¿Qué son les teunoloxíes disruptives?

Dalgunos exemplos de teunoloxíes disruptives y les sos posibles salíes profesionales

Ciencia y Tecnología

en femenino

Edita: APTE Asociación de Parques Científicos y Teunolóxicos d’España Sede: Parque Tecnológico de Andalucía C/Marie Curie, 35 Campanillas 29590 Málaga (España) Tlf: +34 951 23 13 06 info@apte.org/ www.apte.org El documentu diseñóse usando imáxenes de www.freepik.es creaes Maquetación: Lole Franco González DL: MA 976-2021

2

¿QUÉ SON LES TEUNOLOXÍES DISRUPTIVES? Tamos familiarizaes y familiarizaos col conceutu de teunoloxía, pero ¿qué quier dicir que seya disruptiva? Les teunoloxíes disruptives son cualesquier teunoloxía o anovación que seya quien a dexar anticuaes teunoloxíes anteriores. La imprenta, el ferrocarril, el teléfonu o Internet son exemplos de lo que, nel so momentu, fueron teunoloxíes disruptives.

Usamos el términu disruptivu porque estes teunoloxíes orixinen rotures brusques qu’ocasionen cambios fondos nes nuestres vides y permitennos amás cambiar la forma na que vivimos, trabayamos, pensamos y nos comportamos.

Nesti documentu curtiu queremos amosavos dalgunes de las teunoloxíes nueves que ya tán revolucionando’l mundu: blockchain, big data, intelixencia artificial, 5G, ciberseguridá y computación cuántica.

Amás d’ufiertanos avances bien grandes, estes disciplines van necesitar una bona cantidá de profesionales cualificaes y cualificaos y van crear munches profesiones nueves que tovía nun podemos llegar a predicir. ¿Anímeste a conocer más sobre elles?

Blockchain Primero de nada… ¿qué ye eso de blockchain? El términu blockchain quier dicir “cadena de bloques”. Podíemos dicir que ye una teunoloxía que nos permite almacenar datos de forma tala que ye casi imposible de falsificar.

Dalgo asina como un llibru de cuentes enorme nel que tolos rexistros (los bloques) que facemos tán encriptaos y enllazaos pa protexer la so privacidá y seguridá.

Piensa nuna construcción de bloques de Lego, onde cada bloque ye una operación de blockchain y cada vez que ponemos un bloque nuevu, esti inclúi la información de tolo anterior. Esa información nun puede modificase ni borrase y pa facer un movimientu tienen que lu aprobar tolos participantes de la rede de ‘bloques’.

Por exemplu, la teunoloxía blockchain podía utilizase nos rexistros de salú pa xunilos y almacenalos de forma tala que la historia médica de cada paciente tuviera segura y disponible pa cada médica o médicu autorizáu/ada, independientemente del centru de salú onde s’atendiera al paciente. Práutico, ¿verdá?

42

Blockchain Dalgunes salíes profesionales:

Conocimientu y habilidaes

Consultora o esperta en blockchain: ye un perfil enfocáu a los negocios que s’encarga d’asesorar a les empreses y entidaes sobre cómo pueden aplicar esta teunoloxía p’ameyorar procesos y reducir costos.

Los estudios de programación informática o desarrollu de software son esenciales si quies dedicate a una profesión venceyada col desarrollu de blockchain. Poro, munches y munchos de los profesionales que trabayen nesti ámbitu estudiaron un grau n’inxeniería, informática o telecomunicaciones, o bien son desarrolladores de software con esperiencia.

Desarrolladora en blockchain: ye un puestu más téunicu con conocimientos amplios na teunoloxía que soporta’l blockchain. Ye la persona responsable de diseñar, implementar y dar soporte a una rede basada nesta teunoloxía al traviés de delles etapes de desarrollu y producción.

Arquiteuta en blockchain: otru perfil téunicu que tien conocimientos avanzaos en cadenes de bloques y que s’encarga de verificar los procesos y les identidaes pa qu’operen de manera segura.

Con respeutu a los conocimientos, les y los espertos en blockchain han tener dominiu de dellos llinguaxes de programación que van depender de les necesidaes de cada empresa, amás de conocimientos específicos en software.

3

Big data

Cuando navegamos per Internet, cuando damos un ‘gústame’ nuna rede social, cuando unviamos un vídeu o cuando mercamos online dexamos una buelga al nuestru pasu y vamos xenerando datos. A estos datos que nun paren de medrar y que tienen una complexidá que fai que nun pueda tratalos el software tradicional nomámoslos big data o datos masivos. Amás, el big data fai referencia a les teunoloxíes que se crearon pa poder xestionar esta cantidá tan bultable d’información y pa poder sacar valor d’ello.

Por exemplu, cuando Netflix te recomienda suxerencies de conteníos, ta faciendo usu d’esta teunoloxía pa procesar toles nuestres aiciones na plataforma y en base a ello, apurrinos idees que na mayoría de los casos acierten colos nuestros gustos, ¿verdá? Los relós intelixentes tamién faen usu del big data cuando rexistren los nuestros pasos y el ritmu cardiacu, suben a la rede estos datos y pueden recomendanos actividaes físiques y vezos saludables comparando la información de millones de persones usuaries.

64

Big data Dalgunes salíes profesionales:

Conocimientu y habilidaes

Analista de datos: ye la responsable de procesar y facer análisis estadísticos de datos. El so trabayu permite-y descubrir cómo se pueden usar esos datos, sacar conclusiones y resolver problemes que se presenten nuna organización.

Si t’atrái esti campu, yá hai dalgunes universidaes que tán empezando a ufiertar los primeros graos universitarios en big data. Otra opción ye apostar por un grau en matemátiques, informática o dalguna inxeniería y depués especializate con un máster o un cursu nesta temática.

Inxeniera de datos: encárgase de dirixir el diseñu y la implementación de soluciones pa xestionar volúmenes grandes de datos en función de les necesidaes de cada empresa. La diferencia col/cola analista ye que los datos colos que trabaya son muncho mayores.

Científica de datos: esplora y esamina de forma más fonda los datos y desarrolla métodos analíticos novedosos con algoritmos matemáticos complexos, basaos en programación estadística. Amás, tresforma tolos datos obteníos n’información útil y estructurada qu’ayuda a la toma de decisiones y al establecimientu d’estratexes d’un negociu.

Les profesiones venceyaes col big data demanden perfiles con conocimientos en matemátiques, estadística, análisis de datos, llinguaxes de programación y ferramientes como Spark, Hadoop, Cloudera, Python y intelixencia de negociu.

Direutora de datos: ye la responsable máxima de los datos d’una empresa. Ente les sos funciones ta definir los planes de seguridá pa xestionar y almacenar los datos, tán les polítiques de privacidá, y ta mantenese al día cola regulación que marquen les lleis de cada país.

Arquiteuta de datos: la so función ye velar pol bon funcionamientu de les plataformes y el hardware que contienen los datos. Pa ello, tien que ser una persona formada tanto en programación y hardware como en ciberseguridá, porque garantizar la protección de los datos tamién ta ente les sos funciones.

5

Intelixencia artificial

¿Máquines que piensen como seres humanos?

Suena a dalgo del futuru. Sicasí, esto ta empezando a ser mui real. La intelixencia artificial ye’l campu científicu de la informática que se dedica a la creación de programes, mecanismos o máquines capaces de pensar y razonar pela so cuenta.

La intelixencia artificial fizo posible que yá en 1997 un ordenador fuera quien a gana-y una partida d’axedrez al meyor xugador de la historia, el rusu Gary Kaspárov. Esta teunoloxía nun para de desarrollase y al imitar el comportamientu humanu va permitir posibilidaes infinites. Va poder utilizase para guiar coches autónomos, pa reconocer cares, pa interpretar fotos…

86

Intelixencia artificial

Dalgunes salíes profesionales:

Conocimientu y habilidaes

Especialista n’intelixencia artificial: alcontramos dos rames: los perfiles más téunicos, que s’encarguen de diseñar y desarrollar modelos algorítmicos complexos pa resolver tou tipu de problemes d’optimización; y los más averaos a los negocios, qu’apurren aplicaciones reales nuna industria concreta.

La intelixencia artificial ye un cóctel de disciplines y aplicaciones. La demanda d’estos profesionales ye tan novedosa que lo meyor ye tener una bona combinación de conocimientos STEM (Ciencia, Teunoloxía, Inxeniería y Matemátiques), especialmente formación avanzada en matemátiques y dominar llinguaxes de programación.

Esperta en machine learning: trátase d’inxenieres capaces d’aportar los recursos, algoritmos y programes necesarios pa que la intelixencia artificial funcione y seya efeutiva. Trabayen mui de cerca con analistes de datos y son les y los profesionales más escasos y difíciles d’incorporar a les empreses.

Consultora PLN (procesamientu del llinguaxe natural): el procesamientu del llinguaxe natural o PLN estudia les interaiciones ente les computadores y el llinguaxe humanu. La interpretación d’esti llinguaxe ye un aspeutu fundamental nel campu de la intelixencia artificial, yá que los dispositivos que tienen esta teunoloxía evolucionen a partir de meyores nesti ámbitu concretu del sector. Poro, ye importante qu’haya profesionales capaces d’interpretalo.

Los graos de la rama de ciencies como matemátiques, física o inxenieríes téuniques (informática, industrial o de telecomunicaciones) son los más recomendables pa orientar el to camín a una futura formación n’intelixencia artificial.

7

5G

Seguro que yá sentisti falar del 5G, ¿pero pa qué va valir esautamente?

Podíemos dicir que cualesquier cosa que faigamos agora colos nuestros móviles vamos poder facela meyor y más rápido gracies al 5G. Esta teunoloxía ye la quinta xeneración de conectividá internet móvil que promete descargues muncho más rápides, una cobertura amplia y conexones más estables.

La implantación del 5G va cambiar la manera de comunicanos y va posibilitar qu’oxetos cotidianos, dende la nevera hasta los coches, puedan coneutase (con nós y ente ellos) en tiempu real. Tamién que se puedan facer intervenciones quirúrxiques teleasistíes dende cualesquier llugar o que los drones puedan cooperar ente ellos para llevar alantre misiones de busca y rescate. Suena bien, ¿verdá?

10 8

5G

Dalgunes salíes profesionales:

Conocimientu y habilidaes

Especialista en procesos: permite la planificación, la instalación, el mantenimientu y la puesta en marcha de la infraestructura de les redes 5G y los equipos d’interconexón que residen nos centros de datos.

Esti tipu de profesional necesita conocimientos sobre sistemes microinformáticos y redes, instalaciones eléctriques y automátiques, y sobre telecomunicaciones que pueden adquirir al traviés de ciclos formativos de Formación Profesional.

Desarrolladora d’aplicaciones de realidá virtual o aumentada: trabaya tanto en móvil como na rede creando conteníos 3D, eSports qu’aprovechen les carauterístiques nueves del 5G. Amás, alcontramos especialistes n’Internet de les coses (IoT), en sistemes industriales conectaos con 5G y n’automoción.

Amás, otros estudios aconseyables son carreres d’inxeniería de software, inxeniería informática y de telecomunicaciones. Tamién ye posible especializase en dalgún de los másteres y cursos en 5G que tán apaeciendo.

9

Ciberseguridá

¿A que sentisti falar de ciberataques o de ciberdelincuentes? Anguaño facemos munches xeres n’Internet, como mercar, poner los nuestros datos nuna plataforma, publicar conteníu en redes sociales o comunicanos coles nuestres amistaes.

Cuando facemos estes aiciones tamién tamos esponiéndonos a bien de peligros. Poro, la ciberseguridá ye agora más importante que nunca, yá que s’encarga d’asegurar la seguridá informática de les persones usuaries, pero tamién la de los gobiernos y les empreses grandes y pequeñes, al traviés de ferramientes y programes colos que podemos protexenos d’estos ataques.

12 10

Ciberseguridá Dalgunes salíes profesionales:

Conocimientu y habilidaes

Esperta en seguridá informática: ye la encargada de la privacidá y la proteición de datos de les empreses pa facer frente a los ciberataques. Trátase d’una persona especialista en seguridá informática con conocimientos fondos nel ámbitu.

Si t’interesa’l mundu de la ciberseguridá, estudiar un grau n’inxeniería informática o de telecomunicaciones puede date unos conocimientos sólidos y ye una garantía énte les empreses que busquen estos perfiles. Si más alantre t’especialices con un máster de ciberseguridá, va posicionate con un perfil mui atractivu pa entamar una carrera profesional nun sector con una demanda alta.

Hacker éticu/a: busca los fallos de seguridá de los sistemes informáticos de les empreses pa que, asina, puedan tomase midíes y igualos cuanto primero. Son perfiles mui demandaos en bancos y multinacionales.

Consultora de seguridá informática: supervisa y asesora sobre les midíes de ciberseguridá que necesita una empresa pa protexer tanto los sos bienes como a les y los sos veceros.

Alministradora de seguridá de rede: ye responsable de los sistemes de recuperación de datos en casu de error nel sistema. Fai de forma periódica copies de seguridá.

Analista de seguridá: esti perfil adiestra a los equipos en materia de seguridá, previén riesgos y controla la implementación de sistemes de seguridá nel negociu.

Tamién puedes aniciate nesti campu al traviés d’un ciclu de grau medio o superior de Formación Profesional de la familia de la informática y les comunicaciones.

Analista de malware: encárgase d’analizar cualesquier posible amenaza en forma de software maliciosu como troyanos, guxanos, bots o cualesquier otru tipu de peligru informáticu. En casu d’infeición, ye la persona que se coordina col restu de profesionales de seguridá de la empresa pa trazar un plan d’aición.

11

Computació quàntica

La computación cuántica, amás de paecer cosa de maxa, postúlase como una de les teunoloxíes más revolucionaries de la humanidá. Sicasí, hasta’l términu suena un tanto complicáu, conque vamos aclaralu.

Tolos nuestros ordenadores funcionen colos llamaos bits que se basen nun llinguaxe informáticu al traviés de valores de 0 o 1. Por embargu, los ordenadores cuánticos funcionen colos llamaos qubits, un conceutu complexu que vien de la física cuántica y básense n’otru tipu de llinguaxe informáticu compuestu por combinaciones de 0,1, dambos al empar, o valores intermedios.

Polo tanto, la computación cuántica ye una forma distinta de facer computación que fai qu’estos ordenadores tengan muncha más potencia de cálculu que los ordenadores tradicionales.

Colos ordenadores cuánticos podíemos facer operaciones complexes qu’inclusive diben permitir facer predicciones venceyaes con fenómenos atmosféricos, con cotizaciones en bolsa, col desarrollu de medicamentos nuevos, etc. Anque’l potencial d’esta teunoloxía ye enorme, tovía tamos namás al principiu d’esta carrera prometedora. ¿Por qué nun ser parte entós d’esta gran revolución que va necesitar munches y muchos profesionales que seyan quien a facela posible?

14 12

Computació quàntica

Dalgunes salíes profesionales:

Conocimientu y habilidaes

Tovía nun podemos atrevenos a falar d’una profesión concreta enfocada nesti campu; sicasí, anguaño yá hai una demanda amplia d’analistes o investigadores n’algoritmos cuánticos y na so aplicación a problemes práuticos.

Nun hai un camín únicu pa entrar a esti campu profesional y, en realidá, nun tien por qué ser al traviés de la universidá. Por embargu, sí va ser recomendable llegar a esta teunoloxía dende estudios de física, matemátiques y inxeniería informática y de telecomunicaciones que pueden completase con un máster en computación cuántica.

Lo que paez evidente ye que formase en computación cuántica ye una apuesta ganadora. Na actualidá, centros d’investigación y empreses compiten pa consiguir el talentu disponible, pero resúlta-yos complicao porque escaseen les persones cola formación adecuada.

Los tres pilares d’una formación en computación cuántica son: la mecánica cuántica, la matemática de los sistemes cuánticos y l’algoritmia. Poro, ye fundamental adquirir una base sólida en programación y algoritmia enantes d’empezar a estudiar fundamentos de computación.

Por exemplu, aprender Python o otru llinguaxe de programación.

13

¿Sabíes que...?

Google xestiona más de 40.000 búsquedes per segundu, les persones usuaries d’Instagram faen 95 millones de publicaciones cada día y LinkedIn recibe más de 4.200.000 solicitúes de puestos de trabayu a la hora.

En 1999 les computadores de la NASA tuvieron 21 díes ensin funcionar por mor d’un ataque d’un hacker. El responsable foi Jonathan James, un rapaz de 15 años que tamién hackeó El Pentágonu.

A Alba Cervera, física y investigadora española esperta en computación cuántica reconociéronla colos IBM Awards en 2018, premios qu’otorga la empresa IBM y nos que compiten científiques y científicos de tol mundu p’avanzar nesta teunoloxía.

16 14

La teunoloxía 5G permitió qu’en 2019 se llevara alantre la primer intervención quirúrxica a distancia de la historia demientres la celebración del Mobile World Congress (MWC en Barcelona).

Los entamos del blockchain remóntense a 2008 col nacimientu del Bitcoin, la moneda virtual. La identidá impulsora d’esta teunoloxía conozse pol nomatu de Satoshi Nakamoto, pero nun sabemos si ye real o ficticia.

La física Teresa de Pedro foi precursora d’ún de los primeros sistemes d’intelixencia artificial nel nuestru país.

Tamién dirixó’l programa Autopía, nel que se consiguió’l primer vehículu autónomu español nos años 90.

15

Esti documentu forma parte de la iniciativa Ciencia y Teunoloxía en femenín impulsada por APTE (Asociación de Parques Científicos y Teunolóxicos d’España), que tien como oxetivu llograr qu’aumente’l porcentaxe d’alumnes qu’escueyen la especialidá de ciencies o teunoloxía n’Educación Secundaria y opten depués por estudios STEM, acrónimu n’inglés de: Ciencia, Teunoloxía, Inxeniería y Matemátiques.

La guía foi ellaborada en collaboración cola Plataforma Teunolóxica Española de Teunoloxíes Disruptives (DISRUPTIVE) secretariada por APTE y apoyada pol Ministeriu de Ciencia y Innovación al traviés de l’Axencia Estatal d’Investigación, y que promueve la tresformación dixital de les entidaes españoles, abarcando l’ámbitu de les teunoloxíes dixitales más disruptives. Ye por ello, qu’esti documentu tien como oxetivu visibilizar les 5 teunoloxíes nes que s’enfoca la plataforma, amás d’aportar dalgunos exemplos de posibles salies profesionales venceyaes con estos ámbitos.

Dende APTE consideramos que los parques científicos y teunolóxicos pueden contribuir en gran midida al aumentu de la presencia femenina n’estudios y profesiones del ámbitu dixital, pegoyu básicu pa la competitividá del nuestru país.

16

@cytfemenino @STEMfemenino

#STEMfemenino

cytfemenino www.apte.org/ciencia-tecnologia-en-femenino

19

Cola collaboración de:

Plataforma Tecnológica Española de Tecnologías Disruptivas Con financiación de:

20