IIBA-ᒧᑦ ᑐᓴᒐᒃᓴᖅ (ᐅᑭᐅᓖᑦ (ᐅᒃᑑᐱᕆ) 2020-ᒥᑦ ᐊᒥᕋᐃᔭᕐᕕᒃ (ᓯᑎᐱᕆ) 2021-ᒧᑦ)

ᐹᕕᓐᓛᓐᑯᑦ IIBA-ᒧᑦ ᑐᓴᒐᒃᓴᖅ ᐱᕈᖅᓴᐃᓂᖅ ᐃᓄᖕᓂᒃ. ᓴᓇᔪᑦ ᓯᕗᓂᕐᒧᑦ.

ᐅᑭᐅᖑᓚᐅᖅᑐᒥᒃ ᕿᒥᕐᕈᓂᖅ ᐅᑭᐅᓖᑦ (ᐅᒃᑑᐱᕆ) 2020-ᒥᑦ ᐊᒥᕋᐃᔭᕐᕕᒃ (ᓯᑎᐱᕆ) 2021-ᒧᑦ

ᓄᓘᔮᓂᑦ ᐱᖅᖁᓯᓕᕆᓂᕐᒧᑦ ᑐᕌᖓᔪᑦ

ᑕᑯᓗᒍ ᐃᓂᐅᔪᒥᑦ ᐱᓕᕆᔩᑦ ᐃᓚᐅᖃᑕᐅᓂᖏᑦ ᐱᖅᖁᓯᕆᔭᐅᔪᓂᒃ ᖃᓄᐃᓕᐅᕐᓂᖃᖅᑎᓪᓗᒋ ᓄᕙᒡᔪᐊᕐᓇᖅ19-ᖃᖅᑎᓪᓗᒍ ᐊᔪᕐᓇᙱᑎᑕᐅᔪᑦ. [ᑕᑯᓗᒍ ᒪᒃᐱᖅᑐᒐᖅ 6]

ᐊᒪᐅᑉ ᐊᕙᑎᖓᓄᑦ ᐱᔭᒃᓴᐅᑏᑦ

ᐃᓕᑦᑎᒋᑦ ᐹᕕᓐᓛᓐᑯᑦ ᑕᕆᐅᑉ ᐊᕙᑎᖓᓄᑦ ᑐᕌᖓᔪᖏᓐᓂᒃ ᐃᓚᐅᑉᓗᓂ ᐅᒥᐊᕐᔪᐊᓂᒃ ᖃᐅᔨᓴᐃᓂᕗᑦ ᐊᒻᒪᓗ ᑐᓴᐅᒪᑎᑦᑎᓂᕐᒧᑦ ᑐᕌᖓᔪᕗᑦ. [ᑕᑯᓗᒍ ᒪᒃᐱᖅᑐᒐᖅ 8]

ᐊᔪᕈᖕᓃᖅᓴᓂᕐᓄᑦ ᐊᒻᒪᓗ ᐃᓕᓐᓂᐊᕐᓂᕐᒧᑦ ᓈᓴᐅᑏᑦ

ᖃᐅᔨᒃᑲᓐᓂᕿᑦ ᑐᕌᖓᔪᓂᒃ ᒪᓂᒪᔪᓂᒃ ᐊᒻᒪᓗ ᐃᓚᐅᖃᑕᐅᓗᑎᑦ ᓈᓴᖅᑕᐅᓯᒪᔪᑦ ᓈᓴᐅᑎᓂᒃ Q4 2020‑ᒧᑦ ᐊᒻᒪᓗ Q4 2021-ᒧᑦ. [ᑕᑯᓗᒍ ᒪᒃᐱᖅᑐᒐᖅ 10]

ᐃᓗᓕᖏᑦ

1

5

8

2

6

10

4

7

13

ᑎᑎᖅᖃᖅ ᐳᕋᐃᔭᓐ ᐱᐊᓂ-ᒥᑦ

ᐹᕕᓐᓛᒃᑯᑦ ᓈᓴᐅᑎᖏᑦ

ᐃᖅᖃᓇᐃᔭᖅᑎᑦᑎᓂᖅ

ᑳᓐᑐᖄᒃᑎᑦᑎᓂᖅ

ᓄᓘᔮᑦ ᐊᒻᒪᓗ ᕿᙳᐊᓂ ᒥᒃᓵᓄᑦ ᑐᓴᒐᒃᓴᖅ

ᓄᓇᓕᖕᒥᑦ ᐳᓚᕋᖅᑎᑦᑎᓃᑦ ᐊᒻᒪᓗ ᐱᔾᔪᔾᔨᓂᖅ

ᑕᕆᐅᕐᒧᑦ ᐊᒻᒪᓗ ᐊᕙᑎᓕᕆᓂᕐᒧᑦ ᑐᕌᖓᔪᓕᕆᓂᖅ

ᐊᔪᕈᖕᓃᖅᓴᐃᓂᖅ ᐊᒻᒪᓗ ᐃᓕᓐᓂᐊᖅᑎᑦᑎᓂᖅ

ᑲᑎᓯᐅᒃ ᐹᕕᓐᓛᓐᑯᑦ ᐃᖅᖃᓇᐃᔭᖅᑎᖏᑦ

ᑐᓴᒐᒃᓴᖅ ᐱᓕᕆᐊᖃᖅᑐ ᐹᕕᓐᓛᓐᑯᑦ ᐱᓂᐊᕐᓂᕆᔭᖏᓐᓂᑐᐃᓐᓇᖅ IIBA-ᑯᑦ ᐊᒻᒪᓗ ᐅᖃᐅᓯᖃᙱᑦᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ ᒪᓕᒃᑎᑦᑎᓂᖓᓐᓄᑦ ᐱᔭᒃᓴᐅᑎᒋᔭᖏᓐᓄᑦ IIBA-ᒧᑦ.

ᑎᑎᖅᑲᖅ ᐊᖓᔪᖅᑳᒥᙶᖅᑐᖅ

ᐳᕋᐃᔭᓐ ᐱᐊᓂ ᓄᕙᒡᔪᐊᕐᓇᖅ-19 ᐊᒃᑐᖅᓯᓂᖃᐃᓐᓇᖅᑐᖅ ᐱᓕᕆᓂᕆᖃᑦᑕᖅᑕᑉᑎᖕᓂᑦ ᐊᒻᒪᓗ ᐊᐅᓛᖅᑎᑦᑎᓂᑉᑎᖕᓂᑦ. ᓄᕙᒡᔪᐊᕐᓇᖅ-19-ᖃᓪᓕᖅᖄᖅᑎᓐᓇᒍᑐᑦ ᐃᓅᓯᐅᓚᐅᖅᑐᖅᑎᑑᖏᒃᑲᓗᐊᖅᑎᓪᓗᑕ, ᐊᖏᔪᒥᒃ ᐱᕙᓪᓕᐊᓯᒪᔪᑦ ᓄᕙᒡᔪᐊᕐᓇᒃᑰᖅᑎᓪᓗᑕ. ᐅᑭᐅᖅ ᐱᒋᐊᓵᖅᑎᓪᓗᒍ, ᐹᕕᓐᓛᓐᑯᑦ ᐊᖏᖃᑎᒌᒍᑎᑖᓚᐅᖅᑐᑦ ᑐᓂᓯᓂᐊᕐᓗᑎᒃ ᓯᕗᓪᓕᕐᒥᑦ, ᑐᒡᓕᐊᓂᑦ, ᐊᒻᒪᓗ ᓴᙱᒃᑎᒋᐊᕈᑎᒥᒃ ᑲᐱᔭᐅᓯᒪᓂᕐᓄᑦ ᒪᑑᓇᒥᒃ ᐋᓐᓂᐊᓗᐊᖅᑕᐃᓕᔾᔪᑎᒥᒃ ᐱᓕᕆᔨᖏᓐᓄᑦ ᓄᓘᔮᓂᑦ.

ᑕᑯᑐᐃᓐᓇᖅᖢᒋᑦ ᐅᓂᑉᑳᖅ ᐅᑉᓗᕐᓂᐅᔪᖅ ᐅᑭᐅᓖᑦ (ᐅᒃᑑᐱᕆ) 2020-ᒥᑦ ᐊᒥᕋᐃᔭᕐᕕᒃ (ᓯᑎᐱᕆ) 2021-ᒧᑦ, ᑭᓯᐊᓂ ᐊᓯᐊᒍᑦ ᓇᓗᓇᐃᖅᓯᒪᒃᐸᑕ.

4M

(Q1-Q3 2021)

ᑕᓐᓗᐊᕖᑦ ᐊᒡᔭᖅᑐᖅᑕᐅᔪᑦ ᑲᑎᓯᒪᔪᓄᑦ

$244M

(44%)

ᑳᓐᑐᕌᒃᑯᑦ ᑮᓇᐅᔭᕐᒥᑦ ᐊᑐᖅᑕᐅᔪᑦ ᐃᓄᐃᑦ ᓇᖕᒥᓂᕆᔭᖏᓐᓄᑦ

$14.6M

(ᐹᕕᓐᓛᓐᑯᓐᓂᑦ ᐊᑭᓕᖅᑐᖅᑕᐅᔾᔪᑏᑦ)

$4M

(ᑳᓐᑐᕌᒃᓕᖕᒥᑦ ᐊᑭᓕᖅᑐᖅᑕᐅᔾᔪᑏᑦ) ᑲᑎᖦᖢᒋᑦ ᐃᓄᐃᑦ ᐱᓕᕆᓂᖏᓐᓄᑦ ᐊᑭᓕᖅᑕᐅᔾᔪᑎᖏᑦ

ᐃᓱᐊᓂᑦ ᓴᒡᒐᕉᑦ (ᔪᓚᐃ) 2021, ᐹᕕᓐᓛᓐᑯᑦ ᑐᙵᓱᒃᑎᑦᑎᔪᖕᓇᖅᓯᑕᐃᓐᓇᓚᐅᖅᑐᑦ ᓄᓇᕗᒻᒥᐅᓂᒃ ᐃᖅᖃᓇᐃᔭᖅᑎᓂᒃ ᐅᑎᕈᖕᓇᖅᓯᓂᖏᓐᓄᑦ ᐱᓕᕆᔭᖅᑐᕐᓗᑎᒃ. ᐊᑯᓂᐊᓘᓚᐅᖅᑐᖅ ᐱᖃᓐᓈᕆᔭᐅᔪᓄᑦ ᐊᒻᒪᓗ ᐱᓕᕆᖃᑎᒋᔭᐅᔪᓄᑦ ᐊᕕᒃᓯᒪᓂᖏᑦ ᐊᒻᒪᓗ ᑭᑐᓗᒃᑖᑦ ᖁᕕᐊᓱᓚᐅᖅᑐᑦ ᑲᑎᒃᑲᓐᓂᕈᖕᓇᕐᒪᑕ ᐅᔭᕋᒃᑕᕆᐅᕐᒥᑦ. ᑭᓯᐊᓂ, ᓴᖅᕿᓐᓂᖓᓄᑦ ᓯᐊᒻᒫᓚᔪᖅ ᐆᒥᑯᕌᓐ, ᐃᓱᒪᓕᐅᕆᐊᖃᓚᐅᖅᑐᒍᑦ ᐋᒡᔪᓕᕐᕕᖕᒥᑦ (ᑎᓯᐱᕆ) ᓄᓇᕗᒻᒥᐅᑕᐃᑦ ᐃᖅᖃᓇᐃᔭᖅᑏᑦ ᐊᖏᕐᕋᖅᑎᓪᓗᒋᑦ ᐋᓐᓂᐊᖃᖅᑕᐃᓕᒪᓂᖏᑦ ᐊᒻᒪᓗ ᐅᓗᕆᐊᓇᖅᑐᒦᑎᓐᓂᐊᖏᓪᓗᒋᑦ ᓄᓇᓕᖕᓄᐊᖅᑎᑕᐅᓂᖓ ᓄᕙᒡᔪᐊᕐᓇᖅ. ᑕᐃᒪᑐᖅ ᑕᒡᕘᓈᕐᓂᕆᔭᕗᑦ ᓇᐃᓐᓂᖅᓴᐅᓂᐊᖅᐳᖅ ᐊᒻᒪᓗ ᑐᙵᓱᒃᑎᒃᑲᓐᓂᕈᒫᕐᓗᑎᒍᑦ ᓄᓇᕗᒻᒥᐅᑕᐃᑦ ᐃᖅᖃᓇᐃᔭᖅᑏᑦ ᖃᑯᒍᑦᑎᐊᖅ. ᒫᓐᓇᐅᔪᖅ ᐅᔭᕋᒃᑕᕆᐊᕐᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑐᖃᑎᑦᑎᓂᕐᒨᖓᔪᑦ ᐊᑐᖅᑐᑦ ᓱᓕ ᐃᖅᖃᓇᐃᔭᖅᑎᓗᒃᑖᑦ, ᐃᓚᐅᑉᓗᓂ ᐆᒃᑐᕋᐃᖃᑦᑕᕐᓂᖅ ᓄᕙᒡᔪᐊᕐᓇᖃᕐᒪᖔᑕ. ᐊᕙᑎᓕᕆᔨᒃᑯᑦ ᐱᐊᓂᓚᐅᖅᑕᖏᑦ ᑭᖑᓪᓕᖅᐹᖅ ᐃᓄᓗᒃᑖᓂᒃ ᑲᑎᒪᑎᑦᑎᓂᖓ ᐹᕕᓐᓛᓐᑯᑦ ᑐᒡᓕᐊ ᐱᓕᕆᐊᕐᒧᑦ ᐱᕙᓪᓕᐊᓂᖓᑦ ᐅᑭᐅᓖᑦ (ᓄᕕᐱᕆ) 6, 2021‑ᒥᑦ. ᐊᑕᐅᓯᕐᒧᑦ ᐱᓇᓱᐊᕈᓯᕐᒥᑦ ᑲᑎᒪᑎᑦᑎᓂᖅ ᓄᓇᓕᖕᒥᐅᓂᒃ ᐊᐱᖅᖁᑎᖃᖅᑐᓂᒃ ᐊᐱᕆᔪᖕᓇᖅᑎᑦᑎᓚᐅᖅᑐᖅ ᐊᒻᒪᓗ ᐃᓱᒪᒋᔭᖏᓐᓂᒃ ᑐᓂᓯᓗᑎᒃ ᐊᒻᒪᓗ ᐃᓱᒫᓘᑕᐅᔪᓂᒃ ᐱᓕᕆᐊᑉ ᒥᒃᓵᓄᑦ. ᐹᕕᓐᓛᓐᑯᑦ ᓇᓗᓇᐃᖅᓯᔪᖕᓇᓚᐅᖅᑐᑦ ᑐᑭᓯᓂᕐᓗᒃᑕᐅᔪᓂᒃ ᐊᒻᒪᓗ ᑕᑯᑎᑦᑎᑉᓗᑎᒃ ᐊᒥᓱᓂᒃ ᓄᓇᓕᖕᒧᑦ ᐃᑲᔫᑎᓂᒃ ᐱᓕᕆᐊᕐᒥᒃ ᐱᓂᐊᖅᑐᓂᒃ. ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᑐᓂᓯᓂᐊᕋᓱᒋᔭᐅᔪᑦ ᐃᓱᒪᓕᐅᕈᑎᒋᔭᒥᖕᓂᒃ ᐱᓕᕆᐊᑉ ᐊᐃᑉᐸᖓᓂ ᐱᔪᒪᓇᓲᒻᒧᑦ ᑲᓇᑕᒥ ᒥᓂᓯᑕᐅᔪᒧᑦ ᐅᑭᐅᖅᑕᖅᑐᓕᕆᓂᕐᒧᑦ ᒪᐃ 13, 2022ᖑᓕᖅᐸᑦ. ᒥᓂᔅᑕ ᑕᐃᑲᙵᑦ 90-ᓂᒃ 180-ᓄᑦ ᐅᑉᓗᓂᒃ ᐃᓱᒪᓕᐊᖓᓂᒃ ᑐᓂᓯᐊᖅᖢᓂ ᓈᒻᒪᒋᔭᐅᓂᖓᓄᑦ ᑐᒡᓕᐊ ᐱᓕᕆᐊᖅ. ᐹᕕᓐᓛᓐᑯᑦ ᓇᑯᕐᒦᖅᑐᑦ ᑭᑐᓗᒃᑖᓂᒃ ᐃᑲᔪᓚᐅᖅᑐᓂᒃ ᐱᕙᓪᓕᐊᓂᕐᒥᒃ ᒫᓐᓇᒧᑦ ᑎᑭᖦᖢᒍ ᐊᒻᒪᓗ ᓂᕆᐅᒃᑐᑦ ᐊᕙᑎᓕᕆᔨᒃᑯᑦ ᐃᒪᓐᓈᖅᑑᑎᒐᖓᓄᑦ. ᐹᕕᓐᓛᓐᑯᑦ ᐅᒃᐱᕈᓱᒃᑐᑦ ᐊᔪᕐᓇᙱᒻᒪᑦ ᐱᕈᖅᐸᓪᓕᐊᓂᖃᕈᖕᓇᕐᓗᓂ ᐊᑕᐅᑦᑎᒃᑯᑦ ᒥᐊᓂᕆᓗᒍ ᐊᕙᑎᕗᑦ ᐊᒻᒪᓗ ᓴᙱᓂᖅᓴᐅᓗᒋᑦ ᓄᓇᓕᙳᖅᑎᓪᓗᒋᑦ. ᑐᒡᓕᐊ ᐱᓕᕆᐊᖅ ᓴᖅᕿᑎᑦᑎᓂᐊᖅᑐᖅ ᐊᔪᙱᓐᓂᖃᖅᑐᒥᒃ ᓯᕗᓂᒃᓴᒥᑦ ᓇᖕᒥᓂᖃᖅᑐᓄᑦ ᐊᒻᒪᓗ ᓄᓇᓕᖕᓄᑦ. ᑐᒡᓕᐊ ᐱᓕᕆᐊᖅᑕᖃᙱᑎᓪᓗᒍ, ᓯᕗᓂᒃᓴᖅ ᓇᓗᓇᖅᑐᖅ. ᐅᒡᒍᐊᖅᑐᖓ ᓇᓗᓇᕐᓂᖅᑕᖃᕐᒪᑦ ᑭᑐᑐᐃᓐᓇᓄᑦ ᓄᓘᔮᓂᑦ ᐱᓕᕆᐊᕐᒥᑦ ᐊᑐᖅᖃᑦᑕᖅᑐᓄᑦ. ᑭᓯᐊᓂ, ᐅᒃᐱᕈᓱᑦᑎᐊᖅᑐᒍᑦ ᐊᔪᙱᓐᓂᐊᕐᓂᕆᔭᖓᓂᑦ ᐱᓕᕆᐊᑉ ᐊᓯᐊᙳᖅᓯᑎᑦᑎᓂᕐᒧᑦ ᐃᓅᓯᖏᓐᓂᒃ ᐊᒻᒪᓗ ᐃᓅᖃᑎᒌᖕᓂᖏᓐᓄᑦ ᓄᓇᕗᒻᒥᑦ ᐃᒃᐱᒍᓱᖕᓂᖃᖅᑐᒥᒃ ᐃᓄᐃᑦ ᐃᓅᓯᖏᓐᓂᒃ ᐱᖅᖁᓯᕆᔭᖏᓐᓄᑦ. ᐅᒃᐱᕈᓱᒃᑐᒍᑦ ᓴᙱᔪᒥᑦ ᐱᔾᔪᑎᒥᒃ ᑐᓂᓚᐅᕋᑉᑎᒍᑦ ᐊᕙᑎᓕᕆᔨᒃᑯᑦ, ᐊᒻᒪᓗ ᑕᐃᒪᑐᖅ ᑐᑭᓕᐅᕐᓂᐊᖅᑐᖅ ᐱᑦᑕᐅᔪᒥᒃ ᐃᒪᓐᓈᖅᑑᑎᖃᕐᓗᑎᒃ ᐊᒻᒪᓗ, ᑐᒡᓕᐊ ᐱᓕᕆᐊᖅ ᓈᒻᒪᒋᔭᐅᕋᑕᓕᕐᓗᓂ ᒥᓂᔅᑕᐅᔪᒧᑦ ᐅᐊᖕᓇᖅᐸᓯᖕᒥᑦ ᑲᒪᔨᒃᑯᓐᓄᑦ. ᑐᓴᐅᒪᑎᓐᓂᐊᖅᑕᑉᑎᒋᑦ ᐊᒻᒪᓗ ᐃᓱᒪᒋᔭᓯ ᑐᓴᖅᑕᐅᑎᓯᐅᒃ, ᐃᓱᒪᒃᓴᖅᓯᐅᖅᓯᒪᑦᑎᐊᕐᓂᒃᑯᑦ ᐊᒻᒪᓗ ᐃᒃᐱᒍᓱᒡᕕᖃᑦᑎᐊᕐᓂᒃᑯᑦ, ᐃᑲᔪᖅᑐᕐᓗᒍ ᑐᒡᓕᐊ ᐱᓕᕆᐊᖅ.

ᑕᑯᑐᐃᓐᓇᖅᖢᒋᑦ

1

ᐹᕕᓐᓛᒃᑯᑦ ᓈᓴᐅᑎᖏᑦ

23,518

ᐃᓄᐃᑦ ᐊᔪᕈᖕᓃᖅᓴᖅᑐᑦ ᐃᑲᕐᕋᓄᑦ

$244M

ᐃᓄᖕᓄᑦ ᓇᖕᒥᓂᕆᔭᐅᔪᑦ ᑮᓇᐅᔭᐃᑦ ᐊᑭᓕᖅᑕᐅᔪᑦ

ᐅᑭᐅᓖᑦ (ᐅᒃᑑᐱᕆ) 2020-ᒥᑦ ᐊᒥᕋᐃᔭᕐᕕᒃ (ᓯᑎᐱᕆ) 2021-ᒧᑦ

125

ᐃᓄᐃᑦ ᐱᓕᕆᔪᑦ (ᐹᕕᓐᓛᓐᑯᑦ ᐊᒻᒪᓗ ᑳᓐᑐᕌᒃᑕᐅᔪᑦ)

$10M

ᐹᕕᓐᓛᓐᑯᑦ ᐊᑭᓕᖅᑐᖅᑕᖏᑦ ᐊᕐᓇᓄᑦ ᐃᓄᐃᑦ ᐊᒻᒪᓗ ᐃᓅᙱᑦᑐᑦ

ᐊᑭᓕᖅᓱᖅᑕᐅᑲᐃᓐᓇᕐᓃᑦ ᑰᕕᑦ–19 ᐱᔾᔪᑕᐅᓪᓗᓂ

*ᐹᕕᓐᓛᓐᑯᑦ ᓄᓇᕗᒻᒥ ᐊᖅᖃᓇᐃᔭᖅᑎᓗᒃᑖᖏᑦ ᐅᑕᖅᕿᑎᑕᐅᓚᐅᖅᑐᑦ ᓄᕙᒡᔪᐊᕐᓇᖅ-19 ᐱᔾᔪᑎᒋᑉᓗᒍ, ᑭᓯᐊᓂ ᑳᓐᑐᕌᒃᖃᖅᑐᑦ ᐊᑐᕈᖕᓇᓚᐅᖅᑐᑦ ᐊᔾᔨᒋᙱᑕᖏᓐᓂᒃ ᐊᑐᐊᒐᓂᒃ ᐃᖅᖃᓇᐃᔭᖅᑎᖏᓐᓄᑦ ᑖᑉᑯᓇᓂ ᐅᑉᓗᕐᓂᑦ, ᐊᒃᑐᖅᓯᑉᓗᓂ ᑕᒪᓗᒃᑖᖅ ᐃᓄᐃᑦ ᐃᖅᖃᓇᐃᔭᖅᑎᓂᒃ.

$12.8M

2

$9.8M

ᓄᓇᕗᒻᒥ ᐃᓄᐃᑦ ᐃᖅᖃᓇᐃᔭᖅᑏᑦ

ᓄᓇᕗᒻᒥ ᐃᓄᐃᑦ ᑳᓐᑐᕌᒃᖃᖅᑐᑦ

(ᓇᑦᑎᐊᑦ (ᒫᑦᓯ) 2020 - ᓴᒡᒐᕉᑦ (ᔪᓚᐃ) 2021) ᐊᑭᓕᖅᑕᐅᓚᐅᖅᑐᑦ 142 ᐃᖅᖃᓇᐃᔭᖅᑎᓄᑦ.

(ᓇᑦᑎᐊᑦ (ᒫᑦᓯ) 2020 - ᓴᒡᒐᕉᑦ (ᔪᓚᐃ) 2021) ᐊᑭᓕᖅᑕᐅᓚᐅᖅᑐᑦ 85 ᐃᖅᖃᓇᐃᔭᖅᑎᓄᑦ.

ᐹᕕᓐᓛᒃᑯᑦ ᓈᓴᐅᑎᖏᑦ

ᑲᑎᖦᖢᒋᑦ ᐃᓄᐃᑦ ᐱᓕᕆᓂᖏᓐᓄᑦ ᐊᑭᓕᖅᑕᐅᔾᔪᑎᖏᑦ

ᐹᕕᓐᓛᒃᑯᑦ

$14.6M

ᒥᑦᑎᒪᑕᓕᒃ $1.97M $564K

ᑳᓐᑐᕌᒃᖃᖅᑐᖅ

$4M

ᑲᖏᖅᑐᒑᐱᒃ $1.7M

$600K

ᐃᒃᐱᐊᕐᔪᒃ $2.3M

$640K

ᓴᓂᕋᔭᒃ $1.48M $735K

ᐃᒡᓗᓕᒃ $902K

$281K

ᐊᓯᖏᑦ

$570K

ᐹᕕᓐᓛᓐᑯᓐᓃᖏᑦᑐᑦ ᐃᓄᐃᑦ

ᐃᖃᓗᐃᑦ $2.6M $1.6M

ᐹᕕᓐᓛᒃᑯᑦ ᓈᓴᐅᑎᖏᑦ

3

ᐃᖅᖃᓇᐃᔭᖅᑎᑦᑎᓂᖅ

ᐃᖅᖃᓇᐃᔭᕐᕕᖕᒧᑦ ᐅᑎᖅᑐᑦ ᐊᐅᔭᐅᑎᓪᓗᒍ, ᐹᕕᓐᓛᓐᑯᑦ ᓈᒻᒪᒋᔭᐅᑉᓗᑎᒃ ᐱᓚᐅᖅᑐᑦ ᓄᓇᕗᒻᒥ ᒐᕙᒪᒃᑯᓐᓂᑦ, ᐋᓐᓂᐊᖃᖅᑕᐃᓕᒪᔪᓕᕆᔨᕐᔪᐊᕐᒻᓪᓗ, ᓘᒃᑖᖅ ᒪᐃᑯᓪ ᐹᑐᓴᓐᒥᑦ, ᐅᑎᕈᖕᓇᕐᓂᖏᓐᓄᑦ ᓄᓇᕗᒻᒥᐅᑕᐃᑦ ᐃᖅᖃᓇᐃᔭᖅᑏᑦ ᐱᓕᕆᐊᖏᓐᓄᑦ ᓄᓘᔮᓂᑦ ᐅᔭᕋᒃᑕᕆᐊᕐᒧᑦ. ᐃᖅᖃᓇᐃᔮᖏᓐᓄᑦ ᐅᑎᕈᖕᓇᕐᓂᖏᓐᓄᑦ ᐸᕐᓇᐅᑎᑉᑎᖕᓂᑦ ᐃᓚᐅᔪᑦ ᖃᑉᓯᐊᕐᔪᐃᑦ ᐱᓕᕆᐊᖑᔪᑦ ᒥᐊᓂᖅᓯᓂᕐᒧᑦ ᐋᓐᓂᐊᖃᖅᑕᐃᓕᒪᓂᖏᑦ ᐊᖅᖃᓇᐃᔭᖅᑎᑉᑕ ᐊᒻᒪᓗ ᐊᖏᕐᕋᖏᑦ ᓄᓇᓖᑦ, ᐃᓚᐅᑉᓗᑎᒃ ᒪᑐᐊᖅᓯᒪᔭᕆᐊᖃᕐᓂᖅ, ᑲᑎᑦᑕᕆᐊᖃᙱᓐᓂᖅ, ᐅᖓᓯᒃᑐᕋᐅᑎᔭᕆᐊᖃᕐᓂᖅ, ᐊᒻᒪᓗ ᑕᒪᒃᑲᓐᓃᑦ. ᖁᕕᐊᓴᒃᑐᒍᑦ ᐃᖅᖃᓇᐃᔮᖏᓐᓄᑦ ᑐᙵᓯᒃᑎᑦᑐᖕᓇᕋᑉᑎᒍᑦ ᐱᖃᓐᓈᕗᑦ ᐊᒻᒪᓗ ᐃᖅᖃᓇᐃᔭᖃᑎᕗᑦ ᐊᑯᓂ ᐱᑕᖃᙱᓚᐅᖅᖄᖅᑎᓪᓗᒋᑦ ᓄᕙᒡᔪᐊᕐᓇᖅ-19 ᐱᔾᔪᑎᒋᑉᓗᒍ. ᐃᖅᖃᓇᐃᔭᕐᓂᕐᒧᑦ ᐱᓕᕆᓂᕐᒧᑦ ᐅᑎᕐᓂᑉᑎᖕᓄᑦ ᑐᕌᖓᔪᒧᑦ ᐃᓚᐅᔪᑦ ᐃᓚᓕᐅᑎᒃᑲᓐᓂᕐᓗᒋᑦ ᐃᖅᖃᓇᐃᔭᖅᑏᑦ ᐊᐅᓛᖅᑎᑦᑎᓂᑉᑎᖕᓄᑦ ᐊᔾᔨᒌᙱᑦᑐᒃᑯᑦ ᓇᓗᓇᐃᔭᐃᓂᒃᑯᑦ ᐃᖅᖃᓇᐃᔭᖅᑎᓄᑦ ᐊᒻᒪᓗ ᐊᔪᕈᖕᓃᖅᓴᐃᓂᒃᑯᑦ ᑭᑐᓗᒃᑖᑦ ᐃᖦᖢᕐᕆᓂᖃᕐᓂᐊᕐᓗᑎᒃ ᐱᓕᕆᐊᖏᓐᓂᑦ ᐊᒻᒪᓗ ᐃᓂᐅᔪᒥᑦ ᓄᑖᓂᒃ ᐱᕙᓪᓕᐊᓂᕐᓄᑦ ᐊᒻᒪᓗ ᐊᑐᖅᑕᐅᔭᕆᐊᓕᖕᓂᑦ ᓄᕙᒡᔪᐊᕐᓇᖅ-19 ᐱᔾᔪᑎᒋᑉᓗᒍ.

4

ᐃᖅᖃᓇᐃᔭᖅᑎᑦᑎᓂᖅ

478,037 ᐃᑲᕐᕋᓂᑦ ᐹᕕᓐᓛᓐᑯᑦ ᐃᓄᐃᑦ ᐃᖅᖃᓇᐃᔭᖅᑎᖏᑦ ᐊᒻᒪᓗ ᑳᓐᑐᕌᒃᖃᖅᑐᓄᑦ ᐃᓄᐃᑦ ᐃᖅᖃᓇᐃᔭᖅᑎᖏᑦ ᑲᑎᖦᖢᒋᑦ 478,037 ᐃᑲᕐᕋᓂᑦ ᐃᖅᖃᓇᐃᔭᓚᐅᖅᑐᑦ ᓄᓘᔮᓂᑦ ᐱᓕᕆᐊᕐᒥᑦ.

ᐹᕕᓐᓛᓐᑯᑦ ᓈᒻᒪᒋᔭᐅᑉᓗᑎᒃ ᐱᓚᐅᖅᑐᑦ ᓄᓇᕗᒻᒥ ᒐᕙᒪᒃᑯᓐᓂᑦ, ᐋᓐᓂᐊᖃᖅᑕᐃᓕᒪᔪᓕᕆᔨᕐᔪᐊᕐᒻᓪᓗ, ᓘᒃᑖᖅ ᒪᐃᑯᓪ ᐹᑐᓴᓐᒥᑦ, ᐅᑎᕈᖕᓇᕐᓂᖏᓐᓄᑦ ᓄᓇᕗᒻᒥᐅᑕᐃᑦ ᐃᖅᖃᓇᐃᔭᖅᑏᑦ ᐱᓕᕆᐊᖏᓐᓄᑦ ᓄᓘᔮᓂᑦ ᐅᔭᕋᒃᑕᕆᐊᕐᒧᑦ.

ᐃᓄᐃᑦ ᐃᑲᕐᕋᓂᖅ ᐃᖅᖃᓇᐃᔭᕐᓂᖏᑦ ᐅᑭᐅᓖᑦ (ᐅᒃᑑᐱᕆ) 2020-ᒥᑦ ᐊᒥᕋᐃᔭᕐᕕᒃ (ᓯᑎᐱᕆ) 2021-ᒧᑦ, ᐹᕕᓐᓛᓐᑯᑦ ᐃᓄᐃᑦ ᐃᖅᖃᓇᐃᔭᖅᑎᖏᑦ ᐊᒻᒪᓗ ᑳᓐᑐᕌᒃᖃᖅᑐᓄᑦ ᐃᓄᐃᑦ ᐃᖅᖃᓇᐃᔭᖅᑎᖏᑦ ᑲᑎᖦᖢᒋᑦ 478,037 ᐃᑲᕐᕋᓂᑦ ᐃᖅᖃᓇᐃᔭᓚᐅᖅᑐᑦ ᓄᓘᔮᓂᑦ ᐱᓕᕆᐊᕐᒥᑦ. ᖃᑉᓯᐅᓂᕐᓂᑦ ᐃᓚᐅᖏᑦᑐᑦ ᐃᓄᐃᑦ ᐃᖅᖃᓇᐃᔭᖅᑏᑦ ᐅᑕᖅᕿᑎᓪᓗᒋᑦ ᐊᑭᓕᖅᑐᖅᑕᐅᓚᐅᖅᑐᑦ ᑕᐃᒪᙵᓂᑦ ᓇᑦᑎᐊᑦ (ᒫᑦᓯ) 2020‑ᒥᑦ ᓄᕙᒡᔪᐊᕐᓇᖅ-19 ᐱᔾᔪᑎᒋᑉᓗᒍ. ᓄᕙᒡᔪᐊᕐᓇᖅ ᑐᓴᖅᑎᑦᑎᔾᔪᑕᐅᖕᒪᑦ ᑲᓇᑕᒥᑦ, ᐹᕕᓐᓛᓐᑯᑦ ᓯᕗᓪᓕᖅᐸᐅᓚᐅᖅᑐᑦ ᑲᒻᐸᓂᐅᑉᓗᑎᒃ ᓄᓇᕗᒻᒥ ᐅᑎᖅᑎᑦᑎᔪᑦ ᐊᖏᕐᕋᖏᓐᓄᑦ ᓄᓇᕗᒻᒥᐅᓂᑦ ᐃᖅᖃᓇᐃᔭᖅᑎᖏᓐᓂᒃ ᐊᑭᓕᖅᑐᖅᑕᐅᖏᓐᓇᖅᖢᑎᒃ ᐊᒻᒪᓗ ᐃᖢᐊᖅᓴᐃᔨᓄᑦ ᐃᑲᔫᑎᖃᐃᓐᓇᖅᖢᒋᑦ. ᐃᓱᐊᓂᑦ ᓴᒡᒐᕉᑦ (ᔪᓚᐃ) 2021, ᖁᕕᐊᓱᓚᐅᖅᑐᒍᑦ ᓄᓇᕗᒻᒥᐅᑕᐃᑦ ᐃᖅᖃᓇᐃᔭᖅᑏᑦ ᐅᔭᕋᒃᑕᕆᐊᕐᒧᑦ ᐅᑎᖅᑐᑦ ᑐᙵᓱᒃᑎᓐᓇᑉᑎᒍᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐅᓗᕆᐊᓇᖅᑐᖃᙱᑎᑦᑎᓂᕐᒧᑦ ᒪᓕᒃᑕᐅᔭᕆᐊᓖᑦ ᑖᐃᒪᐅᑉᓗᑎᒃ.

ᑳᓐᑐᖄᒃᑎᑦᑎᓂᖅ ᐊᑐᖅᑕᐅᖔᕈᒪᔪᑦ ᐃᓄᐃᑦ ᓇᖕᒥᓂᖃᖅᑐᑦ: ᑭᑐᑐᐃᓐᓇᐃᑦ ᐃᓄᐃᑦ ᓇᖕᒥᓂᖃᖅᑐᑦ 100%-ᒥᒃ ᐃᓄᖕᓄᑦ ᓇᖕᒥᕆᔭᐅᑉᓗᓂ ᑐᒃᓯᕋᐅᓯᐅᕈᖕᓇᖅᓯᔪᑦ ᐹᕕᓐᓛᓐᑯᓐᓄᑦ ᐱᔭᐅᖔᕈᒪᔪᑦ ᐃᓄᐃᑦ ᓇᖕᒥᓂᖃᖅᑐᓄᑦ (“PIF”) ᐊᒻᒪᓗ ᐱᓵᓕᔪᖕᓇᕐᓗᑎᒃ ᐃᓚᖏᓐᓄᑦ ᑳᓐᑐᕌᒃᑕᐅᖃᑦᑕᖅᑐᓄᑦ ᓄᓘᔮᓂᑦ. ᐃᓄᖕᓄᑦ ᓇᖕᒥᓂᕆᔭᐅᔪᖅ ᓈᒻᒪᒋᔭᐅᔭᕆᐊᖃᖅᑐᖅ ᐅᑯᓄᖓ ᐃᓂᓕᐅᖅᑕᐅᓯᒪᓂᐊᕐᓗᑎᒃ PIF-ᒧᑦ: a) ᐊᑎᓕᐅᖅᓯᒪᓗᓂ ᓄᓇᕗᑦ ᑐᙵᕕᒃᑯᓐᓄᑦ b) ᐃᓂᐅᔪᒦᓪᓗᓂ ᐊᒻᒪᓗ ᐊᐅᓛᖅᑎᑦᑎᓂᖃᕐᓗᓂ ᕿᑭᖅᑖᓗᖕᒥᑦ ᓄᓇᕗᒻᒥᑦ c) 100%-ᒥᒃ ᓇᖕᒥᓂᕆᔭᐅᓗᓂ ᐊᒻᒪᓗ ᐊᐅᓛᖅᑎᑕᐅᓗᓂ ᐃᓄᖕᒧᑦ (ᐊᑕᐅᑦᑎᒃᑯᑦ ᐱᓕᕆᖃᑎᒌᖕᓂᐅᖏᓪᓗᓂ ᐊᖏᓂᖅᓴᐅᔪᒥᒃ ᐱᓕᕆᖃᑎᒌᓄᑦ)

d) ᓄᓇᓕᖕᒥᑦ ᖃᐅᔨᒪᔭᐅᓗᓂ (ᑎᑎᖅᖃᖃᕐᕕᒃᑯ ᑐᕌᕈᑎᑐᐃᓐᓇᐅᖏᑦᑐᒃᑯᑦ) ᐊᒻᒪᓗ ᑕᑯᒃᓴᐅᑎᑦᑎᔪᖕᓇᕐᓗᓂ ᐃᓂᐅᔪᒦᓐᓂᖓ. ᐱᔪᒪᔪᑦ ᓄᑖᒥᒃ ᑳᓐᑐᕌᒃᓄᑦ ᐹᕕᓐᓛᓐᑯᓐᓄᑦ ᖃᐅᔨᒋᐊᖁᔭᐅᔪᑦ ᑲᑭᕙᒃ ᑲᑐᔾᔨᖃᑎᒌᒃᑯᓐᓂᑦ (http://www.kakivak.ca/en/contact) ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᑎᑎᕋᕐᓗᑎᒃ ᐅᕗᖓ procurement@baffinland.com. ᓇᓗᓇᐃᔭᖅᓯᒪᔪᖅ ᐅᓂᑉᑳᖓᑦ ᐹᕕᓐᓛᓐᑯᑦ ᑳᓐᑐᕌᒃᑎᑦᑎᓂᖓᓐᓄᑦ ᐅᑭᐅᓖᑦ (ᐅᒃᑑᐱᕆ) 2020-ᒥᑦ ᐊᒥᕋᐃᔭᕐᕕᒃ (ᓯᑎᐱᕆ) 2021ᒧᑦ ᒪᓂᒪᔪᖅ ᑲᑭᕙᒃ ᑲᑐᔾᔨᖃᑎᒌᒃᑯᓐᓂᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓂᑦ, ᐅᕝᕙᓘᓐᓃᑦ ᓄᓇᓕᖕᓂᑦ BLCO-ᒥᑦ.

ᕿᙳᐊᓂᑦ ᓄᓇᒃᑰᕈᑎᕐᔪᐊᕐᒧᑦ ᐊᑉᖁᑎᒥᒃ ᐊᖏᒡᓕᒋᐊᖅᓯᓂᕐᒧᑦ ᑐᒃᓯᕋᐅᑎ

ᐊᕙᑎᓕᕆᔨᒃᑯᑦ ᑭᑐᓗᒃᑖᓂᒃ ᑐᓵᑎᑦᑎᓂᖓᑦ ᐹᕕᓐᓛᓐᑯᑦ ᓄᓇᒃᑰᕈᑎᕐᔪᐊᕐᒧᑦ ᐊᑉᖁᑎᒥᒃ ᐊᖏᒡᓕᒋᐊᖅᓯᓂᕐᒧᑦ ᑐᒃᓯᕋᐅᑎᖓᓐᓂᑦ ᐱᐊᓂᓚᐅᖅᑐᖅ ᑲᑕᒑᕆᕝᕕᒃ (ᓄᕕᐱᕆ) 6, 2021-ᒥᑦ, ᐃᖃᓗᖕᓂᑦ. ᐊᕐᕕᓂᓕᖕᓄᑦ ᐅᑉᓗᖅ ᑲᑎᒪᓂᖅ ᐊᑕᐅᓯᕐᒥᒃ ᐱᓕᕆᐊᑉ ᒥᒃᓵᓄᑦ ᑲᑎᒪᓂᖃᖅᖢᑎᒃ ᑭᖑᓂᐊᒍᑦ ᑕᓪᓕᒪᓂᒃ ᐅᑉᓗᓂᒃ ᓄᓇᓕᖕᒥᑦ ᑲᑎᒪᔩᑦ ᑲᑎᒪᓂᖃᖅᖢᑎᒃ. ᐱᓇᓱᐊᕈᓯᕐᒥᑦ, ᓄᓇᓕᖕᒥᐅᑕᐃᑦ ᐊᐱᖅᓱᕈᖕᓇᓚᐅᖅᑐᑦ ᐅᒻᒪᓗ ᐃᓱᒪᒋᔭᕐᒥᖕᓂᒃ ᐅᖃᕐᓗᑎᒃ ᐃᓱᒫᓘᑎᖏᓐᓂᓪᓗ ᐱᓕᕆᐊᑉ ᒥᒃᓵᓄᑦ. ᑕᐃᒪᓐᓇ ᐹᕕᓐᓛᓐᑯᑦ ᑭᐅᔪᖏᓇᓚᐅᖅᑕᖏᑦ ᐊᐱᖅᖁᑎᖏᑦ, ᓇᓗᓇᐃᖅᓯᓗᑎᒃ ᑐᑭᓯᓂᕐᓗᒃᐅᔪᓂᒃ, ᐅᖃᐅᓯᕆᓗᒋᑦ ᐱᐅᓯᒋᐊᖅᓯᓂᐅᔪᑦ ᐊᕙᑎᒥᒃ ᖃᐅᔨᓴᐃᓂᕐᒥᒃ ᐊᑐᕐᓂᐊᖅᑕᖏᓐᓂᒃ ᐃᓚᒋᔭᐅᓗᓂ ᑐᒡᓕᐊ ᐱᓕᕆᐊᕐᒧᑦ ᓈᒻᒪᒋᔭᐅᒃᐸᑦ, ᐊᒻᒪᓗ ᑕᑯᑎᑦᑎᑉᓗᑎᒃ ᐊᒥᓱᓂᒃ ᓄᓇᓕᖕᒧᑦ ᐃᑲᔫᑕᐅᔪᖕᓇᖅᑐᓂᒃ ᐱᓕᕆᐊᕐᒥᑦ ᐱᓂᐊᖅᑐᓂᒃ. ᐊᕙᑎᓕᕆᔨᒃᑯᑦ ᐃᒪᓐᓈᖅᑐᐃᓂᐊᕐᓂᖏᓐᓄᑦ ᓂᕆᐅᒋᔭᐅᔪᑦ ᑐᒡᓕᐊ ᐱᓕᕿᐊᕐᒧᑦ ᑲᓇᑕᐅᑉ ᒥᓂᔅᑕᖓᓄᑦ ᐅᑭᐅᖅᑕᖅᑐᒥᑦ ᑲᒪᔨᒃᑯᓪᓗᑦ 2022 ᐱᒋᐊᓵᕐᓂᖓᓂᑦ. ᒥᓂᔅᑕ ᐅᑭᐅᖅᑕᖅᑐᒥᑦ ᑲᒪᔨᒃᑯᓐᓄᑦ 90-ᓂᑦ 180 ᐅᑉᓗᕐᓄᑦ ᑎᑭᓪᓗᒍ ᐃᓱᒪᓕᐊᒥᓂᒃ ᑐᓂᓯᔭᕆᐊᖃᖅᑐᖅ ᓈᒻᒪᒋᓂᐊᕐᓗᒍ ᓈᒻᒪᒋᓂᐊᖏᓪᓗᒋᓘᓐᓃᑦ ᑐᒡᓕᐊ ᐱᓕᕆᐊᖅ.

ᑳᓐᑐᖄᒃᑎᑦᑎᓂᖅ

5

ᓄᓘᔮᑦ ᐊᒻᒪᓗ ᕿᙳᐊᓂ ᒥᒃᓵᓄᑦ ᑐᓴᒐᒃᓴᖅ ᑕᖅᖀᓐᓇᕐᔪᐊᖅ (ᔭᓄᐊᕆ) - ᐊᒥᕋᐃᔭᕐᕕᒃ (ᓯᑎᐱᕆ) 2021-ᒥᑦ ᐱᓕᐅᕆᕙᓪᓕᐊᓂᖅ ᑲᑎᖦᖢᒋᑦ (ᑕᓐ-ᖑᔪᑦ)

ᐱᖅᖁᓯᕆᔭᐅᔪᓄᑦ ᐃᓂᐅᔪᓂᑦ ᖃᓄᐃᓕᐅᕐᓃᑦ

ᓄᕙᒡᔪᐊᕐᓇᖅ-19 ᐱᔾᔪᑎᒋᑉᓗᒍ ᑭᒡᓕᖃᖅᑎᑦᑎᓃᑦ ᐹᕕᓐᓛᓐᑯᑦ ᐱᑕᖃᓗᐊᖏᑦᑐᑦ ᐱᖅᖁᓯᓕᕆᓂᕐᒧᑦ ᖃᓄᐃᓕᐅᖅᑎᑦᑎᓂᕐᓂᒃ ᐊᒻᒪᓗ ᑐᕌᖓᔪᓕᕆᓂᕐᓂᒃ ᐅᔭᕋᒃᑕᕆᐊᕐᒥᑦ, ᐅᔭᕋᒃᑕᕆᐊᕐᒦᑦᑐᑦ ᐃᖅᖃᓇᐃᔭᖅᑎᕗᑦ ᐱᖁᖅᓯᕆᔭᐅᔪᒥᒃ ᐅᖃᐅᔾᔨᔨᐅᔪᑦ ᐊᒃᓱᕈᖅᖢᑎᒃ ᐱᓕᕆᓯᒪᔪᑦ ᐊᐅᓛᖅᑎᑦᑎᓂᐊᕐᓗᑎᒃ ᐊᒥᓲᓛᖑᒋᐊᖅᑐᓂᒃ ᑐᕌᖓᔪᓂᒃ ᐊᑕᐅᑦᑎᒃᑯᑦ ᒪᓕᒃᖢᒋᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐅᓗᕆᐊᓇᖅᑐᒦᑎᓐᓂᐊᖏᓪᓗᒋᑦ ᑭᒡᓕᖃᕐᓂᐅᔪᑦ. ᐹᓂᒃᓕᐅᕐᓂᕐᒧᑦ ᐃᓕᓐᓂᐊᖅᑎᑦᑎᓃᑦ, ᐃᓄᒃᑎᑐᑦ ᐅᖃᐅᓯᕐᒥᒃ ᐃᓕᓐᓂᐊᖅᑎᑦᑎᓃᑦ, ᖁᓪᓕᖅ ᐃᑭᑕᐅᓂᖓ, ᐊᒻᒪᓗ ᐱᐅᓴᐅᑎᓕᐅᕆᓃᑦ ᐃᓚᒋᔭᐅᓚᐅᖅᑐᑦ ᖃᓄᐃᓕᐅᖅᑎᑦᑎᓂᕐᓄᑦ ᐅᔭᕋᒃᑕᕆᐊᕐᒥᑦ ᐃᓱᐊᓂᑦ 2020 ᐊᒻᒪᓗ ᐱᒋᐊᖅᑎᓪᓗᒍ 2021. ᐊᓯᖏᑦ ᖃᓄᐃᓕᐅᕈᑕᐅᔪᓂᑦ ᐃᓚᐅᔪᑦ ᒥᖅᓱᖅᑎᑦᑎᓃᑦ ᒥᖅᓱᖅᑐᑦ ᕿᓯᖕᓂᑦ ᐳᐊᓗᓕᐅᖅᖢᑎᒃ, ᐅᐱᕐᖔᖅᓯᐅᑎᓂᒃ ᔭᐸᓂᒃ, ᐊᒻᒪᓗ ᑮᑦᑕᖅᑐᐃᑦ ᑎᒍᒥᐊᒐᓂᒃ.

4,210,006 ᐅᔭᕋᒃᑕᕐᓂᖅ

4,023,359 ᐅᓯᑲᑦᑕᖕᓂᖅ

4,319,118 ᓯᖃᓪᓕᑎᕆᓂᖅ

6

ᓄᓘᔮᑦ ᐊᒻᒪᓗ ᕿᙳᐊᓂ ᒥᒃᓵᓄᑦ ᑐᓴᒐᒃᓴᖅ

ᑲᓇᑕᒥᑦ ᐅᑉᓗᖅ ᓱᓕᔪᖅ ᐊᒻᒪᓗ ᐋᖅᕿᖃᑎᒌᖕᓂᕐᒧᑦ ᐊᒥᕋᐃᔭᕐᕕᒃ (ᓯᑎᐱᕆ) 30-ᒥᑦ, ᐹᕕᓐᓛᓐᑯᑦ ᓇᓗᓇᐃᖅᓯᓚᐅᖅᑐᑦ ᑲᓇᑕᒥᑦ ᐅᑉᓗᖅ ᓱᓕᔪᖅ ᐊᒻᒪᓗ ᐋᖅᕿᖃᑎᒌᖕᓂᕐᒧᑦ ᐃᖅᖃᓇᐃᔭᖅᑎᓗᒃᑖᑦ #EveryChildMatters-ᒥᒃ ᑎᑎᕋᖅᓯᒪᔪᒥᒃ ᐊᑎᒋᑖᖅᑎᖦᖢᒋᑦ #OrangeShirtDay ᑲᑐᔾᔨᖃᑎᒌᒃᑯᓐᓂᑦ. ᐊᑎᒌᑦ ᓇᓗᓇᐃᖅᓯᔪᑦ ᒪᒥᓴᕐᓂᕐᒥᒃ ᐊᓐᓇᒃᓯᒪᔪᓄᑦ ᐊᒻᒪᓗ ᖃᑕᙳᑎᖏᓐᓄᑦ, ᐊᒻᒪᓗ ᐱᓂᐊᕐᓂᕆᔭᕗᑦ ᑲᒻᐸᓂᐅᑉᓗᑕ ᐋᖅᕿᖃᑎᒌᒃᐸᓪᓕᐊᓂᕐᒧᑦ. ᑐᓂᓯᓚᐅᖅᑐᒍᑦ 2000 ᐅᖓᑖᓄᑦ ᐊᑎᒋᓂᒃ ᐃᖅᖃᓇᐃᔭᖅᑎᑉᑎᖕᓄᑦ ᐊᒻᒪᓗ ᑳᓐᑐᕌᒃᖃᖅᑐᓄᑦ ᑕᑯᒃᓴᐅᑎᖦᖢᒍ ᐱᒻᒪᕆᐅᓂᖓ ᐅᑉᓘᑉ ᐊᒻᒪᓗ ᑭᑐᓗᒃᑖᑦ ᐱᔭᕆᐊᖃᕐᓂᖏᑦ ᑕᑯᒃᓴᐅᑎᓪᓗᒋᑦ

ᖃᓄᐃᓕᐅᕐᓂᐅᓚᐅᖅᓯᒪᔪᓂᒃ ᐊᒻᒪᓗ ᐅᐱᒋᓗᒋᑦ ᐊᒃᑐᖅᑕᐅᓚᐅᖅᑐᑦ ᑕᒪᒃᑯᓄᙵ. ᑭᓇᑐᐃᓐᓇᖅ ᐃᑲᔪᖅᑕᐅᔭᕆᐊᓕᒃ, ᑲᓇᑕᒥᑦ ᒐᕙᒪᒃᑯᑦ ᑲᓇᑕᒥᑦ ᐃᖅᕿᓖᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ ᐅᖃᓘᑎᖃᖅᑐᑦ 1-866-925-4419. ᐹᕕᓐᓛᓐᑯᑦ ᐱᓕᕆᖃᑎᖃᕐᒥᔪᑦ ᐃᓕᓴᖅᓯᕕᒃ ᑲᑐᔾᔨᖃᑎᒌᒃᑯᓐᓂᑦ ᑖᑉᑯᐊ ᓄᓇᓕᖕᒥᑦ ᐅᖃᓪᓚᒡᕕᐅᔨᖃᖅᑐᑦ, ᐅᖃᓪᓚᖃᑎᖃᖃᑦᑕᖅᑐᑦ ᐃᓄᐃᑦ, ᐃᓄᖕᓄᑦ. ᖃᐅᔨᒋᐊᕐᕕᒋᓗᒋᑦ ᐃᓕᓴᖅᓯᕕᒃ ᑲᑐᔾᔨᖃᑎᒌᒃᑯᑦ ᐅᕙᓂ 1-867-924-6565.

ᓄᓇᓕᖕᒥᑦ ᐳᓚᕋᖅᑎᑦᑎᓃᑦ ᐊᒻᒪᓗ ᐱᔾᔪᔾᔨᓂᖅ ᖃᑉᓯᐊᕐᔪᐃᑦ ᑕᖅᖀᑦ ᐊᓂᒍᖅᑐᓂᑦ ᓄᕙᒡᔪᐊᕐᓇᖅ-19-ᒧᑦ ᐃᖏᕐᕋᔭᖕᓂᕐᒧᑦ ᑭᒡᓕᖃᖅᑎᑦᑎᓃᑦ ᓄᖅᖃᖅᑎᑕᐅᓚᐅᖅᑐᑦ ᐃᓚᖏᓐᓂᑦ ᓄᓇᕗᒻᒥᑦ, ᐹᕕᓐᓛᓐᑯᑦ ᐃᖅᖃᓇᐃᔭᖅᑎᖏᑦ ᑕᑯᔭᖅᑐᐃᔪᖕᓇᖅᓯᑉᓗᑎᒃ ᐊᒻᒪᓗ ᑲᑎᓪᓗᒋᑦ ᖃᑉᓯᐊᔪᐃᑦ ᐱᓕᕆᖃᑎᒌᖑᔪᑦ ᐊᒻᒪᓗ ᓄᓇᓕᖕᒥᐅᑕᐃᑦ ᑲᖏᖅᑐᒑᐱᖕᒥᑦ, ᐃᒃᐱᐊᕐᔪᖕᒥᑦ, ᐊᒻᒪᓗ ᒥᑦᑎᒪᑕᓕᖕᒥᑦ. ᓄᓇᓕᖕᓄᙵᐅᓂᕐᓂᑦ ᐃᓚᐅᓚᐅᖅᑐᑦ ᖃᑉᓯᐊᕐᔪᐃᑦ ᑐᓂᕐᕈᑏᑦ ᐊᒻᒪᓗ ᑮᓇᐅᔭᖃᖅᑎᑦᑎᓃᑦ ᓄᓇᓕᖕᒥᑦ ᑐᕌᖓᔪᓄᑦ ᓴᕆᒪᓱᒍᑎᒋᔭᕗᑦ ᐃᑲᔪᕐᓂᐊᕐᓗᒋᑦ, ᐃᓚᐅᑉᓗᑎᒃ ᐅᑯᐊ: •

•

ᒥᑦᑎᒪᑕᓕᖕᒥᑦ ᐊᕐᓇᐃᑦ ᕼᐋᑭᑎᖏᑦ: ᐹᕕᓐᓛᓐᑯᑦ ᑐᓂᓯᓚᐅᖅᑐᑦ $26,328-ᓂᒃ ᒥᑦᑎᒪᑕᓕᖕᒥᑦ ᐊᕐᓇᐃᑦ ᕼᐋᑭᑎᖏᓐᓄᑦ ᑖᑉᑯᐊ ᓄᑖᓂᒃ ᐊᑎᒋᑖᕈᖕᓇᕐᓂᐊᕐᒪᑕ. ᐹᕕᓐᓛᓐᑯᓐᓂᑦ, ᐃᓕᑕᖅᓯᔪᒍᑦ ᐱᒻᒪᕆᐅᓂᖓ ᓄᓇᓕᖕᒦᖓᔪᑦ ᖃᓄᐃᓕᐅᕐᓂᐅᔪᑦ ᐃᑲᔪᖅᑐᑦ ᖃᓄᐃᖏᑦᑎᐊᕐᓂᒃᑯᑦ ᐃᓅᓯᖃᕐᓗᓂ. ᐃᓕᓴᖅᓯᕕᒃ ᑲᑐᔾᔨᖃᑎᒌᒃᑯᑦ: $48,300-ᓂᒃ ᑐᓂᔭᐅᓚᐅᖅᑐᑦ ᐹᕕᓐᓛᓐᑯᓐᓂᑦ ᐃᓕᓴᖅᓯᕕᒃ ᑲᑐᔾᔨᖃᑎᒌᒃᑯᓐᓄᑦ ᐃᑲᔪᕐᓂᐊᕐᓗᒋᑦ ᐃᑦᑕᖅ ᐊᖑᓇᓱᒃᑏᑦ, ᒪᖃᓐᓂᕐᒧᑦ ᐃᓕᓐᓂᐊᖅᑎᑦᑎᓂᕐᒥᒃ ᑐᕌᖓᔫᔪᖅ ᑐᕌᒐᖃᖅᖢᓂ ᓂᕿᖃᓕᖅᑎᑦᑎᓂᕐᒥᒃ ᓄᓇᓕᖕᒥᑦ ᐊᒻᒪᓗ ᑐᓂᐅᑎᒋᔭᐅᓗᓂ ᐃᓄᖕᓄᑦ ᖃᐅᔨᒪᓂᕆᔭᐅᔪᖅ ᐊᒻᒪᓗ ᐊᔪᙱᓐᓂᕆᔭᐅᔪᑦ.

$40,000

ᐹᕕᓐᓛᓐᑯᑦ ᑐᓂᕐᕈᑎᖃᓚᐅᖅᑐᑦ $40,000-ᓂᒃ ᐃᒃᐱᐊᕐᔪᖕᒥᑦ ᕼᐋᒻᓚᒃᑯᑦ ᐋᓐᓂᐊᖃᖅᑕᐃᓕᓂᕐᒧᑦ ᑲᑎᒪᔨᐊᓛᖏᓐᓄᑦ ᐃᑲᔪᖅᖢᒋᑦ ᐃᒃᐱᐊᕐᔪᖕᒥᑦ ᐊᓕᓴᖅᑏᑦ ᐅᑉᓗᕈᒥᑕᖅᑎᑕᐅᓂᖏᓐᓄᑦ ᑐᕌᖓᔪᖅ.

•

ᐃᒃᐱᐊᕐᔪᖕᒥᑦ ᐊᓕᓴᖅᑏᑦ ᐅᑉᓗᕈᒥᑕᖅᑎᑕᐅᓂᖏᓐᓄᑦ ᑐᕌᖓᔪᖅ: ᐹᕕᓐᓛᓐᑯᑦ ᑐᓂᕐᕈᑎᖃᓚᐅᖅᑐᑦ $40,000-ᓂᒃ ᐃᒃᐱᐊᕐᔪᖕᒥᑦ ᕼᐋᒻᓚᒃᑯᑦ ᐋᓐᓂᐊᖃᖅᑕᐃᓕᓂᕐᒧᑦ ᑲᑎᒪᔨᐊᓛᖏᓐᓄᑦ ᐃᑲᔪᖅᖢᒋᑦ ᐃᒃᐱᐊᕐᔪᖕᒥᑦ ᐊᓕᓴᖅᑏᑦ ᐅᑉᓗᕈᒥᑕᖅᑎᑕᐅᓂᖏᓐᓄᑦ ᑐᕌᖓᔪᖅ.

•

ᐃᒃᐱᐊᕐᔪᖕᒥᑦ ᓯᐊᕐᕆᔮᕐᕕᒃ: ᑐᓂᕐᕈᑎᖃᓚᐅᖅᑐᑦ ᐹᕕᓐᓛᓐᑯᑦ $20,000-ᓂᒃ ᓂᐅᕕᕈᑕᐅᑉᓗᓂ ᓯᑯᒥᑦ ᓴᓗᒻᒪᖅᓴᐃᔾᔪᑎᒥᒃ ᓯᐊᕐᕇᔭᕐᕕᖕᒧᑦ.

ᓴᐅᒥᒃᖠᕐᒦᑦᑐᖅ: ᐃᒃᐱᐊᕐᔪᖕᓂ ᓯᐊᕐᕆᔮᕐᕕᖕᒥ ᑕᓕᖅᐱᒃᖠᕐᒦᑦᑐᖅ: ᒥᑦᑎᒪᑕᓕᖕᒥ ᐊᕐᓇᖅ ᕼᐋᑭᖅᑎᖏᑦ

ᓄᓇᓕᖕᒥᑦ ᐳᓚᕋᖅᑎᑦᑎᓃᑦ ᐊᒻᒪᓗ ᐱᔾᔪᔾᔨᓂᖅ

7

ᑕᕆᐅᕐᒧᑦ ᐊᒻᒪᓗ ᐊᕙᑎᓕᕆᓂᕐᒧᑦ ᑐᕌᖓᔪᓕᕆᓂᖅ ᐅᐱᕐᖔᖑᓵᓚᐅᖅᑐᒥᑦ, ᐹᕕᓐᓛᓐᑯᑦ ᓯᑯᓂᒃ ᓯᖁᑉᑎᕆᓂᖅᑕᖃᖅᑕᐃᓕᓚᐅᖅᑐᑦ ᐱᒋᐊᓵᖅᑎᓪᓗᒍ 2021 ᐅᒥᐊᕐᔪᐊᑦ ᐃᖏᕐᕋᔭᖕᓂᖏᑦ ᐊᓯᐅᔨᑦᑕᐃᓕᑎᑦᑎᓂᕐᒧᑦ ᐃᓗᐃᑦᑑᑦᑎᐊᕐᓂᖓᑕ ᐊᐅᔭᒃᑯᑦ ᑕᓯᐅᔭᕐᒦᖃᑦᑕᖅᑐᑦ ᑑᒑᓖᑦ. ᐃᓱᒪᓕᐊᖑᓚᐅᖅᑐᖅ ᒪᓕᒃᖢᒋᑦ ᑭᐅᔭᐅᔪᑦ ᐃᓄᖕᓄᑦ ᐅᖃᐅᓯᐅᓚᐅᖅᑐᑦ ᐊᒻᒪᓗ ᐃᓕᑕᖅᓯᓂᕐᒧᑦ ᐱᒻᒪᕆᐅᓂᖓᑕ ᓄᓇᓕᖕᒦᖓᔪᒥᒃ ᐱᓕᕆᐊᕐᒥᑦ, ᖃᓕᕇᖓᔪᖅ ᐸᕐᓇᐅᑕᐅᓯᒪᔪᒧᑦ ᐹᕕᓐᓛᓐᑯᑦ ᐅᒥᐊᕐᔪᐊᓕᕆᓂᖓᓐᓄᑦ. ᐅᒥᐊᕐᔪᐊᓕᕆᓃᑦ ᐃᓱᓕᓚᐅᖅᑐᑦ ᐅᑭᐅᓖᑦ (ᐅᒃᑑᐱᕆ) 2021-ᒥᑦ ᐊᒻᒪᓗ 73 ᐅᔭᕋᒃᑕᖅᑕᐅᔪᓂᒃ ᐅᓯᖃᑦᑕᖅᑐᑦ ᐅᓯᓕᖅᑐᖅᑕᐅᓚᐅᖅᑐᑦ ᕿᙳᐊᓂᑦ ᐃᒃᓴᕐᕕᖕᒥᑦ 2021-ᒥᑦ. 74-ᒋᔭᖓ ᐅᔭᕋᒃᑕᖅᑕᐅᔪᓂᒃ ᐅᓯᖃᑦᑕᖅᑐᖅ ᖃᓂᑦᑐᒥᑦ ᖃᐅᔨᓴᐃᕝᕕᐅᔪᒧᐊᓚᐅᖅᑐᖅ (RSA) ᑕᖅᕿᖅ ᐱᒋᐊᓵᕐᓂᖓᓂᑦ ᐅᓯᓕᖅᑕᐅᑉᓗᓂ ᐊᐅᓪᓚᖅᑎᑕᐅᓚᐅᖅᑐᖅ ᐅᒥᐊᕐᔪᐊᓕᕆᓃᑦ ᐃᓱᓕᓐᓂᐊᕐᓗᑎᒃ ᐅᑭᐅᓖᑦ (ᐅᒃᑑᐱᕆ) 2021-ᒥᑦ.

ᑕᕆᐅᕐᒥᑦ ᖃᐅᔨᓴᐃᓂᕐᒧᑦ ᑐᕌᖓᔪᑦ: ᐹᕕᓐᓛᓐᑯᑦ ᖃᐅᔨᓴᐃᖃᑦᑕᖅᑐᑦ ᖃᓄᐃᖓᓕᖅᑎᑦᑎᓂᐅᔪᖕᓇᖅᑐᓂᒃ ᐱᓕᕆᐊᕐᒥᑦ ᐱᔪᓂᒃ ᓲᕐᓗ ᐅᒥᐊᕐᔪᐊᕐᓂᑦ ᑕᕆᐅᑉ ᐊᕙᑎᖓᓄᑦ ᐊᐅᓛᖅᑎᑦᑎᑉᓗᑎᒃ ᖃᑉᓯᐊᕐᔪᖕᓂᒃ ᖃᐅᔨᓴᐃᓂᕐᒧᑦ ᑐᕌᖓᔪᓂᑦ, ᑕᒪᓗᒃᑖᕐᓚᒃ ᐊᑐᓕᖅᑎᑕᐅᑉᓗᑎᒃ ᐅᒥᐊᕐᔪᐊᑦ ᐃᖏᕐᕋᔭᖃᑦᑕᖅᑎᓪᓗᒋᑦ. 2021-ᒥᑦ, ᑕᕆᐅᑉ ᐊᕙᑎᖓᓂᒃ ᖃᐅᔨᓴᐃᓂᕐᒧᑦ ᑐᕌᖓᔪᑦ ᐱᓕᕆᐊᖃᓚᐅᖅᑐᑦ ᐅᑯᓂᙵᑦ: •

ᐆᒃᑐᕋᖅᖢᒋᑦ ᖃᓄᐃᖓᓕᖅᑎᑦᑎᓂᐅᔪᖕᓇᖅᑐᑦ ᐅᒥᐊᕐᔪᐊᓂᒃ ᐱᔪᓂᒃ ᑕᕆᐅᑉ ᐊᕙᑎᖓᓄᑦ.

•

ᖃᐅᔨᓴᖅᖢᒋᑦ ᓇᓚᐅᑦᑎᓂᐅᔪᑦ ᓇᓚᐅᑦᑖᖅᑕᐅᔪᑦ ᖃᓄᐃᖓᓕᖅᑎᑦᑎᓂᕐᒧᑦ ᖃᐅᔨᔭᐅᔪᑦ ᐊᕙᑎᒥᒃ ᒪᓕᒐᓕᕆᓂᒃᑯᑦ.

•

ᖃᐅᔨᓗᑎᒃ ᐊᑐᖅᑕᐅᓂᐊᖅᑐᓂᒃ ᐊᖏᓗᐊᖏᒋᐊᖅᑎᑦᑎᓂᕐᒧᑦ ᐱᕙᓪᓕᐊᔭᐅᔭᕆᐊᖃᕐᒪᖔᑕ.

8

ᑕᕆᐅᕐᒧᑦ ᐊᒻᒪᓗ ᐊᕙᑎᓕᕆᓂᕐᒧᑦ ᑐᕌᖓᔪᓕᕆᓂᖅ

ᑕᕆᐅᕐᒥᐅᑕᐃᑦ ᓂᕐᔪᓂᒃ ᖃᖓᑕᓲᒃᑯᑦ ᖃᐅᔨᓴᐃᓂᖅ •

ᖃᐅᔨᓴᐃᓚᐅᖅᑐᑦ ᓇᑦᑏᑦ ᖃᑉᓯᐅᑎᒋᓂᖏᓐᓄᑦ ᐊᒻᒪᓗ ᓇᒧᙵᐅᓯᒪᓂᖏᓐᓄᑦ ᐅᐱᕐᖔᒃᑯᑦ, ᐊᒻᒪᓗ ᑑᒑᓖᑦ ᐊᒥᓲᑎᒋᓂᖏᓐᓂᒃ ᐊᒻᒪᓗ ᓇᒧᙵᐅᓯᒪᓂᖏᓐᓂᒃ ᐊᓯᖏᑦ ᓂᕐᔪᑏᑦ ᐱᓕᕆᐊᖃᕐᕕᐅᔪᒥᑦ ᐊᐅᔭᐅᑎᓪᓗᒍ.

•

ᓂᐱᖃᕐᓂᕐᒥᒃ ᖃᐅᔨᓴᐃᓂᖅ •

ᐃᓗᕕᓕᖕᒥᑦ ᓄᓇᒦᖓᑉᓗᓂ ᖃᐅᔨᓴᐃᓂᖅ •

ᐊᑐᓕᖅᑎᑕᐅᓚᐅᖅᑐᖅ ᐅᑭᐅᖅ ᒪᕐᕉᒃ ᖁᓕᑦ ᐅᑭᐅᖑᔪᒥᑦ ᐅᓯᔭᐅᔪᓄᑦ ᐃᒃᓴᕐᕕᒃ ᓴᓇᔭᐅᕌᓂᒃᑎᓪᓗᒍ ᐃᓂᐅᔪᒥᒃ ᐋᖅᕿᒋᐊᖅᓯᓂᕐᒧᑦ ᖃᐅᔨᓴᐃᓂᖅ ᐊᔪᙱᓐᓂᖓᓄᑦ.

ᖃᐅᔨᓴᐃᓚᐅᖅᑐᑦ ᑑᒑᓖᑦ ᖃᓄᐃᓕᐅᖃᑦᑕᕐᓂᖏᓐᓂᒃ ᐅᒥᐊᕐᔪᐊᑦ ᐅᐊᖕᓇᖅᐸᓯᖓᓂᑦ ᐊᑉᖁᑎᒋᔭᐅᔪᒃᑯᑦ ᖄᖓᓂᑦ ᐃᓗᕕᓕᐅᑉ ᖃᐅᔨᓴᕐᖢᒋᑦ, ᑕᑯᑉᓗᒋᑦ ᐊᒻᒪᓗ ᐃᓐᓄᒃᑕᐅᓯᒪᙱᑦᑐᑦ ᖃᖓᑕᑎᑕᐅᖃᑦᑕᖅᑐᒃᑯᑦ (UAV).

ᖃᐅᔨᓴᐃᓚᐅᖅᑐᑦ ᐃᒪᐅᑉ ᐃᓗᐊᓂᑦ ᓂᐱᖃᕐᓂᕐᒥᒃ ᐱᖓᓱᓂᑦ ᐃᓂᐅᔪᓂᑦ ᐊᑯᓪᓕᕈᕐᕕᒃ (ᐋᒋᓯ) ᐱᒋᐊᓵᖅᑎᓪᓗᒍ ᐃᓗᕕᓕᖕᒥᑦ, ᐃᒥᓕᖕᒥᑦ ᑭᓴᖅᓯᒪᑉᓗᑎᒃ, ᐊᒻᒪᓗ ᒥᑦᑎᒪᑕᓕᖕᒥᑦ (ᒥᑭᔪᖅ ᐅᒥᐊᒃᑯᑦ) ᐊᒥᕋᐃᔭᕐᕕᖕᒧᑦ (ᓯᑎᐱᕆ) ᑎᑭᖦᖢᒍ. ᐃᓕᓯᒃᑲᓐᓂᓚᐅᖅᑐᑦ ᒪᕐᕉᖕᓂᒃ (2) ᓂᐱᓕᐅᕈᑎᓂᑦ ᓯᓈᓂᑦ ᓂᐱᓕᐅᕐᓂᐊᕐᓗᒋᑦ ᐃᒪᐅᑉ ᐃᓗᐊᓂᑦ ᓂᐱᖃᕐᓂᖅ ᐅᑭᐊᒃᓵᖓᓂᑦ 2021 ᐊᒻᒪᓗ 2022-ᒥᑦ ᓯᓈᓂᑦ ᖃᓄᐃᓐᓂᐅᔪᓂᒃ.

ᑕᕆᐅᑉ ᐊᕙᑎᖓᓄᑦ ᖃᓄᐃᖓᓕᖅᑎᑦᑎᓃᑦ ᐊᒻᒪᓗ ᑕᒫᓂᕐᒥᐅᑕᐅᖏᑦᑐᑦ ᐆᒪᔪᓄᑦ ᐊᒻᒪᓗ ᐃᓂᐅᔪᓂᒃ ᐋᖅᕿᒋᐊᖅᓯᓂᖅ

ᐅᒥᐊᕐᔪᐊᕐᒦᖦᖢᓂ ᖃᐅᔨᓴᐃᔨ

•

•

ᖃᐅᔨᓴᖅᑕᐅᓂᖓ ᐃᒪᐅᑉ ᐊᒻᒪᓗ ᐊᓗᐊᓄᐊᖅᑐᑦ ᖃᓄᐃᓐᓂᖏᑦ ᐃᓚᐅᑉᓗᑎᒃ ᓴᕖᑦ, ᑭᖑᐃᑦ ᐳᓚᓲᑦ, ᐊᒻᒪᓗ ᐊᓗᐊᑕ ᖄᖓᓃᖃᑦᑕᖅᑐᑦ ᐊᒻᒪᓗ ᐱᕈᖅᑐᐃᑦ, ᐃᖃᓗᐃᑦ ᐊᒥᓲᓂᖏᑦ ᐊᒻᒪᓗ ᖃᓄᐃᖏᓐᓂᖏᑦ (ᑕᐅᑐᒐᖃᖅᓗᑎᒃ ᐃᖃᓗᒃᐱᖕᓂᑦ) ᐃᓚᐅᑉᓗᑎᒃ ᐱᑦᑕᐅᖏᑦᑐᓂᒃ ᖃᐅᔨᓴᐃᓃᑦ, ᐊᒻᒪᓗ ᐅᒥᐊᕐᔪᐊᕐᒦᖃᑦᑕᖅᑐᖅ ᐃᒪᕐᒥᒃ ᐆᒃᑐᕋᐃᓃᑦ.

ᐊᔪᕐᓇᓚᐅᖅᑐᖅ 2020-ᒥᑦ/ᐱᒋᐊᓵᖅᑎᓪᓗᒍ 2021 ᐅᒥᐊᕐᔪᐊᕐᒧᐊᕈᖕᓇᕐᓂᕐᒧᑦ ᑭᒡᓕᖃᖅᑎᑦᑎᓃᑦ ᐱᔾᔪᑎᒋᑉᓗᒋᑦ ᓄᕙᒡᔪᐊᕐᓇᖅ-19-ᒧᑦ. ᑭᓯᐊᓂ, ᐊᓯᐊᒍᖔᖅ, ᑕᕆᐅᕐᒥᑦ ᓂᕐᔪᑎᓂᒃ ᖃᐅᔨᓴᐃᓂᖅ ᐊᑐᖅᑕᐅᓚᐅᖅᑐᖅ ᐱᓕᕆᖃᑎᒋᑉᓗᒋᑦ ᑕᕆᐅᕐᒥᑦ ᓂᕐᔪᑎᓂᒃ ᖃᐅᔨᓴᐃᓂᕐᒧᑦ ᐱᓕᕆᖃᑎᒌᑦ (MMON) ᐃᓚᖃᖅᖢᑎᒃ ᐃᓚᐅᖃᑕᐅᔪᓂᒃ ᐅᒥᐊᕐᓂᑦ.

ᐅᒥᐊᕐᔪᐊᕐᒥᑦ ᖃᐅᔨᓴᐃᓂᖅ ᐊᒻᒪᓗ ᑐᓴᐅᒪᖃᑦᑕᐅᑎᓂᖅ ᐹᕕᓐᓛᓐᑯᑦ ᑐᓂᓯᓚᐅᖅᑐᑦ ᐅᑯᓂᙵᑦ ᐊᑐᖅᑕᐅᔪᖕᓇᖅᑐᓂᒃ ᓄᓇᓕᖕᒥᐅᓄᑦ ᖃᐅᔨᓴᕐᓂᐊᕐᓗᑎᒃ ᐅᒥᐊᕐᔪᐊᑦ ᖃᓄᐃᓕᐅᕐᓂᖏᓐᓂᒃ.

•

24 ᐃᑲᕐᕋᓄᑦ

ᐱᔭᐅᔪᖕᓇᖅᖢᑎ

•

24 ᐃᑲᕐᕋᓄᑦ ᐱᔭᐅᔪᖕᓇᖅᖢᑎᒃ ᑭᖑᓪᓕᖅᐹᖅ ᐅᒥᐊᕐᔪᐊᑦ ᐃᓂᒋᔭᖏᓐᓂᒃ ᑕᐃᑯᙵᐅᔪᓂᑦ ᐊᒻᒪᓗ ᑕᐃᑲᙶᖅᑐᓂᑦ ᕿᙳᐊᓂᑦ ᐃᒃᓴᕐᕕᖕᒥᑦ.

•

ᐅᒥᐊᕐᔪᐊᕐᒥᑦ ᖃᐅᔨᓴᐃᔩᑦ ᒪᓂᒪᖃᑦᑕᓚᐅᖅᑐᑦ 24 ᐃᑲᕐᕋᓄᑦ ᐅᑉᓗᕐᒥᑦ ᐅᒥᐊᕐᔪᐊᑦ ᑎᑭᖃᑦᑕᕐᓂᓗᒃᑖᖏᓐᓂᑦ ᐱᓕᕆᐊᕆᓂᐊᕐᓗᒋᑦ ᐊᐱᖅᖁᑏᑦ, ᐅᖃᐅᓯᐅᔪᑦ, ᐊᒻᒪᓗ ᐃᓱᒫᓘᑕᐅᔪᑦ. ᐅᒥᐊᕐᔪᐊᕐᒥᑦ ᖃᐅᔨᓴᐃᔩᑦ ᐱᓕᕆᓚᐅᖅᑐᑦ ᐹᕕᓐᓛᓐᑯᑦ ᒥᑦᑎᒪᑕᓕᖕᒥᑦ ᑎᑎᕋᕐᕕᖓᓐᓂᑦ ᖁᓛᖓᓂᑦ ᒥᑦᑎᒪᑕᓕᒃ ᐆᒪᔪᕐᓂᐊᖅᑎᒃᑯᑦ ᐃᒡᓗᖁᑎᖓᓐᓂᑦ. ᐹᕕᓐᓛᓐᑯᑦ ᖃᕆᑕᐅᔭᒃᑯᑦ ᑕᑯᔭᐅᒋᐊᖅᑕᕐᕕᖓᑦ, www.baffinland.com, ᐊᐅᓛᖅᑐᖅ > ᐅᒥᐊᕐᔪᐊᑦ ᐊᒻᒪᓗ ᖃᐅᔨᓴᐃᓃᑦ ᑭᐅᖃᑦᑕᖅᑐᑦ ᐊᐱᖅᖁᑕᐅᒐᔪᒃᑐᓂᒃ ᐊᒻᒪᓗ 24 ᐃᑲᕐᕋᓄᑦ ᐱᔭᐅᔪᖕᓇᖅᖢᑎᒃ ᑭᖑᓪᓕᖅᐹᖅ ᐅᒥᐊᕐᔪᐊᑦ ᐃᓂᒋᔭᖏᓐᓂᒃ ᑕᐃᑯᙵᐅᔪᓂᑦ ᐊᒻᒪᓗ ᑕᐃᑲᙶᖅᑐᓂᑦ ᕿᙳᐊᓂᑦ ᐃᒃᓴᕐᕕᖕᒥᑦ. ᐹᕕᓐᓛᓐᑯᑦ ᑎᑎᕋᕐᕕᖓ ᒥᑦᑎᒪᑕᓕᖕᒥᑦ ᑐᓂᓯᖃᑦᑕᖅᑐᑦ ᐱᕙᓪᓕᑎᓪᓗᒋ ᖃᐅᔨᓴᐃᓂᕐᒥᒃ ᐅᒥᐊᕐᔪᐊᓂᒃ ᐊᐅᓚᑕᐅᔪᑦ ᑐᑭᓯᐅᒪᔾᔪᑎᓄᑦ ᐋᖅᕿᐅᒪᔪᖅ (AIS) ᖃᐅᔨᒋᐊᖅᑕᕐᓂᕐᒧᑦ ᖃᐅᔨᓴᐃᕝᕕᒃᑯᑦ.

•

ᑐᓴᖅᑎᑦᑎᖃᑦᑕᓚᐅᖅᑐᑦ ᐅᒥᐊᕐᔪᐊᑦ ᖃᓄᐃᓕᐅᕐᓂᕆᓂᐊᖅᑕᖏᓐᓂᒃ ᐊᔾᔨᒌᙱᑦᑐᒃ ᐃᓚᐅᑉᓗᑎᒃ ᒥᑦᑎᒪᑕᓕᖕᒥᑦ ᓈᓚᒡᕕᐊᓛᒃᑯᑦ, ᐆᕚᕆᐊᓕᒃᑯᑦ, ᐊᒻᒪᓗ ᖃᕆᑕᐅᔭᒃᑯᑦ Facebook-ᑯᑦ.

•

ᑐᑭᓯᐅᒪᔾᔪᑏᑦ ᐱᓯᒪᓐᓂᑯᓂᑦ ᐊᒻᒪᓗ ᓯᕗᓐᓂᒃᓴᒥᑦ ᐅᒥᐊᕐᔪᐊᓕᕆᓂᕐᓄᑦ ᓄᑖᙳᖅᑎᖅᑕᐅᖃᑦᑕᓚᐅᖅᑐᑦ ᐹᕕᓐᓛᓐᑯᑦ ᐅᒥᐊᕐᔪᐊᓕᕆᓂᕐᒧᑦ Facebook-ᑯᑦ ᒪᒃᐱᖅᑐᒐᖓᒍᑦ ᐊᒻᒪᓗ ᒥᑦᑎᒪᑕᓕᖕᒧᑦ Facebook-ᑯᑦ.

•

ᐅᒥᐊᕐᔪᐊᕐᒥᑦ ᖃᐅᔨᓴᐃᔩᑦ ᒪᓂᒪᖃᑦᑕᓚᐅᖅᑐᑦ ᐅᖃᐅᓯᖃᕈᖕᓇᕐᓗᑎᒃ ᐹᕕᓐᓛᓐᑯᑦ ᐅᒥᐊᕐᔪᐊᖏᑦ ᖃᓄᐃᓕᐅᕐᓂᖏᓐᓄᑦ ᐅᒥᐊᕐᔪᐊᑦ ᑎᑭᖃᑦᑕᖅᑎᓪᓗᒋ ᖃᕆᑕᐅᔭᒃᑯᑦ ᑎᑎᕋᕐᕕᒋᓗᒋᑦ ᐅᕗᖓ (shipping@baffinland.com) ᐅᕝᕙᓘᓐᓃᑦ ᐅᖃᓗᒡᕕᒋᓗᒋᑦ ᐅᕗᖓ (867-899-1807).

ᖁᓛᓃᑦᑐᖅ: ᐃᓗᕕᓕᖕᓂ ᓯᒡᔭᒥ ᖃᐅᔨᓴᓲᑦ ᑕᓕᖅᐱᖕᒥ: ᐅᒥᐊᕐᔪᐊᓂᒃ ᐅᓯᑲᖅᑕᖅᑎᓂᒃ ᖃᐅᔨᓴᖅᑏᑦ, ᒥᑦᑎᒪᑕᓕᖕᒥ ᐊᒡᓚᕕᖓᓃᑦᑐᑦ

ᑕᕆᐅᕐᒧᑦ ᐊᒻᒪᓗ ᐊᕙᑎᓕᕆᓂᕐᒧᑦ ᑐᕌᖓᔪᓕᕆᓂᖅ

9

ᐊᔪᕈᖕᓃᖅᓴᐃᓂᖅ ᐊᒻᒪᓗ ᐃᓕᓐᓂᐊᖅᑎᑦᑎᓂᖅ

ᐃᓐᓇᐃᑦ ᐃᓕᓴᕐᓂᖏᑦ ᐹᕕᓐᓛᓐᑯᑦ ᐱᓕᕆᖃᑎᖃᖅᑐᑦ ᓄᓇᕗᒻᒥᑦ ᓯᓚᑦᑐᖅᓴᕐᕕᖕᒥᑦ ᖃᐅᔨᒪᔭᑎᑦᑎᓂᐊᕐᓗᑎᒃ ᐊᒻᒪᓗ ᑲᒪᔭᖃᕐᓂᐊᕐᓗᑎᒃ ᐃᓚᐅᖃᑕᐅᑎᑦᑎᓂᕐᒥᒃ ᐃᓐᓇᐃᑦ ᐃᓕᓴᕐᓂᖏᓐᓄᑦ (ABE) ᐊᒻᒪᓗ ᐊᑉᖁᑎᒥᒃ ᐃᓐᓇᐃᑦ ᓯᓚᑦᑐᖅᓴᕐᕕᖕᒥᑦ ᐃᓕᑕᕆᔭᐅᔾᔪᑎᑖᕐᓂᕐᒧᑦ (PASS) ᑐᕌᖓᔪᓄᑦ ᓄᓇᓕᖕᓂᑦ. ᐃᓐᓇᕐᓄᑦ ᐃᓕᓐᓂᐊᕈᑎ ᐊᔾᔨᐅᖏᑦᑑᓗᓂ ᐋᖅᕿᒃᓯᒪᓂᐊᖅᑐᖅ ᑎᑭᐅᑎᓯᒪᔪᑦ ᐱᔭᐅᔭᕆᐊᓕᖕᓄᑦ ᐃᓚᐅᖃᑕᐅᔪᓄᑦ ᐊᒻᒪᓗ ᐃᓕᓐᓂᐊᖅᑐᑦ PASS ᑐᕌᖓᔪᒧᐊᕈᖕᓇᕐᓂᐊᕐᓗᑎᑦ.

PASS ᐋᖅᕿᐅᒪᔪᖅ ᐃᑲᔪᕐᓗᒋᑦ ᐃᓚᐅᖃᑕᐅᔪᑦ ᑎᑭᐅᑎᓂᐊᕐᓗᑎᒃ ᖁᑦᑎᖕᓂᖅᓴᒧᑦ ᐃᓕᓐᓂᐊᖅᓯᒪᓂᕐᒧᑦ ᐃᓕᑕᕆᔭᐅᔾᔪᑎᑖᕐᓂᕐᒧᑦ. ᐹᕕᓐᓛᓐᑯᑦ ᐱᓕᕆᖃᑎᖃᖅᓯᒪᔪᑦ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᑦ ᑕᒪᓗᒃᑖᖅ ᐹᕕᓐᓛᓐᑯᓐᓂᑦ ᐃᖅᖃᓇᐃᔭᖅᑏᑦ ᐊᒻᒪᓗ ᓄᓇᓕᖕᒥᐅᑕᐃᑦ ᐃᓕᓐᓂᐊᕈᖕᓇᕐᓂᐊᕐᓗᑎᒃ. ᐹᕕᓐᓛᓐᑯᑦ ᑐᓴᒐᒃᓴᐅᑎᓯᒪᔭᖏᑦ ᑕᒪᕐᒥᒃ ᐱᕕᖃᖅᑎᑦᑎᓃᑦ ᑕᐃᒪᙵᓂᑦ ᕿᑎᐊᓂᑦ ᐋᒡᔪᓕᕐᕕᒃ (ᑎᓯᐱᕆ) 2020-ᒥᑦ ᐊᒻᒪᓗ ᑎᑎᕋᖅᐸᓪᓕᐊᔭᖏᑦ ᐃᓚᐅᖃᑕᐅᔪᒪᔪᑦ.

2021 ᐅᑭᐊᒃᓵᕐᒥᑦ, ᐹᕕᓐᓛᓐᑯᑦ Q-STEP ᐱᓕᕆᔨᖏᑦ ᐃᑲᔪᕈᖕᓇᓚᐅᖅᑐᑦ ᐱᖑᓱᓂᒃ ᐃᓄᖕᓂᒃ PASS-ᒧᐊᕐᓂᐊᖅᑐᓂᒃ. ᑐᑦᑕᕐᕕᒃ 101 ᐅᑭᐅᓖᑦ (ᐅᒃᑑᐱᕆ) 2020-ᒥᑦ ᓇᑦᑎᐊᑦ (ᒫᑦᓯ) 2021-ᒧᑦ, 348 ᐃᑲᕐᕋᓂᒃ ᑐᑦᑕᕐᕕᒃ 101 ᐊᔪᕈᖕᓃᖅᓴᐃᓂᖅ ᐱᐊᓂᒃᑕᐅᓚᐅᖅᑐᖅ 25 ᐃᓄᖕᓄᑦ ᑕᒪᐃᑎᒍᑦ ᑕᒡᕙᐅᖃᑎᒋᙱᖦᖢᒋᑦ ᐊᒻᒪᓗ ᑕᒡᕙᐅᑉᓗᑎᒃ. ᑐᑦᑕᕐᕕᒃ 101 ᐱᖓᓱᑦ ᐅᑉᓗᓄᑦ ᐊᔪᕈᖕᓃᖅᓴᓂᐅᖃᑦᑕᖅᑐᖅ ᑐᑦᑕᕕᒃ ᐊᑎᓕᐅᕆᓂᕐᒧᑦ ᐊᒻᒪᓗ ᐊᑐᖅᑕᐅᓂᖓᓄᑦ, ᐃᖅᖃᓇᐃᔮᕆᓯᒪᔭᖏᓐᓄᑦ ᑎᑎᕋᐃᓂᕐᒧᑦ, ᐊᒻᒪᓗ ᑮᓇᐅᔭᓕᕆᓂᕐᒥᒃ ᖃᐅᔨᒪᓕᕐᓂᕐᒧᑦ, ᑭᓯᐊᓂ ᑐᕌᖓᔪᖅ ᓄᓇᓕᖕᒦᖓᑉᓗᒍ ᐃᖅᖃᓇᐃᔭᒧᑦ ᒪᓂᒪᓂᕐᒧᑦ ᑐᕌᒐᐅᔪᒧᐊᖃᑕᐅᓯᒪᓕᖅᑐᖅ.

10

ᐊᔪᕈᖕᓃᖅᓴᐃᓂᖅ ᐊᒻᒪᓗ ᐃᓕᓐᓂᐊᖅᑎᑦᑎᓂᖅ

ᓄᓇ ᑲᓇᖕᓇᒥᑦ ᐊᔪᕈᖕᓃᖅᓴᐃᓂᕐᒧᑦ ᑐᒃᓯᕋᐅᑎ (ᑳᓐᑐᕌᒃᑎᑦᑎᓂᖅ) 2020 ᐱᒋᐊᓵᖅᑎᓪᓗᒍ, ᓄᓇ ᑲᓇᖕᓇᒥᑦ ᐊᔪᕈᖕᓃᖅᓴᐃᓂᕐᒧᑦ ᑐᒃᓯᕋᐅᑎ ᓈᒻᒪᒋᔭᐅᓚᐅᖅᑐᖅ ᐹᕕᓐᓛᓐᑯᓐᓄᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ. ᐊᑐᓕᖅᑎᑦᑎᕙᓪᓕᐊᔪᑦ ᐊᔪᕈᖕᓃᖅᓴᐃᓂᕐᒧᑦ ᑐᕌᖓᔪᖅ ᐊᔾᔨᖏᑦ ᐊᐅᓪᓚᖅᑎᑕᐅᓚᐅᖅᖢᑎᒃ ᓄᓇᒃᑯᓐᓄᑦ ᒥᑦᑎᒪᑕᓕᖕᒧᑦ 2019ᒥᑦ ᐅᒥᐊᕐᔪᐊᒃᑯᑦ ᐊᑐᖅᑕᐅᓂᐊᖅᑐᑦ 18 ᐅᑉᓗᓄᑦ ᐊᔪᕈᖕᓃᖅᓴᐃᓂᕐᒧᑦ. ᐊᔾᔨᖏᓐᓂᓕᐅᖅᓯᒪᔪᓂᑦ ᐃᓚᐅᔪᑦ D8/9/10 ᐳᐊᕐᕆᑎᓕᒃ, CAT785/789/793 ᐅᔭᕋᒃᑕᕈᑏᑦ ᓄᓇᒃᑰᕈᑏᑦ, CAT336/320/345 ᓄᓇᐃᔭᐃᔾᔪᑏᑦ, ᐊᒻᒪᓗ ᐊᐅᓚᔪᖅ ᑐᙵᕕᒃ ᐊᔾᔨᒋᔭᖓ ᐊᖏᔪᖅ ᐳᐊᕐᕆᑎᓕᐅᑉ. ᓄᓇᒃᑯᑦ ᐊᐅᓚᔾᔭᐃᓂᐊᕐᒥᔪᑦ ᑲᓕᒥᒃ ᐊᑐᖅᑕᐅᓂᐊᖅᑐᖅ ᐊᐅᓚᔪᓕᕆᓂᕐᒧᑦ ᐃᓕᓴᖅᑐᓄᑦ. ᐊᔪᕈᖕᓃᖅᓴᐃᓂᕐᒧᑦ ᑐᕌᖓᔪᒥᑦ ᐃᓚᐅᔪᑦ ᓯᑕᒪᐅᖃᑦᑕᖅᖢᑎᒃ ᐃᓕᓴᖅᑐᑦ. ᐱᐊᓂᒃᐸᑕ ᐊᔾᔨᒋᔭᐅᔪᓄᑦ ᑐᕌᖓᔪᒥᑦ, ᐃᓄᐃᑦ ᐊᔪᙱᓐᓂᐊᖅᑐᑦ ᐃᖅᖃᓇᐃᔭᖅᑖᕐᓂᕐᒧᑦ ᓄᓇᒃᑯᓐᓄᑦ ᐅᕝᕙᓘᓐᓃᑦ ᐹᕕᓐᓛᓐᑯᓐᓄᑦ ᐊᒻᒪᓗ ᐊᐅᓚᔾᔭᐃᓂᐊᖅᑐᖅ ᓄᓇᒃᑰᕈᑎᓄᑦ ᐊᔪᕈᖕᓃᖅᓴᖅᑕᐅᓂᖏᓐᓄᑦ ᐅᔭᕋᒃᑕᕆᐊᕐᒥᑦ. ᑭᓯᐊᓂ, ᐊᑐᓕᖅᑎᑕᐅᒃᑲᓐᓂᕐᓂᖓ ᑐᕌᖓᔪᖅ ᓄᖅᖃᖓᑎᑕᐅᔪᖅ ᓄᕙᒡᔪᐊᕐᓇᖅ-19 ᐱᔾᔪᑎᒋᑉᓗᒍ. ᐃᓕᓴᐃᓂᕐᒧᑦ ᐊᒻᒪᓗ ᐊᔪᕈᖕᓃᖅᓴᐃᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ ᑐᒃᓯᕋᐅᑎ ᑲᒪᔭᖃᖅᑐᖅ ᑕᒪᓗᒃᑖᖅ ᐊᑭᐅᔪᓄᑦ ᐊᒻᒪᓗ ᐊᑭᐅᔪᓄᑦ ᐊᔪᕈᖕᓃᖅᓴᖅᑕᐅᓂᖏᑦ ᓯᑕᒪᐃ ᐃᓕᓴᖅᑏᑦ.

ᐃᖅᖃᓇᐃᔭᒧᑦ ᒪᓂᒪᓂᕐᒧᑦ ᑐᕌᖓᔪᖅ ᐃᖅᖃᓇᐃᔭᒧᑦ ᒪᓂᒪᓂᕐᒧᑦ ᑐᕌᖓᔪᖅ ᑐᓂᔭᐅᖃᑦᑕᖅᑐᖅ ᒥᑦᑎᒪᑕᓕᖕᒥᑦ, ᐃᒃᐱᐊᕐᔪᖕᑦᒥ, ᑲᖏᖅᑐᒑᐱᖕᒥᑦ, ᐃᒡᓗᓕᖕᒥᑦ, ᓴᓂᕋᔭᖕᒥᑦ, ᐊᒻᒪᓗ ᐃᖃᓗᖕᓂᑦ. ᑲᑎᖦᖢᒋᑦ 40 ᐃᑲᕐᕋᐃᑦ ᐅᖓᑖᓄᑦ, ᐃᓚᐅᖃᑕᐅᔪᑦ ᐃᓕᓴᖃᑦᑕᖅᑐᑦ ᐊᔾᔨᒌᙱᑦᑐᓂᒃ ᐃᖅᖃᓇᐃᔮᒃᓴᒧᑦ ᐊᔪᙱᓐᓂᐅᔪᓂᒃ, ᑐᑭᓯᑎᑕᐅᑉᓗᑎᒃ ᐅᔭᕋᒃᑕᕆᐊᓕᕆᓂᕐᒥᒃ, ᕿᒥᕐᕈᓗᑎᒃ ᐃᖅᖃᓇᐃᔭᖅᑏᑦ ᐅᑎᖅᑕᖃᑦᑕᖅᑐᑦ ᐃᖅᖃᓇᐃᔮᖏᓐᓂᒃ, ᐃᓕᑦᑎᓗᑎᒃ ᖃᓄᖅ ᐊᑐᕆᐊᖃᕐᓂᑦ ᑐᑦᑕᕕᒃ ᐃᖅᖃᓇᐃᔮᒃᓴᓄᑦ ᑕᑯᔭᐅᕝᕕᒃ, ᐊᒻᒪᓗᒃᑲᓐᓃᑦ. ᐊᑯᓐᓂᖓᓂᑦ ᐅᑭᐅᓖᑦ (ᐅᒃᑑᐱᕆ) 2020 ᐊᒻᒪᓗ ᐊᒥᕋᐃᔭᕐᕕᒃ (ᓯᑎᐱᕆ) 2021, 16‑ᓂᒃ ᐊᔪᕈᖕᓃᖅᓴᐃᓂᖃᓚᐅᖅᑐᑦ ᑕᓪᓕᒪᓄᑦ ᓄᓇᓖᑦ ᐊᒃᑐᖅᑕᐅᓯᒪᔪᓂᑦ ᐊᒻᒪᓗ ᐃᖃᓗᖕᓂᑦ 74 ᐱᐊᓂᑦᑎᐊᓚᐅᖅᑐᑦ 2,960 ᐃᑲᕐᕋᓂᒃ ᐊᔪᕈᖕᓃᖅᓴᓂᖃᖅᖢᑎᒃ. ᐅᔭᕋᒃᑕᕆᐊᕐᒥᑦ ᐃᖅᖃᓇᐃᔭᒃᓴᒧᑦ ᒪᓂᒪᓂᕐᒧᑦ ᑐᕌᖓᔪᖅ, ᐅᖓᓯᒃᓯᒋᐊᖅᑕᐅᓚᐅᖅᑐᖅ ᓄᕙᒡᔪᐊᕐᓇᖅ-19-ᒧᑦ ᑭᒡᓕᖃᖅᑎᑦᑎᓃᑦ ᐱᔾᔪᑎᒋᑉᓗᒍ, ᐃᓚᐅᖃᑕᐅᔪᓂᒃ ᐱᐊᓂᒃᓯᑎᑦᑎᖃᑦᑕᖅᑐᖅ 60 ᐃᑲᕐᕋᓂᒃ ᐃᖅᖃᓇᐃᔭᖅᑎᒥᒃ ᐱᖃᑎᒋᔭᐅᑉᓗᑎᒃ ᓄᓘᔮᓂᑦ ᐅᔭᕋᒃᑕᕆᐊᕐᒥᑦ. ᐊᑐᓂ ᐃᓚᐅᖃᑕᐅᔪᑦ ᑭᐳᒃᑖᖃᑦᑕᖅᑐᑦ ᑕᓪᓕᒪᐃᑦ ᐊᔾᔨᒌᙱᑦᑐᑦ ᐱᓕᕆᐊᓂᑦ. ᐃᓚᐅᖃᑕᐅᔪᑦ ᐱᐊᓂᒃᐸᑕ ᑐᕌᖓᔪᒥᑦ, ᐃᓱᒪᒋᔭᖏᓐᓂᒃ ᐅᖃᕈᖕᓇᖅᑐᑦ ᐊᒻᒪᓗ ᐃᖅᖃᓇᐃᔭᖅᑖᕆᔪᒪᔭᖏᓐᓂᒃ ᐊᔪᕈᖕᓃᖅᓴᖅᑕᐅᒃᑲᓐᓂᕐᓂᐊᕐᓗᑎᒃ ᐅᕝᕙᓘᓐᓃᑦ ᐃᖅᖃᓇᐃᔭᖅᑖᕈᖕᓇᕐᓗᑎᒃ. ᐹᕕᓐᓛᓐᑯᑦ ᓂᕆᐅᒃᑐᑦ ᐊᔪᕈᖕᓃᖅᓴᐃᓂᖅ ᐱᒋᐊᒃᑲᓐᓂᓛᕐᓗᓂ ᐅᓗᕆᐊᓇᖅᑐᖃᙱᑉᐸᑦ. ᐆᒃᑐᕐᓂᐊᕐᓗᑎᒃ ᐊᔪᕈᖕᓃᖅᓴᐃᓂᕐᓄᑦ, ᖃᐅᔨᑎᓪᓗᒍ ᐹᕕᓐᓛᓐᑯᑦ ᓄᓇᓕᖕᒥᑦ ᑲᒪᔨᖓᑦ (BCLO) ᓄᓇᓕᖕᓂᑦ..

QIL ᓯᕗᓂᐊᒍᑦ ᐃᖅᖃᓇᐃᔮᕆᔭᐅᔪᓄᑦ ᐊᔪᕈᖕᓃᖅᓴᓂᖅ ᐹᕕᓐᓛᓐᑯᑦ ᐊᒥᓱᙳᕆᐊᕐᓂᐊᖅᑕᖏᑦ ᐃᓄᐃᑦ ᐃᖅᖃᓇᐃᔭᖅᑐᑦ ᓄᓘᔮᓂᑦ. ᐃᓄᐃᑦ ᐊᔪᙱᓐᓂᖅᑖᕐᓂᖏᑦ ᐃᓕᓴᕐᓗᑎᒃ ᐃᖅᖃᓇᐃᔭᕐᓗᑎᒃ ᑐᕌᖓᔪᒃᑯᑦ ᐹᕕᓐᓛᓐᑯᑦ ᐱᑦᑕᐅᔪᒃᑯᑦ ᐱᕙᓪᓕᐊᓂᕆᔭᖓᑦ ᑎᑭᐅᑎᓂᐊᕐᓗᑎᒃ ᑖᑉᓱᒧᙵ ᑐᕌᒐᐅᔪᒧᑦ. ᓇᑦᑎᐊᑦ (ᒫᑦᓯ) 2021-ᒥᑦ, ᐹᕕᓐᓛᓐᑯᑦ ᐅᖃᓪᓚᖃᑎᖃᕈᖕᓇᓚᐅᖅᑐᑦ ᐊᔪᕈᖕᓃᖅᓴᖅᑐᓂᒃ ᐃᓚᐅᔪᓂᑦ QIL ᓯᕗᓂᐊᒍᑦ ᐃᖅᖃᓇᐃᔮᕆᔭᐅᔪᓄᑦ ᐊᔪᕈᖕᓃᖅᓴᓂᕐᒥᑦ ᐃᖃᓗᖕᓂᑦ. ᑖᑉᑯᓂᙵᑦ ᐱᖃᑎᖃᖅᑎᓪᓗᑕ, ᖃᐅᔨᑎᑦᑎᓚᐅᖅᑐᒍᑦ ᖃᓄᖅ ᓄᓘᔮᓂᑦ ᐱᓕᕆᐊᖅ ᐃᓄᖕᓂᒃ ᑮᓇᐅᔭᓕᐅᖅᑎᑦᑎᔪᖕᓇᕐᓂᖓᓐᓂᒃ ᐊᒻᒪᓗ ᑐᑭᖃᖅᑐᒃᑯᑦ ᐃᖅᖃᓇᐃᔭᖃᕐᓗᑎᒃ. ᐅᖃᐅᓯᖃᓚᐅᕐᒥᔪᒍᑦ ᐹᕕᓐᓛᓐᑯᑦ ᐃᓕᓴᕐᓗᑎᒃ ᐃᖅᖃᓇᐃᔮᖃᕐᓗᑎᒃ ᑐᕌᖓᔪᖓᓐᓂᒃ, ᑐᓂᓯᔪᖅ ᐱᓕᕆᓗᑎᒃ ᐊᔪᕈᖕᓃᖅᓴᓂᕐᒥᒃ, ᐊᔾᔨᒌᙱᑦᑐᑦ ᐱᕕᖃᕐᓂᐅᔪᑦ ᒪᓂᒪᔪᑦ ᑲᒻᐸᓂᑉᑎᖕᓂᑦ, ᑕᑯᔪᖕᓇᖅᑐᑦ ᐃᓅᓯᖃᕐᓂᖅ ᓄᓘᔮᓂᑦ ᐱᓕᕆᐊᕐᒥᑦ, ᐊᒻᒪᓗ ᐱᕙᓪᓕᐊᓂᐅᔪᑦ ᓯᕗᓂᐊᒍᑦ-ᐃᖅᖃᓇᐃᔭᒃᓴᓄᑦ ᐊᒻᒪᓗ ᐱᕙᓪᓕᐊᓂᖃᕐᓗᑎᒃ ᐃᓕᑕᕆᔭᐅᔾᔪᑎᑖᕐᓂᕐᒧᑦ. ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ ᐊᔪᕈᖕᓃᖅᓴᐃᓃᑦ ᒥᒃᓵᓄᑦ, ᖃᐅᔨᒋᐊᕐᓗᒍ ᓄᓇᓕᖕᓂᑦ BCLO ᐅᕙᓂ www.baffinland.com/contact

$194,000 ᐃᓕᓐᓂᐊᖅᑎᓄᑦ ᐃᑲᔫᑎᓄᑦ ᑐᕌᖓᔪᑦ ᐱᒋᐊᕐᒪᑕ 2014‑ᒥᑦ, ᐹᕕᓐᓛᓐᑯᑦ ᑐᓂᓯᓯᒪᓕᖅᑐᑦ $194,000‑ᓂᒃ 39 ᐃᓕᓐᓂᐊᖅᑎᓄᑦ ᖁᑦᑎᖕᓂᖅᓴᒥᒃ ᐃᓕᓐᓂᐊᒃᑲᓐᓂᕈᒪᔪᓄᑦ.

ᐃᓕᓐᓂᐊᖅᑎᓂᒃ ᑮᓇᐅᔭᓄᑦ ᐃᑲᔫᑎ ᐹᕕᓐᓛᓐᑯᑦ ᐱᑖᖅᑐᕐᓂᐊᖅᑐᑦ ᓯᕗᓂᒃᓴᖏᓐᓄᑦ ᒪᒃᑯᒃᑐᐃᑦ ᐹᕕᓐᓛᓐᑯᑦ ᐃᓕᓐᓂᐊᖅᑎᓂᒃ ᑮᓇᐅᔭᓄᑦ.

2020-ᒥᑦ, ᐹᕕᓐᓛᓐᑯᑦ ᑐᓂᓯᓚᐅᖅᑐᑦ ᑕᓪᓕᒪᓂᒃ ᐃᓕᓐᓂᐊᖅᑐᓄᑦ ᐃᑲᔫᑎᓂᒃ ᐅᐊᖕᓇᖓᓂᑦ ᕿᑭᖅᑖᓗᖕᒥᐅᓄᑦ ᑲᑎᖦᖢᒋ $25,000-ᖑᔪᓂᒃ. ᐃᓕᓐᓂᐊᖅᑎᓄᑦ ᐃᑲᔫᑎᓄᑦ ᑐᕌᖓᔪᑦ ᐱᒋᐊᕐᒪᑕ 2014-ᒥᑦ, ᐹᕕᓐᓛᓐᑯᑦ ᑐᓂᓯᓯᒪᓕᖅᑐᑦ $194,000-ᓂᒃ 39 ᐃᓕᓐᓂᐊᖅᑎᓄᑦ ᖁᑦᑎᖕᓂᖅᓴᒥᒃ ᐃᓕᓐᓂᐊᒃᑲᓐᓂᕈᒪᔪᓄᑦ. ᕿᒥᕐᕈᓂᐊᖅᑕᕗᑦ 2021-ᒥᑦ ᐃᓕᓐᓂᐊᖅᑏᑦ ᐃᑲᔫᑎᓄᑦ ᑐᒃᓯᕋᐅᓯᐅᖅᓯᒪᔭᖏᑦ ᐊᒻᒪᓗ ᓂᕆᐅᑦᑎᐊᖅᑐᒍᑦ ᑐᓴᖅᑎᓐᓂᐊᕐᓗᒋᑦ ᑐᓂᔭᐅᓂᐊᖅᑐᑦ. ᐃᓄᐃᑦ ᐃᓕᓐᓂᐊᖅᑏᑦ ᐆᒃᑐᖁᔭᐅᖃᑦᑕᖅᑐᑦ ᐅᑭᐅᑕᒫᒃᑯᑦ ᐃᓕᓐᓂᐊᕆᐊᒃᑲᓐᓂᕈᑎᒃ. ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ ᐃᓕᓐᓂᐊᖅᑎᓄᑦ ᐃᑲᔫᑎᓄᑦ ᑐᕌᖓᔪᑦ ᒥᒃᓵᓄᑦ, ᐅᕗᙵᕐᓗᑎᑦ www.Baffinland.com/scholarships.

ᐊᔪᕈᖕᓃᖅᓴᐃᓂᖅ ᐊᒻᒪᓗ ᐃᓕᓐᓂᐊᖅᑎᑦᑎᓂᖅ

11

ᐊᔪᕈᖕᓃᖅᓴᐃᓂᖅ ᐊᒻᒪᓗ ᐃᓕᓐᓂᐊᖅᑎᑦᑎᓂᖅ ᐊᖁᒃᑎᐅᓂᕐᒧᑦ ᐊᔪᕈᖕᓃᖅᓴᓂᖅ ᐹᕕᓐᓛᓐᑯᑦ ᖁᕕᐊᓱᒃᑐᑦ ᐊᖁᒃᑎᐅᓂᕐᒧᑦ ᐊᔪᕈᖕᓃᖅᓴᐃᓂᖃᕐᓂᐊᕐᒪᑕ ᐱᓕᕆᖃᑎᒋᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐊᒻᒪᓗ ᑲᑭᕙᒃ ᑲᑐᔾᔨᖃᑎᒌᒃᑯᑦ. Class 7-ᒧᑦ ᐊᖁᒃᑎᐅᓂᕐᒧᑦ ᐊᔪᕈᖕᓃᖅᓴᐃᓂᖅ ᐃᓚᐅᖃᑕᐅᔪᒃ ᐃᓕᓐᓂᐊᖅᑐᖅ ᓚᐃᓴᑖᕐᓂᐊᕐᓗᓂ, ᓯᕗᓂᐊᒎᔪᖅ class 5-ᒥᒃ ᓚᐃᓴᑖᕐᓂᐅᑉ ᐊᖁᒃᑎᓂᒃ ᐊᐅᓛᖅᑎᑦᑎᔪᖕᓇᖅᑐᖅ ᐱᓕᕆᕝᕕᐅᖏᑦᑐᓂᒃ ᐃᑭᒪᕝᕕᐅᔪᖕᓇᖅᑐᑦ ᐃᓄᖕᓄᑦ ᓄᓇᒃᑰᕈᑎᓂᒃ. Class 7 ᐃᓕᓴᐃᖃᑦᑕᖅᑐᖅ ᐃᓕᓴᖅᑎᓂᒃ ᒪᓕᒐᐅᔪᓂᒃ ᐊᑉᖁᑎᒥᑦ ᐊᒻᒪᓗ ᒪᓕᒐᕋᓛᓗᒃᑖᓂᒃ ᐊᐅᓚᑦᑎᔪᑦ ᐊᖁᒃᑎᓂᒃ ᓄᓇᕗᒻᒥᑦ. ᐃᓚᐅᖃᑕᐅᔪᑦ ᐊᓂᒎᑎᔭᕆᐊᖃᖅᑐᑦ ᑎᑎᕋᖅᓯᒪᔪᒥᒃ ᐆᒃᑐᕈᑎᒥᑦ ᐊᒻᒪᓗ ᑕᐅᑐᑦᑎᐊᕐᓂᕐᒧᑦ ᐆᒃᑐᖅᑕᐅᓗᑎᒃ ᐱᓂᐊᕐᓗᑎᒃ class 7 ᓚᐃᓴᓐᓯᒥᒃ. 2021 ᐱᒋᐊᓵᕐᓂᖓᓂᑦ, Class 7 ᐊᑯᖅᑎᐅᓂᕐᒧᑦ ᐊᔪᕈᖕᓃᖅᓴᐃᓂᖅ ᑲᑎᖦᖢᒋᑦ 63-ᓂᒃ ᐃᓚᐅᔪᖃᓚᐅᖅᑐᑦ ᐊᒻᒪᓗ ᑲᑎᓗᒃᑖᖅᖢᒋᑦ 1,460 ᐊᔪᕈᖕᓃᖅᓴᓂᕐᒧᑦ ᐃᑲᕐᕋᓂᑦ.

Class 3 ᐅᑯᖅᑎᐅᓂᕐᒧᑦ ᐊᔪᕈᖕᓃᖅᓴᓂᖅ ᐸᕐᓇᐃᖃᑦᑕᖅᑐᖅ ᐃᓚᐅᖃᑕᐅᔪᓂᒃ ᐊᐅᓛᖅᑎᑦᑎᓂᐊᕐᓗᑎᒃ ᒥᑭᔪᓂᒃ ᐃᖅᖃᓇᐃᔭᕐᓂᕐᒧᑦ ᓄᓇᒃᑰᕈᑎᓂᒃ ᒪᕐᕉᖕᓂᒃ ᐊᒥᓲᓂᖅᓴᓂᒡᓘᓐᓃᒃ ᐋᒃᓱᓪ-ᖃᖅᑐᓂᒃ (axles) ᐊᒻᒪᓗ ᑲᑎᖦᖢᒍ ᐅᖁᒪᐃᓐᓂᖃᖅᑐᑦ 4,500 ᑭᓗᒍᕌᒻ ᐅᖓᑖᓄᑦ, ᐊᒻᒪᓗ ᓄᓇᒃᑰᕈᑎᓄᑦ ᐊᒻᒪᓗ ᑲᓕᑕᐅᔪᑦ ᑲᑎᖦᖢᒋᑦ ᐅᖁᒪᐃᓐᓂᖃᖅᑐᑦ 4,500 ᑭᓗᒍᕌᒻ ᐅᖓᑖᓄᑦ. ᓯᕗᓪᓖᒃ ᐃᓗᐃᑦᑐᒥᑦ ᒪᕐᕉᒃ ᐊᕕᒃᓯᒪᔪᓂᑦ 2021-ᒥᑦ, Class 3 ᐊᖁᖅᑎᐅᓂᕐᒧᑦ ᐊᔪᕈᖕᓃᖅᓴᖅᑐᑦ ᑲᑎᖦᖢᒋᑦ 14-ᖑᓚᐅᖅᑐᑦ 684 ᐃᑲᕐᕋᓂᒃ ᐊᔪᕈᖕᓃᖅᓴᖅᖢᑎᒃ.

Q-Step ᒥᒃᓵᓄᑦ ᑐᓴᖅᑎᑦᑎᓂᖅ ᑭᖑᓪᓕᖅᐸᐅᔪᓂᑦ ᓯᑕᒪᐃᑦ ᐃᓗᐃᑦᑐᕐᒥᑦ ᓯᑕᒪᓄᑦ ᐊᕕᒃᖢᒍ, Q-STEP ᐃᖅᖃᓇᐃᔭᖅᑎᖏᑦ ᐊᒃᓱᕈᖅᖢᑎᒃ ᐱᓕᕆᓯᒪᔪᑦ ᓯᕗᓂᐊᒍᑦ-ᐱᓕᐊᕐᒧᑦ ᐊᔪᕈᖕᓃᖅᓴᐃᓂᕐᓄᑦ ᒥᑦᑎᒪᑕᓕᖕᒥᐅᓂᑦ, ᐃᒃᐱᐊᕐᔪᖕᒥᐅᓂᑦ, ᑲᖏᖅᑐᒑᐱᖕᒥᐅᓂᑦ, ᐃᒡᓗᓕᖕᒥᐅᓂᑦ, ᐊᒻᒪᓗ ᓴᓂᕋᔭᖕᒥᐅᓂᑦ. ᐃᓱᐊᓂᑦ 2020, ᐹᕕᓐᓛᓐᑯᑦ ᐱᓕᕆᖃᑎᖃᓚᐅᖅᑐᑦ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᑦ ᐊᒻᒪᓗ ᓴᖅᕿᑦᑎᑉᓗᑎᒃ ᑐᓴᐅᒪᑎᑦᑎᔪᒥᒃ ᑐᕌᒐᐅᔪᓂᒃ ᑕᓪᓕᒪᐃᑦ ᓄᓇᓕᖕᓄᑦ. ᑕᐃᒪᓐᓇᐃᓕᐅᕐᓃᑦ 35-ᓂᒃ ᖃᐅᔨᒋᐊᖅᑐᖃᖅᑎᑦᑎᓚᐅᖅᑐᖅ ᑐᕌᖓᔫᑉ ᒥᒃᓵᓄᑦ.

Q-STEP ᐊᔪᕈᖕᓃᖅᓴᐃᓂᖅ ᑐᓂᔭᐅᖃᑦᑕᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᑦ ᐊᒻᒪᓗ ᐸᕐᓇᐅᑎᑉᓗᒋᑦ ᐃᓕᓴᖅᑏᑦ ᐱᓕᕆᐊᕐᒧᑦ ᐊᔪᙱᓐᓂᖓᓐᓂᒃ ᐆᒃᑐᕐᓂᕐᒧᑦ ᐊᒻᒪᓗ ᐃᓕᓐᓂᐊᕐᓗᑎᒃ ᐃᖅᖃᓇᐃᔭᖅᑎᙳᕐᓂᐊᕐᓗᑎᒃ. ᑕᖅᖀᓇᕐᔪᐊᕐᒥᑦ (ᔭᓄᐊᕆ) ᑎᕆᒡᓗᐃᑦᒧᑦ (ᐄᐳᕆ) 2021-ᒥᑦ, 4,158 ᐃᑲᕐᕋᓂᒃ ᓄᓇᓕᖕᒥᑦ ᓯᕗᓂᐊᒍᑦ-ᐱᓕᐊᕐᒧᑦ ᐊᔪᕈᖕᓃᖅᓴᐃᓂᖅᑕᖃᓚᐅᖅᑐᖅ 18 ᐃᓚᐅᖃᑕᐅᑉᓗᑎᒃ. ᐃᓄᐃᑦ ᐱᐊᓂᑦᑎᐊᕐᓂᕐᒧᑦ ᐃᖅᖃᓇᐃᔭᖅᑏᑦ ᐹᕕᓐᓛᓐᑯᑦ ᐃᓄᐃᑦ ᐱᐊᓂᑦᑎᐊᕐᓂᕐᒧᑦ ᓇᓗᓇᙱᓐᓂᕐᒧᑦ ᐃᖅᖃᓇᐃᔭᖅᑏᑦ ᑕᐅᑐᒐᖃᖃᑦᑕᖅᑐᑦ ᐱᓕᕆᖃᑎᖃᕐᓂᕐᒥᒃ ᑲᒻᐸᓂᐅᑉ ᐃᓄᐃᑦ ᐃᖅᖃᓇᐃᔭᖅᑎᖏᓐᓂᒃ ᐃᖅᖃᓇᐃᔮᖏᓐᓄᑦ ᐱᕈᖅᐸᓪᓕᐊᓂᖃᕐᓂᐊᕐᓗᑎᒃ ᐊᒻᒪᓗ ᑐᕌᒐᕆᔭᖏᓐᓄᑦ. ᐃᖅᖃᓇᐃᔭᖅᑏᑦ ᑲᑎᖃᑎᖃᖃᑦᑕᖅᑐᑦ ᐃᓄᐃᑦ ᐃᖅᖃᓇᐃᔭᖅᑎᓂᒃ ᐅᖃᓪᓚᖃᑎᒋᓂᐊᕐᓗᒋᑦ ᐃᖅᖃᓇᐃᔭᒃᓴᓄᑦ ᐱᔪᒪᓂᕆᔭᖏᓐᓂᒃ ᐊᒻᒪᓗ ᓯᕗᒻᒧᒋᐊᕐᓂᕐᒧᑦ

12

ᐊᔪᕈᖕᓃᖅᓴᐃᓂᖅ ᐊᒻᒪᓗ ᐃᓕᓐᓂᐊᖅᑎᑦᑎᓂᖅ

ᐱᕕᖃᕐᓂᐅᔪᓂᒃ. ᐃᓚᒋᔭᐅᔪᑦ ᐃᖅᖃᓇᐃᔭᖅᑎᓄᑦ ᐱᓕᕆᐊᖃᖃᑦᑕᖅᑐᑦ ᑲᒪᔨᐅᑉᓗᑎᒃ ᐊᑯᓐᓂᖏᓐᓂᑦ ᐃᖅᖃᓇᐃᔭᖅᑎᒧᑦ ᐊᒻᒪᓗ ᐊᐅᓚᑦᑎᔨᒧᑦ, ᐃᑲᔪᖅᖢᒋᑦ ᐃᖅᖃᓇᐃᔭᖅᑏᑦ ᐸᕐᓇᐅᑎᓕᐅᕐᓂᐊᕐᓗᑎᒃ ᑎᑭᐅᑎᓂᕐᒧᑦ ᐱᕈᖅᐸᓪᓕᐊᓂᖏᓐᓄᑦ ᐃᖅᖃᓇᐃᔮᖏᓐᓂᑦ, ᐊᒻᒪᓗ ᐅᖃᖃᑎᒋᓗᒋᑦ ᐃᖅᖃᓇᐃᔭᖅᑏᑦ ᐊᒻᒪᓗ ᐊᐅᓚᑦᑎᔩᑦ ᑎᑭᐅᑎᓂᐊᕐᓗᑎᒃ ᑐᕌᒐᐅᔪᓄᑦ.

Q-STEP ᐊᔪᕈᖕᓃᖅᓴᐃᓂᖅ, ᐱᒋᐊᓚᐅᖅᑐᖅ 2018-ᒥᑦ, ᐃᑲᔪᖅᑕᐅᖃᑦᑕᖅᑐᖅ ᐹᕕᓐᓛᓐᑯᓐᓂᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ Q-STEP-ᒧᑦ ᐃᖅᖃᓇᐃᔭᖅᑎᓄᑦ. ᑕᐃᒪᙵᓂᑦ ᐱᒋᐊᕐᒪᑦ, 42 ᐃᖅᖃᓇᐃᔭᕐᓂᐊᕐᓗᑎᒃ ᒪᓂᒪᓂᕐᒧᑦ ᑲᒪᔭᖃᓚᐅᖅᑐᑦ ᓄᓇᓕᖕᓂᑦ ᐃᒃᐱᐊᕐᔪᒃ, ᑲᖏᖅᑐᒑᐱᒃ, ᓴᓂᕋᔭᒃ, ᐃᒡᓗᓕᒃ, ᐊᒻᒪᓗ ᒥᑦᑎᒪᑕᓕᖕᒥᑦ. ᑐᕌᖓᔪᖅ ᐅᐃᒍᒋᐊᖅᑕᐅᓚᐅᖅᑐᖅ ᑎᒃᑭᒃᓴᓗᒍ ᓇᑦᑎᐊᑦ (ᒫᑦᓯ) 2022-ᒧᑦ ᐊᒻᒪᓗ Q-STEPᒧᑦ ᐃᖅᖃᓇᐃᔭᖅᑏᑦ ᕿᒥᕐᕈᐃᓐᓇᖃᑦᑕᖅᑐᑦ ᐊᑯᓂᐅᔪᒥᒃ ᐊᐅᓛᖅᑎᓐᓂᐊᕐᓗᒍ ᑐᕌᖓᔪᖅ.

ᑲᑎᓯᐅᒃ ᐹᕕᓐᓛᓐᑯᑦ ᐃᖅᖃᓇᐃᔭᖅᑎᖏᑦ ᐹᕕᓐᓛᓐᑯᑦ ᓄᓇᓕᖕᒥᑦ ᑲᒪᔨᖓᑦ (BCLO) ᐊᑐᓂ ᐅᐊᖕᓇᖓᓂᑦ ᕿᑭᖅᑖᓘᑉ ᓄᓇᓕᖓᓐᓃᑦᑐᑦ ᐃᑲᔪᖃᑦᑕᖅᑐᑦ ᓄᓇᓕᖕᒥᑦ ᖃᓄᐃᓕᐅᖅᑎᑦᑎᓂᕐᓄᑦ ᐱᓕᕆᐊᒃᓴᓄᑦ. ᐅᕗᙵᕐᓗᑎᑦ baffinland.com/contact ᖃᐅᔨᒋᐊᕐᕕᒋᓂᐊᕐᓗᒍ ᓄᓇᓕᖕᓂᑦ ᑲᒪᔨᐅᔪᖅ. ᖃᐅᔨᒪᓕᒃᑲᓐᓂᒃᑭᑦ ᐃᓚᖏᑦ.

ᒦᓇ ᐆᔪᑯᓗᒃ - ᐃᒃᐱᐊᕐᔪᒃ ᒦᓇ ᐆᔪᑯᓗᒃ ᓄᓇᓕᖕᒥᑦ ᑲᒪᔨᐅᓯᒪᔪᖅ ᐃᒃᐱᐊᕐᔪᖕᒥᑦ 7 ᐅᑭᐅᓅᓕᖅᑐᖅ. ᒦᓇ ᓄᓇᓕᖕᒥᐅᑕᐃᑦ ᑐᓴᐅᒪᑎᑦᑎᑦᑎᐊᖃᑦᑕᖅᑐᖅ ᓄᑕᐅᓛᖑᔪᓂᒃ ᐹᕕᓐᓛᓐᑯᑦ ᑐᓴᒐᒃᓴᖏᓐᓂᒃ ᐃᓚᐅᑉᓗᑎᒃ ᐱᓕᕆᐊᖏᓐᓄᑦ ᐊᒻᒪᓗ ᐊᔪᕈᖕᓃᖅᓴᓂᕐᒧᑦ ᐱᕕᖃᕐᓂᐅᔪᓂᒃ. ᐊᐱᕆᔭᐅᖕᒪᑦ ᐱᓕᕆᐊᖓᓂᑦ ᓱᓇᒥᒃ ᖁᕕᐊᒋᔭᖃᓛᖑᖕᒪᖔᑦ ᓄᓇᓕᖕᒥᑦ ᑲᒪᔨᐅᑉᓗᓂ ᒦᓇ ᐅᖃᖅᑐᖅ, “ᐃᑲᔪᕌᖓᒪ ᑭᓇᑐᐃᓐᓇᕐᒥᒃ ᐃᖅᖃᓇᐃᔭᒃᓴᖅᑖᖅᑎᔅᖢᒍ ᐅᔭᕋᒃᑕᕆᐊᕐᒥᑦ. ᓴᕆᒪᓱᑦᑎᐊᖃᑦᑕᖅᑐᑦ ᑐᓴᒐᒃᓴᑦᑎᐊᕙᖕᒥᑦ ᑐᓴᖅᑎᑕᐅᔭᕌᖓᑕ.”

ᐆᓂᐊᔅᑦ ᒥᖅᖁᓵᖅ - ᒥᑦᑎᒪᑕᓕᒃ ᐆᓂᐊᔅᑦ ᒥᖅᖁᓵᖅ ᓄᑖᓛᖑᔪᖅ ᓄᓇᓕᖕᒥᑦ ᑲᑎᒪᔨᐅᑉᓗᓂ ᐃᖅᖃᓇᐃᔭᖅᑎᙳᓚᐅᖅᑐᖅ ᐅᑭᐅᖅ ᐱᒋᐊᓵᖅᑎᓪᓗᒍ. ᐆᓂᐊᔅᑦ, ᓄᓇᓕᖕᒥᑦ ᑲᒪᔨᐅᑉᓗᓂ ᐱᔭᒃᓴᐅᑎᖃᖃᑎᖃᖅᑐᖅ ᐃᖅᖃᓇᐃᔭᖅᑎᐅᖃᑎᖓᓂᒃ ᑎᐅᕆ-ᒥᑦ; ᑭᒡᒐᖅᑐᐃᔪᖅ ᐹᕕᓐᓛᓐᑯᓐᓂᑦ ᒥᑦᑎᒪᑕᓕᖕᒥᑦ ᐊᒻᒪᓗ ᑐᓴᐅᒪᑎᑦᑎᖃᑦᑕᖅᑐᖅ ᑐᑭᓯᐅᒪᔾᔪᑎᓂᒃ ᐃᖅᖃᓇᐃᔮᒃᓴᐃᑦ ᒥᒃᓵᓄᑦ, ᖃᓄᐃᓕᐅᕐᓂᐅᔪᓂᒃ, ᐊᔪᕈᖕᓃᖅᓴᐃᓂᕐᓂᒃ, ᐊᓯᖏᓐᓂᒡᓗ ᓄᓇᓕᖕᒥᐅᓄᑦ. ᓄᓇᓕᖕᒥᑦ ᐃᓚᐅᑎᑦᑎᓂᕐᓄᑦ ᑲᒪᔭᖃᕐᓂᐊᖅᑐᖅ ᐊᒻᒪᓗ ᑲᒻᐸᓐᓂᒃᑯᓐᓂᑦ ᓄᓇᓕᖕᒥᐅᓄᑦ ᑲᒪᔨᐅᓗᓂ.

ᔪᐊᔾᔨ ᐃᖃᓗᒃᔪᐊᖅ - ᑲᖏᖅᑐᒑᐱᒃ ᔪᐊᔾᔨ ᐃᖃᓗᒃᔪᐊᖅ ᐃᖅᖃᓇᐃᔭᖅᑎᐅᓯᒪᓕᖅᑐᖅ ᐹᕕᓐᓛᓐᑯᓐᓂᑦ 2014-ᒥᑦ. ᓄᓇᓕᖕᒥᑦ ᑲᒪᔨᐅᑉᓗᓂ ᑲᖏᖅᑐᒑᐱᖕᒥᑦ, ᔪᐊᔾᔨ ᐱᓕᕆᖃᑎᖃᖃᑦᑕᖅᑐᖅ ᐃᖅᖃᓇᔭᒃᓴᓄᑦ ᐆᒃᑐᖅᑐᓂᒃ, ᐊᐅᓚᑦᑎᑉᓗᓂ ᖃᖓᒃᑰᖓᔪᓂᒃ ᐃᖅᖃᓇᐃᔭᖅᑏᑦ ᓄᓇᓕᖕᒧᙵᐅᔪᓂᒃ ᐅᔭᕋᒃᑕᕆᐊᕐᒧᙵᐅᔪᓂᒃ, ᐊᓯᖏᓐᓂᓪᓗ. ᐊᑕᐅᓯᖅ ᔪᐊᔾᔨᐅᑉ ᐊᓕᐊᓇᐃᒋᔭᖓ ᐃᖅᖃᓇᐃᔮᖓᓂᑦ ᐱᔪᒥᓇᖅᑐᑦ ᐃᓕᖃᑦᑕᖅᑕᖏᑦ ᐃᖅᖃᓇᐃᔭᖅᑎᓪᓗᒍ.

ᑲᑎᓯᐅᒃ ᐹᕕᓐᓛᓐᑯᑦ ᐃᖅᖃᓇᐃᔭᖅᑎᖏᑦ

13

ᐊᐱᖅᑯᑏᑦ? ᐃᒪᓐᓇ ᑐᓴᕈᓐᓇᖅᐳᑎᑦ ᐅᕙᑦᑎᓐᓂ ᐊᖓᔪᖅᑳᓄᑦ ᑎᑎᕋᕐᕕᖓᑦ

ᐅᖕᓇᖅᐸᓯᖕᒥᑦ ᑎᑎᕋᕐᕕᒃ ᐊᒻᒪᓗ ᐹᕕᓐᓛᓐᑯᑦ ᓄᓇᓕᖕᒥᑦ ᑲᒪᔨᐅᓂᕐᒧᑦ ᐃᖅᖃᓇᐃᔭᖅᑎᖏᑦ

2275 Upper Middle Road East ᖃᕆᐊᖅ 300 ᐆᒃᕕᐅᓪ, ᐋᓐᑎᐅᕆᔪ, ᑲᓇᑕ L6H 0C3 ᐅᖄᓚᐅᑎ: 1-416-364-8820

622 Queen Elizabeth Way ᐃᖃᓗᐃᑦ ᐃᒡᓗᖓ, ᖃᕆᐊᖅ 102 ᑎᑎᖅᖃᖃᕐᕕᒃ 849 ᐃᖃᓗᐃᑦ, ᓄᓇᕗᑦ X0A 0H0

ᐃᒃᐱᐊᕐᔪᒃ ᒦᓇ ᐆᔪᑯᓗᒃ meena.oyukuluk@baffinland.com 1-867-439-8847

ᐲᑕ ᐋᒃᒪᓐ ᑲᒪᔨ ᐅᔭᕋᖕᓂᐊᕐᓂᕐᒧᑦ ᐅᔾᔨᖅᓱᕋᓱᐊᖅᑎᓂᒃ ᐱᓕᕆᖃᑎᖃᕐᓂᕐᒥᒃ Communications@baffinland.com 289-834-0744

ᐃᖃᓗᐃᑦ ᔫᓯᐱ ᑎᒍᓪᓚᕋᖅ ᐊᖓᔪᖅᖄᖅ ᐅᑭᐅᑕᖅᑐᒥᑦ ᑲᒪᔨᐅᓂᕐᒧᑦ Joseph.tigullaraq@baffinland.com +1 867 975 2502 +1 867 222 6622

ᑲᖏᖅᑐᒑᐱᒃ ᔪᐊᔾᔨ ᐃᖃᓗᒃᔪᐊᖅ george.iqalukjuak@baffinland.com 1-867-924-6444

ᐱᓕᕆᐊᒃᓴᐃᑦ ᐊᒻᒪᓗ ᐊᔪᕈᖕᓃᖅᓴᖅᑎᑦᑎᓂᖅ recruitment@baffinland.com ᐊᐅᓛᖅᑎᑦᑎᓃᑦ ᐊᒻᒪᓗ ᑐᒃᓯᕋᐅᑕᐅᔪᖅ ᐊᖏᒡᓕᒋᐊᖅᓯᓂᕐᒧᑦ communityquestions@baffinland.com ᐱᑖᖅᑐᕐᓂᕐᒧᑦ ᐱᕕᖃᕐᓂᐅᔪᑦ procurement@baffinland.com

ᒥᑦᑎᒪᑕᓕᒃ ᑎᐅᕆ ᕿᓕᖅᑎ Terry.Killiktee@baffinland.com 1-867-899-1844 ᐆᓂᐊᔅᑦ ᒥᖅᖁᓵᖅ Ernest.Merkosak@baffinland.com 1-867-222-0394

ᐃᒡᓗᓕᒃ ᓖᓇ ᐊᖑᑎᕐᔪᐊᖅ lena.angutiqjuaq@baffinland.com 1-867-934-8464 ᓴᓂᕋᔭᒃ ᑎᐳᕋ ᖃᓈᑦᓯᐊᖅ deborah.qanatsiaq@baffinland.com 1-867-928-8497