Dih kriol man

Dih Kriol Man

Dih Kriol Man Comité técnico administrativo proyecto Adel Christopher Livingston, Coordinador Sally Flores Corpus, Revisión de Edición Anez Flórez Corpus, Diseño Visual.

Irma Bermudez Davis, Asesor Administrativo Speshal tangs tuh: Jack James Humphries Eduardo Lunazzi, Editorial Welcome

1

FORS CHAPTA DIS DAH WII (WII LUK LAIK SO)

KANTENT 1.

2.

3.

4.

5.

Tof Hed Uoglyman Di Lang Tong Uman Layadberto Wat a Seshan

WAN IINA KRIOL wii kyaah put dong wat dah h wih ahn tekop h sombady els

Ah udah waah diskraib som a di nietiv raizal piipl iina dis fors chapta; Ah huop unu no go get beks wid mi, bot demya dah som a di karakteristik dem weh wii gat; som a wih hed tof, wehn wi taak bout tof hed Ah miin di naty hier weh deh pahn wi hed, iina dis situeshan  wi pierens dem weh waah dem piknini tek wan man or wan uman wid strieet hier ahn klier skin  bring op di kola ahn di hier, bikaah wehn di hier wehn uova tof dem yuuztu putiin alizer or hat kuom bikaaz dem wehn shieem a dem tof hier; bot nou tings chienj, now dah wan stail  gat tof hier ahn no kuom ih.

Di tof hed man miit di uogly man weh marid tu di lang tong uman, som a wi no so uogly yo nuo; wi es ongl spail wan likl bit, bot bay wi kola, di fakshan a wi es ahn wih hier dem kaal wih uoglyman.

Uoglyman get’iin a plenty problem sieka ihn waif “DIH LANG TONG UMAN” bikaaz dis uman no stap dih seh seh seh, deh goh seh seh piipl seh wehn nombady neva seh ahn Layadberto, no taak bout him ataal, ihn layad ahn weh daag waak bier fut; aal ihn du dah tel lay ahn wat lay du, dah mek seshan, WAT A SESHAN. NO TEK DI BUK BAY DI KOVA

4

FORS CHAPTA - DIS DAH WII

Tof Hed

Dah so tof yo hed soh tof Dah so ruol-op ih ruol-op, Dah di mem blak pepa grien Yo no kuom ih wat a shiem.

Laik dehn gaan iina yo huom Ahn sombadi tiif yo kuom, Bwai go get wan kuom  baara Kuom yo hier bifuor tumaara.

Unuh laik deh kom dah skuul Wid dih hier iina wan mes, Unu no obie non ruul Unu get aan laik dih res.

Mi seh bwai go kuom yo hier Ahn goh tek aaf di doty hat, Mi seh bwai, gwaan fahn hier Wid yo brilo  blak pat.

5

1

2

FORS CHAPTA - DIS DAH WII

Di Lang Tong Uman

Dah how yo tong so lang Dah how ih kyahn strech so, Aal yo du dah mek prablem Faas wid aal di pipl dem.

Yo gaan seh, seh pipl seh Wehn nombady neva seh,

Uman stap di seh seh seh Noh go seh seh pipl seh,

Wat a tong yo gat mi gyal Aal yo du dah mek skyandal.

Weh nombady neva seh.

Uman ruol bak op yo tong Put’ih rait bak weh ih ď€ go, Bikaaz wid yo tong put dong Tings wih go beta wid yo.

6

FORS CHAPTA - DIS DAH WII

Uoglyman If dehn kaal mi uogly man Dah bikaaz mi es mek so, Wan ting Ah noh aandastan How dih hel Ah uogly so.

Dehn seh mi nuoz tuu at Laik ih biga ahn mi es, Seh ih luk laik wan big pat Ahn Ah uogly til mi wies.

Dehn seh mi mout tuu big Yuu kyaahn tel mii dat mi fren Dehn seh Ah eva wan pig, Bot Ah noh liv iina wan pen.

Dah how yo lip soh lang?

Laik dah  trii a unuh, Ah gwain kount dem wan bay wan Bacha, Rako ahn Stunu.

Bot if Ah uogly outsaid Ah gat wan ting h tel yo, Di pritinis deh iinsaid Bikaaz di gud Laad mek mi so.

7

3

4

FORS CHAPTA - DIS DAH WII

Layadberto Ah gwain tel unu bout wan bwai Weh deh goh dah Rancho Skuul, Aal a unu gwain nuo way Layadberto brok ahn fuul.

Dah how yo layad so Bwai ahn yo no gat non shiem, Bwai eny paat yo go Layadberto dah yo niem.

Layadberto dah yo niem Bikaaz how yo laik tel lay, Ahn now yo gat bad ď€ em Wen yo seh ih bail, ih fray.

Layadberto weh yo gwain?

Ah gwain go luk wan spuun, Yo deh get out a yo mayn Layadberto mad fahn suun.

Layadberto weh yo deh?

Ah deh kaal yo chruu di fuon, Wid wan prity gyal weh seh Ihn gwain kermi go liv huom.

Layadberto stap tel lay Stap tel lay weh paat yo go, Wat letgo yo seh ih tay Pipl no deh biliiv yo.

Layad pipl no si God So yo hafy stap tel lay, Layadberto stap layad Afta yo laaf yo gwain cray.

8

FORS CHAPTA - DIS DAH WII

Wat Ah Seshan Gud maanin Mis Jinuoba Tank God Ah fain yo hous; Gud seh Ah fain yo suoba Bot yo eva Miky Mouz.

Dis owa a di maanin Uman tel mi weh yo waah; laik yo no gat non laanin ahn mi hel ahn yo smel raa.

Dem seh yo tek mi hosban Ahn gaan wid im haas ries; ihn dah no di only man Mek Ah tel yo tu yo es.

Wel mi ongl kom  taak Ahn du ih iina diskreshan; Mii kom tek yo out’a dih daak Pliis no ton dis wan seshan.

Mii no waah yo uogly man Yo no si ihn eva haas; Ih luk laik pahn dis lan Ongl may wel gat’iin maas.

Uman kom ahn hier di chruut Mii no gat non taim  wies; Yo man deh go lang wid Ruut Weh gat hosban ahn bier es.

Mek mi tel yo somting fren Mek dis taakin don rait yah; Mek dis problem kom tu a ehn No go get bon wid faiya.

9

5

2

SEKANT CHAPTA DIS DAH FIH WIH

KANTENT 6. Di Kriol Man 7. Mada Tong 8. English/kriol 9. Dem Seh 10. Dat Dah Fi Wih 11. Aal A Wih Dah Wan 12. Kriol Kampieen 13. Uova Di Lan 14. Pipl Weh Deh Rait Kriol

WAN IHNA KRIOL Langwij dah laik yuh blod yuh kyaah liv witout ih

Di mien porpos a dis buk dah  rikonaiz seh  wi mada tong dah KRIOL ahn wih no waah ih ded ahn disapier aafa dih lan, KRIOL dah di esens a h wi langwij; wii hafy laan  distingwish dih tuu a dem, piipl hafy nuo seh English dah English ahn KRIOL dah KRIOL, mek wi bil’op wat dah  wi, mek wi yunait laik wan, mek di piipl dem si seh AAL A WI DAH WAN. Eny how piipl hafy andastan seh KRIOL dah KRIOL ahn ENGLISH is ENGLISH; unu luk pahn dis buk, dehn unu riid di poem dem.

We is in English, wii dah KRIOL; talk is also English, taak iina KRIOL; soh wii  seh: WII TAAK KRIOL.

12

SEKANT CHAPTA - DIS DAH FIH WIH

Di Kriol Man Mii dah di kriol man Mi kyahn taak ahn andastan, Unu lisn evry wan Taak kriol pahn  mi lan. kriol dah  mi langwij Dah  mi, mii baan wid ih, Ih deh iina mih blod, deh iina mi skin Mi kyahn taak ih ahn sing ih.

Mi no shiem a  mi langwij Dah  mi, mii baan wid ih, Dehn seh mii kyaahn taak English Bot kriol, dat dah  mi.

Dat dah dat sed Paleh Yo beta nuo di gyal dehn seh, Mii kyahn taak, mii kyahn andastan Bikaaz mii dah di kriol man.

13

6

7

SEKANT CHAPTA - DIS DAH FIH WIH

Mada Tong!

Fi wi langwij mek wi taak Mek di pipl dem hier wih; Fram di wes, iis, sout ahn naat Mek wi taak ih, mek dem si.

Pipl h wi langwij hiet Dehn no laik taak’ih ataal; Mek Ah tel yo somting, griet Fi wi langwij fos af aal.

Mada tong, yuu dah  mi Ah gwaIn ker yo evry wie; Barik, Hil ahn Batlaly Kiejan Kaal ahn Jinybie.

Ailandaz unu taak ih now; Dah yo langwij San Andres Out’ah aal di langwij dem Mada tong yuu dah di bes.

Mada tong yuu dah di bes Wi  taak yo pahn wi lan; Evrybady San Andres Fi wih mada tong dah wan.

Celebriet wi mada tong Wi deh taak’ih fahn wi baan; Bring wan big pat a rondong Piipl kom mek wih get aan.

14

SEKANT CHAPTA - DIS DAH FIH WIH

English/kriol Writing a verse in English Fih wii riidy iina kriol; We have to know to distinguish Hou di leta dem wan ruol.

Words in English write in English Fi wi langwij dah kriol; Speak them please do not be selsh Taak’ih til unu get uol.

Wi  taak iina wi langwij Raizal should not be ashamed; Dis dah  wi big advaantij The two of them are not the same.

15

8

9

SEKANT CHAPTA - DIS DAH FIH WIH

Dehn Seh

Dehn seh mi tong deh ded Wan dakta tek mi kies, Ah faal iina mi bed Wid saro pahn mi es.

Di daktah gi mi wan triitment Fi taak ten taim a die, Ahn no gat di muoment Fi taak’ih evry wie.

Kriol dah  mi langwij Yeesa, mi mada tong, Ahn mii gat aal dih advaantij Fi taak ih op ahn dong.

Kriol dah  mi koltyo Kriol iina mi blod, No stamp pan  mi langwij Nar dash’ih iina dih mod.

16

SEKANT CHAPTA - DIS DAH FIH WIH

Dat Dah Fih Wih Unu pipl weh deh riid Fi wi langwij plaant laik siid; Unu lisn pahn somting Mek wih bil’op  wi ting.

No gat non taim  taak Eny paat weh wi deh waak; Fi wi langwij mek dem hier Ef dah ivn hier or dier.

Fi wi langwij dah kriol Ef yo ivn yong or uol; Unu taak’ih pahn di spat Taak’ih bikaaz dat dah dat.

17

10

11

SEKANT CHAPTA - DIS DAH FIH WIH

Aal a Wi Dah Wan Aal a wi dah wan Wi  luk out h wi lan; Aal a wi dah wan Uman dah uman Ahn man dah man.

Aal a wi dah wan No kiah weh paat yo kom fram; Blak man yo dah afrikan Uman dah uman Ahn man dah man.

Aal a wi dah wan Evry bady lif dem dehn han; Blak man, bluu or porpl man Uman dah uman Ahn man dah man.

Aal a wi dah wan Blak man, bluu or porpl man; Noh kiah weh paat yoh kom fram Uman dah uman Ahn man dah man.

18

SEKANT CHAPTA - DIS DAH FIH WIH

Mek wi mek wan big kampien Evry bady taak Kriol; Memba wii no kom fahn Spien Afrikan di blak man suol.

Yes, Kriol dah  wi strent Dah wi blod deh ron chruu vien; So kom’aan ahn stap invent Taak Kriol dah di kampien.

Pipl fahn outsaid waah laan Ahn ailandaz shiem  taak; Mek dem nuo weh paat wii baan Kriol eny paat wi waak.

Kriol -kampien 19

12

13

SEKANT CHAPTA - DIS DAH FIH WIH

Uova Di Lan Fi wi langwij mek wi taak Mek di pipl dem hier wi; Wes, iis, sout ahn naat Mek wi taak’ih, mek dem si.

Mada tong, yuu dah  mi Ah gwain ker yo evry wie; Barik, hil ahn Batlaly Kiejan kaal ahn jinybie.

Sient-andrwan taak’ih nou; Dah yo langwij San Andres Out’ah aal di langwij dem Madah tong yo dah di bes.

Piipl aal uova di lan Memba  lif’op wih han, Ahn wi hafy andastan seh  wi langwij dah wan.

20

SEKANT CHAPTA - DIS DAH FIH WIH

Pipl Weh Deh Rait Kriol

Unu weh deh rait kriol

Unu no pieh main tu a suol; Unu stan op pahn may said Dem kyahn ron bot dem kyaahn haid.

Fi wi kriol elegant Wii no dobl konsonant; Hapy rait wid wan “P” Kom ahn si hou yo rait sii.

No go miksy wid English Foul dah foul ahn sh dah sh; Ongl som words rait di siem Iina kriol name dah niem.

Ahn di sounin a di iech Hat ahn hous, hapy ahn haal; Som pipl deh yuuz “j” Bot dat no  rait so ataal.

21

14

3

TORD CHAPTA

KANTENT 1.Di Bos 2.Kom Go Dah Skuul 3.Pikniny Unu Hier 4.Di Naasty Gyal 5.Rimemba 6.Pierens Dah Pikniny Ahn Pikniny Dah Pierens 7.Watch Out Wi Deh Wash Out

WI NO FI STIE SO

WAN IINA KRIOL Langwij dah koltyo koltyo dah aidentity

Wan suoshal problem weh gat wi saaf, dah di pikniny dem weh no waah stody ahn dih (PPPL) Pail ah Piipl Pahn dih Lan, bikaaz pikniny deh gat pikniny ahn deh tek’op rispansability weh dehn kyaahn ker, now pikniny dah pierens; dih govament hafy si how dem kyahn saav dis big problem. Wih hafy rimemba weh paat wih kom fram  wi kyahn nuo weh paat wi gwain, wi hafy watch out bikaaz wi blod ahn wi taikl dem deh wash out; wi hafy luk wan wie  kiip’op  wi aidentity, di laas ting unu pikniny unu no go du laik di naasty gyal, unu get op out ah dih bed, 24

TORD CHAPTA - WIH NOH FIH STIEE SOH

Di Bos

Ah hapop pahn wan bos Ah wehn waah go pahn di hil, Bot Ah neva gat a daim Nat ivn wan peso bil.

“la plata” di shuofa tel mi Ah wehn shiem di bos wehn ful, Ahn Ah du laik dah neva mii Di shuofa wehn deh taak tu. “la plata” di shuofa ripiit Bifuor Ah get dah di siit, Aal Ah kuda du dah smail Ahn tel di shuofa wiet a wail.

Ah hapop pahn wan bos Ah wehn waah goh pahn di hil, Bot Ah neva gat a daim Nat ivn wan peso bil.

25

15

16

TORD CHAPTA - WIH NOH FIH STIEE SOH

Kom Go Dah Skuul

Bwai getop kom go dah skuul Bwai get’op out’ah di bed, Son yo hafy stap bii fuul Put somting iina yo hed.

San Andres dah no di siem Bwai go pripier yo self, Ef son hat or ef ih rien Tek yo buk aaf a di shelf.

Yo  go dah skuul go laan Fi bii somting iina laif, Yo no  go get’aan Main yo get kot wid di naif.

Pie atenshan iina klaas Ahn du aal yo huom-work dem, Trai  bii fos plies, no laas Laan  kount fahn wan tu ten.

Evrybady go dah skuul Laan di lesn wan bay wan, Go dah skuul ahn tek tings kuul Kom  bii wan diisant man.

26

TORD CHAPTA - WIH NOH FIH STIEE SOH

Pikniny Unu Hier?

Weh deh hapm now a diez Plenty tings deh out a han; Pikniny dem gat bad wiez Now di bwai dem waah plie man.

Dem no gat manaaz ataal Aal a dem shaat a rispek; Pikniny atenshan kaal Tings no gwain gud, wat a rek!

Pikniny wid pikniny Dem no don stody dah skuul;

Pikniny unu bihiev

Dem get mash’op ahn skiny

No du weh unu noh  du;

Unu gyal no bii so fuul.

Unu stap aal di bad wiez Ahn fahn now unu bihiev gud.

Pikniny unu stap get’aan Memba unu  tek kier; Memba seh yo pie  laan Unu gat iez huol  hier.

27

17

18

TORD CHAPTA - WIH NOH FIH STIEE SOH

Di Naasty Gyal?

Dis poem weh Ah jos don rait Bout wan gyal weh fried  waata; Fahn dah maanin ontil nait Dah wan uman naasty daata.

Ihn gat plenty diez no bied Wash ihn mout nar kuom ihn hier; Yo kyahn si seh dis gyal fried No waah waata no weh nier.

Tel mi way ihn fried  waata Dis yo hafy andastan; Dah bikaaz dis Uman daata Deh liv wid wan naasty man.

28

TORD CHAPTA - WIH NOH FIH STIEE SOH

19

Ah Wanda Ef Yuu Rimemba Ah wanda ef yuu rimemba Sirios, weh paat yo kom fram; No bii “neva si kom si” Blak man yo dah afrikan.

Raizal piipl wii dah wan Memba weh paat wih kom fram; Wan ting ef yo dah blak man No dout, yo dah afrikan.

Ah wanda ef yuu rimemba Weh dih blak man dem kom fram; Fahn January til December Blak man yo dah afrikan.

29

20

TORD CHAPTA - WIH NOH FIH STIEE SOH

Pierens Dah Pikniny Ahn Pikniny Dah Pierens Plenty tings deh out’ah han Mek Ah tel yo breda man; Tumoch piipl pahn di lan Wi no gat non privenshan.

Dis dah wan bom suun ekspluor Aal di ailant ful a suor; Dah no wan, tuu, trii nar fuor Dem dah plenty, plenty muor.

Pikniny deh gat pikniny Pikniny dah pierens now; Ahn pierens dah pikniny Wii dah niida haas nar kow.

30

TORD CHAPTA - WIH NOH FIH STIEE SOH

Watch Out Wih Deh Wash Out !!

Unu piipl les tek kier Aal wi niem deh disapier Taikl dah noh kluoz h wier Di Christopher ahn Pomare Gordon, Mitchell ahn Fiquaire Wi deh miks buot hier ahn dier Wid neks piipl far fram hier Jos h get likl striet hier Ahn h get di blak skin klier.

31

21

4

FUOT CHAPTA TINGS WEH WII GAT

KANTENT

1.Prity Gyal 2.Fi Wi Artis Dem 3.Mis Gal Gal 4.Di Blouin Huol 5.Di Guana 6.Sista Kraab Ahn Beda Guana 7.Rond Dong

WAN IINA KRIOL "Som pipl getaan laik hag, dem deh bak dem ahn dem stil de hala�

Wii kyaah taak bout San Andres bitout menshan di piipl dem, di prity gyal dem, di artis dem (Mis GAL GAL) far eksampl, som ah di plies dem weh di tuoris dem laik go (Bluoin huol), di tradishonal daans dem, di tipikal fuud ahn so, di koltyoral richis weh San Andres gat mek im wan a di bes ailant iina di karibian; mek wih kiip ď€ aidentity ahn no figat seh wehn piipl no gat wan aidentity dem no eksis.

34

FUOT CHAPTA - TINGS WEH WII GAT

Prity Gyal Unu tel mi huu di gyal Weh deh waak fahn lang deh so; How ihn prity ahn kyahn step Mii wi go weh paat ihn go.

Daak skin, brown ai , korly hier Prity gyal fahn pahn di Hil; Ah gwain kaal ihm, “gyal kom hier” Huol yo frak bikaaz ih tier.

Ent di gyal kom weh Ah deh Deh gi mi wan prity smail; Ah uda waah nuo weh  seh Ahn Ah get kanfyuz  a wail.

Ahn dih gyal gi mi wan kis Mii neva ekspek ih ataal; Dis dah wat ¡Wuooy! wat dah dis Mi stie stik’aan pahn di waal.

35

22

23

FUOT CHAPTA - TINGS WEH WII GAT

Fi Wih Artis Dem Unu memba di artis dem Orston, Bengreen ahn Bestan; Dih artis dem dah ď€ wi fren Ahn Horacio di myuuzik man.

Wen Mis Iris yuuz tuh pient Ahn Bengreen wid ihn gitaar; Orston kontry myuuzik sing Memba dem, dah wan gud ting.

Sandino ahn ihn mandolin Di man yuuztu plieh ahn sing; Pik di string ahn mek ih taak Now ihn deh hevn deh waak.

Dih artist dem fahn San Andres Wih hafy memba aal a dem; Dem gaan lef wih dem gaan res

36

FUOT CHAPTA - TINGS WEH WII GAT

Mis Galgal Mis Galgal dah wan uman Weh tiich pipl  daans, Shatiis, kalypso ahn polka Eny taim ihn gat di chaans.

Dat deh iina  wih blod Mis Galgal yuuztu seh, Wih ring plie ahn wi plat puol No mata weh paat wi deh.

Oh di muun shayn giem wi plie Iina yaad or pahn di bie, Tings wehn gud ahn tings wen nais Fi wi koltyo had a praiz.

37

24

25

FUOT CHAPTA - TINGS WEH WII GAT

Di Bluoin Huol Wii gat wan huol weh bluo Dehn kaal’ih bluoin huol, Ahn wen di briiz kayna strang Aal di waata sing wan sang.

Di tuoris dem laik di huol Wii ailandaz laik ih tu, Ahn somtaim wi go souten Paas som gud taim wid som fren.

Di tuoris dehn tek di fuoto Som a dem get deh pahn muoto, Ahn som get iina kyar Bikaaz di huol deh kayna faar.

Wi gat wan huol weh bluo Dehn kaal’ih bluoin huol, Ahn wih noh waahn non problem, Non prablem wid a suol.

38

FUOT CHAPTA - TINGS WEH WII GAT

Wan guana deh op pahn di trii Laik di guana waah kom dong Dah no wan, ih luk laik trii Wan gud pat  go rondong.

Koknat, kasada, swiit pitieta Ahn di owa  domplin; Wi gwain gat big rondong lieta Bring wan machet ahn wan string.

Di guana deh luk pan wi Ih luk laik ihn smel di rat; Mek di daag dehn fala wi Hont dem dong iina di pat.

Wen di daag dehn staat tu baak Di guana dem klaym haiya; Nait deh kom ih deh get daak Ahn wi don lait di faiya.

Dehn bwai getop pahn di trii

Di Guana

Bikaaz dehn wehn waahn rondong; Memba seh ihn luk laik trii Mek wi kech im ahn kom dong.

39

26

27

FUOT CHAPTA - TINGS WEH WII GAT

Sista Kraab Ahn Breda Guana

Sista Kraab ahn Breda Guana tuu fren weh liv Sprat Bait dem miit dah Pinky Kaana wan ivning bifuor nait.

How yo deh mi Breda Gwana?

Jos tel mi, how yo deh Ah kom dah Pinky Kaana Kom sih wat yo gwain seh.

Ahn mekah Ah tel yo somting bikaaz Ah waant yo nuo, Ah laas tuu a mi pin pin ahn mash aaf mi big tuo.

Fi tel yo Sista Kraab mii jomp aafa wan big trii Ahn Ah neva si di daag Weh deh lang deh dag mi.

Man Ah wehn fraitn tu det Ahn Ah ron lef mi sheda jos luk how Ah kom deh swet bot wi stil siev tugeda.

Ih haad ď€ kraas di ruod plenty muoto kyar ahn bos bot stil wid dis big luod Stil wid aal dat Ah get fos.

40

FUOT CHAPTA - TINGS WEH WII GAT

Tel mi huu gwain kuk di pat Huu gwain grieta di koknat; Ahn yo hafy skuyz di trash Fish ahn kongs wi hafy wash.

Wash ih, wash ih, plenty laim Nombady no  go haid; Go put’aan di faya said, Unu stap waak op ahn dong Put’aan di pat a rondong.

Rondong

Wen di pat hat  ah wail Dehn di koknat milk staat bail; Put di kongs ahn di bredkain Ahn di res a tings in taim.

Memba put di sh  laas Dehn rait afta, di domplin; Di rondong wid plenty saas Shuor ih gwain ties a somting.

41

28

WAN MUO IINA KRIOL Enybady weh hiet dem langwij no gat non aidentity ahn huu noh gat non aidentity no ekzis.

42

Dih Kriol Man

ADEL CHRISTOPHER LIVINGSTON (Poet, raita)

Baan di 29 a August 1962 in San Andres ailant. Ihn stody praimary dah di Antonio Nariño skuul ahn bachier Industrial, baylingualism Infotep ahn Beysik ediukieshan wid di Francisco de Paula Santander yunivorsity. Matematik tiicha weh staat out Central Baptist, Bolivariano, Industrial, Rancho, Pinar de Canadá C/gena, First Baptist School ahn a Kriol tiicha Infotep; ihn laik rait fahn ihn smaal ahn ihn don poblish dih buuk "IDIOMAS DE MI TIERRA" iina Spanish, Inglish ahn Kriol.