„არტანუჯი ბავშვებისთვის“ – კატალოგი 2022 წლის მაისის წიგნის ფესტივალისთვის

გამომცემლობა „არტანუჯმა“ 2020 საიუბილეო წელს 20-წლიანი გა­მოცდილებით ერთ-ერთი საპასუხისმგებლო, ახალი მიმარ­ თუ­ლება „არტანუჯი ბავშვებისთვის“ ერთადერთი მიზნით შექმნა – თანამედროვე ბავშვებმა ჩვენი გამოცემებით აღმოაჩინონ ლიტერატურის ჯადოსნური სამყარო. კითხვის სიყვარული, მათი გულების დატყვევება და უსაზღვრო თავისუფლების ჩუქება კი ლიტერატურის ძალისთვის მიგვინდია. ამ მისიის შესასრულებლად რამდენიმე სერია წამოვიწყეთ: „ქართული მითები“ – ცნობილი თუ უცნობი ქართული მითოსური გმირები და მათ ილუსტრირებული თავგადასავლები; „ქართული ზღაპრული ზღაპრები“ – ქართული ხალხური და თანამედროვე ზღაპრები ახალი ილუსტრაციებითა და მხატვრული რედაქციით; „ქართული კლასიკური ლიტერატურის გრაფიკული ვერსიები“ – ქართული კლასიკური ნაწარმოებები თანამედროვე ქართველი მწერლების მიერ ადაპტირებული ტექსტითა და დღეს ბავ­შვე­ ბისთვის ყველაზე პოპულარული საკითხავი ფორმით – გრა­ ფიკული ილუსტრაციებით; უცხოური პოპულარული საბავშვო გამოცემების ქართული თარგმანები და თანამედროვე ქართული მხატვრული თუ შემეცნებითი ლიტერატურა. ოცდაათამდე გამოცემიდან არაერთი წიგნი გახდა ბავშვების, მათი მშობლების, მასწავლებლებისა და საბავშვო ლიტერატურული კონკურსების ჟიურის რჩეული, რაც კიდევ უკეთესი გამოცემების სურვილსა და მოტივაციას გვმატებს. ჩვენი გუნდი, თანამედროვე ქართველ ავტორებთან და ილუსტრატორებთან ერთად, კვლავაც აგრძელებს მუშაობას კიდევ უფრო საინტერესო გამოცემებზე. იკითხეთ „არტანუჯი ბავშვებისთვის“ და გაგვიზიარეთ თქვენი შთაბეჭდილებები და სურვილები ჩვენი სერიების შესახებ.

#იკითხეარტანუჯისწიგნები #არტანუჯიბავშვებისთვის

სიზმარა იცი, რატომ დაარქვეს სიზმარას სიზმარა? თურმე ყოველ ღამე ფერად სიზმრებს ხედავდა. ერთხელაც დიდებული სიზმარი დასიზმრებია, ხელმწიფისთვის გაუნდია და წუწკ ხელმწიფესაც მაშინვე განუზრახავს სიზმარს დაჰპატრონებოდა, ბიჭმა კი არა და არ დათმო! განრისხებულმა ხელმწიფემ ობოლი ბიჭი დაატყვევა. ამ ჭრელ წიგნში სიზმარა თავის დაუჯერებელ თავგადასავალს გვიამბობს. ალბათ, შენც ხშირად ხედავ ფერად-ფერად სიზმრებს და თუკი ერთხელაც ყველაზე დიდებული და მშვენიერი გესიზმრა, გახსოვდეს, არავის აჩუქო, რა იცი, იქნებ სიზმარასავით შენც აგიხდეს კეთილი სიზმარი. ერთ მხარზე მზე შემოისვა, მეორე მხარზე კი – მთვარე.

უცნაური ამბავია, არა? წავიკითხოთ, ხომ დაგვპირდა სიზმარა დაწვრილებით გიამბობთ ჩემს თავგადასავალსო.

სიზმარა

ხალხური ილუსტრატორი: ვარლამ ჯმუხაძე ასაკი: 7+ გვერდები: 48 ფორმატი: 25x30 ფასი: 19.50

საბავშვო პრემია

ნაცარქექია

„ნაკადულის“ 2021 წლის

ნაცარქექია ერთი უქნარა ვინმე იყო, რომელმაც ნაცრის ქექვის მეტი არაფერი იცოდა. ერთხელაც ცხრათავიან დევს გადაეყარა და ოინი მოუწყო. თუ გინდა გაიგო როგორ შეებრძოლა ტანად ერთი ციცქნა ღონიერ დევს, როგორ გამოადინა რიყის ქვას წურწურით წვენი, როგორ გადაცურა უშველებელი მდინარე თითის დაუსველებლად და რა ბედი ეწია დევს, გადაშალე წიგნი და წაიკითხე უქნარა კაცის ზღაპრული თავგადასავალი.

გამარჯვებული „საუკეთესო ილუსტრირებული წიგნის“ ნომინაციაში.

„არ ვიცი, რომელი ნაწარმოები ყოფილა იმდენჯერ ილუსტრირებული, რამდენჯერაც „ნაცარქექია“, მაგრამ ამ ილუსტრატორმა დიდი ყურადღებით დეტალებისადმი, უსაზღვრო ფანტაზიითა და არაჩვეულებრივი იუმორით შეძლო ის, რომ, ვფიქრობ, თითოეული პატარა მკითხველის თაროზე ეს წიგნი ამ ილუსტაციების გამო განსაკუთრებულ ადგილს იმსახურებს.“ ჟიურის წევრი სონია ელიაშვილი

ჩვენმა გმირმა ცხრათავიანი დევი არამხოლოდ გააცურა, არამედ მთელ მის სამფლობელოს დაეპატრონა. ასეა, ყველაზე უქნარა კაციც შეიძლება იყოს „ყოვლისშემძლე“, ხომ გაგიგონია – „ხერხი სჯობია ღონესა, თუ კაცი მოიგონებსა.“ ნაცარქექია ხალხური ილუსტრატორი: ვარლამ ჯმუხაძე ასაკი: 4+ გვერდები: 56 ფორმატი: 25x30 ფასი: 19.50

ნახევარქათამა ერთმა ყოჩაღმა ნახევარქათამამ ფეტვის ერთი მარცვლით დიდებული ყანა დაამწიფა, მაგრამ, სად იყო და სად არა, ბატონის ნახირმა ნაშრომ-ნაოფლარი გაუძოვა.

მალე

რა იცოდა, ვინ გადაიმტერა! რის ნახევარქათამა იყო, პასუხი არ მოეთხოვა და გაჯავრებული გზას დაადგა. არც გზა და არც ბატონთან სამართლის პოვნა გამოდგა იოლი. მზაკვარი ნადირი გზას უღობავდა, მაგრამ ყველას თავისი ადგილი მიუჩინა. მერე ზღვამ მოინდომა, ჩაეყლაპა, მაგრამ ისიც ხახამშრალი დატოვა და ბატონს მიადგა.

რა არ გამოიარა, მაგრამ სამართლის პოვნაზე ხელი არ აიღო – ის ხომ ნახევარქათამაა!

ნახევარქათამა ხალხური ილუსტრატორი: ვარლამ ჯმუხაძე ასაკი: 4+ გვერდები: 48 ფორმატი: 24x30

რწყილი და ჭიანჭველა რწყილი და ჭიანჭველა დაძმობილდნენ და გზას გაუდგნენ. რა მოხდა შემდეგ? – ხიფათიანი თავგადასავალი გადახდათ. რწყილს ჭიანჭველა უნდა გადაერჩინა, მაგრამ ვერაფერს გააწყობდა, თუკი მსუნაგი ღორი, ხელგაშლილი მუხა, მჩხავანა ყვავი, ბრაზიანი კრუხი, დიდი ორმო, ცელქი თაგვი, მოდარაჯე კატა და ზმუილა ძროხა არ დაეხმარებოდნენ.

როგორ გგონია, დაეხმარნენ? თუ ზღაპარს წაიკითხავ, გაიგებ, მორიგდნენ თუ არა კატა და თაგვი, ყვავი და კრუხი, დაეხმარა თუ არა ყველა რწყილს და რა ბედი ეწია ჭიანჭველას. რწყილი და ჭიანჭველა ხალხური ილუსტრატორი: ნინო ჯიჯავაძე ასაკი: 4+ გვერდები: 48 ფორმატი: 27x27 ფასი: 19.50

ხუთკუნჭულა ხუთკუნჭულასნაირი მოხერხებული და იღბლიანი მხოლოდ ნაცარქექიაა. ამბობენ, ისე გაუბრიყვებია დევი, ქონებაზე ხელი აუღია და ცხრა მთას იქით გადაკარგულა. მაგრამ მისი ამბავი ხუთკუნჭულას თავგადასავალთან რას მოვა!

მალე

მოხერხებული ხუთკუნჭულა მარტო ჭკვიანი როდია! ისეთი გაბედულია, დევის ქალი შეუყვარდა, დევი კი მის გადაყლაპვას ლამობდა. რა არ გადახდა, დევს დაეხსნა და მეზობელ ხელმწიფეს შეაფარა თავი, მაგრამ არც იქ მოასვენეს. ძნელ საქმეებს ავალებდა ხელმწიფე და თუ ვერ შეასრულებდა, თავიდან მოიშორებდა.

გაინტერესებს რა იღონა ხუთკუნჭულამ? მაშ, გადაიკითხე ზღაპარი და გაიგებ, არის თუ არა ნაცარქექიაზე უფრო ჭკვიანი და მოხერხებული და რა ბედი ეწიათ დევს, ხელმწიფესა და მათ სამეფოებს. ხუთკუნჭულა ხალხური ილუსტრატორი: სონია ელიაშვილი ასაკი: 4+ გვერდები: 56 ფორმატი: 25x30

თხა და ვენახი ზუსტად არავინ იცის, როდის შეიქმნა „თხა და ვენახი“, ან რამდენი ადამიანის მიერ დაიწერა, ან რა გზა გამოიარა ჩვენამდე მოსასვლელად. ერთი კი დანამდვილებით შეიძლება ითქვას – მასში სწორედ ის სიბრძნეა მოცემული, რომლის მიხედვითაც სამყაროში ყველაფერი წარმავალია.

და მაინც, ვინ შეჭამა ვენახი?!

თხა და ვენახი ხალხური ილუსტრატორი: ნინო ჯიჯავაძე ასაკი: 3+ გვერდები: 40 ფორმატი: 27,5x24 ფასი: 17.00

კომბლე კომბლე ხალხმა შეარქვა, რადგან კომბლებს თლიდა და ჭერში აწყობდა. ბოროტ ადამიანებს რა გამოლევს?! ერთხელ შეთქმულება მოუწყეს და მოატყუეს, მაგრამ ყველას კუდით ქვა ასროლინა. მერე დათვმა სცადა მისი გაბითურება, მაგრამ მასაც შავი დღე აყარა, ბოლოს გულბოროტი მეფეც კი განარისხა, მაგრამ მასთანაც იმარჯვა და სამეფო ტახტიც დაათმობინა. რა არ გადახდა და დღესაც კომბლებს თლის და ჭერში აწყობს.

მარტო ეს როდია, კომბლეს ერთი გამორჩეული კომბალიც ჰქონია, მის ზებუნებრივ ძალაზე ერთი მითქმა-მოთქმა იყო ატეხილი. ნეტავ, ასეთი რა ძალა ჰქონდა და ვინ უბოძა ასეთი საჩუქარი?

კომბლე ხალხური ილუსტრატორი: ნინო ჯიჯავაძე ასაკი: 4+ გვერდები: 32 ფორმატი: 21x25 ფასი: 14.50

სტუმარ-მასპინძელი ვაჟა-ფშაველას პოემა „სტუმარ-მასპინძელი“ საქართველოსა და მთელ კავკასიაში ერთ-ერთი ყველაზე მნიშვნელოვანი ტრადიციის – სტუმარ-მასპინძლობის ამბავს გვიამბობს. ხევსური ზვიადაური ნადირობისას მოსისხლე მტერს, ქისტ ჯოყოლას შეხვდება. ჯოყოლა ვერ იცნობს ძმის მკვლელს, დაუმეგობრდება მას და შინ ღამის გასათევადაც მიიპატიჟებს. ეს არ გამოეპარებათ ქისტებს და გადაწყვეტენ ჯოყოლას სახლშივე შეიპყრონ ზვიადაური. თუმცა, ის ხომ ჯოყოლას სტუმარია?! მთაში კი სტუმარ-მასპინძლობის წესი მტრობაზე აღმატებულია. რას იზამს ჯოყოლა, როცა მოძმე ქისტები მისი სტუმრის მოსაკლავად მოადგებიან?..

და-ძმობის, სიყვარულის, ერთგულების მშვენიერი ტრადიციები მთაში გაჩნდა. ეს ტრადიციები დღემდე გვაოცებს თავისი ზნეობრიობით და გვიჩვენებს, თუ რა შეუძლია ადამიანს, როცა მას წრფელად უყვარს მოყვასი, პატივს სცემს სტუმარს და საკუთარი სიცოცხლის ფასად იცავს მას. სტუმარ-მასპინძელი ვაჟა-ფშაველა ტექსტი მოამზადა: ნინო სადღობელაშვილმა ილუსტრატორი: სოფო კირთაძე ასაკი: 10+ გვერდები: 40 ფორმატი: 17,6x25 ფასი: 11.00

ალუდა ქეთელაური ვაჟა-ფშაველას პოემა „ალუდა ქეთელაური“ ვაჟკაცობისა და პიროვნული ღირსების ამბავს გვიამბობს. ალუდა ქეთელაურის სახელი მთელ ხევსურეთშია განთქმული, ბავშვმაც კი იცის მისი სიმამაცისა და სიქველის შესახებ. ერთ-ერთი ორთაბრძოლისას იგი შეეტოქება ქისტ მუცალს, რომლის გაუტეხლობა და ვაჟკაცობა განაცვიფრებს. ალუდა იმარჯვებს, თუმცა მოკლული მუცალისთვის ღირსეული პატივის მიგებას გადაწყვეტს და ამ განზრახვას თანასოფლელებსაც გაანდობს. მთის წეს-კანონით კი, შეუძლებელია სხვა რჯულის მტერს სამხვეწრო შესწირო. ალუდა მუცალის ღირსებას იცავს, სოფელი – თავის წესსა და ადათს. ვინ გაიმარჯვებს ამ ძნელ ბრძოლაში?

„ალუდა ქეთელაური“ – ამბავი ადამიანზე, რომელმაც მტერშიც კი შეძლო ღირსების დანახვა და დაფასება. ვაჟა-ფშაველას პოემის მთავარ სათქმელს გრაფიკული გამოცემა ილუსტრაციებით, ადაპტირებული ტექსტითა და მცირე დედნისეული თხრობით გიამბობს.

ალუდა ქეთელაური ვაჟა-ფშაველა ტექსტი მოამზადა: ნინო სადღობელაშვილმა ილუსტრატორი: სოფო კირთაძე ასაკი: 10+ გვერდები: 40 ფორმატი: 17,6x25 ფასი: 11.00

ბახტრიონი ვაჟა-ფშაველას პოემა მნიშვნელოვან ისტორიულ მოვლენას – ბახტრიონის აჯანყებას ეძღვნება, რომელიც 1659 წელს კახეთში მოხდა. აღმოსავლეთ საქართველოს ეს მხარე მაშინ ირანელებს ეპყრათ და მათი ჯარის ნაწილი ბახტრიონის ციხეში გამაგრებულიყო. მათ აუჯანყდნენ კახელები, რომლებსაც თუშები, ფშავლები და ხევსურები შეურთდნენ. აჯანყებას მეთაურობდნენ ბიძინა ჩოლოყაშვილი, ზაალ არაგვის ერისთავი, შალვა და ელიზბარ ქსნის ერისთავები. განრისხებულმა შაჰმა სასტიკი წამებით დასაჯა ისინი. თავისუფლების ჟინით ანთებულ მეომრებს ქალიც უერთდება. ლაშქარი იერიშისთვის ემზადება, აჯანყებისთვის ყველაფერი დაგეგმილია, თუმცა მოულოდნელად ბახტრიონის ციხის კარი შიგნიდან იღება!.. ვინ ჩაიფიქრა ეს უცნაური გეგმა და რით დასრულდება ბახტრიონის აჯანყება?

პოემის გრაფიკული ვერსია ადაპტირებული და დედნისეული თხრობით თავისუფლებისთვის ბრძოლის, სიმამაცისა და თავდადების ამბავს გვიამბობს. ბახტრიონი ვაჟა-ფშაველა ტექსტი მოამზადა: ნინო სადღობელაშვილმა ილუსტრატორი: სოფო კირთაძე ასაკი: 10+ გვერდები: 48 ფორმატი: 17,6x25 ფასი: 12.50

გველისმჭამელი ვაჟა-ფშაველას ცნობილი პოემა „გველისმჭამელი“ ადამიანის ბუნებასთან იდუმალ კავშირს ეძღვნება. მეტაფორულად თუ ვიტყვით, მინდიას სახით ვაჟა-ფშაველამ საკუთარი პორტრეტიც დახატა, ბუნების ჭეშმარიტი შვილისა, ვისთვისაც ამ ბუნების საიდუმლო ყველაზე მეტად ცხადია.

მალე

მინდიას ესმის, რას საუბრობენ ხეები, ბალახები, ფრინველები და ცხოველები; თუმცა, ეს ცოდნა მისგან მსხვერპლს მოითხოვს. შეძლებს მინდია ბუნებასთან ამ საიდუმლო კავშირის შენარჩუნებას?

დაუჯერებელია, არა? თუმცა, ნებისმიერი საიდუმლო შესაძლოა ადამიანის ცხოვრების მთავარ სირთულედაც იქცეს.

სტუმარ-მასპინძელი ვაჟა-ფშაველა ტექსტი მოამზადა: ნინო სადღობელაშვილმა ილუსტრატორი: სოფო კირთაძე ასაკი: 10+ გვერდები: 40 ფორმატი: 17,6x25

ქართული მითიური გმირები და მათი სამყარო

ბესტსელერი

ეს უნიკალური გამოცემა დაგეხმარება ქართული მითების მაგიურ სამყაროში შეაბიჯო. გაიცნო ტყის, წყლისა და ნადირთმბრძანებლები, ტყაშმაფა, წყარიშდიდა, ოჩოპინტრე, ელია, იახსარი; გაიგო როგორ დააღწია თავი ხოგაის მინდიმ ქაჯებს, მიჯაჭვულმა ამირანმა კი ხანგრძლივ ტყვეობას, ვინ უყვარდა ქალღმერთ დალის, რას გვატყობინებენ მესეფენი, როდესაც ზღვის ფსკერს ტოვებენ და მიწაზე ამოდიან? – იქნებ დავსა და ავდარს? რისი ეშინიათ ჭინკებს? ნეტავ, სად ცხოვრობენ მითიური გმირები? მტრობენ თუ მეგობრობენ? ვინ იცის, იქნებ ყველა კითხვაზე იპოვო აქ პასუხი...

გაიცანი ქართული მითიური გმირები და გაგვიზიარე შენი რჩეული პერსონაჟები, რომელთა შესახებაც უფრო მეტის გაგებას ისურვებდი. მათ შესახებ უცნობ და დაუჯერებელ თავგადასავლებს გიამბობთ. მოგვწერე წერილი: mitebi@artanuji.ge ქართული მითიური გმირები და მათი სამყარო ტექსტი მოამზადა: ინგა ანთიძემ ილუსტრატორი: ვარლამ ჯმუხაძე ასაკი: 12+ გვერდები: 80 ფორმატი: 23,5x29 ფასი: 22.50

ხოგაის მინდი ხოგაის მინდი ქართული ფოლკლორის გამორჩეული გმირია. ვისი გვარისა იყო ხოგაის ვაჟი არავინ იცის, მაგრამ აღმოსავლეთ საქართველოს მთიანეთში მინდის სახელი და საგმირო საქმენი დღემდე თაობიდან თაობას გადაეცემა. რა ხდება მაშინ, როცა ხოგაის მინდი სიტყვას ტეხს და წინასწარმეტყველების უნარს კარგავს? რატომ უბრუნებს ღმერთი მას ამ დაკარგულ ძალას? გიფიქრიათ, რომ ბუნებაზე ზრუნვა, ჩვენი, თითოეული ადამიანის, მოვალეობაა? მას ყველა უნდა ვუფრთხილდებოდეთ, თუმცა ზოგჯერ ღმერთი

ამისთვის მხოლოდ რჩეულებს აჯილდოვებს.

ნუთუ შეიძლება ღვთის რჩეული და ზებუნებრივი ძალით დაჯილდოვებული ერთ დღეს მისივე რისხვისა და წყრომის სამიზნედ იქცე? ალბათ, შეიძლება, თუკი ჩვენი ქცევა ბუნების კანონს ეწინააღმდეგება... ხოგაის მინდი ტექსტი მოამზადა: თამარ ლონდარიძემ ილუსტრატორი: ვარლამ ჯმუხაძე ასაკი: 8+ გვერდები: 48 ფორმატი: 23,5x29 ფასი: 20.00

ჩვენ, ვეფხისტყაოსნები შოთა რუსთაველის „ვეფხისტყაოსანი“ მსოფლიო მნიშვნელობის ძეგლი და ჩვენი კულტურული იდენტობის განუყოფელი ნაწილია. „ჩვენ, ვეფხისტყაოსნები“ – ასე ჰქვია პოეტისა და ენათმეცნიერის – დიანა ანფიმიადის კრებულს. ის სხვადასხვა საუკუნის ხელნაწერებში შემონახული მინაწერების, ჩასწორებების თუ შენიშვნების მიხედვით შექმნილი წიგნი-რომანია, რომელიც უამრავ საინტერესო, ნაცნობ და უცნობ, ასევე გამოგონილ ამბავს აერთიანებს.

იაკობ გოგებაშვილის სახელობის საბავშვო და საყმაწვილო ლიტერატურული პრემიის 2020 წლის გამარჯვებული „წლის საუკეთესო პროზაული კრებულის (13+)“ ნომინაციაში

„ჩვენ, ვეფხისტყაოსნები“ თვალმოუწყვეტლად საკითხავია

წიგნი ობოლ ვისაც ბიწზეა,უამბო, რომელიც ყოველ ღამესიზმარს სიზმრებს ფერად ნახულობდა. ყველას მოუნდა დაპატრონებოდ უცნაურია ხომ? მოდი, ერთად გავიგოთ რა მოხდება მერე? მათთვის, ვისთვისაც წიგნის კითხვა მხოლოდ გართობის კი არა, უპირველესად შემეცნების, აღმოჩენების პირველწყაროა.

ჩვენ, ვეფხისტყაოსნები sizmara დიანა ანფიმიადი ilustratori: jmuxaZe ილუსტრატორი: სოფოvarlam კირთაძე

ასაკი:asaki: 10+ 4+ გვერდები: 90 yda: muyao ფორმატი: 24/3014,5x20,5 sm. 48 gv. ფასი: 7 fasi:

დაკარგული სიტყვების ლექსიკონი დიანა ანფიმიადის „დაკარგული სიტყვების ლექსიკონი“ ფენტეზის ჟანრის სათავგადასავლო წიგნია. მკვდარი ენის დროებით გაცოცხლებაც შეგიძლია, თუ შეისწავლი და მასზე ლაპარაკს შეძლებ. თუ შენ გარშემოც აირევა ხოლმე რაღაცები, ისევე როგორც ამ წიგნის მთავარი გმირის – გიოს გარშემო, მისი ამბავი წაიკითხე, გამოსავლის მოძებნაში დაგეხმარება და მიგახვედრებს, რომ, მართალია, ზოგჯერ ჩვენი საყვარელი ადამიანები გვტოვებენ, მაგრამ სამყაროს შეუძლია მათი ენით გველაპარაკოს.

გაინტერესებს, ფლობ თუ არა რაიმე განსაკუთრებულ უნარს, სუპერძალას? იქნებ ჯერ არ იცი, რომ სიტყვების გადარჩენა შეგიძლია? იქნებ არ იცი, რომ შეგიძლია მისთვის, ვინც ვერ ხედავს, სამყარო სიტყვებით გააცოცხლო? დაკარგული სიტყვების ლექსიკონი დიანა ანფიმიადი ილუსტრატორი: სოფო კირთაძე ასაკი: 10+ გვერდები: 140 ფორმატი: 12,5x19 ფასი: 12.50

სახატავ რვეულში ჩაწერილი ზღაპრები ერთმა პატარა ბიჭმა, გიორგიმ, სანამ ლაპარაკს დაიწყებდა, ჯერ ხატვა ისწავლა. მერე დიდხანს, დიდხანს ელაპარაკებოდა დედას ნახატებით. დედას კი ხატვა არ შეეძლო, სამაგიეროდ, ამბების მოყოლა უყვარდა. ჰოდა, ასე დაიწერა ეს წიგნი, რომელიც ყველა დედასა და შვილზეა, რომლებიც ერთმანეთთან სალაპარაკო ენას ეძებენ. ეძღვნება მსოფლიოს ყველა დედას და შვილს, განსაკუთრებით კი მათ, ვინც ყოველდღიურ, ძალიან რთულ პრობლემებს არ ეპუება, ებრძვის და ამარცხებს.

იმ მარადიულ ბავშვსაც ეძღვნება, ვისაც ადამიანები ღრუბლებივით უყვარს და ღრუბლები – ადამიანებივით. სახატავ რვეულში ჩაწერილი ზღაპრები დიანა ანფიმიადი ილუსტრატორი: გიორგი ბარბაქაძე ასაკი: 3+ გვერდები: 60 ფორმატი: 17x15 ფასი: 12.50

ზუზუნები და ღუტუნები ძვირფასო ბავშვებო, ეს წიგნი თქვენთვისაა. კიდევ თქვენი დედიკოებისთვის და მამიკოებისთვის. ბებიებისა და ბაბუებისათვის... ის კი არა, ვფიქრობთ, თქვენი საყვარელი მასწავლებლებისთვისაც საინტერესო უნდა იყოს. წიგნი ერთ პატარა ბიჭზეა, რომელიც არ ჰგავს სხვა პატარა ბიჭებს. მას მათე ჰქვია. მასაც ჰყავს დედიკო და მამიკო, ბებიკო და ბაბუა. სხვა ბიჭებივით ისიც დადის საბავშვო ბაღში. უყვარს ტკბილეული და სათამაშოები. ოღონდ ის სამყაროს სხვაგვარად აღიქვამს. სხვა ბავშვებთან თამაშიც მაინცდამაინც არ უყვარს. მათეს აუტიზმი აქვს. ალბათ იმასაც იკითხავთ – რა არის აუტიზმი? აი, გადაფურცლეთ წიგნი და თავად მიხვდებით.

შეიძლება რომელიმე ნაცნობიც გაგახსენოთ. იმედია, ჩვენი წიგნის წაკითხვის შემდეგ უფრო მეტად გაუგებთ იმ ბავშვებს, რომლებიც სხვანაირად იქცევიან. შეიძლება ცოტა უცნაურებად მიიჩნევთ, მაგრამ თუ ეცდებით მათთან დამეგობრებას, გვჯერა, აუცილებლად გამოგივათ. ზუზუნები და ღუტუნები ირმა მალაციძე ილუსტრატორები: ირმა მალაციძე, მათე გახელაძე ასაკი: 4+ გვერდები: 80 ფორმატი: 24x24 ფასი: 24.00

ექიმი კოდალა ზღაპრების პერსონაჟების სახალისო თავგადასავლები მიახვედრებს პატარა მკითხველს, რომ ტყუილს მოკლე ფეხები აქვს, თხილის კბილით გატეხვა საზიანოა, ჯანსაღად თუ იკვებები, უფრო მარდი ხარ, ნემსის ჩხვლეტა მხოლოდ წამიერია და სიბნელე სულაც არაა საშიში, რადგან ღამით ლამაზი ციცინათელები დაფრინავენ. ირმა მალაციძის ზღაპრების ეს წიგნი შიშების დაძლევაზეა. იმ პრობლემების გადალახვაზე, რაც ბავშვებს ხშირად აწუხებთ.

თერაპიული ზღაპრები პატარებს დაეხმარება თანატოლებთან კონფლიქტების მოგვარებაში, თვითშეფასების ამაღლებაში, ყოველდღიური ჩვევების გამომუშავებაში; ასწავლის განსხვავებულის მიმღებლობას და სიზარმაცის დაძლევას. ექიმი კოდალა ირმა მალაციძე ილუსტრატორი: ია გიგოლაშვილი ასაკი: 2+ გვერდები: 64 ფორმატი: 21x20 ფასი: 17.00

რა ენაზე საუბრობენ ცხოველები? არავინ იცის, რამდენი ენა ან სიტყვა არსებობს სამყაროში. ადამიანები განცდებს სალაპარაკო ენის გარდა ჟესტების ენით, მიმიკითა თუ მოძრაობით გამოხატავენ. ადამიანების გარდა, დედამიწაზე უამრავი ფრინველი, ცხოველი, მწერი, ქვეწარმავალი და თევზი ბინადრობს. საინტერესოა, რა არის მათი სასაუბრო ენა? როგორ გადმოსცემენ ისინი სიხარულს, შიშსა და ბედნიერებას?

ნეტავ, მათაც აქვთ საკუთარი ენა? ცხოველები და ფრინველებიც ადამიანებივით ესაუბრებიან ერთმანეთს?

რა ენაზე საუბრობენ ცხოველები ჯილდა არჯევანიძე ილუსტრატორი: ნესტან ბაქრაძე ასაკი: 2+ გვერდები: 24 ფორმატი: 24x30 ფასი: 7.00

რისი კურკაა? ვთამაშობდით და უცებ პაწაწუნა კურკა ვიპოვეთ. ვერაფრით მივხვდით რისი იყო. ხან მშობლებს ვკითხეთ, ხან ხეხილის ბაღი მოვინახულეთ, ხან ბროწეულის მარცვლის გვეგონა და ხანაც – ალუბლის კუნწულის.

მალე

ამ ძებნაში სულ ნაირ-ნაირი კურკები აღმოვაჩინეთ. თურმე ზოგს დიდრონი, ბურთივით მრგვალი კურკა ჰქონია, ზოგს კი ერთი ციცქნა, ხორბლის მარცვალზე პატარა, ზოგს სრიალა, ზოგსაც ხორხოშელა და ხვეულებიანი. მთავარია ძალიან გინდოდეს და საწადელს მუდამ მიაღწევ...

იმდენი ვეძებეთ... და ლამის იმედი რომ გადაგვეწურა, სწორედ მაშინ ვიპოვეთ! რომ იცოდეთ, რისი ყოფილა... რისი კურკაა? ნინო ჯიჯავაძე ილუსტრატორი: ნინო ჯიჯავაძე ასაკი: 2-5 გვერდები: 48 ფორმატი: 27x27

როგორ გავხდეთ დრაკონივით ყოჩაღი აუ! აუ! როგორ მტკივა! ყური უგდე ამ კვნესას. გამოქვაბულის ბინადარ პატარა დრაკონს კბილი აწუხებს – და არც კი იცის, რომ მალე მასზე თითისტოლა, მაგრამ შეუპოვარი პრინცესა იზრუნებს.

მალე

აბა, აბა, პატარა დრაკონო! დროა, კბილის პასტა და ჯაგრისი მოიმარჯვო და საქმეს შევუდგეთ... ასე და ამგვარად, ჩვენი პატარა, მტირალა, ჭუჭყიანი მეგობარი ბეჯით და დამჯერ დრაკონად გადაიქცევა!

გინდა დრაკონთან ერთად შენც ისწავლო ჯანსაღი ცხოვრების წესები? ჰოო? მაშ, ყური ვუგდოთ პატარა პრინცესას...

როგორ გავხდეთ დრაკონივით ყოჩაღი სტეფანკა სეკანინოვა ილუსტრატორი: ვერონიკა ზაქაროვა მთარგმნელი: ანა აბელიანი ასაკი: 3+ გვერდები: 24 ფორმატი: 24x24

მიმბო-ჯიმბო მეგობარს სტუმრობს ვინ არიან ის საუკეთესო მეგობრები, რომლებსაც შეუძლიათ შორს, უცხო ქვეყანაში, შემოდგომის ერთ მშვენიერ დღეს პატარა გოგონას სტუმრად ეწვიონ? ესენი არიან მიმბო-ჯიმბო და მუმბო-ჯუმბო! ჩვენ უნდა წავიდეთ საცურაო აუზზე, შემდეგ მუზეუმში და ბოლოს ველური წაბლი შევაგროვოთ. ჰმ? იცოდი, რომ წაბლისგან სათამაშო დეკორაციების აწყობა შეიძლებოდა?! ვიდრე ეს ფერადი წიგნი არ გადავშალე, წარმოდგენაც არ მქონდა ამის შესახებ.

გაჰყევი ცისფერ, საყვარელ სპილუკას ჯადოსნურ თავგადასავლებში სამოგზაუროდ და ზუსტად ვიცი, რომ ეს მხიარული სპლიყვი აუცილებლად შეგიყვარდება! მიმბო-ჯიმბო მეგობარს სტუმრობს იაკობ მარტინ სტრიდი ილუსტრატორი: იაკობ მარტინ სტრიდი მთარგმნელი: თამარ კაკუბავა ასაკი: 2-5 გვერდები: 64 ფორმატი: 20x20 ფასი: 15.50

მიმბო-ჯიმბო ხელოვნების ნიმუშს ქმნის დღეს მიმბო-ჯიმბომ ხელოვნების ნიმუში უნდა შექმნას. მან უნდა გამოიყენოს საღებავები, ჩოგბურთის ჩოგანი, ზარბაზანი და მუმბოჯუმბო. ეს ძალიან რთულია. ჰმ... ხატავს, მაგრამ საკუთარი ნახატი თავადვე არ მოსწონს! დადის და ფიქრობს, რა აკლია… უცებ, ბანანის ქერქზე აუცურდება ფეხი და იდეაც გაუჩნდება!

გაინტერესებს, რას მოიფიქრებს? გადაშალე ეს ფერადი წიგნი და ნახე, როგორ შექმნის მიმბო-ჯიმბო ხელოვნების ნიმუშს.

მიმბო-ჯიმბო ხელოვნების ნიმუშს ქმნის იაკობ მარტინ სტრიდი ილუსტრატორი: იაკობ მარტინ სტრიდი მთარგმნელი: თამარ კაკუბავა ასაკი: 2-5 გვერდები: 64 ფორმატი: 20x20 ფასი: 15.50

მოდი, ერთად დავითვალოთ სინამდვილეში ეს წიგნი არ გვასწავლის მხოლოდ დათვლას. ეს არის წიგნი-თავსატეხი, რომელშიც შეგიძლია სრულიად განსხვავებული პროფესიის ადამიანები აღმოაჩინო: ადვოკატი, რევიზორი, ფსიქოლოგი, ინტერიერის დიზაინერი, წიგნების გამომცემელი, თვალის ექიმი, მეზღაპრე, მწერალი, მუსიკოსი, მიჰყვე მათ ცხოვრებას, გაიაზრო მათი განცდები და მიხვდე, რომ ბევრის ამბავი ერთიმეორეს უკავშირდება. მაგალითად, როგორ შეიძლება ყველა ეს ადამიანი ზრუნავდეს გარემოზე, ზრუნავდეს ბიბლიოთეკაში შესულ შეზღუდული შესაძლებლობის მქონე პირზე. როგორ შეიძლება, ეს სრულიად განსხვავებული ადამიანები ერთსა და იმავე გარემოში იყვნენ და რეალურად სრულიად განსხვავებული შეხედულებები ჰქონდეთ, განსხვავებულად ეცვათ და განსხვავებულად ფიქრობდნენ.

თუკი ცნობისმოყვარეობა დაგძლევს, თუკი დაკვირვებული მკითხველი ხარ, თუკი თავსატეხები გიზიდავს და ამ პაწია ამბებს გულმოდგინედ მიჰყვები, საკუთარ თავსაც აღმოაჩენ და ისე შეგიყვარდება ეს წიგნი, რომ ყველა თანატოლს ურჩევ მის წაკითხვას. მოდი, ერთად დავითვალოთ კრისტინ როშიფტე ილუსტრატორი: კრისტინ როშიფტე მთარგმნელი: თამარ კვიჟინაძე ასაკი: 4-8 გვერდები: 56 ფორმატი: 24,5x33,8 ფასი: 25.00

ლიტერატურული პრემია „საბას“ 2020

ალჟირელ მეკობრეთა ტყვე

წლის გამარჯვებული

ალჟირელმა მეკობრეებმა არც მეტი და არც ნაკლები „დონ კიხოტეს“ ავტორი მიგელ დე სერვანტესი შეიპყრეს. ეს ამბავი ცნობილ მწერალს ბავშვობაში გადახდა და მისი ბიოგრაფი, მკვლევარი ემა ვიგოდსკაიაც სწორედ სერვანტესის ამ ხიფათიან თავგადასავალზე გვიამბობს.

„წლის საუკეთესო ქართული თარგმანის“ ნომინაციაში

ჩემო პატარა მეგობრებო (არა მხოლოდ პატარებო!), ეს წიგნი საგანგებოდ თქვენთვის ვთარგმნე. ემა ვიგოდსკაიას „ალჟირელ მეკობრეთა ტყვე“ მეოცე საუკუნის 30-იან წლებში დაიწერა და ერთერთი საუკეთესო წიგნია დიდი მწერლის – მიგელ დე სერვანტეს საავედრას (1547-1616) რომანტიკულ-ტრაგიკული ცხოვრების შესახებ. ელზა ახვლედიანი

სერვანტესმა ბევრი განსაცდელი გადაიტანა: ბრძოლები, ტყვეობა, წამება, დაცინვა, სიღარიბე, მაგრამ არ გაბოროტებულა. მან მსოფლიოს ყველა დროის მკითხველს დაუტოვა სწორედ ამ სულისკვეთებით გამსჭვალული შედევრი „დონ კიხოტე“. ალჟირელ მეკობრეთა ტყვე ემა ვიგოდსკაია ილუსტრატორი: სოფო კირთაძე მთარგმნელი: ელზა ახვლედიანი ასაკი: 12+ გვერდები: 192 ფორმატი: 16,5x23,5 ფასი: 20