LO -eit viktig vegval

Eit viktig vegval Bruk stemmeretten ved valet 2019 - Eit viktig vegval - Seriøst arbeidsliv - Heile stillingar - Fast jobb - Nei til profitt i velferda

NYNORSK

Eit viktig vegval Kven som styrer i kommunane og fylka er viktig for velferda vår, for jobben vår og for staden der vi bur. Kommunane har ansvar for at barn og unge får ein trygg oppvekst og ein god skole, at eldre får ein verdig alderdom og at alle innbyggarar får den grunnleggande velferden dei treng for å leve gode liv. Kommunane er også dei største arbeidsgivarane i landet, med ansvar for korleis tusenvis av arbeidstakarar, mange av dei LO-medlemmer, har det på jobben. Og kommunane og fylka spelar ei viktig rolle for lokalt næringsliv og arbeidsplassar, som rollemodell, som stor innkjøpar av varer og tenester og fordi dei legg til rette for næringsverksemd.

Lokalvalet i haust er et viktig vegval for Norge. LO har rundt 935 000 medlemmer. Vi kan påverke kven som skal styre i kommunane og fylka. LO har spurt partia på Stortinget kva dei meiner om LO sine viktigaste saker.

Nokre av svara finn du her. I dei tilfella der partia ikkje har svart klart på spørsmåla, har vi vald “støttar ikkje” som svar.

Les alle svara på www.lo.no.

Seriøst arbeidsliv Sosial dumping og arbeidslivskriminalitet er eit stort problem i enkelte bransjar. Norske kommunar og fylkeskommunar er store innkjøparar av varer og tenester. For å luke ut dei useriøse og kriminelle aktørane, har rundt 180 kommunar innført kontraktsvilkår blant anna med krav om bruk av lærlingar ved innkjøp/ anbod. Det verkar!

Spør partia i din kommune om dei vil stille konkrete krav om lærlingar ved kommunale anbod.

Vi har spurt dei politiske partia på Stortinget om dei vil medverke til at kommunar og fylkeskommunar innfører krav om 10 prosent lærlingar ved kommunale anbod.

Støttar

Støttar ikkje

Heile stillingar Mange arbeidstakarar, særleg kvinner, jobbar deltid. Heiltidsarbeid og ei sjølstendig inntekt ein kan leve av, er avgjerande for kvinner si likestilling. LO meiner at politikarane må legge til rette for at heile stillingar blir hovudregelen.

Det gjeld også i dei kvinnedominerte delane av arbeidslivet, som for eksempel innanfor helse og omsorg.

Spør partia i din kommune om dei vil auke stillingsprosentane slik at heile stillingar blir hovudregelen.

Vi har spurt partia på Stortinget om dei vil medverke til at kommunane lagar planar for at heile stillingar blir hovudregelen.

Støttar

Støttar ikkje

Fast jobb For dei aller fleste av oss er norsk arbeidsliv ein trygg stad å jobbe. I delar av arbeidslivet er det likevel stadig meir mellombelse stillingar, konsulentar og innleigd arbeidskraft.

Mellombelse tilsettingar tyder meir makt til arbeidsgivar og utrygge jobbar. Høgreregjeringa endra Arbeidsmiljølova i 2015, og opna for å tilsette mellombels sjølv der behovet var permanent.

Spør partia i din kommune om dei vil tilsette mellombels berre der det er eit mellombels behov.

Vi har spurt partia på Stortinget om dei vil medverke til at norske kommunar tilset mellombels berre der det er eit mellombels behov.

Støttar

Støttar ikkje

Nei til profitt i velferda LO er imot privatisering og konkurranseutsetting av offentlege velferdstenester og profitt i velferda. Helse, eldreomsorg og skole skal eigast og drivast av det offentlege eller i samarbeid med ideelle aktørar. Fellesskapets pengar skal gå til velferd, ikkje til profitt til private.

Spør partia i din kommune om dei vil at kommunen skal drive tenestene sjølv, eller sette dei ut på anbod.

Vi har spurt partia på Stortinget om dei støttar å klart avgrense kommersielle aktørar sitt høve til å ta ut profitt på velferdstenestene.

Støttar

Støttar ikkje

Les partia sine svar på dei 18 spørsmåla på frå LOfrå påLO www.lo.no www.lo.no

Utgjeven juli 2019 av LO Norge. Opplag, nynorsk utgåve: 25 000 eks.

Di stemme tel