FREE!
15 JULY 2022
072 757 0514
info@veldbrandmediasa.co.za
NOW YOU KNOW!
Veldbrand
BETHLEHEM | CLARENS | PAUL ROUX | ROSENDAL | FOURIESBURG
Bethlehem se propvol damme, maar leë krane
BETHLEHEM | CORNE’ VAN NOORDWYK Verskeie in Dihlabeng is diep bekommerd oor die voortslepende waterkrisis binne in die munisipaliteit. Die afgelope paar weke se langdurige implementering van beurtkrag, is die bystand-kragopwekker wat nou al vir meer as 'n jaar lank aan inwoners belowe is, steeds nie by die Saulspoortdam afgelewer of geïnstalleer nie en inwoners se krane droog vinniger op as die spoed van lig. Dit is volgens die Demokratiese Alliansie in die Vrystaatse Wetgewer, nadat hulle onlangs vrae oor hierdie ‘beloofde’ kragopwekker aan die LUR vir COGTAHS, Mnr Mxolisi Dukwana, gevra het. Volgens hulle het Dukwana op hulle vraag gereageer met die volgende: “Ja, ons is nogsteeds besig met die proses om die kragopwekker te kry. Die kragopwekker is reeds vervaardig en is gereed om by die perseel afgelewer te word. Daar is egter tans 'n oponthoud tussen die vervaardiger en die Munisipaliteit. Die vervaardiger voldoen dood eenvoudig nie aan die MFMA se vereistes nie. Die vervaardiger wil hê dat die rekening ten volle vereffen moet word in sy rekening, voordat hy die kragopwekker kan lewer aan die Dihlabeng munisipaliteit. Dit beteken dat die Munisipaliteit 'n vooruitbetaling moet doen; wat nie deur die MFMA toegelaat word nie. In hierdie stadium soek die Munisipaliteit steeds na alternatiewe maniere, sonder om die wet te oortree. Sodra dié kwessie opgelos is, kan die volgende fase van die lewering van die kragopwekker plaasvind. Die koste van die kragopwekker sal meer as R7Miljoen beloop. Die vervaardiger is 'Copper Eagle' en betaling kan nie gedoen word op produkte wat nie fisies op die perseel is nie, soos die MFMA duidelik aandui, en enige sodanige transaksie kan oudit-navrae veroorsaak en die amptenare wat vir die transaksie verantwoordelik is, kan aangekla word vir finansiële wangedrag en die oortreding van juis dit wat die MFMA vereis. Eers nadat die kwessie uitgesorteer is, sal die kragopwekker beskikbaar wees.” Kort nadat dié verklaring gemaak is, het die DA egter
verdere kommer uitgespreek: “Selfs al lewer hulle die kragopwekker, sal dit volhoubaar wees om ‘n industriële kragopwekker vir ongeveer 10 tot 11 uur op fase 4 en 6 beurtkrag te laat loop? Met die huidige brandstofprys sal die koste om hierdie kragopwekker te bedryf onvolhoubaar vir die Munisipaliteit wees. Met die onlangse jaarlikse begroting wat vir 2022/2023 goedgekeur is, waarteen die DA gestem het, sal daar nie genoeg fondse wees om hierdie industriële kragopwekkers vir 'n lang tydperk aan die gang te hou nie.” Willie Theunissen, die voorsitter van die DA-koukus, het aan die media gesê: “Die DA het aangevoer dat daar nie genoeg fondse vir instandhouding en herstel van infrastruktuur toegeken is nie, en te veel aan salarisse en aan die burgemeesterskantore toegewys is. Een van die DA se grootste besware was die aankoop van twee luukse voertuie vir die Uitvoerende Burgemeester en die Speaker, met eersgenoemde wat belastingbetalers R700 000 gekos het. Met prioriteiet in plek kan die munisipaliteit oplossings vind vir die elektrisiteit en waterkwessies in die munisipaliteit en sy inwoners. Die DA het voorgestel dat alle onnodige uitgawes gesny moet word en die fondse eerder vir instandhouding en herstel van infrastruktuur en die voorsiening van water aan die hele Dihlabeng Munisipaliteit, aangewend moet word. Die ANC het die gemeenskap gefaal. Oor die afgelope 8 maande, sedert die verkiesing, het infrastruktuur, dienslewering en die voorsiening van water net verder en verder agteruit gegaan. gebrek aan water gesien. Hou in gedagte dat die Dihlabeng-munisipaliteit een van die land se grootste waterbronne, die Asrivier, saam met die Saulspoortdam langs Bethlehem het. Só, waarom die gesukkel? Die enigste langtermynoplossing vir die diensleweringsprobleme in Dihlabeng is ’n verandering in regering.” media@veldbrandmediasa.co.za