Visit FjordKysten Strategiplan 2021 - 2024

STRATEGIPLAN 2021 – 2024

INNHALD 1.

2.

STATUS 2020 .................................................................................................................................................................s. 3 1.1. MÅLOPPNÅING STRATEGIPLAN 2016 – 2020 ........................................................................................ s. 4 1.2. TRENDAR OG UTVIKLINGSTREKK ............................................................................................................... s. 4 1.3. REISEMÅLET FJORDKYSTEN ......................................................................................................................... s. 5 VISIT FJORDKYSTEN – FORRETNINGSIDÉ 2.1. FORRETNINGSIDÉ .............................................................................................................................................. s. 7 2.2. VISJON ................................................................................................................................................................... s. 7 2.3. MISJON .................................................................................................................................................................. s. 7 2.4. MERKEPOSISJON ............................................................................................................................................... s. 7 2.5. VÅRE VERDIAR .................................................................................................................................................... s. 7

3.

OVERORDNA MÅL OG SATSINGSOMRÅDE 3.1. OVERORDNA MÅL ............................................................................................................................................ s. 8 3.2. DELMÅL ................................................................................................................................................................ s. 9 3.3. Unique selling point (USP) FJORDKYSTEN ............................................................................................... s. 9 3.4. SATSINGSOMRÅDE ......................................................................................................................................... s. 10 3.5. MARKNAD ........................................................................................................................................................... s. 10 3.6. MÅLGRUPPER EKSTERNT ............................................................................................................................. s. 10 3.7. MÅLGRUPPER INTERNT ................................................................................................................................. s. 10

4.

OVERORDNA STRATEGIAR 4.1. UTVIKLE MERKEVARA FJORDKYSTEN .....................................................................................................

4.2. FOKUS PÅ MARKNADSFØRING OG SAL .................................................................................................

4.3. WEB OG SOSIALE MEDIA ..............................................................................................................................

4.4. KONSEPTUTVIKLING, PRODUKTPAKKING OG BOOKING .................................................................

4.5. INNHALDSPRODUKSJON, STORYTELLING OG BILDEDATABASE .................................................

4.6. BERGEN SOM INNFALLSPORT OG NÆRMARKNAD ...........................................................................

4.7. VERTSKAP OG LOKALKUNNSKAP .............................................................................................................

4.8. KOMPETANSEHEVING ....................................................................................................................................

4.9. SKAPE OG UTVIKLE GODE OPPLEVINGAR ............................................................................................

5.

DESTINASJONS- OG PRODUKTUTVIKLING ................................................................................................... s. 15

6. ORGANISERING .........................................................................................................................................................

6.1. ØKONOMI OG BUDSJETT .............................................................................................................................

6.2. ORGANISASJONSSTRATEGI ........................................................................................................................

6.3. KJERNEKOMPETANSE ....................................................................................................................................

6.4. MEDLEMSSTRATEGI ........................................................................................................................................

s. 12 s. 12 s. 13 s. 13 s. 13 s. 14 s. 14 s. 14 s. 14

s. 16 s. 16 s. 18 s. 18 s. 18

7.

PREMISS FOR REISEMÅLSUTVIKLING 7.1. BÆREKRAFT ....................................................................................................................................................... s. 19 7.2. LOKALSAMFUNNSUTVIKLING ................................................................................................................... s. 20 7.3. FORANKRING OG SAMARBEID ................................................................................................................. s. 20 7.4. ROLLEFORDELING OG FUNKSJONAR ..................................................................................................... s. 21

8.

PRIORITERTE SATSINGSOMRÅDE – TILTAK PÅ KORT OG LENGRE SIKT ......................................... s. 23

2

1. STATUS 2020 Etter eit omfattande scenario-prosjekt avgjorde reiselivet på Vestlandet i 2019 at vegen inn i framtida skal byggast gjennom bærekraft. Visjonen «Attraktivitet gjennom bærekraft» er følgt opp med ti strategiske hovudgrep.

Då koronasituasjonen oppsto vart det slått fast at dette fundamentet skal bestå, men også at vi må gjere prioriteringar som bidreg til overleving og gjenreising på kort sikt, utan å miste blikket på den langsiktige strategien. Marknadsføring og sal blir viktigast på kort sikt.

Potensialet i den norske marknaden er større enn det vi tidlegare har teke ut. Vi bør arbeide og selge mot den norske marknaden meir avansert og segmentert for å maksimere vår marknadsdel. Målet er fleire norske ferie- og fritidsreisande heile året gjennom segmentering og effektiv kommunikasjon, samt eit felles løft for å marknadsføre destinasjonen og medlemsbedriftene for firmaturar.

Visit FjordKysten har i 2020 i forkant av sommarsesongen prioritert å køyre store kampanjar mot den norske marknaden, og dette har gitt effekt i form av besøksrekordar langs heile FjordKysten. Dette var både kjærkomme og nødvendig omsetning for reiselivsnæringa etter massive tap av inntekter i vår. Vegen vidare er uoversiktleg og utfordrande for reiselivsnæringa, og fordrar at vi alle klarer å tenke både tiltak på kort sikt (2021) og på lengre sikt. Koordinert og samla innsats er viktigare enn nokon sinne.

3

1.1. MÅLOPPNÅING STRATEGIPLAN 2016 – 2020 Hovudmål var definert slik: «Visit FjordKysten har god lønsemd og bidreg positivt til verdiskapinga for sine kundar og leverandørar av reise og aktivitetsbaserte opplevingar i regionen.» Visjon: «Vi er best i Europa på storm, kajakk og kystvandring.»

Desse tre konsepta saman med øyhopping var utvalte satsingsområde i planperioden. Eit anna delmål var at vi skulle ha 150 medlemar innan 2020.

Hovudmålet med at selskapet skulle ha god lønsemd fekk seg ein knekk i 2017, men gjennom målretta arbeid, emisjon og tilpassing i drifta leverte selskapet i 2019 eit positivt resultat, og har i 2020 ei stabil drift som gir grunnlag for vidare satsing.

Tal gjestedøgn har i perioden 2016 – 2019 auka. Tal hotellovernattingar har i perioden auka frå 69.750 i 2016 til 97.675 i 2019. Omsetninga har auka frå 50 millionar i 2016 til 74 millionar i 2019. 77,5 % av gjestedøgna ved hotella er norske gjestar. Dei største utanlandsmarknadane var i 2019 Polen, Portugal, Italia, USA, Danmark, Sverige, Tyskland og Storbritannia. (Kilde: SSB) Tal gjestedøgn ved camping og hyttegrender har også auka i perioden. I 2019 var tal gjestedøgn registert gjennom SSB 38.808 (33.273 i 2018). Fordelinga var på 62 % utanlandske gjestar, og 38 % norske gjestar.

Dei største utanlandsmarknadane var i 2019 Tyskland (54 % av dei utanlandske gjestane), Polen, Nederland, Litauen, Danmark, Frankrike, Sverige.

Satsingsområda storm, kajakk, kystvandring og øyhopping har alle hatt ein fin utvikling. Satsinga på utviklinga av storm watching har begynt å modnast både i marknaden og blant reiselivsaktørane som har jobba med utvikling av konseptet. Det er fortsatt eit godt stykke å gå for at storm skal bli eit berande vinterkonsept for regionen, men dei første feriegjestane som booker opphald for å oppleve uvær er begynt å komme. Interessa og bookinga kring kajakkopplevingar har auka i perioden, spesielt i 2020. Hornelen var peikt ut som ein spydspiss i marknadsføringa av vandring, og har hatt ein formidabel auke i treff og klikk på nettsida vår, og har etablert seg som ein ikonisk topptur i Fjord Norge. Også Alden har fått ein markert auke i treff i perioden. Øyhopping har blitt eit fyrtårnprodukt for regionen, og øyhoppingsturen i Solund, Bulandet & Værlandet har satt nye besøksrekordar kvart år. Også båtturar til bl.a. Utvær, Kinn og Svanøy, samt rundturar i Flora-bassenget har hatt ein markant auke i planperioden.

Ambisjonen om å nå 150 medlemar innan 2020 har ein ikkje klart å nå. Medlemstalet har vore meir eller mindre stabilt på +/- 70 medlemer i perioden.

1.2. TRENDAR OG UTVIKLINGSTREKK FjordKysten opplever at fleire av dei aktuelle globale reiselivstrendane høver godt med eigen profil. Stadig fleire besøkande er individuelle, berekraft er ein viktig premiss og fokuset er aukande på miljøvenleg transport, overnatting, aktivitetar og reisemål. Etterspurnaden etter ekte og lokale produkt og tenester er også forventa å vekse vidare. Bærekraft, lokal kultur og guida aktivitetar er viktige trendar i det naturbaserte reiselivet.

Ein står midt i ein teknologisk revolusjon, der både reisemålet, infrastrukturen og bedriftene må levere på stadig meir digitaliserte gjestar. Stadig fleire av dei besøkande er opptekne av helse og sunnheit, både i form av fysisk aktivitet, velvære og sunn mat. Aktivitetsferie som kombinerer kulturell utveksling og aktivitetar i naturen veks raskare enn bransjen elles, og mjuk aktivitetsferie utan spesielle krav til ferdigheiter og låg risiko er størst i volum.

4

1.3. REISEMÅLET FJORDKYSTEN NATUR FjordKysten har det vestlegaste fyret, dei vestlegaste øysamfunna, den vestlegaste byen i Noreg. Vi har eit mylder av levande øysamfunn og landemerke som stig rett opp frå sjøen og kritkvite strender. I HAFSregionen og også lenger nordover langs kysten har vi ein unik geologi og geologisk historie, som no er i ferd meg å manifistere seg i ein eigen regional- og geopark med ambisjonar om å bli ein UNESCO Global Geopark. Kystlandskapet med sine kontrastar i lys og vær er ein spennande opplevingsarena for små og store eventyrlystne. Naturleg, forfriskande og ekte. Kontrastar i lys, vær og landskap. God plass, fred og ro.

KULTUR Kysten har ei rik historie, med lange spor etter levd liv. Forutan om Rogaland er kysten vår og spesielt Dalsfjorden sentral i vikinghistoria. I Gulen i sør ligg Gulatinget, «demokratiets vogge», og i Hyllestad ligg dei største kvernsteinsbrota frå vikingtida og mellomalderen i Skandinavia. Vi har mellomalderkyrkja på Kinn, og sorenskrivargardar på Svanøy og i Fjaler. Vi har helleristingsfelt, museum og galleri på øyar og i kystbyar.

Krigshistorie, fiskerihistorie, handelshistorie og industrihistorie. I tillegg har vi Jakob Sande Senter og eit av dei mest aktive teatermiljøa i Noreg i Fjaler.

NÆRINGA Næringa er prega av mange små og mellomstore aktørar. Hotella i byane har normalt jamt over god trafikk heile året, der yrkesreisande sørger for driftsgrunnlaget. I periodar er det fullt belegg på hotella i byane. Også dei mindre hotella i bygdene har ei hovudvekt av bedriftskundar og yrkesreisande. Variasjonar i aktiviteten i næringslivet lokalt gir utslag også for hotella. For alle hotella er det viktig med tilførsel av ferie- og fritidsreisande i sommarsesongen, og for spesielt hotella i bygdene også i skuldersesongane og om vinteren.

Lenger sesong kan bety mykje for utviklinga til desse hotella.

Det er mange som driv med hytteutleige. Fleire har i mange år retta seg mot fiskeglade turistar, hovudsakleg frå Tyskland, og har hatt godt belegg og mykje gjenkjøp og ofte ein sesong som strekker seg frå mars/april – september/oktober. Mange av dei som har satsa kun på utanlandske fisketuristar har vore særs hardt ramma av grensestengingane pga. Covid-19. Det er fleire mindre kafèar og serveringsstadar kring i bygdene som er avhengig av turistar i sommarsesongen for å overleve. Dette gjeld også mange nærbutikkar kring i bygdene.

Det har vore ei auke i tal aktivitetsbedrifter, men det er framleis prega av få og små aktørar. Dei største arbeidsgjevarane i opplevingssegmentet er knytt til dei heil- eller deleigde offentlege verksemdene som museum, historiske bygg og liknande.

INFRASTRUKTUR Dei offentlege transporttilboda er viktige for reiselivet i regionen. Spesielt gjeld dette ekspressbåten mellom Bergen og Nordfjord, i tillegg til dei lokale båt- og ferjerutene. Flyplassen i Florø er ein ressurs for reiselivsnæringa i Florø og omland. Visit FjordKysten har eit samarbeid med Widerøe om Fly & Bike. Satsing på å legge til rette for nullutslepp framdrift for båtar ved bruk av både hydrogen og elektriske motorar i Florø kan gje spanande nye og grøne reiseopplevingar langs kysten.

SAMARBEIDSPARTNERAR Visit FjordKysten forvaltar reisemålsarbeidet langs kysten, og er eigd av kommunane og reiselivsnæringa langs kysten. Kommunane er òg viktige samarbeidspartnarar for å gjennomføre utviklingsprosjekt. I tillegg må ein samarbeide tett med andre offentlege instansar: Vestland fylkeskommune, departement, fylkesmannen og Innovasjon Norge. Visit FjordKysten er medlem av NHO reiseliv. I arbeidet med å utvikle dei kommersielle tilboda må det jobbast tett saman med næringa, og på sal- og marknadsarbeidet saman med Fjord Norge og Visit Norway-systemet i tillegg til strategiske forretningssamarbeid.

5

6

2. VISIT FJORDKYSTEN - FORRETNINGSIDÉ 2.1. FORRETNINGSIDÉ Visit FjordKysten skal gjennom målretta marknadsføring skape reiselyst til FjordKysten og slik medverke til auke i trafikk heile året, lokal verdiskaping og betre lønsemd og konkurranseevne for medlemsbedriftene.

Visit FjordKysten skal vere reiselivsnæringa sin felles reiskap, nettverksorgan, produktkoordinator og spydspiss i marknadsføringa av kommunane, lokale reisemål og opplevingar langs kysten. Gjennom samla og koordinert innsats skal det arbeidast for å utvikle totalproduktet FjordKysten slik at det fører til ei positiv utvikling til beste for medlemsbedrifter, arbeidstakerar og lokalsamfunn.

Visit FjordKysten skal vere oppdatert på marknaden sine behov, løyse fellesoppgåver og bidra til produktog reisemålsutvikling som er viktige for reisemålet si totale utvikling for å utvikle ein attraktiv og berekraftig heilårsdestinasjon.

2.2. VISJON Reiselivssatsinga langs FjordKysten skal gjere næringa og lokalsamfunna meir bærekraftige ved å bidra til auka verdiskaping, sterkare miljøfokus og betre samfunnsutvikling knytt til reiselivet langs heile FjordKysten heile året med følgjande visjon: «FjordKysten er kjent for å tilby ekte og berekraftige opplevingar heile året. Vi er best i Nord Europa på storm, kajakk, øyhopping og kystvandring.»

2.3. MISJON FjordKysten skal skape reiselyst for kysten, som igjen genererer gjestar for våre medlemer og lokal verdiskaping på ein berekraftig måte.

2.4. MERKEPOSISJON FjordKysten byr på ekte og nære natur- og kulturopplevingar med kystnaturen og kystkulturen som ramme, i takt med lokalsamfunn og levesett. For oss er det sjølvsagt å skulle ta vare på klimaet, miljøet, naturen og det biologiske mangfaldet.

Vinteren skal bli kjent som «the storm watching season», og april – september for spanande historiske stadar, vår natur- og kulturarv, multi adventures og øyhopping. FjordKysten er ein destinasjon for å lade batteria, få ny energi og uforgløymlege opplevingar i møte med folk, kystnaturen og lokal historie og kultur.

2.5. VÅRE VERDIAR Prinsippet om ei berekraftig utvikling skal vere gjennomgåande for all aktivitet i verksemda til Visit FjordKysten og i FjordKysten som destinasjon. FjordKysten inviterer alle gjestar til å dele opplevinga av det mektige, vakre og kontrastfylte kystlandskapet med storm og stille og levande lokalsamfunn heilt vest i Noreg.

Visit FjordKysten har fokus på god samhandling på alle nivå i sin aktivitet. Vi utviser begeistring og engasjement i vårt arbeid for reiselivet, og formidlar ekte og særeigne opplevingar. Visit FjordKysten har fokus på lønsemd og høg kvalitet i heile verdikjeda.

7

3. OVERORDNA MÅL OG SATSINGSOMRÅDE 3.1. OVERORDNA MÅL For å nå visjonen om at FjordKysten skal vere kjent for å tilby ekte og bærekraftige opplevingar heile året vil vi legge følgjande hovudmålsetjingar til grunn: 1. Visit FjordKysten skal jobbe systematisk med merkevarebygging av FjordKysten som destinasjon.

2. Visit FjordKysten skal vere økonomisk levedyktig.

3. Visit FjordKysten har fokus på å utvikle totalproduktet FjordKysten for å bygge opp og dyrke fram fortrinn og satsingsområde, og fremje berekraftige opplevingar og konsept som gir auka lønsemd og størst mogleg lokal verdiskaping for våre medlemer og lokalsamfunna.

4. Fleire gjestedøgn i regionen per besøkande.

5. Auke tal gjestar i skulder- og lågsesong.

6. Reiselivsaktiviteten skal opplevast positivt for lokalsamfunna.

8

3.2. DELMÅL 3.2.1.

Sikre ein solid grunnfinansiering av destinasjonsarbeidet. Fleire kommunar med i satsinga, samt auka bidrag frå næringslivet.

3.2.2. Innan 2022 ha styrka selskapet si organisering til å omfatte 4 heile stillingar, for å nå ambisjonane

i Strategiplanen.

3.2.3. Årleg vekst på 10 % i kommersielle overnattingar i perioden september – mai. Dette skal vi

oppnå ved målretta arbeid med produkt- og konseptutvikling for dei utvalgte satsingsområda,

og marknadsføring av desse.

3.2.4. Auka marknadsdel nasjonalt med + 1 % årleg for kommersielle gjestedøgn samla.

3.2.5. Minimum 4 nye bookbare aktivitetar / produktpakkar kvart år.

3.2.6. Innan 2024 skal vi har minst 4 toppturar / vandreruter som er kjent nasjonalt, og er godt

tilrettelagt for besøkande.

3.2.7.

75 % av serveringsstadane tilbyr minimum 25 % lokal og regionalt produsert mat og/eller drikke.

3.2.8. FjordKysten skal innan 2024 ha oppnådd merket for «Bærekraftig reisemål» gjennom

Innovasjon Norge si ordning.

3.3. Unique selling point (USP) FJORDKYSTEN Kombinasjonen av naturen og kystkulturen. Møte med vestlendingen, oppleve kulturarven. Fred og ro, god plass, ekte og autentisk, gjestfritt. Eldorado for varierte natur- og kulturopplevingar i pakt med og i respekt for natur og kulturarv.

9

3.4. SATSINGSOMRÅDE STORM Visit FjordKysten skal bidra til og legge til rette for å bygge opp storm som berande vinterkonsept for regionen. Vi skal posisjonere oss som «storm»-destinasjonen i Europa. Målgruppa er betalingsvillige livsnyterar, romantisk escape, digital detox, og menneske frå tett befolka område, både nasjonalt og internasjonalt.

KAJAKK Visit FjordKysten skal bidra og legge til rette for oppbygginga av ein komplett kajakkdestinasjon. Vi skal ta posisjon som den foretrukne kajakkdestinasjonen i Noreg. Reisemotiv/målgrupper: låg terskel, for alle. Soft Adventure, norske og internasjonale kundar.

VANDRING Visit FjordKysten skal løfte fram eit knippe ikoniske fjellturar langs kysten som fyrtårn for vandring nasjonalt.

Hornelen og Alden er i ferd med å få ein slik status, og innan 2024 skal vi ha minst 4 toppturar / vandreruter som er kjent nasjonalt. ØYHOPPING Visit FjordKysten skal utvide og utvikle konseptet Øyhopping. Vi skal vere kjent for Øyhopping i Noreg og vere i front med lansering av nye konsept. Øyhopping skal opplevast som ekte og autentisk. Oppleving av lokal historie, levande lokalsamfunn og kystkultur, historiske stadar og møte med lokalbefolkninga står sentralt i konseptet. Her under kjem både vidareutvikling av turar til Nord Solund, Kinn og Svanøy, og nye turar i Flora-bassenget og andre stadar som ligg til rette for det. Sykkel og øyhopping, Kystpilegrimsleia og fyropplevingar er nye opplevingar som skal utviklast under konseptet. Eit differensiert og mangfaldig tilbod av opplevingar under konseptet øyhopping skal bidra til lengre opphald i destinasjonen.

LOKAL MAT Visit FjordKysten skal jobbe for auka fokus på bruk av lokalmat og lokal matkultur som ein del av reiseopplevinga. Lokale tradisjonar for mat og drikke, og kortreist mat skal vere ein viktig del av tilbodet langs FjordKysten.

KULTUR Visit FjordKysten skal arbeide for å nytte lokale ressurspersonar og institusjonar innan t.d. kunst, musikk, teater, for å skape gode og unike reiseopplevingar i regionen.

3.5. MARKNAD Visit FjordKysten skal rette sin aktivitet mot marknader og segment som vil tilføre lønsam og berekraftig trafikk. I vårt marknadsarbeid skal vi rette oss hovudsakleg mot Noreg og våre nære marknadar. Vi posisjonerer oss i dei utvalde temasatsingane til Fjord Norge og byggjer merkevara FjordKysten. Fyrtårna skal brukast konsekvent i marknadsarbeidet og eigen fyrtårnstrategi skal følgast.

3.6. MÅLGRUPPER EKSTERNT Visit FjordKysten sine målgrupper eksternt er turoperatørar, transportselskap, bedrifter, media og den individuelle turisten.

3.7. MÅLGRUPPER INTERNT Reiselivsbedrifter, øvrig nærings- og organisasjonsliv, kommunane og lokalsamfunna i regionen. Media regionalt og nasjonalt. Marknadsføring, informasjons- og salsverksemd skal bidra til å skape auka aktivitet, fleire tilreisande til FjordKysten og betre lønsemd for våre medlemsbedrifter.

10

11

4. OVERORDNA STRATEGIAR 4.1. UTVIKLE MERKEVARA FJORDKYSTEN Gjennom konsekvent satsing på kommunikasjon av våre fyrtårn og utvalde satsingsområde. Gjennom felles profilering og marknadsføring skal vi bygge meirverdi for regionen. Merkevara FjordKysten står for sterke natur- og kulturopplevingar, levande kystkultur i levande øysamfunn, fjordbygder og kystbyar. Vi skal prioritere tilreisande som respekterer og bidreg til å ta vare på natur- og kulturverdiane våre, og bruker FjordKysten heile året.

Aktuelle marknadssegment er Adventures in the world of natural beauty og Escape kopla mot Social immersion og Broadening my cultural horizon. Kjernen i opplevingane skal vere «Ny energi, opplading og aktivitet i unik Kystnatur med påfyll frå kystkultur og lokalmat» med overordna verdiar som berekraftig, ekte, kontrastar, ro og fred.

4.2. FOKUS PÅ MARKNADSFØRING OG SAL Visit FjordKysten skal ha stor kompetanse på og fokus på marknadsføring og salsarbeid av regionen.

Selskapet skal gjennomføre og koordinere marknadstiltak i form av deltaking i forbrukar- og bransjekampanjar, i eigen regi nasjonalt og internasjonalt i Fjord Norge og Innovasjon Norge sin regi. Selskapet skal drive salsfremjande tiltak gjennom deltaking på workshops og ved direkte kontakt med turoperatørar og salsledd på vegne av regionen, og med mål om å kople riktige salsledd til medlemsbedriftene.

Visit FjordKysten skal hjelpe medlemsbedriftene ut i marknaden med produkta sine. Selskapet skal ha kompetanse i utvikling og bruk av profesjonelle salsverktøy og kommunikasjonskanalar. Målet med marknadsføringa er auka trafikk og verdiskaping heile året. Vi skal ha fokus på kundereisa, med mål om at FjordKysten skal vere lett å forstå, nå og kjøpe.

12

4.3. WEB OG SOSIALE MEDIA Selskapet skal ha god kompetanse på bruk av profesjonelle salsverktøy og kommunikasjonskanalar, både analoge og digitale. Vi skal ha ei levande og oppdatert heimeside for FjordKysten, og godt synlege gjennom Fjord Norge og Visit Norway sine nettsider. Vi skal ha eigne digitale strategiar og køyre kampanjar på sosiale media og google både gjennom eigne og kjøpte flater, for destinasjonen og for medlemane. Det er eit mål å gjere medlemsbedriftene gode og synlege på dei digitale plattformane. Det vert satt opp årlege fokuskampanjar for å sikre at måla om auka synlegheit for medlemane vert nådd.

4.4. KONSEPTUTVIKLING, PRODUKTPAKKING OG BOOKING Visit FjordKysten skal forsterke arbeidet med utvikling av differensierte opplevingskonsept og produktpakkar som rettar seg mot ulike lønsame segment heile året. Produktpakkane skal vere bookbare gjennom heimesida til FjordKysten, og gjennom avtaler med andre aktuelle distribusjonsledd. Det vil bli lagt ein provisjon på pakkane for å finansiere marknadsføring og arbeid med tilrettelegging. Vi skal også tilby gunstige avtaler for bruk av bookingsystem for våre medlemer.

Produktpakkar og konsept skal ha elementa av det som er genuint for FjordKysten. Vi skal få fram vår rike kulturarv (historie, geologi, kystkultur, lokalmat og drikke), det ekte og det nære forholdet mellom menneske og natur, kontrastar, sakte tid og livsstil og møter menneske i mellom. Alle produkt skal ha høg kvalitet, og segmenterast etter reisemotiv heller enn demografi.

4.5. INNHALDSPRODUKSJON, STORYTELLING OG BILDEDATABASE Godt innhald i form av tekstar, bilete og film er ei prioritert oppgåve for Visit FjordKysten. Det har i 2020 vore gjort eit løft på produksjon av film for destinasjonen, og denne satsinga vil fortsatt vere ein hovudprioritet framover.

Godt og kvalitetssikra innhald for destinasjonen er vår viktigaste kapital framover. Vi har eit fantastisk men komplisert produkt! Det er ikkje intuitivt, verken med bil eller for dei som planlegg med offentleg transport.

God oversikt over vegar og rutetilbod, produksjon av reiseruteforslag og kartmateriell er ei prioritert oppgåve.

Bilete og film vert ein essensiell og viktig del av marknads- og salsarbeidet gjennom digitale flater. Visit FjordKysten skal ha fokus på storytelling, å utvikle og produsere dei gode forteljingane om FjordKysten, naturen og kystkulturen, folka som bur her og levemåtar. Forteljingar rører og engasjerer. Det er summen av forteljingar som gjere destinasjonen attraktiv.

13

4.6. BERGEN SOM INNFALLSPORT OG NÆRMARKNAD Bergen er både ein viktig innfallsport og ein stor nærmarknad for FjordKysten, både når det gjeld ferie- og fritid og firmaturar. Visit FjordKysten skal nytte vår nærleik til Bergen som innfallsport i kommunikasjonen. Vi skal også vidareutvikle samarbeidet med Visit Bergen med tanke på synlegheit og sal gjennom turistinformasjonen i Bergen, samt felles konseptutvikling av ulike reiseruteforslag som sykkel og øyhopping, self-drive ruter, kart og rutetilbod til og i destinasjonen.

4.7. VERTSKAP OG LOKALKUNNSKAP Visit FjordKysten skal vere vertskap for presse- og visningsturar. Vi har ansvar for distribusjon av informasjon av reisemålet til samarbeidspartar og aktuelle reiselivsportalar, samt til reisande i planleggingsfasen og på reisemålet. Dette både gjennom analog informasjon som reiseguidar og brosjyre, og gjennom digital informasjon på websider og i sosiale media. Målet er at FjordKysten skal vere tilgjengeleg og synleg, relevant og oppdatert. Vi skal ta vare på kvalitetar og kjerneverdiar for destinasjonen i utarbeiding av informasjonsmateriell.

4.8. KOMPETANSEHEVING Visit FjordKysten har ei klar rolle i å legge til rette for og stimulere til kompetansehevande tiltak for medlemane. Ei viktig oppgåve er å hjelpe bedrifter i oppstart og tidleg fase med deling av bransjekunnskap. Slik kunnskap skal delast direkte til medlemane, gjennom facebookgrupper, nyhendebrev og på nettverkssamlingar. Selskapet skal tilby relevante kompetansehevande kurs til medlemane, og bidra med kompetanse som kan styrke verdiskapinga i medlemsbedriftene.

4.9. SKAPE OG UTVIKLE GODE OPPLEVINGAR Vi skal bygge våre fortellingar med menneske i sentrum. Kystkulturen, levemåten vår og kvardagskulturen er viktig. Identiteten vår er bygd på landskapet, kystkulturen og menneska som bur her. Vi fokuserer på det ekte, enkle og oppriktige. Oppleve det ekte kystlivet og få delta. Eit godt og levande lokalsamfunn i botnen, og eit personleg og engasjert vertskap.

14

5. DESTINASJONS- OG PRODUKTUTVIKLING Visit FjordKysten skal vere ein samlande faktor som ser marknaden sine behov og løyser fellesoppgåver som er viktige for reisemålet si totale utvikling. Det er viktig å fokusere på dei oppgåvene som gjer at FjordKysten skal utvikle seg og vere attraktiv i marknaden.

Visit FjordKysten skal kontinuerleg jobbe for å stimulere til produktutvikling i tråd med trendar og behov i prioriterte marknader, segment og satsingsområde for FjordKysten. Selskapet si rolle vert å initiere og koordinere tiltak i tett samarbeid med medlemer, kommunar og lokalsamfunn. Vi vil nytte Innovasjon Norge og Fjord Norge sin innsikt om reisemotiv som grunnlag for dette, og kommunisere denne innsikta vidare til våre medlemer og kommunar. Visit FjordKysten si rolle er å knyte produkt og opplevingar saman, og initiere til samarbeid mellom overnattingsbedrifter og opplevingsprodusentar. Visit FjordKysten skal gjere produkt og produktpakkar lettare tilgjengeleg for kundar, både på staden og for online booking. Visit FjordKysten skal utvikle turforslag med eigen bil, offentleg transport, sykkel, og gjere desse synlege digitalt saman med lettfatta ruteinformasjon og prisar og kartmateriell.

Det skal vere ei klar rollefordeling mellom utføringsansvar fordelt på destinasjonsselskap, kommunar, lokale næringsselskap og reiselivsaktørar.

Visit FjordKysten tek ei koordinerande rolle for å sikre best mogleg samhandling og utvikling i tråd med trendar, behov og destinasjonen sine satsingsområde. Større prosjekt skal forankrast både i kommunar og blant reiselivsaktørane.

15

6. ORGANISERING Visit FjordKysten skal innan 2022 ha følgjande organisering:

VISIT FJORDKYSTEN Dagleg leiar

Marknads- og salsansvarleg

Innhalds- og produktansvarleg

Produktansvarleg

100 %

100 %

100 %

100 %

• Administrasjon • Strategi og forretningsutvikling • Samarbeid og alliansar • Intern og ekstern kommunikasjon • Nettverk til eigarar og samarbeidspartar • Bærekraft • Reisemålsutvikling • Profileringsmateriell • Prosjektansvarleg

• Marknadsføring og sal • Kampanjar og temasatsingar • Workshops • Turoperatørar • Presse • Visningsturar • Produktpakking • Booking

• Web og digitale media, - fjordkysten.no, - fjordnorway.com, - visitnorway.com m.fl.

• Sosiale media • Innhaldsproduksjon; Film, foto og tekst • Digital strategi • Produkt- og medlemspresentasjon

• Drift turistinformasjon • Opplæring sesongansette • Brosjyrer • Medlemskontakt • Produktutvikling • Produktpakking • Kurs og kompetanseheving • Prosjekt

6.1. ØKONOMI OG BUDSJETT Finansiering og budsjett er basert på at kommunar som betaler medlemstilskot i 2021 er Solund, Hyllestad, Askvoll, Fjaler og Kinn. Frå 2022 er det lagt til grunn at fleire kommunar er med i samarbeidet og også meir bidrag frå næringslivet.

INNTEKTER

2021

2022

2023

2024

2.054.000

3.259.000

3.350.000

3.450.000

Medlemer

500.000

750.000

1.000.000

1.000.000

Eige sal

540.000

800.000

1.000.000

1.000.000

Prosjekt

900.000

1.000.000

1.000.000

1.000.000

3.994.000

5.809.000

6.350.000

6.450.000

2.090.000

3.000.000

3.100.000

3.200.000

Tiltak handlingsplan

1.145.000

1.709.000

2.000.000

2.000.000

Driftskostnader

670.000

1.000.000

1.050.000

1.100.000

Sum kostnader

3.905.000

5.709.000

6.150.000

6.300.000

89.000

100.000

200.000

150.000

Kommunetilskot

Sum inntekter KOSTNADER Lønnskostnader

RESULTAT

16

17

6.2. ORGANISASJONSSTRATEGI •

Alle ansette er engasjerte, samarbeidsfokuserte, får ansvar og tillit og er inspirerte for å få resultat.

•

Styrke reisemålet med gode alliansar.

•

Auka samarbeid på tvers av regionar.

•

Vere ein aktiv samarbeidspart for Fjord Norge og Visit Norway / Innovasjon Norge.

•

God på kommunikasjon internt og eksternt.

•

Jobbe i.h.t. oppsette planar.

•

4 tilsette innan utgangen av 2022 (2 per 2020).

•

Fast styresamling og internsamling årleg.

•

Fokus på inntektsbringande aktivitet.

•

God prosjektstyring.

6.3. KJERNEKOMPETANSE •

Visit FjordKysten skal ha oppdatert marknadskunnskap. Vi skal sikre god marknadskommunikasjon og effektive marknadsføringstiltak.

•

Selskapet skal ha god kompetanse på reisemålsutvikling, marknadsføring, sal og innhaldsproduksjon.

• Vi skal ha fokus på god kommunikasjon og service både internt mot medlemane og eksternt mot marknaden.

•

Visit FjordKysten skal jobbe for produkt som gir heilskaplege opplevingar der ein koplar elementa natur, aktivitet, mat og kultur saman.

•

Det skal utarbeidast årlege handlings- og marknadsplanar. Kvart år skal vi utarbeide ein statusrapport på måla i Strategiplanen. Slik vil vi få indikasjonar på om vi arbeider rett og vi kan justere arbeidet slik at vi når måla i planen.

6.4. MEDLEMSSTRATEGI •

Vi skal ha 2 årlege møter; Kick-Off i januar/februar, og haustmøte.

•

Det skal vere minst eitt årleg medlemsmøte lokalt i kvar kommune.

•

Visit FjordKysten skal utvikle og formidle kravspesifikasjonar og «beste praksis» til medlemane innan relevante tema.

•

Visit FjordKysten skal halde medlemane oppdatert gjennom nyhendebrev, facebookgrupper, mail og direkte kontakt. Medlemane forpliktar seg til å halde Visit FjordKysten oppdatert om tilbod, produkt, prisar, sesong, opningstider m.m. på sine produkt, samt å delta på medlemsmøter m.m.

•

Visit FjordKysten skal legge til rette for kompetansehevande tiltak for medlemsbedriftene.

•

Visit FjordKysten forutset sponsing av presse- og visningsturar.

•

Visit FjordKysten skal tilby personleg rådgjeving og konsulent-tenester for medlemsbedrifter etter behov.

•

Visit FjordKysten skal initiere samarbeid mellom medlemsbedrifter.

18

7. PREMISS FOR REISEMÅLSUTVIKLING 7.1. BÆREKRAFT Innovasjon Norge sine 10 prinsipp for bærekraftig reiseliv er tufta på FN sine internasjonale prinsipp. Kvart prinsipp blir her presenterte med døme for å illustrere konkrete tiltak.

Vi forventar at krav frå reisande vil akselere i etterdønningane av korona. Berekraft blir hygienefaktor, og regenerativ tursime vil stå i fokus; eit heilheits perspektiv på eit levesett som kombinerer menneskeleg velvære i heile økosystemet der mennesket lever. Etterspurnad framover vil vere etter reisemål som tilbyr storslagen natur med god plass, tryggleik i form av eit godt helsesystem og sunn politisk styring, samt ein destinasjon som tek berekraft på alvor. Kundar etterspør reiselivsaktørar og destinasjonar som ikkje skader miljøet og lokalsamfunna, med bidreg til ei berekraftig utvikling. Berekraftige reiselivsbedrifter og lokalprodusert mat og produkt er viktige.

Hovudmål: Lokal verdiskaping og blomstring, gjennom samhandling og heilheit mellom reiseliv og lokalsamfunn. Samhandling med mål om ei større og rikare tyding for både gjestar og vertskap.

FjordKysten skal tilby berekraftige natur- og kulturopplevingar. Visit FjordKysten skal initiere til produkt- og kompetanseheving som skaper lønsemd for bedriftene, og ei reiselivssatsing som er berekraftig for naturen og skaper meir livskraftige lokalsamfunn utan tap av særpreg. Det er eit mål å utvikle FjordKysten til ein heilårsdestinasjon.

Visit FjordKysten vil ta initiativ til oppstart av prosess saman med kommunane for at FjordKysten oppnår merket «Bærekraftig reisemål». Forankring i lokalbefolkning og lokale og regionale myndigheiter.

19

7.2. LOKALSAMFUNNSUTVIKLING Reiseliv har stor tyding for lokal verdiskaping, sysselsetting og potensiale for framtidig vekst og utvikling. Ein attraktiv kommune å besøke er ein attraktiv kommune å bu i. Turisme styrker lokalsamfunn gjennom auka stoltheit og identitet, og ved å gje grunnlag for drift av viktige tilbod i lokalsamfunnet som bl.a. kafèar, butikkar og overnattingsstadar som også lokale bedrifter har bruk for, og som skaper puls og hyggelege møteplassar i lokalsamfunna.

7.3. FORANKRING OG SAMARBEID Visit FjordKysten skal vere ein aktiv samarbeidspartnar inn mot andre relevante organisasjonar som kommunane i regionen, Vestland fylkeskommune, Fjord Norge, Innovasjon Norge og andre destinasjonsselskap i Vestland fylke.

Visit FjordKysten skal ha god dialog og sikre best mogleg arbeidsfordeling og felles planlegging av større oppgåver og tiltak i samarbeid med bl.a.: •

Sunnfjord Utvikling. Avklare modell for samarbeid i løpet av 2021.

•

Bedriftsnettverk for reiselivet (t.d. Stormwatching Norway og Kayak the Fjords).

•

Fjordkysten regional- og geopark, Fjordane Friluftsråd.

•

Florø Hamn, Nordfjord Hamn, Florø Parkering, Måløy Parkering.

•

Lokale næringsselskap og kommunar. Innspel til kommunane i forhold til rullering av kommuneog næringsplanar.

•

Samarbeid på tvers for marknadsføring – alliansar med andre kystnæringar.

20

7.4. ROLLEFORDELING OG FUNKSJONAR NÆRINGSAKTØRANE: • Ansvar for eige sal, produktutvikling i bedrifta, eigen kompetanseheving og aktiv deltaking i nettverkssamlingar.

KOMMUNANE: • Ansvar for å implementere reiseliv i planverk, tilrettelegging av areal for reiselivsverksemd, sikre rask

sakshandsaming ved søknader frå reiselivsbedrifter – spesielt ved utbyggingssaker, lokal infrastruktur

som veg, parkering, skilting, toalett, tømmestasjonar, strandrydding/avfallshandtering, sikre at reiselivet

sine behov er teke med ved innspel til offentlege ruter for buss/ferje/båt.

•

Peike ut ein person i kommunen som er kontaktperson for samhandling med destinasjonsselskapet.

•

Ansvar for evt. finansiering og drift av lokal turistinformasjon. (Visit FjordKysten kan og bør ta eit fagleg ansvar og sikre opplæring og koordinering av arbeidet ved lokale turistinformasjonar).

•

Forplikte seg til langsiktig satsing for å bygge ein attraktiv destinasjon gjennom 3-årige avtaler med Visit FjordKysten.

LOKALE REISELIVS- / NÆRINGSFORUM: • Visit FjordKysten tilrår at det vert oppretta lokale reiselivs- /næringsforum i kvar kommune, som kan

bidra til tettare samarbeid mellom besøksnæringa lokalt, og mellom kommunen og besøksnæringa.

•

Reiselivsforuma bør ha som oppgåve å definere og prioritere lokale produktutviklingstiltak som fremjar det lokale reisemålet si utvikling og attraktivitet for besøkande.

•

Visit FjordKysten deltek gjerne som observatør og med fagleg innsikt. Evt. lokale næringsutviklings-/ vekstselskap kan også delta som observatør i gruppa.

•

Minst eitt utvalt produktutviklingstiltak frå kvar reiselivsforum vert prioritert i destinasjonen sin tiltaksplan kvart år.

VISIT FJORDKYSTEN: • Ansvar for sal og marknadsføring av FjordKysten som destinasjon, på vegne av medlemskommunar og medlemsbedrifter.

•

Sikre ein god og profesjonell vertskapsfunksjon i regionen ved god informasjon på fleire plattformar og mottak av presse- og visningsturar.

•

Vere best på lokalkunnskap for å selge kysten, skreddarsy opplevingar, kontakt med turoperatørar og andre selgarar av norske reiselivsprodukt.

•

Stimulere til kompetanseheving og produktutvikling.

•

Vere reiselivsnæringa sin viktigaste samarbeidspart i arbeidet med å posisjonere og auke lønsemda i næringa langs FjordKysten.

•

Arbeide for samla og koordinert innsats for å utvikle FjordKysten slik at det medfører ei bærekraftig og positiv utvikling til beste for reiselivsnæringa og lokalsamfunna.

•

Sette retning og fart på reisemålsutvikling og produkt- og konseptutvikling gjennom innsikt og koordinering, og ved å synleggjere reiselivet sine behov inn mot kommunale planverk.

•

Dokumentasjon og måling av resultat og måloppnåing.

Visit FjordKysten har ansvar for koordinering, oppstart og gjennomføring av tiltak innan nevnte funksjonsområde. Næringa og kommunane har ansvar for deltaking, engasjement og oppfølging knytt til tiltaka.

21

8. PRIORITERTE SATSINGSOMRÅDE – TILTAK PÅ KORT OG LENGRE SIKT

22

PRIORITERTE SATSINGSOMRÅDE

TILTAK KORT SIKT: 2021

TILTAK LENGRE SIKT: 2022 – 2024

ATTRAKTIVITET GJENNOM BEREKRAFT

• Bruke berekraftig argumentasjon i marknadsføringa (urørt, autentisk, god plass).

• Avklare interesse blant medlemskommunane for gjennomføring av prosess for å bli merka som miljøvenleg reisemål (Innovasjon Norge).

• Søke om merket for bærekraftig reisemål og lage hovudprosjekt med handlingsplan. Gjennomføring av tiltak i saman med kommunar og reiselivsnæringa.

NORGE

• Sette saman langhelg og kortferie konsept retta mot norske segment; venne-, par- og familiemarknadar.

• Sette saman konsept for firmaturar retta mot norske bedrifter.

• Utvikling og koordinering av sommarkampanje 2021.

• Segmentert innhaldsutvikling.

• Auka innovasjon og tilpassing til nye målgrupper (nasjonalt og europeisk nærmarknad).

NORDEN OG EUROPA

• Holde kontakten med turoperatørbransjen i heile Europa. Bruke HubSpot for å følge og forsterke det vi gjere.

• Segmentering og utvikling av kommunikasjon mot ulike målgrupper, medier og influencere. Samarbeid med Fjord Norge.

• Utvikle virtuelle visningsturar for turoperatørar.

• Visningsturar for turoperatørar.

• Delta på workshops i samarbeid med Fjord Norge og Innovasjon Norge.

• Delta i ny, framtidsretta nettløysing for Vestlandet.

• Auke tal produktpakkar og produkt tilgjengeleg gjennom bookingsystem på DIGITALISERING, heimesida, evt. gjennom fleire salskanalar.

PRODUKTPAKKING • Produksjon av innhald som støtter sal.

OG BOOKING • Tilsetting av Innhalds- og produktansvarleg.

• Optimering av innhald med tanke på organisk trafikk.

• Kontinuerleg utvikling av innhald og optimering.

• Fokus på salsutløysande innhald.

• Vurdere å investere i app for digitale opplevingar på destinasjonen.

• Utvikle innsiktsbaserte konsept for våre satsingsområde, som gjer oss meir spiss KONSEPTi marknadskommunikasjonen og som gir UTVIKLING grunnlag for produktutvikling hos våre næringsaktørar.

MÅLGRUPPERETTA Samarbeid med Fjord Norge.

KONSEPT • Produksjon av målgrupperetta innhald og kommunikasjon av konsept.

• Bevisstgjering og konkrete bidrag for kvalitetsheving i bedriftene. Tiltak for å redusere gap ift målgruppe-forventningar.

• Ytterlegare produksjon av målgrupperetta innhald og salsutløysande kommunikasjon av konsept.

HISTORIER SOM FENGER

• Styrka satsing på innhaldsproduksjon, spesielt med bruk av film for å produksjon av målgruppeorienterte historier om våre aktørar og opplevingar og spirit langs FjordKysten.

• Visningsturar for utvalgte media og influensere, i samarbeid med Fjord Norge.

• Kontinuerleg produksjon og distribusjon av målgr.orienterte historier.

VIDAREUTVIKLE MERKEVARA FJORDKYSTEN

• Bevisst bruk av satsingsområda våre gjennom all kommunikasjon. Avklare form på tettare samarbeid med Sunnfjord Utvikling.

• Bevisst bruk av satsingsområda våre gjennom all kommunikasjon.

DESTINASJONSOG PRODUKTUTVIKLING

• Produktutvikling saman med medlemar for å nå nye segment i den norske marknaden, t.d. firmaturar og workation, samt andre konsept som støtter opp under overordna mål.

• Årlege handlingsplanar med prioriterte felles produktutviklingstiltak.

23

A til Å · www.atilaa.no

VISIT FJORDKYSTEN AS Strandgata 30, 6905 Florø, Norge E-post: mail@fjordkysten.no ∙ Tlf. turistinformasjon: 57 74 30 00

fjordkysten.no

@fjordkysten