etxea xehatu duten nagusiak. Hurrengoan nire aitarenean ez, baina ni etxean geratuko naiz.

Inurrien gibela afaltzeko.

Binke! ekaina 2022 9

Zaintza iruditan ARGAZKIAK: MAR HERVÍAS @CLICKETACLICK

10 ekaina 2022 Binke!

Binke! ekaina 2022 11

Gure berbaz MANU ETXEBARRIA AYESTA

Zelan idatzi leku izenak:

San Juan eguzkia

Ibarluze ala Iberluze?

Gorosibai ala Gorozibai?...

E

guzki hitza, eki edo ekhi iparraldean, egun, berbeagaz lotu behar dogu eta eguzki-argia dago bere oinarrian. Urtean zehar, mundua mundu danetik, besteak beste, eguzkiari adi egon da gizadia lurreko bizibidean. Eguzkia, lau urtarotan da garrantzitsua baina euskal kulturan udaren hasierako eguzkiak ohitura asko sortu deuskuz. Izan be, udako solstizioan, eguna luzatzen hasten da eta jazoera horren inguruan kristau aurreko zein osteko ospakizun ugari aipatu geinkez. Oraingoan, Gorbeialdeko ohitura zahar bati ekingo deutsagu, San Juan egunsentia Gorbeiako gurutzetik ikusteari. Ohitura hau sano zaharra da Gorbeialdean. Batzuk, eguna argitu orduko igoten dabe Gorbeiako gurutzera eta beste batzuk, bezperatik igonda bertan emon gaua. Bitzuen helburua, San Juan egunsentiko lehenengo eguzki izpiak ikustea, laino, lainabehera edo hodeirik egon ezik. Eta nondik ikusi? ba, aiko; Gorbeiako gurutzetik Anbotorantz begiratuz, Alluitz eta Zorrotza bitartean dagoan «Paso del diablo» gainetik ikusten dira lehenengo eguzkiargi izpiak. Udari «egun on» esan eta ortozik bedartzan oinak bustiten dira osasunerako ona ei dalako. Jagon daiguzan euskal usadio zaharrak etorkizunean!

12 ekaina 2022 Binke!

L

eku-izenak biltzeko ikerketa-beka 1999an deitu zuen Galdakaoko Udalak, udalerriko leku-izenen hurrenkera diakronikoa eta sinkronikoa aztertzeko helburuarekin, besteak beste. Ikerketako behin betiko txostena 2005ean jaso zen eta, zenbait urtez, txostenaren egokitzapena eta orrazketa egin izan da; leku-izen esanguratsuenen digitalizazio eta kokapenarekin batera.

Dokumentazioa Euskaltzaindira igorri zen, leku-izenak aztertu eta ontzat emateko. Hala egin zuen Onomastika Batzordeak 2014ko urriaren 23an Olatzagutian egindako bilkuran.

Galdakaoko web-orrian, beraz, ondorengoa kontsultatu daiteke: • Galdakaoko leku-izenen hurrenkera • Kale-izendegiaren proposamen txostena • Galdakaoko toponimoen mapa

Toponimoak gure kultura-ondare ukiezinaren zati dira: • Hizkuntzen alde garrantzitsua ezeze eta hizkuntzen bilakaeraren ageriko formak dira.

• Historiaren eta antzinateko zein gaur egungo bizimoduaren lekuko baliotsuak dira.

«Mundu globalizatu eta digital honetan, izen geografikoak informazio izatera heltzeko giltza dira ezinbestean», Nazio Batuetako Izen Geografikoetako Aditu Taldea.

Informazio gehiago: hezkuntza-euskara@galdakao.net • 944010540

Eli Maruri, Kids & Us

PUBLIELKARRIZKETA

«Gure ikasleak handitu egin dira eta gure eskola ere handituko dugu, Lapurdin»

E

lisabet Maruri Kids & Us Galdakaoko zuzendaria elkarrizketatu dugu Lapurdi kalearen 21-23 zenbakien aurrean, 2015ean Galdakaoko lehen zentroa ireki ondoren, 2022an bigarren eskola bat irekiko baitu bere ikasle zaharrenentzat.

Pozik Kids & Us Galdakaon irekitzen duzuen zentro berri honekin? Egia esan, oso pozik! Zazpi urte dira gure lehen eskola ireki genuenetik. Gurekin hasi ziren ikasleak hazi egiten dira, eta handitu egin behar genuen, haientzako leku egokia izateko eta txikienentzako gelak mantentzeko. Beraz, ikastetxe berri bat irekitzea erabaki dugu, ikasle zaharrenei zuzendua, beren beharretarako egokiagoa dena.

Nola koordinatuko dituzue bi zentroak? Txikienek Lapurdiko egungo zentrora joaten jarraituko dute. Bertan altzariak txikienei egokituta daude eta zazpi urte hauetan emaitza oso onekin lan egin dugu. Eta ikasle helduentzat, ikastetxe berria izango dugu.

Zein maila dituzte zuen ikasle zaharrenek? Bada, 2015ean 7 urterekin hasi ziren ikasle zaharrenek 14 urte dituzte jada. Kids & Us metodoarekin

hazi eta ikasi duten haurrak dira, eta oraintxe bertan oso ingeles maila ona eskuratu dute. Horietako batzuk Trinityko eta Cambridgeko azterketak egiteko aurkeztu dira, eta %100ak gainditu du! Horregatik, oso pozik gaude beraiengatik eta, batez ere, gugatik, lehendik genekiena kanpoko erakunde batekin berresteagatik, alegia, Kids & Us metodoak oso ondo funtzionatzen duela.

Zein da Kids & Us metodoaren sekretua? Kids & Us Pedagogia Sailak eskolak zehaztu eta prestatzen ditu, ikasleek erritmo onean eta modu dinamikoan ikas dezaten. Hizkuntza haurrei helarazteko ibilgailu hutsezina da jolasa. Gainera, Kalitate Arloak ikastetxeei eta irakasleei ere auditoria egiten die, eskolen kalitatea bermatzeko.

Jolasen, abestien eta ikasgelan gertatzen diren dinamika prestatuen bidez, gure ikasleek ikasi egiten dute eta, aldi berean, ondo pasatzen dute.

Zein da zuen helburua? Kids & Us proiektuaren azken helburua belaunaldi berriek ingelesezko komunikaziogaitasun handienak lortzea da, eta mugak eraisteko etorkizuneko ateak irekitzeko konfiantza izatea. Kids & Us proiektuan, haurren berezko gaitasuna

Kids & Us Galdakao 693 55 13 12 galdakao@kidsandus.es baliatzen dugu hizkuntza deszifratzeko, eta zentzumenetan eta emozioetan oinarritutako ikaskuntza-esperientzia batean sartzen ditugu. Zenbat eta lehenago hasi ingelesa ikasten, orduan eta hobeto barneratzen da. Animatu nahi nituzke Galdakaoko familia guztiak, gu ezagutzera etortzeko aukera gal ez dezaten eta haien seme-alabek ingelesa ikas dezaten urtebetetik aurrera, hizkuntzaren ikasketa naturalean oinarritutako gure metodologiarekin.

Non egongo da zuen zentro berria?

Gure egungo zentrotik oso gertu, Lapurdi kalean bertan dago, 21-23 zenbakian. Oso zentro handia izango da eta aurtengo irailean gozatuko dugu bertan!

Binke! ekaina 2022 13

Kaiola Festibala

Kaiola, ohiko jaialdietatik urrun TESTUA: UNAI SARRIUGARTE LASARTE ARGAZKIAK: KAIOLA FESTIBALA

Kaiola festibalaren seigarren edizioa antolatu berri dute ekainaren 3an eta 4an Galdakaoko Udalak eta Aritza Landaluze galdakoztarrak. Bertan izan zen Binke, eta antolatzailearekin ez ezik, toki anitzetatik etorritako ikusleekin ere hitz egiteko aukera izan zuen.

K

aiola festibalaren seigarren edizioa ospatu zen pasa den ekainaren 3an eta 4an Galdakaoko Torrezabal Kultur Etxean. Izan ere, festibal honek zenbait urte daramatza egungo musika panoraman «diferenteak» diren taldeak gurera ekartzen. Hori dela medio, ezohiko musika jaialdi honetan barneratu zen Binke, honen inguruan zertxobait gehiago jakiteko helburuarekin.

Jaialdia 2016. urtean martxan jarri zenetik, Aritza Landaluze galdakoztarra arduratzen da kontzeptu artistikoari eta gainerako ildoei forma emateaz. Jaialdiaren antolatzaileak ikuspuntuak trukatzen ditu unean uneko Galdakaoko Udaleko Kultura sailarekin, urte bakoitzeko musika eskaintza zein izango den erabakitzeko asmoz.

Landaluzeri aspaldi bururatu zitzaion ohiko jaialdietatik urruntzen zen jaialdi bat antolatzearen inguruko ideia, bere osabak musikaren alde zuen grina aintzat hartuz. Hori dela medio, duela sei urte ailegatu zen ideia horri forma emateko garaia, urte hartan izan baitzen egitasmo musikal honen lehendabiziko edizioa.

Ohiko formatuaren itzulera. Koronabirusaren pandemiak eragindako ezohiko bi urteren ondoren jaialdia ohiko formatu presentzialera itzuli zen ekaineko lehendabiziko asteburuan. Alarma egoera eta pandemia dela, pasa den urteko jaialdian ikus-entzuleak eserita egon behar izan ziren aretoan, eta, hori gutxi balitz, Euskal Herriko musika taldeez soilik osatutako taldeak taularatu zituzten. Baina, oraingo honetan berriro ere nazioarteko artistez osatutako kartelaz gozatu ahal izan zuten Galdakaora bertaratu zirenek, inongo

14 ekaina 2022 Binke!

Jessika Kenney eta Eyvind Kang

murrizketarik gabe, gainera.

Ezagun xamarra da Galdakaon Kaiola festibalean eskaintzen diren kontzertuak bakarrak direla inprobisazioaren aldetik. Musikari hauek normalean beren biretan murgilduta ibili ohi dira Europan barrena, eta, Galdakaon elkarrekin egiten dute topo. Torrezabalen oholtza gainean elkarren ondoan jarri, elkarri begiratu eta jotzen hasten dira, momentu sinestezinak bizitzen dituztelarik gurean.

Aritza Landaluzek Binkeri kontatu zionez, «jendea oso gustora ibili izan zen jaialdiak iraun zuen bi egunetan barrena, norbanakoek lurrean eserita nahiz etzanda egotea erabaki zutelarik», eta gaineratu: «Lehendabiziko unetik askatasuna sentitu zuen publikoak musukorik gabe, eta ohiko normaltasun batean murgildurik, eroso sentitu ziren».

Giroa ederra izan zen, jendea musika «alternatiboago» bat entzutera etorri baitzen. Errespetuzko giroa izan da aurten berirro ere Kaiola jaialdian, jendea ezperientzi ezberdin bat sentitzera etorri delarik, eta, antolatzaileek hori «izugarri» eskertzen dute, nahiz eta, herriko jende gehiago espero, jendea bere konfort zonatik ateratzea zail xamarra izaten baita.

Jaialdi erabat kualitatiboa. Pandemia heldu baino lehen, 2019. urtean, giro izugarria lortu zuen festibalak eta aurten hori berreskuratzea zuten erronka. Hortaz, jendea erakartzeko lan ikaragarria egin zuten antolatzaileek. Horretarako, sei elkarrizketa atondu zituzten Euskal Herriko irrati nagusiekin.

Gainera, EITBk Kaiolaren nondik-norakoak laburbiltzen zuen bideo promoa beraien agenda kulturalean ezarri zuen.

Berria egunkariak ere Oren Ambarchi-ri —jaialdian parte hartu duen artistetariko bati— elkarrizketa bat egin zion. Hitz

Egungo makrofestibaletatik aldentzen den eskaintza gutxitan, aurten Kaiola jaialdi kuantitibo bat izan behar zen arren, hauxe festibal erabat kualitatiboa izan da.

Landaluzek argi dauka, «Kaiolarako aurrekontu handiago bat» behar dutela, talde asko izan baitituzte etorri gabe, beraien aurrekontuak ezin zituztelako ordaindu. Baina, izan dituzten baliabide ekonomikoekin «ondo baino hobeto» moldatu direla aitortu zigun.

Publiko anitza Kaiolan. Aurtengo jaialdiko publikoa nahiz eta murritza izan, anitza izan zen jatorrien aldetik.

Bizkaiko hainbat tokitatik bertaratu zen jendea jaialdira, hala nola, Bilbotik, Igorretik, Zornotzatik edota Bermeotik, baita Gipuzkoatik ere, Irunetik, Beratik, Urretxutik, Zumaiatik, Donostitik, Azkoitiatik edota Azkoititik, besteak beste. Horrez gain, espainiar estatutik ere ailegatutakoak egon ziren, Xixonetik, Madriletik edota Bartzelonatik, tarteko.

Barikuan izandako Jon Etxabe eta Izaskun Bilbao bilbotarrek nabarmendu zutenez, orokorrean Kaiola «nahiko interesgarria eta freskoa» izaten da. Bikote bilbotarrarentzat euskal musika panoraman tankera honetako proposamenak «ugariagoak izan beharko litareke», egungo makrofestibaletatik aldentzen den eskaintza, hain zuzen ere.

Binke! ekaina 2022 15

Ez dago horrelako gauzak gurean ikusteko aukera askorik Xabier eta Nerea galdakoztarrak ere igaro ziren bertatik.

Beste edizioren batean egondakoak dira biak, eta, aurreko edizioak izugarri gustatu zitzaizkiela aitortu zuten. Euren esanetan, «ez gara musika honetan espezialistak, baina ezohiko festibalak ikustea batzutan pozgarria da, eta, galdakoztarrak izanda jaialdia ikustera animatu gara».

Iker Arrazola azpeitiarra eta Javier Ucar «Amsia» musikari eta DJ azkoitiarra izan ziren larunbateko kontzertuak ikustera bertararu ziren zaleetariko batzuk. Arrazolak zioenaren arabera, bigarren aldia zuen festibalean, eta, etorri baino lehen zituen espektatibak bete dituela aitortu zigun. «Amsia» musikari eta DJaren esanetan: «Ez dago horrelako gauzak gurean ikusteko aukera askorik, kartela nahiko potentea izan baita».

Festibalaren bigarren egunean ikusleen nazioarteko ordezkaritza ere egon zen, Damien Koene belgikarra igaro baitzen Torrezabaletik. Gaur egun Gipuzkoan bizi den Koenek aitortu zuenez, «ondo baino hobeto ezagutzen ditut festibalera datozen artistak, eta, eskaintzen duten nibela izugarria da». Belgikarrak aurtengo kartela «ikaragarritzat» jo zuen, eta, euskal lurraldean daramatzan bost urteotan aurkitu duen eskaintzarik hoberena dela zioen.

Estatubatuarrak jaun eta jabe. Jaialdiaren lehenbiziko egunean, barikuan, kalitate ikaragarriko artistek egin zuten topo oholtza gainean. Oren Ambarchi & Crys Cole —Australia eta Kanada— osatutako bikoteak tankera anitzetako soinu-hotsak

interpretatu zituen. Bikote honek musika elektroakustikoaz baliatuz, soinu abstraktuak landu zituen Galdakaon.

Estatu Batuetako Leila Bordreuil & Chris Corsano & Luke Stewart hirukoteak, berriz, free jazzaren, noisearen, nahiz rock abangoardistarekin zerikusia zuten erritmoak eta soinuak interpretatu zituen. Marcia Bassett & Samara Lubelski —EEBB— osatutako bikoteak ere noise-drone-psikodelikokoetara garamatzaten soinu-hotsak eman zituen ezagutzera. Duoformatuan biolin eta gitarraren uztarketa ezinhobea eman zuten aditzera, euren alderik pertsonalena azaleratuz.

Azkenik, Libanoko Mazen Kerbaj artista bisual eta musikariak tronpeta erabiliz bere instrumentuaren soinuaren mugetara eraman zituen bertaratu ziren ikus-entzuleak.

Bestalde, larunbatean nazioarteko beste lau artisten txanda izan zen. William Parker & Hamid Drake —EEBB— bikoteak zur eta lur utzi zituen bertaratu zirenak. William Parker gaur egun munduko free-jazz-baxista oparoenetakoa dugu, eta, Hamid Drake perkusionista eta jazz-bateria famatua ere bada. Free jazz mundu panoramako bikoterik esanguratsuenak txunditu egin zituen Torrezabalera iritsi ziren euskal lurraldeko nahiz kanpoko zaleak. Hitz gutxitan, beraien jazz-ak ikus-entzuleen buruak nabarmenki astindu zituen, publikoa «beste galaxia batera» lekualdatuz.

Aritz Landaluze Kaiola festibalaren antolatzaileak bitxikeri gisa kontatu zigunez, «William Parker musikari eta jazz maisuari duela bi hilabete eskas markapasos bat jarri zioten». Hala, festibalaren antolatzaileentzat ezusteko galanta izan zen Torrezabalen bera ikusi ahal izatea. Parker esklusiboki musika emanaldi hau ematera etorri zen Europara, hau da, Galdakaora. «Orain berriro ere New Yorken, bere jaioterrian, lasai asko dago eta udan Europara etortzeko asmo galantarekin», dio Landaluzek.

Larunbateko bigarren proposamen musikala Francois J. Bonnet & Stephen O’Malley frantziar eta estatubatuar

Oren Ambarchi eta Crys Cole

16 ekaina 2022 Binke!

Chris Corsano eta Luke Stewart

Kaiola Festibala

William Parker eta Hamid Drake

bikotearen esku egon zen. Biek Recollection GRM eta Spectre Journal zigiluetan esku hartu dute, bai argitalpen-mailan, baita sortzaile gisa ere. Nahiz eta nahiko arraroa den biak batera musika emanaldi batean ikustea, aparteko kontzertua eman zuten, publiko guztiaren gozagarri izan zena. Francois J.Bonnet & Stephen O'Malley beraien soinu ilunekin eta sortu zuten atmosferakin, baso batera garraiatu zuten publikoa, bidaia zoragarri eta sinuoso bat izan zena, alegia.

Chris Corsano & Dennis Tyfus —EEBB eta Belgika— bikoteak, aldiz, perkusioaren eta ahotsaren improbisazioen munduan barneratu zuen publikoa. Azkenik, Eyvind Kang & Jessika Kenney amerikarren konposizioek entzulearengan oroitzapenak, sentsazioak, korronteak eta ideiak piztu zituzten, entzuleak hor zeudenik edonola ere jakin gabe, hauen barnemuinean baitzeuden.

Musikari erabat profesionalak. Jaialdira etorritako musikariak oso gustura ibili ziren udalerrian lehendabiziko egunetik, baita Bizkaiko hiriburua eta bertako museoak

ikustera joateko aukera izan ere. Eskainitako emanaldiekin erabat konforme azaldu ziren, eta, eskerrak eman nahi izan zizkioten festibalaren antolatzaileei, eta, baita publikoari ere.

Hona datozen musikariak beren esperientzia trukatzera etorri ohi dira, baita gure kultura, hizkuntza, gastronomia eta bestelako kontuak ezagutzera ere. Ezagutzen ez duten beste leku batera datozen ideiarekin iristen dira artistak, eta horren guztiaren inguruko misterio handiak erakartzen ditu.

Musikari hauek nazioarteko hiri handietan kontzertuak ematen egondakoak dira, mila edota bi mila pertsonaren aurrean. Hortaz, musikariek nahiz eta egon zen baino jende gehiago espero, beren egunerokotasunean jotzen duten forma berberean egin zuten, musikari erabat profesionalak baitira.

Landaluzek Binkeri adierazi zionez, tankera honetako musikariek leku itxi batean jotzea nahi izaten dute, «akustikagatik batez ere». Izan ere, galdakoztarraren esanetan, «kultura espazio ezberdina sortzen da bertan», eta, horrek Kaiola Festibala ederra egiten du antolatzaile zein ikus-entzuleentzat. •

Binke! ekaina 2022 17

Webgune berria

NonBizi.eus, etxebizitza premiari laguntzeko ataria Etxebizitzaren inguruko informazioa eta aukerak biltzeko, NonBizi.eus webgunea jarri du martxan Galdakaoko Udalak. Bertan etxebizitza hutsen, dotazionalen, larrialdietako etxebizitzen eta bestelakoen inguruko informazioa jaso ahal izango da.

G

aldakaok duen «etxebizitzaren arazoari aurre egiten laguntzeko» martxan jarri du Udalak NonBizi.eus webgune berria.

Horrela aurkeztu zuten ekainaren 14an Iñigo Hernando alkateak eta Nerea Orozko Etxebizitza zinegotziak udaletxean bertan.

Atari berria publiko da dagoeneko eta, Erreabilitazioak atala oraindik erabilgarri ez badago ere —instituzioek eraginkortasun energetiko hobetzeko emango dituzten laguntzak argitaratu zain baitako Udala—, honezkero martxan daude gainontzeko sei atalak: etxebizitza hutsak, etxebizitza dotazionalak, larrialdietako etxebizitzak, bloga, kontaktua eta garajeak eta lokalak.

Lehenengo atalarekin, «etxebizitzan dagoen arazoa ikusita, eta hori kontuan hartuta, Galdakaoko Udalak uste du azterlan hau abiapuntu bikaina dela errealitate horretara hurbiltzeko, dimentsionatzeko eta etxebizitza mobilizatzeko politikak egiteko».

18 ekaina 2022 Binke!

Non Bizi Harremana:

944 010 529 www.nonbizi.eus vpablos@galdakao.net

Horregatik, «etxebizitza hutsen programaren helburua da hutsik dauden etxebizitzak eskuratzea eta alokairu babestuaren bidez merkaturatzea».

Etxebizitza dotazionalen atalean berriz, Udalak Iberluzen etxebizitza parke-publiko bat sortuko duela iragarri du, 60 bizitokikoa hain zuzen. Alokairu merkeen beharra dutenei zuzendutako bizitokiak izango dira eta logela bat edo bi izango dituzte. Horien hiru laurdenak, gainera, gazteentzat izango direla hitzeman zuten Hernandok eta Orozkok. Galdakaoko Udalak «ez du aintzat hartzen udalerriko pertsonak eta familiak gaur egun bizitzen ari diren etxebizitza arazoa, beraien egoera pertsonal ekonomiko eta/

edo laboralengatik», onartzen dute agintariek.

Horregatik, gaineratu zuten, «dauzkagun 13 udal etxebizitzak erabiliko ditugu larrialdi egoeratan dauden personei edo familiei laguntzeko».

Horretarako dago bideratuta webguneko hirugarren atala: esleitutako etxebizitza horiek hainbat arazotarako izango dira —generoindarkeriaren biktimak, zaurgarritasun egoerak, baliabide ekonomiko eta sozial falta…—.

Erreabilitazioen atalean, oraindik eskuragarri ez dagoen horretan, aurrerago norberaren etxeko lanak egiteko erakundeek eskaintzen dituzten laguntzak batuko dira.

Azken atala ere ez dago oraindik guztiz osatuta, garaje eta lokalena, baina bertan Udalak kudeatzen dituen garaje mota bien inguruko informazioa batuko du, emakidazkoak eta alokairuzkoak.

Hala ere, webgune honetatik kanpo ere inork zalantzarik izanez gero, telefono eta helbide bat ere jarri dute Udaletik herritarren eskura.

Natural bezain demokratikoa Lerroartean

NEREA URGOITI GALARZA

G

abriel Arestiren berbak moldatuz hasiko dot gaurko gogoeta: «Nire amamaren etxea defendituko dut, otsoen kontra, sikatearen kontra, lukurreriaren kontra, justiziaren kontra, defenditu eginen dut nire amamaren etxea». Gure amamak urte batzuk atzera eman zuen azken arnasa, udazkena zen eta bere tokilla berdea sukaldeko aulki hutsean utzita negua izoztu zitzaigun. Ez ditut ahaztekoak bere azken berbak, emakume kementsu baten odol beroak gure barruak borborka jarriz. Anbulantziara bidean medikuari «Galdakaora» entzun, eta haserre eskua gogor helduz «Galdakora? Ez goaz ospitalera ala?». Bai, amama usansolotarra zen, bertan jaioa. Bertan hazi, hezi eta zahartutakoa. Eta bere hazietatik hezi gara ingurukoak ere, sustrai beretik eraiki genuen iragana,

oraina eta etorkizuna. Eraiki zuten/dugu gure nortasuna, herriarekiko maitasuna, eta oparoa izan da oihartzuna.

Askorentzako alperreko borroka galdua izango da, beste askorentzako erabakitze eskubidearen aldeko ariketa demokratiko hutsa, baina guretzako errealitateari inposatutako maskara kentzea baino ez da, benetan aske bizitzeko aukera. Hausnartzekoa da adibidez Galdakaoko Gazte Eguna gure herriko jaietan ospatzea naturaltasunez onartzen dugun heinean Usansoloko Gazte Eguna Bediako jaietan jartzea ulergaitza egiten zaigula.

Martxoaren 27an loratu zen udaberria eta ezin azal daiteke orduantxe bizitakoa. Indartsua izan da herriaren erantzuna, indartsu bezain irmoa. Beraz, naturala litzateke herri oso baten erabakia behingoz errespetatzea, natural bezain demokratikoa. Borroka hasi zenuten amamengatik, zuengatik, jarraituko dugu gure herriaren bidea.

Bizikletak eta txokolatea JOANES URKIXO BEITIA

G

aur egun, kirolarientzat dieta egokia zein funtsezkoa den gauza jakina da, eta oker eginda karrera honda dezakeela ere bai. Hori beti jazo da.

Niri, esaterako, Roque Mendiako jaietan jazo zitzaidan.

Roque Mendia zen, Frankoren garaian, gaur Iberluze izena daraman kale aldapatsua. Beheko aldean, Plazakoetxetik gertu, 1966 edo 1967 urtean lagun aldra batek auzoko jaiak antolatu zituen. Behin antolatu ere. Frankoren garaian, zer espero.

Ekitaldi bat gazteentzako txirrindulari igoaldia izan zen, kaleko behe aldetik abiatuta, Zabaleako Txabolitako goiko muturrean zela helmuga. Eta hara hor ni, beste mutiko mordo batekin, zein bere bizikleta astunari eutsiz. Pilo bat ginen eta, antolatzaileek bitan banatu gintuzten, bakoitzean hiruna sailkatu eta

Zabalean azken igoaldi bat egingo zelarik.

Neure txandan bigarren geratu nintzen. Amak harrera egin zidan helmugan, zuhamuxka-lore sorta batekin eta txokolatearekin. Bizkor jaitsi ginen eta abiapuntuan kokatu gintuzten amaitzaileok, atsedenik gabe, ni artean txokolatea jaten ari nintzela. Berriro abiatu eta segidan txokolatea ahoan itsatsita sentitu nuen, ore lodia eginda eta edateko urik ez neukala.

Aurrenik nindoan, Zabalganeko Lukasekin eskuzesku, baina Aperriren etxera heldurik ezin gehiago eta seko gelditu nintzen. Tua bota gura eta turik ez, txokolate ildotxo bat ezpainetan zintzilik baino ez zen irteten. Arnasarik gabe, baina amorratuta, berriro igo bizikletara eta, neke batean, karrera amaitzeko moldatu nintzen.

Hara, ba. Dieta okerrak balizko karrera hondatu zidan eta, txirrindulari barik, idazle bihurtu nintzen.

Binke! ekaina 2022 19

AINHOA VALENCIANO

Galdakao irabazle Hego Uribeko txapelketan

JON AZKUETA

ATHLETIC CLUB

Hego Uribeko futbol selekzioen hamabigarren edizioa Galdakaok irabazi eban, Arrigorriaga aise irabazita eta Basauriren aurka bardindu ostean. Gainera, Iñaki Ibarretxe 89 urteko futbolari ohia omendu eben zelaian bertan. Bere webgunean batu ebazan Binkek Ainhoa Valencianok bidalitako zortzi argazki! Argazkiak ikusteko: www.binke.eus

Athleticen keinua gure herriei

Planetak Azkueta fitxatu dau

Athletic Clubek 2022/23 denboraldirako ekipazio barria aurkeztu eban eta bi herrikideri keinu bana egin deutse taldeak: Jesus Arrizabalaga «Txapelas» eta Ane Legarreta.

Editorial Planeta argitaletxeak Jon Azkueta idazle usansolotarra fitxatu dau, azken honen «69 segundos para conquistarte» liburu barria fisikoki argitaratzeko.

20 ekaina 2022 Binke!

BINKELEGARRETAETXEBARRIA JULIO

Santakurtz jaietako kartel lehiaketa hasi da

BINKE

IZAN ATHLETIC

Irailaren 9tik 18ra bitarte antolatuko dira aurtengo Santakurtz jaiak, eta jai galdakoztarrak iragartzeko kartel lehiaketa abian jarri da uztailaren 5era bitarte. Kartela hautatzeko prozesua ekainaren 7an hasi zan eta lehiaketak bi modalitate izango dauz edizio honetan: haur-gazteen modalitatea eta helduen modalitatea. Binke.eus-en batu dira aurkezteko baldintzak.

Elkar ulertzen ari dirala dirudi

Uriarte kanpainan Galdakaon

Galdakaoko alkatea Iñigo Hernando eta Etxebarriko alkatea Loren Oliva lanzaderaren auzian alkar ulertzen ari dirala esan eban Galdakaoko Udalak.

Athleticeko presidente izateko hautagaiek kanpaina hasi dabe. Sinadura gehien jaso dituanak, Jon Uriartek, Galdakaoko Aterpe tabernan hasi eban bere ibilbidea.

Binke! ekaina 2022 21

MISS WOLRD SPAIN

Gandasegiren etxea, eraitsita

BIRA PRODUKZIOAK

Gandasegi doktorea jaio zan Zabaleako etxea eraistea ekiditzen saiatu zan Galdakaoko Udala, «eraikin historikoa» mantendu gurean, baina jabeek ez eben diru eskaintza onartu. Etxea eraitsi dabe dagoaneko.

OLAIA ARENAS

Miss Bizkaia izendatu ostean, datorren ekainaren 18an Bartzelonan ospatuko dan Miss World Spain modeloen lehiaketan lurraldearen ordezkari izango da Ainhoa Garcia galdakoztarra.

BINKE

Ainhoa García, Miss World Spain hautagai

Galdakoztarrak Espainia mailan

Erlojupekoa estreinatu dabe

Huelvan ospatu zan Espainiako Junior Mailako Saskibaloi Txapelketan hainbat galdakoztarrek hartu eben parte; besteak beste, lau jokalarik eta entrenatzaile batek.

Galdakaon grabatutako Erlojupekoa film laburra estreinatu zan ekainaren 9an «Bost teilatu» film kolektiboaren barne eta Udalbiltzaren ekimenez.

Gazte Trukea antolatu dau uztailean Argizai aisialdiko taldeak zazpigarrenez, aurten Galdakao eta Poloniaren artean

Mikel Crespo entrenatzaile galdakoztarrak Deportivo Alaveseko lehenengo taldea entrenatzen jarraituko dau bigarren denboraldi batez

22 ekaina 2022 Binke!

OMER AMARIKA

Umore Onako lehenengo irabazleak alkartu ziran

Usansoloko Umore Ona futbol taldearen lehenengo titulua 1997/98 denboraldian irabazi eben orduko 19 futbolariak barriro alkartu ziran Elexaldeko sagardotegian, eta horren barri emon eban Binkek bere webgunean, garai hartako argazkiekaz.

MIGUEL ANGEL MARTIN

San Juan bezperarako Galdakaoko gazte sortzaile barrien bila dabil Zizpa Gazte Konpartsa

U113 TRIATLOI TALDEA

Sexu eta afektibitate aholkularitza zerbitzua eskainiko da gazte eta nerabeentzat

Usansoloko V. Herri Lasteketa

Bizkaiko talde independenteak

Usansoloko bosgarren herri lasterketa solidarioa bueltan izan zan ekainaren 5ean, ume, gazte eta nagusien parte hartzearekin. Pozik amaitu eben U113koek.

Bizkaiko talde independenteen bigarren bilera Galdakaon egin eben ekainaren 8an, «ikusgarritasun gehiago» eskatzeko. Bertan izan zan Miguel Angel Martin zinegotzia.

Binke! ekaina 2022 23

Paola de la Cruz, trial gidaria

«Nire bizitzako kirola aurkitu dut pandemiari esker» TESTUA: LEIRE REGADAS CALLEJO ARGAZKIA: JON GOMEZ GARAI

Motor baten gainean eta zutik, ibilbide bateko oztopoak gainditzean datza triala. Penalizazio puntuak gehitzen dira akats bakoitzeko, eta motorreko beste kirol batzuetan ez bezala, puntu gutxien lortu duenak irabazten du lasterketa.

H

amaika urte besterik ez zituela motorraren hotsak grina piztu zion. Kirol desberdinetan aritu ostean, trialaren munduan murgildu zen Paola de la Cruz (Galdakao, 2009) duela bi urte.

Ordutik, bera eta bere motorra banaezinak dira. Lehen momentutik podiumera igotzea lortu du, lehen postutik geroz eta gertuago dagoen galdakoztarrak.

Txikiatik izan duzu kirolekin harreman estua. Baina, kontaiguzu, nolatan hasi zinen trial egiten? Pandemian zehar bururatu zitzaidan. Ordura arte igeriketa sinkronizatua egiten nuen, baina orduan igerilekuak itxita zeuden eta entrenatu egiten genuen, baina uretatik kanpo. Ez zen gauza bera. Beraz, beste kirol batzuen bila hasi nintzen. Beti izan ditut gustoko motorrak eta gurasoei motokrosa egitea proposatu nien. Noski, arriskutsuegia iruditu zitzaien eta alternatiben bila ibili ondoren, triala aurkitu genuen. Hamaika urte nituen honetan hasi nintzenean. Bi urte eman ditut dagoeneko eta pozez zoratzen nago. Beti esaten dut ez dagoela berri onik ekartzen ez duen berri txarrik, pandemiari esker nire bizitzako kirola aurkitu dudalako.

24 ekaina 2022 Binke!

Atzera egin dezagun; aipatu duzu igeriketa sinkronizatua egiten zenuela. Ezohiko kirola hau ere…

Guztiz kasualitatez murgildu nintzen horretan. Igerilekuan nenbilen uztai batekin jolasean, eta antzeko kirolen bat probatu nahi nuela bururatu zitzaidan. Orduan ez nekien kirol hau existitzen zenik ere. Lehiatzea ere proposatu zidaten, baina horrek taldez aldatzea suposatzen zuen, beraz, ezetz esan nuen. Lehiatu ahal izateko nire lagunekin entrenatzeari uko egin behar banion, ez zitzaidan interesatzen. Niretzat bigarrenak garrantzi handiagoa du.

Eta hamaika urte besterik ez zenituela, lehendabizikoz motor bat gidatzen hasi zinen; ia zu baino handiagoa izango zen! Trialeko bideoak ikusterakoan hura praktikatzeko gogoa eman zidan. Aurretik, aitak Artxandara eraman ninduen nola entrenatzen zuten ikustera. Txingorra gogor jausten zen eta dena lokatzez beteta zegoen. Aitak uste zuen gogoa kenduko zitzaidala eta alde egin nahi nuela, baina niri gero eta gehiago gustatzen zitzaidan ideia. Beraz, azkenean motor bat erosi zidaten. Kalean probatu aurretik, kutxa batzuen gainean jarri genuen, motorra abiatu gabe enbragea eta martxak probatzeko. Baina berehala atera nintzen kalera zelai batean frogak egiteko eta, egia esan, azkar moldatu nintzen.

Agerikoa da, bai, azkar moldatu zinela! Hasi eta sei hilabetera bigarren postua eskuratu zenuen eta Cantabriako zirkuitoan! Gainera, ez zen batere erraza izan... Ufa, bai, ez dut ukatuko gogorra izan ez zenik.

Kategoria altuago batean lehiatu behar izan nuen, ez baitzegoen lehiaketarik nire mailarako. Zirkuitu luzea izan zen, lau ordukoa. Normalean, laguntzaile batekin joaten zara beti, motxileroekin, nire kasuan aitarekin joaten naiz. Baina orduan aitak ezin izan zuen erritmoa jarraitu eta bakarrik

bukatu behar izan nuen lehiaketa. Eskerrak lankideek lagundu nindutela une batzuetan ura eta gasolina emanez, asko eskertzen diot Aitorri azken zatian nirekin egon izana. Bestela, ezin izango nuke bigarren postua eskuratu. Triala banakako kirola den arren, laguntasun handia ere badago.

Zein da laguntzaileen edo motxileroen garrantzia?

Berebizikoa da motxileroen laguntza, nire kasuan, nire aitarena. Zirkuitu berean eremu desberdinak daude lehiatzen den kategoriaren arabera, erraza da despistatzea eta zurea ez den ibilbide batetik joatea. Noski, horrek puntuak gehitzen ditu, penalizatzen du. Niri gustatzen zait aitak bidea aurretik markatzea, oso lagungarria zait. Baita, tarte zailetan babesa izateko, erortzerakoan altxatzen laguntzeko, animatzeko, ura edota janaria emateko...

Nola daramazu kirol honetan neska eta gaztea izatea?

Oro har, neska gutxi dagoen kirola da. Nire inguruan trial egiten dudala esaten dudanean, badago harritzen den jendea. Nire ustez, batzuek oraindik pentsatzen dute kirol hau mutilentzako dela. Ni gustura nago, ez naiz neska bakarra, beste hiru lagun ditut. Neska erreferenteak ere badira; Berta Abellan edo Daniela Hernando, esaterako. Azken honek nire adina du gutxi gorabehera eta asko ikasi dut harengandik.

Zer da garrantzitsuena trialean aritzeko? Ba, hasteko, oreka behar da; konplikatua izango litzateke bestela, motorrean zutik gaudelako. Indarra izatea ere garrantzitsua da. Baina, jakina, buruak ezinbesteko papera jokatzen du. Nire kasuan, lehiatzen ari naizenean baldin badakit zein postutan nabilen deskontzentratu egiten naiz, nahiago dut neure kabuz joan eta azkenean emaitza jakitea.

Euskal Herrian kirol minoritarioa da triala. Zure pasioa den heinean, zein hutsune antzematen dituzu? Zaila da entrenatzeko tokiak topatzea, legezkontrakotasunean erori gabe. Egoera arraroa da, nik dudan adinarekin legeak ez dit uzten 125eko motor bat eramaten. Entrenatzeko toki bakarra Artxandan dago. Nire kasuan, Kantabrian federatuta nago, hemen zirkuituren bat dagoen arren entrenatzeko ia lekurik ez dagoelako. Erraztasun gehiago nahiko nituzke.

Noiz izango duzu hurrengo erronka? Ba laster, uztailaren 3an beste lehiaketa bat izango dut. Oso gogotsu nago eta lehen postua bilatzera joango naiz. Entrenatzen emango ditut datozen asteak eta trial kanpus batera ere joango naiz.

Hurrengo urteetan trial egiten jarraitzea da nire helburua, hau da nire pasioa eta ahal dudanera arte burubelarri ibiliko naiz honetan. • Binke! ekaina 2022 25

Binke.eus

Paperetik harago, hauek dira Binkeren webgunean irakurrienak!

Bekeako errekatxoan gizon baten gorpu hila aurkitu izanaren albistea izan da binke.eus-en irakurriena hilabete honetan.

Usansoloko Oinarin Dantzari Taldeak 25. urteurrena ospatu zuen maiatza bukaeran eta Binkek Jabi Rojo bidalitako argazkiak batu zituen.

Galdakaoko Mozoilo Egunean antolatutako egitarau osoaren berri ematen zuen albistea izan da hilabeteko irakurrienetarikoa.

Usansoloko ikasle talde batek «liburutegi zerbitzu duina» eskatzen dio Udalari, eta Binkeren bitartez salatu zituen zailtasunak.

Bea Ilardia politikari galdakoztarrak EH Bilduren Bizkaiko zerrendaburu izateko hautagaitzan errepikatuko ez duela iragarri zuen.

Aperribaiko emakume arabiarrek, emakume eta umeentzako bazkaria antolatu zuten, auzoko Laguntza Sarea eskertzeko.

Ganguren mendian egin gura duten zabortegiari Uraren Agentziak oniritzia eman zion. Euskadiko handiena izango litzateke.

Gure herrietako

aktualitatea:

Binke TV

Bizkaiko Batzar Nagusietako erakusketa inauguratu zuen Ane Otaduik Galdakaon.

26 ekaina 2022 Binke!

Hauek dira grabatu eta argitaratutako azken hiru bideoak Binke telebistan!

Oinarin Dantzari Taldeak 25. urteurrena ospatu zuen maiatzaren 21ean.

Sarraskitik 85 urte igarota, Galdakaoko Udalak ekitaldia berezia antolatu zuen.

Sare guztiak klik bakarrean!

Zuengandik ahalik eta hurbilen egoteko, webguneaz gain Binkek WhatsApp, Telegram, Instagram, Twitter, Facebook eta YouTube sareak ditu eskura. Eta gainera, bere zenbaki guztiak formatu digitalean argitaratzen ditu ISSUU kanalean. Esteka horiek, eta askoz gehiago, ondoko QR kodean dituzu!

Proiektu honetarako lanean: Argitaratzailea: Aitu elkartea.

Koordinatzailea: Jon Gomez Garai.

Irudia eta maketazioa: Naia Bergaretxe.

Erredakzioa: Beñat Armentia, Leire Regadas, Unai Sarriugarte eta Xabi Ealo.

Batzorde Orokorra: Gaizka Uriarte, Ixone Muñiz, Leire Zamalloa, Ainara Goitiandia, Beñat Armentia eta Iñigo Larrea.

Ilustratzaileak: Irrimarra.

Inprenta: Comeco Gráfico.

Banaketa: Mediapost eta Correos.

Hilero banatutako ale kopurua: 14.000.

Lege Gordailua: BI-41-2016 ISSN: 2444-9385

Proiektu hau posible egiten dute:

linktr.ee/binke

Ohiko kolaboratzaileak: Manu Etxebarria, Edu Madina, Aitzol Altuna, Estibaliz Apellaniz, Joanes Urkixo, Yayone Altuna, Irati Bediaga, Julen Gabiria, Gotzon Barandiaran, Antton Irusta, Nerea Urgoiti, Josi Basterretxea, Xabier Valencia, Nagore Ferreira Zamalloa, Edu Olea eta Bego Martinez.

Elkarte laguntzaileak: Ganguren Mendi Taldea, Burtotza Mendi Taldea, Andra Mari Dantza Taldea, Galdakao Gogora, Etxerat, Usansolon Euskaraz, Euskaraldia eta Bagabiz euskara elkartea.

Argazkilariak: Jabi Rojo, Gotzon Almaraz, Aitzol Zamalloa eta Julio Legarretaetxebarria.

Webguneko laguntza: Aitor Espinosa eta Naiara Perez de Villarreal.

Binke aldizkariak ez du bere gain hartzen aldizkarian adierazitako iritzi edota esanen erantzunkizunik Harremana: 680 74 32 11 info@binke.eus

www.binke.eus

Babesle ofizialak:

Binke! ekaina 2022 27

Gilda hilabetea

Elkartasun astea

Ekainak 19, domeka

Ekainak 20, astelehena

13:00 Elene, San Inazio plazan

18:00 Kalejira antiarrazista

13:00 Maider Legarreta, Iturrondo plazan

19:30 Urteko argazki erakusketa, aurpegi margoketa

Ekainak 26, domeka 13:00 Ero taldea, Muguru plazan 13:00 Maider Legarreta, Santi Brouard plazan

Musika Ekainak 19, domeka Da Capo Galdakaoko Musika Banda

eta merienda. —Herri gunean—

Ekainak 21, martitzena Herriko Bentan 19:00 Mahaingurua

«Gorputza, lana eta identitatea» «RegularizaciónYa, ELEAK, EMF-S» 20:15 Erakusketa artistikoa

«Zertarako erabili gure gorputzak?»

Ordua: 18:30

Ekainak 22, eguaztena

Kurtzeko plazan

18:00 Txorimalo Txiki Eguna —Herri gunean—

Kirola Ekainak 26, domeka Zazpi Trokak traila Ordua: 10:30 Ganguren Mendi Taldea

Ginkana, txorimalo tailerra eta merienda

Ekainak 23, eguena Biltegian

Ortutik platerrera «Ekoizpena batu eta sukaldatu» 16:00 Biltegitik ortura 19:00 Ortutik biltegira

Uztailak 9 eta 10

Ekainak 24, barikua

Euskal Herriko Udako Haur Mailako Txapelketa 2021-2022

17:00 Laburmetrai grabaketa eta mural margoketa

Nafarroako Igeri Federazioa eta Euskadiko Igeriketa Federazioa

21:00 Pole Dance eta Inpro Show —Herriko Bentan—

Urretako kiroldegian

Sukaldaritza Jose Miguel Olazabalagak eskainiko duen azken masterclassa Ekainak 22, eguaztena 18:00 Pasta eta patatak Torrezabal Kultur Etxean

—Herri gunean—

Ekainak 25, zapatua Urreta eskolan 11:00 Mahaingurua

«Elkarlaguntza sareen etorkizuna.

Hipotesi eta estrategia proposamenak» 14:30 Bazkaria 17:00 Saskibaloi «mundialitoa» 3x3 20:30 DJ-ak Herriko Bentan

Balkiria eta Muff

Ekainak 26, domeka 13:00 Goikolarrara igoera 15:00 Parrillada 20:00 San Juan sua

28 ekaina 2022 Binke!

San Juan Galdakaoko San Juanak Ekainak 23, eguena 22:00 San Juan sua, ohiturak eta erritualak

Santi Brouard plazan

Urretako San Juanak Ekainak 23, eguena 16:45. Aurpegi margoketa eta jolas ezberdinak,

Ludotekaren eskutik

12:30 Tortilla eta putxera lehiaketarako izena ematea 13:00 Rally Poteoa doako tapen dastaketarekin 13:00 Amanecer bermutezko marianito prestatuak

Urretako landan David Ruiz de Olivissimaren eskutik 13:00 Kalejira, Da Capo musika bandaren eskutik 13:00 Aikido erakusketa Urreta parkean

Station Wagonen eskutik 13:30 Batukada, Soka Batukadaren eskutik 13:30 Tortillen aurkezpen eta sari banaketa

19:00. Pregoia

14:00 Putxeren aurkezpen eta sari banaketa

19:00. Txosna irekiera eta Rally Poteorako txartelen

16:00 Apar jaia Urreta parkean

banaketa 19:30. Zumba masterclassa, Estudio Unoko Andrea

Lópezen eskutik 19:30. Batukada, Soka Batukadaren eskutik 20:30. Sardinada

Goyo Arrandegiaren parte-hartzearekin 21:30. Los Primos flamenko kontzertua —1. zatia— 22:00. San Juan sua piztu, konjuruarekin batera

16:00 Mus txapelketa

Gure Bastartxue eta Lorea tabernetan 17:00 Saskibaloi «mundialitoa» 3x3

Elkarlaguntza Sarea Galdakaoren eskutik 17:00 Gynkana, Argizai Eskaut Taldearen eskutik 18:00 Urretaldearen I. Motorren Bateratzearen

sari banaketa

22:30. Los Primos flamenko kontzertua —2. zatia—

23:00 Remix Orkestraren emanaldia —1. zatia—

01:00. Txosna itxiera

01:00 Bingoa eta Haizea Roldánen —La Voz Kidseko

Ekainak 24, barikua 18:00 Gynkana, Topaguneen eskutik 19:00 Rally Poteorako txartelen banaketa 19:00 Kalejira eta animazioa 19:00 Txistularien kalejira, Ad Libitumen eskutik 20:00 Zuzeneko emisioa Urretako landan

Mozoilo Irratiaren eskutik 20:30 I. Freestyleko oliar borroka

Invert txapeldun internazionala izango da 23:30 Tracy DJarekin animazio musikala 01:00 Galtzontzilo eta kulero sokatira

Ekainak 25, zapatua 11:00 Urretaldearen I. Motorren Bateratzerako

izena ematea 11:00 Mahai-ingurua Urreta ikastetxean

parte hartzailea— emanaldi berezia 01:30 Remix Orkestraren emanaldia —2. zatia—

* Egun guztietako egitaraua binke.eus-en

Artetako jaiak Uztailak 9, zapatua 10:00 Paella txapelketaren hasiera 12:00 Oinarin Dantzari Taldearen dantza emanaldia 12:30 Txistorrada 13:00 Herri kirolak 14:30 Paella aurkeztu eta sari banaketa 15:00 Herri bazkaria 16:00 Umeentzako puzgarriak eta jolasak 17:00 Igel txapelketa

Elkarlaguntza Sarea Galdakaoren eskutik

17:30 Mus eta briska txapelketak

«Elkarlaguntza sareen etorkizuna»

18:30 Tiragomas txapelketa

12:00 Urretaldearen I. Motorren Bateratzea

19:30 Txapelketen sari banaketak

12:00 Haurrentzako puzgarriak Urreta parkean

20:30 Erromeria Lontxo taldearen eskutik Binke! ekaina 2022 29

30 ekaina 2022 Binke!

Binke! ekaina 2022 31